"إهداء
الى زوجى الحبيب ،الجندى المجهول وراء ستار موهبتى
والى كل من ساندنى الى ان اصل لهذا المستوى
واليكم قرااائى الغاليين
حقآ لكم منى جزيل الشكر
/نورإسماعيل"
(ملحوظة وجود شخصيات مشتركة من رواية قصاقيص ورق دون التشابه فالاحداث)
ح(١)
~~~~~~~~~~~
_فيه واحدة صاحبتى قالتلى فمرة فالوداع لازم يحصل حاجه حلوة عشان كل مرة نفتكره
نفرح منزعلش!
لالالالا مش هنبتدى الحكاية من اليوم ده
~~~~~~~~~~
طبعآ الكل مجتمع والكل حاضر ، وبصفتى القانونية اقدر دلوقتى بس افتح ال.....
ممممم ..لالالا ولا كمان اليوم ده الى هنبتدى منه الحكاية ، الحكاية هنحكيها من قبل اليوم ده
بسنة وشوية ايام وشهور
عشان الصورة تبقى مكتمله.
~~~~~~~~~~~~~~~~~~~~~~~~~~~~~~~~~~
وقفت قدام مرايتها تبص ع شكلها النهائى ، الفستان
الشوز
حتى تسريحة شعرها ...
بالرغم من ان "سارة " بنوتة من قلب الصعيد، لكن بسبب الظروف الى اتحطت فيها
هى ومامتها
وقرروا بعدها انهم يعيشو فالقاهرة
قررت سارة انها تخرج عن كل ماهو فرض عليها حتى لو كان غلط..زى الحجاب مثلا
وعشان هى دلوعة ماما ، مقدرتش تزعلها فالقرار ده وسابتها براحتها.
صوت جاى من برة اوضتها بزعيق وتقريبا جملة حفظتها سارة دايما تتقال فالمشاوير المشتركة معاها مامتها فيها
الام: يلا ياسارة اتأخرنا، كده خالتك هتزعل هنروح ع دخولهم القاعه
سارة : (بتظبط اخر تظابيط) حاااااااضر يا ديحة خلصت والله فاضل اخر حاجه
فتحت النوت بوك الى مش بتفارقها وكتبت " كفاية عليك تشوفنى انهاردة مبسوطة ففرحك
يابن امك"
~~~~~~~~~~~~~~~~~~~~~~~~~~
عيونه الزرقه الى بلون البحر بتبص بصة ترقب ع شئ متبادل منتظر حدوثه، وها قد حانت اللحظة
وصرخه نصر !
سيف: مش بقولك يابنى اللعبة دى للكبار
هانى : كبار ايه بس ده سكواش عادى هو انتى غلبتنى فكاس العالم
سيف:(بينشف عرقه وبيشرب ميه ) اكتر من كاس العالم كفاية انك بتلعب معايا (بيقولها بتكبر)
هانى : ممممممممممم طيب يلا نشوف هناكل ايه عشان انا موتت من الجوع
سيف:لا روح انت ،انا هروح اضرب نار شوية
هانى :(بتريقة) اضرب نار شوية!! كأنك مثلا بتقول هروح اطقطق صوابعى
ههههههههههههههه
سيف: لو بتعرف تضيع وقت فحاحه مفيدة ليك اكتر من الهزار الكتير عمال ع بطال كده
صدقنى هيفرق معاك ( سابه ومشى )
هانى: عليا النعمة الواد ده كان مخلوق من غير بق ، عشان ربنا مش كاتبله يضحك ابدا
ياساااااااتر
~~~~~~~~~~~~~~~~~~~~~~~~~~~
"سورى يا دكتور ،ممكن ادخل "
الدكتور: جاية متأخره عن المحاضرة ليه ؟
سارة: اسفه والله لسه جاية من السفر
الدكتور:ادخلى ومتتأخريش تانى ...اتفضلى
فالمدرج قعدت ،بس مش اتنبهت مع المحاضرة دقيقة بسبب "جهاد"
جهاد:جيتى يا قاطعه ،مش حمدلله عالسلامة يا زفته
سارة: هههههههه جوجو الله يسلمك ياحياتى
جهاد:حية لما تبلعك بلع ، عايزة تفهمينى انك دلوك ع كده لسه جاية من اسيوط يا كدابة
سارة:لأ والله جينا الفجر وراحت عليا نومه، قايمة والله مكسرة ومش مكمله نوم
جهاد: وجيتى ليه عايزينش نشوف وشك الفقرى
سارة: عشان بياخد غياب وحضور يافالحه، لكن انا مبطقش لا المحاضرة ولا المادة ولا الدكتور
جهاد: ممممم ربنا يسترها ع ولايانا
سارة طلعت فونها تقلب فيه
جهاد: ع تعملى ايه شالله جاكى الحزن الى تشيليه من بدرى ،النبي كرهتك ياسارة الكلب
سارة: ايه يا جهاد متعليش صوتك ، بقرا رواية
جهاد:رواية فالمحاضرة ! عيشنا وشوفنا والله ، ودى رواية ايه دى يا ست نجيب محفوظ
سارة: فقلبي انثى عبرية ،بدأتها فالقطر ومشدودة ليها بشكل فظيع
جهاد: طيب خدى بالك لحسن الدكتور ياخد باله وبدل فقلبي انثى عبرية تبقى خارج المدرج مرمية !!!
الدكتور اخد باله من النم بتاعهم لبعض وفجأة نده ع سارة ...
الدكتور: انتى يالى لسه داخله ، كنت بقول ايه ؟
سارة : ها !(مخضوضه)
اسفه كان الصوت مش واصلنى
الدكتور: لا واصلك يلا اتفضلى اطلعى برة وابقى امسكى الموبايل كويس فمحاضراتى
سارة: يا دكتور انا كنت بعمله سايلنت
الدكتور:سايلنت ولا بتدى رنة لحبيب القلب، م انتو جيل بايظ
جهاد: حبيب القلب ايه دى كانت بتقرا فقلبي معزة هندية باين.
الطلاب:ههههههههههههههه ههههههههههههههه
الدكتور: وانتى كمان معاها برة مدام بقيتى محامى بتاعها
جهاد: مبسوطة يا فقر ادينا انطردنا من تحت راسك دم ياخدك انتى وراياتك
الدكتور: يلا برة خلصونى
جهاد: خارجين يابوى بالراحه علينا
~~~~~~````````~~~~~~|`````````~~~~~~~~~~~~`````````
بنت فالعشرينات ...قاعدة وحاطة رجل ع رجل فمكتب فخم الاثاث والمستوى
فمقابلة مع راجل كبير فالسن ويمكن معدى ال ٦٥
ريم: انا بجد محتاجه ال بوزيشن ده يا رفعت بيه عشان كده قولت اجى لحضرتك فالمعاد الى حددته عشان تعرف انى مصممة جدا
رفعت باشا: إتأكدى ان فاللحظة الى لجأتى ليا فيها عشان تحلى مشكله عندك هى نفسها اللحظة الى اتحلت فيها كل مشاكلك
ضحكت ريم ضحكة دلع متلقش بمكان شغل
ريم: اعتبر ده وعد يا رفعت باشا
رفعت: انا مبقولش كلمة الا واكون قدها ....
~~~~~~````````~~~~~~|`````````~~~~~~~~~~~~`````````
سندوتشات وعصير ،وقاعدة فالكافية
جهاد: وكمان ليكى نفس تاكلى بعد الطرد يا مضروبه ، الله يرحم ايامك يافاطمة
سارة: ههههههه طيب ماهى فاطمة كانت برضو بتطرد يا جهاد فكيها بقى
جهاد: كانت بتطرد عشان نايمة فالمحاضرة لشئ شريف مش مطلعالى رواية وسهوكه وكهن بنات فاضى
سارة: حلوة شئ شريف دى ، استنى بقى خلينى احكيلك عملت ايه ففرح ابن خالتى
بصى ياستى لبست الفستان الى هو
وحطيت مكياج وكنت قمر
جهاد: قمر ايه بس ده بوزك يقطع الخميرة من البيت يابت
سارة: يارب تموتى ياجهاد، ع فكرة الحال من بعضه انتى كمان والله شبه قعر الحلة
جهاد: قعر الحلة ومعترفه انى وحشة ياعم، مش شكل القرد المولود وشايفه روحى
اومال لو كنتى حلوة شوية كنتى خربتيها صح
سارة: هيهيهيهي رخمه اوى ،عالعموم مش هرد عليكى المهم كويت شعرى فالكوافير وروحت الفرح
وادتها رقص ومسكت العروسة رقصتها معايا وقومته من الكوشه ورقصته معاها
وكان ولا هاممنى
جهاد: مانتى بت متربتيش اصلا عشان تترقصى قدام الناس وتتشخلعى ، خلاص فجرتى
امك جابتك مصر خلعتى التحجيبه وفلت عيارك يابت الواطى
سارة: جهاد بقولك ايه متشتميش بابا
جهاد: طب كملى يا ثريا كملى
سارة: يووووه وايه الى جاب ثريا دلوقت ، مبحبش الاسم ده
جهاد: خلاص اسفين ياعمتى ،كملى بعد قلبتى لرقاصه فالفرح حصل ايه
طلق العروسة وكتب عليكى ولا ايه
سارة: ههههههه هو انا هستناه ، انا معايا احسن راجل فالدنيا مش فاضل غير ابن امه كمان
جهاد: اااه احسن راجل ...(صحكة سخريه) هاهاهاها ده بيعمل سندوتشات مية ساقعه من الجوع المعفن البخيل الجلدة
والله اختياراتك فالرجاله كل مرة بتبهرنى
سارة: حرام عليكى يا جهاد دايما ظلماهم كده ، طب ماله هشام بقى ايه العيب الى فيه ؟
جهاد: (بسخريه) ايوة حرام مظلومين ياعينى ، بتسألى ايه العيب الى فيه ؟
لأ عدلى السؤال قولى ده موجود فالدنيا يعمل ايه
مكالمات يديكى رنة معفنه وانتى تتصلى، نص قمصانه وبنطلوناته شبه انتى جايباهم له مرة فعيد الحب وعيد ميلاده وعيد الام وعيد القوات المسلحه وعيد الايام السودا
الا م مرة عزمك ع سندوتش كلاب ياشيخه وانتى الى ع طول تبعتيله اكله بلا نيله
وهما بيتكلموا هشان ادى ل سارة ميسد وقفل
سارة : اهو جه عالسيرة ياختى ،(بتتصل بيه) الو يا هشام تعالى انا فكافيتريا اداب
جه هشام للبنات
هشام: اطلبي اى حاجة ياسارة والنبي جعان من الصبح ع بلحه لاقتها واقعه فمدخل الجامعه
سارة عملت ايموشن استغراب بوشها لكن جهاد اتفتحت ومحدش عارف يقفلها !
جهاد: اقولك يا سارة قايمة انا قبل م يشيلولى المرارة ، بقى انت ع بلحاية لقيتها فمدخل الجامعه
شالله ربنا يرزقك بالشلل بدرى ايا العفن الى انت فيه دى ، مش هتبطل ياض امور الحلاقين دى
مش هاين عليك تجيبلك سندوتش ب٤جنيه يالهووووى
هشام: احترمى نفسك واعرفى انك بتكلمى معيد يعنى دكتور
جهاد: معيد ايه جاتك وكسه، بجزمتك الفقرية الى نص صباعك طالع منها
نفسي اعرف عاجبها فيك ايه وبعديها اموت
هشام: وبعدين ياسارة
سارة:ياجوجو خلاص مش كده
جهاد: لا جوجو ولا قطران ع راسك وراسه، انا ماشية
مشيت جهاد وهى بتلعن فيهم الاتنين وانفرد هشام بالسندوتشات ونزل عليهم زى المسعور
~~~~~~````````~~~~~~|`````````~~~~~~~~~~~~`````````
من غير اى استئذان ، دخل سيف مرة واحدة ع مكتب باباه فالشركة وهو كله غيظ...
سيف:اظن مكانش فيه اى لزمه لوجود الانسه ريم فالسكرتارية ، فيها موظفين كفاية ومافيش اى داعى لوجودها
رفعت باشا:(بيلف ببطئ مستفز بكرسي مكتبه) دى شركتى وانا حر ، اقول مين يقعد
ومين يمشي
مين يشتغل ومين يغور من وشى
عشان فالنهاية انت ...وكل الى شغالين هنا بتستنوا القطارة الى بقطرها فبقكم بالالآفات كل شهر
سيف: (هز راسه بسخريه) وطبعا المادموازيل عجبتك جيبتها القصيرة وروجها الاحمر ف دلدلت لسانك عليها مش كده
رفعت: ولد!(خبط ايده المكتب بحده)
سيف: اوك انا هسكت لان كلامى بيضايقك، بس حابب افكرك
ياريت ميتعداش الاعجاب ...لانى مش هستحمل وجود نزوات فحياتك بينتج عنهم اخوات غير شرعيين معرفهمش تانى
او انت شاكك فنسبهم .
خرج سيف وقفل الباب بحدة وراه فالوقت الى كان فعلا خرج باباه عن شعوره وحس بخنقه خلته ياخد ادويته المهدئه.
~~~~~~````````~~~~~~|`````````~~~~~~~~~~~~`````````
" متناميش يا سارة بعملك السندوتشات الى بتحبيها "
سارة: لا مش هنام يا مديحة صاحية بكمل الرواية
الام:(جاية ومعاها السندوتشات) رواية ايه بقى يا سوسكا؟
سارة:(مندمجه فالقرايه) مممممم بقلبي انثى عبريه
الام :حلوة الرواية دى
سارة : اوى لما اخلصها هحكيهالك
الام: ع فكرة انا بكرة هبات فالمستشفى عندى وردية
سارة:مممم يبقى بكرة ليلة وحشة اوى بقى ومفيهاش مديحة، ابقى اجيب البت جهاد تبات معايا وارحمها من السكن شوية واهو تونسنى
الام: جهاد من صغرها دمها خفيف
سارة : اسكتى يامامافصلتنى ضحك انهاردة ع هشام ،اتريقت عليه فوشه تريقه يخربيتها
وهو يقولى بصى ياسارة
خليها تبطل
وانا مش عارفه اتكلم من الضحك
فظيعه
الام: انتى لسه بتشوفى هشام ياسارة خليكى فمذاكرتك والحجات دى خليها بعدين
خليكى تاخدى الليسانس بقى
سارة: ياماما الحب ماله ومال المذاكرة بس
الام: بصراحة بقى انا مش ببلع هشام ده ، وحاسة انه وهم وبكرة تفوقى منه ومش حب ولا حاجة
سارة: جهاد بتقعد تقولى زيك كده ، لدرجة انها من كتر غيظها منى ومن قصتى مع هشام قالتلى ياثريا شوفتى
الام:ههههههههههههههه عقدتك الاسم ده
سارة: يعنى يا ماما كان لازم تسمعى كلام بابا وتنفذى وصيته وتسمينى ع اسم تيتة
الام: وهو فى حد بيقولك يا ثريا ، كل الناس عارفينك ب سارة
الاسم الى انا حلمت بيه
وبعدين باباكى الله يرحمه كان روحه فجدتك وسماكى من وانتى فبطنى من قبل من يشوفك ،الله يرحمهم الاتنين
سارة: (لاحظت لمعان دموع فعيون مامتها) طب يلا نقرالهم الفاتحه
بسم الله الرحمن الرحيم.....
~~~~~~````````~~~~~~|`````````~~~~~~~~~~~~`````````
سفرة طويلة عريضة عليها كل م لذ وطاب ،بس مفيش غير فرد واحد عليها ....كان بياكل من غير نفس بيعانى من وحدته كل يوم
بس بمكابرته مش بيقول
وفى دخول سيف من باب الفيلا ...
سيف:بنسوار (طالع ع فوق)
رفعت: بنسوار ياسيف، مش هتيجى نتعشى سوا
سيف:(بصرامه) لا ميرسي
رفعت: يعنى ايه ! كل يوم هتغدى واتعشى لوحدى حتى واحنا فشركة واحدة
سيف: والله مش مشكلتى ، مشكله حضرتك ياباشا
رفعت:لحد امتى هتعاملنى وكأنى سبب كل الاخطاء الى حصلت فحياتك والى انت عليه حاليا
سيف:انا مش حابب اتكلم ياباشا ، هطلع انام (طلع درجتين من السلم)
رفعت:استنى عندك ! انا ابوك يا ولد
حتى كلمة بابا بتكابر تقولها ، هتعرف امتى نتعامل سواأبن واب ؟!
سيف:(بمنتهى الجحود) انت صدقت التمثيليه الى احنا بنمثلها قصاد الناس واننا اب وابن مثاليين ومع بعض فالبيت والشركة
لا طبعا
احنا اتنين من الممثلين المرضى ...الى هييجى وقت وتقع الاقنعه وتتقفل الستاره ع كلمة نهاية سخيفه وخالية برضو من المشاعر
تصبح ع خير يا باشا!
~~~~~~````````~~~~~~|`````````~~~~~~~~~~~~`````````
ونكمل الحلقة الحاية
#نوستالچيا
#نورإسماعيل
