روايةツ
نوتيلآ ❥❥
الفصل (2
نشوى : ياماماااااااا !!!
قامت مامتها مفزوعه من نومها جريت عليها وع صوتها العالى الى قلقها .
الام : ايه ي نشوى ! ايه ي بنتى كل يوم كوابيس كوابيس فيه ايه
خدى اشربي ميه
نشوى بتحاول تاخد نفسها ...
الام : قولتلك تعالى نشوف دكتور كويس تتكلمى معاه ،معرفش انتى منشفه دماغك ليه
نشوى : ماما ...انا هبقى كويسة الدكاترة النفسانين دول الى بيروح عندهم بيتقال عليه مجنون
وانا مش مجنونة
الام: ومين قال كده ي بنتى ، يعنى عاجبك الى عاملاه فروحك ده
نشوى : عاملة ايه فنفسي يا ماما ، مانا كويسة اهو
الام : كويسة ايه ... كوابيس طول الليل وسكوت وعياط طول النهار
وطريقة لبسك دى
نشوى : ( بارتباك ) الله ! مالها طريقة لبسي ...كويسة يا ماما ومحترمه اومال عايزانى البس ايه
الام : يابنتى مش قصدى ، بس انتى مكتفه روحك بزيادة
معرفش مالك ي نشوى بس
نشوى : مفيش ياماما انا كويسة ومبسوطة كده ، انا اسفه انى صحيتك زى كل ليلة
يلا روحى لاوضتك نامى وانا هحاول انام
الام قامت مستعجبه ع بنتها والى بيحصلها ده والى عاملاه فنفسها ...لكن نشوى مجلهاش نوم
وده العادى تحاول تنام بالساعات فالسرير
ولما ييجى النوم تقطعه الكوابيس ...ومتعرفش تنام تانى !!
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
"الرخص للباشا لو سمحت !"
السواق: اتفضل
امين الشرطة بيشوفهم وبعد كده بيعديهم ... بنرجع ورا خطوتين بنلاقى سليم قاعد
وواحد من العساكر جايبله شاى وبيقدمه عالتربيزة الى قاعد عليها
سليم : ي امين ... عدى العربيات كلها ع طول ،الليلة هادية مفيش قلق ولا حاجه
امين الشرطة : اوامرك يا باشا
العسكرى : والله سيادتك لما بتكون فالكمين بيعدى سهل كده ومن غير لبش
سليم: (بيشرب الشاى )
العسكرى: متاخذنيش ياباشا ، حضرتك متجوز
سليم: لا لسه ياشحاته ، ايه جايبلى عروسه ؟
العسكرى : والله ياباشا ي سعدها الى تكون من نصيبك ، ربنا يبكرمك قريب يارب
سليم موبايله بيرن والعسكرى بيتكلم
سليم : ادهم باشا !! ازى معاليك
(ركز ) ملاكى الاسماعيليه !
اه
اه
تمام يا باشا ...تمام
مع السلامه
قفل الفون ..
سليم: ي امين ، دى كل العربيات م عدا الملاكى من هنا ورايح
امين الشرطة : تمام ي باشا
سليم : لسه بتقول الليلة معايا بتعدى من غير لبش ي شحاته ...بركاتك ( بسخريه)
العسكرى : ايه ياباشا فيه حاجه ؟
سليم: خيييير خيير (بيدفى بايده رجليه وهو بيمشيها عليها بحركة توترية )
عدت ساعة ونص وجت العربية الى وصلتله الاخبارية عنها
وقفها امين الشرطة
شابين وبنتين شكلهم ولاد ناس وصغيرين فالسن ، بيطلعوا الرخص
امين الشرطة : انزلوا هنفتش العربية
الشاب السايق: ليه م انت شوفت الرخص
امين الشرطة: انزلوا من غير دوشة
البنت الى ورا : انا مجبسة رجلى مش هعرف انزل
سامعهم سليم ، حط الكاب ع دماغه وقام ...
سليم : لا م احنا هننزلك واحدة واحدة متخافيش عالجبس
بنت قدام : هو فيه ايه حضرتك ؟
سليم : كل خير ي انسة (بيبص فالرخص) بطايقكم
الشاب الى ورا: كمان البطايق !
سليم: اه تصدق ...
الشاب الى قدام : يافندم رخصنا سليمة وكل حاجه فيه ايه
سليم : لا ماهو احنا متضايقين شوية قولنا نعمل حفلة تعارف عليكم شوية يعنى ، (بشخطه ) اخلصوا !
البطايق
وانزلوا عشان تتفتش العربية
وبالراحه ع ام جبس ...(بتريقه)
الشباب والبنات طلعوا البطايق وهما متضايقين ونزلوا من العربية وهما متضررين ...
سليم والى معاه بيفتسوا العربية
سليم : افتحلى الشنطة الى ورا
بيفتش ومفيش اى حاجه من الى اتقال لسليم عليها فالاخبارية ...سليم بطبعه ذكى وباله طويل
وده ساعده ف انه يترقى بسرعه ويحبوه كل رؤسائه
شاب منهم : هاه ي باشا نمشى ؟
سليم :(بيبصلهم كده وبيعمل بصباعه فشنبه ) لا لسه شوية
البنت المتجبسة : لسه ايه حضرتك انا مش قادرة اقف
سليم : (بتريقه) اقعدى ،هاتلها الكرسي ي شحاته
سليم امر بتفتشهم وتفتيش شنطهم ، وبرضو مفيش
لاحظ ان البنت المتجبسة متوترة ، وبتبص عالباقى
وهى بتطلع شنطتها تتفتش لاحظ انها اتحركت عادى وكأنها رجلها مش مكسورة ولا عليها كل الجبس ده
سليم : طيب اركنولى ع جنب ، وانتى تعالى
البنت : ( خافت) آجى ! آجى فين ... هاه
انتو متسيبونيش ( لاصحابها)
سليم : مالك خايفه ليه انتى مع الحكومة ، حد يبقى مع الحكومة ويخاف
البنت : حضرتك انا ماليش دعوة هما ...
قاطعتها البنت التانيه : ( اخرسي ي بسنت !)
سليم: خرستى بسنت ليه ! مش عايز اسمع صوت حد
هما الى ايه ي بسنت ؟
ابتدت تعيط
سليم هز راسه : اتصل بحد ييجى ينشر الجبس ده يابنى ، (بسخرية ) منورانا ي بسنت والله !
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
جريت الايام بسرعة وبداو الترم التانى ...
آسيا ووجدان ومريم فالجامعه ، وكل حد فمحاضرته
مريم : مواد الترم ده دمها تقيل شكلها كده ،مفيش ولا محاضرة تفتح النفس
وجدان : ( بتاكل سندوتش) يلا اهو اى حشو ، هنكتب اغانى ف اخر السنة وهينجحونا هيعملولنا ايه يعنى
مريم : بتاكلى ايه ي وجدان ؟
وجدان : معرفش سندوتش خدته من سمر وقولتلها ابقى اجيباك غيره هاهاهاها
مريم : هاهاها ي مفجوعه !
دخلوا الطلبة فالمدرج وقعدوا وبطلوا صوت وحركة
مريم : طب اخلصى شكل الدكتور جه
وجدان بتحط السندوتش كله مرة واحدة وشكلها يضحك ، دقايق ودخل ...
بشوزته الكاجوال
ولبسة المهندم
ونضارة النظر ع وشه
شعره الاسود المتسرح بعنايه
وشنطة صغيرة ف ايدة ...ووقف مكان شرح الاساتذه
وتنحت مريم !!!
مازن : السلام عليكم ...اخباركم ايه ؟
بعض طلاب الدفعه : تمام
مازن : راجعين من الاجازة جامدين ولا مخستعين
طلاب : يعنى ههههه
مازن : انا مازن ، معيدفالكلية هديكم اسكاشن لمادة الاختيارية مابين مبادئ ترميم اثار ومادة اثار اسلامية
هتاخدوا محاضرات معايا ومع دكتور محمود وفى ورق فالشئون هتملوه انتوا اختارتوا تكملوا انهى مادة وعلى اساسها هتحضروا المحاضرات
يلا نبدأ
مريم :(فسرها ) يالاااااااهوى ! ايه ده ي وجدان
وجدان : ايه
مريم : شوفتيه
وجدان : اه كائن عادى يعيش ويتعايش
مريم : كائن عادى ده كائن عادى ده ! بت ...احنا هنختار المادة دى وش
وجدان : هنختار المادة دى وش ايه ؟ ايه الاجرام ده افرض طلعت مادة زى الزفت
وكلبة وحمارة ومفهمناش حاجه
لا انا هحضر للاتنين والكويسة هختارها
مريم :(ضربتها بخفه) ضربة فعينك ! هتختارى دى معايا ورجلك فوق رقبتك ،اسم الله البت شاطرة اوى ودحيحه و قبلها عالمذاكرة والمواد !!
وجدان :(صوتها بان عالى شوية ) يا سلام ياختى !! اومال جاية اشم ورد هنا
مريم : انتى تخرسي وتسكتى وهتختارى دى مستحيل اسيب القمر ده والله اولع فيكى يا وجدان انتى فاهمة ..
صوتها بان فالاخر ..ولان الكل ساكت
مازن اخد باله
مازن : مين كان بيتكلم (نزل النضارة شوية وركز بايديه عالمكتب وهو واقف وشاور ع وجدان ) انتى مش كده
وجدان : لا حضرتك مش انا
مازن : (مبتسم ) الصوت واضح انه من عندك
وجدان : ان شالله اعدم ستى سمارى م انا
الطلاب : هههههههه
مازن :(ضحك ضحكة وقورة ) وفيها ايه لو قولتى انه انتى مش هعلقلك المشنقه يعنى
بس متتكلميش تانى بعد اذنك
وجدان : والله م انا ( بتبرطم ) ده مبيفهمش ولا ايه
قامت مريم
مريم : انا يا دكتور الى كنت بتكلم ...اسفه اخر مرة
مازن : ( ابتسم ) ولايهمك ... اقعدى انتى وزميلتك ...نرجع للشرح
خلصت المحاضرة ومريم مش سامعه ولا حرف غير انها متنحه فيه وبس ولا كتبت حاجه
ولا تابعت حاجه
اخد حاجته ومشى
مريم : اه ياقلبي ...اااه
وجدان : اه ي قلبي ع ايه ! اقسم بالله عامل زى العرايس الى بتتكسب فالحظوظ كل حاجه فيه مرسومة
بشعره الملزوق بتفافه ده
مريم (كانت سرحانه فاقت ع كلام وجدان وقرفت ) جاتك القرف الى يقرفك ، وانتى ايش فهمك ياتخلف
وجدان : طيب ي ست شادية انتى تفهمى اكتر منى ، المهم
هنعمل ايه دلوقت
لسه بدرى عالمحلضرة الجاية ...تعالى نروح ناكل فحتة ونرجع تانى
مريم (سرحانه وحاطه ايدها ع خدها) انا لاعارفه اقوم ولا اتحرك ولا اكل ولا اشرب
وجدان : ممممم طب خليكى عايشة انتى عالبناء الضوئى وانا هروح اكل سلام !
مريم سرحانه ومخدتش بالها ان وجدان فعلا مشيت وسابتها
بتبص ملاقتهاش
مريم : انتى بت !! خدى هنا خدك ربنا
استنى يا زفته
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
"آنسة تبارك ...آنسة تبارك "
تبارك بتلف تشوف مين بيناديها ، لاقته صلاح ...العريس الى جالها مرتين ورفضته
شاب ملتحى عنده محل بيع ادوات منزليه مش بعيد عن العمارة الى هى ساكنه فيها
بس تبارك مش بترتاحله ومتعرفش ليه
بس المساله مسأله تآلف ...وقفت تشوف فيه ايه
تبارك : افندم
صلاح : انتى لسه جاية من الملية مش كده ؟
تبارك : ايوة ..فى مشكله ؟
صلاح : لا ابدا ..انا بس كنت عايز اقولك لو احتاحتى حاجه قوليلى انا فخدمتك
تبارك : ( بضيق) شكرا يا استاذ صلاح عن اذنك ( ماشيه )
صلاح( وقفها بكلامه ) انا اسف لو بزعجك بس والله انا عايز اخدم
تبارك : حضرتك مينفعش وقفتى معاك دى فنص الشارع ، اظن ده وحش على سمعتى
صلاح : انا اسف انا قصدى خير والله
تبارك : حصل خير ،عن اذنك بقى
مشيت وهو بيبص عليها وبيتمتم فنفسه
صلاح : يارب حببها فيا يارب ..حببها حتى تبص فوشى
(اتنهد ) لا حول ولا قوة الا بالله
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
يارا : عريس ! بتقولى عريس يا يسرا ؟
يسرا : اه والله سمعت ماما وهى بتقول لبابا ان جايلك عريس
يارا ( فرحانه ) يااااه اخيرا ...اخيرا همشى من البيت ده
وهروح مكان هكون فيه لوحدى واعمل الى انا عاوزاه من غير ضرب وشخط ونطر وخوف
يسرا: بس انتى لسه فثانوية عامة ي يارا ...صغيرة اوى تتجوزى
يارا: ماما متحوزة قدى ي يسرا...وبعدين انا مش صغيرة انا عندى ١٨سنه
يسرا : بس حاسة ان بابا مش هيوافق لانه زعق وقالها قوليله يمشى من برة برة
يارا ( كشرت ) ايه ده لا بقى حرام
يسرا : وانتى زعلانه ليه ،هو انتى تعرفيه ولاعمرك شوفتيه
يارا: اى ان كان شكله ايه ، هيكون ارحملى من الى انا فيه هنا ده
احسن من الحصار ده
انا خلاص جبت اخرى
يسرا: طب بس وطى صوتك لحسن ماما تسمعك
دخلت مامتهم عليهم ...
الام : مش قاعدين ع مذاكرتكم ليه ؟ يلا يا يسرا هاتى كتاب الجغرافيا اسمعلك الى حفظناه
يارا : ماما هو بجد انا جالى عريس
الام :بنت ! اخرسي خالص ومسمعكيش بتتكلمى فكلام الكبار ده تانى انتى فاهمة
يارا : بس انا مش صغيرة ياماما وده عريس ليا يعنى موضوعى انا
الام : قولت تتكتمى ومسمعش نفس ، مش ناقص غير المفاعيص يتكلموا فالجواز وقلة الادب والمسخره
يلا انتى كمان حصلينى ع برة
يسرا اختها خارجه : قولتلك وطى صوتك تروحى تقوليلها ...انتى غبية اوى
يارا بتقعد عالسرير بيأس وهى متضايقه
يارا : امتى ارتاح من البيت ده !!!
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
انس وصاحبه طالعين ع شقة انس وبيضحكوا يهزروا سوا
انس : استنى ده انا هعملك فيه مقلب ابن لذبين طلع من ودانه ان شاء الله
وهما بيعدوا السلالم الاولى وداخلين المدخل ...جريت سعدية بنت البواب وحطت قماشة كبيرة رمتها عند رجليهم ..وقرصت ع سنانها وزمجرت
سعدية شكلا تخوف ، شعر منكوش طول الوقت ومنفوش حوالين وشها زى الاسد ، هدومهاستايل جلاليب قديمة
سمرا اوى وسنانها طويلة
ع طول مكشرة وساخطة ع اى حاجه
لكن من جواها قلبها ابيض وغلبانه وتفرح بالمعاملة الحلوة
اتخبطت الخيشة تحت رجليهم عملت صوت !
انس : سعدية طلعت ...خدلك ساتر
سعدية : امسح رجليك يا استاذ انس انت وصحابك انا ماسحه السلالم
انس : ( بيلاعبها ف وشها ) يوغتى كمالو ياتى ياتى حاضر ياسوسو
امسح رجلك ياض
وامسح وسك وشعر دقنك كمان
اهو مبسوطة ياستى
سعدية : ايوة كده ...
صاحب انس : دى بنت البواب ولا انتو الى بوابين عندها
انس: بينى وبينك ...انا خايف تكون مخبر مدسوس علينا فصورة تعلب
صاحب : هاه !!
انس : متشغلش بالك يلا بينا ...
طلعوا فوق بيفتح الباب وبيقعد صاحبه فالصالون ،
انس: ياخالتو ...يامريم !
دخل لاوضة مريم لاقاها قاعدة مع آسيا بيتكلموا
انس: مريم ..اعملى مشروب بسرعه قدميه جوه ، هغير ونازل الكافيه
مريم : وانت ايه الى جابك من الكافيه اصلا دلوقت
انس: واحد من صحابي بيهزر هزار سخيف دلق عليا البوريو ...حيت اغير
بسرعه بس عشان نازل
مريم : ماشى
قفل الباب ورجعت لكلامها مع اسيا
اسيا: يعنى برضو مش فاهمة انتى ايه الى مضايقك ؟
مريم : ي اسيا بقالى شهر ونص رايحه جاية ع مكتبه ،اتلكك بحاجه مش فاهماها يشرحهالى
اعمل نفسي بساله على مواعيد السكاشن
اسال ف اى حاجه هبلة
وهو بيعاملنى زيي زى كل الطلاب لما هطق ! مش واخد باله منى خالص
آسيا: ممممم طب يا مريومه متحطيهوش فدماغك اوى كده ممكن يكون اعجاب عادى منك ب دكتور ليكى وهيروح ...متكبريش الموضوع
مريم : ي اسيا افهمينى ،انابجد اتاكدت انى اكتر من معجبه بيه
اما بعرف مواعيد سكاشنه مبنامش قبلها بليله
بس المحه قلبي يدق بسرعه اوى
اول م اشوفه كلى يرتعش
متقوليلش عادى
اسيا : ( اتنهدت ) طيب اهدى بس ...انا بحاول افكر معاكى اهو
يعنى انتى دلوقتى عايزة ايه ؟
مريم : عايزاه يحس بيا
اسيا: وبعد م يحس بيكى ؟
مريم : معرفش يحس بس بيا الاول وبعدها يحلها ربنا ... بجد انتى مش فاهمة هموووت علشانه
اسيا : ياخبر ابيض ! هى وصلت للموت
لا مش للدرجة دى
طيب خلينا نفكر ....
قامت اسيا تروح وتيجى فالاوضة ومريم بصالها ومركزة معاها ....
اسيا : بس لاقيتها ! اما طقت فبالى حتة فكرة
مريم : ايه هى قولى بسرعة
دخل انس : شكرا عالمشروب ي مريم
مريم : يالاهوى معلش نسيت هعملهوله بسرعه
انس : تعملى ايه انا نازل ... انتى مش الحجه اثينا دى معاكى وشغالين لوكلوك ع خلق الله هتقومى فيومك
شكرا ياختى ...شكرا يابنت ابويا وامى
اسيا (راحت تخرجه وتزق الباب) خلاااص ي انس مش سيرة هى زوق من هنا يلا
خرج انس ...
مريم : ها قولى
اسيا : هقولك ...
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
وقدام اللاب توب كانت قاعدة آسيا عالفيس .. وبتقرا مسج غريبة للمرة الرابعه وساندة راسها ع ايديها وبتهرش فشعرها
لمى جايبه لب وسودانى ورايحه تقعد جمبها ...
لمى : اسيا ،هبقى اخد الجاكيت الجينز بتاعك بكرة ماشى
آسيا : ممم ماشى
لمى : والانسيال عشان البسه فرجلى تمام
آسيا : خدى الى تاخديه يا زفته مش ناقصاكى
لمى : مالك يا حوبي ايه الى معكر مزاجك
آسيا : مسج من واحد المرة التالته الى يبعتلى فيها
لمى : مالها يعنى
آسيا : معرفوش ... ولا عندى فالفريند
باعتلى بيقولى ياستى مرة بيوصفلى شكل اوضتى وانه بيشوفها كل ليلة وواصفها حته حته
قولت ده معتوه او ممكن يكون حد من زمايلى وبيستظرف عليا ب اكونت معرفوش
لمى : طب كويس
آسيا : كويس ايه ؟ بعتلى تانى من كام يوم بيقولى ع حجات انا بحبها وحجات انا بكرهها
عديتها وقولت ممكن يكون حد يعرفنى من قريب وبيشتغلنى من البنات ب اكونت وهمى
لمى : مممم وبعدق
آسيا: جاى انهاردة باعتلى ، بيقولى اسم باباكى ليه دفنتيه مع كل حاجه راحت واتسميتوا ب اسم جوز مامتك !
محدش يعرف الحكاية دى غيرى انا وانتى وماما بس !!!!
لمى : اشطا يبقى انا الى بشتغلك
آسيا : يا كلب البحر انتى انا بتكلم جد ، مين ده
الموضوع بدا يقلقنى ويوترنى
لمى :ولا يقلق ولا يوتر ولا اى حاجه ، خدى وادى معاه وهاتى اخره
اسيا: مش هعرف اعمل كده
لمى : ليه ي اسيا هيعضك ! عادى يابنتى فيه ايه
اسيا قفلت شاسة اللاب بضيق ...
لمى : هههههه هبلة والمصحف ...
وبعدها بكام يوم كانوا خارجين مريم ووجدان وتبارك ولمى واسيا من السينما
بعد عرض فيلم اجنبي كانوامستنين ينزل ...
وجدان : يعنى آسيا ياعينى مغلبها الرجل الخفى الى مش عارفينه ده الى شغال يوصف اوضتها واكسسوراتها والصابونة الى فالحمام ولون سيراميك المطبخ
والست مريم دايبه لشوشتها فالمعيد الحج مازن ابو العلا
والاخت تبارك قرفت وزهقت من عريس الغبرة الى ميعرفش غير طريق بيتهم زى القرش المسح
كل م يترفض ييجى الاستاذ صلاح مونامور
وطبعا الكونتيسة لمى دى مش سايبه حد فخلق الله بدقن وشنب
لمى : هههههه بدقن بس بكره الشنبات
وجدان : وانا الى يا حسرة لا عندى حد يلاحقنى ويوصفلى طرحة جدتى سمارى حتى ولا انا بلاحق حد لاسمح الله
ولا بيجيلى عريس تنح وابن غتيته
انا لوحدى كائن سعيد ههههه
لمى : يا ويجا ! عليا انا برضو
ده انت ساهى وداهى يا واااااد
وجدان : (اتوترت ) قصدك ايه يا لمى بطلى هزارك البايخ ده
لمى : مقصدش خلاص هههههههه
تبارك : محدش والنبي يجيب سيرة التقله الى اسمه صلاح ده ، جسمى بيتلبش منه
بحس انه بييجى عالسيرة
مريم : طب م تجربي تعرفيه انا حاسه انه بيحبك اوى
اسيا: وطالما جه كذا مرة ليكى وانتى رافضة يبقى شارى يابنتى
لمى : اه وهو شبهكم كده بتاع قال الله وقال الرسول
وجدان : وطبعا ميعحبكيش بتاع قال الله وقال الرسول انتى يا انسة لمى ،انتى يعجبك الى يمسك طبلة وزمارة ويسرح بيكى فالموالد
وهما بيتكلموا سمعوا صريخ ست على ابنها تايه مش لاقياه ،انتبهوا كلهم معاها وابتدوا يبصوا ع صريخها وعياطها وانهياراها
ووسط الانشغال واللنة والزحمة الى الناس حاوطت بيها الست دى ، عدت عربية ملاكى عالية وهى ماشية حد مد ايده حطت منديل ع وش تبارك وشالها ودخلها العربية من وسطهم فلمح البصر !!
ثوانى العربية اختفت ،الولد رجع لامه وانفضت اللمة كانها مقصودة
فدقيقة تبارك مبقتش وسطهم بيبصوا جنبهم ملاقوهاش
مريم : تبارك فين ؟
وجدان : ايه ده راحت فين ؟
اسبا: يانهار اسود تبارك !!!!
لمى باعلى صوت عندها : تبااااااااااارك !!!!
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
استنونا يوم الاحد ان شاء الله
الفصل الثالث
لايك ورايكم يهمنى
#نوتيلا
#لنورإسماعيل
نوتيلآ ❥❥
الفصل (2
نشوى : ياماماااااااا !!!
قامت مامتها مفزوعه من نومها جريت عليها وع صوتها العالى الى قلقها .
الام : ايه ي نشوى ! ايه ي بنتى كل يوم كوابيس كوابيس فيه ايه
خدى اشربي ميه
نشوى بتحاول تاخد نفسها ...
الام : قولتلك تعالى نشوف دكتور كويس تتكلمى معاه ،معرفش انتى منشفه دماغك ليه
نشوى : ماما ...انا هبقى كويسة الدكاترة النفسانين دول الى بيروح عندهم بيتقال عليه مجنون
وانا مش مجنونة
الام: ومين قال كده ي بنتى ، يعنى عاجبك الى عاملاه فروحك ده
نشوى : عاملة ايه فنفسي يا ماما ، مانا كويسة اهو
الام : كويسة ايه ... كوابيس طول الليل وسكوت وعياط طول النهار
وطريقة لبسك دى
نشوى : ( بارتباك ) الله ! مالها طريقة لبسي ...كويسة يا ماما ومحترمه اومال عايزانى البس ايه
الام : يابنتى مش قصدى ، بس انتى مكتفه روحك بزيادة
معرفش مالك ي نشوى بس
نشوى : مفيش ياماما انا كويسة ومبسوطة كده ، انا اسفه انى صحيتك زى كل ليلة
يلا روحى لاوضتك نامى وانا هحاول انام
الام قامت مستعجبه ع بنتها والى بيحصلها ده والى عاملاه فنفسها ...لكن نشوى مجلهاش نوم
وده العادى تحاول تنام بالساعات فالسرير
ولما ييجى النوم تقطعه الكوابيس ...ومتعرفش تنام تانى !!
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
"الرخص للباشا لو سمحت !"
السواق: اتفضل
امين الشرطة بيشوفهم وبعد كده بيعديهم ... بنرجع ورا خطوتين بنلاقى سليم قاعد
وواحد من العساكر جايبله شاى وبيقدمه عالتربيزة الى قاعد عليها
سليم : ي امين ... عدى العربيات كلها ع طول ،الليلة هادية مفيش قلق ولا حاجه
امين الشرطة : اوامرك يا باشا
العسكرى : والله سيادتك لما بتكون فالكمين بيعدى سهل كده ومن غير لبش
سليم: (بيشرب الشاى )
العسكرى: متاخذنيش ياباشا ، حضرتك متجوز
سليم: لا لسه ياشحاته ، ايه جايبلى عروسه ؟
العسكرى : والله ياباشا ي سعدها الى تكون من نصيبك ، ربنا يبكرمك قريب يارب
سليم موبايله بيرن والعسكرى بيتكلم
سليم : ادهم باشا !! ازى معاليك
(ركز ) ملاكى الاسماعيليه !
اه
اه
تمام يا باشا ...تمام
مع السلامه
قفل الفون ..
سليم: ي امين ، دى كل العربيات م عدا الملاكى من هنا ورايح
امين الشرطة : تمام ي باشا
سليم : لسه بتقول الليلة معايا بتعدى من غير لبش ي شحاته ...بركاتك ( بسخريه)
العسكرى : ايه ياباشا فيه حاجه ؟
سليم: خيييير خيير (بيدفى بايده رجليه وهو بيمشيها عليها بحركة توترية )
عدت ساعة ونص وجت العربية الى وصلتله الاخبارية عنها
وقفها امين الشرطة
شابين وبنتين شكلهم ولاد ناس وصغيرين فالسن ، بيطلعوا الرخص
امين الشرطة : انزلوا هنفتش العربية
الشاب السايق: ليه م انت شوفت الرخص
امين الشرطة: انزلوا من غير دوشة
البنت الى ورا : انا مجبسة رجلى مش هعرف انزل
سامعهم سليم ، حط الكاب ع دماغه وقام ...
سليم : لا م احنا هننزلك واحدة واحدة متخافيش عالجبس
بنت قدام : هو فيه ايه حضرتك ؟
سليم : كل خير ي انسة (بيبص فالرخص) بطايقكم
الشاب الى ورا: كمان البطايق !
سليم: اه تصدق ...
الشاب الى قدام : يافندم رخصنا سليمة وكل حاجه فيه ايه
سليم : لا ماهو احنا متضايقين شوية قولنا نعمل حفلة تعارف عليكم شوية يعنى ، (بشخطه ) اخلصوا !
البطايق
وانزلوا عشان تتفتش العربية
وبالراحه ع ام جبس ...(بتريقه)
الشباب والبنات طلعوا البطايق وهما متضايقين ونزلوا من العربية وهما متضررين ...
سليم والى معاه بيفتسوا العربية
سليم : افتحلى الشنطة الى ورا
بيفتش ومفيش اى حاجه من الى اتقال لسليم عليها فالاخبارية ...سليم بطبعه ذكى وباله طويل
وده ساعده ف انه يترقى بسرعه ويحبوه كل رؤسائه
شاب منهم : هاه ي باشا نمشى ؟
سليم :(بيبصلهم كده وبيعمل بصباعه فشنبه ) لا لسه شوية
البنت المتجبسة : لسه ايه حضرتك انا مش قادرة اقف
سليم : (بتريقه) اقعدى ،هاتلها الكرسي ي شحاته
سليم امر بتفتشهم وتفتيش شنطهم ، وبرضو مفيش
لاحظ ان البنت المتجبسة متوترة ، وبتبص عالباقى
وهى بتطلع شنطتها تتفتش لاحظ انها اتحركت عادى وكأنها رجلها مش مكسورة ولا عليها كل الجبس ده
سليم : طيب اركنولى ع جنب ، وانتى تعالى
البنت : ( خافت) آجى ! آجى فين ... هاه
انتو متسيبونيش ( لاصحابها)
سليم : مالك خايفه ليه انتى مع الحكومة ، حد يبقى مع الحكومة ويخاف
البنت : حضرتك انا ماليش دعوة هما ...
قاطعتها البنت التانيه : ( اخرسي ي بسنت !)
سليم: خرستى بسنت ليه ! مش عايز اسمع صوت حد
هما الى ايه ي بسنت ؟
ابتدت تعيط
سليم هز راسه : اتصل بحد ييجى ينشر الجبس ده يابنى ، (بسخرية ) منورانا ي بسنت والله !
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
جريت الايام بسرعة وبداو الترم التانى ...
آسيا ووجدان ومريم فالجامعه ، وكل حد فمحاضرته
مريم : مواد الترم ده دمها تقيل شكلها كده ،مفيش ولا محاضرة تفتح النفس
وجدان : ( بتاكل سندوتش) يلا اهو اى حشو ، هنكتب اغانى ف اخر السنة وهينجحونا هيعملولنا ايه يعنى
مريم : بتاكلى ايه ي وجدان ؟
وجدان : معرفش سندوتش خدته من سمر وقولتلها ابقى اجيباك غيره هاهاهاها
مريم : هاهاها ي مفجوعه !
دخلوا الطلبة فالمدرج وقعدوا وبطلوا صوت وحركة
مريم : طب اخلصى شكل الدكتور جه
وجدان بتحط السندوتش كله مرة واحدة وشكلها يضحك ، دقايق ودخل ...
بشوزته الكاجوال
ولبسة المهندم
ونضارة النظر ع وشه
شعره الاسود المتسرح بعنايه
وشنطة صغيرة ف ايدة ...ووقف مكان شرح الاساتذه
وتنحت مريم !!!
مازن : السلام عليكم ...اخباركم ايه ؟
بعض طلاب الدفعه : تمام
مازن : راجعين من الاجازة جامدين ولا مخستعين
طلاب : يعنى ههههه
مازن : انا مازن ، معيدفالكلية هديكم اسكاشن لمادة الاختيارية مابين مبادئ ترميم اثار ومادة اثار اسلامية
هتاخدوا محاضرات معايا ومع دكتور محمود وفى ورق فالشئون هتملوه انتوا اختارتوا تكملوا انهى مادة وعلى اساسها هتحضروا المحاضرات
يلا نبدأ
مريم :(فسرها ) يالاااااااهوى ! ايه ده ي وجدان
وجدان : ايه
مريم : شوفتيه
وجدان : اه كائن عادى يعيش ويتعايش
مريم : كائن عادى ده كائن عادى ده ! بت ...احنا هنختار المادة دى وش
وجدان : هنختار المادة دى وش ايه ؟ ايه الاجرام ده افرض طلعت مادة زى الزفت
وكلبة وحمارة ومفهمناش حاجه
لا انا هحضر للاتنين والكويسة هختارها
مريم :(ضربتها بخفه) ضربة فعينك ! هتختارى دى معايا ورجلك فوق رقبتك ،اسم الله البت شاطرة اوى ودحيحه و قبلها عالمذاكرة والمواد !!
وجدان :(صوتها بان عالى شوية ) يا سلام ياختى !! اومال جاية اشم ورد هنا
مريم : انتى تخرسي وتسكتى وهتختارى دى مستحيل اسيب القمر ده والله اولع فيكى يا وجدان انتى فاهمة ..
صوتها بان فالاخر ..ولان الكل ساكت
مازن اخد باله
مازن : مين كان بيتكلم (نزل النضارة شوية وركز بايديه عالمكتب وهو واقف وشاور ع وجدان ) انتى مش كده
وجدان : لا حضرتك مش انا
مازن : (مبتسم ) الصوت واضح انه من عندك
وجدان : ان شالله اعدم ستى سمارى م انا
الطلاب : هههههههه
مازن :(ضحك ضحكة وقورة ) وفيها ايه لو قولتى انه انتى مش هعلقلك المشنقه يعنى
بس متتكلميش تانى بعد اذنك
وجدان : والله م انا ( بتبرطم ) ده مبيفهمش ولا ايه
قامت مريم
مريم : انا يا دكتور الى كنت بتكلم ...اسفه اخر مرة
مازن : ( ابتسم ) ولايهمك ... اقعدى انتى وزميلتك ...نرجع للشرح
خلصت المحاضرة ومريم مش سامعه ولا حرف غير انها متنحه فيه وبس ولا كتبت حاجه
ولا تابعت حاجه
اخد حاجته ومشى
مريم : اه ياقلبي ...اااه
وجدان : اه ي قلبي ع ايه ! اقسم بالله عامل زى العرايس الى بتتكسب فالحظوظ كل حاجه فيه مرسومة
بشعره الملزوق بتفافه ده
مريم (كانت سرحانه فاقت ع كلام وجدان وقرفت ) جاتك القرف الى يقرفك ، وانتى ايش فهمك ياتخلف
وجدان : طيب ي ست شادية انتى تفهمى اكتر منى ، المهم
هنعمل ايه دلوقت
لسه بدرى عالمحلضرة الجاية ...تعالى نروح ناكل فحتة ونرجع تانى
مريم (سرحانه وحاطه ايدها ع خدها) انا لاعارفه اقوم ولا اتحرك ولا اكل ولا اشرب
وجدان : ممممم طب خليكى عايشة انتى عالبناء الضوئى وانا هروح اكل سلام !
مريم سرحانه ومخدتش بالها ان وجدان فعلا مشيت وسابتها
بتبص ملاقتهاش
مريم : انتى بت !! خدى هنا خدك ربنا
استنى يا زفته
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
"آنسة تبارك ...آنسة تبارك "
تبارك بتلف تشوف مين بيناديها ، لاقته صلاح ...العريس الى جالها مرتين ورفضته
شاب ملتحى عنده محل بيع ادوات منزليه مش بعيد عن العمارة الى هى ساكنه فيها
بس تبارك مش بترتاحله ومتعرفش ليه
بس المساله مسأله تآلف ...وقفت تشوف فيه ايه
تبارك : افندم
صلاح : انتى لسه جاية من الملية مش كده ؟
تبارك : ايوة ..فى مشكله ؟
صلاح : لا ابدا ..انا بس كنت عايز اقولك لو احتاحتى حاجه قوليلى انا فخدمتك
تبارك : ( بضيق) شكرا يا استاذ صلاح عن اذنك ( ماشيه )
صلاح( وقفها بكلامه ) انا اسف لو بزعجك بس والله انا عايز اخدم
تبارك : حضرتك مينفعش وقفتى معاك دى فنص الشارع ، اظن ده وحش على سمعتى
صلاح : انا اسف انا قصدى خير والله
تبارك : حصل خير ،عن اذنك بقى
مشيت وهو بيبص عليها وبيتمتم فنفسه
صلاح : يارب حببها فيا يارب ..حببها حتى تبص فوشى
(اتنهد ) لا حول ولا قوة الا بالله
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
يارا : عريس ! بتقولى عريس يا يسرا ؟
يسرا : اه والله سمعت ماما وهى بتقول لبابا ان جايلك عريس
يارا ( فرحانه ) يااااه اخيرا ...اخيرا همشى من البيت ده
وهروح مكان هكون فيه لوحدى واعمل الى انا عاوزاه من غير ضرب وشخط ونطر وخوف
يسرا: بس انتى لسه فثانوية عامة ي يارا ...صغيرة اوى تتجوزى
يارا: ماما متحوزة قدى ي يسرا...وبعدين انا مش صغيرة انا عندى ١٨سنه
يسرا : بس حاسة ان بابا مش هيوافق لانه زعق وقالها قوليله يمشى من برة برة
يارا ( كشرت ) ايه ده لا بقى حرام
يسرا : وانتى زعلانه ليه ،هو انتى تعرفيه ولاعمرك شوفتيه
يارا: اى ان كان شكله ايه ، هيكون ارحملى من الى انا فيه هنا ده
احسن من الحصار ده
انا خلاص جبت اخرى
يسرا: طب بس وطى صوتك لحسن ماما تسمعك
دخلت مامتهم عليهم ...
الام : مش قاعدين ع مذاكرتكم ليه ؟ يلا يا يسرا هاتى كتاب الجغرافيا اسمعلك الى حفظناه
يارا : ماما هو بجد انا جالى عريس
الام :بنت ! اخرسي خالص ومسمعكيش بتتكلمى فكلام الكبار ده تانى انتى فاهمة
يارا : بس انا مش صغيرة ياماما وده عريس ليا يعنى موضوعى انا
الام : قولت تتكتمى ومسمعش نفس ، مش ناقص غير المفاعيص يتكلموا فالجواز وقلة الادب والمسخره
يلا انتى كمان حصلينى ع برة
يسرا اختها خارجه : قولتلك وطى صوتك تروحى تقوليلها ...انتى غبية اوى
يارا بتقعد عالسرير بيأس وهى متضايقه
يارا : امتى ارتاح من البيت ده !!!
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
انس وصاحبه طالعين ع شقة انس وبيضحكوا يهزروا سوا
انس : استنى ده انا هعملك فيه مقلب ابن لذبين طلع من ودانه ان شاء الله
وهما بيعدوا السلالم الاولى وداخلين المدخل ...جريت سعدية بنت البواب وحطت قماشة كبيرة رمتها عند رجليهم ..وقرصت ع سنانها وزمجرت
سعدية شكلا تخوف ، شعر منكوش طول الوقت ومنفوش حوالين وشها زى الاسد ، هدومهاستايل جلاليب قديمة
سمرا اوى وسنانها طويلة
ع طول مكشرة وساخطة ع اى حاجه
لكن من جواها قلبها ابيض وغلبانه وتفرح بالمعاملة الحلوة
اتخبطت الخيشة تحت رجليهم عملت صوت !
انس : سعدية طلعت ...خدلك ساتر
سعدية : امسح رجليك يا استاذ انس انت وصحابك انا ماسحه السلالم
انس : ( بيلاعبها ف وشها ) يوغتى كمالو ياتى ياتى حاضر ياسوسو
امسح رجلك ياض
وامسح وسك وشعر دقنك كمان
اهو مبسوطة ياستى
سعدية : ايوة كده ...
صاحب انس : دى بنت البواب ولا انتو الى بوابين عندها
انس: بينى وبينك ...انا خايف تكون مخبر مدسوس علينا فصورة تعلب
صاحب : هاه !!
انس : متشغلش بالك يلا بينا ...
طلعوا فوق بيفتح الباب وبيقعد صاحبه فالصالون ،
انس: ياخالتو ...يامريم !
دخل لاوضة مريم لاقاها قاعدة مع آسيا بيتكلموا
انس: مريم ..اعملى مشروب بسرعه قدميه جوه ، هغير ونازل الكافيه
مريم : وانت ايه الى جابك من الكافيه اصلا دلوقت
انس: واحد من صحابي بيهزر هزار سخيف دلق عليا البوريو ...حيت اغير
بسرعه بس عشان نازل
مريم : ماشى
قفل الباب ورجعت لكلامها مع اسيا
اسيا: يعنى برضو مش فاهمة انتى ايه الى مضايقك ؟
مريم : ي اسيا بقالى شهر ونص رايحه جاية ع مكتبه ،اتلكك بحاجه مش فاهماها يشرحهالى
اعمل نفسي بساله على مواعيد السكاشن
اسال ف اى حاجه هبلة
وهو بيعاملنى زيي زى كل الطلاب لما هطق ! مش واخد باله منى خالص
آسيا: ممممم طب يا مريومه متحطيهوش فدماغك اوى كده ممكن يكون اعجاب عادى منك ب دكتور ليكى وهيروح ...متكبريش الموضوع
مريم : ي اسيا افهمينى ،انابجد اتاكدت انى اكتر من معجبه بيه
اما بعرف مواعيد سكاشنه مبنامش قبلها بليله
بس المحه قلبي يدق بسرعه اوى
اول م اشوفه كلى يرتعش
متقوليلش عادى
اسيا : ( اتنهدت ) طيب اهدى بس ...انا بحاول افكر معاكى اهو
يعنى انتى دلوقتى عايزة ايه ؟
مريم : عايزاه يحس بيا
اسيا: وبعد م يحس بيكى ؟
مريم : معرفش يحس بس بيا الاول وبعدها يحلها ربنا ... بجد انتى مش فاهمة هموووت علشانه
اسيا : ياخبر ابيض ! هى وصلت للموت
لا مش للدرجة دى
طيب خلينا نفكر ....
قامت اسيا تروح وتيجى فالاوضة ومريم بصالها ومركزة معاها ....
اسيا : بس لاقيتها ! اما طقت فبالى حتة فكرة
مريم : ايه هى قولى بسرعة
دخل انس : شكرا عالمشروب ي مريم
مريم : يالاهوى معلش نسيت هعملهوله بسرعه
انس : تعملى ايه انا نازل ... انتى مش الحجه اثينا دى معاكى وشغالين لوكلوك ع خلق الله هتقومى فيومك
شكرا ياختى ...شكرا يابنت ابويا وامى
اسيا (راحت تخرجه وتزق الباب) خلاااص ي انس مش سيرة هى زوق من هنا يلا
خرج انس ...
مريم : ها قولى
اسيا : هقولك ...
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
وقدام اللاب توب كانت قاعدة آسيا عالفيس .. وبتقرا مسج غريبة للمرة الرابعه وساندة راسها ع ايديها وبتهرش فشعرها
لمى جايبه لب وسودانى ورايحه تقعد جمبها ...
لمى : اسيا ،هبقى اخد الجاكيت الجينز بتاعك بكرة ماشى
آسيا : ممم ماشى
لمى : والانسيال عشان البسه فرجلى تمام
آسيا : خدى الى تاخديه يا زفته مش ناقصاكى
لمى : مالك يا حوبي ايه الى معكر مزاجك
آسيا : مسج من واحد المرة التالته الى يبعتلى فيها
لمى : مالها يعنى
آسيا : معرفوش ... ولا عندى فالفريند
باعتلى بيقولى ياستى مرة بيوصفلى شكل اوضتى وانه بيشوفها كل ليلة وواصفها حته حته
قولت ده معتوه او ممكن يكون حد من زمايلى وبيستظرف عليا ب اكونت معرفوش
لمى : طب كويس
آسيا : كويس ايه ؟ بعتلى تانى من كام يوم بيقولى ع حجات انا بحبها وحجات انا بكرهها
عديتها وقولت ممكن يكون حد يعرفنى من قريب وبيشتغلنى من البنات ب اكونت وهمى
لمى : مممم وبعدق
آسيا: جاى انهاردة باعتلى ، بيقولى اسم باباكى ليه دفنتيه مع كل حاجه راحت واتسميتوا ب اسم جوز مامتك !
محدش يعرف الحكاية دى غيرى انا وانتى وماما بس !!!!
لمى : اشطا يبقى انا الى بشتغلك
آسيا : يا كلب البحر انتى انا بتكلم جد ، مين ده
الموضوع بدا يقلقنى ويوترنى
لمى :ولا يقلق ولا يوتر ولا اى حاجه ، خدى وادى معاه وهاتى اخره
اسيا: مش هعرف اعمل كده
لمى : ليه ي اسيا هيعضك ! عادى يابنتى فيه ايه
اسيا قفلت شاسة اللاب بضيق ...
لمى : هههههه هبلة والمصحف ...
وبعدها بكام يوم كانوا خارجين مريم ووجدان وتبارك ولمى واسيا من السينما
بعد عرض فيلم اجنبي كانوامستنين ينزل ...
وجدان : يعنى آسيا ياعينى مغلبها الرجل الخفى الى مش عارفينه ده الى شغال يوصف اوضتها واكسسوراتها والصابونة الى فالحمام ولون سيراميك المطبخ
والست مريم دايبه لشوشتها فالمعيد الحج مازن ابو العلا
والاخت تبارك قرفت وزهقت من عريس الغبرة الى ميعرفش غير طريق بيتهم زى القرش المسح
كل م يترفض ييجى الاستاذ صلاح مونامور
وطبعا الكونتيسة لمى دى مش سايبه حد فخلق الله بدقن وشنب
لمى : هههههه بدقن بس بكره الشنبات
وجدان : وانا الى يا حسرة لا عندى حد يلاحقنى ويوصفلى طرحة جدتى سمارى حتى ولا انا بلاحق حد لاسمح الله
ولا بيجيلى عريس تنح وابن غتيته
انا لوحدى كائن سعيد ههههه
لمى : يا ويجا ! عليا انا برضو
ده انت ساهى وداهى يا واااااد
وجدان : (اتوترت ) قصدك ايه يا لمى بطلى هزارك البايخ ده
لمى : مقصدش خلاص هههههههه
تبارك : محدش والنبي يجيب سيرة التقله الى اسمه صلاح ده ، جسمى بيتلبش منه
بحس انه بييجى عالسيرة
مريم : طب م تجربي تعرفيه انا حاسه انه بيحبك اوى
اسيا: وطالما جه كذا مرة ليكى وانتى رافضة يبقى شارى يابنتى
لمى : اه وهو شبهكم كده بتاع قال الله وقال الرسول
وجدان : وطبعا ميعحبكيش بتاع قال الله وقال الرسول انتى يا انسة لمى ،انتى يعجبك الى يمسك طبلة وزمارة ويسرح بيكى فالموالد
وهما بيتكلموا سمعوا صريخ ست على ابنها تايه مش لاقياه ،انتبهوا كلهم معاها وابتدوا يبصوا ع صريخها وعياطها وانهياراها
ووسط الانشغال واللنة والزحمة الى الناس حاوطت بيها الست دى ، عدت عربية ملاكى عالية وهى ماشية حد مد ايده حطت منديل ع وش تبارك وشالها ودخلها العربية من وسطهم فلمح البصر !!
ثوانى العربية اختفت ،الولد رجع لامه وانفضت اللمة كانها مقصودة
فدقيقة تبارك مبقتش وسطهم بيبصوا جنبهم ملاقوهاش
مريم : تبارك فين ؟
وجدان : ايه ده راحت فين ؟
اسبا: يانهار اسود تبارك !!!!
لمى باعلى صوت عندها : تبااااااااااارك !!!!
`·，`·，`·，`·，`·，`·，`·，`·，`·，`·，`·， `·，`·，`·，`·，`·，`·，`·，`·，`·，`·，`·，
استنونا يوم الاحد ان شاء الله
الفصل الثالث
لايك ورايكم يهمنى
#نوتيلا
#لنورإسماعيل
ليست هناك تعليقات:
إرسال تعليق