روايةツ
نوتيلآ ❥❥
الفصل (26
， `·，`·，`·，`·，`·，`·，`·，`·，`·，`·，`·
" على ضوء منعكس ع مياه بحر اسكندرية مطل من قاعة فيوتينا
بمحرم بك
تم حفل زفاف الانسة ندى محجوب نجلة اللواء محمد محجوب
على الدكتور على عساف "
مريم: الفيس كله مقلوب ع فرحها الصفرا دى
وجدان: انا بتفرج عالصور حاطه كميه ميكاب تمكيچ بنات شارع بحاله
بنى ادمه مصطنعه
مريم : اهى غارت من حياة سليم فستبن داهيه
وجدان: هى غايرة من بدرى من قبل م تتجوز يلا بالسلامة مركبها الى تودى
مريم بتبص ع صور الفرح عالفيس
مريم: وعريسها شكله رخم كده
وجدان: الطيور يا امى ع اشكالها تقع ،يعنى حداية هيتجوزها ايه ؟!
غراب طبعا
الطلبة اتعدلوا فقعدتهم لان الدكتور داخل
مريم: اكتر مادة دمها سم ع قلبي بس اعمل ايه مادة نجاح وسقوط
وجدان: هو مش بيعمل زفت دكتوراه ع دماغه ،مايغور يعملها فاى بلد برة
يريحنا من خلقته لحد التخرج
جاته البلاوى فشكله ..
دخل مازن وصبح عالطلبة وبدأ الشرح عادى ، وفنص المحاضرة وهى شغاله
وبتتشرح !
العامل : دكتور مازن اتفضل
مازن: ايه ده ياعم فؤاد
داخل العامل ب تورتة ومولع شمعها ومكتوب عليها هابي بيرث داى مازن
الطلبة بدأو يتهمسوا ومازن اوحرج اوى
مازن: جايبهالى هنا ياعم فؤاد برضو وانا بشرح فالمدرج !
العامل: الهانم خطيبه حضرتك قالت لى كده واكدت عليا لما مرضتش
قالتلى لازم ادخلها وسط المحاضرة
سابه ومشى،همس الطلبة اتحول لضحك من تحت لتحت ومريم بصاله
بسخرية هى ووجدان
مازن بعصبيه طلع فونه يتصل بخطيبته ،من عصبيته مش واخد باله
ان المايك مفتوح !
مازن: الو ...ايوة ياهاجر
ايه الحركات دى !
انا بشرح ياماما انا بشتغل مش فاضى لدلع البنات ده
صوتها كان باين شوية
هاجر: الحق عليا عايزة افرحك !!
مازن: انتى احرجتينى قدام الطلبه وزمايلى ،اكبرى بقى
هاجر: ياسلام !!
الطلبة : ههههههههههههه
مازن اخد باله ان المايك مفتوح من ضحكهم وقفله ،طلع وكمل زعيق فيها
برة بس صوته الى حد ما باين
وجدان: ياما !!! هيبلعها
ايه ده
هو ده الى كنتى متشحتفه عليه ياختى ؟
اهو واخد البت غسيل ومكواه عشان بتفرحه بعيد هبابه
ان شالله يحتفل بيه فالقرافه ان شاءالله
مريم: اسكتى انا بحمد ربنا انى خرجت برة دايرته ، الحمدلله ربنا خلصنى
ده شكله واحد ميعاشرش وهيفضل بعنطزته وغروره دول لحد
م يخلوه يفقد كل الى حواليه
وجدان : عارفه انا مش زعلانه غير عالغلبانه الى بيمخمط فيها
فالمكالمة دى لو اعرفها اقولها الحقى انفدى بجلدك دى بتاع ماما وبس
وفى ناس كانت هتتلزق ع قفاها منه وربنا لحقها
مريم : خلاص يا وجدان ...كان مرحله وعدت .
`·，`·，`·，`·，`·，`·，`·，`·，`·，`·，`·
رحلة الى الجيزة والاهرامات ليوم واحد !
كانت الفكرة حلوة جدا لما اقترحها احد القائمين فالمستشفى كتحسين من حالة
المرضى وتغيير جو يساعد فشفائهم بسرعه ..
يارا بدأ شعرها ينبت من تانى ،كانت كل م تداريه وتخبيه كان ياسين
بيحسسها انها اد ايه جميله وهى كده وانها اجمل الجميلات فعينه .
وياسين كمان بيسترد عافيته ع اكمل وجه وسكله هيخرج قبلها من المستشفى
ويكمل علاج عادى من بيته .
الرحلة كانت فرحة كبييرة جدا جدا ل يارا ،طول عمرها كانت بتتخيل
انها تروح رحلة مع حد بتحبه وتكون طول الوقت معاه
اتحقق حلمها ع عكس ياسين الى بالنسبة له مكان الرحله مش جديد
لانه لف مصر كلها واتفسح كل الفسح الى فالدنيا قبل مرضه.
لكن فكره انه يبقى مع حبيبته يارا فمكان واحد برة المستشفى
مبسوطين ومفيش علاج مفيش جلسات لمدة يوم
بيعيشوا حياتهم بطبيعيه ،ده الى يفرق !
قبل طلوع الباص
خالد: انا هقعد جمب يارا
ياسين: هنقطع ع بعض ولا ايه من اولها ؟ بس ياخالود خليك حلو
خالد : لا بقى هقعد جمب يارا ماليش دعوة
ياسين: وبعدييين
يارا: خلاص كلنا نقعد عالكنبه الورانيه
ياسين( بيتريق عليها) نقعد كلنا عالكنبه الورانيه! هو مشوار لسيدى جابر!
لا معلش هنقعد فمقعدين جمب بعض
وانت ياخالد اقعد جمب باقى اصحابك
يارا: انت هتصغر عقلك يا ياسين خلاص خليه جمبي
ياسين: انا عقلى اصغر منه مليون مرة ومحدش هيقعد جمبك غيرى
يارا: هههههههههه
طلعوا الباص وقعدوا جمب بعض ،وكالعادة شوية تنام ع كتفه شوية يحكوا سوا
شوية خالد يرخم عليهم
بيغنوا مع الى بيغنوا من مرضى وممرضات بيهيصوا الجو
وصلوا ، نزلوا ع طول ع ركوب الخيل والجمال والكارتات !
كل مكان كانوا بيلقطوا صورة ،مش همابس لكن كل الى فالرحلة كصور تذكاريه
ليهم.
فى طلوع الهرم عملوا مسابقه ،علشان ميقولوش انهم عيانين ومش هيقدروا
كانت فكرة احد الدكاترة عشان يتحدوا بعض ويجددوا النشاط
المرضى من سن صغير زى خالد واكبر بشوية سبقوا الكبار الى حد ما
ياسين كان بيطلع ويساعد يارا الى كانت مبسووووطة جداااا.
كسب احد المرضى واختار هديته
بعدها عملوا مسابقه جرى ، كان لازم يتحركوا شوية برة نطاق المستشفى
كانوا بيجروا بس ع ادهم
وبرضو كسب حد منهم واخد هديته
جه وقت الغدا ، قعدوا عالتربيزات وجه الاكل لحد عندهم
اكل يارا وياسين ع تربيزة واحدة ،تقريبا هما قصة الحب الوحيدة الى فالمستشفى
وكل الموجودين من مرضى ودكاترة وممرضات وعاملين عارفينها ومبسوطين
بيها .
ياسين: عاجبك الاكل يا حبيبي؟
يارا: اه حلو اوى
ياسين : ع فكرة انبسطت اوى وانا راكب الجمل وانتى راكبه الجمل التانى
وماسكة ايدى خايفه تقعى
يارا: انا اول مرة اركب جمل فحياتى ،شوفت وهو بيطلع يالاااهوى كنت باخد
نفسي بالعافيه
ياسين: ده عشان اول مرة تركبيه
يارا: انت مش اول مرة مش كده
ياسين: بصى ...انا مفيش اى حاجه ممكن تتخيليها معملتهاش
عشان كده مبقاش نفسي ف اى حاجه فالدنيا
يارا( بحب) مش نفسك ف اى حاجه خالص ؟
ياسين: لا طبعا نفسي فحاجه واحدة
يارا( اتكسفت وبصت فطبقها)
ياسين: ان ربنا يشفيكى ويشفينى ونخرج من المستشفى
واتقدملك ( بيلمس بصوابعه ايدها) وباباكى يواافق
ونتخطب
وبعدها نتجوز ...ندخل شقتنا ووو
خالد( قاطعه) خد الطبق ده وهات ده
ياسين( بخنقه باصص لخالد) ياض انت عامل ليه زى هادم اللذات كده
عايز ايه
خالد: خد طبق الفراخ بتاعى وهات طبقك مبحبش الورك
ياسين: خده وغور ياخالد
اخده ومشى ياسين بيبص ع الطبق لاقاه مخلصه خالص
ياسين: الواد فارم الورك ! عيل مستفز
يارا: هههههههه معلش كل معايا انا لسه مخلصتش
ياسين( بحب وباصص ليارا) سيبك من الاكل كنا بنقول ايه
يارا( بكسوف وخدودها احمرت) كنا بناكل يا ياسين
ياسين: يولع الاكل دلوقتي،كنا بنقول هنتجوز وادخل بيكى شقتى
واقولك اهلا بيكى فقصرك يا ملكة عرش قلب ياسين
يارا: ياسين بتكسف بس
ياسين: واشيلك والف بيكى ،حاجه مش قادر عليها دلوقتي
بس ان شاءالله ساعتها هيكون ربنا شافينى واقدر اطلع بيكى للدور العاشر
وبعد م الف بيكى انزلك واقرب منك
يارا: اسكت بقى والله اقوم
ياسين: لا متقوميش بس انا بحكيلك يعنى غلطان
يارا: لا مش عايزة اعرف
ياسين: مش عايزة تعرفى هثبتلك ازاى بحبك وانتى فحضنى
خالد( قاطعه تانى) خدى الطبق ده وهاتى ده يا يارا مبحبش الصدر
ياسين( مسكه من ياقه التى شيرت) خد هنا ياض يا بغل ياض
خالد( ببلطجه) اييييه
ياسين: وكمان بتبجح ،انت هارس ام الطبق تاكل ايه هى
خالد: وانا مالى ياعم انا جعان ( اخد الطبق بتاع يارا ومستعد يجرى) اقولك
اكلها حب ( جرى)
ياسين: ولا! حاضر يا خالد اهرب هنا هتروح فين منى هناك
هقوم اجيبلك طبق تانى حياتى
يارا: لا خلاص مش عايزة انا هاكل رز وسلطات عشان خاطرى متتعبش نفسك
كملت اكل وياسين سند راسه ع ايده وبيتأملها وهى بتاكل بحب شديد اوى.
خلص الغدا قاموا يكملوا الجزء التانى من الرحلة ، كانت زيارة لدريم
بارك
اتعمل خصم ع تذاكرهم علشان تبع مستشفى
دخلوهم الالعاب الترفيهيه الى مفيهاش ارهاق ولا خطورة عليهم.
قضوا وقت جميل اوى فاللعب والضحك والتصوير ، كان اجمل يوم عاشته يارا
برغم المرض
برة بلدها فرحله اليوم كله مبسوطة وفرحانه وبتضحك ...ومع حبيب عمرها كله .
وفالرجوع
سيطر التعب عالكل ،وكان المعظم نايم زى يارا كده
طول الطريق واخدها ياسين ع صدره محمل رايها بحب ومحاوطها بدراعه
وهى كانت نايمه مستغرقه لانها حاسة باحلى شعورين فالدنيا انحرمت
منهم طول عمرها
الامان والفرحه ❣
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
الحب بيعمل المعجزات ،ونشوى معجزة من المعجزات
الى مستحيل تتغير ..لكن الحب غيرها 😉
الخمار واللبس الى كانوا دايما غامقين،بقوا فاتحين
والوان بناتى
حاطه طريقه لفتها للخمار بقت اشيك
بقت تحط مستحضرات تجميليه خفيفه قبل م تروح
الشغل
بقت مشرقه كتييير عن الاول .
وانهاردة كان الدور عليها فتحضير غدوة بيتى
كان اقتراح من واحدة منهم مدام مش انسه
ان بدل م كل مرة يطلبوا ديليفرى بالشئ الفلانى
ومش بيشبع زى البيتى
يعملوا كل يوم غدوة ع واحدة تعملها وتجيبها من البيت
وبكده هياكلوا احسن وتوفير عن كل يوم م يشتروا
هى مرة واحدة بتكلف كل واحدة غدوة والشباب تجيب
الكولا ع حسابهم.
كل موظفه عملت دورها وجه الدور ع نشوى .
عملت حلة محشى كرنب من الى قلبك يحبها
وشوت فراخ وقطعتهم بيتى
عملت السلطات وحطتهم فعلب،والكولا عليهم .
موظف : تسلم ايدك
الموظفه: خلطه المحشى دى باللحمه المفرومه دى
عامله ازاى يا نشوى
موظفه ٢: اه فعلا رهيبه
حسام: لا يا انوش متقوليش غير لما تاخدى من كل واحدة عالوصفه
٥٠جنيه
وانا ال هقبض منهم
موظفه: وانت مالك انتى هو انت مصلحجى كده
حسام : مش مالى يا انوش ( غمزلها)
نشوى: ههههه ايوة بس معلش المرة دى نعديها
ومن المرة الجاية ناخد فلوس
موظفه: المرة الجاية فدورك هتدوقينا ايه
نشوى: ممممم هعملكم كريبات محشية جمبرى
وكاليمارى ايه رأيكم
موظف: يالااااهوى متشوقنيش من دلوقتى
بصراحه بقيت استنى يومك
حسام( بغيره) ده ليه يعنى ؟
موظف: ياعم عليها اكل ولا الشيف علاء الشربينى
يابخت الى هيتجوزها
حسام( بخنقه) هيهيهي طب نخف
موظف : ههههه ماشى ياعم
خلصوا الاكل ، وقاموا يغسلوا ايدهم
نشوى بتحضر نسكافيه مش عايزة كولا جه ناحيتها
بهمس
حسام: مش هنبطل هزار وضحك وهقهق ومئمئ
نشوى: طب انا فين الى هزرت انت بتتلكك
حسام : والله !
على اساس ان الى حصل من شوية ده اتشال
فالمونتاچ
نشوى ( كاتمه الضحكه) فيه ايه ياحسام !
هاه
حسام : مفيش واتلمى ...خلصنا ؟
نشوى : ( بصوت عالى شويه ونرفزة) هى تلاكيك وخلاص
حسام: متتعصبيش عشان مولعش فخمارك ده
سابها وقعد ع مكتبه وهو قالب وشه جابت النسكافيه
وقربت كرسيها له
نشوى: ع فكرة لما بتكشر حواجبك بتعقد ع بعض
وبيبقى شكلك وحش
حسام: انا ربنا خالقنى كده طالعلى غابات افريقيه
ف وشى
نشوى: خلاص بقى ميبقاش دمك تقيل
خد كانز السفن اب بتاعك اهضم
حسام ابتسم عليها وبص لجهازه
نشوى : بس ايه الرومانسيه دى كلها فمكالمة
امبارح
حسام( بصوت واطى ) عجبتك يعنى
نشوى: فكرتنى ب اول مرة قولتلى فيها انك بتحبنى
حسام: ده كان يوووم يا دينى عليه
نشوى: فرحان بنفسك انت عشان صدقتك وخلتنى احبك
مش كده
حسام: بصراحه ؟ اه حاسس بانتصار جامد اوى
ده انتى كنتى صعبه ولا خط بارليف ياشيخه
نشوى : بس مكنتش اعرف انك حبيب اوى كده
حسام: عشان مش بحب اى حد ،انا بحب نشوى
ولا ايه
نشوى: ولا اه
حسام: ولا لأ...قوليلى صحيح
نمتى واحنا بنتكلم امبارح وسيبتك رايحه فالنوم
وفضلت اسمعك نفسك
نشوى اتكسفت اووى
حسام: وخلاص انا كمان هنام ع صوت نفسك
لاقيتك قومتى مفزوعه وبتصرخى وطنط مامتك
جت واتقفلت السكه فوشى هو كان فيه ايه ؟
هو ده حصل بجد ولا انا نمت وحلمت
نشوى( بارتباك) هاه! لا اكيد بتحلم
محصلش ده
حسام: لا كنت صاحى .
نشوى: لا اكيد نايم
حسام: متششكنيش فنفسي يانشوى ،انا سمعتك
بتصرخى شوفتى كابوس طيب ؟
نشوى: ( بتوهه) مش فاكرة ...عشان كده بقولك يمكن
بتحلم
حسام( هز راسه) جايز .
， `·，`·，`·，`·，`·，`·，`·，`·，`·，`·，`·
ف اوضة مكتب بابا وجدان كان سهران بيشتغل
ودخلت وجدان تناديه للعشا..
الاب: لا تعالى بس عايزك
وجدان: طب اتعشى الاول وبعدين نتكلم
الاب: ماشى نتعشى الاول
اكلوا وشالت الاكل ،وقفت بالمطبخ تعمل لباباها شاى
ووقف معاها
وجدان: فيه ايييه يارؤوف عايز تقول ايه
الاب: جالك عريس كويس يا وجدان ،وانا متحمس له
وجدان ( كشرت ) وانت وافقت
الاب: مستنى موافقتك انتى
وجدان: اكيد مش موافقه ، انا معرفوش
الاب: لا تعرفيه ده مش غريب
ابن عمتك فوزيه
عماد
وجدان: احم ...بابا يعنى عماد ده زى اخويا
الاب: الله بقى يا حبيبة بابا انتى خلاص قربتى
تتخرجى
والسنين بتفوت وانا عايز افرح بيكى
وجدان: يابابا يعنى مش حاطه فبالى فكرة الجواز
اوى
الاب: عارف ...بس اقعدى معاه مرة واتنين
وان مرتاحتيش مش هغصبك ع حاجه
وجدان: يابابا اقعد مع مين مانا عارفاه عماد
هو انا لسه هتعرف عليه
الاب: وجدان ...متغلبنيش معاكى
اناعزمتهم ييجوا يوم الخميس اقعدى وشوفيه
عشان خاطرى
( باس دماغها واخد المج بتاعه ومشى )
وجدان: اووووف...الله يخربيت العرسان وبيت سنينهم
السودا!
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
مريم : ههههههههه عريس تانى ،عريسانك
كترت يا ويچا
وجدان: المصيبه انه مش زى التلقيحه مراد ابن
ام مراد
لا ده بابا مبسوط انه متقدملى وانا مش عايزة ازعل بابا
مريم( بخبث) طب وانتى رافضه ليه نهائى ،م تقعدى معاه
شوفيه
وجدان: لا ! هو كده لا وخلاص
انس كان معدى وسمع جزء الاخيرمن كلامهم
دخل الاوضة
انس: مريم روحى اعمليلى شاى
مريم: اومال مج ايه الى ماسكه فايدك ؟
انس: هاه ! خلاص اعمليلى سحلب
مريم: ايه يا انس هو اى رخامه
انس: طب اعنليلى سندوتش بيض بقوطه الله
يسترك عالسريع
يلا حبيبك اخوكى
مريم قامت تنفخ كالعادة ،خرجت ودخل لوجدان
انس: جايلك ايه ياروح النونة سمعينى تانى؟
وجدان: نعم ياعم الحاج فيه ايه
انس: جايلك عريسين ؟ ما طول الليل بكلمك
عالفيس مقولتيش يعنى
وجدان( مبسوووطة من جواها) واديك عرفت
خير؟
انس: وهتوافقى ؟
وجدان: وانت مالك ميخصكش
انس: لا يخصنى ...انت تخصينى يابت انتى
سامعه ولا لا
وجدان : اخصك ( ضحكت باستهزاء) هيهيهي ده
عند ام لولو
انس: بلا ام لولو بلا ام سوسو هترفضى الاتنين عشان
مظبطكيش حته ظبطه تعجبك
وجدان: انت بتتكلم كده ع اساس ايه يعنى ؟
انس( باندفاع من غير وعى) عشان بحبك !!!
ثوانى عدت ع مسامع وجدان وهى مبرئاله
وودانها بتردد الكلمة
عشان بحبك !!!
وجدان( بهدوء) قولت ايه ؟
انس: عشان بحبك ...يابقرة
ياجاموسه
يالى م بتفهمى
وجدان ابتسمت ورجعت لمت الابتسامه ع اد م تقدر
وجدان: طب وانا مالى م تحبنى هعمل انا ايه
انس: عملك اسود ومنيل ع راس الى خلفوكى
انتى يابت من هنا ورايح انتى تخصينى
كل الى بيحصل معاكى تقوليه ليا
ومفيش عرسان
ومفيش خطوبات
عشان انا انضربت فقلبي بصرمه قديمه
وحبيتك
ومفيش مخلوق خلقه ربنا فيكى يا اسكندرية
يعرف ياخد حاجه من انس اسماعيل
( بيخبطها ع خدها) فهمتى ...خلصانه!!
سابها وخرج ،ابتسمت ولمست مكان ايده وباستهت
وفضلت تتنطط لوحدها
دخلت مريم جايبه السندوتشات
مريم: هو فين ! اومال انا عملت السندوتشات دى لمين؟
وانتى بتتنططى كده ليه ؟
وجدان: مريوم ياحبي مريوم ياقلبي ،ابقى اجيلك
بكرة بقى هنزل دلوقتى
مريم: ايه ده مالها دى ...طب والسندوتشات
وجدان ( من برة ) كليهم انتى ...تصبحى ع خيير
مريم: مالهم دول !!!
لا حول ولاقوة الا بالله
， `·，`·，`·，`·，`·，`·，`·，`·，`·，`·，`·
عالكورنيش،مكان اسيا المفضل
يكون منها للبحر
كانت مع خطيبها وحبيبها اياد بيتكلموا فموضوع مهم.
آسيا: خلاص بقى يا إياد ..معلش يعدى الظرف الى فعيله ماما
ونحاول نكلمه تانى
إياد: انا مش زعلان ،عنده حق باباكى يأجل الشبكة عشان حالة الوفاه
الى عند طنط
بس مش لدرجة يقولى الشبكة وكتب الكتاب والزفاف سوا
هو عارف انى لسه بشترى الموبيليا وداخل جمعيات
ده غير مصاريف الفرح
يعنى لسه قدامنا شوية ،طب ليه التعقيد
آسيا: يا حبيبي متزعلش كده عشان خاطرى ،يعدى ٤٠ابن خالة ماما
ده ونكلمه تانى وان شاءالله يوافق نعمل شبكة وبس ونخلى كتب الكتاب عالفرح
إياد: مزعلش ازاى بس ،ماهو الناس فاكراكى مش مخطوبه اهو
آسيا: يا ويدو ع موقف سليم الى حكتهولك ؟ انا كنت بقولك يعنى
ع كسفتى وانا بقع من عربيته
عادى مكنتش فاكرة انك هتزعل ع موضوع الخطوبه
إياد: وهو بيستعجب ليه بسلامته انك مخطوبه ولا لا هو ماله اصلا
آسيا: الله ! سؤال عادى يا اياد
إياد( بيخبطبها بطرف ايده فدراعها) وانتى متركبيش معاه تانى
متركبيش مع حد اصلا
اسيا: انا مبركبش اصلا بس ده زى اخويا وانا فعلا استنيت المواصلات
وطولت
إياد: ماليش فيه ،انا جيت اركبك تاكسى انتى خوفتى تركبي لوحدك
قولت اوصلك قولتيلى هتتأخر ع شغلك
يبقى تستنى مواصله عادى ...مش ناقصة هى كل شوية حرقه دم
وبعدين ايه اخويا دى ايه اخويا دى
محدش اخو حد يجوزلك ولا لا
آسيا ( بنعومه) يجووز ..خلاص بقى عشان خاطرى
شبكت كف ف ايدها ولفتهم ع دراعه وسندت راسها عليه
آسيا: بحبك بقى خلاااص
إياد: انا لما حد بيقرب منك ولا بعرف ان فى عرسان اتقدمت وانتوا قولتوا
مخطوبه بتجنن فاهمة بولع بتحرق
آسيا: بعد الشر عليكى يا حبيبي
إياد( بيبصلها بحب) هو حد مودينى فداهيه غير نعومتك دى
ودلعك ورقتك
يابنت اللذين
آسيا ابتسمت
إياد طلع من صباعه دبله دايما لابسها
إياد: دى دبله فضة انا لابسها وناقش عليها اسمك من قبل حتى م اقولك
انى بحبك
كنت حاسس انك فيوم هتكونى ليا سبحان الله
البسيها ،عالاقل تعمى العين عنك لحد م نشوف تحكمات عمو رفعت
الى هتجيب اخرى دى
آسيا اخدتها وضحكت ولبستها ،هو بصلها باس عالدبله
وضم راسها عليه بحنان وبصوا الاتنين عالبحر وهما فحالة هيام عاطفى
مستعصيه..
， `·，`·，`·，`·，`·，`·，`·，`·，`·，`·，`·
فاوضة والدة سليم ..
كانوا الاتنين بيحكوا سوا عن سليم واحواله والفكرة المسيطرة طول الوقت ع مامته.
الام: عشان خاطرى يابنى
سليم: ياامى احنا فسنه كام عشان تخلينى اتجوز بالطريقه دى
الام: يابنى انت طول اليوم فشغلك ،لا بتقابل بنات ولا بتعرف
حد
يبقى منين هتشوف بنت الحلال دى
سليم: ف انتى رايحه تجيبيلى صور لبنات وانا اختار
الام: ومالو مظام بنات عائلات ومن مستوى اجتماعى كويس
ايه المانع
كأنك اتعرفت عليهم عن طريق البتاع ده اسمه ايه الى بتقعدوا
عليه ليل ونهار ده
سليم( مبتسم) الفيس
الام: ايوة هو ده اعتبره ده ياسيدى
سليم : يا امى انا مش فاهم افهمك ازاى انى لازم اعرفها واتعامل معاها
الاول لحسن اتدبس فيها
الام: ولا هتدبس ولا حاجه بقولك بنات عائلات
سليم: طيب الاولانيه كانت بنت لوا ...حصلى من تحت راسها ايه
الام: اسمع كلامى وشوف كلام امك واختياراها ، ولو ان كان نفسي
تختار واحده من بنات العمارة
وكنت عاوزة البت تبارك بس النصيب
سليم( بسرحان) او مثلا آسيا ...ودى كمان اوت
الام: شوفت البنات بتتخطف وانا عايزة افرح بيك ،اسمع كلامى
بص كده
بص فتلات صور جايباهم مامته من جيرانها ومعارفها
لبنات فعلا حلوين
هو ركز فواحدة منهم كان فيها شبه كبير من مريم ،مش عارف ليه
انشد ل دى بالذات
سليم: ممكن دى
الام: تصدق ان انا كمان كنت حطاها فدماغى وعجبتنى من صورتها
دى بقى ياسيدى خريجة كلية السن القاهرة
وباباها كان بيشتغل مدير ادارة فديوان عام المحافظة
اخلاق وادب بيشكروا فيها
سليم : اسمها ايه ؟
الام: مش هتصدق ...
سليم( ابتسم وهز راسه بثقه حلوة) مريم !
ابتسموا الاتنين وسلموا ع ايد بعض ،وعزم الامر ع خطوبة سليم
لمريم مش بنت خالته !
لالالا
مريم معرفه مامته ...ولسه الى جاى 😉
， `·，`·，`·，`·，`·，`·，`·，`·，`·，`·，`·
استنونا الاربعاء الجاى ان شاءالله
#نوتيلا
#نورإسماع
نوتيلآ ❥❥
الفصل (26
， `·，`·，`·，`·，`·，`·，`·，`·，`·，`·，`·
" على ضوء منعكس ع مياه بحر اسكندرية مطل من قاعة فيوتينا
بمحرم بك
تم حفل زفاف الانسة ندى محجوب نجلة اللواء محمد محجوب
على الدكتور على عساف "
مريم: الفيس كله مقلوب ع فرحها الصفرا دى
وجدان: انا بتفرج عالصور حاطه كميه ميكاب تمكيچ بنات شارع بحاله
بنى ادمه مصطنعه
مريم : اهى غارت من حياة سليم فستبن داهيه
وجدان: هى غايرة من بدرى من قبل م تتجوز يلا بالسلامة مركبها الى تودى
مريم بتبص ع صور الفرح عالفيس
مريم: وعريسها شكله رخم كده
وجدان: الطيور يا امى ع اشكالها تقع ،يعنى حداية هيتجوزها ايه ؟!
غراب طبعا
الطلبة اتعدلوا فقعدتهم لان الدكتور داخل
مريم: اكتر مادة دمها سم ع قلبي بس اعمل ايه مادة نجاح وسقوط
وجدان: هو مش بيعمل زفت دكتوراه ع دماغه ،مايغور يعملها فاى بلد برة
يريحنا من خلقته لحد التخرج
جاته البلاوى فشكله ..
دخل مازن وصبح عالطلبة وبدأ الشرح عادى ، وفنص المحاضرة وهى شغاله
وبتتشرح !
العامل : دكتور مازن اتفضل
مازن: ايه ده ياعم فؤاد
داخل العامل ب تورتة ومولع شمعها ومكتوب عليها هابي بيرث داى مازن
الطلبة بدأو يتهمسوا ومازن اوحرج اوى
مازن: جايبهالى هنا ياعم فؤاد برضو وانا بشرح فالمدرج !
العامل: الهانم خطيبه حضرتك قالت لى كده واكدت عليا لما مرضتش
قالتلى لازم ادخلها وسط المحاضرة
سابه ومشى،همس الطلبة اتحول لضحك من تحت لتحت ومريم بصاله
بسخرية هى ووجدان
مازن بعصبيه طلع فونه يتصل بخطيبته ،من عصبيته مش واخد باله
ان المايك مفتوح !
مازن: الو ...ايوة ياهاجر
ايه الحركات دى !
انا بشرح ياماما انا بشتغل مش فاضى لدلع البنات ده
صوتها كان باين شوية
هاجر: الحق عليا عايزة افرحك !!
مازن: انتى احرجتينى قدام الطلبه وزمايلى ،اكبرى بقى
هاجر: ياسلام !!
الطلبة : ههههههههههههه
مازن اخد باله ان المايك مفتوح من ضحكهم وقفله ،طلع وكمل زعيق فيها
برة بس صوته الى حد ما باين
وجدان: ياما !!! هيبلعها
ايه ده
هو ده الى كنتى متشحتفه عليه ياختى ؟
اهو واخد البت غسيل ومكواه عشان بتفرحه بعيد هبابه
ان شالله يحتفل بيه فالقرافه ان شاءالله
مريم: اسكتى انا بحمد ربنا انى خرجت برة دايرته ، الحمدلله ربنا خلصنى
ده شكله واحد ميعاشرش وهيفضل بعنطزته وغروره دول لحد
م يخلوه يفقد كل الى حواليه
وجدان : عارفه انا مش زعلانه غير عالغلبانه الى بيمخمط فيها
فالمكالمة دى لو اعرفها اقولها الحقى انفدى بجلدك دى بتاع ماما وبس
وفى ناس كانت هتتلزق ع قفاها منه وربنا لحقها
مريم : خلاص يا وجدان ...كان مرحله وعدت .
`·，`·，`·，`·，`·，`·，`·，`·，`·，`·，`·
رحلة الى الجيزة والاهرامات ليوم واحد !
كانت الفكرة حلوة جدا لما اقترحها احد القائمين فالمستشفى كتحسين من حالة
المرضى وتغيير جو يساعد فشفائهم بسرعه ..
يارا بدأ شعرها ينبت من تانى ،كانت كل م تداريه وتخبيه كان ياسين
بيحسسها انها اد ايه جميله وهى كده وانها اجمل الجميلات فعينه .
وياسين كمان بيسترد عافيته ع اكمل وجه وسكله هيخرج قبلها من المستشفى
ويكمل علاج عادى من بيته .
الرحلة كانت فرحة كبييرة جدا جدا ل يارا ،طول عمرها كانت بتتخيل
انها تروح رحلة مع حد بتحبه وتكون طول الوقت معاه
اتحقق حلمها ع عكس ياسين الى بالنسبة له مكان الرحله مش جديد
لانه لف مصر كلها واتفسح كل الفسح الى فالدنيا قبل مرضه.
لكن فكره انه يبقى مع حبيبته يارا فمكان واحد برة المستشفى
مبسوطين ومفيش علاج مفيش جلسات لمدة يوم
بيعيشوا حياتهم بطبيعيه ،ده الى يفرق !
قبل طلوع الباص
خالد: انا هقعد جمب يارا
ياسين: هنقطع ع بعض ولا ايه من اولها ؟ بس ياخالود خليك حلو
خالد : لا بقى هقعد جمب يارا ماليش دعوة
ياسين: وبعدييين
يارا: خلاص كلنا نقعد عالكنبه الورانيه
ياسين( بيتريق عليها) نقعد كلنا عالكنبه الورانيه! هو مشوار لسيدى جابر!
لا معلش هنقعد فمقعدين جمب بعض
وانت ياخالد اقعد جمب باقى اصحابك
يارا: انت هتصغر عقلك يا ياسين خلاص خليه جمبي
ياسين: انا عقلى اصغر منه مليون مرة ومحدش هيقعد جمبك غيرى
يارا: هههههههههه
طلعوا الباص وقعدوا جمب بعض ،وكالعادة شوية تنام ع كتفه شوية يحكوا سوا
شوية خالد يرخم عليهم
بيغنوا مع الى بيغنوا من مرضى وممرضات بيهيصوا الجو
وصلوا ، نزلوا ع طول ع ركوب الخيل والجمال والكارتات !
كل مكان كانوا بيلقطوا صورة ،مش همابس لكن كل الى فالرحلة كصور تذكاريه
ليهم.
فى طلوع الهرم عملوا مسابقه ،علشان ميقولوش انهم عيانين ومش هيقدروا
كانت فكرة احد الدكاترة عشان يتحدوا بعض ويجددوا النشاط
المرضى من سن صغير زى خالد واكبر بشوية سبقوا الكبار الى حد ما
ياسين كان بيطلع ويساعد يارا الى كانت مبسووووطة جداااا.
كسب احد المرضى واختار هديته
بعدها عملوا مسابقه جرى ، كان لازم يتحركوا شوية برة نطاق المستشفى
كانوا بيجروا بس ع ادهم
وبرضو كسب حد منهم واخد هديته
جه وقت الغدا ، قعدوا عالتربيزات وجه الاكل لحد عندهم
اكل يارا وياسين ع تربيزة واحدة ،تقريبا هما قصة الحب الوحيدة الى فالمستشفى
وكل الموجودين من مرضى ودكاترة وممرضات وعاملين عارفينها ومبسوطين
بيها .
ياسين: عاجبك الاكل يا حبيبي؟
يارا: اه حلو اوى
ياسين : ع فكرة انبسطت اوى وانا راكب الجمل وانتى راكبه الجمل التانى
وماسكة ايدى خايفه تقعى
يارا: انا اول مرة اركب جمل فحياتى ،شوفت وهو بيطلع يالاااهوى كنت باخد
نفسي بالعافيه
ياسين: ده عشان اول مرة تركبيه
يارا: انت مش اول مرة مش كده
ياسين: بصى ...انا مفيش اى حاجه ممكن تتخيليها معملتهاش
عشان كده مبقاش نفسي ف اى حاجه فالدنيا
يارا( بحب) مش نفسك ف اى حاجه خالص ؟
ياسين: لا طبعا نفسي فحاجه واحدة
يارا( اتكسفت وبصت فطبقها)
ياسين: ان ربنا يشفيكى ويشفينى ونخرج من المستشفى
واتقدملك ( بيلمس بصوابعه ايدها) وباباكى يواافق
ونتخطب
وبعدها نتجوز ...ندخل شقتنا ووو
خالد( قاطعه) خد الطبق ده وهات ده
ياسين( بخنقه باصص لخالد) ياض انت عامل ليه زى هادم اللذات كده
عايز ايه
خالد: خد طبق الفراخ بتاعى وهات طبقك مبحبش الورك
ياسين: خده وغور ياخالد
اخده ومشى ياسين بيبص ع الطبق لاقاه مخلصه خالص
ياسين: الواد فارم الورك ! عيل مستفز
يارا: هههههههه معلش كل معايا انا لسه مخلصتش
ياسين( بحب وباصص ليارا) سيبك من الاكل كنا بنقول ايه
يارا( بكسوف وخدودها احمرت) كنا بناكل يا ياسين
ياسين: يولع الاكل دلوقتي،كنا بنقول هنتجوز وادخل بيكى شقتى
واقولك اهلا بيكى فقصرك يا ملكة عرش قلب ياسين
يارا: ياسين بتكسف بس
ياسين: واشيلك والف بيكى ،حاجه مش قادر عليها دلوقتي
بس ان شاءالله ساعتها هيكون ربنا شافينى واقدر اطلع بيكى للدور العاشر
وبعد م الف بيكى انزلك واقرب منك
يارا: اسكت بقى والله اقوم
ياسين: لا متقوميش بس انا بحكيلك يعنى غلطان
يارا: لا مش عايزة اعرف
ياسين: مش عايزة تعرفى هثبتلك ازاى بحبك وانتى فحضنى
خالد( قاطعه تانى) خدى الطبق ده وهاتى ده يا يارا مبحبش الصدر
ياسين( مسكه من ياقه التى شيرت) خد هنا ياض يا بغل ياض
خالد( ببلطجه) اييييه
ياسين: وكمان بتبجح ،انت هارس ام الطبق تاكل ايه هى
خالد: وانا مالى ياعم انا جعان ( اخد الطبق بتاع يارا ومستعد يجرى) اقولك
اكلها حب ( جرى)
ياسين: ولا! حاضر يا خالد اهرب هنا هتروح فين منى هناك
هقوم اجيبلك طبق تانى حياتى
يارا: لا خلاص مش عايزة انا هاكل رز وسلطات عشان خاطرى متتعبش نفسك
كملت اكل وياسين سند راسه ع ايده وبيتأملها وهى بتاكل بحب شديد اوى.
خلص الغدا قاموا يكملوا الجزء التانى من الرحلة ، كانت زيارة لدريم
بارك
اتعمل خصم ع تذاكرهم علشان تبع مستشفى
دخلوهم الالعاب الترفيهيه الى مفيهاش ارهاق ولا خطورة عليهم.
قضوا وقت جميل اوى فاللعب والضحك والتصوير ، كان اجمل يوم عاشته يارا
برغم المرض
برة بلدها فرحله اليوم كله مبسوطة وفرحانه وبتضحك ...ومع حبيب عمرها كله .
وفالرجوع
سيطر التعب عالكل ،وكان المعظم نايم زى يارا كده
طول الطريق واخدها ياسين ع صدره محمل رايها بحب ومحاوطها بدراعه
وهى كانت نايمه مستغرقه لانها حاسة باحلى شعورين فالدنيا انحرمت
منهم طول عمرها
الامان والفرحه ❣
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
الحب بيعمل المعجزات ،ونشوى معجزة من المعجزات
الى مستحيل تتغير ..لكن الحب غيرها 😉
الخمار واللبس الى كانوا دايما غامقين،بقوا فاتحين
والوان بناتى
حاطه طريقه لفتها للخمار بقت اشيك
بقت تحط مستحضرات تجميليه خفيفه قبل م تروح
الشغل
بقت مشرقه كتييير عن الاول .
وانهاردة كان الدور عليها فتحضير غدوة بيتى
كان اقتراح من واحدة منهم مدام مش انسه
ان بدل م كل مرة يطلبوا ديليفرى بالشئ الفلانى
ومش بيشبع زى البيتى
يعملوا كل يوم غدوة ع واحدة تعملها وتجيبها من البيت
وبكده هياكلوا احسن وتوفير عن كل يوم م يشتروا
هى مرة واحدة بتكلف كل واحدة غدوة والشباب تجيب
الكولا ع حسابهم.
كل موظفه عملت دورها وجه الدور ع نشوى .
عملت حلة محشى كرنب من الى قلبك يحبها
وشوت فراخ وقطعتهم بيتى
عملت السلطات وحطتهم فعلب،والكولا عليهم .
موظف : تسلم ايدك
الموظفه: خلطه المحشى دى باللحمه المفرومه دى
عامله ازاى يا نشوى
موظفه ٢: اه فعلا رهيبه
حسام: لا يا انوش متقوليش غير لما تاخدى من كل واحدة عالوصفه
٥٠جنيه
وانا ال هقبض منهم
موظفه: وانت مالك انتى هو انت مصلحجى كده
حسام : مش مالى يا انوش ( غمزلها)
نشوى: ههههه ايوة بس معلش المرة دى نعديها
ومن المرة الجاية ناخد فلوس
موظفه: المرة الجاية فدورك هتدوقينا ايه
نشوى: ممممم هعملكم كريبات محشية جمبرى
وكاليمارى ايه رأيكم
موظف: يالااااهوى متشوقنيش من دلوقتى
بصراحه بقيت استنى يومك
حسام( بغيره) ده ليه يعنى ؟
موظف: ياعم عليها اكل ولا الشيف علاء الشربينى
يابخت الى هيتجوزها
حسام( بخنقه) هيهيهي طب نخف
موظف : ههههه ماشى ياعم
خلصوا الاكل ، وقاموا يغسلوا ايدهم
نشوى بتحضر نسكافيه مش عايزة كولا جه ناحيتها
بهمس
حسام: مش هنبطل هزار وضحك وهقهق ومئمئ
نشوى: طب انا فين الى هزرت انت بتتلكك
حسام : والله !
على اساس ان الى حصل من شوية ده اتشال
فالمونتاچ
نشوى ( كاتمه الضحكه) فيه ايه ياحسام !
هاه
حسام : مفيش واتلمى ...خلصنا ؟
نشوى : ( بصوت عالى شويه ونرفزة) هى تلاكيك وخلاص
حسام: متتعصبيش عشان مولعش فخمارك ده
سابها وقعد ع مكتبه وهو قالب وشه جابت النسكافيه
وقربت كرسيها له
نشوى: ع فكرة لما بتكشر حواجبك بتعقد ع بعض
وبيبقى شكلك وحش
حسام: انا ربنا خالقنى كده طالعلى غابات افريقيه
ف وشى
نشوى: خلاص بقى ميبقاش دمك تقيل
خد كانز السفن اب بتاعك اهضم
حسام ابتسم عليها وبص لجهازه
نشوى : بس ايه الرومانسيه دى كلها فمكالمة
امبارح
حسام( بصوت واطى ) عجبتك يعنى
نشوى: فكرتنى ب اول مرة قولتلى فيها انك بتحبنى
حسام: ده كان يوووم يا دينى عليه
نشوى: فرحان بنفسك انت عشان صدقتك وخلتنى احبك
مش كده
حسام: بصراحه ؟ اه حاسس بانتصار جامد اوى
ده انتى كنتى صعبه ولا خط بارليف ياشيخه
نشوى : بس مكنتش اعرف انك حبيب اوى كده
حسام: عشان مش بحب اى حد ،انا بحب نشوى
ولا ايه
نشوى: ولا اه
حسام: ولا لأ...قوليلى صحيح
نمتى واحنا بنتكلم امبارح وسيبتك رايحه فالنوم
وفضلت اسمعك نفسك
نشوى اتكسفت اووى
حسام: وخلاص انا كمان هنام ع صوت نفسك
لاقيتك قومتى مفزوعه وبتصرخى وطنط مامتك
جت واتقفلت السكه فوشى هو كان فيه ايه ؟
هو ده حصل بجد ولا انا نمت وحلمت
نشوى( بارتباك) هاه! لا اكيد بتحلم
محصلش ده
حسام: لا كنت صاحى .
نشوى: لا اكيد نايم
حسام: متششكنيش فنفسي يانشوى ،انا سمعتك
بتصرخى شوفتى كابوس طيب ؟
نشوى: ( بتوهه) مش فاكرة ...عشان كده بقولك يمكن
بتحلم
حسام( هز راسه) جايز .
， `·，`·，`·，`·，`·，`·，`·，`·，`·，`·，`·
ف اوضة مكتب بابا وجدان كان سهران بيشتغل
ودخلت وجدان تناديه للعشا..
الاب: لا تعالى بس عايزك
وجدان: طب اتعشى الاول وبعدين نتكلم
الاب: ماشى نتعشى الاول
اكلوا وشالت الاكل ،وقفت بالمطبخ تعمل لباباها شاى
ووقف معاها
وجدان: فيه ايييه يارؤوف عايز تقول ايه
الاب: جالك عريس كويس يا وجدان ،وانا متحمس له
وجدان ( كشرت ) وانت وافقت
الاب: مستنى موافقتك انتى
وجدان: اكيد مش موافقه ، انا معرفوش
الاب: لا تعرفيه ده مش غريب
ابن عمتك فوزيه
عماد
وجدان: احم ...بابا يعنى عماد ده زى اخويا
الاب: الله بقى يا حبيبة بابا انتى خلاص قربتى
تتخرجى
والسنين بتفوت وانا عايز افرح بيكى
وجدان: يابابا يعنى مش حاطه فبالى فكرة الجواز
اوى
الاب: عارف ...بس اقعدى معاه مرة واتنين
وان مرتاحتيش مش هغصبك ع حاجه
وجدان: يابابا اقعد مع مين مانا عارفاه عماد
هو انا لسه هتعرف عليه
الاب: وجدان ...متغلبنيش معاكى
اناعزمتهم ييجوا يوم الخميس اقعدى وشوفيه
عشان خاطرى
( باس دماغها واخد المج بتاعه ومشى )
وجدان: اووووف...الله يخربيت العرسان وبيت سنينهم
السودا!
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
مريم : ههههههههه عريس تانى ،عريسانك
كترت يا ويچا
وجدان: المصيبه انه مش زى التلقيحه مراد ابن
ام مراد
لا ده بابا مبسوط انه متقدملى وانا مش عايزة ازعل بابا
مريم( بخبث) طب وانتى رافضه ليه نهائى ،م تقعدى معاه
شوفيه
وجدان: لا ! هو كده لا وخلاص
انس كان معدى وسمع جزء الاخيرمن كلامهم
دخل الاوضة
انس: مريم روحى اعمليلى شاى
مريم: اومال مج ايه الى ماسكه فايدك ؟
انس: هاه ! خلاص اعمليلى سحلب
مريم: ايه يا انس هو اى رخامه
انس: طب اعنليلى سندوتش بيض بقوطه الله
يسترك عالسريع
يلا حبيبك اخوكى
مريم قامت تنفخ كالعادة ،خرجت ودخل لوجدان
انس: جايلك ايه ياروح النونة سمعينى تانى؟
وجدان: نعم ياعم الحاج فيه ايه
انس: جايلك عريسين ؟ ما طول الليل بكلمك
عالفيس مقولتيش يعنى
وجدان( مبسوووطة من جواها) واديك عرفت
خير؟
انس: وهتوافقى ؟
وجدان: وانت مالك ميخصكش
انس: لا يخصنى ...انت تخصينى يابت انتى
سامعه ولا لا
وجدان : اخصك ( ضحكت باستهزاء) هيهيهي ده
عند ام لولو
انس: بلا ام لولو بلا ام سوسو هترفضى الاتنين عشان
مظبطكيش حته ظبطه تعجبك
وجدان: انت بتتكلم كده ع اساس ايه يعنى ؟
انس( باندفاع من غير وعى) عشان بحبك !!!
ثوانى عدت ع مسامع وجدان وهى مبرئاله
وودانها بتردد الكلمة
عشان بحبك !!!
وجدان( بهدوء) قولت ايه ؟
انس: عشان بحبك ...يابقرة
ياجاموسه
يالى م بتفهمى
وجدان ابتسمت ورجعت لمت الابتسامه ع اد م تقدر
وجدان: طب وانا مالى م تحبنى هعمل انا ايه
انس: عملك اسود ومنيل ع راس الى خلفوكى
انتى يابت من هنا ورايح انتى تخصينى
كل الى بيحصل معاكى تقوليه ليا
ومفيش عرسان
ومفيش خطوبات
عشان انا انضربت فقلبي بصرمه قديمه
وحبيتك
ومفيش مخلوق خلقه ربنا فيكى يا اسكندرية
يعرف ياخد حاجه من انس اسماعيل
( بيخبطها ع خدها) فهمتى ...خلصانه!!
سابها وخرج ،ابتسمت ولمست مكان ايده وباستهت
وفضلت تتنطط لوحدها
دخلت مريم جايبه السندوتشات
مريم: هو فين ! اومال انا عملت السندوتشات دى لمين؟
وانتى بتتنططى كده ليه ؟
وجدان: مريوم ياحبي مريوم ياقلبي ،ابقى اجيلك
بكرة بقى هنزل دلوقتى
مريم: ايه ده مالها دى ...طب والسندوتشات
وجدان ( من برة ) كليهم انتى ...تصبحى ع خيير
مريم: مالهم دول !!!
لا حول ولاقوة الا بالله
， `·，`·，`·，`·，`·，`·，`·，`·，`·，`·，`·
عالكورنيش،مكان اسيا المفضل
يكون منها للبحر
كانت مع خطيبها وحبيبها اياد بيتكلموا فموضوع مهم.
آسيا: خلاص بقى يا إياد ..معلش يعدى الظرف الى فعيله ماما
ونحاول نكلمه تانى
إياد: انا مش زعلان ،عنده حق باباكى يأجل الشبكة عشان حالة الوفاه
الى عند طنط
بس مش لدرجة يقولى الشبكة وكتب الكتاب والزفاف سوا
هو عارف انى لسه بشترى الموبيليا وداخل جمعيات
ده غير مصاريف الفرح
يعنى لسه قدامنا شوية ،طب ليه التعقيد
آسيا: يا حبيبي متزعلش كده عشان خاطرى ،يعدى ٤٠ابن خالة ماما
ده ونكلمه تانى وان شاءالله يوافق نعمل شبكة وبس ونخلى كتب الكتاب عالفرح
إياد: مزعلش ازاى بس ،ماهو الناس فاكراكى مش مخطوبه اهو
آسيا: يا ويدو ع موقف سليم الى حكتهولك ؟ انا كنت بقولك يعنى
ع كسفتى وانا بقع من عربيته
عادى مكنتش فاكرة انك هتزعل ع موضوع الخطوبه
إياد: وهو بيستعجب ليه بسلامته انك مخطوبه ولا لا هو ماله اصلا
آسيا: الله ! سؤال عادى يا اياد
إياد( بيخبطبها بطرف ايده فدراعها) وانتى متركبيش معاه تانى
متركبيش مع حد اصلا
اسيا: انا مبركبش اصلا بس ده زى اخويا وانا فعلا استنيت المواصلات
وطولت
إياد: ماليش فيه ،انا جيت اركبك تاكسى انتى خوفتى تركبي لوحدك
قولت اوصلك قولتيلى هتتأخر ع شغلك
يبقى تستنى مواصله عادى ...مش ناقصة هى كل شوية حرقه دم
وبعدين ايه اخويا دى ايه اخويا دى
محدش اخو حد يجوزلك ولا لا
آسيا ( بنعومه) يجووز ..خلاص بقى عشان خاطرى
شبكت كف ف ايدها ولفتهم ع دراعه وسندت راسها عليه
آسيا: بحبك بقى خلاااص
إياد: انا لما حد بيقرب منك ولا بعرف ان فى عرسان اتقدمت وانتوا قولتوا
مخطوبه بتجنن فاهمة بولع بتحرق
آسيا: بعد الشر عليكى يا حبيبي
إياد( بيبصلها بحب) هو حد مودينى فداهيه غير نعومتك دى
ودلعك ورقتك
يابنت اللذين
آسيا ابتسمت
إياد طلع من صباعه دبله دايما لابسها
إياد: دى دبله فضة انا لابسها وناقش عليها اسمك من قبل حتى م اقولك
انى بحبك
كنت حاسس انك فيوم هتكونى ليا سبحان الله
البسيها ،عالاقل تعمى العين عنك لحد م نشوف تحكمات عمو رفعت
الى هتجيب اخرى دى
آسيا اخدتها وضحكت ولبستها ،هو بصلها باس عالدبله
وضم راسها عليه بحنان وبصوا الاتنين عالبحر وهما فحالة هيام عاطفى
مستعصيه..
， `·，`·，`·，`·，`·，`·，`·，`·，`·，`·，`·
فاوضة والدة سليم ..
كانوا الاتنين بيحكوا سوا عن سليم واحواله والفكرة المسيطرة طول الوقت ع مامته.
الام: عشان خاطرى يابنى
سليم: ياامى احنا فسنه كام عشان تخلينى اتجوز بالطريقه دى
الام: يابنى انت طول اليوم فشغلك ،لا بتقابل بنات ولا بتعرف
حد
يبقى منين هتشوف بنت الحلال دى
سليم: ف انتى رايحه تجيبيلى صور لبنات وانا اختار
الام: ومالو مظام بنات عائلات ومن مستوى اجتماعى كويس
ايه المانع
كأنك اتعرفت عليهم عن طريق البتاع ده اسمه ايه الى بتقعدوا
عليه ليل ونهار ده
سليم( مبتسم) الفيس
الام: ايوة هو ده اعتبره ده ياسيدى
سليم : يا امى انا مش فاهم افهمك ازاى انى لازم اعرفها واتعامل معاها
الاول لحسن اتدبس فيها
الام: ولا هتدبس ولا حاجه بقولك بنات عائلات
سليم: طيب الاولانيه كانت بنت لوا ...حصلى من تحت راسها ايه
الام: اسمع كلامى وشوف كلام امك واختياراها ، ولو ان كان نفسي
تختار واحده من بنات العمارة
وكنت عاوزة البت تبارك بس النصيب
سليم( بسرحان) او مثلا آسيا ...ودى كمان اوت
الام: شوفت البنات بتتخطف وانا عايزة افرح بيك ،اسمع كلامى
بص كده
بص فتلات صور جايباهم مامته من جيرانها ومعارفها
لبنات فعلا حلوين
هو ركز فواحدة منهم كان فيها شبه كبير من مريم ،مش عارف ليه
انشد ل دى بالذات
سليم: ممكن دى
الام: تصدق ان انا كمان كنت حطاها فدماغى وعجبتنى من صورتها
دى بقى ياسيدى خريجة كلية السن القاهرة
وباباها كان بيشتغل مدير ادارة فديوان عام المحافظة
اخلاق وادب بيشكروا فيها
سليم : اسمها ايه ؟
الام: مش هتصدق ...
سليم( ابتسم وهز راسه بثقه حلوة) مريم !
ابتسموا الاتنين وسلموا ع ايد بعض ،وعزم الامر ع خطوبة سليم
لمريم مش بنت خالته !
لالالا
مريم معرفه مامته ...ولسه الى جاى 😉
， `·，`·，`·，`·，`·，`·，`·，`·，`·，`·，`·
استنونا الاربعاء الجاى ان شاءالله
#نوتيلا
#نورإسماع
