روايةツ
نوتيلآ ❥❥
الفصل (22
， `·，`·，`·，`·，`·，`·，`·，`·，`·，`·，`·
من اوضة استقبال الضيوف فشقة آسيا
لتانى مرة تستقبل نفس الضيف ...بس المرة دى بتجمعهم كلهم
الاب والام
ولمى وآسيا ...وإياد!
الاب: يا استاذ اياد سبق واتقدمت لها من سنتين وانا رفضت لظروفك ووصلك
جوابي ع طلبك
إياد: بس حضرتك المرة دى انا ظروفى مش هى هى ، انا عندى بدل المشروع اتنين
وان شاءالله قريب هدفع مقدم شقة
الاب: والقروض؟
إياد: الحمدلله بدفع كل قسط فميعاده ده بالنسبة لاول قرض والتانى بدبرها
لكن مفيش مشاكل عندى
الاب: انا الظروف المرتبكة دى مش عحبانى ،انت يابنى مش مرتاح فظروفك وتعبان
وهتعب بنتى معاك
آسيا: يابابا بعد اذنك انا شايفه ان ممكن تدى إياد فرصة وبس المرة دى
الاب: ياحبيبتى ده جواز ! م تتكلمى يا ام اسيا
الام: طيب انت مستعجل ليه ي اياد يابنى
إياد ( اتوتر وسكت ثوانى وبعدها اتكلم) عشان اسيا اكيد بيتقدم لها عرسان
وانا خايف تروح منى
وعايز اى شكل للارتباط
ان شالله حتى فاتحه وع بال م تخلص السنة بتاعتها
اكون انا جهزت بإذن الله واشبكها وبعدها نحدد براحتنا الفرح
الاب: يابنى الى انت بتقوله ده اسمه سلق بيض ، يعنى مش معقول هوافق
عالجواز عشان انت خايف لاتتخكب لغيرك وانا شايف ان ظروفك مقلقه
وهتقلقها معاك
لمى: يابابا وافق بقى يابابااااا
الام: بس يالمى
آسيا: يابابا انا واياد بوجودنا سوا هنساعد بعض نقوم
وانه شايفه انه شخص كويس وسعادتى معاه
الاب: مش كل الى تشوفيه صح ي اسيا يتعمل ،انا ابوكى واعرف مصلحتك عنك
لمى: بابا اياد كويس وبيشتغل وبيحوش وهياخدلها شقه وبيحبوا بعض
م توافقوا بقى لازم التعقيد يعنى ؟!
الاب: لمى طالما بتكلم متتكلميش وتتصرفى بطفولية كده
إياد: طيب حضرتك ايه شروطك وانا هعملها ،بس انا بترجاك متحرمنيش من اسيا
كل املى فالدنيا هى
لو اتجوزت حد تانى هموت
الام: لا حول ولا قوه الا بالله
الاب: يابنى بلاش كلام عواطف دلوقتي،احنا بنتكلم فمستقبل لكم
ظروفك البايظة دى لو طاوعتكم ووافقت الحب الى بتتكلموا عنه ده حيهرب
من قلوبكم بسبب ال هتتحطوا فيه
آسيا: بعد اذنك يابابا انا متحمله ده ،وصدقنى لو طلع اختيارى غلط
فانا مش هلوم اى حد منكم
الاب سكت وبص لمراته الى شكلها موافق ولمى شغاله تترجاه بحركات بتعملها ب ايدها
الاب: وانت فين اهلك ،كل مرة تجينى بطولك كده
إياد( بدأ يبتسم) حضرتك قول موافق وانا هجيبهم كلهم هنا من الفجر
الاب سكت وبص فالارض وبعدين رفع وشه
الاب: طيب سيبنى افكر وارد عليك
إياد: الى تشوفه حضرتك ...بس اهم حاجه طمنى
ان شاءالله خير؟
الاب( ابتسم ع اصرار اياد) زى م عايز ربنا هيحصل ...شرفت يا اياد
قامو وسلموا عليه ووصلته آسيا لباب الشقة هى ولمى
إياد: قولتلك اركب مكوك واوصلك ...هوصلك يا اسيا وهتبقى فبيتى قريب
آسيا: وانا مش عايزة غيرك يا إياد
ابتسم وسلم عليها ومشى ولمى واقفه تسح ع نفسها
لمى: هيييييح ...عقبال لما احمد يجيلى يارب
الحب حلو اوى
آسيا: ههههه طب ادخلى هتفضحينا
， `·，`·，`·，`·，`·，`·，`·，`·，`·，`·，`·
"بتبصلى كده ليه ؟!"
عمرو : عايز اشبع من جمالك
تبارك اتكسفت وقامت جابتله طبق جاتوه وادته له
عمرو: كفاية حلو ...الحلو كله قدامى اهو
تبارك: الكلام ده بيلخبطنى ...ممكن تسكت
عمرو : حتى وانتى مكسوفه وبتبصى بعيد عيونك حلوين ،وبعدين امتى هتبطلى
كسوف
ع فكرة انا معايا قسيمة بتقول انك مراتى ..هاه!
تبارك(احمرت خدودها اوى) احم ! بس لسه انا فبيت بابا وكده يعنى
عمرو: ومالو ،انا بس عايز اقولك ان محدش فالدنيا اقربلك منى
تبارك: عمرو مش هنتكلم فموضوع الشبكة ؟ انا عديت الحكاية وقولت لما نقعد سوا
هنتملم وهتنفذ وعدك
عمرو: لا مش هنفذه انا كنت بس عايز اعرف النبلغ الى ع عمرو كام وخلاص
الشبكة شبكتك
والمهر هيندفع لانه حقك
والى بينى وبين سفيان مالكيش دعوة بيه لانه ابن عمى وانا بتعامل ع ده الاساس
مش اخو مراتى
تبارك: انا لو اعرف كده مكنتش قولتلك ولا وافقت ع مساعدتك
عمرو: بطلى كلام اهبل ، تبارك انا عايز اجيب الدنيا كلها تحت رجلك
مستحيل اسمع صوتك زعلان واقف ساكت وعاجز
اومال ازاى هبقى راجلك
تبارك سكتت وكانت فرحانه من جواها ،دخلت مامتها عليهم
الام: يلا ياعمرو السفرة جاهزة
عمرو: ليه يامرات عمى التعب بس مش كل م اجى تتعبي نفسك
الام: الله ! اتعبلك والتعب راحه
متعرفش بمثل
محدش غالى عليا ..اكتر من جوز البنيه
عمرو : ههههه ربنا يباركلى فيكى يا مرات عمى يارب
قعدوا عالسفرا مامت تبارك وسفيان وعمرو وتبارك يتعشوا، اكلوا واتكلموا
وبعد الاكل
قام يغسل ايده
كانت تبارك واقفه تناوله الفوطه
عمرو : تسلم ايديكم ،بس انتى اكلتك ضعيفه ع فكرة
تبارك: هى اكلتى كده
عمرو: لا انا عايزك تشدى شوية خليكى بطبوطه ( اخد منها الفوطه )
تبارك: ايه ده استنى فيه نقطة سلطة طحينه ع قميصك ، ثوانى
مسكت طرف الفوطه ومسحتهاله بالراحه عشان متبوظش شكل القميص
عمرو بيتأمل اطرافها الحنينه وهى ماشيه ع صدره
قلبه كان بيدق انه يضمها عليه مرة واحدة من شده حبه ولهفته عليها
ترجم ده لمسكه رقيقه لكف ايدها الى بتمسح بيه وكان اول مرة يعملها
قرب صوابعها لشفايفه وباسهم بحنيه وعيونه فعنيها
تبارك اتبرجلت خاااالص وكانت هتوقع من طولها
تبارك: عمرو..ايه ده !
عمرو : تعيشى ليا يارب ...انا بحبك ياتبارك
تبارك سكتت وراحت فدنيا تانيه بعد كلمته ،عمرو انتهزها فرصة وبيقربها له
هى انتبهت وبحركة مندفعه تضحك
خبطته بايديها الاتنين فصدره وقعته عالارض ع ضهره ،هو فضل يضحك
وهى هربت ع برة مظخل الحمام تجرى بمنظر يضحك !!
， `·，`·，`·，`·，`·，`·，`·，`·，`·，`·，`·
فكافتيريا مستشفى الاورام الخاص ...
كان ياسين بيقوم بكذا دور مع يارا
دكتور بيشرحلها
صديقتها الى بتذاكر معاها
اختها الى بتسمع الى حفظته
اخوها الى بيخليها تاخد الريست عليه عشان تفك
ومع كل ده يارا مكتفيه تماما بيه ...
يارا: ناخد ريست بقى انا تعبت ودماغى فستكت
ياسين: لا خلاص فاضل جزء صغير هنراجعه سوا ،وبعدين دى مادة
تخصص
رسم وشخبطة والوان الحجات بتاعتك الى بتحبيها
يارا: دماغى وجعتنى ياياسين والله
ياسين: وبعدييين امتحاناتك الاسبوع الجاى بلاش دلع
يارا: طب ١٠دقايق ونرجع تانى والنبي والنبي والنبي
ياسين: يالاهوى عالززن ، طب ١٠ دقايق بس
يارا: مممم مألفتش حاجه جديدة ؟
ياسين: لا لسه
يارا: كداب يا ياسين
ياسين: ليه كظاب يايورا
يارا: عشان الصبح لما دخلت اندهك تفطر معايا لاقيت ورق ع سريرك
الى بتكتب فيه
ولاقيت دى
ياسين: ياحراميه ...طب هاتى
يارا( رافعه الورقه لفوق) لأه!
ياسين: بقولك هاتى ...هاتى هقوملك
يارا : لأه
جريت منه وجرى وراها بس الاتنين ضعاف فجريتهم ، وبقية المرضى بيبصوا
عليهم ويضحكوا
لحقها ومسك دراعها وخطفها منها
يارا: عالعموم انا كل شوية اقراها لحد م حفظتها
ياسين: كدابه كلماتها صعبه عليكى ،لما مغلبانى من بدرى فالمذاكرة
هتحفظى بسرعه كده
الممرضة جت عليهم الى مصحباهم
الممرضة: نتيجة تحليلكم انتوا الاتنين طلعت
يارا: ايه يا زهراء الاخبار
الممرضه: هاتى بوسه يايارا
يارا( باستها فخدها) اهو
ياسين: وانا ابوس ولاهى بس
الممرضه: احترم نفسك لحسن تضرب ...ماشاء الله فيه تحسن جامد ليكم
انتوا الاتنين
العلاج والجلسات جايبه نتيجه
يارا انا مستغربتهاش لانها متحسنه من ساعة م جت
انما ياسين هو الى استغربته لحد قبل م تيجى كان فالنازل
واضح ان سرك باتع يا يورا
اتنهدت وغمزت لياسين وسابته مبتسم ومشيت
يارا(ببصة خجل وبصوت هادى انثوى جميل) ع فكرة حتى صحباتى
فخطوبة تبارك قالولى كده وقالولى انى شاده حيلى عن الاول
ياسين: وياترى ايه السبب
يارا اتكسفت اوى وحبت تهرب من سؤاله بهروب ممتاز ذكى
يارا:"قدر لقلبك يرويني ويخضر عمري انا اليابس
ويسقي نبض شراييني ويحمي قلبي انا العاجز "
مش ده الى انت كاتبه ...شوفت انا حفظت ازاى بسرعه
ياسين مبتسم وقرب بصوته عليها
ياسين: ولما انتى شاطرة كده مغلبانى من الصبح ليه فمذاكرة موادك
؟!
يارا: انا بحفظ الكلام الحلو بس ..هو الكلام المكتوب فالكتب حلو زى الشعر بتاعك
ياسين: انا كلامى حلو ؟
يارا: اه
ياسين: يمكن حلو عشان الى بينكتب فيها احلى
يارا: شوفت انت بتخوم ازاى ، انا سألتك بتكتب فمين قولت مفيش
ياسين: هى كل ده ولسه معرفتش
يارا باصة فالارض وبتفرك صوابعها فبعض من الخجل
ياسين( حب يطلعها من خجلها) انتى نسيتى نفسك ياهانم ال١٠دقايق
راحه عدوا
قداااااااااامى ...
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·
كشكول محاضرات بيترمى ع راس مريم !
مريم: ايه فيه ايه ياحمارة انتى ؟
وجدان : ماهو انا مش فاهمة حاجه من كشكول منى بخطها الى زى نبش الفراخ
وقال ايه دى من اوائل الدفعه
مريم : انتى الى بهيمة لوحدك متجيبيش تخلفك العقلى عالبت
وجدان ماسكة ورق مذكرات قطعت منه ورمت عالارض
مريم: طب والله لاتنضفى الاوضة قبل م تنزلى يا ويچا الكلب
ولا كأن وجدان سامعه ومسكت ورق كتير من الكتاب قطعته وجابت مقص وبتقصه
ع شكل عروسه
مريم: بتعملى ايه يا مرووشه
وجدان: بعمل ورق الكتاب عرايس وهولع فيه وابخرنا بيه عشان الحسد وبالباقى
هعمله مراكب
اهو يبقى للكتاب نفعه احسن من وشه
مريم: هههههه والله انتى الى لسعتى ،انا مش هديكى كتابي عشان تبقى فاهمة انا عايزة
اذاكر وانجح
وجدان : ايوة ومالو اصل سعادة الحمارة تبقى سفيرة روترى ،انا قايمة اعمل حاجه اكلها
عندكم ايه يتعمل سندوتشات
مريم: اسالى خالتو والى هتلاقيه اعمليلى معاكى عشان جوعت
وجدان: طوووويب
قامت وجدان وخرجت من الاوضه راحت عالمطبخ عدل ،فتحت التلاجه لاقت
طبق جبنه رومى وحلاوة طحينيه جابت العيش وبدأت تعمل سندوتشات
وحطت مية فالكاتل تعمل نسكافيه
وهى واقفه انس دخل المطبخ
انس: هو ده بيتنا ولا بيتكم ولا انا جيت غلط
وجدان: ( بتعمل السندوتشات) بيتنا وبيتكم واحد يا زميلى
انس: تعيش ياشبح ،بتعملى سندوتشات ايه
وجدان: جبنه وحلاوة ...اعملك
انس: لا اعمليلى بيض بالبسطرمة يا وجدان بالله عليكى
وجدان: اومال انا مكتوب ع وشى مفرخه الى خلفوك ايه الى كل م يشوفنى اعملى بيييض
بيييض
انس: خلصتى لوك لوك اعملى بيض بالبسطرمة يلا وحبشيه وهاتيه عالاوضه
وجدان: طب ابقى سيب ٥٠ جنيه تحت الحساب ياسيدى
انس: ماشى ياخدامه وهجبلك كسوة الشتا كمان هيصى
ضربته فضهره وكتفه
وجدان: خدموا عالبعيد فعزاه قادر يا كريم ،غور يا انس اطلع برة
انس: ده بيتنا اطلعى انتى برة
وجدان: ياسااااتر عالتلامه
انس: يلا معلش بس طبق بيض بالبسطرمه وقطعى حتتين طماطم
وجدان: لا
انس: حبيبك انا
وجدان: حبيبي منين ياض هو اى تهمه
انس: خليكى جدعه
وجدان: لا انا مش جدعه
انس: عشان خاطرى
وجدان( بتناكه) طب بوس ايدى
رفعت ايدها ف وشه راح زاحها وباس خدها وجرى!!
وجدان اترجت وهى واقفه وبسرعة جريت وراه لحد اوضته تضرب فيه
بضهر السكينه
كان سليم معدى وداخل لمريم
سليم( بيضحك ع انس ووجدان) فار وقط فقلب البيت ، كلمش !
مريم: نعم
سليم: دوا الكالسيوم بتاعك ودوا سوء التغذية اهو جبتهملك ، وكروت شحن عشان
عارف ان معندكيش رصيد
ودى حجات بناتى كريم شعر بتاعك وال ....كدهو
مريم خدتهم منه وهى مستغربه
مريم: عرفت ازاى ان الدوا خلص والحجات بتاعتى وكمان ده ( بتضحك )
سليم: انتى لو مخدتيش بالك انا اخد ، هاه فيه حاجه تانى نقصاكى
اه صحيح خدى
( ادالها فلوس) خليهم معاكى
مريم: معايا والله ياسليم
سليم: مش مشكلة خلى معاكى بزيادة دايما ( باس دماغها) يلا اسيبك تذاكرى
وجدان داخله الاوضة تشتم ف انس
وجدان: ورحمة ابوك المحروق لو عملت كده تانى يا انس لاشويك انا بقولك اهو
( لاقت سليم عملت تحية عسكرية ) حضرة الظابوطه!!
سليم: ههههه بتستحلفى ع ايه ده لو مسكك يبلعك وانتى كلك ناموسه بالنسبة له
وجدان: لا ميغركش انا فالشدة شديد وفالقوه قوى ...قوى قوى
الا انت اتنقلت ادارة ايه ياسعادة الباشا ؟
سليم: ( بطريقه تخوف) الآدااااااب
وجدان ( لطمت) احيه!! بقى سليم الكومل ابوشنب يوقف
عليه ديك كوكو وتقولى اداب
الداخلية باظت يا جدعان
مريم: نعمل ايه للحيوان ابو التلقيحه المقشفه ندى هو الى نقله
وجدان: الهى يسلخ فخاده ويتقطع حتت تحت تورماى وياكله سبع النهر
سليم: هههههه الردح اشتغل ذاكروا وبطلوا كلام
خرج سليم ودخل انس
انس: هتعملى الى قولتلك عليه ولا يحصلك تانى زى م حصل
هناااك
فالمطبخ
وجدان اتمسفت وبصت ع مريم
وجدان: هموتهولك والنعمة
مريم: موتيه !
`·，`·，`·，`·，`·，`·，`·，`·，`·，`·，`·
عالسطوح آسيا بتذاكر ،ونشوى كانت قاعدة من الاول لوحدها قبلها
بتسمع مزيكا
وهى بتسمع وهيمانه قطعت مذاكرة آسيا
نشوى : آسيا !
آسيا: نعم
نشوى : معلش قطعتك بس كنت عايزة احكى معاكى فحاجه
آسيا: لا يا نوشا ولا يهمك معاكى
نشوى : بصى انا بحس انك اكتر واحدة فينا عاقله وبتوزنى الامور بعقلك
فقولت افضفض معاكى شوية
آسيا: ربنا يخليكي يانشوتى قولى ياقلبي
نشوى: بصى لو فى حد بتحسى انه بيلمسك من جوه كده
استحمل عصبيتك وشخطك وصوتك العالى
بيسمعك فكل الاوقات
بيهتم بيكى
مش ده يبقى ...
آسيا( ابتسمت) يبقى حب طبعا ،ده كل الى حسيته لاياد
وعشان كده حبيته لا ارادى
نشوى: مانا بقول كده برضو ..بس انا مش عايزة ده
مش عايزه قرب اكتر
كل م احاول البعد الاقى نفسي بتورط اكتر
آسيا: انتى بتحبي يانشوى ؟ صدقينى مش هقول لحد
نشوى: مش فكرة تقولى لحد يا اسيا،بالعكس انتى والبنات من
ساعة م جيت هنا وسيبت بيت جدو وانتوا مهونين عليا كتير
وبحس انكم بجد اخواتى
الفكرة انها مش حكاية زى حكاياتكم فرحانه بيها وعايزة احكى
زيكم
انا مينفعش ادخل اى علاقه ولا ادخل حد حياتى
آسيا: ليه بس يا نشوى مالك
نشوى ( عيونها فيها دموع) نفسي احس الاحساس للاخر وافرح بيه
واتمنى واعيش زيكم
بس مينفعش
انا غيركم
آسيا: غيرنا ف ايه طيب
نشوى: مش مهم غيركم ف ايه ، المهم انى ازاى اتخلص من الحب ده
آسيا : ليه يا نشوى ده احلى احساس فالدنيا
انا فالاول كنت عايزه ابعد اياد عن حياتى وابعد حبه واهرب
لكن قدر يحببنى فيه ويموتنى فقربه كمان
عرف يملكنى باحساسى وقلبي وكل حاجه فيا
الحب بيقوى وبيغير ، بصى ع يارا كانت داخله تتعالج
بعد مرور شهور بقت اقوى عن م دخلت لانى متأكدة انها لاقت الحب هناك
عن بيتها
لمى اختى رغم حكايتها الغلط ،لكن الحب مخليها اقوى
مخليها بتفكر فغيرها ازاى تسعده
٢٤ساعة بتفكر ف ايه الى يسعد احمد تعمله
تبارك كانت متعلقه بصلاح ،لكن عمرو قدر يأثر فيها
عرف ياخدها ناحيته من غير م يعرف حاجه عن قلبها
بصى ع ضحكتها فكل صورة من صور فرحها هتحسي انهم بيحبوا بعض
من ٢٠سنه
متخافيش من الحب يانشوى ...
نشوى (سرحانه) ولو عندك سر كبير ،مش عارفه تقوليه ولا حتى لنفسك
ازاى هتدخلى فعلاقه مع حد
وانتى جوامى شئ كبير مخبياه
وانتى جواكى خوف من الى جاى
آسيا استغربتها ..سكتت ثوانى وردت عليها
آسيا: مهما كان سرك ، قلب حبيبك اوسع منه
ولو بيحبك بجد
هيقبلك بالى انتى شايفاه غلط فيكى
ولو مش بيحبك ...هيبعد وساعتها انتى كسبتى نفسك
نشوى: كسبت نفسي ولا هنتها ،مش كتمانى لسرى كان احسن
آسيا: ويمكن يكون تخمينك غلط ، وميهتمش بالسر اد م يهتم
بيكى انتى
وتطلعى حرمتى نفسك من احلى احساس ممكن تعيشه اى بنت
نشوى فكرت فكلام آسيا الى دخل عقها وقلبها ...وشكلها هتاخده بعين الاعتبار!
`·，`·，`·，`·，`·，`·，`·，`·，`·，`·，`·
بعد يوم من ايام الامتحانات ..
رجعت مريم هلكانه اتغدت ونااامت ،صحيت ع صوت فونها بيرن
كان مازن .
مريم : الو...مازن ازيك ،غريبة انا قولت مسحت رقمى
مازن: انا لاقيتك بعتيلى كتير عالواتساب فالاتصال احسن يعنى من الرسايل
مريم(قامت من نومها) ايه ضايقتك برسايلى
مازن ( اتنهد) بصى يامريم ...انتى انسانة كويسة وانا عارف ده
وانا بجد حبيتك
بس ..
مريم ( بتحوش دموعها وبتعض شفتها) بس ايه ؟
مازن : فالاول والاخر انتى عارفه انى عملت الى عليا ، اتقدمتلك وبلغت اهلى انى عايز ارتبط
بيكى و..
مريم: متدورش ع اعذار يا مازن اتكلم ع طول
مازن : مريم ...بعد اخر مرة والى حصل فيها والى حصلك بسببي
مكانش لازم تبعتيلى رسايل تتهمينى فيها انى عندى لامبالاه بيكى
وانى مقدرتش حبك
وانى انانى وبفكر فمصلحتى وبس
والكلام الى كتبتيه ع والدتى ده عيب يا مريم
مريم: انا مغلكتش فيها ،لكن قولتلك لو عندها بنت وكانت نفس ظروفى مكانتش
هتحب يتحكم عليها زى م هى حكمت عليا فحاجه انا ماليش ذنب فيها
ولو الى عمله بابا يخليكم تستعروا من نسبنا
ف اخويا راجل وبفتخر بيه
وابن خالتى وباباه ظباط وناس تشرف
الى يتجوزنى يا مازن عارف انه هيرتبط ببنت ناس
مازن: مالوش لازمه كل الكلام ده ، احنا كل مرة بنحاول نوصل سكك
اصلا مقطوعه
انا وانتى طريقنا مفيهوش تلاقى يامريم
مريم ...انا خطبت !
مريم دموعها نزلت ومسحتهم بسرعة كأنه قدامها وردت
مريم: الف مبروك ...عادى اصلا
مبروك ياعريس
ربنا يتم ع خير
( بتعيط وكاتمه صوتها)
مازن: الله يبارك فيكى ،ياريت انتى كمان تهتمى بموادك وتبصى لمستقبلك
وربنا يكرمك ان شاءالله
مريم:(بتعيط) ملكش دعوة بيا بقى
بس يارب العروسة تعرف تضحى فحبك زى م ضحيتلك ،ويارب تعرف
تعمل حجات مكانتش بتحبها ولا راضيه عنها علشانك زى مانا عملت
عشان اعجب
عشان تحبنى اد م حبيتك
وياريت تخلص لك ووتشوفك فكل الناس زى مانا اخلصت لك
وعالله تعرف تحبك بجد وتحببك فيها لانك مبتحبش حد غير نفسك يا مازن
مازن : ارحوكى تخلى النهاية بينا كويسة وبلاش تجريح
مريم : النهاية !! حاضر
اوعدك دى اخر مرة تسمع فيها صوتى
ولولا ان السنة الجاية هى الاخيرة ليا فالكلية
كنت حولت منها عشان مشوفكش تانى !!( قفلت السكة فوشه)
خرجت من اوضتها عالحمام تعيط بصوت عالى قدام المرايه
وتخبط فنفسها من الغيظ وجرح القلب
فجأة الشيطان خلاها تاخد بالها من الحبوب المنومة بتاعت خالتها فصندق الادوية جمب المراية
فتحت العلبة واخدت كل الحبوب الى فيها مرة واحدة
ووقفت تبص ع شكلها فالمراية وهى بتعيط بحرقه ،بعد ٥دقايق من العياط المتواصل
فالحمام
بصوت
سمعتها خالتها
وراحت للحمام
خالتها: مين جوه ( بتخبط) مريم ؟
مريم افتحى
مريم ابتدت قواها تنهار وقعدت ع ارضية الحمام
خالتها: مريم ردى عليا( بتخبط)
بعد م تعبت من الخبط ،قامت مريم بالراحه وفتحت واول م شافت خالتها وقعت فحضنها
الخالة: يالاهوى ...الحقنى ياسليم !!
`·，`·，`·，`·，`·，`·，`·，`·，`·，`·，`·
استنونا الاربعاء ان شاءالله
#نوتيلا
#لنورإسماعيل
نوتيلآ ❥❥
الفصل (22
， `·，`·，`·，`·，`·，`·，`·，`·，`·，`·，`·
من اوضة استقبال الضيوف فشقة آسيا
لتانى مرة تستقبل نفس الضيف ...بس المرة دى بتجمعهم كلهم
الاب والام
ولمى وآسيا ...وإياد!
الاب: يا استاذ اياد سبق واتقدمت لها من سنتين وانا رفضت لظروفك ووصلك
جوابي ع طلبك
إياد: بس حضرتك المرة دى انا ظروفى مش هى هى ، انا عندى بدل المشروع اتنين
وان شاءالله قريب هدفع مقدم شقة
الاب: والقروض؟
إياد: الحمدلله بدفع كل قسط فميعاده ده بالنسبة لاول قرض والتانى بدبرها
لكن مفيش مشاكل عندى
الاب: انا الظروف المرتبكة دى مش عحبانى ،انت يابنى مش مرتاح فظروفك وتعبان
وهتعب بنتى معاك
آسيا: يابابا بعد اذنك انا شايفه ان ممكن تدى إياد فرصة وبس المرة دى
الاب: ياحبيبتى ده جواز ! م تتكلمى يا ام اسيا
الام: طيب انت مستعجل ليه ي اياد يابنى
إياد ( اتوتر وسكت ثوانى وبعدها اتكلم) عشان اسيا اكيد بيتقدم لها عرسان
وانا خايف تروح منى
وعايز اى شكل للارتباط
ان شالله حتى فاتحه وع بال م تخلص السنة بتاعتها
اكون انا جهزت بإذن الله واشبكها وبعدها نحدد براحتنا الفرح
الاب: يابنى الى انت بتقوله ده اسمه سلق بيض ، يعنى مش معقول هوافق
عالجواز عشان انت خايف لاتتخكب لغيرك وانا شايف ان ظروفك مقلقه
وهتقلقها معاك
لمى: يابابا وافق بقى يابابااااا
الام: بس يالمى
آسيا: يابابا انا واياد بوجودنا سوا هنساعد بعض نقوم
وانه شايفه انه شخص كويس وسعادتى معاه
الاب: مش كل الى تشوفيه صح ي اسيا يتعمل ،انا ابوكى واعرف مصلحتك عنك
لمى: بابا اياد كويس وبيشتغل وبيحوش وهياخدلها شقه وبيحبوا بعض
م توافقوا بقى لازم التعقيد يعنى ؟!
الاب: لمى طالما بتكلم متتكلميش وتتصرفى بطفولية كده
إياد: طيب حضرتك ايه شروطك وانا هعملها ،بس انا بترجاك متحرمنيش من اسيا
كل املى فالدنيا هى
لو اتجوزت حد تانى هموت
الام: لا حول ولا قوه الا بالله
الاب: يابنى بلاش كلام عواطف دلوقتي،احنا بنتكلم فمستقبل لكم
ظروفك البايظة دى لو طاوعتكم ووافقت الحب الى بتتكلموا عنه ده حيهرب
من قلوبكم بسبب ال هتتحطوا فيه
آسيا: بعد اذنك يابابا انا متحمله ده ،وصدقنى لو طلع اختيارى غلط
فانا مش هلوم اى حد منكم
الاب سكت وبص لمراته الى شكلها موافق ولمى شغاله تترجاه بحركات بتعملها ب ايدها
الاب: وانت فين اهلك ،كل مرة تجينى بطولك كده
إياد( بدأ يبتسم) حضرتك قول موافق وانا هجيبهم كلهم هنا من الفجر
الاب سكت وبص فالارض وبعدين رفع وشه
الاب: طيب سيبنى افكر وارد عليك
إياد: الى تشوفه حضرتك ...بس اهم حاجه طمنى
ان شاءالله خير؟
الاب( ابتسم ع اصرار اياد) زى م عايز ربنا هيحصل ...شرفت يا اياد
قامو وسلموا عليه ووصلته آسيا لباب الشقة هى ولمى
إياد: قولتلك اركب مكوك واوصلك ...هوصلك يا اسيا وهتبقى فبيتى قريب
آسيا: وانا مش عايزة غيرك يا إياد
ابتسم وسلم عليها ومشى ولمى واقفه تسح ع نفسها
لمى: هيييييح ...عقبال لما احمد يجيلى يارب
الحب حلو اوى
آسيا: ههههه طب ادخلى هتفضحينا
， `·，`·，`·，`·，`·，`·，`·，`·，`·，`·，`·
"بتبصلى كده ليه ؟!"
عمرو : عايز اشبع من جمالك
تبارك اتكسفت وقامت جابتله طبق جاتوه وادته له
عمرو: كفاية حلو ...الحلو كله قدامى اهو
تبارك: الكلام ده بيلخبطنى ...ممكن تسكت
عمرو : حتى وانتى مكسوفه وبتبصى بعيد عيونك حلوين ،وبعدين امتى هتبطلى
كسوف
ع فكرة انا معايا قسيمة بتقول انك مراتى ..هاه!
تبارك(احمرت خدودها اوى) احم ! بس لسه انا فبيت بابا وكده يعنى
عمرو: ومالو ،انا بس عايز اقولك ان محدش فالدنيا اقربلك منى
تبارك: عمرو مش هنتكلم فموضوع الشبكة ؟ انا عديت الحكاية وقولت لما نقعد سوا
هنتملم وهتنفذ وعدك
عمرو: لا مش هنفذه انا كنت بس عايز اعرف النبلغ الى ع عمرو كام وخلاص
الشبكة شبكتك
والمهر هيندفع لانه حقك
والى بينى وبين سفيان مالكيش دعوة بيه لانه ابن عمى وانا بتعامل ع ده الاساس
مش اخو مراتى
تبارك: انا لو اعرف كده مكنتش قولتلك ولا وافقت ع مساعدتك
عمرو: بطلى كلام اهبل ، تبارك انا عايز اجيب الدنيا كلها تحت رجلك
مستحيل اسمع صوتك زعلان واقف ساكت وعاجز
اومال ازاى هبقى راجلك
تبارك سكتت وكانت فرحانه من جواها ،دخلت مامتها عليهم
الام: يلا ياعمرو السفرة جاهزة
عمرو: ليه يامرات عمى التعب بس مش كل م اجى تتعبي نفسك
الام: الله ! اتعبلك والتعب راحه
متعرفش بمثل
محدش غالى عليا ..اكتر من جوز البنيه
عمرو : ههههه ربنا يباركلى فيكى يا مرات عمى يارب
قعدوا عالسفرا مامت تبارك وسفيان وعمرو وتبارك يتعشوا، اكلوا واتكلموا
وبعد الاكل
قام يغسل ايده
كانت تبارك واقفه تناوله الفوطه
عمرو : تسلم ايديكم ،بس انتى اكلتك ضعيفه ع فكرة
تبارك: هى اكلتى كده
عمرو: لا انا عايزك تشدى شوية خليكى بطبوطه ( اخد منها الفوطه )
تبارك: ايه ده استنى فيه نقطة سلطة طحينه ع قميصك ، ثوانى
مسكت طرف الفوطه ومسحتهاله بالراحه عشان متبوظش شكل القميص
عمرو بيتأمل اطرافها الحنينه وهى ماشيه ع صدره
قلبه كان بيدق انه يضمها عليه مرة واحدة من شده حبه ولهفته عليها
ترجم ده لمسكه رقيقه لكف ايدها الى بتمسح بيه وكان اول مرة يعملها
قرب صوابعها لشفايفه وباسهم بحنيه وعيونه فعنيها
تبارك اتبرجلت خاااالص وكانت هتوقع من طولها
تبارك: عمرو..ايه ده !
عمرو : تعيشى ليا يارب ...انا بحبك ياتبارك
تبارك سكتت وراحت فدنيا تانيه بعد كلمته ،عمرو انتهزها فرصة وبيقربها له
هى انتبهت وبحركة مندفعه تضحك
خبطته بايديها الاتنين فصدره وقعته عالارض ع ضهره ،هو فضل يضحك
وهى هربت ع برة مظخل الحمام تجرى بمنظر يضحك !!
， `·，`·，`·，`·，`·，`·，`·，`·，`·，`·，`·
فكافتيريا مستشفى الاورام الخاص ...
كان ياسين بيقوم بكذا دور مع يارا
دكتور بيشرحلها
صديقتها الى بتذاكر معاها
اختها الى بتسمع الى حفظته
اخوها الى بيخليها تاخد الريست عليه عشان تفك
ومع كل ده يارا مكتفيه تماما بيه ...
يارا: ناخد ريست بقى انا تعبت ودماغى فستكت
ياسين: لا خلاص فاضل جزء صغير هنراجعه سوا ،وبعدين دى مادة
تخصص
رسم وشخبطة والوان الحجات بتاعتك الى بتحبيها
يارا: دماغى وجعتنى ياياسين والله
ياسين: وبعدييين امتحاناتك الاسبوع الجاى بلاش دلع
يارا: طب ١٠دقايق ونرجع تانى والنبي والنبي والنبي
ياسين: يالاهوى عالززن ، طب ١٠ دقايق بس
يارا: مممم مألفتش حاجه جديدة ؟
ياسين: لا لسه
يارا: كداب يا ياسين
ياسين: ليه كظاب يايورا
يارا: عشان الصبح لما دخلت اندهك تفطر معايا لاقيت ورق ع سريرك
الى بتكتب فيه
ولاقيت دى
ياسين: ياحراميه ...طب هاتى
يارا( رافعه الورقه لفوق) لأه!
ياسين: بقولك هاتى ...هاتى هقوملك
يارا : لأه
جريت منه وجرى وراها بس الاتنين ضعاف فجريتهم ، وبقية المرضى بيبصوا
عليهم ويضحكوا
لحقها ومسك دراعها وخطفها منها
يارا: عالعموم انا كل شوية اقراها لحد م حفظتها
ياسين: كدابه كلماتها صعبه عليكى ،لما مغلبانى من بدرى فالمذاكرة
هتحفظى بسرعه كده
الممرضة جت عليهم الى مصحباهم
الممرضة: نتيجة تحليلكم انتوا الاتنين طلعت
يارا: ايه يا زهراء الاخبار
الممرضه: هاتى بوسه يايارا
يارا( باستها فخدها) اهو
ياسين: وانا ابوس ولاهى بس
الممرضه: احترم نفسك لحسن تضرب ...ماشاء الله فيه تحسن جامد ليكم
انتوا الاتنين
العلاج والجلسات جايبه نتيجه
يارا انا مستغربتهاش لانها متحسنه من ساعة م جت
انما ياسين هو الى استغربته لحد قبل م تيجى كان فالنازل
واضح ان سرك باتع يا يورا
اتنهدت وغمزت لياسين وسابته مبتسم ومشيت
يارا(ببصة خجل وبصوت هادى انثوى جميل) ع فكرة حتى صحباتى
فخطوبة تبارك قالولى كده وقالولى انى شاده حيلى عن الاول
ياسين: وياترى ايه السبب
يارا اتكسفت اوى وحبت تهرب من سؤاله بهروب ممتاز ذكى
يارا:"قدر لقلبك يرويني ويخضر عمري انا اليابس
ويسقي نبض شراييني ويحمي قلبي انا العاجز "
مش ده الى انت كاتبه ...شوفت انا حفظت ازاى بسرعه
ياسين مبتسم وقرب بصوته عليها
ياسين: ولما انتى شاطرة كده مغلبانى من الصبح ليه فمذاكرة موادك
؟!
يارا: انا بحفظ الكلام الحلو بس ..هو الكلام المكتوب فالكتب حلو زى الشعر بتاعك
ياسين: انا كلامى حلو ؟
يارا: اه
ياسين: يمكن حلو عشان الى بينكتب فيها احلى
يارا: شوفت انت بتخوم ازاى ، انا سألتك بتكتب فمين قولت مفيش
ياسين: هى كل ده ولسه معرفتش
يارا باصة فالارض وبتفرك صوابعها فبعض من الخجل
ياسين( حب يطلعها من خجلها) انتى نسيتى نفسك ياهانم ال١٠دقايق
راحه عدوا
قداااااااااامى ...
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·
كشكول محاضرات بيترمى ع راس مريم !
مريم: ايه فيه ايه ياحمارة انتى ؟
وجدان : ماهو انا مش فاهمة حاجه من كشكول منى بخطها الى زى نبش الفراخ
وقال ايه دى من اوائل الدفعه
مريم : انتى الى بهيمة لوحدك متجيبيش تخلفك العقلى عالبت
وجدان ماسكة ورق مذكرات قطعت منه ورمت عالارض
مريم: طب والله لاتنضفى الاوضة قبل م تنزلى يا ويچا الكلب
ولا كأن وجدان سامعه ومسكت ورق كتير من الكتاب قطعته وجابت مقص وبتقصه
ع شكل عروسه
مريم: بتعملى ايه يا مرووشه
وجدان: بعمل ورق الكتاب عرايس وهولع فيه وابخرنا بيه عشان الحسد وبالباقى
هعمله مراكب
اهو يبقى للكتاب نفعه احسن من وشه
مريم: هههههه والله انتى الى لسعتى ،انا مش هديكى كتابي عشان تبقى فاهمة انا عايزة
اذاكر وانجح
وجدان : ايوة ومالو اصل سعادة الحمارة تبقى سفيرة روترى ،انا قايمة اعمل حاجه اكلها
عندكم ايه يتعمل سندوتشات
مريم: اسالى خالتو والى هتلاقيه اعمليلى معاكى عشان جوعت
وجدان: طوووويب
قامت وجدان وخرجت من الاوضه راحت عالمطبخ عدل ،فتحت التلاجه لاقت
طبق جبنه رومى وحلاوة طحينيه جابت العيش وبدأت تعمل سندوتشات
وحطت مية فالكاتل تعمل نسكافيه
وهى واقفه انس دخل المطبخ
انس: هو ده بيتنا ولا بيتكم ولا انا جيت غلط
وجدان: ( بتعمل السندوتشات) بيتنا وبيتكم واحد يا زميلى
انس: تعيش ياشبح ،بتعملى سندوتشات ايه
وجدان: جبنه وحلاوة ...اعملك
انس: لا اعمليلى بيض بالبسطرمة يا وجدان بالله عليكى
وجدان: اومال انا مكتوب ع وشى مفرخه الى خلفوك ايه الى كل م يشوفنى اعملى بيييض
بيييض
انس: خلصتى لوك لوك اعملى بيض بالبسطرمة يلا وحبشيه وهاتيه عالاوضه
وجدان: طب ابقى سيب ٥٠ جنيه تحت الحساب ياسيدى
انس: ماشى ياخدامه وهجبلك كسوة الشتا كمان هيصى
ضربته فضهره وكتفه
وجدان: خدموا عالبعيد فعزاه قادر يا كريم ،غور يا انس اطلع برة
انس: ده بيتنا اطلعى انتى برة
وجدان: ياسااااتر عالتلامه
انس: يلا معلش بس طبق بيض بالبسطرمه وقطعى حتتين طماطم
وجدان: لا
انس: حبيبك انا
وجدان: حبيبي منين ياض هو اى تهمه
انس: خليكى جدعه
وجدان: لا انا مش جدعه
انس: عشان خاطرى
وجدان( بتناكه) طب بوس ايدى
رفعت ايدها ف وشه راح زاحها وباس خدها وجرى!!
وجدان اترجت وهى واقفه وبسرعة جريت وراه لحد اوضته تضرب فيه
بضهر السكينه
كان سليم معدى وداخل لمريم
سليم( بيضحك ع انس ووجدان) فار وقط فقلب البيت ، كلمش !
مريم: نعم
سليم: دوا الكالسيوم بتاعك ودوا سوء التغذية اهو جبتهملك ، وكروت شحن عشان
عارف ان معندكيش رصيد
ودى حجات بناتى كريم شعر بتاعك وال ....كدهو
مريم خدتهم منه وهى مستغربه
مريم: عرفت ازاى ان الدوا خلص والحجات بتاعتى وكمان ده ( بتضحك )
سليم: انتى لو مخدتيش بالك انا اخد ، هاه فيه حاجه تانى نقصاكى
اه صحيح خدى
( ادالها فلوس) خليهم معاكى
مريم: معايا والله ياسليم
سليم: مش مشكلة خلى معاكى بزيادة دايما ( باس دماغها) يلا اسيبك تذاكرى
وجدان داخله الاوضة تشتم ف انس
وجدان: ورحمة ابوك المحروق لو عملت كده تانى يا انس لاشويك انا بقولك اهو
( لاقت سليم عملت تحية عسكرية ) حضرة الظابوطه!!
سليم: ههههه بتستحلفى ع ايه ده لو مسكك يبلعك وانتى كلك ناموسه بالنسبة له
وجدان: لا ميغركش انا فالشدة شديد وفالقوه قوى ...قوى قوى
الا انت اتنقلت ادارة ايه ياسعادة الباشا ؟
سليم: ( بطريقه تخوف) الآدااااااب
وجدان ( لطمت) احيه!! بقى سليم الكومل ابوشنب يوقف
عليه ديك كوكو وتقولى اداب
الداخلية باظت يا جدعان
مريم: نعمل ايه للحيوان ابو التلقيحه المقشفه ندى هو الى نقله
وجدان: الهى يسلخ فخاده ويتقطع حتت تحت تورماى وياكله سبع النهر
سليم: هههههه الردح اشتغل ذاكروا وبطلوا كلام
خرج سليم ودخل انس
انس: هتعملى الى قولتلك عليه ولا يحصلك تانى زى م حصل
هناااك
فالمطبخ
وجدان اتمسفت وبصت ع مريم
وجدان: هموتهولك والنعمة
مريم: موتيه !
`·，`·，`·，`·，`·，`·，`·，`·，`·，`·，`·
عالسطوح آسيا بتذاكر ،ونشوى كانت قاعدة من الاول لوحدها قبلها
بتسمع مزيكا
وهى بتسمع وهيمانه قطعت مذاكرة آسيا
نشوى : آسيا !
آسيا: نعم
نشوى : معلش قطعتك بس كنت عايزة احكى معاكى فحاجه
آسيا: لا يا نوشا ولا يهمك معاكى
نشوى : بصى انا بحس انك اكتر واحدة فينا عاقله وبتوزنى الامور بعقلك
فقولت افضفض معاكى شوية
آسيا: ربنا يخليكي يانشوتى قولى ياقلبي
نشوى: بصى لو فى حد بتحسى انه بيلمسك من جوه كده
استحمل عصبيتك وشخطك وصوتك العالى
بيسمعك فكل الاوقات
بيهتم بيكى
مش ده يبقى ...
آسيا( ابتسمت) يبقى حب طبعا ،ده كل الى حسيته لاياد
وعشان كده حبيته لا ارادى
نشوى: مانا بقول كده برضو ..بس انا مش عايزة ده
مش عايزه قرب اكتر
كل م احاول البعد الاقى نفسي بتورط اكتر
آسيا: انتى بتحبي يانشوى ؟ صدقينى مش هقول لحد
نشوى: مش فكرة تقولى لحد يا اسيا،بالعكس انتى والبنات من
ساعة م جيت هنا وسيبت بيت جدو وانتوا مهونين عليا كتير
وبحس انكم بجد اخواتى
الفكرة انها مش حكاية زى حكاياتكم فرحانه بيها وعايزة احكى
زيكم
انا مينفعش ادخل اى علاقه ولا ادخل حد حياتى
آسيا: ليه بس يا نشوى مالك
نشوى ( عيونها فيها دموع) نفسي احس الاحساس للاخر وافرح بيه
واتمنى واعيش زيكم
بس مينفعش
انا غيركم
آسيا: غيرنا ف ايه طيب
نشوى: مش مهم غيركم ف ايه ، المهم انى ازاى اتخلص من الحب ده
آسيا : ليه يا نشوى ده احلى احساس فالدنيا
انا فالاول كنت عايزه ابعد اياد عن حياتى وابعد حبه واهرب
لكن قدر يحببنى فيه ويموتنى فقربه كمان
عرف يملكنى باحساسى وقلبي وكل حاجه فيا
الحب بيقوى وبيغير ، بصى ع يارا كانت داخله تتعالج
بعد مرور شهور بقت اقوى عن م دخلت لانى متأكدة انها لاقت الحب هناك
عن بيتها
لمى اختى رغم حكايتها الغلط ،لكن الحب مخليها اقوى
مخليها بتفكر فغيرها ازاى تسعده
٢٤ساعة بتفكر ف ايه الى يسعد احمد تعمله
تبارك كانت متعلقه بصلاح ،لكن عمرو قدر يأثر فيها
عرف ياخدها ناحيته من غير م يعرف حاجه عن قلبها
بصى ع ضحكتها فكل صورة من صور فرحها هتحسي انهم بيحبوا بعض
من ٢٠سنه
متخافيش من الحب يانشوى ...
نشوى (سرحانه) ولو عندك سر كبير ،مش عارفه تقوليه ولا حتى لنفسك
ازاى هتدخلى فعلاقه مع حد
وانتى جوامى شئ كبير مخبياه
وانتى جواكى خوف من الى جاى
آسيا استغربتها ..سكتت ثوانى وردت عليها
آسيا: مهما كان سرك ، قلب حبيبك اوسع منه
ولو بيحبك بجد
هيقبلك بالى انتى شايفاه غلط فيكى
ولو مش بيحبك ...هيبعد وساعتها انتى كسبتى نفسك
نشوى: كسبت نفسي ولا هنتها ،مش كتمانى لسرى كان احسن
آسيا: ويمكن يكون تخمينك غلط ، وميهتمش بالسر اد م يهتم
بيكى انتى
وتطلعى حرمتى نفسك من احلى احساس ممكن تعيشه اى بنت
نشوى فكرت فكلام آسيا الى دخل عقها وقلبها ...وشكلها هتاخده بعين الاعتبار!
`·，`·，`·，`·，`·，`·，`·，`·，`·，`·，`·
بعد يوم من ايام الامتحانات ..
رجعت مريم هلكانه اتغدت ونااامت ،صحيت ع صوت فونها بيرن
كان مازن .
مريم : الو...مازن ازيك ،غريبة انا قولت مسحت رقمى
مازن: انا لاقيتك بعتيلى كتير عالواتساب فالاتصال احسن يعنى من الرسايل
مريم(قامت من نومها) ايه ضايقتك برسايلى
مازن ( اتنهد) بصى يامريم ...انتى انسانة كويسة وانا عارف ده
وانا بجد حبيتك
بس ..
مريم ( بتحوش دموعها وبتعض شفتها) بس ايه ؟
مازن : فالاول والاخر انتى عارفه انى عملت الى عليا ، اتقدمتلك وبلغت اهلى انى عايز ارتبط
بيكى و..
مريم: متدورش ع اعذار يا مازن اتكلم ع طول
مازن : مريم ...بعد اخر مرة والى حصل فيها والى حصلك بسببي
مكانش لازم تبعتيلى رسايل تتهمينى فيها انى عندى لامبالاه بيكى
وانى مقدرتش حبك
وانى انانى وبفكر فمصلحتى وبس
والكلام الى كتبتيه ع والدتى ده عيب يا مريم
مريم: انا مغلكتش فيها ،لكن قولتلك لو عندها بنت وكانت نفس ظروفى مكانتش
هتحب يتحكم عليها زى م هى حكمت عليا فحاجه انا ماليش ذنب فيها
ولو الى عمله بابا يخليكم تستعروا من نسبنا
ف اخويا راجل وبفتخر بيه
وابن خالتى وباباه ظباط وناس تشرف
الى يتجوزنى يا مازن عارف انه هيرتبط ببنت ناس
مازن: مالوش لازمه كل الكلام ده ، احنا كل مرة بنحاول نوصل سكك
اصلا مقطوعه
انا وانتى طريقنا مفيهوش تلاقى يامريم
مريم ...انا خطبت !
مريم دموعها نزلت ومسحتهم بسرعة كأنه قدامها وردت
مريم: الف مبروك ...عادى اصلا
مبروك ياعريس
ربنا يتم ع خير
( بتعيط وكاتمه صوتها)
مازن: الله يبارك فيكى ،ياريت انتى كمان تهتمى بموادك وتبصى لمستقبلك
وربنا يكرمك ان شاءالله
مريم:(بتعيط) ملكش دعوة بيا بقى
بس يارب العروسة تعرف تضحى فحبك زى م ضحيتلك ،ويارب تعرف
تعمل حجات مكانتش بتحبها ولا راضيه عنها علشانك زى مانا عملت
عشان اعجب
عشان تحبنى اد م حبيتك
وياريت تخلص لك ووتشوفك فكل الناس زى مانا اخلصت لك
وعالله تعرف تحبك بجد وتحببك فيها لانك مبتحبش حد غير نفسك يا مازن
مازن : ارحوكى تخلى النهاية بينا كويسة وبلاش تجريح
مريم : النهاية !! حاضر
اوعدك دى اخر مرة تسمع فيها صوتى
ولولا ان السنة الجاية هى الاخيرة ليا فالكلية
كنت حولت منها عشان مشوفكش تانى !!( قفلت السكة فوشه)
خرجت من اوضتها عالحمام تعيط بصوت عالى قدام المرايه
وتخبط فنفسها من الغيظ وجرح القلب
فجأة الشيطان خلاها تاخد بالها من الحبوب المنومة بتاعت خالتها فصندق الادوية جمب المراية
فتحت العلبة واخدت كل الحبوب الى فيها مرة واحدة
ووقفت تبص ع شكلها فالمراية وهى بتعيط بحرقه ،بعد ٥دقايق من العياط المتواصل
فالحمام
بصوت
سمعتها خالتها
وراحت للحمام
خالتها: مين جوه ( بتخبط) مريم ؟
مريم افتحى
مريم ابتدت قواها تنهار وقعدت ع ارضية الحمام
خالتها: مريم ردى عليا( بتخبط)
بعد م تعبت من الخبط ،قامت مريم بالراحه وفتحت واول م شافت خالتها وقعت فحضنها
الخالة: يالاهوى ...الحقنى ياسليم !!
`·，`·，`·，`·，`·，`·，`·，`·，`·，`·，`·
استنونا الاربعاء ان شاءالله
#نوتيلا
#لنورإسماعيل
ليست هناك تعليقات:
إرسال تعليق