روايةツ
نوتيلآ ❥❥
الفصل (25
， `·，`·，`·，`·，`·，`·，`·，`·，`·，`·，`·
"سفيان كويس انك لسه مقفلتش"
سفيان: كنت هقفل حساب انهاردة واقفل المحل ع طول
صاحبه: لا استنى انا عايزك فحاجه
سفيان: خير
صاحبه ( متردد ) بص هو خبر معرفش هيعمل ايه معاك
بالنسبة لى خبر حلو
لكن بالنسبه لك ؟
سفيان: قول ع طول فيه ايه
صاحبه: انا هصفى المحل من بكرة وهبيعه بالبضاعه لانى مسافر
سفيان سكت خالص
صاحبه: اخويا خلصلى ورق عملى فالخارج وخلاص لازم اخلص
الى ورايا هنا واسافرله ع طول
سفيان( بضيقه ) هتقفل المحل ؟!
صاحبه: سفيان انا حاولت اشوفلك اى شغل عند اى حد من صحابي
بس...
سفيان ابتسم ابتسامه بسخريه وبصله
سفيان: مبارك شغلك الجديد ،وبعدين انا لازم افرحلك
صاحبه: وانا كان لازم افكر برضو فشغل جديد ليك بس والله
الموضوع جه بسرعه ولخبطنى
سفيان: ولايهمك ...انا هقفل الحساب عشان اقفل المحل
صاحب المحل طلع مبلغ من جيبه واداه لسفيان
صاحبه: ده مرتبك ياسفيان
سفيان بص فيهم لاقاهم كتير
سفيان : بس دول كتير ...اكتر من مرتبي
صاحبه: اعتبرهم مكفأه ،انت تعبت معايا بصراحه
وياسيدى لحد م تلاقى شغل
سفيان: لا انا الفلوس الى مش من حقى متلزمنيش
متزعلش منى
( اخد منهم مرتبه بالظبط) ربنا يباركلك فشغلك
الجديد ان شاءالله
دخل مسك الدفاتر يقفل الحساب وعيونه كلها حزن وصاحبه شايفه
ومش فايده حاجه يعملها ..
`·，`·，`·，`·，`·，`·，`·，`·，`·，`·，`·
اسبوع بحاله ..
ويارا مش مفارقه سرير ياسين ..
وده بسبب حالته مرة واحدة اتدهورت من غير سابق انذار
وجسمه مبقاش يستجيب العلاج.
تعب ياسين الى جد ع حالتها النفسية الوحشه خلوها هى كمان تضعف
وتحاليلها تبقى فالنازل
وباين ومأثر عليها اوى .
حتى فزيارات عائلاتهم ليهم كانوا بيلاحظوا شحوبهم ورجوعهم
لورا تانى فطريق العلاج ..
مامت يارا قالت للبنات ع حالتها لما كانوا بيسألوا عنها ،هما
بيروحوا يزوروها كل فترة ومش منقطعين عنها
لكن قرروا لما سمعوا من مامتها مدى خطورة حالتها
انهم يتفقوا ويروحوا يوم .
خالد بيخبط ع باب يارا والبنات عندها ...
يارا: تعالى ياخالود
خالد: يارا ياسين باعتلك العلبة دى
يارا: استنى بس تعالى اعرفك ع اخواتى
خالد( مكسوف) لا انا ماشى
يارا: لا استنى خالد ده الضحك واللعب والشقاوة هنا فالمستشفى
بيحب الافلام اوى
حافظ كل السيناريوهات وكل الحوارات
مريم واسيا: خالووود ازيك
خالد: الحمدلله
يارا: دى مريم ودى آسيا وتبارك
نشوى لمى ووجدان !
خالد: كلهم حلوين اوى بس دى ( بيشاور ع تبارك) انا مش عارف اشوفها بس شكلها
حلوة برضو
تبارك: تحب ارفعلك النقاب هههههه
خالد: لا انا ماشى ( ببراءة طفل ضحك ومشى )
يارا( بتبص للعلبة لاقته بوكس كامل شيكولاته كيت كات ) ياحبيبي ياياسين
( كاتب ورقه من جوه خليت اخويا يجيبهالى فالزيارة لما عرفت انك
بتحبيها)
ربنا يخليك ليا يارب
آسيا: بيفكر فيكى حتى وهو فاشد ظروفه
يارا( بحزن) سكونه ع سريره ونومته حتى مش قادر يروح الحمام
بيخلينى انا اتعب
مقدرش اقف
مبقتش نفسي فحاجه ولا عايزة حاجه
وجدان: يا بنتى حرام عليكى متفوليش عالراجل ،ان شاء الله
هيشد حيله ويبقى بخير
تبارك: محافظة على صلاتك ؟
يارا: طبعا
تبارك: ادعيله فصلاتك وسجودك اوعى تنسيه وتنسى نفسك
برضو
مريم: ايوة تبارك قالتلى العزة فكنف العزيز ،انا محستش ده
غير لما قربت من ربنا اكتر
لاقيت نفسيتى اهدى ومظبوطه ومطمئنه اوووى
نشوى : حبيبتى كلكم ربنا هياخد بإيدكم ويشفيكم
عشان الى حواليكم
اتطمنى وخليكى واثقه فربنا
لمى لاقت الجو كئيب عايزة تفرفش كالعادة
لمى : اومال مش هتدينى شيكولاتايه من الى جايبهملك الموز ؟!
وكمان خدينا عنده نقوله الف سلامه
وجدان: اتلمى بقى اتلمى احنا فمستشفى ،موز وبرتقان ايه
ان شاءالله تتشكى فزورك
لمى: طب والله نفسي اشوفوا بحب العيال المحسوكه
الرومانتيكيه ،وبعدين يايورا ابقى حطى حبه
ميكاب كده خفاف خلى الواد يشوفك حلوة وامورة
آسيا: ميكاب! بس اسكتى يالمى انتى بتهبلى شكلك
لمى: والله بجد ،يارا عشان شقرا بياضها حلو
لو حبه جلوس وماسكرا حتبقى قمرر
وبعدين الدنيا حرر الشتا خلص اقلعى الآيس كاب ده ياشيخه
بعفوية قلعتهولها وبانت راس يارا من غير ولا شعره!!!
يارا اتكسفت ودموعها نزلت لا ارادى ،لمى اتحرجت اوووى من الموقف
والبنات كانوا هياكلوها ...
لمى : والله م خدت بالى ،اسفه يا يارا
وجدان بتشدها من بلوزتها جامد
وجدان: يعنى نعمل ايه عشان تبطلى نطنطه وتهدى وتنبطى
كده وتعقلى
قادر ربنا يهدك يابعيدة
لمى: يارا متزعليش منى والله م كنت اقصد
يارا: مش زعلانه يالمى انتى متقصديش
سمعوا تخبيط عالباب ...
يارا: ادخل
دخل ياسين بالراحه وباين عليه التعب اوى
ياسين: عندك البنات !
يارا( قايمه تسنده) برضو قومت من سريرك
آسيا: ادخل يا ياسين تعالى مش كل مرة تلاقينا تطلع تانى
وجدان: انت يا ظابط مواعيدك علينا ي اما انتوا مفتحين الاوض ع
بعض يا لئمه!!
ابتسم ياسين ودخل
ياسين: هى بس كانت نفسها فشيكولاته كيت كات ،وانا وصيت
اخويا المرة الجاية يجبلى علبه فجابها فزيارته ليا المرة دى
حبيت اجيبهالها
انا عارف ان الشيكولاته بتغير مود البنات
قولت اشوف خالد وصل الامانه ولا لا
لمى اخدت العلبه من عالسرير وانتهزت فرصة ان يارا مش شايفاها
وبتفتحها
لمى: واااااو
وجدان( اخدتها من ايدها) بيقول جاية ل يارا ،انتى اسمك يارا؟
دايما كده فضحانا قدام الاجانب
يارا: ربنا يخليك يا ياسين وصلت وفرحتنى اوى تسلملى يارب
ياسين: طيب انا هسيبك مع صحابك بقى عشان مبقاش رخم
خرج ...
وجدان: لاتعالى رخم رخم ...تعالى ياراجل
مريم: شكله بيحبك اوى يا يارا
لمى: قعدتى تقولى نفسي احب نفسي اتحب ،امتى اتحب زيكم
اهو حبيتى واتحبيتى وشكلك عايمة فالعسل
ياعم ياعم القشطات
يارا( ابتسمت) ايوة حنين اوى عليا وبيطمنى دايما وبحس انه بيسندنى طول الوقت
ولما بيتعب بحس انى بقع معاه
تبارك: بس اهم حاجه يا يارا تخلصوا النية فحبكم
تجعلوه خالص لوجه الله
بلاش ترتكبوا محرمات
خليه حبكم دفعه حلوة ليكم تتحدوا مرضكم سوا بيه
انتوا دلوقتي ف امس الحاجه لرضا ربنا
آسيا: عندك حق ياتبارك ،الواحد لما بيسيبها لله ربنا بيقف جنبه اوى
نشوى: انا عاجبنى اوى موقفك مع عمرو برغم انه قلب شوية عليكى
بس دلوقتي ضميرك مرتاح
تبارك: هو مقلبش حرام انا مش هتجنى عليه،بس طريقته فالغيره بانت
بيغير اوى
انا صارحته بكل الحقيقه انى مش بحب صلاح لكن حبه وتعلقه بيا عاملى ارتباك
مش عارفه اتحكم فمشاعرى تفكيرى فحبه ليا وظلمى له لما رفضته
وهو بيحبنى كل الحب ده
زائد ان بدأت اتعلق بيه هو وهو حس ده
غار عليا وقالى انه مالوش دعوة باى حاجه من قبله ،وان كل حاجه نصيب
وهو نصيبه بس انى اعرف لكن منتجوزش
ونصيبي معاه هو
واحترم صراحتى لكن نبه عليا لا اعدى من الشارع الى فيه محله
ولا اروح اشترى منه حاجه
لمى: تصدقوا يابنات مبحسش ان احمد بيغير عليا !
وجدان: عارفه يالمى علاقتك ب احمد بتفكرنى دايما بأكلة القلقاس!
حاجه رخمة ومالهاش طعم بس هو قوم وقاعدة وواقفه فالمطبخ
وحلل واطباق وفالاخر قلقاس
لمى: ياباااااى يابايخه
نشوى: عارفه ليه مش بيغير عليكى ؟
لمى: ليه؟
نشوى: عشان انتى مجرد لحظات حلوة فحياته ، لكنك مش كل حاجه
لو كنتى مكان مراته كان غار عليكى
لمى اتضايقت من كلام نشوى
تبارك: العلاقه كلها غلط يالمى ، انتى لو مكان مراته متحبيش ابدا
انك تبقى مستغفله وفى واحدة تانيه بتخرج مع جوزك وتعرفه وممكن يتجوزها عليكى
آسيا: انا معرفش لمى بتعمل كده ليه فنفسها ، مع ان ماشاء الله عريسانها كتير
ومحبوبة من كل الناس
يارا: صحيح يالمى ايشمعنا ده ؟
لمى ( بهدوء وبصت ليارا) حبيته !
كل واحدة فيكم تسأل نفسها ايشمعنا فلان ولا علان مع ان احنا بنبقى شايفين فيه عيوب
لكن هى عشان بتحبه مش شايفه
احمد ممكن يكون كل عيبه انه متجوز ومخلف
لكن مش بيضحك عليا ولابيخبي ولا بيسنزف قلبي ومشاعرى وهو قاعد زى الباشا
ولامتورط واظن كل واحدة فيكم عارفه انا بقصد مين ب ايه ؟
خرجت من اوضة يارا وهى متضايقه ماشية من المستشفى، البنات بصوا لبعض
متضايقين من الطوب الى حدفته عليهم
سلموا ع يارا وباسوها ومشيوا هما كمان !
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
وعدت ٧شهور ...
حصل فيهم حجات كتيييير اوى
زى يارا وياسين بعد م حالتهم اتدهورت سوا رجعوا شدوا حيلهم سوا
وبقوا احسن من الاول وقريب جدا هيخرجوا من المستشفى ويكملوا
علاج عادى فبيوتهم وفمكانهم..
لمى بقى واحمد بقوا يتقابلو كتير واتكررت مقابلات العوامه اكتر من مرة
وفكل مرة كان بيحصل تجاوزات مابيهم تزيد فكل مرة عن الى قبلها ..
مريم شخصيتها بقت احسن كتير عن الاول
محافظة ع صلاتها وقراءة القرآن ، بتروح الچيم
خلصت الكورس بتاعها
وحاليا بتدرس فاخر سنة ليها فالكلية ..
منسيتش مازن ،بس مش فاكراه
مش بتعمل حاجه غير لما تشور سليم الاول .
سليم كان من فترة للتانيه بيحط مبلغ له فخساب فاتحه له باباه فالبنك من زمان
لما بتجيله مكفأة او يحوش مبلغ مش عايزه
فكر انه يجيب عربيه ع اده واشتراها !!
فكرة انه يتجوز بتلح عليه وكل يوم منتظر القدر يجمعه ببنت الحلال الى تنفع
ومش بتيجى ولسه مستنى.
وجدان وانس
لسه قط وفار ،انس فاق ع انه بيحب وجدان ومشدود ليها
لكن جديد عليه ان اى بنت تعجبه هو ميعجبهاش !
ولا تلتفت له اصلا
لكن من جواها بتموت فيه وهتموت عليه لكن بتسويه ع نااار هاديه خالص
علشان لما يعافر ويوصل بعدها يقدر قيمتها بجد.
سفيان من شغلانه لشغلانه ، من ساعة م ساب الشغل مع صاحبه
وهو كعوب رجله اتنحلت وهو بيدور ع شغل ومش لاقى .
ولو لقى بيعوزوا يكون معاه خبره قبل كده وهو مش معاه
ي اما يكون معاه لغه او كمبيوتر
ده غير نظره الضعيف جدا الى مش موفقه ف اى شغلانه وحاليا عاطل عن العمل .
تبارك وعمرو ..
عمرو زى اى راجل بيغير ع مراته ، معاملته متغيرتش مع تبارك لكن بقى يسألها
فكل حاجه للاطمءنان عليها مش اكتر
سافر وراجع ع الزفاف ع طول تكون كل حاجه جهزت وتبارك خلصت جهازها ...
تبارك ارتاحت بعد م قالت لعمرو وبتنفذ كلامه كله، لكن كل يوم بتجيلها اشارة ان صلاح
لسه بيحبها وهيعيش ويموت وهى جواه .
حسام اعترف لنشوف بحبه قبلها !
وفجأة اتحولت العلاقه مابينهم من عداوة وعصبيه وتقطيم لحب وعصافير وفراشات
نشوى مصرحتش بحبها له الا لما عرفت ان نيته فالجواز كمان فترة يكون جهز نفسه
كل م تيجى سيرة جوازه منها تقلق لكن بتدارى بعفوية ساعات يبان عليها وساعات لأ.
اما عن إياد وآسيا ..
فانهاردة كان معاد خروجه من فترة كبييرة آسيا مستنياها ، إياد بيحط المفتاح
فباب الشقه
وفتح !
آسيا داخله بخطوات هاديه تبص فكل حته فاركان الشقه وهى مبتسمه
آسيا: انا فحلم مش كده !
إياد: لا دى حقيقه ، حقيقه حبنا الى عيشت سنين احلم ابنيه
عشان يكبر ويكبر
شقتنا يا آسيا
آسيا: غاليه عليك يا اياد؟
إياد: الغالى يرخصلك ، دفعت مقدم وان شاءالله ربنا يفدرنى ع اقساطها
آسيا: يعنى هيبقى الاقساط واقساط القرووض والمحلات وو
إياد( حط ايده ع بوقها) ششششش احنا دلوقتي ففرحتنا ملكيش دعوة بالباقى
العقد اهو
آسيا بتقراه وفرحت اوى
إياد: امتى بقى نلبس الدبل ،نفسي يبقى اسمك ملازمنى طول الوقت
نفسي يكون معايا دليل ع انى مرتبط بيكى
آسيا( مكسوفه) معرفش كلم بابا وشوف
إياد: اظن مالوش حجه ،اتخرجتى اهو وانا الشقه وجبتها والحمدلله المحلات شغاله
آسيا: هنعيش هنا يا اياد ( بتبص عالشفة بانبهار) هنا اوضة نومنا عشان بحمام
وهنا اوضة الاطفال
هنا هعمل قاعدة عربي ...وهنا هيبقى الليفنج روم
واحلى حاجه ان المطبخ امريكان كيتشن عشان لما اكون واقفه بطبخ لك
اشوفك ومتغيبش عن عينى ابدا
اياد ( جرى حضنها وشالها ولف بيها ) بحبك بحبك بحبك بحبببببك
آسيا: وانا كمان بحباااااااااااااك
بحبااااااااااااك
إياد: هنا مملكتنا يا سووووووس
آسيا: هنا اجمل ايام حياتنا يا ويدووووووو
إياد: يارب قرب البعيد يااااااارب
آسيا: ياااارب
`·，`·，`·，`·，`·，`·，`·，`·，`·，`·，`·
وجدان جاية من الكلية بتفتح الباب ،لاقت ست قاعدة مع جدتها وبيحكوا
سمارى: تعالى يا بت يا وجدان سلمى
وجدان جايه مستغربة
الست: اللهم صل عالنبي ،كبرت وجدان واحلوت يا ماشاء الله
وجدان: ليه ياطنط اخر مرة شوفتنى امتى كنت بلعب قدام بيتكم ؟
سمارى( بعكازها خبطتها) اتلمى يابت دى خالتك ام مراد جارتنا
وجدان( باستغراب) ام مراد !! اااااه ام مراد
سمارى : سافرت ورجعت بقى تجددطلبها ليكى لابنها مراد
وجدان: انتى يا حجه انتى مش جيتى قبل كده من سنة وشوية طلبتينى
وقولنا لا
ايه الى اتغير وهيخلينى اقول اه المرة دى يعنى
الست اتكسفت وقامت سمارى تضرب وجدان
سمارى: يقطعك بت ناقصة تربيه ! غورى ادخلى اوضتك غورى
انا اسفه يا ام مراد بت لسانها فاالت
ام مراد: طب والله ياحجه سمارى ابنى مراد نازل يتجوز ع طول
بقوله اختارلك منين قالى هى واحدة فالعمارة بتاعتنا يا ماما
وانا عارفه انه يقصد وجدان عشان كان بيناقر فيها ليل ونهار
ومن زمان بيهزروا سوا
لكن ياختى لو العرايس فالبنات مليانه وع قفا مين يشيل
ده كفايه العمارة فيها فوق ال ٨بنات عرايس ومش متحوزين
سمارى: حقك عليا والله هخلى ابوها يربيها لما ييجى
ام مراد: عالعموم انا ابنى ميتعيبش زى القمر ودرس فالجامعه برة
والف واحدة تتمناه
انا قايمه بقى
قامت وسلمت ع سمارى ومشيت ،دخلت سمارى لوجدان وكلها
غيظ هتولع فيها خلااااص
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
"هو العريس ده وراكى وراكى ! هههههههه"
وجدان: لا وداخله تقولى ده قيمة وسيما هو انتى تطولى ،عايزة اقولها
فيه ايه ياستى هو انا باكل عشاكى عايزة تزيحينى وخلاص
مريم: طب بس متزعليش نفسك
وجدان: هتعملى ايه دلوقت
مريم: ادينى طالعه من الچيم هتمشى لحد البيت ،عايزة حاجه اجيبهالك
وجدان: لاياحبيبتى تسلميلى لما تيجى رنيلى اطلع اقعد معاكى شوية
مريم: اشطا ع رنات ...سلاموز
بتتمشى وبتشرب عصير جه جنبها شاب لابس ترننيج برضو
بشرته بيضا بغباء
حالق شعره ومخليه شبه ستيف اوستن بتاع المصارعه
حاطط هاند فرى فودانه
مراد : مريم مش كده !
مريم ( باستغراب) ايوة انت مين
مراد: ليكى حق متفتكرنيش ، انا مراد جاركم
مريم: مراد !
مراد: مش فى فالعمارة فالدور التانى بتاعتكم ناس مسافرين
وقافلينها من زمان
مريم: اه اه افتكرت ازيك انت عامل ايه
مراد: اتغيرتى خالص بجد ،عرفتك بالشبه
عارفه عرفتك من ايه
مريم: من ايه
مراد: من عيونك
مريم سكتت
مراد : انا لسه راجع مبقاليش كتير ع فكرة
خلصت دراسة ف ايطاليا
قولت لاهلى يرجعوا بقى من الكويت وننزل هنا
مريم : ( بتضحك) ليه مشحططين نفسكم كده
يعنى اهلك عايشين فالكويت وانت فايطاليا
وانتو اصلا مصريين
مراد: مانا كنت عايش معاهم واتعلمت هناك بس حبيت
ادرس فايطاليا
مريم: بس انتو مصريين فالنهاية
عالعموم حمدلله عالسلامه
مراد: وابه اخباركم انتى وسليم وانس وطنط لبنى
والبنات لمى واسيا ووجدان
مريم: ويارا وتبارك ...كلنا كويسين
تبارك قربت تتجوز وآسيا مخطوبه
واحنا الباقيين لسه فجامعات واهو ماشى الحال
مراد : وانتى ؟!
مريم: مالى ؟
مراد : اتخطبتى
مريم: لا لسه مجاش النصيب
وصلوا العمارة
سعدية : الاستاذ احمد باشا السقاوالله منور العماره
مراد: هههههه بنورك ياسعدية..مريم!
مريم كانت طالعه رجعتله
مريم: نعم
مراد: ممكن فونك ؟
مريم وقفت ساكته شوية ومبلمه فوشه من الطلب مستغربه
مراد: ايه مينفعش ...عادى يعنى
مريم: اوك هستأذنهم فالبيت واشوف يا مراد
عن اذنك هطلع
طلعت وهو واقف
سعدية : تاخد تليفونى انا طيب يا استاذ مراد السقا
والله لسه جايبه تلفون صينى تاشت حلو اوى
مراد( بيبصلها بازدراء) تاشت !!! لاشكرا ياسعدية
طلع وسابها
سعدية( ببرطمه) عنك م اخدت الرقم ،جاتك تروماى
لما يقطع قرعتك هوبر هوبر
الا كل البنات بتتعاكس وانالا ليه ياربي !!
`·，`·，`·，`·，`·，`·，`·，`·，`·，`·，`
سليم معدى بعربيته لمح آسيا واقفه ع ناصية
شارع مستنيه مواصله ..
سليم: آسيا ..اركبي
آسيا: شكرا ياسليم
سليم: انا مروح مينفعش وقفتك دى ،تعالى يلا عشتن
موقف الطريق
ركبت ورا
سليم: لا انا كده سواق !!
آسيا بضحك قامت وفتحت الباب وركبت جمبه
آسيا: معلش ... يارب مكونش ازعجتك بتوصيلتى
سليم: يابنتى بقولك مروح يعنى الطريق واحد
عاملة ايه ؟
آسيا: الحمدلله تمام
سليم: كنت فين راجعه البيت متأخر كده ولوحدك
آسيا: احم...كنت مع خطيبي بنشوف الشقه
سليم: ( باستغراب) خطيبك !
آسيا ( بتضحك) الناس نسيت عشان مش لابسه دبله
ومن فتره
انت مش فاكر ولا ايه
اكيد مريم قالتلك ان اتقرت فاتحتى
سليم( باصص عالطريق ) اه اه افتكرت ،وامتى الفرح
آسيا: هو بابا معقدها شوية لكن قربنا ان شاءالله
عقبالك
سليم: ربنا يخليكى يا اسيا
السكوت فضل ملازمهم لحد م وصلوا ،بتنزل آسيا
من العربيه اتكعبلت وقعت من باب العربية ع ارض الشارع
ع وشها
سليم اتخض ونزل الناحية التانيه يقومها
آسيا( بكسوف ) باين اتكعبلت ولا ايه
سليم: سلامتك ...فيكى حاجه اتعورتى ؟
آسيا( ركبتها ماسكاها) مش عارفه ركبتى وجعانى
شكلى انجرحت فيها
سليم: طب تعالى للصيدلية يشوفوا يمكن جرح
آسيا: لا لا متقلقش ده خدش ،اسفه والله عالربكه
المفروض اقولك متشكرة عالتوصيله
سليم: بتتأسفى ع ايه بس ،طب امشى كده
مشيت بس بتعرج حبه من اثر الوقعه
آسيا: متقلقش والله عادى من الوقعه، تسلم بجد
وتصبح ع خير
دخلت ع طول ع شقتهم لانها فالارضى
وقف ساكت لثوان ميعرفش ليه باصص عليها
وبعدين راح يقفل العربيه ويركنها عشان هو كمان يطلع
ويخلص يومه بس مش زى م بدأ !
`·，`·，`·，`·，`·，`·，`·，`·，`·，`·，`
استنونا بكرة ان شاءالله
#نوتيلا
#لنورإسماعيل
نوتيلآ ❥❥
الفصل (25
， `·，`·，`·，`·，`·，`·，`·，`·，`·，`·，`·
"سفيان كويس انك لسه مقفلتش"
سفيان: كنت هقفل حساب انهاردة واقفل المحل ع طول
صاحبه: لا استنى انا عايزك فحاجه
سفيان: خير
صاحبه ( متردد ) بص هو خبر معرفش هيعمل ايه معاك
بالنسبة لى خبر حلو
لكن بالنسبه لك ؟
سفيان: قول ع طول فيه ايه
صاحبه: انا هصفى المحل من بكرة وهبيعه بالبضاعه لانى مسافر
سفيان سكت خالص
صاحبه: اخويا خلصلى ورق عملى فالخارج وخلاص لازم اخلص
الى ورايا هنا واسافرله ع طول
سفيان( بضيقه ) هتقفل المحل ؟!
صاحبه: سفيان انا حاولت اشوفلك اى شغل عند اى حد من صحابي
بس...
سفيان ابتسم ابتسامه بسخريه وبصله
سفيان: مبارك شغلك الجديد ،وبعدين انا لازم افرحلك
صاحبه: وانا كان لازم افكر برضو فشغل جديد ليك بس والله
الموضوع جه بسرعه ولخبطنى
سفيان: ولايهمك ...انا هقفل الحساب عشان اقفل المحل
صاحب المحل طلع مبلغ من جيبه واداه لسفيان
صاحبه: ده مرتبك ياسفيان
سفيان بص فيهم لاقاهم كتير
سفيان : بس دول كتير ...اكتر من مرتبي
صاحبه: اعتبرهم مكفأه ،انت تعبت معايا بصراحه
وياسيدى لحد م تلاقى شغل
سفيان: لا انا الفلوس الى مش من حقى متلزمنيش
متزعلش منى
( اخد منهم مرتبه بالظبط) ربنا يباركلك فشغلك
الجديد ان شاءالله
دخل مسك الدفاتر يقفل الحساب وعيونه كلها حزن وصاحبه شايفه
ومش فايده حاجه يعملها ..
`·，`·，`·，`·，`·，`·，`·，`·，`·，`·，`·
اسبوع بحاله ..
ويارا مش مفارقه سرير ياسين ..
وده بسبب حالته مرة واحدة اتدهورت من غير سابق انذار
وجسمه مبقاش يستجيب العلاج.
تعب ياسين الى جد ع حالتها النفسية الوحشه خلوها هى كمان تضعف
وتحاليلها تبقى فالنازل
وباين ومأثر عليها اوى .
حتى فزيارات عائلاتهم ليهم كانوا بيلاحظوا شحوبهم ورجوعهم
لورا تانى فطريق العلاج ..
مامت يارا قالت للبنات ع حالتها لما كانوا بيسألوا عنها ،هما
بيروحوا يزوروها كل فترة ومش منقطعين عنها
لكن قرروا لما سمعوا من مامتها مدى خطورة حالتها
انهم يتفقوا ويروحوا يوم .
خالد بيخبط ع باب يارا والبنات عندها ...
يارا: تعالى ياخالود
خالد: يارا ياسين باعتلك العلبة دى
يارا: استنى بس تعالى اعرفك ع اخواتى
خالد( مكسوف) لا انا ماشى
يارا: لا استنى خالد ده الضحك واللعب والشقاوة هنا فالمستشفى
بيحب الافلام اوى
حافظ كل السيناريوهات وكل الحوارات
مريم واسيا: خالووود ازيك
خالد: الحمدلله
يارا: دى مريم ودى آسيا وتبارك
نشوى لمى ووجدان !
خالد: كلهم حلوين اوى بس دى ( بيشاور ع تبارك) انا مش عارف اشوفها بس شكلها
حلوة برضو
تبارك: تحب ارفعلك النقاب هههههه
خالد: لا انا ماشى ( ببراءة طفل ضحك ومشى )
يارا( بتبص للعلبة لاقته بوكس كامل شيكولاته كيت كات ) ياحبيبي ياياسين
( كاتب ورقه من جوه خليت اخويا يجيبهالى فالزيارة لما عرفت انك
بتحبيها)
ربنا يخليك ليا يارب
آسيا: بيفكر فيكى حتى وهو فاشد ظروفه
يارا( بحزن) سكونه ع سريره ونومته حتى مش قادر يروح الحمام
بيخلينى انا اتعب
مقدرش اقف
مبقتش نفسي فحاجه ولا عايزة حاجه
وجدان: يا بنتى حرام عليكى متفوليش عالراجل ،ان شاء الله
هيشد حيله ويبقى بخير
تبارك: محافظة على صلاتك ؟
يارا: طبعا
تبارك: ادعيله فصلاتك وسجودك اوعى تنسيه وتنسى نفسك
برضو
مريم: ايوة تبارك قالتلى العزة فكنف العزيز ،انا محستش ده
غير لما قربت من ربنا اكتر
لاقيت نفسيتى اهدى ومظبوطه ومطمئنه اوووى
نشوى : حبيبتى كلكم ربنا هياخد بإيدكم ويشفيكم
عشان الى حواليكم
اتطمنى وخليكى واثقه فربنا
لمى لاقت الجو كئيب عايزة تفرفش كالعادة
لمى : اومال مش هتدينى شيكولاتايه من الى جايبهملك الموز ؟!
وكمان خدينا عنده نقوله الف سلامه
وجدان: اتلمى بقى اتلمى احنا فمستشفى ،موز وبرتقان ايه
ان شاءالله تتشكى فزورك
لمى: طب والله نفسي اشوفوا بحب العيال المحسوكه
الرومانتيكيه ،وبعدين يايورا ابقى حطى حبه
ميكاب كده خفاف خلى الواد يشوفك حلوة وامورة
آسيا: ميكاب! بس اسكتى يالمى انتى بتهبلى شكلك
لمى: والله بجد ،يارا عشان شقرا بياضها حلو
لو حبه جلوس وماسكرا حتبقى قمرر
وبعدين الدنيا حرر الشتا خلص اقلعى الآيس كاب ده ياشيخه
بعفوية قلعتهولها وبانت راس يارا من غير ولا شعره!!!
يارا اتكسفت ودموعها نزلت لا ارادى ،لمى اتحرجت اوووى من الموقف
والبنات كانوا هياكلوها ...
لمى : والله م خدت بالى ،اسفه يا يارا
وجدان بتشدها من بلوزتها جامد
وجدان: يعنى نعمل ايه عشان تبطلى نطنطه وتهدى وتنبطى
كده وتعقلى
قادر ربنا يهدك يابعيدة
لمى: يارا متزعليش منى والله م كنت اقصد
يارا: مش زعلانه يالمى انتى متقصديش
سمعوا تخبيط عالباب ...
يارا: ادخل
دخل ياسين بالراحه وباين عليه التعب اوى
ياسين: عندك البنات !
يارا( قايمه تسنده) برضو قومت من سريرك
آسيا: ادخل يا ياسين تعالى مش كل مرة تلاقينا تطلع تانى
وجدان: انت يا ظابط مواعيدك علينا ي اما انتوا مفتحين الاوض ع
بعض يا لئمه!!
ابتسم ياسين ودخل
ياسين: هى بس كانت نفسها فشيكولاته كيت كات ،وانا وصيت
اخويا المرة الجاية يجبلى علبه فجابها فزيارته ليا المرة دى
حبيت اجيبهالها
انا عارف ان الشيكولاته بتغير مود البنات
قولت اشوف خالد وصل الامانه ولا لا
لمى اخدت العلبه من عالسرير وانتهزت فرصة ان يارا مش شايفاها
وبتفتحها
لمى: واااااو
وجدان( اخدتها من ايدها) بيقول جاية ل يارا ،انتى اسمك يارا؟
دايما كده فضحانا قدام الاجانب
يارا: ربنا يخليك يا ياسين وصلت وفرحتنى اوى تسلملى يارب
ياسين: طيب انا هسيبك مع صحابك بقى عشان مبقاش رخم
خرج ...
وجدان: لاتعالى رخم رخم ...تعالى ياراجل
مريم: شكله بيحبك اوى يا يارا
لمى: قعدتى تقولى نفسي احب نفسي اتحب ،امتى اتحب زيكم
اهو حبيتى واتحبيتى وشكلك عايمة فالعسل
ياعم ياعم القشطات
يارا( ابتسمت) ايوة حنين اوى عليا وبيطمنى دايما وبحس انه بيسندنى طول الوقت
ولما بيتعب بحس انى بقع معاه
تبارك: بس اهم حاجه يا يارا تخلصوا النية فحبكم
تجعلوه خالص لوجه الله
بلاش ترتكبوا محرمات
خليه حبكم دفعه حلوة ليكم تتحدوا مرضكم سوا بيه
انتوا دلوقتي ف امس الحاجه لرضا ربنا
آسيا: عندك حق ياتبارك ،الواحد لما بيسيبها لله ربنا بيقف جنبه اوى
نشوى: انا عاجبنى اوى موقفك مع عمرو برغم انه قلب شوية عليكى
بس دلوقتي ضميرك مرتاح
تبارك: هو مقلبش حرام انا مش هتجنى عليه،بس طريقته فالغيره بانت
بيغير اوى
انا صارحته بكل الحقيقه انى مش بحب صلاح لكن حبه وتعلقه بيا عاملى ارتباك
مش عارفه اتحكم فمشاعرى تفكيرى فحبه ليا وظلمى له لما رفضته
وهو بيحبنى كل الحب ده
زائد ان بدأت اتعلق بيه هو وهو حس ده
غار عليا وقالى انه مالوش دعوة باى حاجه من قبله ،وان كل حاجه نصيب
وهو نصيبه بس انى اعرف لكن منتجوزش
ونصيبي معاه هو
واحترم صراحتى لكن نبه عليا لا اعدى من الشارع الى فيه محله
ولا اروح اشترى منه حاجه
لمى: تصدقوا يابنات مبحسش ان احمد بيغير عليا !
وجدان: عارفه يالمى علاقتك ب احمد بتفكرنى دايما بأكلة القلقاس!
حاجه رخمة ومالهاش طعم بس هو قوم وقاعدة وواقفه فالمطبخ
وحلل واطباق وفالاخر قلقاس
لمى: ياباااااى يابايخه
نشوى: عارفه ليه مش بيغير عليكى ؟
لمى: ليه؟
نشوى: عشان انتى مجرد لحظات حلوة فحياته ، لكنك مش كل حاجه
لو كنتى مكان مراته كان غار عليكى
لمى اتضايقت من كلام نشوى
تبارك: العلاقه كلها غلط يالمى ، انتى لو مكان مراته متحبيش ابدا
انك تبقى مستغفله وفى واحدة تانيه بتخرج مع جوزك وتعرفه وممكن يتجوزها عليكى
آسيا: انا معرفش لمى بتعمل كده ليه فنفسها ، مع ان ماشاء الله عريسانها كتير
ومحبوبة من كل الناس
يارا: صحيح يالمى ايشمعنا ده ؟
لمى ( بهدوء وبصت ليارا) حبيته !
كل واحدة فيكم تسأل نفسها ايشمعنا فلان ولا علان مع ان احنا بنبقى شايفين فيه عيوب
لكن هى عشان بتحبه مش شايفه
احمد ممكن يكون كل عيبه انه متجوز ومخلف
لكن مش بيضحك عليا ولابيخبي ولا بيسنزف قلبي ومشاعرى وهو قاعد زى الباشا
ولامتورط واظن كل واحدة فيكم عارفه انا بقصد مين ب ايه ؟
خرجت من اوضة يارا وهى متضايقه ماشية من المستشفى، البنات بصوا لبعض
متضايقين من الطوب الى حدفته عليهم
سلموا ع يارا وباسوها ومشيوا هما كمان !
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
وعدت ٧شهور ...
حصل فيهم حجات كتيييير اوى
زى يارا وياسين بعد م حالتهم اتدهورت سوا رجعوا شدوا حيلهم سوا
وبقوا احسن من الاول وقريب جدا هيخرجوا من المستشفى ويكملوا
علاج عادى فبيوتهم وفمكانهم..
لمى بقى واحمد بقوا يتقابلو كتير واتكررت مقابلات العوامه اكتر من مرة
وفكل مرة كان بيحصل تجاوزات مابيهم تزيد فكل مرة عن الى قبلها ..
مريم شخصيتها بقت احسن كتير عن الاول
محافظة ع صلاتها وقراءة القرآن ، بتروح الچيم
خلصت الكورس بتاعها
وحاليا بتدرس فاخر سنة ليها فالكلية ..
منسيتش مازن ،بس مش فاكراه
مش بتعمل حاجه غير لما تشور سليم الاول .
سليم كان من فترة للتانيه بيحط مبلغ له فخساب فاتحه له باباه فالبنك من زمان
لما بتجيله مكفأة او يحوش مبلغ مش عايزه
فكر انه يجيب عربيه ع اده واشتراها !!
فكرة انه يتجوز بتلح عليه وكل يوم منتظر القدر يجمعه ببنت الحلال الى تنفع
ومش بتيجى ولسه مستنى.
وجدان وانس
لسه قط وفار ،انس فاق ع انه بيحب وجدان ومشدود ليها
لكن جديد عليه ان اى بنت تعجبه هو ميعجبهاش !
ولا تلتفت له اصلا
لكن من جواها بتموت فيه وهتموت عليه لكن بتسويه ع نااار هاديه خالص
علشان لما يعافر ويوصل بعدها يقدر قيمتها بجد.
سفيان من شغلانه لشغلانه ، من ساعة م ساب الشغل مع صاحبه
وهو كعوب رجله اتنحلت وهو بيدور ع شغل ومش لاقى .
ولو لقى بيعوزوا يكون معاه خبره قبل كده وهو مش معاه
ي اما يكون معاه لغه او كمبيوتر
ده غير نظره الضعيف جدا الى مش موفقه ف اى شغلانه وحاليا عاطل عن العمل .
تبارك وعمرو ..
عمرو زى اى راجل بيغير ع مراته ، معاملته متغيرتش مع تبارك لكن بقى يسألها
فكل حاجه للاطمءنان عليها مش اكتر
سافر وراجع ع الزفاف ع طول تكون كل حاجه جهزت وتبارك خلصت جهازها ...
تبارك ارتاحت بعد م قالت لعمرو وبتنفذ كلامه كله، لكن كل يوم بتجيلها اشارة ان صلاح
لسه بيحبها وهيعيش ويموت وهى جواه .
حسام اعترف لنشوف بحبه قبلها !
وفجأة اتحولت العلاقه مابينهم من عداوة وعصبيه وتقطيم لحب وعصافير وفراشات
نشوى مصرحتش بحبها له الا لما عرفت ان نيته فالجواز كمان فترة يكون جهز نفسه
كل م تيجى سيرة جوازه منها تقلق لكن بتدارى بعفوية ساعات يبان عليها وساعات لأ.
اما عن إياد وآسيا ..
فانهاردة كان معاد خروجه من فترة كبييرة آسيا مستنياها ، إياد بيحط المفتاح
فباب الشقه
وفتح !
آسيا داخله بخطوات هاديه تبص فكل حته فاركان الشقه وهى مبتسمه
آسيا: انا فحلم مش كده !
إياد: لا دى حقيقه ، حقيقه حبنا الى عيشت سنين احلم ابنيه
عشان يكبر ويكبر
شقتنا يا آسيا
آسيا: غاليه عليك يا اياد؟
إياد: الغالى يرخصلك ، دفعت مقدم وان شاءالله ربنا يفدرنى ع اقساطها
آسيا: يعنى هيبقى الاقساط واقساط القرووض والمحلات وو
إياد( حط ايده ع بوقها) ششششش احنا دلوقتي ففرحتنا ملكيش دعوة بالباقى
العقد اهو
آسيا بتقراه وفرحت اوى
إياد: امتى بقى نلبس الدبل ،نفسي يبقى اسمك ملازمنى طول الوقت
نفسي يكون معايا دليل ع انى مرتبط بيكى
آسيا( مكسوفه) معرفش كلم بابا وشوف
إياد: اظن مالوش حجه ،اتخرجتى اهو وانا الشقه وجبتها والحمدلله المحلات شغاله
آسيا: هنعيش هنا يا اياد ( بتبص عالشفة بانبهار) هنا اوضة نومنا عشان بحمام
وهنا اوضة الاطفال
هنا هعمل قاعدة عربي ...وهنا هيبقى الليفنج روم
واحلى حاجه ان المطبخ امريكان كيتشن عشان لما اكون واقفه بطبخ لك
اشوفك ومتغيبش عن عينى ابدا
اياد ( جرى حضنها وشالها ولف بيها ) بحبك بحبك بحبك بحبببببك
آسيا: وانا كمان بحباااااااااااااك
بحبااااااااااااك
إياد: هنا مملكتنا يا سووووووس
آسيا: هنا اجمل ايام حياتنا يا ويدووووووو
إياد: يارب قرب البعيد يااااااارب
آسيا: ياااارب
`·，`·，`·，`·，`·，`·，`·，`·，`·，`·，`·
وجدان جاية من الكلية بتفتح الباب ،لاقت ست قاعدة مع جدتها وبيحكوا
سمارى: تعالى يا بت يا وجدان سلمى
وجدان جايه مستغربة
الست: اللهم صل عالنبي ،كبرت وجدان واحلوت يا ماشاء الله
وجدان: ليه ياطنط اخر مرة شوفتنى امتى كنت بلعب قدام بيتكم ؟
سمارى( بعكازها خبطتها) اتلمى يابت دى خالتك ام مراد جارتنا
وجدان( باستغراب) ام مراد !! اااااه ام مراد
سمارى : سافرت ورجعت بقى تجددطلبها ليكى لابنها مراد
وجدان: انتى يا حجه انتى مش جيتى قبل كده من سنة وشوية طلبتينى
وقولنا لا
ايه الى اتغير وهيخلينى اقول اه المرة دى يعنى
الست اتكسفت وقامت سمارى تضرب وجدان
سمارى: يقطعك بت ناقصة تربيه ! غورى ادخلى اوضتك غورى
انا اسفه يا ام مراد بت لسانها فاالت
ام مراد: طب والله ياحجه سمارى ابنى مراد نازل يتجوز ع طول
بقوله اختارلك منين قالى هى واحدة فالعمارة بتاعتنا يا ماما
وانا عارفه انه يقصد وجدان عشان كان بيناقر فيها ليل ونهار
ومن زمان بيهزروا سوا
لكن ياختى لو العرايس فالبنات مليانه وع قفا مين يشيل
ده كفايه العمارة فيها فوق ال ٨بنات عرايس ومش متحوزين
سمارى: حقك عليا والله هخلى ابوها يربيها لما ييجى
ام مراد: عالعموم انا ابنى ميتعيبش زى القمر ودرس فالجامعه برة
والف واحدة تتمناه
انا قايمه بقى
قامت وسلمت ع سمارى ومشيت ،دخلت سمارى لوجدان وكلها
غيظ هتولع فيها خلااااص
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
"هو العريس ده وراكى وراكى ! هههههههه"
وجدان: لا وداخله تقولى ده قيمة وسيما هو انتى تطولى ،عايزة اقولها
فيه ايه ياستى هو انا باكل عشاكى عايزة تزيحينى وخلاص
مريم: طب بس متزعليش نفسك
وجدان: هتعملى ايه دلوقت
مريم: ادينى طالعه من الچيم هتمشى لحد البيت ،عايزة حاجه اجيبهالك
وجدان: لاياحبيبتى تسلميلى لما تيجى رنيلى اطلع اقعد معاكى شوية
مريم: اشطا ع رنات ...سلاموز
بتتمشى وبتشرب عصير جه جنبها شاب لابس ترننيج برضو
بشرته بيضا بغباء
حالق شعره ومخليه شبه ستيف اوستن بتاع المصارعه
حاطط هاند فرى فودانه
مراد : مريم مش كده !
مريم ( باستغراب) ايوة انت مين
مراد: ليكى حق متفتكرنيش ، انا مراد جاركم
مريم: مراد !
مراد: مش فى فالعمارة فالدور التانى بتاعتكم ناس مسافرين
وقافلينها من زمان
مريم: اه اه افتكرت ازيك انت عامل ايه
مراد: اتغيرتى خالص بجد ،عرفتك بالشبه
عارفه عرفتك من ايه
مريم: من ايه
مراد: من عيونك
مريم سكتت
مراد : انا لسه راجع مبقاليش كتير ع فكرة
خلصت دراسة ف ايطاليا
قولت لاهلى يرجعوا بقى من الكويت وننزل هنا
مريم : ( بتضحك) ليه مشحططين نفسكم كده
يعنى اهلك عايشين فالكويت وانت فايطاليا
وانتو اصلا مصريين
مراد: مانا كنت عايش معاهم واتعلمت هناك بس حبيت
ادرس فايطاليا
مريم: بس انتو مصريين فالنهاية
عالعموم حمدلله عالسلامه
مراد: وابه اخباركم انتى وسليم وانس وطنط لبنى
والبنات لمى واسيا ووجدان
مريم: ويارا وتبارك ...كلنا كويسين
تبارك قربت تتجوز وآسيا مخطوبه
واحنا الباقيين لسه فجامعات واهو ماشى الحال
مراد : وانتى ؟!
مريم: مالى ؟
مراد : اتخطبتى
مريم: لا لسه مجاش النصيب
وصلوا العمارة
سعدية : الاستاذ احمد باشا السقاوالله منور العماره
مراد: هههههه بنورك ياسعدية..مريم!
مريم كانت طالعه رجعتله
مريم: نعم
مراد: ممكن فونك ؟
مريم وقفت ساكته شوية ومبلمه فوشه من الطلب مستغربه
مراد: ايه مينفعش ...عادى يعنى
مريم: اوك هستأذنهم فالبيت واشوف يا مراد
عن اذنك هطلع
طلعت وهو واقف
سعدية : تاخد تليفونى انا طيب يا استاذ مراد السقا
والله لسه جايبه تلفون صينى تاشت حلو اوى
مراد( بيبصلها بازدراء) تاشت !!! لاشكرا ياسعدية
طلع وسابها
سعدية( ببرطمه) عنك م اخدت الرقم ،جاتك تروماى
لما يقطع قرعتك هوبر هوبر
الا كل البنات بتتعاكس وانالا ليه ياربي !!
`·，`·，`·，`·，`·，`·，`·，`·，`·，`·，`
سليم معدى بعربيته لمح آسيا واقفه ع ناصية
شارع مستنيه مواصله ..
سليم: آسيا ..اركبي
آسيا: شكرا ياسليم
سليم: انا مروح مينفعش وقفتك دى ،تعالى يلا عشتن
موقف الطريق
ركبت ورا
سليم: لا انا كده سواق !!
آسيا بضحك قامت وفتحت الباب وركبت جمبه
آسيا: معلش ... يارب مكونش ازعجتك بتوصيلتى
سليم: يابنتى بقولك مروح يعنى الطريق واحد
عاملة ايه ؟
آسيا: الحمدلله تمام
سليم: كنت فين راجعه البيت متأخر كده ولوحدك
آسيا: احم...كنت مع خطيبي بنشوف الشقه
سليم: ( باستغراب) خطيبك !
آسيا ( بتضحك) الناس نسيت عشان مش لابسه دبله
ومن فتره
انت مش فاكر ولا ايه
اكيد مريم قالتلك ان اتقرت فاتحتى
سليم( باصص عالطريق ) اه اه افتكرت ،وامتى الفرح
آسيا: هو بابا معقدها شوية لكن قربنا ان شاءالله
عقبالك
سليم: ربنا يخليكى يا اسيا
السكوت فضل ملازمهم لحد م وصلوا ،بتنزل آسيا
من العربيه اتكعبلت وقعت من باب العربية ع ارض الشارع
ع وشها
سليم اتخض ونزل الناحية التانيه يقومها
آسيا( بكسوف ) باين اتكعبلت ولا ايه
سليم: سلامتك ...فيكى حاجه اتعورتى ؟
آسيا( ركبتها ماسكاها) مش عارفه ركبتى وجعانى
شكلى انجرحت فيها
سليم: طب تعالى للصيدلية يشوفوا يمكن جرح
آسيا: لا لا متقلقش ده خدش ،اسفه والله عالربكه
المفروض اقولك متشكرة عالتوصيله
سليم: بتتأسفى ع ايه بس ،طب امشى كده
مشيت بس بتعرج حبه من اثر الوقعه
آسيا: متقلقش والله عادى من الوقعه، تسلم بجد
وتصبح ع خير
دخلت ع طول ع شقتهم لانها فالارضى
وقف ساكت لثوان ميعرفش ليه باصص عليها
وبعدين راح يقفل العربيه ويركنها عشان هو كمان يطلع
ويخلص يومه بس مش زى م بدأ !
`·，`·，`·，`·，`·，`·，`·，`·，`·，`·，`
استنونا بكرة ان شاءالله
#نوتيلا
#لنورإسماعيل
ليست هناك تعليقات:
إرسال تعليق