♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
لولولولولولولولى ....
زغاريد وحلويات وبونبونى بيتوزع وحجات ساقعه ، فبيت ممدوح وغادة
بعد م جه المأذون وانكتب الكتاب من اول وجديد وردها لعصمته ،غادة فكر ت بعقلها
وقررت ان البنت دى مش تنتصر عليها ، وفعلا
وفقت اخيرآ وانكسرت مناخيرها وغرورها زى ما قالت امنية ورجعت برغم وجود نتالى ع ذمته برضو
لكن غادة كانت محضرلها تكتيك هتطفشها بيها طبعآ..واكيد المواضيع مش هتعدى بالساهل
امنية: منورة يابت يا دودو انهاردة وكأنك عروسة من اول وجديد
غادة: يابت انا ع طول زى القمر،واحلاكم اصلا
منة: بس تعرفى ..البت ضرتك دى امورة زى بتوع التلفزيون
غادة: بت يامنة متفرسنيش..اسكتى عشان مقومش اقعد فوقك ابططك
مى: ماهو انتى يافشة لازم تخسى وتبقى عود ابنوس زيها كده
غادة: اصبرو ا بس ده انا محضرالهم كام مقلب انما ايه
امنية: مقلب ايه يابت يافاضية انتى ..انتى دلوقتى المفروض تفكرى ازاى بطريقتك تكونى الاولى والاخيرة عند ممدوح وتمسحيها بأستيكة
مى: ايوة طبعآ..خسى واعملى تمارين
اهتمى بشكلك
روحى كوافير واصبغى شعرك
هاتى لبس جديد وحجات مهشتكه كده..شايفه انتى رغم ان جوزها بيتجوز هى عاملة ايه فنفسها
وانتى عاملة زى دنجل الى فمجلة ميكى!
غادة: اخس ازاى بس..انا خسيت من ساعة م ولدت لحد دلوقت 5 كيلو حلوين
مى: لا طبعآ لازم كمان 15 او 20 كيلو عشان ترجعى امورة كده
وحطى ميكاب وزغللى عينه
منة: وفكك من المقالب عشان مش هتجيب نتيجه، نهايتها هتتشحتف له
وهتصعب عليه
وهتطلعى انتى المفترية يا عبيطة
غادة: (اتغاظت وكلت شيكولاتة) مممممم تصدقو يابنات هاين عليا اجيبها من شعرها البت دى
جاتها القرف وهى مسلوعة
امنية: هههههه شوفو احنا بنقول ايه وهى برضو فدماغها ايه
مى: وبعدين ياجماعة انتو كلكم متفقين ان افراحكم تبقى فرمضان !
منة: تقصدى مين يامى ؟
مى: غادة هانم اهييه خلتنا منستناش بعد الفطار ونروح لها، والاستاذ شريف شرفنطح الى كتب كتابه بعد بكرة ده
امنية سمعت الكلام وسرحت
غادة: قوليلى مش وسام سافر
مى: ايوة ..متفكرنيش..هما 3 ايام بالعدد الى قعدهم ويانا
ومقدرش اكتر من كده لانه اصلا مزوغ وعامل اجازة انه عيان
لكن هو نزل مصر عشانى انا وبيتى واصحابه ساعدوه
منة: يعنى مش هيحضر فرح صاحبه؟!
مى:اصلا اصلا لو وسام هنا مش كان هييجى ، وسام واخد موقف من شريف جامد اوى
وتقريبآ من ساعة الموضوع ده وهما متخاصمين
امنية: انتى هتروحى مش كده؟
مى: مع انى مش طايقة شريف بس هروح عشان اشوف بشرى دى شكلها ايه
امنية: انا هروح معاكى
غادة:انتى يابنتى اتجننتى ! تروحى لمين
يعنى روحتيله لما خطب البت الى فاتت دى..وهتروحيله دى كمان
ماهو كده له حق يبيع ويشترى فيكى
امنية: وفيها ايه احنا اصحاب، وبعدين انا حابة بجد اروح فرحه
مى: هو مش عامل فرح ده كتب كتاب وخلاص كده مش هيعملها فرح
منة: يعنى الدخلة بعد كتب الكتاب ع طول؟
مى: تقريبآ
غادة: طب سيبك من شريف وبتاع ، لسه عمران بيحوم حواليكى
امنية: هو لسه بيتصل بيا وعايزنا نرجع وارجع فقرار فسخ الخطوبة
وبيقولى هيحاول يصلح الى فات
بس انا خلاص قلبى قفل منه
منة: معرفش ليه عمران ده مش برتاحله، وبعدين يعنى واحد بيقول لواحدة هيتجوزها سيبى ابنك
يفتكر يعنى هتسيبه عشان سواد عيونه
غادة: بتحصل يا منة يا اوختشى!كان فيه واحدة جارتنا زمان وانا صغيرة سابت ولادها كلهم عشان تتجوز
عادى فيه امهات كده مواليد برج الحمير
مى: بس انتى قلبك مقفلش منه يا مونى عشان بس الحوار ده
امنية: هى كده خلصت يابنات، انا وعمران مش هنتجوز وهو خلاص عرف قرارى ومش هرجع فيه
مى: بس تنكرى ان سبب من الاسباب انك لسه بتحبى شريف
امنية: هاه..(سرحت) بحبه!!!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"ايوة بحبها ! بس هعمل ايه قولى انت كده يا عشرة عمرى"
وسام: يابنى فكر تانى قبل م تظلم بنت جديدة فاللستة بتاعتك
شريف: وسام انا كبرت ، وعايز يبقالى بيت واسرة ..كان نفسى فالبيت ده مع امنية
ومنكرش انى عرفت قيمتها لما راحت
ولسه بحبها
بس هى مش عايزة ترجعلى ..اعمل ايه
وسام: اوك ..ايه ذنب بشرى فكل ده حرام عليك
انت عايز تفهمنى انك هتعرف تبقالها زوج كويس وهتعملو بيت وحياة سوا
جوازة مبنيه ع مصلحه تبقى صفقة يابنى
شريف: انا اصلا بشرى مش بطيق ابص فوشها 3 دقايق ع بعض
لكن اهى واحدة عارفة ظروفى الزفت وراضيه ولا عرفت حد ولا سبت قبلى
وسام: انا كلمتك يا شريف قبل كتب الكتاب عشان مش بس انت صاحبى
انت اخويا
وكنت حاسس ان بمكالمتى دى هقدر افوقك
وترجع فقرارك
شريف: فات الاوان يا وسام..معلش محدش بيتعلم ببلاش
وسام قفل مع شريف وهو متدايق لانه حاول للمرة الاخيرة وفشل ..لكن شريف
كان بيفكر هيستقبل بكرة ازاى حياة جديدة مع واحدة مش بيحبها ولا بيطيق يشوفها ساعة واحدة
هتبقى قدامه العمر كله
يمكن كان مسيطر ع تفكيره اكتر..ازاى هيقدر يستفاد بفلوسها
ويعرف يعيش فمستوى كويس.
وجه يوم كتب الكتاب...
شريف اكيد من الرفد وكذا خطوبة ورا بعض، والصرف مبقاش معاه ولا حاجه يقدر يعمل بيها حفلة كتب كتبا حتى!
واصلا محدش حضر من ناحيته غير مى وامنية
لكن كل الى جه حبايب ومعارف بشرى فحفل ساهر كان فيه كل الناس من كل حدب وصوب....فوق السطوح
واول م عرفت مى توصل المكان وطلعت العمارة لحد السطوح ، ودخلت وشافت العروسة!!
مقدرتش تمسك نفسها من الضحك
مى: ههههههههههه ايه ده ! عروسة من مخلفات الحرب
دى وحشة اوى
مش وحشة
دى تخوف
ايه الى شريف بيهببه فنفسه ده
امنية: مى! حرام عليكى ، هى مش انسانة زيينا برضو
متعيبيش عليها
مى: طب وربنا شبه المخلوقات الغريبة الى بتيجى فالافلام الاجنبى،هههههههه والله ودبست نفسك يا شريف
احسن من اعمالكم سلط عليكم
دخلو وقعدو وهما باصين للعروسة ومش عارفين ينزلو عنيهم
بشرى بقى كانت جايبة فستان من ذوقها واكيد وصل ذوقها شكله ايه ، وملطخه وشها مكياج بطريقة تضحك
وحتى تسريحتها كانت اشبه بالمهرجين بتوع السيرك
كل ده وشريف كان قاعد مع المأذون وخال بشرى بيكتبو الكتاب
المأذون: الحمدلله والصلاة والسلام ع اشرف المرسلين
سيدنا محمد خاتم الانبياء عليه افضل الصلاة والسلام
الحاضرين: عليه الصلاة والسلام
المأذون: الزواج...رباط مقدس
الله عز وجل خلقه لكى تعمر الخليقه..ونعمر الكون بفتيان وفتيات صالحات
وجعل فيه المودة والرحمة
شريف: (ميل عالمأذون وهو بيتكلم) سيدنا الشيخ..معلش بس اخلص
لانى مش طايق البدلة الى لابسها ورحمة ابويا
المأذون : واضح ان العريس مستعجل ههههههههه
شريف: لا والله مش حكاية استعجال ..اصل لو طولت هحلف مانا كاتب عليها
وهى اصلا رشيانى ب 100 جنية عشان اجى انهاردة!
خال بشرى: جرى ايه يا استاذ شريف ؟! جرى ايه!!
يلا يا سيدنا اكتب الكتاب ع طول
العروسة بقى كانت قاعدة ومبسوطة اوى ،مى مش عارفة تنزل عنيها
وفجأة راحت اقترحت ع امنية يروحو يكلموها ع بال م يكتبو الكتاب
مى: الف مبروك يا عروسة ..انا مرات صاحب شريف الانتيم
بشرى: اهلا وشهلا بيكى نورتى الفرح، حضرتك مرات مين بقى؟
مى: وشهلا! (كتمت الضحكة) انا مى مرات وسام الى كان معاه فالشغل
لو تعرفيه
بشرى: ايوة طبعآ ده الاشتاذ وشام ده حبيبنا كلنا والله ووحشنا عالاخر ، عامل ايه هو
مى: كويش (ضربتها امنية فكتفها) هههه كويس بيسلم عليكم
امنية: وانا ابقى صاحبة مى واعرف شريف من زمان
بشرى: (بغيرة) ولامؤاخذة يعنى انتى انشة ولا مدام!!
مى: (بتضحك وميلت ع ودان امنية) غيرانة عليه ههههههه منك
اومال لو تعرف
امنية: لا انا مدام ومعايا ولد كمان ..
بشرى: يااهلا وشهلا والله نورتونا
عند المأذون بقى
المأذون والصلاة والسلام ع سيدنا ومولانا محمد (شال المنديل)
الف مبروك
ربنا يجعلها زيجة مباركة بأذن الله
عليت الزغاريد الناس جيران بشرى وجايين يسلمو ع شريف الى كانت تقريبا بيسلم بقرف وغيظ
ولمح مى وامنية انهم جم..
شريف: انتو جيتو !!
مى: ايه مكنتش عايزنا نيجى ولا ايه ؟ وبعدين مافيش حد هنا نعرفه خالص يابنى
اومال فين زمايلكم بتوع الشغل
شريف: بذمتك زمايلى بتوع الشغل ييجو هنا الفرح المعفن عالسطوح ع الضفدعة دى
امنية: ولما هو فرح مش اد كده وهى ضفدعة ياسى شريف، كان حد غصبك ع الجواز
شريف: اقعدى ساكته وابلعى ريقك شوية يا امنية ..ادينا اتهببنا وخلاص
(بيبص حواليه)
استنو انقيلكم حتة نضيفة تقعدوا فيها
(راح عند 2 ستات تخان )
شريف: قومى يا ولية منك ليها
الست 1: مبروك ياعريس حطها فعنيك
شريف: يا ولية اخلصى بلا حطها فعنيك بلا حطها فجيب الجاكته
الست 2: انت عايز تقومنا من هنا نروح فين
شريف: اتلقحو فأى حتة وانا مال اهلى، تعالى يا امنية انتى ومى
الست2: جرى ايه ياعريس انت بتطردنا من فرحك!
شريف: يعنى كنت بطرد وزيرة التربية والتعليم يلا قومو هوونا وانتو واخدين الهوا كله كده خلينا نتنفس
امنية: خلاص يا شريف احنا قاعدين هناك كويس
مى: واصلا شوية وقايمين
شريف: والله م ينفع ..ده انتو انضف مين جه الفرح
يلا يا وليه بدل م ارش عليكو مية ..قووموو
قامو الستات بالعافية وهما بيبرطمو وقعد البنات مكانهم وقعد جنبهم
امنية: مش المفروض تقعد جمب عروستك!
شريف: لا مش المفروض انا كتبت الكتاب وخلصنا ..
مى: قوم متبقاش لطخ ! ازاى تسشيبها يعنى ههههههههههه
شريف: تشيبها!! هى وصلتك؟
شوفتى الى انا فيه ياختى (بيمثل العياط بهزار)
امنية: قوم يلا
ومن غير مقدمات جات بشرى وشدته من دراعه وقعدته جمبها ..
شريف: ايييييييييه خطفانى !
بشرى: انت لازم تقعد جمبى ازاى قاعد بعيد عنى يعنى عايز يقولو ايه هربان منى
شريف: ايه الى انتى عاملاه فنفسك ده الله يخربيتك..انتى ناقصة لخبطة فخلقتك
بشرى: بقولك ايه اتلم لحشن قشمآ بالله معملش حشاب لفرح ولا دياولو
وادب شوابعى فحباب عنيك
شريف: كمان هتدبى صوابعك.. طب انكتمى بدل م انا الى احدفك من فوق دلوقتى
جتك داهية فمنظر الى خلفوكى
وهما بيتخانقو والناس الجيران بتهيص وبترقص
امنية كانت جاتلها فكرة غريبة..
امنية: ع فكرة البنت دى شكلها غلبان فعلا
مى: هى اه غلبانة ع اد م كلامها وشكلها يضحكو هههههه
امنية: لازم شريف يتربى المرة دى، مش كل مرة هيعرف يقوم بعدها
مى: ايه ده! ناوية ع ايييييييه ؟؟!
ده انتى حتى الغلبانة العاقلة الى فينا يا مونى
امنية: لا مانا مش هعمل حاجه مجنونة ..انا هعمل حاجه لازم اعملها
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الفرح خلص..
وشريف وبشرى اتقفل عليهم باب الاوضة الى هى عايشة فيها هى وخالها ..وبق لوحدهم
بشرى: (ضحكت ضحكة هبلة وقاعده ع اخر السرير وهو قاعد ع الكرسى تحت الشباك) هيهي خالى شاب الاوضة انهاردة لينا
قال ان احنا عرايش هههههه
شريف: اه عرايش ..عايزة ايه بقى
بشرى: عايزة ايه يعنى ! هو ده شؤال بردك
احنا لازم نتجوز الليلة هو ينفع تقعد انت بعيد وانا اقعد بعيد كدهون
شريف: ياست انا بشم الهوا بعيد عن ريحة البيرسول الى انتى رشاه وفاكراه معطر جو
بشرى: لالالالا مينفعشى.. لازم تيجى وتقعد جمبى احنا عرشان عايز الناش تاكل وشى وتقول مرضيش يقرب منها
شريف قام وبصلها بصة زعل ع ننفسه وقرر يعمل الى هى عايزاه قصاد انه يفاتحها فكل الى هو عايزه الصبح
وقرر يغصب نفسه واهى بجملت.
قام وقلع الجاكيت بغسظ وهو باصص لها، وفك الكرافت وربط بيها راسه
بشرى: ليه بتربط راشك!! فيه ايه ياخويا
شريف: لا ده عشان دماغى متضربش..(بص لفوق يكلم ربنا) يارب سامحنى عالجريمة الى هعملها
ويارب ما يبقى لها ثمار عشان الاشكال دى متكترش فالارض
بشرى: ياخويا تعالى !!
وتانى يوم الصبح ... كانت قاعده وبتتغندر وتتمكيج مكياج اهبل قدام المراية بشرى
وهو باصص عليها وشغال يتف عليها من بعيد فسره!
بشرى: هو هيسيبها لنا انهاردة بش! بش لازم تجيبلى شقه زوجية اقعد فيها
شريف: (جاى ناحيتها بلهفه) ايوة!! كويس انك فتحتى الموضوع ده
انا عايز اقولك ع شوية حجات كده
بشرى: خير أشاء الله!
شريف: أشاء الله!! يلا ماعلينا
من بكرة ننزل نشوف ونتفرج عالشقق التمليك الى عالنيل ولو لاقينا واحدة يبقى كويس
بشرى: ايه ده!! ياسعدك ياهناكى يابشرى
هتاخدلى شقه عالنيل
شريف: اخدلك شقه ايه خدك ربنا ، الشقه دى هناخدها بفلوسك
وهو انا حيلتى ايه وبعدين انتى الى معاكى فلوس مش انا
احنا نجيب شقه الاول ، وبعدها نشوفلنا حتة ارض نشتريها
ونعمل عليها مشروع بس نلاقى ارض الاول
وبعد كده...
بشرى: ايه هو ده ! حيلك حيلك كل ده بفلوسى!
شريف: ايوة طبعآ
بشرى: (طلعت فوق السرير وحطت ايدها فوسطها) نعم نعم ياخويا
بفلوس مين..انت الراجل وانت الى تجيب
انت تشيل حكاية فلوشى دى من دماغك خالش
قال فلوشى قال!
شريف: ايه ياختى! سمعينى تانى..
وهو انا كنت واخدك عشان اقرف نفسى بسحنتك والسلام
انتى زى مانا ضحيت تضحى وتعملى كل الى انا قولته!
بشرى: وانا معملتش ياشى شريف
شريف: وان معملتيش..يعنى ايه يابت
انتى بجد مش هتعملى حاجه من الى قولتها دى!!
بشرى: ايوة مش هعمل واعلى مافخيلك اركبه
شريف: لا والله هتعملى نفسك ست بقى وبتعرفى تاخدى قرارات ده انتى شبة غطاسين المجارى يابت
بشرى: تشدق البت الى كانت خطيبتك دى عندها حق
يامام تحت السواهى دواهى
شريف: دواهى ! ماشى يابشرى
انا هعلمك الادب
(فتح الباب بتاع الاوضة وخبطه وراه)
بشرى: مع الشلامة ياخويا ..المركب الى تودى
قال متجوزنى عشان فلوشى قال
(سكتت شوية وبعدين عيطت)
يا ميلة بختك يابشرى ..يا حظك المنيل والمهبب
الناس تقول ايه يوم صباحيتك عريسك يطفش!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وبعد فترة ..
من طفشان شريف من بشرى ، خالها حكى لها كل حاجه وانه فعلا جاى يتجوزها طمعان وانه مش بيحبها ولا حاجه
ولان بشرى غلبانة جدآ ومتعرفش ولا تفهم تعمل ايه..خالها خطط لكل حاجه
ومن ناحية تانية
امنية كانت بتحاول تضرب صحوبية معاها..ونجحت!
امنية: يلا قومى البسى مافيش وقت
بشرى: طب بش هنرو فين ياشت امنية
امنية: يابنتى بطلى ست دى قولى امنية عادى ..هنروح مكان لازم تروحى ليه ضروووورى
بشرى: والنبى سيبينى فالهم الى انا فيه
امنية: قومى الى بعمله ده فمصلحتك، يلا قومى
خدتها وفالطريق بشرى حكت لها كل الى ناوى عليه خالها يعمله فشريف..
بشرى: ايوة هيقدم الكمبياله للمحكمة وهنرفع بيها قضيه، ده غير قضية النفقة والمؤخر
الى خالى الله يستره كتبهم عليه
وهو طبعآ كتب بنيه انه هياخد منى وبعدين يطلقنى ويرمينى فالشارع
امنية: لا طبعا طالما اتجوزتو يبقى لازم المؤخر والنفقة وقايمتك وحقك فوجود شقه ..هو مش بردو مكانش كتب كتاب بس !
بشرى: ايوة كانت دخلة كمان..عشان كده خالى قالى لازم نطلع عنيه (هتبتدى تعيط)
امنية: انتى بتحبيه اوى كده ؟
بشرى: وكنت فاكراه بيحبنى
امنية: بصى يابشرى ! شريف مش بيحب حد غير نفسه
اسألينى انا
بشرى: طيب اشألك شؤال يعنى ..هو انتى تعرفيه منين اوى كدهون
امنية: سيبك دى حكاية طويلة ، المهم احنا دلوقتى وصلنا
بشرى: طب مش تفهمينى
امنية: بعدين تفهمى ..يلا بينا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" بس ياستى قالت ان اللدغه الى فكلامه دى اساسها سنانها الى طالعه برة
هتعمل عمليه فيهم وتظبطهم وهيبقى كله تمام"
مى: يعنى بشرى دى اتغيرت دلوقتى ؟!
امنية: لسه..هى هناك فالبيوتى سنتر ده..هما اه بياخدو فلوس كتير بس هى فرحت جدآ بمفجأتى دى
وقالت ان اى حاجه تهون قصاد م تبقى حلوة زى اى بنت
مى: طب وانتى عملتى معاها ليه كده يا مونى ؟
امنية: هى غلبانة جدآ..وكنت عايزة اشوف شريف بعد ما يشوفها لما تتغير
هيبقى عامل ازاى هيكمل معاها عشان شكلها بقى حلو؟
ولا فعلا بيحبنى وعمره ماشاف بنت غيرى
وكمان اكسب فيها ثواب لان حرام كل الى يشوفها يتريق عليها وانا عندى الحل ليها
مى: لااااااا لازم المرة الجاية اجى اتفرج ماليش دعوة
امنية: خلاص ..هى اصلا موجودة هناك يوميآ تقريبا قالولى بعد اسبوع اولانى ممكن الاحظ فرق
تعالى معايا
مى: اوكيشن!
وجه اليوم ... وقررت مى تتفرج عالتحول الى هتبقى فيه بشرى ع يد اكبر خبراء تجميل فمصر ببركة امنية!
مى: بيتى يا روحى ..انا هسيبك عملتلك بوم فريت وسندوتشات وسلطة اوك
والعصير فالتلاجه
بتول: اوك يامامى مث تتأخرى
مى: لا ياحبيبتى متخافيش
يلا بااااااى (باستها فخدها)
مشيت مى وعدت ع امنية وراحو لبشرى ..الى فعلا بدآ يبقى فيه فرق ملحوظ فوشها وشعرها
ولون بشرتها عامة
مى: وااااااو ده انتى تحولتى يابنتى
بشرى: البركة ف امنية
امنية: ولسه لما يشيلو الشبكة الى ع سنانك دى وتفضلى معاهم الفترة الى حددوها ليكى هتبقى زى القمر
بشرى: والنبى انتى الى زى القمر
فالبيت...
كانت بتول بتكلم بنوتة صاحبتها فون وهى بترسم ..
بتول: مامى ثابتلى الاكل ، انا هروح اكل بقى عثان جوعت
البنوتة: تيب روحى وانا معاكى فون عثان متبقيش وحدك
بتول: ايه تا!! البوم فريت ساقع
اوف!
البنوتة : سخنيه فالميكرويف زى مامى
بتول: مث هعرف
البنوتة: تب افتحى بوتو كاز وحطيه عليه وهو يسخن
بتول: اوك اثتنى كده
فتحت بتول كل العيون وحطت البق ووقفت قدام البوتوجاز
فالوقت ده طلعت امنية ومى من عند بشرى راحو يعملو شوبينج يشتروا شوية حجات ومكياج
مى: واااااااو البرفيوم ده نزل انا بحبه موت
امنية: وانا كمان..بصى كده الوان الروج دى
مى: هاااااااايلة انا هجيبهم كلهم
امنية: طيب ماهو وسام مبيحبش تحطى ميكاب برة يافالحه
مى: فالبيت يابنتى فالبييييييييت
امنية: هههههههههههههههه
الغاز اتسرب واتخنقت بتول ووقعت عالارض..
كانت مى خلصت مشاويرها وروحت الشقه ، بتفتح الباب
شمت ريحه غريبة!!
وبتول واقعه عالارض
مى: يالهوى!! بتووووووووووووول
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" مش عارف ليه قلبى انقبض مرة واحدة "
زميله: ايش بيج وسام !
وسام: لا مافيش حاجه ..عن اذنك دقيقة واحدة
فتح فونة واول م جه ع باله مراته وبنته .. لقى معاه رصيد كفاية يكلمهم
اتصل بمى
مرة
و2
و3 ومش بترد
زاد القلق..لحد م ردت فالمرة ال 19!!!
وسام: فيه ايه كل ده مش سامعه! (بزعيق)
مى: الحقنى يا وسام ..الحقن ى (بتعيط)
وسام: حصل ايه مالك ..قوليلى يامى
مى: بنتك بتضيع مننا..بتول بتموت
وسام: ايه !! (قعد مرة واحدة ع كرسى وقرب ناحيته كام حد من زمايلة)
بنتى مالها يامى انطقى روحى هتطلع
مى: انا كنت برة (بتعيط وبتكلم مقطع) بجيب حجات وعملت شوبينج ووو
وسام: بطلى عياط مش عارف اسمعك ..حرام عليكى قلبى هيوقف
بطلى عياط وقولى فيه ايه
مى: انا كنت برة وبشترى حجات مع امنية ، وسيبتها فالبيت وسيبت ليها الاكل بتاعها
وجيت لاقيتها مغمى عليها والشقة كلها ريحتها غاز
ودلوقتى حاطين تنفس صناعى فالمستشفى والبنت مش بتتحرك
وسام: انتى بتستهبلى ! كام مرة اقولك متسيبهاش لوحدها وتخرجى
كام مرة!!صًوته عالى جدآ)
لكن ازاى اخرجى واعملى شوبينج وسيبى البنت الى حيلتنا تموت!
اهى بتموت يا مى بتموت
(ماسك نفسه من العياط ومتنرفز والناس حواليه)
مى: وانتى بتحملنى الغلط ليه، انا خايفة عليها زيك زيي بالظبط
انا امها
وسام: انتى متنفعيش تبقى ام ولا زوجه ولاحاجه خالص
وياريتنى حتى جنبكم اعرف الم البلاوى وراكى واهمالك فحق بنتنا
روحى ياشيخه ذنبها فرقبتك، وانا مش مسامحك يامى
حسبى الله ونعم الوكيل فيكى !!
(قفل السكة فوشها)
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل بكرة
استنوها يوميآ
#ويسو_وميوش_وتوتا_وخلصت_الحدوتة
#نور_اسماعيل
تسلمي على الحلقة الجميلة ، عجبني أوي تفكير أمنية و اللي عملته و حاسة ان بشرى حتطلع القديم و الجديد على شريف النذل ده ، أما مي فأنا نفسي فعلا أخنقها ازاي تسيب البنت كل مرة لوحدها و وسام عنده حق هي مهملة و مش عارفة انها صغيرة ، بس و الله صعب عليا وسام يا نونو انت كل مرة تحطيه في مصيبة شكلك مستقصداه في القصة كلها من اول حلقة هههههههههههه يلا مستنية الحلقة الجديدة بفارغ الصبر
ردحذف