روايــة..
ღويسو ღميوش ღتوتة ...وخلصت الحدوتة ღƒc
ح(27)
(( الـأخــيـرة))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
زى م اتمنى فادى...اتحقق
وسام ومى وبتول ، كانو من اول احاضرين فالكنيسة ساعة اكليل فادى ومارلين عروسته
فادى انبسط اوى لما شافهم سوا لما كان داخل والاشبينات بيزفوهم بالورد..غمز لوسام ووسام ضحك
مى: الفرح جميل اوى..اول مرة احضر فرح فكنيسة
وسام: تعرفى ان وشك حلو عليه
مى: ع مين ؟
وسام: ع فادى..اصله بقاله سنين بيحاول يتمم جوازته دى ومعصلجه، بس ربنا اراد تمشى المرة دى
عشان انتى تحضريها معايا
مى: (مشبكة ايدها فايده وباسته) ومش هنضيع وقت تانى من غير بعض
وسام: يارب يا مشمشتى يارب
بتول: بابى هو الراجل الى لابس اثود ده بيقول ايه ؟
وسام: اممم بيقول يا حبيبة بابى حجات تخليهم يتجوزه
بتول: اه ده فرح حلو اوى
فوقت الفرح ده ..كانت كاميليا بتحاول تخلص من الحبسة الى حبسها ليها خالها فبيته
هى وابنها
انتهزت فرصة الباب مفتوح عشان يجيبو ليها الاكل..وهربت ع برة من غير م حد يحس هى وابنها
واخدتها جرى لحد اول الطريق وشاورت لعربية ركاب وهى ميته من التعب، وقفتلها العربية
بس كان فيه حد واقف بعيد وشبه عليها
وطلع فونه واتصل بحد!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" نتجوز تانى !!"
شريف: وتالت وسابع وعشرين، اهو بقالى فترة مستقيم وبشتغل
وبطلت اشتغل حد
مافيش غيرك بشتغله وكده يعنى عايزة ايه تانى
امنية: هههههههه انتى اكيد بتهرج ، طيب وانا ايه ضمانى انك مش هتخوننى تانى زى زمان
ولا تلعب بديلك ولا
شريف: اولا العب بديلى ايه ..كلمة مستفزة جدآ ع اساس ان الرجالة كلاب ليهم ديل
ولا تعالب مثلا
وبعدين زمان خلاص موضوع وعدى
والحمدلله الست شيرين والهانم نهال وختمت ببشرى
علمونى الفضيلة وكرهونى فصنف الحريم
امنية: لا والله! وانا ابقى ايه لما انت كرهت الستات بقى ؟
شريف: انتى موزتى ..حبيبتى الى فالحتة الشمالا
امنية: يعنى مصمم عالجواز برضة (جواها فرحان)
شريف: وبشدة ..ها قولتى ايه
اخلصى يا امنية متفضليش تتقلى واقعد اتحايل عليكى ووقت م توافقى اكون انا زهقت
امنية: بس يا واد تزهق فعينك .. قولى يا شريف
هتفضل تحبنى كده لبعد الجواز
شريف: شوفى يا امنية يا حبيبتى ، مافيش راجل فمصر بيحب مراته بعد الجواز
استحالة يعنى دى قاعدة
امنية: والله!! طب باى
(قفلت فوشه)
شريف: انتى يابت !! قفلت المجنونة
طب احبها ازاى دى ...الله يخربيتك
(اتصل بيها وفتحت)
بتقفلى ليه يا جزمة؟
امنية: ليه مش انت مش هتحبنى يبقى ليه الجواز بقى ؟
شريف: يعنى اتجوزتى وخلفتى وبعدين اتخطبتى لبابا نويل وسيبتيه ولسه عقلك صغير
ياستى هحبك هحبك..مرتاحه كده!
امنية: ايوة كده اتعدل
شريف: يعنى ممكن سبت واربع احبك بقية الاسبوع اااااااااممممم
امنية:تانى !! هقفل بقولك
شريف: طب حاسبى تقفلى ع صباعك
امنية: والله انت انسان رخم مش عايزة اتجوزك يا شريف انت هتموتنى بدرى
شريف: لالالالا متموتيش يا امنية لازم ناخد صورة سيلفى الاول سوا فشهر العسل
وصورة القبضة الحديدية بعد كتب الكتاب
والبصمة
وبعدين اتشقلبى يا حبيبتى فجنات النعيم
امنية: امممممم والله! طب مش هموت وع قلبك
شريف: يا سلام خليك ع قلبى يا جميل..بس متقعديش كتير عشان بأجره بليل
امنية: هههههههههههه
شريف: يا دينى عالضحكة الى جابتنى ع وشى!! هاه اجى امتى نحدد معاد مع الحج خلينا نخلص ونسجل الضحكة دى صوت وصورة
امنية: ههههههههههههه متخلف وربنا
شريف: انا متخلف!! ماشى يا مؤدبة لما نتجوز هوريكى المتخلف ده هيعمل فيكى ايه
وربنا يكفيكى شر المتخلفين بقى
وانت ى الى حكمتى ع نفسك
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"هربت!!"
الشاب: ايوة ومعاها الواد كمان وركبت فعربية عالطريق
خال: خلصو عليها هى والواد ، دى واحدة سافلة وهتجيب لنا العار
الشاب: ازاى نخلصو العربية مليانة ركاب
خال: ميخصنيش..المهم ميطلعش عليها صبح
بما ان عيلتها كبيرة فالبلد، وخالها كلمته مسموعة
نفذو الرجالة كلامه بالحرف،وطلعو عربية نقل محملة بطيخ تخبط العربية الى فيها كاميليا وابنها
والعربية تتقلب
والسواق يموت
والى جنبه
والباقى اصابات خطيرة تتنقل للمستشفى ...الى وصل لخال كاميليا من المتتبعين هيحصل ايه
انها ماتت هى وابنها
وهو رفض يروح يتعرف ع جثتها ويدفنها اعتبارآ انها برة عيلتهم من يوم م اتجوزت حد مش من العيلة وخلفت منه
لكن الى كان حاصل ان كاميليا فعلا بين الحياة والموت
اما صهيب عشان حواليه حفظه من عند الله
محصلش ليه حاجة غير كدمات عشان كان فحضن مامته طول الوقت
كاميليا فاقت من غيبوبتها!
كاميليا: لو سمحتى !
النممرضة: ايوة حضرتك فوقتى يا مدام
كاميليا: لو سمحتى بس عشان انا تعبانة اوى ..هو انا حاجتى وموبايلى وشنطتى فين ؟
الممرضة اى حاجة للمصابين موجودة فامانات المستشفى
كاميليا: ممكن تجيبلى موبايلى لو سمحتى بسرعة وانا هكرمك والله
الممرضة: طب اناهعرف ازاى شنطتك يامدام
كاميليا: شنطة بنى وعاملة زى البوكس كده ! قصدى زى العلبة
الممرضة حاضر
راحت الممرضة جابت الشنطة وطلعت كاميليا الفون الى حد ما شغال
طلبت من الممرضة تصورها فيديو ..وقالت فالفيديو ده رسالة معينه
لشخص معين!!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
يلا بوز البطة !! واحدة كمان يلا يلا يا بنات!!
امنية لابسة فستان فرح رائع
ومى وغادة ومنة حواليها وهى بتتحضر فالكوافير
ولابسين نفس الالوان زى م عملو فخطوبتها بس باختلاف ستايل الفستان من واحدة للتانية
كانت امنية فمنتهى السعادة وباين عليها ، ومدثر بقى كان فالقاعة مع بابا شريف واونكل وسام وبتول
بيستقبلو الناس
وكل شوية شريف يبص فالساعة
وسام: متستعجلش يا عريس..هانت
شريف: فرحان اوى والمصحف يالهويز!! البت كانت دماغها حجر
وسام:واهو الحجر لان ياعم وبقت مراتك
شريف: بقولك ياض يا وسام بمناسبة بقت مراتك والكلام ده بقولك اييه (وشوشه)
وسام: (سمع منه وبعدين بصله باستحقار) وحياة امك!! ازاى يعنى؟
ده انت جحش ياض
اومال كنت هتموت عالجواز ازاى
شريف: لا مانا عارف بس فيه امور يعنى (وشوشه) انت ادرى ياعم
وسام: هههههه (ميل عليه وشوشه كتير) فهمت ياحمار وبعدين
(وشوشه)
شريف: كفاية !
وسام: فبتيجى انت بقى (كمل وشوشه)
شريف: كفاية ابوس ايد امك
وسام: اول م تلاقى كده بقى تروح (وشوشه)
شريف: وحياة الى خلفوك كفاية
دخلو صلاح واكرم عليهم القاعة مع زوجاتهم
اكرم: كفاية يا عم الواد هيموت منك ههههههه
وسام: (بيسلم وهو بيضحك ) اعمله ايه انهاردة فرحه ويقولى مش فاهم الحبشتكنات
اكرم: جاتك خيبة ع خيبتك ورايح تعرف دلوقت ! دلوقت يا شريف
صلاح: اصلا شريف بق وخلاص
شريف: م بلاش انت يا مقطف الفهلوة !
وسام: (بيضحك ومى رنت) ايوة ياقلبى!
طب تمام
اوك
قفل معاها) يلا روح خد عروستك ياحلو
مفاتيحى اهيه
شريف: لا انت هتيجى معايا
وسام: هو تطعيم يلا ياض وانشف كده متقصرش برقبتنا
مشى وع العروسة عدل
خدها من ايدها وشالها من جوه الكوافير لحد العربية والزغاريد وراها
والورد
وكانو فعلا كلهم فرحانين
مى وغادة نازلين جرى، انما بقى منة براحتها خاااااالص الحمل مخليها كوعبيرة اوى
فضلو وراهم
لحد القاعة والمعازيم وقفو يشوفوهم وهما داخلين...وتانى كررو الى عملوه فخطوبتهم زمان
دخلو بيشكلو سوا ورقص وجرى ولا زفة ولا بتاع
وجت مى خدت ايد وسام برضو ورقصت معاه ..وغادة مسكت ممدوح وشيلته لؤى ورقص بيه
لكن سامح بقى الى كان خايف ع منة وكل شوية يفتح لها طريق عشان محدش يخبط فيها
جه وقت التصوير ..مع الصحاب
ده غير الصور الى كانت بتتعرض ع شاشات العرض
قدام المعازيم
الفوتو سيشن بتاعهم كان تحفه وحركاتهم وكل حاجة
اما بقى بشرى فهى جت وكانت بتهيص من قلبها..اصلها طيبة وبتحب الخير لاى حد حتى لو كانت حبت شريف
والفرح ماشى تمام
وقفت الصورة على !!!!
منة : اااااااااااااااااااااه الحقونى !
سامح: ايه ايه فيه ايه ؟
منة: بولد!! انا بولد ياسامح
غادة (جاية جرى) يا لهوى عليكى لسه بدرى
منة: شكلى هولد فالسابع ولا ايه ؟ الحقووووونى
امنية وقفت من عالكوشة وجريت عليها هى ومى وطلبو الاسعاف
مى: ايه مسلسل الحج متولى الى احنا فيه ده !
شريف: بت يا امنية انتى رايحه معاهم
امنية: صاحبتى مقدرش اسيبها!معلش يا شيرى بقى
شريف: شيرى ايه وصلصة ايه بس انتى عروسة ...يالهوى ع الى جراااااااااالك!!
مشيت امنية ومى وغادة مع سامح فعربية الاسعاف مع منة
وسام مش ماسك نفسه من الضحك
شريف: العروسة وراها حالة ولادة يا جماعة هتولدها وتيجى محدش يمشى (بيبص لوسام) بتضحك!!!
وسام: يلا بقى ادى يومك عدى ع بال م تاخد كورس تمام ....كل تأخيرة وفيها خيره ههههههههه
شريف: بطل ضحك يا وسام بقى
وسام: مش قادر هههههههههههه
شريف: ياسلام فرح له العجب!! الحمدلله
الحمدلله
انا فرحان ومبسوط اوى بجد فرح مافيش زيه..العروسة طفشت يا رجالة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بعد الفرح ...
كانو مروحين مى ووسام وهما بيضحكو عالفصل الى حصل ففرح امنية وشريف وان منة فعلا ولدت
واتطمنو عليها
داخلين بيضحكو وبيهزروا سوا ،لقو علبه صغيرة حد رميها تحت عقب الباب وجوه الشقه
ميلت مى عليها
مى: ايه دى؟
وسام: مش عارف ، افتحيها
مى فتحت لاقت ميمورى كارد
مى: ده ميمورى كارد! بتاع مين ومين وصله هنا
ايه جو المخابرات ده
هو مال اليوم مدى ع افلام كده
وسام: تصدقى فعلا الاول منة تولد فالفرح ..ودلوقتى ميمورى كارد فشقتنا كأن حد بيوصل لينا حاجة
مى: بقولك ايه تعالى نشوف جواه ايه الميمورى ده لان الفضول هيموتنى
وسام: تعالى
فتحو اللاب وحطو الميمورى فالفلاشة.. وملاقوش غير فيديو بس!
فتحوه وكانت صدمة!!
كاميليا ملفوفة بشاش ومتكسرة وشكلها تعبان ، وفمستشفى
وبتقول
" السلام عليكم..وسام ومى
انا اسفة ع اى حاجة حصلت معاكو بسببى، كنت غبية وفاكرة انى كده بأمن مستقبل ابنى
بس مهم الواحد يدبر ويفكر الى عايزه ربنا بيكون
فرحت اوى لما عرفت من فادى انك رجعتو
والله م كان قصدى انكم تنفصلو..معلش سامحونى
وسام...
فاكر لما قولتلك انا خايفة ع صهيب وحاسة ان هيحصلى حاجة
انا دلوقتى فمستشفى وعملت حادثة جامدة وشكلى مش هطلع منها
وصيتك صهيب ابنى ..مبقاش ليه حد
ويتيم
متخليهوش يتلطم فالدنيا يا وسام..خالى الى دبر كل ده وانا حاسة
انا مش عايزاه يعرف مكان صهيب
خليه عندك
ككفالة يتيم مش اكتر
وهيبقى كتر الف خيرك يا مى لو قبلتى ابنك فبيتك كأنه ابنك بالظبط
وثوابك عند ربنا
سامحونى...ابنى يا وسام عند الممرضة الى بشكرها انها هتوصلك الرسالة دى
وهتاخد ابنى عندها لحد م انت تاخده..لو وافقت!
عنوانها هقوله
ادعولى بالمغفرة ..سلامو عليكو
"
وسام كان مذهول..الى شافه ده بجد ولا فيلم ولا ايه
بيبص ع مى لقاها غرقانة فدموعها
وسام: انتى بتعيطى! انا فاكرك...
مى: (قاطعته) يعنى صهيب بقى يتيم ام واب دلوقتى ..يتيم ام زيي
(بتعيط) حتى لو كانت امه دى الله يسامحها
انا بعيط عالولد
ليه خالها يعمل فيهم كده
وسام: دى حكاية طويلة هقولهالك..المهم دلوقتى انا هتصل بالرقم الى عالعلبة ده اشوف كاميليا لسه عايشة ولا ايه
وصهيب فين
(سكت شوية)
ده يعنى لو مش يزعلك
مى: لا يلا كلمها
اتصل وسام...وفعلا القدر كان اسرع وماتت كاميليا!!
وصهيب عند الممرضة فحتة فالصعيد
نزل وسام ليها مخصوص وسافر ..وجاب صهيب وجه!
واول م دخل
كانت مى وبتول فاستقباله!!
بتول: صهيب(جريت عليه) انت وحستنى بقالى كتير مس سوفتك
مى: ازيك يا صهيب يا حبيبى (بتلعب فشعره)
صهيب: (مكسور) انا كويس يا طنط
مى: باسته ودخلته اوضة فالشقه ) دى بقى اوضتك من هنا ورايح
ودى اختك تلعبو وتذاكرو سوا ومش تزعلو بعض
ووسام بقى بابى وانا مامى
صهيب: طب ومامى راحت فين انا مش بقيت اشوفها
وسام: (اتدايق واتأثر ) مامى بقت عند ربنا يا حبيبى ...انت دلوقتى هنا
هتبقى فالنادى مع بتول
وتروح المدرسة وياها ..هاه مبسوط
صهيب: انا بحبك اوى يا اونكل وسام (حضنه)
وسام: بابى يا صهيب..ممكن اسمعها منك عشان انا مش عندى ولاد
صهيب: بابى وسام
بتول: الله وانا بئيت اختك هييييييييييه تعالى يلا نلعب انا هوريك اوضتى ولعبى
وانت ورينى اوضتك ولعبك عسان مامى قالتلى لما ييجى صهيب هو يوريكى
صهيب: طب يلا
جريو سوا ووقفو يراقبوهم مى ووسام
مى: ربنا هيجازيك خير ع تربية الولد ده..سبحان الله ربنا حرمنا من الخلفة تانى
وبقى عندنا ولد
وكمان هيدخلنا الجنة
وسام: انا مبسوط اوى لموقفك ده يامى ..بجد انتى جوهرتى الى ربنا بعتها
انا بحبك يابت
مى: انت الى جوهرتى..ربنا بس يعينا ع تربيتهم سوا يا حبيبى..ويعينك ع يلتك الجديدة الكبيرة
وسام: متخافيش رزقه موجود وربنا هيبعته بزيادة..ده يتيم!
اوعى تحسسيه بنقص يامى فيوم من الايام..او عشان كنت ى بتكرهى امه
مى: يا وسام انا جربت اليتم وانا فسن صغيرة ، يعنى عمرى م هأذى حد زى م اتأذيت
وسام: طب مشمش محضر ايه عالعشا
مى: لالالا انا اوضة صهيب الجديدة تعبتنى تنضيف وترتيب اللعب..انت الى اعمله بقى وخليك شاطر
وسام: يا سلام!! انتى تؤمرى
بس تعالى برضو معايا فالمطبخ اقفى جنبى
مى: ليه هسندك ايه الدلع ده
وسام: لا اصل بنسى الملح محطوط فين كل مرة (قرصها فخدها)
مى: هههههههههه طيب يا دلوع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
برنامج..ع قناة مشهورة
بيستضيف كل زوجين ، وبيسألوهم فحجات كتيرة تتعلق ببعضهم
والكابل الى بيفوز بيكسب شهر عسل جديد لتركيا!
مى كانت متابعة البرنامج ده اوى..وعاجبها
وفمرة طقت فدماغها فكرة من افكارها المجنونة الى مش بتعقل ابدآ..وبعتت لهم وكسبت هى ووسام وجاتلهم دعوة ل لبنان لحضور تسجيل البرنامج
وسام: برنامج ايه بس يا مجنونة يا بنت الناس الكويسين ..مى متهربش منك كل فترة كده ارحمينى
مى: استنى بس ..ده برنامج واااااااو الواااااااو...هيسألونا حجات عن بعض
وفيه احتمال كبير نكسب
منها شهرة نطلع عالتى فى
ونكسب رحلة لبلد مش شوفنهاها ومغامرة
وااااااااااو!!
وسام: مغامرة واو ايه م تعقلى بقى ..اسيب شغلى والولاد ونهج يعنى
مى: لا بس هنسيبهم عند سهر الكام يوم دول مش قضية يعنى نشوف لنا يومين حلوين
ونرجع
هاه قولت ايه
وقت تسجيل حلقتنا قرب ولازم نسافر
وسام: وان قولت لا
مى: ويسووووووو
وسام: متدلعيش مش هوافق... (بص فعنيها) مش موافق!!
......................
يلا كاميرا ستاند باى !!
اكشن!
المذيع: هلا فيكم من جديد بنرحب فيكم وحلقة جديدة من برنامجنا
معنا اليوم 3 من المتزوجين
من بلاد مختلفة
منار واحمد من فلسطين
وديما وطونى من لبنان
وويسام ومى من مصر
بنبدأ بأسئلة عن الزوجه للارواج والمطلوب انكم كزوجات ما تتكلو وهنى يجاوبو صح ام خطآ انتو بتكتبو الاجابة بورقة وبنشوف النتيجه!
بدأ البرنامج كانت دى اول فقرة ..وكسب فيها الكابل الفلسطينى
بفارق نقطة من وسام ومى
اما الفقرة التانية كانت للزوجات عن الازواج وكسبو مى ووسام
وففقرة الاكل كل زوجه عملت طبق وغمضو عيون الازواج يختارو كل حد يعرف طبق مراته
وسام وطونى عرفو والتالت لا
وففقرة الزوج يعمل طبق حلو والزوجه تتعرف برضو مى بس الى عرفت
وده لان باقى الازواج عمرهم م دخلو مطبخ غير فالبرنامج وبكده زوجاتهم اول مرة ييتحطو فالموقف ده!
اتجمعت النقط!
وكسبو كابل مى ووسام...وقطعو تورتة الفوز سوا
واخدو تذكرتين لتركيا 4 ايام شاملة الانتقال والاقامة والسفر
وهما هناك...
مى: شوفت بقى وانت الى مكنتش راضى
وسام: مش عارف ببقى فعلا مش راضى، ليكى قوة سحر كده معينة تخلينى اوافق وانا زى ال...
مى: هههههه يا روحى مفاتيحك كلها فأيدى وبعرف ايه الى بيزعلك وايه الى بيفرحك يا روح ميوش
وسام: انتى حبيبة حبيبك يا مى والله
مى: تعرف ان اى حد بيستغرب اننا لسه بنحب بعض الجواز كده زى المرتبطين عادى او المراهقين
وسام: كل 2 بأيدهم يحافظو عالحب ده ويخلوه يكبر ..مش شرط الجاوز يهدمه او يقلله
ثم مش لاقى ايه العلاقة ان الجواز يكون نهاية الحب
بالعكس
ده بدل بعدهم عن بعض وكل حد فبيت بيبقو سوا ..بياكلو ويشربو سوا
ولو حد فيهم غاب عن التانى اليوم يبوظ
مش كده
مى: ايوة طبعآ.. الناس شايفه مشاكل الحياة والظروف هى الى بتهد الحب عشان كده بيستغربو
وسام: طب شوفى احنا عدينا بكام حاجة من ساعة م اتجوزنا ..حجات تهد اى بيت
بس مع بعض عديناها
مى: وزودتنا حب وتعلق ببعض اكتر
وسام: اصل فيه فرق انك تتجوزى وانتى عارفة انك عايزة تبنى بيت واسرة وحب ودفا
وغير الى بتتجوز عشان ميتقالش عنها عانس او عشان تفتخر انها اتجوزت
او عشان يتعملها فرح 5 نجوم وبعدين تبقى تشوف المصيبة الى وقعت نفسها فيها
مى: ونسيت اهم حاجة..وواحدة بتتجوز لما بتلاقى الى قدامها ده عوضها الحبيب والصديق والاخ والاب
وسام ضمها لصدره بحب وبص لعيونها جامد وقطعت اللحظة الرومانسية رنة فون وسام!!
وسام: ههههه ده شريف..ايه ياعريس
شريف: ناس لها بخت وناس ليها غسيل الاطباق
يعنى تقريبآ ده شهر العسل ال 580 لسيادتك
وانا هنا الى المفروض ارجع من شهر العسل مزقطط ومبسوط..ونخرج ونسهر
الحجة امنية اصدرت اوامر اغسل انا الاطباق وهى تنضف البيت
وقال ايه الحياة مشاركة
مى: احسن تستاهل
شريف: اعااااااااا اه يانا يامايانا ياما
امنية: بتقول حاجة ياشريف !!
شريف: لا يا روحى ده انا بوصفلهم السعادة الى انا فيها
وسام: هههههههههه مصيبة شريف ولا هيعقل
تعرفى البت توتا وحشتنى
مى: بحبك
وسام: وبيتنا ووجودنا كلنا سوا
مى: (مسبلة عيونها) بحبك
وسام: وانا بموت فيكى ..
مى: هات أطة ياض
وسام: تانى تانى!! احنا فالشارع يا مناخوليا
عايزة نبات فين المرة دى!!
مى: مش مهم ان شالله نترحل تعالى هنا
وسام جرى منها : يا شويييييييش..يا بولييييييييس
تعالو امسكو واحدة عايزة تبوسنى هنا
كملت جرى وراه ومش هتستسلم..ماهو اصل لو مستنى يوم حلو يعدى عليك
وحاسس ان لسه اجمل يوم مجاش
هييجى زيهم كده لما بقو سوا وبقت مرات حضرته
وتوجو اجمل قصة حب بالبنوتة القطقوطة توتا
عشان يكمل كلامنا... وتخلص الحدوتة
مع وسام ومى ..ربنا ما يحرم حد من لذة الحب ودوامه
دمتم بسعادة وحب
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
((النهـــايــة))
دمتم سعداء وكل سنة وانتو طيبين ونلتقى فرواية جديدة ان شاء الله
اسعدنى حسن قراءتكم
الله عليكي يا نونو يا قمر ، حلقة تحفة تحفة تحفة جنااااااااان ،
ردحذفو قصة روعة لا روعة إيه ديه جمال لا يوصف
يارب من حسن إلى أحسن و دايما مبدعة يا رب
في انتظار جديدك يا قمر ، و اله حتوحشني القصة و انتظاري ليها كل ليلة
بجدالروايه تحفه مع ان فيها مصايب كتير لويسو وميوش بس عدت علي خير ودي اجمل روايه قريته ولكل جزء ليه متعته الخاصه
ردحذفالله عليكي بجد رواية روعة وتحفة انا خلصتها في ساعتين بس متحرمناش من رواياتك ابداً
ردحذف