روايةツ
نوتيلآ ❥❥
الفصل (6
， `·，`·，`·，`·，`·，`·，`·，`·，`·，`·，`·，
السنة الجديدة بدأت ...
الجامعة زحمة بسبب دخول الدفعات الجديدة والتزام طلاب الكليات العملية بالحضور
وطلاب الكليات التانية النظرية بتيجى تستكشف الجدول.
آسيا نجحت وبقت ماشاء فسنة تالته كلية الاداب قسم علم الاجتماع
وحشوها زمايلها وزميلاتها فالدفعه ، واقفه خارج المدرج الى هتبدأ فيه المحاضرة
كمان شوية بتتكلم وتحكى حصل ايه فالاجازة والخطط الى فشلت انها تعملها
والرغى الى مش بيخلص.
زميل ل آسيا : اختك جالها التنسيق ع ايه صحيح ؟
آسيا: كلية تجارة
زميلة ١: لمى اختك لاعبيه مش زيك
آسيا: يعنى شيفانى انا الى فطب ياخى بلا نيلة
زميل: ههههههههه
اوام وهى منهمكة جت عليها بنوتة من زميلاتها فالدفعه .
زميلة : آسيا ...ي آسيا تعالى بسرعة
آسيا: طب ثوانى ياجماعة ( للبنت) ايه فيه ايه
زميلة: تعالى بس من سكات
خدتها ودخلتها المدرج ...
آسيا: فيه ايه يابت انتى
زميلة: بصى انا كنت قاعدة هنا قولت اسمع شوية اغانى لحد م المحاضرة تبدا
وبعدين جه حد كده حط البوكس ده ومشى
وشكله مش من دفعتنا
استنيته يمشى وببص كده ساب ايه لا تكون قنبلة ولا حاجه
بصى لاقيت ايه
آسيا مسكت البوكس لاقته ملفوف عليه شريط ومكتوب من فوق الى آسيا
فتحته
لاقت جواه شيكولاته وبونبونى وورقة شكلها حلو كده مكتوب فيها
"مبروك السنة الجديدة ..وحشتينى وكل م بحاول ابعد عنك بتوحشينى
اكتر
ومتأكد كمان انى وحشتك ...مستنيكى "
آسيا حطت الورقه ع شفايفها وهى بتضحك
زميلتها: مين ده !
آسيا: معرفش ( سرحانه)
زميلتها: يعنى ايه متعرفيش ؟ ده واحد شكله عارفك اوى
آسيا بتردد مع نفسها وهى مبسوطة وكأنها مش سامعه صاحبتها
آسيا: مستنيكى ....
·，`·，`·，`·，`·，`·，`·，`·，`·，`·，`·，
اما عن مريم ووجدان ...
ف فى الوقت ده كانو خارجين من محاضرة سوا ورايحين للكافيتريا ياكلوا
حاجه
مريم : مش هتبطلى اكل خالص يعنى والمصيبة مش بيبان عليكى ابلكاش خشب
وجدان: خمسة عليا خمسةعليا اسم النبي حارصنى وصايينى ياختى
المهم هتاكلى زيي شاورما ولا هتطفحى كالعادة كريب
مريم : لا كريب طبعا مبحبش الشاورما
الاكل جه وبياكلوا ع احاديث مريم التى لا تنقطع عن مازن..
مريم : انا كنت فاكرة ان لما تبدأ السنة هنقرب اكتر بس حصل العكس
بقى مشغول ومش اون لاين كتير وحتى هنا لحد دلوقتي مدخلش لينا ولا محاضرة
يعنى شكله مش هيدينا اى حاجه السنة دى
وجدان (بتاكل) ايوة المطلوب منى ايه دلوقت ؟ اروح اجره من قفاه
واقوله يا مزغود ادينا اى مادة السنة دى بدل م افتحلك نافوخك
مريم: عارفه ! انا مش بحرم احكى معاكى ...كل مرة اقول مش هحكى معاكى
وبرجع احكى وانتى رخمه وغلسه ومستفزه
وجدان( ببرود) ميرسي ميرسي ميرسي
مريم: العفو ياختى ،اطفحى اطفحى يارب توقف فزورك
وجدان : طب اقولك ايه ، يعنى الاجازة كلها بتحكواسوا
وفالاخر تقوليلى مش عارفاله سكه الفته ليا
ساعات احس انه واخد باله منى
وساعات احس ان الشات خداع
وموسيقى اغانى هانى شاكر تشتغل جمبك وتسحى دموع
مريم: انتى الى حيفهمك فالحب والاحاسيس يا حتة من ديل الجاموسة
انتى
انتى تفهمى فالرز والمكرونة والباشاميل
وجدان: ياشيخه ان شالله اطفحه مازن ده زى الشاورما الى هيبوظ علاقتنا سوا
ده
مريم: بعد الشر ...جاتك ضربه
خلصت وجدان اكل وطلبت الحلو كمان حتة جاتوه وبتحبس بالسفن أب
لكن مريم كان شاغلها اوى مازن
وحشها بالذات اوى انها مش بتشوفه خالص ولا حتى بيتكلموا بقالهم فتره
ماشيين فالحرم الجامعى بيتمشوا وأذن العصر ...
وجدان : انا هدخل اصلى فالمسجد هتيجى معايا ؟
مريم ( سرحانه ) اه
وجدان بتدور حواليها ع باسكت ترمى الكانز ...مريم واقفه لاقت مازن قدامها بعربيته؟!!
معدى وخارج من الجامعه
طقت فبالها فكرة مجنونة فدقيقتين اتنين بس!
مريم: هاتى الكانز فيه باسكت هناك اهى
مريم اخدت الكانز وجريت ترميه وهى راجعه استنت مازن ولما قرب عدت كأنها م
مش شايفه وخبطت نفسها قاصدة فالعربية ووقعت عالارض!!!
·，`·，`·，`·，`·，`·，`·，`·，`·，`·，`·，
فشركة السياحه الى بتشتغل فيها نشوى ، بقالها اكتر من سنتين
عملت كاريير وحطت رجلها فمكانها واثبتت كفاءة بحسن خلقها
وشغلها الممتاز .
كانت بتلاقى استحسان فالتعامل من الكل ،بالرغم من سكوتها الدائم
وعدم اختلاطها بحد او ب أى نشاط عاملاه الشركة ...
العامل :آنسة نشوى ...استاذة منال عايزاكى جوه
نشوى : حاضر
دخلت نشوى عند الاستاذه منال المسؤلة عن السياحة الدينية فالشركة
ودراع المدير اليمين .
منال: نشوى ، الاستاذ حسام اتعين عندنا هنا
لكن للاسف دى اول مرة شغل له
ف محتاج يعرف طبع الشغل ويكتسب خبره
وبصراحه مفيش اكفئ منك تدربيه فترة تدريبه دى
نشوى بتبص ناحية حسام ...
منال: متقلقيش ، فترة تدريبك له هنعتبرها اوفر تايم وليكى نسبة ع مرتبك
عشانها
نشوى : اوك يا مدام منال
منال: اتفضل يا استاذ حسام مع انسة نشوى هى هتفهمك طريقة شغلنا ازاى
ووقت م تخلص فترة تدريبك هتشتغل معاها فنفس المكتب
نشوى اتوترت لما عرفت انه هيبقى معاها فنفس المكتب لوحدهم ،اه هما فشركة وشغل
والمكتب كله عبارة عن ازاز يعنى متعتبرش لوحدها
بس هى مش بتحب تعامل الرجاله المباشر ليها ،بتتوتر وبتقلق وبتخاف .
راح حسام مع نشوى ، وع طول بدات فتفاصيل الشغل من غير اى مقدمات
نشوى : بص حضرتك ،شغلناهنا بيتقسم ل
حسام( قطعها) طيب ي انسة نشوى المفروض اننا هنتعامل سوا فمكتب واحد وشغل
واحد
يبقى فيه تعارف حاجه كده
نشوى ( باصه للجهاز قدامها) لا انا مبتعرفش يا استاذ !
اظن عرفت ان اسمى نشوى
اكتر من كده ميخصش الشغل ولا يخصك
حسام اتكسف وبلع ريقه وسكتت ..
نشوى : نتكلم عن الشغل ،ولا هنضيع وقت من اولها
حسام : لا اتفضلى انا معاكى
نشوى بتشرحله فحجات معينه وطريقة الكتابة عالوورد وعمل الحسابات على برنامج
الاكسيل
وحفظ المستندات
وشغلهم ع برنامج الباور بوينت ..لاقته فاهم حجات كتير جدا
نشوى : غريبة ..مع ان مدام منال بتقول ان دى اول مرة شغل ليك اصلا
حسام: ايوة
نشوى: بس انت فاهم حجات كتير اهو
حسام: اه مانا الحجات دى اخدت فيها دورات لما اتخرجت عشان تفدنى لما اشتغل
نشوى : ليه انت خريج ايه ؟
حسام: خريج تجارة انجلش
نشوى : اه ...تمام
حسام: وانتى
نشوى : خدمة اجتماعية بتقدير امتياز
حسام: ماشاء الله ...دفعة سنة كام ؟
نشوى : دفعة ...( افتكرت) احنا هنفتحها تعارف ولا ايه ؟
حسام ابتسم : انتى الى سألتينى الاول والله
نشوى ( باسلوب حازم اوى ) طيب خلاص نرجع للشغل
حسام ابتسم وباصص عليها وهى شغاله عالكيبورد بجدية ..
#نوتيلا
#لنورإسماعيل
，`·，`·，`·，`·，`·，`·，`·，`·，`·，`·，
فمستشفى الجامعة ، كانت بتحبك التمثيلية مريم انها اتصدمت
فعربية مازن وفاقدة الوعى !
وطبعا المشهد الى قبل المستشفى كان كالآتى ، خرج مخضوض مازن
ووجدان شافتها واتخضت فعلا وهى متعرفش انها بتمثل
جرى مازن وجريت وجدان وبعض الطلاب الى كانوا واقفين فالمكان
حطوها فالعربية وطلعوا عالمستشفى ...
كشف عليها الدكتور قال انها كويسة ومفيهاش حاجه وممكن تكون اتخضت
او ضغطها واطى نتيجه ارهاق ودى الى أدى للاغماء ..
وجدان كانت قلقانه عليها ومعرفتش تتصرف ، طلعت فون مريم تتصل ب اى حد
من البنات كلمت آسيا وجت
لكن تبارك مراحتش الجامعة اصلا انهاردة وكانت نايمة فالبيت وقافله فونها.
وجدان لاقت ف وشها رقم انس ..مرضيتش تكلمه
لكن كلمت سليم الى جه جرى عالمستشفى ...
وجمب السرير كان واقف مازن والبنات ، والطلبة مشيوا لما اتطمنوا انها بخير
جه سليم ودخل الاوضة ..
آسيا: متقلقش ياسليم هى كويسة ...( بتبص لوجدان) انتى عملتى نشرة يا زفته انتى
وجدان : انا كنت محتاسة لوحدة ومعرفتش اعمل ايه
سليم باصص ع مازن بصة غريبة ومستغرب مين ده !
وجدان لاحظت
وجدان: اه ده دكتور مازن ياسليم ..معيد عندنا فالكلية وهو من غير قصد
الى خبط مريم
سيادة الرائد كابتن سليم وجيه....ابن خالة مريم يا دكتور
سلموا ع بعض ، لكن مازن كان شكله قلقان ع مريم وباصص عليها ومستنيها تفوق
ومكتف ايديه وراكن عالحيط
اما سليم فقعد جمبها عالسرير ومسك ايدها بحنيه .
سليم : قال الدكتور هتفوق امتى
مازن : تقريبا مسأله وقت ،هى اتخضت بس مش فيها حاجه
سليم ( بيهز راسه وباصص لمريم وميل باس راسها) تمام ..تمام
مريم عملت نفسها بتفوق ...
مريم : انا فين ...
وجدان: انتى فين ايه ،انتى اتخبطتى مش فاقدة الذاكرة
آسيا: بالراحه عليها يا بت ..الله!
مازن ( بلهفة) انتى كويسة ؟ حاسه بحاجه ؟
مريم ( بفرحه ولمعه فعيونها ) اه الحمدلله ..انت جيت هنا ازاى يا دكتور
وجدان : جه ايه ...ياجدعان هما بدلوا مخها ولا ايه
ماهو الدكتور الى ساواكى ب اسفلت الجامعه
سليم ( ماسك ايديها بحنيه حلوة اوى ) حاسة انك احسن
مريم : اه ياسليم ..انت جيت من شغلك ليه
سليم: عايزانى اعرف انك فالمستشفى ومجيش
يلا قومى هروحك
آسيا: سليم ..متتعبش نفسك ارجع لشغلك
واحنا معاها وهنروحها للبيت
مازن : انا عربيتى برة ومستعد اوصلها
( لاحظ بصة سليم له) ده بعد اذن سيادة الرائد
سليم : شكرا يا دكتور انا هروحها ،يلا يابنات
آسيا ووجدان سندوها وهى كانت ممثلة شاطرة اوى بتمثل الاعياء
بجدارة
وبصة ع مازن وهما بيقوموها وبيسندوها
وهو واقف مركز معاها وفعلا شكله مخضوض وملهوف ...وشكل الخطة نفعت
المرة دى ....والسنارة غمزت !
，`·，`·，`·，`·，`·，`·，`·，`·，`·，`·，
"سفيان ....يا سفيان ! عشان خاطرى طيب افتحلى "
سفيان : عايزة ايه يا تبارك،اكل مش هاكل
تبارك: عشان خاطرى افتح ، مش جايبالك اكل ولا حاجه
بس عايزة اتكلم معاك شوية
فتح سفيان الباب ل تبارك
تبارك : ليه الى انت عامله فنفسك ده ، سايب دقنك طولت عن العادى
وشعرك وقافل ومش بتكلم حد
حصل ايه ل ده كله
سفيان: حصل انى فاشل فكل حاجه ...فاشل دراسة
فاشل شغل
فاشل فالحب
كل حياتى فشل
تبارك : ايه ياسفيان ده انت اكتر واحد عارف ربنا وبترضى بحكمه وقضاؤه
وبعدين دراسيا انت مش فاشل ولا حاجه فيها ايه لما سقطت سنتين فالكلية
كلنا معرضين ل ده
سفيان : ماهو سقوطى فالكلية زمان ده مكانش بسبب ضعف نظرى
هوهو ضعف نظرى الى خلانى بعد ٥سنين شغل ف استديو التصوير عالفوتو شوب
بسبب غلطة مقصدهاش يمشونى ويقولولى مع السلامه
تبارك: اولا بقى هما الخسرانين ،وبعدين هنلاقى ياسفيان شغل هو احنا هنغلب
اصل مش معقول يعنى اسكندرية كلها وضواحيها مفيهاش شغل ليك
ان شاء الله هتفرج بس قول يارب
عشان خاطرى قوم احلق شعرك وهذب دقنك وكل ..ماما وبابا برة هيتجننوا عليك
سفيان: مش قادر ياتبارك ،مفيش حاجه فحياتى تفتح النفس
حتى قلبي لما اختار ...اختار الى يوجعه
تبارك ( بتطبطب ع اخوها ) انت بتحب يا سفيان ؟
سفيان : ( بحزن ) وايه فايدة الحب وانا فاشل وعاطل وماليش مستقبل
تبارك : ليه كده بس ده انت حامل كتاب الله وعارف كلامه ...فين الصبر ياسفيان
سفيان ( بضيق) الله المستعان
تبارك: عشان خاطرى قوم ،بابا من امبارح م اكلش ولا اخد الدوا بسببك
زعلان عليك
سفيان ( مميل فالارض) حاضر ياتبارك قايم
تبارك : هاه ..اسخنلك الاكل ؟
سفيان : هلف لفة بس برة كده لانى اتخنقت وراجع
تبارك : طيب علشان خاطرى خد بالك من نفسك
سفيان قام ولبس وخارج من العمارة ،قابل لمى راجعه من برة
لمى : سفيان ازيك ! ايه يابنى مالك شكلك عامل كده ليه
سفيان: انتى راجعه دلوقت من برة يا لمى ؟!
لمى : عادى ياسفيان الساعة لسه مجاتش ١٠
سفيان: ومامتك واختك سايبينك ترجعى من برة الساعة ١٠لوحدك عادى
لمى: وفيها ايه ؟ مش هيخطفونى يعنى
طب م انت خارج اهو
سفيان: انا راجل ميتخافش عليا ان شالله اغور فمليون داهية
انتى بنت
لمى : يووووه انتى بنت انتى بنت ،بقولك ايه يا مولانا
مفيش فرق بين ولد وبنت دلوقتى
سفيان: هى تبارك مش اتخطفت من فترة من وسطكم فعز النهار !
انتى ايه مش خايفه ع نفسك
لمى : عليييك نووور ! من وسطنا وفعز النهار
وكمان مين تبارك
التزام وادب وفالنهار وكنا حواليها
يعنى الخطف مشترطش بعد عشرة بليل
سفيان: انتى الكلام معاكى مش نافع
لمى : قولت من الاول انى بعرف اخد بالى من نفسي كويس ياسفيان
سفيان : براحتك يالمى ...براحتك
سابها ومشى ...
لمى : مع نفسها ( مالو ده ...ربنا الشافى )
#نوتيلا
#نورإسماعيل
，`·，`·，`·，`·，`·，`·，`·，`·，`·，`·，
اسيا بتنزل الفون من ع ودانها بعد مكالمة مع لمى ...
آسيا: لمى بتقول انها راجعه تعبانه من برة وهتيجى تشوفك بكرة يامريم
مريم : ندلة والله مش تطمن عليا عالسريع كده
وجدان : م انتى زى القرد اهو ، لا وقايمه تقول انا فين انا مين انا مش انا
لا دى ملامحى ولا الشكل شكلى ولا ده انا
نشوى : ههههههه من اثر الخبطة بس
خالة مريم : سلامتك يا حبيبة خالتك ،كذا مرة اقولها نامى بدرى نامى بدرى
متسمعش الكلام ماسكة الموبايل ومققه عيونها فيه
بيفضل نور اوضتها مفتوح لبعد الفجر لما اصحى اصلى بشوفه
بتنام قليل وده الى عاملها ارهاق
سمارى : حلو الرقاق يا ام سليم اعمليلها يغذيها
وجدان : رقاق ايه ياستى بتقول ارهاق انتى جعانه ولا ايه
سمارى : بس يابت هو انا طارشة مانا سامعاها
وجدان : لاياستى حاشا لله انا الى طرشت
خالة مريم : والنبي يا حجة سمارى مجيتك عشان تشوفى مريم على راسي
انا عارفه ان رجلك وجعاكى ،بسال عليكى وجدان ع طول
سمارى : اه والله مبقتش اكل غير فول زى م الدكتور بيقول فالتليفزيون
آسيا ونشوى ويارا : ههههههههههه
وجدان: تاكلى فول مين بتقول بسأل عليكى ع طول ( بتعلى صوتها )
سمارى : ( زقتها ) اوعى كده هتطرشينى جاتك ضربة فمصارينك
خالة مريم : بس يابت يا وجدان متضايقيش جدتك
يارا: انا هنزل بقى ، كويس انى اتطمنت عليكى يا مريم
نشوى : وانا كمان ،قدر ولطف يامريومه
آسيا: خدونى معاكم ،وابقوا سلمولنا ع كابتن سليم وانس لما يرجع
(بتوشوش مريم) كنت عايزة احكيلك ع حاجه حصلت انهاردة بس جه موضوع حادثتك
ده
لخبط الدنيا
مريم : طب انا مستنياكى واتس
آسيا: اوك
سمار ى : هى بتقول سلمولنا ع مين يابت !
وجدان : سلملولى ع مصر سلملولى ( بتعلى صوتها ) ع انس وسليم ياستى
سمارى : اااه سليم ، مش ناوية تخطبيله يا ام سليم
ام سليم : ان شاء الله قريب ،فاتحنى من فترة انه معجب ببنت اللواء الى بيشتغل
معاه بس قالى ياماما قدامى شغل معين اخلصه ونروح نتقدم لها
مريم وشها اتغير من غير سبب ،وجدان لاحظتها
وجدان : مال وشك قلب بين قوسين كده فيه ايه
مريم : اصل اتفجأت مقاليش ع حوار خطوبة ولا حكالى عن بنت اللواء دى كمان !
وجدان : وانتى يخصك ايه م كل واحد وبراحته انتى حبي فالدكتور زمزمية بتاعك
وهو يحب فبنت اللواء
وتبارك فصلاح
وآسيا فالشبح
وانا احب فصوابع رجلى ...كل واحد حر
مريم : مبهرجش يا وجدان ،بجد اتضايقت
انتى عارفه ان سليم غالى اوى عليا وزى اخويا انس بحب نكون صحاب ويحكيلى
مش اتفاجئ
وجدان : ماهو ده كان هيحصل،الراجل كاسر ال ٣٢ وداخل عال ٣٤ ومش عايز يدخل
لازم يتجوز ويتأهل ..الله
مريم : غورى غورى كلامك رخم انهارده
وجدان : عالاقل راجل مستقيم اول م اعجب بحد هيروح يخطب ع طول
مش اخوكى الى فاضله ديل ويبقى حمار مقضيها مع البنات ولسه يدوب٢٥
سنه
اومال لما يتم ال ٢٧ هيدور فينا الدبح بقى
مريم : ممم سيبك بلا انس بلا سليم
آسيا صحيح هتقولناع حاجه فالواتس ابقى افتحيه هنسهر ع نماية اسيا
وجدان : اه معاد حلقة الرجل الغامض بسلامته طييب
مريم : وانا كمان عندى حلقة مفقودة
وجدان : ايه هى ان شاء الله!
مريم : انا مكنتش مغمى عليا ولا حاجه ...ولا مازن خبطنى
كنت بمثل
بصوت عالى لا ارادى طلع من وجدان
وجدان: يخربيييتك !!
سمارى : فيه ايه يابت سرعتينى كنت نايمه
وجدان : قومى ياستى انت بتنامى عند الناس ،يلا ياستى ع بيتنا تحت
قومت جدتها ونازلين
وجدان : عالواتس ...هغسلك اصبرى عليا
مريم : هههههههه
，`·，`·，`·，`·，`·，`·，`·，`·，`·，`·，
وفالحمام ...
يارا كانت ماسكه هدومها المش نضيفه الى فالغسيل ، واقفه وعيونها فيها دموع
بتقارنها بهدومها الى لابساها حاليا
بقالها ١٠ايام ،اى هدوم بتغيرها ...بتلاقى فيها حاجه غريبة جدا
دم !!
مكان صدرها بالظبط ، كانت فاكره انها تعويره او خبطه
مصدقتش انها لا تعويره ولا خبطه الا لما ضغطت ع صدرها مكان علامات الدم الى بتلاقيها
لاقته بينزف دم بغزاره ..
بتخبط من برة اختها
يسرا: يارا عايزة ادخل الحمام
يارا: ( بتمسح دموعها) انالسه داخله ،استنى شوية
بحزن قعدت عالارض ساندة ايدها ع صدرها وبتعيط ...
·，`·，`·，`·，`·，`·，`·，`·，`·，`·，
استنونا يوم الاحد ان شاء الله
#نوتيلا
#نورإسماعيل
نوتيلآ ❥❥
الفصل (6
， `·，`·，`·，`·，`·，`·，`·，`·，`·，`·，`·，
السنة الجديدة بدأت ...
الجامعة زحمة بسبب دخول الدفعات الجديدة والتزام طلاب الكليات العملية بالحضور
وطلاب الكليات التانية النظرية بتيجى تستكشف الجدول.
آسيا نجحت وبقت ماشاء فسنة تالته كلية الاداب قسم علم الاجتماع
وحشوها زمايلها وزميلاتها فالدفعه ، واقفه خارج المدرج الى هتبدأ فيه المحاضرة
كمان شوية بتتكلم وتحكى حصل ايه فالاجازة والخطط الى فشلت انها تعملها
والرغى الى مش بيخلص.
زميل ل آسيا : اختك جالها التنسيق ع ايه صحيح ؟
آسيا: كلية تجارة
زميلة ١: لمى اختك لاعبيه مش زيك
آسيا: يعنى شيفانى انا الى فطب ياخى بلا نيلة
زميل: ههههههههه
اوام وهى منهمكة جت عليها بنوتة من زميلاتها فالدفعه .
زميلة : آسيا ...ي آسيا تعالى بسرعة
آسيا: طب ثوانى ياجماعة ( للبنت) ايه فيه ايه
زميلة: تعالى بس من سكات
خدتها ودخلتها المدرج ...
آسيا: فيه ايه يابت انتى
زميلة: بصى انا كنت قاعدة هنا قولت اسمع شوية اغانى لحد م المحاضرة تبدا
وبعدين جه حد كده حط البوكس ده ومشى
وشكله مش من دفعتنا
استنيته يمشى وببص كده ساب ايه لا تكون قنبلة ولا حاجه
بصى لاقيت ايه
آسيا مسكت البوكس لاقته ملفوف عليه شريط ومكتوب من فوق الى آسيا
فتحته
لاقت جواه شيكولاته وبونبونى وورقة شكلها حلو كده مكتوب فيها
"مبروك السنة الجديدة ..وحشتينى وكل م بحاول ابعد عنك بتوحشينى
اكتر
ومتأكد كمان انى وحشتك ...مستنيكى "
آسيا حطت الورقه ع شفايفها وهى بتضحك
زميلتها: مين ده !
آسيا: معرفش ( سرحانه)
زميلتها: يعنى ايه متعرفيش ؟ ده واحد شكله عارفك اوى
آسيا بتردد مع نفسها وهى مبسوطة وكأنها مش سامعه صاحبتها
آسيا: مستنيكى ....
·，`·，`·，`·，`·，`·，`·，`·，`·，`·，`·，
اما عن مريم ووجدان ...
ف فى الوقت ده كانو خارجين من محاضرة سوا ورايحين للكافيتريا ياكلوا
حاجه
مريم : مش هتبطلى اكل خالص يعنى والمصيبة مش بيبان عليكى ابلكاش خشب
وجدان: خمسة عليا خمسةعليا اسم النبي حارصنى وصايينى ياختى
المهم هتاكلى زيي شاورما ولا هتطفحى كالعادة كريب
مريم : لا كريب طبعا مبحبش الشاورما
الاكل جه وبياكلوا ع احاديث مريم التى لا تنقطع عن مازن..
مريم : انا كنت فاكرة ان لما تبدأ السنة هنقرب اكتر بس حصل العكس
بقى مشغول ومش اون لاين كتير وحتى هنا لحد دلوقتي مدخلش لينا ولا محاضرة
يعنى شكله مش هيدينا اى حاجه السنة دى
وجدان (بتاكل) ايوة المطلوب منى ايه دلوقت ؟ اروح اجره من قفاه
واقوله يا مزغود ادينا اى مادة السنة دى بدل م افتحلك نافوخك
مريم: عارفه ! انا مش بحرم احكى معاكى ...كل مرة اقول مش هحكى معاكى
وبرجع احكى وانتى رخمه وغلسه ومستفزه
وجدان( ببرود) ميرسي ميرسي ميرسي
مريم: العفو ياختى ،اطفحى اطفحى يارب توقف فزورك
وجدان : طب اقولك ايه ، يعنى الاجازة كلها بتحكواسوا
وفالاخر تقوليلى مش عارفاله سكه الفته ليا
ساعات احس انه واخد باله منى
وساعات احس ان الشات خداع
وموسيقى اغانى هانى شاكر تشتغل جمبك وتسحى دموع
مريم: انتى الى حيفهمك فالحب والاحاسيس يا حتة من ديل الجاموسة
انتى
انتى تفهمى فالرز والمكرونة والباشاميل
وجدان: ياشيخه ان شالله اطفحه مازن ده زى الشاورما الى هيبوظ علاقتنا سوا
ده
مريم: بعد الشر ...جاتك ضربه
خلصت وجدان اكل وطلبت الحلو كمان حتة جاتوه وبتحبس بالسفن أب
لكن مريم كان شاغلها اوى مازن
وحشها بالذات اوى انها مش بتشوفه خالص ولا حتى بيتكلموا بقالهم فتره
ماشيين فالحرم الجامعى بيتمشوا وأذن العصر ...
وجدان : انا هدخل اصلى فالمسجد هتيجى معايا ؟
مريم ( سرحانه ) اه
وجدان بتدور حواليها ع باسكت ترمى الكانز ...مريم واقفه لاقت مازن قدامها بعربيته؟!!
معدى وخارج من الجامعه
طقت فبالها فكرة مجنونة فدقيقتين اتنين بس!
مريم: هاتى الكانز فيه باسكت هناك اهى
مريم اخدت الكانز وجريت ترميه وهى راجعه استنت مازن ولما قرب عدت كأنها م
مش شايفه وخبطت نفسها قاصدة فالعربية ووقعت عالارض!!!
·，`·，`·，`·，`·，`·，`·，`·，`·，`·，`·，
فشركة السياحه الى بتشتغل فيها نشوى ، بقالها اكتر من سنتين
عملت كاريير وحطت رجلها فمكانها واثبتت كفاءة بحسن خلقها
وشغلها الممتاز .
كانت بتلاقى استحسان فالتعامل من الكل ،بالرغم من سكوتها الدائم
وعدم اختلاطها بحد او ب أى نشاط عاملاه الشركة ...
العامل :آنسة نشوى ...استاذة منال عايزاكى جوه
نشوى : حاضر
دخلت نشوى عند الاستاذه منال المسؤلة عن السياحة الدينية فالشركة
ودراع المدير اليمين .
منال: نشوى ، الاستاذ حسام اتعين عندنا هنا
لكن للاسف دى اول مرة شغل له
ف محتاج يعرف طبع الشغل ويكتسب خبره
وبصراحه مفيش اكفئ منك تدربيه فترة تدريبه دى
نشوى بتبص ناحية حسام ...
منال: متقلقيش ، فترة تدريبك له هنعتبرها اوفر تايم وليكى نسبة ع مرتبك
عشانها
نشوى : اوك يا مدام منال
منال: اتفضل يا استاذ حسام مع انسة نشوى هى هتفهمك طريقة شغلنا ازاى
ووقت م تخلص فترة تدريبك هتشتغل معاها فنفس المكتب
نشوى اتوترت لما عرفت انه هيبقى معاها فنفس المكتب لوحدهم ،اه هما فشركة وشغل
والمكتب كله عبارة عن ازاز يعنى متعتبرش لوحدها
بس هى مش بتحب تعامل الرجاله المباشر ليها ،بتتوتر وبتقلق وبتخاف .
راح حسام مع نشوى ، وع طول بدات فتفاصيل الشغل من غير اى مقدمات
نشوى : بص حضرتك ،شغلناهنا بيتقسم ل
حسام( قطعها) طيب ي انسة نشوى المفروض اننا هنتعامل سوا فمكتب واحد وشغل
واحد
يبقى فيه تعارف حاجه كده
نشوى ( باصه للجهاز قدامها) لا انا مبتعرفش يا استاذ !
اظن عرفت ان اسمى نشوى
اكتر من كده ميخصش الشغل ولا يخصك
حسام اتكسف وبلع ريقه وسكتت ..
نشوى : نتكلم عن الشغل ،ولا هنضيع وقت من اولها
حسام : لا اتفضلى انا معاكى
نشوى بتشرحله فحجات معينه وطريقة الكتابة عالوورد وعمل الحسابات على برنامج
الاكسيل
وحفظ المستندات
وشغلهم ع برنامج الباور بوينت ..لاقته فاهم حجات كتير جدا
نشوى : غريبة ..مع ان مدام منال بتقول ان دى اول مرة شغل ليك اصلا
حسام: ايوة
نشوى: بس انت فاهم حجات كتير اهو
حسام: اه مانا الحجات دى اخدت فيها دورات لما اتخرجت عشان تفدنى لما اشتغل
نشوى : ليه انت خريج ايه ؟
حسام: خريج تجارة انجلش
نشوى : اه ...تمام
حسام: وانتى
نشوى : خدمة اجتماعية بتقدير امتياز
حسام: ماشاء الله ...دفعة سنة كام ؟
نشوى : دفعة ...( افتكرت) احنا هنفتحها تعارف ولا ايه ؟
حسام ابتسم : انتى الى سألتينى الاول والله
نشوى ( باسلوب حازم اوى ) طيب خلاص نرجع للشغل
حسام ابتسم وباصص عليها وهى شغاله عالكيبورد بجدية ..
#نوتيلا
#لنورإسماعيل
，`·，`·，`·，`·，`·，`·，`·，`·，`·，`·，
فمستشفى الجامعة ، كانت بتحبك التمثيلية مريم انها اتصدمت
فعربية مازن وفاقدة الوعى !
وطبعا المشهد الى قبل المستشفى كان كالآتى ، خرج مخضوض مازن
ووجدان شافتها واتخضت فعلا وهى متعرفش انها بتمثل
جرى مازن وجريت وجدان وبعض الطلاب الى كانوا واقفين فالمكان
حطوها فالعربية وطلعوا عالمستشفى ...
كشف عليها الدكتور قال انها كويسة ومفيهاش حاجه وممكن تكون اتخضت
او ضغطها واطى نتيجه ارهاق ودى الى أدى للاغماء ..
وجدان كانت قلقانه عليها ومعرفتش تتصرف ، طلعت فون مريم تتصل ب اى حد
من البنات كلمت آسيا وجت
لكن تبارك مراحتش الجامعة اصلا انهاردة وكانت نايمة فالبيت وقافله فونها.
وجدان لاقت ف وشها رقم انس ..مرضيتش تكلمه
لكن كلمت سليم الى جه جرى عالمستشفى ...
وجمب السرير كان واقف مازن والبنات ، والطلبة مشيوا لما اتطمنوا انها بخير
جه سليم ودخل الاوضة ..
آسيا: متقلقش ياسليم هى كويسة ...( بتبص لوجدان) انتى عملتى نشرة يا زفته انتى
وجدان : انا كنت محتاسة لوحدة ومعرفتش اعمل ايه
سليم باصص ع مازن بصة غريبة ومستغرب مين ده !
وجدان لاحظت
وجدان: اه ده دكتور مازن ياسليم ..معيد عندنا فالكلية وهو من غير قصد
الى خبط مريم
سيادة الرائد كابتن سليم وجيه....ابن خالة مريم يا دكتور
سلموا ع بعض ، لكن مازن كان شكله قلقان ع مريم وباصص عليها ومستنيها تفوق
ومكتف ايديه وراكن عالحيط
اما سليم فقعد جمبها عالسرير ومسك ايدها بحنيه .
سليم : قال الدكتور هتفوق امتى
مازن : تقريبا مسأله وقت ،هى اتخضت بس مش فيها حاجه
سليم ( بيهز راسه وباصص لمريم وميل باس راسها) تمام ..تمام
مريم عملت نفسها بتفوق ...
مريم : انا فين ...
وجدان: انتى فين ايه ،انتى اتخبطتى مش فاقدة الذاكرة
آسيا: بالراحه عليها يا بت ..الله!
مازن ( بلهفة) انتى كويسة ؟ حاسه بحاجه ؟
مريم ( بفرحه ولمعه فعيونها ) اه الحمدلله ..انت جيت هنا ازاى يا دكتور
وجدان : جه ايه ...ياجدعان هما بدلوا مخها ولا ايه
ماهو الدكتور الى ساواكى ب اسفلت الجامعه
سليم ( ماسك ايديها بحنيه حلوة اوى ) حاسة انك احسن
مريم : اه ياسليم ..انت جيت من شغلك ليه
سليم: عايزانى اعرف انك فالمستشفى ومجيش
يلا قومى هروحك
آسيا: سليم ..متتعبش نفسك ارجع لشغلك
واحنا معاها وهنروحها للبيت
مازن : انا عربيتى برة ومستعد اوصلها
( لاحظ بصة سليم له) ده بعد اذن سيادة الرائد
سليم : شكرا يا دكتور انا هروحها ،يلا يابنات
آسيا ووجدان سندوها وهى كانت ممثلة شاطرة اوى بتمثل الاعياء
بجدارة
وبصة ع مازن وهما بيقوموها وبيسندوها
وهو واقف مركز معاها وفعلا شكله مخضوض وملهوف ...وشكل الخطة نفعت
المرة دى ....والسنارة غمزت !
，`·，`·，`·，`·，`·，`·，`·，`·，`·，`·，
"سفيان ....يا سفيان ! عشان خاطرى طيب افتحلى "
سفيان : عايزة ايه يا تبارك،اكل مش هاكل
تبارك: عشان خاطرى افتح ، مش جايبالك اكل ولا حاجه
بس عايزة اتكلم معاك شوية
فتح سفيان الباب ل تبارك
تبارك : ليه الى انت عامله فنفسك ده ، سايب دقنك طولت عن العادى
وشعرك وقافل ومش بتكلم حد
حصل ايه ل ده كله
سفيان: حصل انى فاشل فكل حاجه ...فاشل دراسة
فاشل شغل
فاشل فالحب
كل حياتى فشل
تبارك : ايه ياسفيان ده انت اكتر واحد عارف ربنا وبترضى بحكمه وقضاؤه
وبعدين دراسيا انت مش فاشل ولا حاجه فيها ايه لما سقطت سنتين فالكلية
كلنا معرضين ل ده
سفيان : ماهو سقوطى فالكلية زمان ده مكانش بسبب ضعف نظرى
هوهو ضعف نظرى الى خلانى بعد ٥سنين شغل ف استديو التصوير عالفوتو شوب
بسبب غلطة مقصدهاش يمشونى ويقولولى مع السلامه
تبارك: اولا بقى هما الخسرانين ،وبعدين هنلاقى ياسفيان شغل هو احنا هنغلب
اصل مش معقول يعنى اسكندرية كلها وضواحيها مفيهاش شغل ليك
ان شاء الله هتفرج بس قول يارب
عشان خاطرى قوم احلق شعرك وهذب دقنك وكل ..ماما وبابا برة هيتجننوا عليك
سفيان: مش قادر ياتبارك ،مفيش حاجه فحياتى تفتح النفس
حتى قلبي لما اختار ...اختار الى يوجعه
تبارك ( بتطبطب ع اخوها ) انت بتحب يا سفيان ؟
سفيان : ( بحزن ) وايه فايدة الحب وانا فاشل وعاطل وماليش مستقبل
تبارك : ليه كده بس ده انت حامل كتاب الله وعارف كلامه ...فين الصبر ياسفيان
سفيان ( بضيق) الله المستعان
تبارك: عشان خاطرى قوم ،بابا من امبارح م اكلش ولا اخد الدوا بسببك
زعلان عليك
سفيان ( مميل فالارض) حاضر ياتبارك قايم
تبارك : هاه ..اسخنلك الاكل ؟
سفيان : هلف لفة بس برة كده لانى اتخنقت وراجع
تبارك : طيب علشان خاطرى خد بالك من نفسك
سفيان قام ولبس وخارج من العمارة ،قابل لمى راجعه من برة
لمى : سفيان ازيك ! ايه يابنى مالك شكلك عامل كده ليه
سفيان: انتى راجعه دلوقت من برة يا لمى ؟!
لمى : عادى ياسفيان الساعة لسه مجاتش ١٠
سفيان: ومامتك واختك سايبينك ترجعى من برة الساعة ١٠لوحدك عادى
لمى: وفيها ايه ؟ مش هيخطفونى يعنى
طب م انت خارج اهو
سفيان: انا راجل ميتخافش عليا ان شالله اغور فمليون داهية
انتى بنت
لمى : يووووه انتى بنت انتى بنت ،بقولك ايه يا مولانا
مفيش فرق بين ولد وبنت دلوقتى
سفيان: هى تبارك مش اتخطفت من فترة من وسطكم فعز النهار !
انتى ايه مش خايفه ع نفسك
لمى : عليييك نووور ! من وسطنا وفعز النهار
وكمان مين تبارك
التزام وادب وفالنهار وكنا حواليها
يعنى الخطف مشترطش بعد عشرة بليل
سفيان: انتى الكلام معاكى مش نافع
لمى : قولت من الاول انى بعرف اخد بالى من نفسي كويس ياسفيان
سفيان : براحتك يالمى ...براحتك
سابها ومشى ...
لمى : مع نفسها ( مالو ده ...ربنا الشافى )
#نوتيلا
#نورإسماعيل
，`·，`·，`·，`·，`·，`·，`·，`·，`·，`·，
اسيا بتنزل الفون من ع ودانها بعد مكالمة مع لمى ...
آسيا: لمى بتقول انها راجعه تعبانه من برة وهتيجى تشوفك بكرة يامريم
مريم : ندلة والله مش تطمن عليا عالسريع كده
وجدان : م انتى زى القرد اهو ، لا وقايمه تقول انا فين انا مين انا مش انا
لا دى ملامحى ولا الشكل شكلى ولا ده انا
نشوى : ههههههه من اثر الخبطة بس
خالة مريم : سلامتك يا حبيبة خالتك ،كذا مرة اقولها نامى بدرى نامى بدرى
متسمعش الكلام ماسكة الموبايل ومققه عيونها فيه
بيفضل نور اوضتها مفتوح لبعد الفجر لما اصحى اصلى بشوفه
بتنام قليل وده الى عاملها ارهاق
سمارى : حلو الرقاق يا ام سليم اعمليلها يغذيها
وجدان : رقاق ايه ياستى بتقول ارهاق انتى جعانه ولا ايه
سمارى : بس يابت هو انا طارشة مانا سامعاها
وجدان : لاياستى حاشا لله انا الى طرشت
خالة مريم : والنبي يا حجة سمارى مجيتك عشان تشوفى مريم على راسي
انا عارفه ان رجلك وجعاكى ،بسال عليكى وجدان ع طول
سمارى : اه والله مبقتش اكل غير فول زى م الدكتور بيقول فالتليفزيون
آسيا ونشوى ويارا : ههههههههههه
وجدان: تاكلى فول مين بتقول بسأل عليكى ع طول ( بتعلى صوتها )
سمارى : ( زقتها ) اوعى كده هتطرشينى جاتك ضربة فمصارينك
خالة مريم : بس يابت يا وجدان متضايقيش جدتك
يارا: انا هنزل بقى ، كويس انى اتطمنت عليكى يا مريم
نشوى : وانا كمان ،قدر ولطف يامريومه
آسيا: خدونى معاكم ،وابقوا سلمولنا ع كابتن سليم وانس لما يرجع
(بتوشوش مريم) كنت عايزة احكيلك ع حاجه حصلت انهاردة بس جه موضوع حادثتك
ده
لخبط الدنيا
مريم : طب انا مستنياكى واتس
آسيا: اوك
سمار ى : هى بتقول سلمولنا ع مين يابت !
وجدان : سلملولى ع مصر سلملولى ( بتعلى صوتها ) ع انس وسليم ياستى
سمارى : اااه سليم ، مش ناوية تخطبيله يا ام سليم
ام سليم : ان شاء الله قريب ،فاتحنى من فترة انه معجب ببنت اللواء الى بيشتغل
معاه بس قالى ياماما قدامى شغل معين اخلصه ونروح نتقدم لها
مريم وشها اتغير من غير سبب ،وجدان لاحظتها
وجدان : مال وشك قلب بين قوسين كده فيه ايه
مريم : اصل اتفجأت مقاليش ع حوار خطوبة ولا حكالى عن بنت اللواء دى كمان !
وجدان : وانتى يخصك ايه م كل واحد وبراحته انتى حبي فالدكتور زمزمية بتاعك
وهو يحب فبنت اللواء
وتبارك فصلاح
وآسيا فالشبح
وانا احب فصوابع رجلى ...كل واحد حر
مريم : مبهرجش يا وجدان ،بجد اتضايقت
انتى عارفه ان سليم غالى اوى عليا وزى اخويا انس بحب نكون صحاب ويحكيلى
مش اتفاجئ
وجدان : ماهو ده كان هيحصل،الراجل كاسر ال ٣٢ وداخل عال ٣٤ ومش عايز يدخل
لازم يتجوز ويتأهل ..الله
مريم : غورى غورى كلامك رخم انهارده
وجدان : عالاقل راجل مستقيم اول م اعجب بحد هيروح يخطب ع طول
مش اخوكى الى فاضله ديل ويبقى حمار مقضيها مع البنات ولسه يدوب٢٥
سنه
اومال لما يتم ال ٢٧ هيدور فينا الدبح بقى
مريم : ممم سيبك بلا انس بلا سليم
آسيا صحيح هتقولناع حاجه فالواتس ابقى افتحيه هنسهر ع نماية اسيا
وجدان : اه معاد حلقة الرجل الغامض بسلامته طييب
مريم : وانا كمان عندى حلقة مفقودة
وجدان : ايه هى ان شاء الله!
مريم : انا مكنتش مغمى عليا ولا حاجه ...ولا مازن خبطنى
كنت بمثل
بصوت عالى لا ارادى طلع من وجدان
وجدان: يخربيييتك !!
سمارى : فيه ايه يابت سرعتينى كنت نايمه
وجدان : قومى ياستى انت بتنامى عند الناس ،يلا ياستى ع بيتنا تحت
قومت جدتها ونازلين
وجدان : عالواتس ...هغسلك اصبرى عليا
مريم : هههههههه
，`·，`·，`·，`·，`·，`·，`·，`·，`·，`·，
وفالحمام ...
يارا كانت ماسكه هدومها المش نضيفه الى فالغسيل ، واقفه وعيونها فيها دموع
بتقارنها بهدومها الى لابساها حاليا
بقالها ١٠ايام ،اى هدوم بتغيرها ...بتلاقى فيها حاجه غريبة جدا
دم !!
مكان صدرها بالظبط ، كانت فاكره انها تعويره او خبطه
مصدقتش انها لا تعويره ولا خبطه الا لما ضغطت ع صدرها مكان علامات الدم الى بتلاقيها
لاقته بينزف دم بغزاره ..
بتخبط من برة اختها
يسرا: يارا عايزة ادخل الحمام
يارا: ( بتمسح دموعها) انالسه داخله ،استنى شوية
بحزن قعدت عالارض ساندة ايدها ع صدرها وبتعيط ...
·，`·，`·，`·，`·，`·，`·，`·，`·，`·，
استنونا يوم الاحد ان شاء الله
#نوتيلا
#نورإسماعيل
ليست هناك تعليقات:
إرسال تعليق