روايةツ
نوتيلآ ❥❥
الفصل (8
， `·，`·，`·，`·，`·，`·，`·，`·，`·，`·，`·，
حتة من كيس نايلون بتتحط عليها طبقة قطن وبتلزقهم بسوليتب
وبتحطهم يارا ع صدرها مكان النزيف بالظبط وتلبس فوقها هدومها
عشان الدم ده ميظهرش فهدومها بره .
بقالها فترة كبيرة عالوضع ده ومش بتقول لحد ، ده غير سوء نفسيتها
وعدم الاكل
وفأوضتها بتلبس ونازلة عالكلية ...دخلت مامتها
الام: يارا ...فين هدومك انا كل م اغسل ملاقاش ليكى هدوم
يارا: اه مانا بغسلهم اول ب اول ياماما
الام: ليه ؟ جديد يعنى تغسلى هدومك ومتستنيش لما انا اغسلهم
يارا: عادى ياماما بيبقى فيهم حجات بحتاجها تانى يوم فبغسل كله
مرة واحدة
الام: ومالك مطولة الطرحه كده ليه ؟ شكلها مش لايق عالبنطلون
يارا: مش عارفه ياماما مرتاحه فيها كده
الام: ومالك خاسة وشك اصفر كده ،مبتاكليش طبعا طول النهار فالجامعه
يارا: لا باكل
الام: عالعموم الى بياكل ع ضرسه بينفع نفسه انتى هتجنينى معاكى ليه
بلا وجع دماغ
سابتها وخرجت وبتكمل يارا لبسها وهى حابسه دموعها من النزول .
اما مريم ..
فبعد م لمحت لمازن بطريقة غير مباشرة انها معجبه بيه ، بقى شكلهاملحوظ
وهى بتعدى بال خمس مرات قدام مكتبه عشان تشوفه
لدرجة ان وجدان مش عاجبها تصرفاتها وكانت بتزعقلها كتير عليها.
لكن الغريب ان مازن كمان بدأ يحس بيها وبقى يجاريها فمشاعرها دى
بيفضلوا طول الليل تشات عالفيس بوك
وبالنهار تخلص محاضراتها وتجرى تتحجج ب اى حجه عشان تشوفه
ولو ٥ دقايق قدام مكتبه.
وفيوم كان مطلوب منها حاجه ميدانية فمادة من موادها ، فعلا مكانتش فاهمة تعمل ايه
فقررت وبسرعه ومن غير تفكير ان الحل ..عند مازن !
مازن : انا مستعد كل يوم اشرحلك فالميدانى ده شوية لحد
م تفهميه وتعمليه لوحدك
مريم : متشكرة يامازن عارفه انى هشغلك
مازن : لو كل الانشغالات زى انشغالك كده يبقى ياريت
وبدأ يشرحلها شوية ..وهى بصراحة مركزة خالص
جه ميعاد محاضرتها
ولازم تقوم ..
مريم : انا همشى بقى
مازن : طيب فاى وقت عندك فاضى انا مستنيكى اشرحلك شوية
مريم خرجت من مكتبه وافتكرت انها ماسكه القلم بتاعه
رجعت تانى تديهوله
مريم: نسيت القلم بتاعك معايا
مازن بياخده منها لمس ايديها !
ومسكهم وبصاتهم لبعض الى كانت ثوانى حسوها سنين ...
مريم مسكتها رعشه اول م لمس ايديها ومبقتش عارفه تتلم ع نفسها نهائى
مريم: انا اول مرة حد يمسك ايدى
مازن : انا معجب بيكى يامريم ...اوى ❤
مريم وشها احمر جدا وكانت بتبلع ريقها بصعوبة من الموقف ، اما هو فكان
بيبصلها بلهفة حلوة بتثبت صدق مشاعره ناحيتها
مازن : كنت عايز اتاكد واتأكدت خلاص ، انا فعلا بقيت افكر فيكى كتير
وانا بذاكر الماجيستير
وانا بشرح سيكشن
بقيتى انتى الى فبالى يامريم وبس
مريم (بتاخد نفسها بصعوبه ) ده ..ده احلى كلام سمعته فحياتى
مازن : اذا كان احلى كلام متسمعهوش اجمل وارق بنوتة زيك ..هيتقال لمين
مريم ( فعلا داخت) حاسه انى دايخه وهقع من طولى ، انا بحلم يامازن صح
مازن : لا مبتحلميش يامريم ...انا كل كلمة قولتهالك دلوقتى حالا كانت من قلبي
مريم ( عيونها دمعت) اول مرة افرح من قلبي كده
مازن : طب علشان ميبقاش ملحوظ وجودك هنا ، يلا ع محاضرتك
وبعد م تخلصى وتروحى طمنينى عالفيس اوك
مريم ( بتضحك بهبل) مش هعرف اركز فالمحاضرة
مازن: لالالا كده مينفعش ،انا حبيبتى لازم تكون شطورة عشان تعدى السنتين دول
وتتعين زيي فالجامعه ونبقى زمايل ومتغيبش عن عينى لحظة واحدة
مريم ( داخت وقعدت عالكرسي مرة واحدة ) يالاااااهوى !! بالراحه عليا
بالله عليك انا مش اد كل الكلام الحلو ده
مازن ،: سلامتك انتى تعبتى بجد ؟ اجيبلك ليمون
مريم : لالا انا كويسه بس مش متعودة ع الكلام الحلو ده كله
مازن : بجد كويسه ؟
مريم : اه ...انا هقوم اروح المحاضرة بقى
مازن : خدى بالك من نفسك ماشى
مريم ( مبتسمه بفرحه ) حاضر
خرجت من برة مكتبه وهى فعلا الى يركز فمشيتها يلاقيها بترقص
من الفرحه
راحت عالمحاضرة وقابلت وجدان قاعدة فالمدرج وبتاكل ف اخر كيس الشيبسي
الى معاها قبل المحاضرة
اخدتها بوس هيستيرى لحد م وجدان زهقت وزقتها ..
وجدان : ايه ده فيه يامجنونة
مريم : انا عاشق عشقت الشمس انا مغرم ومازال الغرام فصدرى
وجدان : غرام ايه ياخويا الى فصدرها انا مش فاهمة ولا ايوتها كلمه
مريم : قالى يا وجدان ...قالى انه بيحبنى بعنيه ولمسه ايده
وكل حاجه فيه بيحبنى
بيحبنى انا
ومعدتش دقيقة عالكلمة الاولى الى وقالى التانية الى خلتنى روحت خالص
وجدان: قال ايه اللهم اجعله خير
مريم : قالى يا حبيبتى
وجدان: بجد يابت ! يعنى اخيرا زمزمية مزموز عصره واوانه حبك وحس بيكى
مريم : وجدان انتى لو كنتى معايا دلوقت مكنتيش هتصدقى ودانك
اذا كنت انا نفسي مش مصدقه
وجدان : مش مهم اصدق ولا لأ المهم انتى فرحانه ؟
مريم : اسعد واحدة فالدنيا
وجدان حضنت مريم بفرحه اووووى حتى فى بعض الطلاب زمايلهم
كانوا قاعدين وبصوا عليهم
وجدان : مريم انتى غالية عندى اوى ، هو اه انا اصغر منك بس بحس
انى امك وانتى بنوتى
وبفرح لفرحتك اوى
اول مرة اشوفك كده
مريم : ويچا قلبي بيدق اوى ومش عارفه اتلم ع اعصابي ومعرفش
جيت من مكتبه لحد هنا ازاى
وجدان: بقولك ايه بلا محاضرة بلا عنب بناتى تعالى نخرج نتنشى ونضرب
٢مانجه بمناسبة الحلويات الى انتى فيها دى
مريم : يلا بينا ...( قامت وقعدت تانى ) بس لا
انا هحضر المحاضرة
وجدان : يابت مش بتقولى مش عارفه تتلمى ع اعصابك
هتركزى ازاى
مريم : هركز عشان هو طلب منى كده انى ابقى شاطرة واركز فمستقبلى
وجدان : ياسلااام بركاتك يااونكل زمزميه ،يعنى انتى دلوقتى هتحضرى المحاضرة
بشكلك ده
مريم : اه وهركز فكل كلمة بتتقال ...مازن طلب منى ده ولازم اعمله
وجدان : وله فخلقه شئون ،وماله ياختى مش عيب
راحت عزومه المانجه لعيون استاذ مازن
مريم : بحبه يا وجدان بحبه اووووى
وجدان : ( مبتسمه ليها وعيونها فيها دموع) احلى حاجه فالدنيا
انك تتحبي يا مريم
احلى بكتير من انك تحبي ...تتحبي يعنى تحسي بقيمتك
وانك انتى بس الى تملكى قلب الشخص ده
ربنا يسعدك ياحبيبتى يارب ..
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
آسيا بنت عاقله .
قبل اى تصرف ليها بتحكم بعلقها الاول وتفكر فيه كتير
وبعدها تقرر هتعمله ولا لا
يعنى مش من اول م اياد ادالها رقمه اتصلت !
بالعكس كأنها مخدتهوش اصلا ...لكن عايزة تعرف هو عرف كل المعلومات دى
التفكير تعبها جدا ومبقاش ينيمها الليل.
مقررتش تتصل بيه الا عشان توضع حد لكل ده ...ي اما يدخل حياتها
ي اما يطلع منها وللابد .
آسيا: الو ...ايوة اياد انا اسيا
إياد : آسيا ...كل ده كنت بتفكرى اذا كنتى تكلمينى ولا لا
آسيا: مش وقت كل الكلام ده ...انا عايزه اقابلك
اياد : تحت امرك ،فين وامتى
آسيا : هبعتلك فمسج
إياد : مستنيكى
فالميعاد والوقت والمكان الى حددتهم آسيا ، كان إياد مستنى
دخلت كالعادة منفعله ومش مبسوطة بالى بتعمله ده بس عايزة توصل لحل
إياد لاحظها من اول م رجلها خطت المكان
حاول يهديها بهدوئه المعتاد ، لكن واضح ان مش كل خططه بتنجح.
آسيا: لو سمحت متقوليش اهدى ! اهدى ازاى وانا حاسه انى متراقبه من واحد
معرفوش
عارف ادق تفاصيل حياتى
عارف بحب ايه وبكره ايه
عارف بكون فين امتى والساعه كام
صور ايه وتركيب ايه الى بتقولى عليهم ،انت هتشتغلنى !
إياد : ممكن افهم متعصبه ليه بس
آسيا: حط نفسك مكانى كده ، خليك متراقب فكل تفاصيلك ومش فاهم حاجه
خالص
إياد : لو متراقب من حد بيحبنى وبيموت فيا زى م انا بموت فيكى
مش هتضايق ولا اعمل كل الشبورة الى انتى عاملاها دى
آسيا جملته الاخيرة خلتها كان اتدلق عليها جردل ميه ساقعه ! ومعبرتش عن عدم
ردها غير انها تمسك سلستها تلعب فيها وتبص حواليها .
اياد : اه بحبك ...والله بحبك
ليه مش مصدقه
ليه مش مصدقه انى اعرفك واعرفك كويس كمان
مش مصدقه انى متابع كل حاجه بتعمليها لحد م ادمنتك
آسيا: انت بتضحك ع عيلة هبلة يابنى انت ! ايه الى انت بتقوله ده
إياد : هى ليه الناس مبتصدقش الى يقولها الحقيقه ع طول
يعنى انا لو كنت جيتلك وقولتلك انا بقالى فترة معجب بيكى
وساكن قصادك
وواخد بالى من تحركاتى
واتصاحبنا وبعدها قولتلك انا بقيت متابعك وحبيتك من تفاصيلك
هتنبسطى كده !
آسيا: انت بتعرف ازاى انا فين وبحب ايه انت مخوفنى عالاخر
ده مش موضوع صور وتركيب
ده جنان
انت مخاوى يابنى
إياد ( بيبتسم بهدوء) مخاوى !! لا مش مخاوى
بس عملت المستحيل عشان اقربلك ولو كان فاضلى انى اخاوى كنت عملتها
بس تكونى معايا
آسيا: ايه الاصرار العجيب ده ! ايشمعنا انا
هو انا اخر بنت فالدنيا !
إياد : لا مش اخر بنت ...بس البنت الوحيدة الى حبها قلبي
هى متعرفش ان كلامه صادق ٪١٠٠ كده عشان بيدخل قلبها ع طول
بس كعادتها آسيا لازم تستريح الاول .
آسيا : لو سمحت بطل كلام النحنحه بتاعك ده ، وقولى وريحنى بقى
لانى مش مضطرة لا اتصل بيك تانى ولا اقابلك تانى
إياد : انا مش هضغط عليكى تدخلينى حياتك وانتى مش راضية
لان مش هو ده الى انا عاوزه
بس هريحك لان ميرضنيش تعبك
لما حاولت اتعرف عليكى ومرضتيش ...اختارت انى احتل عقلك
وتفكيرك عشان عن طريقه اوصل لقلبك
آسيا : وعملت ايه ؟
إياد : وصلت لكل الى كنت عاوزه
آسيا: عن طريق ايه
إياد : ( بتردد ) لمى ...اختك لمى !
آسيا: ايه !!
， `·，`·，`·，`·，`·，`·，`·，`·，`·，`·，`·，
بطلنا الهومام المغوار ..
سيادة الرائد سليم وجيه ، عنده مهمة لايستهان بها اطلاقا
القبض ع مجرم هارب وتحرير اسرة المقدم الى خاطفهم ومخليهم
تحت سيطرته
وده من خلال دخوله وخروجه من مقر المجرم ده ورجالته من غير
م يحصل لاى حد من المخطوفين اذى ...لكن بالنسبة له هو
فهو من بداية م ربنا اشاء انه يبقى ظابط
فهو شايل روحه ع ايده وفأى لحظة مستعد للشهادة .
عرف فالفترة الى طلبها مهلة عشان يستعد ، مين اعداء حبش المطلوب تسليمه
وايه نقط ضعفه الى ممكن يشتغل عليها
وازاى هيدخل المكان ع انه مش ظابط ، وازاى هيبقى وسط مجموعه مجرمين كده بسهولة
حجات كتير فكر فيها الفترة الى فاتت ورتبها عشان يبدأ صح .
غير من طريقه لبسه لطريقه لبس شاب عادى واقل ، هدوم مش متظبطه عليه
حلق شعره خااالص عشان شكله ميبقاش مالوف
وسمى نفسه ب اسم جديد كمان .
وداخل امبراطورية حمدى حبش ...
سليم : محسوبك ياسر يامعلم
حمدى حبش: انت طلبت تشوفنى ياض انت ليه
سليم : انا بقالى اسبوع هنا يامعلم مستنى اشارة تحن عليا واجى اقابلك
عشان اقولك انى معاك
حبش: رجالتى بلغونى انك جيت وقولت انك عىيز تبقى فحمايتى
مين الى بعتك يالا ؟
سليم: محدش بعتنى يامعلم ، انا جيت عشان بالعربي كده مصلحتى معاك
انا كنت شغال مع حبيب قلبك
الى عمل فيك السليمه من فترة واخد منك اخر عمليه سلاح متهربة
حبش( شال الشيشه من ع بوقه) مين ياض !
سليم : روقه الزيات يامعلم ،انا كنت واحد من رجالته
لحد م غدر بيا بعد كل العمر الى خدمته فيه ده
اكلنى لحم ورمانى عضم
وبصراحه بقى جيت اكلهولك وتتغدى بيه قبل م يتعشى بيك
حبش: وايه مصلحتك ياض فانك تبقى معايا
سليم : جربنى ومش هتندم ابدا ،مصلحتى معاك يامعلم مش معاه هو
انا عارف كل حاجه عنه
وهأكله لك وانت حاطط رجل ع رجل
وانا يتشفى غليلى منه
حبش: اضمنك منين
سليم : رقبتى يا كبير
حبش: واناهعوز رقبتك ف ايه ياروح امك ! بص
انا هخليك هنا تحت عينى
ان فعلا اثبتت حسن نية وانك معايا ومش مع الزيات
ساعتها هتبقى واحد من رجالتى
انما بقى ياحلو لو لأ
سليم : الى تؤمر بيه يا كبير انا سداد
حبش: روحك سداده ياخويا ..حمدى حبش مبيتاكلش اونطه
سليم : وانا عند قولى يامعلم وهتشوف
حبش: خده ياض شوفله مطرح بدل الزريبه الى قاعد فيها بقاله اسبوع دى
وبليل انا هعوزك
سليم : موجود يامعلم
حبش: قولتلى اسمك ايه ياض
سليم : ياسر يا معلمى
حبش: ممم ماشى ...ماشى يابواليسر اما نشوف
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·，
"ياااااه كل ده ؟ وايه كمان
تعرفى انى بشكر انس انه عرفنى عليكى "
انس معدى وسمع حبيب وهو بيحكى مع شيماء ،ضحك وقال للواد الى بينزل
طلبات ان فى تربيزتين عايزين الحساب .
قعد ع مكتبه يراجع الحسابات الا شوية وجه حبيب عليه مخلص فونه وهيمااان
حبيب: يا واد يا انس ايه الى الحلاوة دى ،البت دى ايه
حاجه كده يالاهوى
انس: شوفت عشان تعرف انى مهاديك هدية
حبيب: بس كل م اطلب منها صورتها مترضاش ..بتتكسف اوى
انس: ( كتم الضحكه) بتتكسف ! ايوة دى من عيلة محافظة ياض خلى بالك
وبعدين انت عايز شكلها ف ايه
حبيب: الله ! مش اشوف الصورة زى الصوت كده ولا ايه
انس: انت مش شوفت امها ،هى حلوة لامها كده
حبيب : لا لو ع امها تبقى بت وتكه
ده صوتها بيخلينى اغيب ياعم
انس: لا وايه عندهم اد كده ، اطيان وعمارات ودهب
هتهيص ياض
حبيب بيفكر كدن انها لقطه فعلا ،ميل باس انس فخده
حبيب: تصدق ياض حبيتك اكتر من الاول
انس: الله يخليك يارب تفضل تحبنى بس
حبيب: ازاى
انس: لا مفيش
حبيب: هروح اكلمها بقى
انس: م انت لسه قافل معاها
حبيب: م انت عارف يا انس مدام طالبه اديها متحرمهاش
انا برضو الى هرسيك ي انس يا ملك العواطف
انس: هههههااى طب عواطف بتسلم عليك ياخويا
خييير خييير
， `·，`·，`·，`·，`·，`·，`·，`·，`·，`·，`·，
مفيش شئ يترفض الا لما يتعرف الاول ،مش لمجرد الرفض وخلاص
يعنى نشوى رفضت فكرة الرحله من الاساس
لكن لما طلعتها وده غصب عنها كانت مبسوطه وكان باين عليها .
اول م وصلوا الفيوم ،اتقسمت الرحلة مابين زيارة وادى الريان وبعدها بحيرة
قارون
ومن ثم سواقى الهدير الشهيرة
اتصوروا وفىحوا وانبسطوا ، وراحو استاف الموظفين كلهم يتغدوا
كلهم كان بينهم جو مرح وضحك من اول م طلعوا
لكن كل الى كان ع نشوى انها مبتسمه لكن مش بتتكلم مع حد ،حتى مع حسام
الى هيموت وتفتح معاه اى حوار ويعرف يدعبس فعقدها وكلاكيعها
لان اليومين دول بقى شاغله اوى يعرف البنت دى عامله ليه كده .
حسام : اهو الواحد يرجع فريش للشغل ،مش كده ي انسة نشوى
نشوى : انت اصلا مبقاش ليك غير شهر وشوية فالشغل
هو انت لحقت تزهق منه
حسام : هههههه بصراحه اه
نشوى : ايه ده انا طلبت بيف بورجر ده سمك مقولتش عايزة سمك
حسام : طب استنى انا بحب الاتنين خدى البيف بتاعى وانا اخد السمك
نشوى : لا انا هروح ابدله من البوفيه
حسام: خلاص مش لازم وع ايه تروحى وترجعى ، خدى طبقى
بدل الاطباق
نشوى : انا متشكرة
حسام : انتى مبتحبيش السمك ولا مش عايزة سمك
نشوى : لا مبحبوش
حسام : غريبة مع انك اسكندرانيه ،يعنى ارض السمك والفسفور
نشوى : ع فكرة بقى معظم الاسكندرانيه مش بيحبوا السمك ،مش شرط يعنى
حسام : ايوة فعلا مش شرط ميول الواحد تكون مرتبطه بالمكان
سكت وابتسم وهى خدت بالها
نشوى : بتضحك ليه
حسام : اصل اول مرة متشخطيش فيا وتمنعى كلام ، اوعى اكون فكرتك
نشوى : ههههههه لا مفكرتنيش ولا حاجه ،انا قولت احنا فرحلة يعنى وارحمك شوية
من كلامى التقيل
حسام : ع فكرة ضحكتك حلوة ...انا اول مرة اشوفها
نشوى ابتسمت وبصت الناحية التانية بعيد عنه ،هو اخد باله وابتسم وبص
فطبقه وكمل اكل .
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
راجع انس من شغله واتقابل مع لمى وآسيا واقفين بلبس سواريه
مستنين تبارك ومريم ووجدان
انس: ايه الحلاوة دى ، واقفين كده ليه
لمى : مستنين مريم وويچا وتبارك ورايحين فرح
انس: فرح مين
آسيا: واحدة قريبة يارا ، قولنا نروح عشان دعيتنا كلنا ومتزعلش
انس: طب متتأخروش ،حد هيوصلكم
لمى: اه بابا كلم سواق تاكسى يجيبنا ويودينا
انس: اوديكم انا طيب
آسيا: هههه شايلينك للتقيله
نزلو باقى البنات حلوين اوى وخرجت تبارك واتجمعوا وركبوا التاكس
ومشيوا
سعدية بصالهم بحزن وبقرف فنفس الوقت ،وانس لاحظها وقال ينكشها
شوية
انس: مالك يا سع سع شايلة الطين عليكى وع الى خلفوكى ليه
سعدية : بقولك ايه سيبنى فحالى واطلع شوف خالتك طبخالك
ايه
انس: ايه بس مضايقك ،انا مستعد اسمعك حتى لو على حساب مغص بطنى
سعدية : يعنى عاجبك كله شغال يتجوز وانا قاعدة كده
انس: لا مش عاجبنى بصراحه ..مانا بقولك الرجاله عميوا
سعدية : هو ده الى قدرك عليه ربنا ! خلاص روح روح لحالك
انس: طب خلاص اتجوزك انا
سعدية : ياجدع امشى
انس: يابت تعالى اتجوزك وبعدها اتعالج فمستشفى الكلب
سعدية : ياعم حل عنى
انس: يابت ياغولة اتجوزينى ومش هتندمى
سعدية : غولة !!!
جريت جابت المكنسه وهو جرىع فوق خوف منها ...
， `·，`·，`·，`·，`·，`·，`·，`·，`·，`·，`·，
وصلوا ال خمس حسناوات القاعه ،كلهم بسواريهات م عدا تبارك
الى بعباية سوارية مش ملفته اوى ونقابها بس بلون نبيتى الاتنين ومش اسود
دخلوا يدورو ع يارا
يارا لمحتهم وجريت ع اول القاعه رحبت بيهم ودخلتهم ، قعدوا عالتربيزة سوا
يارا: ثوانى اشوف ماما ورجعالكم
لمى : امورة يارا فالفستان الاوف وايت ده منورها ،مش كده يا سوسا
آسيا( من غير نفس) مخدتش بالى
لمى : يوووه هتفضلى زعلانه كده كتير ،حلفتلك بحياة بابا وماما انى معرفوش
ان هو الى كان بيتابعك
كان صديق عندى وخلاص وكنت بحكى معاه عادى ولما كانت تيجى سيرتك
كنت بتكلم بمنتهى التلقائية
ودليل ع انى معرفوش لما شوفته فالمطعم معرفتوش
وجدان : بس مش كل حاجه تقوليها للاغراب يابومه انتى م ليها حق تزعل
ده انتى جبتيله تاريخ حياتها
لمى : والله م اقصد هو كان بيسأل عن اسيا كتير وانا كنت برد ومحطتش فبالى
اهى من ساعة م قالها وهى مخصمانى قولولها تصالحنى والنبي
مريم : معلش يا سوسا هى هبلة ومتقصدش ،وبعدين الواد ده اصراره عاحبنى اوى
يعنى لما قفلتى انتى ف وشه الباب جالك عن طريق اختك
اسيا: ايوة بس مش كل حاجه تتقال يامريم دى فضحتنى
تبارك : خلاص حصل خير انتوا اخوات متخلوش حاجه زى كده تأثر عليكوا
اسيا: ( ميلت ع ودان لمى ) تقومى قايلاله انى مكتوبة ب اسم باباكى ده انا
هوريكى
لمى : م خلاص بقى ياسوووس قلبك ابيض ( غمزتها فجنبها بهزار)
انا هقوم اجيب حاجه من البوفيه
مريم : كل الناس قاعدة اتنينات واسر مع بعض والراجل الى هناك ده قاعد وحده
شايفينه
وجدان : ياروحى تلاقوه يتيم زيي وعنده سمارى زيي بالظبط
لمى : طب بصوا هعملكم فيه مقلب
آسيا: اهدى واقعدى فحته بقى
لمى ولا كأنها سامعه حاجه وعامله نفسها بتكلمهم وهى ماشيه
ومش واخده بالها
راحت خبطت فكرسيه بقصد !
هو اتهز وقام وقف
لكن الى معملتش حسابه لمى انه لما قام لها كان ماسك فايده مشروب واندلق
ع بدلته
لمى : اوبس! انا اسفه مقصدتش
الراجل : ولايهمك محصلش حاجه
لمى : لا ازاى انا بهدلت الجاكيت بتاعك
الراجل : ميهمكيش ...عن اذنك
قام ومشى من الفرح
لمى حست انها كسفته بس مكانتش تقصد ،رجعت للتربيزة والبنات شافوا الموقف كله
قعدت ومكسوفه وبعدين ضحكت وهما ضحكوا وتبارك ضربتها ع كتفها.
وبعد الفرح استاذنت يارا انها هتتمشى معاهم وهترجع معاهم البيت.
ماشين عالكورنيش بيهزروا وبيضحكوا سوا
كانت تبارك ماشية وراهم وحدها ،واسيا ومريم ولمى ويارا مأنكشين بعض
ووج.ان قدامهم راجعه بضهرها ومديه وشها ليهم وعامله فيها مايسترو
اصلهم كانوا بيغنوا
وجدان : نشوى مهيصة فالفيوم يابختها
مريم : فاكرين الاغنية الى كنا مألفينها واحنا صغيرين
لمى : اه ..احنا البنات الستة
احلى بنات فالحته
والى يزعلنا فيوم
نجيبه من الجاكته
تبارك : ههههههههههه
لمى : يلا قولوا ،احنا البنات السته
مريم ويارا واسيا: احلى بنات فالحته والى يزعلنا فيوم
نجيبه من الجاكته
رددوها طول الطريق سوا وبيضحكوا وكل م تخلص يعيدوها .
كان فى طفل ماشى ب بلالين ومروح وقفوه اخدوا كل واحدة بالونه
وجدان : وانت كمان ياشيخنا هتاخد بالونه
تبارك : هههههه انا ملتزمة لكن بعيش سنى الله !
بياع البلالين : انتى اسمك فالقرآن صح
تبارك ( ابتسمت من تحت النقاب) ايوة فعلا انت عرفت ازاى
البياع: ابويا دايما يقولى روحك بتعرف الحاجه قبل عنيك
اسمك ايه
تبارك : تبارك وانت
البياع: محمود ...واستنوا وانتى كمان اسمك فالقران
وجدان : لا الشت منك دى انا اسمى فالمخ ،دى اسمها سورة فالقرآن
اسمها مريم
لمى : طب وانا وانا قولى حاجه زيهم
البياع: انتى ...بصى انتى غالية خالص مينفعش ترخصى
لمى سكتت وبصتلهم ،اخدوا البالين وبيحاسبوه
وهو ماشى بص ع يارا
البياع : انتى فلبسك ده شبه الملايكه ، عارفه
يارا: ايه
البياع : انتى هتروحى لربنا بشكلك ده عشان انتى ملاك
مشى وسابهم واقفين متنحين كأن نزل عليهم سهم الله ...كلامه خلى يارا تدمع
وخلاهم هم من غير شعور كأن روحها بتناديهم يحضنوها ..
حضنوها الخمسه وبدل م كانوا مبسوطين بعد كلمه الولد ده لبسهم حزن الدنيا كله !
， `·，`·，`·，`·，`·，`·，`·，`·，`·，`·，`·，
استنونا الاربعاء ان شاءالله
#نوتيلا
#لنورإسماعيل
نوتيلآ ❥❥
الفصل (8
， `·，`·，`·，`·，`·，`·，`·，`·，`·，`·，`·，
حتة من كيس نايلون بتتحط عليها طبقة قطن وبتلزقهم بسوليتب
وبتحطهم يارا ع صدرها مكان النزيف بالظبط وتلبس فوقها هدومها
عشان الدم ده ميظهرش فهدومها بره .
بقالها فترة كبيرة عالوضع ده ومش بتقول لحد ، ده غير سوء نفسيتها
وعدم الاكل
وفأوضتها بتلبس ونازلة عالكلية ...دخلت مامتها
الام: يارا ...فين هدومك انا كل م اغسل ملاقاش ليكى هدوم
يارا: اه مانا بغسلهم اول ب اول ياماما
الام: ليه ؟ جديد يعنى تغسلى هدومك ومتستنيش لما انا اغسلهم
يارا: عادى ياماما بيبقى فيهم حجات بحتاجها تانى يوم فبغسل كله
مرة واحدة
الام: ومالك مطولة الطرحه كده ليه ؟ شكلها مش لايق عالبنطلون
يارا: مش عارفه ياماما مرتاحه فيها كده
الام: ومالك خاسة وشك اصفر كده ،مبتاكليش طبعا طول النهار فالجامعه
يارا: لا باكل
الام: عالعموم الى بياكل ع ضرسه بينفع نفسه انتى هتجنينى معاكى ليه
بلا وجع دماغ
سابتها وخرجت وبتكمل يارا لبسها وهى حابسه دموعها من النزول .
اما مريم ..
فبعد م لمحت لمازن بطريقة غير مباشرة انها معجبه بيه ، بقى شكلهاملحوظ
وهى بتعدى بال خمس مرات قدام مكتبه عشان تشوفه
لدرجة ان وجدان مش عاجبها تصرفاتها وكانت بتزعقلها كتير عليها.
لكن الغريب ان مازن كمان بدأ يحس بيها وبقى يجاريها فمشاعرها دى
بيفضلوا طول الليل تشات عالفيس بوك
وبالنهار تخلص محاضراتها وتجرى تتحجج ب اى حجه عشان تشوفه
ولو ٥ دقايق قدام مكتبه.
وفيوم كان مطلوب منها حاجه ميدانية فمادة من موادها ، فعلا مكانتش فاهمة تعمل ايه
فقررت وبسرعه ومن غير تفكير ان الحل ..عند مازن !
مازن : انا مستعد كل يوم اشرحلك فالميدانى ده شوية لحد
م تفهميه وتعمليه لوحدك
مريم : متشكرة يامازن عارفه انى هشغلك
مازن : لو كل الانشغالات زى انشغالك كده يبقى ياريت
وبدأ يشرحلها شوية ..وهى بصراحة مركزة خالص
جه ميعاد محاضرتها
ولازم تقوم ..
مريم : انا همشى بقى
مازن : طيب فاى وقت عندك فاضى انا مستنيكى اشرحلك شوية
مريم خرجت من مكتبه وافتكرت انها ماسكه القلم بتاعه
رجعت تانى تديهوله
مريم: نسيت القلم بتاعك معايا
مازن بياخده منها لمس ايديها !
ومسكهم وبصاتهم لبعض الى كانت ثوانى حسوها سنين ...
مريم مسكتها رعشه اول م لمس ايديها ومبقتش عارفه تتلم ع نفسها نهائى
مريم: انا اول مرة حد يمسك ايدى
مازن : انا معجب بيكى يامريم ...اوى ❤
مريم وشها احمر جدا وكانت بتبلع ريقها بصعوبة من الموقف ، اما هو فكان
بيبصلها بلهفة حلوة بتثبت صدق مشاعره ناحيتها
مازن : كنت عايز اتاكد واتأكدت خلاص ، انا فعلا بقيت افكر فيكى كتير
وانا بذاكر الماجيستير
وانا بشرح سيكشن
بقيتى انتى الى فبالى يامريم وبس
مريم (بتاخد نفسها بصعوبه ) ده ..ده احلى كلام سمعته فحياتى
مازن : اذا كان احلى كلام متسمعهوش اجمل وارق بنوتة زيك ..هيتقال لمين
مريم ( فعلا داخت) حاسه انى دايخه وهقع من طولى ، انا بحلم يامازن صح
مازن : لا مبتحلميش يامريم ...انا كل كلمة قولتهالك دلوقتى حالا كانت من قلبي
مريم ( عيونها دمعت) اول مرة افرح من قلبي كده
مازن : طب علشان ميبقاش ملحوظ وجودك هنا ، يلا ع محاضرتك
وبعد م تخلصى وتروحى طمنينى عالفيس اوك
مريم ( بتضحك بهبل) مش هعرف اركز فالمحاضرة
مازن: لالالا كده مينفعش ،انا حبيبتى لازم تكون شطورة عشان تعدى السنتين دول
وتتعين زيي فالجامعه ونبقى زمايل ومتغيبش عن عينى لحظة واحدة
مريم ( داخت وقعدت عالكرسي مرة واحدة ) يالاااااهوى !! بالراحه عليا
بالله عليك انا مش اد كل الكلام الحلو ده
مازن ،: سلامتك انتى تعبتى بجد ؟ اجيبلك ليمون
مريم : لالا انا كويسه بس مش متعودة ع الكلام الحلو ده كله
مازن : بجد كويسه ؟
مريم : اه ...انا هقوم اروح المحاضرة بقى
مازن : خدى بالك من نفسك ماشى
مريم ( مبتسمه بفرحه ) حاضر
خرجت من برة مكتبه وهى فعلا الى يركز فمشيتها يلاقيها بترقص
من الفرحه
راحت عالمحاضرة وقابلت وجدان قاعدة فالمدرج وبتاكل ف اخر كيس الشيبسي
الى معاها قبل المحاضرة
اخدتها بوس هيستيرى لحد م وجدان زهقت وزقتها ..
وجدان : ايه ده فيه يامجنونة
مريم : انا عاشق عشقت الشمس انا مغرم ومازال الغرام فصدرى
وجدان : غرام ايه ياخويا الى فصدرها انا مش فاهمة ولا ايوتها كلمه
مريم : قالى يا وجدان ...قالى انه بيحبنى بعنيه ولمسه ايده
وكل حاجه فيه بيحبنى
بيحبنى انا
ومعدتش دقيقة عالكلمة الاولى الى وقالى التانية الى خلتنى روحت خالص
وجدان: قال ايه اللهم اجعله خير
مريم : قالى يا حبيبتى
وجدان: بجد يابت ! يعنى اخيرا زمزمية مزموز عصره واوانه حبك وحس بيكى
مريم : وجدان انتى لو كنتى معايا دلوقت مكنتيش هتصدقى ودانك
اذا كنت انا نفسي مش مصدقه
وجدان : مش مهم اصدق ولا لأ المهم انتى فرحانه ؟
مريم : اسعد واحدة فالدنيا
وجدان حضنت مريم بفرحه اووووى حتى فى بعض الطلاب زمايلهم
كانوا قاعدين وبصوا عليهم
وجدان : مريم انتى غالية عندى اوى ، هو اه انا اصغر منك بس بحس
انى امك وانتى بنوتى
وبفرح لفرحتك اوى
اول مرة اشوفك كده
مريم : ويچا قلبي بيدق اوى ومش عارفه اتلم ع اعصابي ومعرفش
جيت من مكتبه لحد هنا ازاى
وجدان: بقولك ايه بلا محاضرة بلا عنب بناتى تعالى نخرج نتنشى ونضرب
٢مانجه بمناسبة الحلويات الى انتى فيها دى
مريم : يلا بينا ...( قامت وقعدت تانى ) بس لا
انا هحضر المحاضرة
وجدان : يابت مش بتقولى مش عارفه تتلمى ع اعصابك
هتركزى ازاى
مريم : هركز عشان هو طلب منى كده انى ابقى شاطرة واركز فمستقبلى
وجدان : ياسلااام بركاتك يااونكل زمزميه ،يعنى انتى دلوقتى هتحضرى المحاضرة
بشكلك ده
مريم : اه وهركز فكل كلمة بتتقال ...مازن طلب منى ده ولازم اعمله
وجدان : وله فخلقه شئون ،وماله ياختى مش عيب
راحت عزومه المانجه لعيون استاذ مازن
مريم : بحبه يا وجدان بحبه اووووى
وجدان : ( مبتسمه ليها وعيونها فيها دموع) احلى حاجه فالدنيا
انك تتحبي يا مريم
احلى بكتير من انك تحبي ...تتحبي يعنى تحسي بقيمتك
وانك انتى بس الى تملكى قلب الشخص ده
ربنا يسعدك ياحبيبتى يارب ..
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
آسيا بنت عاقله .
قبل اى تصرف ليها بتحكم بعلقها الاول وتفكر فيه كتير
وبعدها تقرر هتعمله ولا لا
يعنى مش من اول م اياد ادالها رقمه اتصلت !
بالعكس كأنها مخدتهوش اصلا ...لكن عايزة تعرف هو عرف كل المعلومات دى
التفكير تعبها جدا ومبقاش ينيمها الليل.
مقررتش تتصل بيه الا عشان توضع حد لكل ده ...ي اما يدخل حياتها
ي اما يطلع منها وللابد .
آسيا: الو ...ايوة اياد انا اسيا
إياد : آسيا ...كل ده كنت بتفكرى اذا كنتى تكلمينى ولا لا
آسيا: مش وقت كل الكلام ده ...انا عايزه اقابلك
اياد : تحت امرك ،فين وامتى
آسيا : هبعتلك فمسج
إياد : مستنيكى
فالميعاد والوقت والمكان الى حددتهم آسيا ، كان إياد مستنى
دخلت كالعادة منفعله ومش مبسوطة بالى بتعمله ده بس عايزة توصل لحل
إياد لاحظها من اول م رجلها خطت المكان
حاول يهديها بهدوئه المعتاد ، لكن واضح ان مش كل خططه بتنجح.
آسيا: لو سمحت متقوليش اهدى ! اهدى ازاى وانا حاسه انى متراقبه من واحد
معرفوش
عارف ادق تفاصيل حياتى
عارف بحب ايه وبكره ايه
عارف بكون فين امتى والساعه كام
صور ايه وتركيب ايه الى بتقولى عليهم ،انت هتشتغلنى !
إياد : ممكن افهم متعصبه ليه بس
آسيا: حط نفسك مكانى كده ، خليك متراقب فكل تفاصيلك ومش فاهم حاجه
خالص
إياد : لو متراقب من حد بيحبنى وبيموت فيا زى م انا بموت فيكى
مش هتضايق ولا اعمل كل الشبورة الى انتى عاملاها دى
آسيا جملته الاخيرة خلتها كان اتدلق عليها جردل ميه ساقعه ! ومعبرتش عن عدم
ردها غير انها تمسك سلستها تلعب فيها وتبص حواليها .
اياد : اه بحبك ...والله بحبك
ليه مش مصدقه
ليه مش مصدقه انى اعرفك واعرفك كويس كمان
مش مصدقه انى متابع كل حاجه بتعمليها لحد م ادمنتك
آسيا: انت بتضحك ع عيلة هبلة يابنى انت ! ايه الى انت بتقوله ده
إياد : هى ليه الناس مبتصدقش الى يقولها الحقيقه ع طول
يعنى انا لو كنت جيتلك وقولتلك انا بقالى فترة معجب بيكى
وساكن قصادك
وواخد بالى من تحركاتى
واتصاحبنا وبعدها قولتلك انا بقيت متابعك وحبيتك من تفاصيلك
هتنبسطى كده !
آسيا: انت بتعرف ازاى انا فين وبحب ايه انت مخوفنى عالاخر
ده مش موضوع صور وتركيب
ده جنان
انت مخاوى يابنى
إياد ( بيبتسم بهدوء) مخاوى !! لا مش مخاوى
بس عملت المستحيل عشان اقربلك ولو كان فاضلى انى اخاوى كنت عملتها
بس تكونى معايا
آسيا: ايه الاصرار العجيب ده ! ايشمعنا انا
هو انا اخر بنت فالدنيا !
إياد : لا مش اخر بنت ...بس البنت الوحيدة الى حبها قلبي
هى متعرفش ان كلامه صادق ٪١٠٠ كده عشان بيدخل قلبها ع طول
بس كعادتها آسيا لازم تستريح الاول .
آسيا : لو سمحت بطل كلام النحنحه بتاعك ده ، وقولى وريحنى بقى
لانى مش مضطرة لا اتصل بيك تانى ولا اقابلك تانى
إياد : انا مش هضغط عليكى تدخلينى حياتك وانتى مش راضية
لان مش هو ده الى انا عاوزه
بس هريحك لان ميرضنيش تعبك
لما حاولت اتعرف عليكى ومرضتيش ...اختارت انى احتل عقلك
وتفكيرك عشان عن طريقه اوصل لقلبك
آسيا : وعملت ايه ؟
إياد : وصلت لكل الى كنت عاوزه
آسيا: عن طريق ايه
إياد : ( بتردد ) لمى ...اختك لمى !
آسيا: ايه !!
， `·，`·，`·，`·，`·，`·，`·，`·，`·，`·，`·，
بطلنا الهومام المغوار ..
سيادة الرائد سليم وجيه ، عنده مهمة لايستهان بها اطلاقا
القبض ع مجرم هارب وتحرير اسرة المقدم الى خاطفهم ومخليهم
تحت سيطرته
وده من خلال دخوله وخروجه من مقر المجرم ده ورجالته من غير
م يحصل لاى حد من المخطوفين اذى ...لكن بالنسبة له هو
فهو من بداية م ربنا اشاء انه يبقى ظابط
فهو شايل روحه ع ايده وفأى لحظة مستعد للشهادة .
عرف فالفترة الى طلبها مهلة عشان يستعد ، مين اعداء حبش المطلوب تسليمه
وايه نقط ضعفه الى ممكن يشتغل عليها
وازاى هيدخل المكان ع انه مش ظابط ، وازاى هيبقى وسط مجموعه مجرمين كده بسهولة
حجات كتير فكر فيها الفترة الى فاتت ورتبها عشان يبدأ صح .
غير من طريقه لبسه لطريقه لبس شاب عادى واقل ، هدوم مش متظبطه عليه
حلق شعره خااالص عشان شكله ميبقاش مالوف
وسمى نفسه ب اسم جديد كمان .
وداخل امبراطورية حمدى حبش ...
سليم : محسوبك ياسر يامعلم
حمدى حبش: انت طلبت تشوفنى ياض انت ليه
سليم : انا بقالى اسبوع هنا يامعلم مستنى اشارة تحن عليا واجى اقابلك
عشان اقولك انى معاك
حبش: رجالتى بلغونى انك جيت وقولت انك عىيز تبقى فحمايتى
مين الى بعتك يالا ؟
سليم: محدش بعتنى يامعلم ، انا جيت عشان بالعربي كده مصلحتى معاك
انا كنت شغال مع حبيب قلبك
الى عمل فيك السليمه من فترة واخد منك اخر عمليه سلاح متهربة
حبش( شال الشيشه من ع بوقه) مين ياض !
سليم : روقه الزيات يامعلم ،انا كنت واحد من رجالته
لحد م غدر بيا بعد كل العمر الى خدمته فيه ده
اكلنى لحم ورمانى عضم
وبصراحه بقى جيت اكلهولك وتتغدى بيه قبل م يتعشى بيك
حبش: وايه مصلحتك ياض فانك تبقى معايا
سليم : جربنى ومش هتندم ابدا ،مصلحتى معاك يامعلم مش معاه هو
انا عارف كل حاجه عنه
وهأكله لك وانت حاطط رجل ع رجل
وانا يتشفى غليلى منه
حبش: اضمنك منين
سليم : رقبتى يا كبير
حبش: واناهعوز رقبتك ف ايه ياروح امك ! بص
انا هخليك هنا تحت عينى
ان فعلا اثبتت حسن نية وانك معايا ومش مع الزيات
ساعتها هتبقى واحد من رجالتى
انما بقى ياحلو لو لأ
سليم : الى تؤمر بيه يا كبير انا سداد
حبش: روحك سداده ياخويا ..حمدى حبش مبيتاكلش اونطه
سليم : وانا عند قولى يامعلم وهتشوف
حبش: خده ياض شوفله مطرح بدل الزريبه الى قاعد فيها بقاله اسبوع دى
وبليل انا هعوزك
سليم : موجود يامعلم
حبش: قولتلى اسمك ايه ياض
سليم : ياسر يا معلمى
حبش: ممم ماشى ...ماشى يابواليسر اما نشوف
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·，
"ياااااه كل ده ؟ وايه كمان
تعرفى انى بشكر انس انه عرفنى عليكى "
انس معدى وسمع حبيب وهو بيحكى مع شيماء ،ضحك وقال للواد الى بينزل
طلبات ان فى تربيزتين عايزين الحساب .
قعد ع مكتبه يراجع الحسابات الا شوية وجه حبيب عليه مخلص فونه وهيمااان
حبيب: يا واد يا انس ايه الى الحلاوة دى ،البت دى ايه
حاجه كده يالاهوى
انس: شوفت عشان تعرف انى مهاديك هدية
حبيب: بس كل م اطلب منها صورتها مترضاش ..بتتكسف اوى
انس: ( كتم الضحكه) بتتكسف ! ايوة دى من عيلة محافظة ياض خلى بالك
وبعدين انت عايز شكلها ف ايه
حبيب: الله ! مش اشوف الصورة زى الصوت كده ولا ايه
انس: انت مش شوفت امها ،هى حلوة لامها كده
حبيب : لا لو ع امها تبقى بت وتكه
ده صوتها بيخلينى اغيب ياعم
انس: لا وايه عندهم اد كده ، اطيان وعمارات ودهب
هتهيص ياض
حبيب بيفكر كدن انها لقطه فعلا ،ميل باس انس فخده
حبيب: تصدق ياض حبيتك اكتر من الاول
انس: الله يخليك يارب تفضل تحبنى بس
حبيب: ازاى
انس: لا مفيش
حبيب: هروح اكلمها بقى
انس: م انت لسه قافل معاها
حبيب: م انت عارف يا انس مدام طالبه اديها متحرمهاش
انا برضو الى هرسيك ي انس يا ملك العواطف
انس: هههههااى طب عواطف بتسلم عليك ياخويا
خييير خييير
， `·，`·，`·，`·，`·，`·，`·，`·，`·，`·，`·，
مفيش شئ يترفض الا لما يتعرف الاول ،مش لمجرد الرفض وخلاص
يعنى نشوى رفضت فكرة الرحله من الاساس
لكن لما طلعتها وده غصب عنها كانت مبسوطه وكان باين عليها .
اول م وصلوا الفيوم ،اتقسمت الرحلة مابين زيارة وادى الريان وبعدها بحيرة
قارون
ومن ثم سواقى الهدير الشهيرة
اتصوروا وفىحوا وانبسطوا ، وراحو استاف الموظفين كلهم يتغدوا
كلهم كان بينهم جو مرح وضحك من اول م طلعوا
لكن كل الى كان ع نشوى انها مبتسمه لكن مش بتتكلم مع حد ،حتى مع حسام
الى هيموت وتفتح معاه اى حوار ويعرف يدعبس فعقدها وكلاكيعها
لان اليومين دول بقى شاغله اوى يعرف البنت دى عامله ليه كده .
حسام : اهو الواحد يرجع فريش للشغل ،مش كده ي انسة نشوى
نشوى : انت اصلا مبقاش ليك غير شهر وشوية فالشغل
هو انت لحقت تزهق منه
حسام : هههههه بصراحه اه
نشوى : ايه ده انا طلبت بيف بورجر ده سمك مقولتش عايزة سمك
حسام : طب استنى انا بحب الاتنين خدى البيف بتاعى وانا اخد السمك
نشوى : لا انا هروح ابدله من البوفيه
حسام: خلاص مش لازم وع ايه تروحى وترجعى ، خدى طبقى
بدل الاطباق
نشوى : انا متشكرة
حسام : انتى مبتحبيش السمك ولا مش عايزة سمك
نشوى : لا مبحبوش
حسام : غريبة مع انك اسكندرانيه ،يعنى ارض السمك والفسفور
نشوى : ع فكرة بقى معظم الاسكندرانيه مش بيحبوا السمك ،مش شرط يعنى
حسام : ايوة فعلا مش شرط ميول الواحد تكون مرتبطه بالمكان
سكت وابتسم وهى خدت بالها
نشوى : بتضحك ليه
حسام : اصل اول مرة متشخطيش فيا وتمنعى كلام ، اوعى اكون فكرتك
نشوى : ههههههه لا مفكرتنيش ولا حاجه ،انا قولت احنا فرحلة يعنى وارحمك شوية
من كلامى التقيل
حسام : ع فكرة ضحكتك حلوة ...انا اول مرة اشوفها
نشوى ابتسمت وبصت الناحية التانية بعيد عنه ،هو اخد باله وابتسم وبص
فطبقه وكمل اكل .
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
راجع انس من شغله واتقابل مع لمى وآسيا واقفين بلبس سواريه
مستنين تبارك ومريم ووجدان
انس: ايه الحلاوة دى ، واقفين كده ليه
لمى : مستنين مريم وويچا وتبارك ورايحين فرح
انس: فرح مين
آسيا: واحدة قريبة يارا ، قولنا نروح عشان دعيتنا كلنا ومتزعلش
انس: طب متتأخروش ،حد هيوصلكم
لمى: اه بابا كلم سواق تاكسى يجيبنا ويودينا
انس: اوديكم انا طيب
آسيا: هههه شايلينك للتقيله
نزلو باقى البنات حلوين اوى وخرجت تبارك واتجمعوا وركبوا التاكس
ومشيوا
سعدية بصالهم بحزن وبقرف فنفس الوقت ،وانس لاحظها وقال ينكشها
شوية
انس: مالك يا سع سع شايلة الطين عليكى وع الى خلفوكى ليه
سعدية : بقولك ايه سيبنى فحالى واطلع شوف خالتك طبخالك
ايه
انس: ايه بس مضايقك ،انا مستعد اسمعك حتى لو على حساب مغص بطنى
سعدية : يعنى عاجبك كله شغال يتجوز وانا قاعدة كده
انس: لا مش عاجبنى بصراحه ..مانا بقولك الرجاله عميوا
سعدية : هو ده الى قدرك عليه ربنا ! خلاص روح روح لحالك
انس: طب خلاص اتجوزك انا
سعدية : ياجدع امشى
انس: يابت تعالى اتجوزك وبعدها اتعالج فمستشفى الكلب
سعدية : ياعم حل عنى
انس: يابت ياغولة اتجوزينى ومش هتندمى
سعدية : غولة !!!
جريت جابت المكنسه وهو جرىع فوق خوف منها ...
， `·，`·，`·，`·，`·，`·，`·，`·，`·，`·，`·，
وصلوا ال خمس حسناوات القاعه ،كلهم بسواريهات م عدا تبارك
الى بعباية سوارية مش ملفته اوى ونقابها بس بلون نبيتى الاتنين ومش اسود
دخلوا يدورو ع يارا
يارا لمحتهم وجريت ع اول القاعه رحبت بيهم ودخلتهم ، قعدوا عالتربيزة سوا
يارا: ثوانى اشوف ماما ورجعالكم
لمى : امورة يارا فالفستان الاوف وايت ده منورها ،مش كده يا سوسا
آسيا( من غير نفس) مخدتش بالى
لمى : يوووه هتفضلى زعلانه كده كتير ،حلفتلك بحياة بابا وماما انى معرفوش
ان هو الى كان بيتابعك
كان صديق عندى وخلاص وكنت بحكى معاه عادى ولما كانت تيجى سيرتك
كنت بتكلم بمنتهى التلقائية
ودليل ع انى معرفوش لما شوفته فالمطعم معرفتوش
وجدان : بس مش كل حاجه تقوليها للاغراب يابومه انتى م ليها حق تزعل
ده انتى جبتيله تاريخ حياتها
لمى : والله م اقصد هو كان بيسأل عن اسيا كتير وانا كنت برد ومحطتش فبالى
اهى من ساعة م قالها وهى مخصمانى قولولها تصالحنى والنبي
مريم : معلش يا سوسا هى هبلة ومتقصدش ،وبعدين الواد ده اصراره عاحبنى اوى
يعنى لما قفلتى انتى ف وشه الباب جالك عن طريق اختك
اسيا: ايوة بس مش كل حاجه تتقال يامريم دى فضحتنى
تبارك : خلاص حصل خير انتوا اخوات متخلوش حاجه زى كده تأثر عليكوا
اسيا: ( ميلت ع ودان لمى ) تقومى قايلاله انى مكتوبة ب اسم باباكى ده انا
هوريكى
لمى : م خلاص بقى ياسوووس قلبك ابيض ( غمزتها فجنبها بهزار)
انا هقوم اجيب حاجه من البوفيه
مريم : كل الناس قاعدة اتنينات واسر مع بعض والراجل الى هناك ده قاعد وحده
شايفينه
وجدان : ياروحى تلاقوه يتيم زيي وعنده سمارى زيي بالظبط
لمى : طب بصوا هعملكم فيه مقلب
آسيا: اهدى واقعدى فحته بقى
لمى ولا كأنها سامعه حاجه وعامله نفسها بتكلمهم وهى ماشيه
ومش واخده بالها
راحت خبطت فكرسيه بقصد !
هو اتهز وقام وقف
لكن الى معملتش حسابه لمى انه لما قام لها كان ماسك فايده مشروب واندلق
ع بدلته
لمى : اوبس! انا اسفه مقصدتش
الراجل : ولايهمك محصلش حاجه
لمى : لا ازاى انا بهدلت الجاكيت بتاعك
الراجل : ميهمكيش ...عن اذنك
قام ومشى من الفرح
لمى حست انها كسفته بس مكانتش تقصد ،رجعت للتربيزة والبنات شافوا الموقف كله
قعدت ومكسوفه وبعدين ضحكت وهما ضحكوا وتبارك ضربتها ع كتفها.
وبعد الفرح استاذنت يارا انها هتتمشى معاهم وهترجع معاهم البيت.
ماشين عالكورنيش بيهزروا وبيضحكوا سوا
كانت تبارك ماشية وراهم وحدها ،واسيا ومريم ولمى ويارا مأنكشين بعض
ووج.ان قدامهم راجعه بضهرها ومديه وشها ليهم وعامله فيها مايسترو
اصلهم كانوا بيغنوا
وجدان : نشوى مهيصة فالفيوم يابختها
مريم : فاكرين الاغنية الى كنا مألفينها واحنا صغيرين
لمى : اه ..احنا البنات الستة
احلى بنات فالحته
والى يزعلنا فيوم
نجيبه من الجاكته
تبارك : ههههههههههه
لمى : يلا قولوا ،احنا البنات السته
مريم ويارا واسيا: احلى بنات فالحته والى يزعلنا فيوم
نجيبه من الجاكته
رددوها طول الطريق سوا وبيضحكوا وكل م تخلص يعيدوها .
كان فى طفل ماشى ب بلالين ومروح وقفوه اخدوا كل واحدة بالونه
وجدان : وانت كمان ياشيخنا هتاخد بالونه
تبارك : هههههه انا ملتزمة لكن بعيش سنى الله !
بياع البلالين : انتى اسمك فالقرآن صح
تبارك ( ابتسمت من تحت النقاب) ايوة فعلا انت عرفت ازاى
البياع: ابويا دايما يقولى روحك بتعرف الحاجه قبل عنيك
اسمك ايه
تبارك : تبارك وانت
البياع: محمود ...واستنوا وانتى كمان اسمك فالقران
وجدان : لا الشت منك دى انا اسمى فالمخ ،دى اسمها سورة فالقرآن
اسمها مريم
لمى : طب وانا وانا قولى حاجه زيهم
البياع: انتى ...بصى انتى غالية خالص مينفعش ترخصى
لمى سكتت وبصتلهم ،اخدوا البالين وبيحاسبوه
وهو ماشى بص ع يارا
البياع : انتى فلبسك ده شبه الملايكه ، عارفه
يارا: ايه
البياع : انتى هتروحى لربنا بشكلك ده عشان انتى ملاك
مشى وسابهم واقفين متنحين كأن نزل عليهم سهم الله ...كلامه خلى يارا تدمع
وخلاهم هم من غير شعور كأن روحها بتناديهم يحضنوها ..
حضنوها الخمسه وبدل م كانوا مبسوطين بعد كلمه الولد ده لبسهم حزن الدنيا كله !
， `·，`·，`·，`·，`·，`·，`·，`·，`·，`·，`·，
استنونا الاربعاء ان شاءالله
#نوتيلا
#لنورإسماعيل
ليست هناك تعليقات:
إرسال تعليق