روايةツ
نوتيلآ ❥❥
الفصل (9
， `·，`·，`·，`·，`·，`·，`·，`·，`·，`·，`·，
"انتى اكيد اتخبطتى فعقلك ،ازاى حاصل معاكى كل ده ومقولتيش لحد "
يارا: مقدرتش اقول ي لمى خوفت منهم
لمى : ( بعصبيه) خوفتى ايه !!! انتى بتموتى
انا عمرى م سمعت ان حد ينزف من المنطقه دى ،انتى متكلمتيش غير بعد
كلام الواد بتاع البلالين
يعنى لو محصلش الموقف ده كان زمانك بتتصفى وبتموتى
يارا: انا خايفه يالمى ...خايفه ومش عارفه اتصرف
اترمت يارا فحضن لمى بعفوية ،كانت محتاجه لحضن يطمنها جدا بالذات ف الى
هى فيه ده
دموعها غرقت هدوم لمى لدرجة ان لمى عيطت معاها
لمى : اسمعى ..انهاردة انا هعمل سيرش عالنت واشوف احسن حد واحجزلك عنده ولما ييجى معاد كشفك
هاجى معاكى واشوف مين من البنات تيجى معانا
يارا: لا يا لمى لا ،لو عرفوا هيبهدلونى
لمى: ياشيخه منهم لله على الرعب الى عاملينه ليكى ده ، انتى هتكشفى وهنتطمن
عليكى انك كويسة ان شاء الله ولو مامتك ولا باباكى اتكلموا والله لاقول لماما تدخل فيهم
ايه الجبروت ده
يارا: يارب
لمى حضنتها تانى تطمنها
لمى : انتى كويسة متخافيش ..
， `·，`·，`·，`·，`·，`·，`·，`·，`·，`·，`·，
شهر عدى ع وجود ياسر او سليم من ضمن حاشية المجرم حمدى حبش
فالفترة دى اتعرض لكذا حاجه يختبروا ولاءه ليهم
ده غير انهم سألو اذا كان فى حد من رجالة الزيات اسمه ياسر سابهم
وطلع الكلام مظبوط
سليم مسابش اى معلومة غير واشتغل عليها ، مدام هيرمى روحه فالنار لازم يحسب
كل خطوة
ولزيادة الثقه ..
سليم كان عارف ان فى شحنة سلاح جاية للزيات وعارف وقتهاكمان
بترتيب مع الجهة العليا الى بترأسه انهم هيعدوا العملية دى لصالح مهمته كطعم
مؤقت يدوه لحبش ورجالته
وفعلا سيطر حبش عالشحنه وده عشان يكسب سليم ثقته ويعرف انه بجد
معاه مش ضده ويآمنله.
لكن ف وسط المجرمين والاماكن المشبوهه والاسلحه ، كان قلب سليم الانسان
قلقان ع امه اوى لانها ع علم انه فسفر وراجع وهو عارف انه هيطول لكن مقالش ليها
غير كده لخوفه عليها
يدوب لمح ل مريم ببعض حجات عن المهمة وبس .
كان بيفكر فيهم طول الوقت ، ولان مفيش اى وسيلة اتصال بينه وبينهم
كان احتياجه ليهم اكبر .
وفشقة ام سليم ..
كانت بتتفرج مامته عالتليفزيون ع فيلم فى بيتنا رجل ،افتكرت ابنها وعمر الشريف
لابس بدلة الظابط
اتضايقت وبان ع عيونها ،خصوصا ومريم خارجه من المطبخ وجاية عليها شافتها
مريم : ايه ياخالتو مالك
الخالة: سليم وحشنى اوى يا مريم
مريم ( اتنهدت لانه وحشها هى كمان ) ايوة والله وانا كمان ، متضايقيش ياخالتو
ان شاء الله ييجى من سفريته بالسلامه
الخالة : يارب يامريم ..لحسن مش متطمنه خالص
， `·，`·，`·，`·，`·，`·，`·，`·，`·，`·，`·，
عدت فترة ع اسيا من بعد اخر مرة شافت فيها اياد وهى وهو لابيتكلموا
ولا بيتقابلوا
هى متصلتش
وهو زى م قالها مش هيجبرها يدخل حياتها وهى مش راضيه .
لكنها تايهه وع طول سرحانه ،نظرات عيونها بتفتحها ان عندها حنين له
لكن بتكدبه
حتى لمى سألتها نشوى عنه ...كدبت احساسها بيه انه وحشها اوى .
عالسطوح..
نشوى : بس انا حاسه انك بتفكرى فيه
آسيا: وحتى لو يانشوى ! المفروض مفكرش
ده موضوع من الاساس غلط
كله ع بعضه كده غلط
نشوى : غلط انك تحبيه ولا غلط انك ترتبطى بيه ؟
آسيا بصالها وساكته
نشوى : تعرفى ي اسيا ،رغم انى لا بحب حوارات الحب والكلام ده ولا بحب
ادخل نفسي فيها
لكن حكايتك دى شدانى اوى عايزة اعرف ايه اخرها
عجبنى اصراره واقحامه لحياتك لمجرد انك عجباه وحبك من غير م تعرفى
آسيا: وعارفه الغريب فطبعه انه حتى محاولش يغلس ويبعتلى مسج او يتصل بيا
محترم رغبتى مع انى عارفه انه لسه متابعنى ولو عالاقل من بروفايلى
نشوى : انتى اتشديتى له يا آسيا
آسيا: اوى ومعرفش ليه ومش عايزة الاحساس ده يتملكنى،مش عايزة
اتعلق بيه يانشوى
نشوى ضحكت
آسيا : بتضحكى ليه
نشوى : حيرتك وتوهتك دى اكبر دليل انك اتنيلتى وحبتيه كمان مش بس اتعلقتى بيه
آسيا: احبه ! غلطانه يانشوى
مش انا الى احب واحد دخل حياتى بالطريقه دى
سابتها وقامت نازله ،نشوى كانت بتضحك بصوت عالى وقالت
نشوى : هنشووووف ههههه
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
اما عن القصة الى لزق فيها انس صاحبه .
فهى مازالت مستمرة ،ومازالت شيماء تختبئ وراء الستار وحبيب مشفهاش
سمع صوتها بس!
وبسبب طمع حبيب فشيماء بعد م انس قال انها نايمة ع املاك واللذى منه
اتوغل اكتر فالعلاقه ،ووهم نفسه انه بيحبها
وكمان قرر يخطبها !
حبيب: يعنى ايه مش هتيجى معايا وانا بتقدملها ،هى مش قريبتك برضو
انس: لا معلش اصل اليوم الى انت رايح فيه ده ،عندى مشوار مهم للسجل التجارى
حبيب: مشوار السجل التجارى يابنى الصبح ، المشوار بليل ي انس متحورش
انس: لا م بليل عندى ....اه افتكرت خالتى هتولد
حبيب( عوج بوقه) خالتك بتولد منين فالخطيئة !
اذا كان عزا جوز خالتك معداش عليه ٥سنين وانا حضرت معاك فيه
يبقى حامل منين
انس: ياعم مش خالتى حرم العقيد محمود وجيه الله يرحمه ،عندى خالة تانيه
متعرفهاش
حبيب : ماشى ي انس اتلكك ..عالعموم وقت الفرح مش هسيبك
انس ( كاتم الضحكه ) مش لما يبقى فيه فرح !
حبيب: نعم ياخويا
انس: لا ياحب مفيش ع خيرة الله
انس حضن حبيب وفصلان ضحك من وراه لدرجة انه مش ماسك نفسه .
ونسيب انس الى بيوفق راسين فالحلال هنا ،وبعدها بكام يوم
نروح مع لمى وآسيا ووجدان
الى بيحاولوا يوفقوا مريم ومازن ف اول خروجه مع بعض !!
مريم : مش عارفه هقول ايه ولا هعمل ايه جسمى كله بيترعش
آسيا: متخافيش مش هيحصل حاجه ،اقعدى معاه كده وخليكى واثقه من نفسك
وجدان : وبعدين مالك عاملالنا فيها هربانه من مسلسل الحائرة كدهون ! مبقالكم شهر
قايلين لبعض انكم بتحبوا بعض
والفونات كترت والنوم طار
ومقابلات فمكتبه
جت عالخروجه دى
مريم : الحمدلله الاكل والنوم أثروا على مخك وخلوه تخين ،يا حمارة اول مرة اخرج
فمكان عام مع شاب بحبه لوحدى
فاهمة ولا تقيله ع فهمك يستوعبها
وجدان : فهمنا ياست الحلوفه ،اخلصى والبسي عشان ننزل
مريم : المهم انتوا متسيبونيش ،بصوا نكلم بعض عن طريق السماعه
انا هتصل ب اسيا وسيبوا الفون مفتوح لما تلاقونى عطلت قولولى
وجدان : ده كده احنا بنغش بسماعة بلوتوث فلجنة كيمياء مش رايحه راندڤو
آسيا: عايزة يعنى نعملك زى موقف هنيدى فالجامعه الامريكيه !
مريم : بالظبط ..اشطا ياسووس
جت لمى
لمى : متقلقيش انا معاكى يابت يا مريم ومش هتعصلجى ان شاء الله
وجدان : انت جيت يا جزمة !!
لمى : جزمة فعينك ،اصلا الخروجه مش هتنفع من غيرى لان كلكم لخمه
وانا الوحيدة الى بفهم فحوارات الحب والدلع ده
وجدان : ياجماعه بلاش لمى دى هتقلبها من اول خروجه مهذبه شريفه لخروجه
فالمقطم !
آسيا: يلا بس عشان مريم اتأخرت ونبقى نشوف ده بعدين
مريم: انا حلوة يابنات ؟ الطرحه مظبوطه ؟
آسيا( باستها فخدها ) قمر
لمى : استنى انا لسه جايبه روچ سايل جديد والله م يغلى عليكى ..معقوله اول خروجه
مع الموز هتنزلى اورديحى كده
وجدان : يااااادى الفساد يابت سيبيها ع طبيعتها
لمى : اخرسى انتى ايش فهمك ، بصى بقت قمر ووشها نور
وفالمكان الى اتفقوا مريم ومازن يخرجوا فيه ، بعد الحاح من مازن
انه يشوفها ويقعدوا سوا احسن من قعدات الجامعه الملحوظة
وبعد م خدت مريم رأى شلتها وفكروا وفكروا وفكروا ...وافقت !
بس ومعاها البنات
اول م راحت لاقته مستنيها ...سلم عليها وقعدوا ع تربيزة سوا
وقعدوا آسيا ووجدان ولمى فتربيزة وراها ومتابعينها زى م قالت مريم بالفون
من غير م مازن يعرف .
مازن : المكان جميل مش كده
مريم ( مكسوفه) اه
مازن : مكسوفه وباصه فالارض كده ليه ،ماترفعى وشك شوية
من اولها كده
مريم : من اولها ايه ؟
مازن : هتدارى عيونك منى
من ورا سامعينه واول م لمى سمعت كلمته
لمى:هوباااااا يخربيت جمال امك ، انا او مكانها اقوم اخده بالحضن عالكلمتين دول
وجدان : تاخده بالحضن ايه خدك ربنا فجواب مسوجر ،اقسم بالله اكاد اجزم لا طنط
ولاعمو ربوكى ولاشوفتى ريحتها
آسيا: بس بطلوا كلام بتلخبطوها ...تقريبا سمعانا ومش بتتكلم وهو بيسالها مبتردش
عند مريم ومازن
مازن : مريم بسالك وساكته مالك
مريم : مفيش بس متوترة شوية ،انت عارف دى اول مرة اخرج وكده
مازن : ولا يهمك
جه الويتر
مازن : تشربي ايه
عند البنات ورا
وجدان : ادخل عالعشا ع طول انتوا لسه هتشربوا ده غلب ايه ده ياربي
لمى : هو عازم عمته من البلد م تنخرسي بقى خلينا نركز معاهم
مريم طلبت كابتشينو وهو كمان ...كانت ساكته معظم الوقت
واسيا لاحظت
راحت كلمتها
آسيا: روما ...مريم سمعانى
افتحى انتى موضوع قوليله ايشمعنا انا يامازن
لمى : ايه ايشمعنا انا دى ! هو فاستجواب فالنيابه
لا طبعا بلاش غبائكم ده هتضيعوا الواد
آسيا: يا مريم سمعانى
عند مريم
مريم ( بصوت واطى ) اه
اسيا: طب قوليله عايزة اعرف رده
مريم : مازن هوو...هو
عند البنات
وجدان : اهى ع بال م تهوهو وتصوصو يكون الفجر اذن خلصينا ياختى
عند مريم
مازن : ايه ياحبيبتى هو ايه ؟
مريم ( اتلخبطت ) هو ايشمعنا انا يعنى
مازن : ايشمعنا انتى ايه ؟
مريم سكتت هتقول ايه
آسيا ورا : ايشمعنا انا الى اختارتها وحبها وخرجتها معاك
مريم : يعنى انا الى حبتها وخرجتها معاك وكده
مازن : عشان ...فى ساعات حجات مفيهاش ليه ،بيبقى نفسي اشوفك
كتير
بتوحشينى
بفتقدك اوقات كتير
عرفت نفسي انى بحبك
لمى من ورا
لمى : اخراااااابي عليا النعمة الواد ده م يتساب والله بينقط عسل
وجدان : طب اقفلى المنحل بعد اذنك ياريتنا م جبناكى
آسيا مركزة مع مريم
آسيا: قوليله واخرة م بتحبنى ايه ؟
مريم : طب واخره حبك ليا ايه يا مازن
مازن سكت وورفع النضارة ع عينه وشرب شوية مية ورجع اتكلم
مازن : انا عارف ان من حقك تسالى السؤال ده ،وانا مش بلعب بيكى اولا
سمح الله مراهق يامريم عشان اتسلى شوية واسيبك
انا بجد بحبك
وعشان سؤالك ده انا ان شاءالله ناوى ع حجات كتير بس الاول ارسي فموضوع
الماجيستير ده وانتى كمان تكونى خلصتى السنتين الى فاضلين لك
عند البنات
لمى : اظن كلامه ١٠ع ١٠
آسيا: استنى يالمى ...
وجدان : ايه ي اسيا مش متطمناله ؟
آسيا: لا مش فكرة اطمئنان ...هقولكم بعدين بس عشان منلخبطهاش
لمى : مريم قوليله عبلة ...عبلة احنا انكتب علينا حجات كتير اوى
وجدان ( ضربتها فراسها بشنطتها ) اتهدى بقى اتهدى بقى جاتك مصيبه
تشيلك
عند مازن ومريم
مازن : انتى مش متأكده انى بحبك يامريم ولا ايه ،مش متاكده
من مشاعرى ناحيتك
مريم سكتت ضربت لخمه ووجدان لحقتها
وجدان: قوليله لو مش متأكده مكنتش خرجت معاك انهاردة ،انا عمرى م خرجت مع حد
لكن انت انا واثقه فيك
مريم قالت نفس الكلام الى قالته وجدان ، عدى الوقت جميل ولطيف وكل م تعطل
فحاجه يلحقوها
وخلاص قايمين استنوا مريم تخرج معاه الاول وهما وراها ..وفوجئت آسيا ب اياد قدامها
!
آسيا: ايه ده !
إياد : ( عيونه فيها لهفة مش طبيعيه) وحشتينى اوى ..اوى
وانتى مصممة تبعدى وانا عايز تكونى ع راحتك
حرام عليكى ي اسيا ارحمينى
وجدان بصت بخبث ل لمى (: انتى برضو الى بعتيله وقولتيله انها هنا ؟
لمى : اعمل ايه صعب عليا بعتلى ولا عشرين مسج ،قرفونى يا شيخه م تخلصوا بقى
وجدان : همسح بيكى الشارع ياحلوفه
جريت لمى ووراها وجدان وسابو آسيا الى واقفه مصدومه فمجية اياد
اياد : مكتوب انى احبك واتعذب فحبك واحبك انتى بالذات
ومش ندمان ولا زعلان انى حبيتك من غير حساب كده
ارحمينى بسؤال ولو كل يومين
بصباح ولا بمسا
ب اى حاجه ي اسيا
مدمن المخدرات لما بيدخلوه مرحلة التعافى ..بيسحبوا من جسمه المخدر واحدة واحدة
مش مرة واحدة عشان ميموتش
وانتى بتموتينى ومش حاسه انى ادمنتك ...ادمنتك ي اسيا
آسيا: عايز ايه يا اياد دلوقتى ؟
اياد : قوليلى واخرتها ايه
آسيا: انت الى ابتديت ،انهى انت
عن اذنك
سابته ومشيت وهو واقف بيبص لها .
， `·，`·，`·，`·，`·，`·，`·，`·，`·，`·，`·，
جاى فعيونه شرار وداخل زى الطور الى مش شايف حد وبصوت عالى سمعه
كل القاعدين
حبيب: انس!!!!
انس اتخض وقام جرى استخبي فالحمام وقفل الباب
حبيب: بتستخبي! ده انا هنفخك عالحركة دى ،انا تعمل فيا كده انا
ماشى ي انس
انس: انا معملتش فيك حاجه انت الى عملت فيها ابو ضرغام ورايح تحب فيها
وتتقدملها
حبيب: اطلعلى ي انس لو كنت راجل
انس: لا كلمنى من ورا الباب ( بيضحك وبيخبط ع رجله)
حبيب: البت شبه شيكابلا ومش باينه من الارض وسنانها عاملة زى القضبان
وضبها شبرين
انس: اختصر قول شمبانزى واخلص
حبيب: اطلع يا انس انا عندى طاقه نفخ والله لاكسرك
انس: مش طالع
حبيب: انا اتدبست ...يادى النيلة عليا وع نيلة اهلى السودا
دول م صدقوا جيت
الجاتوه يتشال يتحط الكيك
يشيلوا ويحطوا وفالاخر طب نقرا فاتحه
انس( بيضحك ) انت مش بتحبها وبتقولى صوتها صاروخ،خلاص
عيش مع الصوت واركن الضوء شوية هههههههه
حبيب: يابختك الاسود ياحبيب يانهارك المطين ياحبيب
انس: معلش يا حب مش قادر اكتمها ههههه تعيش وتاخد غيرها يا بطل هههههههه
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
وفالبيت كان انس بيحكيلهم الموقف وخلصان ع نفسه من الضحك
خلى خالته ومريم ووجدان يفطسوا من الضحك وياه.
وجدان : انشاء الله قريب هتقع واقعه زى واقعه صاحبك دى
مش بيقولوا مايقع الا الشاطر
انس: يابنتى انا انس اسماعيل ،حاجه كده البنات بتموت فيها ممموت
واقعه ايه الى اقعها
وجدان: عارف نفختك فروحك دى هتنزلك ع جدور رقبتك ،ماهو اصل الحمار المكار
بيقع ف اوحش الحفر
انس: اهى دخلت لنا فجنينة حيوانات وزرايب عالمسا بنى ادمه براس كلب
ماشاء الله
وجدان ( حدفته بمخده ) طب اتنيل واسكت عشان مقعدش اضرب فيك
اخلى وشك شوارع
انس: يا واد ياخطر انت ...سمارى علمتك الاجرام يابت
ولاعم رؤوف ..لا عم روؤف غلبان
وجدان : ملكش دعوة ببابا ده حبيبي ونور عينى بابا
انس: بقولك ايه يابت م تتجوزينى ولمينى شوية مدام شايفه انى اخرتى هقع
خلينى اقع فيكى
وجدان ( اتهزت من كلمته بس كملت بهزار ) وقعت فبلاعة ماطلعوك يابعيد
جابت العصير وغرقته وفضلوا يضحكوا التلاته ،وفالوقت ده جه فون لمريم
دخلت ترد لانه كان ف اوضتها
كان رقم غريب فتحت ...كان سليم
مريم : الو
سليم : مريم ..انا سليم بس وطى صوتك متعرفيش حد انه انا
مريم : ( بفرحه) سليم !! انت وحشتنى وحشتنى اوى والبيت كله هنا زى الزفت من غيرك
جاى امتى
سليم : طمنينى عليكم بس انتوا كويسين
مريم : الحمدلله بخير بس انت خليك بخير عشان خاطرة
سليم : وماما يا مريم ،متخليهاش تقلق عليا خليها تدعيلى كتير فصلاة الفجر
وانتى ادعيلى يامريم
مريم ( عيونها دمعت ) ربنا مايحرم قلبي منك يا سليم ،والله عمرى م نسيتك فدعائى
وخالتو انا بطمنها انك فسفرية قريبن وراجع
سليم : انا هقفل لانى مينفعش اطول اكتر من كده ..خدى بالك من نفسك ومن اكلك
ودوا الكالسيوم وسوء التغذية بتاعك
وماما دوا السكر بتاعها خليها تاخدوا ب انتظام .وسلمى ع انس وقوليله انه وحشنى
.والعسكرى الى شغال معايا هيجيبلكم مرتبي
بكرة ولو عايزين طلبات قولوله
سلام يا كلمش
مريم ( مسحت دموعها ) سلام ياسليم ..( قفلت ) يارب ترجع بالسلامة وم يحرمنا
كلنا منك يارب
， `·，`·，`·，`·，`·，`·，`·，`·，`·，`·，`·，
تبارك بتفتح الباب بالمفتاح وداخله من درس دين ،لاقت مامتها قاعدة مبسوطة وبتضحك
وبابها القعيد عالكرسي مبسوط اوى وبيتكلم فالفون
جريت مامتها عليها
الام : تبارك ! مبروك يا حبيبتى مبروك ياروح ماما
تبارك (مبتسمه) مبروك ع ايه ياماما
الام: اتقرت فاتحتك يا حبيبتى
تبارك ( باستغراب ) اتقرت فاتختى ! لمين ياماما ؟
， `·，`·，`·，`·，`·，`·，`·，`·，`·，`·，`·，
سفيان : لعمرو ابن عمى
صلاح ارتبك واتخض وفضل يمسح ع لحيته ويتنحنح كتير
صلاح: وهى موافقه ؟
سفيان: تقريبا عمرو وتبارك متوافقين من صغرهم سوا وكان فى اعجاب مابينهم
بس كانوا اطفال
هو اتكلم من برة وبابا فرح جدا لانه كان نفسه ده يحصل من زمان
صلاح ( بحزن ) بس انا كنت هاجى تانى ياشيخ سفيان
سفيان: هى رفضتك اربع مرات يا صلاح قبل كده ايه الجديد ! نصيبك مش معاها
ربنا يكرمك ان شاء الله بالاحسن من اختى
صلاح بص بعيد يدارى دمعته ومسحها بطرف صباعه وبص لسفيان تانى وقال ب أسى
صلاح : ربنا يسعدها يارب ..ويتم لها ع خير
， `·，`·，`·，`·，`·，`·，`·，`·，`·，`·，`·，
استنونا بكرة ان شاءالله
#نوتيلا
#نورإسماعيل
نوتيلآ ❥❥
الفصل (9
， `·，`·，`·，`·，`·，`·，`·，`·，`·，`·，`·，
"انتى اكيد اتخبطتى فعقلك ،ازاى حاصل معاكى كل ده ومقولتيش لحد "
يارا: مقدرتش اقول ي لمى خوفت منهم
لمى : ( بعصبيه) خوفتى ايه !!! انتى بتموتى
انا عمرى م سمعت ان حد ينزف من المنطقه دى ،انتى متكلمتيش غير بعد
كلام الواد بتاع البلالين
يعنى لو محصلش الموقف ده كان زمانك بتتصفى وبتموتى
يارا: انا خايفه يالمى ...خايفه ومش عارفه اتصرف
اترمت يارا فحضن لمى بعفوية ،كانت محتاجه لحضن يطمنها جدا بالذات ف الى
هى فيه ده
دموعها غرقت هدوم لمى لدرجة ان لمى عيطت معاها
لمى : اسمعى ..انهاردة انا هعمل سيرش عالنت واشوف احسن حد واحجزلك عنده ولما ييجى معاد كشفك
هاجى معاكى واشوف مين من البنات تيجى معانا
يارا: لا يا لمى لا ،لو عرفوا هيبهدلونى
لمى: ياشيخه منهم لله على الرعب الى عاملينه ليكى ده ، انتى هتكشفى وهنتطمن
عليكى انك كويسة ان شاء الله ولو مامتك ولا باباكى اتكلموا والله لاقول لماما تدخل فيهم
ايه الجبروت ده
يارا: يارب
لمى حضنتها تانى تطمنها
لمى : انتى كويسة متخافيش ..
， `·，`·，`·，`·，`·，`·，`·，`·，`·，`·，`·，
شهر عدى ع وجود ياسر او سليم من ضمن حاشية المجرم حمدى حبش
فالفترة دى اتعرض لكذا حاجه يختبروا ولاءه ليهم
ده غير انهم سألو اذا كان فى حد من رجالة الزيات اسمه ياسر سابهم
وطلع الكلام مظبوط
سليم مسابش اى معلومة غير واشتغل عليها ، مدام هيرمى روحه فالنار لازم يحسب
كل خطوة
ولزيادة الثقه ..
سليم كان عارف ان فى شحنة سلاح جاية للزيات وعارف وقتهاكمان
بترتيب مع الجهة العليا الى بترأسه انهم هيعدوا العملية دى لصالح مهمته كطعم
مؤقت يدوه لحبش ورجالته
وفعلا سيطر حبش عالشحنه وده عشان يكسب سليم ثقته ويعرف انه بجد
معاه مش ضده ويآمنله.
لكن ف وسط المجرمين والاماكن المشبوهه والاسلحه ، كان قلب سليم الانسان
قلقان ع امه اوى لانها ع علم انه فسفر وراجع وهو عارف انه هيطول لكن مقالش ليها
غير كده لخوفه عليها
يدوب لمح ل مريم ببعض حجات عن المهمة وبس .
كان بيفكر فيهم طول الوقت ، ولان مفيش اى وسيلة اتصال بينه وبينهم
كان احتياجه ليهم اكبر .
وفشقة ام سليم ..
كانت بتتفرج مامته عالتليفزيون ع فيلم فى بيتنا رجل ،افتكرت ابنها وعمر الشريف
لابس بدلة الظابط
اتضايقت وبان ع عيونها ،خصوصا ومريم خارجه من المطبخ وجاية عليها شافتها
مريم : ايه ياخالتو مالك
الخالة: سليم وحشنى اوى يا مريم
مريم ( اتنهدت لانه وحشها هى كمان ) ايوة والله وانا كمان ، متضايقيش ياخالتو
ان شاء الله ييجى من سفريته بالسلامه
الخالة : يارب يامريم ..لحسن مش متطمنه خالص
， `·，`·，`·，`·，`·，`·，`·，`·，`·，`·，`·，
عدت فترة ع اسيا من بعد اخر مرة شافت فيها اياد وهى وهو لابيتكلموا
ولا بيتقابلوا
هى متصلتش
وهو زى م قالها مش هيجبرها يدخل حياتها وهى مش راضيه .
لكنها تايهه وع طول سرحانه ،نظرات عيونها بتفتحها ان عندها حنين له
لكن بتكدبه
حتى لمى سألتها نشوى عنه ...كدبت احساسها بيه انه وحشها اوى .
عالسطوح..
نشوى : بس انا حاسه انك بتفكرى فيه
آسيا: وحتى لو يانشوى ! المفروض مفكرش
ده موضوع من الاساس غلط
كله ع بعضه كده غلط
نشوى : غلط انك تحبيه ولا غلط انك ترتبطى بيه ؟
آسيا بصالها وساكته
نشوى : تعرفى ي اسيا ،رغم انى لا بحب حوارات الحب والكلام ده ولا بحب
ادخل نفسي فيها
لكن حكايتك دى شدانى اوى عايزة اعرف ايه اخرها
عجبنى اصراره واقحامه لحياتك لمجرد انك عجباه وحبك من غير م تعرفى
آسيا: وعارفه الغريب فطبعه انه حتى محاولش يغلس ويبعتلى مسج او يتصل بيا
محترم رغبتى مع انى عارفه انه لسه متابعنى ولو عالاقل من بروفايلى
نشوى : انتى اتشديتى له يا آسيا
آسيا: اوى ومعرفش ليه ومش عايزة الاحساس ده يتملكنى،مش عايزة
اتعلق بيه يانشوى
نشوى ضحكت
آسيا : بتضحكى ليه
نشوى : حيرتك وتوهتك دى اكبر دليل انك اتنيلتى وحبتيه كمان مش بس اتعلقتى بيه
آسيا: احبه ! غلطانه يانشوى
مش انا الى احب واحد دخل حياتى بالطريقه دى
سابتها وقامت نازله ،نشوى كانت بتضحك بصوت عالى وقالت
نشوى : هنشووووف ههههه
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
اما عن القصة الى لزق فيها انس صاحبه .
فهى مازالت مستمرة ،ومازالت شيماء تختبئ وراء الستار وحبيب مشفهاش
سمع صوتها بس!
وبسبب طمع حبيب فشيماء بعد م انس قال انها نايمة ع املاك واللذى منه
اتوغل اكتر فالعلاقه ،ووهم نفسه انه بيحبها
وكمان قرر يخطبها !
حبيب: يعنى ايه مش هتيجى معايا وانا بتقدملها ،هى مش قريبتك برضو
انس: لا معلش اصل اليوم الى انت رايح فيه ده ،عندى مشوار مهم للسجل التجارى
حبيب: مشوار السجل التجارى يابنى الصبح ، المشوار بليل ي انس متحورش
انس: لا م بليل عندى ....اه افتكرت خالتى هتولد
حبيب( عوج بوقه) خالتك بتولد منين فالخطيئة !
اذا كان عزا جوز خالتك معداش عليه ٥سنين وانا حضرت معاك فيه
يبقى حامل منين
انس: ياعم مش خالتى حرم العقيد محمود وجيه الله يرحمه ،عندى خالة تانيه
متعرفهاش
حبيب : ماشى ي انس اتلكك ..عالعموم وقت الفرح مش هسيبك
انس ( كاتم الضحكه ) مش لما يبقى فيه فرح !
حبيب: نعم ياخويا
انس: لا ياحب مفيش ع خيرة الله
انس حضن حبيب وفصلان ضحك من وراه لدرجة انه مش ماسك نفسه .
ونسيب انس الى بيوفق راسين فالحلال هنا ،وبعدها بكام يوم
نروح مع لمى وآسيا ووجدان
الى بيحاولوا يوفقوا مريم ومازن ف اول خروجه مع بعض !!
مريم : مش عارفه هقول ايه ولا هعمل ايه جسمى كله بيترعش
آسيا: متخافيش مش هيحصل حاجه ،اقعدى معاه كده وخليكى واثقه من نفسك
وجدان : وبعدين مالك عاملالنا فيها هربانه من مسلسل الحائرة كدهون ! مبقالكم شهر
قايلين لبعض انكم بتحبوا بعض
والفونات كترت والنوم طار
ومقابلات فمكتبه
جت عالخروجه دى
مريم : الحمدلله الاكل والنوم أثروا على مخك وخلوه تخين ،يا حمارة اول مرة اخرج
فمكان عام مع شاب بحبه لوحدى
فاهمة ولا تقيله ع فهمك يستوعبها
وجدان : فهمنا ياست الحلوفه ،اخلصى والبسي عشان ننزل
مريم : المهم انتوا متسيبونيش ،بصوا نكلم بعض عن طريق السماعه
انا هتصل ب اسيا وسيبوا الفون مفتوح لما تلاقونى عطلت قولولى
وجدان : ده كده احنا بنغش بسماعة بلوتوث فلجنة كيمياء مش رايحه راندڤو
آسيا: عايزة يعنى نعملك زى موقف هنيدى فالجامعه الامريكيه !
مريم : بالظبط ..اشطا ياسووس
جت لمى
لمى : متقلقيش انا معاكى يابت يا مريم ومش هتعصلجى ان شاء الله
وجدان : انت جيت يا جزمة !!
لمى : جزمة فعينك ،اصلا الخروجه مش هتنفع من غيرى لان كلكم لخمه
وانا الوحيدة الى بفهم فحوارات الحب والدلع ده
وجدان : ياجماعه بلاش لمى دى هتقلبها من اول خروجه مهذبه شريفه لخروجه
فالمقطم !
آسيا: يلا بس عشان مريم اتأخرت ونبقى نشوف ده بعدين
مريم: انا حلوة يابنات ؟ الطرحه مظبوطه ؟
آسيا( باستها فخدها ) قمر
لمى : استنى انا لسه جايبه روچ سايل جديد والله م يغلى عليكى ..معقوله اول خروجه
مع الموز هتنزلى اورديحى كده
وجدان : يااااادى الفساد يابت سيبيها ع طبيعتها
لمى : اخرسى انتى ايش فهمك ، بصى بقت قمر ووشها نور
وفالمكان الى اتفقوا مريم ومازن يخرجوا فيه ، بعد الحاح من مازن
انه يشوفها ويقعدوا سوا احسن من قعدات الجامعه الملحوظة
وبعد م خدت مريم رأى شلتها وفكروا وفكروا وفكروا ...وافقت !
بس ومعاها البنات
اول م راحت لاقته مستنيها ...سلم عليها وقعدوا ع تربيزة سوا
وقعدوا آسيا ووجدان ولمى فتربيزة وراها ومتابعينها زى م قالت مريم بالفون
من غير م مازن يعرف .
مازن : المكان جميل مش كده
مريم ( مكسوفه) اه
مازن : مكسوفه وباصه فالارض كده ليه ،ماترفعى وشك شوية
من اولها كده
مريم : من اولها ايه ؟
مازن : هتدارى عيونك منى
من ورا سامعينه واول م لمى سمعت كلمته
لمى:هوباااااا يخربيت جمال امك ، انا او مكانها اقوم اخده بالحضن عالكلمتين دول
وجدان : تاخده بالحضن ايه خدك ربنا فجواب مسوجر ،اقسم بالله اكاد اجزم لا طنط
ولاعمو ربوكى ولاشوفتى ريحتها
آسيا: بس بطلوا كلام بتلخبطوها ...تقريبا سمعانا ومش بتتكلم وهو بيسالها مبتردش
عند مريم ومازن
مازن : مريم بسالك وساكته مالك
مريم : مفيش بس متوترة شوية ،انت عارف دى اول مرة اخرج وكده
مازن : ولا يهمك
جه الويتر
مازن : تشربي ايه
عند البنات ورا
وجدان : ادخل عالعشا ع طول انتوا لسه هتشربوا ده غلب ايه ده ياربي
لمى : هو عازم عمته من البلد م تنخرسي بقى خلينا نركز معاهم
مريم طلبت كابتشينو وهو كمان ...كانت ساكته معظم الوقت
واسيا لاحظت
راحت كلمتها
آسيا: روما ...مريم سمعانى
افتحى انتى موضوع قوليله ايشمعنا انا يامازن
لمى : ايه ايشمعنا انا دى ! هو فاستجواب فالنيابه
لا طبعا بلاش غبائكم ده هتضيعوا الواد
آسيا: يا مريم سمعانى
عند مريم
مريم ( بصوت واطى ) اه
اسيا: طب قوليله عايزة اعرف رده
مريم : مازن هوو...هو
عند البنات
وجدان : اهى ع بال م تهوهو وتصوصو يكون الفجر اذن خلصينا ياختى
عند مريم
مازن : ايه ياحبيبتى هو ايه ؟
مريم ( اتلخبطت ) هو ايشمعنا انا يعنى
مازن : ايشمعنا انتى ايه ؟
مريم سكتت هتقول ايه
آسيا ورا : ايشمعنا انا الى اختارتها وحبها وخرجتها معاك
مريم : يعنى انا الى حبتها وخرجتها معاك وكده
مازن : عشان ...فى ساعات حجات مفيهاش ليه ،بيبقى نفسي اشوفك
كتير
بتوحشينى
بفتقدك اوقات كتير
عرفت نفسي انى بحبك
لمى من ورا
لمى : اخراااااابي عليا النعمة الواد ده م يتساب والله بينقط عسل
وجدان : طب اقفلى المنحل بعد اذنك ياريتنا م جبناكى
آسيا مركزة مع مريم
آسيا: قوليله واخرة م بتحبنى ايه ؟
مريم : طب واخره حبك ليا ايه يا مازن
مازن سكت وورفع النضارة ع عينه وشرب شوية مية ورجع اتكلم
مازن : انا عارف ان من حقك تسالى السؤال ده ،وانا مش بلعب بيكى اولا
سمح الله مراهق يامريم عشان اتسلى شوية واسيبك
انا بجد بحبك
وعشان سؤالك ده انا ان شاءالله ناوى ع حجات كتير بس الاول ارسي فموضوع
الماجيستير ده وانتى كمان تكونى خلصتى السنتين الى فاضلين لك
عند البنات
لمى : اظن كلامه ١٠ع ١٠
آسيا: استنى يالمى ...
وجدان : ايه ي اسيا مش متطمناله ؟
آسيا: لا مش فكرة اطمئنان ...هقولكم بعدين بس عشان منلخبطهاش
لمى : مريم قوليله عبلة ...عبلة احنا انكتب علينا حجات كتير اوى
وجدان ( ضربتها فراسها بشنطتها ) اتهدى بقى اتهدى بقى جاتك مصيبه
تشيلك
عند مازن ومريم
مازن : انتى مش متأكده انى بحبك يامريم ولا ايه ،مش متاكده
من مشاعرى ناحيتك
مريم سكتت ضربت لخمه ووجدان لحقتها
وجدان: قوليله لو مش متأكده مكنتش خرجت معاك انهاردة ،انا عمرى م خرجت مع حد
لكن انت انا واثقه فيك
مريم قالت نفس الكلام الى قالته وجدان ، عدى الوقت جميل ولطيف وكل م تعطل
فحاجه يلحقوها
وخلاص قايمين استنوا مريم تخرج معاه الاول وهما وراها ..وفوجئت آسيا ب اياد قدامها
!
آسيا: ايه ده !
إياد : ( عيونه فيها لهفة مش طبيعيه) وحشتينى اوى ..اوى
وانتى مصممة تبعدى وانا عايز تكونى ع راحتك
حرام عليكى ي اسيا ارحمينى
وجدان بصت بخبث ل لمى (: انتى برضو الى بعتيله وقولتيله انها هنا ؟
لمى : اعمل ايه صعب عليا بعتلى ولا عشرين مسج ،قرفونى يا شيخه م تخلصوا بقى
وجدان : همسح بيكى الشارع ياحلوفه
جريت لمى ووراها وجدان وسابو آسيا الى واقفه مصدومه فمجية اياد
اياد : مكتوب انى احبك واتعذب فحبك واحبك انتى بالذات
ومش ندمان ولا زعلان انى حبيتك من غير حساب كده
ارحمينى بسؤال ولو كل يومين
بصباح ولا بمسا
ب اى حاجه ي اسيا
مدمن المخدرات لما بيدخلوه مرحلة التعافى ..بيسحبوا من جسمه المخدر واحدة واحدة
مش مرة واحدة عشان ميموتش
وانتى بتموتينى ومش حاسه انى ادمنتك ...ادمنتك ي اسيا
آسيا: عايز ايه يا اياد دلوقتى ؟
اياد : قوليلى واخرتها ايه
آسيا: انت الى ابتديت ،انهى انت
عن اذنك
سابته ومشيت وهو واقف بيبص لها .
， `·，`·，`·，`·，`·，`·，`·，`·，`·，`·，`·，
جاى فعيونه شرار وداخل زى الطور الى مش شايف حد وبصوت عالى سمعه
كل القاعدين
حبيب: انس!!!!
انس اتخض وقام جرى استخبي فالحمام وقفل الباب
حبيب: بتستخبي! ده انا هنفخك عالحركة دى ،انا تعمل فيا كده انا
ماشى ي انس
انس: انا معملتش فيك حاجه انت الى عملت فيها ابو ضرغام ورايح تحب فيها
وتتقدملها
حبيب: اطلعلى ي انس لو كنت راجل
انس: لا كلمنى من ورا الباب ( بيضحك وبيخبط ع رجله)
حبيب: البت شبه شيكابلا ومش باينه من الارض وسنانها عاملة زى القضبان
وضبها شبرين
انس: اختصر قول شمبانزى واخلص
حبيب: اطلع يا انس انا عندى طاقه نفخ والله لاكسرك
انس: مش طالع
حبيب: انا اتدبست ...يادى النيلة عليا وع نيلة اهلى السودا
دول م صدقوا جيت
الجاتوه يتشال يتحط الكيك
يشيلوا ويحطوا وفالاخر طب نقرا فاتحه
انس( بيضحك ) انت مش بتحبها وبتقولى صوتها صاروخ،خلاص
عيش مع الصوت واركن الضوء شوية هههههههه
حبيب: يابختك الاسود ياحبيب يانهارك المطين ياحبيب
انس: معلش يا حب مش قادر اكتمها ههههه تعيش وتاخد غيرها يا بطل هههههههه
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·，
وفالبيت كان انس بيحكيلهم الموقف وخلصان ع نفسه من الضحك
خلى خالته ومريم ووجدان يفطسوا من الضحك وياه.
وجدان : انشاء الله قريب هتقع واقعه زى واقعه صاحبك دى
مش بيقولوا مايقع الا الشاطر
انس: يابنتى انا انس اسماعيل ،حاجه كده البنات بتموت فيها ممموت
واقعه ايه الى اقعها
وجدان: عارف نفختك فروحك دى هتنزلك ع جدور رقبتك ،ماهو اصل الحمار المكار
بيقع ف اوحش الحفر
انس: اهى دخلت لنا فجنينة حيوانات وزرايب عالمسا بنى ادمه براس كلب
ماشاء الله
وجدان ( حدفته بمخده ) طب اتنيل واسكت عشان مقعدش اضرب فيك
اخلى وشك شوارع
انس: يا واد ياخطر انت ...سمارى علمتك الاجرام يابت
ولاعم رؤوف ..لا عم روؤف غلبان
وجدان : ملكش دعوة ببابا ده حبيبي ونور عينى بابا
انس: بقولك ايه يابت م تتجوزينى ولمينى شوية مدام شايفه انى اخرتى هقع
خلينى اقع فيكى
وجدان ( اتهزت من كلمته بس كملت بهزار ) وقعت فبلاعة ماطلعوك يابعيد
جابت العصير وغرقته وفضلوا يضحكوا التلاته ،وفالوقت ده جه فون لمريم
دخلت ترد لانه كان ف اوضتها
كان رقم غريب فتحت ...كان سليم
مريم : الو
سليم : مريم ..انا سليم بس وطى صوتك متعرفيش حد انه انا
مريم : ( بفرحه) سليم !! انت وحشتنى وحشتنى اوى والبيت كله هنا زى الزفت من غيرك
جاى امتى
سليم : طمنينى عليكم بس انتوا كويسين
مريم : الحمدلله بخير بس انت خليك بخير عشان خاطرة
سليم : وماما يا مريم ،متخليهاش تقلق عليا خليها تدعيلى كتير فصلاة الفجر
وانتى ادعيلى يامريم
مريم ( عيونها دمعت ) ربنا مايحرم قلبي منك يا سليم ،والله عمرى م نسيتك فدعائى
وخالتو انا بطمنها انك فسفرية قريبن وراجع
سليم : انا هقفل لانى مينفعش اطول اكتر من كده ..خدى بالك من نفسك ومن اكلك
ودوا الكالسيوم وسوء التغذية بتاعك
وماما دوا السكر بتاعها خليها تاخدوا ب انتظام .وسلمى ع انس وقوليله انه وحشنى
.والعسكرى الى شغال معايا هيجيبلكم مرتبي
بكرة ولو عايزين طلبات قولوله
سلام يا كلمش
مريم ( مسحت دموعها ) سلام ياسليم ..( قفلت ) يارب ترجع بالسلامة وم يحرمنا
كلنا منك يارب
， `·，`·，`·，`·，`·，`·，`·，`·，`·，`·，`·，
تبارك بتفتح الباب بالمفتاح وداخله من درس دين ،لاقت مامتها قاعدة مبسوطة وبتضحك
وبابها القعيد عالكرسي مبسوط اوى وبيتكلم فالفون
جريت مامتها عليها
الام : تبارك ! مبروك يا حبيبتى مبروك ياروح ماما
تبارك (مبتسمه) مبروك ع ايه ياماما
الام: اتقرت فاتحتك يا حبيبتى
تبارك ( باستغراب ) اتقرت فاتختى ! لمين ياماما ؟
， `·，`·，`·，`·，`·，`·，`·，`·，`·，`·，`·，
سفيان : لعمرو ابن عمى
صلاح ارتبك واتخض وفضل يمسح ع لحيته ويتنحنح كتير
صلاح: وهى موافقه ؟
سفيان: تقريبا عمرو وتبارك متوافقين من صغرهم سوا وكان فى اعجاب مابينهم
بس كانوا اطفال
هو اتكلم من برة وبابا فرح جدا لانه كان نفسه ده يحصل من زمان
صلاح ( بحزن ) بس انا كنت هاجى تانى ياشيخ سفيان
سفيان: هى رفضتك اربع مرات يا صلاح قبل كده ايه الجديد ! نصيبك مش معاها
ربنا يكرمك ان شاء الله بالاحسن من اختى
صلاح بص بعيد يدارى دمعته ومسحها بطرف صباعه وبص لسفيان تانى وقال ب أسى
صلاح : ربنا يسعدها يارب ..ويتم لها ع خير
， `·，`·，`·，`·，`·，`·，`·，`·，`·，`·，`·，
استنونا بكرة ان شاءالله
#نوتيلا
#نورإسماعيل
ليست هناك تعليقات:
إرسال تعليق