♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام: مى...انا خونتك!
خونت حبك
وخنت عهدنا سوا
انا مستاهلش كلمة حبيبى
منك..
متتقالش غير كده
انا
خونتك
مى سكتت ودماغها لفت
وضحكت وكشرت فنفس الوقت
مى: قول انك بتهزر... هى
دى بقى الهدية المتأخرة
خيانتك!!
وسام: (بيمسك ايدها ) انا
هقولك كل حاجة
مى: (شدت ايدها من ايده
بعنف) متلمسنيش!! امتى حصل ده
ومع مين
وخيانة من انهى نوع
خرجتو سوا
حبيتها
عملت ايه
وسام: مى ارجوكى اهدى ،
انا قررت انى اقولك لان عذاب ضميرى انى افضل بخدعك تاعبنى
فنفس الوقت كان غصب عنى
والله
انا كنت مغيب
مى: يعنى ايه كنت مغيب،
فهمنى دى
ايه شارب حاجة اصفرة يا
وسام!
وسام: انتى بتتريقى
..فاكرة يوم لما صالحتك وقولتلك انى خارج مع اصحابى وعازمهم
اليوم ده
مى: ودى واحدة خليجيه ولا
مين .. انطق
وسام: مى..انا اخدت
برشامة غلط من جمال الزفت
ومكنتش اعرف والله
وبعدين محستش باى
حاجة..غير انى فأوضتها!
مى: اوضتها! (سرحت
ودموعها نزلت كتير وقامت ولفت فالاوضة زى التايهه)
كاميليا!!
خونتنى مع كاميليا!
(صوتها على وقام يهديها
بدأت تضربة بلا وعى فكتفه )
كااااااااميلياااااااااااااا
وسام:انا معرفش ازاى حصل
ده ..والله والله م اعرف
مى ارجوكى اهدى
مى: اهدا! اهدا ازاى
جوزى بيقولى بات فأوضة مع
واحدة
فليلة من الليالى كان
فيها مع واحدة تانى بدل م يبقى فحضنى
والواحدة دى مش اى واحدة!
دى حبيبتة القديمة
طبعآ مش هى الى سفرتك
وعرفتك الدنيا وخلتك تشوف الى عمرك ما شوفته
لازم ترجع الحنين
والحيوانة الى فمصر تتفلق
خليها فتربية البنت
هو ده جزائى يا وسام بعد
كل الى بينا ده كله
تخونى انااااااااااا!!!!
وسام: مى انا كان ممكن
اعمل زى اى حد واخبى عليكى ، ومكنتيش هتعرفى
بس خوفى من ربنا كان اكبر
وقولت اكيد هتسامحى وو
مى: (بتتكلم بسخرية)
ياااااااااه يا اخى الرجالة دول حاجة غريبة فعلا
مطلوب منى
اسامح...واعديها
عشان حضرتك تفضلت وقولتلى
وكان ممكن اكون زى الاطرش فالزفة ومش عارفة حاجة
يا سلااااام يا كرم
اخلاقك يااخى
(مسكت حاجة من الديكور
وكسرتها عالارض وهى بتتكلم)
انت تخون وتعمل علاقة مع
واحدة غير مراتك
وانا اسامح
لكن لو حد بصلى ولا قال
اى كلمة
لالالالالالا
الدنيا تتهد فوق دماغى
وابقى ست موش تمام
مش كده
وسام: (بيحاول يهديها) مى
والله العصبية مش هتحل حاجة
انا من اليوم ده وانا
بلعن نفسى كل ساعة
ازاى اعمل كده واغلط فحق
ربنا ثم حقك
وحق بنتى
مى: وسام انت مغلطتش
انت اصلا كده ، كنت معاك
ومكتوب كتابنا وروحت تقعد مع دنيا وتحب وترجع الماضى
ومتجوزين وكنت بتقابل
الحيوانة كاميليا
انت اصلا زى صاحبك ..مش
المرء ع دين خليله!
مش رسولنا الكريم الى قال
كده
انت خاين بطبعك
ومينفعش معاك حاجة كويسة
ابدآ
اول م ربنا يكرمك بحاجة
كويسة..تجرى تدور فالزبالة زى شريف
وسام: انا هستحمل كل الى
هتقوليه عشان ده حقك وعارف انك مثارة دلوقتى وو
مى: دلوقتى وبعدين وفكل
وقت ...شكلك مش طايقاه يااخى
انا بكرهك
بكرهك
كلكم كده ..كل الرجالة
كده
سافرت مكملتش سنة وخونتنى
اومال لو طولت كنت هترجع
ب3 ستات ع ذمتك!
للدرجة دى انا مش مالية
عينك
وسام: بقولك والله م كنت
فوعيي م تفهمى بقى
انا سبت الشغل وسبت كل
حاجة هناك
عشان ارجعلك عشان موجعكيش
اكتر من كده
مى انا بحبك
اقسم بالله بحبك
بحب الهوا الى بتتنفسيه
..انتى روحى الى جوه دى
عمرى م حبيت حد قدك ولا
زيك
ولا هحب
مى متصدقيش انى خونتك
عشان عايز اخونك
كان غصب عنى وحياة
بتول..وحياة بتول (بتوسل)
مى: (هديت وقعدت عالارض
وهى بتعيط لما من غير م تقصد كسرت برواز فيه صورتهم سوا فمصيف من المصايف)
ليه يا وسام.، فين الى
اتفقنا عليه
انا وانت مافيش حد زيينا
ده انت كل حاجة حلوة
فحياتى
كل حاجة
من غيرك اموت
ليه فيوم تكون السبب
فوجعى
ليه فيوم تحسنى انى مش
فقلبك
ولا فبالك
ازاى تحلالك حاجة مع حد
معملتهاش غير معايا
ازاى تبقى فحضن واحدة
غيرى فيوم من الايام
ده اصحابى كل واحدة لما
بتشتكى من جوزها
بقول الا وسام..وسام ده
حبيبى وقلبى ونورعيونى
ليه ؟؟!
(عيطت جامد ومخبية وشها)
وسام: (حضنها وبعدت عن
حضنه ) انا اسف انا غلطان ومن حقك اى حاجة فالدنيا
انا نفسى اكفر ذنبى
عايز ارجع وسام النضيف
الى ربنا بيحبه..عشان رزقه واحدة زيك
وبنت زى بتول
عايز ارجع لحياتنا سوا
انا مش عارف اعيش
انا لو كنت مبسوط باللى
عملته زى م بتقولى
مكنتش دلوقتى كده وده
حالى
مى انا بتعذب وبتقطع
والله
مش عايزك تعيطى دموعك
بتحرق فيا
انا السبب فيها
مى: ونت الى وعدتنى عمرى
م هبكى معاك غير من الفرحة
وسام: وكنت اد وعدى يا مى
، ارجوكى تسامحى (مسك ايدها وباسهم)
مى: ودلوقتى بكتنى من
الجرح الى عمره م هيتداوى
(مسحت عيونها وفوقت وسكتت
دقيقة)
هنعمل ايه دلوقتى
وسام: انا تحت امرك..فأى
حاجة تحكمى بيها ترجعلك كرامتك
بس اوعى تقولى نبعد
وحياة بتول
مى: (بصتله جامد وعيونها
كلها دموع وهزت راسها بالنفى )
بتول عندها مسابقة وخلاص
قربت
وامتحانات ميد تيرم وبنتك
متفوقة
مش عايزة اى حاجة تأثر
عليها
احنا قدامها
مش هنبين اى حاجة
لحد الفترة دى م تعدى
وتعدى مسابقتها
وسام: وبعدين؟؟
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"يووه!! واد يا
شريف انت مش نايم من بليل؟"
شريف: ايوة ياامى متنيل
صاحى ..
الام: طب ليه
شريف:طب ليه ايه بس وهباب
ايه ؟ الى عايزة نفقة ومؤخر دى مبلغ وقدره كتبهم خالها الله يقطع شكله
هجيب منين
انا كده هتسجن
الام: يابنى من الاول
قولتلك بلاش..والله بعد امنية م كان ليك خطوبات ولا جواز
اذا كانت نهال دى ولا بشرى
شريف: الله يحرق الاتنين
الام: سيبها عالله وهو
يدبرها ..انا هشوفلك حل
شريف: ايه ان شاء الله
الحل، هتبيعى العزبة الى حيلتنا
ولا الارض بتاعت
المريوطية
ولا فيلا المعادى
الام: اسكت يا واد وبطل
تريقة ..انا هتصرفلك
اومال اشوف الدنيا بتضيق
عليك واسكت
شريف: هتعملى ايه ياامى
هتبيعى مخدرات!
الام: انا هبيع فعلا..انا
معايا شوية دهب ورثاهم من جدتك ع دهبى
اهم يكفو
(طبطبت عليه) متشلش هم
شريف: لا ياامى مستحيل
اخد الدهب بتاعك
انا هروح اشوفلى اى حد
يسلفنى ولا قرض ولا اى بلوة زرقة
الام: اسكت بس واسمع
الكلام ، يعنى انا هعمل بيهم ايه
مسيرهم ليك ولاخواتك
هو انا هعيش العمر كله
شريف: ربنا يخليكى
متقوليش كده (حضنها) امى انا مش هنسالك
موقف زى ده
وان شاء الله لو ربنا
اراد ليا بشغل قبل م اموت يعنى
ده لو اشتغلت
هردهملك
الام: انا مش عايزاك
تردهم ..انا عايزاك تقعد مع نفسك وتشوف اخرة الى انت فيه ده
ايه
وافعالك وسوء تصرفاتك
وصلتك لايه
وكفاية بقى مرمطة لبنات
الناس معاك يابنى ..حط عقلك فراسك تعرف خلاصك
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام: لا ..لا يا مى
متبقيش قاسية فحكمك
انا ممكن اسافر
ابعد من وشك لحد م تهدى
اوافقك ع اى حاجة
مى: مافيش غير كده يا
وسام وارجوك متتعبنيش اكتر من كده انا مش مستحملة
وسام: مى راجعى
نفسك..انتى فوقت عصبية
انا وسام حبيبك
بابا بتول
الى عرفتى معنى الحب معاه
زى م بتقولى
هتقدرى ع القرار ده
مى: عارف يا وسام..سعات
الدنيا بتستكتر عليك حتى الحلم
وانا كان كل حلمى
نعيش طول الحياة مع بعض
بس واضح ان خلاص كده ، هو
ده الاخر
وسام: عايزانا نسيب بعض!!
مى: ومش فيها رجعة وارجوك
وافق ع طلبى لانى مش هلجأ لمحكمة وجلسات
عشان البنت
وسام: كمان محكمة يامى !!
انا قولت ممكن تقولى اى حاجة غير الطلاق
مى: لما تحس انك ملكش
قيمة ولا تقدير عند الى بتحبه
يبقى تطلع من حياتة
بصورتك القديمة قبل م تتخدش كتير لحد م تروح
وسام: اوعدك الف وعد انى
مش هعمل اى حاجة تدايقك تانى ..بس بلاش الحكم ده
مى: خلاص يا وسام خلصت
انا مبقتش احبك بعد م
عرفت انك خونتنى
احنا هنفضل هنا سوا لحد م
تعدى فترة بتول دى
وبعدها
نتطلق بهدوووووء..ولو
سمحت
عشان بردو نفسية البنت
هنفضل فالاوضة دى سوا
بس انا هنام عالفوتية
وانت عالسرير
لانى من اللحظة دى
!!.........محرمة نفسى عليك
سابته وخرجت برة قعدت ع
كرسى سفرة تبكى بحرقة..اما هو فكان محلك سر عالارض
وشبه مش موجود فالدنيا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عدت الايام ..
ووسام كأنة ضيف فالبيت
..، بيدخل ويطلع من غير ابتسامته
من غير هزاره
بيحاول يمثل عشان بتول
لكن كل حد فيهم جواه شئ
مكسور
اما شريف
فهو فعلا باع الدهب بتاع
مامته
وراح لبشرى لغاية عندها
فالمكان الى حددته ..عشان يديها حقها
شريف: وانتى بقى عرفتى
المكان الشيك ده منين ، ده انت اخرك مطعم زغلول بتاع الفول والطعمية
بشرى: مافيش بيفضل ع حالة
يا شريف ، وبشرى دلوقتى غير زمان
شريف: هى من ناحية زمان
فهى غير فعلا
كنتى مخبية الحلاوة دى
فين
الله يرحم الالوان
والجناين الى كنتى بتلبسيها
بشرى: لو سمحت يا شريف
بلاش تريقه
كلنا ولاد 9 يعنى
مش كل م تشوفنى تقعد تسم
بدنى بكلامك دهون
شريف: دهون هههه ايوة مش
لازم تغير للاخر ،الطبع يغلب التطبع
بشرى: طاب عن اذنك (قايمة
وماشية)
شريف: اقعدى بس..خلاص
ياستى مش هغلس عليكى تانى
فلوسك اهييه وعديها تانى،
ونفقتك كل اول شهر هيوصلك ع عنوانك
اما بالنسبة لقضية خالك
بتاعت الكمبيلا دى الى انا مش عارف هدفعها منين
ف انا محبوس محبوس
بشرى: (بصتله وسكتت) خلاص
يا شريف مافيش قضسة
خالى راح واتنازل
لما انا طلبت منه ده
كل واحد بيعمل بأصله بردك
شريف: (ابتسم) ايه ده
يعنى ايه ؟؟ يعنى مافيش قضية ولامحاكم ولا حبس ولاكلابوش
بشرى: ايوة مافيش..انا
لاقيتك استجدعت معايا وكلمتنى وقولتلى انا جبتلك حقك
قولت يابت يابشرى خلاص
الجدع عر غلطته
وربنا بيسامح بردك
وكله عنده..والى عنده مش
بيروح
وهو ان كان ظلمك
فربنا يجازيه بقى
شريف: ع فكرة يابشرى انتى
بتصرفك ده بتعرفنى فعلا انى حتة كلب اعرج بديل
بشرى: ههههههههههههههههه
شريف: اه والله ..فعلا
طلعتى احسن منى
واحسن مما كنت فاكر
وكنت غلطان فحقك بس كان
غصب عنى والله
بشرى: سيبك من ده كله
وعايزة اقولك ع حاجة مهمة(مميلة ناحيتة ووطت صوتها)
شريف: ايه يا حجة نسناس
بشرى: يوووووه تانى بردك!
اللسان الطويل
شريف: ههههههه طب خلاص
خلاص متزعليش..ايه
عايزة تقولى ايه
بشرى: البت امنية بت حلال
وبتحبك اوى ، صحيح يعنى انا صعب عليا اقولك كده
اكمن كنت بحبك يعنى
وكدهون
بس دلوقتى خلاص
لكن هى بقى اعترفتلى
فقاعدة صفا..بس قلبها شايل منك اوى
شريف: عارف ، وانا كمان
بحبها والله
مخبيش عليكى يا مدام جميز
ولو ان غريبة احكى معاكى انتى الكلام ده
انا نفسى ارجع لامنية
بس هى راسها ناشفه
بشرى: انت بطل بصبصة وعين
فارغة وهى تلاقيها تحت رجليك
حاكم احنا ياستات منخافش
اد من الراجل ابو عين زايغه
شريف: احنا ياستات!!
وانتى بتحسبى نفسك من الستات!
ده انتى رجل كنبه حتى بعد
التغيير
يلا يابت مش خدتى فلوسك
يلا قومى جتك عقربة تلوشك
بشرى: طب استنى اشرب شوية
اللمون دول
شريف: ياساتر يارب..بت
يابشرى
متزعليش منى
وانا من هنا ورايح هعتبرك
اختى وهنبقى اصحاب لان بصراحة بعد كل الى حصل
عرفت ان مافيش اصفى من
قلبك الابيض
ربنا يكرمك ع اد طيبة
قلبك دى
بشرى: (ضحكت وبانت سنانها
كلها بضحكة بلهاء) هيهيهيهيهيهي
شريف: بس بس اقفلى الدبان
اتلم ..جاتك نيلة فمنظرك
قدامى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" مامى ..هو بابى مث
بقى يضحك معانا ولا يقعد ليه هو سحلان !)
مى: لا مش زعلان ..واعدلى
راسك عشان اعرف الم شعرك
بتول: بث هو لما رجع من
دبدوبة وهو مكسر وبيتى سحلانة بقى
مى: بوقلك ايه يابيتى
..انتى دلوقتى تركزى فالمسابقة بتاعت بكرة دى، وبابى كويس متخافيش
عايزين تطلعى الاولى زى
امتحانات الميد تيرم بتاعتك
عشان بابى يرجع يضحك تانى
اوك
متفقون
بتول: متفكون مامى
مى: يلا انا خلصت يلا
اطلعى ع سريرك تصبحى ع خير
بتول: وانتى من اهله
عيون بتول غمضت..عشان
طفلة ومافيش فبالها حاجة تشغلها
لكن عيون وسام بقى هى الى
مغمتضش!
اصل بعد المسابقه اليوم
الموعود
الى كان وسام نفسه عالاقل
ميجيش..او تغير مى قراراها
لكن الى حصل ان مى فضلت
مصممة وملتزمة بكل الى قالته مع وسام
رغم ان كل يوم قلبها
بيتعصر مع قرب الوقت ده ...
وجه يوم المسابقه ،شريف
وامنية ومدثر ابنها
ووسام ومى
كانو موجودين
كان ف 100 سؤال من شريف
لوسام ايه ال رجعه ؟ وفنش نفسه ليه
وكان الرد
مرتحتش!
المسابقه بدأت ... الاطفال نزلو فالبيسين
مى ووسام بيشجعو بتول
مى بتشجع جامد وبتسقفلها
وماشية قدامها..وهى بتشجع وسام مسك ايدها من غير قصد من الحماس
بس هى سابت ايده من غير م
حد ما ياخد باله
خلاص الاطفال بتسابق
وبتول بتقرب وهى اسرعهم
وفعلا وصلت للاخر ...عليت
الهيصة والهتاف
وكانو 3 فالاطفال هما
الاسرع
منهم بتول
ححدوا بينهم الجولة
التانية
وكانت المفجأة فوز بتول!!
اول م طلعت من المية
شالوها مى ووسام وهما فرحانين وبيهيصوا بيها جامد
حاولو يقضو اليوم ع اكمل
وجه عشان يفرحو بتول..وهما بيمثلو طبعآ
واليوم خلص
وجه اليوم الموعود
" راجعو نفسكم ...ان
ابغض الحلال عند الله الطلاق"
مى: خلاص ياسيدنا الشيخ
احنا متفقين
المأذون: طيب يابنى حاول
تانى معاها
وسام: هى خدت قرارها ومش
عايزة ترجع عنه ..وانا تحت امرها لانى وعدتها هعمل الى هى عايزاه
المأذون: مممم لا حول ولا
قوة الا بالله
(فتح الدفتر)
اعوذ بالله من الشيطان
الرجيم بسم الله الرحمن الرحيم
بطاقتك ياسيدى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"طب
والله كنت حاسس ان الموضوع ليه علاقة بيكى "
كاميليا: يا سلام ليه
يعنى يااستاذ فادى
فادى: عشان وسام مكانش
بيطيق يسمع سيرتك قبل ما يمشى ولا سلم عليكى زيينا، حسيت والمسيح الحى ان ليكى طرف
اصل حكاية انه فنش ومشى
مرة واحدة دى غريبة
كاميليا: انا مش طايقة
نفسى يافادى بتصل بيه مش طاايق كلمة منى
مش طايق رنتى اساسآ
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
المأذون: بطاقتك يا مدام
مى بتطلع البطاقة وبتبص ع
وسام وافتكرت
فلااااااش باااااك
"يلا يلا يا ويسو
...
وسام: ياجماعة لو حد
عازنى انا فوق ،معلش العروسة خطفانى
مى: يلا بقى
وسام: حاضر ياست
المستعجلة "
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
يالهوى ...يالهوى !
انتى بتقولى ايه
هيتطلقو ..ايه الى عرفك
اذا كان مش بيرد عليكى
كاميليا: عرفت وخلاص بقى
فادى: لا بجد
كاميليا: عرفت منه بعد م
اتصلت بيه كتير من ساعة م رجع مصر بعتلى مسج كتبلى احنا هنتطلق
عالله تكونى استريحتى
دلوقتى
فادى: عشان كده انهاردة
قولتيلى وحكتيلى الحكاية كلها ،طب وانتى محروق دمك ليه
مش هو ده وسام الى كنتى
مستكتراه عليها
وشايفه انه من حقك
من زمان
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
المأذون بيكتب البيانات
..ووسام بيرسق نظرة لمى
وبيفتكر
فلااااااااااااااش
باااااااااك
"وسام: استنى
متتطنطيش والله م اقصد .. ثوانى اجيبلك قطنه وشاش من جوه
وسام جرى جاب قطنه وشاش
ونشفلها الدم وربطهولها جامد وبعد كده !! رفع ايدها عند شفايفه .. وباسها!!
مى برئت جامد : انا بحبك
" وسام: انا قلبى
دليلى قالى .. هيحبك
مى: مش كده الاغنية
وسام: طب مانا عارف
مى: يعنى انت بتقولى انا (وبطلت رقص)
وسام: اها مى: ورحمة ابوك وامك!! وسام: ابويا
وامى عايشين ياهبله
مى :(قعدت تتنطط ) ويسو بيحبنى .. ويسو بيحبنى
"
وفاق ع صوت المأذون :
اتفضل يااستاذ وسام امضى هنا
وسام مسك القلم وايده
بتترعش مش قادر، مى بصاله
وجت فبالها جملة خلتها
مسحت الدموع وتقعد حاسة انها مش قادرة تحب وسام زى الاول وهو الى حكم ع نفسه
فلااااااااااش
بااااااااااااك
وسام:انتى احلى بنوتة خطفتنى من 6 سنين
ومبحبش اشوفها مكشرة
عشان ضحكتك وجنانك هما السبب فحبى ليكى الى مالوش حدود
مى ...انا عمرى م هعمل حاجة تدايقكم ولا تبعدنى عنكم
ولو يوم حصل منى حاجة وحشة .. ابقى قررى ساعتها انك
تسيبينى
عشان فعلا مش هبقى جدير بيكى وببنتى
وافتكرى الكلام ده كويس"
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"
يابنى افهم انا كنت عايزة اب لابنى ، صهيب حواليه مشاكل وانا خايفة عليه"
فادى: عشان كده محاولتيش
تطلعى برة اوضتك واستسلمتى لكل ده يحصل عشان يدبس يا كاميليا
كاميليا: كنت عايزنى اعمل
ايه (بعصبية)
بقولك لازم أمن حياة ابنى
فادى: وهو انتى عشان
تأمنى حياة ابنك تدمرى اسرة بحالها
وتحرمى بنت من ابوها
الحقيقى عشان تجيبى اب مزيف لابنك بطريقة قذرة كده
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
مى ووسام خارجين من
عند المأذون
وسام: مى .. الشقه من حقك
وكل حاجة فيها بتاعتك انتى وبنتى
اسمحيلى بس اروح الم
حاجتى منها
وبعدها مش هتشوفى وشى
تانى
مى: طيب كويس انك قولت
انى مش هشوفك تانى لانى بجد مش عايزة اشوفك، اما بالنسبة للشقة
فنان مش هدخلها تانى
لانى ببساطة مش عايزة
افتكرك وكل ركن فيها هيفكرنى بيك
اما بنتك
فالوقت الى هتحب تشوفها
فيه تقدر تتفق مع بابا عالمعاد
وسام: وانا مش هقدر اقعد
فيها من غيركم
مى: والله مش مش مشكلتى
مشكلتك انت
وسام: مى (مسك دراعها )
مى: سيب يا مولانا انا
بقيت متحرمة عليك
وسام: (سابها) والله
العظيم بحبك
مى: خلصت يا وسام..خلصت
للابد
وسام: احنا جه علينا
اليوم ده ؟! خلاص منبقاش سوا
مى: انت الى جبت اليوم ده
مش انا ..مبقاش فيه ويسو وميوش خلاص يا وسام
وانت السبب
وسام: انا هسيبك تريحى
اعصابك ونبعد فترة ، بس بأذن الله هرجعك لعصمتى يا مى تانى
مى: مش هترجعنى يا وسام
غصب عنى
وسام: غصب عنك!
مى: ايوة ، ولو سمحت
ارجوك مش تضغط ع اعصابى اكتر من كده
سيبنى بقى امشى
مشيت ودموعها فعنيها ومع
استعداد دمعه منهم تنزل ع خدها ...كان وسام بيمسحها من ع خده !
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فادى: اول مرة اعرفك ع
حقيقتك بعد كل السنين دى
ده عندكم فدينكم الحب
والمودة وحب الخير للغير كذا مرة فالقرآن
وفدينا فيه حاجة اسمها
الله محبة
يعنى حبى غيرك وفكرى فيه
قبل نفسك
مش تخربى بيت واسرة كاملة
وواحد زى وسام ومراته بيموت فيها وبتموت فيه بعد قصتهم سوا الى حكاها
تقضى انتى عليها ببساطة
عشان عندك انانية انه يبقى بابا جديد لابنك
وزعلانة انه مش بيرد
عليكى
يا خسارة المخطط باظ
كاميليا: مخطط ايه ؟؟
فادى متتكلمش معايا باللهجة دى
فادى: انا اسف يا كاميليا
حقيقى انى اقولك
انتى مش ام بتأمن مستقبل
ابنها
انتى شيطان!!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
نتقابل بعد بكرة ع خير
تابعو الحلقات الاخيرة
#ويسو_وميوش_وتوتا_وخلصت_الحدوتة
#نور_اسماعيل
ليه كده ده أنا عيطت عياط بقالي كثيييييير ماعيطتوش حرام عليكي مش بأقولك حتموتي الواد وسام على آخر حلقة ، ربنا يهديكي اصحي بنهم انا حاسة ان فانيليا الهي يحرقها بجاز وسخ و معفن كذااااااااااابة
ردحذفمن الاول وانا باقول ان كاميليا دي شيطانية
ردحذف