♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
زرار الكاميرا بيتضغط ! وبتتاخد صورة
وسام واقف مع اصحابة فصورة جماعية فمول ابن بطوطة
وبعدين اخدو سيلفى سوا كانت اكتر من رائعه ..جمال وطارق عملو ايموشن بوشهم يضحك
وفادى طلع لسانه
لكن وسام طبعآ كان بيبص عليهم وبيضحك بابتسامة جذابة جدآ زودت وسامته
وجوه المول راحو للسينما يشوفو فيلم 3d
بصالة ايماكس فالمجمع
مكان عملاق جدآ الاول والاوحد من نوعه فالامارات
وسام كان مبهور جدآ وطول الوقت بيفكر لما يجيب مى وبتول هنا اد ايه هيستمتعو بالحاجات دى
ومن المول ل ديرة ..قلب دبى
قدامهم اكتر من 300 محل تجارى وسلسلة مطاعم واماكن مخصصة للاطفال
يعنى لو ف اسرة جت الديرة سيتى ينتر هتلاقى كل م تحتاجه
وسام الصور اول بأول
مع اصحابه ..كانت الخروجه ليها طعم خاااص جدآ
طارق: ايه رأيك يا وسام ! تحس انك فالجنة
فادى: لا لسه الجنة الى ع حق
وسام: فيه اماكن احلى من كده ؟ اعتقد مش هشوف اجمل من كده
جمال: ياعم برج الخليفة اشهر مبنى ع مستوى العالم ..ده الى هتشوفو هتتوهل
فادى: صدقنى يا وسام اول م تشوف ده بالذات ..هتحلف م انت خارج
وسام: بس يا جماعة الخروجه كده شكلها ..
طارق: ياعم ملكش دعوة بالمصاريف ..انا وجيمى وفادى عاملينها عشانك
احنا هرسنا كل الاماكن دى قبل كده
انت ناسى اننا بقالنا سنين هنا
وسام: لا بس لازم اشارك معاكم يا جماعه ، احنا هنا كلنا فغربة وكلنا بنشتغل
طارق: يا عم بس انت حوش مبلغ اشتراك نادى بتول ..وبعدها احنا هنعيش ع قفاك متقلقش
فادى: طب يلا عالخليفة لحسن انا جعان مووووت
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" لا لسه مقولتش .. مش عارفه اجيبهالو ازاى لما نتكلم بليل "
امنية: بس بجد فرحتلك اوى يا ميوش ، ربنا يتملك ع خير يارب
مى: ياااااااه احساس من زمان محستوش..عارفة دلوقتى حسيت ان وسام مبعدش عنى
وف حتة صغنونة كده منه جوايا
امنية: ربنا يفرحكم ببعض يارب دايمآ
مى: قوليلى .. مكنتش متوقعه هلاقيكى مشرقة وامورة تانى يوم خطوبتك ع بابا سنفور
امنية: ميوش..بلاش تتريقى عليه
انا فعلا مبسوطة..وهو حد كويس جدآ
وبعدين احنا انهاردة بعد شغلى وشغله .. هنتفرح ع ديكورات عشان الفيلا بتاعته هيجدد الموبيليا بتاعتها
بناء ع طلبى علشان الجواز
مى: يعنى انتى بجد مبسوطة ؟ وخلاص نسيتى شريف
او قدر ينسيكى شريف
امنية: كان نفسى اكون اكتر واحدة واقفه جمب شريف فالوقت ده ..بس مش عارفة
مش عايزة افتح حاجه قفلتها بالعافية
ثم انى لازم احترم عمران
مى: عالعموم براحتك..اعملى الى نفسك فيه
نسيت صحيح
ايه كتلة الرخامة والبلاطة بتاعت قريب خطيبك ده
امنية: قصدك ع مين ؟
مى: ع محمود المليجى ده ! من امبارح لازقلى وخلاص ودانى المستشفى وشكرآ عالجمايل يا سيدى
مالو بقى هاتى فونك اتطمن عليكى ومتطمنش
وهو مالو
قولتله انا ست متجوزة وبعشق جوزى ..فاضل اغنيها ع ربابة
امنية: ههههههه انا لسه مش اتعاملت معاه
بس مش يمكن عايز يتطمن بس يا ميوش..اكيد الولد قصده خير مش الى انتى فاهماه
مى: بقولك ايه ..الست بتفهم بصة الراجل وهو من خطوبتك منتبه ليا ولتحركاتى
ده لو وسام عرف مش بعيد ييجى يولع ف وفخطيبك وهو مش ناقص اصلا
وفيكى
امنية: ههههههه لا ياستى قلبك ابيض ..انا هلمح لعمران ان يخلى محمود يبعد عنك
بس انت متزعلش نفسك يا مشمش (فون امنية رن بصت له وكنسلت ورجعت بصت لمى )
مى: مين ؟
امنية: شريف ..الميسد ال 100 تقريبآ
مى: ومش بتردى ليه
امنية: عشان معنديش حاجه اقولهاله، كفايه الى هو فيه!
فالوقت ده شريف كان بيبص للفون بحزن شديد اول مرة يبان عليه..دقيقة بالظبط
وجت مامته من برة لاوضته
الام: شريف .. فيه واحدة عايزاك برة
شريف: واحدة! مين
الام: تعالى انا قعدتها فالصالون ع بال م اعملها حاجه تشربها
شريف: مين اكيد مش نهال ..
مشى ناحية الصالون وبيدخل ..لقاها بشرى !!
بشرى: ازيك يااشتاذ شريف
شريف: بشرى ؟؟؟!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام ماسك صورة ليه هو ومى وبتول سوا
فمصيف من المصايف
وسام: ايه رأيكم يا جماعة فالصورة دى ..لطيفه مش كده
فادى: اه حلوة ..هتكبرها بوستر ولا هتعملها ع حاجه
وسام: هعملها ساعة ، ايه رأيكم
طارق: فكرة حلوة ..فالمحل ده كل حاجة لعلمك
وسام: مانا خدت بالى عشان كده جاتنى الفكرة، تفتكر يخلصها ع امتى
جمال: ياعم انت شايف اننا فصفت اللبن هناك!
احنا فدبى
بالظبط نصايه ويخلصهالك ع م تشرب البتاع ده (اخد منه الصورة ودخل المحل)
وسام ابتسم ع رد فعل جمال ..ووقف استناه
كانت فالوقت ده
كاميليا معاها موضوع مفتوح مهم جدآ...يمكن اهم موضوع فحياتها
كاميليا: خالى ..اهلا بيك فأى وقت
والبيت بيتك وانت عارف..لكن تيجى تسمعنى الكلام ده انا مش مستعدة نهائى
اظن مفهوم
الخال: يعنى عصيتى العيلة كلها واتجوزتى واحد لا هو من قبيلتنا ولا منينا ..وسيبتى ولد عمك
كاميليا: انا مسبتش حد..هو الى سابنى فعز محنتى وفعز م كنت محتاجاله
واظن بعد طلاقى غيابى واهانتى بالشكل ده ..وانى ملاقيش حد جنبى غير وجيه
فكرة جوازى لاحتياجى لسند مش اكتر فكرة مش مستبعده يعنى
الخال: ومرواحك ومجيك من الامارات لهنى كل شهر ..وتسيبى ولدك فالسن ديتى مع واحدة ست قال بتراعاه وعيشة خواجات
كاميليا: مدام مش عايزة حاجه من حد ومش بأذى حد انا حرة فتصرفاتى
مش كفاية زمان قضيتو ع حياتى ومرضيتوش بزميلى يتقدملى اصلا عشان العادات والتقاليد والتخلف الى ماشيين بيه ده
ومش اكتفيتو بكده
هددتونى بقتله لو مبعدش عنى
وبعد وبعدت ورضيت بالتهديد والذل
وخطبتونى وجوزتونى للعيشنى الذل بجد
وفعز محنتى سابنى ..وانتو اتخليتو عنى
ولما اتجوزت وجيه الدنيا قامت مقعدتش..
فيه ايه ايه الى حصل؟
واحدة واختارت حياتها كده
وابنى مدام بتعتبرو ان هو مش منكم
يبقى انا كمان مش منكم
الخال: يعنى مش راجعه لبلدك يا كاميليا وهتفضل عيشتك كديتى
كاميليا: اه
الخال: عتتحدينى يابت!
كاميليا: خالى انا مش بتحداكم ..انتو الى سيبتونى الاول
وانا اتجوزت واحد مسلم وع سنة الله ورسولة وكان فيه شهود..يعنى جواز مش باطل
الخال: لما تتجوزى واحد مش نفس دمك ولا بلدك ولا قبيلتك يبقى مش منك
لكن ولدك ولدنا..ودمه دمنا الحر
كاميليا: ده كلام انتو اخترعتوه ..انا اعرف حاجة واحدة طالما مسلم
وانا مسلمة يبقى ربنا حلل جوازنا..بتحرمو الحلال ليه انا مش فاهمة
الخال: احنا سيبناكى السنة الى عدت دى لحد م تفوقى من موت جوزك..ودلوك لازم ترجعى معايا
ومافيش سفر تانى
كاميليا: خالى! انا اسفه
مش هرجع وانا مبسوطة بحياتى كده
صهيب كان واقف عند الباب بيتفرج عالمناقشة وخايف فنفسه
الخال: (جرى وسحب صهيب من ايده) يبقى المرة الجاية مش هتشوفى ولدك تانى!
صهيب بيصرخ وعيط جريت كاميليا وخدته من ايده
كاميليا: انا مش بتهدد ..والى عايزين تعملوه اعملوه
وانا هحتمى بالقانون منكم
الخال: هتبلغى الشرطة عن اهلك..ماشى
ماشى يا كاميليا
مافيش سلام!
لف عبايته حوالين كتافه وخرج ورزع الباب..وميلت هى حضنت ابنها اوى وهى خايفه
كاميليا: متخافش يا حبيبى ..محدش هيقدر ياخدك منى ابدآ..متخافش
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وف اكبر حديقة الورد المعلق بدبى
حديقة جنة العين
ومع وجود صور آل نهيان عالبوابة
وخاصة صورة..الشيخ زايد بن سلطان
اول رئيس لدولة الامارات ..كانو عندها الاربعه بيتصورو
وبتنزل الصور عالانستجرام
واثناء التمشية وسط المنظر المبدع ده .. كان وسام وفادى بيدردشو شوية
فادى:انا اول واحد جابتنى وبعتتلى ..معاها بقالى سنين هنا
وسام: طب وايه عرف كاميليا اصلا بالشغل برة
فادى: اصلا جوزها الاستاذ وجيه الله يرحمه ، هو الى اشتغل هنا وهو الى جر ايدها
ووراها انا
وبعتنا طارق وجمال..وانت
وسام: وجيه توفى قريب ولا
فادى: اه من قريب ..هى كانت بتحبه اوى، الى اعرفه ان الراجل ده عمره م قصر معاها
وتقريبآ وقف جمبها فحجات كده فتفاصيل حياتها
الشخصية انا ماليش دخل بيها
بس فيه حاجه غريبة عند كاميليا اوى ومش عارف لها تفسير
وسام: ايه هى ؟
فادى: ابنها ابن وجيه ..بس هى مفهمة اهلها انه ابن طليقها
ليه ؟ مش عارف
وسام: مممم تصدق حتى انا فهمتنى كده ..برغم انى عارف ان الولد اسمه صهيب وجيه
فادى: والله كاميليا ليها حوارات وزواريق كده ..احسنلك تبعد عنها
مالناش دعوة
وانت بالذات
وسام: ليه انا بالذات؟! ولا هتقولى زيهم حب قديم وكلام رخم
فادى: لا والله انا عارف انكم عادى دلوقتى سوا..بس عامة عشان المشاكل يعنى
اصل خطيبتى عارفة علاقتى بكاميليا وبتفهمها
ومرات جمال رامية طوبته ان شالله يعرف 10
لكن سمعت كده ان مراتك بتغير عليك بجنون منها
وسام: مى ! (ابتسم) مى ممكن تاكل اى ست اتكلم معاها او نتخطى حدود الكلمتين سوا
بس انت عرفت منين
فادى: (ارتبك مش عايز يقول كاميليا) انت ياعم ! انت لما كنت بتحكى عن قصتكم
وسام: اه اه
فادى: طب يلا نمد لحسن العيال سبقونا خالص
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"خطوة عزيزة يا بشرى..نورك غطى عالكهربا"
بشرى: (بتتكلم بانكسار مش زى كل مرة) هو الاشتاذ وشام مكلمش المدير يتشرف ويرجعك الشغل
بدل ماانت قاعد لا شغله ولا مشغله كدهون
شريف: كدهون!! كلمه ومرضيش ياستى
وبعدين انا مش عايز ارجع شغلكم تانى ..كفاية انى ارتحت من خلقتك كل يوم يابشرى
بشرى: شوف برضو الجدع عاملة فيه معروف وجاية اشأل عنه بيلبخ برضو
انا مش هرد عليك عشان انى فبيتك
شريف: معلش يابشرى متزعليش..اصل انا اليومين دول حاسس انى مخنوق وتايه وبخبط فكل الى حواليا
بشرى: طب متأخذنيش فالشؤال يعنى ..هو مين الجزمة ابن الجزمة الى عمل فيك المغرز دهون!
شريف: والله ياستى المغزر دهون عملته فيا خطيبتى
بشرى: يووه!! خطيبتك ازاى ياجدع
فيه واحدة تعمل فخطيبها عاملة تخليه يترفد من الشغل؟!
شريف: اه ياختى انا من حظى الحلو الى شبه وشك
يعنى مش بس رفد وعالحديدة ومأشفر..تلف الايام وتدور
وانتى الى تسألى عليا ..يااااااه عجبت لك يا زمن
بشرى: الله!مش احشن من اشحابك الى مشألوش عنك ببصلة حتى
شريف: صحابى مسألوش عنى ببصلة ..انتى جاية تطبخى هنا
بشرى: بش اقولك متظلمهاش يااشتاذ شريف..مش يمكن مش هى
وحد بيوقع بيناتكم
شريف: بيناتنا ايه انتى كمان..اصلك متعرفيهاش
ده انا كنت خاطب واحدة ، الشيطان مكبر ليها صورة سيلفى فالصالة
بس اسكتى اسكتى..اشربى العصير بتاعك واتشقلبى من هنا
بشرى: كده برضو ! والنبى انى الى غلطانى
جيت وشألت عنك يالى تنشك فنواضرك انت
شريف: انشك فنواضرى ايه يالى يبلعك تمساح انتى..يلا مش ناقصك
كمان مفاضلش غيرك ياخد ويدى معايا
جت مامته..
الام: ايه يابنتى قايمة .. م لسه بدرى
بشرى: معلش يدوب يا خالتى عشان الحق المواشلات..شكرآ عالضيافة يا اشتاذ شريف
شريف: (خد باله من لبسها ) ايه ده تعالى تعالى
بشرى: ايه يااشتاذ شريف فيه حاجه؟
شريف: ايه الى انتى لابساه ده ؟ حد يلبس بلوزة وجيبة كلهم ورد ورد ورد كده ..ايه جناينى داخل عليا
والالوان زفت..روحى الله يحرقك
بشرى: بتعيب عليا ؟ شاهدة يا خالتى
وانا الى لابسة الحتة الحلوة الى عندى..وقولت اجيلك اشرفك وشط جيرانك
سامو عليكو
نزلت من البيت ومامته بتنادى عليها بس هى مشيت زعلانة ..
الام: ليه كده يا شريف كسرت بنفسها
شريف: ياامى كسرت بنفس مين؟ هى دى بنى ادم اساسآ
طب بذمتك شايفه لابسة ايه
ده احلى م عندها كده
الام: بس غلبانة .. هى وحشة اوى كده ليه يا واد
شريف: ههههههههه تعالى ياام شريف تعالى ده انتى ليلتك بيضا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فمعاد مكالمة مى ووسام اليومية ..
كانت مى مهدية الانوار ..ومستنياه ع احر من الجمر
وكل حد منهم بيحكى للتانى ع الجديد الى عنده.
مى: شوفتك ياخويا ..منور الانستا عالاخر
وسام: الاماكن هنا ساااحرة ..كان نفسى تكونى معايا يا مشمشتى
مى: ان شاء الله قربنا يا روحى ..بقولك
كانت عندى ليك مفجأة
وسام: ده انا الى عندى ليكى مفجأة..استنى متمشيش
مى حضرت لوحه مرسومة كده ورا ضهرها ووسام جاب الساعه وخباها برضو
وسام: غمضى عنيكى
مى: انت الى هتورينى الاول ..اوك (غمضت)
وسام: فتحى ! هاه
ايه رأيك
مى: واااااااااااااااو تحفففة ايه الجمال ده .. روووعة يا روحى
وسام: شوفتى بقى حتى لو مش كنتو معايا .. بفكر فيكم ازاى
عجبتك بجد؟
مى: موووووووت ربنا ميحرمنيش منك يارب يا حبيبى
وقت مفجأتى انا!
طلعت اللوحه رسماها بايدها وبمساعدة بتول
راجل لابس نضارة وقال ده وسام
وست واقفه عاملة تسريحه مى وجمبها بنوتة صغيرة
ومعمول كورة ع البطن عند الست ومكتوب هنا فيه نونو!
وسام: لا قربيها شوية من الكام كده ..(بيبص اكتر وبعدين ابتسم) بتهزرى!
حامل ؟
مى: ايون ..شوفت بقى هى دى المفجأة
واخيرآ وبعد طووول انتظار عصومى جه يا ويسوووو
وسام: يا حبيبة قلبى ده احلى خبر عرفته انهاردة..واجمل بكتير من الخروجة وكل حاجة
عايزك تاخدى بالك من نفسك بقى ..ماشى
مى: متخافش انا باخد الادوية بانتظام ولو روحت اى حتة باخد العربية بتاعتك
وسام: بس اكتشفتى ازاى ..انا كلمتك امبارح فخطوبة امنية ومش قولتى حاجه
مى: هههههه ده حتة موقف مانا هقولك
(وحكتله مى ع الى حصل من اول تركيز محمود عليها لحد الكشف واكتشاف انها حامل، لاحظت ان وسام وشه اتغير)
مى: ايه مالك..انا قولت هتقولى يا مناخوليا حتى وانتى ام للمرة التانية
مالك ساكت كده ليه ؟
وسام: ممممم وشكله ايه بقى الاستاذ محمود ده
مى: عادى..شاب يمكن من سنى كده..فيه ايه يا وسام؟
وسام: وشالك (بيتهز متوتر وقلع النضارة مسح عنيه ولبسها تانى)
مى: ماهو انا دوخت عالطريق مش كنت اعرف اصلا انى هتعب
وسام: وفارس هومام حضرته وقف عالطريق وساعدك وشالك ووداكى تكشفى..لا والله كتر خيره
مى: (ابتسمت) ايه يا ويسو ؟؟ بتغير عليا يا روحى اوى كده
وسام: انا مبطقش حد يشوفك..مش يتكلم ويتسهوك
ويرسم الدور ويشيلك قال
ويحط ايده ع جسمك ليه عايز افهم
مى: طيب متتعصبش والله انا مش كنت فايقة خالص..لو اعرف انه هيحصل كده مش كنت خليته يشلنى ولا راح معايا
وسام: استغفر الله العظيم ..استغفرك ربى واتوب اليك
مى: خلاص بقى يا ويسو محصلش حاجه (بدلع)
وسام: مبحبش حد يقربلك..ايه القرف ده!
اسمعى لما امنية تتجوز متروحيش بيتها انتى فاهمة
مى: يعنى اقاطعها يا وسام؟؟
وسام: شوفو بعض فالشغل برة..عندنا فالبيت
لكن تروحى هناك والانسان ده يكون هناك ويقعد يبصبص وانا دمى يتحرق مش طالبه
مى: بس كده!! عيووووونى اموووووووه
وسام طلع من مود العصبية والغيرة وضحك ع مى وحركاتها
مى: انت فاكر ان اى راجل فالارض ممكن يهزلى شعره! والله ابدآ
يا حبيبى اصلك مش عارف
انا معايا وساااااااام ..يعنى اى راجل جمبه صفر
مين بس الى يعنينى
وسام: وحتى لو كده محدش يبصلك برضو ..
مى: ايوة طبعآ هو ميعرفش انا جوزى مين ولا ايه
وسام: (ابتسم) جوزك مين بقى ؟
مى: اغلى واحسن وارجل راجل فالدنيا فالكون كله ..العين لما تشوفك يا وسام لازم تاخدك صورة عشان انت مش بتتكرر
وسام: (ابتسم وعمل بايده ع نفسه انا وقلب انتى يعنى انا بحبك انتى بهدووء )
ضحكت مى وقربت للشاشة وباسته ..وكملو الليلة دلع وحب سوا..
وبعد شهرين ...مى مش كانت بتتابع عند اى دكتور من ساعة م عرفت انها حامل
بس لاحظت حاجه غريبة عندها
راحت لدكتور مشهور جدآآ وكشفت عنده ..
الدكتور: مين قالك يا مدام انك حامل.؟
مى: دكتور حضرتك..قالى انى حامل
ليه؟
الدكتور: مافيش حمل نهائى..والى حصلك انهاردة ده عادى لان مافيش حمل
مى: (قامت من مكانها مخضوضة) ايه!!
ازاى
اومال الدكتور ده بيألف ؟
الدكتور: يمكن جاتلك اعراض مشابهه..فهو شخص غلط
وانتى لانك متابعتيش قعدتى الفترة دى كلها فاكرة انك حامل
مى: يا دكتور انا بطلت اخد اى وسايل منع حمل بقالى فوق ال6 شهور
منهم 3 شهور كان جوزى معايا هنا
ومعايا بنوتة عندها 5 سنين
ازاى بس مافيش حمل
الدكتور: (بيديها منديل) انتى ليه مكبرة الموضوع اوى كده ..عادى لسه ربنا مأردش
مى: بس انا اختى لما بتبطل الوسيلة بتخلف ع طول
ازاى انا لا..اكيد فى حاجة غلط
الدكتور: ممكن الوسيلة تكون اثرت ع هرموناتك..انتى هتعملى التحاليل دى ونشوف سوا التأخير جاى منين
وفنفس الوقت جوزك يعمللى التحليل ده فورآ واشوفه
مى: بس هو مش فمصر يا دكتور
الدكتور: بسيطة يعمله ويبعتهولك..مش قصة
بس لازم اشوفه المرة الجاية..
مى راجعة البيت متدايقه ومحطمة ..فرحه شهرين راحت وكان حلم ومش حقيقة
مش عارفة هتجيبها ازاى لوسام
بعد م فرحت وفرح وياها وكل يوم يجيب لبس بيبى ولادى ويفرجها
فتحت الباب..سمعت بتول بتضحك بصوت عالى وبتجرى من اوضتها
بتول: مامى مامى ..بابى جه!
مى: ايه!!
جريت مى بسرعه كان طلع وسام والاتنين اتلاقو فحضن كله مشاعر ، دموع مى وحضن وسام لمى الى تقريبآ حست ان كل عضمة فيها اتكسرت
مى: انت جيت امتى ..(ضربته فكتفه) ازاى مقولتليش
وسام: حبيت اعملها مفجأة ..وحشتيييييييينى (بيبوس ايديها ووشها ودماغها)
مى: هتقعد معانا كتير مش كده ؟
وسام: انا جبت فلوس اشتراك النادى لبيتى ..وجبتلكم حجات كتير حلوة
يلا عشان البنوتة دى عايزة تفتح الشنط من بدرى وانا بقولها نستنى مامى
يلا بينا
وسام طلع الى فالشنط وفرجهم وكان جايبلها خاتم دهب شيك وهدوم واكسوسريز من الى بتحبها
ولبس وتوك وحجات لبتول
وانبسطو اوى ..بس مى كانت بتفكر برضو وبنص دماغ معاهم
وسام: انتى مالك ..فيكى حاجه ؟؟
مى: (اتنهدت) لا يا روحى..هقوووووم بشرعه اعم ل حتة اكله
وسام: لا واحنا نساعدك ، يلا يا توتا البسى طربوش الشيف بتاعك
بتول: يلا يابى
قامو كلهم كانت بتعمل كانى لونى مى فالمطبخ وبوظو بعض بالدقيق بعد م كان وسام بيحاول ومعرفش
وتوتا اخدت منه العجين وعملت عروسة وخدها منها وجرى وراها واتقلب المطبخ ضحك وهزار وجريت وراهم مى بالمعلقة الخشب عشان معطلينها
كلو وانبسطو وخرجو شوية ولما رجعو ، وسام نيم بتول فسريرها
وما صدق ..اخد مى فحضنه
وبدآ يشرحلها اد ايه كانت وحشااااااه مووووووووت ...
والانوار الهادية مفتوحه ..وصوت القرآن الى بيسحر سكون الشقه
كانت مى فحضن وسام اوى وبتتكلم وفعيونها دموع
مى: معرفش ازاى حصل كده
وسام: خلاص يا حبيبتى قدر الله وماشاء فعل..المهم دلوقتى انا اعمل التحليل عشان نشوف فيه ايه
لانى مش قاعد غير 4 ايام بس والله
مى: 4 بس (قامت بصت فوشه ونامت ع صدره)
ليه الحاجه الحلوة بتعدى بسرعة كده
تانى يوم وع غير العادة ...كانت مى كلها نشاط عايزة تعمل التحاليل وتطمن
راحت هى ووسام وعملو التحاليل واستنو معاد الكشف عند الدكتور بعدها بيوم ...وقد كان
الدكتور: استاذ وسام عندك كام سنة
وسام: 37
الدكتور : وبنتك ع م اعتقد 5 سنين
مى: ايوة بتول
وسام: خير يا دكتور
الدكتور: يعنى حضرتك مخلفتش من سن 32 سنة ..معندكش غيرها مش كده
مى: هو فيه فالتحاليل حضرتك
الدكتور: انا قدامى حالة بتحصل كل كام سنة بنسبه 1 فالمليون
وسام: (بدأ يتوتر) الى هى
الدكتور: الى هى حضرتك مش هتقدر تخلف تانى..حصل عندك عقم!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل بكرة
استنوها يوميآ
#ويسو_وميوش_وتوتا_وخلصت_الحدوتة
حرام عليكي ايه ده ... يعني مالك و مال الغلبان وسام كل مرة في مشكلة دأنا تعقدت هههههه تمرمط عشان يتجوز ، عايش مع مجنونة بس عسل ، خلف و سافر و في الآخر تخليه يبقى عقيم ما هو حال من الاتنين يا نونو يا تخليه يخف يااما حاولعلكم في الجوجل كله هههههههه ، بس بجد ربنا يحفظك خيالك واسع و أفكارك جميلة و حلقاتك أورع ما تتأخريش بالجديد بقى أنا على ناااااااااااااار يا عيني عليك يا أشتاذ وشام على رأي بشرى ههههههه
ردحذفههههههههههههه معلش بقى حظه كده بس متولعيش فجوجال
حذفخلاص سماح المرة دي
حذفلا كده صعب الا وسام
ردحذفلا كده صعب الا وسام
ردحذف