♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"انا اسف يا شريف والله ..مكانش فيه وقت كفاية المرة دى اقعد معاك "
شريف: ولايهمك يا ابو الويس ..انا عارف انك جيت يدوب كام يوم
وقضيتهم مع البيت
وسام: طيب انا مخنوق من قعدتك دى وعايز اساعدك..عارف فكرت اشوف كاميليا لو تشوفلك عقد معايا برضو
واهو نبقى سوا
شريف: ياعم كراوية عملتهالك بالحب ..لكن انا هتخدمنى ليه
كنت ابن خالها؟!
وسام: بس انا ممكن اشوفلك يا شريف ..ماهو مينفعش تقعد كده
شريف: ياعم كل واحد مبياخدش غير نصيبه..
وسام: بس انا مش فاهم ليه نهال تعمل كده بس ، دى حتى حد عاقل اوى وبنت ناس
شريف: بنت ناس! دى بنت شياطين وابالسه
هو فيه بنت ناس تعمل كده
اراهنك الشيطان نفسه بياخد عندها درس بالحصة
وسام: طب انت حاليآ بتدور ع شغل ولا ايه ؟
شريف: اهو ..كل يوم بطلع اشوف كده ويا مسهل
وسام: مش هقولك لو احتاجت حاجه تكلمنى..احنا اكتر من اخوات ياشريف
شريف: سداد يا كبير وربنا يخليك يارب
مى جاية من بعيد ومعاها بتول..
وسام: اتأخرتو ليه كده؟
مى: التواليت كان زحمة ، ندهوه ع رحلتك ولا لسه ؟
وسام:لا لسه
شريف: هتروح بقى المرة دى وتنزل اجازة امتى ؟
وسام: يعنى احتمال كمان 3 شهور تانيه..لولا كاميليا كان نزلنى بعد سنة
لاحظ دى اول سنة اشتغل فيها
مى: اه لولا كامنجا..كان يوم اسود لما شوفنا وشها
وسام: يوم اسود ليه بس..مش ربنا جعلها سبب نعمل الى بتول نفسها فيه ونشترك فالنادى
وندخلها مدرسة كويسة امريكانى
مى: برضو بكرهها ومبحبهاش..وانت مياخدش الدفاع اوى معاك كده ياخويا
وسام: ههههه حاضر
شريف: بطلى سم شوية يا عمتى مى ..الراجل مسافر بلاش عكننة الحريم دى
مى: وانت مالك انت ..واحد ومراته ايه الرخامة دى ياربى
بتول: اونكل شريف انت بقى عندك دقن طويلة خالث وبتخوف
شريف: اه يا حبيبتى مربيها عشان عندى عنكبوت صاحبى معندوش بيت بنيمها فيه(بيلاعبها بأيده)
بتول: هههههههه بث يا اونكل بئى
رحلة رقم ...المتجهه من القاهرة دبى
وسام: اقوم بقى ..نستودعكم الله الذى لا تضيع ودائعه(حضن مى اوى)
اوعى تنسى تشتركى وتقدمى لبتول..الترم خلاص
بتول: انا عايسة اروح المدرسة الى هيروحها صهيب يابابى
مى: بس يا بيتى ..بلا صهيب بلا دويب دلوقتى
وسام: (نزل ع ركبه وشال بتول ) تسمعى كلام مامى ومتعمليش حاجة نوتى..وتبقى شاطرة وتدربى عالسويم كويس
عايزك احسن واحدة وبطلة فالدنيا
بتول: متخافس يابابتى
شريف: ياعم اخلص.. الطيارة هتطلع وانت لسه بتوصى الوصايا ال 10
وسام: (سلم عليه وحضنه) خد بالك من نفسك..وانا مش هشيلك من دماغى هاه!
يلا
نسيبكم فحفظ الله
مشى وسام ومى واقفه دموعه فعنيها بس بتحاول تحوشها لان وسام مش بيحب الفراق وبتشاور بايدها
وهو كمان
لحد م عدى البوابة ومشيو ..
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فطار جاهز عالسفرا ..ومنة مستنية سامح ييجى يفطر
منة: هتقعد كتير عالفيس يعنى ؟؟ الاكل هيبرد
سامح: لا خلاص 5 دقايق بس بوصى ع حاجة لواحد صاحبى
منة: م تكلمه فالفون ي اخى ..الله!
سامح: خلاص خلاص خلصت اهو
جه سامح وفطر معاها بسرعة ونزل ع شغله ..
منة: هبعتلك مسج بالطلبات الى ناقصة البيت
سامح: ماشى .سلام
منة: سلام
دخلت منة بعد م شالت الاطباق تبتدى تشوف وراها ايه فالبيت، من السرعة الى كان فيها سامح
مشى وساب جهاز الكمبيوتر والاكونت بتاعه مفتوحين
منة زى اى ست عندها حب استطلاع .. بدل م تقفل الاكونت
وتكمل الشغل الى وراها
ابتدت تقلب فكل كبيرة وصغيرة فالاكونت..واولهم المسجات!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اما بقى غادة ..فهى كانت عندها امنية بتطمن ع لؤى لما عرفت انه عيان
وفرصة ونتالى وممدوح مش موجودين
امنية: وهيطلقها بقى ..ولا هتبقى زوجه تانية بعد م كنتى زوجه اولى
غادة: مش عارفة ! بس انا بجد الحمل تقل عليا
مصاريف لؤى ومصاريفى الشخصية
واتهديت مرواح ومجى بلؤى للحضانة كل يوم
وشكله تعب بسبب كده
امنية: اوك كل ده كلام جميل ، وانا فرحت اوى انك هترجعى انتى وممدوح
ده قرار كويس جدآ خصوصآ عشان لؤى
بس برضو مش جاوبتى ع سؤالى
هيطلق مراته ولا انتو الاتنين هتعيشو سوا؟
غادة:معرفش احنا لسه متكلمناش.. بس انا هفاتحه فالموضوع ده انهاردة
واقوله ياانا يا هى وهو عليه يختار
امنية: بصى كلميه بالراحه ..بلاش لغة الاوامر لانه مش بيحبها وهى سبب اغلب مشاكلكم
وقوليلة انت هتعوز منها ايه
هى كده كده لما بلدها تعدى المحنة هتسيبك
وانتو مشترطين ممنوع الخلفه
والولد وانت مخلفه منى
وانا خلاص بعد الى حصل اتعلمت
غادة: اتعلمت ايه بس يا مونى ..يعنى هتكسرله يعنى؟!
امنية: اكسرى مناخيرك دى شوية عشان ابنك وبطلى نفخه كدابة
ايوة قوليلو اتعلمت وهكون احسن من الاول كمان
غادة: مش لما نشوف هيطلقها ولا لاء..دى بت حرباية ومش ساهلة
امنية: ربنا يستر (بتبص ففونها بيرن) طب هسيبك انا نازلة لعمران
عايزة منى حاجة
غادة: لا يا حبيبتى تسلمى..وشكرا ع سؤالك يا منوش
احسن من الندلة منة ولا مى
امنية: معلش مى وسام كان هنا ولسة مسافر ومش قعد كتير
ومنة معرفش فونها مقفول بقاله كام يوم ..هبقى اتصل بيها تانى
غادة: يلا مش مهم ..اسيبك تلحقى تنزلى لعم عمران
وخدى بالك من نفسك
امنية: باى يا دودى
نزلت امنية كان عمران واقف مستنيها بالعربية عشان كانو متفقين يتقابلو عند شقه غادة !!
امنية: اتأخرت عليك ؟
عمران: لا فوقتك..تحبى نروح فين
امنية: اى مكان كويس
عمران: ماشى
وصلو سوا لمطعم وطلب عمران الغدا..
عمران: امنية انا طلبت انهاردة نتقابل ..عشان افهم انتى ليه بتأجلى فموضوع الجواز
انتى بتعيدى حساباتك ولا ايه
امنية: عمران صدقنى مافيش حاجه، وبعدين انا وافقت ع ارتباطنا عن اقتناع
نفسى ف اب كويس لمدثر
وفنفس الوقت راجل عاقل ومتزن
عمران: كنت صحيح عايز اسألك سؤال عن مدثر
امنية: اتفضل
عمران: هو باباه مش بيسأل عنه خالص؟
امنية: باباه ابن خالى وبييجى يشوفه مرة فالاسبوع وبيفسحه وبيبات معاه كمان وبيجيبهولى تانى يوم
ليه ؟
عمران: وبالنسبة لمصاريفه ؟
امنية: هو ملتزم بيها ع اكمل وجه ..ليه كل الاسئلة دى يا عمران
عمران: اصل بصراحة حابب احكى معاكى فموضوع وتقريبا جه وقته
امنية: موضوع ايه
عمران: هو ليه مدثر ميروحش يعيش مع باباه بعد جوازنا؟
امنية: نعم ! (وشها اتغير) لا طبعا انا مسبش ابنى
وهو عارف الشرط ده
حتى لو اتجوزت الولد هيكون معايا
عمران: اصل يعنى ده ولد..لو بنت كنت قولت معلش
لكن بكرة يبقى شاب وراجل متربى فبيت غير بيت باباه
ويا مربى فغير ولدك يابانى فغير ملكك زى المثل
امنية: (اتنهدت وملامحها اتغيرت بضيق) ده كلام جديد عليا اسمعه بصراحه
واية كمان ؟
عمران: مافيش حاجه ..انا عايز اسمع رئيك
امنية: رأيي..انا عاوزة امشى دلوقتى
وكويس انك قولتلى الاقتراح ده
عمران: يعنى هتفكرى فيه ؟
امنية: اكييد..عن اذنك
قامت وسابته ومشيت من المطعم والغدا بيتحط، مكانش فاهم عمران هل ده رد بالايجاب ولا بالسلب
ع الى قاله.
اما منة...
فهى فتحت مسجات سامح وليلى من زماااااااان لحد م انتهت العلاقة وانتهى الكلام
يمكن حفظت كل كلمة عن ظهر قلب، بس اكتر حاجه وجعتها ان سامح جاب ل ليلى هدايا كتير وخرجو كتير سوا
ومعملش كده معاها هى..مع انها مراته
فضلت قاعده تتفحص المسجات لحد قرب معاد رجوع سامح ... قفلت الاكونت
وقامت عملت الى وراها وهى بنص دماغ
والعفاريت بتتنطط قدامها
ولما جه..
سامح: مساء الخير .. محضرة الاكل
اصل هاكل ونازل ع طول
منة: لا كل واقعد عشان عايزاك
سامح: خير فيه ايه ؟ ومالك بتتكلمى كده ليه
منة: لا عادى لما تتغدى الاول نبقى نتكلم
سامح: اوك ماشى
اكل سامح وهو مش مدى اى احساس ان منة ناوية ع خناقة كبيرة ، لانه شايف ان مافيش حاجة بينهم حصلت
وبعد الاكل
منة: اتفضل الشاى بتاعك
سامح: شكرا تسلم ايدك
منة: سامح انا كنت عاوزة اشترى طقم جديد
سامح: طقم جديد ؟؟ ليه
منة: عشان احضر بيه فرح امنية، وبعدين انا معنديش لبس كتير
وكله بقى قديم وخرجت بيه كتير لما اتحفظت
سامح: هو ده الموضوع الى انتى عايزانى فيه يعنى ؟ طيب ياستى اول م اسلم الشغل الى معايا واقبض هجيبلك طقم
منة: مممم وعايزة يوم تفضى نفسك عشان تخرجنى
انا زهقت من البيت اوى
سامح: لا فكرة خروج حاليآ انا مش فاضى
منة: ليه م انت بتيجى تاكل وتنزل تقعد مع اصحابك، ولا الساعتين الى هتخرجنى فيهم هيفرقو معاك؟؟!
سامح: انا مش بقعد مع اصحابى انا بفتح المكتب واشتغل وهما بييجو يقعدوا معايا
وبعدين فيه ايه مالك بتتكلمى وانتى متحفزة كده
كأنك بتجهزى لخناقه
منة: لا ابدآ..اصل بستغرب
سامح: ع ايه بقى ان شاء الله
منة: ان حضرتك ليك ناس وناس
سامح: ناس وناس ايه م توضحى كلامك
منة: قصدى عالست ليلى لما كنتو مرتبطين واول مرة تشوفها فيها انت بهدلت اللبس بتاعها وانت ماشى بالموتوسيكل
وجبتلها طقم ع طول بعدها
وهى كانت بتشكرك ع ذوقك ومعرفش ايه
وكنت كل يوم فحته سوا خارجين داخلين
لكن انا...
لا طبعا انا اكنس وامسح واغسل واطبخ
فخدمتك ياسيدى ..وهى للحب مش كده !
سامح: انتى عرفتى الكلام ده منين
منة: انت سبت الاكونت بتاعك مفتوح وقريت كل حاجة
سامح:بتتجسسى عليا ..انتى مش هتبطلى خصالك الزفت دى
ايه الهبل الى انتى بتقوليه ده
هدايا وخروج ايه ؟
انتى عارفة ده من كام سنة
منة: انا ماليش دعوة هو من كام سنة ..انا ليا انك راجل مش عادل
عشان ترمينى انا الرمية دى
وهى الحب طبعا
ايش جابنى لها
سامح: انتى ليلى عاملالك تربنة فنفوخك ..اوعى من سكتى
منة: بقولك ايه انا زهقت بقى ..
سامح: منة انا هنزل لانى بكره النكد وانتى نكدية اوى وبتدورى عالخناق
وعالله لما ارجع تكونى خزيتى شيطانك
سابها ونزل .. وهى فضلت مكانها تعيط
وبعد ساعة ..
كان فونه بيرن
سامح: الو
مى: معلش ياسامح ..اتصلت بيك البت منة فونها مقفول بقاله كام يوم
فيه حاجه معاكم
سامح: لا يا مى ..ده بس فونها باظ وفالتصليح
مى: طب هى جمبك ؟ اكلمها
سامح: لا انا برة والله ..بس لما ارجع هخليكى تكلميها
مى: بس انت صوتك فيه حاجة..انتو متخانقين ولا ايه؟
سامح اتنهد وسكت ..وقرر يحكى لمى المشكلة..
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"الف الف مبروك يابشرى خير "
بشرى: الله يبارك فيك يااشتاذ مشتفى
مصطفى الاغا مذيع برنامج الحلم : شو راح تعملى بالمصارى يا بشرى
بشرى: هعمل حجات كتير هههههههههههه
شريف كان بيقلب عالقنوات وشاف الخبر ده
شريف: يااشتاذ مشتفى ! بشرى خير
لتكون البت السعلوة بشرى
وهو العنوان وصوتها
هاااااااااااااااااار ازرق!
مامته جاية تقعد جمبه..
الام: انت بتكلم نفسك ع ايه يا شريف؟
شريف: لالالالا لو هى يبقى فيه حاجه حصلت فالدنيا..اجيب فونها منين دى
الام: يابنى رد عليا
شريف: اه صلاح..يجيبهولى من الارشيف او منها (طلع فونه)
ايوة ياصلاح
بقولك
تعرف رقم البت بشرى بوفيه؟؟
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونرجع لمكالمة مى وسامح ..الى جابت نتيجه عكسية وخلت سامح يهدى خااااااالص من ناحية منة
ويصالحها
سامح: انتى شايفه كده ؟
مى: دى غيرة ياسامح، وهى يعنى لو مش بتحبك الى حيهمها ف اختراع الخناقة العبيطة دى
سامح: انا عارف انها بتغير بس كده خنقة وملل، ليلى انا مش فاكرها اصلا
احنا هنقضى جوازتنا كلها خناق ع ليلى
مى: معلش انت عارف انها هبلة وبتحبك..بس كيوتة والله
يلا ارجع البيت ونقى طقم كويس لو عندك فلوسه وصالحها بيه
سامح: والله حاليآ معذور يامى، انا قولتلها لما يبقى معايا
مى: طب هاتلها ورد وصالحها
سامح: ورد ايه انتى كمان ؟! احنا ياستى مش بتوع ورد
بتمن الورد ده نجيب حاجه فالبيت
مى: يوووه حيرتنى ياسامح..خلاص هاتلها فجل
سامح: هههههههه
مى: اقولك ايه يعنى ..ماهو اصل لازم تصالحها
اقولك عندى فوكيرة
سامح: ايه هى ؟
مى:البت منة بتحب الايس كريم روح هات بتاعه ايس كريم عائلى وادخل عليها بيها
اهى حاجه بسيطة وبتحبها ايه رأيك؟
سامح: حاضر يامى ..اوك
وهى ربنا يهديها
مى: ربنا يهديكو انتو اصل لما واحدة فينا بتعرف ان الماضى بيحوم كده فدماغكم بنبقى عايزين نفتحها
سامح: ههههههه تفتحى دماغ مين
لا كويس ان الراجل مسافر
مى: يابنى انا وويسو اجمل قصة حب .. انا بتكلم ع الناس التانية
سامح: طيب ياستى ربنا يخليكم لبعض..اقفل معاكى بقى اروح اجيب الايس كريم واروح
مى: اووووووك ..ابقى خليها تكلمنى متنساش
سامح: لا حاضر ..تصبحى ع خير
مى: وانت من اهله باى
سامح فعلا سمع كلام مى وجاب الايس كريم وجاب بسكويت كمان هى بتحبه ، واول م دخل البيت منة عملت نفسها نايمة
لان كمان هو معودهاش ع انه يصالحها
جه وصحاها وابتسم فوشها وخلاها تاكل الحجات..وهى ببراءة شديدة
فرحت بالحجات..ونست الخصام!
اما شريف ، فبعد م جاب رقم بشرى واتأكد فعلا من زمايله انها هى الى كسبت المسابقه ومبلغ كبير زى ده
كان طول الليل بيفكر
حتى اشترى الجرايد والمجلة الخاصة بالمسابقة وشافها وهى بتستلم الجايزة
بالصور
وسابت الشغل..
عدت ايام ووراها ايام..واتصل بيها وقرر يعزمها فمكان
شريف: مبروك يا بت !
بشرى: الله يبارك فيك يااشتاذ شريف
شريف: الله يخربيتك ..بقى انتى تكسبى المبلغ ده كله وانا اقعد فالبيت
بشرى: هى اشلى بتبقى نوايا
شريف: نوايا وبلح ايه الله يحرق شكلك
جه الويتر
شريف: تحبى تطفحى ايه !! قصدى تاكلى ايه
بشرى: عايزة فراخ ورز وحمام محشى
شريف: ايه ده كله ؟! كل ده هتاكليه نازلة من الجبل
بشرى: الله ! نفشى مفتوحه.وجعانة
شريف: ياما !
بشرى:.وبشراحه انى فرحانة عشان قاعده معاك يااشتاذ شريف
شريف: طيب هاتلها الى طلبته وانا هتفرج عليها
بشرى: يا شلاااااااااام بقى انا قاعده معاك ع تربيزة واحدة وهناكل شوا!!
انا فحلم ولا علم
شريف: لا علم يابت الرفضى! علم
قوليلى بقى المبلغ ده معاكى ولا شيلتيه فين
بشرى: شيلته فالبنك ياخويا اه ..مافيش حاجه مضمونة
وبعدين انا لا ليا اهل ولا جوز يحافظلى عليهم
شريف: (عمل ايموشن قرفان منها وابتدى يضرب نفسه بايده ع دماغه)
بشرى: يووه! مالك ياخويا
بتضرب نفسك ليه
شريف: بشرى .. انا انهاردة كنت جاى افاتحك فموضوع
اقول ايه بس لسانى هيتبرى منى لو نطقت بحرف بعد كده
بشرى: قول ياخويا متتكشفش
شريف: لا مانا مش مكشوف انا محروق بجاز..بصى يا بشرى
انا كنت عايز اكمل نص دينى
و
بشرى: وايه ياخويا (بلهفه)
شريف: استنى متقاطعنيش..واطلب حوافرك
قصدى ايدك للجواز (بيدارى وشه بعيد) قولتى ايه ؟؟!
بشرى: يالهووى ! (ضربت ع صدرها) انت عايز تتجوزنى انى
ياسعدك ياهناكى يابشرى
لولولولولولولولولولولولولولولولولولولولولولولى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل بكرة
استنوها يوميآ
#ويسو_وميوش_وتوتا_وخلصت_الحدوتة
حلقة جميلة و خصوصا انها طويلة أيوة بقى كثريلي منهم الحلقات الطويلة دول أصلي الدكتور نصحني بيهم ههههههههه ، دأنا بقيت مدمنة حلقاتك و كل يوم بأستناها و استنيت الحلقة ديه لغاية ما نمت على نفسي هههههههه ،
ردحذفبالنسبة لعمران جاتو نيلة يعني ما صدقنا انه يجي واحد كويس للغلبانة ديه يقوم يقلب واصي و يقولها ابنك ، يعني كامن هو تبرا من بنتو
اما بالنسبة لشريف فهو الصراحة نذل نذالة ما بعدها نذالة الهي يهدو ما بيتهدش و مالقاش غير الغلبانة ديه يضحك عليها بس الصراحة رد فعلها خلاني أفطس من الضحك
يالا في انتظار الحلقة الجديدة و هو لسى فاضل كام حلقة ، و من فضلك لو فيه امكانية تبقى الحلقات بدري شوية أصلي بأنام أحلم بالحلقة و اللي حيحصل فيها هههههههههه مش بأقولك إدمان يا أختي نونو
عيونى يا حبيبتى بس والله مشكلة قطع الكهربا وشغل البيت مش بفضى صدقينى
حذفو لا يهمك يا قلبي ربنا يعينك ، بس أصلي بأفضل يا أختي مستنية الحلقة قرب أبو العيال يطلقني من نور اللاب اللي مشغلهولو ههههههههههه
حذفهي احسنلو بشرى علشان يتعلم
ردحذفهي احسنلو بشرى علشان يتعلم
ردحذف