♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
شريف: بشرى .. انا انهاردة كنت جاى افاتحك فموضوع
اقول ايه بس لسانى هيتبرى منى لو نطقت بحرف بعد كده
بشرى: قول ياخويا متتكشفش
شريف: لا مانا مش مكشوف انا محروق بجاز..بصى يا بشرى
انا كنت عايز اكمل نص دينى
و
بشرى: وايه ياخويا (بلهفه)
شريف: استنى متقاطعنيش..واطلب حوافرك
قصدى ايدك للجواز (بيدارى وشه بعيد) قولتى ايه ؟؟!
بشرى: يالهووى ! (ضربت ع صدرها) انت عايز تتجوزنى انى
ياسعدك ياهناكى يابشرى
لولولولولولولولولولولولولولولولولولولولولولولى
شريف: بطلى سياح الله يخربيتك ..بتزغردى الناس بتبص علينا
بشرى:ياخويا مالى ومال الناس ، جاتهم خابط فنفوخهم
هو حد فرحان اد فرحتى انهاردة ياربى ده انا عايزة اقوم اتحزم وارقص يا ولاد
شريف: طب انكتمى ووطى صوتك الى عامل زى سرينة الاسعاف ده واطفحى اكلك جه
بشرى: ده انا لو جابولى خروف بحاله ولا هيشبعنى (قامت خدت من الويتر) هات ياخويا هات عنك
شريف: اترزعى هتفضحينى ..انا الى جبته لنفسى
اكلت وهى مبسوطة بشكل مش حلو وهو بيبص عليها وقرفان ..وجه وقت دفع الحساب!
الويتر: الحساب يافندم
شريف:(اخد الفاتورة وشافها وميل عليها ) بقولك ايه انتى الى كلتى مش انا
وانا عاطل عن الشغل
ادفعى
بشرى: ادفع ده ايه !! كلام ايه ده
مش انت الراجل بردك والمفروض انك انت الى تدفع وبعدين انت الى عازمنى وانا جاية من غير فلوس
شريف: نعم ياختى !! وانا مش معايا المبلغ الى طفحتى بيه ده
بشرى: مش مشكلتى وبعدين انت بقيت خطيبى دلوقت يعنى لازم تصرف عليا(قامت ولبست شنطة اليد بتاعتها) انا مستنياك برة
الويتر: حضرتك هتدفع الحساب ولا ايه؟
شريف: لا ولا ايه ايه ؟؟ انا راجل محترم
مش طالبة اقسام هكلم حد يجيب فلوس..5 بس بعد اذنك
(بيتصل باخوه)
الو
تعلالى ومعاك فلوس...انا فورطة
ايه؟؟!
ورطة بسبب مين
بسبب ضفدعه! اخلص وتعالى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"نعم يا حبيبى .. لا طبعا انا مش موافقه"
نتالى: بالله شو ! ع شو كل هاد الصراخ
انتى هون بمكان مو من حقك وممدوح من كرم اخلاقه منشان هو انسان كتير مذواق
ومنشان هاك الطفل الى بيناتكم
بيريد ترجعو
لكن يطلقنى ! هيدى فكرة تبعديها عن راسك احسنلك
غادة: نعم ياروح الماما! انا مراته وام ابنه
وهفضل ام ابنه ومراته
انتى جوازة طيارى يا حبيبتى ..بحق الانتفاع ليس الا
متصدقيش نفسك انك الزوجه بقى ومن حقك كل حاجه فوقى
ممدوح: بـــــــــــــــــــــس!خلاص اسكتى منك ليها
خلينى اتكلم
نتالى: اوك .. شوبدك
ممدوح: غادة مينفعش اسيبها تانى يا نتالى بعد الى حصل للؤى هما برضو محتاجينى جمبهم
وانتى ياغادة..انا بصراحه مش هقدر اطلقها
وترجع تانى متلاقيش مكان تعيش فيه بسبب ظروفها
غادة: والله دى مش مشكلتى ، هى بيك من غيرك فالشارع اصلا
نتالى : شووو (بتمثل العياط) عم تسمع شو عم تقول
انا بالشارع بكون
بيرضيك ممدوح (بدلع)
ممدوح: هاه!! غادة انا مش هطلقها
غادة: والله!! وانا مش هرجعلك طول ماهى ع ذمتك يابورياله
مدام اتسهوكت شوية وانت روحت نسيت نفسك يبقى عليه العوض فالرجاله!
(سابتهم ودخلت الاوضة ورزعت الباب فوشهم)
نتالى: مو تزعل حبيبى ..هى بتخسر كتير (مميله عليه بدلع)
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
خبطتين تلاتة..
ع باب مكتب كاميليا فالشغل، وكان وسام.
وسام: ينفع ادخل
كاميليا: اه طبعآ..اتفضل يا وسام
اطلبلك ايه ؟
وسام: لا انا راجع مكتبى تانى ..ومش هضيع وقتك
انا بس كنت عايز احكى معاكى شوية ممكن
كاميليا: حاجه خاصة بيك يعنى ؟ انا تحت امرك
وسام: لا بصراحه..هى حاجه خاصة بيكى انتى
كاميليا: خاصة بيا ! اوك بعد الشغل نتكلم
وسام: اوك.،اسيبك بقى
وبعد الشغل، فمطعم هادى
وهما بيتعشو..ابتدى وسام كلامه
وسام: بصى بقى ، احنا اخوات مش كده
تسمحيلى اقتحم جزء من خصوصيتك لانى مستغربله بقالى فترة
كاميليا: طبعا يا وسام..انت تتكلم فاللى انت عاوزوه وقت م تحب
وسام: ربنا يخليكى يارب ، كاميليا
ايه سبب وجود صهيب هنا طول فترة شغلك ونزولك مصر بيه ورجوعك بيه
فيه مشكلة وياكى بخصوصه؟ انا اسف لو بتدخل بس يعنى...
كاميليا: انا عارفة ان كلكم لاحظتو ده وكلكم عندكم نفس التساؤل
فادى برضو سألنى ملاقتش حاجه ارد بيها عليه
وسام: بس الدراسة هتبدأ ، واحنا قدمنا لبتول
صهيب لازم يتابع دراسته
كاميليا: لا ماهو انا هقدمله فمدرسة هنا خلاص
وسام: طب ليه ده كله ؟
كاميليا: عشان انا مهددة يا وسام بان يتاخد منى صهيب ومقدرش اشوفه تانى
وسام: مهددة! من مين؟
كاميليا: من اهلى
وسام: انا مش فاهم حاجه،ازاى اهلك يهددوكى ياخدو ابنك
وايه وجه الاحقيه فكده؟
كاميليا: انا هحكيلك الحكاية من اولها ..مع انى عمرى م قولتها لحد
بس خلاص معتش قادرة عايزة اتكلم
كفاية شايله كل ده جوايا لوحدى
وسام: حسيت يا كاميليا والله ان جواكى حاجه ..اتكلمى
انا سامعك
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فالفون ..
مى وامنية بيتكلمو سوا زى كل يوم، بس امنية كانت منهارة جدآ
امنية: يعنى ايه يقولى انا عندى بنت ومينفعش ولد فالبيت
ايه التخلف ده !
بنته ع وش جواز وانا ابنى طفل
مى: بصى لو سألتينى هقولك دى حركات واحد بيستعبط
ي اما اخر كام برج خترفو عنده
اصل ده مش طبيعى يعنى
امنية: انا خلاص مبقتش قادرة استحمل..انا مستحيل ابعد عن ابنى لحظة
مى: هى جوازة بابا سنفور دى مش نافعه من الاول وقولتلك
واهى بانت البشاير من قبل الجواز
احمدى ربنا بقى
امنية:انا فكرت كتير انى اسيبه ، بس
مى: بس ايه وهى دى عايزة تفكير ..سيبيه فورآ
انا مش عارفه هو ده فيه ايه عشان حد يتمسك بيه
امنية: يا مى انا تعبت من الوحدة..تعبت انى لوحدى
مش معقول فسنى ده خلاص حياتى تكون وقفت كده
انا لازم يكونلى بيت واسرة وراجل
مى:يابنتى اتقدملك كتير بعد الانفصال وانتى موافقتيش
انتى بتغنى وتردى ع نفسك؟
امنية: كلهم ميحملوش مسؤليه يا مى، الى عاوزنى 24 ساعة فاضيه ليه
والى زى شريف مالوش امان
والى دماغه طقه ومش ناضج
انا تعبت
مى: اه، وعم الحج عمران هو بقى السوبر مان
لا ع فكرة ده اوحشهم..يكفى انه مش بيحب ابنك ومش مرحب بيه
وخلى بالك
انا كنت عارفة من الاول انك وافقتى عليه عشان الهبل الى بتقوليه ده
بيت وامان واسرة وحد ناضج
بس احب اقولك انا جوازتك دى لو كملتيها ..هتبقى افشل من الاولى
امنية: مى كلامك بيخلينى افكر اكتر ف انى اسيبه
مى: انتى الصبح تروحى تديله كل حاجه وتخلصى من الخطوبة السودا دى
يا كده
يا هتندمى للابد صدقينى
امنية: عندك حق..فعلا هو ده القرار الى لازم اخده بقى
وكفايه تفكير
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
كاميليا: انا لما اتخطبت واحنا فالجامعه ، بعد رفضهم الشدي ليك
وتهديدى بانهم هيعرفو يبعدوك عنى بطريقتهم
استسلمت واتجوزته
كام سنة فعذاب وقرف ..ديكتاتورى
اه ولا ومافيش نقاش
كل حاجه بحساب حتى النفس..استحملت كتير وجيت ع نفسى
لحد م ربنا رزقنى باول مرة اكون حامل منه
وسام: اول مرة !
كاميليا: ايوة ..انا حملت 3 مرات منه
وفكل مرة عند شهر معين البيبى ينزل ..روحت لدكاترة كتير
قالو ان فدمى مرض بيقتل الجنين عند وصوله لشهر معين اثناء الحمل
وسام: وبعدين
كاميليا: كانو عايزين يجوزوه واحدة تانية عشان يخلف، وتخيل مين
اهلى هما الى بيدوروله ع عروسه
وسام: ياسلام! ده منطق غريب جدآ
كاميليا: المهم وصلت بيا للاخر ..وتعبت وحاولت كتير فموضوع الطلاق
وبعد تعب الحمدلله اتطلقت منه
اهلى كانو شايفين انى خرجت عن طوعهم
ازاى اول بنت فالعيلة تطلق
ازاى اخرج برة بلدى وادور ع شغل بعد طلاقى ومقعدش فالبيت واردم نفسى بالتراب ع الى حصلى ده
وسام: وهو ايه يعنى الى حصل ؟ مع احترامى لاهلك
انا شايف انه بجد حرام كده
كاميليا: انا مستسلمتش..نزلت القاهرة واشتغلت وهناك عرفت وجيه
حبينا بعض
حكتله ظروفى..بين جوازى وطلاقى يدوب شهور العدة
وسام: بس انتى قولتيلى ان صهيب ابن طليقك وان وجيه الى مربيه
كاميليا: دى الحكاية الى كل الناس عارفينها.عشان اسلم من شر اهلى
لازم يعرفو ان صهيب ابنهم
من الهوارة مش ابن وجيه
وهو ده الى اتفقت مع وجيه عليه
غلطت وفكرت غلط عشان احمى ابنى .. لما حملت من وجيه والحمدلله الحمل كمل ع خير وربنا ادانى صهيب
قولتله انا هقول انى اتجوزتك وانا حامل فيه من جوزى الاولانى ..لكن هيتكتب باسمك
وبكده اكون حميت ابنى من شرهم
وحق ابوية وجيه مش ضاع
وبعد م سفرنا هنا وشوفت الدنيا والحياة دى
وعشت معاه اجمل سنين حياتى
ربنا اختاره
وسام: الله يرحمه
بس افرض طليقك طلب حقه فبنوه ابنه وان يكون معاه ..الى هو مش ابنه من الاساس
كاميليا: هو مش فاضى لينا اصلا..عنده حياته ومراته وولاده،ده ماصدق خلص منى
وسام: اه فهمتك
كاميليا: وهما جايين بعد كل ده عايزين يحرمونى من ابنى
ي اما ارجع اعيش وياهم فالبلد واسيب الشغل والسفر وحياتى دى
فهمت ليه بقى صهيب مش بيفارقنى نهائى
وسام: (اتنهد) فعلا حاجه غريبة وقصة متتصدقش
معقولة
ايه الجريمة الى انتى ارتكبتيها يعنى فجوازك من حد مش من عيلتك
تفكير فى منتهى العقم
كاميليا: وسام انا حاسة انى هيحصلى حاجه
وسام: ليه بس بتقولى كده
كاميليا: معرفش خايفه وقلقانة طول الوقت ..عشان كده ابنى وصيتك
لو حصللى حاجه
اوعى تسيبه
وسام: ياستى ربنا مش هيجيب حاجه وحشة، هو بس انتى متوترة من شوية اللخبطة الى حاصلة معاكى دى وده هاجس نفسى عارض وهيروح
من كتر خوفك ع ابنك بس مش اكتر
كاميليا: يارب يا وسام..يارب يكون كده بس
وسام: متقوليش يارب انا عندى هم كبير..قولى ياهم عندى رب كبير
واضحكى بقى
كاميليا ابتسمت وخففت من الحمل الى ع صدرها بكلامها مع وسام
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
شريف لما فاتحهم فالبيت ، عن جوازه من بشرى
كان الرد ثورة كبيرة
هو مكانش عامل حسابها!
الام: انت بتتكلم ازاى ؟ تتجوزها ازاى
اذا كانت جاتلك هنا مطقتش تقعد معاها ربع ساعة ع بعض
اخوه: لا شكل الاستاذ شريف عجبته فلوسها بقى وهيعيش ع قفاها
شريف: اخرس يلا..وبعدين انا اخوك الكبير
وملكش تدخل فالكلام انت سامع
الام: سيبك من اخوك وكلمنى هنا ، انت كده بتبيع نفسك
هو كل من ساب شغله يدور ع جوازه ساهلة زى دى عشان الفلوس يابنى
شريف: يوووووه كل واحد هيفتحها محاكمة، هتجوزها
ومحدش له دخل
والى عايز يحضرلى فرح ولا يجيلى بيت يا اهلا وسهلا
والى مش عايز بردو مع السلامة
شريف الموضوع اخده بعند مع نفسه والى حواليه
مكدبش خبر وراح طلب بشرى من خالها الى عايشة معاه ف اوضة فوق السطوح
وفالقاعدة دى ..كانت بشرى ليها شرط
بشرى: بش انت تكتب الكتاب، قبل م ترجع فكلامك (بتضحك ضحكة هبلة)
شريف: هيهيهيهيى ياما!! حاضر ياختى هنكتب الكتاب ليكى اى طلبات تانية
بشرى: لالالا كده حلو اوى لولولولولولولولولى
شريف: بتزغردى! ع ايه ولولى عليا
ياختى
رجع وهو مش فرحان ولا اى حاجة، ماهو معروف انه مش مقتنع بالجوازه
دى من اصله
بس كان ف رد فعل صااااااااارم مش هنقول غير منتظر
بس مش متوقع!
وسام: انت عبيط ولا حكايتك ايه ؟؟ انت عامل بالظبط زى الى بتبيع نفسها للى يدفع اكتر
شريف:كنت عايزنى اعمل ايه يعنى ؟ واحدة وكسبت مبلغ كبير كده
وانا قاعد فالبيت لا شغله ولا مشغله..ليه يعنى
هو ده عدل!
وسام: (بعصبية) انت ايه انت عشان تقول عدل ولا مش عدل فقضاء ربنا علينا
وانت مالك دى ارزاق
ايه ياشريف هتتجوز بنت غلبانة زى بشرى عشان فلوسها
اصل متقنعنيش انك حبيتها فجأة
ده انت مكنتش تطيق تبص فوشها دقيقتين
شريف: ايوة هتجوزها استغلال ..ايه يعنى
امنية ومش عايزة ترجعلى وهتتجوز واحد اد ابوها وبرضو استغلال
ونهال استغلت خطوبتى ليها وبهدلتنى وضيعتنى
وزمان شيرين استغلتنى عشان توصلك
وغيرهم وغيرهم..كل بنت عرفتها زى م كنت بستغلها كانت بتستغلنى
اصحى انت وفوق من النوم ياصاحبى
كله بقى بتاع مصلحته دلوقت
مبقيناش ملايكه عالارض خلاص
وسام: تقوم تنتقم فالغلبانة المسكينة دى الى كل مصيبتها انها بتحبك من قلبك ومتعرفش الخداع
شريف: انا مش بنتقم ولا حاجه..مانا بعذب نفسى برضو
انت عارف بشرى متنفعش حد يرتبط بيها اساسا
وسام: خلاص سيبها فحالها ي اخى ..ودور ع شغل وخليك بعيد وابتدى حياتك بعيد عن التفكير الدنئ ده
شريف: لا طبعآ، سيبك من الفلوس
هلاقى فين واحدة معرفتش حد قبلى زييها
هلاقى فين واحدة مكحوتة من الدنيا دى تعب ومالهاش تطلعات غير انها تحبنى
وسام: شريييييف !! (بزعيق) اخر كلامى معاك ارجع عن الى فدماغك
كفايه ظلم بقى للبنات
كفاية
شريف: لا مش هرجع يا وسام وياعم دى حياتى وانا حر فيها
وسام: دى حياتك ! اوك
انا بقى حر لما اخرج واحد زيك من حياتى يا شريف بيستغل اسمى حاجه ربنا خلقها
عشان يضحك بيها بنت مكسورة مالهاش حد
مش عايز اعرفك يا شريف
(قفل السكة فوشه )
حتى شريف كان تأثير مكالمة وسام صعب عليه عن اى حد رفض الارتباط ده من الاول
ياترى هيكمل فيه ولا هيسمع كلام الى حواليه..
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" ياااااااااااه ..من زمان مقعدناش سوا فالبلكونة وشربنا حاجه سوا "
منة ادتله شاى وكيك هى عاملاه ..
منة: دوق وقولى رأيك بقى فالكيك
سامح:جميل من غير مااقول انتى عارفة انك فالحلويات جامدة يعنى
منة: هههههههههههههه..يعنى مبسوط منى
سامح: اه طبعا لما بتبقى عاقلة كده ببقى مبسوط منك جدآ كمان
منة:ولسه هبسطك اكتر واكتر كمان
سامح: مانا بقول ايه الرضا ده كله،قولى ياستى
منة: شكل كريم كده جاياله اخت
سامح:يعنى ايه ؟؟انتى حامل
منة:ايوة (كانت مبتسمة وكشرت لرد فعل سامح) ايه انت مش فرحان
سامح: انتى شايفه ان ظروفنا تسمح بطفل جديد ؟ده كريم لسه صغير جدآ
منة:بس يعنى ده رزق وربنا باعته هنقول لا
وبعدين انا فرحت اوى لماعرفت ياسامح
سامح: (ساب الشاى والكيك وكشر وقام) بس انا مش مبسوط
تصبحى ع خير
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل بكرة
استنوها يوميآ
#ويسو_وميوش_وتوتا_وخلصت_الحدوتة
حأقول ايه عن شريف الزفت ده آسفة على اللفظ بس هو مكا ينفعش غير كده اصل مستفز الهي يبتليه بمصيبة ياختي خلي آخرته سودة بدل ما كل شوية تجي حاجة في الغلبان وسام خليها تطربق على شريف بقى شكل اخرته ازفت من عمايلو الهي يبتليه بداء التبول لا إرادي ، غادة بقى أنا مفروسة منها بششششششششكل موش معقول الهي يهدها بدل ما تهدى شوية و تعمل زي المسهوكة نتالي ، فانيليا بعد ما كنت كارهها صعبت عليا ، يلا بقى في انتظار الحلقة الجديدة ان شاء الله ، و تسلم ايديكي على الحلقة الجامدة ديه
ردحذف