❄❄❄❄❄❄❄❄❄❄❄❄❄❄❄❄❄❄❄❄❄❄❄❄❄❄
"انا لازم انزل بنتى بتموت !"
كاميليا : طيب اهدى يا وسام، انت مينفعش تنزل لانك لسه اول سنة
المرة الى فاتت زوغت وغطينا عليك
والمرة الى قبلها كانت يومين وبس
مش هينفع
وسام: يعنى ايه مش هينفع (متعصب) انا لو طلبت معايا اسيب الشغل عشان بنتى
هسيبه ومش هستنى
كاميليا: طيب ما تشوف مى ويمكن تكون عدت الازمة ع خير ومش يحتاجوك جنبهم
وسام:حتى لو بقت كويسة انا لازم اكون جنبها ،دى بنتى وده اكتر وقت هى محتاجانى فيه
كاميليا: بس اهدى العصبية مش هتجيب حل
انا هحاول اشوف لو تقدر تنزل يوم ولا حاجه
وسام: ارجوكى يا كاميليا بجد اتصرفى لحسن والله بجد انزل ومن غير اى انذار قبلها
كاميليا: لا متقلقش هتصرف ،بس انت هدى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
نتالى وغادة فالمطبخ!
كل واحدة بتتنافس ع ممدوح عشان تثبت جدارة عنده اكتر ويفضلها عن التانية
غادة سمعت كلام صحابها ، بدأت تعمل دايت
بس مش اوى
يعنى بتمشى عليه بس بالعافيه
وابتدت تهتم بنفسها وشكلها
هما دلوقتى بيحضروا الغدا ، وممدوح قاعد عالسفرا مستنى الاكل يتحط ولا هارون الرشيدى
نتالى:كل ياعيونى ، عملتلك اليوم تبولة وفتوش بالزعتر
غادة: (زاحت اطباق نتالى بقرف وحطت اكباقها قدام ممدوح) سيبك بلا زعتر بلا كمون ..اكلنا المصرى الى مافيش احلى منه
كل يا حبيبى وقول رأيك
ممدوح: هيييييييييييح ،يا جماعة انا حاسس انى بجد بحلم
ايه الرضا ده كله
حوريتين من الجنة عاملينلى احلى اكل
غادة : حوريتين ايه ! هى حورية واحدة بس
غدغودتك حبيبتك
هو الناس المعصعصين المسلوعيين ينفع يتقال عليهم حورية
يتقال عليهم مقشات ..عصايات كده يعنى
نتالى : وليكى ! بقبرك م الك صالح فينى سمعتى ولا شو
غادة: لا شو ياعيون الماما ورينى هتعملى ايه
ممدوح: بـــــــــس خلينا بقى ناكل الاكل الحلو ده من غير خناق
نتالى: مو سمعانا شى ممدوح؟ عم تتمسخر علينا
غادة: يا حبيبتى انتى لسه ماشوفتيش المسخرة ، الى عايزة اقولهولك ان البيت ده بيتى وبيت ابنى
وكل حتة فيه انا مختاراها انا ودوحه حبيبى
وكل حتة فيه من حقى وملكى
انتى بقى مجرد ضيفه
لما بلدك تتحل ازمتها ، هتغورى من هنا ف 60 سلامة والقلب داعيلك
يبقى تحطى لسانك جوه بوقك لحسن ودينى اقطعهولك
نتالى : يا الله!! ممدوح (بتمثل العياط بمسكنه) انا ما عم بتحمل كل هيك اهانات
انا مو بدى اكل ولا شى
وبقعد بالغرفة لحالى
وضلك انت هون معها
بالكى بتكون احسن الليدى غادة
ممدوح: نتالى ! طب استنى(بيبص لغادة) عاجبك يعنى
غادة: اه عاجبنى (شدت ايده وقعدته) اقعد وكل
وسيبك من فتوش وبتاع
مسكت اطباقها رمتهم فالباسكت
ممدوح بيبص عليها ومتدايق عالاكل الى بترميه
غادة: كل !!
ممدوح: حاضر حاضر
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
سهر وجوزها وبابا مى
مع مى فالمستشفى
عشان بتول
الدكتور: حالتها كانت صعبة ، الغاز تقريبآ كان هيسد رئتيها وممكن كان ادى لاختناق وماتت
بس الحمدلله جهاز التنفس الصناعى قدر يرجع لها تنفسها بشكل منتظم
بس هتستنى معانا كمان يوم
مى: احنا بقالنا يومين هنا يا دكتور طيب
سهر: معلش يا مى عشان بتول ..
مى: مانا عارفة ، اهم حاجه هى تفوق وتقوم بالسلامة
انا عمرى م هكرر الغلطة دى تانى ..كانت ممكن بنتى الوحيدة يا سهر تضيع
سهر: قولى الحمدلله ربنا ستر، ومعلش يامى قدر ولطف
مى: بس عارفة! اول مرة احس نفسى وحشة اوى فعين وسام كده
وانه بجد بيكرهنى
ده اتحسبن فيا يا سهر
فاهمة يعنى ايه ؟
اول مرة يعملها (بتعيط وبتمسح دموعها)
سهر: معلش انتى اصلك خضتيه ده غير ان شكله كان حاسس عشان اتصل كذا مرة فنفس الوقت
الفكرة دلوقتى ان بنتكم تقوم بالسلامة وبعدين اتعاتبو
مى: هو من امبارح ماتصلش بيا ولا عرف البنت مالها لحد دلوقثت بعد المكالمة دى
سهر: ماهو بعتلى مسج..وعرف انى معاكى وعرفت بالى حصل ومتابع معايا ومش سايبنى دقيقة
وع فكرة هو جاى
مى: جاى ! (بخوف)
سهر: مالك خوفتى كده ليه ؟؟
مى: ابدآ ..بس وسام لما كلمنى باللهجة دى ..لاول مرة اخاف منه
ع اد مانا مزعلتش لانى عارفة انى غلطانة
هو نبهنى كتير
بس خايفة منه ومن زعله
سهر: لا متخافيش هو بس يشوف بتول كويسة وكل حاجه هتتحل بأذن الله
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
باب شقه شريف بيخبط !
ومامته بتفتح
الام: ايوة يالى عالباب حاضر
المحضر: السلام عليكم ، شقه الاستاذ شريف ....
الام: ايوة يابنى
المحضر: ممكن ييجى يتفضل باستلام الدعوة دى
الام: دعوة ايه يابنى خير
شريف : فيه ايه ياماما
المحضر: حضرتك الاستاذ شريف؟
شريف: ايوة
المحضر: اتفضل امضى بالاستلام
شريف مضى واخد الورق من المحضر وقفل الباب
الام: فيه ايه يابنى
شريف: مافيش (بيقرا) الست بشرى رافع دعوة طلاق
وووو
ياهااااااااااااااااااااااار اسود!!
الام: فيه ايه ؟؟
شريف: هى حصلت يا ولاد اللذين!
الام: فيه ايه يابنى خضتنى حصل ايه
شريف: خالها رافع قضيه بالكمبيالا الى كتبتهاله ...واقعه اهله سودا
ماشى بسرعة ع اوضته
الام: كمبيالا ايه يابنى انا مش فاهمة حاجه
شريف: ودينى لاندمهم شوية الحوش دول الى فاكرين نفسهم ناس
طييييييييييب
جايلك يا خال الكونتيسة جايلك
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام ..
داخل بأقصى سرعة ، فالممر بتاع الاوضة الى فيها بتول
كان بقاله كتير مش شاف مى ، بس محاولش حتى يسلم عليها
قابل حماه وسهر
وسام: بنتى فين ياسهر ، انهى اوضة !
سهر: هى هنا يا وسام..اهدى هى والله بقت كويسة
مى: وسام (بحب وخوف )
وسام: (مردش عليها ودخل ع بتول) توتا !
جرى خدها فحضنه وهى بصت ناحيته وحضنها وهى متوصلها جهاز التنفس الصناعى ..لدرجه انه دمعت عيونه ع منظرها
وسام: متخافيش يا بتولتى ، بابى جه
ومش هيسيبك ابدآ
بتول بتبصله من تحت الجهاز وطبعآ مش عارفة تتكلم
باس كفوف ايدها وقالها انه واقف برة
وسام: الدكتور قال امتى هتقدر تخرج من المستشفى ياعمى ..وايه حالتها بالظبط
بابا مى ا: طيب خد نفسك الاول، البنت كويسة مش فيها حاجه
تعالى معايا نروح الكافيتريا نشرب حاجه الاول
وسام: لا متشكر ياعمى انا هفضل جمب بتول هنا
بابامى : يا وسام متبقاش دماغك ناشفه ..تعالى بس
راحو لكافيتريا المستشفى وقعدو وطلب بابا قهوة ليه ولوسام
بابا مى: انا عارف ان بنتى غلطت ، وحقك انك تعاملها كده وتشد عليها
عشان الغلطة دى متتكررش تانى
بس بردو كان المفروض حتى السلام يا وسام..تسلم عليها
وسام: عمى انا اسف بجد..مى مبتعملش اى حاجه بنبهها عليها من مرة
ودى مش اول مرة تهمل ف بتول
وانتو كلكو عارفين
خلاص مش هيبقى عندنا غيرها
لما تروح ايه الى انا استفدته من تصرفات واستهتار مى بالشكل ده
بابا مى: مانا قولتلك هى غلطانة ، بس الشده ع طول مش حلوة
ان شاء الله تروحو ببتول سوا انهاردة
وتحلو اموركم بود فالبيت
ماشى
وسام: (هز راسه) ربنا بس يطمنى ع بتول الاول
بابا مى: ان شاء الله
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" جرى ايه يا راجل يا بئف انت!! بترفع عليا قضية انت والمحروسة بنت اختك هاه!
ده القوالب نامت والانصاص قامت ياجدع!!
خال بشرى: بقولك ايه ياستاذ شريف، احفظ ادبك انت فبيتى
شريف: بيت ايه يابو بيت ..جاتك نيلة وانت شبة خيال المأته
انت يا راجل انت مش عملت فيها المصلح الاجتماعى واتفقت معايا عالمبلغ الى فالكمبيالا قصاد م اخد فلوس بشرى
خال بشرى: لاء!! انا اتفقت معاك قصاد م اسهلك الجوازة ..وماقفلكش فيها
لكن تاخد فلوسها!
ليه
دى بت غلبانة ومسكينة وزى بنتى تمام..اقوم اتفق مع الغريب
ع بنت اختى
انت عايز تجيب عليا الغلط ولا ايه
شريف: لاااااااااااا يا شيخ ،ايه البراءة دى
تصدق جسمى قشعر يا راجل !
انت بتعمل الشوية دول عشان تشوفك هى بقرشين
متخافش هديهملك
بس روح اسحب الشكوى دى عشان ماتشوفش وشى التانى
خال بشرى : (قعد وحط رجل ع رجل وهو بيشرب الشيشة قدام اوضته )
والله انا قولتلك الى عندى
ولو عندك وش تانى ياريت توريهولنا (بتناكة)
شريف: ايه ايه ده ايه ده !! هى بقت كده يا خال الغراب
طييييييييييب انا هوريكم انت والمخفية بنت اختك
الا صحيح هى فين ؟
خال بشرى: معرفش هى فين .. من ساعة صباحيتكم وهى مش هنا ومش بشوفها
روح دور عليها
شريف: يدورو عليكى فبلاعة يابعيده
ماشى يا عيلة معفنة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بتول فاقت ..وبقت احسن
وروحت مع باباها ومامتها الى تقريبا منطقوش كلمه سوا
وسام دخل بتول اوضتها بحنيه وحطها فسريرها
وسام: حمدلله ع سلامتك يابتولتى ..حبيبة بابى
كده تخضينى !
بتول: بابى انا فرحانة عثان انت هنا ، انا هبقى اعيا كل يوم عثان متثبنيث
وسام: بعد الشر عنك يا روحى .. انا مش هبعد عنك تانى
بتول: بابى خدنى معاك، مامى بتسيبنى كتير اوى
وانت بتبقى واحسنى خالص بقى
وسام: هانت يا روحى خلاص..بصى بقى
عمو الدكتور قال بلاش شيكولاته عشان صدرك
انا جبتلك دانيت كتير ولبن وعصير
وهناكلهم ونشربهم كلهم
اوك
متفقون!
بتول: متفكون !
حضنها وهدى نور الاباجوزة جمبها وخرج ...دخل اوضته كانت مى قاعدة وباصة ناحيته وبتعض شفايفها ونفسها يكلمها
وفجأة جت جمبه!
مى: هتقعد مخاصمنى كده كتير ومش عايز تكلمنى
وسام: ارجوكى يامى .. انا مش حابب اتكلم فاى حاجه
مى: هو مين الى ليه الحق انه يزعل انا ولا انت
انت اتحسبنت فيا
اول مرة تعملها يا وسام (دموعها نزلت)
وسام: لما تبقى السبب فضياع حياة بنتك تفتكرى اعمللك ايه
والمصيبة بسبب شئ تافه
حضرتك بتعملى شوبينج
طب خديها معاكى
م العربية تحت
هيحصل ايه يعنى
ولا بتول خلاص بقت تقيد حريتك
مى: والله م كنت اقصد ونبهت عليها متفتحش بوتوجاز ولا ميكرويف ولا اى حاجه، طب هى مسمعتش الكلام
وسام: هى طفلة يا مى
ممكن تغلط
وارد جدآ
لكن انتى
انتى امها
وانا سايبهالك امانة يا مى
البنت كانت هتموت لولا ستر ربنا
وانا مش كل هفوة هتحصل هنا هنزلكم الشغل مش تحت امرى
مى: وسام عشان خاطرى خلاص..متزعلش
انت عارف انى مش بعرف اعمل اى حاجه فنفسى وانت زعلان منى
وببقى مخنوقه
وسام بيلم حاجته وبيحطها فالشنطة
وسام: مش قادر يا مى ..قلبى مش راضى يصفى لاول مرة ليكى
سيبيها تيجى لوحدها
مى: طب انت رايح فين ؟ (خرجه وراه)
وسام: بوسيلى بتول لما تصحى وقوقليلها بابى عمره م هيسيبك تانى
انا راجع دبى دلوقت
لانى سايب الشغل بمشكلة
مى: هتمشى برضو واحنا زعلانين (عيطت اوى)
وسام: نستودعكم الله يامى !!
مشى وقفل الباب،، وانهارت مى فالعياط
هى عارفة ان زعل وسام وحش اوى ..وبالذات لو هى كانت غلطانة بتبقى المصالحه بأعجوبة
ياترى هتعمل ايه المرة دى عشان يرضى عنها ويسامحها !!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
فالاتيلية ...
ومى وامنية سوا بيفطروا
مى: انا مش فاهمة يعنى حصل ايه لكل ده ..بتول وبقت كويسة
هو بيعاقبنى يعنى
امنية: معلش يا مى ماانتى عارفة من زمان وسام لما بيزعل من حاجه بجد بيتصالح بصعوبة
مى: بس يا امنية مش كده ...خلاص عدى كتير اوى وهو مخاصمنى
بيفتح سكايب بس عشان بتول
وبيكلمنى واتس بس عشان بتول وانا ولا فالدماغ!
بطل يكلمنى حتى كويس
مش يقولى كلام حلو
كأنه بيربينى
امنية: عايزة الحق انتى عايزة تتربى ههههههههههه
مى: يا مونى متهرجيش بقى انا دمى محروق، اومال بقى لو كنت عملتها هوليلة ع حسبى الله ونعم الوكيل دى بقى
مش كان زمانه هو الى بيترجانى
مش كده!
امنية: لا بصراحه مش كده ..كنتى برضو انتى الى فضلتى تترجى عشان انتى الغلطانة
مى: طب اعمله ايه ده عشان يفك ..والله بتول بقت زى القرد
ومش بقيت اسيبها لوحدها غير ففترة الشغل
وهى بتبقى فالمدرسة وبعدها النادى
يعنى امبارح مثلا
بقترح عليه نجيب بيبى سيتر لبتول طالما عندى خروجات ساعات بخرجها لوحدى
هب فيا زى وكأنه هياكلنى ازاى اطلب كده ...لا طبعآ مينفعش
ازاى تبقى فيه مربية فالبيت زمامتها موجودة
قولتله يا حبيبى وليه نعتبرها مربية ... هى جليسة اطفال بس
قالى مى!
الموضوع ده انتهى وشيليه من دماغك
امنية: ههههههههه والله انتى ضايعه
وهما بيتكلمو دخلت بنت امورة ولابسة لبس شيك وطرحه حلوة ..بس شبهها مش غريب!
بشرى: صباح الخير
امنية: صباح النور اتفضلى ، تؤمرينا
بشرى: ايه يا امنية ؟ مش عارفانى !
ولا عشان مافيش لدغه !!
امنية: ثوانى انا بشبه عليكى بجد...بشرى !!!
مى: لالالالالالالالالالا بتهزرى
بشرى: هههههههههههههه ايوة انا
امنية حضنتها اوى ومى سلمت عليها
بشرى: ايه رأيكم بقيت اتشاف عادى دلوقتى
امنية: لا بجد ايديهم تتلف فحرير ..ايه يابنتى التحول ده
ولينسز وحركات
مى: لا والطقم يهبل هما كمان علموكى اللبس
بشرى: امنية كتر الف خيرها عرفتنى ناس تعلمنى الكلام واللبس عشان كده كنت غايبة الفترة الى فاتت
ايه رأيكم
انفع اكون بنت حلوة ؟
مى: ده انتى بقيتى موزة!!
امنية: اه طبعآ بقيتى قمر
مى: بس قوليلى .. ايه سر المجية الحلوة دى
احنا اول ناس نشوف النيو لوك
بشرى: ايوة اول ناس..انا خدت شقه هنا تمليك ع ادى
لان الى فاضل فالفلوس مش كتير يدوب افتح مشروع صغير
بس بصراحه انا كنت جاية عشان حاجه تانية
امنية: خير
بشرى: انا كنت عايزاكى يا امنية معايا الاسبوع الجاى..جلستى مع شريف
فالمحكمة !!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام وفادى وكاميليا
وكل حد فالشركة الى بيشتغلو فيها مبسوطين جدآ
وكل ده ليه ؟؟
كاميليا: بصراحة انت حققت انجاز احنا مش مصدقينه ، كل الناس هنا مبسوطين منك
وسام: الحمدلله
طارق: احنا عايزين عزومة يا ريس ..زمانك اخدت مكفأة جامدة ومالناش فيه
عزومة شديدة كمان
جيمى : ايييييييييييون بالظبط كده
وسام: حاضر والله من غير م تقولو..بس ثوانى هعمل فون مهم
(بيتصل بمى )
مى: الو
وسام: الو السلام عليكم
مى: وعليكم السلام ...لحظة هوصل النادى واكلمك تكلم بيتى
وسام: بس انا مش عايز بيتى ..
مى: اومال عايز ايه
وسام: عايز مامتها ..الى مجننانى طول عمرها
ومدوخانى السبع دوخات
مى: (ركنت بالعربية ع جنب) مش فاهمة!!
وسام: ايه يعنى جو استعباط وكده .. عايز اقولك يا هبلة
انى مش بقدر استغنى عنك
بس تصرفاتك بتدايقنى اوى
مى: (شبح ابتسامة) ياسلام ياخويا ..يعنى هو انا بس الى بغلط
انت كمان كلمتنى مكالمة زى الزفت
وسام: طب خلاص متزعليش منى حقك عليا
مى: لا لا ميوش زعلانة خالص مالص جدآ
وسام: طب مانا بصالح ميوش اهو ... ومش عايزاها تزعل
اصلها غالية ع قلبى اوى
مى: طيب وايه الى خلاك انهاردة بالذات بالذات بالذات تصالحنى!!
وسام: بالذات بالذات بالذات عشان فيه خبر حلو
مى: ايه قول
من بعيد جمال وطارق
" اخلص يا عم الحبيب!! "
وسام: هههههههههه انهاردة انجزت حاجه فالشغل كانو بقالهم سنين بيحاولو فيها مع شركة تانية
وخدت مكفأة وكل الناس الى هنا مبسوطين منى
محبتش افرح لوحدى!
مى: بجد!! الف مبروك يا ويسو قلب ميوش انت اموووووووووووه
وسام: بموت فيكى وبالذات طيبة قلبك
مى: ايه ده ايوة صح انا لسه زعلانة ومخمصاك
وسام: متقدريش
مى: لا اقدر
وسام: وهصالحك بردو
مى: هتعمل ايه؟؟
وسام: هبعتلك حاجه كده ليكى انتى بس يارب تعجبك ع ذوقى يا حبيبة قلبى
مى: اوك يا قلب قلبى بمووووووووت فيك
وسام : اسيبك بقى دلوقتى ..وهكلمك تانى
مى: اوكيشن
وسام: مى !
مى: نحم !!
وسام: هتوحشينى لحد م نتكلم!!
مى: بتوحشنى وانا وياك بجبك بحبك بحبك بحبك
وسام قفل مع مى وهو مبسوط... وقرر يعزمهم ع عزومة ويحتفلوا كلهم سوا بعد الشغل
وهما فالحفلة
فادى: انت طبعآ مش هتشرب ههههههههه
وسام: بس ياشيطان
كاميليا: بقولكم ايييييييييه ابعدوا عنه منك ليه
جمال: حاضر يا طنط
وسام: واد يا طارق مش معاك اى دوا للصداع ، دماغى هتتفرتك من بدرى
طارق: جمال معاه كل البراشيم
جمال: ممممممم استنى اشوفلك (طلع من جيبة كمية مختلفة الانواع من البرشام وحاول يشوف فالانوار الملونة الكتير واداله واحدة منهم!!)
وسام: تسلم يا جيمى
جمال : العفو يا شقييق
خلصت العزومة والقاعدة والسهرايه ...وكان وسام عازمهم فى مكان بعيد عن مكان سكنهم لان بكرة اجازة عندهم فالشغل
فقرر يحجزلهم ف اوتيل عشان تبقى العزومة كاملة
بس الغريب ان بعد م وسام اخد البرشامة وهو جاتله هيستريا ضحك مستمرة عالفاضى والمليان واكان كأنه مش فوعيه
المهم
اخدو مفاتيح اوضهم وطالعين
كانت كاميليا سبقتهم وطلعت اوضتها من قبلهم بكتير
ولحسن او سوء الحظ اوضة كاميليا جمب وسام ...
وسام كأنه شارب بالظبط ..كان ماشى مش فوعيه وبيطوح بس بيحاول يمسك نفسه
وبدل م يدخل اوضته .............. دخل اوضة كاميليا وهى نايمة !!!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
تابعو الحلقات الاخيرة
#ويسو_ميوش_توتا_خلصت_الحدوته
#نوراسماعيل
هو أنا بس عاوزة أفهم ألطم و لا إيه هو حضرتك ماوركيش غير الغلبان وسام حرام عليكي يا شيخة ده أنا حاسة انك عاملة الرواية ديه مخصوص عشان تمرمطي اللي خلفوه هههههههههههه ... يا رب ما تتأخر الحلقة الجديدة عشان صدقيني تقريبا كده حتشل لو تأخرت و انا دماغي تودي و تجيب يا ترى هتعمل ايه يا غلبان يا وسام
ردحذفأبوس ايدك خليها تعدي بسلام بلاش آخر حلقة مي تقتلو ماهي أصلا مجنونة
بس هو غبي أي حد يديه حاجة ياخدها يعني ماشكش في كم البرشام اللي عند صاجبو المعفن ده أخخخخخ ياني يا مراري هههههههههههه
ههههههههههههههههه انا عايزاكى تهدى نفسك والله انتى عثل وبستنى كومنتاتك
حذفربنا يجبر بخاطرك يا نونو ... بس بالله عليكي خفي على ويسو ده غلبااااان
حذفيالهووووووووووووووى يا وسام روحت فى داهية روحت فى داهية
ردحذف