♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام بيفوق ...من النوم
لقى نفسه
بهدومه بس قالع البليزر الى كان لابسه والكرافت والشوز ، ونايم عالسرير
فاق وبيبص حواليه !!
حاسس ان دماغه بتلف..
قام وغسل وشه ومش مجمع خالص هو كان فين ولا حصل معاه ايه ؟
قعد شوية مع نفسه بيحاول يفتكر ..هو ليه نايم بهدومه
شوية ودخلت كاميليا عليه مرة واحدة !
كاميليا: انت صحيت ..طب كويس انهم مشيو وصحيو قبلك
وسام: انتى ازاى تدخلى عليا اوضتى مرة واحدة كده من غير استئذان يا كاميليا
كاميليا: احم..وسام
دى اوضتى انا!!
وسام وسعت عيو نه من المفجأة !! وقلع النضارة كعادته لما بيتوتر ولبسها تانى
وبص حواليه
وسام: اوضتك ده ايه ؟
كاميليا: صدقنى دى اوضتى ..انا لسه كنت جاية اشوف ازاى حصل كده امبارح ومن ايه
وسام: (بذهول شدييد) حصل اييييييه ؟؟!!
كاميليا: اهدى يا وسام..انت مرة واحدة انا كنت نايمة ، دخلت اوضتى من غير م احس
ولاقيتك جاى تنام جمبى عالسرير
وسام: وبعدين !
كاميليا: وبعدين ايه انت ازاى تعمل كده ..للدرجه متلخبط بين اوضتك واوضتى
وسام: يعنى انا بيتت امبارح هنا فأوضتك؟
ردى عليا
كاميليا: انت صاحى لاقى نفسك فين ؟ الحمدلله ربنا ستر وهما مشيو قبل م يشوفوك طالع من اوضتى وتبقى فضيحه
وسام انت ازاى تعمل كده او تفكر فيا كده
وسام: افكر ايييييييييه !! (بعصبية) ازاى حصل كده
انا ازاى عملت كده
عقلى كان فين
دخل بسرعة عالحمام وحط دماغه تحت الحنفية وهو بيبكى وهى واقفة بتبص عليه وساكته
بعد م غرق نفسه قعد فالارض بهدومة واتبل وبكى بحرقة
كاميليا: اسمعنى بس
وسام: مش عايز اسمع حاجه من حد (بصوت عالى ) ممكن تختفى من وشى
ممكن
كاميليا: وسام لو سمحت سيبنى اتكلم معاك
وسام: هتقولى ايه ؟؟ انا بسببك عملت كبيرة من الكبائر هزت عرش الرحمن
انا كده خرجت برة رحمته
انا وانتى نستحق الرجم
انتى فاهمة انتى خلتينى اعمل ايه
كاميليا: وهو انا الى دخلتك اوضتى ولا انت ..مين الغلطان يا استاذ وسام
ولا مصمم تجيب الغلط عليا انا
عالعموم انا همشى ورايحه سكنى ..وانت لما تهدى شوف هتتصرف ازاى
بس ياريت محدش من الشباب يعرفو باللى حصل
انت عارف انا ست ولوحدى
والست سمعه
وكمان مش يخلصك ابدآ تتمسك سيرتى بينهم بسببك يا وسام
قالت الكلمتين وسابته فحالة الانهيار والعياط بحرقه وباستمرار الى هو فيها
كان فالوقت ده
مى مع بتول فالنادى وبتسمع خبر جمييييييل جدآ فرحها
مى : بجد يا كابتن ! ده خبر جميل اوى
الكابتن: زى م بقول لحضرتك يا مدام بتول بنوتة ملتزمة جدآ بالتمارين وشاطرة جدآ لذلك هى من المؤهلين لدخول المسابقه برغم سنها الصغير هتدخل مع فئة عمرها
مى: مع ان مش بقالها كتير بتدرب حضرتك ، تفتكر هتبقى مؤهلة فعلا
الكابتن: هى من افضل الاطفال الى فسنها بيتدربو سباحه وان شاء الله تاخد البطولة
الفترة الجاية هتزيد فترة التدريبات
عشان المسابقة
مى: متقلقش ، هى بترجع من المدرسة بجيبها ع هنا ع طول ومعاك يافندم
اهم حاجة بيتى تحقق الى نفسها فيه
الكابتن: ان شاء الله ..عن اذنك
مى: (نزلت ع ركبها لبتول) يا حياااااتو انا هيبقى بطل سباحه ياناس.. ايه رأيك نتغدى هنا
ولا فى فوكيرة احلى
بتول: قولى يامامى
مى: نتغدى فماك وناخد اللعبة عالوجبة.وناكل ايس كريم
ونروح الملاهى بمناسبة الخبر الحلو ده
بتول: (بتتنطط من الفرحة) ايوة ايوة ماثى,,بث مث هتقولى لبابى بئا انى سطورة وهدخل مسابقة
مى: طبعآ يابيتى ..بس الاول نعمل كل الحجات دى يكون هو استريح عشان ده يوم اجازته ونبلغه بليل الخبر الحلو ده ع رواقه
متفقون!
بتول: متفكون
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
جمال و طارق فالسكن
وفادى بيتكلمو
طارق: هو مش الواد وسام حاجز لينا ليلتين فالاوتيل ؟ مشيتونا ليه بدرى بس
فادى: ليلة واحدة يا بقرة!
طارق: طب ماهو لسه هناك اهو..ومصحيش من النوم
فادى: لا وامبارح هو بدع ..شغال يضحك عالفاضية والمليانة شغل مسخرة هههههه
كان كأنه شارب حاجة
جمال: (طالع نازل كأنه بيدور ع حاجة وفجيوبة وفشنطته)
طارق: مالك يا جيمس ..فيه حاجة ضايعه منك ولا ايه
جمال: ابدآ حاجة كده
فادى: ايه يعنى
جمال: برشامه من بتوعى
فادى: برشام ايه ده ؟
طارق:برشامة من الممنوعات !! هههههه
جمال: اه من الاستظرافات يابو دم خفه
طارق: اسمها ايه
جمال: م انت عارفها ..مكانش فاضل معايا غير واحدة وخايف تكون وقعت كده ولا كده فمكان وحد يلاقيها
طارق: لالالا يا جيمى انت خايف عالطاسة متتعمرش انهاردة عشان نوع البرشام ده انت بتجيبه بالضالين
جمال: بقولك ايه ياعم طارق فكك منى عشان بجد مخنوق وعاوز الاقيها
وهما بيتكلمو ... فتح الباب وسام مرة واحدة
وجرى ناحية جمال وهو مصوب عينه عليه ومن غير اى سابق انذار
ضربه بالبوكس!!
فادى: ايه ده فيه ايه يا جدعان!
جمال: ايه ياعم وسام هى هربت منك ولا ايييييييه (ماسك فيه)
وسام: انت ادتنى ايه امبارح..انطق!
طارق: يا جماعة استهدوا بالله فيه ايه
جمال: اديتك امبارح ايه ياعم هو انا جيت جمبك
وسام: (ماسكه من هدومه بشر) لما قولتلك انى مصدع
طارق: اهدى يا وسام اول مرة اشوفك متعصب كده
جمال: ياعم استنى (شال ايد وسام بعنف) شكلك انت الى خدت البرشامة بالغلط
طارق: اوبااااااااا
فادى: برشام ايه ده م تفهمونا يا جماعة
ووسام: نوعها ايه البرشامة دى وبتعمل ايه
جمال: (بعصبية) من غير م تدخل كده، انا مكنتش شايف امبارح من الاضواء
وادتهالك بالغلط
ده حتى انا صاحى بدور عليها
وسام: ليه كده يا جمال يا اخى ..ليه
(قعد عالفوتيه وحط راسه وسط كفوفه)
طارق: ايه ياعم وسام متكبرش الموضوع ، عادى انت خدتها بالغلط
ربنا مش هيحسبها ذنب يعنى عشان انت مش عارف
فادى: هو حرام عندكم البرشام ده ؟
طارق: اه ..وانت عارف ان وسام متدين
خلاص يا ويس محصلش حاجه
جمال: (طبطب ع كتفه) مكانش قصدى يا معلم والله
خلاص حصل خير يعنى
واديك ضيعت عليا برشامة بجيبها بطلوع الروح
وسام: ياريت دى كانت كل المشكلة ...ياريييييت
ال 3 بصو لبعض ومستغربين رد فعل وسام الزايد لمجرد انه حرام انه يشربها
وحاسين ان مش ده وبس الموضوع
اما بليل...
كانت مى مستنيه مكالمة وسام بفارغ الصبر ..بس هو متصلش!
قلقت
وخافت يكون فيه حاجة
اتصلت هى
وبعد فترة فتح الاسكايب وهو مكشر وعيونه دبلانة من العياط..
مى: ويسو حبيب قلبى حيات قلبى
فيييينك
وسام: (رفع عينه ليها كأنه بيشوف ملامحها لاول مرة) ازيك يا حبيبتى
مى: اسكت عندى ليك خبر حلو مووووووت هيفرحك اوى
وهقوله ع طول كده مش هخليك تاخد نفسك
وسام: قولى يا حبيبتى
مى: بيتى هتدخل مسابقه سباحه ع مستوى محافظة القاهرة
بعد شهر!
ايه رأيك فالمفجأة دى
وسام: جميلة يا قلبى ، ربنا ينجحها يارب
مى: مالك يا ويسو ؟ انت متغير
ومال عنيك شكلها تعبان
وسام: مافيش يا حبيبتى ، يمكن شوية ارهاق
مى: ارهاق ايه وانهاردة يوم الراحة بتاعك
وسام: مش عارف يمكن ضغط الاسبوع بتاع الشغل ، المهم انتو عاملين ايه
مى: لا انت فيك حاجة ! لا زعلان
متغيرش الموضوع
وسام: مافيش حاجة بقولك
مى: احلف وحياة بتول ؟
وسام: يوووووه ..مى هكلمك بعدين لانى بجد دلوقتى تعبان
تصبحى ع خير
مى اتفجأت ، قفل ع طول
مش مبسوط من خبر بتول
وبيعاملها بفتور
احساسها بحبيبها وجوزها وابو بنتها مش يخيب، ان هو فمشكلة
وكبيرة كمان وكالعادة
مخبى عليها
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عدت ايام..
ووسام مش قادر ينزل الشغل ..قافل ع نفسه الاوضة بتاعته
مش بيتكلم
مش بياكل معاهم
هما مستغربين ومش عارفين ماله ، كاميليا بتكلمه كتير ومش بيرد بيكنسلها
حتى الصلاة!
كل م يفرد السجادة يبكى اوى ، حاسس انه مش قادر يواجه ربنا
ميقدرش يصلى
ينزل فوقيها وهو بيبكى لحد م يتعب وعيونة دبلت خالص
مكالماته مع مى قلت.. حتى مى حاسس انه مش عارف يبص فوشها وفوش بتول
بيتلكك بمشغولياته الكتير اوى
ولما قرر يقضى يوم فالمسجد..كانت فيه رجل بتخطى ورجل مش عايزة تكمل الخطوة
حاسس انه منبوذ عن العالم الى حبه
هو عاصى
هو مذنب ذنب كبير مالوش كفارة غير الرجم لغاية الموت!
دخل بعد م عافر وكان اليوم بطولة فاتح المصحف ودموعه ع وشه ..وشكله يصعب ع اى واحد.
اما مى
فهى كعادتها مالهاش حد يسمعها من غير حقد وحسد او حاجة وحشة ويديها النصيحه الكويسة
غير
امنية!
وهما دلوقتى مع بشرى برة قاعة المحكمة مستنين ينادو ع جلستها مع شريف!
مى:جوزى اتبدل، جوزى بقى واحد تانى
جوزى مش هو جوزى
حد يجيبلى وسااااااااااااام
امنية: يابنتى يمكن فعلا عنده ضغط شغل، مش لازم طول الوقت يدلعك
اكيد هييجى وقت يبقى مشغول
وبعدين شغله صعب
مى: يا سلام ، يعنى هما الكلمتين الحلوين الى فالمكالمة اليتيمة بقت تقيلة دلوقتى
عالقلب
ده انا بقعد ساعة ادلع فيه
ومش عايزة اقولك
بعمل حركات القرود فالسيرك وهو الى طالع عليه
اممممم
كويس
اوك يا حبيبتى
ايييييييييييه انا زهقت!
ده حتى كان واعدنى بهدية مش شوفتها لحد دلوقتى
امنية: بمناسبة ايه الهدية دى
مى: بمناسبة انه انجز شغل مهم ، قولى حاجة فدى كمان
وسام الى عمره م نسينى
امنية: ممممممم غريبة
مى: لا انا مبقتش طايقة نفسى فيه حاجة غلط فالموضوع
امنية: عيبك يا مى اول م اى حد يتغير معاكى مش بتستحمليه ، اومال جواز ايه بس
المفروض انك تستحمليه تعبان او مبسوط
مش عايزاه طول الوقت مبسوط ووقت تعبه متعرفيهوش
مى: مممممم طيب انا واحدة متدلعه ومفترية
وبنته برضو!
بتول بتقولى يامامى مال بابى متغير غير كده ليه
ومش بقى يدلعنى
هاه!
قولى حاجة ع بتول كمان
وهما بيتكلمو بشرى جت ووقفت جمبهم
امنية: خلصتى مكالمتك؟
بشرى: ايوة قالى 10 دقايق ويكون هنا
بيقول الطريق زحمة
مى: اه فعلا زحمة ..متقلقيش جلستك لسه
بشرى: لا بس متوترة مستنيه المحامى وخالى كمان الى أتأخر ده!
امنية: مش لازم خالك يابنتى ، اصل دى جلسة طلاق
سرية
ومش علنية وبينك وبينه وبس
بشرى: تفتكرو هييجى
امنية: مين ؟قصدك شريف!
اه طبعا ميجيش ليه
بشرى: يخاف مثلا
مى: شريف مش بيخاف ده جبله مش بيحس
جاى عليهم شريف
شريف: الله الله انتو جايين عشان مدام غراب ولا عشانى
بيتكلم ومش واخد باله انها واقفه..
امنية: لا عشانها يا شريف
شريف: ومن امتى الصحوبية الجامدة دى (بص ع بشرى ) مين الموزة دى مش تعرفونا يا جدعان
(مد ايده)
شريف
هطلق دلوقتى
عاطل عن العمل
وفاااااااااااضى مش ورايا اى حاجة
بشرى : (ممدتش ايدها) ههههههههههه
شريف: القطة بتضحك ليه قولت حاجة غلط!! هى مين دى تبع امنية ولا مى
مى: بص فوشها كده انت تعرفها ع فكرة
شريف: اصل دى مش سهر اختك يعنى ..وبعدين جايبن مولد يشوف جلسة طلاق وفضيحه
ايه ياجدعان
بشرى: متخافش الفضيحة انتى الى عملتها
شريف: اتكلمى تانى كده(بيدقق فملامحها)
بشرى: انا مراتك يا شريف ! لحد دلوقتى بس
شريف: بشرى !! هههههههههههههههههههههههههههههههههههههه
بشرى: غريبة ايه الى بيضحك
شريف: اصل اول مرة اشوفك حلوة كده ولابسة كويس
واسمعك بتقولى بس مش بش!
بشرى: معلش بقى
شريف: بس ايه التحول ده ..انتى بقيتى واحدة تانية خالص
بشرى: اه طبعآ دلوقتى افرق ومبقتش خلقة مينفعش تصتبح بيها ياسى شريف
شريف: (بيلف حواليها) لا بس امتى وفين
ومين قالك تعملى كده
بشرى: الله يسترها واحدة بنت حلال
(ناد و عالجلسة بتاعتهم)
امنية: طب يلا وقت جلستكم..ربنا معاكى
شريف: معاها هى ومش معايا انا يا امنية ماشى ماشى
دخلو وهما دخلو وراهم يشوفو هيحصل ايه..
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" لو سمحتى انا مش عايز اشوفك ، مش طااااايق اشوفك
عايزة ايه"
كاميليا: وسام وطى صوتك احنا فالشغل وكل الناس هنا بتحترمنا مش كده
وسام: عايزة ايه
كاميليا: بص احنا ممكن نصلح الانكسر ده ووو نتجوز!!
وسام: والله! ع اساس انى وقعتك فالغلط وخايفه من الفضيحه
لا ياهانم انا متجوزش ع مراتى ابدآ
كاميليا: طب م انت خنتها ، ايه الفرق يعنى
انا اقترحت الاقتراح ده يمكن فيه حل لمشكلتك دى عشان ترجع زى الاول
وسام: مستحيل ارجع يا كاميليا ..مستحيل
الحاجة لما بتقع فالطين والزبالة
وبتيجى تغسليها
بتبقى ريحتها فيها
اصلها اتوسخت قبل كده خلاص
كاميليا: يا سلام انا زبالة دلوقتى يا وسام
وسام: انا بقصد الى وقعنا فيه يا كاميليا ..الى وقعنا فيه والى مخلى حياتى جحيم من ساعتها
لا انا عارف اصلى ولا انام ولا اكل ولا اشتغل
ولا اشوف مراتى وبنتى
ولا ارجع زى الاول دمرتينى
كاميليا بقولك ايه افتكر ان انت الى غلطت الغلطة دى لوحدك وانا ماليش ذنب
وسام: مالكيش ذنب ف ايه ، لاقيتنى دخلت اوضتك وانتى نايمة
فوقينى اطردينى
موتينى
لكن متسكتيش
وتسمحى بحاجة زى كده تحصل
كاميليا: طب واخرتها ؟؟
وسام: عارفة اخرتها ايه ؟؟ اسيب الشغل
عشان اعرف احط نهاية بقى للى انا فيه
عشان ماشوفكيش تانى قدامى ولا اشوف غلطتى معاكى
عشان مافتكرش انى راجل خاين ومستحقش الست الى معايا
ولا كرم ربنا عليا
كاميليا: ايه!!! انت عايز تسيب شغلك
هنا
وسام: ايوة وفورآ (حط الجاكيت ع ايده وطلع بسرعة من مكتبه)
كاميليا: وسام استنى!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
خلصت الجلسة واتحكم بطلاق بشرى والزام شريف بالنفقة والمؤخر
وطالعين من القاعة وبشرى بتعيط
كانت امنية بتحاول تهديها
بس شريف نده عليها من بعيد
ده خلى مى وامنية يقدمو خطوتين ويسيبوهم يتكلمو
شريف: مبسوطة كده ؟ ادفع منين مؤخرك ونفقتك
وانتى عارفة البير وغطاه
بشرى: (عيونها مدمعه وبتقول بطيبة) وانت ليه مصعبتش عليك وانت بتخدعنى وبتمثل الحب عليا
وبتفهمنى انك بتحبنى عشان تتجوزنى
وتاخد فلوسى
ليه يا شريف
ده انا فرحت اوى لما قولتلى انك عاوز تتجوزنى.. اكتر م فرحت بالمبلغ الى كسبته
كأن طاقة القدر واتفتحت لى
صدقت انك بتحبنى زى م بحبك
انا واحدة كل حلمها بيت وولاد وجوز حنين عليها ..اصل انا تعبت والايام مرمطت فيا يمين وشمال
واول م انت اتقدملى قولت سعدك وهناكى جه يابشرى
هو انتى كنتى تحلمى
مع ان قلبى كان بيكدبنى ويقولى امتى حبك وهو مش بيطيق يشوفك 3 دقايق ع بعض
صدقت نفسى وغمضت عنيا ومشيت وراك
عملتلى ايه ...كسرتنى
شريف: (متأثر من الى قالته) بشرى جايز اكون ظلمتك
بشرى: جايز!! عالعموم مش نافع الكلام دلوقتى
خلاص كل شئ انتهى
وانا عايزة حقى ارجوك
واهى فرصة لو عندك تأنيب ضمير
تكفر بيها عن ذنبك فحقى
عن اذنك
سابته ومشيت وهو وااقف..بجد اثر فيه كلامها وحس بظلمه ليها ومش عارف يعمل ايه فالحكم الى اتحكم عليه
بس هى كانت متخبطة من كل النواحى مع الكل
وسام فى اكبر مشكلة بتواجهه فحياته
فعلا فنش نفسه وخد بقية مرتبه وحاجته وبيحضر نفسه عشان يرجع مصر..
فادى:يابنى احنا مش فاهمين ...جاى ف ايه وسافرت ف ايه
هو انت لحقت
وبعدين انت بقالك فترة مش ناطق مع حد ب ولا كلمة ..م تتكلم يابنى
وسام: كده اريح (بيحضر شنطه) لازم ارجع
طارق: ايه يعنى البلد ولا احنا الى وشنا وحش عليك
وايه حكاية كاميليا الى طالبة مننا نمنعك دى انا مش فاهم حاجة
وسام: يا جماعة اعتبروا انى مجتش من الاساس
واهى تجربة وفشلت معايا
بس كسبت انى رجعت شوفتكم والود هيفضل بينا ان شاء الله
جمال: ود ايه وحب ايه ..انت من يوم العزومة وانت حالك مشقلب
م تقول حصل ايه معاك
مش لدرجه تفنش نفسك يعنى وكلنا عارفين ظروفك
وسام: يا جماعة خلاص انا اقلمت نفسى وماشى ..معلش معادش نافع الكلام
فادى: طيب هتعمل ايه..هتشتغل ايه بعد كده
انت فاتح بيت
وبنتك مصاريفها كتير
وسام: هتصرف وهرجع شغلى القديم..انا اصلا عامل حفظ وضيفة
يعنى موجودة
يلا نستودعكم الله
فادى متخافش ان شاء الله هحضر فرحك
وانت يا طارق خد بالك من نفسك ومنهم
جمال...عايز اقولك نصيحه
بلاش منها البراشيم دى لانها قنبلة ولما بتنفجر بتدمر كل حاجه
مشى وهما بيبصو لبعض..ايه الى قاله لجمال ده ؟
ومعناه ايه
فات الاوان عالفهم...
والصبح بدرى كانت مى وبتول عيونهم بتفتح وبتلاقى وسام قدامهم!!
مى: ويسو (جريت وحضنته) حبيبى
بتول: هيييييييييه بابى جاى يحضر المسابقه تاعتى
مى: ايه يا حبيبى الشنط دى كلها ؟؟
وسام: بعدين يامى عشان انا تعبان اوى دلوقتى
دخل اوضتهم وسابهم واقفين
بتول: مامى السنط دى فيها حجات لينا بابى كايبها
مى: بيتى بعدين نعرف يلا حضرى انتى نفسك للمدرسة
خلصت كلمتها وبصت مى ناحية وسام الى اقتنعت ان فعلا هو متغير والمشكلة جواه
وهو بيكابر
وسام انتهز فرصة غياب بتول فالمدرسة ..ومأخدش نفسه من السفر وقرر يفتح الموضوع مع مى
الى هو اصلا نازل عشانه
مش عارف يعيش معاها وهو بيكدب عليها..
وسام: مى بليز متروحيش الشغل انهاردة..
مى: انا مش كنت هروح اصلا، بس انت مالك
انا كنت..
وسام: (حط ايده ع بقها) انا جاى من دبى ومش نايم ولا دقيقة عشان اتكلم
واقولك
واجاوبك ع مليون سؤال
جواكى سألتيه ليا او مسألتيهوش
مى: فيه ايه ؟؟ انت كده قلقتنى زيادة يا وسام
(خدت راسه فحضنها وعيط بحرقة)
ياااااااه للدرجه دى
وسسام: (شال راسه من ع صدرها) انا مستاهلش كل الحب ده
ولا الحنية دى
مى: فيه ايه يا وسام بس مالك يا حبيبى
وسام: مى..انا فنشت شغلى ومش راجع
مى: (استغربت وسكتت دقيقة) طيب يا حبيبى ..ايه السبب
انا طبعآ مبسوطة عشان هتكون معانا
ومش هتبعد تانى
بس..حاسة
وسام: مى...انا خونتك!
خونت حبك
وخنت عهدنا سوا
انا مستاهلش كلمة حبيبى منك..
متتقالش غير كده
انا
خونتك
مى سكتت ودماغها لفت وضحكت وكشرت فنفس الوقت
مى: قول انك بتهزر... هى دى بقى الهدية المتأخرة
خيانتك!!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
نتقابل بعد بكرة ع خير
تابعو الحلقات الاخيرة
#ويسو_وميوش_وتوتا_وخلصت_الحدوتة
#نور_اسماعيل
اه يا عيني عليك يا ويسو ... طب هو كان مغيب لما صحي ما اكتشفش ان هو كان بلبسو مش قالع غير البلازر ، أنا متأكدة إن فانيليا الهي يحرقها كذابة أصلا هي عينها منو و أكيد بتقول جات فرصة تضرب عصفورين بحجر واحدد إلهي يضربو عليها نار و يريحوني منها منها ترجع لوسام اللي هي بتعشقه و منها تستريح من اهلها لما تتجوز إلهي يتجوزها قطر
ردحذفارحميني و نزلي بقى حلقة جديدة بسرعة الله يكرمك و يفرحك يا نونو ده انا قربت أتجنن و حأشد في شعري
ردحذفيا نزنز يالا بقى نزلي الحلقة حأتجنن من التفكير في اللي حيحصل ، يا رب يكون مانع كتابتك خير بس لو كان قطع الكهربا كالعادة إلهي يقطع هدوم اللي بيقطعها ههههههههههههه ، في إنتظارك على أحر من الجمممممممممر
ردحذفمعلش والله كانت عندى حالة وفاه بس هنزلهم خلاص اهو ان شاء الله
حذفإنا لله و إنا إليه راجعون ، البقاء لله و عظم الله أجركم ، طبعا أنا بأقدر ان أكيد عند حضرتك ظروف و الله كنت بأقول كده أه أنا حابة أعرف الاحداث بس أكيد بأهرج و انا معاكي يا قمر
حذف