مدونــــــة لـــــروايــــــــات لنـور اسمــــاعيل: روايــة.. ღويسو ღميوش ღتوتة ...وخلصت الحدوتة ღƒc ح(26) قــبــل الـأخــيـرة

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
صور بتتقلب ،ودموع كتيرة
ومافيش تفسير!
مافيش غير سؤال واحد كان جواها
مش انتى الى قررتى وطلبتى ؟!
فاقت مى ع خبطة عالباب من مرات باباها
مرات الاب :مى! صحابك برة

مى : (بتمسح دموعها) حاضر جاية

خرجت مى وبتحاول تبان عادية ومسحت دموعها

مى: ايه ده ! متجمعين عند النبى

غادة: نعملك ايه ؟ طول عمرك تحصلك مشكلة تقفلى الفون ولا نعرف انتى فين ولا نجيبك منين
منة: قلبى عندك يا مى (بتحضنها)

مى: قلبك عندى ده ايه ياهبلة (ضحكت ضحكة بتدارى دموع) عادى يعنى انا الى عايزة كده

غادة: طب ليه ؟؟ده وسام يا حجة انتى واخدة بالك
يعنى مش نطع من انطاعنا

منة: غادة اسكتى واتكلمى عن جوزك بس

غادة: حاضر يا زوجه السفير جوزى بس، ولو ان جوزى بطل يبقى نطع
هو انا محكتش ليكم
مش البت نتالى غارت فستين داهية تاخدها وممدوح طلقها

امنية: لا بجد!!! حصل ايه (بفضول)

غادة: اهلها جم مصر وبقالهم 3 شهور بيدورو عليها وتقريبآ عاملين مشروع حلويات بيتى وبيبعوها برة
هى م صدقت لاقتهم ودموع وشوية سهوكة بنات
راحو طلبو انها تطلق وترجع تعيش معاهم لانهم جايبن بيت
والحمدلله طلقها ممدوح وخلصنا من اللزقة السورى

منة: حرام عليكى دى واحدة كانت فضسقه يعنى ، بس ممدوح طلقها بسهولة كده
غريبة!
دى طلقه والله

امنية: بتطلع لسانها ل منة بيغيظو غادة )

غادة: بقولك ايه يا زفتة منك ليها انا احلى منها 100 مرة يا كلاب

هما بيتكلمو ومى سرحاااانة ومش معاهم ، امنية خدت بالها وشاورت يبطلو

منة: طب ميوش..مافيش امل ترجعو

غادة: مش لما نعرف الاول هى اتجننت فمخها وطلبت الطلاق ليه ؟
مى: قولتلكم عادى..مبقتش مرتاحة
مشاكلنا كترت وانا مش عايزة اكمل

غادة: ده ع اساس انكم مخطوبين بقى وبتراجعو نفسكم والعلاقة متوترة ! بتضحكى ع عيال صغيرة

منة: لا يامى اكيد فيه حاجة جامدة، اتكلمى احنا اصحابك وهنحس بيكى

غادة: السوسة امنية حاسة انها عارفة عشان مش مشتركة فالكلام معانا

امنية: انا معرفش حاجة (ارتبكت) بس مش بحب اضغط ع مى لو عايزة تقول هقول

غادة: م تخلصى هو احنا هنشمت فيكى يعنى ..ربنا عالم احنا زعلانين ازاى عليكى

مى: (دموعها نزلت) يابنات انا مش حابة اتكلم ، الحكاية خلصت خلاص
مش هنعيد ف الى فات

منة: طب اهدى (قامت تطبطب عليها) بتول حالتها عاملة ازاى؟ وقسمتو ازاى وجودها بينكو

مى: من يوم الطلاق...
متكلمناش فحاجة
بس بتول لسه مش مستوعبة يعنى ايه انا وباباها مش مع بعض
كل شوية تقولى هو احنا مش هنرجع تانى لبيتنا عند بابى يا مامى

امنية: اصعب حاجة الانفصال ده .. مدثر تعبنى فترة كبيرة لحد م اتأقلم عالوضع

غادة : ههههههههههههههه

منة: بتضحكى ع ايه يابت انتى

غادة: اصلى كده ماشاء الله بقينا نادى المطلقات ، انا تاطلقت مرة
وامنية متطلقة ع طول
وأدى مى
فاضل انت يا صوغنن

منة: بعد الشر فال الله ولا فالك

امنية:يا شيخه حرام عليكى ..ربنا ميكتبوش عليها عندها ولد وحامل البنية

مى فونها رن مسج
قامت تشوفه..لاقت وسام باعتلها

" لسه بحبك والله العظيم"

قرتها وانهارت فالعياط فحضن امنية وغادة ومنة بيبصو ومتدايقين عشانها ومش عارفين فيه ايه

لكن بقى وسام...
كان رجع شغله القديم..مع نيو لوك جديد
وش كئيب وشاحب
دقن طويلة
مش بيتكلم مع حد
وحزن ع طووووول ..ومخبى الى حصل معاه عن اى حد
وبرر رجوعه عن شغل الامارات بانه مش مرتاح
فيه الاقتناع وفيه لا

بعد م بعت المسج ...مسك اللاب بتاعه
وكان مروح ع الشقه..
اكرم: وسام انت كويس

وسام: اه الحمدلله

اكرم: مطضر اصدقك ..طب مش عايز حاجة

وسام: لا انا مروح، تسلم يا اكرم ربنا يخليك

كل مرة بيدخل من ساعة الطلاق ، بيحس انه روحه وجعاه اوى
البيت فاضى
ومش هيرجع يتملى تانى
بياكل اى حاجة
وبيفتح الفيديوهات كلها بتاعتهم من اول الفرح لحد اخر فيديو كانو فيه سوا ال 3
يتفرج
ويضحك
ويبكى فنفس اللحظة

اكتر حاجة وجعته ..فيديو كانو فمصيف وجت اغنية بتاعت اطفال عالبيتش
وكانت بتول لابسة ميوة وقمر
ووقفت قصادهم ترقص وتعلمهم ازاى زى م خدت فالحضانة
وهو ومى يقلدوها ورا وهو مثبت الكاميرا عليهم
وشكله زى الاهبل يبص ويقلد
ومى وبتول عارفين
ومى بتضربه وتقوله "طول عمرك خيبة .. مش كده يا ويسو"

وبتول تزعق" بابى بوظ الرقصة "
يضحك ودموعه ع وشه ويتمتم بحزن
"وحشتونى "!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"وانتى بقى قولتلى الكلام ده دلوقتى بالذات ليه ؟؟ "

كاميليا: ده اسلوب تريقة يافادى يعنى ولا ايه

فادى: لا بجد اصل ده اعتراف خطير يعنى ..غريبة

كاميليا: انا نازلة مصر ومعايا صهيب.. ماما تعبانة ولازم اشوفها ضرورى
ومعرفش
هرجع ولالا
قولت اوقولك وخلاص

فادى:طيب م تقولى لصاحب الشأن الكلام ده ..هيكون احسن

كاميليا: مش هقدر..مش هعرف
انا قولتلك وخلاص يا فادى..ودلوقتى عن اذنك عشان معاد طيارتى خلاص

سابته ومشيت

فادى: ع فكرة يا كاميليا!!

كاميليا: هاه!!

فادى: انا نازل مصر كمان اسبوع ..اجازتى كل سنة وفرحى
لو هتقدرى تيجى

كاميليا: هحاول ..والف مبروك

مشيت وهى متعصبة وباين ع وشها القلق ، لكن فادى كان مستغرب من كل الكلام الى قالته
ومقرر حاجة جواه لازم يعملها
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

شريف قاعد قدام التلفزيون .. وبيكلم وسام فون

شريف: خلاص نتقابل هناك..ساعة بس اخد دوش وانزلك
تمام تمام
سلام

قفل معاه وفيه نمبر كان بيرن ويت ورد

شريف: الو

الشركة: الاستاذ شريف ...

شريف: ايوة

الشركة: مبروك حضرتك اتقبلت فالوظيفة الى قدمت فيها ..ممكن تيجى الانترفيو النهائى بكرة عشان تستلم الشغل

شريف: شغل مين ؟ شركة ايه
انا مقدمتش فوظايف

الشركة: ازاى مش حضرتك الاستاذ شريف ..... الحاصل ع مؤهل...
ورقم تليفونك.....
وقدمت من اسبوع هنا

شريف: ايوة انا شريف وده رقمى ومعايا المؤهل ده لكن والمصحف م قدمت

الشركة: افهم من كده حضرتك ان فيه سوء تفاهم ومش هتقبل الوظيفة

شريف: لالالا ..طب مقر الشركة فين الاول

الشركة: شركة .... ف شارع ....

شريف: اه تمام...طب ممكن استفسار صغير

الشركة: اتفضل

شريف: هو مين الى قدملى ؟؟

الشركة: حضرتك منعرفش..بس ممكن تتصل بالاستعلامات وتسألهم
الفون اهو ...

شريف: شكرآ شكررررآ جدآ مع السلامة
قفل شريف ودماغه بتلف، ياترى مين قدمله فالوظيفة دى
وسام؟
ولا بشرى
ولا مين
بس وسام معاه مصايب ومشاكل ...وبشرى دى غبية ومش بتفهم وظيفة ايه الى تجيبهالى

فكر ثوان ...وعرف مين !!!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بعد يومين

كانت خارجة مى تشترى حجات من الهايبر ماركت ، والغريب انها سابت اى هايبر قريب من بيت باباها وراحت مخصوص تشترى
من الهايبر الى متعودة تجيب منه
هى ووسام
الى عملها فيه المفجأة لما جه من السفر
بتشترى وبتبص ع كل حد كأنها بتدور عليه ...

بتول: مامى مامى عايزة دى

مى: حطيها فالعربية

بتول: مامى هنلاقى بابى طالع من هدية زى زمان

مى: ممكن تبطلى كلام بقى

لاقته قدامها

مى وقفت وهو وقف باصين لبعض ، وعيونهم بتتكلم
عيونها مكدبتش خبر واحمرت واتملت بالدموع
وهو واقف عيونه بتنطق وحشتينى
والى زاد
لما جريت بتول عليه وهى فرحانة

بتول: بااااااااااااااابى

وسام فتح دراعه ليها وحضنها وباسها بحب وجامد ..وقرب ناحية مى بهدوء

وسام: ازيك يامى (شايل بتول)

مى: الحمدلله ..يلا يا بتول عشان نجيب بقية الحجات

وسام: طب بتجيبى ايه وانا اساعدك

مى: ميرسى..انا بعرف اساعد نفسى ..يلا يابيبتى !

وسام: مى بصى ع عربيتى انا كمان

لاقته شارى نفس الحجات
وسام: ع فكرة انا مش بعمل بيهم حاجة، بس عشان الحجات دى انتو بتحبوها

مى: ممكن تسيبنى امشى

وسام: (مسك ايدها) مى انا بجد ندمان وغلطان
انا مش عارف اعيش والله م قادر
انا تعبت

مى: ممكن تسيب ايدى وبعدين احنا فمكان عام ميصحش كده

بتول نزلت من ع كتف وسام ومسكت ايده وشبكتها ف ايد مى

بتول: يلا امسكو ايدين بعض بئا وبابى يسيلنى فوق
ونطلع سوا ونروح بيتنا
مس عايسة اروح عند جدو واسيب بابى

اول لما بتول خلتهم يمسكو ايد بعض...وسام مسك ايد مى وضمها اوى وهو بيبصلها بصة حب صادقة
مى حاولت تشسل ايدها
وفعلا شالتها

مى: لو عايزة تروحى مع بابى انهاردة روحى

بتول: انا عايسة نروح كلنا سوا (مكشرة)

مى: يوووووووه متطلعيش صوتى .. عايزة ولالا
مش هينفع نروح سوا يابيتى

وسام: عايزة تيجى عند بابى يا بيتى !نبات سوا ونلعب سوا زى زمان

بتول: ايوة (حضنته) تب ومامى؟؟

مى: مامى هتروح..(بتكلم وسام) ابقى هاتهالى بكرة عشان مش هخليها تغيب من المدرسة غير يوم
بعد كده وقت م تحب تبات معاك ابقى عدى علينا
وخد اليونيفورم بتاعها عشان متغيبش عن المدرسة
اسيبكم انا

مشيت بعد م مسكت نفسها من العياط، واول م ادته ضهرها
انفجرت فالدموع بتصوير بطييييئ بتبص عالناس ودموعها مغرقة وشها
ووسام واقف شايل بتول وبيبص عليها من ورا!!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
" يعنى ايه مش هتروحونى ! انا هنا بقالى يومين"

خالها: لا م انتى مش ماشية من هنا يابت اختى

كاميليا: انا اول م جيت ولاقيت ان امى مش تعبانة ولا حاجة ..عرفت انكم عايزين تحجزونى هنا
بس ده بعدكم
انا همشى ومعايا ابنى
ومحدش هيقدر يمنعنى
خالها: لا انا همنعك يابت اختى ،وولدك ولدنا
يا تطلعى ع ضهرك

كاميليا: انا مش هتفرق حاجة معايا لو اتصلت بالشرطة وقولت انكم خاطفينى .. اما صهيب
فهو مش ابنكم
ده ابن وجيه
الى مش هوارى
الى ففهمكم الغريب مش من القبيلة
يعنى دمه مش دمكم
طالما بقت كده بقى

خالها: ايه!! عتقولى ايه يابت انتى
شكلك فجرتى من صح ..كملى فجر من يوم م اتجوزتى وطلعتى برة طوعنا
جوازه حرام فحرام
وكمان الواد طلع ولده
طب اسمعى يابت اختى
مدام هتطلبى لينا الشرطة
لو قليتى عقلك
مش هتطلعى لا انتى ولا المحروس ولدك من هنيتى سلام..وده اخر م عندى

خرج وقفل الاوضة وراه وقفل بالمفتاح، كاميليا خافت وحضنت صهيب

كاميليا: انا كنت حاسة .. كنت حاسة انه فخ
ياريتنى م جيت

صهيب: مامى احنا مش هنمشى ونسافر بقى

كاميليا: مش عارفة يا صهيب ..مش عارفة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

شريف عند وسام فالبيت ..وبيتكلمو

شريف: روق روق ..ياسيدى يعنى ياما بتحصل

وسام: ياما بتحصل ؟ انت سمعت كنت بقولك ايه ؟
بنتى نامت فحضنى ضيفه فبيت ابوها
وطول الليل بتحلم بكوابيس
يعنى ايه انا ومى نبقى ذكرى وييجى علينا يوم نتطلق
قسمآ بربى حاسس انى فحلم وهفوق
حلم ايه!!
ده كابوس

شريف: انا عايز اساعدك والمصحف بس قولى اعمل ايه وانا اعمل ، م انت طينتها بصراحة
يعنى الى عملته ده ينفع منى انا
مش منك انت
انت يا وسام ياعاقل يا موزون ..كده
كده زى القطط

وسام: يااخى اخرس..بقولك مكنتش واعى ووالله مش فاكر ولا حاجة
انا قمت امتى ودخلت اوضتها امتى

شريف: لا بس من اول م جت حياتك الست كراويا دى وانا كنت حاسس انها هتبهدل حياتك فوقانى تحتانى
اصل زمان البت دنيا غلبانة كده مش بتاعت مشاكل
لكن دى واضح انها منشنة
شافتك وسام ...العين نقرتك
قالت والله م اسيبه

وسام: قال وعايزانى اتجوزها عشان نصلح الغلطة، شوفت البجاحة!

شريف: تصلحو غلطة مين يابا..ليه خلتها تفقد اعز م تملك
ان مكانتش مدوباهم 2

وسام: بس خلاص عشان سيرتها قفلتنى هى السبب فكل الى انا فيه

شريف: واكيد مى براسها الناشفه خلاص كده مش ناوية ترجععندها كبرياء ابن لذين

وسام: لما روحت اودى فلوس نفقة بتول ونفقتها ، ماهو انا مش هستنى عمى يصرف عليها وهما مسؤلين منى
مرضيتش تقابلنى
وسامع عمى بيتحايل عليها جوه
وهى ابدآ
بتول بس قعدت معايا وبتقولى ايه

شريف: ايه

وسام: بابى انا بحلم بيك مشيت وسبتنا وبصحى اعيط

شريف: والله م فيه حد بيتعذب غير العيال دى يااخى ، الخوف بقى لا تتجوز عمتك مى
تبقى خلصت يا معلم
متبقاش وفية زى امنية صاحبتها
صح مقولتلكش

وسام: ايه؟

شريف: انا استلمت وظيفة فشركة بلاستك ..وظيفة حلوة بمرتب كويس وبيزيد يعنى

وسام: ماشاء الله ربنا يكرمك يا شريف
ربنا فتح عليك بعد م رديت حق بشرى سبحان الله

شريف

شريف: لا والله حتى البت دى بقت اختى خالص وبقت لو عايزة حاجة انا الى بعملها لها مش كفاية انها خلت خالها كوز الدرة ده يتنازل عن القضية
المهم ده مش حوارنا
عارف مين الى قدملى ؟

وسام: امنية ! (بيتكل بثقة)

شريف: انت كنت عارف ؟

وسام: لا بس بتحبك يا بئف، وتوقعت
والله م تستاهلها

شريف: انا عرفت ومكنتش عارف اعمل معاها ايه ..احضنها ولا اضربها ولا اعمل ايه

وسام: اتجوزها ..خلى بنى ادم مننا حياته تمشى عدلة شوية
شريف: والله نفسى بس هى تحن

وسام: التزم انت فشغلك وخليك انسان كويس..وهى تحن
هى البنت بتعوز ايه غير الامان فحياتها

شريف: ياسيدى ع فاروق جويدة! طب ولما هو الامان طيرت عصفورتك من عشتك ليه ؟

وسام: تقدر تقول غباء

شريف: لا ورايح تعترف..خلاص وضتك هى ولازم تعترف
م انت عارف عقلها فستك وهتطلب الطلاق
يعنى واحد بيقول لمراته انا خنتك مع حبيبتى الاولى
هتقولى لولولولولى ويلا بينا نروح السيما..اكيد هتفتح دماغك بأى حاجة وتطلب الطلاق
ده اذا مجرستكش وسيحتلك

وسام: وادينا اتطلقنا ياسيدى ..

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

فادى نزل مصر ، ومكدبش خبر
وراح لوسام يتطمن عليه فشغله ..ويعزمه ع فرحه

وسام: منور والله يا فادى..ربنا يتملك ع خير يارب

فادى:ع فكرة شكلك مش عاجبنى ..

وسام ميعرفش ان فادى يعرف ، وفادى مش عايز يبين

وسام: تعبان ومرهق شوية

فادى: طب انا هسيبك اوك..بس قولى
انت فونك بايظ ولا ايه حكايتك؟
وسام: (طلعه) لا ياعم شغال

فادى: انا بتصل من الصبح عشان اقولك انى جاى ..ومش مجمع
اكيد مش شبكة..ده انت فأرض الشبكة

وسام: لا الشبكة تمام اهيه

فادى: ورينى كده (خده وبسرعه بحركة خفيفة من غير م يلاحظ وسام طلع فون مى وبصة واحدة حفظ النمرة)
ممممم لا تمام
يبقى عيب من عندى بقى
اسيبك يا كبير بقى لسه هعدى ع مارلين فالبيت اهلها عازمنى

وسام: ماشى ياعريس..وربنا يتملك ع خير

فادى مشى واول م طلع سيف النمرة واتصل بسرعة قبل م ينساها
" الو..مدام مى
انا فادى
كنت عايز اقابلك
لما اجى هتعرفى مين انا..ممكن العنوان
للاهمية
اوك"

واول تاكسى كان فوشه ، ع طول ع عنوان بيت بابا مى
مى : اهلا استاذ فادى..اتفضل

دخل فادى وهو محرج شوية ومش عارف منين يبدأ بس عنده الكلام كتيييييير
فادى: انا صديق وسام من الكلية ،اكيد هو حكالك عننا
فادى موريس وطارق وجمال

مى: (مش بترحيب) ايوة

فادى: مدام مى انا لسه جاى من دبى عشان فرحى ، ووسام ميعرفش بالمقابلة دى اطلاقآ
انا جاى عليكى ع طول عشان لازم يوصلك حاجة معينة وصورة انتى شايفاها غلط
وزعلت جدآ ان الحال وصل انكم انفصلتو

مى: استاذ فادى..انا مش عارفة انت جاى ليه
وبتلف وتدور ومش فاهمة حاجة

فادى: هقول لحضرتك
كاميليا حكتلى كل حاجة والموضوع من اوله لاخره

مى: لو سمحت متكملش، البنى ادمه دى مش عايزة اسمع سيرتها
نهائى وياريت لو بتشوفها تقولها انها نجحت فالمخطط الى كانت عايزة تعمله
وخلاص وسام بقى بتاعها

فادى: انا بس عايز حضرتك تسمعينى ،وسام وكاميليا محصلش بينهم اى حاجة
وانتى فاهمة غلط

مى: ممممم ده الى الاستاذ وسام جايبك تسمعهولى صح

فادى: اولا حضرتك انا مش بحب احلف كتير بس والمسيح الحى وسام ميعرفش اصلا انى جاى
ولا يعرف هقولك ايه

مى: انت بتكلم عيلة صغيرة!!
ازاى يعنى ..اومال عرفت مكان البيت منين
شايفنى هبلة

فادى: يافندم انتى من اول م جيت مش مديانى فرصة..انا نقلت رقمك بسرعة من عنده
واحنا بنتكلم
وهو ميعرفش فعلا وصدقينى انى جاى
انا هقولك الى عايز اقولهولك عشان شكلك مش حابة تسمعى
حتى وسام ميعرفش باللى هقوله ده
كاميليا ووسام اليوم ده محصلش بينهم حاجة
حتى ابقى اسألى وسام هو صحى لقى نفسه زى ماهو بهدومه
الى حصل ان وسام اخد برشامه غلط من جمال صاحبنا بتخلى الواحد يغيب او يعمل دماغ تقريبآ
وعشان وسام مش متعود عليها
خدت بسرعة فيه وكنا كلنا ملاحظينه اليوم ده
المهم هو كان عازمنا فاوتيل عشان اليوم ده انجز حاجة مهمة فشغلنا
اوضته لسوء الحظ جت جمب كاميليا ، دخلها غلط
الى وصل لوسام لحد هنا
انه نام وصحى فظاوضتها وحصل بينهم حاجة
واكيد ده الى هو اعترفلك بيه وخلاكم تنفصلو

مى: (بدأت تهتم) اومال!

فادى: يافندم انا اسف بس اعذريها ممكن تعتبريها مريضة او ام وخايفة ع ابنها فاتصرفت بأنانية
كاميليا صحيت ولاقته جمبها وهينام خلاص
الشيطان لعب بدماغها والكلام ده منها ليا
وانتى اول واحدة تسمعيه
حاولت معاه

مى: حاولت ازاى ؟

فادى: يعنى قلعته الشوز والكرافت وهو اصلا كان قلع الجاكيت ورماه بعيد ولما جت تحاول تخليه يعمل حاجة
كان بيبعد

مى: والمفروض انى اصدق الحكاية الهبلة دى

فادى: هتصدقى لان معايا امارة

مى: ايه هى

فادى:انا راجل مسيحى ومعرفش انتو بتقولو ايه ولا بتدعو ربنا بأيه
بس اكيد وسام قبل م ينام بيدعى ربنا وبيصليله بحجات انتى طبعآ عارفاها عشان مراته
كاميليا بقى كل م تقرب منه
كان بيردد وهو غايب عن الوعى
" اعوذ بكلمات الله التامات من شر ماخلق"
وانا كاتبها اهيه كمان عشان منساش وتصدقينى

مى: يعنى افهم ان ....

فادى: محصلش حاجة ..كاميليا خافت ورجعت لعقلها..وقامت نامت فأوضته
والصبح لما لاقته مش فاكر حاجة حبت تلعب ع وتر انه يهتم بابنها ويمكن يتجوزو

مى: تتجوز مين اتجوزتها عقربة تلوشها

فادى: الى فهمته ان فيه مشاكل بتحاصر ابنها وهى عايزاله اب

مى: اب ع حساب بيتى وبنتى دى ست مش طبيعية

فادى: المهم انها فاقت فالوقت المناسب ورجعت عن الى فدماغها واعترفت..هاه
ايه قرارك بعد الى سمعتيه

مى: سرحت ) طيب انت مقولتش لوسام ليه

فادى: حبيت تعرفى انتى الاول لان هو لو عرف قبلك وقالك مش هتصدقيه وهتحسبى انه ممكن عايز يرجعك فبيكدب
مع ان افتكرى انه هو جه لوحده اعترف وانك مغصبتيش عليه يتكلم

ولا كنتى هتعرفى

مى:يا حبيبى يا ويسو (قامت ناطه)
فادى: انا كده وصلت رسالتى (ابتسم) شوفى هتعملى ايه
واتمنى ففرحى اشوفكم سوا موجودين وحاضرين
عن اذنك

مشى فادى ومى كانت عايزة تشوف وسام بفارغ الصبر ..وتصالحه وزعلت ع كل الايام الى كانت فيها بعيد عنه
حكت كـــــــل حاجة لباباها وقالها ان مدام هى فالعدة يبقى مش لازم مأذون لما يقول رددتك لعصمتى هترجع لعصمته تانى
وفعلا
مى جريت ع كوافير
وعملت التسريحة الكيرلى الى مش بيحبها
ونقت من هدومها القديمة فبيت باباها الى ممكن ييجى عليها دلوقت
لبست هى وبتول وجريت عالبيت
فضلت مستنية كتير وخافت يكون بيروح بيت باباه ينام فيه
فضلت منتظره كتير اوى

وبعدين سمعت صوت المفتاح جريت عالاوضة واستخبت وكانت نيمت بتول فسريرها من بدرى

دخل ع جوه
لقاها قاعدة بصاله وبتضحك !

وسام: ايه ده!!! مى (بيبص حواليه)

مى: (قربت بحب ولعبت فقميصة) لو سمحتى لو موطتيش صوت الاغانى انا هبلغ عنك اتحاد الملاك واخليكى تمشى
فاكر مين قالى كده!!
طب لو كنت مشيت كنا حبينا بعض واتجوزنا وجبنا بتول ازااااااااااى

وسام: (مسك ايدها وابتسم) مى ..هو فيه ايه

مى: انت مطلعتش عملت ولااااااااا حاجة والبت العقربة دى فانيليا ملسوعة فدماغها وعايزة قال تتجوزك عشان تأمن مستقبل ابنها
وهى الى فبركت كل حاجة
مش انت صحيت لاقيت نفسك بهدومك ووحدك!

وسام: (بيفترك) اه

مى: فادى جه وقالى ع كـــــــل حاجة

وسام: بس فادى كان عندى ومقالش حاجة..وبعدين جالك ازاى
وعرف يجيلك ازاى

مى: مش مهم بقى..المهم ان ميوش سحلانة خالص مالص عشان كل الايام الوحشة الى قضيناها بعيد عن بعض
مينفعش انا وانت نبقى بعيد يا ويسو

وسام: يعنى انا مغضبتش ربنا !! ولا ارتكبت كبيرة
لسه طاهر ونضيف زى مانا
احمدك يارب واشكر فضلك (نزل عالارض وسجد)

مى: ايوة انت زى م انت بتحب ربنا وربنا بيحبك وبيبعد عنك اى حاجة وحشة

وسام: يعنى خلاص مسمحانى يامى ومش زعلانة منى

مى: قلبى من اول يوم قالى عمره م خانك وبيحبك انتى بس كدبته وقولت هو اعترف
وسام: عمر م ثقتى وايمانى بالله اتهزوا اننا ممكن نرجع تانى، وتصدقى بقى !
فرحان لحاجة زى كده حصلت عشان تقربنا من بعض
اكتر م احنا جوه بعض

مى: يلا بقى

وسام: يلا ايه (بصة حب ومميل عليها)

مى: قول رددتك لعصمتى عايزة اديك أطة وحشتنى أطاتك

وسام: رددتك لعصمتى يا روح روحى
مى: (بتميل تبوسه)

وسام: استنى يامى..ليه يا حبيبتى التسريحة دى
ليه بتقفلينى منك

مى: (اتغاظت بحب) تصدق انت غلس وفوقتنى من المود
انا كنت عايزة افكرك بيا زمان يا حمار

وسام: حمار!! ارجعى يابت بيت ابوكى (بيزقها )

مى: كده طب ماشى (مشيت وخارجه من الاوضة)

وسام: ماشى ايييييييييييه (مسكها وشالها ع دراعاته) هو الى بيدخل بيت الاسد بيطلع منه سليم
فاكرة ضحكتك الشريرة دى
نياهاهاهاهاها

مى: ههههههههههههههههههههه بحبك

وسام: مش ادى يا مجنونة

واتصالحو وننام بقى ونحلم بالحلقة الاخيرة .باااااااااااااى