رواية .. ¸.•'´¯`*•.¸¸.¸.• قـصـاقـيـص ورقــ .¸.•'´¯`*•.¸¸.¸.•'´ حلقه (10

=======================

ادوات محمود بيلمها من عالمكتب وبيحطها فشنطته وطالع ع امتحانه .. ولان امتحان محمود فترة صباحية
فيوسف نبه عليه ان قبل م ينزل يصحيه يراجع المادة الى وراه عشان هو فترة مسائية.

اما بقى ريهام ف انهاردة آخر يوم ف امتحانتها هى وخلود،بس ريمو مسائى وخوخة صباحى .. لكن جهاد اخر يوم عندها بكرة وامتحانها الصبح
وسبحان الله تذكرتها ع اسيوط بليل فنفس اليوم .

يعنى الشقه هتفضى ع روكا عشان هى الوحيدة الى امتحاناتها ترمات وطويلة مش زيهم :(


وريهام بتلبس وبتستعد للامتحان بتاعها فالفترة المسائية ، جالها فون من صحابها ..

ريهام: الو .. ايوة يا بنتى

زميلتها: ريهام انتى فين ؟ قربتى توصلى الجامعه ولا لسه ؟

ريهام: انا لسه بظبط فالطرحه اهو ونازله ..

زميلتها: يوووووه يعنى قدامنا ولا نص ساعه كمان

ريهام: م خلاص يابت يا لكاكة جاية بسرعه اهو ومعايا الورق

زميلتها: اه والنبى ..انا ضايعه فالمادة دى وملاقتش حد يسلفنى المذكرة دى خالص
الله يحرقك يا دكتور عاطف :/

ريهام: هههههههه خلاص انا جايه اهو .. 10 دقايق واكون فوشك

نزلت ريهام من السكن وطلعت عالجامعه ... وهناك كانت ف حفلة من زمايلها مستنينها عشان يلحقو يبصو فورق الدكتور عاطف المحاضرات بتاعت هشام .

زميلها: انا رحت للواد احمد فاروق قولتله هاتها اذاكرها انهاردة واجيبهالك قالى لا .. الواطى

ريهام: طيب م تشوفو مين ياجماعه صاحب المحاضرات دى وتصوروها منه ..عادى يعنى

زميلتها: عادى يعنى !! ليه هو انتى جبتيها ازاى ؟

ريهام: يابنتى انا ليا مصادرى  هاها :) وبعدين هو كاتب اسمه ف اخر كل ورقه كأنه بيعمل لنفسه دعاية للسنة الجاية ناخد عنده كورس ههههههه

زميلها: مااحنا عارفينه هشام معاطى الجلدة !!

ريهام: هشام معاطى ؟! مين هشام ده معانا

زميلتها: يابنتى الواد المعصعص الطويل الى مش بيفوت ولا محاضرة ولا سكشن ده ! بصى الى مغيرش تى شرته وبنطلونه من سنة اولى

ريهام: م اخدش بالى منه بصراحه .. بس سيبكم من كلام عن هشام ده
ليه صعب اوى الورق ده تلاقوه .. عادى صوروه منه هو هيمانع يعنى

زميلتها: يمانع ايه !! ده بياخد عالملزمة الواحدة 100 جنية !

ريهام: ايه!! 100 ليه
ده الكتاب ارخص منه بتاع المادة نفسها

زميلها : (بخبث وبيضحك) قولى ياريمو مين جابلك الورق ده ؟ ولا هو سر وانتى لاقيتيه فالشارع

ريهام: شارع ايه انت كمان ! (سرحت وقالت فنفسها ) 100 جنية يانهار ابيض

بصت فالساعه ولاقتها لسه فاضل ع دخول اللجنة نص ساعه .. وهى كانت عارفه ان امتحانات يوسف معاها فنفس الايام والتوقيت.
ف اتصلت بيه..

كان يوسف بقى عالناحية التانية ..قاعد وسط زمايله بيهزر وبيشرب سجاير كالعادة وبيتريق ع خلق الله

يوسف: بس ياعم ..قولتلها احنا عارفين بعض من شهر انتى هتمثلى ..وفكيت منها

صاحبه: بس سوزى ده الاوكشه بتاعت تجارة اصحى يابا

يوسف: ياعم كله بالحب مع يوسف بيجيب ورا ..ههههههه (فونه رن )
قام بص ف وابتسم

يوسف: اخرس ياد انت وهو ارد عالمكالمة..الو

ريهام: يوسف انت فالجامعه ؟!

يوسف: اه ..ليه

ريهام: طب ممكن بسرعه تيجى عند مبنى بيطرى بمتحن فيه .. عشان عايزاك

يوسف: هوا هتلاقينى فخلقتك

ريهام: ههههههههههههههههه

بسرعه كاان عندها ..

يوسف: خير ف ايه ؟ ف حاجة معاكى (مخضوض)

ريهام: لا بس انا زعلانة منك (بدلع شويه )

يوسف: ليه بس

ريهام: ليه مقولتش انك جبتلى الملزمة ب 100 جنية !

يوسف: ملزمة ايه (مش فاكر بجد)

ريهام: ملزمة دكتور عاطف .. ازاى تدفع المبلغ ده ومتقوليش..

يوسف: ياستى متكبريش الموضوع .. اولا ال 100 جنية دى انا بصرفها فعشوة
ومش حاجة
وانتى كنتى بتدورى ع الورق ، يعنى تسقطى عشان 100 جنية
كبرى دماغك متبقيش هايفه

ريهام: (انبسطت اوى وابتسمت) بس لازم تاخد الفلوس

يوسف: (رجع ايدها من ع شنطتها ) ايه الهبل ده ياريهام .. ليه قالولك انى عيل كاورك ولا ايه ؟!

ريهام: كاورك!

يوسف: ايوة يعنى عيل سيس..سرسجى ترضهالى دى
يلا اطلعى عاللجنة بتاعتك
وانا كمان الحق اطلع اللجنة بتاعتى .. ولو عوزتى اى حاجة بعد كده قولى ع طول
ماشى

ريهام: اوك :)

يوسف: خدى بالك من نفسك .. سلام (مشى )

ريهام: سلام ( ابتسمت وفضلت باصه ناحيته وهو ماشى وبعدين طلعت للجنة بتاعتها )

==============

فالوقت ده ... كانت رقية عند مكتبه الجامعه بتجيب شيت مهم جدآ

وبالصدفه كان محمود مخلص امتحانه وخارج مع زمايله وشكله مبسوط وحل كويس .. =D

محدش فيهم لاحظ التانى ولا شاف التانى ..

خدت الشيت رقية وكانت معدية بتتكلم فالفون مع صاحبتها عن مادة من المواد ، محمود اخد باله منها وهى معدية
ومش عارف ايه الى شده يفضل متابعها بنظره وهى ماشيه..رغم ان هو كمان ماشى مع اصحابه
بس عرفها من ضهرها

وفجأة!!

==============

ورق بيتقطع !! وبيترمى
وكشكول يتمسك يتبص ف شوية ويتساب ... وقاعده بتكلم نفسها !
جهاد =D

جهاد: (قاعده لوحدها فالشقه وماسكه كتاب مادة بكرة ) ده مش مهم !
وده مش هييجى ان شاء الله (قطعت ورقتين )

وده كلام فارغ اكيد مش جاى (بتقطع)

ودول انا عاملة زى البهيمة فيهم وفهماش حاجة فيهم وان شاء الله لو جم هنسقط باذن واحد احد
ومادة معفنه وداخل عليها دم والدكتور بتاعها محروق بجاز وان شالله اصحى بكرة الاقى الجامعه اتحرقت بالدكتور بالمادة واخلص من القرف ده 3:) 3:)


فتحت الباب بالمفتاح خلود وداخله من امتحانها ..
خلود: (دخلت لاوضه جهاد) سلام عليكم ...

جهاد: (ماسكة كشكولها ) مممم ودول هقوم احرقهم لان لو فضلو فوشى هقوم اولع فنفسى انا

خلود: واه واه ايا دى يا جهاد .. ايه الورق ده ياشيخه
مبهدلة الاوضه بتاعتكم ليه كده

جهاد: عشان مادة بت كلب معفنه ومخلينها اخر واحدة عشان الواحد يمتحنها من هنا وتشيعو جنازته من هنا لما تجيلة السكته القلبيه بسبب فقرها :/

خلود: تقومى تقطعيها ده كلام !! طب هتذاكرى ايه ع كده

جهاد: عنى م ذاكرت ولا نجحت فعمرى .. (بصت للسما ونكشت شعرها) يااااااااارب ارزقنى بواحد زيكو وميكو من بتوع زوزو يغششنى فيها يارب

خلود: هههههههه ..جات رقية من برة ولا لسه

جهاد: فيش حد جه انا بس الى قاعده لوحدى زى القرد المنحوس

خلود: طب انا هعمل اكل .. تاكلى معايا (بخوف لا تكسفها)

جهاد: امانه كلى انتى يابتى وسيبينى مع الفقر الى انا فيه يا اخلص عالمادة ي تخلص عليا

:/

===================

نرجع لرقية .. الى شكلها يفطس من الضحك ،
ليه ؟
عشان وهى معدية الشارع وقدام نظر محمود فيه حد بعجله زاولها معرفتش تعدى انهى ناحية ..راحت اتشنكلت ووقعت !!

زى البروطة عالارض :o :o

محمود من غير م يحس جرى ناحيتها وقومها من عالارض بسرعه ...وبكلمه رقيقة منه اووووى مع بصة حنينة!:.

محمود: انتى كويسة !

رقية : (باصه لعيونه ولايديه الى بتحاول تشيلها من عالارض وهى فوجئت بيه اساسآ ) ها <3

محمود: انتى كويسة ؟! طب قومى قومى

رقية : ياخبر منظر وحش اوى(بتنفض هدومها)

محمود: محصلش حاجه.. عادى كلنا معرضين لكده (بيحاول يشيل الخجل عنها)

رقية: شكرآ ليك بجد ^_^ انا الحمدلله كويسه

محمود: طيب الحمدلله ... (سكت مش عارف يقول ايه  بس لسه عنده كلام)
لو مروحه !!

رقية: ايوة مروحه

محمود: انا كمان مروح تعالى نركب تاكس سوا احسن متركبى لوحدك

رقية: (اتكسف اووووى ومش عارفه ترد بايه خايفة تكسفه وفنفس الوقت هى مكسوف تركب معاه)

شكرآ يامحمود ، اصل اناااا
اصل

محمود: (فهم انها مش هتقبل) خلاص الى يريحك انا بس كنت عاوز اتطمن عليك انك وصلتى بالسلامة

رقية : (بصتله باهتمام اوى رغم كلامه البسيط) انا كويسة ..وميرسى ليك
اتفضل انت
عن اذنك

لفت بسرعه قبل م تضعف اكتر من كده .. ومشيت من طريق معاكس بس بعد كام خطوة وقفت وبصت لورا
لاقته واقف بيبص عليها ^_^ ☺

==================


عدى اليوم وخلصت امتحانات ريهام وروحت .. وكلهم بيستعدو وبيلمو هدومهم وبيحضروا الشنط عشان يروحو بقى

وهيسيبو رقية لوحدها :(

ريهام: م خلاص بقى ياريكو.. بقولك والله م هاخد الاجازة كلها وهاجى اقعد معاكى من اول الترم كمان .. مبسوطة!

روكا: والله انتو اندال.. كان فيها ايه لو قعدتو يومين كمان

جهاد: لا انا احتمال بعد امتحان بكرة اروح لبيتنا بنعش بدل القطر

رقية: يخربيتك يافقر بكلامك الفقرى ده ههههههههههههه

ريهام : (ميلت ع رقية بصوت هامس جدآ ) ماهو فيه ناس هتقعد معانا وتونسنا  ☺ هييييييييييح

رقية:(كلمتها بنفس الصوت الهامس ) ناس !! ناس مين

ريهام: هييييييييح الباشمهندس <3

رقية: وانتى ايه الى عرفك ؟ :)

ريهام: يوسف قالى فالفون امبارح ان هو وعبدالرحمن مسافرين ومحمود قاعد اسبوع كمان عشان عنده امتحانات خاصه بمشروع تقريبآ

رقية: بجد ^_^

ريهام: ايه ده ايه ده ايه الوش الى فجأة اتقلب قلب ده !!

جهاد: ايا يا نصيبة المحلة الكبرى مالك بالبت شعالة تتكلمى هريتى ودن البت !

ريهام: مالكيش دعوة يابت يابتاعه اسيوط انتى .. روحى شوفى المادة بتاعتك يافاشلة

جهاد: (بتكلم رقية) عارفه يارقية لو فضيلتى ماشية ورا العقربة دى.. هتتحولى من دكتورة رقيه لرقاصة فشارع الهرم

ريهام: هرم فعينك :P

رقية بتسمع جهاد وريهام وهما بيناقرو بعض .. بس حضنت المخده ورجعت بضهرها لورا تسرح وتروووووووووح فاللى حصلها انهاردة ^_^

=====================

شنط بتتقفل ، وشوزات بتتلبس ..

واستعداد للرحيل خلاص .

محمود: تروحو وتيجو بالسلامة ..

يوسف: يلا انجز الى وراك وانزل ، متطولش هنا
اوعى ياض يبدء الترم التانى وانت قاعدلى هنا ومنزلتش عشان الحجة الخايبة الى فدماغك

محمود: هههههههه لا ياعم هنزل

عبدالرحمن: مش عايز حاجه من المنيا (بيلبس الشنطة فكتفه)

محمود: عايز سلامتكم وسلملولى ع الى عندكم

يوسف: يااااااااه .. جايلك يا طبيخ ام يوسف
وياحضن ام يوسف 
ياساااااااااتر
سلام يا حودة

عبدالرحمن: سلامو عليكو

محمود: مع السلامة ..

السكن فضى ع رقية .. وع محمود.

بس هما عندهم مذاكرة كتير ومواد تشغلهم عن وحدتهم ، بس الايام بتعدى ببطئ وانت لوحدك
وده بالظبط الى حاصل معاهم

بالذات رقية لان تقريبآ السكن كله فضى مافيش غير صاحبه السكن الى قاعده

لكن محمود فيه شقق اهالى ساكنه حواليه ..يعنى ف رجل بتدب برضو

وفيوم رقية قاعده فاوضه جهاد الى عالشارع عشان تتونس بصوت الناس..فتحت الشباك
وبصت شويه عالشارع

وبعدين قامت مسكت المصحف وفتحته تقرا منه جمب الشباك، كان محمود معدى من قدام البلكونة بتاعته كان فاتحها عشان تتشمس الاوضه شويه

لاحظ رقيه!

مش عارف ايه الى وقفه كده ؟! وخلاه يسرح فيها وهى فاتحه الصحف وبتقرا منه :)

لدرجه انه فضل ربع ساعه واقف مش حاسس بنفسه وهو بيراقبها وغرقاااااااان

رقية خلصت قرايه وقفلت المصحف .. ورايحه تقفل الشباك لانها حست ببرد
اخدت بالها من محمود <3
واقف ومبلم

رقية: (بالاشارة) ازيك

محمود: (بالاشارة ومبتسم) ازيك عاملة ايه

رقية: (بالاشارة بردو) كويسة الحمدلله

محمود: (بايده وبحركة من شفايفه) قاعده وحدك فالشقه زيي بردو ؟

رقية: (هزت راسها) اه ، هنعمل ايه

محمود: (بالاشارة) هتخلصى امتى

رقية: (بايدها) بعد بكرة)

محمود: ربنا معاكى

رقية: ومعاك
سلامو عليكو

قفلت الشباك .. وهو واقف مبتسم ليها
وفجأة رمش بعيونه وعض ع شفته بخجل..بعد م قفلت
وقال فسره !

"غريب الى بيحصللى ده ..معقول،،رقية ^_^ !!

===============

استنونا بعد بكرة
#قصاقيص_ورق

#بقلمى_نوراسماعيل