=======================
عدى
اسبوع ودخلو فالجد ..
الامتحانات
عالابواب وبدأت الشد الحقيقى فالمذاكرة ..
مافيش
خروجات ولا اى حاجة لان خلاص الوقت زنق!
محمود
بيذاكر ومسكت يوسف بالعافيه من الرغى عشان يركز
وكأنه
معسكر
وناو
داخل عليهم عبده ..
عبدالرحمن:
ياسااااااااااتر.. هذاكر معاكم لانى لو فضلت اذاكر مع الانسان الى جوه ده اكيد
هتجيلى جلطة
محمود:
اوك بس فهدوء يا عبده لانى بتعفرت من الى بيشتت تركيزى
يوسف:
ليه ف ايه ؟
عبده:(بيهمس
بصوت واطى عشان محمود) قاعد شغال يقايض العيال زمايله ع محاضراته قصاد فلوس
وجيت
قعدت ع مكتبه عشان مكتبى رجله انكسرت عايز يقومنى يااما يدفعنى تمن قعدتى عليه قال
ايه عشان بستنفع من وراه
يوسف:
هشام ده هيموت محروق لازق فعمود نور يوم مطر وابقى شوف ، وانشالله بيبيع محاضراته
ليه اينشتاين ؟
عبده:
مش عارف، بس الى فهمته ان ف مادة مافيش حد معاه محاضراتها غيره
وكل
زمايله بيتصلو بيه
وهو
بيقايضهم ع مبلغ قصاد م يصورو المادة دى
يوسف:
هو ف ايه صحيح ؟
عبده:
فزفت اعلام داهية تاخده
يوسف:أيـــــــه!!(بصوت
عالى بعد م كانو بيتهمسو )
محمود:تؤتؤتؤ
يوسف! (بزعيق)
يوسف:
معلش يا حودة
طيب
انا
هولع فنفسى
واعصر
ع روحى جردل لمون
واضرب
نفسى جزمتين واروح اخد منه المحاضرات دى
عبده:
ليه يابنى وانت مالك ؟
يوسف:
عشان ريهام بتدور ع الورق ده مكنتش اعرف ان الهباب ده معاها فاعلام ومعاه الورق
عبده:
بياخد فلوس عليه
يوسف:
مش مهم حار ونار فجته الى خلفوه
قام
ع حيله وبص للسما وهو متغصب..
يوسف:
امرى لله ..واد ياعبده اعصر شوال لمون
عبده
عمل نفسه بيعصر عليه لمون كده وكده وراح يوسف لهشام ..
يوسف
دخل عليه الاوده مرة واحدة وقاله ..
يوسف:
هشام حبيبى (باصطناع)
كان
هشام بيقسم من كيس نسكافيه ابو جنيه ونص ع 3 كوبايات !
يوسف:(ياساتر
يارب .. ما تدوبه فلتر ميه اوفر :/) ازيك يا اتش
هشام:(بصله
بقرف ومستعجب) عايز ايه
يوسف:
عرفت انك فاعلام صح ؟
هشام:
ايوة فيها ايه
يوسف:(فسره)
يارب متموتنيش مشلول دلوقت (رجع كلمه) فسنة كام بقى ؟
هشام:
3
يوسف:
عندكم مادة لدكتور اسمه عاطف فريد هيجيب من محاضرات مش مع حد؟
هشام:
ايوا
وبلا
فخر
مع
العبد لله كل المحاضرات باسلوب منسق لتقدير امتياز (بيقول بعنطزه)
يوسف:(بيجامله
وهو بيتشل) اه ايوة كده جدع يا اتش
طب
انا عايزهم
هشام:
ليه انت مش فاعلام؟
يوسف:
معلش هاخدهم واقرطس فيهم طعمية ياعم انا عايزهم
هشام:
طيب انا ببيع الملزمة ب 100 جنيه
يوسف:(الهى
يدوسك حمار! 100 جنية يابن بائعة الفجل )
ماشى هاتهم اصورهم
هشام:
انا عندى النسخ جاهزة مطبوعه ع ورق غامق
عشان محدش يصور من حد، هات الفلوس تاخد نسخة
يوسف:(ياستييييييييييير
يارب نجينا ) حاضر هجبلك الفلوس
دخل
يوسف جاب الفلوس لهشام واخد النسخه ، وعمل نفسه بيدلع هشام وهو بيقرص خدوده
وبيقوله
" حبيبى حبيبى يا اتش والله "
دخل
عند زمايله
...
يوسف:
جبتلها الورق بس بعد م مرارتى اتفقعت
عبده:
جدع ياض يايوسف والله
يوسف:
اه والله البت هتشيل المادة ياعينى
عبده:
لا وانت حنين يايوسف
يوسف:
ههههههه اوى معندكش فكرة
محمود:
طب م نشيل الكتب ونطنش الامتحانات ونسمع بقية حكاية ريهام ويوسف وندبلر وانشالله
عننا م ذاكرنا
يوسف
وعبده سوا : لا اهو (كل واحد مسك كتاب وسكتوه زى ال... )
عند
البنات بقى
..
انهاردة
يوم النضافة العالمى .. شايلين كل فرش الشقه وبيمسحوها كلها عشان يعرفو يذاكرو ع
نضافه
كل
واحدة رابطة ايشارب
والى
ماسكة مكنسه
والى
ممسحة
والى
بتملى جردل ميه
وجهاد
بقى كانت بتفض مفارش الارض فالشباك ..
ريهام
مشغله وائل جسار وشغاله تغنى معاه ومندمجه جوه ، وجهاد وهى بتنفض عالشباك معتقتهاش!
ريهام:(وهى
بتكنس بتغنى) بان عليك حبيبى بان عليك
من
شوقى وحبى ليك
طب
قولى ليه بتدارى
جهاد:(بتنفض
من شباك الشارع الى باصص ع عمارة الشباب) مين دى الى بان عليه شالله يرزقك بعربية
نقل سواقها اعمى يخلصنا منك
ريهام:
مالكيش دعوة ..(كملت غنى) طول مانت معايا ويايا انا كده برتاح
جهاد:
شالله ريحك قطر يارب ياريهام الكلب (صوتها فالشارع طبعآ والشباب سامعينها
)
رقية:
يابنات محدش طبعا فاضى يعمل اكل (بترفع المكاتب)
ريهام:
نطلب ديلفرى طيب
جهاد:ممعناش
فلوس دريفرى يا جطرانه
رقية:
وانا الفلوس والله يدوب لانى لسه هقعد بعدكو انتو لما تمشو،وياسين اخويا هيبعتلى
كمان يومين عالفيزا
ريهام:
وانا كمان بابا بعتلى مبلع عالفيزا وقالى مش هيبعت تانى عشان صرفت كتير
وطبعا
مش هعزمكم يارعاع
خلود:(بتزعف
السقف) انا معايا علبة تونة وجبنه
جهاد:
خليهالك يا خلود هناكل تونة بعد التعب وعلبه كمانى!
ده
لو كل واحدة كلت لقمة هنقوم كلنا جعانين
:/
يوسف
كان بيذاكر قريب من البلكونة وسمعهم ...
يوسف:
معلش يامحمود ثوانى ..
البنات
معندهمش اكل ولا فلوس يجيبو L !
محمود:
ايه الى عرفك (كان مندمج فالمذاكرة)
يوسف:
اهو انا سامعهم
عبده:
لا حول الله .. طب تعالى نشتريلهم اكل بردو دول زى اخواتنا وميعرفوش حد هنا غيرنا
يوسف:
انا بقول كده بس هنوديه ازاى،لازم بطريقة كويسة عشان ميزعلوش
محمود:
اصلا الامن تحت عارفك وهيحسبك بتعاكس وهيعملك مشكلة يايوسف
يوسف:
جاتلى فكرة =D
عبده:
ايه؟
يوسف:
حد معاه تى شيرت احمر ؟
محمود:
معايا بوكليت احمر انا يمشى معاك
يوسف:
حلوووو اوى وكاب احمر بقى
عبده:
ايه هتعمل نفسك ديلفرى ؟!!
يوسف:
ايوة دى الطريقه الوحيدة الى ينفع ادخلهم بيها واطلع فوق
عبده:
انت معاك كاب كحلى .. يمشى بردو
احنا
شتا
واكيد
الزى بيتغير هههه
يوسف:
تمام..هات بطاقتك عشان السيكيورتى عارف شكلى
عبده:
بس الصورة متغيره
يوسف:
ياعم كلنا شبه القرود فالبطايق مش هتفرق هات هات
لبس
يوسف اللبس .. ونزل اشترى لهم اكل كتير وع فكرة
محمود
وعبده دفعو معاه
جاب
حجات كتير وعصاير وبيبسى وشيبسى ورايح السكن مميل فالارض عشان السيكيورتى ميشفهوش
ويتعرف عليه
وهو
داخل قله
يوسف:
ديليفرى شقه 2
الامن:
هات بطاقتك ..اطلع وانزل بسرعة يلا
يوسف:
(مدارى وشه بالكاب)حاضر
طلع
يوسف وفتحتله خلود
..
خلود:
مين حضرتك ؟
يوسف:
ديليفرى
خلود:
بس احنا طلبناش... (قطعتها جهاد من جوه)
جهاد:
مين ياخلود !
ايه
دى عزت ابوعوف
!
يوسف:
هههههههههههه ايه الشكل ده (فصل ضحك ع
منظرها مشمشره بنطلونها رجل ورجل ورابطة
ايشارب ووشها ف تراب)
جهاد:
ايوة ايا لزوم الضحك جاى من سكنكم تضحك هنا ؟ وبعدين احنا طلبناش ديرفرى
يوسف:
ديرفرى!
(وكمل ضحك وقعد يخبط ع رجله) ههههههههههههه
جهاد:
انت سبت كليتك وبقيت تشتغل ياك فالمطاعم يافقر
ياعينى
ياكش
يارب اعدى فيوم اركب من محطة مصر الاقيك داير تشحت من الناس تمن لقمة ناشفه
يوسف:
هههههههه لا انتى الى بمنظرك الى يضحك ده تنفعى اكتر منى
فين
ريهام؟
جهاد:
ريهام مين يابارد يا تلاجه شالله تمساح لما يفرم قاولونك يا نطع
يوسف:
وهو التمساح يا غباء هييجى يقول قاولون يوسف!
ويهجم
عليها
حتى
فدعاويكى غبية
جهاد:
ايوا معلش ربنا موصلناش لذكائك يامدحت ياصالح !
يوسف:
خلصينى نادى ع ريهام ..
جهاد:
طب والله ننادى عالامن واقوله طالع تسرقنا
يوسف:
اسرقكو ليه يامعفنين انتو
هو
انتو حيلتكم غير جردل ومساحه!
ريهام
خرجت ووراها رقيه وجهاد شغاله تشتم يوسف عالباب ..
رقية:
ايه ده ف ايه ؟
يوسف:
ايه طقم الشغالات ده ههههههههههههههههههه والله م قادر امسك نفسى
ايه
الاشكال دى ههههههه
جهاد:
نجيبولك بق فروتى تبلع بيه الضحك لحسن قلبك يوقف يتهمونا فيك
ريهام:
ايه يايوسف جاى ليه ولابس كده ليه ؟
يوسف:
لا حقيقى الجامعة ياما بتستر،ميكاب ولينسز وطرح قال هههههههه !
ايه
طقم الفلبنيات الى هجم عليا ده
ده
احنا بنتخدع فيكم اوى
رقية:
يا يوسف جاى تستظرف!
عايز
ايه ؟
يوسف:
مافيش جبنالكم اكل انا ومحمود وعبده عشانكم لان انتو طبعا بتنضفو من الصبح ومحدش
هيطبخ
وخلود
معاها تونة
وجهاد
شحاتة معهاش فلوس
ومش
هتجيبو فلوس زى م ريهام قالت ..يارعاع
:P
جهاد:(بتضرب
ريهام فكتفها) حالا معلقه ليه سمعات فالشقه وسمعتى كلامنا للحيوان ديتى
حالا
معرفاهم اخبارنا ياقناة الجزيرة
ريهام:
والله م قلت حاجة .. استنى بس
يوسف:
المهم لو فونى معايا كنت صورتكم وعملتلكم فضيحة بالمنظر ده هههههههههه بس انا ابن
ناس ومش هعملها
كلكو
شبه خدمات الافلام القديمة كده هههههه
ماعدا
جهاد
هى
الى شكلها هنا احسن من الجامعة بمراحل
جهاد:
طب دمك المكبوب عليه عصير قصب ده مش هنخلص منك انهاردة ولا عشان جايبلنا اكل هتذل
الى جابونا عليه الله يحرق ابو الى جابك !
يوسف:
افصلى انتى ايه ده التلاجه بتفصل
جهاد:
شالله تلاجه لما يشحنوك فيها،غور ياد مش عايزين اكل ولا شرب
رقية:
مكانش ليه لزوم التعب ده وانشالله ربنا يقدرنا ونرده، بس بجد عرفتو ازاى ؟
يوسف:
متقوليش كده يارقية احنا اخوات..وبعدين صوت جهاد المزعج اكتر من سرينة عربيات
الاسعاف فالشارع وسمعنا كل حاجه
ههههههههههههههه
انا
همشى قبل م يغمى عليا من الضحك عليكو
ريهام:
طب امشى يا عبيط انت ههههههه
يوسف:
ايوة صح (بعد م كان عالسلم )
جهاد:
يابوى خلصنا ده ايه الناس دى يارب
يوسف:
جبتلك ورق دكتور عاطف فريد كله (بيدهولها)
ريهام:
جبته منين!
(فرحت)
يوسف:
مالكيش دعوة بقى (نازل)
ريهام:
طب كام طيب
يوسف:
ادخلى يابت وبطلى هبل .. واحبسو جهاد لتعض حد
جهاد:
شالله يعضك تمساح استوائى يا عزت ديرفرى
دخلو
البنات وفتحو الاكل لانهم كانو جعانين اوى .. وانبسطو من الحجات الكتير الى بعتوها
الشباب ومحسوش ابدآ انهم وحدهم
فعلا
معاهم اخواتهم
==============================
رجع
يوسف وحكالهم عالى شافو هناك وان البنات شكرتهم خصوصآ بعد م بعتتله ريهام مسج
بالشكر ومضت فالاخر
ريمو_روكا_جوجو_خوخه
خلصت
الشقه والنضافه وكلو وخدو شاوراتهم وبدأت المذاكرة ..
رقية
ف اوضتها وقافلة ع نفسها ..وخلود لوحدها ..وجهاد وريهام فا وضتهم وساكتيييين وكل
حد فكتابه ..
شوية
والباب خبط ، كانت زوزو جاية من شقتها من فوق وماسكة الفون بتتكلم
زوزو:
معلش يابنات هتكلم عندكم عشان فوق زعقولى وقالولى مش عارفين يذاكرو مع انى مش
بتكلم كتير والله
ريهام:
ولا يهمك تعالى ..
دخلت
اوضتهم واتفتح السنترال الدولى =D
زوزو:
(بتكمل كلامها فالفون وقاعدة ع سرير فاطمة ) ايوة يابنى زى مابقولك كده ، انا
استنيتك ولما متصلتش نمت لكن مش كنت بكلم حد !
ايه؟
لاقيتنى
ويت
طب
وغلاوتك عندى مش كنت بتكلم بقولك نايمة نايمة
جهاد:
(فسرها وباصه للكتاب قدامها بس ودنها مع زوزو ) ايوة حلفت لغلاوتك البت صدقها :/
زوزو:
طب باى دلوقتى عشان بابا بينادينى ..شوية وارنلك
جهاد:
(بتبص حواليها ) فين ابوها ده يابوى ؟
فون
زوزو رن تانى ..
زوزو:
الو ... ميجووووو فينك ياواد وحشتنى
ازيك
يامجدى اخبارك
كده
استنى تبعت الادد ومتبعتش
جهاد:
(بتبرطم بردو ) ازاى ياراجل ده كلام
زوزو:
يابنى انت بتنسى شكلك قولتلك سوسو سهر الليالى عرفته ؟
جهاد:
احفظه كويس يامجدى
زوزو:
طب بقولك ايه انا هقفل وشوية ونتكلم عشان بابا شكله هيقفش عليا
جهاد:هموت
واشوف ابوكى يابعيده
خلص
الفون وكان فيه فون ويت وفتحت زوزو :/
زوزو:
هههههههه احلفلك بايه انه بابا مكنتش بكلم حد !
جهاد:
بابا !! هو بابا بيناديكى ولا بيكلمك ولا ميت ولا قتل ف 73 ولا حكايتك ايه انتى
زوزو:
وربنا زى م بقولك .. خلاص خلاص هقوم البس واستناك هناك
بس
اسمع
اوعى
تأخرنى
عشان
خالتى بقت تزعل منى من مجيي متأخر
جهاد:
الحمدلله خلصنا من ابوها دخلنا فخالتها -_-
زوزو:
انت مش مصدق ان خالتى الى بتزعقلى !! طب احلفلك بايه ؟
جهاد:
ياراجل صدقها البت لسه نازله من عالمنبر دلوقتى
زوزو:
اوك اوك ..باااااااى
قعدت
10 دقايق والفون رن تانى !!
جهاد:
اوووووووووووووه لا كده كتير يا زوزو .. مش نسكت المضروبة ريهام تطلعيلى انتى
زوزو:
وانا اعمل ايه طيب يا جهاد
جهاد:
تعملى ايه ازاى ؟ ورانا امتحانات وبلاوى زرقه ياشيخه
وانتى
ممبطلاش حكاوى
زوزو:
ياعنى هتاخدو ايه من الامتحانات والمذاكرة ياهبل ؟ طب ده انا عندى الى بينقلى كل
الاجابات فحتة سماعه بلوتوث صغيرة اد كده
وبنجح
بتقديرات كمان
جهاد:
طب ياستى الف بركة .. احنا معندناش مجدى وميجو وزيكو وسوسو يغششونا
ولو
نزلنا فالمواد هيضربونا بالنار
زوزو:
عاجبك الكلام ده ياريمو ؟؟
ريهام:
بصراحه يا زوزو مش عارفه اجمع من الصبح واقفه ع نفس الصفحه .. وعندى مادة صعبة
زوزو:
طب خلاص ذاكرو ، انا غلطانة انى جايه اقعد معاكم شوية
انا
خارجه
واسبعو
بالكتب يادكاترة
جهاد:
(مشيت زوزو وقفلت الباب وراها ) غورى شالله يقفشك ميجو مع زيكو يخلصو عليكى
======================
وعدت
اول ايام الامتحانات .. وتانى وتالت
ومافيش
كلام
مافيش
حكاوى
نسكافيه
.. وسهر للصبح وعيونه مفنجله J
عند
الشباب بقى..ولان مواعيد امتحاناتهم فالايام مختلفه
الى
الصبح والى بليل
والى
يومه مختلف مع التانى .. وكده كده الشقه اوضتين ..
ومش
بيحبو يقعدو مع هشام
فكلهم
موجودين فاوضه محمود ويوسف
وده
عامل توتر شوية ع محمود عشان هو اصعب دراسه فيهم ، ومتعود ع التقديرات
العاليه
بس
قاعدين
بيذاكرو .. مرة واحدة محمود فصل خالص من المذاكرة المتواصله ،فقرر ياخد ريست ..
وبيعلى
الدفايه لانه برد
عبدالرحمن:
الشتا داخل بتقله السنة دى
يوسف:
ايه ده محمود هياخد ريست! يبقى كلنا ريست بقى هيييييييييييييه
محمود:
الى ينولك تدخل الامتحانات من غير م تبص فالكتب تعملها
عبده:
لا وانت الصادق ينحج حتى من غير ما يحضر امتحانات
يوسف:
لا يا جماعة الا الضمير ههههههه
بقولك
ياض يا حودة
ممعكش
صورة لاخوك ففرحة ؟
محمود:
للاسف معرفتش اصورة عشان ماحتفظش بصورة للبت دى عندى عالفون
يوسف:
طب طالما بدأنا ريست يلا بقى كمل الحكاية
عبده:
لااااااااااااا كل م يحكى تحصل كارثه
بلاش
:/
محمود:
ههههههههه خلاص يبقى بلاش
يوسف:
ياعبده متزهقناش فالعيشه بقى خليه يحكى ده عادى صدفه يعنى
محمود:
طب خلاص هكملكم ، اصل انا بصراحة ناوى اخرج الحكايه دى من دماغى نهااااااااااائى
يوسف:
ايوة ياحودة ياجااااااامد
محمود:
وقفنا عند ايه ؟
يوسف:
لما...(بيفتكر) حصلت حاجة غريبة بعد م بنت خالتها ردت عليك)
محمود:
ايوة..حافظ انت
يوسف:
عييييييييب مركز متقلقش
محمود: .
بعدها
بقولها بنت خالتك لسه ناو شتمانى وكده ع انى كلمتك وهتلاقى المكالمة ريسيفد ناو
عندك
ردت
بتقولى مافيش
وكده
الى
هو ازاى يعنى ؟
ايه
الكدب ده
المهم
عدتها
بدأت
تتغير فاسلوبها وبعدين فمرة قالتلى محمود ياريت نبطل مكالمات عشان انا سمعت كام
درس دينى بيقول انه حرام
ونبقى
لما نرتبط نتكلم
حاولت
كتير اقنعها انى مش هقدر لحد م كبستنى بانى مامتها رفضت علاقتنا دى لحد م اتقدملها
بينى
وبينكم انا اتخنقت اوى بس عدتها
اصل
مش همسك فحد مش ماسك فيا
يوسف:
اه
محمود:
وقعدت بقى تقولى انا بتقطع ومش هحب غيرك وجو الافلام ده
بس
ساعتها كان بياثر فيا اوى
المهم
خدتكم
فالكلام .. هى كانت دايمآ تشتكيلى ان بقالها فترة شعرها بيقع بغزارة وعايزة تكشف
فانا
محطش فبالى يعنى
معظم
البنات شعرهم بيقع بالذات فمرحله العشرينات
عبده:
اه وبعدين
محمود:
بعدها طبعا قطعنا من بعض ... كان بقى عمر اخويا بقاله فترة بيحكى انه معجب بواحدة
بنت ناس وعايز يخطبها
وشغال
يحكى عنها
قال
اسمها هايدى
بس
انا قلت عادى محتطش فدماغى انها تكون هى مالبلد مليانة هايدى
كان
بيحكى انها احد الناس الى بتتعالج عنده واتولدت بينهم قصة حب عميقه يعنى
يوسف:
المهم بقى..ادخل بالتقيل ها !
محمود:
المهم بقى كلم بابا وبابا وافق يروح يخطبها .. وفعلا جهزنا ليوم نطلب ايدها لاخويا
انا وهو وماما وروحنا
عبده:
حاسس ان المفجأة جايه
محمود:
مافيش روحنا لهناك
كانو
هما نقلو من الشقه الى كانو ساكنين فيها الاول الى عرفتها فيها
ودخلت
تقدم العصير
وفوجئت
بيها!
دى
هايدى
بس
الغريب انها مفوجئتش بيا ... زى م تكون كانت عارفه انى اخو عمر
يوسف:
اوبس!! وبعدين بقى
محمود:
انا جسمى نمل ونفسى اتكرش واتخضيت بس مبينتش ولا قيت بسرعة الراجل ابوها وافق
وقال
ايه هى موافقه
كل
ده وانا مش فاهم حاجة خالص
امتى
وازاى ده حصل معرفش :/
مكلمتهاش
كلمة من ساعتها .. وعندى كتير اسئلة مش لاقيلها حل
عبده:
بس كده ف حلقه مفقودة فالنص
محمود:
دى بقى عندها هى تفسيرها .. لانى بجد مش عارف دى لعبه منها
ولا
صدفه
وبعدين
ده اخويا
يعنى
زيي ميفرقش عنى
ايه
الى خلاها تسيبنى وتفضله عليا
وهل
بتحبه ولا بتحبنى انا ولا بتعلب بينا
مرة
واحدة وهو بيحكى ف عاصفه قامت برة وهوا شديد وزعابيب طير حجات كتير والناس بدأت
تقول ياساتر يارب والمطر مطر سيول فدقيقة والرعد والبرق اشتغلو
وعمل
ماس فعمود نور جمبهم وقطعو الكهربا!!
يوسف:
بس !
والله
حكاية بومة .. متحكيش الناس بتموووووووووووووووت يالهووووى
عبده:
مانا قلت محدش صدق نجينا يارب اسكت يا محمود
يوسف:
اكتم يافقرى عليك وع حكايتك يابعيد
محمود
وقع ع نفسه من الضحك هههههههههه وهما بيقفلو الشبابيك وبيرددو ان حكايته مشئومة
===================
استنونا
بعد بكرة J
#قصاقيص_ورق
#بقلمى_نوراسماعيل
ليست هناك تعليقات:
إرسال تعليق