=====================
ريهام:
يوسف! اه ازيك اخبارك ايه ؟
جهاد:(بتوشوش
فاطمة) مين يوسف الى فالمقدر جديد ده ؟
يوسف:
انا تمام .. حبيت بس اسال ع الاعلان ؟ (تلاكيك)
ريهام:(قامت
من الاوضه وطلعت بره) ياعم اعلان ايه ؟
هو
انا لسه اشتغلت ؟
يوسف:
اه صحيح ... تصدقى نسيت (ضحك ضحكة خفيفة)
ريهام:
لا انت فاكر بس بتستهبل
يوسف:
ههههههه يمكن .. بقولك ايه ريهام الى معايا (بيغلس)
ريهام:
لا خيالى
يوسف:
لابجد
ريهام:
اه والله .. ف ايه يابنى
يوسف:
طب لو ريهام اطلعيلى فالشباك اشوفك وارجعى اتأكد يمكن مش انتى
ريهام:
لا انا من غير طلوع
يوسف:
لا معلش والنبى حاسس ان ف واحدة تانية الى بترد عليا من السكن
ريهام:
يابنى مين هيرد ع فونى غيرى ـ وع العموم انا اهو (طلعت فالشباك وجهاد وفاطمة
شايفينها وساكتين)
يوسف:
ايوة بقى
اهو
كده القمر طلع
محمود
كان واقف وراه وهو بيتكلم وشاف ريهام وهى طالعه ولما يوسف شارولها واستغرب وسكت
اصل
مكتب محمود فوش البلكونة فبيشوف كل حاجة ..
ريهام:
خلاص بقى اتاكدت ؟ اقفل بقى عشان متعطلنيش اكتر من كده
يوسف:
طب وليه بس مش يمكن اسالك ع حاجة تانية مثلا
ريهام:
رجعنا للتلاكيك تاااااانى ، لا ياعم روح اقفل والعرض الى انت فتحته ده كمله مع حد
غيرى انا مش فاضية
يوسف:
عرض ايه يابنتى انتى متعرفنيش ولا ايه
ده
انا يوسف القناوى
اكابر
عائلات نجع حمادى وبلا فخر
يعنى
مش محتاج لعروض .. ده رصيد والله ومستعد اكلمك شهر ومن غير خوف
ريهام:
حلوين حبتين الاستعراض دول انعم واكرم .. ودلوقتى اتفضل مع السلامة بقى عشان عندى
مذاكرة كتييير
باى
(قفلت)
يوسف:(ضحك
كده وقال) مسيرك تستوى يا رمان
محمود:
مش هنذاكر ولا انت هتقضيها كلام فالفوون مع البنات ؟وبعدين مش عم خلف منبه
منتعاملش مع السكن ده
دخل
عليهم عبدالرحمن ..
عبدالرحمن
: ايوة منبه
يوسف:
طب ع ايه ؟
عبدالرحمن:
معرفش
يوسف:
هههههههههههه ... بص يامحمود يا حبيبى انا ماليش دعوة بالسكن
ف
بينى وبينها شغل ماتشغلش نفسك
محمود:
طب اقعد ذاكر
يوسف:
والله يا محمود ياخويا مش عارف اقولك ايه بس فالخطة الخمسينية الجاية احتمال يعنى
مش اكيد
محمود:
والله
لا
هانت !
==================================
دخلت
ريهام اوضتها بعد م قفلت الفون لاقت خلود بتنضف الاوضه وبتكنسها وكانت سانده ايدها
ع مفرش سرير ريهام وهى بتميل !
اتخضت
ريهام وزعقت فيها ..
ريهام:
ياست انتى بتعملى ايه ؟
خلود:
بكنس الاودة ، ف ايه ؟
ريهام:
يوووووه بليز متلمسيش حاجة فحجاتى اوووووووف بقى
خرجت
وراحت اوضه جهاد وفاطمة وهى بتبرطم ومخنوقه وال 88 مرسومة ..
ريهام:
تعالو ساعدونى انقل سريرى ومكتبى ودولابى لهنا
جهاد:
الاوضه تستحملناش احنا ال 3 بحاجاتنا يا مرار
ريهام:
ماهو اسمعو بقى انا مش هعرف اقعد مع الكائنة الى جوه دى .. اوف
فاطمة:
انا والله مقدرش ابعد عن جهاد كنت بدلت معاكى
جهاد:
خلاص يا زفته ده جرف ايه ده يارب .. انقلى سريرك وخلى مكتبك ودولابك برة فالصالة
.. الصالة واسعه وتستحمل
ريهام:
اوك تعالو انقلو معايا
طلعو
البنات مع ريهام ينقلو معاها وخلود بتبص وصعبان عليها نفسها اوووى
مش
اول مرة الناس تبعد عنها
بس
مش للدرجة اذى المشاعر يعنى
نقلو
الحجات وساعدو ريهام ... واهم حاجة طبعآ تتنقل مع ريهام هى " صبرى" !!
مين
صبرى ده ؟
ده
عروسه ع هيئة بطيخة ريهام مسمياها صبرى اول هدية فعيد ميلادها من باباها .
مش
بتفارقها ابدآ وهى نايمة او بتذاكر او قاعده ... لازم تكون حضناه ومعاها
جهاد:
خلاص هديتى يا ابله .. عالله تقعدى ع حيلك بقى
ريهام:
الحمدلله ممدتش ايدها ع صبرى والا كنت قطعت علاقتى بيه للابد (بتحضن العروسة صبرى)
يا حبيبى ياصبرى كنت هتضيع منى
فاطمة:
الواحد شاكك فصبرى ده والله ههههههههه
جهاد:
هى بنى ادمة مختله عقليا اصلا عادى يا فاطمة تركزيش معاها جريب هنرحلوها عالسرايا
الصفرا
صبرى
وعفوش كمان يسكن معانا فالاودة
=========================
عدت
ايام كتير ...
اشتغلت
ريهام فالجريدة تدرب ، محمود هلكان لشوشته فالدراسة
هشام
محدش له دعوة بيه حتى عبدالرحمن الى معاه فالاوضه
ويوسف
حاطط ريهام فدماغه
اما
رقية فهى قليلة فاختلاطها بحد فالكلية وفالسكن برضو مبتظهرش من المذاكرة
الكتيييييييير الى وراها
جهاد
وفاطمة راسين فطاقية .. ولما فاطمة تكسل عن المرواح جهاد بتسد مكانها وبتشرحلها كل
الى يفوتها وتفهمها
خلود
بقى وحيدة ... مالهاش دعوة بيهم
حتى
الكلية وحدها ولما بتقعد فالمدرج بسيبه مسافه جامده بينهم وبينها الطلبة عشان
يقعدوا ..
وفاوضتها
كل يوم تفتكر وحدتها واهلها وتعيط ... وتنام
وانهاردة
كنوع من انواع الترفيه عند الشباب ...
خرجو
يلعبو ماتش كورة مع اصحابهم .. من سكن تانى والى فاز الفريق التانى ع يوسف ومحمود
وعبدالرحمن وكام واحد تانى فالفريق
راجعين
هلكانين بس بيتوعدولهم بمباراة اكبر وبرد الهزيمة
يوسف:
بس ياض يا محمود عليك رجل تسلم يا راجل ايه العظمة دى
كان
جون حكاية
عبدالرحمن:
هو احنا جبنا غيره .. لبسونا 3 بعده لما قطعو نفسنا
محمود:
انا لولا كنت تعبان انهاردة كنت ركزت اكتر
يوسف:
وانا والله لولا كنت خرمان سجاير كنت ظبطتهم ـ بس انا مسكتش قولتلهم قريب نعمل
ماتش تانى ونرد حقنا اومال
عبدالرحمن:
ايوة احنا احسن منهم فالمستوى الكروى
يوسف
وعبدالرحمن : ههههههههههههه
دخل
عليهم هشام ...
هشام:
فاتورة الكهربا جت .
محمود:
طب سيبها يا هشام ونقسمها علينا احنا الاربعة
هشام:
لا يابشمهندس مينفعش
محمود:
هو ايه الى مينفعش ؟
هشام:
المفروض ان احنا نقسمها قسمة العدل .. يعنى انت معاك لاب
ويوسف
برضو
وليل
نهار حاطين موبايلاتكم فالشواحن ، واللابات
وعبد
الرحمن ع طول حاطط مروحة ستاند زايدة فالاوضه ع سريره عشان مش بيستحمل الحر
اذا
احنا مش زى بعض فالاستهلاك
انا
مش بستخدم الكهربا غير لمبة الاوضه والتلاجه
واحيانا
بشحن لانى مبتكلمش فالتليفون اصلا
يوسف
ومحمود وعبده بلمو ...
يوسف:(بنرفزة)
ياض الله يخربيت شكلك انت ايه ياض ايه القيحة والشح ده
هشام:
بصو عشان تبقو شاهدين انه هو الى بيبدأ بالغلط
محمود:
اصل مش طريقه يعنى ياهشام .. كلنا ساكنين يبقى ندفع زى بعض مش مين عمل ايه
يوسف:
يعنى نقسمها بالسحتوت بروح امك ...
هشام:
شوف برضو بيغلط .. بس انا مش هرد عشان انا محترم
يوسف:
ياض الله يلعن ....(قاطعه محمود)
محمود:
خلاص يا يوسف ... كام الفاتورة يعنى ياهشام
هشام:
120 جنية!
يوسف:
ياشيخ غور الله يلعن ابو النتانة ... طب والله ادفعها انا بلا وجع دماغ اهلك الى
عاملهولنا ده
هشام:
طب ادفع يافييس ... اهى عندكم وانا مش هدفع غير 15 جنيه فيها بس !
انا
دفعتها من شوية وانتو برة .. عايز 105 جنية دلوقت
محمود:
لا حول ولا قوة الا بالله ... خلاص روح يا هشام هندفعها احنا ومتزعلش نفسك
هديك
الفلوس حاضر
عبدالرحمن
(بعد م فرح هشام وخرج) انا ماشوفتش حد كده
يوسف:
يا سااااااتر ... مين ده .؟
عبدالرحمن:
انا معرفوش!
==============================
خلود
فالجامعة ... رايحة تشترى سندوتش من الكافتيريا واى عصير
لاقت
الفلوس مش هتكفى قالت تجيب سندوتش بس
وهى
بتشترى الناس بعدت عنها زمايلها الى بيشتروا ـ راحت خدت بعضها وقعدت تاكل السندوتش
ع جنب مكسورة
فالوقت
ده كان بيلف .. (حسام) !
مش
زيادة شخصيات ولاحاجة بس ده لازم تتعرفو عليه ..ده بقى حسام ... بيسموه ولاد دفعته
والدفعات التانية العميد!!
سقيط
وبتاع شرب سجاير وحشيش ومش بينجح فسنته .. عنده 27 سنة ولسه فالكلية !
كان
بيلف مع صاحبة بيبصبص عالبنات وبيدورله ع صيده جديدة
بص
كده لقى خلود قاعدة بعيد ...
حسام
لصاحبة: اوعى الشبح ... شايف القطة الحزينة الى هناك دى
صاحبة:
فين دى ؟
حسام:
اهى ياعم .. بتاكل وحدها اهى
صاحبة:
ياعم ايه القرف ده قطة ايه ؟
حسام:
طب ده عز الطلب
صاحبة:
مش فاهم
حسام:
ملكش دعوة (رايح ناحيتها)
صاحبة:
اسمع لو هتروح تكلمها هقاطعك العمر كله ، عايز ايه منها دى
بقى
تبقى السحالى دى كلها حوالينا وتبص لدى
حسام:
فداهية يلا ياعم مش عايزك (عدل ياقه قميصة ورايح ناحية خلود )....
=====================
حسام
لخلود: ازيك ... كل ده تخلينى ادور عليكى وانتى هنا ؟
خلود
بصت حواليا ملاقتش غيرها ومش عارفه الواد ده بيكلم مين ؟
حسام:
ايه يابنتى هتعملى نفسك مش سمعانى ؟
خلود:
حضرتك بتكلمنى انا ؟ (بخوف وماسكة الاكل )
حسام:
ايوة ... بقالى ساعة بدور عليكى ... (قعد جمبها ) عاملة ايه
خلود:(قامت
من مكانها) بتدور عليا هو انت تعرفنى ؟
حسام:
ايوة مش ... (عمل نفسه بيفتكر)
خلود:
(واقفة ساكتة مهما كان خلود لا خرجت ولا لفت عشان تعرف ترد) حضرتك عارفنى يعنى ؟
حسام:(لاحظ
ان لهجتها صعيدية) انتى مش من الصعيد يابنتى .. مالك مانا عارفك
خلود:
بس انا معرفش حضرتك
حسام:
اسمك كان فدماغى بس رايح من بالى دلوقت .. انتى عارفة ظروف الكلية والجامعة وكده
خلود:(دخلو
عالغلبانة الحركتين دول وصدقت) انا اسمى خلود .. حضرتك من بلدنا يعنى ؟
حسام:
ايوااااااااااا خلود .. ازيك وازى باباكى واخواتك ؟
خلود:
كويسين ..(لسه خايفه) انت من بلدنا وتعرف ابويا ؟
حسام:
ايوا .. بصى ف حد قالى انك جيتى الجامعة خلاص ولازم اخد بالى منك عشان هما وصونى
عليكى بما انك لسه جديدة مش سنة اولى برضو ؟
خلود:
ايوا اولى علم نفس
حسام:
طيب مش تقولى .. ده انا كل حبايبى فعلم نفس .. بصى لو عوزتى اى حاجة انا خدامك
فيها
انا
حسام
عميد
الكلية هنا
خلود:عميد!!
حسام:
قصدى يعنى اعرف الجامعة كلها بكلياتها بابا كان صاحب باباكى واهلى الى قالولى اروح
اسال عنك واخد بالى منك
خلود:(فرحت
اوووووووى الهبله ان ف حد هيتكلم معاه وهياخد باله منها ومش قرفان ولا خايف زى
العادة ) طب اتصل بابويا اعرفه ان انت جيت يعنى
حسام:
لالالالالالالالالا مينفعش
خلود:
لا ليه ؟
حسام:
اصلى هو وبابا بينهم مشاكل وبابا حابب يصالحة عن طريقنا انى اخد بالى منك وكده
وبابا هيجبهاله واحدة واحدة لما يكلمة
اهم
حاجة انتى متجبيش ليه سيرة ان احنا اتقابلنا عشان ميزعقلكيش وميخلنيش اشوفك
خلود:(ابتسمت)
طيب خلاص انا هسكت ويبقى ابوك يقوله حضرتك
حسام:
لا حضرتك ايه .. حسام بس .. حسام ياخلود (وابتسم ببرائة الذئب المفتكسه )
خلود:
ماشى ..
حسام:
ده رقمى ... (كتبهولها ع كشكولها الى ماسكاه) اول م تحتاجى حاجة هتلاقينى قدامك
ولو
مش محتاجة
افتكرى
انى تحت امرك
مشى
حسام بعد م عمل شويتين منعرفش قصده ايه من الغلبانة دى واشمعنا دى بالذات ..
خلود
بصت لرقمه واخيرآآآآآآ حد سال فيها وعبرها واهتم كمان ... وشاب!!
ربنا
يستر
===========================
ريهام
واقفه فكليتها بتتكلم مع ده
وتهزر
مع ده وتضحك مع دى ... ريهام بنت روشة بس واخدة حريه زيادة عن اللزوم ..
ريهام:
يابنى الاغنية دى نااااااااار .. طب سمعت لو نهدا حبة بتموتنى
زميلها:
ماشى بس جسار مش اوى برضو ..
زميل
تانى : (شغل اغنية خلينى ذكرى) اهو يا ريمو عشان متقوليش حارمينك من حاجة اسمعى
بقى يابتاعة جسار
ريهام:
ايوا بقى .. تسلملى ياغالى
زميلها:
طب بذمتك انا مش احسن من جسار ؟ م تحنى عليا وتحبينى اكتر منه
ريهام:
هههههههه بعينك يابنى وبعدين تعالى هنا انا اطول منك ب اد ايه ؟
(وقفت جمبه ) شفت ازاى انا اطول منك ازاى ؟ متنفعش
زميلها:
ده كعب ياقصيرة هههههههههه
يوسف
كانت كلمته ريهام ييجى ياخد منها الجرنال الى ف الاعلان ..
جه
للكلية وشايف الهزار والضحك وطريقتها فالتعامل مع اصحابها
استغرب
يوسف وسكت ... وقف ورن عليها بتفتح ..
ريهام
: ايوا ياجو
يوسف:
انا هنا عندك فالكلية انتى فين
ريهام:
ايوا تعالى انا شايفاك .. (راحتله )
ريهام:
خد ياسيدى يارب يتمر ههههههههه ومن غير فلوس كمان
يوسف:
لا بجد كلف كام ؟
ريهام:
والله خلاص رئيس التحرير عملهولى كادو
يوسف:
بجد .. ورئيس التحرير يعمله كادو ليه بقى انشالله ؟
ريهام:
ف ايه يابنى عادى .. صحفية شاطرة وبيكافئها
يوسف:
مممممممم اوك ياستى شكرآ لتعبك معانا ياست الصحفية الشاطرة
ريهام:
اى خودعة هههههه
يوسف
اخد منها الجرنال وشاف الاعلان ومشى .. وهى رجعت للكلية وقفتها مع زمايلها
مننكرش
ان ريهام وطريقة تعاملتها بتتفهم غلط لناس كتير .. بس هى مش شايفه ده
شايفه
انها صح فاى حاجة بتعملها ؟
وده
الى موديها فداهية مع معظم الناس
ولسه ....
==========================
عدى
شهر ..
ع
بداية الترم ...
يوسف
بيحضر نفسه يسافر للبلد يومين هو وعبدالرحمن .. لكن محمود قاعد وكان بينهم الحوار
ده ..
يوسف:
يابنى ده انت من بنى سويف ـ يعنى خطوتين وتبقى عندهم فالبلد مش طريق صعب زيينا
محمود:
لا انا مش عايز اروح
عبدالرحمن:
طب مش هتبدل هدومك .. تجيب حاجة
تقعد
مع الحج والحجة
محمود:
لا .. علينا وعليكم بخير قبل امتحانات الترم .. او الاجازة
يوسف:
ليه طيب ؟ مالو ده
عبدالرحمن
: انا معرفوش
محمود:(بحزن)
مبحبش البيت ولا اروح البيت ولا اشوف الى فالبيت
يوسف:
ليه يابنى بيعضوك هناك ، اش حال مكانوش بيتصلو بيك يوميآ وبيستنوك وبيسألو عليك
انت
عيان ياض
مريض
نفسيآ ولا حاجة
محمود:
ياعم سكتكم فل انتو روحو وسيبونى هنا وحدى مش هروح
يوسف:
احسن اقعد مع هشام .. ياكش يحاسبك ع تمن قعدتك وحدك فالاوضه
محمود:
هههههههههه ماشى ياعم
يوسف
وعبدالرحمن مسكو شنطهم وماشيين سلمو ع محمود ونزلو ..
اما
بقى عند البنات ...
جهاد
وفاطمة هيروحو البيت نازلين للبلد ورقية هتقعد وريهام كمان مسافرة برضو
وخلود
هتقعد عشان سفرها طويل
ولسه
مخدتش ع جو المرواح والرجوع ... وفلوسها قليلة
واثناء
وجود فاطمة وجهاد فالبلد ..
... جهاد سمعت خبر حلو
بس
بالنسبة ليها مش حلو ؟
ياترى
ايه هو؟!!
ومعادنا
بعد بكرة فنفس المعاد
استنوها
بقى ;)
#قصاقيص_ورق ^_^
#بقلمى_نوراسماعيل
<3
ليست هناك تعليقات:
إرسال تعليق