=======================
اجازة نص السنة .. وجو
الشتا الجميل
وراحه شوية من
المحاضرات والدوشة دى وقاعده مع الاهل الى مش بيتشافو غير كل اجازة .. ده بالنسبة
للناس العادية
لكن يوسف بقى من اول م
وصل واخدها سنكحه ،من اول م يصحى بفطر ويجرى يجمع صحابه وقرايبة الشباب ويتلمو
ويلعبو كورة لحد لما الشمس تغيب
وبعدين يطلع ياخد دوش
ساقع o.O
ساقع فالشتا ياايوسف ؟!
معلش هو دماغ كده
وبعدين يتغدى وينزل تانى يروح يقعد فالدوار بتاعهم الى هو للناس الى متعرفوش مكان
كبييييير لاستقبال الضيوف وقاعده الشباب والرجال سوا الى من العيلة .
بيبقى فيه كل حاجه
قاعده وتلفزيون والخدمة بتروح لحد عندهم
وبما ان يوسف ابن كبير
العيلة
فالدوار بتاعهم مفتوح
24 ساعه قاعد مع اصحابه او قرايبه .. وبليل يكلم اى بنت من الى يعرفهم او ريهام :/
ويناااااااام ونعيد
تانى يوم ..
لكن عند جهاد ..الوضع
مختلف شغل فالبيت وتنضيف طبعآ لانها الكبيرة
واكيد الشغل ده مش بيتم
بهدوء .. =D
تعالو نشوف
جهاد لمت الغسيل
المنشور وقاعدة بتطبقه جمب مامتها ..
جهاد: وكان فرحها حلو
ياامى ولا لا؟
الام: والله يابتى قعدو
يحكو ويتحاكو بيه ، كان مزمار بلدى والصوان مفروش سادد شارعين
وقالو ع فاطمة يومها
ولا القمر
جهاد: الجزمة الواطيه
من يوم جوازها م عطتنى رنة حتى وانا نكلموها ، ياساتر مكانش عيش وفقر وكلينه سوا
الى يشوف كدى
يقول واخده ع حب احمد
رمزى بيه جوزها
الام: لا تظلميهاش ،ده
بيقولو صعب جوى معاها جوزها
جهاد: ليه ان شاء الله
الام: سمعنا كلام كدى
ان هى كسلانه مش بتقوم تخدم فالبيت وع طول نايمة ي اما بتتكلم فالتلفون مع اهلها
ومش بتساعد حريم البيت
فالشغل
جهاد: ههههه هتقوليلى
دى خميرة نوم..سعات كانت تنام السبت تصحى التلات اتفاجئ بيها :/
الام: قالو باين واخد
منها التلفون وبيتحكم تتكلم مين وتكلميش مين وممشيها عالصراط المستقيم
جهاد: والله !
كان مستخبيلك فين دى يا
فاطمة .. اقول ايه عرفاش نفرح فيكى ده انتى صاحبتى
بس هى الى اتسرعت
عالجوازة الفقر ديتى تقولى اخر عريس فالدنيا وباقى الرجاله داس ع رقابيهم قطر 3:)
الام: ربنا يعدلهالك
انتى كمان يابنيتى
جهاد: امانة ياما لا
عايزة يعدلها ولا يقلبها انا كدى زينة
(عدى حد من اخواتها
الصغيرين فرصة الغسيل نعكشه وجرى :) )
جهاد: يا
وااااااااااااااااد الغسيل يا مرارى الطافح .. الهى يفرمك توكتوك بنفس السرعه
ياشيخ
شايفه عيالك ؟!
الام: هههههههه معلش
انتى الكبيرة ياجهاد
جهاد: ايوة ماهو دى الى
بناخده منكم..
================
انما بقى فالوقت ده
..كانت خلود قاعده لوحدها فبيتهم .. بس كانت مبسوطة شوية بعد مكالمة من رقيه تطمن
عليها
وحسيتها كبيرة اوووى
منها انها تكلمها وهى الى اتعودت ان ميكونش ليها صاحبة.
قفلت الفون وقامت تشوف
تساعد امها ف ايه .. راح فونها رن وكانت برة الاوضه
نادت عليها اختها!
اختها : خلود تلفونك
بيرن
خلود: جت خلود تشوف مين
!! ووشها جاب 100 لون
حسام
تفتح ولا لا ..خافت
بس خرجت ختها برة وقفلت
الباب وردت
خلود: الو سلامو عليكم
حسام: وعليكم السلام..
ازيك يا خلود
عاملة ايه
وصلتى بيتكم بالسلامة
خلود: ايوة انا بقالى 4
ايام هنا
حسام: طب ياستى حمدلله
عالسلامة .. متخليش البيت ياخدك مننا كده
ابقى اسألى
ولا انتى مبتسأليش غير
فمصلحه؟
خلود: مصلحه ! كيف يعنى
؟
حسام: (سكت وعرف انها
ابيض ولا بتفهم المصطلحات دى ولا اى حاجة ) ممممم لا خلاص فكك
انا بس حبيت اسمع صوتك
خلود: (اتكسفت وقلبها
دق اوى ) طب انا هقفل عشان اختى دخلت الاوضه
سلام
حسام: (ضحكة سخريه) اوك
..سلام
قفلت خلود وهى مبسوطة
بس متعرفش هل بجد هو بيحبها ولابيلعب بيها، بسبب مرضها عندها عدم ثقة فنفسها
ومتعرفش ايه سر اهتمامه
ده بيها وكلامه الحلو
بس ادينا هنشوف معاها
..الايام هتودينا فين معاك يا حسام ;)
====================
اما عبدالرحمن :)
فهو كان ف اكتر وقت
مبسوط فيه ..عارفين ليه ؟
عشان حبيبته زميلة اخته
قاعده عندهم فالصالون بتاخد درس مع اخته جوه هى والبنات ..وهو اخيرآ شافها من ساعه
م جه مش شافها وكان مستنى الدرس ييجى بفارغ الصبر
وكان قاعد بيتلكك يتفرج
عالتلفزيون فالصاله ع ماتش
بس مكانش مركز فحاجة ع
اد تركيزة عالساعه وان امتى الوقت يعدى
عشان يخلص الدرس وتطلع
مع البنات يشوفها ^_^
وفعلا الوقت عدى عليه
سنين وخرجت حبيبته مع البنات ، لكن اخت عبده كانت حاسه بيه انها وحشاه اوى لانهم
صحاب وبيحكو سوا كل حاجه
راحت وصلت المستر
بتاعهم والبنات وطلبت من" سهيلة "
تقعد تذاكر معاها القصة
بتاعت مادة الانجلش مش فاهماها وانها هتتصل بالبيت عندها ومش هتأخرها
ولان الاحساس متبادل
..سهيلة كمان كان واحشها عبده اوووووى راحت قعدت
وفرحت لما مسكت فيها
اخته
وقعدوا يذاكرو .. وفوسط
المذاكرة جوه اتلككت اخت عبده بكلمة مش عارفه تقراها ولا فاهمة معناها راحت نادت
عليه.. ! ^_^
وهو مكدبش خبر جه بس
وهو مكسوووووووووف ☺
دخل وقعد جمب اخته وقرا
الكلمة وفهمهالهم ، كل ده وعنيه بيحاول متجيش ع سهيلة
الى هى اصلا باصة
فالكتاب وخدودها حمر زى الطماطم من الحجاب الابيض الى لابساه
شبة الملايكة
عمل الى عليه عبده وكان
مبسوط اوى وخرج من اوضتهم وهو فرحان وبيدعى ربنا تعدى الايام ع خير ويقدر يكون
راجل كويس يقدر يتحمل مسؤليتها ..وتكون سهيلة من نصيبه <3
====================
عبير اخت يوسف دخلت ع
يوسف وهو بيتكلم فالفون وقاعد زى العمدة عالسرير ورافع رجل ع رجل !
عبير : يوسف !
يوسف: (بصوت واطى )
ثوانى
نعم ؟
عبير: يلا عشان تنزل
تتعشى قبل م اخوك يطلع ينام فشقته
يوسف: لا ياخى كلو انتو
انا شبعان عايزش آكل
(ملحوظة يوسف بيتكلم
صعيدى بس لما بيكون فالبلد مع اهله )
عبير : طب خف كلام
فالمدعوك ده شوية (بصة اخت خبيثة)
يوسف: (بتكلم فالفون)
طب بصى هكلمك تانى ..سلام
نعم ياست عبير
فضينا
عبير: بقولك خف كلام..
صحتك يااخوى
يوسف: اه والله قلبي
مسك عليا مرة واحدة لما كنت بلعب كورة من شوى
يمكن من الحب ياخى
ههههههههههه
عبير: ارحم روحك .. كلم
واحدة بس مش 20
يوسف: طب وانا اعمل ايه
؟ هما مش بيقدروا يعيشو من غير يوسف
ده انا ملك الحركات
يابت فالجامعه خدى بالك ;)
عبير: نفسى اعرف بتتكلم
كل السعات دى بتقول ايه ؟؟
يوسف: (بغلاسة اخ ع
اخته) وانتى بتقولى ايه لحمادة لما يكلمك ياناصحه !!
عبير: حمادة خطيبى وولد
عمى .. وكلها ايام ونتجوز
لكن دول يبقولك ايه
ياصايع
يوسف: ههههههههههه
يافهمانى ياعبير..قلب اخوكى والله
(مسك قلبه وهو بيضحك)
عبير: مالك ياخى ؟
(بخضه)
يوسف: فيش.. بقولك يمكن
من اللعب وطلعت استحميت بميه ساقعه
عبير: والله حرام الى
عتعملو فروحك ده .. اه
انت حر
يلا عشان تاكل قبل م
ابوك يزعق
يوسف: ماشى هنزل وراكى
.. خلى مرت اخوكى متنيمش ريتال قبل م العب معاها شويه
عبير: خلص وانزل بدرى
وانت تلاقيها صاحية .. يلا هم
(سبقته ع تحت)
يوسف : ( بيفرد دراعاته
وبياخد نفس عميق ) يلا يا جو ننزل ناكل عشان نبتدى واصلة البت ريهام
=D
ع روااااااااااااق
=====================
لكن هايدى بقى كانت مع
عمر فالقاهرة بيفسحها قبل م تنزل البلد ..ولانه بينزل كل اسبوع يومين فالقاهرة
تدريب تحت اكبر اساتذة اتعلم ع ايديهم علاج امراض الجلدية J
وبعد يوم طويل من
الانبساط والفرح .. قررو يتعشو فمكان هادى وشاعرى
وع ضوء الشموع
قالها مفجأة تبسكها.
عمر: عارفه ان مافيش
اسعد منى فالدنيا دى كلها
هايدى: لا فى
عمر: مين ؟
هايدى: انا J
عمر: ههههههههههه ربنا
دايمآ يسعدنا مع بعض ياحبيبتى ، ولسه
هايدى: ولسه ايه ؟
(بتاكل )
عمر: ف مفجأة عشان
حبيبتى هايدى
هايدى: مفجأة (فرحت
وهتتنطط ) ايه ايه قول بسرعه
عمر: لالالالالا مش
هقووووول
هايدى: ع فكرة انت بايخ
.. لازم تقول مش تفرقعلى كلمة وبعدين تقول لا
عمر: طب خلاص ياستى
..فاكرة الشاليه الى فالسخنة الى قولتلك كان عاجبنى وروحت اتفرجت عليه من فترة
هايدى: اه
عمر: اشتريته
هايدى:
واااااااااااااااو يا حياااااااتى يا عمر
عمر: بس مش دى بس
المفجأة
هايدى: اومال ايه تانى
؟؟
عمر: ان كتبت باسم
حبيبتى الى هتبقى مراتى كادو يعبرلها عن حبى ليها
هايدى: (قامت من ع
كرسيها وباسته) ده اخلى خبر سمعته
بجد ياعمر انت عملت ده
علشانى
عمر: هو انا وانتى ايه
مش واحد..وحسيت ان ده هيفرحك وعملته J
هايدى: انا مبسوطة اوى
..يااااااااه اخيرآ عندى شاليه
احم
اقصد عندنا من حبيبى
عمر
بس تعرف انت اغلى هدية
عندى
عمر: انتى بكاشه طول
عمرك ههههههههه
هايدى: طب يلا خلص اكل
عشان نلحق الفيلم
عمر: يلا يا حبى
======================
محمود بقى ..
كان بيسمع اغنيه
لعبدالحليم حافظ وتايه فمعانيها عالراديو.. خلته يفقد تركيزة فالمذاكرة
ويفكر فكلمات الاغنية
وهى بتقول
"خايف مرة
احب..وخايف ينسى الحب يوم يقابلنى !"
تاه فالمعنى وسرح فرقيه
وكلم نفسه ..
محمود: هو انا لو عملت
حاجه وكسرت الحاجز الى بينا هيحصل ايه يعنى ؟وليه محتمل انها تكون زى هايدى
لالالالالالا
انا حاسس ان رقية غيرها
وانى بجد مش عارف
اشيلها من دماغى ولازم اخد خطوة معاها بدل السكوت ده
فكر كتيييير طول الليل
وبعد التفكير ده وصل لحل ;)
وانهاردة .
اخر يوم لرقية
فالامتحانات بتاعتها ..خلاص
بس هتقعد يوم كمان عشان
وراها تسليم بحث .
طالعه الصبح بدرى
وماشية رايحه ناحية موقف التاكسى عشان تركب وتروح الجامعه ، وفجأة
فوجئت ب محمود قصادها !
محمود: صباح الخير
رقية: صباح النور ازيك
(بخجل )
محمود: رايحه الجامعه
مش كده ؟
رقية: اه ،عندى اخر
امتحان ادعيلى
محمود: ربنا معاكى
يارب... انا بقى عندى تعديلات بسيطة فحاجة اسمها ورشة عمل تفهمى فيها !
رقية : (ماشية محاذية
ليه ومكسوفه وباصه فالارض وعملت براسها لا بابتسامه)
محمود:
مممممم شكلك متعرفيش
فهندسة وموادها اوى صح
رقية: يعنى .. الى يدرس
طب ميفكرش يعرف حاجه تانى من زحمة الى بيدرسه ^_^
ممحمود: يدايقك لو
روحنا سوا ..اصل انا اتخنقت من الوحده وم صدقت اتكلم مع حد
رقية: لا عادى ☺
محمود: بتكلمى
صحباتك :)
رقية: اه بكلمهم
وبيكلمونى كل يوم
محمود: انا كمان بكلم
يوسف وعبده ع طول.. اول مرة اتعلق بحد
يسكن معايا زيهم كده
رقية: انتو بصراحه كلكم
جدعان وولاد بلد بجد ربنا يحفظكم
محمود: كلنا (مبتسم)
رقية: ايوة .. يوسف عمل
مواقف كتير حلوة معانا وعبده ..ووانت كمان (عيونها لامعه وهى بتتكلم بس باصه
فالارض )
محمود: تعالى نوقف
التاكس ده
ركبو التاكس وفتح لها
الباب الى ورا زى اى شاب جان ;)
ولف ركب الناحية
التانيه جمبها ... بس هو عشان محترم كانت ف مسافه بينهم لان هى كانت مكسوفه اوى
محمود: ايه المادة الى
معاكى دى ؟
رقية: (ماسكة مذكرة )
اه دى مادة دكتور سليم حسانين
تشريح
محمود: تعرفى انه يبقى
خالى
رقية: احم ..بجد (هى
عارفه اصلا بس استعباط بنات عدوها)
محمود: اه والله ..هاتى
كده اشوف بتاخدو ايه ؟
فتح محمود المذكرة وعمل
نفسه بيقرا الكلام الى مكتوب والمصطلحات الطبية الى كلها انجلش وانجلش من بتاع
بلاده
حاجه كده بنت لذين o.O
المهم استغل بصتها من
الشباك مرة واحدة حط ورقه فالنص ولم المذكرة وادهالها !
محمود: مفهمتش حاجة
هههههههه بيديكو ايه الراجل ده
طلاسم !
رقية : (ضحكت ضحكة
خفيفة ) لو كنت بتدرس ب كنت هتفهمها ، زى انا كده مفهمتش الى انت قولته من شويه
كل واحد بيفهم فمجاله
محمود: صح عندك حق
التاكس وصل ونزلو
ومحمود دفع .. واتمشو لحد م دخلو من الباب وسلمو ع بعض وكل واحد راح ع مكانه
وقبل م تدخل الامتحان
فتحت المذكرة رقيه خايفه تكون نسيت الى ذاكرته بسبب اللقاء الغير متوقع ده
#هييييييييييييح
فتحت تراجع راحت وقعت
الورقه !!
مسكتها رقيه وقرتها ..
لو اوصف شكلها زى مانا شايفاه فخيالى
مش هتصدقو
ارتبكت وايدها مسكتها
رعشة غريبة كده .. وقعدت ع اقرب كرسى وقرت الورقه تانى وقربتها من شفايفها وباستها
وفرحت اوى
وفسرحانها فالكلام
المكتوب
نادو عليها اصحابها !
" يلا يا رقيه
الامتحان هيبتدى ! "
رقية: ها!! حاضر
قامت وهى مش فاكرة ولا
كلمة فالمادة .. مافيش قدامها غير كلام محمود المكتوب فالورقه وبس ! <3
خلص الامتحان !!
وخدتها جرى رقية عالسكن
... واول مرة تنسى تشترى اكل او تطلب دليفرى !! ههههه الحب يعمل اكتر من كده
وداخله تغنى من الباب
وترقص وماسكه الورقه وفرداها وبتردد اغنية عمرو دياب مقدرش انا بالذات المقطع ده
"ده الى حلمت يكون
عشاااااانى مش عايز حد تاااااانى اتعلقت فثوانى بحبيبى
ياااما صادفت قلوب
كتيرة
ولا جرب قلبى
حييييييييييييرة
سلمت فيوم وليلة ..
لحبيبى " :* :*
بينى وبينكم رقية تبان
شديدة وبتتحكم فعواطفها ومش هايفه وهبلة واى حاجة تعلقها ، بس هى زى اى بنت بتضعف
قدام كلمة رقيقه حلوة تسمعها
وتلمس قلبها وتكون بصدق
:)
غيرت هدومها وجريت رنت
ع ريهام !! مديرة اعمالها و الوحيدة الى هتقولها تعمل ايه بدل ماهى بروطة كده !!
7 ميسدات وريهام مش
بترد !! :/
وف الميسد ال 8 اخيرآ
ردت بس ف صوت دوشه!
رقية: ايييييييييه
نايمة فمية يخربيت كده .. ده انا صباعى وجعنى
ريهام: يابت انهاردة
حنة سلمى بنت خالتى ..وقولتلك ع فكرة واحنا فالكوافير وانا مش سامعه الفون
رقية: طيب بصى .. ركزى
كده واقعدى فحته لوحدك عايزاكى فموضوع مهم جدآآآ
ريهام: استنى مش سمعاكى
(صوت زغاريد)
رقية: يووووه
ياريهام..فضى نفسك 10 دقايق برة الكوافير عايزاكى ضرورى
ريهام: (بتعلى صوتها)
حاضر حاضر
خرجت برة !!
ريهام: معاكى ياريكو
..خير
رقية: محمود... محمود
ياريمو ^_^
ريهام: محمود مين !
رقية: يارب تموتى
ياشيخه وقت زهايمر ده .. محمود صاحب يوسف يا زفته!
ريهام: ايوة ايوة
افتكرت معلش تعبانة بقى وهيصة وكده متاخديش عليا
رقية: انهاردة قابلنى
الصبح وركبنا التاكس سوا وروحنا الجامعه سوا (بتتكلم بدلع بنات)
ريهام: ايوة اشطا ! هو
ده الموضوع يعنى
وفيها ايه
رقية: طب والله انتى
جزمة .. عشان مش هو ده الموضوع اصبرى شوية متقاطعنيش
ريهام: ههههههه طب خلاص
قولى ياستى
رقية: بصى اتكلمنا كتير
فالتاكس وكده وبعد كده اخد المذكرة بتاعت التشريح الامتحان بتاعى انهاردة وقرا
فيها شوية ورجعهالى
ريهام: هااا .. الخلاصة
عشان انتى ومحمود ع بال
م يحصل بينكم حاجة هتكون مصر كسبت كاس العالم!! :/
رقية: حصل ياختى يام
لسان عاوز قطعه ... سابلى ورقه جوه المذكرة يا ريمو
يالهووووووووى لو تقرى
الى كاتبه
ريهام: ورقه !! لا
استنى الكلام احلو
ايوة ياهندسة بقى هو ده
الشغل ..كاتب ايه الولهان
(عملت نفسها بتتنهد
وحضرت نفسها تسمع) انا قهدت وربعت عالارض اهو
هيييييييييييييح
..ابتدى يا دكتور
رقية: اسمعى ياستى
(فتحت الورقه وهتبتدى تقرا ) :)
===============
استنونا
بعد بكرة :P
#قصاقيص_ورق
#بقلمى_نوراسماعيل
ليست هناك تعليقات:
إرسال تعليق