¸.•'´¯`*•.¸¸.¸.• قـصـاقـيـص ورقــ .¸.•'´¯`*•.¸¸.¸.•'´ حلقة (5

رواية ..

=========================

فالحلقة الى فاتت (4

عبده: كبسة!! شيل البوليس جه

هشام: افتحو .. بتعملو ايه

يوسف: مافيش بكتب كتابى ع عبده ومحمود مأذون ... عايز تحضر الفرح ؟ ليك شوق فحاجة؟

---------------------------

حسام: مالكش ف .. المهم لو البنات عايزين طلبات ادفعها انت لان فلوسى فينيش .. صرفتها كلها

صاحبه: صرفتها عالبت المعفنة دى (بيقول بقرف)

حسام: اه

صاحبه: ليه ياعم ؟ ده انت غريب يا حسام

حسام: اتك ع الرز

صاحبه: والله انا م فاهم حاجة ابدآآ

----------------------------------

رقية: حلمت حلم حلو اووووووووى ... ياخسارة انه حلم

رقية: حلمت بشاب امور ابيضانى

وطويل

وعامل دوجلاس

مشفتوش قبل كده

كنت بذاكر قعد ينادى عليا .. يا رقية .. يارقيه

بقوله بذاكر بزعيق

قالى طيب مش تشوفى مين بيناديكى

رحت بصيت لاقيته

قولتله تعرفنى

قالى اه

انا حبيبك

وراح باسنى ف دماغى كده وخدنى من ايدى من الاودة هنا ع مكان وااااسع حلو وكله خضرا وورد وقالى دى جنتنا يا روكا..

---------------------------------

رقية: ريهام ... الولد الى حلمت بيه ؟ يالهوى اهو والله

ريهام: انهى ده

رقية:(شاورت رقيه علي 1 من ال 3 )!!

حلقة (5

ريهام: انهى واحد مش شايفه ؟

رقية:(بصوت واطى عشان جهاد متسمعش) اتعميتى ياريهام !

اهو التاكس مشى

ريهام: متخافيش لو واحد من صحاب يوسف يبقى جاى الماتش ابقى وريهولى

وصلو النادى ودخلو وقعدو ملاقوش مشجعين غير كام ولد كده والفريق التانى مستنى يوسف وفريقه.

مافيش دقايق جه يوسف وعبده ومحمود وو3 ولاد تانى هينضمو ليهم .

دخلو غيرو ولبسو لبس اللعب ودخلو النادى ...

ريهام: يلا يا يوسف gooooooooo

رقية: ريهام .. اهو الطويل .. الى تى شيرته عليه 10رقم

ريهام: ممممممم شوفته .. باين صاحب يوسف بس معرفوش هسالك عليه متخافيش يا ريكو

واحد من صحابهم ماسك قلم وعامل نفسه بيعلق عالمبارة ...

المعلق : سامو عليكووووو من ارض ستاد روما الدولى

معكم عماد من قلب الحدث هينقلكم المباراة لحظة بلحظة ...

مباراة البحراوية والصعايدة

يعنى وجه قبلى ووجه بحرى

فريق وجه قبلى بيقوده يوسف القناوى وفريق وجه بحرى بيقوده وليد الاسكندرانى

جهاد:(بتبص ع المعلق) ابتدينا الاستظراف والاستنطاع واحنا البنات الوحيدة الى دخل عليها قبر وحاضرين

ريهام: يوووووووه يا جوجو بقى وفيها ايه م فى ناس حاضرة اهى

جهاد: اسكتى عشان لو بايدى اطخك عيار كنت عملتها

رقية: خلاص بقى خلينا نتفرج عاللعب (بتبص ع ... محمود! ومشالتش عينها من عليه)

المعلق: فريق البحراوية شادد حيله عالاخر اما الصعايده فهما شكلهم مش هنا

الهداف محمود مش فالمود .. احم حلوة محمود مش فالمود

المهم

شكلهم انهاردة متغدوش كويس لكن فريق بحرى داخل بقوة جاااااااامدة

يوسف: باصى يا ابوحنفى باصى

عبده: ايوة هنا هنا

واحد كمان من فريق يوسف: الجون فاضى عليهم يلااااااااااااااا

وليد: شمال شمال

محمود كان متدايق فالاول ومش فالمود بس اللعبة لما شدت ..

ابتدى يفوق واتحمس

زائد هتاف ريهام طبعا

بيلعبو واللعبة محلوة ع الاخر ... وفجأة جه جون ففريق يوسف!

المعلق: والله لبسوك اول جون ياقناوى ... وبكده 1 صفر لصالح فريق وجه بحرى مبروك يا ابو وليييييييييد

فينك ياحودة

وحشنا مشط رجلك ... يلا اسخن وريهم اللعبة الحلوة احم احم

ع فكرة

انا لا مع دول ولا مع دول

واهم حاجة الفريق الى هيكسب هتعشا معاه

محمود اتحمس واتدايق من اول جون دخل فيهم وبيجرى فالملعب ومحدش لاحقه وفساعتها سجل جووووووووووووووووووووووووووووون !!

المعلق: الله الله يا حلو يا حلو وابو حنفى عملها

ابوحنفى سجلها فساعتها يا رجاله

كده تعادل 1/1

ريهام:(بتهمس لرقيه) اسمه محمود !

رقية:(ابتسمت) يارب يكسبو بقى يارب

المهم فضلو ع الحال ده ساعة كامله وهما فتعادل محدش عارف يجيب جون من حرفنه التانى ..

كل شويه يوسف يخطف نظره ع ريهام ويقولها شجعى وهى تقوم وتقول ايوة يا جووووو اديهم ع عنيهم

جهاد: الهى تتكسر رقبته يوسف وفقر الى انتى جايبانا عشانه ومكركرنا وراكى زى الغنم

ريهام: حرام عليكى يا جوجو

جهاد: حرمت عليكى عيشتك يابعيده .. يافرستى منك ..

مش كنت نمت جمب فاطمة ومجتش معاكم

(بتبص ع رقيه) ومالك ياابلة رقية مبتسمة كانهم بيلعبو ع شبكتك يا خيتى

رقية: ايه يا جوجو بتفرج عاللعب ! فيها حاجة دى

جهاد: طب يابوى اتفرجى والتانية تشجع وفجأة اصبحنا من غير مقدمات لعيبة كورة ومولودين فاستاد

المهم قعدو استريحو شويه جريت ريهام عملت نفسها بتصور حديث معاهم (ههههه كده وكده)

ريهام: ايه اخبار الشوط الاول يا كابتن؟

يوسف:(بياخد نفسه بالعافيه وبيمسح عرقه) والله احنا عملنا الى علينا عشان نرفع صورة مصر

وانشالله العشا عليهم

يا الا والله هيروحو فقفص الفريق كله

ريهام:هههههههههه (عملت نفسها بتصور مع محمود وهى ماسكة كاميرا الفون بتاعها) كان جون رائع يابوحنفى

محمود:(بيصب ميه من الازازة ع راسه وفجأة سمعها واتكسف خالص وشاورله يوسف يحكى معاها) الحمدلله

ريهام: توقعاتك ايه يابو حنفى وكل الجماهير دى بتشجعك (شاورت ع رقية وجهاد والى قاعدين )

محمود: انشالله هبقى عند حسن ظنهم وهنرجع بالكاس (ماسك نفسه من الضحك)

جه يوسف بسرعه فالكاميرا

يوسف: انشالله هنلب ابوهم 1/6 انشالله

ريهام: ههههههههههه طب يلا نتابع الشوط التانى

كملو لعب وقعدو يحاورو بعض فالملعب وشوية الشباب الى حاضرين يشجعو وجهاد لاوية بوزها

ومرة واحدة يوسف جاب جون !!

المعلق: الله الله الله

الله عليك يابوحجاج

ياحلاوة قنا والى بييجى من قنا

جون ابن لذين

يوسف قعد يجرى ورفع التى شيرت ع وشه وفجاة شالوه زمايله وريهام تصور ف وتهيص وهمل نفسه بيبوس الدبله قال ! ههههههه

المعلق: يوسف بيبوس الدبله قال يعنى مرتبط لكن مين ترضى بقتال قتله زى ده

المهم لحسن يسمعنى

ان كده 2/1 لصالح الصعايده ولسه

نص ساعه ومحمود جاب ال 3

كلهم هيصو ورقية فرحت اوى وسقفت وجهاد بتبص ومستاءة كالعادة ..

جهاد: نفسى اعرف فرحة يعنى عجيبه والله كانهم بيشوفو حسام حسن واخوه جاتكم حشة تحشكم التنين برقية العاقله

وزمايل محمود كلهم نطو عليه وقعدو يهيصو وانتهت المباراة بفوز فريق الصعايدة !

دخلو غسلو وشوشهم ولبسو لبسهم وطالعين شغالين يغنو ويوسف شغال يغنى مش هروح ويعمل بايده جناحات ويجرى وريهام تضحك عليه

الفريق المغلوب التزم بالاتفاق وعزموهم عالعشا ... مش الفريق بس!

والبنات معاهم ..

جهاد: كمان هناكل معاهم ؟

مينفعش يا ريهام ؟ وكلمة زيادة هوقف تاكس يدوس ع رقبتك

ريهام: طب خلاص نستأذن منهم

رايحة ريهام تعتذر عن العشا ...

يوسف: مش هينفع انتو وشكم حلو علينا .. وبعدين لسه الساعة 10 ونص وانتو 3 واحنا 6يعنى عشا جماعى مافيهوش حاجة ،

وهنروحكو معانا ينفعش تروحو وحدكم

ريهام: اصل هما مش راضين وانا لازم ارجع معاهم عشان صاحبة السكن

يوسف: انا هقولهم ...(راح ناحية البنات) معلش يا جماعه هناكل سوا حلاوة المكسب ونروح مش هيحصل حاجة يعنى كلنا اخوات يعنى

جهاد: معلش كفايه ع كده عايزين نروح مبروك الكاس ياليبرو

يوسف: شكرى يابوعجوة الف شكر

جهاد: ابو عجوة !! (فسرها) جاك عج مصارينك)

رقية: معلش لازم نروح مش هينفع نيجى

يوسف: ليه بس ..

رقية: الوقت اتاخر معلش ... مبروك الفوز

البنات خدو ريهام ومشيو وركبهم يوسف تاكس وبعد كده راح لاصحابه ..

البنات وصلو السكن ...

ريهام: كان ماتش فظييييع

جهاد: والله كلهم مكسحين وعاملين زى الفراخ البيضا الى موكلاش بقالها اسبوع..

رقية: لا ياشيخة كان فيهم بيلعب حلو

جهاد: طيب يابوى هما عليهم سكر وانا عليا تراب ولا تزعلو (دخلت اوضتها) يافاطمة ..انا جيت يا حبيبتى

ريهام دخلت مع رقيه ..

ريهام: انتى متاكده انك ماشوفتيش الواد ده ياريكو قبل كده ؟

رقية: خاااااالص .. ولا اعرف انه فالسكن مع يوسف حتى ولا عمرى بصيت ع سكنهم من الاساس

ريهام: اصل غريبة انك عمرك ماشوفتيه ويجيلك فالحلم وسبحان الله قبل م تشوفيه عالحقيقه بيوم ..

رقية: معرفش بقى ... فكك انا هدخل اخد شاور عشان اشوف المجزرة الى ورايا ..

==============================

بعدها بكام يوم ...

اتصلو اهل فاطمة انهم وافقو عالجواز ولازم تنزل باسرع وقت لانهم اتفقو عالجواز ع طول وجهزوا كل حاجة

ولا استنو تمتحن مثلا وبعدها الفرح ولا حاجة ولا خدو رائيها

لاء

خدوا قرارهم وتبقى تعيد هى السنة من اولها بعدين بعد الجواز لانهم كده كده هيحولو ورقها من القاهرة لاسيوط وكده كده هتعيد السنة!

وده الى هما قالوه ليها وهى بلغت بيه بنات السكن كلهم .. وكانت فرحانة الغبية فرحة الاهبل 8_)

عزيزة!!

او زوزو ... بنوتة من الاقصر بس تشوفها تحسها مش من الصعيد اصلا

بيضا وجميله وبتتكلم كويس بلهجة قاهروية

معاهم فالسكن .. مبتحبش اسم عزيزة لانه ع اسم جدتها .. بتحب يقولولها زوزو

زوزو دى هيبقالها قصة كبيرة اوى معاهم .. بس مش وقتها

المهم دلوقت

هى متصاحبه عليهم تحت ونزلت عملت فرح لفاطمة وهيصة وقعدوا يرقصو ويهيصو لفاطمة كلهم وفتحو الشبابيك والزغاريد عليت والى رقص رقص

كل ده وسكن الولاد شايفهم ..

ريهام كانت بترقص ويوسف شافها وقعد يرقص قدامها راح محمود دخله عشان محدش يشوفه ..

ريهام قعدت تضحك وكملت رقص وبعد م خلصت اشتغلت اغنية بتحبها رقيه .

دخلو نادو ع رقيه ترقص عليها .. وفعلا جت عشان فاطمة وسابت مذاكرتها واول مرة تعملها ..

اتحزمت وفكت شعرها الجميل ورقصت رقص بناتى هادى كده بس قفلت الشباك

مش هوصفلكم نفسيتها كويسه ازاى من ساعة الحلم .. هى صحيح مبتشغلش دماغها بالحجات دى !

لكن دى حاجة بتسعد كل بنت ..

بعد م خلصتالاغنية

محدش واخد باله من عدم وجود جهاد!

ولا حتى فاطمة نصها التانى .. جهاد مالهاش حس!

مش قاعدة معاهم فالاوضة ولا مع البنات الكتير الى قاعدة .. وصاحبة السكن وسطهم طبعآ بتفرح معاهم بدل وحدتها

ده حتى خلود كانت قاعدة تسقف وتشوف الرقص ..

رقيه رايحة اوضتها لاقت صوت حد بيعيط فالحمام ...

رقية: مين جوه ؟(بتخبط) مين جوه

جهاد: انا .. انا يارقيه (بتمسع دموعها)

رقية:جهاد!!!بتعيطى فالحمام !

===========================

جهاد فتحت الباب ووشها غرقان دموغ وعيونها منفوخة من العياط ..

رقية: مالك يا جوجو (مخضوضة)

جهاد: فيش ... روحى ذاكرى انتى (بتمسح فعنيها )

رقية: طب انتى كويسه ؟ طب بتعيطى ليه حد زعلك فحاجة ؟

جهاد: لا مافيش ...

رقية: طيب روحى هيصى لبطة المفروض انتى اكتر واحدة تفرحيلها عشان متزعلش منك

جهاد: ايوا حاضر هروح ادينى ...(مشيت)

رقية استغربت ع جهاد ايه الى مبكيها ؟

بس دخلت اوضتها ومفكرتش ف ايه السبب الحقيقى الى يكون عامل فيها كده ..

جهاد ماراحتش الاوضه عند الهيصة بتاعت البنات !

طلعت السطوح

مع ان اللمبة فيه محروقه

والدنيا ضلمة

ومافيش حد فوق غير عشه فراخ! لكن طلعت بردو وقعدت ... وكملت عياط!!

وكل ده

وفاطمة حتى م سالت ع عدم وجودها رغم انها عمرها ما فارقتها من صغرها

لكن جه الى يعوض مكانها

حتى لو جوازة مش مناسبه ! المهم ان جهاد كانت بتحب فاطمة بجد ومحافظة ع صحوبيتها

لكن فاطمة لاء

زى بنات كتير صحابهم استبن لحد م يعدى الفارس الهومام الى تنسى عشانه العشرة

=========================

عدو يومين ..

وفاطمة بتستعد انها تمشى بقى خالص وتعمل اخلاء من السكن

بعتولها فلوس عشان تجيب شوية حجات لوازم العرايس من القاهرة .. نزلت جابتها

مع زوزو!

مش جهاد ولا حتى ريهام !

اصلا فاطمة من ساعة موضوع العريس وهى جاتلها فرة وتحس كده انها ما صدقت ولا ايه متفهموش

المهم جابت كل حجاتها ... وجه اخوها عشان يروحها لاسيوط بدل م تروح وحدها بالشنط لانها من اول م جت القاهرة وهى بتروح وتيجى مع جهاد

المرة دى

مافيش جهاد ...

وقبل م تمشى فاطمة كانت بتسلم ع زمايلها البنات فالسكن واخوها مستنى تحت ..

فاطمة : هتوحشينى يا ريهام جوى جوى والله وجنانك وهزارك ولعب الكوتشينه

ريهام: معلش بقى يا طماطم دلوقت عريس الليلة يلعب معاكى كوتشينه وصلح واستغمايه ههههههههه

رقية: خدى بالك من نفسك واقرى فالكتاب الى ادتهولك ده واتعلمى منه وماتنسيش قرايه القران والصلاة فليلة زفافك اوك ؟

فاطمة: انشالله.. كان نفسى تحضروا معايا

زوزو: نعمل ايه يابطة اهلك عاملين الفرح فوقت غبى جدآ مينفعش نيجى خالص ، لو فاجازة نص السنة كنت جيب والله

فاطمة: بس هتبقو تيجو فالاجازة ليا صح تباركولى وتشوفو الشقه !

ريهام: ربنا يسهل انشالله

فاطمة: مش هتسلمى عليا يا جهاد ؟

جهاد:(عيونها كلها دموع وكانت قاعده ع سريرها بصالها ) لا هاجى كيف مجيش يعنى ؟

مش مصدقه انك ماشيه يافاطمة وان سريرك هبفضى وهروح وحدى الجامعة والمحاضرات

فاطمة: (بدون اهتمام) معلش معلش دلوك تروحى مع ريهام او اى حد وتبقى تحولى ع السنة الجديدة ع اسيوط ماشى ؟

جهاد: م حتى لو حولت هكون ف 3 وانتى 2 يافاطمة (متأثرة اوى)

فاطمة: (بتضحك) ايوة صح هههههههه تعرفى عيزاش اكمل انا

جهاد: كمان!

ليه هتتجوزى نور الشريف واحنا داريينش ياك ؟ اومال لو كانش بكرش شبه الحامل فالتاسع وعليه شنب يجرف

فاطمة: ههههههه اخص عليكى تعيبيش ع جوزى يابت ازعل منك يابت

جهاد: تزعلى منى عشانه؟!

فاطمة: ايوا طبعآ ... مش جوزى حبيبى

جهاد:جوزى حبيبى حالا ! طيب يابوى الله يسهلك

رقية: خلاص بقى يابنات (بتهدى عشان جهاد زعلت) يلا بقى اخوكى مستنى وعشان معاد القطر (حضنتها وباستها)

فاطمة: سلاام يابنات ... (نازله فرحانه عالسلم )

نزلت فاطمة وجهاد بصت عليها من البلكونة والبنات قعدو يشاورولها من فوق ودخلوا ... ماعدا جهاد فضلت واقفه!

المهم بقى ..

تانى يوم كانت رقية فالجامعة .. والمحاضرة الى عليهم اتاخرت كل الطلبه مستنين الدكتور ولسه مجاش من مكتبه ..

زميله رقيه: روحى يا روكا لمكتب دكتور سليم عشان هو بيعزك عننا ومش هيزعق فيكى

رقيه: يابنات بطلعله الدور الرابع بتعب والاسانسير عطلان

زميله تانيه: اهو تخسى ياريكو بقى شوفى ف محاضرة ولا عايزة اروح انام همووووووووووت .. يارب يلغيها

رقيه: طيب ماشى هروح اهو .. استنونى

زميلتها: قاعدين ياختى هنروح فين

طلعت بطلوع الروح رقية بتخبط ع مكتب الدكتور سليم وبيقول ادخل ... لاقت فوشها مين قاعد قدام مكتب الدكتور ؟

محمود!!

رقية بصت واستغربت ورجعت كلمت الدكتور ..

رقية: دكتور سليم ف محاضرة ولالاء انهاردة ؟

الدكتور: ايوة يا دكتور رقيه ف قولى لزمايلك هناخدها فمدرج ب انهاردة اوك سورى للتأخير

رقية:ولايهم حضرتك .. يعنى نسبق حضرتك ؟

الدكتور: ايوة

رقية: اوك ...(مشيت رقيه وعملت نفسها وقعت منها كتبها عالارض بقصد نفسها تسمع ايه الى جايب محمود هنا ؟

وهو معاها فطب ولا ايه ؟)

الدكتور: ولا يهمك لميهم براحتك (لرقيه)

اهو اديك شايف يامحمود مش بخلص محاضرات وسكاشن وبعد كده مستشفى ولا العيادة بليل مش بفضى نهائى

محمود: ماهو عشان كده ياخالو ماما بترن ع حضرتك وانت مش بترد خالص اضطريت اجى بنفسى وسبت سكشن والله ورايا

الدكتور: معلش بقى اديك شايف وعالعموم بلغ ماما وقولها حاااااااااااضر ياسيدى هحاول افضى نفسى يوم واجى لعمر .. والف مبروك وعقبالك

محمود: الله يبارك فيك يا خالو .. بس انا لالالالالالالا

كل ده ورقيه عامله نفسها بتلم الكتب .. لمتهم وعرفت انها شافت محمود اكيد قبل كده عند الدكتور سليم عشان كده حلمت بيه ..

بس مش عارفه امتى

هى اول مرة تتصرف بخفه كده!

بس دى صدفه مش مقصودة ولازم كانت تعرف محمود يبقى ايه عشان تشوف حلمت ليه بيه هو بالذات رغم انها متعرفوووش ؟!

خرجت رقية مبتسمة وبلغت البنات وزمايلها عالمحاضرة واخدوها ... وروحت

لاقت ريهام بتسمع فال mb3 راحت شالت الهيد فون من ودانها وكلمتها بعيون لامعانه خاااالص ..

رقيه: شوفتى عرفت شوفت محمود فين ؟

ريهام: فين (باهتمام وقامت ع حيلها)

رقيه: يبقى خالو دكتور سايم حسانين دكتور الجراحة الى عندنا .. كنت فاكرة انه معايا فطب بس واضح كده انه لاء مش معانا

بس عشان كده انا حلمت بيه

اصل فكتب علم النفس بيقولك لو حلمت بشخص وانت مش عارفه وفاكر نفسك مشفتهوش .. لاء انت شفته بس لمحه والعقل الباطن اختزنها وبيطلعها فوقت معين

ريهام: يا واد انت يا داااااااااااارس يافاهم ادينى وانا احبك هاهاهاها

رقيه: بس الغريب بقى ؟

ليه الحلم كده

وباس دماغى وقالى دى جنتنا يا روكا ... وايده كانت فيها حنيه ومرتاحة اوووووووووووووى معاه

ريهام: هيييييييييييييييح والنبى ياختى مانا عارفه .. هو الواد امور بصراحة وتقيييييييييييل

رقيه: مممم بقولك ايه هاتى الفيديو الى صورتيه ساعه الماتش اشوفه كده واضحك

ريهام: مسحته

رقيه: ليه ليه يا جزمة(بتضربها)

ريهام: ههههههه بضحك عليكى موجود .. اهو (شغلت الفيديو والباب خبط) للدرجة دى

راحت خلود تفتح لاقتها زوزو ... دخلت عند روكا ع طوووول ..

زوزو: خدى يابت يا رقيه جبتلك الجيلى اهو والكريم شانتيه

ريهام: م تخفى اكل الحجات دى تخنتى يا ريكو عن السنة الى فاتت .. ف دكتورة تخينه كده ههههه

رقيه: تخينه فعينك يا جزمة ده انا قمر .. بصو هاكل طبق الجيلى ده وبعده هلتزم بالدايت

ريهام: ههههههههههههه عند امه ياادهم ولا بتعملى بيه

زوزو: سمعناه كتييييييييير

ريهام: بت يا زوزو كنتى فين متشكيه كده وميكاب وحركات اعترفى يابت

لسه زوزو رايحة ترد سمعو صريخ من جوه اوده جهاد !

جهاد: اااااااااااااااااااااااااااااه ااااااااااااااااااااااه

جريو البنات ال 3 وخلود كمان لان صوتها كان عالى وقعدت تتخبط فالسرير من غير وعى والصريخ صوته عالى ومتغير عن نبرة صوتها وشغاله تتشنج

ريهام: جهاد فوقى يا جهاد .. مالها دى نايمة ولا صاحية ولا ايه

جهاد من غير م تقصد مسكت ريهام من شعرها وشدته وخربشتها بضوافرها

ريهام: اااااااااااه يا جهاد ف ايه مالك (بتعيط)

رقيه: اوعى يا ريهام .. جهاد جهاد فوقى (بتضربها بالاقلام )

جهاد: ااااااااااااااااااااااه ابعدو عنى ااااااااااااااااه يافاااااااااااااااااااطمة

السكن كلو صحى واتفتحت الانوار ... وكله سمع الصوت

زوزو: يالهوى مال عنيها قلبت كده ليه ابيض كده ... يالهووووووووى انا خايفه

رقيه حضنت جهاد جامد وكتفت ايدها من ورا راحت خلود قربت عليها وحطت ع دماغها فوطه ..

خلود: اطلعو برة ...

ريهام: مالها بس ؟ يا جهااااااااد مالك (بتعيط ومش قادرة تقف )

خلود: خليكى ماسكاها يارقيه وانتو اخلو الاودة ... دى اتلبست انا عارفه !

زوزو:(بخوف وماسكة ايد ريهام) يانهار اسود ... ملبوسه

استنونا بعد بكرة فنفس المعاد

وقولو رأيكم فاللجو الجديد وع فكرة ده اللوجو بتاعها اول عرض ، كومنتاتكم وتوقعاتكم وايه الى حبتوه انهاردة شاركوووونى

عشان ممكن افرحكم بحاجة J

#قصاقيص_ورق ^_^

#بقلمى_نوراسماعيل <3