عجل النقالة بيجرى عالارض .... بسرعة !
وريهام ورقية وجهاد ماسكين النقالة وقلقانين ، لحد م دخلتها الممرضة اوضه العناية المركزة ..
الدكتور جه بعد م عمل الكشف المبدئى ع خلود ..ورايح بنرفزة يتكلم مع البنات ال 3
الدكتور: صاحبتكم ..كان قدامها سعات وتموت
يعنى لو مكنتيش انتى صحتيها دلوقت
الصبح كانت هتبقى ماتت
ريهام: ماتت :(
جهاد: يادكتور م احنا منعرفش ايا الى حصلها طيب
الدكتور: ازاى يعنى ، انتى مش قولتى انكم ال 4 ساكنين فنفس الشقه
يعنى ايه ليكم زميلة بتشوفوها كل يوم
متعرفوش انها مأكلتش بقالها اكتر من 24 ساعه
وعاملة مجهود
رقية: اصل هى ..هى مالهاشلا اختلاط بينا (بارتباك)
الدكتور: (نفخ من الضيق) انا مش فاهم ازاى ناس عايشين فبيت واحد ومش عارفين حاجة عن بعض
ع فكرة
انتو المفروض ان كلكم متغربين عن بيوت اهليكم ..يعنى انتو هنا كلكم اهل لبعض
ازاى متطمنوش ع بعض
الرسول وصى ع سابع جار
وانتو دى معاكم فنفس الشقه ومحستوش بيها
رقية: (هتبدآ تعيط) طيب يا دكتور ، خلود هتبقى كويسة ؟؟
الدكتور: الضعف الشديد الى عندها نتيجة الانيميا الحادة
جهاد: (قاطعته) اظن مالناش دعوة بالانيميا ديتى ..هى جاية من بيتهم بيها
الدكتور: (بص لجهاد بعدم اعتناء) الانيميا..ووالهبوط الشدي فضغط الدم والدورة الدموية عامة مع الاجهاد
هو الى فقدها الوعى
احنا دلوقتى بنحاول نعملها حاجة اسمها الانعاش
رقية: انا عارفه يا دكتور ..حضرتك انا بدرس فالطب
الدكتور : فعلا ! طيب اعراض وجود الانيميا معروفة من ا ب طب يا دكتور
ازاى منبهتيش زميلتك تاخد بالها من نفسها لو لاحظتى عليها الاعياء الشديد ده
رقية: (حست باحراج اوى لان الدكتور بيكسفها بشياكة) انا فعلا غلطانة
ريهام: طيب هى هتفوق امتى ؟
الدكتور:هى هتفوق لما تتخطى المرحلة ، اهم حاجة الى فيما بعد
اظن فاهمين
عن اذنكم
قعدو البنات ال 3 يستريحو برة اوضه خلود..
جهاد: ياعينى يا خلود ! كل ده فيكى يابتى واحنا قاعدين زى البهايم المحشوشة ببرسيم وخلاص
ريهام: بس الدكتور ايه ..اداهملنا عدل يعنى
وش
رقية: ماهو احنا السبب ياريهام ..لو كانت ماتت كان هيبقى ذنبها فرقبة كل حد فينا
ريهام: ده وليه بقى ان شاء الله ، مش معنى انها ساكنة معانا يبقى نشتغل لها
امهات
كلتى
شربتى
م كل واحد بياخد باله من نفسه وخلاص
رقية: ايه ياريهام ؟ده انتى حتى حنينة ، اولا انتى بعدتى عنها لما قرفتى منها
مع انى جبتلك مذكرة بتقول ان مرضها مش معدى ولا حاجة
بس انتى اصريتى تعامليها كأنها منبوذة
واحنا!
احنا ازاى عايشين معاها ومش عارفين انها لابتاكل و بتشرب
ده غباء
شكلها باين انه ع اده
كان لازم اخد بالى انا عالاقل واهتم بيها
جهاد: احنا بس تطلع من المستشفى وهنغير معاها كلنا معاملتنا ، وبالذات حضرتك ياهانم
ريهام: ممممممم ..بس تقوم بالسلامة
رقية: يارب
============================
يوسف صاحى من النوم ، ودخل الحمام ورجع اخد باله ان محمود بيلبس ومحضر شنطة صغيرة
يوسف: صباحووو
محمود: صباح الخير يا يوسف
يوسف: لابس ونازل البلد ولا ايه
محمود: اه
يوسف: ليه ؟فيه حاجة ولا نازل عادى
محمود: امى .. عرفت بالصدفة ومكانتش عايزة تقول
انها وقعت اول امبارح قدام الحمام ورجلها اتكسرت :(
يوسف: يا نهاااااااااااااار امسك !! طيب مش عايز حاجة
اغير واجى معاك
؟
محمود: لا متتعبش نفسك ، انا بس لازم اشوفها واتطمن عليها وجاى
(خلص لبس واخد شنطته)
سلام .. سلام ياعبده
عبدالرحمن: (كان قاعد فالصالة فاتح كتاب بس شكله متدايق) سلام يامحمود
يوسف: وانت عالصبح حبكت المذاكرة
عبده: انا اصلا من بليل منمتش :/
يوسف: ليه بتحب جديد ولا ايه ؟
عبده: بحب! (بلهجة تريقه) م خلاص شكل الحب هيروح
يوسف: ليييييييه بس ؟؟
عبده: بكلم اختى امبارح وبسلم عليهم فالبيت عادى ، وقالتلى ع حاجة معكنانى من ساعة م عرفتها
ومش عارف انام
يوسف: (قعد جمبه) خير ؟؟ شكلك ميطمنش
عبده: سهيلة متقدملها عريس كويس..واهلها عايزين يخطبوها ليه
وتبقى تكمل الجامعه عنده :(
يوسف: اوبااااااااااا ..طب والعمل
عبده: مش عارف حاسس نفسى عاجز ومش قادر اتصرف
ومافيش فايدى حاجة
انا كنت هخلص والله السنة دى واروح اتقدملها حتى لو اشتغلت فاى مدرسة بالعقد
المهم متروحش منى
يوسف: مممممممم بص يامعلم
انا اعرف حاجة واحدة
هى لو بتحبك
هتعمل اللالى عشان ترفض
عبده: ازاى ؟
يوسف: البنات عندهم مليون طريقة بيعرفو يخلعو منها من العريسان ، ويطفشوهم
متقلقش انت
والى ليك نصيب فيه هتشوفوه
فون يوسف رن ..
يوسف: ثوانى ياعبده ..صباح الخير ياعثل
يابت 60 رنات عشان تردى !
ريهام: (بصوت متدايق) معلش يا يوسف ..اصل انا فالمستشفى من الصبح
يوسف: مستشفى !! ليه
ريهام: البت خلود تعبت وكانت هتموت ونقلناها الصبح ، واحنا معاها دلوقت
يوسف: يااااااادى النيلة ، انتو ايه حكايتكم عالصبح انا عايز افهم
ايه الاخبار المنيلة الى فوشى دى اول م اصطبحت
اقفلى اقفلى ..اغير هدومى واجيلك
انتو فمستشفى ايه بالظبط ؟!
=====================
محمود: (فالقطر) متحمليش نفسك فوق طاقتها يا رقية ، انتى مش ليكى ذنب ولاحاجة
هى ده نصيبها
وبعدين يعنى فعلا زى م قالت ريهام ..كل واحد بياخد باله من نفسه
محدش وصى ع حد
رقية: بس انا فعلا قصرت ، ازاى تبقى فنفس شقتنا ومنهتمش بيها
افرض كانت ماتت يامحمود :(
محمود: واهو ربنا جابها سليمة ومماتتش ..خلاص بقى
رقية: (اتنهدت) الحمدلله
المهم ..ابقى لما توصل تطمنى ع طنط..انا هبقى اتصل بيك
محمود: (ابتسم اوى ) اوك يا حبيبتى
رقية: اوك ..سلام دلوقت
محمود: اه ..رقية !
رقية: نعم
محمود: بحبك <3
رقية: (ابتسمت بخجل) سلام يامحمود
فالوقت ده كان جه يوسف المستشفى ، وواقف مع ريهام دلوقت
يوسف: طيب ان شاء الله تعدى ع خير
هى تلاقى جهاد كلت عشاها قام جالها هبوط
جهاد: (جاية بس مش بعيد عنهم) سامعة سيرتى !
مالك بجهاد شالله قص نصك تروماى
يوسف: بقول ياام لسان ان شاء الله هيتقطع بساطور
ان انتى الى شكلك طفحتى اكل البت
جهاد: طفحك الدم الى يصبغ لونك صبغ قول آمين
وانا هناكل اكل البت ليه ؟
ريهام: ههههههههههه ياجوجو يوسف بيهزر
يوسف: لا مبهزرش..انا هقول للدكتور اخليهم يعتقلوكى باو عجوة :P
جهاد: ابوعجوة تانى !! شالله عج مصارينك
ماتحترم نفسك يا بنى ادم انت
يوسف: انا محترم (بيطلع لها لسانه )
رقية: (جاية بعد م خلصت فونها مع محمود) مش معقول فكل مكان بتتخانقو
حتى المستشفى ..ازيك يا يوسف
يوسف: ازيك يا رقية ..اعمل ايه انا طيب وغلبان دى صاحبتكم دى الى بالعه حنش فزورها بالعرض
كل م تشوفنى تشتمنى
جهاد: عشان عندى نظر يا انطع خلق الله ، مكتوب ع وشك شتيمة بجنية يا ولاد الحلال
يوسف: ههههههههه الله يخربيتك ، يابت انقعى لسانك ده فكيس مطهر
خليكى تغورى وتتجوزى
بدل م تبورى فرقبة اهلك
جهاد: جاتك مصيبة تشيلك هما اشتكولك يا بارد ! وبعدين عايزاش اتجوز واحد من صنفكم
يوسف: (بتريقه) اه اصل متستنضفيش :P
جهاد: ايوا جدع ..ثم ايه الى جايبك
(بتضرب ريهام فراسها من ورا) هو انتى فرح عزا مستشفيات جايباه
ع طول قرفانه بخلقته دى
رقية: بس بقى ياجوجو .. خفى عالراجل
يوسف: انا جاى اعمل الواجب يا مطعونة
جهاد: شالله تطعن فقلبك يااخى
يوسف: متخافيش اتطعنت خلاص
رقية: اه صحيح اخبار صحتك ايه دلوقت ياايوسف؟
يوسف: (ارتبك) اهو ماشى الحال
محدش بياخد اكتر من المكتوب يا رقية
رقية: لا بس شد حيلك كده ، هو موضوع سهل بس لازم ارادة قوية وتبطل السجاير والمجهود الزيادة
ريهام: انا امبارح ركبته لعبة فالملاهى مكنتش اعرف والله (بتبصله بدلع) سلامتك ياجو ^_^
جهاد: طب خلاص خلينا احنا هنا فتحنا نجوم
Fm
ونحب ونتمعشقو فبعض
وتغور البنية الى بين الحيا والموت جوه دى
ريهام: (داست ع رجلها) ايه يا جوجو الى بتقوليه ده
جهاد: اااااااااااه جاكى ضربة !! وبعدين مالو ماهو زى القرود اهو
عندك سرطان ياض ولا ايه ؟
يوسف: اعوذ بالله سرطان لما ييجى فنفوخك ياشيخه ..
جهاد: ياض اسكت بدل م ارقدك جمب خلود جوه
يوسف: ياشرس انت يا فظييييييييع وربنى ..قطعنى يامعلم
رقية: هههههههههه خلاص بقى يلا بينا يا جوجو
جهاد: (واخدها رقية وماشية) عيل مش مرباى صح
ريهام: هههههههه متزعلش من جهاد
يوسف: يابنتى جهاد ايه الى ازعل منها ، دى عايزة تتعالج
المهم
انتو دفعتو حساب المستشفى ؟
ريهام: اه روكا دفعته ..
يوسف: مممم طيب بصى لو عوزتو اى حاجة اتصلو بيا تمام ، هتروحى ولا قاعده ؟
ريهام: ممممممم طب استنى نشوف رقية
راحت ريهام لرقية ..وشافو الدكتور قال ان وجودهم مالوش لازمه وان اول م تفوق هيتصلو بيهم ..
روحو وعدت الساعات ، كان محمود وصل بيتهم
واتخض ع مامته ورجلها فالجبس، بس قعد يتدلع عليها وكده عشان يخففعنها شوية
بس مرة واحدة !
طب القضى المستعجل !
محمود: (بيفتح الباب) هايدى !
هايدى: ايه ده ؟البشمهندس هنا
محمود: (لاوى شفايفه) اتفضلى
هايدى: الف سلامة عليكى يا طنط .. بصراحة اول م عرفت من عمر يدوب ارتاحت من السفر وجيت
بس حظى حلو
جيت ولاقيت محمود :)
محمود: (باصص لها ببرود) ماما انا هعمل نسكافيه تشربى ؟
الام: لا ياحبيبى ..شوف هدهد تشرب ايه معاك ؟
هايدى: لا متتعبش نفسك يا بشمهندس
الام: ازاى يا هدهد بس.. قوليله يعمللك ايه ويحضرهولك
دخل محمود المطبخ .
هايدى: (باصه ع محمود وهو داخل) طيب انا هقوم اقوله بحب النسكافيه بتاعى ازاى واجيلك يا طنط
لحسن يبوظهولى
الام: ماشى يا حبيبتى
دخلت هايدى لمحمود فالمطبخ ..لوحدهم
كان محمود بيتناول السكر وبيحط فالمجات
هايدى: طب انت عارف السكر بتاعى اد ايه يابشمهندس (مايلى هالمطبخ قدامه)
محمود: اه عارف (مش باصص لها ومركز فااللى قدامه )
هايدى: يعنى لسه فاكر ادق تفاصيلى يابشمهندس ؟!
محمود: (بصلها بطرف عينه) تفاصيل ايه ؟
هايدى: ايه نسيت كل حاجه بينا ؟ (بدلع)
محمود: بينا احنا ؟! لا مش فاكر
هايدى: والله ! ولا فاكر لما كنت هتموت عليا زمان
وبس نتكلم
محمود: (بيصب المية من الهيتر ) انا !!
مش فاكر
هايدى: (قربت عليه) وده معناه ايه ياسى محمود بقى (بنرفزة)
محمود: وطى صوتك ولمى نفسك عشان مش طالبة خالص ماما كمان تشوفك وانتى لازقه فيا كده
اوعى !!
سابها وخرج..
خرجت بنرفزة ..
هايدى: (بتاخد شنطتها) معلش ياطنط ..انا همشى لان افتكرت انى جيت من غير م اقول لبابا
الحمدلله اتطمنت عليكى ..هبقى اجيلك تانى
الام: يابنتى هو انتى لحقتى ؟ طب اشربى النسكافيه بتاعك
هايدى: (بصت لمحمود من فوق لتحت وهى متغاظة) معلش بقى يا طنط مرة تانية
اصل محمود مش عارف يظبطه !!
خرجت من الباب
الام: يابنى قوم وصل خطيبة اخوك (بصوت هامس)
محمود: (عامل نفسه بيشرب من المج ومبسوووط) مزاااااااااااج مزااااااااااج
الام: انت يا واد!
كده تسيب هايدى تمشى ومتنزلش توصلها
محمود: م تمشى لوحدها ..يعنى هو انا كنت موصلاتى
ولا هياكلها عفريت
الام: جرى ايه يا محمود ؟ عيب تتكلم بالطريقة دى
محمود: ياماما سيبك من هايدى وبتاع
(زغزغها مرة واحدة) خلينا فيك انت ياعسل
واحشنى ياسوسو
الام: (بتضحك) الله! مالو الواد ده
محمود: هييييييييييييييح ياسوسو
عارفه مافيش فالقلب غيرك
الام: عليا انا بردو .. تعالى هنا
اول م جيت غطست فأوضتك وسبتنى وحدى نص ساعه..كنت بتكلم مين ؟
محمود: (شبح ابتسامة ع وشه) والله ياسعاد ، انا لاول مرة ابقى مستعد للاعتراف
وجاهز يافندم
الام: طيب طالما كده بقى ..يبقى فرحنى
زى م قلبى حاسس صح ؟
محمود: (باسها فخدها) ايوا . انا بحب <3
الام: لالالالا كويس ان هايدى مشيت عشان استفرد بيك
محمود: هههههههههههههه ..قولنا كده من الاول
الام: يلا يا واد هات مج النسكافيه بتاعها وسندنى نقعد فالفراندا ..وتحكيلى كل حاجة بقى
وبالتفصيل
محمود: ع طول استغلال كده يا سعاد ههههههه حاضر عيونى
محمود قام عشان يبدء اعتراف .. بس هايدى كانت مخنوقه اوى من اسلوبه معاها
والى بيأكد لها ان فيه حد دخل حياته عشان كده هو بيعاملها كده
بس بتخطط لاى حاجة ترجع بيها كرامتها ..بس ازاى
وهتتأكد منين انه فعلا ارتبط ولالا
=======================
خلود بتفتح عنيها ..وسط المحاليل والتغذية الغير مباشرة المحطوطة ليها
والاجهزة
وبتبدى تجمع هى فين .. الممرضة عرفت وقالت للدكتور
والدكتور بلغ صحابها .. وال 3 جم ع طوووووووول
رقية: كده يا خوخة تخضينا عليكى (ماسكة ايدها)
خلود: انا .انا اسفه ..
ريهام: شششش اهم حاجة انك بخير
ومتتكلميش لانك مجهدة
جهاد: يابت ازاى تكونى تعبانة وعندكيش اكل وتقوليشى ..اخص عليكى
رقية: (غمزتها) يا جوجو ! متقلقيش كان شوية اجهاد وراحو
والحمدلله انك فوقتى بالسلامة
ريهام: ها اطلبى الى نفسك فيه :)
خلود: انا نفسى ف ايه ؟ :) انا مكانش نفسى اكتر من انى احس ان ليا اصحاب زيكم يحبونى واحبهم ويخافو عليا
(هتبدى تعيط)
رقية: (بدأت الدموع فعنيها) خلاص بقى ياخوخة ..م احنا معاكى اهو ومن هنا ورايح مش هنسيبك ابدآ
جهاد: هها قولى ع الى نفسك فيه ونجيبهولك
خلود: طب زى ايه يعنى ؟
ريهام: يعنى اكل ..شرب ..فوسحه
هدوم
كده
خلود: (حست انهم بيعطفو عليها وبصت فالارض)
رقية: ع فكرة اوعى تزعلى لما نقولك كده ..ده العادى بين الصحاب انا عن نفسى كل سنة بجيب هدية لريهام وجهاد وريمو اوقات بتاخدنا تعزمنا
جهاد: وانا ياست ام رارا ماليش حسنة ؟ :/
رقية: هههههه لا ازاى وجهاد بتدينا بسكويت الشاى الى بتخبزة مامتها بناكله بالشاى
ولاتزعلى
خلود: ههههههههههههه
جهاد: يلا قولى يابتى عشان تخرجى من هنا ع واكله ترومى بيها عضامك
خلود: اى حاجة اى حاجة (بلهفة)
ريهام: ايوا
خلود: انا نفسى ف حاجة كده عاملة زى الكيكة بس بتبقى مزوقه
عند الحلوانى دايمآ
البنات ال 3 رفعو وشهم من ع سريرها بيبصو لبعض بحسرة ع بصة ندم
ريهام: جاتوه!! (باستغراب) بس ده الى نفسك فيه ؟
جهاد: عارفين يا مشلولة منك ليها فى حتةففيلم شارع الحب لما عمكم عبدالسلام النابلسى يقول كل واحد يدى التانى قلم دليل عالغباء!
اهو احنا محتاجين القلام دى تنزل ترخ ع وشوشنا دلوك !
خلود: ههههههههههههههههههه
رقية: جدعة يا جوجو انك ضحكتيها ، خلاص ياستى انا هجبلك كل انواع الجاتوه الى تحبيها ومحدش هياكل معاكى
جهاد: (فونها بيرن) ايا دى
جوز عمتى خير
ريهام: طب اطلعى كلميه برة ، عشان البت ترتاح
جهاد: يا سلاااااااااام حاضر يا حنينة!
خرجت جهاد وريهام ورقية واقفين لسه بيتكلمو مع خلود
ورجعت جهاد
جهاد: فورجت ياابلة خلود ، امى بعتالى اكل وعيش وحجات من البلد
يعنى الغدوة عليا
ريهام:الله بقى ! انتى الاكل وهى الجاتوه وانا ايه بالظبط
لازم اعمل حاجة زيكم
جهاد: انتى اوقفى اوف سايد :P
ريهام: هفكر(بصت لاقت خلود بتبصلها بحب) متزعليش منى يا خلود
انا بجد كنت غبية
وهرجع انام معاكى فالاوضة تانى :)
خلود: انا انهاردة بصراحة انكتبلى عمر جديد والله ..
==================
خرجو ..واحتفلو ، وانبسطو
ورجعو للشقه مبسوطين بخروج خلود كويسة من محنتها
كان فون رقية بيرن ^_^ واكيد انتو عارفين مين ;)
رقية: (بهمس وهما داخلين الشقه) الو
من فون محمود مامته بتكلمها ..
الام: ازيك يارقية
رقية: (اتكسفت اوووووى ) ا..اهلا ياطنط ازى حضرتك
الام: طبعآ انتى كنتى فاكرة ان محمود الى هيكلمك ..بس انا بصراحة من كلامه عنك
مقدرتش اعمل غير ان اقوله اتصل بيها واكلمها
رقية : (مخضوضة وبتبص حواليها وريهام لاحظت) ربنا يخليكى يا طنط ليا الشرف طبعآ
ريهام: (جاية ناحيتها) ايه مين ؟؟ مش محمود ؟
رقية: (عملت بايدها تستنى وسابتها ودخلت اوضتها)
ايوة يا طنط انا مع حضرتك ..والف سلامة عليكى صحيح
(ضحكت بكسوف) معلش كان المفروض اقولك ..
الام: ههههه انا عارفه انك متلخبطة بسبب مكلمتى ليكى ، بس بجد عرفت ان ابنى عرف يختار من كلامه عنك
رقية: (سكوووووت )_____________
الام: ع فكرة انا مش بحرجك بمكالمتى دى..بس بنات الاصول بيتعرفو
وان شاء الله هتعرف عليكى اكتر واكتر..عشان لما نيجى كده نشرب القهوة عندكم
اكون رايحة عشان اخيرآ ببقى هشوف عروسة محمود حبيبى
رقية: (داخت وقعدت ومسكت دماغها) .. ربنا يخليكى يا طنط
ميرسى
الام: بصى بقى انا هاخد رقمك من محمود .. عشان ابقى اتصل اغلس عليكى
ولا هبقى تقيلة
رقية: ☺ ☺ لا ازاى يا طنط ده انتى تنورينى بسماع صوتك
الام: تسلمى يا حبيبتى ..محمود معاكى اهو
رقية: الو .. ازيك يامحمود
محمود انت مش عارف
مكالمة مامتك وقعت قلبى فرجليا
محمود: هههههههه انتى كل حاجة بتخضك كده ؟! ياحبيبتى ياروحى
انا بكلمها عنك وفجأة لاقيت عيونها لمعت وبتقولى انا عايزة اكلمها !
بس واتصلت
رقية: يامحمود متستعجلش ..
محمود: (قاطعها) استعجل ايه بس! ده احنا متأخرين جدآآ
رقية: ___________
محمود: ايه اخبار خلود ؟
رقية: تمام الحمدلله :)
محمود: الحمدلله .. واخبار روكا
حبيبة قلبى
رقية: شكل روكا هتقفل السكة ..هاااااااااااااااه
محمود: لالالالا خلاص خلاص ..انا هسكت اهو ومش عايز غير انى اسمعك
ع فكرة اول مرة احب القاهرة اوى كده والى فيها
انا هرجع بكرة
رقية: مش تستنى يومين مع مامتك تطمن عليها
محمود: هى الحمدله تمام ..اصل انا عندى سكاشن مهمة الفترة دى
وكمان فيه ناس مش بعرف اغيب عنهم ثوانى <3
رقية: طب الناس شكلها هتغيب فعلا ، عشان هقفل واشوف الى ورايا
لانى انهاردة ضيعت وقت كبييييييير وعايزة اعوض المذاكرة بقى
محمود: اوك يا حبيبتى .. انا اهم حاجة عندى تاخدى بالك من مذاكرتك
وربنا معاكى يارب
رقية: وانت كمان :)
سلام
=====================
بعد يومين ، والدنيا اتظبطت مع خلود بس مش قادرة تنزل الجامعة
او بمعنى اصح رقية عاملة دكتورة عليها وبتابعها ..
وجهاد بتزغط فيها
وريهام بتفسحها :)
كانت هايدى لسه مش روحت للكلية بتاعتها ، وراحت لحماتها تسلم عليها قبل م تمشى
بس حماتها كان معاها فون مهم اوى
مع زوجه ابنها المستقبليه ;)
الام: طيب يا حبيبتى ..خدى بالك من نفسك
لا اله الا الله
هايدى : (مقربة منها بخبث) هى مين دى يا طنط الى كانت بتكلمك
الام: اقولك ..بس بصى ده سر لان محمود مش عايز حد يعرف لحد فرحك انتى وعمر اخر السنة لما يتم
وبعدها هيفتح الموضوع هو مع باباه
هايدى :(قلقت) ايه يا طنط خير
الام: دى بنت ..معجب بيها محمود
بتدرس فكلية الطب
وبسم الله ماشاء الله مؤدبة وبنت ناس اوى
عندها اخين واحد وكيل نيابة والتانى ظابط فالجيش
هايدى :( عملت نفسها مهتمة وهى بتتحرق) ممممم اسمها ايه يا طنط
؟
الام: اسمها رقية
هايدى: بس شكل حضرتك حبتيها اوى
الام: هى بنت تتحب من اول تعارف، انا يدوب بكلمها عالموبايل وهى بتكلمنى
بنت ذوق واخلاق
حاجة تشرف
ممتخيرش عنك ياهدهد
اهو بقى انتى وهى كده هتبقو نجمتين العيلة الى تنورو حياة ولادى
هايدى: ربنا ميحرمناش منك يا طنط (باستها)
بس جواها بتغلى .. مش عارفه ازاى تتصرف
وفجأة
هايدى: طنط !
الام: نعم ؟
هايدى: التون بتاعتك تحففه ..كنت عايزة بس اخدها
الام: خديها حبيبتى
فتحت هايدى الفون وبسرعه حفظت الرقم وسيفته ع فونها
وعملت نفسها بتاخد التون
وادتها الفون تانى
وقعدت شوية وبعدين مشيت ..بس طول اليل مش نامت خالص
شغالة تفكر هتعمل ايه ؟؟
وايه بالظبط الشئ الى يخلى رقية تبعد نهائى عن محمود ومتقربش ليه تانى وميرجعوش لبعد
الغيظ والغيرة خلوها تفكر فكرة جهنمية ..
والصبح كانت واخده حاجتها وطالعه عالقاهرة ..اول م وصلت ماخدتش نفسها وطلعت ع جامعه القاهرة
واتصلت برقية
رقية: (كانت خارجه من محاضرة) الو ..
هايدى: الو ..رقية معايا
رقية: ايوة
هايدى: اهلا ياقمر ..بصى انتى مش عارفانى بس انا حابة اشوفك اوى
رقية: مين حضرتك
هايدى: يارقية مش تستعجلى ، هعرفك بنفسى حالا عشان مفجأة
ومتخافيش
مفجأة هتفرحك جدآ
قوليلى انتى فين بالظبط فالجامعه ؟
رقية: طب بس اعرف حضرتك مين
هايدى: انا قريبة محمود ..ها يلا قوليلى
بجد عايزة اتعرف عالقمر ده
مش قادرة اصبر
رقية : (تمتمت فنفسها) يامحمود عرفت كل اهلك كده بسرعه !
اوك انا عند مبنى طب الرئيسى
هايدى: اوك .. هكون عندك فدقايق
بس قوليلى انتى لابسة ايه ؟
رقية: لابسة بينك ف جراى
هايدى: مممممم اوك وانا لابسة احمر فبيج
وصلت هايدى عند رقية وعرفتها لما قالتلها فالفون ان هى دى
هايدى: (بصت لها من فوق لتحت) انتى بقى رقية !
رقية: اه ..مقولتليش بقى انتى تبقى قريبة محمود منين
هايدى: (لفت حواليها تبص عليها) عادية يعنى ..عادية اوى كمان
ع فكرة انا دلوقتى عرفت انه كان بيتسلى
رقية: افندم !!
هايدى: فيه حد يلاقى حاجة احلى من كده وميتسلاش ! محمود ياماما لو مقالش ليكى انه كان عنده قصة حب فظيعه
بنت بيموت فيها
ومش بس بيحبها
ده فكر كتير ينتحر عشانها
بس هو اكيد مقالش ليكى ..اكيد
معذور
هيقولك ازاى واسمها فكشاكيله لحد دلوقتى
والميداليه الى معاه هى الى جابت هاله
اعتقد صعب ع كميلة زيك تصدق حاجة زى كده
رقية: (اتنرفزت ) اييييييه ده انتى بتقولى ايه
هايدى: متفقديش اعصابك يا دكتورة !! ولو ان متنفعيش اكتر من دكتورة لعلاج السمنة بجسمك ده ههههههههه
متصدقيش القصة الى عملوها عليكى هو ومامته وبيحبك وهى بتكلمك
هو عمل الحوار ده مع مليون بنت غيرك
بيحاول يقنع نفسه انه يقدر ينساها
بامارة انى قدامك دلوقتى ..هو حكى فالبيت عنك بس باستهزاء شوية
قال عجبتنى وحبيت اقضى معاها يومين
فعلا
وهو انتى هتيجى فحبيبته دى ، الى هى اصلا السبب ف حالتة النفسية الوحشة دى
رقية: (دموع وواقفه بذهول)
هايدى: (ماشية ورجعت) اه صحيح
كل ده ومعرفتكيش بنفسى شوفتى
(ميلت ع ودانها ببطئ)
انا هايدى ..خطيبة اخو محمود
وحبيبته الاولى !! :o :o
سابتها ومشيت وهى بتضحك ضحكة عند ..رقية انهارت واتصلت بريهام
الى جت لها بسرعه
من غير م تدخل محاضرتها وسمعتها وانفعلت عشانها
واتصلت بمحمود
ريهام: الو ..الو يااستاذ
محمود: مين ..ريهام
ريهام: ايوا ريهام ، لو سمحت يا استاذ محمود تلم تعابينك عننا
خلاص
لان لو حصل حاجة لرقية بسببك انا مش عارفه هعمل ايه
محمود: ريهام انا مش سامعك ..انا داخل السكشن
كلمينى لما اطلع
ريهام: ولا لما تطلع ولا زفت ..ابعد عنها انت والشيطانة الى جت هزقتها مرات اخوك
ويااخى لما انتو الحياة سداح مداح عندكو كده
تحب فمرات اخوك
رقية بقى مالهاش فالسكة دى
محمود: ايه ده ايه ده !! انتوفين طيب!
=================
"انا اسفه انى عرفتك .. واسفه انى اديت لواحد زيك مساحه فحياتى
واسفه انى فكرت فيك لحظة بهبلى
واسفه لقلبى الى بدآ يحبك
مش عايزة اعرفك تانى .. ومش عايزة اشوفك ولو حتى صدفة !!
عشان بجد انت ازبل حاجة دخلت حياتى "!!
مشيت رقية بعد م قالت الكلمتين دول لمحمود ..ومشيت معاها ريهام
وهى بتعيط وريهام متدايقه منه
محمود اتخشب مكانه مش عارف يفكر ولا عارف حصل ايه
محدش فهمه يدوب لسه هيكلمها وكان ده رد فعلها ..
بس من كتر الغليان الى كان جواه ..اخد اول تاكسى وطلع ع جامعه عين شمس
دخل وعمل نفسه من الطلاب..وعند كلية الالسن
محمود: (لبنتين قاعدين ع سلم الكلية) لو سمحتى
البنات: ايوا
محمود: دفعة 3 السن فمحاضرة ناو ولافاضيين
بنت: احنا دفعة 3 السن..لا لسه
محمود: طيب هايدى كمال ..جت
بنت2: انت عمر !!
محمود: (بتأفف) ايوا انا ..جت ولا لا لو سمحتى
بنت: اه هى جوه فالقاعه ..لسه داخلة
دخل ولاقاها قاعدة مع صاحبتها وهاتك ياضحك
هايدى: بس وتخينة كده شبة دنجل الى فمجلة ميكى
ولبسها
عاااااااادى اوى طويل وطرحة طويلة وهبل كده
بس ايه
ادتها دوش عمرها م هتنساه
محمود: هايدى !!
هايدى قامت هى وصاحبتها واتخضت لما لاقت محمود ..
هايدى: (بخوف ) فيه حاجة يامحمود
محمود: مالك مرتبكة ليه ؟
هايدى: لا عادى ..اصل يعنى من سنين انت مجتليش هنا
محمود: (اتصنع ابتسامة) وفيها ايه لما اجيلك
هايدى: (مستغربة)
محمود: ع فكرة ..انا مش زعلان عاللى عملتيه مع رقية ، وجاى بنفسى اشكرك
هايدى: (بصت لصاحبتها) تشكرنى ؟ تشكرنى ع ايه
محمود: ع انك وفرتى عليا كلام كتير
بينى وبينك انا كنت عايز اخلع
هايدى: (بفرحه) بجد!!
محمود: اه (بص تحت رجله وهو متوتر ) ودى بقى كلمة الشكر الى احب اعبرلك بيها
وطرااااااااااااخ :o :o :o
القلم نزل ع وشها !!
===========================
استنونا بعد بكرة
#قصاقيص_ورق
#بقلمى_نوراسماعيل
ليست هناك تعليقات:
إرسال تعليق