رواية ..
(قبل الاخيرة )
(هذة
الحلقة اهداء منى الى روح الزميلة شهيدة الصحافه / ميادة اشرف
رحمها
الله )
=======================
وهو
انهاردة ايه ؟؟
انهاردة
يوم مش عادى ...فرح رقية ومحمود ^_^ ^_^
كل
حاجة مترتبة ..ففندق كبير بالقاهرة
والعريس
واصحابة جم
والعروسة واصحابها معاها من الصبح
يوسف
كان مع العريس فأوضته مع عبده وعمر وكام واحد من ولاد عمه ..كان خارج يوسف يشوف
حاجة قاله عليها محمود فالجناح المحجوز ليهم كجناح عرايس
وشاف
ريهام ...
راح
جه ناحيتها وقال وهى زى القمر كده
يوسف:
عقبال ناس لما تبطل جنان
ريهام:
(بصتله من غير اهتمام) لما تبطل بقى
يوسف:
لاوالله ! طب اجرى يابت من هنا
ريهام:
هو انا كلمتك ! انت الى بتتمحك فيا (بصتله بصة عند وضحكت وجريت )
يوسف:
بتمحك !! ماشى يابنت صبرى
مااااااااشى
دخل
يوسف عند محمود وكان محمود بيتظبط عريس بقى ^_^ وواقف وراه وشغال يقول وهو بيرقص
يوسف:
الليلة ليلتك يامعلم !
قام
محمود من تحت ايد الكوافير الرجالى واشتغل رقص قدامه وعبده يضحك عليهم عشان بيرقصو
بهبل
يوسف:
اوعى تكسف ابونا ! انا وصتلك ع عشا عرسان مفتخر
محمود:
عيييييييييب ده حب قديم يابنى ، فيه جحيم مستنيها
عبدالرحمن:
انت رايح تقتل مش تتجوز هههههههههه
عمر
دخل عليهم
عمر:
جناحك انت وعروستك الاوتيل بيقول بقى جاهز ، تقريبآ يوسف كان عايز يعمل حاجة فيه
محمود
: (غمز ليوسف) اه يلا يايوسف زى م قولتلك
يوسف:
هوا
==================
لكن
بقى البنوتات ..
كانت
ريهام جايبة سوار مخصوص للفرح مكتوب عليه "اخت العروسة " :*
ولبسته
هى وجهاد وخلود
وكان
فيه بنات من قرايب رقية
موجودين
وبيزغردو ومبسوطين وروكا بتلبس الفستان .. وكل ده تصوير فيديو من ريمو طبعآ
هى
هتسيب حدث زى ده من غير م تصور كل لحظة فيه
لبست
الفستان الرائع الى اختارته مخصوص مع محمود <3
وهتبتدى
تلبس الطرحة
ريهام:
مالهاش لازمة الحجاب ياروكا ، ده يوم فالعمر
رقية:
لا ياريمو ..مش اول ليلة فجوازى اغضب بيها ربنا
وبعدين
انا متعودتش اكون بشعرى فأى مناسبة
اقوم
ففرحى اكون بشعرى
جهاد:
تسمعيش كلامها دى داخل عليها دم !! البسى يابوى الى عاوزة تلبسيه
هو
لما تروحى جهنم هتقولى ريهام الى قالت
ريهام:
انتى ! انتى لسانك عاوز قطعه
لبست
روكا الطرحة وبتبدى فالميكاب .. كان محمود خلص وقعد يهيص شوية هو واصحابة
خصوصآ
لما طلع جماعة من اصدقاءه المهندسين من ايام الجامعه
فوق
فأوضته وهيصة ولا كأن عريس عربجى ... ههههههه ماهو هيحترم نفسه تحت
فقال
يفك فوق
ع
رأى يوسف
جه
عمر عشان يقوله ان الناس كلها جت تحت ومامته وباباه وياسين وحمزة بيستقبلو
المدعووين
نزل
محمود وسط اصحابة زى القمر بالبدلة وقصة الشعر الجديد
واول
م شاف باباه باس دماغه وايده ، ومامته بردو وسلم بحرارة ع ياسين وحمزة
مامت
محمود: الف مبروك ياحبيبى زى القمر (هتبتدى تعيط)
محمود:
ليه بس الدموع ، انهاردة فرحى يااماما
افرحى
بقى ياسوسو
عمر:
معلش بقى ياسعاد ..مش هيفارقك كتير محمود يدوب اسبوعين العسل وييجى يلزق هو ومراته
فوشك
مشى
محمود يسلم ع باقى الناس الى جاتله
الام:
يعز عليا افرح بأخوك الصغير قبلك ياعمر
عمر:
كل شئ بأوانه ياحجة ام عمر، وبعدين انا مش مستعجل
وفرحت
محمود هى فرحتى انا بالظبط
بابا
عمر: ربنا يبارك فيك يابنى ..ماشاء الله عالفرح
الام:
والبنى انا خايفه حد فيهم يتحسد انهاردة ياابو عمر
باباعمر:
اقرى المعوذات وربنا يحرسهم ..شايفه ياسعاد كل الحاضر ظباط ومستشارين ووكلاء نيابه
ومهندسين
ودكاترة
الام:
اه والله نسب يشرف.. الحمدلله ربنا مش بيوقعنا فنسب وحش الحمدلله
عقبال
عمر يارب
الاب:
يارب ..ويتمم لمحمود ع خير
نزلت
ريهام بسرعه عالسلم تقول لياسين يطلع يجيب العروسة عشان يسلمها للعريس
ياسين
قال لحمزة وحمزة نبه الزفه الى هى مفجأة
زفة
بآله السمسمية !! المشهور بيها اهل القنال فمصر
اصرت
رقية تتزف عليها وهى داخله القاعه ومحمود مرفضش ليها طلب وجاب احسن فرقه سمسمية
ووقفو واستنوها
والناس
فالقاعه استعدت ووقفو وصحبات رقية فالجامعه ..
وطلع
ياسين اخد رقية من فوق
ع
نغمة السمسمية قدامهم اغنية نازلة السلالم ياماشالله عليها
وريهام
ماسكه طرحتها من ورا هى وخلود
رقية
اول م ظهرت للكا وبالذات محمود الى مستنى آخر السلم ..تبارك الخلاق
الفستان
الابيض المرصع باحجار دهبى اللون
وتاج
الاميرات الصوغنن ع راسها
والحجاب
الى مزين وشها
وهى
نازله بخجل جامد ، نزلت واخد ايدها محمود من ياسين وباس ايدها وراسها والزفة
وقفتهم تدخلهم لحد القاعه ..ومنها لبيست الرقص وقعدوا ع كرسى العروسين
وبدأت
اغانى الفرح ..بصراحة يوسف وعبدالرحمن كانو مش سايبين محمود خالص ورايحين جايين مع
عمر يستقبلو الناس كأنهم اخواته
وبعد
اغانى هادية راقية طبعآ تليق بالعرسان راح يوسف وقال للدى جى يشغل اغانى هايصة
وولع
الفرح =D =D
اول
م بدأت الاغانى طلعو الشباب كلهم قرايب واصحاب ومعارف لمحمود وسحبو من عالكرسى
والبنات اخدو روكا وعملو حلقتين
روكا
اصلا بتتكسف مش كانت عارفه ترقص .. راحت ريهام اخدت ايدها وبنت خالة روكا الناحية
التانية وحاولو يرقصوها
اما
بقى محمود فمستناش كان بيرقص من فرحته معاهم وهما حواليه وشالوه وحدفوه لفوق ورقية
تصرخ عليه والبنات تضحك
وريهام
بترقص وسط حلقة البنات وبتحاول ترقص رقية ...ججت ايد خفية سحبتها لبرة !!
يوسف:
انتى ياست هانم ، خفى شوية متقعديش تتمايعى الفرح كله شباب بتبص ع حضرتك
ولا
انتى واخدة نمرة الرقاصة !
ريهام:
(بصتله بفرحة عارفة انه بيغير بس حابة تغيظه) انت ياعم انت احنا مش مفركشين
مالك
ارقص ولا انكش شعرى واتجنن مالك انت !
يوسف:
بقولك ايه يابت احترمى نفسك ..بدل م احلف يمين تقعدى جمبى زى المعزة لا تروحى ولا
تيجى
جهاد
جاية من بعيد ..
ريهام:
ياسلاام ! ياسلاام والنبى ده ع مين ان شاء الله
جهاد:
رقية عاوزاكى ياريهام ..واه !
عزت
ابوعوف ..سلامات
يوسف:
انتى لسه عايشة ! ازيك يا طرشة الجبل
جهاد:
طريشة لما تلدغك فقاك قول ان شاء الله
طبعآ
جاى عشان محمود
يوسف:
لا بصراحة جاى عشانك ..3 سنين ماشوفتش سحنتك
حاسس
بالفراغ
جهاد:
هيهيهيهيهي هتفضل طول عمرك بارد ونطع
يوسف:
بس ايه الحلاوة دى ..الله يرحم الشكل الفلبينى الى شوفته زمان
جهاد:
قطع لسانك طول عمرى حلوة ..انت بس مش عندك مرض فالقلب لا واعمر النظر كمان
يلا
رقية بتدور عليكى
وهى
رايحة تقهد عالتربيزة ..فوجئت بمين فوشها وبيسحب كرسى وقعد جمبها
ابو
نجوى: انا محبتش اقولك انى هاجى فرح صاحبتك عشان عارف انك هترفضى وتقعدى تشتمى فيا
بس
لما انتى امبارح وقعتى بلسانك انك جاية القاهرة عشان فرح صاحبتك وانتى متنرفزة من
مكالمتى
فرحت
وقولت
نصيب نجوى تشوفك
انتى
بقالك كتير ماشوفتيهاش
نجوى
اول م شافت جهاد نزلت من ع دراع باباها وجريت ع جهاد وحضنتها ..جهاد اتلجمت
بتيجى
قدام البنت النونو دى وتخرس!
جهاد:
يعنى ففرح جايلى .المدرسة وجيتنى
عند
بيتنا وعتقتنيش
فاضل
ادخل الحمام الاقيك نازلى من الحنفيه
وبعدين
معاك يعنى
ابو
نجوى: والله انتى عارفه قصدى ..وبقالى سنين بترجاكى
ياجهاد
البت من اول مرة شافتك وهى متعلقه بيكى
وانا
بصراحة ماشوفتش فاخلاقك
ومحتاج
فحياتى واحدة زيك
انتى
ليه بس رافضة
جهاد:
يعنى انت مش شايف الفرق! بينى وبينك يمكن 11 سنة
كنت
متجوز وعندك بت
انا
ايه الى يخيلنى اترمى ع جوازة زى ديتى ..انا بفكرش فالجواز اصلا
ابونجوى:
مش يمكن الى اكبر منك ب 11 سنة ده يسعدك اكتر من الشاب الى فسنك
والبنت
الى مش من دمك تفرحى وهى بتقولك ياماما لما ربنا يشفيها ان شاء الله اكتر من بنتك
وياستى
متعرفيش الخير فين
جهاد:
يعنى بالصلاة عالنبى جاى انت فرح صاحبتى تقلبلى دماغى وتقعد تفتح فموضوعك الى مش
خلصانين منه فسنتنا السودة دى
ابونجوى:
لا مش جاى اقلب دماغك ..بصى نجوى متعلقة بيكى ازاى
(نايمة
نجوى ع صدرها ولفة دراعها النونو حواليها)
جهاد:
والله م مصبرنى عليك غير بتك !!
ونروح
لمامت عمر الى منزلتش عينها من ع ريهام من اول الفرح .. وجه عمر عليها وفأيده
بنوتة
عمر:
ماما ..اقدملك الانسة خلود
الى
عملتلها العملية ونجحت الحمدلله
بت
اخلاقها ممتازة
خلود:
الله يخليك يا دكتور عمر ..بتكسفنى والله
الام:
اهلا يابنتى اهلا وسهلا ..شرفتينا
خلود:
بنورك يا طنط ..عن اذنكم
مشيت
خلود وهى مكسوفة خالص ورجعت للتربيزة جمب جهاد ..بس ملاحظة ان ابونجوى بيكلمها
فقاعدة بعيد شوية عشان مش تدايقهم
جت
اغنية محمود بيحبها اوى رغم انها قديمة بس بيحبوها وزمان اهداها لروكا وسمعهالها
فالفون ..بصو لبعض ومسكو بعض وهى اتشجعت اخيرآ ورقصت معاه والشباب والبنات عملو
دايرة سوا ورفعو ايدهم لفوق و ع سقفه واحدة حواليهم
(اغنية
لو عشقانى عمرودياب)
محمود
وهو بيرقص رقية اخدها فحضنه غصب عنه .. وباس خدها وهى وشها احمر اوى
جرى
عليه يوسف ووشوشه فودنه
يوسف:
لم نفسك ..كلها كام ساعه واعمل الى انت عاوزه
اخوها
بيبصلك شوية ويطلع طلقه من عنيه
محمود
: (وهو بيرقص وبلا مبالاه) براااااااااااااحتى مرااااااااتى ان شاء الله اتمرجح
بيها انا حر
يعمل
الى يعملو
هو
قرفنى سنتين وهيقرفنى بعد الجواز كمان
يوسف:
ههع هع حلاوتك يا مسيطر ..انا مالى
يوسف
بيسقف ليهم وبيبص ع ريهام وبيدور بعينه فالفرح لقى مامت عمر مركزة مع ريهام
راح
جاب ريهام تانى من وسط البنات
يوسف:تعاااااااااااااالى
..بقولك ايه
اهمدى
فحتة
ريهام:
ياعم مانا مش برقص اهو انا بسقف لروكا ومحمود
يوسف:
طيب ..اقفى جنبى هنا
ريهام:
ليه ياعم هتحبسنى !
يوسف:
هو كده وخلاص..الوليه ام محمود بتبص عليكى من الصبح
وشكلها
منمرة عليكى لعمر
والله
اصورلهم قتيل هنا
ريهام:
هههههههههههه انتى بتغيرى يابيضة !! وبعدين احنا مش مفركشين عشان انا بت عندية
وبحب شغل الرجالىة ومافيش راجل مالى عينى
سيبنى
اجرب عمر يمكن يكون معندوش مانع افضل فشغلى عاتى يعنى
مش زى
ناس
يوسف:
بقولك ايه متستفزنييييش..بدل م اديكى نص فرجلك تمشى مكسحه
ريهام:
وانت الى غايظك ! اما غريبة والله
يوسف:
والله انتى شايفه كده ..طب غورى (زقها) غورى ارقصى واتشخلعى
وخلى
بالك
(عمل
بايده ع رقبته يعنى دبح)
ريهام:
ههههههههههههههههه مجنون
عدت
سعات الفرح .. وطالعين العرسان ع جناحهم الخاص
وسلمو
عالناس
محمود
صمم يشيل روكا ..لحد الجناح
ونزلها
وقالها ..
محمود:
غمضى عنيكى
رقية:
حاضر
محمود:
فتح وبص لقى كل الى قال عليه ليوسف حصل
"خلاص
فتحى "
رقية
فتحت عنيها لاقت ورود فكل حته ووردو متقطعه عالسرير وشموع ع شكل قلوب
ومافيش
ضوء خالص فالاوضة
غير
نور الشموع
والمكان
ساااااااااحر
اخدها
ودخلها وقفل الاوضة ..
محمود:
(قرب ناحيتها وباس كفوف ايديها الاتنين ) والله دايب فيك انا
مع
انى شوف من كام سنة
انا
من اللحظة دى بقولك انى بحبك اكتر منك
تتجوزينى
!!
رقية
ابتسمت ومسكت ايده ولاول مرة تعملها باستها وحطت كفها ع شفايفه وقالت
"
انا جاية اقولك انى بحبك ..حب يملا الكون
من
قلب عاشق عمره فيوم م يخون ،بيعشق حاجة
واحدة وهى محمود
الى
ماليش غيره فدنيتى كلها
محمود:
يانهااااااار ابيض! ايه الكلام الى بسمعه ده
تانى
والنبى
تانى
ده انتى عمرك م عملتيها
رقية:
(ضحكت بكسوف وميلت ع ودنه بهدووء ) بحــــــــبــــك
محمود
: لالالالالا ده انتى ليلتك بيضة (شالها ودخل بيها جوه وهى بتضحك )
=======================
اما
بقى البنات كانو حاجزين ليلة مبيت عند ام عادل ، وبكرة كل واحدة تروح ع بلدها
واول
م دخلو
ريهام:
الله ..هى دى الافراح ولا بلاش
انا
بكرة الصبح هكلم روكا تحكيلى عملو ايه بعد م طلعو
جهاد:
(بصتلها بقرف) عملو ايا بعد م طلعو !! ماشوفتش ابجح من كديتى
لعبو
الاولى سوا والى يكسب يدى التانى ع قفاه
كيف
يعنى تكلميها
خلود:
ههههههههه اكيد بتهزر ياجوجو
جهاد:
تلاقى رقية اخدت زمارة وشبت معاها شقتها فبنى سويف ولا يابتهم ذكرى لام عادل
ريهام:
لا خدتهم ياشيخه
خلود
بتفك الحجاب وهى سرحااااااااانة
ريهام:
بس روكا كانت قمر انهاردة ..ولا محمود قمريييييييين
خلود:
لا عمر احلى ^_^
ريهام:
لا ياشيخة محمود احلى من عمر
خلود:
لا تلاقيكى ماشوفتيش كويس (بتفتكر لما اخدها من ايدها وعرفها ع مامته)
ريهام:
لا بقى انتى الى حولة ..ده احلى حاجة فمحمود التابع الى فدقنه
مش
موجود فعمر
جهاد:
(بتبص ع سرحان خلود ) ثوانى ثوانى يافقر !
مالك
ياخلود ياخيتى سرحانة قوى يعنى عمر احلى ولا محمود احلى
م
ربنا يخليهم لامهم مالنا احنا
خلود:
ها ! مانا بقول كده ..ده بس برد ع ريهام
جهاد:
لالالا شكله موضوع كبير (فونها رن)
الو
يااسامة .
ابونجوى:
انا قولت اطمن عليكى وصلتى السكن بالسلامة
جهاد:
والله وصلت بالسلامة ..خطفتنيش السلعوة فالطريق
وسيبنى
دلوك قاعدة مع اصحابى بقالى سنيتن شوفتش وشوشهم
ممكن
ولا عندك مانع
ريهام
: (ضربتها فكتفها) بالراحة عالراجل ..ده انتى بقرة بجد
ابونجوى:
ماشى .. سلميلى عليهم وتصبحى ع خير ونجوى بتقولك تصبحى ع خير
جهاد:
ماشى يابوى انت ونجوى من اهله
خلود:
حرام عليكى يا جهاد بتكلميه وحش اوى
جهاد:
سيبك منه ..خلينا فيكى وشك قلب صغيرة عالحب
تعالى
احكيلى كل حاجة
خلود:
احكى هههههه الحقينى ياريهام
ريهام:
عندها حق..انا هغير هدومى ومش هسيبك
احكى
كل حاجة من اول جلسة مع الدكتور عمر
لحد
عمر احلى ولا محمود (بتقول وهى مسبله عنيها وبتتريق ع نبرة صوتها)
جهاد:
يلا يابت قولى ده انتى ليلتك مش فايته ياابلة خلووود
====================
من
تانى يوم ..طلعو ع العين السخنة
يبدءو
اول ايام الهونى مون بتاعهم
ومابين
شواطئ الزهور .. لسهرة فواحة مينا
لشاطئ
سفارى ايجيبت
وقضو
احلى ايام فحياتهم وهما ويا بعض ..
وخلص
الهونى مون وحبهم لبعض عمره م يخلص ..رجعو بنى سويف واول مرة تشوف روكا شقتها
والفرش المبهر
وجماله
خدو
بردو اسبوع كمان فالبيت وبعد كده نزل محمود لشغله فمكتبه ..وروكا لسه قدمها سنة
دراسة بحالها بس هما فالاجازة ناو
فهى
بتقضى الوقت يا فبيتها
يا
عند حماتها
وكل
يوم تستنى محمود بعد يوم شغل طويل بالشموع والعشا الرومانسى
^_^
وعدى
كام شهر ، وكان يوسف نازل القاهرة لمتابعه بتاعته طبعآ
وكان
ع اتصال مع عبده
لقاه
هو كمان نازل القاهرة يعمل انترفيو فى احد المدارس اللغات
واتقابلو
فكافيه بعد م كل واحد قضى مصالحه ,
يوسف:
والله زمان يابو صلاح
عبدالرحمن:
طب ياعم انت ندل انا مش زيك ..شوفت اول م قولت نشوف بعض قابلتك
مش
زى محمود
يوسف:
هيهيهي هو محمود من ساعة م اتجوز وحد ملموم ع شكله ..يلا
المهم
اخبار شغلك
وليه
سبت الشغل فالمدرسة الى فبلدكم
عبدالرحمن:
زهقت ياعم ..بيعاملونا كأننا خدامين مش مدرسين
يا
كده
يا
يقولولك مع السلامة
وبعدين
المرتب
مش مكفى احوش منه ولا اصرف ع نفسى ولا اساعد فالبيت
يوسف:
وعملت ايه فموضوع سهيله (كان طالب شيشة ونزلت )
عبدالرحمن:
ياض انت مش عامل عملية وبطلت سجاير
يوسف:
دى تفاريح ياحج عبده ..اصل ابويا محرج عليا لاشرب سيجارة ولا شيشة نهائى
حسسننى
بايام اعدادى لما كنت بشرب من وراه
م
بصدق اجى القاهرة ولا اخلع من البيت اشرب حجر شيشة حتى
عبدالرحمن:
طول عمرك عندى وراسك ناشفه
يوسف:
المهم كمل ..عملت ايه لما روحت طلبتها
عبدالرحمن:
ابدآ.. الاسئلة العادية
بتشتغل
ولا لا
طب
شغلك ده هيأمن مستقبل بنتى
طب
جبت شقة ايجار قديم او جيد
طب
عندك فلوس فالبنك تجيب شقة
وطبعآ
..اترفضت :/
يوسف:
اوباااااااا رفضوك..طيب وهى
عبدلرحمن:
هى بتقولى انا هرفض اى عريس يجيلى لحد م انت توقف ع رجلك وتتقدملى
تانى
يوسف:
وانت هتروح تانى
عبدالرحمن:
ماهى الى جايبالى الشغل الى انا قدمت ف ده .. ليها قريب بيشتغل فالمدرسة دى
بيقبضو
هناك بالدولار
وطالبين
خريجين تخصص بتقدير عالى
وانت
عارف العبدلله ربنا وقف جمبه فالحكاية دى
يوسف:
بالدولار ! طب دى حاجة كويسة يعنى فظرف سنة تحوش وتجيبلها اجدع شقه
عبدالرحمن:
ادعيلى بس يقبلونى ..شوف طول ماهى واقفة جمبى ومتمسكة بيا
انا
مسنود بيها وسايبها عالله
ولا
الشحططة الى انا فيها دى بسببها
كله
عشان ابقى معاها
فالوقت
ده كان فيه مسيرة معدية من عين شمس ..
وكانت
الاخبار جايبة الاحداث لحظة بلحظة
يوسف
: (بيبص عالتى فى ) ولا هيبطلو ..خربو البلد والله
عالناحية
التانية بقى كانت ريهام بتغطى احداث المسيرة دى مع 2 من زمايلها من الجريدة
ريهام:
ممممممم مافيش احداث اكشن ليه انهاردة
مروة
زميلتها : اه صحيح بقالنا ساعتين متلقحين فالشمس..والمسيرة ماشية سلمية
ويليام:
وانتى عايزة يضربو مولوتوف زى المرة الى فاتت وخرطوش
ده
انا كانت عينى هتروح عند الداخليه
ريهام:
اسكت هههههههه قعدت اقول لمروة اجرى بسرعة وهى ماسكة فيا زى الكتكوت المبلول
مروة:
هههه فاكرة انا كنت ماسكاكى عشان متخافيش يا عبيطة
ويليام:
انا جوعت يابنات ..هروح اجيب اكل
حد
عايز حاجة
ريهام:
بص هات 2 بانية ليا عشان مش فطرت
وبطاطس
وعصير
مروة:
وانا زيها
وليام
: خليكو هنا
ريهام:
بتبص عالمسيرة .. الواحد مكتبش كلمة من الصبح
مروة:
(لاقت عيل صغير ماشى فالمسيرة) كابتن !
انتو
رايحين فين
الولد:
رايحين ناحية المزلقان
مروة:
طب متخليكو هنا ..انتو غاويين تشحططونا
الولد:
هما الى قالو كده (مشى وسابها)
مروة:
تعالى نروح ناحية المزلقان
=================
عبدالرحمن:
عامل ايه مع ريهام ؟
يوسف:
ياعم بلا ريهام بلا بطيخ ..راكبة دماغها ومعرفش ع ايه
صحافه
وزفت
قال
يعنى هتبقى عمرو اديب البت
م
تقعد فالبيت تتستت
بقى
بذمتك عمرك شوفت بت دكر زيها
عبدالرحمن:
حرام عليك ..ريهام دكر بردو
ههههههههه
وبعدين
هى عندها طموح وانت عارف من زمان قدرك حطك فطريقها هنعمل ايه
يوسف:
اه والله ده انا خيبتى موردتش ع حد ، فجأة فركشت مع كل البنات عشان خاطرها
وحبيت
واتنيلت ع عينى
وهى
بتتشرط الهانم
عبدالرحمن:
بص ..حاول تشوف حل وسط معاها
يوسف:
هى دى بينفع معاها حلو وسط ولا بتاع جاها حل وسطها
================
ريهام:
قوليلى يامروة ..انتى مع انهى فيهم
مروة:
قصدك الاخوان ولا الشرطة ؟
ريهام:
اه
مروة:
انا مع الحق .. مبحبش اهدار دم مسلم زيي وخلاص
اى
ان كان
ريهام:
ونعم العقل ياختشى
مروة:
تعرفى يابت ياريهام ..انا نفسى افرح
اتجوز
واخلف وابقى ام
هى
دى احلى حاجة تحصل للبنت
ريهام:
ايه يا ماما..ده انتى اشطر محررة فالجريدة ونفسك تبقى ام!
ده
كل طموحك
لاااااااااا
انا غيرك خالص
مروة:
طب والله يا ريهام لو لاقيت شاب يحبنى بجد ويخاف عليا ويبقى سندى فالدنيا
هسيب
الشغل وابقى معاه
ريهام:
ههههههه طب انتى عارفة ! انا سبت حب عمرى
اه
صحيح عرفت ناس قبله
بس
هو بصراحة حبيبى وحاسة انى محبتش غيره
سبته
عشان الشغل هو مصمم اسيب الشغل وانا لا
والنتيجة
فركشت معاه
وعملته
بلاك ليست
وبلوك
من الواتس والفيس وكله
عشان
يبعد عنى
محدش
يقتل طموحى انا
مروة:
حرام عليكى يا ريهام ..ده انتى كانت فايدك نعمة
هتندمى
فجأة
ضرب النار اشتغل ومش عارفين منين... من الناحيتين
وهما
فالنص
ريهام:
مرووووة متسيبيش ايدى
مروة:
يالهوى انا مش عارفة اتحرك
ريهام:
بصى تعالى ورا الجامع ، هنا
بتصل
ع وليام مش بيرد
مروة:
انا خايفة ياريهام
ريهام:
امشى وطاطى راسك عشان متجيش حاجة فيكى ... بت يا مروة
حست
ريهام ان ايدها فضيت !
ريهام
بتبص وراها مروة ..مرووووووووووووووووووووة!!
=================
يوسف:
هى بتعمل ده كله تلاكيك ولا شغل ولا بتاع
انا
فاهم حركات البنات
عبدالرحمن:
تلاكيك لايه
يوسف:
عشان انا تعبان وقلبى مريض ..وغلطتى ان قولتلها الدكتور قايل حتى انى اتجوز ممنوع
شبطت
هى فالكلمة
عبدالرحمن:
لا ياراجل ..ريهام بتحبك
وهما
بيتكلمو الاخبار كانت جايبة صور مباشر من قلب الحدث عن استشهاد صحفية اثناء تغطية
الحدث
يوسف:
لا حول ولا قوة الا بالله ..اهو بص ياعم صحافه وزفت
يوسف
اخد باله ان فعربية الاسعاف وهما بينقلو الشهيدة ريهام معاها الكاميرا جايباها
متبهدلة وبتعيط وزميلها ساندها
عبدالرحمن:
ايه ده !! مش ريهام دى
يوسف:
يانهار اسود !! هات ياعم تليفونك اكلمها
الهانم
عاملانى بلاك ليست
عبدالرحمن
: خد اهو
يوسف:
مبتردش.. ردى بقى
عبدالرحمن:
كاتبين فالاخبار انهم طلعو ع مستشفى هيليوبلس
يوسف:
يلا ع هناك
طلع
جرى يوسف عالمستشفى وكانت اتملت صحفيين زمايلهم وصحافيين من جرايد تانية وريهام
قاعدة عالارض وسرحانة ومش بتنطق
يوسف:
(جرى عليها وقومها) ريهام!! ريهام
فيه
ايه
ريهام:
مروة ماتت!! :(
اانا
لسه كنت بحكى معاها
قولتلها
متسبيش ايدى
بس
هى سابتها
(بتتكلم
بهستريا) مروة ماتت يا يوسف
يوسف:
(حضنها ومسح بايده دموعها) خلااااااااااااص اهدى
عبدالرحمن
واقف ومبلم ع منظر البنات وهما بيعيطو
يوسف:
طب يلا بينا من هنا
ريهام:
لا ... انا لازم اسلم عليها قبل م امشى
يوسف:
تسلمى ع مين ! دى فالمشرحة
فوقى
بقى
ريهام:
(بتعيط جامد) لا يايوسف
راحت
للدكتور وصممت تشوف مروة ..
اول
م دخلت وطلعوها من التلاجة وكشفو وشها باستها وبكت ووقعت عالارض وهى بتردد
"مع السلامة يامروة
هتتجوزى
فالجنة اشهيدة "
يوسف
مسك نفسه لاول مرة يدمع مع ان دمعته عزيزة
يوسف:
قومى بقى ..يلا بينا اروحك
طول
الطريق للمحلة ..ريهام نايمة ع صدر يوسف الى لافف دراعه حواليها وهدومها متبهدله
ودموعها
مبوظة وشها
ومفتحه
عينها ومش بتنطق
فونها
رن 5000 مرة بس يوسف قفله لان الناس عايزة تحكى الى حصل لانها هى الوحيدة الى كانت
معاها لما وقعت الحادثة لزميلتها الشهيدة
وصلها
وطلعها وقعد مع باباها شوية وشكروه وشاف مامتها واخواتها . واتطمن عليها ومشى
سابها
اسبوعين وقرر يروح يزورها فبيتها
بعد
م كان بيتطمن عليها عالفون بتاعها لما فتح البلاك ليست فالطريق وهو مروحها
وعرف
ان باباها بيتخانق معاها انها مش هتكمل شغل تانى لانه مش مستعد يفقدها ، وده قراره
النهائى !
"
عنده حق ياريهام ..انتى عايزة ايه
تموتى
فمسيرة ولا تحرير خبر زى صاحبتك"
ريهام
بصتله وسكتت : اتفضل اشرب قهوتك
يوسف:
سيبك مش وقت قهوة ..ايه ياريهام
اول
مرة اشوفك كده
لابسه
اسود
وحزن
ووشك مضلم
ليه
كل ده
هى
الله يرحمها وشهيدة عند ربنا
انتى
كملى حياتك بقى
ريهام:
مش عارفة ارجع لحياتى يايوسف ..مش عارفة اخرج مش عارفة اكل مش قادرة انام
بحلم
بيها
كل
يوم واخر كلمتين قالتهم ليا
انا
نفسى اتجوز وابقى ام !
يوسف:
ياستى اهى هتبقى عروسة فالجنة ..هو حد طايل
ضمنت
الجنة
انتى
المفروض تفرحيلها
ريهام:
كان زمانى مكانها ..كان زمان الرصاصة الى دخلت فراسها دى صابتنى انا
يوسف:
(نفخ ) م خلاص بقى
كلامك
ده بيوجع قلبى اكتر ماهو موجوع
وربنا
ستر ومكنتيش مكانها
ممكن
تفكرى صح وتسمعى كلام باباكى ومافيش شغل وزفت تانى !
ريهام
رفعت وشها ونزلته تانى
يوسف:
ريهام انا اول مرة اتلكم معاكى جد فحياتى ..انا بحبك
وحاولت
انساكى واعيش عادى ومعرفتش
كأنك
خلاص
مش
قادر اعمل زى م كنت بعمل من قبلك وحياتى وقفت عليكى
ووقوفك
جمبى واحتمالك ليا طول السنين دى مافيش بنت عملته معايا
لان
بجد ارجل واجدع بنت شوفتها
ضحكت
ريهام نص ضحكة !
يوسف:
وبعدين تعالى هنا ..انتى رافضة ارتباطنا عشان انا تعبان صح
قولى
مش هزعل
ريهام:
لا والله بالعكس..م انت عارف انى عمرى م افكر كده
يوسف:
خلاص ..فيه بيت مستنيكى
كله
ناس بتحب بعض
فيه
ريتال وجودى
وفيه
ست حبتك من اول م شافتك
وراجل
بيعتبرك بنته وبيشكر فيكى لحد دلوقتى ع وقوفك معايا وقت العمليه
وفيه
عبير وولادها التؤام يوسف ومصطفى :)
عايزة
تسيبى كل ده وتفضلى فالصحافة الى هتجيب اجلك
ريهام
بصتله بحنان ..
يوسف:
وفوق ده كله فيه حضن لو لفيتى العالم مش هتلاقى احن منه يخاف عليكى
(مسك
ايدها)
ها
موافقة
تدخلى العالم ده .. وتبقى فحضنى للابد وتطرى دماغك
وتسمعى
كلام جوزك <3
مستنى
قرارك ..
ريهام
رفعت وشها واول مرة تحس ان يوسف حنين اووووى كده ومتمسك بيها كده فضلت بصاله جامد
فعنيه من غير م تنطق !
=====================
استنو
الحلقة الاخيرة ان شاء الله يوم الجمعه
ويارب
الى يعمل كومنت حلو وطويييييييل ربنا يحقق الى بيتمناه عشان القصة هتخلص وفيه ناس
لسه صامته
وعايزة
لايكات كتير عشان هتوحشونى لحد القصة الجاية
#قصاقيص_ورق
#بقلمى_نوراسماعيل
ليست هناك تعليقات:
إرسال تعليق