رواية ..
=======================
"رقية ..مال صوتك ؟ حاسس انك مش طبيعية "
رقية:
(قاعده قدام المرايا ولابسة طقم ومش فاضل غير الطرحة) مافيش يامحمود
انا
بس كنت عايزة اقولك
محمود:
قولى ياحبيبتى
رقية:
لو حصلت حاجة وبعدتنا عن بعض ، افتكر ان ده قدر ربنا
لا
بأيدى ولا بأيدك
محمود:
فيه ايه يا رقية اتكلمى ع طول ، انا وحياة ربنا مش ناقص
اسود
ايام حياتى الى بعيشها دلوقت
رقية:
عشان كده مش هقولك غير ان لو اى حاجة حصلت ..
محمود:
حاجة زى ايه ؟!
رقية:
(دموعها سبقت الكلام) انى اتخطب !!
محمود:
نعم !
ده
ازاى يعنى ؟ وامتى
رقية:
انا فبلدنا دلوقت ،اخويا ياسين جاى عريس من طرفه
ظابط
فالجيش زيه
وجاى
هو ومامته يشوفونى انهاردة :(
محمود:
ياسلاام! وانتى رأيك ايه بقى ياعروسة ؟
ولا
انتى مالكيش رأى
رقية:
انا هحاول يامحمود ولا منفعش ، اعرف انه غصب عنى
(عيطت
وسمع صوت عياطها )
انا
هقفل لان خلاص هما ع وصول
محمود
قفل معاها وسرح ..لدقيقة حس ان الدنيا كلها بتلف بيه
كل
حاجة راحت
وكل
حاجة باظت
اخوه
زعلان منه وزعل ميتصافاش بسهولة
ومامته
كمان واخده موقف منه ، وباباه لو عرف هو كمان هيكمل قلب الدنيا ع دماغه
حتى
حبيبته!
هتروح
منه ومش عارف يعمل ايه ؟!
سمع
صوت الادان ..ودخل جدو عليه:
الجد:
قوم يامحمود عشان تصلى العصر
محمود:
(سرحان وضامم رجله ع جسمه ) حاضر ياجدو
الجد:
وبعدين من ساعة م جيت الفجر وانت متطلعتش من اوضتك
ولا
اكلت
ولا
قعدت مع جدك حبيبك تقوله مالك
محمود:
معلش ياجدو حقك عليا ، غصب عنى
انا
هقوم اصلى معاك اهو
الجد:
نصلى وتحكيلى كــــل الى مدايقك زى زمان
تمام
؟
محمود:
(هز راسه) تمام
=====================
مامت
محمود بتفتح الباب، لاقت بابا هايدى وعمها ومامتها وهايدى جايين
وع
وشهم غضب ربنا .
الام:
اتفضلو (من تحت الضرس)
باباهايدى:
ايه يا ام عمر ، ايه الى حصل امبارح بين هايدى وعمر
ماما
هايدى: البنت راجعه متخرشمة خالص..حصل ايه
كان
عمر بيستعد يروح عيادته وبيلبس، بس طلع عالكلام
عمر:
ليه هى ربة الصون والعفاف مقالتش حصل ايه
مامت
عمر: والله يابشمهندس كمال بنتك غلطانة دى وقعت ...
عمر:
(قاطعها) مامااا! اتفضلو
قعدو
فالصالون كلهم ..
عمر:
انا طلقت بنتكم ، واظن ورقتها وصلتها من عند المحامى
وخلاص
الموضوع خلص
باباهايدى:
الموضوع خلص؟! ليه مش زى م دخلنا بالمعروف نخرج بالمعروف
عمر:
بالظبط كده (بيتكلم بهدوووووء)
ماماهايدى:
وهو ده المعروف يا دكتور! ده انتو حتى ولاد اصول
البنت
راجعه من عندكم مضروبة ومعيطة ومعورها فايدها
وواخد
شبكتها
الام:
والله يا ست ام هايدى ، بنتك
عملت
الى ميتعملش فابنى
ماماهايدى:
عملت ايه هايدى ؟! م تتكلمى يابنت
هايدى
مميلة فالارض وساكته خالص
عمر:
بص يابشمهندس كمال..بنتك معادتش لازمانى
واانا
شايف ان القاعدة دى مالهاش لازمة
عم
هايدى: ازاى يعنى معادتش لازماك يادكتور ؟؟ وكمان ممضيها ع ورق تنازلها ع كل حاجة
ده
كلام ناس ولاد اصول
عمر:(حط
رجل ع رجل وبيتكلم بتناكة) والله حقى ورجعلى ..والحق ميزعلش حد
عم
هايدى: حقك!! انت مطلق
والمفروض
هى تاخد الحجات المكتوبة باسمها الشرع بيقول كده
ربنا
بيقول
الطَّلاَقُ
مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ وَلاَ يَحِلُّ
لَكُمْ أَن تَأْخُذُواْ مِمَّا آتَيْتُمُوهُنَّ شَيْئاً إِلاَّ أَن يَخَافَا
أَلاَّ يُقِيمَا حُدُودَ اللّهِ فَإِنْ خِفْتُمْ أَلاَّ يُقِيمَا حُدُودَ اللّهِ
فَلاَ جُنَاحَ عَلَيْهِمَا فِيمَا افْتَدَتْ بِهِ تِلْكَ حُدُودُ اللّهِ فَلاَ
تَعْتَدُوهَا وَمَن يَتَعَدَّ حُدُودَ اللّهِ فَأُوْلَـئِكَ هُمُ الظَّالِمُونَ)
صدق
الله العظيم
عمر:
ده لو كانت مراتى وع ذمتى يااستاذ !
وانا
فاهم فدينى كويس
انا
مدخلتش بيها عشان يحق ليها اخذ الى جبتهولها
بابا
هايدى: يادكتور انت كده بتوصلنا لسكك مسدودة ! احنا جايين نصلح مش نهدم
عمر:
وانا قولتلك يابشمهندس انى مش عايز بنتك تانى
اظن
الكلام واضح
عم
هايدى: هو انت بتتشرط ع ايه (بعصبيه) فاكرنا جايين نستسمحك عشان ترجعها!
عمر:
(قام وقف وقال بعصبية) انا كلامى خلص! والى عنده كلمة يوفرها
وبدل
م اقول انا طلقتها ليه
خلينى
عاقل ومؤدب وابن ناس للاخر
والى
بيته من أزاز يلم المتكسر ويمشى !
قامو
كلهم بعد كلامه ده
ماما
هايدى : يرضيكى ده ياام عمر
مامت
عمر: والله بنتك هى الى عملت ده كله ياام هايدى ..واحنا عايزين نحتفظ بعلاقتنا
ببعض من غير مشاكل
باباهايدى:
يلا بينا ياام هايدى
مشيو
كلهم قفاهم يقمر عيش..طبعآ هى عمرها م هتحكى الى حصل ولا السبب
عشان
كده كانت ساكته
وخلصت
حكاية هايدى الى مش بتخلص
بس
لسه فيه توابع
زعل
محمود من اخوه ..دى اوحش نتيجة وصلو ليها
====================
رقية..داخلة
بصنية المشروب
ولابسة
طقم عادى من اطقمها لونه غامق..ولفة طرحتها العادية ومعملتش ولاحاجة من الى طلبها
ياسين
وحطت
الصنينة وقعدت .
ماما
العريس: اهلا اهلا يا دكتورة (ست ارستقراط وبتتكلم بتناكة)
رقية:
اهلا يا طنط (بصوت واطى وباصة فالارض)
العريس:
ايه يادكتورة ..مميلة فالارض ليه
رقية:
لا عادى
ياسين
: (بيميل ع مامته) يعنى بنتك مصممة متسمعش كلام حد ! اوك
مامت
رقية: قدمى المشروب يارقية
ماما
العريس: لالالالا خليه بعدين، تعالى يارقية اقعدى قصادى عايزة اتلكم معاكى
رقية
بصت لمامتها وقامت بدلت مكان حمزة اخوها وقعدت قصادها.
ماما
العريس: ممممم ماشاء الله عليكى يارقية ..وشك هادى اوى
رقية:
ميرسى ياطنط
العريس:
وانتى بقى فسنة كام يا دكتورة رقية ؟
رقية:
فسنة 3
العريس:
بس مش بعيدة جامعة القاهرة ؟ ليه مدخلتيش مثلا جامعة السويس واهو تبقى قريبة
عالبيت
هنا
بدل
السكن الخارجى والحجات الى مش حلوة دى
بينى
وبينك ياايسين النوعية دى من السكنات متضمنش ههههههههههه
ياسين:
ههههههه اه ع رأيك، بس هى كانت مصرة تدخل كلية الطب التابعه للقصر العينى
رقية:
(باصة فالارض وبتتكلم بحدة) والله انا مرتاحة فيها
ومرتاحة
فالسكن الى انا فيه
مع
صحابى
ماما
العريس: (جابتها من فوق لتحت) بس قوليلى يارقية ، انتى ليه مش بتحاولى تعملى دايت
!
رقية:
افندم ! (وشها احمر من الغيظ)
حمزة
اتدايق وبص لمامته ..
مامت
رقية: لا رقية بتعمل نظام ريجيم كويس وماشية عليه
العريس:
هههههه اصل بالشكل ده ع بال الجواز هيبقى شكلك مع احترامى مش لطيف
الحمية
الغذائية انسب لك
رقية:
والله انا مش شايفة ان جسمى وحش .. (قامت وقفت) عن اذنكم
ماما
العريس: ايه ده يا كابتن ياسين .. واضح ان العروسة مش قابلانا خالص
ياسين:
لا بس... يمكن مكسوفة شوية
العريس:
هى لو زعلت عشان الدايت ..اظن انا عايز مصلحتها
هو
احنا مش هيبقى فيه بينا ارتباط
ماما
العريس: لسه ..متستعجلش
مامت
رقية غاظها طريقتهم وكلامهم ومشيت راحت لبنتها ..فتحت الاوضة لاقيتها بتعيط
الام:
رقية .. حبيبتى
رقية:
سيبينى ياماما ارجوكى
الام:
يابنتى امسحى دموعك دى وتعالى خلى الليلة تعدى ع خير
رقية:
انتى مش شايفه بيحدفونى لبعض ازاى ..تخينة
جسمك
مينفعش
خسى
ومامته
بتتكلم بقرف
ليه
ده انا الى مش عايزة
ياسين
دخل عليهم ..
ياسين:
انتى هتقومى تكملى القاعدة ولا اطلع عصبيتى عليكى !
الام:
لا هتقوم اهيه ..روح اقعد انت بس معاهم
رقية
خضعت لرغبة مامتها وقامت ونشفت دموعها ورجعت قعدت معاهم .
ماما
العريس: ايه يا دكتورة فيه حاجة دايقتك فكلامنا
رقية:
لا ..بس انا مرهقة شوية
العريس:
لا سلامتك ..
رقية:
الله يسلمك
ماما
العريس: بس واضح يا رقية انك مش بتواكبى الموضه خالص ..
رقية:
موضة !
ماماالعريس:
اه ..البنات دلوقتى بتلبس اخر صيحات من اللبس
بتخليهم
قمرات
رقية:
وانا ياطنط..شكلى وحش بردو
ماما
العريس: لا ..انا مقصدش
انا
بقول بس طريقة لبسك دى مش مناسبة سنك
خالص
مكبراكى
ييجى 10 سنين !
رقية:
ده ستايلى وانا بحب البس كده ومبحبش طريقة لبس البنات المايعه
الى
بتظهر الجسم وبتحزق
انا
بحب ابقى مرتاحة والاستايل ده انا عملاه لنفسى
واظن
انه مش وحش
العريس:
فيه ايه يا دكتورة ، بتكلمى ماما كأنها بتستجوبك
ده
حوار ونقاش عادى
رقية:
وانا برد عادى حضرتك
ماما
العريس: ممممممم (غمزت لابنها يقومو )
العريس:
طيب الوقت الحلو بيعدى بسرعة ..
ماما
العريس: هنبقى نكلمكم فالفون نرد عليكم يا كابتن ياسين
الام:
نورتو وشرفتو
ياسين
وصلهم لحد عربيتهم تحت ..ودخلت رقية اوضتها وحمزة ومامته وراها .
رقية:
(بتضحك بسخريه) بقى بعد ده كله انا الى مش عاجباهم
حمزة:
ده عريس تقيييييييييل اوى ..يخربيت رخامته
لا
وبيضحك زى ممثلين زمان
هاهاهاهاها
طلع
ياسين ..
ياسين:
يعنى مبسوطة دلوقت .. انهم ماشيين زعلانين
رقية:
انا مزعلتش حد
حمزة:
يايسين ..هى معجبتش العريس ولا امه
فكك
بقى من الحوار ومتعملش قضية ع رقية
وبعدين
هو عريس غتيت جدآ والواحد ميطقهوش ساعتين ع بعض
ياسين:
والله!! وانت بقى وكلتك محامى عنها ياسيادة وكيل النيابة؟
رقية:
انا موكلتش حد .. هو ده الى حصل وانت عارف بس بتحاول تجيب اللوم عليا
ياسين:
ماهو انتى لو كنتى سمعتى كلامى زى اى بنت مؤدبة ولبستى الفستان وحطيتى اى حاجة
فوشك زى م البنات بتحط
كان
زمانك عجبتيهم
لكن
لازم العند معايا وتمشى الى فدماغك وخلاص
حمزة:
ماهو لو اصلا حصل نصيب مع زميلك ده .. مسيرة فيوم هيشوفها من غير مكياج وع طبيعتها
من غير فستانين ولا يحزنون
اعتقد
اختك عملت الصح
الام:
خلاص بقى ياسين ..اختك عملت كل الى انت طلبته
مش
لازم تجيب اللوم عليها
وهو
مش العريس الكويس اللقطة الى نزعل انه مشى
ياسين:
خلاص خليها قاعدة كده جمبك
وانتى
خليكى زى م اانتى
اعملى
الى فدماغك ..مرة داخلة علينا بحتة مدرس معفن
ودلوقتى
مش عاجبك رائد فالجيش
انا
نفسى اعرف بقى
مخيلات
سعادتك فالعريس المناسب شكلها ايه ؟
===============
محمود!
الجد:
ايوة محمود ياسعاد بايت عندى من امبارح وحكالى كل حاجة
بردو
ياسعاد يبقى كل ده حصل ومتهديش بينهم
الام:
يابابا انا فوجئت بالحكاية كلها ووقفت متكتفه .. معرفتش اتصرف
بس
انت طمنتنى لما قولت ان محمود عندك
الجد:
تتصلى بعمر .. وتيجى خلينى اخلص الموضوع بينهم
مينفعش
كده
ولا
عمر عشان ابوه مسافر
افتكر
خلاص ان مالوش كبير
الام:
لايابابا حاضر .. انت تؤمر
=================
خلود
وجهاد قاعدين مع ريهام جايبالهم خبر الموسم ..
ريهام:
اه والله ..انا صعقت لما عرفت وقولت سبحان الله
ربنا
جاب حقك ياخلود
جهاد:
يلا احسن ياكش كان كله اتحرق مش وشه بس
خلود:
طب وانتى عرفتى منين يا ريهام
ريهام:
واحدة صاحبتى كانت تعرف بنت من اصحابة .. معرفش الكلام جاب بعضه
ولاقيتهم
بيحكو عن حادثة حصلت ومات فيها 4 من شبابا الجامعه وكده
قولت
اسمع عادى ممانتو عارفين ان انا صحافه
جهاد:
ايوة وبعدين كملى مش لازم مقدمة ابن خلدون يا مرار
ريهام:
بس عرفت بقى ان حسام كان مركب فعربيته ولد صاحبة مش بيفارقه كده و3 بنات رايحين
السخنة
خلود:
يالهوى ! كده من غير اذن اهاليهم !
جهاد:
وهما دول ليهم اهل؟ ربنا يولع فيهم بجاز عنده يارب
ريهام:
المهم طبعآ واحدة منهم تعرفها صاحبتى دى وحكتلى ان فالطريق العربية اتقلبت وولعت
وكلهم
ماتو ماعدا حسام اتنقل بين الحيا والموت للمستشفى بس وشه ودراعه محروقين خالص
لدرجة ان الجلد اتسلخ عن اللحم !!
خلود
حطت ايدها ع بوقها من الخضة
جهاد:
اه سبحان الله ربك يمهل ولا يهمل ..قعد يقولك شبة القرد
اخاف
منك لو طلعتيلى
دلوك
محصلش يكون نسناس فالجبلاية محروق ومتشوه
وشوية
وياخدوه فافلام الرعب العالمية
خلود:
لاحول ولاقوة الا بالله
ريهام:
بس عرفت من هنا.. وقولت اطير اقولك من هنا
عشان
افرحك
خلود:
انا مش شمتانة فيه ..بس بحمد ربنا انه اخد بحقى
جهاد:
لا يابت شوفى عظمة ربك ! اتشوه وعايش عشان الناس تتريق ع شكلة وميعرفش يبص فوش كلب
حتى
زى م
اتريق عليكى
خلود:
يلا كل واحد بياخد نصيبه ..
المهم
يوسف هيعمل العملية امتى ياريهام
؟
ريهام:
(اتنهدت وافتكرت) اول الاسبوع الجاى ..هيحجزوه بعد بكرة
عندى
امل كبير فربنا يقوم منها بالسلامة
ويخف
جهاد:
ونعم بالله
================
الجد:
لما تعمل كده مع اخوك .. يبقى انت مبتفكرش ياعمر
عمر:
جدى ..الموضوع مش سهل
لما
الخيانة تجيلك من اقرب الناس ليك
الجد:
مين قالك ان اخوك خانك ؟ ها
الى
خانتك هى الى كانت خطيبتك
اخوك
كان يعرفها من قبلك
يعنى
انت الى جيت عليه
مش
هو الى جه عليك
وكان
بيحاول بكل الطرق يبعد عنها ...بس هى بقى الله يسامحها
عمر:
ولما هو كده ؟مقاليش ليه ياجدى
متلتمسش
ليه اعذار من الهوا
الام:
كان خايف عليك و ع مشاعرك ياعمر، انت جيت وقولت انك بتحب بنت بتتعالج عندك
وكويسة
ومؤدبة وعايز تخطبها انهاردة قبل بكرة
وروحنا
وشوفناها وقرينا الفاتحة
وهو
عرف ان البنت دى كانت حبيبته ..تفتكر يخطف فرحتك منك ويقولك بلاش منها
كان
لازم يسكت يابنى
عمر
اتنهد وفكر فكلامهم بس مجروح اوى من محمود
الجد:
محمود !! يامحمود تعالى
طلع
محمود من جوه وشكله تعبان لانه من امبارح مش نايم
الجد:
تعالى سلم ع اخوك وبوس راسه .. انتو مالكمش الا بعض
وانت
ياعمر
خلاص
الموضوع خلص ومحدش يفتحه تانى
هى
وراحت لحالها وانتو لازم تبقو ايد واحدة ومتتفرقوش ..انتو اخوات
عمر
قام وبص لمحمود ، بس محمود لما قرب عليه وحضنه زى م جده قال
حس
عمر انه اخوه فيه حاجة اكبر من الزعل
عمر:
مالك يامحمود ؟
محمود:
عايزك جمبى .. انا ماليش غيرك ياعمر
رقية
هتتخطب !!
الام:
تتخطب ؟ امتى ده حصل
محمود:
انهاردة ..خلاص
كل
حاجة فعينى سودا
معرفش
بيحصل معايا ليه كده
الحمدلله
يارب ع كل الى تجيبه
عمر:
(مسكه من كتفه ورفع وشه) ميبقاش ابوك الحج عبدالشافى متغرب عشانا
واحنا
هنا بنقطع فبعض
رقية
مش هتكون غير ليك :)
محمود:
ازاى بس ياعمر انا لسه ...
عمر:
مافيش ازاى .. بكرة تاخد عنوانها وتدينى اكلم باباها ونحدد معاد نقرا فاتحتكم
وتبقى
تكمل وهى تكمل وبعد تخرجك الفرح
محمود:
(فرح اوى ) بجد ! بجد ياعمر
بس
انا معرفش وافقو عالعريس ولالا
عمر:
كلمها واعرف .. وان شاء الله انا وعدتك
انها
هتكون ليك
محمود
وعمر حضنو بعض ومامتهم فرحت انهم اتصافو ..بس فاضل تكه واحدة عالفرحة دى
=====================
رقية
لابسة فستان ياسين الى اشتراه وبتحاول تحط ميكاب هادى خالص ومبسووووووطة ^_^
ياسين:
ايوة انا لحد دلوقت مش فاهم ، ايه السرعة ف ان واحد لسه مخلصش كليه عايز ييجى
ويقابلنى هو واخوه ووالدته عشان يتقدملك
الموضوع
مش متركب
رقية:
(وقفت عن الى بتعمله) اولا هو فاتحنى قبل كده فالموضوع وانا أجلت لحد آخر السنة
ياسين:
اه ده فيه كلام بقى واخد وعطا
تدخل
حمزة لما لقى رقية اتزنقت ..
حمزة:
بتقولك خالو الدكتور سليم عندها فالكلية وهو الى فاتحها فالموضوع لما عرف ان ابن
اخته شافها ومعجب بيها
وصلت
يا حضرة الظابط ؟!
ياسين:
ممممممم ويعنى اتلبس الفستان انهاردة والحجات بتتحط ومرسومة فراشات ع وشنا
رقية:
هو فيه يااياسين هو اى عكننه وخلاص
ياسين:
عكننه
!
حمزة:
انت الحق البس عشان هما ع وصول ..دول راكبين من امبارح
وانا
هجهز عشان اروح استقبلهم للبيت
ياسين:
مممممممم طيب طيب
============
محمود
وعمر ومامتهم جم .. وحمزة استقبلهم وكان معاهم عالفون خطوة بخطوة لحد م وصلو
اول م
دخلو من الباب ورقية سمعت صوتهم من برة اتبرجلت خالص وكانت بتترعش من الفرحة
مامت
رقية: اهلا اهلا اتفضلو ، حصلت البركة
تعبتو
معلش الطريق طويل عليكم
عمر:
اى حاجة تهون عشان عروستنا J
ياسين:
منورين ..منور يااستاذ محمود
محمود:
(مكسوووووووووف ) احم ..بنور حضرتك
حمزة:
نورتو الاسماعيليه والله ، رقية لما عرفتنا ان الدكتور سليم حسانين يبقى من العيلة
قولنالها
يا زين الناس..ناس افاضل بصحيح
عمر:
الله يكرم حضرتك يااستاذ حمزة
حمزة:
معرفش يادكتور عمر حاسس انى شوفت حضرتك قبل كده
عمر:
والله نفس الكلام الى كنت هقوله يااستاذ عمر
ياسين:
(قاطعهم وهو بيبص لمحمود) بس انا ع حد علمى انك لسه فاضلك سنة فالهندسة
والامتحانات
عالابواب
غريبة
انك تتقدم فالظروف الصعبة دى .. ولا كلامى غلط
عمر
اتنحنح وبص لمامته ومحمود بلم ومعرفش يرد
حمزة:
هو يقصد انكم تنورو فأى وقت
عمر:
والله يا فندم ..محمود كان شاف اخت حضرتك فالمكتب عند خالو واظن ان الانسة رقية
شرحت لحضرتك معرفته بيها جت ازاى
هو قالنا
انه عايز يرتبط السنة دى لانه معجب بيها جدآ
وحابب
ميضيعش وقت
ياسين:
بس اظن السنة لسه مخلصتش!
محمود: (قاطعه) انا اسف لقطع كلامكم ، فيه بنت تبقى
صديقة رقية جدآ وتبقى خطيبة صاحبى
عرفت
ان رقية متقدم لها عريس
وقالت
لصاحبى وهو الى قالى
عشان
كده جيت ومحبتش اضيع وقت !
عمر
فرح بمرونة عقله الى خلته يتصرف كده بسرعة ..من غير م يحرج رقية
وعشان
يخلصو من اسئلة ياسين
حمزة:
دكتور عمر انت كنت فجيش مدينة نصر
عمر:
اه دفعه ....
حمزة:
دى نفس دفعتى .. فالهايكستب
!
ايوة
عمر:
ايوة افتكرتك يااااااااه (قام وحضنه)
حمزة:
عمر عبدالشافى ..ياااااااه
محمود
فرح انهم عارفين بعض ، ودقايق ودخلت اجمل عروسة فالدنيا
ماسكة
صنية العصير والجاتوه
ومكسوفة
وخايفة تقع من لبختها قام محمود من غير قصد واخد منها الصنية
حمزة:
ابسطى ياست رقية طلعنا معارف
ياسين:
بس حضرتك مش شايف انك صغير اوى عالارتباط دلوقتى
يعنى
مثلا الناس لما تسألنى خطيب اختى بيشتغل ايه
اقولهم
لسه طالب :/
عمر:
اسف ..هقاطع كلامك مع محمود .
احنا
لو تمت الموافقه بمشيئة الله هنقرا فاتحه بس ،لغاية محمود م يخلص السنة الى فاضله
دى
وشقته
كمكتب هندسى قربت تخلص خلاص
يعنى
شغله بعد تخرجه ان شاء الله جاهز
بس
لمجرد انها تبقى من نصيبه ومحدش ييجى يتكلم عليها مش اكتر ..
مامت
رقية: والله انتو ناس ع راسنا ومافيش احسن من كده نسب
حمزة:
اظن عداهم العيب ..ايه رئيك يااياسين
ياسين
بص لرقية لاقاها مبسوطة ومكسوفه ، وشكلها مياله
ياسين:
طب سيبونى اسأل عليكم وارد ان شاء الله
عمر:
خد وقتك .. وان شاء الله مش هتسمع غير كل طيب
حمزة:
وانت عامل ايه ياعمر ..اتجوزت ولا لسه
عمر:
(اتدايق) كنت خاطب بس محصلش نصيب
حمزة:
ههههههه كفك بصرة !!
ياسين
لاحظ ان الكل منسجم حتى والدته قامت وحضرت العشا عشانهم وحمزة صمم يتعشو قبل م
يمشو عشان جايين من سفر
وهما
قايمين يغسلو ايديهم ..كان محمود واقف عند الحمام بينشف ايده لما اداتله رقية
الفوطة
وقال
بهمس " مبروك يا خطيبتى ^_^
اتكسفت
ومشيت ...
وبعد
م يمشو تبلغ ريهام وجهاد الى قلبو الدنيا فرح وزغاريد من الفرحة ...
ريهام:
ايوة بقى دى الاخبار الى تفرح ، عقابلى يارب
جهاد:
الف مبروووووووك يارقية والله وعملوها الرجالة
(فونها
رن)
الو
ابونجوى:
سلامو عليكم ..ايه ده زغاريد !
الخير
دايمآ ع مكالمة الواردين
جهاد:
ايا دى ! انت تانى
خير ايه
وفقر ايه انت عايز ايه م تقول وتخلص
ابو
نجوى: لاقيتك عدى يومين ومسمعتش ردك ولا سألتينى عن البت نجوى
و ع
فكرة هى زعلانة منك اوى
جهاد:
وانا اعرفها منين نجوى عشان تزعل منى ، انت مخبل ياراجل انت !
يعنى
قولى
بتتعالج
فمصحة امراض عقليه ولا حاجة
ريهام
من بعيد بعد م قفلت مع روكا ...
ريهام:
مين يا جهاد ؟
ابو نجوى:
ايه ده اسمك جهاد !! اسمك جميل اوى
جهاد:
عارف ليه سمونى جهاد ؟ عشان الى بيقرفنى فعيشتى بقلبها حرب دمار شامل معاه
(بتبص
لريهام) ديتى البارد الساقع الى قولتلك عليه
ريهام:
طب هاتيه هايته ..الوو
ابو نجوى:
ايوة
ريهام:مش
هى قالت لحضرتك متتصلش هنا تانى..ولا انت عايز تتهزق!
ابونجوى:
طب وليه الغلط ..انا بتكلم ومش عايزة حاجة منها غير انها تسمعنى
ريهام:
ياعم روح اقعد ع قهوة ولا اى بتاع
ناقصين
احنا وجع دماغ
ابونجوى:
لو سمحتى ياانسة ادينى جهاد
ريهام:
ايدك جهاد !!
جهاد:
(خدت السماعة منها ) تديك جهاد ع اساس انك جوزى وطالبنى فبيت الطاعه الله يحرق ابو
الى خلفوك
طب والله
والله
ان م اتلميت
لابلغ
عنك الشرطة واخلى نجوى يتيمة اب وام (قفلت فوشه)
عالم
كلاب.. بوظ فرحتنا شالله يدهشه قطر
================================
وعدت
الامتحانات وخلصت السنة ورجعو السنة الجديدة
ورقية
مقرية فاتحتها بس لمحمود ومش معلنين عن اى خطوبة رسمى زى م شرط ياسين اخوها
ولسه
ابو نجوى بيطارد جهاد ..وتقريبآ قدر يعرف شوية معلومات عنها
ويوسف
عمل العملية وقام بالسلامة بس فيه متباعات والدكتور حذره من المجهود
اما ريهام
..
فكانت
بدل جريدة بتشتغل فجرديتين كتدريب ولانهم حبو شغلها جدآ وعشان هى متميزة فيه
عبدالرحمن
اتخرج وقدم فكذا مدررسة خاصة ، واهو اتقبل فواحدة ويامسهل .
لكن خلود
بقى دى كانت اول مرة يشوفها دكتور عمر عن قرب ويتكلم معاها فعيادة دكتور كبير
لعلاج الجلدية بيتدرب تحت ايده عمر ويبقى استاذه فنفس الوقت
جت
ومعاها باباها من اسوان ..وقاعدة قصاد عمر ..
عمر:
العملية الى هتتعملك هتتقسم ع مراحل ..يعنى عشان وشك وجسمك يبقو بشكل طبيعى
هنعملها بين كل واحدة والتانية 4 شهور
خلود:
يعنى ممكن تاخد سنين يا دكتور
عمر:
فعلا ، لانها عملية دقيقة شوية
ولازم
لها وقت ومجهود
بابا
خلود: بس انا اسف لحضرتك ..انا معنديش الامكانية الى اقدر اصرف بيها ع عمليات
وعلاج خلود
انت زى
ابنى
وانا
ظروفى بسيطة
عمر:
(اتنهد وابتسم) خلود لما قالت لحضرتك انك لازم تيجى تحضر الجلسة دى مش بس عشان
تعرف ان الحمدلله توصلنا ان فيه علاج لحالتها
لا
عشان
نبلغ حضرتك ان كل عمليات وعلاج خلود ع المدى البعيد ..مش هيكلفك ولا مليم!
بابا
خلود: ازاى يا دكتور ؟
عمر:
فيه قسم معين للمتبرعين من ذوى الحالات المادية الميسرة ورجال الاعمال ورجال الخير
بيهبو
لمركز الدكتور راشد الى احنا فيه ده مبلغ سنوى لعلاج الحالات الى زى خلود J
والحمدلله
خلود
من اوائل الحالات الى خدت موافقه بتضمين حالتها من تحت حساب المتبرعين
فرح
اوى بابا خلود وكأنه مش سيعاه الدنيا وباس ع راس بنته
عمر:
ها هنبتدى بقى
بابا
خلود: ياريت يا دكتور ..انت متعرفش ان كل م ببص ليها بحزن
عمر:
مش خايفة ياخلود
خلود:
من ايه
عمر:
العمليات تفشل
خلود:
الى عاشت 19 سنة زيي ، متصالحة مع نفسها عشان بتحب ربنا قوى وعارفه ان كل حاجة
بيقدرها ليها فيها الخير
لازم
تفرح وتحمده ع كل الى يجيبه
ولو العمليات
فشلت
يبقى
ربنا عايز كده ..لانة شايف ان بشكلى كدى احسن
وربنا
لجأتله فحجات ومخذلنيش
عمر:
(اتمعن فكلامها واستغرب ورجع لورا ع كرسيه) للدرجة دى فيه بنت بسنك فيها كمية
الايمان بالقضاء والقدر اوى كده زيك
خلود:
اصل لما تحب ربنا من قلبك ..وتعرفه
تحب كل
حاجة يجيبهالك
^_^
عمر:
عشان ثقتك وحسن ظنك بالله دى ..انا متأكد ان ربنا هيساعدك ويبقى معاكى J
خلود:
ان شاء الله يادكتور ^_^
==============
وبعد
سنتين ...
رقية
كانت فأوضتها كالعادة بتذاكر، بس المرة دى الشقه اتغير سكانها
مش معاها
غير خلود
وباقى
البنات جديدة
بعد م
اتخرجت ريهام واشتغلت بجريدة الدستور
واتخرجت
جهاد واشتغلت مدرسة فمدرسة بنات فبلدهم
جت
لروكا مكالمة من ريمووو :*
رقية:
ندلة ندلة ووحشة
ريهام:
ههههههههه كنت عارفه انك هتقولى كده ، والله شغلى فالجريدة دى مطلع عينى
كل شوية
تغطية احداث ومسارات
لما قرفت
رقية:
هههههه طبعآ مش عايزة تبقى صحفية ياختى
ريهام:
مكنتش اعرف انها علقه كده
رقية:
طمنينى عليكى
ريهام:
طمنينى انتى عليكى ..عاملة ايه انتى وبشمهندز حودة ☺
رقية:
(مسكت شعرها تلعب فيه) حودة ده روحى .. مش عارفه ازاى اخر السنة هنتجوز بجد مش
مصدقه
ريهام:
ايوا ياعم ناس ليها حظ ..كان نفسى احضر حفلة خطوبتك
قعد اخوكى
الرخم ده يأجل فيها قال ايه لما شغله يشتغل عشان يعرف يقدمه للناس مهندس ملو هدومه
رقية:
م انتى وجهاد اندال وبايخين ..محدش حضر الخطوبة ياجزم
ريهام:
ههههههههه هو فيه حد يعمل خطوبته فالشتا ياست انتى
قولى
ان انتو مش عايزينا نيجى
رقية:
قوليلى عاملة ايه مع يوسف ؟
ريهام:
فركشنا :/
رقية:
يووووه تانى ، اخر مرة كلمتك قولتى انكم رجعتو وكله تمام
ريهام:
قولى عاشر ، يوسف مش بيبطل لسانه الطويل المتلفح بيه ده
كالعادة
فركشنا بسبب الشغل
انتى
مبتسمعيش الكلام
انتى
بتحبى شغلك مع الرجاله
اصل انا
مش راجل
اصل انتى
مبتعرفيش تستغنى عنهم ..قولتله خلاص فكك يايوسف وفركشت معاه
رقية:
يابنتى بيحبك
ريهام:
بيحبنى يقتل طموحى ! المهم سيبك منى شوفتى البت جهاد واخر اخبارها
رقية:
ايه ..اتخطبت
ريهام:
هههههههه لا شكلها كده هتتخب
لعمك
اسامة ابو نجوى
رقية:
ياربى هو لسه مش عاتقها
ريهام:
وحياتك راح لها المدرسة وجاب بنته ..بتقولى البت حتة ملاك تشوفيها تصعب عليكى
والمصيبة
البنت متعلقه بجهاد جدآ
وهو مصر
يرتبط بيها
رقية:
طب وهى رأيها ايه ؟؟
ريهام:
ههههه ماانتى عارفه جوجو بلسانها ده الراجل مخلصش من حدف الطوب بتاعها
بس مش
مستسلم بردو
رقية:
مممم ربنا يهديها..والله وحشتونى يابنات
ريهام:
والله وانتى اكتر..عاملة ايه البت خوخة عندك
رقية:
خوخة مش هتعرفيها ..بقت بنوتة قمر قمر قمر عمر خلاها واحدة تانية خالص
ريهام:
ماهى بتقولى فالفون عايزة اجى اشوفها والله
رقية:
لا وعودتهالك ع طريقة لبسى بقت نسخه منى ..
ريهام:
الله الله فيه تطورات جامده بقى ..طب وانتى اخبار الدايت ايه ؟؟
رقية:
لالالا خلاص بطلته وصلت للوزن المطلوب
حبيبى
حودة كان معايا خطوة بخطوة
بلاش
رز ومكرونة
بلاش
محشى
شيكولا
ممنوع
بيبسهات
نوو
حلويات
نوو
بقيت
مانيكان يابنتى 64 كيلو بس
ريهام:
لااااااا انتو عايزين زيارة آجى اشوف التطورات دى يا دكتورة ريكو
رقية:
هستناكى يابت اوعى متجيش..
ريهام:
هجيلك يابت متقلقيش.، والله وجه الى يتحكم فروكا
فكرنى
باغنية دنيا سمير غانم
ده انا
بقيت بلبس على كيفو مبقولش لا ع حاجة بيعوزها
رقية:
عقبال م يوسف يشكمك كده انتى كمان
ريهام:
والنبى يا روكا غيرى السيرة عشان سيرته بتغومنى !
رقية:
المهم هستناكى تمام
ريهام:
اشطا
===================
وهو انهاردة
ايه ؟؟
انهاردة
يوم مش عادى ...فرح رقية ومحمود ^_^ ^_^
كل حاجة
مترتبة ..ففندق كبير بالقاهرة
والعريس
واصحابة جم
والعروسة
واصحابها معاها من الصبح
يوسف
كان مع العريس فأوضته مع عبده وعمر وكام واحد من ولاد عمه ..كان خارج يوسف يشوف
حاجة قاله عليها محمود فالجناح المحجوز ليهم كجناح عرايس
وشاف
ريهام ...
راح جه
ناحيتها وقال وهى زى القمر كده
يوسف:
عقبال ناس لما تبطل جنان
ريهام:
(بصتله من غير اهتمام) لما تبطل بقى
يوسف:
..................
=================
استنونا
بعد بكرة ان شاء الله
تابعو
آخر حلقتين من روايه
#قصاقيص_ورق
عندنا
هنا وبس
#بقلمى_نوراسماعيل
ليست هناك تعليقات:
إرسال تعليق