رواية .. ¸.•'´¯`*•.¸¸.¸.• قـصـاقـيـص ورقــ .¸.•'´¯`*•.¸¸.¸.•'´ حلقة 22) (((الــأخــيــرة )))

=====================

هى متوترة
بتحضر كلام
مش عارفه تقول ايه
ومستنيه مجيته بفارغ الصبر عشان تفضى الكلام الى فقلبها وتخلص

وفجأة قع كل سرحانها ،
"ازيك ياجهاد " !

جهاد: اقعد يااسامة ،بص
انت بعد مجيتك لبيتنا والجنان الى نزل عليك فجأة تطلب يدى ..لا والمصيبه اهلى شايفين انك عريس كويس
عارفاش عايزين يرمونى باين

ابونجوى: مش يرموكى ياجهاد ..دول بيحبوكى
وعايزين مصلحتك


جهاد: فهمنى انت ايا مصلحتى فجاوزة مهببة زى جوازتك ديتى

ابونجوى: عارفة ع اد م انتى من اول يوم كلامك دبش معايا، بس انا مستحمل كل ده
لانى والله من اول يوم سمعت صوتك فيه وانا مرتاحلك راحة غير عادية

كانت نجوى بتلعب بعيد فالحديقة وفجأة جت وهى بتعيط ..

ابونجوى: مالك ياحبيبتى (شالها وبيمسح دموعها)

نجوى مدت ايدها لجهاد يعنى شيلينى ! :(

ابونجوى: معقول فيه حد هيحبك اد نجوى كده ؟

جهاد مسكت نجوى وحضنتها بحنية .. وكل الكلام الى كانت محضراه والهجوم ع ابو نجوى
طار!!
بعد الحركة دى

=====================

"انتى عبيطة يابت انتى ! ايه الكلام الفارغ ده

ريهام:وايه الوحش فاللى بقوله ، عايزة اكمل عشان اخد بتار مروة

رقية: وتاخدى تارها من مين ان شاء الله
اولا انتى متعرفيش الرصاصة جاتلها منين ..ثانيآ باباكى مش موافق
انك ترجعى لشغلك
وبعدين هتفضحى مين فالجرايد
م تعقلى بقى ياريهام

ريهام: اعقل ..وهو ايه الجنان الى قولته

رقية: الجنان انك ترفضى طلب يوسف وتستمرى فالهبل بتاعك ده

ريهام: انا مينفعش اتجوز يوسف

رقية: ياسلام! اومال الحب ده كان ليه

ريهام: بصى يا روكا ..الكام سنة الى كنا مرتبطين بيها ببعض
فهمتنى حجات كتير عن يوسف
شخص ديكتاتورى
ومتسلط ولسانة طويل
وعايز يتحكم فيا
وكمان مش من بلدى
الى يحدفنى انا آخر الدنيا !!

رقية: والله! ايه الاكتشافات العظيمة دى
ماانتى بتحبى بيتهم واهله ومكونتيش عايزة تمشى زمان من عندهم ده بالنسبة لحدفتك
وبعدين انا مش شايفة ان فشخصيته القوية ولا غيرته عليكى حاجة وحشة

بصى بقى ومن الاخر انتى بتستعبطى


ريهام: انا بستعبط ياروكا؟

رقية: ايوة ده اسمه استعباط لانك بتحبيه وبتموتى فيه بس عندية اوى
وعالعموم
هو خلاص هيخطب

ريهام: ايييييييييييه !!

رقية: ليه اتخضيتى مش هو مينفعش وبتاع ووو

ريهام: بتتكلمى جد ياروكا ولا بتهزرى

رقية: بتكلم جد هو لسه قايل كده لمحمود
ده تقريبآ اشترى الشبكة خلاص

ريهام:مممم طب خلاص اقفلى يا روكا بقى عشان قلبتى مودى

رقية قفلت وضحكت كان محمود داخل الاوضة لقاها بتضحك

محمود: ايه ياحبيبتى بتضحكى ايه ؟

رقية: مش هتصدق ..ريهام بلعت الطعم الى انت ويوسف اتفقتو عليه
اتخضت وشكلها هتموووووت واكيد هتكلمه تراهنى

محمود: هو لولا انه بيحبها بجد ومش بيلعب بيها مش هيحاول كل ده معاها
ويفكر ويخطط
هو حب ريهام بجد

رقية: انا عارفة ..بالذات الى زى يوسف ده لو حب بتبقى معجزة
يابختك ياريمو

محمود: (قرب وقعد جمبها) بختها هى بس ؟

رقية: بختها هى ع يوسف ..لكن انا بقى عندى اجمل حظ فالدنيا الى جمعنى بيك يا حبيبى

محمود: طب تفتكرى اعرف ارجع المكتب شغل بعد الضهر ازاى بعد الكلمتين الحلوين دول

رقية: لالالالا قوم واتنشط ويلا عالشغل

محمود: ع فكرة انت قلبك آسى اوى اوى

رقية: هههههههه انزل ولما ترجع ..نقول كلام احلى من ده

محمود: (عمل نفسه بيفكر)

رقية: انت لسه هتفكر يلااااااااا عالشغل

====================

ريهام: الو

يوسف: الو..ايوة مين :P

ريهام: والله انت هتستهبل ! ايه مش عارفنى

يوسف: مممم ااه ريهام ..ازيك
اخبارك ايه

ريهام: كويسة .. كويسة اوى ياعريس

يوسف: (كتم الضحكة ) عريس!
انتى عرفتى

ريهام: وجبت الشبكة بقى ولا لسه .؟ ومين العروسة
سنكوحة من سناكيحك!

يوسف: لالالالا دى بنوتة زى القمر ..صحيح عذبتنى شوية
بس وقعت خلاص

ريهام: ودى عرفتها امتى ؟ كنت بتكلمها واحنا مرتبطين صح

يوسف: وانتى مالك ياريهام ؟ عايزة ايه

ريهام: عايزة اقولك تتجوز متتجوزش ميخصنيش
ووو

يوسف: طب ياستى هعتبرها الف مبروك وهقولك الله يبارك فيكى

ريهام: مبروك فعنيك .اسمع انت مش ممكن تتجوز حد غيرى انت فاهم ولالا
عشان انا بحبك ياحمار
يا جزمة
ومحدش هيحبك قدى
وكنت بتدلع عليك شوية تروح تخطب !

يوسف: (ضحك وقعد يتهز علامة النصر) ماشى كل ده كلام جميل بس انتى مش عايزانى
اعمل ايه
اتجوزك بالعافيه
هى عايزانى

ريهام: متجبش سيرة بنااااااااااااااااااااااااااات غيرى

يوسف: ههههههههههه مالك يابت اتجننتى

ريهام: بص انت لسه بتحبنى ؟
ولا خلاص

يوسف سكت شوية يلعب بأعصابها

ريهام: هااااااااااا

يوسف: (اتنهد) روحى قولى لابوكى يلبس جلابيه غير الى بيقابلنى بيها دى
وانتى البسى حاجة عدلة
عشان هجيب اهلى ونيجى نخطبك

طبعآ بحبك ياقدرى الاسود!

ريهام: يارووووووووووح قلبى ياجوووووووو بموووووووت فيك
طب والعروسة !!

يوسف: مافيش عروسة ليوسف غير قدر يوسف
ريهام افندى
يلا يابت قلبتيلى دماغى
خدى معاد مع ابوكى وبلغينى

ريهام: حاضر يا جو عيووووونى ..بااااااااااااااى

يوسف قفل وهو مبسوط اوى ... بس مش هو بس الى كان مبسوط

كانت فيه دموع فرح ماليه عيون كل من سمع ان عمر كلم بابا خلود واتقدملها

وجاى فأقرب فرصة يخطبها ويكتب الكتاب ع طووووووول

طبعآ كرم ربنا مالوش حدود ، جواز من انسان وعيلة محترمين
ووسيم ومركزة الاجتماعى حلو
وبيحبها

وخلود مكانتش بجد مصدقة نفسها ساعة توقيعها ع قسيمة كتب الكتاب
ورقية بتبوسها وتحضنها

كانت فعلا عايزة حد يقرصها عشان تعرف ده حلم ولا حقيقة؟؟

بس يكفى كلمة عمر لما جه ناحيتها يهنيها وهى فمنتهى الكسوف يقولها

" مبروك ..يا اجمل عروسة
واحلى هدية ربنا شالهالى
عشان كده انا مش هستنى
وفرحنا
لازم يكون اول الشهر :)

"

خلود: (بكسوف وباصة فالارض) ده احلى خبر ممكن اسمعه ، حتى لو كنت هتجوز وهاخد الترم التانى عندك
ماهى آخرسنة خلاص

عمر: بتحبينى ياخلود (ماسك ايدها)

خلود: (لسه باصة فالارض وبتترعش) ربنا يقدرنى ..واكون عند حسن ظنك ^_^

عمر: ربنا يقدرنى انا واشيلك جوه عنيا

======================

جهاد اتجوزت !!
بعد عناااااااااااااء من الاهل والاقارب وكل الناس ، بس هى كانت حاسة جواها بشقشقة ناحية اسامة

بس مكانتش مبينه !
طبعآ جهاد معروفة ، عمرها م تعمل حاجة غير لو كانت عايزاها .

وففرح عائلى بسيط ..تم زفافها وسفرها للشرقية بلد الزوج
ونقلت ورقها لمدرسة هناك بردو ..لانها الحمدلله جاتلها تعيين حكومة ومتقدرش تسيبه

بس مقدرش حد من البنات يحضر فرحها .. لكن كانو معاها خطوة بخطوة وباركولها وكانو فرحانين ليها اوى

بس بقى بنت المحظوظة !!

ريهام ، هى الى اتعملها الى متعملش
فرحين!!

متستغربوش
فرح فبلدها فالمحلة للناس الى عايزة تحضر فرح ريهام ومش هتقدر تسافر ..ولبست فستان وكل حاجة وكوافير
ويوسف كان هناك بس اهلة كانو بيحضرو للفرح التانى

لكن الفرح التانى كان فيه رقية ومحمود ..وخلود راحت معاهم تحضر فرح ريهام مع اخو جوزها ومراته ..لان عمر كان مش فاضى يسافر قنا
لكن محمود واجب يوقف جمب يوسف زى ماهو وقف جمبه

هناك بقى ... اتعملها فرح احلى من فرح عبير .. طبعآ مكتوب كتابها وكل حاجة
وجهازها راح ع قنا لاحلى شقة ليوسف فبيت باباه

وجالها نفس كمية الدهب الى استغربت لما شافت عبير لابساهم !! هههههههه

سبحان الله

لبست فستان تانى خالص وهيصو وضربو نار وروكا ومحمود وخلود كانو فرحانين بيهم اوى

وبعد م خلص الفرح ..

طلعو العرسان ع شقتهم ..وقفلو الباب

يوسف: (باصص لريهام قالع العمة ورماها وقلع الساعه ورماها)

ريهام: ايه ..؟ بص
طب نتكلم

يوسف: هو انتى مشبعتيش كلام كل ده !! اكلك منين يابطة

(جرى وراها جريت منه وقفلت باب الاوضة عليها بالمفتاح)

يوسف: افتحى ياريهام بلاش الحركات دى

ريهام: لالالالالالا خليك عندك ونام فالاوضة الى جمبى دى وبلاش دوشة ياواد انت
انا تعبانة من الفرح وعندى صداع

يوسف: لا ماهو انا همشيلك الصداع والله

ريهام: والنبى ! برئ اوى يا واد !
امشى ياعم من هنا

يوسف: افتحى ياريهام .. هيبقى شكلى وحش
ترضى جوزك يبقى شكله منيل كده يوم فرحه!

ريهام: ماليش دعوة يابابا ... ويلا بقى بيتك بيتك بيتك

يوسف: بيتك! انتى بتنيمى كتكوت!
مممممم ماشى يابنت صبرى

قعد يفكر فالصالة ويلف حوالين نفسه زى الديب ..وبعدين جاتله فكره!

راح الاوضة الى جمب اوضة النوم ولف من البلكونات ...قام شافو واحد من ولاد اعمامه السهرانين تحت البيت

ابن عمه: ايه ياعريس! بتعمل ايه  ؟

يوسف: (ضحك ضحكة كسوف واحد مقفوش ) هيهيهيهي لا انا بقيس المسافة بين الاوضتين عشان لو حبيت اعدى كده بدل م الف من جوه

ابن عمه: لا والله !! طيب

يوسف: ياعم غور الله يحرق قعدتك قوم روح ياض

نزل يوسف ودخل البلكونه وفجأة لاقته فوشها وهى بتغير !

ريهام: ياماما!!

يوسف: هيهيهيهي ماما فالمحلة ياحبيبة ماما

ريهام: انت جيت هنا ازاى

يوسف: عشان تعرفى مش يوسف الى يتعمل معاه كده ياشابه

ريهام: طب اطلع برة

يوسف: هو احنا هنقضى ام الليلة اطلع برة اطلع برة
مافيش تعالى اقعد جمبى

ريهام: لا مافيش!

يوسف: عالعموم براحتك .. انا خارج
بس لو لاقيتى حاجة كده ولا كده ..متناديش عليا

(بيفتح الباب)

ريهام: (اتوترت) حاجة زى ايه ؟

يوسف: يعنى ..عقربة ، تعبان
خفاش
سلعوة

ريهام: يالهوى !! هو فيه عندكم الحجات دى

يوسف: ده احنا عندنا ام الحجات دى ..انا خارج بقى

ريهام: (جريت فحضنه بخوف) لالالالالالالا يايوسف متسبنيش

يوسف: (ضحك وقفل الباب) م قولنا كده من الصبح
ايـــــــــوة بقى
<3 <3
=====================

وتانى يوم ... رجعت رقية ومحمود وخلود
لبلدهم خلاص بعد فرح ريهام ويوسف اخيرآ

خدت اول يوم راحة رقية وبعد كده نزلت المستشفى الى فيها التكليف بتاعها لسنة الامتياز

بسلطة اخوها  وخال محمود قدرو يجيب واسطة ليها يبقى تكليفها فمستشفى فبلد جوزها

وهى قاعدة فتروما من ترومات الكشف والاستقبال فالمستشفى

داخت فسندت راسها عالمكتب

جت دكتورة زميلتها وشافتها ..

زميلتها: مالك يا دكتورة رقية ؟

رقية: لا ابدآ حاسة انى مرهقة اوى ومصدعة

زميلتها: مممم طب ايه مجهدة ولا حاجة

رقية: اه كنت مسافرة يومين ومرتاحتش اوى امبارح
كانت ورايا حجات كتير فالبيت

زميلتها: طيب قومى اكشف عليكى

رقية: تكشفى ايه بس انا مرهقة وخلاص

زميلتها: قومى يادكتورة ده مجرد تشيك بسيط
ونطمن عليكى

رقية: يوووه لازم تتعبينى

زميلتها: قومى بس

===========================

داخل محمود من برة ... لاقاها محضرة اكل ريحته تحفة وجايبة لبرة البيت

محمود: (دخل عليها المطبخ وحضنها وهى مدياله ضهرها)
الله الله ايه الريحة دى
لا انا مش هستنى

رقية: هو خلاص قرب يستوى (حطتله حته خياره فبوقه)

محمود: بس قوليلى انتى محلوة ليه انهاردة (باسها فشعرها من ورا)

رقية: يمكن عشان جايلنا ضيف

محمود: ايه عمر وخلود جايين عالغدا ولا ايه
ولا ماما

رقية: مش دول ومش ماما

محمود: اومال ؟؟

رقية لفت وحضنته وبقى وشها فوشه

رقية: فيه حاجة صغنونة اد كده .. جاية تقولك يابابى

محمود علامات الاندهاش ع وشه والفرحة وفتح بوقه !

محمود: ايه !! بجد
وحياة ربنا
انتى حامل يا روكا !

رقية: (هزت راسها يعنى اه

محمود: بحبك بحبك بحبك (شالها ولف بيها)

رقية: اااااااه بس يامحمود عشان البيبى

محمود: يارب تكون بنت ..وتبقى قمر زى مامتها
ويكون عندى قمرين فالبيت

رقية: لا بقى يارب ولد وياخد الدقن الحلوة الى بموت فيها دى ( باسته فدقنه)
الى وقعتنى فيه من اول نظرة

محمود: لا مش الدقن الى وقعتك .. ده الحلم
جنتنا هتكتمل خلاص يا روكا ^_^

رقية: ايوة .. يارب بس ييجى بالسلامة البيبى ونفرح بيه
انا مرضتش اقول لمامتى ولا لماما سعاد غير لما تعرف انت الاول

محمود: طبعآ انا بابى لازم اعرف الاول ... بس كنت عايز اقولك ع حاجة قبل م كل دول يعرفو (طفى البوتو جاز)

رقية: طفيت ليه الاكل هيبوظ

محمود: مانا هقولك (شالها ع دراعه)
فيه موضوع لازم نحسمه انهاردة

رقية: يامحمود نزلنى ههههههههه

محمود: لا نخلص الموضوع الاول

==============================

وعدو شهووووووور كتير ..

" بقولك ايه ؟ ده احلى ولا الطقم التانى ؟

يوسف: (قاعد حاطط ايده ع خده) لا ده
واخلصى عشان معاد القطر قرب
خلاص

ريهام: ايوة ايوة .. بس اانا عايزة احلى شكل ليا

يوسف: احلى شكل عشان تعجبى مين انا مش فاهم

ريهام: مش اعجب ..انا بحب ابقى امورة ع طول

يوسف: انتى ياحجة ! انتى مش ست وزوجه
وكلها شهر وتبقى ام
نخلص عشان كل الاطقم شبه بعض عليكى

ريهام: طب استنى استنى ..اجرب ده

يوسف: والله ياريهام لو طلعتى عفاريتى ..هلغى ام السفرية دى

ريهام: لالا خلاص خلاص
استقريت ع ده
ده انا مصدقت توافق
انا شم عارفة انام من امبارح

دخلت عبير عليهم هى واولادها

عبير: ازيك يا ريهام(بتبوسها) خارجين ولا ايه

يوسف: لا مسافرين

عبير: فين

ريهام: هو يومين وراجعين ..اصل اتفقنا احنا واصحابنا
نقابل بعض كلنا
ده احنا بقالنا كتير مش شوفنا بعض

عبير: تروحو وتيجو بالسلامة ... بس ياريهام لتولدى هناك ياخيتى

ريهام: لالالا انا لسه فاول التامن..يعنى لسه بدرى

يوسف: ياصبر ايوب ..شكلى انا الى هولد

ريهام: خلاص خلصت اهو

عبير : تروحو وتيجو بالسلامة .. رحلة سعيدة
وهتشوفوهم دلوك ؟

يوسف: لا انا حجزت فقطر بليل عشان نوصل الصبح عندهم

ريهام: يااااااااااااه اخيرآ هشوف روكا وجوجو

يوسف: طب يلا ياختى

==================

الصبح بقى

كانت فيه بوسة جميله بتنطبع ع وش رقية تصحيها

محمود: صباااااااااح الخييييييير

رقية: صباح النور

محمود: يلا قومى وفوقى وجهزى نفسك ..عشان لسه يوسف مكلمنى وقربو يوصلو

رقية: حااااضر اقوم انا احضر الفطار

محمود : الفطار جاهز وكل حاجة ياقمر (حط الفطار عالسرير)

رقية: كمان عالسرير؟

محمود: هو انا عندى كام روكا حبيبة قلبى
واكم ماريا حبيبة بابا

رقية: (باسته فخده) ربنا يخليك لينا ياحبيبى

محمود: ويخليكو ليا ياحبيبتى

اكلت رقية ولبس محمود وقامت جهزت هى ف 10 دقايق
وكان هو بيربط الكرافت فبص فالمراية لقى رقية مش عارفة تلبس الكونفرس!

راح ميل تحت رجلها واخده يلبسهولها

محمود: ينفع كده الازعاج الى انتى عاملاه لماريا ده ؟ ينفع

رقية: محبتش اتعبك ياحبيبى

لبسها الكونفرس ونزلو اخدو خلود الى ساكنه تحتهم وطلع العربية من الجراج
وانطلقووووووو


=================

جهاد: فينكم ياابله ام سحلول انا والراجل مستنين من الصبح

ريهام: خلاص قربنا ننزل المحطة و10 دقايق وتلاقينا عندك ..قوليلى روكا وصلت

جهاد: لسه مكلمانى بتقول انها قربت توصل هى وخلود

وصلت ريهام وراحت للكافيه الى فيه جهاد وجوزها ونجوى
وسلم يوسف عليهم

وشوية ووصل محمود ورقية وخلود

بعد السلامات والترحيب والاحضان ، الشباب اخدو بعض وسابو البنات مع بعض

ريهام: واحشنى يابنات واحشنى اوى والله

رقية: انتى كمان ياريهام ..متعرفيش كانت فكرة حلوة اوى منك

جهاد: ماهى من زمان مبدعانا بأفكارها، وعاملة ايه ياخلود
ماشاء الله
ماشاء الله
فالكام دلوك ؟

خلود: فالسابع

ريهام: انا سبقاكى بشهر ياخوخة

رقية: وانا سبقاكم انتو الاتنين ..طبعآ اول واحدة تزوجت

ريهام: وانتى يا جوجو مافيش حاجة فالطريق

جهاد: والله لسه ربنا أذنش..وبعدين دى (بتشاور ع نجوى) عايزالها رعاية 30 ام مش وحدى
ده غير ابوها شابط فديلى كأنى خلفته ونسيته

حلود: وهى لسه مبتتكلمش بردو

جهاد: والله احناماشيين بالعلاج وبيقولو ربنا يسهل ..بس والله م مصبرنى ع ابوها غيرها هى

ريهام: حرام عليكى الراجل شكله ابن حلال..تلاقيكى انتى الى بتعضيه

جهاد: بس انتى عشان مغزكيش بالسكينة دى فبطنك اولدك دلوك

رقية: الدكتور خلاص اكدلك انه ولد ياريمو ؟

ريهام: اه الحمدلله

رقية: محمود مش عايزنى اعمل سونار خالص
بس هو نفسه فبنوتة

ريهام: بس حلووى اسم ماريا الى مختاره ده

جهاد: ايه يابوى !! ماريا
ده اسم نصارى

رقية: مسلمين كمان ..مارايا القبطية كانت زوجة الرسول

جهاد: وانتى ياخلود (مصمت شفايفها) حامل فكرستين
ولا جرجس

خلود: هههههههههه لا انا الدكتورة قالتلى بت ان شاء الله
بس لسه مختارناش اسامى لما تقرب الولادة

جهاد: واه واه ! بتتكلمى بحراوى ياخلود ونستى لهجتك

ريهام: عشان انتى بجم ولسه محتفظة بكلامك القفل مش ببتقدمى ابدآ

خلود: ماهو عمر واهلة بيتكلموش صعيدى وع طول نسافر هنا وهنا
فاتعلمت
وبقت بنطقه وحدى

رقية: مبسوطة فالجواز يا جوجو ؟

جهاد: هقول ايه .عادى
المدرسة
والبت نجوى
وابوها
يعنى
كويسة الحمدلله

رهام: بس ياخلود عينى عليكى باردة ..بقيتى قمر بعد الجواز
حتى الحمل محليكى

خلود: عمر طيب وحنين ..وامه ست محترمة وطيبة
وبتحبنى اوى
وهو مبيعزش عنى حاجة
انا بحبه اكتر من نفسى

رقية: اه بجد..جماعة اهل محمود محترمين جدآ وناس كويسة ومامته دى
مش تحسيها حمى ابدآآ

ريهام: مممممم انا يعنى سعات مامت يوسف بتبقى حمى عليا
وكده بس انا بظبطها
المشكلة بقى فيوسف

رقية: ليه ؟

ريهام: ع طول تحكمات ..مش بسافر لاهلى غير بالعافية ويدوب يومين وييجى ياخدنى
الفيس ممنوع
خروج لوحدى ممنوع ..لازم يكون معايا

رقم موبايلى مش اى حد ياخده
حتى تعاملاتى مع اهله وخصوصآ الشباب بحذر شديييد اوى
بجد خانقنى!

جهاد: طب م الراجل عداه العيب يامرار..اومال عايزاه يفلت عيارك
انتى ينفعكيش غير يوسف
كنتى عايزة الى يخرجك وتكلمى ديتى وتتسرمحى ع كيف كيفك
جالك الجواز يلمك

رقية: يا ريمو البنت بعد الجواز مالهاش غير جوزها واولادها

ريهام: ده حتى انى انزل انهاردة اسلم ع اصحابى فالجريدة مافيش

خلود: ماهو بيحبك وبيغير عليكى يا ريهام (وشها تعب مرة واحدة)

رقية: مالك ياخوخة

خلود: معرفش فيه خبط فضهرى من الصبح بس بتحمله

رقية: وانا كمان .. بس يمكن من الطريق

ريهام: لا بقولكم ايه انا بتعدى اول م حد يشكى بحاجة بحس زيه
لسه شايفه فيلم اجنبى
الستات كلهم حوامل زينا كده
ولما واحدة فيهم ولدت
التانيين اتعدو منها وولدو قصادها!

جهاد:ههههههههههه تبقى حتة نكته (نجوى ع رجلها وبتاكل شيكولا وسخت لها الطرحة )

بردو كدى
بردو كدى
قومى ..
شالتها وراحت بيها الحمام ..غسلت ايدها ووشها
وعدلت طرحتها

شوية وجه الوايتر

الوايتر: يامدام لو سمحتى .. المدامات الى معاكى
بيصرخو برة !

جهاد: ايا !!

====================

محمود: بس ياسيدى .. فاصلا قولت ارميله حكاية تشطيب الشالية دى هدية منى كعضمة يتلهى فيها

قصاد بقى مانا اكسب منه الناحية التانية فتشطيب الشقتين

يوسف: لا بتاع طوب ودارس يعنى ههههههههههه

ابونجوى: وع كده بتاخد فتشطيب الفيلا اد ايه يابشمهندس؟

محمود: ع حسب يعنى مساحتها عدد الطوابق والاوض
كده

ابونجوى: طب يعنى لو عايز اجدد نظام شقتى

محمود: لا دى متخصص فيها مهندس ديكور يااستاذ اسامة
مش مهندس معمارى

يوسف فونه رن

يوسف: الووو

جهاد: الحق مرتك ومرت محمود ومرت اخو محمود بيولدو باين
الحقووووووونى

يوسف: ايه !!(قام مخضوض)

محمود: فيه ايه ؟؟

ابونجوى: خير

يوسف: مراتى ومراتك ومرات اخوك ومراته وال 99 ست الى احنا متجوزينهم بيولدو سوا

محمود: يانهار ابيض .. فين
ف انهى مستشفى !

===============

وصلو ال 3 ع المستشفى زى م قالت جهاد لاقو جهاد واقفة برة

محمود: ايه ياجهاد ..بجد بيولدو ال 3

جهاد: بص هما كانو تعبانين ..ومرة واحدة دخلت الحمام طلعت
لاقيتهم قالبين المكان صريخ
وقالبين التربيزة ومرتك بتعض فالمفرش
وخلود مرمية عالارض
ومرار طافح

يوسف: يادى النيلة .. انا معرفش اتصرف وحدى هكلم امها تجيلى

ابونجوى: متقلقوش سليمة ان شاء الله

محمود : لو سمحتى

النيرس: ايوة

محمود: ال 3 مدامات الى جم دلوقتى من الكافية كلهم بيولدو ؟؟

النيرس: ااااه لا هى الى فالسابع دى الى حالتها صعبة ودخلت العمليات فعلا

لكن ال 2 التانيين بيجهزوهم وشكلهم خلاص هيدخلو العمليات بردو لان تقريبآ البيبهات مستعدين للنزول

محمود: استر يارب

يوسف: كلم عمر انت ييجى يشوف مراته

جهاد: هههههههههههههه

يوسف: بتضحكى ع ايه يا غلب !

جهاد: اصل بصراحة موقف يضحك هههههههههههه ال 3
والله لو فيلم اقول سينما اونطا
وهاتو فلوسنا ومصدقش هههههههههههههه


يوسف: عقبالك ياختى ونقطينا بسكاتك والنبى

وبعد ساعتين !

جه عمر ومامته معاه وكانت مامة رقية وصلت هى ومرات ياسين
اما مامت ريهام جت ومعاها اخت ريهام الصغيرة

محمود بيروح وييجى متوتر

يوسف: م تقعد فحتة ياعم الاسطى ! خيالتنا

محمود: لا اتأخرو ..اتأخرو اوى

خرجت النيرس

النيرس: مبروك

جريو كلهم عليها

محمود: مراتى ولدت

النيرس: هى مرات حضرتك الى فالسابع ؟؟

عمر: لالا دى مراتى انا ..مدام خلود

النيرس: ولدت ماشاء الله بنوتة بس هى فالحضانة

عمر: طب وهى

النيرس: نقلناها 507.الف مبروك

محمود: لو سمحتى وال 2 التانين ؟

النيرس: معرفش ..بس لما يولدو هيبلغوكم

شوية وخرجت نيرس تانية

النيرس: المدمات ال 2 وادو ماشاء الله

يوسف: مراتى انا فين

النيرس: فيه مدام ولدت ولد ف 501 ومدام ولدت تؤام بنتين
ف 504

محمود: يامنت كريم يارب (نزل سجد عالارض)

يوسف: يبقى مراتك انت الى جابت البنات عشان ريهام كانت حامل فولد

الامهات : طب يلا نروحلهم

دخل يوسف اوضه ومحمود اوضه ..5 دقايق وطلعو مع بعض
وبدلو الاوض

عند عمر وخلود ..

عمر: مبروك ياخلود وحمدلله ع سلامتك
كده البنوتة دى مستعجلة تيجى بالسلامة كده
وتتعبك

الام: هتسميها ايه ياعمر

عمر: سعاد ياامى اسمك

الام: الف مبروك ياحبيبى وتتربى فعزك (باست عمر وباست خلود)

اروح اتطمن ع مرات اخوك

عند محمود...

محمود: (بيبوس دماغها بس هى تعبانة) حمدلله ع سلامة قمرى
شوفتى المفجأة

رقية: (بتتكلم بصعوبة) ايه

محمود: ولد مش بنوتة ..مطلعتش ماريا يا روكا

رقية: هههههه ماانت مرضتش اعمل سونار ياا حبيبى

محمود: ارتاحى انتى ومتجهديش نفسك (شايل البيبى ) ياتى بطة
ياتى قمره
واخد دقن بابا ياروح بابا

دخلت مامته

الام: حمدلله ع سلامتك يارقية ، (بتبص لمامة رقية الى قاعدة جمبها) حمدلله ع سلامتها ياام ياسين

ام ياسين: الحمدلله يا ام عمر ..الولد زى القمر

الام: الله اكبر! ولد!
اخوك سمى سعاد يا محمود
وانت ؟؟

محمود: لاانا كنت مختار اسم البنت ..بس ولد مافيش حاجة فدماغى

رقية: (بصوت مبحوووح) انا بحب اسم آدم
نسمية آدم

محمود: وهو كذلك ياام آدم ..بصى كده اخد دقن بابا محمود ازاى

بتبص رقية عليه وبتضحك

محمود: هههههههه اما اروح اشوف ابو البنات

رقية: مين ؟؟

محمود: يوسف هههه ريهام ولدت بنتين تؤام

رقية: مااشاء الله ..اتطمن عليها والنبى يامحمود

محمود: حاضر ياعمرى

محمود طالع وراح ليوسف ..

يوسف: بنتين !! بنتين ازاى
ازاااااااااااااااى

جهاد: متحمد ربك يافقرى انت ايا دى

مامت ريهام: يابنى احمده ع كل الى يجيبه

يوسف: ونعم بالله ..بس الدكتور ابن الجاموسة قايللى ولد
سألته قدامك يوقلى ولد يافندم

يطلعو بنتين لا لالالالالالالالالالالالالا

ريهام: (بصاله ومتدايقه) ومالهم البنات يايوسف

يوسف: عليا الطلاق اروح اولعله فعيادته
وارش فبوقه مبيد حشرى
عاااااااااا
بنتين

محمود داخل وهو بيضحك

محمود: يابنى بوس مراتك والف مبروك دى هدية من ربنا ..طب والله فرحت لما افتكرت ان رقية هى الى ولدت بنتين

يوسف: اه طبعآ مش جالك الولد ياخويا ..مالك انت

ريهام: ماهو محمود صعيدى زيك وكان نفسه فبنت عادى
انت مكبر الموضوع ليه

يوسف: (ماسك البنات) 2 ريهام
يعنى مش كفاية قرفانين من واحدة
بقو 3
3 ريهام
اهئ اهئ حكمتك ياااارب

مامت ريهام: والنبى رزق البنات ورا الباب..وحمدلله ع سلامتك يابنتى يتربو فعزكم

اخت ريهام: هتسميهم ايه ياابيه؟

يوسف: سيبى ابيه فحااااااااااااااله  :/ :/

اخت ريهام: انا عندى فكرة ..نسمى واحدة ايتن
وواحدة ايسل

جهاد: بقولك ايه يا اخت العقربة الكبيرة .. مع احترامى ليكى ياخالتى
بلا ايتن
بلا بن تن
مش افرم كارتون هى

يوسف: هسميهم ايه ياعمو ..حااااااضر
هسمى واحدى عنبة وواحدة بلحة
وادور اسرح بيهم فسوق العبور

محمود: ههههههههههههه يا واد يخربيتك والله حرام عليك
بناتك زى القمر

ريهام: (بتقوم بالعافية) طب ايه رأيك
مش محمود كان هيسمى ماريا
وربنا اداله ولد
خلاص عن اذنك يامحمود
انا هاخد الاسم منك
وهسميهم انا حبايب ماما

هسمى ماريا ..ووخديجة

مامت ريهام: والله اسمين حلوين

جهاد: حلو كملت ..يحيا الهلال مع الصليب ههههههههههه

يوسف: ماريا وخديجة !

ريهام: اه وربنا يخليهم ونطلع عنيك !

يوسف: م كفاية انتى ..كمان هما
(مسكهم وحضنهم)

حبايب بابا الى هيخربو بيت بابا ويمشو عريان فالشارع

ريهام: هههههههههه ايوة كده افرح بيهم

محمود: الرسول قال خيركم من بكر بالانثى ودول 2
شوفت انت محظوظ ازاى

يوسف: طبعآ محظووووووووووظ وسعيد وفرحان

ريهام: مبروك بنناتنا ياعمرى المهبب

يوسف: حمدلله ع سلامتك ياقدرى الاسود


بصو بقى عايزين حبة منكم يطلعو يحضرو السبوع فقنا وحبة ع بنى سويف

عشان بعد السبوع معزموووووووومين كلنأ ع فرح عبدالرحمن وسهيلة وناخد كلنا صورة سوا.. بس هيبقى منظر يضحك ويوسف واقف ورا عبد وعروسته
وشايل البنتين

;)

وبكده خلصت حدوتنا للقصاقيص، وتوتة توتة خلصت حكاية كل قصقوصة

نتقابل فحدوتة جديدة قريب
ان شاءالله
دمتم سالمين :)

#نوراسماعيل

#قصاقيص_ورق

((((((((((((النهاية )))))))))))