❄❄❄❄❄❄❄❄❄❄❄❄❄
الساعة 6.30صباحآ..
المنبة رن ..ايد مى بتتمد من فوق وسام ،كأنها بتعبر المانش فى معاناه!
قفلت المنبة ..وابتدت مناهدة كل يوم
مى: ويسو ...وساااام ، اصحى يلا
وسام: (نايم خالص وعين مفتوحه وعين مقفولة) الساعة كام ؟؟
مى: يلا حبيبى عشان تلحق شغلك، قوووووووووووم(بتزقه من عالسرير)
وسام: يامى والله م لحقت انام، انا يدوب صليت الفجر وقولت الاذكار ونمت يمكن 10دقايق
مى: (بتنط من فوقه عالارض) كل يوم نفس الحوار والموال ..خلاص قوم بقى يا ويسو يا كسلااااان
هروح اشوف البت بتول صحيت ولا كسلانة زى الاستاذ باباها
ولما ارجع الاقيك قمت من السرير
وسام: طب هاتى أطة عشان احس انى صحيت
ميلت مى وباسته..
وسام: لالا مش فخدى انتى بتخومى
مى: اهو (باسته) يلا بقى
قام وسام من النوم وهو بيردد
"اصبحنا واصبح الملك والحمدلله وحده لا شريك له "
مى راحت لاوضة بتول لاقتها بتطفى المنبة بتاعها ..خبطت عليها
بتول: تعالى يا مامى
مى: جود مورنينج توتا حبيبة مامى
بتول: جود مورنينج مامى..انا صحيت خلاص
مى: طيب يلا فوقى وانا هجهزلك الفطار بسرعة .متفقون!
بتول: هههه متفكون
وسام صحى وفوق ، ودخل ورا مى وهى بتحضر الفطار حضنها وباسها بوسه حنونة فشعرها
مى: حبيب الهارت..زباح الفووول
وسام: زباح! هههه زباح الخير يا مشمشتى..فين بتول؟
مى: بتول زمانها بتلبس عشان المدرسة ،مش هتصالحها بقى؟
وسام: انا مزعلتهاش يامى هى الى زعلت وانتى عارفة بنتك ..نسخه منك فالقمص وانها تاخد جنب
ماشاء الله نسخه مصغرة
مى: لا بقى انت زعلتها..متقعدش تقولها كفاية لعب عالايباد
ومش بتعملى الهوم ورك اد م بتلعبى عالوى ..وهى اصلا نسخه منك انت مش منى..بتقسم وقتها مابين الهوم وورك واللعب
ولا احسن دكتورة فالجامعة،عبقرية زمانها زى باباها
وسام: ممممم يعنى انتى شايفة انى انا الغلطان
مى: ايون وبدون نقاش روح صالحها لانى خلصت الفطار ويلا عشان نفطر كلنا سوا
مشى وسام وخبط خبطة خفيفة ع باب اوضة بتول
بتول: ادخل
وسام: (بيبص من جنب الباب بحب وابتسامة ) ادخل ولا لسه زعلانة؟
بتول: بابى ! (كشرت تكشيرة زى البيبهات وكملت ترتيب شنطتها )
وسام: لا ده انتى زعلانة خالص مالص بقى
بتول: ايوة خالص مالص جدآ كمان..بابى انت يتزعق كتير كتير ليا
وسام: حبيبى انا مزعقتش..اللعب الكتير يتعب عنيكى وانا بقولك كده عشان تنامى شوية وتصحى الصبح للمدرسة فايقة
بتول: خلاص يابابى انا موش زعلانة ..بث انا بعرف امتى العب امتى انام وكتا
وانا مث بقيت ثغيرة خلاص يابابى انا ف كى جى 2وبعدين انت فتحت الباب وانا بألعب مرة واحدة من غير م تخبط الاول
مث دى حركات نوتى ؟
وسام: اوك ياستى وانا هتعامل معاكى ع انك انوسة كبيرة ومادموازيل امورة
ومش بقيتى صغيرة ياست توتاومش هعمل حركات نوتى تانى.. والله المستعان
بتول: (ابتسمت وحضنته) والله المثتعان يا ويسو
مى من برة
مى: يلااااااااااا الفطار جاهز عايزة الحق اأنتخ شوية قبل م اروح الاتيليه
اتجمعو كلهم عالسفرا .. ومن هزارية من وسام لبتول وهو بياخد من قدامها الدونتس بتاعها
وهى تضحك، لتبديل فناجين الشاى بواسطة مى الى مش هتكبر ابدآ
بين بتاعها الزيادة سكر..وبتاع وسام الى من غير سكر
واكتشاف المقلب وضحكة بتطلع عالية من بتول ..لغاية سماع صوت كلكس الباص بتاع مدرسة بتول
ونزولها عالمدرسة..
وسام: مشمش مش عايزة حاجة انا نازل..
مى: دخلت تنام تانى) لا يا حبيكو سلامتك
وسام: سلام يا حبيبتى
نزل وسام وراح شغله ...ومى رجعت تنام تانى
♡♡♡♡♡♡♡♡♡♡♡♡♡♡♡♡♡
"يابنتى متخافيش ..كل حاجة هتبقى تمام
ظبطتى انتى نفسك وامورك ومتخافيش وراكى راجل"
مى:ربنا يخليكى ليا يا مونى ..بصى انا عملت نفسى هنام لحد م هما نزلو
وناو هبتدى بقى عشان الحق
امنسة: ماشى اوك ولو عايزة اى مساعدة انا فالخدمة ماشى
مى: لالا متخافيش هروشك معايا انهاردة بس انتى خليكى ع موبايل
امنية: ماشى يا ميوش
مى : (قفلت المكالمة) ممممم ونبدء بسم الله، استعنا بالله عالشقى
وفتحت دولاب لبسها..
♡♡♡♡♡♡♡♡♡♡♡♡♡♡♡♡♡
"ثباح الخير يا بتول "
بتول بتدخل الديسك وقعدت ..
بتول: ثباح الخير يا صهيب..عامل ايه
صهيب: الحمدلله كويس انا
بتول: مامتك الى كانت بتوسلك دى ؟
صهيب: ايوة
بتول: تيب وهى ليه مش بتخليك تيجى معانا فالباص ؟
صهيب: عسان مامى لسه نقلانى جديد للمدرسة دى ومش عملت كل الورق عسان بتسافر كتير
بس قالتلى انها هتسترك فالباص قريب..ولما تسترك هبقى اقعد جمبك
بتول: (ابتسمت ابتسامة خفيفة) اوك متفقكون !
صهيب: ايه متفكون دى ؟
بتول: بص هفهمك يابنى اثل انت مش فاهم..مامى وبابى وانا لما نيجى نتفق ع حاكة كلنا سوا
نقول متفكون
وانا هعلمهالك..ماثى
صهيب: ايوا ماثى متفقكون ههههه
بتول: هههههههه
♡♡♡♡♡♡♡♡♡♡♡♡♡♡♡♡♡
"القرع لما استوى قال للخيار ..يا لوبيا "
وسام: انت ياعم يابتاع الخيار
شريف: نعم يا اوختشى
وسام: اربط حمارك هنا الله يرضى عليك عايزين نشتغل
شريف: ياعم انا بدندن مع نفسى ..حد كلمك!
وسام: صوتك وحش واغنية وحشة ..سيب الدندنة لناسها
عدى واحد زملهم ماسك مج نسكافيه فايدة وبيطبطب ع كتف شريف وهو بيغنى ويردد
"ماسك الهوا بأديا..ماسك الهوا..واه من الهوا يا حبيبى
اه من الهوا"
شريف: طب شكرآ ع الحبتين دول هنقدملك ف ارب ايدول السنة الجاية ..يلا ع مكتبك مش ناقصين الدبان يتلم عالصبح
زميله: ههههه بطل غيره وحقد.. (سابه ومشى)
شريف: (لف بكرسية ناحية م مشى زميله) غيرة وحقد ايه ياض..الى يسمع كده يقول المطرب الكبير محمد رشدى قاعد معانا هنا فقلب الشركة
ويسو..ولا يا وسام..وسام يا سنكرى
وسام: (مرز فشغله) نعم ..نعم!
شريف: ياض بتشخط ليه ياض لاديهالك عالصبح
وسام: يابنى مبتشبعش رغى بشتغل عايز ايه
شريف: اه طبعآ مش خلاص هنرقى ونبقى سوبر فايزر..ليك حق تشوف نفسك ع اصحابك وعشرة عمرك(مثل انه بيعيط)
وسام: ههههه متخافش مش هنساك اول م امسك سوبر فايزر انت اول واحد هخصمله
شريف: يدوم العز يابن الاصووووول
وسام: هههههههههه
شريف: اسكت ياض مش امبارح سهرت حتة سهراية مع البت امنية
وسام: (بيشتغل) سهرتو فين؟
شريف: (قرب بكرسيه ناحيته) سهرنا فحته مطعم ياسلاام كان هيبيعنى هدومى ع حتة عشوة
بس بصراحة كانت قاعدة تمام التمام يا معلمى
وسام: كنت مبسوط يعنى ؟
شريف: بقولك كنت هرهن الشراب الى لابسه ،ده انت دفعت دم وشرايين قلبى ياراجل
وسام: طب م تلم الليلة،وبدل المصاريف والبعزقه..م تخلص وجدد عرضك ليها فالجواز
شريف: يعنى تفتكر تكون راحت ع اخوك دى.. وبعدين ابنها بيموت فيا مش هكون له جوز ام يعنى وشغل افلام زمان ده وهى عارفة كده
وسام: وكان ردها ايه؟؟
شريف: الرفض طبعآ..
وسام: ليه مش بتقول انكم تمام مع بعض
شريف: صحاب ياسيدى...صحاب وبس، لكن جواز لا
يع..مينفعش
وسام: ممم وايه مبرردها فكده
شريف: ماليش امان ومبقتش تثق فيا ولا تستأمنى ع نفسها
وسام: عايز الصراحة..عندها حق
شريف: ياجدعان انتو محسسينى انى رئيس القوى العاملة فشقط الحريم
وسام: شقط الحريم! جاتك نيلة فالفاظك يا حمار
شريف: انا خلاص ياعم وسام بقت حاجة تانية..وهى مش مصدقة
اعملها ايه عشان تصدق
وسام: طب عينى فعينك ياض كده .. انت عايز تتجوز وربنا يهديك وتتلم فبيت وكده زى الناس العاديين؟
شريف: (بيستهبل) اهو! بس يعنى ميضرش لو حاجة تفاريح كل 6 شهور
وسام: يبقى هى عندها حق
شريف: طب ياعم خليك انت فصف كل الناس عليا..وهى براحتها
وسام: مش قصة ببقى مع الناس عليك..افهم
انا عايزك تتغير..عندك 35 سنة ولسه دماغك اصغر من بتول بنتى
شريف: يااخ وسام الحياة بتاعت من البيت للشغل وفسحه كل 4 شهور
وخلفة وزهق مش سكتى
وسام: اومال بتعرض عليها الجواز ليه ياض؟ انت معقد يلا ولا حكايتك ايه
شريف: ههههه مش عارف اصل البت امنية الوحيدة الى فهمتنى وعجنانى وخبزانى واستحملتى كتير بصراحة
والوحيدة الى تعرف تلمنى
وسام: هههههه حلوة تلمنى دى
شريف: اه والله ..هى مش موافقة ..يبقى يا هى يا مافيش
وسام: مممممم ربنا يهديلك الاحوال ..عالعموم محدش ضامن حاجة
لو بايدك حاجة دلوقت اعملها قبل م تندم..نصيحه من صاحب عمرك
شريف: ربك كريم ..انا هروح ع مكتبى ليعدى الاستاذ فرحات يروح يعمل فرح فودنى من كلام منيل وخصم وبتاع
وسام: ههههه طب روح ليعمل لينا احنا الاتنين فرح فودانا
♡♡♡♡♡♡♡♡♡♡♡♡♡♡♡♡♡
صوت سيشوارات.. وستات بترغى كتييير
عملة بالكوافير: وده بقى عيد جواز يا مدام مى ولا ايه
مى: تؤ تؤ ، انا مبحبش الجو التقليدى ده خااالص مالص نيفر
عاملة الكوافير: اومال؟
مى: بصى انا بحتفل بذكرى خاصة كده ..معتقدش ف حد عملها قبلى
حتى جوزى مش واخد باله منها ..لكن انا بقى كنت مدكناها للوقت المناسب
عاملة الكوافير: طيب وهو انتى اول مرة تحتفلى بيها الذكرى دى
مى: اها ..كتير فكرت فيها وكنت بأجلها
لكن بصراحة الحت عليا الفكرة بقالها فتر..انى اعملها، انتى عارفة مود شغلى وشغله ومبقيناش نقعد مع بعض كتير ولا نسهر برة
ولا نسافر الا فالمصيف وبالعافية بسبب دراسة بيتى وشغلنا
حبيت اطلع من المود واعمل جو جديد
عاملة الكوافير: تعيشى وتحتفلى وربنا يخليكو لبعض يارب
مى: بصى بقى لون جديد فشعرى ..وعايزة التاتو الى اختارته فالاماكن الى قولت عليها ومش عايزة أتاخر بلييييييز لسه ورايا حجات كتير
عاملة الكوافير: متقلقيش يافندم الصبغه جاهزة والبنات الى بتعمل تاتو موجودين ومنتظرينك بعد م اعملك شعرك
♡♡♡♡♡♡♡♡♡♡♡♡♡♡♡♡♡
"احتفال ايه الى مى عاملاه ده .. مش عارفين انى بقيت منفوخه نفخة الفسيخ فشم النسيم ومستنيه افرقع"
امنية: ههههههه وانتى هتتعبى ف ايه ، تاكس لبيت مى وتاكس يروحك للبيت، ولا ممدوح مش معاكى؟
غادة: ممدوح قاعد عند امه اليومين دول
امنية: هههههه غضبتى الراجل يا مفترية، سايبلك البيت وطفش عند مامته
غادة: طب وانا اعمل ايه يعنى ..بيعد عليا الاكل يا مونى
امنية: ههههههههه
غادة: بتضحكى ؟ طب انا فالتامن وبجوع كتير ..وبعدين ده مش ليا ده لابنه
بيقعد يقولى الاكل ده كله بيروح فين..تلات ارباع مرتبى رايح عالبسكويت والفواكه والشيكولاته
بيعد عليا الاكل ابن الورامة
امنية: وانتى سكتيله ؟؟
غادة: لا طبعآ ..اديت كلام بصراحة كنت عايزة جايزة عليه، اتفتحت فيه فاتحه م يعلم بيها الا ربنا
لم هدومة قال وسايبلك البيت ياغادة..طب ياخويا فستين سلامة
هضيع من بعدك
امنية: هههههههه المهم انجزى ..هتروحى حفلة مى ولالا؟
♡♡♡♡♡♡♡♡♡♡♡♡♡♡♡♡♡
فالبريك..
وسام: لا طبعآ لازم من وقت للتانى تحسسها انك فاكرها ومش ناسيها..عالاقل بمكالمة تشوف مالها
مسج..كده!وبلاش حجة الشغل واخدنى
م احنا فالبريك اهو
اكرم: انا مش بتاع مسج وهئ ومئ ..تعرف لما بعمل معاها كده بتقول ايه
وسام: ايه
اكرم: لخص يااكرم وجيب من الاخر عايز ايه
وسام: عشان انت معودتهاش ع كده يابنى من الاول
اكرم: اعود بقى وبتاع احنا تمام ياعم انا بتصل بيها لو عايزة حاجة اجيبها بعد الشغل ليها للبيت او العيال
وكان الله بالسر عليم
شريف: (بياكل حته بيتزا) جدع ياض يا اكرم الحريم لازم تتسك ع دماغها
وسام: فاهم حاجة ..انت؟خليك فأكلك
صلاح: انا بحب مراتى اوى ومش بعمل زى اكرم كده ...بالعكس حتى لو غلطت فحاجة مش برضى اواجهها
ده انا حتى فمرة كنت بايت عند ماما وبفتح الاكونت بتاعها صدفة عادى
لاقيتها فاتحه وكانت بتتكلم ..مع ان ده بليل متأخر خالص
شريف: (بتريقة) انت الى بايت عند امك!! وبعدين يابو المرجلة
صلاح: لاقيت زميلها فالشغل بيكلمها فحاجة تبع شغلهم..بس الشهادة لله مراتى كانت بتتكلم عادى
لكن هو كان بيتكلم بقلة ادب وبيلمح لحاجة مش مظبوطة يعنى
شريف: مش مظبوطة ازاى يعنى ؟؟
وسام: استنى يا شريف مش وقت هزار وبعدين انت عملت ايه
صلاح: انا قفلت الاكونت ومرضتش اقولها عالى شوفته وروحت تانى يوم عادى ولا كأن ف حاجة
شريف: بس !!
وسام كاتم الضحكة ...
صلاح: ايوة طبعآ مش لازم ابين لها انى بشك فيها ..وهى مغلطتش هو الى قليل الادب
شريف: لاحقيقى ! ده بجد ولا فوتو شوب
اكرم ووسام: ههههههههههه
شريف: الله عليك يا منبع الرجولة..لا امك خلفت راجل ياض، يابحر الغيرة يا برميل الحمشنة
ياجردل الفهلوة يابلاص الصياعة يا مقطف الحداقة يا كوز الجدعنة
الله يخربيتك الله يخربيتك الله يخربيتك
صلاح: انت بتتريق يا شريف ؟؟
شريف: لا دى قصيدة مصغرة من ابداء اعجابى بحمشنتك ..ايه الى ماشى يتوك ده
(بيسقف ع ايده باستهزاء)
وسام: هههههه بس ياشريف ، بص يا صلاح مينفعش يعنى تقفل الموضوع ع كده لازم تتكلم معاها ومش فيها حاجة لو قولتلها انك فتحت الاكونت بتاعها وقريت الشات
دى مراتك وده حقك عليها
صلاح: مينفعش يا وسام اعمل كده
شريف: ليه هتعلقك فالمروحه !
صلاح: لا هنتخاصم وانا مبحبش اخاصمها مبعرفش اصلا اقعد من غير م اكلمها
اكرم: طب انا هقوم عشان عندى مرارة واحدة
شريف: خدنى معاك وحياة ابوك
صلاح: هما قامو ليه ؟
وسام: (بيضحك من غير صوت) لا مافيش..
قام صلاح زميل وسام ..ووسام حس انه عايز يبعت لمى مسج
بعت وقال"
وحشتينى موووت .."
مى استلمت المسج وهى بتعمل التاتو
مى: ويسو حبيبى ب قى ياناس (بتبوس الفون)
البنت بتاعت التاتو : يا مدام متتحركيش
مى: يعنى جاتلى مسج وفرحتنى افتحها وانا صنم ؟؟
البنت: حضرتك لازم تفضلى ثابتة عشان الى بعمله مش يبوظ
مى: طيب خلصينى
♡♡♡♡♡♡♡♡♡♡♡♡♡♡♡♡♡
مى خلصت تظبيط فنفسها ، وراحت جابت الفستان بتاعها وبتاع بتو ل
ورجعت البيت
كانت بتول جت
بدأو تحضير فالشقه..زينة وحجات وكل شوية تتصل تتمم عالتورتة
وشوية وجم البنات صحابها ...غادة وامنية ..ومنة
منة: ع فكرة يا بت يا مى انتى مجنونة اوى .. يعنى ايه المناسبة الهايفة دى الى بتحتفلى بيها
دى الناس مش لاقية عيش تاكله
مى: مين الى جاية من مجاعة افريقيا دى (بتشاور عليها باستهزاء وهى بتكلم امنية)
منة: اه والله..يعنى الفلوس الى هتصرفيها دى ع حفلة وحجات وكلام فارغ بنتك اولى بيها
مى: منة ..منة بوتوجاااااز..هتقفلى الليلة ، يلا ياختى روحى لجوزك ولابنك
منة: الحق عليا
امنية: يا منة هى حبت تعمل كده كخروج عن المود ومافيش مناسبة حاليآ زى مثلا عيد ميلاد بتول او عيد جوزاهم فهى اخترعت المناسبة دى
مى: انا مخترعتش مناسبات ..انا فبالى الفكرة من زوومان بس كنت مأجلاها لحد م اعمل مبلغ كويس عشان نحتفل ونشكح انشكاحة تمام يعنى
غادة: (قاعدة عالكرسى ومبقلله من الحمل) ياستى مناسبة هايفة مناسبة قومية احلى حاجة اننا هناكل ونحلى ونبسط ..
امنية: مفجوعة يا غادة ع طول هههههه
مى: المهم انا هدخل البس بسرعة واظبط نفسى انا وتوتا واطلع تكونو انتو ساعدتو الناس دى فالتوضيب
امنية: اوكيشن يا موزتى ..اذهبى
♡♡♡♡♡♡♡♡♡♡♡♡♡♡♡♡♡
فالوقت ده ..كان وسام بيبص فساعته
شكله مرهق وعايز يروح
وسام: ممم لسه فاضل ساعة ونص عالشيفت، انا هستأذن
شريف: (كان بيشرب عصير وبخه فوشه مرة واحدة ) ايه!!! لا تستأذن ايه
وسام: الله يقرف شكلك يا معفن (بيمسح هدومة بمنديل)
شريف: اسف ياعم مش قصدى بس مافيش مرواح دلوقت
وسام: ليه يعنى ..مش قادر اقعد اصل منمتش كويس من امبارح
شريف: ياعم يعدو الساعة ونص دول وروح ...
وسام: وفيها ايه لما استأذن ؟؟
شريف: اصل ..اصل ...اقولك انت لو استأذنت دلوقت هضطر اروح انا كمان والبت المرووشة جارتى الجديدة هتعرف انى روحت وتقرفنى
وكده يعنى
وسام: (باصصله وحاسس ان كلامه مش متركب) وانا مالى بده كله..متروحش خليك انت
شريف: لا م احنا بيعة واحدة..يانعيش عيشة فل، يا نموت احنا الكل
وسام: ايه الكلام ده ...بتقرا فين ياض انت
شريف: م ع ضهر التكاتك ههههههه
وسام: تكاتك!! ياريتها كانت خلفت منك 10
شريف: كانو خربوها ياخويا ههههههههه
وسام: جتك خوت
♡♡♡♡♡♡♡♡♡♡♡♡♡♡♡♡♡
"اعااااااااااااا ..شريف باعت مسج ان وسام عايز يستأذن وييجى "
امنية: احنا خلاص خلصنا والناس جت اهى ..وانتى وتوتا زى القمر مش فاضل حاجة
خليه ييجى
بتول: يا تنت مونى مامى مث عايزة تجيب بابى كتا عاتى، هى هتعمله مفجأة
مى: ايون لازم اعمل مقلب الال..فين التاتش بتاعى
اومال ييجى كده عادى يدخل يلاقى حفلة..بنلعب احنا؟َ!
امنية: طب فكرى بسرعة فأى مقلب واخلصى لييجى فأى وقت
غادة: (قاعدة عالكرسى بتاكل ساليزون) ايوة شغلى عجلة الذكريات
منة: (خدت الطبق من غادة) خفى حش.. حرام الواد هتفطسيه قبل م ييجى
مى: وحياتك مش عجلة ذكريات ولا حاجة انا لحد ناو مش برحمهم منى
بتول: ثح مامى ع تول تعمل مقلب فبابى وبابى سعات يضربها وسعات يضحك
غادة: طب انجزى لبنتك تسيحلك اكتر من كده
مى بتفكر ودخلو من الباب بنوتة امورة وشيك ودخل وراها 3 شباب ماسكين جيتارات والات موسيقية..
غادة: ايه ده انتى عازمة الفرقة العربية ؟؟
مى: اعرفكم يا جماعة ...نهال جارتى فالعمارة هنا
وصاحبتى الجديدة..وصوتها حلو اوى عاملة فرقة هى واصحابها الشباب دول اسمها روش باند
وكمان بتدرب رقص تانجو ..وجاية عشان توجب معايا انهاردة هههههه
نهال: متقوليش كده ده انا هشخلعك قدام وسام متقلقيش خاالص
سلمو البنات والناس ع نهال ...شريف بعت مسج انه مش عارف يعطل وسام اكتر من كده
مى: ممممم المصيبة دماغى متعطلة
بتول: تب م نعمل انك شربتى السم زى سنووايت فالكارتون ونمتى من الساحرة الشريرة يامامى
امنية: ههههه قصدك انتحار يا بتول ..قديمة
غادة: يا حبيبتى امك هرست كل الافكار دى مع ابوكى..دول مسجلين خطر
مى: (طقت الفكرة) بس!! وجدتوها!
♡♡♡♡♡♡♡♡♡♡♡♡♡♡♡♡♡
"ايه!! طب خلى البواب يكلم سباك حالا وانا جاى اهو "
شريف: فيه ايه ؟؟
وسام: الحنفية ضربت فالحمام غرقت الدنيا ومى كالعادة مش عارفة تتصرف وبتقولى الدنيا اتبهدلت
شريف: طب م تقفل المحبس وتطلب سباك ياعم
وسام: وانا مش لازم اكون هناك..ولا توقف مع السباك لوحدها
شريف: لا حمش ياسبع الليل
وسام نزل واخد عربيته جرى للبيت..ومعاه شريف بيبلغ بتحركاتهم اول بأول لمى
ووصل ..ولحسن حظها البواب مش كان قاعد وبكده معرفش يسأله وسام
فطلع ع طول
وحانت اللحظة ..
بيفتح الباب...النور مطفى ومرة واحدة اتفتح
وكلهم قالو سوا
"سربراااااااااااااايز!!!
وسام وقف مذهول ع كمية الناس الى موجودين فالشقه وبيضحكو وزينة وحجات ...وشريف زقه جوه وهو بيهيص
راح لقى مى وبتول واقفين ومستنينه..
بتول: بابى... كل سنة وانت طيب
وسام: (ميل باسها وهو لسه متفاجئ ومش مجمع) وانتى طيبة يا روح بابى بس ع ايه
مى جت ناحيته وهى بتبصله بحب وحضنته قدامهم ...
مى : افتكر كده ممكن يكون بمناسبة ايه ؟
وسام: يعنى حكاية المية دى مقلب ؟؟
مى: سيبك من المية وبتاع ..انهاردة ايه
وسام: 7 فالشهر
مى: ومش بيفكرك بحاجة
وسام:(فكر ثوانى) لا عيد ميلادى انا وبتول..ولا عيد ميلادك
ولا عيد جوازنا...بصراحة مش عارف
بتول: (شدته من بنطلونة لتحت )
وسام: (نزلها ع ركبه) ايه يا توتا
بتول: انهاردة مامى بتفكرك انك قولتلها زمان بحبك وكتا زى انهاردة اول مرة..هى لثة كانت بتقول كتا لتنت مونى وتنت غادة
وسام: (ابتسم ومسك ايد مى باسهم) اول مرة قولتلك انى بحبك !
مى: من 6 سنين ..زى انهاردة
كنت عايزة من زمان نحتفل بالمناسبة الخاصة دى ..عمر التاريخ ده م راح من بالى
يوم م غنيت لى قلبى دليلى وقولتلى قالى هيحبك..
وسام: (الابتسامة وسعت وعيونه نورت) انا مكنتش فاكر التاريخ بس فاكر اليوم كويس طبعآ
مى: ايون لما البت منة اغمى عليها وبوظت الليلة
منة كشرت عشان افتكرت الى حصل ..
غادة: خلاااااااااص صلو عالنبى ولمو الليلة وقطعو التورتة
امنية: لا لسه ...
وسام بيبص لسه بيجمع المفاجئات الى نزلت مرة واحدة من غير سابق انذار عليه ..لقى ال 3 شباب بدأو يعزفو الى مع نهال ..
وبصوت جميل جدآ ..بدأت نهال تغنى بعد م خدت مى ايد وسام ولفت ايدها حوالين رقبته ..وهو تلقائى مسك وسطها وبدأو يرقصو سلو
ونهال بتدندن خلت الكل يركز معاها ...حتى شريف!
ف جوه فقلبى مكان مفتحتوش يوم غير ليك
وحجات حصلتلى معاك ومحصلتليش قبليك
مبقتش بخاف ولا عاملة حبيبى لبكرة حساب
وان خفت فلحظة بيبقى الخوف يا حبيبى عليك
الاغنية وصوت نهال الحنون والجو الشاعرى خلو وسام يحس بفرحة نسته كل التعب والارهاق..ورجعته ل 6 سنين ورا
اول مرة يرقص معاها سلو ..وهو ماسك ايدها
وبيقولها انه بيحبها
حس ان كل حته ف بتدق..مش قلبه بس
اما مى
فكانت رايحه مع كلمات الاغنية الى اختارتها مخصوص عشان يوصل كل معنى فيها لوسام.. وحست بفرحة وسام فالمفجأة الى هى عاملاها .. وبتول بنتهم بتبص ومبتسمة وبتخبى وشها وترجع تبص تانى
نسخه مصغرة فالشكل من مى ..وفالطباع من وسام
ونهال بتتابع..والكل معاها بيتمايل وامنية فرحانة بيهم اوى
كان مدثر ابنها واقف جمب بتول..لكن شريف لا ارادى لقى نفسه لازق لنهال وهى بتغنى
انا ساندة عليك..لو يوم الدنيا بتيجى عليا انا بتحامى فيك
وفعز البرد بلاقى دفايا فحضن عنيك
وسام راح مع صوت نهال وباس مى فخدها ونسى الناس .. ومنة بتبص عادى ليهم
اما غادة فكانت تبص بصة عليهم و10 فالطبق الى ماسكاه بتاكل منه .. لحد م خلصت الاغنية..
النور اتفتح..وسقفولهم
مى: يلا عشان نقطع التورتة..
وسام: وكمان تورتة ؟!
امنية: يا ويسو عطاء مى لا يقف ههههه
مى: بص كده عملت التورتة عليها صورة ايه ؟
وسام بيبص لاقاها صورتهم عالكورنيش الى خدوها فاليوم الميوشى وسابوها عند زكريا
وسام: هههههه متجوز قردة والله
مى: بص كنت خاسة ازاى ..بس كنت قمر برضو
وسام: انتى فكل وقت قمر
مى: وانت متغيرتش يا ويسو
بتول جت جمبهم وبتشب عايزة تشوف رفعتها امنية
بتول: لا بابى اتغير دلوقتى عنده سعر بيضا كتير
وسام: ايوة بابى بقى بيتاجر فالشعر البيضا يا بتول
مى: بس مزوداك وقار (باسته فخده)
قطعه التورتة ...والاغانى اشتغلت وكل حد فالوادى بتاعه..شريف بقى من اول م جه مشالش عينه من ع نهال
وقف جمبها وهى بتحكى مع شاب من فرقتها وبتضحك
شريف: (بيمثل السهوكة) شريف !!
نهال اتلفتت وبصتله
شريف: انا انا ..اسمى شريف وانتى اسمك ايه
نهال: اسمى نهال
شريف: الله ..انتى الى كنت مع مهند فالمسلسل التاريخى نور
نهال: افندم؟!
شريف: بس حلوة حركتين بتوع انغام وانا ساندة عليك..لا حقيقى ليكى مستقبل هايل فالاغنية الشعبية
الشاب الى واقف معاها اتدايق وبصلها
نهال: بقول لحضرتك ايه..وانت جاى ع هنا شربت ايه ؟
شريف: (ابتسامة ومنشكح) ميه
نهال: ممممم ماهو واضح .. اصل دم حضرتك خفيف اوى (باستهزاء)
شريف: احم ...
الشاب الى معاها تابع كلامه وهى تجاهلت شريف خالص
شريف رجع لمى ووسام ..بس فالطريق لقى امنية واقفة وبصاله
امنية: الى ف طبع
شريف: ايه فيه ايه كنت بتعرف عليها فيها حاجة
امنية: ولا متتعرفش ميخصنيش..بس احلى حاجة انها سقعتلك يا حلو
شريف: لا انا محدش يدينى البلحة..انا بس مش عارف اكلمها من الحليوة الى قاعدة بتكركر ضحك معاهمن الصبح (بيتكلم بغل وباصص ع نهال)
امنية: وقال ايه عايزنا نرجع ونتجوز..عشان افضل حاطة عينى فوسط راسى بسبب عمايلك دى
شريف: (مش سامع امنية وباصص ع نهال والشاب الى معاها) شوف قاعدة بتضحك ع اخرها ازاى الى يشوف كده يقول فشر محمد هنيدى ياخى وهو شبه فردة الشراب المقلوبه
امنية اتدايقت ان شريف مش واخد باله من كلامها معاه ومشيت تشوف ابنها بيعمل ايه
وسام: ليه مجاش معاكى طيب..بقالنا كتير مش شوفناه
غادة : (بتاكل تورتة) قاعد عند امه ..احم مامته تعبانة راح يشوفها
مى: تلاقيكى انتى الى طردتيه
غادة: ياعم براحته بيته ويرجعله فأى وقت
امنية: قولى يا ويسو مى مقالتش ليك عالمفجأة ال 3 ولا ايه ؟؟
وسام: هو لسه ف مفجأت ؟
مى: واهم واحدة ..دى المعمول عشانها الحفلة اصلا
دى مفجأة فوجائية متفجفجة
وسام: متفجفجة!! ايه هى بقى
مى دخلت الاوضة بتاعتهم وطلعت
مى: تذكرتين طيران لبورتو السخنة..يومين استجمااااااام وزقططة من بتوع زمان
والاوتيل مدفوع وكله تحت السيطرة يا معلمى
وسام: انتى امتى عملتى كل الحجات دى (باستغراب)
مى: يابنى انا بقالى شهر بفنكر
وسام: يابنى ! وافنكر..وجيبتى الفلوس منين
مى: ويسووووو (بدلع) انا وانت و احد وبعدين الاتيليه ماشى تمام مش كده يابت يا مونى
امنية: ايوة صوح
وسام: صوح ممممم
مى: وكنت بخنصر سوية فلوس صغننه من مصروف البيت ههههههه زى اى ست بيت طبعآ ده اساسى
وسام: اااااااااه ههههههههه
امنية: وشريف اخدلك يومين اجازة من شغلك وخلاص الامن مستتب
وسام: اااااااه عشان كده الكلب ده قعد يعطلنى..هو كان عارف بكل ده
مى: (بربشت عنيها ببرائة) تبعآ تبعآ ويلا احنا يدوب نستنهى سهر تيجى تاخد بتول واحنا نلبس ونطلع عالمطار فورآ
ومتقلقش حتى الشنط مجهزاهم
وسام: انتى جريمة ..وحياة ربنا (ضم راسها لصدره بحب)
مى: بس ب1متك مش احلى جريمة فالدنيا
وسام: واحلى عقوبة اتعاقبتها فحياتى يا مجنونة
سهر جت وسلمت عليهم وقعدت شوية ..وخلصت السهرة والناس بدأت تروح
ومشيت بتول مع خالتها بعد م باست مامتها وباباها..وهما جهزو وطلعو عالمطار
اول م وصلو حطو الشنط ونامو شوية...ويدوب الصبح شقشق
صحيت مى وهى بتعمل شيسوار فوش وسام عشان يصحى ..
مى: يلا مافيش كسل انهاردة ، عايزين نستمتع بكل دقيقة
وسام: صباااااااااااااح الفل (قام وباس كف ايدها) والورد
(كف ايدها التانى) والياسمين والبنفسج
مى: يلاااااااا عايزين نغير ونفطر ونبدآ صياعة
وسام: صياعة عالصبح كده ..
مى: ايون الصبح وكل وقت..ده انا هروشك
وسام: اكتر من كده بقالك 6 سنين روشانى
مى : (بتزقه عالحمام ) يلا بقى يلااااااا
لبسو ونزلو فطرو واتفسحو فكل حته فالمكان
من رمادا للمنتجعات..وكالعادة مى تخلى وسام مش واخد باله وتخطف النضارة وتخليه يجرى وراها
وجه معاد الغدا واتغدوا ..
وطلعو غيرو هدومهم ونزلو تانى ...
مى: ويسو تعالى نشوف الفيلم ده
وسام: حاضر حبيبى تعالى
مى لاحظت ان ف كام بنت بيبصو ع وسام بصة غريبة..طبعآ هى ست وفهمت راحت انكشته مرة واحدة
وبصتلهم بغيظ وعلت فصوتها
مى: مش عارفة ليه انهاردة حاسة انى بحبك اوى (بتبوسه) اوى (بتبوسه جامد
وسام: يابت احنا فالشارع م تكبرى ده انت بقيتى ام
مى: ومالو ..بقى مش انت بتحب دلعى (طلعت لسانها للبنات بصولها من فوق لتحت ومشيو )
وسام: يلا عشان نجيب بوب كورن وحجات قبل م ندخل الفيلم
دخلو الفيلم وكانو اجنبى رومانس... ماسكين ايد بعض وكل شوية حد فيهم يبوس ايد التانى
ولما تيجى لقطة رومانسية يبصو لبعض ويضحكو
خلص عرض الفيلم..والبروجرام لسه شغاااااال
وسام: تعالى نطلع ننام شوية وبليل نسهر
مى: نطلع ننام ايه هى نومة عصريه فيوم جمعة ..اليومين دول مافيش نونم
واتقى شرى (جزت ع سنانها بهزار)
وسام: ههههه يامرووشة تعبان والله مبقتش انام كويس..عشان نصحصح كده فالخروجة بليل
مى: نوووووووو يلاااااااا (شدته من قميصة)
وفالقسم الاخير من اليوم بعد العشا طلعو خدوا دوش وغيروا هدومهم للمرة ال 3
مى: ويسو بقولك..
وسام: نعم يا مشمش
مى: ايه رأيك ففكرة مجنونة خطرتلى ناااااااو
وسام: ايه هى (بيكلمها بصوت شر يضحك)
مى: مناخدش البطايق ونقلع الدبل وننزل كده
وسام: وايه لزمة التشرد ده
مى: خلينا بص..نحس مثلا انى بنت ماشية معاك من ورا اهلى
ونزلت وسافرت بقى ومنحرفة
وسام: منحرفة (بيجس دماغها) حبيبى جاتلك ضربة شمس ولا ايه
مى: اسمع بس..تعالى نستهبل نعمل حجات معملنهاش.. نمشى كده كأننا ماشيين مع بعض
وانت بتضحك عليا
وسام: وبضحك عليكى كمان..طالع بدور السافل انا فالقصة!
مى:وبص ثوانى كده
جريت جابت السيشوار بتاعها سشورت شعره ..وجابت تى شيرت عنده جميل
مى: البس ده ..بلاش قمصان ولا اقولك
البس القميص ده ..وافتح صدرك زى احمد رمزى..هههههه بين العضلات
وسام: عضلات ايه يا مرووشة الله يهدك..ده انتى رسمى الربع الى فاضل باظ فالحر
مى: (مسكت المشط بتاعها) بقولك اييييييه ..اعمل الى بقولك عليه لحسن اشلفطك
انا مخبيه موس فبوقى
وسام: هههههه لا من غير امواس يا سى السيد ..حاضر اما نشوف اخرتها معاكى
بس لحظة ف واحدة منحرفة تلبس لبس محترم زيك كده ومحجبة!!
مى: مممممم عندك حق
وسام: مش بقولك
مى: لا عاااااااااااتى ع رأى بنتك.. ممكن اكون بتمثل فى رداء الفضيلة كخدعة
وسام: رداء الفضيلة ااااااااه انا عارف ان اخرتى يا مستشفى المجازيب..ياسجن طرة
لبس وسام وصممت مى ع انها هى الى تظبطة وفعلا سابو البطايق وكل حاجة والدبل ونزلو..اتمشو كتير وهما مأنكشين بعض
وكل م حد يعدى جمبهم مى تعلى فصوتها وتقول حاجة ع اساس انهم شباب منحرفة
وسام: يابت انا نفسى اعرف انتى ام ازاى .. ده بنتك طولك
مى: ايه بنتك طولك دى ..وبعدين ششششش عايزهم يعرفو ان احنا متجوزين
وسام: لا لا سمح الله ..مانا الى جيبته لروحى
قوليلى بس ربنا هيفتح عليكى ويهديكى وتعقلى امتى..ادينى المعاد
مى: نوووووو انا عمرى م هعقل
وسام: ممممم ييعنى مش قبل م اموت حتى لقطة وانزل يمين ع طول
مى: (نزلت عليه بوس فوشه) بعد الشر عليك يا ويسو بعد الشر بعد الشر بعد الشر
وسام: يابت شكلنا مش باين منحرف..ف منحرف بشعر ابيض بردو
مى: دول كام واحدة انت هتعملى فيها بابا نويل
وبعدين اهو اثبتلك اننا منحرفين
كان ف يخت معدى فالبحر جمبهم ومشغل اغانى بصوت عالى ، طلعت مى عالسور وهى ماسكة ايد وسام وبتغنى
"هما مالهم بينا ياليل..ليه واخدهم شوقنا الى واخدنا
يحسدونا ومالو ياليل..الى غيران منا يقلدنا"
وسام: طب انزلى يا جنان..انزلى
مى: ويسوووووو تعالى نجيب ايس كريم من هذا الرجل .. وناكله هنا فالحتة المقطوعة دى مننا للبحر كده
وسام: تعالى
جابو ايس كريم ..وكانو بياكلو وفعلا رجليهم خدتهم لحته مش فيها ناس تقرييبآ قدام البحر ع طول...
وسام خلص ايس كريم ونام ع ضهره عالرمل.. وجت مى جمبه
وسام: قومى يابت ! احنا فالشارع
مالك اتسطحتى ع ضهرك زى الصرصار المضروب كده ليه
مى: طب ما انت اتسطحت قبلى ياخويا
وسام: انا راجل
مى: مافيش حد اصلا وبعدين اعتبرنى ممدة ع شيزلونج..(برضو نامت جمبه وباصين للسما)
مى: قولى يا ويسو ..امتى خوفت عليا وحسيت انك هتموت لو حصلى حاجة
وسام: طب وليه يعنى بتقولى كده
مى: ادينا بندردش.. قول قول
وسام: يوم ولادة بتول...
مى: (انتبهت وبرئت عنيها) بجد!! طب احكيلى
وسام: ابدآ كنت خايف اوى وانتى عياطك وصريخك زائد ان ماما الله يرحمها قعدت تقولى استر يارب البت مقلوبة الدكتور كان كشف عليكى وقال ان بتول مش فوضع طبيعى
حسيت ساعتها انى روحى ممكن تروح لو حصلك اى حاجة ..ومفكرتش فبنتى اد م فكرت فسلامتك
مى: (جت ع دراعة ونامت عليه) هييييييييييح بتحبنى اوى كده يا ويسو..انا كنت فاكرة انك مش هتلاقى موقف محدد
وسام: لانك غبية ومتعرفيش انتى جوهرتى ازاى
مى: تخيل انى موتت فعلا ساعتها ياويسو
وروحى طلعت وروشتك وطلعت عنيك..انت والست الى هتتجوزها من بعدى عشان تربى البنت ،ياسلاااااااام ههههه هجننكم والمصحف
وسام: هجننكم والمصحف ..انا عمرى م اتجوز لا عليكى ولا بعدك يا هبلة..وخلاص اقفلى السيرة دى
مى: بتحبنى اوى كده (بحب)
وسام: (باس دماغها القريبة من شفايفه) اكتر من اى حاجة تتصوريها..انتى وبتول كل حياتى
انا من غيركم اضيع
مى: طب بقولك ايه (بصت حواليها ) م تجيب آطة!
وسام: أطة ..هنا؟
مى: اه هو ف حد ..وبعدين احنا متجوزين
ولازم يكون لينا فكل مكان بصمة
وسام: ههههه طب تعالى انتى مش انتى الى عايزة تتأطى
مى: اجى م اجيش ليه (ميلت عليه وباسته ..ووسام مكدبش خبر ورااااح معاها لدرجه انهم نسيو نفسهم يانااااس
بس فاقو مرة واحدة عالجملة دى
" طب نبعت ع نص مشكل سى فود و2 بيرة ونشد اللحاف بقى وتصبحو ع خير ولا ايه ؟؟
♡♡♡♡♡♡♡♡♡♡♡♡♡♡♡♡♡
استنوها يوميآ
#ويسو_وميوش_وتوتا_وخلصت_الحدوتة
#لنورإسماعيل
ليست هناك تعليقات:
إرسال تعليق