❄❄❄❄❄❄❄❄❄❄❄❄❄
مى: ااااااااه اصلى مجنونة مش كده بعمل مشكلة من الهوا،طب اشهدى انتى يا امنية..شغاله تقوله طول عمرك مش بخيل
وبتعمل الحاجة بضمير
وفاكر ومش فاكر يبقى يعرفها ولا ميعرفهاش
امنية: طب اقعدى بس واشربى ميه واهدى
شريف: مش ياعم كاميليا دى بتاعت قصة الحب الكلابى بتاعتك!
دى ولية بومة
مى كانت بتشرب ميه وفجأة وقفت وعنيها برئت..ومسكت بهدوء الفازة الى جمبها
وجت فوق راس وسام
مى: حكاية حب ايه يا استاذ وسااااام!! قول ع نفسك يا رحمن يا رحيييييييم
وسام:ايه ده ! مين دى (بيرجع براسه لورا)
مى: اتشاهد كده بهدوووووء ! وقول ع نفسك يا رحمن يا رحيم
شريف قام مخضوض وحس انه عك الدنيا.
شريف:(خد منها الفازة ورجعها لورا وهى باصة لوسام بصة وحشة اوى) ياست انتى استهدى بالله، دى هتتحول ولا ايه
امنية: اهدى يامى واسمعى منه ، الخناق والعصبية مش بيجيبو حل
مى: (قعدت وهى بصاله) انا قاعدة وريلاااااااااااااااااكس اهو ومش بقطع فشعرى زى المجانين ولا حاجة، ولا هفتح دماغه بالفازة لا سمح الله
ولا الشيطان بيقولى اروح اجيب اكبر سكينه من المطبخ واقطعه حتت
وسام: جرى ايه يا مى ! هو عشان يعنى مانا ساكت هتتمادى ولا ايه
ياستى دى حكاية قديمة من اكتر من 16 سنة كنت فالزفت الكلية
وهى كانت زميلتى وبس
مى: اقولك انا ع حاجة ! بص كده (تدور وتديله قفاها) شاله الختم والله
شريف قال قصة زفت! انا مش عيله
وسام: (باصص لشريف) انت الله يسامحك
شريف: والنعمة ياعم م اقصد
وسام:والله ولا قصة ولا اى حاجة من دى ، عادى كنا زمايل وكنت معجب بيها اعجاب اهبل
وكان عندى 18 سنة يا مى ..انا دلوقتى عندى 37 يعنى مش مراهق
فوق عمرى الى كان 20 سنة ..وبحبك وبحب بيتنا
وبحب بتول اوى
وانتو كل حياتى
وقسمآ بالله لما شوفتها مهزتش اى حاجة ناحيتى ، كونها اتكلمت بتلقائية ده عشان احنا معرفة قديمة مش اكتر
امنية: خلاص يا ميوش بقى طلع وسام مظلوم اهو
مى: لا مش مظلوم يا امنية، ليه من ساعة م شافها مقالش
يعنى لولا ان شريف لخبط فالكلام مكانش هيقول ولا بعد 5000 سنة
امنية: معلش يا وسام انت زى اخويا ..بصراحة انت غلطان ف دى
وسام: انا كنت خايف يا امنية من زعابيبها دى والى قدرته حصل ..هى لو تدينى فرصة زى اى زوجه عاقلة
مى: بقولك ايه! كلمة زوجه عاقلة ودايمآ تتهمنى بالجنون
انا مش مجنونة
ولو بتلمح لمرض ماما..فانا غلطانة انى عرفتك حاجة زى كده عننا
م انت فالنهاية راجل مش ملاك يعنى..وفيك صفه انك تعاير وشكرآ ياسيدى
ولو شايف ان مراتك مجنونة مكنتش اتجوزتها ولا خلفت منها
عشان ميطلعش فعيالك جنانها
شريف: ايه ياست كمية الصرف الصحى الى اتقالت دى، هو ميقصدش
ماانتى مجنونة فعلا يا مى
الله!!
امنية: اسكت انت عشان تقريبآ انت السبب فكل ده (بصت لمى) بصى يا حبيبة قلبى هما يقصدوا انك روشة يعنى طقة مش مجنونة بالمعنى المفهوم
مى: خلاص يا امنية هى خلصت..وانا يا وسام مش قعدالك فيها
عارف ليه
وسام: (باصصلها وهو متدايق) عايزة تمشى يا مى ؟ ده انتى عمرك م عملتيها من اول جوازنا
مى: عشان انت مبقتش تقدر ولا تفهم، ولما تشوفنى الست العاقلة الجديرة تسمعلك
وتسمع لقصصك القديمة ومتهابرش معاك
ابقى تعلالى ..انا عند بابا
دخلت تصحى بتول
امنية: يا بت يا مى ..اصبرى هنا
وسام وقف مكانه متحنط ومش بيتكلم ب ولا كلمة
شريف: ايه الحل يا معلم؟ باظت ولا ايه
وسام: (بيبصله بصة وحشة) عارف ياشريف انت عملت زى الى جه كحلها..عماها
شريف: والله يا صاحبى م اقصد..كلمة وطلعت كده
مراتك بتتلكك اساسآ
جوه عند بتول.. مى بتجهز شنطة هدوم بتول وبتحط ادويتها
امنية: مى مينفعش كده، خلاص محصلش حاجة اخزى الشيطان بقى
مى: ياست مش انا مجنونة..هى دى حركات المجانين
امنية: يابنتى هو دايمآ بيقولك يا مجنونة وكانت ع قلبك زى العسل..دلوقتى بقت وحشة يعنى ؟
مى: امنية متدافعيش عنه وخلاص..هو غلطان وانتى عارفة ده بس كالعادة عايزة تضغطى عليا عشان ممشيش لكن والله همشى
امنية: طب بنتك العيانة دى
مى: متابعتها معايا وادويتها وانا هفضل جمبها لحد م تخف
مى لبست بتول ولبست هى وحضرت شنطتها وطلعت برة الاوضة
مى: ممكن ياشريف تجيب لينا تاكس؟
شريف: طب اقعدى ووحدى الله
مى: هتجيب ولا انزل عادى واخلى البواب يجيب (بعصبيه)
شريف: خلاص خلاص (مسك الشنطة وشال بتول ونزل قدامها)
وسام: (مسك ايدها) يعنى ايه هتمشى يا مى
مى: انت عارف (مش بصاله)
وسام: محصلش حاجة لده كله ..طب عشان بتول عيانة
مى: معلش بقى حركات مجانين ومناخوليا..ربنا يقدرك وتستحمل
وسام: طب استنى البس واوصلك لبيت عمى
مى: (بصاله بغيظ) عايزة امشى لوحدى ممكن
فكت ايدها من ايده ومشيت وامنية بصت لوسام مش عارفة تعمل ايه ونزلت وراها
شريف جابلهم تاكس وركبت ومعاها امنية ومشيت..
مى: امنية انا مش هروح لبابا..
امنية: اومال هتروحى فين ؟ تطلعى ع سهر
مى: لا ولا سهر..انا معلش هتقل عليكى واجى عندك
امنية يا حبيبتى تنورينى ..ياريت ده مدثر هيفرح اوى
مش كده يا دودو
مدثر هز راسه ومبتسم
مى: مش عايزاه يجيلى ولا يدور عليا..عايزاه يلف عليا وميلاقنيش..عشان يحس بالنعمة الى هو فيها
اما وسام....
قاعد فشقته مخنوق ، بيلف حوالين نفسه
ومرة واحدة جاب شنطة هو كمان وحضر هدومه ..
ونزل ركب عربيته ومشى...رايح فين؟
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
داخل شريف من باب الشقه وهو مزاجه معكر وقابلته مامته
الام: اتأخرت كده ليه ياشريف
شريف: يعنى شيفانى ياامى باجى كل يوم الساعة 9 بالظبط..مانا ع طول بسهر
الام: جعان..الاكل عالسفرا
شريف: لا مش عاوز..ماليش نفس
الام: ليه بقى..انت ف حاجة حصلت معاك برة
شريف: والله ي امى تقدرى تقولى ان بغبائى بوظت الدنيا خالص مع وسام صاحبى ومراته
الام: عملت ايه يا منيل ع عينك (ضربته فكتفه)
شريف: منيل ع عينك ايه م تشوفينى ياامى مرة كبير
ده انا بقيت جحش وعندى 35 سنة
الام: والى عنده 35 سنة ده يبهدل الدنيا بين زوج وزوجه وكمان صاحبه
شريف: اهو الى حصل بقى ..
الام: طب تعالى احكيلى (بتشده جوه اوضتها)
شريف: تموتى فالنم ياامى ماشاء الله عليكى ..قدوة حسنة!
الام: اتلم يا واد
شريف: ملموم الواد يلا ياختى ننم ونكسب شوال سيئات عالمسا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"بقى يابنى ده كلام معقول ؟! تسيب مراتك وابنك فالمستشفى ومش مدفوع حسابهم وتروح ع شقتك"
ممدوح: والله يا حماتى انا مغلطتش بنتك الغلطانة
غادة طالعاله وماسكة ابنها..
غادة: غلطت ف ايه بقى يااستاذ ممدوح ؟ ها
عشان خدت الفيزا..م انت الى ماسك عليا ومش بتدينى فلوس
ممدوح: انا ماسك عليكى ياغادة! ده انتى خاربة بيتى
غادة: خاربة بيتك ده ايه ..هو الى بصرفه دى مصاريف
والدة غادة: اقعدى ياغادة وانا بتكلم معاه انا واخوكى
غادة: لا ياماما اصل ده مبيجيش غير بالعين الحمرا..قال خاربة بيته قال
والدة غادة: انتى اصلا ايه الى قومك من السرير..انتى لسه والده
ممدوح:انا مبجيش غير بالعين الحمرا ياغادة!
اخوها: عيب ياغادة ده جوزك
غادة: جوزى ده احرجنى قدام صحابى وقالى خلى اهلك ييجو ياخدوكى وسابنى ومشى من غير حتى حمدلله ع سلامتك، ولا بص بصة فوش ابنه
وانا يعنى كنت عملت ايه ..مانا بجيب حجات وبعمر بيته
ممدوح: انتى بتخربيه..يا حماتى الى فاضل فالفيزا لا يكفى ولادتها ولا يكفى اكمل بقية الشهر
اخوها: وانت مش عارف انها هتولد..معملتش حسابك ليه
ممدوح: معلش ياعم ..متخلف بقى وغبى
اخوها: مالك بتتكلم كده ليه ..م تحترم نفسك انت فبيتنا
غادة: لاااااااااا اصله شايفكم من الصبح بتدادو ف قال يسوق فيها
الام: والله يابنى الحركة الى عملتها مع غادة دى وحشة اوى فحقها..وكمان وسط الناس
كان ممكن تحاسبها بينك وبينها لما تروحو
البيوت ياما بتدارى يابنى
ممدوح: ممممم يعنى كلكم شايفين انى غلطان ؟
غادة: ايوة طبعا وتعتذرلى دلوقت ..وتتفضل تاخدنى انا وابنك وتدفع الفلوس الى دفعها اخويا فالمستشفى ومن غير نقاش!
ممدوح: اااااااه من غير نقاش
طب احب انا اقولك الكلمة بقى الى من غير نقاش
انتى طالق!!
الام: (خبطت ع صدرها) يالهوى !!
غادة وشها جاب الوان واخوها معرفش ينطق..ممدوح قال الكلمة وخرج
وغادة وقفت مكانها زى التمثال..بتستوعب الى حصل
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
لكن فبيت سامح ومنة ..كانت برضو شكلها شعلة جديدة وهتبدى
ربنا يستر
سامح داخل اوضته بيدور فهدومه ومنة نايمة ..
سامح: منه..يا منه
منة: ايييييه اطفى النور ابنك هيصحى
سامح: مافيش ولا قميص نضيف..ولا تىشيرت!
منة: مغسلتش انهاردة
سامح: ومغسلتيش ليه ؟
منة: ابنك مصحينى طول الليل يدوب نمت انهاردة الضهر (قامت من النوم) وبعدين انت بتلبس ورياح فين دلوقتى
سامح: ابدآ حسهر مع جماعة اصحباى بقالى كتير مشوفتهمش واتصلو بيا
وحضرتك مش غاسلة ولا حاجة ليا البسها
منة: صحابك دول مين ان شاء الله ..بتوع الليل واخره
سامح: انت هتفتحيلى تحقيق..اخلصى عايز اى قميص ولا بنطلون نضيف
منة: وانا بقولك مغسلتش
ايه!
هتعلقلى المشنقه
سامح: مغسلتيش وانا المفروض اسكت واحط لسانى فبوقى عشان الكونتيسة بتتعب
م كل الستات مخلفين وبياخدو بالهم من حجات اجوازتهم!
منة: ياسيدى كل الستات حلوة وانا الوحشة الى فيهم ..ابقى غيرنى
سامح: (بيطلع من الدولاب وهو متعصب) وبدل م بتغيرى اوى من مى اعملى زييها
بدل م انتى فالحة مى مى..مى ووسام
منة: مى مين دى الى اغير منها ! انا احسن منها الف مرة
وبعدين بقى مى الى بغير منها وانت شايفها احسن منى ..عندها احدث اجهزة فالبيت ..وبتغيرهم كل سنة
يعنى انت لو كويس زى جوزها وعارف تعيشنا فمستوى احين ..كان زمان دلوقتى عندنا الغسالة الاتوماتك الى يدوب هحطلك القميص بعد ربع ساعة
تاخده وتكويه كمان
سامح:ياسلاااااااام بقى وسام معيش مراته ملكة..وانا بقى الى معيشك فضنك
اقولك!
انتى الكلام معاكى يحرق الدم
ولما انا عيشتى زفت كده رضيتى بيا ليه
منة: والله ظروف بقى
سامح: ظروف..ظروف دى الى جبتك المطار تقوليلى انك بتحبينى وانك عايزانى
بعد م فشلت كل محاولاتك ف انك تلفتى نظر وسام ليكى
متحسبيش انى مش فاهم ولا عبيط
منة: (اتجرحت وعيونها دمعت) اه المطار وجيت وقولتلك بحبك
بقيت بتعايرنى دلوقت
عارف انت فعلا تستاهل واحدة زى ليلى تفضل تجرى وراها وهى فرحانة بجريك ده
وفالاخر تديك قلم يفوقك وتقولك انا مش ليك
سامح: والله! (اتفاجئ بكلامها)
منة: (دموعها نزلت) انت الى اضطرتنى اقول كده
سامح: بصى يا بنت الحلال..شكل حياتنا بعد الى قولناه لبعض ده
متنفعش
شوفى انتى هتعملى ايه..واعمليه
لان اننا نفضل مع بعض بعد ده كله ..حاجة شبه مستحيلة!
سابها وخرج ورزع الباب وراه..وهى قعدت تعيط جامد ومش عارفة تعمل ايه
لكن وسام بقى كان عارف هيعمل ايه، كانت عربيته بتفرمل تحت عمارة شقتهم القديمة.
شقة مامته وباباه الله يرحمهم ..طلع وفتح الباب
وخد نفس ودخل شغل الانوار..ودخل اوضة باباه ومامته وحط شنطته
ومسك صورتهم
وقال بكل حزن
"احتاجت لحضنكم جيت...ماهو مكانش ينفع اقعد هناك من غيرهم
مش هعرف
هما خدوا الاكسجين معاهم الى عايش عليه..وكده هموت مخنوق!"
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وتانى يوم ..
مى بتصحى ع صوت فونها وهى نايمة فحضن بتول ...ردت
وكانت كاميليا
كاميليا: الو ازيك يا مدام مى ..ارجو مكونش ازعجتك
مى: يوووووووووه بقولك يا مدام انتى كامليا ولا فانيليا ، انا مش عايزاكى تتصلى هنا تانى
ولا ابنك له دعوة ببنتك
عشان انتى دمرتى حياتى من ساعة م ظهرتى فيها
واشبعى بوسام اهو عندك..حبك القديم
انا سبتله البيت ..وبسبب سيادتك
اظن كده مرتاحه
قفلت السكة فوشها !!
كاميليا الكلام بيدور فعلقها ولسه ودانها بتسمعه، متأثرة اوى من الى قالته مى
مكانتش تعرف انها عارفة بالى كان بينها وبين وسام
وزعلت انها ممكن تكون سبب فبعدهم وخناقهم..ياترى هتعمل حاجة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الباب بيخبط الصبح.. ع شقه امنية
فتحت مى
لان امنية نزلت الاتيليه..
مى: منة!!
منة: (شايله ابنها) مى! بتعملى ايه عند امنية
مى: ادخلى ادخلى
دخلت منة الشقه متفاجأه..وسام بقى اول مرة من 5 سنين
ينزل لشغله وهو متدايق كده
مش ع صوت مى وهزارها
ولا ع دلع بتول عليه
كان فالشغل مقفل جدآ..وكل الى فيه ملاحظين
وفالبريك
شريف: بص ياعم وسام زى مانا خربتها هعدلها بس سيبنى يومين امخمخ هعمل ايه
وسام: خلاص يا شريف الى حصل حصل، وهى غلطتى من البداية اصلا
شريف: لا ياعم انا الى اتسحبت من لسانى ، ده حتى امى مسكتنى امبارح وقررتنى
ولما قولتلها قالتلى كانت نيلة موكوس وابن موكوسة طول عمرك واهبل
وسام ابتسم ابتسامة مش كاملة
اكرم وصلاح جايبين اكل وجايين عليهم
وسام: طب غير السيرة
شريف: اه ماشى
اكرم: ايه ياشباب..طلبنالكم اكل ليه مشتريتوش حاجة البريك هيخلص
وسام: والله ماليش نفس ي اكرم
اكرم: ليه بس يا وسام..شكل ف حاجة معاك او مدايقك حد
شريف: ياعام لا مدايقه حد ولا سبت ..هو مخنوق عادى بتحصل
اكرم: ياض يا شريف دايمآ مسحوب من لسانك كده، انت المحامى بتاعه ياض؟
اكرم: سمعتو بأن ف دفعة ناس هتشتغل جديد هنا
شريف: لا ..مين قال
وسام: ياريت الواحد يغور من هنا..انا بجد هدور ع عقد عمل برة حتى تخف المشاكل والقرف الى انا ف
صلاح: مالك يا وسام؟ شكلك متغير
وسام: مافيش ياصلاح تسلم
صلاح: ياعم سيبها عالله.اومال لو شوفت حالى هيهون عليك الى انت ف
شريف: مالك يا صلاح ذوالفقار؟!
صلاح:انا امبارح دخلت عشان اخض مراتى، سمعتها بتتكلم فالفون
ركزت لاقيتها بتتكلم مع واحد وبتقوله يا روحى وكده
وبتضحك بمياعه
شريف: ادخل غز امها بسكينه وريحها وريحنا!!
صلاح: مقدرتش! وقفت مكانى متسمر بس افتكرت انى مينفعش لا اضربها ولا اطلقها
شريف: يا نااااااااااس هتشل ..عايز اكتر من انك سمعت بودنك
ومش هتقدر تطلقها ولا تضربها ليه يا بير الرجولة!
صلاح: اولا بحبها جدآ ثانيآ انا كاتب مؤخر مش هقدر ادفعه ولو ضربتها هترفع قضيه خلع
ده غير ان اعمامها جزارين وممكن ييجو يضربونى او يدبحونى لو عملت كده
بس انا بجد مش مصدق ازاى تعمل معايا كده
وسام: يا صلاح لازم تاخد موقف يا صلاح ايه السلبيه الى انت فيها دى
صلاح:هى بنت ناس اوى وجميلة اوى وانا مكونتش مصدق نفسى انها وافقت عليا اصلا
دخلت وكملت انى اخضها تانى واتغدينا وحضنتها اوى ..بس بصراحة جوه منى كنت مجروح منها جدآآ
ومش عارف اعمل ايه
شريف: عارف تعمل ايه ، اقولك انا
انت كنت خضيتها وقولها لو فضلتى تخونينى كده كتير هخضك كل يوم يا وحشة!!
صلاح: انا مبرضاش احكى حاجة ع بيتى وانت قاعد عشان تريقتك دى
اكرم: (باصص لصلاح بقرف) ياجماعة انا هقوم ، صلاح كل م يفتح بوقه بينرفزنى
صلاح: هو انا كل مرة احكى كده تكسفونى وتقومو م تشوفولى حل
وسام: حل ايه ..الراجل لازم يرفع راسه ياصلاح
انت اهبل ولا ايه
ايه مؤخر وحلوة ورضيت بالعافيه
يااخى مع احترامى ملعون ابوها..طلقها وشرشحها لاهلها الجزارين وبدل م يدبحوك انت هيدوبحوها هى
خليك راجل ولو لمرة واحدة
دى متنفعش تشيل اسمك بعد كده..والحمدلله انك مش مخلف عيال
والا كانو راحو فالرجلين
دى بقى نصيحتى يا صلاح..وسيبنى دلوقتى فحالى ابوس ايدك!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
مى حكت لمنة ..ومنة حكت لمى
بس مش كل حاجة
برضو باحتياط
بس مى اتفاجأت من منة بخبر..
منة: واضح انها كانت ليلة سودا عالكل، غادة اتطلقت
مى: ايه!!
ع بال م مى اتلقت الصدمة ان غادة اتطلقت ، وامنية جات بدرى من الاتيليه عشان مش تسيب مى لوحدها ولاقت منة
وسمعت بقية الحكاية
كان وسام خارج من شغله وفوجئ بكاميليا فوشه..
كاميليا: انا اسفه والله جيتلك مرة واحدة ومعلش لانى بجد معرفش فونك
انا اسفه لكل الى حصل امبارح..قولى اعمل وانا اعمله
عشام مراتك وبنتك يرجعو البيت؟!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل بكرة
استنوها يوميآ
#ويسو_وميوش_وتوتا_وخلصت_الحدوتة
#لنورإسماعيل
❄❄❄❄❄❄❄❄❄❄❄❄❄
مى: ااااااااه اصلى مجنونة مش كده بعمل مشكلة من الهوا،طب اشهدى انتى يا امنية..شغاله تقوله طول عمرك مش بخيل
وبتعمل الحاجة بضمير
وفاكر ومش فاكر يبقى يعرفها ولا ميعرفهاش
امنية: طب اقعدى بس واشربى ميه واهدى
شريف: مش ياعم كاميليا دى بتاعت قصة الحب الكلابى بتاعتك!
دى ولية بومة
مى كانت بتشرب ميه وفجأة وقفت وعنيها برئت..ومسكت بهدوء الفازة الى جمبها
وجت فوق راس وسام
مى: حكاية حب ايه يا استاذ وسااااام!! قول ع نفسك يا رحمن يا رحيييييييم
وسام:ايه ده ! مين دى (بيرجع براسه لورا)
مى: اتشاهد كده بهدوووووء ! وقول ع نفسك يا رحمن يا رحيم
شريف قام مخضوض وحس انه عك الدنيا.
شريف:(خد منها الفازة ورجعها لورا وهى باصة لوسام بصة وحشة اوى) ياست انتى استهدى بالله، دى هتتحول ولا ايه
امنية: اهدى يامى واسمعى منه ، الخناق والعصبية مش بيجيبو حل
مى: (قعدت وهى بصاله) انا قاعدة وريلاااااااااااااااااكس اهو ومش بقطع فشعرى زى المجانين ولا حاجة، ولا هفتح دماغه بالفازة لا سمح الله
ولا الشيطان بيقولى اروح اجيب اكبر سكينه من المطبخ واقطعه حتت
وسام: جرى ايه يا مى ! هو عشان يعنى مانا ساكت هتتمادى ولا ايه
ياستى دى حكاية قديمة من اكتر من 16 سنة كنت فالزفت الكلية
وهى كانت زميلتى وبس
مى: اقولك انا ع حاجة ! بص كده (تدور وتديله قفاها) شاله الختم والله
شريف قال قصة زفت! انا مش عيله
وسام: (باصص لشريف) انت الله يسامحك
شريف: والنعمة ياعم م اقصد
وسام:والله ولا قصة ولا اى حاجة من دى ، عادى كنا زمايل وكنت معجب بيها اعجاب اهبل
وكان عندى 18 سنة يا مى ..انا دلوقتى عندى 37 يعنى مش مراهق
فوق عمرى الى كان 20 سنة ..وبحبك وبحب بيتنا
وبحب بتول اوى
وانتو كل حياتى
وقسمآ بالله لما شوفتها مهزتش اى حاجة ناحيتى ، كونها اتكلمت بتلقائية ده عشان احنا معرفة قديمة مش اكتر
امنية: خلاص يا ميوش بقى طلع وسام مظلوم اهو
مى: لا مش مظلوم يا امنية، ليه من ساعة م شافها مقالش
يعنى لولا ان شريف لخبط فالكلام مكانش هيقول ولا بعد 5000 سنة
امنية: معلش يا وسام انت زى اخويا ..بصراحة انت غلطان ف دى
وسام: انا كنت خايف يا امنية من زعابيبها دى والى قدرته حصل ..هى لو تدينى فرصة زى اى زوجه عاقلة
مى: بقولك ايه! كلمة زوجه عاقلة ودايمآ تتهمنى بالجنون
انا مش مجنونة
ولو بتلمح لمرض ماما..فانا غلطانة انى عرفتك حاجة زى كده عننا
م انت فالنهاية راجل مش ملاك يعنى..وفيك صفه انك تعاير وشكرآ ياسيدى
ولو شايف ان مراتك مجنونة مكنتش اتجوزتها ولا خلفت منها
عشان ميطلعش فعيالك جنانها
شريف: ايه ياست كمية الصرف الصحى الى اتقالت دى، هو ميقصدش
ماانتى مجنونة فعلا يا مى
الله!!
امنية: اسكت انت عشان تقريبآ انت السبب فكل ده (بصت لمى) بصى يا حبيبة قلبى هما يقصدوا انك روشة يعنى طقة مش مجنونة بالمعنى المفهوم
مى: خلاص يا امنية هى خلصت..وانا يا وسام مش قعدالك فيها
عارف ليه
وسام: (باصصلها وهو متدايق) عايزة تمشى يا مى ؟ ده انتى عمرك م عملتيها من اول جوازنا
مى: عشان انت مبقتش تقدر ولا تفهم، ولما تشوفنى الست العاقلة الجديرة تسمعلك
وتسمع لقصصك القديمة ومتهابرش معاك
ابقى تعلالى ..انا عند بابا
دخلت تصحى بتول
امنية: يا بت يا مى ..اصبرى هنا
وسام وقف مكانه متحنط ومش بيتكلم ب ولا كلمة
شريف: ايه الحل يا معلم؟ باظت ولا ايه
وسام: (بيبصله بصة وحشة) عارف ياشريف انت عملت زى الى جه كحلها..عماها
شريف: والله يا صاحبى م اقصد..كلمة وطلعت كده
مراتك بتتلكك اساسآ
جوه عند بتول.. مى بتجهز شنطة هدوم بتول وبتحط ادويتها
امنية: مى مينفعش كده، خلاص محصلش حاجة اخزى الشيطان بقى
مى: ياست مش انا مجنونة..هى دى حركات المجانين
امنية: يابنتى هو دايمآ بيقولك يا مجنونة وكانت ع قلبك زى العسل..دلوقتى بقت وحشة يعنى ؟
مى: امنية متدافعيش عنه وخلاص..هو غلطان وانتى عارفة ده بس كالعادة عايزة تضغطى عليا عشان ممشيش لكن والله همشى
امنية: طب بنتك العيانة دى
مى: متابعتها معايا وادويتها وانا هفضل جمبها لحد م تخف
مى لبست بتول ولبست هى وحضرت شنطتها وطلعت برة الاوضة
مى: ممكن ياشريف تجيب لينا تاكس؟
شريف: طب اقعدى ووحدى الله
مى: هتجيب ولا انزل عادى واخلى البواب يجيب (بعصبيه)
شريف: خلاص خلاص (مسك الشنطة وشال بتول ونزل قدامها)
وسام: (مسك ايدها) يعنى ايه هتمشى يا مى
مى: انت عارف (مش بصاله)
وسام: محصلش حاجة لده كله ..طب عشان بتول عيانة
مى: معلش بقى حركات مجانين ومناخوليا..ربنا يقدرك وتستحمل
وسام: طب استنى البس واوصلك لبيت عمى
مى: (بصاله بغيظ) عايزة امشى لوحدى ممكن
فكت ايدها من ايده ومشيت وامنية بصت لوسام مش عارفة تعمل ايه ونزلت وراها
شريف جابلهم تاكس وركبت ومعاها امنية ومشيت..
مى: امنية انا مش هروح لبابا..
امنية: اومال هتروحى فين ؟ تطلعى ع سهر
مى: لا ولا سهر..انا معلش هتقل عليكى واجى عندك
امنية يا حبيبتى تنورينى ..ياريت ده مدثر هيفرح اوى
مش كده يا دودو
مدثر هز راسه ومبتسم
مى: مش عايزاه يجيلى ولا يدور عليا..عايزاه يلف عليا وميلاقنيش..عشان يحس بالنعمة الى هو فيها
اما وسام....
قاعد فشقته مخنوق ، بيلف حوالين نفسه
ومرة واحدة جاب شنطة هو كمان وحضر هدومه ..
ونزل ركب عربيته ومشى...رايح فين؟
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
داخل شريف من باب الشقه وهو مزاجه معكر وقابلته مامته
الام: اتأخرت كده ليه ياشريف
شريف: يعنى شيفانى ياامى باجى كل يوم الساعة 9 بالظبط..مانا ع طول بسهر
الام: جعان..الاكل عالسفرا
شريف: لا مش عاوز..ماليش نفس
الام: ليه بقى..انت ف حاجة حصلت معاك برة
شريف: والله ي امى تقدرى تقولى ان بغبائى بوظت الدنيا خالص مع وسام صاحبى ومراته
الام: عملت ايه يا منيل ع عينك (ضربته فكتفه)
شريف: منيل ع عينك ايه م تشوفينى ياامى مرة كبير
ده انا بقيت جحش وعندى 35 سنة
الام: والى عنده 35 سنة ده يبهدل الدنيا بين زوج وزوجه وكمان صاحبه
شريف: اهو الى حصل بقى ..
الام: طب تعالى احكيلى (بتشده جوه اوضتها)
شريف: تموتى فالنم ياامى ماشاء الله عليكى ..قدوة حسنة!
الام: اتلم يا واد
شريف: ملموم الواد يلا ياختى ننم ونكسب شوال سيئات عالمسا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"بقى يابنى ده كلام معقول ؟! تسيب مراتك وابنك فالمستشفى ومش مدفوع حسابهم وتروح ع شقتك"
ممدوح: والله يا حماتى انا مغلطتش بنتك الغلطانة
غادة طالعاله وماسكة ابنها..
غادة: غلطت ف ايه بقى يااستاذ ممدوح ؟ ها
عشان خدت الفيزا..م انت الى ماسك عليا ومش بتدينى فلوس
ممدوح: انا ماسك عليكى ياغادة! ده انتى خاربة بيتى
غادة: خاربة بيتك ده ايه ..هو الى بصرفه دى مصاريف
والدة غادة: اقعدى ياغادة وانا بتكلم معاه انا واخوكى
غادة: لا ياماما اصل ده مبيجيش غير بالعين الحمرا..قال خاربة بيته قال
والدة غادة: انتى اصلا ايه الى قومك من السرير..انتى لسه والده
ممدوح:انا مبجيش غير بالعين الحمرا ياغادة!
اخوها: عيب ياغادة ده جوزك
غادة: جوزى ده احرجنى قدام صحابى وقالى خلى اهلك ييجو ياخدوكى وسابنى ومشى من غير حتى حمدلله ع سلامتك، ولا بص بصة فوش ابنه
وانا يعنى كنت عملت ايه ..مانا بجيب حجات وبعمر بيته
ممدوح: انتى بتخربيه..يا حماتى الى فاضل فالفيزا لا يكفى ولادتها ولا يكفى اكمل بقية الشهر
اخوها: وانت مش عارف انها هتولد..معملتش حسابك ليه
ممدوح: معلش ياعم ..متخلف بقى وغبى
اخوها: مالك بتتكلم كده ليه ..م تحترم نفسك انت فبيتنا
غادة: لاااااااااا اصله شايفكم من الصبح بتدادو ف قال يسوق فيها
الام: والله يابنى الحركة الى عملتها مع غادة دى وحشة اوى فحقها..وكمان وسط الناس
كان ممكن تحاسبها بينك وبينها لما تروحو
البيوت ياما بتدارى يابنى
ممدوح: ممممم يعنى كلكم شايفين انى غلطان ؟
غادة: ايوة طبعا وتعتذرلى دلوقت ..وتتفضل تاخدنى انا وابنك وتدفع الفلوس الى دفعها اخويا فالمستشفى ومن غير نقاش!
ممدوح: اااااااه من غير نقاش
طب احب انا اقولك الكلمة بقى الى من غير نقاش
انتى طالق!!
الام: (خبطت ع صدرها) يالهوى !!
غادة وشها جاب الوان واخوها معرفش ينطق..ممدوح قال الكلمة وخرج
وغادة وقفت مكانها زى التمثال..بتستوعب الى حصل
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
لكن فبيت سامح ومنة ..كانت برضو شكلها شعلة جديدة وهتبدى
ربنا يستر
سامح داخل اوضته بيدور فهدومه ومنة نايمة ..
سامح: منه..يا منه
منة: ايييييه اطفى النور ابنك هيصحى
سامح: مافيش ولا قميص نضيف..ولا تىشيرت!
منة: مغسلتش انهاردة
سامح: ومغسلتيش ليه ؟
منة: ابنك مصحينى طول الليل يدوب نمت انهاردة الضهر (قامت من النوم) وبعدين انت بتلبس ورياح فين دلوقتى
سامح: ابدآ حسهر مع جماعة اصحباى بقالى كتير مشوفتهمش واتصلو بيا
وحضرتك مش غاسلة ولا حاجة ليا البسها
منة: صحابك دول مين ان شاء الله ..بتوع الليل واخره
سامح: انت هتفتحيلى تحقيق..اخلصى عايز اى قميص ولا بنطلون نضيف
منة: وانا بقولك مغسلتش
ايه!
هتعلقلى المشنقه
سامح: مغسلتيش وانا المفروض اسكت واحط لسانى فبوقى عشان الكونتيسة بتتعب
م كل الستات مخلفين وبياخدو بالهم من حجات اجوازتهم!
منة: ياسيدى كل الستات حلوة وانا الوحشة الى فيهم ..ابقى غيرنى
سامح: (بيطلع من الدولاب وهو متعصب) وبدل م بتغيرى اوى من مى اعملى زييها
بدل م انتى فالحة مى مى..مى ووسام
منة: مى مين دى الى اغير منها ! انا احسن منها الف مرة
وبعدين بقى مى الى بغير منها وانت شايفها احسن منى ..عندها احدث اجهزة فالبيت ..وبتغيرهم كل سنة
يعنى انت لو كويس زى جوزها وعارف تعيشنا فمستوى احين ..كان زمان دلوقتى عندنا الغسالة الاتوماتك الى يدوب هحطلك القميص بعد ربع ساعة
تاخده وتكويه كمان
سامح:ياسلاااااااام بقى وسام معيش مراته ملكة..وانا بقى الى معيشك فضنك
اقولك!
انتى الكلام معاكى يحرق الدم
ولما انا عيشتى زفت كده رضيتى بيا ليه
منة: والله ظروف بقى
سامح: ظروف..ظروف دى الى جبتك المطار تقوليلى انك بتحبينى وانك عايزانى
بعد م فشلت كل محاولاتك ف انك تلفتى نظر وسام ليكى
متحسبيش انى مش فاهم ولا عبيط
منة: (اتجرحت وعيونها دمعت) اه المطار وجيت وقولتلك بحبك
بقيت بتعايرنى دلوقت
عارف انت فعلا تستاهل واحدة زى ليلى تفضل تجرى وراها وهى فرحانة بجريك ده
وفالاخر تديك قلم يفوقك وتقولك انا مش ليك
سامح: والله! (اتفاجئ بكلامها)
منة: (دموعها نزلت) انت الى اضطرتنى اقول كده
سامح: بصى يا بنت الحلال..شكل حياتنا بعد الى قولناه لبعض ده
متنفعش
شوفى انتى هتعملى ايه..واعمليه
لان اننا نفضل مع بعض بعد ده كله ..حاجة شبه مستحيلة!
سابها وخرج ورزع الباب وراه..وهى قعدت تعيط جامد ومش عارفة تعمل ايه
لكن وسام بقى كان عارف هيعمل ايه، كانت عربيته بتفرمل تحت عمارة شقتهم القديمة.
شقة مامته وباباه الله يرحمهم ..طلع وفتح الباب
وخد نفس ودخل شغل الانوار..ودخل اوضة باباه ومامته وحط شنطته
ومسك صورتهم
وقال بكل حزن
"احتاجت لحضنكم جيت...ماهو مكانش ينفع اقعد هناك من غيرهم
مش هعرف
هما خدوا الاكسجين معاهم الى عايش عليه..وكده هموت مخنوق!"
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وتانى يوم ..
مى بتصحى ع صوت فونها وهى نايمة فحضن بتول ...ردت
وكانت كاميليا
كاميليا: الو ازيك يا مدام مى ..ارجو مكونش ازعجتك
مى: يوووووووووه بقولك يا مدام انتى كامليا ولا فانيليا ، انا مش عايزاكى تتصلى هنا تانى
ولا ابنك له دعوة ببنتك
عشان انتى دمرتى حياتى من ساعة م ظهرتى فيها
واشبعى بوسام اهو عندك..حبك القديم
انا سبتله البيت ..وبسبب سيادتك
اظن كده مرتاحه
قفلت السكة فوشها !!
كاميليا الكلام بيدور فعلقها ولسه ودانها بتسمعه، متأثرة اوى من الى قالته مى
مكانتش تعرف انها عارفة بالى كان بينها وبين وسام
وزعلت انها ممكن تكون سبب فبعدهم وخناقهم..ياترى هتعمل حاجة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الباب بيخبط الصبح.. ع شقه امنية
فتحت مى
لان امنية نزلت الاتيليه..
مى: منة!!
منة: (شايله ابنها) مى! بتعملى ايه عند امنية
مى: ادخلى ادخلى
دخلت منة الشقه متفاجأه..وسام بقى اول مرة من 5 سنين
ينزل لشغله وهو متدايق كده
مش ع صوت مى وهزارها
ولا ع دلع بتول عليه
كان فالشغل مقفل جدآ..وكل الى فيه ملاحظين
وفالبريك
شريف: بص ياعم وسام زى مانا خربتها هعدلها بس سيبنى يومين امخمخ هعمل ايه
وسام: خلاص يا شريف الى حصل حصل، وهى غلطتى من البداية اصلا
شريف: لا ياعم انا الى اتسحبت من لسانى ، ده حتى امى مسكتنى امبارح وقررتنى
ولما قولتلها قالتلى كانت نيلة موكوس وابن موكوسة طول عمرك واهبل
وسام ابتسم ابتسامة مش كاملة
اكرم وصلاح جايبين اكل وجايين عليهم
وسام: طب غير السيرة
شريف: اه ماشى
اكرم: ايه ياشباب..طلبنالكم اكل ليه مشتريتوش حاجة البريك هيخلص
وسام: والله ماليش نفس ي اكرم
اكرم: ليه بس يا وسام..شكل ف حاجة معاك او مدايقك حد
شريف: ياعام لا مدايقه حد ولا سبت ..هو مخنوق عادى بتحصل
اكرم: ياض يا شريف دايمآ مسحوب من لسانك كده، انت المحامى بتاعه ياض؟
اكرم: سمعتو بأن ف دفعة ناس هتشتغل جديد هنا
شريف: لا ..مين قال
وسام: ياريت الواحد يغور من هنا..انا بجد هدور ع عقد عمل برة حتى تخف المشاكل والقرف الى انا ف
صلاح: مالك يا وسام؟ شكلك متغير
وسام: مافيش ياصلاح تسلم
صلاح: ياعم سيبها عالله.اومال لو شوفت حالى هيهون عليك الى انت ف
شريف: مالك يا صلاح ذوالفقار؟!
صلاح:انا امبارح دخلت عشان اخض مراتى، سمعتها بتتكلم فالفون
ركزت لاقيتها بتتكلم مع واحد وبتقوله يا روحى وكده
وبتضحك بمياعه
شريف: ادخل غز امها بسكينه وريحها وريحنا!!
صلاح: مقدرتش! وقفت مكانى متسمر بس افتكرت انى مينفعش لا اضربها ولا اطلقها
شريف: يا نااااااااااس هتشل ..عايز اكتر من انك سمعت بودنك
ومش هتقدر تطلقها ولا تضربها ليه يا بير الرجولة!
صلاح: اولا بحبها جدآ ثانيآ انا كاتب مؤخر مش هقدر ادفعه ولو ضربتها هترفع قضيه خلع
ده غير ان اعمامها جزارين وممكن ييجو يضربونى او يدبحونى لو عملت كده
بس انا بجد مش مصدق ازاى تعمل معايا كده
وسام: يا صلاح لازم تاخد موقف يا صلاح ايه السلبيه الى انت فيها دى
صلاح:هى بنت ناس اوى وجميلة اوى وانا مكونتش مصدق نفسى انها وافقت عليا اصلا
دخلت وكملت انى اخضها تانى واتغدينا وحضنتها اوى ..بس بصراحة جوه منى كنت مجروح منها جدآآ
ومش عارف اعمل ايه
شريف: عارف تعمل ايه ، اقولك انا
انت كنت خضيتها وقولها لو فضلتى تخونينى كده كتير هخضك كل يوم يا وحشة!!
صلاح: انا مبرضاش احكى حاجة ع بيتى وانت قاعد عشان تريقتك دى
اكرم: (باصص لصلاح بقرف) ياجماعة انا هقوم ، صلاح كل م يفتح بوقه بينرفزنى
صلاح: هو انا كل مرة احكى كده تكسفونى وتقومو م تشوفولى حل
وسام: حل ايه ..الراجل لازم يرفع راسه ياصلاح
انت اهبل ولا ايه
ايه مؤخر وحلوة ورضيت بالعافيه
يااخى مع احترامى ملعون ابوها..طلقها وشرشحها لاهلها الجزارين وبدل م يدبحوك انت هيدوبحوها هى
خليك راجل ولو لمرة واحدة
دى متنفعش تشيل اسمك بعد كده..والحمدلله انك مش مخلف عيال
والا كانو راحو فالرجلين
دى بقى نصيحتى يا صلاح..وسيبنى دلوقتى فحالى ابوس ايدك!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
مى حكت لمنة ..ومنة حكت لمى
بس مش كل حاجة
برضو باحتياط
بس مى اتفاجأت من منة بخبر..
منة: واضح انها كانت ليلة سودا عالكل، غادة اتطلقت
مى: ايه!!
ع بال م مى اتلقت الصدمة ان غادة اتطلقت ، وامنية جات بدرى من الاتيليه عشان مش تسيب مى لوحدها ولاقت منة
وسمعت بقية الحكاية
كان وسام خارج من شغله وفوجئ بكاميليا فوشه..
كاميليا: انا اسفه والله جيتلك مرة واحدة ومعلش لانى بجد معرفش فونك
انا اسفه لكل الى حصل امبارح..قولى اعمل وانا اعمله
عشام مراتك وبنتك يرجعو البيت؟!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل بكرة
استنوها يوميآ
#ويسو_وميوش_وتوتا_وخلصت_الحدوتة
#لنورإسماعيل
ليست هناك تعليقات:
إرسال تعليق