❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
مى ووسام ..
برغم اى حاجة ممكن تحصل معاهم، مهما الخناق طول والزعل
اكيد ف وقت هيتصالحو
عشان هى بحبها وقلبها الكبير لو هو الى غلطان بتسامح
وهو باحتوائه وحنانه وفهمه ليها بيعدى لو كان الغلط عندها
وبتستمر الحياة
مش بتقف ع غلطة
يمكن الموقف ده علم منه فالكام يوم زعل دول
انها تعرف قيمة سامح ..وتبص للجانب الايجابى فجوازها منه
اد ايه حتى لو امكانياته بسيطة ومعيشته مش هاى كلاس
بس لما بيبقى فايده حاجه يعملها يسعدها هى وابنه
بيعملها
وبيستخسر فنفسه هو اى حاجه مقابل سعادتهم هما ..
وده الى كانت منة بتفكر ف طول الليل بعد م مى ووسام اتصالحو ومشيو من عند امنيه
والحمدلله وسام بس ايده اتجزعت وضهره ف كدمه من الواقعه ..بس هو كويس
واول م دقت الساعة ع ان الصبح شقشق
منة حضرت نفسها وحضرت ابنها انها تمشى من عند امنية
وترجع شقتها
وفعلا رجعت بس محصلتش سامح كان نزل عالشغل ... جابت كل حجاته الى عايزه تتعمل
ولاقته غاسل هدومه بطريقه غلط وشبه مش صح ، ضحكت وغسلتها من الاول وبعد كده وقفت كوتهم كلهم
ورتبت البيت
ونزلت جابت ورد من فلوس بتحوشها ع جنب وزينت بيه فازة فالصاله ..وعملت اكله بيحبها
وخلصت الى وراها واتهيأت ع سنجه 10
وفى انتظار رجوعه ..
رجع سامح ..لقى البيت متغير
ريحه اكل جميله ..وورد وترتيب
ومنة طالعه من الاوضة وامورة زى لما كانت بتهتم بنفسها فاول جوازهم قبل م تخلف
سامح: رجعتى امتى ؟
منه: انهاردة الصبح
سامح:حمدلله عالسلامة (سابها ودخل اوضته يغير هدومه وفتح دولابه لقى كل حاجة مترتبة ومكوية)
منة: مش هتتعشى ..ده انا عاملة حمام وملوخية خضرا الى بتحبهم
سامح: (بيغير وبيلبس تانى ) ماليش نفس، كلى انتى
منة عيونها دمعو مش عارفة تتصرف وتراضيه ازاى
هى مش مدردحه زى مى او غيرها ..مش عارفه ايه الحيلة الى تخليه يسامحها بيها
منة: انت لسه زعلان منى
سامح: (قفل الدولاب) ياريته كان زعل..كانت هانت
ف حجات اكبر من الزعل جوه الواحد متتمحيش بسهوله
منة: طب م انت عايتنى بحبى ليك..وانى جيت وقولتلك فالمطار
ومع ذلك انا سامحتك
سامح: (سكت لانه فعلا غلطان وشاف فعيونها الدموع) عايزة تفهمينى انك ندمانة ع الى عملتيه معايا
وانك خلاص رضيتى بعيشتك زى ماهى معايا
وانك بتحبينى كده حتى لو مافيش فبيتنا عيش حاف ناكله
منة: ايوة والله ..بص يا سامح انا عمرى م كنت بفكر فوسام زى م انت فاكر بعد جوازنا
او اصلا بعد م خطب مى وانا شيلته من دماغى ..يمكن الشيطان ضحك عليا
عشان هما يعنى عايشين بس..
سامح: بس ايه
منة: لاقيت هما كمان بيتخانقو وعندهم مشاكل وهى بتسيب البيت وهو ممكن يخونها
وان مش كل حاجة بنفتكرها زى م احنا شايفين من برة
وان الابواب ياما مخبية زى م ماما كانت بتقول
سامح: انا ماليش دعوة بيحصل ايه مع مى ووسام، انا ليا بمنة
ام ابنى
شايفه سامح ازاى
منة: شيفاه جوزى وحبيبى وتعويض كل حاجة كان نفسى فيها
وحقك عليا ومش هعمل اى شئ يدياقك تانى
بس منسبش بعض ياسامح واتطلق
انا ممكن يحصلى حاجة
سامح: منة متعيطيش..انا مش هسيبك
فاكرة اول مرة اقولك عايز اتجوزك..قولتلك انا عارفك
انتى ايه كويس اوى
استغربت انك اتغيرتى مرة واحدة ..عشان ..
منة: خلاص بقى وحياة ابننا ..مش هتاكل بقى
سامح: (ابتسم) بصراحه انا واقع من الجوع والريحه خلت دماغى تلف وكنت هأوح ومأكلش بس بصراحه مش هقدر اكتر من كده
منة: يعنى خلاص مش زعلان
سامح: مش زعلان ..ربنا يهديكى يارب وتبقى طيبة دايمآ كده
منة: هههههههه ماشى ..يلا عشان الاكل ميبردش
وانا نيمت الولد بالعافيه
سامح: وانتى نيمتيه ليه ؟؟
منة: ياسلااااااااام عشان اقعد معاك براحتى ..طب ماشى انا غلطانة
انا هصحيه (رايحه ناحية الولد مسكها)
سامح: انتى ما صدقتى !! تعالى ناكل الوليمة دى وبعدين نشوف اذا كنا نصحى الواد ولا نوديه للجيران
منة: ههههههههههههههههه
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
" الله الله ..ايه القمرات دول .."
مى: (بتلف) ايه رأيك فالشياكة الفظيعة الى ع مراتك
بتول: ايوة ايه رأيك يا ويسو فالحلاوة الى فيها توتا بنتك
وسام: والله بابا الله يرحمه مكدبش لما قال عليكم جواهرى
وايه التطقيم ده
انتو عملتو الفساتين زى بعض كده امتى
مى: يابنى من اول م نهال قالتلى ع معاد الخطوبة بتاعتها هى وشريف وانا نزلت جبت قماش ورحت للخياطة بتاعتنا الى بتعمل اغلب شغل الاتيليه ماانت عارفها
وخلتها تعمل استايل شوفته فصورة عالانستجرام لفستان كانت لابساه ايتن عامر
وسام: اه ايتن عامر
مى: وبس ..هى بقى عاملاه شفتشى يبين كل ايشى ..انا بقى اخترعت حاجات تدارى بشكل شيك
لكن خليته شفتشى لبتول ونفس قصة الفستان الحقيقية
ايه رأكي ففوكيراتى
وسام: بصراحه حاجة كده ابداع ربنا يخيلكى ليا يا حبيبة قلبى ..بس يلا بقى عشان منتأخرش
مى: لااااااااااا اقلع الكرافت دى ..تفتكر نسيتك فالشياكه بتاعتنا متكونش ثلاثية
بتول: ايوة يابى الفثتان بتاعى انا ومامى بينك ف لى لا ومامى جابتلك اللون ده زيينا تلبثه وتبقى ثبهنا حلو
وسام: ابقى ثبهكم حلو ..يا خلاااااااااسى والنبى اكله العثل ده (بيجرى وراها)
بتول: (بتجرى قدامه وبتضحك) لاااااااااا مث هتمثكنى يا بابى
مى: طب فين الحج الى واقف بالساعه ويلا يلا ..هنتأخر عايزة الحق الخطوبة من اولها
وسام شايل بتول بيعضها وهى بتضحك
وسام: يلا يا اميراتى (عمل بايده اتفضلو وطلعو قدامه)
فالعربيه شغلت مى اغنيه بتحبها وفضلو يهيصو التلاته كأنهم شاربين انهاردة
حتى وسام كان بيردد معاهم وبيعمل بالكلاكس ..
ووصلو القاعه ..كان لسه شريف ونهال داخلين
وقاعدين عالكوشة
مى لمحت منة وامنية وغادة قاعدين عالتربيزة وجريت عليهم سلمت وبعدين طلعت مع وسام تسلم عليهم وقعدت جمبهم
وابتدى النم بتاع الستات بقى ..
غادة: ع فكرة وحشة ومعصعصة وشبه عصايه المقشة ، مونى برقبتها
امنية: خلاص بقى يا غادة ربنا يباركلهم فبعض والله انا مش زعلانة
منة: ياشيخه بقى انتى مش زعلانة! انتى عنيكى متشالتش من عليه من اول م قعد
امنية: لا عادى ، حسيت ان الايام جريت بسرعة
وكأن امبارح هو كان قاعد جمبى انا وخطوبتنا سوا
غادة: وايه ياختى الفستان القصير الى هى لابساه ده ، ايه نطاعة شريف دى
سايب معازيم الفرح يبصو ع رجلين المحروسة الى هتبقى مراته
مى: هو ده ستايل نهال اصلا يا جماعه،وبعدين كفايه نم
(مسكت طبق حلويات مشكل من ايد غادة وحطته عالتربيزة) وانتى خفى حشر
وسام جه واستأذن مى هيقعد ع تربيزة زمايلهم فالشغل شوية ويرجعلها
اما عالكوشة..
شريف: مش حاسس انك مبسوطة يعنى ؟
نهال: وانت بالنسبة لك الانبساط معناه ازاى ؟
شريف: عادى قومى افرحى زقططى..زغردى
ولعى فنفسك
ولعى فيا
نهال: (ضحكت نص ضحكة) انا مبستمة اهو وبسلم عالناس من بعيد لبعيد
نادر حبيبها الاولانى جه الخطوبة ..وكان متدايق وطلع سلم عليها
بس الغريب ان نهال سلمت عليه بفرحه غريبة رغم موقفها منه
شريف: ايه ده ان شاء الله
نهال:فيه ايه كان زميلى واعرفه فى حاجه
شريف: لا ونسيتى تقولى انه كان اللف القديم بروح امه
نهال: ايه ده والله بجد! انت عارف
طب كويس وفرت عليا حكايات هحكيها
شريف: ايه البرود الى انتى فيه ده ، ازاى تسلمى عليه كده
نهال: انت جيت وخطبتنى وانت عارف انى كنت اعرف حد قبلك
ده غير انى قولتلك اصلا
فمتعملش متفاجئ
وبعدين انا سلمت عادى ..بلاش افورة رد الفعل دى
شريف: اه افورة ..(بيهز راسه وبيبص ناحية امنية والبنات)
عند البنات بقى
مى: بس قلبى مش حاسس ان شريف مبسوط يا بنات
منة: يا مى فرق شاااااسع بين خطوبته عالبنت دى وبين ع مونى
ده كان مبسوط اوى ومن اول م دخلو القاعه رقصو ومبطلوش غير ف اخر الحفلة
غادة: ياسلام! محدش ضربه ع ايده م كانت قدامه
امنية: يوووووه يابنات ، شريف كذا مرة يفاتحنى نرجع لبعض وانا مش برضى
وبعدين خلاص والله بجد انا مش زعلانة
جت اغنية كانت زمااااااااان لما شغلوها فخطوبة شريف وامنية
رقصو عليها الاتنين سوا
شريف لوحده قام اول م اشتغلت وجاب ايد امنية لدرجه ان البنات استغربو
وامنية قامت معاه الاول كانت متفاجئة وبعد كده من فرحه انه ساب خطيبته
وجه رقصها معاه زى زمان ع نفس الاغنية
كأنه قدام كل الناس بيقولها انا بحبك انتى
منقدرش نحكم ع شريف انه كان بيغيظ نهال ع اد م الاغنيه دفعته لذكرى مع امنية خلته ميشوفش حد
وجت حته هما كانوبيميلو ع بعض فيها وهو كان ماسك شال فستان خطوبتها ساعتها ولفه حواليها وهو بيرقص
المرة دى مافيش شال !!
منة طلعت من شنطتها طرحه نفخه بيها الشنطة ..ورمتهاله!
وبصت لنهال بصت غيظ وبتسقف ع آخرها
وغادة قامت حواليهم تزغرط وباصة لنهال وبردو بتغيظها
لكن الغريب ان نهال كانت منتهى البرووووووووود..وكانت بتسقف كمان!
وشريف فعلا مفكش وضحك غير مع امنية وامنية برضو
ومى وقفت جمب البيت تهز ع خفيف جسمها فرحة لامنية ..لاقت وسام طبعآ فوق راسها
وسام: ارجعى اقعدى عالتربيزة
مى: والنبى سيبنى يا ويسو انا حتى مهيصتش زى البنات واقفه عادى ..اصل بجد فرحانه لمنوش اوى
وسام: فرحانة لمنوش اوى هو كتب كتابها انهاردة! ارجعى اقعدى جمب بنتك واعقلى واخر مرة انبه
مى اتنشكت زى الاطفال ورجعت قعدت وبرضو كانت بتتهز فمكانها من الفرحه وبتبطل عالتربيزة
بس بصت ناحية نهال لاقيتها مبتسمة وبتسقف ولا اتحركلها شعره!
خلصت الاغنية ..وامنية رجعت تربيزتها متغيرة 180 درجه من الفرحة
وشريف رجع لمكانه
لا اغتذر ولا حاجة..كأن ده العادى
ونهال مفتحتش كلام اصلا
بس اهل نهال استغربو وصحباتها واتدايقو..ده غير نادر طبعآ الى كان مولع نار من الغيرة
منة: ايوة يا مونى يا جاااااااااامد! شوفتى اول م دور ع حاجة يلفها ع وسط مكان الشال
رميت الطرحه
هههههههه متخافيش سدادين وراكى
غادة: وايه يابت الفرحه دى كأنك ما صدقتى وبوقك اتفتح من الودن للودن
امنية: انا محستش بنفسى والله، اول م اخد ايدى وانا روحت لدنيا تانية
رجعت كام سنة ورا لخطوبتنا بقى وكده
ونسيت حقيقة الامر الواقع دلوقتى
مى: بس نهال مزعلتش!
غادة: عارفة نهال بتاعتكم دى انا حاسة انها حربايه يا مدبراله حاجة
اصل ده مش رد فعل واحدة يوم خطوبتها ع خطيبها بيرقص مع غيرها
منة: واااااااااه يا خوفى لو عرفت ان دى خطيبته القديمة وحبيبته كمان
مى: المصيبة انى عارفة نهال ..شخصية قوية جدآ وحكيمة
هدوءها وعقلها ده مش مطمنى
غادة: ياستى يولعو بجاز..اهم حاجة البوفيه هيتفتح امتى؟؟!
منة وامنية ومى بصو لبعض وعملو نفسهم ميتين عالتربيزة !!
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
وسام ومى وبتول مروحين بالعربية ومى بتحكيله بقى الى قالوه وردود الافعال ع رقصة امنية وشريف
وسام: هو ي اتهبل فمخه، يكالعادة مش عارف عايز ايه
اصل لما هو لسه بيحبها بيظلم بنت جديدة فاللسته ليه معاه
مى: طيب تحدى ان نهال مخبياله حاجة ..بس ايه هى منعرفش
المهم ان موقفها انهاردة ده غريب
وسام: والله كلنا استغربنا ..يمكن هو موضح ليها بطبيعة علاقته بأمنية
يلا ربنا يهدى الاحوال ..
بتول: تعالى يابابى نتمشى عالكورنيس ثوية
وسام: كورنيس ! حاتر
بطل العربية ونزلو التلاته ..
اتمشو وشال وسام بتول فوق كتافه وماسكها وهى بتبص عالنيل وتضحك
بتول: انا سايفه البحر وكل حاجة ومراكب كتير كتير
مى: ههههههه نزلها يا ويسو لا تقع
وسام: لا متخافيش يا مشمش، هاه مبسوطة يا بتولتى!
بتول: اه يابابى اوووووووى..تعالى نغنى الاغنية بتاعتنا بئى
وسام: انهى واحدة ياعمرى
بتول: بتاعت احنا ال3
مى: ااااااااه طب خلاص متفقون يا بتول
بتول: بث محدث يلخبط..متفكون
وسام: متفكون والله المستعان
مى: يلا ..احنا ال3 سكر نباتا
احنا ال 3 حاجة شربتاتا
بتول: بالانثانية موث بالتباتة احنا التلاتة
مى: احنا التلاته
بتول: بابى انت بتحمرء ومث بتغنى
وسام: لا مانا حاجز دور مستمع
بتول: لاااااااااا انت وحث
وسام: خلاص تعالو نركب مركب كلنا سوا فالنيل
بتول: هيييييييييييه يلا
وسام: ولا اقولكم خليها فالنهار احسن ..اخاف ع توتا
مى: ياعم سيبها عالله ..يلا بيناااااااا
نزلو وركبو مركب ال 3 وحدهم ولسه الهزار والضحك مابينهم مستمر
وسام: (نايم وباصص للسما وحاطط رجل ع رجل وجت جمبه بتول وعملت زيه)
وسام: متقلدنيش ياتوتا (هرش فعنيه)
بتول هرشت فعنيها
وسام لعب فدقنه وهو باصصلها ولعبت زيه ..ضحك ومسكها يعضعض فيها ومى تضحك جامد
بتول: طيب خلينا نروح وانا هغلبك يابابى فالوى بث هه!
وسام: وانا مش هروحك هخليكى تنامى هنا مع عمو المراكبى .. وتصحى مش تلاقينا وتعيطى كتييييييييير
بتول: انا كبيرة وموث بعيت وهثحى اثتغل مع عمو المراكبى واجيب سمك واسوية وناكل
مى: هههههههههه ماشاء الله ، ماشبه اباه فما ظلم
بتفكر تفكير رأس مالى متقدم
بتول: بابى انا بحب البحر اوووووووى
وسام: ده النيل يا حبيبة بابى مش البحر ..البحر هناك لما بنصيف
بتول: انا عايسة العب ثباحه يابابى بئى هتودينى امتى نادى زى صحباتى!
وسام: (سكت وسرح) ان شاء الله يا رووووح قلبى
خلصت النزهة الصغنونة وطلعو وروحو وجابلهم بطاطا مشوية وكلوها سوا
وباليل مى منسيتش من يومها حوار كاميليا بس كانت بتأجل انها تفتحه معاه ..بس كلمة فموضوع
اتجابت سيرتها
مى: قولى بقى موضوعك مع كاميليا بشويششششش ومتنساش فتفوتة تمام..واوعدك هبقى ميوش صاحبتك حبيبتك العاقلة
هاه يلا ابتدى
وسام: هههههههه انتى يوم م تعقلى هيبقى يوم عيد!طب راجعين من خطوبة وخروجة حلوة بلاش العكننه بقى
مى: لا والله مش هعكنن بس عايزة مبقاش نايمة ع ودانى ..ويلا بقى مش هسيبك غير لما تحكى كل حاجة
وسام: (ابتسم)
ياستى الحكاية ومافيها ..
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
عدت ايام ...
وفالشغل عند وسام وشريف كانت الدنيا شاده شوية..ناس جديدة اتعينت
من ايام
وموظفين بتدرب
وموظفين بتترقى
والدنيا مقلوبة ...شريف طلب قهوة وهو بيشتغل من البوفيه
وجت القهوة
" اتفضل يااستاذ!"
شريف قبل م يبص لاحظ صوت حريمى تخين شوية مدى ع راجل بيدور وكانت الصاعقه!
شريف: اعااااااااااااا سلام قولا من رب رحيم !
بشرى: ايه فيه يا استاذ القهوة
شريف ساكت وبيبص فملامحها ..بنت سنانها طالعه برة وخلقة ربنا شريفه
زى ضب بس ممدود شوية
وسمرا
وحواجب موصوله
وقصيرة
وعليها تكشيرة وحشة اوى
وماده الصنية بالقهوة
شريف: انت مين ياعم الحج!
بشرى: انى بشرى ..الى اتعينت بوفيه هنى عندك مانع
شريف: عندى مانع ..تعالى اسكعينى قلمين احسن!
مين دى يا جدعان
وسام: (جاى من بعيد كان بيدى كورس مبتدئين) دى بشرى يابنى هههه
خلاص روحى انتى للبوفيه
شريف: لا استنى (مسكها يلفها وبيبصلها باستياء وقرف وخضة فنفس الوقت)
هما جايبين ناس تشتغل ولا جايبين ناس تجيب اجلنا
وفالبوفيه كمان!
بشرى: بقولك ايه ياجدع انت ..اوعى ايدك دى تتمد تانى
شريف: جدع انت !! جايبنها من المدبح دى ولا ايه ؟ انتى مكانك فجنينة الحيوانات ياامى مع القرود والنسانيس
بشرى: يوووووووه هتطول لسانك تانى !
شريف: واسمك بشرى كمان..بشرى ايه يسموكى زفته
فحمة
هبابة بشرى ايه وقرف ايه
وسام: اسمها بشرى خير كمان..ويلا يابشرى عالبوفيه وانت كمل شغلك
شريف: استنى ياعم السوبر فايزر.. بشرى خير بتاعت الجسمى
قوم نادى عالصعيدى وابن اخوك البورسعيدى (بيرقص)
بشرى: (نفخت ) اللهم طولك يا روح ...خليه يسكت الجدع ده يااستاذ وشام!
شريف: (بيتريق عليها )وشام! وكمان لدغه
وانا كل يوم
هصطبح بأم الخلقة المعفنه دى
والله م قاعد
بشرى: خلقة معفنه ..انا خلقتى معفنه يا راجل نش كم طب خد (دلقت الصنيه فوق راسه والفنجان اتكسر فدماغه)
شريف: اااااااااااااااااااااه
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
استنونا
#ويسو_ميوش_توتا_وخلصت_الحدوتة
#نوراسماعيل
ليست هناك تعليقات:
إرسال تعليق