❄❄❄❄❄❄❄❄❄❄❄❄❄
"انتى ياست هانم ..يعنى كل ده تأخير برة البيت!"
مى: انا مش بتسنكح يا استاذ وسام ، غادة بتولد واحنا معاها
وسام: غادة بتولد!! طب انتو فين
فمستشفى ايه
مى: ايه هتيجى يعنى ؟
وسام: يعنى الرد عالسؤال بسؤال ومش هنخلص متقولى انتو فين
مى قالت لوسام ع عنوان المستشفى ...للاسف صحى بتول من النوم وعداها ع بيت سهر خالتها
وطلع عالمستشفى عشان متقعدش وحدها فالشقه.
وسام وصل المستشفى ..كان ممدوح اصلا هناك
والبنات طبعآ
منة كانت بتتكلم فالفون مع سامح.
منة: انا همشى لما اتطمن عليها ع طول..وانا اعرف منين ياسامح انى هتأخر طيب
(لمحت وسام)
طيب اوك سلام دلوقتى
وسام: ولدت ولا لسه
مى: (نسيت انها مخصماه) لا لسه ..بتول فين ؟
وسام: اصلى هسيبها فالشقه لوحدها زيك.، ودتها لسهر واحنا راجعين ناخدها
مى: (افتكرت الخناقة) ممممممم طيب فيك الخير
طلعت الممرضة..
الممرضة: مبروك المدام ولدت ماشاء الله طبيعى وهى فاوضة عادية دلوقت
امنية: والبيبى ؟
الممرضة: معاها .الف مبروك
منة: مبروك يا ممدوح..يتربى فعزك ادخلها
ممدوح: (مخنوق) الحمدلله
وسام: مالك فيه حاجة ؟ مش مبسوط ولا ايه
ممدوح: لا بس الفيزا ضايعه منى من الصبح بدور عليها ومش عارف هدفع حساب المستشفى منين
وسام: ياسيدى واحد ادخل بس سلم ع مراتك
امنية ومى بصوا لبعض وضحكو..
مى: ادخل انت لغادة بس..
دخلو كلهم كانت هى فايقة وكويسة الى حد ما
ممدوح: مبروك ياغادة
غادة: الله يبارك فيك يا ممدوح..بص الواد طالع حلو ازاى وشبهى
مش شبهك
ممدوح: (عوج بوقه) طيب ياستى كويس
امنية: هتسموه ايه ؟
غادة: نسميه لؤى
ممدوح: انا مبحبش الاسم ده
غادة: بس انا بحبه ، وانت متعبتش فيه قدى ولا شيلته 9 شهور لما قطع نفسك
ممدوح: بس طلع عين اهلى فمصاريف الحجات الى كلتيها فحمله
منة: ههههههههههه خلاص يا جماعة ابقو شلئو لبعض فالبيت
ممدوح: قوليلى الصبح ماشوفتيش الفيزا بتاعتى؟
امنية: اه صحيح الاكياس بتاعت الحجات الى اشتريتيها ياغادة، احنا اتلهينا فيكى وباين نسيناها عند محل العصير
غادة: نسيتوها ! (قالت بخضة) ده انا قايمة من العملية جعانة اوى
ممدوح: حجات ! حجات ايه..انا مش سايبلك فلوس
جبتى الحجات دى منين؟
غادة: من الفيزا هيكون منين يعنى (بترد بتلقائية)
ممدوح: والله ..من الفيزا عادى كده
غادة: ايه احنا مش متجوزين وحاجتك حاجتى..وبعدين انا كنت عايزة اشترى حجات وانت مش سايب فلوس فاتصرفت
ممدوح: وان شاء الله الفاتورة المرة دى بكام..بتاعت الحجات الى اتنست دى ؟
منة: هههههههه 1725 تقريبآ
غادة: ماشاء الله يا منة 5 شعلة فاكرة الرقم..ولعيها ياختى
ممدوح: نعم!! غادة..
غادة: خير
ممدوح: احب اقولك ان مافيش فلوس ادفع بيها عمليتك وحساب المستشفى..والفيزا الى مع حضرتك الى فيها ميكفيش
خلى بقى خال لؤى يدفع حسابك
واول م تطلعى روحى ع بيت ابوكى .. متجيش عالبيت
سلام!
مى: يانهار اسود ..خد يا ممدوح
(طلعت مى وامنية ورا ممدوح ووسام )
غادة: (بتبص لمنة) وانتى مسافة م سأل قولتى ع طول
منة: ياستى م مسيرة يعرف..انا همشى بقى ماشى الوقت اتأخر
غادة: طب يلا ياختى
منة: وانتى فعلا هتروحى ع بيت باباكى ؟
غادة: هيروحنى هو ورجله فوق رقبته ، هو حب بس يبان الكومندا قدامكو..انا مربياله الرعب ممدوح
طب خليه كده ميجيش يدفع ويروحنى
وانا ارفع عليه قضية خلع
منة: ههههههههه طب ربنا معاكى ..سلام
منة خارجه ووسام ومى داخلين لغادة تانى
وسام: الف حمدلله ع سلامتك..احنا هنروح معلش ياغادة لان بتول عندها مدرسة الصبح
مى: معلش يا دودا ولسه هنعدى ع سهر
غادة: لا ماشى براحتكم..ومعلش تعبناك يا وسام
وسام: لا ازاى ..الف مبروك مرة تانى
يلا يامى
مى باستها وسلمت ع امنية ومشيو
طول الطريق ساكتين ومش بيتكلمو سوا..راحو جابو بتول ورجعو عالبيت
البنت كانت نيمانة خااااااالص لدرجه كانو منيمنها ع الكنبة ورا فالعربية وهما طالعين شالها وسام وحطها فسريرها بهدوووووووء وقفل عليها الباب
ودخل اوضتهم لقى مى بتغير
وسام: اظن دلوقتى مش وقت محاسبة ع كمية الغلطات الى غلطيها انهاردة
مى سمعاه ومردتش وطنشته وكملت تغيير لبسها..
وسام: (لفها من دراعها) انا بكلمك ..يبقى تردى
مى: (برخامة) نعم!
وسام:نعم الله عليكى .. اولا محصلش حاجة امبارح لكل الى انتى عاملاه ده
وسكتت وقولت حقها
بتغيرى عليا وبتحبينى زيادة عن اللزوم
مى: لا يابابا مش غيرة..ومين دى الى اغير منها
دى حتى دمها يلطش
انا شوفت ان فى استعباط وحبيت اوريك انى مصحصة
وسام: استعباط ايه ؟ ايه العبط ده
مى: تنكر ان انك تعرف الست دى ..اصل بص الست اكتر واحدة تحس بجوزها
واحساسها ميكدبش ابدآ
بصتكم لبعض
وطريقة الكلام
مش مجرد انك اول مرة تشوفها فحضانه بنتك ..ولا انك تعرفها يدوب عشان فادت بنتك ساعة الحادثة
متنكرش يا وسام لانك هتطلع كداب قدامى
وسام: (سكت لثوان عايز يقول بس شايف ان الوقت مش مناسب) وافرض..افرض اعرفها من اى ظرف فالدنيا
ايه التصرف الى حصل منى خلاكى تقوميها حريقه كده
مى: (بتخبط ع صدره) لا ياحبيبى انا مش هستنى لما تعمل تصرف ميعجبنيش مع الست دى او اى مخلوقة خلقها ربنا
انت بتاعى لوحدى
ولما تفكر تخلينى شريكة فيك ..مش ممتلكاك
هتبقى انت والى هتفضلها عليا تحت الارض
وسام ع اد م كلامها تقيل بس فرح عشان بتحبه اوى كده ..فابتسم.
وسام: طيب اخزى الشيطان خلاص..وحقك عليا لو كنت دايقتك بطريقة مش قصدى
مع انك لسه مكملتش انتى غلطانة ف ايه تانى ؟؟
مى: انا مش ففصل والمس بتحاسبنى .. فيه ايه؟
وسام: (اسلوبها الوحش خلاه يقلب تانى) يعنى هو لما تصسيسبى بنتك بليل فالشقه لوحدها ده مش غلط!
بتول عندها كام سنة عشان تسيبها لوحدها؟
افرض فتحت البوتوجاز نسيت الغاز الشقه ولعت وهى لوحدها
افرض جه حد خبط عرف انها لوحدها كسر الشقه وخطفها ولا قتلها
قلبك موجعكيش عليها ؟؟
مى: يا سلاام!! ايه الافورة دى
اولا انا منبهه ع بتول متفتحش بوتوجاز وانا محضره ليها كل حاجة عايزاها
وبنتك ذكية ومش غبيه
ومش بترد ع حد بيخبط الباب ولا بتدخل حد
وبعدين مرة من نفسى اخرج مع اصحابى
مش كفاية انت ع طول يا فالشغل يا مع شريف يا هنا يانايم ..
وسام: بس دى كل شغلتى فالحياة يا مى ؟
مى: والله بقى ده الى عندى
وسام: (دخل السرير وهو متنرفز) طب تصبحى ع خير وكفاية كده بقى
مى: وانت من اهلة ياسيدى
غيرت هدومها ورايحة تطفى النور والاباجورات لمحت كيس غريب محطوط ع جنب
فتحته وشافت الى ف !!
اتخضت وجريت ع وسام وصحته ..هو كان فعلا راح فالنوم
وسام: (بخضة) ايه !! ف ايه ؟
مى: ايه الى فالكيس ده ؟ وبسرعة ومتقعدش تخترعلى
وسام: اخترع ايه ؟ انت متخلفه !
الحاجة دى ليكى ..وانا ممكن اجيب كده لمين يعنى
مى: ازاى ليا ومجبتليش سيرة، عشان تعرف انك كداب
وسام: اولا انا مش مجبر اكدب عشانك واخد سيئة..ثانيآ وحياة ربنا ليكى وكنت هصالحك بيه عشان سيادتك متنيلة مقموصة من امبارح
وجيتى انهاردة كملتيها
خلاص..
خلص التحقيق؟
مى اتكسفت لان فعلا هى بتحب الاستايل ده من الحاجة دى ..واللون
وحست انها ظلمته
مى : طب خلاص ادخل شوية عشان انام ..
وسام بصلها باستغراب وقال لا حول ولا قوة الا بالله ودخل شوية
مى: اه معلش متجوز مجنونة انت
وسام: نامى وخلى ليلتك تعدى
مى: وان معدتش يعنى ..تعالى اضربنى
وسام: (قام من عالسرير وطلع هدوم الشغل بتاعته ) لا ياستى لا اضربك ولا بتاع ..نامى لوحدك
سابها ونام عند بتول وخرج .. ورزع الباب فاتخضت
حست بالغباء زيادة فاللى عملته ..بس كبريائها منعها تعترف..ونامت
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الصبح بقى ..
قامت مى بدرى لانها كانت مش نايمة كويس ..حضرت الفطار
ولانهم نايمين متأخر
وسام مقدرش يصحى ع صوت المنبه ، ولا بتول كمان
دخلت مى عليهم الاوضة..
لاقت وسام واخد بتول فحضنه وشكلهم حلو اوى .. ابتسمت ووقفت متنحه لشكلهم لدقيقة
وبعدين صحتهم بهدوووء
مى: وسام ..يا وسام يلا عشان الشغل
وسام:(بيفوق وبيصحصح وابتدى يجمع..)
مى: شكلك مصلتش الفجر ! راحت عليك نومة ولا ايه؟
وسام: يمكن ..(اخد نفس وقام وباس بتول وبيصحيها) توتا
توتا يلا قوم حبيب بابى
بتول: باااابى (بتصحصح) هو انت نمت هنا كمبى امبارح بردو
وسام: اه ..اصل البوبى الوحش كان بيجرى ورايا
وكان هيعضنى ..روحت جريت بسرعة وقولتله انا هنام جمب بتول ياخويا
راح خاف وقالى انا مش بعض بتول عشان هى بنوتة شطورة..وبتسمع الكلام
وبتعمل هوم وورك وبتاكل سندوتشات والعصير بتاعها
(وابتدى يداعبها وهى تضحك ومى واقفة بتضحك عالقصة الى اخترعها عشان متحسش باختلاف بينه وبين مامتها)
خرجت مى تجهز السفرة ..وهما قامو وراها
دخل هو وراها ..ووقف عند باب المطبخ
وسام: شكلك انتى كمان منمتيش ..
مى: (عضت شفتها وابتسمت واتلفتت له) اصلى مش بعرف انام كويس طول مانا..بعيد عن حضنك
وسام قرب بخطوات هادية ناحيتها..
وسام: طب م انتى قدرتى اول امبارح ..وعملتيها كتيييير
تتنرفزى زى العيال وتتقمصى وتقفلى الباب عليكى
مى: (لفت ايدها حوالين رقبته) ومين قالك انى بنام كويس ساعتها
وسام: (لف ايده حوالين وسطها وقرب بحب) ومين قالك انى بعرف انام طول م انتى مش جمبى...لولا ان بتول لما بحضنها بشم ريحتك
مكنتش قدرت انام
مى بتميل عليه تبوسه بهدوء..اللبن فااار
دخلت بتول عليهم..
بتول: اللبن فار يامامى ... يلا بقى سخنى تانى هتأخر عالمدرسة يوووووه
ضحكو الاتنين ع بتول وخرج وسام من المطبخ بس وهو عالباب مى نادت عليه
وبعتتله بوسه فالهوا
ضحك واخدها وطبعها ع قلبه ..
لبس وجه عالسفرا وابتدو يفطرو ..كلاكس الباص لبتول
نزلت
ووسام وراها ..وقفته مى عند الباب
مى: مكنتش حابة ابدآ خصامنا يطول (باسته فخده) تروح بالسلامة يا حبيبى
وسام: (قفل الباب تانى) بصيتى عالحاجة الى جبتهالك ولا لا
مى: (فتحت الباب بدلع) يلااااااااا نبقى نشوفها بليل سوا..يلا ورانا شغل
وسام: ماشى يا مشمش.. سلام يا روحى
مشى ودخلت مى تنام شوية قبل م تروح فمعاد الاتيليه ...
اما وسام كان اكتر نشاط عشان زال الخلاف بينه وبين مى،برغم ان لسه جواه صراع
يتكلم عن كاميليا..ولا هى اصلا علاقة وخلصت من قبل م يتقابلو هو ومى ب 10 سنين
وخلاص هما اتصالحو ودى علامة من ربنا انه ميفتحش الحوار نهااائى ؟! ...هنشوف
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"تفتكر هو كده ضعيف الشخصية معاها، ولاهى اصلا الى مش بيعجبها العجب ونكدية ع طول"
سامح: (بيفطر) هو مين؟
منة: وسام ي ااخى وسام..اومال انا بتكلم من الصبح عن مين ؟
سامح: مممم مش عارف بصراحة ، لا انا قريب منه عشان احدد شخصيته مع مراته
ومى من بعد جوازنا مش بشوفها كتير ولا بتعامل معاها
منة: لا بس الى بيحصل ده غريب ، قال ايه تطلع روحه خناق وغيرة وشك
وفلاخر يصالحها..ايه ده
سامح: (ساب الشوكة من ايده مرة واحدة) انتى مش ملاحظة من امبارح من ساعة ولادة غادة وانتى مش مبطلة كلام عن وسام ومى
ومعاملة وسام وطريقة وسام مع مى
منة: (ارتبكت) هه! لا عادى مجرد كلام، اومال هحكى ف ايه يعنى
سامح: عادى نحكى فأى حاجة فالدنيا مش شرط مى ووسام
منة: خلاص اوك، متزعلش اوى كده..انت عارف حصل حتة موقف مع غادة وممدوح
خدت من وراه الفيزا واكتشف ده ساعة دفع حساب المستشفى ليها وقالها انتى تروحى ع بيت ابوكى انتى وابنك ههههههههه
كان موقف يفطس من الضحك ههههههههه
سامح: غلطانة..هى كده غير امينة ع فلوس جوزها، ازاى تتصرف كده وتحرجه
غادة اتغيرت اوى بعد الجواز..تحمد ربنا هى كانت لاقيه جواز
وبعدين ممدوح حد كويس جدآ وخسارة فيها بصراحة..دى هتخرب بيته
منة: ياسلاام!! وغادة متتعيبش ..وايه مكانتش لاقيه جواز دى
معنى ذلك انى انا كمان مكنتش لاقيه جواز ومافيش غيرك كان قدامى فالمكتب فعشان كده اتجوزنا
مش كده !
سامح: انتى ليه بتحولى كل المواقف شخصية لبينى وبينك، لا طبعآ مقصدش كده
وبعدين احنا امرنا مختلف عنهم ..غادة من الاول شايفه نفسها ع ممدوح
منة: ممممم ، بس عارف برضو كنا كلنا كده ستات وممعناش راجل
والوحيد الى جه لمراته هو وسام..برغم انهم متخانقين مش سابها وخدها تروح معاه
وجالها من البيت مخصوص
سامح: مممم تانى وسام!!
منة: ايه مش بنحكى عن غادة وولادتها ؟ فيه ايه مش شايفه فى حاجة تقفش عليها
سامح: مين الستات الى كانت وحيدة يعنى ؟ ها
احب انا اقولك
بتقصدى حضرتك
امنية مطلقة ومافيش راجل هى مرتبطة بيه حاليآ.. وغادة وجالها ممدوح
والست مى جالها الفارس الهومام وسام
يبقى انتى بقى الزوجه الوحيدة التعيسة فيهم صح
منة: ايه ده ! لا طبعآ مقصدش كده
سامح انا مش عايزة اتخانق الصبح كده
سامح: ولا انا والله ، انا نازل
سلام
مشى ومنة باصة للباب مكان اثر م مشى وحاسة انها كانت باينة فمشاعر غيرتها من مى والى بيحصل لمى قدام سامح من غير م تقصد
بس لانها سلبيه..جابت التأنيب عليه برضو
وكأنه هو الى مقصر..مش هى الى حقودة وبتبص لعيشة غيرها.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"قولى ياض هو انا محتاج اخس؟
وسام: لا ..جسمك حلو
ليه
شريف: ابدآ اصل اشتركت فمدرسة رقص راقى وكده ..هبتدى دروس رقص عقبال آمالتك
وسام: دروس رقص!! ممممم وده خير ليه ان شاء الله
شريف: عادى ، حاجة جديدة حابب اعملها
وسام: طيب ياسيدى ، عقبال م اشوفك رقاصة اد الدنيا والنقطة نازله عليك زى المطر
شريف: يارب ياخويا يارب هههههههههه،بقولك صالحت موزتك ام العيال ؟
وسام: اه الحمدلله ..بس انت عارف مى
مش بسهولة بيحصل ده
شريف: اصلا اخلص من كاميليا دى وسيريتها عشان مى متزغردش فوشك بعد كده
وسام: والله مش عارف ، ان حابب اقولها عمرى م خبيت حاجة عنها
شريف: وليه ياابن الناس وتفتح طاقه جهنم عليك من وسع..خلاص سكتم بكتم بقى
وسام: لا مش مستريح..هى تقريبآ كل حاجة فحياتها معرفهالى، يبقى انا مقولش ليه بقى
وبعدين دى حاجة قديمة وراحت لحالها من زمان ..وفعلا مافيش فقلبى حاليآ غير مى
ولحد م اقابل وجه كريم هتفضل هى مى
شريف: للاسف يابوالويس..هحاول ابلع كمية الجعلصة الى ف ام حكايتك بفاصوليا دى
واعرف
ايه سبب انكم تسيبو بعض ..اصل انت مش بتاع لعب
وانت لما حكيت..خدت بالى من كلمة هى ودنيا كانو اغبيا دى
كانت غبية ليه بقى
وسام: مافيش ..(سرح يسترجع الذكريات) ولو انى مش حابب احكى
عشان بحس انى بخون مى ولو بالكلام
شريف: ياعم هو انا قولتلك روح اتسطحلك يومين معاها ..انت بتحكى حاجة فاتت
يعنى مش قصة، مش كل حاجة تعملى منها قصة كده
وسام: بص انا قولتلك انها كانت من الصعيد..كانت من عيلة مش بتجوز بناتها لبرة العيلة دى
شريف: ليه عندها ايدز ولا ايه ؟
وسام: ههههههه معرفش تقريبآ عادات وتقاليد
شريف: منطق شكل امه غريب..كمل
وسام: انا مكنتش اعرف..طبعآ حبينا بعض بقى وصاحبك كان داخل جد كالعادة م انت عارفنى
حطيتها فدماغى لدرجه قولت لامى الله يرحمها ..والله فاكر كأنه انهاردة
ي امى عايز اخطب بنت معايا فالجامعة ..قالتلى خلص كليتك والى تشاور عليها اجيبهالك لحد عندك
شريف: هيييييييح الله يرحمك ياخالتو ام وسام..كمل
وسام: المفروض هى عارفة ده عن عيلتها وموقفهم
واكيييييد مش هيرضو بارتباطنا..سابتنى انا وهى نروح لدرجه منقدرش نستغنى بيها عن بعض
وبعدين جه وقت الجد..خلاص قربنا نتخرج
بتعيط بقى ومينفعش وبتاع واصل الحكاية وبتحكى
الله!
طب م كان من الاول..ليه تستنى لما انجرح منك
كنت دايمآ اسمع اغنية قلبى عشقها بتاعت راغب علامة ..واسرح بقى وازعل
كانت طالعه جديد ساعتها وكنت بحس انها حكايتى مع كاميليا..بس كان ممكن توفر عليا وعليها التعب..لانى تقبلت بالعافية فكرة انها خلاص مش ليا بعد معاناة.
شريف: معلش ياوييس يمكن انجرفت فبحر الحب الولية ومكانتش تقصد..يعنى هى متعبتش بعدك؟
وسام: لا تعبت ياسيدى..بس هى الى عملت فيا وفيها كده
وجت اخر السنة مخطوبة لحد من بلدهم بقى ومن عيلتها وفيه الشروط
شريف: ده بقى ابو الولد زميل بنتك
وسام: تقريبا اه ..مش عارف بس هى قالت انها اتطلقت من جوزها الاولانى
شريف: ممم يبقى هى بومة ياعم ومش بيعيش لها راجل ولا مؤاخذه
وسام: هههههههه خلاص بقى اقفل عالسيرة دى
خدنا ذنوب عالفاضى
شريف: هى الولية دى بتشتغل فين صحيح؟
وسام: مش عارف تقريبآ لما روحنا انا ومى قالت انها بتشتغل فبلد فالخليج فشركة ..مش مجمع بصراحة
شريف: طب م تشوف ياعم يمكن تجيب لك عقد وتخلع من هنا
وتعيش زقططة بقى ..وانت طبعآ الحبيب الاولى
هتلاقى مين احسن منك تخدمه..
وسام: (الفكرة لمعت فدماغه) تفتكر...
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
امنية: يعنى انتى نفسك فبيبى جديد..ولا زن العيال دى هو الى حركك؟
مى فالشغل وبتشرب النسكافيه وبتتكلم مع امنية .
مى: لا الاول كان موضوع عادى ..بس فعلا
انا بقالى كتير وحشنى احساس بيبى صغير وخدوده الناعمين ..وعياط وبامبرز هههههه
امنية: وزن وتصحى فعز نومك..وتقولى وداع للنوم
وللراحه وللاكل..وللشغل
شكلك نسيتى كل ده ..طبعآ بقالك 5 سنين واخدة اجازة
مى: لا والله ، بس نفسى احس بانى عيلتى انا وويسو كبيرة كده..وحبنا بيكبر
انهاردة لما قالى بشم فبتول ريحتك..عرفت فعلا ان الاولاد هى الى بتربط الاب بامهم
والعكس
حركنى انى اجيب بيبى جديد مش عارفة ليه ..ونفسى بجد المرة دى يكون ولد
ويكون حتة من وسام
امنية: ههههه مش كفاية بتول!
مى: لا بالعكس دى بتول نسخه منى انا ..لماضة وخفة دم
ولسان طويل ههههه وشبه كمان
مافيش غير عيون ابوها الى بحبهم هى الى واخداهم..لكن الباقى نسخه بالظبط تبيكل انا بس انا بحب اغيظه من وقت للتانى واقوله البت طالعالك
بس دلوقت نفسى بجد فولد يكون عبارة عن وسام صغير
امنية: ياستى ربنا يديكم... بصراحة جوزك لازم تقرى عليه معوذات خصوصآ العيون عليكى وعليه كتير
ماشاء الله عليه
شخصية فريدة من نوعها
مى: انتى عارفة هو حكالى ع كل حاجة حصلت معاه زمان ..تقريبآ كأنى كنت معاه
قالى انه فالاول كان حد عادى وبيعمل غلطات كتيير ومكانش قريب لربنا كده ولا مثقف اوى كده
بس بيقولى ان السبب فده تقريبآ شيخ كان قده فالسن فالمسجد جمب شقتهم بتاعت مامته وباباه
اتصاحبو وهو السبب فترسيخ شخصية وسام كده ..لدرجه ان برغم ان الشيخ ده الصلة انقطعت مش عارفة ليه بس غصب عنهم
ولكن وسام احتفظ بشخصيته الجديدة المتطبعه الى بتعجب كل الناس دى
امنية: الله اكبر عليه..كان نفسى شريف يتطبع بحاجة ولو اد كده منه
مى: ياستى متقلقيش من ناحية شريف ده..اا واثقة انه مهما لف مش هيلاقى زيك
امنية: ربكا كبير بقى ..المهم نرجع لمرجوعنا،افهم من كده يعنى من انهاردة مافيش تنظيم حمل
مى: وحياتك من امبارح ..شعللت الفكرة
امنية: طيب ياستى الف مبروك ههههه يا مامى الجديدة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بتول وصهيب بيلعبو سوا فوقت فاضى فحصة من الحصص بتاعتهم
صهيب: انا من بكرة هركب معاكم الباص عاتى ..مامى استركت خلاث
بتول: الله ..طيب انا هخليك تقعد كمبى بقى
صهيب: ماثى
سكت شوية وبعدين فتح كراسة الرسم وشاورلها ع رسمة من ايده
صهيب: بثى..ده انا
ودى انتى تحت الشمس بنلعب وانا بديكى وردة
بتول: طيب فين بقية ثحابنا ..مش رسمتهم ليه فالثورة
كانت بئت حلوة
صهيب: عثان انا بحبك انتى بث يابتولا
بتول: بتحبنى ازاى!! يعنى ايه تحبى يا صهيب؟
صهيب: يعنى انا بثتناكى وقعدت كمبك فالكلاس
وهقعد بكرة كمبك فالباص
ومث بكلم غيرك اثلا..وكمان
انتى بث الى رثمتك فالثورة..عثان انتى بنوتة حووة وبتجيبى الشيكولاتة الى انا بحبها
وتحطيها كل يوم فالديسك عثان اخدها
وانتى اثلا مث بتحبى النوع ده..بث بتجيبه عثانى مث كتا!!
بتول احمرت زى البنات الانسات وضحكت وجريت بعيد تلعب وهو فضل واقف يبص للصورة الى فالكراسه
وبيقول بمنتهى البراءة
"انا بحبك زى مامى بالزبت يا بتولاعثان هى اغلى ماما وانتى احلى بتولا"♡♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
داخل وسام من باب الشقه ..فوقت متأخر شوية عن مواعيد رجوعه
لقى البيت هاااااااادى..مافيش صوت غير صوت سى دى شغاله فيه سونج اسبانية هااادية!
دخل بالراحة اوضه بتول ، باسها وهى نايمة وحطيلها الشيكولا كالعادة جمبها
وهو طالع من اوضه بتول ..لقى ايدين بتغمى عنيه وبتشده لاوضته جوه وبتقفل الباب.
وسام فتح عينه لقى شموع فكل ركن فالاوضة، وورد كتيييييير مفروش عالارض وعالسرير
ومى واقفه قدامه عملت تسريحة شعر بيحبها ..ولابسه الهدية الى جابها امبارح
وسام: ايه الجمال ده كله (مسك ايدها باسهم)
مى: مستنياك من بدرى ع ناااااار
وسام: سلامتك يا مشمشتى من النار، ب وليه بقى ده كله
مى: هو غريب انى استنى جوزى حبيبى بعد يوم شغل وتعب ليا وليه مظبطه الدنيا ومروقاها
وسام: لا طبعآ مش غريب ..
مى: (مسكته من الكرافت وبتلعب فيها) بس اقولك الصراحة ؟
وسام: اها
مى: (قلبت صوتها بطفوليه) الصراحة الصراحة
وسام: الصراحة الصراحة
مى: نفسى فوسااام صغير ..او بمعنى ادق
عاوزة عاصم الصغير
وسام: عاصم الصغير (اندهش وعينه برئت بابتسامة) انهاردة انهاردة !!
مى: اااااااااااااييييييووووون
وشدته من كرفتته واحنا مالناش دعوة طبعآ
ونكمل بكرة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
استنوها يوميآ
#ويسو_وميوش_وتوتا_وخلصت_الحدوتة
#لنورإسماعيل
ليست هناك تعليقات:
إرسال تعليق