❄❄❄❄❄❄❄❄❄❄❄❄❄
"ههع ...كنت عارف ده واخدة دوش يهد جبل "
صلاح: مين دى الى واخدة دوش
شريف: (ساب الفون وبص لصلاح) ماتيجى تكلمه بدالى ياصلاح؟!
صلاح: لا ياعم خليك فتليفونك
شريف: (بيبصله باستغراب وبيقول فنفسه) عالم عجيبة ياجدع..ايوة ياعمنا كمل
يعنى مراحتش الشغل ولا بتنزل من البيت اصلا
صلاح: (ميل ناحية شريف) دى واحدة يعنى تعرفها جديد
شريف: (ثوانى ياض) تصدق وتأمن بالله ياصلاح..
صلاح: لا اله الا الله
شريف: كانت ف برميل غتاتة هنا اسمه منى زمان كانت زميليتنا،مكانتش حشرية قدك كده
ياعم واحدة اعرفها ولا واحدة كاتب عليها ليك فى؟
صلاح: خلاص ياشريف ..انا قولت اتكلم معاك شوية يا راجل مش كده
شريف: طب تتكلم معايا واسيب الراجل الى عالزفت ده يشوى درة..م ترحمونا بقى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"طب انا سيبتك امبارح تعملى غارة ...ودلوقتى موحشتكيش؟!"
مى قرت المسج ورمت الفون بعيد ..كانت ف بنوتة بتقيس فستان فرح عندهم
امنية: الله جميل عليكى اوى ده .. روحى خلى مامتك تشوفه كده!
البنت: حاضر
امنية: ميووووووش مالك معكنن ليه من ساعة م جيت يا جميل؟
مى: والنبى سيبى زفتوش فحاله
امنية: (جت ناحيتها) ثوانى تمشى العميله واتفق معاها عالفستان واجى وهقررك وتعترفى
مى: يوووووه ع زنك يا مونى
امنية: اصلك مش هتخلصى منى .. كده كده البنات جايين انهاردة وهنتغدى سوا ونخرج يعنى لازم تحكى قبل م حد يطب وتضطرى تحكى علنآ قدام غادة ومنة
مى: يعنى حبكت انهاردة..انا مودى رخم اوى انهاردة
امنية: احنا متفقين من الاسبوع الى فات ..متستعبطيش بقى
البنت ومامتها الى بيشتروا الفستان جم ل امنية
الام: الفستان ده تمام ..لو شرا كام ولو تأجير كام؟
امنية: ياستى مافيش فرق ..الف مبروك
مش هنختلف اهم حاجة انها تكون انبسطت بيه
البنت العروسة: اه اوى اوى
الام: معلش يابنتى لان لسه هنجيب لها حجات كتير ..فعايزة اعرف الفلوس هتكفى ولالا
مى: ليه مش العريس الى دافع تمنه ولا ايه يا حجة!! اوعو يكون بيضحك عليكو
الام: والله يابنتى دافع
البنت: ههههههههه بس هو بيشتغل فالخليج وجاى قبل الفرح بشوية فبعتلى الفلوس وكده ..كان نفسى يبقى معايا
مى: لالالا احسن انه مش معاكى ..وشافه عليكى اسألينى انا
الام: اه سمعت انه فال وحش
مى: وانا ملسوعه منه الفال ده ..لبست فستانى وروحت لجوزى اوريهوله بقى وحركات ودلع..ليلة حنتى حمايا قابل وجه كريم !
الام: ياساتر يارب ..البقاء لله يابنتى
امنية: ايه يامى الى بتقوليه ده ..هههه معلش هى اصل مفاقتش لحد دلوقت
انا بعتلك ع الكوفى بتاعتك يامى
الام: ها يا بنتى شكلك مش هتكسفينا ..عايزين سعر حلو
البنت العروسة: قوليلى هو احسن اشتريه ولا اأجره!
مى: لا اجريه احسن..انا اشتريته وملحقتش البسه ..قصيته بالمقص وكانت ليلة
كنت هتطلق من جوزى اساسآ من قبل م نتجوز..ويوم وم عملنا فرح لبست فستان ابيض عادى مش بتاع افراح
وراحت زهوة الفستان الابيض بالنسبة لى وووو
امنية: اييييييييييييييه يامى !! اسكتى عشان شكلك فعلا بتهرتلى
انا اسفة هى بجد فصلانه لان معاها موضوع كده
الام: (عوجت بوقها) كان الله فالعون
امنية: بصو انا مش هزعلكم ..انا رأيي تشتريه يا قمر عشان بتبقى ذكرى حلوة عيشتيها طول عمرك
الام: طيب اكرمينا بقى
امنية: من عنيا ..اتفضلو
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اكرم: تحس ياض ان وسام كبر يجى 10 سنين ع عمره ، مالك
وسام: لا مافيش بس بفكر
شريف: سيبها عالله هتقعد مزمزقه كده وبعدين بالحنية هتفك
اكرم: ايه ضارب خناقة مع المدام ولا ايه ؟
وسام: (بص لشريف عشان مش بيحب حد يعرف حاجة عن احواله الشخصيه)
شريف: لاا ياعم ده هو متدايق باين مأشفر الشهر ده ولا ايه
اكرم:والله مش انت بس ،انا كمان الحالة معايا ج
بس شغل بليل بيظبط الدنيا ..البيت والعيال طلبات مش بتخلص
وسام: المصيبة بقى انا عندى استعداد اقلع عنيا عشان بتول بنتى
بقالها فترة عايزانى اشترك فنادى عشان هى بتحب السباحة والحصص المخصصة فالضانة مش بتخليها تستمتع براحتها
وتخيلو عايزة ايه ؟؟
صلاح: ايه
وسام: عايزة تلعبها وتنميها وبتقولى يابى عايزة ابقى بطلة فيها تخيلو رغم صغر سنها
شريف: اه طبعآ مش بنت عبقرينو وسام
وسام: مش عارف المرتب مش بيكبر..والحجات بتغلى والبيت ع رأى اكرم بيبلع
وانا مش عايز ابان مقصر
شريف: ياعم انت قدامك كام شهر وتبقى سوبر فايزر..عشان بقالك فترة شغل وكفاءه هنا
وسام: ايوة هزيد كام يعنى ..بردو مش هيحلو حاجة
صلاح:انا ابن عمى جاله عقد فالسعودية فشركة ديما بتاعت البسكوت ب 9000 جنية مرتب شهرى
و3000 جنية بدل سكن وعربية وفى بدل بنزين وموبايل يعنى من الاخر الدنيا حلوة معاه
شريف:ماشاء الله ابن عمك مهندش وبيشتغل فشركة بسكوت ! اول مرة اعرف ان فهندسة قسم بسكويت ومرتابتها حلوة كده
ياريتنى م اتسرعت ودخلت قسم البقسماط!(بيخبط ع رجله بتمثيل)
صلاح: هو ياشريف انت ع طول تتريق ع كلامى كده ..طب والله العظيم الى بقوله ده بجد هو الى بيحصل معاه وكل الحجات دى عليهم وعالكفيل وهو عايش ملك
شريف:طب ناقص حاجة كده فالعقد
اكرم: ههههههههه ايه هى
شريف: الشاى بحليب عشان يسقى البسكوت عليه ولا عالكفيل بتفرق!
صلاح: تصدق مش هقعد معاكم ..انا قايم (مشى)
شريف: (بيشده من كم القميص) خد ياض متبقاش قماص زى العيال
وسام: طب تصدق انا لو جاتلى فرصة زى الى بيقول عليها صلاح دى مش هتردد
اكرم: تسافر وتيب مراتك وبنتك؟
وسام: ممكن سنة وابعت اخدهم ونعيش هناك..بس بتفرق يا راجل
شريف: بصراحة الراجل بيكح تراب من الى شايفه ..ربنا رازقه باستنتساخ من المدام ع دماغه هو
هى لوحدها كفيلة تدخله السرايا الزرقا ..ده غير مدام مى
معاها تأشيرة لسجن مؤبد ع طوووووول
اكرم: يااخى فال الله ولا فالك..
وسام سرح فكلام صلاح عن الشغل برة ..لانه بدآ يحس ان الحمل تقل عليه
كزوج واب...
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"ع فكرة من كلامك حسيت كده انه يعرف الست دى او ميال ليها
والله شوفى جوزك راح كام مرة من وراكى للحضانة بتاعت بتول وشافها بقى وف تعاملات وانتى نايمة ع ودانك"
مى: ايه !! ده لو طلع كده يبقى نهاره اسود ع دماغه
ده انا ادبحه وادبحها
امنية: (بتبص لمنه) قولى كلمة طيبة..وبعدين انا مش حاسة كده خالص
بالعكس وسام مش هو الراجل ده
منة: انتى ليه دايمآ يا امنية بتحسسينى ان وسام ده ملاك مثلا!
ع فكرة ده راجل زى كل الرجالة ..وعادى ممكن يبص وممكن يخون
غادة :(بتاكل بسكوت مملح) ايوة صح..منة عندها حق
م خلاص بقى اتجوز مى وخلف عايز ايه تانى ..يصيع بقى ع كيفه
مى: اعااااااااا ورحمة امه وابوه اكله بسنانى، هو هيلاقى زيي فين
دى حتى معصعصة ودمها تقيل بشكل
واسمها كامنجا ..ده اسم ده
غادة: ههههههه حلو كامنجا ده ..(شرئت) بت ياامنية ناولينى الكانز بتاعتك انتى لسه مش فتحتيها
امنية: خدى يا طفاسه !
امنية: طب وحياة ربنا انا مش حاسة بأى حاجة من الكلام ده..وسام ابعد م يكون انه يخون مى
فاكرينه شريف ولا ايه ؟
غادة: او ممدوح مثلا ! اهو انا مربيه ممدوح بمعرفتى
مشطبة عاللى وراه و عالى قدامه لا يمكن يبص لغيرى
هيبص ازاى يا حسرة وانا مخلياه ع البلاطة هاهاهاهاها
امنية: انتى اكيد سحلتيه ..ده مش جواز ده انتقام
منة: صح يابت يا غادة انتى تخنتى اوى ..كده هتتعبى فالولادة ، انا برغم انى جسمى ضعيف بس تعبت فولادة ابنى اوى
غادة: لا يابت ده المبقلظة وحلوة زيي دى هى الى بتقوم زى الحصان وابنها ده بييجى فشر 7 كيلو ههههههه
مى: (بتعض ضوافرها ومتدايقه ومش معاهم)
امنية: فكى بقى يا ميوشة ..والله انا حاسة ان مافيش حاجة وانك مكبرة الموضوع عالفاضى
مى: لو مكبراه عالفاضى مكانش بعتلى مسج يصالحنى .وسام مش بيصالح غير لو كان غلطان
منة: هو كمان بعد الى عملتيه معاه ده وبيصالحك ! (وشها اتغير )
مى: ايوة وانا مردتش عليه
امنية: لا مالكيش حق بقى يا ميشوه..ردى عليه وعدى الليلة واخرزى الشيطان
مى: لا مش هرد!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام وشريف مروحين بعد الشغل بعربية وسام ..
شريف: قولى ياض للاسف الشديد هستعين بخبرتك المجعلصة
وسام: ع ايه ؟
شريف: لو قدامك بنت كده دخلتها مش معروفة وتقيلة حبتين تعمل ايه
وسام: وناوى ع جد ولا استعباط زى العادى بتاعك
شريف: لا جد ياراجل عيييييييب
وسام: ولو انى مش مصدقك بس هفيدك..ممكن تشوف هى بتحب ايه وتعمله
يعنى مثلا بتحب الكادوهات ابعت كادو
بتحب الشغل المجنون زى مراتى اعمل حاجة مجنونة
بتحب الشعر اكتب شعر
شريف: لا ورحمة ابوك بلا شعر بلا نثر ...طب لو بتحب الرقص والغنى؟
وسام: يبقى ارقص وغنى يا كلب البحر ههههههه
شريف: ممممم موشكرين يابو الويس..ع جنب هنا والنبى
(نزل ولف له من الناحية التانية عند شباكه)
هتعمل ايه مع مى ؟
وسام: هى لسه قفشة ومطنشانى بس انا هجيبلها حاجة معايا وانا مروح وافكها
شريف: هتجيب ايه هاه ها ؟
وسام: حاجة يعرفوها المتجوزين بس..يا سنكوح انت
يلا غور
شريف: بتحبنى اوى انت ..سلام يا صاحبى
مشى وسام وطلع ع اول محل...يجيب منه حاجة لمى
بس مى كانت فالهايبر مع البنات
ومكملين كلام عن الاربع رجاله ومش مبطلين
شوية شريف..وحبة سامح
وحبتين ممدوح
وشوياااااااااااااااات وسام .
امنية: اومال ابنك فين يا منة ؟
منة: سايباه مع حماتى ..عديت ودتهولها قبل م اجيلكم
امنية: لحسن يكون مغلبها ولا حاجة ؟
منة: لا هى بتحبه وهو بيسكت معاها وانا محضراله غيراته والببرونة وكله
غادة : (بتلف تحط فعربية الماركت وفتحت شيكولاتة بتاكلها) انا عن نفسى هولده من هنا وارميه لحماتى
عشان افضى كده واجيب الى وراه
منة: يابنتى خدى نفسك تخلفى وراه ايه ..لازم عالاقل سنتين لولا متفكرى فبيبى تانى
غادة: يابنتى مافيش حاجة بتخلى الراجل يتلم غير العيال الكتير..زمان قالوها يغلبك بالمال واغلبيه بالعيال
وانا عن نفسى مخلصة المال و فى انتاجى للعيال ويا يا انت يا ممدوح
مى: ههههههه من امتى الفلاحة دى ..طب ده انا بعد بتول مفكرتش فبيبى تانى
خلاص اكتفيت بيها
منة: ع فكرة غادة معاها حق..اصل خلاص بتول كبرت ومصاريفها مبقتش زى زمان ..وعشان كده وسام مطمن من ناحيتكم
لكن لو جبتيله بيبى تانى هيشغله
ويشغلك ويقضى عالكام جنية الباقيين فجيبه الى ممكن يتجوز بيهم عليكى لا سمح الله الى اسمها كاميليا دى
غادة: (فتحت كيس شيبسى كبير) او يخرج ويتسنكح معاها بيهم ويعيش عمره الى ضاع
مى: تفتكرو يابنات ممكن فعلا عشان منظمة حياتى معاه ومش بفكر فبيبى جديد
ينسانى ويبدء يدور ع نفسه!!
امنية: انتو الجوز ايه ..شياطين!
متسمعيش كلامهم يا مى دول متخلفين ونصايحهم غبية زيهم
ايه تربطيه بعيال ده ..الى اعرفه ان الراجل مدام بيحب مراته ومخلص ليها
والله لو حتى مخلفتش ولا عيل عمره م هيفكر يجرحها بأى شكل
غادة: (فبوقها شيبسى) ياشيخه اتلهى !
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام داخل من باب الشقه ..
البيت نوره هادى ..ومافيش صوت لبتول او مى ..
دخل اوضة النوم مش لاقاها ولا فالليفنج!
دخل لبتول لقاها نايمة .. ميل وباسها وحط الشيكولا بتاعتها جمبها
بس هى صحيت..
بتول: بابى (بعيون نيمانة)
وسام: مامى فين يا حبيبى ؟
بتول: مامى قالت هتتأخر عثان مع تنت غادة ومونى
وسام: ممممم طيب اكلتى ولالا
بتول: مامى بعتتلى كوردن بلو الى بحبه ديلفرى وجه واكلته وشربت اللبن بالشيكولا كمان
وسام: طيب ياروحى ..بالهنا والشفا
يلا عشان تنامى
سابها وخرج..وحط الكيس الى فيه هدية مى وبيتصل بيها بالفون
"1725"
غادة: (بتطلع الكريدت كارد من شنطتها) اتفضل
امنية: ده حاجة الشهر يابت يا دودة؟
غادة: لا دول الاسبوع ده بس ..مافيش حاجة فالبيت وحضرته قال ايه زعلان وبطل يشترى
رحت انا سرقت الفيزا بتاعتة الصبح وهو مش واخد باله وقولت اشترى انا
منة: بس كده كتير ده انتى قربتى تطقى من كتر الاكل
مى: ع فكرة ياغادة بقى شكلك وحش اوى.وممكن بعد الحمل ترهرطى اكتر من كده (فونها بيرن)
الو..
وسام: انتى فين ؟
مى: (ببرود) مع غادة وامنية ومنة ..ايه فى حاجة!
وسام: طب قدامك كتير ؟
مى: معرفش خارجة مع اصحابى وبفك عن نفسى..فيها حاجة دى
كمان لما اخرج ياربى تحاسبنى بالثانية
منة خدت بالها وودانها معاهم ..
وسام: لا ياستى مش بحاسبك بس لاقيت بتول نايمة لوحدها وانتى مش فالبيت ..مينفعش اعرف مراتى فين
مى: بتول بعتلها العشا بتاعها وقولتلها تشرب اللبن وتنام عشان انا هتأخر
محصلش حاجة..مافيش عفاريت فشقتنا
وسام: بصى يامى لان الموضوع طويل ع انك اول مرة تخرجى وتسيبى البنت ..مش هينفع فالفون
لما تيجى
مى: اوك باى (قفلت ع طول)
امنية: يابنتى بالراحة مش كده
مى: لا هو كده ..قال سايبه بتول ليه
هيحصل ايه يعنى
غادة: يابنات ..تعالو نشرب عصير قصب من هنا
المحل ده نضيف وبيعمل عصير حلو وانا نفسى ف
منة: هو انتى خليتى ايه مش نفسك ف ياغادة
غادة: اوعى يابت خمسة فعينك..يلا بينا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام غير هدومه وفتح التى فى واشتغل يقلب فالمحطات وهو مخنوق ومش مركز مع حاجة اصلا
دماغة بتودى وتجيب هل يقولها ع حقيقة علاقته الماضيه بكاميليا ..ولا كده ممكن يفتح عليه باب من ابواب جهنم
فنفس الوقت مافيش حاجة من يوم م عرفها خباها عنها..واصلا علاقته بكاميليا انتهت من 16 سنة وهى لا تعنى ليه حاجة دلوقت
وهو محتار كده
كانو البنات عند محل العصير بيشربو ..وفجأة!
غادة: يابناااااااات الحقونى !!
مى: مالك يابت ياغادة فيه ايه ؟
غادة: (انبطت عالارض زى البطة) هولد ..بولد يابناااااااااات ااااااااااااااااااه
امنية: الله يخربيتك احنا فالشارع هنتصرف ازاى دلوقت
منة: من كتر اللغ من الصبح بقك مش مبطل اهو كبس عالواد ونزلهولنا فالشارع
مى: وده مكانش عارف يستنى لحد م توصلى البيت
جريت مى فالشارع قدام العربيات تشاور لاى تاكس زى الهبلة !!
مى: تااااااااااااااكس تاااااااااكس معانا واحدة بتولد
امنية: (خدت فون غادة وبتتصل بممدوح) الو
ممدوح
الحقنا
مراتك بتولد فالشارع ومش عارفين لا نشيلها ولا نتصرف
غادة: (شدتها نزلها عالارض وخدت الفون) بولد يابن الوارمة تعالااااااااا ابنك هيتولد فالشارع وهيبقى ابن شوارع
يلااااااااااااااااا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
استنوها يوميآ
#ويسو_وميوش_وتوتا_وخلصت_الحدوتة
#لنورإسماعيل
ليست هناك تعليقات:
إرسال تعليق