❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
فالمطعم ...
كان اول مرة من 16 سنة كاميليا ووسام يبقو لوحدهم ..ويتكلمو
بس المرة دى مش عن امانيهم
واحلامهم الى هيحققوها سوا..لا ده عن مشكلة كانت هما الاتنين سببها
كاميليا: بجد والله مش عارفة ممكن اتصرف ازاى فالموضوع ده
دماغى مش جايبه اى حاجة
وسام: مصيبة مى من يوم م عرفتها ، مش من يوم جوازنا
ع اد انها طيبة جدآ
وبتحب تسعد غيرها بأى طريقه
بس متسرعه وبيجيلها وقت مخها يقفل ويفصل عن الاستقبال وتصدق نفسها وبس
كاميليا: بس فعلا انا لما اتفاجئت بيك قدامى اول مرة وانت بقى بابا بتول الى صهيب ابنى بيحكيلى عنها
حسيت بفرحة انى شوفت حد من ايام جميلة وخلاص
حنين لذكرى كنا طلبه وكدا
لكن والله من يومها وانت بالنسبة لى مش هقول اخ
اكتر لان بجد احنا كبرنا ع كل ده ..وحجات كتير اتغيرت فحياتنا
وانت بقيت اب
وانا بقيت ام
ازاى مى معتقده بس اننا لسه بينا حاجه
وسام: انا من يوم م قابلتك، حتى من قبل الحادثة وانا عايز اقولها انى اعرفك
وكدا لربما نتقابل
بس كنت عارف انها هتقوم الدنيا فوقانى تحتانى
والى حسبته لاقيته
كاميليا: بس متنكرش انها لولا حبها ليك اوى مكانتش عملت كل ده
اصل الست مننا لما بتحب مش بتشوف قدامها
ولما بيبقى مش فارق معاها الحد ده ! ان شالله يعمل ايه
مش مهم
مش بتغير ولا بتحس ناحيته بأى حاجة
وسام: انا عارف ان ده من حبها ليا ، بس المفروض بقالنا اكتر من 5 سنين سوا
تكون اتطبعت بطبعى وبطلت جنانها وعصبيتها دى
كاميليا: ان شاء الله ربنا حيهدى الحال وترجع البيت..بس انا نفسى اعمل حاجة
والله
بس لولا انى متأكده انها هتقابلنى مقابله زى الزفت..او تحرجنى
او اصلا ممكن تسمعنى
كنت روحت شرحتلها كل حاجة
لكن بصراحة بعد مكالمتها معايا والطريقه الى كلمتنى بيها ، اكاد اُجزم انها لو بس لمحتنى هتقطعنى طرانشات!
وسام: انا اسف بالنيابة عنها يا كاميليا، هى اكيد متقصدش
لما بتزعل
بتفصل معاها
هعمل ايه بس..مجنونة ومش ناوية تكبر ولا تعقل ابدآ
كاميليا: هههههههههه مجنونة بيك!
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
"مابلاش كلمة مجنونة دى"
غادة: ياسلاام.بقيت تزعلك يا ست مى مجنونة، طب م انتى مجنونة فعلا
هو يا خايبه يصح الى بتعمليه ده
تسيبى البيت عشان بدل م تخنقى عليه الدنيا هو والهانم بتاعته، تسيبله الدنيا براح!
امنية: يالهوووووووووى عليكى ياغادة ، يابنتى انتى ف ايه ولا فايه ؟
متخفى توليع نار فالبنت هى مش مستحمله
منة: ياجماعة ايه يعنى اخة خناقه مى ووسام ، هو اكيد هيصالحها وتنتهى المشكلة
انا اعمل ايه فموضوعى حد يدبرنى
غادة: ولا تعملى ولا حاجة، سامح هيعمل نفسه زعلان يومين ويرجع
اصل مش مشكلة غسيل هى الى هتخرب البيت يعنى
منة: (سرحت وقالت باستهزاء) غسيل!
امنية: بت يا منة انا حاسة انك مقولتيش كل الحقيقة، ف ايه فخناقتك انتى وسامح مخبياه علينا
وخلتيه يقولك انكو متنفعوش تعيشو تانى سوا؟
مى: انا برضو عايزة اقول كده بس ..
منة: يعنى هيكون فيه ايه ، هو ده الى حصل
وبعدين انا وسامح عشان الخناقات بينا مش كتير حاسة انى مخنوقة عشان بعيد عنى
غادة: انتى وسامح بردو خناقكم مش كتير! يا شيخه قولى كلام غير ده
امنية: وانتى يا خالتى الحاجة! هتعملى ايه مع ممدوح
انتى الى بلوتك بلوة
غادة: تصدقى ي امنية لاول مرة احس انى شايفه شخص تانى غير ممدوح امبارح، بيتكلم وبيعمل من غير م يتردد
كأنه واخد قرار بطلاقنا وما صدق
لاول مرة احس ان فيه حاجة بتهزنى كده
امنية: عارفة ليه يا غادة ؟ عشان انتى بالظبط زى شريف
الواحد طول ماهو متطمن بوجود نعمة ربنا مديهاله جمبه وحواليه وعمرها م هتروح
بيعمل فيها م بداله
يشيلها..يرميها
يبهدلها معاه
يهينا
معلش ماهى هتستحمل
بس لما الحاجة دى تتمرد وتروح من حياته فجأة!
بيحس بقيمتها وبيتمنى لو ترجع اوحش من الاول بس تكون معاه ..هو ده الانسان النكار للخير
وعشان كده انتى فموقفك مع ممدوح بتفكرينى بشريف معايا زمان
مى: فعلا عندك حق يا امنية ، انا حاسة ان وسام كدا بردو
منة: لا بقى وسام مش كدا! م تحمدى ربنا بقى
انتى عندك الى مش عند حد فينا
راجل عاقل وملتزم..بيحبك وشاريكى وبيبلعلك الزلط
حتى وانتى ماشيه من بيته مكانش عايز تمشى واد ايه محافظ ع انكم تفضلو سوا
مرضيش يقولك ع الى فات من حياته عشان ميهموش قدك
مش طول الوقت لسه فاكر واحدة من ماضيه وبيقارن بينك وبينها زيي
ولا مع اول غلطة بينكو متستاهلش باعك ورماكى انتى وابنه ومسألش زى ممدوح
ولا خانك ومحسش بقيمتك بعد م ربنل بعتك ليه تنضفيه زى امنية وشريف
فوقى بقى
انتى مش الشهيدة طول الوقت ياست مى
مى كأنها اخدت صدمه بجد من كلام منه الى فوقها ع حجات كتير مكانتش شايفها نعمة فوسام
افتكرت حنيته المبالغ فيها عليها
افتكرت الليلة الى قبل خناقتهم كان عامل ايه معاها وكان جايب هدية يصالحها حتى لو كانت خناقه تافهه
افتكرت ان عمره م نيمها زعلانه ابدآ غير لو فاض بيه منها
افتكرت بوسة كف ايدها وكلمة ربنا يخليكى ليا بعد اى حاجة بتعملها ليه واد ايه دايمآ يحسسها انه من غيرها هى وبتول ولا حاجة
وفوسط سرحانها فاقت ع كلمة اصعب من منة حسمت كل حاجة عندها
منة: آدى غادة اتطلقت وممدوح مبصش حتى فوش ابنه ولا فرحها زى كل زوج حتى لو كانت غلطانة
وامنية مطلقة اصلا من ابن خالها الى مبتحبوش ومعاها طفل منه ..وشريف الى بتحبه لسه داير يتسنكح مع البنات
ولما يفتكرها حسب مزاجه
وانا سامح قالهالى صريحه..احنا مننفعش نكمل بعد الى قولناه لبعض ده
يعنى هحصلهم شكلى كده
لكن انتى ... انتى ربنا بيحبك ومديكى نعمة غيرك بيحلم بربعها..لو ضاعت
هتندمى طول حياتك
وانتى الخسرانة!
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
وسام: اخرتك عن صهيب وصدعتك بمشكلتى (بيدفع الحساب وهيمشى)
كاميليا: مشكلتك دى انا السبب فيها ، وكان لازم اعرفها وان شاء الله هقدر احلها ليكم
وسام: عارفة يا كاميليا..مخبيش عليكى
متعلق بيها وببنتى جدآ
مش هقدر ع بعدهم اكتر من كده ..يوم وعدى معرفش ازاى
غيره مش هستحمله
كاميليا: (قامت ومسكت شنطتها) ان شاء الله ربنا يقدم الى فيه الخير
وهترجعلك ..متقلقش دى بتحبك اوى
قامو ومشيو يوصلها لشقتها..كانو بقى البنات ال 3 عند غادة ولسه بيدورو ع حلول
لغادة
ومنة
....ومى!
امنية: سامح سيبوه عليا ، هو من زمان بيرتاح معايا فالكلام
مى: بصراحه كلنا بنرتاح معاكى يااامنية ..من زمان فالكليه وانتى حمامة السلام بتاعتنا
امنية: ربنا يخليكى يا ميوشه ..المهم انا هشوف موضوعك ده يابت يا مونى وربنا يعمل الخير يارب
غادة: طب وبالنسبة لابن العبيطة ممدوح ..خلاص كده انا اتطلقت
بقيت طليقه!
امنية: هههههههههه بصراحه بقى مش عارفين هنعمل ايه انتى غلطانة
دخل اخوها الصغير ماسك فايده ورك فرخه وبياكله
غادة: انت ياض اطلع برة وكل..هنا ف ضيوف جاتك البلا
ولا اقولك تعالى هنا
قول لماما هاتى اكل لغادة عشان جعانه
خرج اخوها ..
مى: يادى جعانه ..اومال فبطنك دود !
احنا دخلنا كنتى بتاكلى ..ودلوقتى حضرتك بتتسلى بفاكهه وشيكولاته من الى احنا جايبينه
وعايزة تاكلى تانى
غادة: ايبيييييييييييه مش برضع!
امنية: الله يقرفك يا شيخة، انتى فعلا بقيتى فظيعه مالك ياغادة
م كنتى كويسة زمان
صحيح اه جسمك من زمان كان مليان شوية..بس دلوقتى ضربتى ي امى بقيتى فيل والله
منة: ولسه هتتسعر اكتر بسبب الرضاعه وتبقى متعرفش تقوم غير بونش
مى: حافظى ع نفسك وارجعى للدايت ، انا بقولك اهو
غادة: اولا بقى انا كنت محافظة عالدايت لحد قبل الحمل وبعدين قولت لازم اتغذى انا والجنين
بس مش عارفة يابنات الاول كنت باكل افترى ع ممدوح وخلاص
انتقام متفهموش
ال 3 سوا: هههههههههههههههه
غادة: وبعدين شكل معدتى بنت اللذين دى خدت ع الكمية المفتريه دى وبقيت شبه مشيرة فكارتون تنة ورنة
دخلت مامتها الاوضة..
الام: منورين يابنات ...انتى بعتى اخوكى عايزة اكل ياغادة ؟
غادة: اه ياماما جوعت
الام: يابنتى مافيش حاجة خلاص الاكل كله خلص
البنات بصو لبعض وكتمو الضحكة!
غادة: يوه ياماما مش والده وبرضع طفل ، هو انا باكل ليا لوحدى
الام: اماييجى اخوكى بليل من شغله يبقى يجيبلك اكل انا خلاص معدتش قادرة اطبخ
(خرجت ولسه بتتكلم)
كده فعلا خراب بيوت يابنتى ...جوزك عنده حق
غادة: بتضحكو ع ايه ياجزم!!
مى: انا شايفه انك تروحى ترقصى 10 بلدى لممدوح عشان يرجعك
لان بالمنظر ده ... اهلك بكرة هيرموكى قدام المعبد اليهودى!
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
وعدى بومين ...
وسام سأل عن مى فبيت باباها يصالخها ..لاقاها مراحتش اصلا
عمل نفسه بيسأل عادى عشان منها ميتخضوش
ومنها يحافظ ع اسرار بيته
واتدعى انه كان مسافر واعتقد انها عندهم ..بس جت فباله امنية قبل سهر
بعتلها مسج فيها كلمتين
: مى عندك يا امينة ؟ ولو عندك متقوليش انى سألتك
امنية ردت عليه انها من يوم الخناقه موجودة عندها
مش عارف يصالحها ازاى ولا ايه الى يخليها ترجع البيت وهى مقتنعه انه لسه بيحب كاميليا
مينفعش يجيب كاميليا تتكلم لانها مش طيقاها اصلا وممكن الدنيا تبوظ اكتر ماهى بايظة
سابها ع ربنا .. ودعى فصلاته ربنا يهديها ليه..
اما مى ...
نفسها تصدق من جواها انه فعلا بيحبها ومش بيحب غيرها لكن غيرتها عامية ومخلياها مش شايفه حواليها..
شريف بقى
كان لسه متابع كورسات الرقص والايروبكس مع نهال ، ووراها وراها
وفيوم بعد التدريب ..
خارجين كلهم ونهال بتستعد تغير هدومها ..والكلاس فضى من المتدربين
ومافيش غير شريف
نهال: (بتشرب ميه) ايه فى حاجة مش فاهمها انهاردة ؟
شريف: اه
نهال: ايه ؟
شريف: بصراحه انتى ..هو انتى عايزة منى ايه
تعذبينى يعنى
اذا مكنتش قولتلك انى بجد معجب بيكى وعايز يعنى ..
نهال: عايز ايه ؟ نرتبط
ولا نمشى مع بعض..انهى فيهم احلى من وجهه نظرك
شريف: (ابتسم بسخريه تضحك) والله كلك ذوق
نهال: ايه!! انت جاى تهرج شكلك وانا مش فاضيه ومش بتاعت نخرج
وهاى وباى
وفون وهدايا وحركات عشاق نص الليل دى
شريف: ليه بس ..لغاية م نتعرف وبعدها
نهال: بعدها حد مننا يقول للتانى سورى
انا عايز مساحتى
ومن الاول شايف اننا اصحاب اكتر..مش كده
شريف: ايه افلام واحدة وربع دى ! لا طبعآ مش كده
نهال: بص..انا اعرف حاجة واحدة الى معجب بيا ده
يعنى ييجى البيت ويقابل بابا
ويخطبنى
شريف اتسمر وبلع ريقه ..
شريق: ايه المفجأة دى!
نهال: ممممم شكلك لعبى ، انا قولت كده من الاول
بص انا لسه طالعه من تجربة منيلة بستين نيلة ومخلية العفاريت ركبانى
لو انت جد يابن النس انا قولتلك ع الى فيها
لو بتهزر ...يبقة نكتفى بكورسات التدريب واكتر من كده ملكش اى حاجة عندى
شريف: لا طبعآ... اخطبك ياريت
هو انا اطول
يعنى انتى موافقه عليا
نهال: يعنى هتخطبنى !!
شريف: ايوة ..ايه منفعش
نهال: لا مش ده قصدى ..
خلاص اوك
هسأل عنك ..وبعدها تيجى وبابا يسأل عنك
وان لاقيت انك تمام
اناا موافقه ..ومستعدة ياسيدى نتعرف براحتنا فالخطوبة
مشيت وسابته .. وهو عمل بايده يس يس كأنه كسب ماتش
رجعت وبصت عليه
نهال: لكن والله ..لو طلعت بتلعب وبتهيس زى الى قبلك
مش هتعرف بجد ممكن ساعتها اعمل ايه !
شريف راحت من ع وشه الابتسامة ..وخاف منها فعلا !!
بس مثل التلقائيه وانه مش خايف من حاجة خااااااااااااالص
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
مج نسكافيه بتتمد ايد ناعمة وتمسكه
وبتشرب منه بهدوء ..
امنية: ميرسى عالنسكافيه يا سامح
سامح: ع ايه ده اقل واجب..شرفتينى انهاردة
امنية: قولى بقى ، مزعل منة ليه
سامح كشر
امنية: انا اسفه لو بتدخل فخصوصياتكم ..بس هى منهارة ومش قادرة تقعد فالبيت من غيرك
وقاعده عندى
فيه ايه يا سامح
قولى احنا اخوات ..زمالة كليه وشغل وعشرة وعيش وملح
سامح: قوليلى يا امنية هسألك سؤال الاول
امنية: اتفضل
سامح: انتى سبتى شريف ليه ؟
امنية: عشان كان بيخوننى ومش محافظ عليا
سامح: ممممم وحتى بعد انفصالك وامكانية الرجوع مش واثقه فيه ومرجعتوش..مش كده
امنية: اه
سامح: عشان الثقة بينكم اتعدمت ..فمش هتكررى غلطك مليون مرة
اهو الى بينى انا ومنة كدا
وصلنا لانعدام الثقه
امنية: لالالا يا سامح منة بتحبك وانت عارف ..وانا متأكده من ده
مش مشكلة غسيل يعنى هى الى تهد البيت
سامح: غسيل! وانتى فاكرة انى ممكن مشكلة تكبر بينى وبين منة عشان غسيل وهبل
انا عارف ان الولد بيتعبها ومش بضغط عليها
هو ده الى حكتهولك بقى
طب انا هقولك الجزء المفقود الى اكيد هى مقالتوش عشان غلطانة
الهانم لسه بتحب وسام! جوز صاحبتها
وعمرها ما شالته من دماغها
ودايمآ مقارنات مقارنات .. مرة افوت
ومرة اعديها
ومرة اعمل نفسى مش سامع
لكن هى انها تفهم ..ابدآ
وأخرتها تتكلم ع علاقتى بليلى زمان..وان مينفعش معايا غير الى يدينى ضهره زييها
امنية اتكسفت وسكتت عرفت بجد ان الموضوع كبير
سامح: مقالتش ليكى انها بتقارن مش بس بالشخص..بالعيشة
ليه هما فمستوى احيسن
ليه مى بتسافر وبتخرج وهى لا
ليه وسام جايب كل حاجة لمى وانا عيشتى ماشية بالمقسوم
مش ذنبى انه هو كده ومستواه احسن
وانا دى عيشتى
لا يكلف الله نفسآ الا وسعها
امنية: هى اكيد متقصدش..كلمة ساعة شيطان
سامح: الموضوع منتهى يا امنية..مش هينفع بعد كل الى طلعناه لبعض
بعد عشرة سنة ونص
نرجع تانى لبعض
نعيش زوج وزوجه وكل واحد مخبى الخنجر ورا ضهره للتانى
امنية: لا مش للدرجه دى بقى ، الى بيحب بيسامح
وانت اسمك سامح
خليك زى اسمك بقى وعشان خاطرى
سامح: عشان خاطرك ايه يا امنية ...كل حاجة حلوة كنت حسيتها لمنة حتى لو كنت حبيتها بعد الجواز ومخبيش عليكى انا فالاول اختارتها كزوجه كويسة واحسن من بنات كتير
واعرفها
بس والله بعدين حبيتها ..وليلى دى انمحت من بالى
رغم ان اصلا كان ف بينا علاقة حب
لكن هى منسيتش مجرد تعلق او حب من طرف واحد ي امنية
وجوز صاحبتها المصيبه
امنية: يعنى ايه طيب
سامح: السكك كلها انسدت..والبركة فيها!
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
"هتخطب !"
شريف: ايه جريمة ؟
وسام: لا مش جريمة ولا حاجة ، بس يعنى هتحافظ عليها وتبقى جدير بالمسؤليه
ولا شهرين ونلاقيك شابك مع واحدة جديدة زى م عملت مع امنية
شريف: لا ياسيدى لا هشبك مع حد ولا هولع فحد
قولى انت ايه رأيك فالعروسة مدام طلعت معرفه!
وسام: لا نهال لا غبار عليها هى واهلها ، بنت محترمة وبنت ناس
بس عالله انت تقدرها يا كلب الكلاب
شريف: لا ياعم خير ان شاء الله
وسام: بس انا مش حاسس انك بتحبها ياض..قولى انت مقتنع باللى بتعمله
شريف: اه طبعآ وهما ممضينى ع ايصال امانة لاتجوزها
ايوة مقتنع
وسام: ياخوووووووفى يا بدران ..عالعموم مبارك يا سيدى
والف مبروك
شريف: المهم سيبك منى ..انا قعدت يومين افكر ازاى اصالحك عالمخبولة مراتك
ووصلت لحل
وسام: ايه هو ؟
شريف اخد وسام وطلعو ع شقه امنية وهما فالطريق حكاله الفكرة
وسام: عايزنى اعمل زى المعاتيه واقف اغنيلها تحت البيت
عبيط يلا ولا حكايتك ايه
انا واحد خلاص داخل عالاربعين وعندى بنت
ايه حركات عيال الشهادة بتوع الاعدادية الى لسه خاطط فوشهم شنب جديد
انا لو اعرف كده مكنتش جيت معاك
شريف: ياعم اسمع ..هتجيب معاها والله
ونعيش روميو وجولييت
بقى وسلملى عالحب
وسام: اوعى اوعى ..شكلك نهال فرمطت مخك
شريف: ماهو انا هصالحكم يعنى هصالحكم ماليش دعوة ..انا خربتها وهعدلها
وسام سايب شريف وطالع ع سلم العمارة
وسام: انا هطلع واكلمها لاخر مرة ..سمعت خلاص
مسمعتش يبقى انا عملت الى عليا
بس هاخد بتول معايا
شريف: اسمع بس..طب تعالى نعمل انك انتحرت زى ماهى م عملت فيك مقلب زمان
وسام: لا ياشيخ ..طب م تعلقنى فطيارة هيلوكابتر بحبل وانزل ع بلكونة الشقه واغنيلها عمرو دياب انا اكتر واحد بيحبك!
شريف: طب والله فكرة ..استنى بس متطلعش
وهما بيتكلمو وطالعين عالسلم ومش واخدين بالهم
رجل وسام اتزحلقت فصابون وميه كانت بنت البواب بتدلقهم من السلم من الدور الى فوقد
و ب سلو موشن!!
تصوير بطييييييييييئ
وسام بيعمل شقلبااااااااظ فالهوا وبيقع عالسلم وشريف بيبص ناحيته وبيلطم ع وشه
وسام وقع ع ضهره عالسلم ومجاتش فدماغه
بنت البواب سمعت وصرخت
طلعو الجيران عالصوت ..
جوه عند امنية
امنية: انا فهمت انك محكتيش عشان مى ..هنعمل ايه انتى الى عكيتى بصراحه
منة: هو ممكن يطلقنى زى غادة..ده انا اموت!
مى خارجه من عند بتول ..
مى: امنية فين شنطة بتول ..مش لاقياها فالاوضة
وفجأة صرخه من بنت البواب!!
امنية: ياساتر فيه ايه
بيجروا ال 3 ع الباب وبيفتحوه
وجريو ع بي ر السلم يبصو
شريف: منك لله يا شيخه الهى يطسك قطر ضيعتى الواد..ويسو ..وسااااااااااااام
ياعينى عاللى جرالك ياخويا
وسام: (بيتكلم بالعافيه من الالم) ضهرى مش حاسس بيه ياشريف..قومنى
باين اتشليت!
شريف: كمان اتشليت ياختيييييييييي ياختيييييييييي ياختيييييييييي (بيلطم)
انتى هطلع عين ابوكى الواب حبك مسح سلم
البنات من فوق
امنية: يانهااااااااااااار ده وسام وشريف
منة: وسام واقع الحقى يا مى
مى : حبيبى !! (بخضة)
نزلت عالسلم بشعرها ويدوب حاطه شال ع كتافها وبيجاما بيت وحافيه
مى: (مسكت وسام ودموعها ونزلت وبتبوس ف قدام الناس) قوم قوم معايا
جه راجل من الجيران: قوم ياايستاذ معايا نطلب لك الاسعاف
وسام: مى... مى انا اتشليت ذنبك يا حبيبتى (بيتكلم مقطع من الواقعه)
مى: بعد الشر عنك يا حبيبى .. قوم معايا والنبى مافيش حاجة ان شاء الله (بتعيط)
وسام: مشمش..انت ى م صدقتى نتخاصم وعملتى الكدش ده تانى
ايه كنت معذبك انا لما كنت مهذبه شعرك!
مى ابتسمت وضربته فكتفه
وسام: لو راسمه ع ولاد وعاصم وجو بعد بتول.. م انصحكيش
انا ابقى حلو اوى لو مشيت بكرسى بعجل فالشقه
مى: (بتضحك والدموع ع وشها) بعد الشر عليك اسكت بقى (باسته فخده)
وسام: (لسه واقع ومش قايم ) بحبك والله العظيم ومبحبش غيرك
مى: (بتمسح عيونها من الدموع وبتقول بصوت حنين قدام الناس) وانا بموت فيك وربنا
شريف: ياعم قوم انت عجبتك النومة كأنك ع الشط كده قوم الله يستر عرضك
شريف قومه وسنده ع كتفه والراجل الناحية التانية وطالعين لامنية لحد م يشوفو دكتور
شريف: لا اله الا الله ..والنبى كان جدع
ياسبعى ..يا جملــــــــــى !
مى: اتخرس الهى يعددو عليك
وسام: (بيشاور لمى تجى ناحيه بوقه يكلمها) اطلعى فوق بشعرك وحافيه وجسمك باين
مى ضحكت برغم انه يمكن انكسرت ف حاجة ..وتعبان
وبيغير عليها اوووى وهى كل الى تهمه
امنية من فوق بتضحك وبصت لمنة وطبطت عليها
وقالتها بهدوء
" الهموم بكره هتعدى يا منون ..مافيش حاجة مبتعديش"
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
استنونا يوميآ
#ويسو_ميوش_توتا_وخلصت_الحدوتة
لـــ #نورإسماعيل
الجزء الثالث من رواية #لسه_اجمل_يوم_مجاش
ليست هناك تعليقات:
إرسال تعليق