===================
فالحلقه
السابقه
حسام:
اسمك كان فدماغى بس رايح من بالى دلوقت .. انتى عارفة ظروف الكلية والجامعة وكده
خلود:
انا اسمى خلود .. حضرتك من بلدنا يعنى ؟
طب
اتصل بابويا اعرفه ان انت جيت يعنى
حسام:
لالالالالالالالالا مينفعش
اصلى
هو وبابا بينهم مشاكل وبابا حابب يصالحة عن طريقنا انى اخد بالى منك وكده وبابا
هيجبهاله واحدة واحدة لما يكلمة
اهم
حاجة انتى متجبيش ليه سيرة ان احنا اتقابلنا عشان ميزعقلكيش وميخلنيش اشوفك
خلود:
طيب خلاص انا هسكت ويبقى ابوك يقوله حضرتك
حسام:
لا حضرتك ايه .. حسام بس .. حسام ياخلود
--------------------------------------
ريهام:
خد ياسيدى يارب يتمر ههههههههه ومن غير فلوس كمان
رئيس
التحرير عملهولى كادو
يوسف:
. ورئيس التحرير يعمله كادو ليه بقى انشالله ؟
ريهام:
ف ايه يابنى عادى .. صحفية شاطرة وبيكافئها
--------------------------------------
محمود:مبحبش
البيت ولا اروح البيت ولا اشوف الى فالبيت
يوسف:
ليه يابنى بيعضوك هناك ، اش حال مكانوش بيتصلو بيك يوميآ وبيستنوك وبيسألو عليك
انت
عيان ياض
مريض
نفسيآ ولا حاجة
------------------------------------
جهاد
وفاطمة هيروحو البيت نازلين للبلد و اثناء وجودهم فالبلد ..
... جهاد سمعت خبر حلو
بس
بالنسبة ليها مش حلو ؟
حلقة
(4)
فاطمة
كل يوم بتتصل بجهاد وجهاد برضو فالفون ... وفيوم فاطمة اشتغلت ميسدات ورا بعض كان
ف حاجة ..
جهاد:
ايوا يا زفت ... صدعت ابويا كنت نغسل المواعين
فاطمة:
اصلى اول م عرفت قلت اقولك انتى اول واحدة يا جهاد
جهاد:
خير ف ايه ؟
فاطمة:
عارفة كان مين عندنا من شوية ولسه ماشى ؟
جهاد:
مين ؟
فاطمة:
اخو العمدة كان طالبنى للجواز وابويا قاله افكر... بس بعد م مشى امى زغرت وقالتلى
جهاد:
عريس يعنى ؟
فاطمة
: ايوة ... وانا فرحانة خالص
جهاد:(بحزن)
وانتى موافقه
فاطمة:
ايوا طبعآ هبقى عروسة يا جهاد ... الله
جهاد:
بس ده كبير عليكى يا فاطمة
ده
معدى الاربعين
فاطمة:
مش مهم عملنا ايه بالصغيرين يعنى ... معرفش بقى
المهم
انى فرحانة خالص
جهاد:
طيب مش يشاوروكى الاول قبل الموافقه ولا انتى جاموسة يسحبوكى ع اى زريبه براحتهم
فاطمة:
ماهو كويس وعنده ارض وبهايم وبعدين اخو العمدة يعنى ممكن يبقى العمدة لو اخوه مات
جهاد:
طيب ياستى الف مبروك (بضيقه)
فاطمة:
يبارك فيكى عقبالك يا جهاد يارب ونجوز فيوم واحد
فرحنالى
ياجهاد
جهاد:
طبعا مش اختى حبيبتى (نبرة حزن)
فاطمة:
يارب عقبالك معايا يارب يا حبيبتى
جهاد:
معلش هنقفل يا فاطمة سلام امى بتنادى
فاطمة:
ماشى مع السلامة
جهاد
اتدايقت اوى وكانت بتغسل الصحون راحت رزعتهم فالحوض وقعدت تعيط ..
اوعو
تفتكرو ان جهاد غيرانه !
تؤتؤتؤ
دى
بس متدايقه عشان فاطمة هتتخطب وتنشغل عنها واهتمامها هيقل بيها طبعآ
المهم ...
عدى
يومين ورجعو جهاد وفاطمة السكن ... طول الطريق بتحكى فاطمة لما تتخطب هتعمل ايه
وهتجيب شبكة منين والفستان هتأجره منين وكل ده وجهاد بتسمع من غير نفس وبنص دماغ ....
وصلو
السكن ورقية فتحتلهم ..
رقية:
حمدلله عالسلامة يابناويت وحشتونى .. انتو والبت ريهام الجزمة طولتو فالبيت اوى
جهاد:
وادينا جينا يا رقية متصدعيناش (دخلت وهى قالبه وشها)
رقية:
مالك يا جوجو ؟
جهاد:
دماغى مصدعة من الطريق بس
رقية:
فين الاكل .. بطنى نشفت من الاكل البرانى والجبنة والبيض والسندوتشات
فاطمة:
عندك فالكارتونتين دول
رقية:
مالك انتى شكلك مبسوط
فاطمة:
ايوا ... انا هتخطب يا روكا
رقية:
الله الله الله عالاخبار الحلوة الف مبروك يا حبيبتى ، والله م بعرف ازغرد كنت
زغردت بس البت ريهام هتيجى وتهيصلك
هى
فالطريق لسه متصله بيا
فاطمة:
الله يبارك فيكى يا عسل .. عقبالك يارب
جهاد:
(خرجت لاوية خلقتها)هو لسه ف حاجة تمت ؟ متسبقوش الاحداث
عدت
ساعات ... ووصلت ريهام ..
واول
م جت اتلقتها من ع الباب فاطمة بالخبر ... ولسه مخدتش نفسها اشتغلت زغاريد وجلجلت
زغرودة محلاوية اصلى
طلعت
صاحبة البيت وسالت ف ايه
والبنات
الى فوقيهم كمان
وكلهم
عرفو وباركو لفاطمة ... وريهام استأذنت ام عادل يعملو هيصة لفاطمة فالسكن من غير م
تزعق وهى واقفت .
بس
جهاد وقفت زى اللقمة فالزور .. وقالت لما تتم وتيجى الموافقه يبقى يعملو الى هما
عايزينه وقالت بالنص ..
" استنو لما تعرف ابوها وافق ولا لاء لحسن تهيصو ومتتخطبش بعدها
ويبقو وشكو زى جفاكو "
عالناحية
التانية الشباب سمعو الزغاريد ...
كان
يوسف واصل بقاله يومين وعبده لسه جاى ، كان يوسف محضر اكل الحجة لما ييجى
عبدالرحمن وياكله كلهم سوا
وفعلا
طلع يوسف الفطير والعسل والجبنه القديمة وحطهم وكانو بياكلو لما ريهام زغردت ..
محمود:
بيزغردو ع ايه دول ؟ هو احنا لسه امتحنا ونجحنا
عبده:
تلاقى حد هيتجوز .. او اتجننو عادى يعنى البنات مجانين ..
م
تسال صاحبتك ف ايه (بيكلم يوسف)
يوسف:
حاضر .. بس بعد الاكل هجبلك قرار الزغرودة
وهما
بيحكو فون محمود رن ... قام جابه من ع المكتب لقاه والدته ..
محمود:
الو ازيك ياماما
الام:
ازيك يا حبيبى عامل ايه ؟
محمود:
الحمدلله كويس .. ويوسف وعبده بيسلمو عليكى
وفطير
ام يوسف كمان
الام:
هههههههه سلملى عليهم وكل فطير كويس ، ايه بقى مش هتنزل يا حودة ؟
محمود:
ماما عندى مذاكرة كتير وعملى وورشه وليلة م يعلم بيها الا ربنا
الام:
طيب ولو قولتلك ع خبر حلو يخليك تيجى زى الرهوان ؟
محمود:
ايه فرحينى ؟
الام:
تب كتاب اخوك عمر الاسبوع الجاى !
محمود:(كشر
واتوتر فساعتها) ايه ؟
الام:
اه والله ... لازم بقى تيجى لان فالخطوبة انت زعلت اخوك ومجتش وانتو مالكمش الا
بعض
واتحججت
بانك كنت عند خالتك فاسكندريه
المرة
دى بقى مالكش خجة
محمود:(فك
سوسته الترنينج) بص مستعجلين يعنى (بياخد نفسه بالعافيه)
الام:
ماهو يابنى اخوك خلص شقته ... والعروسه جهزت حاجتها يبقى فاضل ايه
محمود:
ماشى ياماما هبقى اشوف
الام:
لا مافيش هشوف ... جهز نفسك عشان تقف جمب اخوك
عشان
كمان الفرح هيبقى فنص السنه
اجلوه
عشان خاطرك تخلص امتحاناتك وتقف جمب اخوك
محمود:
كمان!
ماشى
ياماما ماشى .. معلش هقفل ياماما التشارج هيفصل
الام:
ماشى يا حبيبى سلام ..
محمود
قفل ووقف وسرح وعيونه مدمعه ومكشر وحالته بالبلا .. لاحظ يوسف وهو بيشيل الاكل مع
عبده ودخله البلكونه
يوسف:
ف ايه معاهم فالبيت ؟
محمود:
مافيش ياجو (دخل وسابه)
يوسف
وقف بص عليه وعمل حركه براسه انه مش فاهم ودخل مسك فونه يكلم ريهام راح فساعتها
صاحبه الى لعب معاه كورة قبل كده اتصل بيه ...
صاحبه:
الو ... ازيك يا جو
يوسف:
اهلا اهلا ازيك ياض يابن الجزمة عامل ايه ؟
صاحبة:
احسن منك ياض
يوسف:
عايز ايه بلاش كتر كلام عشان كنت رايح اكلم الموزة
صاحبه:
مستعد تتقطع انت واصحابك بعد بكرة فماتش جديد
يوسف:
ياريت .. ده احنا هنعلم عليكم يا جزم
صاحبة
: خلاص موافقين ، والمرة دى الفرقه المغلوبه تعزم الكسبانة ع عشان فالمكان الى
تختارة .. امين يابا ؟
يوسف:
امين يابرنس .. شكلكو هتكعو دم قلبكم انشالله
صاحبه:
هنشوف يا قناوى هههههههه
يوسف:
ماشى يا بحراوى
قفل
يوسف وراح رن ع ريهام يكلمها ...
ريهام:
الو
يوسف:
ايه الزغاريد دى .. مش توطو صوتكم مش عارفين نذاكر
ريهام:مذاكرة
ايه يابتاع كليه 1 2 هوب هوب ، انت سمعت الزغاريد!
اصل
فاطمة اتخطبت
يوسف:
انا قلت كده برضو ... فاطمة مين
اه
واحدة معاكى صح ؟
ريهام:
اها وانا الى كنت بزغرد ... ولسه هنهيص بس لما يتشبكو وكده
يوسف:
عقبالك يااوختشى
ريهام:
فحياتك يا حبيبتشى
يوسف:
طب بصى بقى انا كنت عايز اعزمك ع ماتش هلعبه بعد بكرة انا واصحابى فنادى بنأجره
بالسعات تيجى تشجعينى الله يخليكى
ريهام:
ههههههههههههه قول انك اعرج ومبتعرفش تلعب وهتجيبها فيا
يوسف:
لا والله ده محسوبك تريكة فالملعب .. بس برضو مينعش شوية تشجيع نسائى كده يحسسو
الواحد انه بطل قدام صحابه
ريهام:
اوك هشوف واقولك
يوسف:
المهم لما تقررى تيجى قوليلى عشان اخدك قبل م نطلع من هنا اوك .. عشان اكيد
متعرفيش الطريق
ريهام:
اوكيشن يا جو .. هكلمك باى
يوسف:
باى
يوسف
دخل لقى محمود بنفس السرحان والتكشيرة .. محدش عارف ف ايه
كان
عبده عمل شاى وبيديله مجه ... وهو برضو فدنيا تانيه .. وعيونه جواها دموع محبوسه ؟
يوسف
كان ف حاجة موصى عليها واحد صاحبه اول م يرجع من البلد يجيبها
لبس
هدومه ونزل وغاب ساعة وجه ..
قفل
الباب بالترباس وجاب عبده من اوضته .. وقفل الشبابيك زى الى سارق سريقه ..
محمود:
ف ايه ياض (كان بيذاكر)
عبده:
عايز ايه يايوسف
يوسف:
جبتلكم البرنس الى هيطلعكم من الى انتو ف .. ويخلى محمود يفك التكشيره
محمود:
ايه ده
يوسف:
لف سيجاره وولعها وخد نفس ونفخه فوش محمود
محمود:(كح)
حشيش! خد حشيشك واطلع برة ياايوسف
يوسف:
يس
عبده:
لا ياعم ماليش ف .. انا ممكن اشرب سيجارة 2 تفاريح كل اسبوع لكن حشيش لاء
يوسف:
جرب بس مش هتندم (ولعله جوينتايه وادهاله)
عبده:
لا بلاش
يوسف
حطهاله فبقه وخد نفس وقعد يشرب وسكت عبدالرحمن .. محمود باصص عليهم وساكت
عدى
10 دقايق وهما بيولعو سيجارة فالتانية وشغالين ضحك ومسخرة ومحمود باصص راح اخد
واحدة من بق يوسف وقعد وسطهم ..
محمود:
قال ضربو الاعور ع عينه قال خربانه خربانه
يوسف:
ايوة حودة ايوة بقى (سقف) شد يامعلم وليك فيها وعامل المستشيخ اصل مافيش واد فمصر
محطش السيجارة فبوقه
مستحييييييل
محمود:(خلص
جويناتيه كاملة وولع التانيه واشتغل يضحك يضحك ) هههههههههههههههههههههههههههه
يوسف:
شوفت هتسافر دلوقت(يوسف متسطلش اوى لانه متعود عليها)
عبدالرحمن:(مش
هنا وغيبب خاااالص) انا راكب صاروخ ووووووووووووووووووووووووووووو
يوسف:
هههههههههههههههه وطى صوتك هتفضحنا
محمود:(بيضحك
جامد وبصوت عالى وجعد يضرب يوسف ويقع ع جنبه وراح قال)
"
واد
يايوسف عايزين ننزل نشترى بدله احضر فرح "
يوسف:
فرح مين ؟
عبدالرحمن:
الفرح ضرب ضرب هيييييييييييه هههههههههههه
محمود:(اتكلم
وهو بيضحك ونزلت دموع من عينه) فرح اخويا ع حبيبتى !! "
عبدالرحمن
مخادش باله لكن يوسف اخد باله وطلع الجوينت من بقه وانتبه كان محمود بطل ضحك
واشتغل عياط فحضن يوسف ...
عبدالرحمن
مخادش باله لكن يوسف اخد باله وطلع الجوينت من بقه وانتبه كان محمود بطل ضحك
واشتغل عياط فحضن يوسف ...
يوسف:
واد يامحمود ؟ طب استهدى بالله طيب
محمود:
ماهو انا لازم كنت اعمل حساب اليوم ده ! مش اتطبو يبقى هيتجوزو ولا هما هيتخطبو
وبعدها يلعبو كوتشينه (بيتكلم من غير وعى وبطريقة مسطولة شويه)
يوسف:
يعنى اخوك هياخد بنت انت كنت عاوزها ؟
ها
م
ترد يابن المجنونة جننت امى معاك
محمود:
انا عايز انام (قام دايخ وبيتطوح )
يوسف:
طب روح عسريرك .. مش ده
اهو
نام
محمود:
غطينى يايوسف
يوسف:
الدنيا حر ياعمى
محمود:انا
بردان (الدموع ورا بعض ع خده)
يوسف:
حاضر (غطاه يوسف وده كله عبده فدنيا تانية وسافر مع المسافرين خلااااااص)
وفجأة
خبط الباب !
عبده:
كبسة!! شيل البوليس جه
يوسف:
بوليس ايه ؟ ده الزفت هشام
هشام(من
برة وبيخبط جامد) افتحوه
يوسف:(من
جوه) عايز ايه يا هشام ؟
هشام:
افتحو .. بتعملو ايه
يوسف:
مافيش بكتب كتابى ع عبده ومحمود مأذون ... عايز تحضر الفرح ؟ ليك شوق فحاجة؟
هشام:
افتحو ف ريحة غريبة طالعة من عندكم ودخان كمان
يوسف:
ايوة انا بولع فهدوم عبده .. يلا روح نام ومتفصلنيش
هشام:
دى ريحة حشيش .. ايوة حشيش والله لابلغ عم خلف خليكو تغورو من هنا
يوسف:
اعمل الى هتعمله ياض وانا والله ديتك طلقه وارتاح منك ياض يا بن البارد
هشام:
ماشى هنشووووووف هدد ياعم الخط هدد
يوسف:(بيقوم
عبده من عالارض) عبده .. عبده قوم روح اودتك
عبده:
مانا هنا حلو
يوسف:
ههههههههه لا مش حلو يلا قوم
عبده:
طب ودينى عشان مش عارف ..
يوسف
سند عبده ووداه اودته .. وبعدين جه وقعد جمب محمود وبصله وهو مستغرب كلامه
ياترى
ده بجد
ولا
تخاريف عشان اتسطل
بكرة
مش بعيد !
=======================
تانى
يوم بقى خلود كانت فالجامعة ... وفات شهر ونص ومجابتش ولا كتاب
كل م
تسال حد تجيب منين وفين مركز توزيع الكتاب الخاص بيهم
محدش
يجاوبها ويتجاهلوها
وهى
خايفه الامتحانات تقرب وهى متعرفش حاجة كده
المهم
بعد تدوير ولف واسئله كتير اضطردت تسال حسام!
الى
عامل نفسة قريبها ييجى يشوفلها حل ...
كتبت
رقمه من ع الكشكول وبتتصل ..
خلود:(بخوف
اول مرة تعملها) سلام عليكم
حسام:
الو ... مين معايا
خلود:
ازيك يااستاذ حسام
حسا:
مين انتى يا موزة ؟
خلود:
انا خلود
حسام:(رجع
لواحد من اصحابة قاعد ورا ) انا اعرف حد اسمه خلود ؟
صاحبه:
معرفش
حسام:
ايوا خلود مين ؟
خلود:
انا خلود بتاعة اسوان الى ابوك وصاك عليا عشان يعرف ابويا
حسام:
اااااااااااااااااااااه اهلا يا خلود .. اخبارك
لسه
فاكرة تسالى ياشيخة
خلود:
ماهو انا مكنتش هتصل بس يعنى الضرورة حكمت(كلامها دبش عشان دوغرى متعاملتش مع الصنف
ده قبل كده)
حسام:
مممم (مخنوق من طريقتها) ايه ف مشكله معاكى ؟
خلود:
انا كنت عايزة اشترى كتبى يعنى او اشترى حبه منهم واصور حبه عشان فلوش ممقضياش
ومحدش عايز يقولى اجيبهم منين وازاى ؟
حسام:
انتى فين يا خلود ؟
خلود:
فمبنى كليه الاداب .. فالدور التانى
حسام:
اوك خليكى وجايلك انا
قام
حسام ودفع فلوس الاكل المطلوب فالكافتيريا قامو اصحابه سالوه ..
صاحبته:
رايح فين ياحس ؟
حسام:
مش هغيب يا اوز الزمان
صاحبه:
رايح فين بجد ؟
حسام:
مشوار وراجع عالسريع .. خليكو راجعلكم
حسام
مشى وراح لخلود مكان م موجوده وفظرف ساعة كان اشترالها كل الكتب بمعرفته
طبعآ
مش
العميد!
المهم
الكتب كانت غاليه ومخلاش خلود تدفع ولا قرش ... الحاجة دى خلت خلود تفرح اوى
وتتعلق بيه وتحس ان وراها سند وعزوة وانها مش وحدها
لكن
حسام بيعمل ليه كده؟
وعايز
منها ايه ؟
واشمعنا
دى ؟
الله
اعلم ...
رجع
حسام بعد م جاب لخلود الكتب وركبها تاكس ودفعه كمان وجابلها شوية طلبات كده بسيطة
اكل وعصاير وشيكولاتات ووصى عليها التاكس تروح السكن زى ماهى قالت ع عنوانه
اصله
لاحظ ان لبسها ع اده
يعنى
هى من طبقه اقل من متوسطة ... وهتشوف الحجات دى كبيرة اووووووى
وصلها
ورجع لاصحابه لقاهم قاعدين زى م هما الشله الفاشله بتاعته ,,
صاحبة:
ايه ياعميد ؟ ايه ف
حسام:
ابدآ... مشوار كده كان لازم يتقضى
صاحبه:
مش خلود دى البت المرعبة دى ؟ انا فاكر قولتلى اسمها خلود
حسام:
ايون
صاحبه:
كانت عايزاك ف ايه
حسام:
مالكش ف .. المهم لو البنات عايزين طلبات ادفعها انت لان فلوسى فينيش .. صرفتها
كلها
صاحبه:
صرفتها عالبت المعفنة دى (بيقول بقرف)
حسام:
اه
صاحبه:
ليه ياعم ؟ ده انت غريب يا حسام
حسام:
اتك ع الرز
صاحبه:
والله انا م فاهم حاجة ابدآآ
============================
رجعت
خلود ... كانو معظم البنات فالسكن زى رقية وريهام كده ...
رقية
كانت نايمة وموصيه ريهامك تصحيها قبل المغرب م يدن
وفعلا
راحت تصحيها ..
ريهام:
ريكو ... ريكو اصحى
رقية:
ايوا يا ياريهام (صاحية مبتسمة وفرحانه وخدت نفس عميق وباست ريهام فخدودها) مساء
الجماااال
ريهام:
مالك يابت
رقية:
حلمت حلم حلو اووووووووى ... ياخسارة انه حلم
ريهام:
ايه الحلم ده
رقية:
حلمت بشاب امور ابيضانى
وطويل
وعامل
دوجلاس
مشفتوش
قبل كده
كنت
بذاكر قعد ينادى عليا .. يا رقية .. يارقيه
بقوله
بذاكر بزعيق
ريهام:
اوف حتى فالحلم بتذاكرى !
قالى
طيب مش تشوفى مين بيناديكى
رحت
بصيت لاقيته
قولتله
تعرفنى
قالى
اه
انا
حبيبك
وراح
باسنى ف دماغى كده وخدنى من ايدى من الاودة هنا ع مكان وااااسع حلو وكله خضرا وورد
وقالى دى جنتنا يا روكا.. وبعدها انتى جيتى تصحينى
ريهام:(متنحه)
يالهوووووووووووووووووى ياريتنى م صحيتك جاتنى قطع ايدى
وبس
كده خلص الحلم
طب
كانت عاملة ازاى؟
رقية:
ايه هى ؟
ريهام:
بوسة دماغك (بتسبل فعنيها)
رقيه:
بس يابت ياقليلة الادب ..ابقى اسالى خالتك معناه ايه الحلم ده عشان هى بتفسر حلو
(زقتها وحطت الفوطة ع كتفها وراحت الحمام ...)
===========================
المهم
بقى
جه يوم
المباراه وريهام اتحايلت ع رقية وجهاد ييجو معاها عشان لو رجعت متأخر صاحبة السكن
متزعقش
جهاد:
يعنى يا ابله لازم نحضر ماتش كورة وماتش بلى لعيال معفنه منعرفهمش عشان حضرتك داخل
عليكى دم وعايزة تطيرى فالشوارع
ريهام:
هو احنا بنعمل ايه يعنى غير المحاضرات والسكن نرجع مقتولين .. نخرج شوية نفرغ طاقه
ونهون ع نفسنا
جهاد:
قال يعنى مباراة لنهائى افريقيا ايش حال م كانو عيال شبه البهايم اخرهم يلعبو
نهائى الكرة الشراب عالمستوى المحلى ..ماتدبسيش نفسك وتدبسينا معاكى
ريهام:
والنبى عشان خاطرى ؟
رقية:
طب خلاص ياجوجو نروح بس عشان متزعلش .. وانتى خفى جنان مش اى حد تورطى نفسك معاه
بحاجة كده
وهما
نازلين مع الشباب زى م استنوهم
كان
يوسف مستنى ومحمود وعبده واقفين اخر الشارع .. ركبهم تاكس وقال ع مكان النادى وهما
بيتحركو
رقية
بترفع عينها وشافت محمود وعبده واقفين وجالهم يوسف سلم عليهم
رقية
اتخضت!
وغمزت
ريهام
رقية:
ريهام ... الولد الى حلمت بيه ؟ يالهوى اهو والله
ريهام:
انهى ده
رقية:(شاورت
رقيه علي 1 من ال 3 )!!
===========================
نتقابل
بعد بكرة فنفس المعاد
انا رجعت
نزلتها تانى للفانز الى بجد مقدرين تعبى ومجهودى بس بجد لو مش لاقيت تفاعل هكتفى
بعرضها اول مرة ونبقى نكملها لاحقآ بقى لما ربنا يريد
#قصاقيص
ورق <3
لــ
#نور_اسماعيل ^_^
La Wnapi NazliHa 3la Toul Di 7elwa Aweee
ردحذف7alwaaaaa gaaaaadeen we please kamly ba2y al7al2at
ردحذف