=============
فالحلقه
الى فاتت
(7)
يوسف:
قاعد معانا غراب جاتك الهم .. داخل تقولنا خبر زى وشك
هشام:
والله انتو الى غربان انا بقالى 3 سنين هنا محصلش ده قبل كده
محمود:
مش وقت خناقكو دلوقت .. اما نشوف المصيبه دى
------------------------
ريهام:
يلا قومو كلكم هنخرج انا عازماكم بمناسبه انى انهاردة قبضت اول مرتب فحياتى كصحفيه
هيييييييييييييه هيصولى بقى
ريهام:
بت يا زوزو .. انتى كنتى لابسه ليه النقاب ساعت ماشوفتك صح
زوزو:
بصو بقى من غير م حد يقعد يقطمنى
انا
بقلعه هنا لانى زهقت منه ومن تحكماتهم فيا وقرفهم
بعمل
الى ع مزاجى هنا وبراحتى ومحدش شايفنى
ريهام:
داانتى طلعتى حكاية وروراية وتمثيليه
--------------------------
عمر:
نسيت اقولك ان هايدى اصرت انها تيجى تسلم عليك انهاردة .. مع انها جاية من يومين
بس من كليتها
بس
ياسيدى سالت فينا انهاردة
شكل
ليك دلال اكتر مننا عندها
--------------------------
محمود:
ياااااااه كل ده ؟ بس انا مبحبش البط ياماما
الام:
البط عشان هايدى مرات اخوك
محمود:
اه .. هايدى مرات اخويا
الام:
عقبال م اعمل لعروستك ياحبيبى يارب .. اسيبك تغير بقى
:عقبال م تعملى لعروستى!
طب
ماهى كانت عروستى ... غريبة ياامى فرحانة لابنك ومتعرفيش ان قلب التانى بيتحرق!
حلقة
(8)>>>>>>>>>>>>>>>>>>>
غير
محمود وطلع برة يقعد معاهم .. كانت مامتة حضرت السفرة وقعدو ياكلو ..
عمر:
الله الله يا قمر ريحة الاكل جاامدة ..(بيبص لهايدى) عارفة لو معرفتيش تعملى اكل
زى ماما كده ع بيت باباكى عدل
الام:
ههههههه بعينك ولا تقدر تستغنى عنها
هايدى:
سيبيه يا طنط(بصت فعيون عمر اوى بحب) هو الخسران
محمود
قدامهم بيبص عليها وعليه وبدأ ياكل ..
هايدى
قطعت حتة من البط بالشوكة واكلت عمر فبقه وعمر ابتسم واكلها هو كمان ، محمود بيبص
كده
وبعدين
ضحك بينه وبين نفسه ضحكة سخريه
هايدى:
عامل ايه فالكلية يا محمود ؟ واخبار الامتحانات
محمود:
احتمال ينزل الجدول الاسبوع الجاى
هايدى:
اها .. احنا كمان هينزلنا الاسبوع الجاى خلاص بقى الامتحانات قربت
الام:
لا بقلكم ايه انتو تنسو الدراسة فاليومين الويك اند هنا بقى .. وانت ياحودة كل
عشان ف خبر حلو هقولهولك بعد الغدا
محمود:
ايه ياماما اوعى يكون عروسه (بيغيظ هايدى)
هايدى
شرقت وقعدت تكح راح شربها عمر وخدت نفسها وكلهم اتخضو عليها .. لكن محمود قاعد
باصص ليها كده ببرود
الام:
سلامتك يا هدهد شكلك اتحسدتى وانتى جاية وزى القمر كده
هايدى:
والله يا طنط مش بتعتق معاكسات
عمر:
طبعا هتجوز قمر
الام:
ربنا يخليكو لبعض يارب ... وعقبالك يا محمود
محمود:
ماقولتيش ياماما ايه المفجاة
الام:
لا كمل اكلك كله وانا اقولة
محمود:
يا ماما بقى مبحبش الانتظاروالتعليق
عمر:
ياسيدى انا اقولك ... بابا بعت مبلغ كبير يشطبلك الشقه عشان المكتب الهندسى بتاعك
ابسط
ياعم
محمود:
بجد!
ده
خبر مليون جنيه .. بابا ده حبيبى ربنا يرجعىه بالسلامة
هايدى:
م تفتح المكتب فالقاهرة يا محمود .. احسن من هنا يعنى (عايزة تبعده عنهم)
الام:
لالالالالا ياهايدى ولادى ميبعدوش عنى
ده
انا اول م اتخرج زمان عمر اصريت ع باباهم يشطبلو الشقه بتاعته عيادة والحمدلله بقت
من احسن العيادات الى فالبلد
لو
كان بقى عمل العيادة فالقاهرة
والتانى
فالقاهرة
وباباهم
مسافر ... يبقى انا بقى اقعد لوحدى .. يرضيكى
هايدى:
لا ياطنط ف حد يقدر يسيب القمر ده لوحدو.. كنت هقعد معاكى بردو
خلصو
اكل بعد الدردشة دى ... ودخلت هايدى ورا محمود الفراندا
فالوقت
ده كان عمر جوه فالمطبخ مع مامته
هايدى:
غريبة انك تيجى يعنى ؟
محمود:(بيلف)
غريبة انى اجى فرح اخويا ؟
لا
مش غريبة ولا حاجة
هايدى:
اصلك انت مجتش الخطوبة .. اتحججت بعيا خالتك ف اسكندرية
محمود:
لا ع فكرة خالتو كانت تعبانة فعلا، وبعدين ايه الى مش هيجيبنى ؟ وايه الى هيخلينى
اتحجج؟
هايدى:
مانا بقول كده برضومافيش حاجة تستدعى ..(سكتت شوية ورجعت اتكلمت)
فرحان
لنا يا محمود ؟
محمود:
طبعآ.. فرحانلكم وبالاخص فرحان ليكى اكتر
هايدى:
ليه يعنى (باستغراب)
محمود:
اصل عمر ميتعوضش ابدآآآ، انا لو كنت بنت مكنتش سبته من ايدى
راجل
وسيم .. ودكتور
وابن
ناس
وجاهز
واحلى
حاجة ف بقى .. انه بيصدق اى حاجة .. اصله طيب(بصلها بصة تحدى)
هايدى:
ويعنى انا الى اتعوض يا محمود؟ وبعدين تقصد ايه بالكلام ده ؟
محمود:
مقصدش حاجة (رجع بص من السور) انا برد ع سؤالك
دخل
عمر ومامتهم ... احلى فنجان قهوة هتشربو فحياتكم
واحد
مامته بتتعالج عندى من الاكزيما ربنا يعافينا
هو
بقى بيشتغل فالبرازيل
جابلى
بن انما تحففه اصلى بقى من بتاع بلاده
محمود:
هبقى اخد منه لانى بجد محتاج اركز الفترة الجاية واقعد مفنجل عنيا
هايدى
: انا مش هقدر اشرب القهوة ياعمر ..بابا بيرن عليا لازم امشى
(تلاكيك عشان اتدايقت)
عمر:
طب مش هتيجى من 5 دقايق ياحبيبتى
هايدى
: سورى بقى يا محمود يا حبيبى عشان احضر للحفلة بتاعتنا
!
اوبس
قصدى يا عمر ههههه سورى مجية محمود لخبطتنى وبعدين ماهو محمود اخو عمرمروحتش بعيد
لما
قالت محمود .. محمود لف وبصلها وعمر كمان بس لما اعتذرت
عدت
ع عمر عادى
لكن
محمود لا
اصل
كانت وحشاه الكلمة دى اوى ...
المهم
بقى ..
مشيت
هايدى ..
قعدو
عمر ومحمود سوا .. وبعدها نزل عمر راح لعيادته ومحمود قعد فاوضته مخنوق وعايز
اليوم ده يعدى بفارغ الصبر.
دخلت
مامته عليه وهو قاعد وحده فاتح الاب بتاعه بيذاكر حجات ..
الام:
ممكن اقعد معاك شويه
محمود:
اه طبعا ياماما .. اتفضلى
الام:
مالك يا محمود؟ بقالك فترة كبيرة مش عاجبنى
فضفض
لماما يا حبيبى
لا
بقيت تقعد تضحك ولا تهزر مع اخوك
قافل
كده دايمآ
محمود:
ابدآ ياماما .. انتى عارفه ان خلاص انا فرابعة وقربت عالبكالوريوس وده قالقنى شوية
وكده
الام:
ياسلام وده من امتى يعنى
طول
عمرك من الاوائل فمدرستك وحتى فالكلية تقديراتك ممتازة
يعنى
مش الدراسة الى تقلقك
محمود:
ماهو الدراسة ولما اتخرج الشغل و....
الام:
ع ماما يا حودة ؟
انت
مخبى عليا حاجة
محمود:
هخبى ايه يا ماما
الام:
طب مش ناوى كده تغير من اخوك وتفرحنى انت كمان
محمود:(اتدايق
اوى لما سمع منها سيرة الارتباط) والله يا ماما الارتباط مش فحسبانى خالص دلوقت
وبعدين
لسه بدرى
ع
فكرة صحيح
الام:
ايه ؟
محمود:
خالو سليم هيحاول ييجى وقالى هيكلمك عالفون
الام:
ماهو كلمنى وقالى انه هيحاول ييجى .. طيب اقوم انا اشوف الى ورايا
واسيبك
تذاكر
محمود:
اوك يا ماما
بعد
شوية ... جه عمر من العيادة
داخل
بزيطة وبينادى ع محمود ...
عمر:
ولد يا محمود .. انت يا ولد !
العريس
ينادى حول
محمود:
اخو العريس موجود يا سيدى حول (عمله تعظيم سلام)
عمر:
هههههههه يلا بقى انا واقع من الجوع اتهلكت انهاردة .. نتعشى وبعدها ندخل الفراندا
نتكلم لانك بجد وحشتنى
محمود:
ياعم انت تؤمر واحنا ننفذ مش عريس
عمر:
اما نشوف ساعتك انت هتعمل ايه بقى
محمود:
ياعم فكك منى .. يلا ناكل وبعدين فين ماما؟
عمر:
تلاقيها نامت
انتى
ياست يا مامت العريس اصحى
دخلولها
جوه كانت نايمة ..
محمود:
قومى يا ماما اتعشى معانا
الام:
انا مش بتعشى يا ولاااااد
عمر:
يلا ياست انتى بالامر
وشالوها
قصاد بعض حطوها عالسفرة وقعدت تضحك جامد وفضلو يزغزغو فيها وضحكو سوا ضحكة من
القلب بقالهم كتير مضحكوهاش
وبالذات
محمود..
اتعشو
وشالو الاطباق .. وعمل محمود مجين كاكاو باللبن ودخل الفراندا لاخوه ..
محمود:
يلا بقى عملتلك مج كاكاو يعنى عدالة عشان تشربه وتنام طوااااالى
عمر:
هههههههه جبت عدالة دى منين ؟
محمود:
من يوسف .. زميلى فالسكن بس دمه خفيف اوى كل كلامه غريب كده
عمر:
عامل ايه يامحمود واخبارك ودنيتك طمنى عليك بقالنا كتير مقعدناش سوا
محمود:
انت الى تقولى ياعمر مش انا .. وحشنى كلامك وصوتك ، احنا صحيح الدنيا لاهيانا بس
مش ع بعض
عمر:اقولك
ايه يابوحنفى (خد نفس وابتسم ) مش هقولك غير انى فرحان
اوى
يامحمود
اخيرا
هيبقالى بيت وعيله ، مع انسانة بنت ناس واصل وبحبها وبتحبنى
محمود:
بتحبها اوى ياعمر (متأثر )
عمر:
هايدى لو مكانتش ظهرت فحياتى كنت اكيد هقعد ادور عليها سنين
الى
زييها نادر يامحمود
محمود:
فعلا.. هايدى انسانة تستاهل كل خير (بحزن)
عمر:
عارف سعات بحس انها بتحبنى اكتر منى تخيل
محمود:
ليه بقى ؟
عمر:
معرفش بس كل تصرفاتها بتقول كده، يكفى كلمة انت حبى الاول والاخير ياعمر
محمود:(عمل
ريأكشن بوشه كانة بيسمع نكته سخيفه ورجع مسك نفسه وقال) ربنا يسعدكم ياعمر .. اهم
حاجة عندى انك تكون مبسوط
داانت
اخويا
الى
ماليش غيره
ومستحيل
اسمح لاى حاجة تدايقك لو للحظة ياعمر
عمر:
عارف يا محمود .. رغم انى انا الكبير
لكن
بحس انك انت الاكبر منى مش انا
من
حنيتك وخوفك عليا بالشكل ده
محمود:
ربنا يخلينا لبعض وميحرمناش من بعض ولا من ماما ولا بابا ..طول العمر يا رب
عمر:
ياااااااارب
=======================
قام
محمود وعمر بعد م خلصو سهرتهم سوا
راحو
ينامو
اد
ايه كلام عمر لمحمود تعبه بزيادة
مش
عشان قاله انها بتحبه
لكن
عشان
هو
اخوه .. وخايف لينجرح فيوم من الايام بسببه!
جه
يوم كتب الكتاب والكل مستعد
والقاعه
مليانة معازيم معارف العروسين
كانو
العروسين وصلو وقاعدين عالكوشه منتظرين المأذون يخلص الاجرائات ويبتدى يعقد القران
فالمايك
الموسيقى
وقفت..
وقعد
عمر وقعد بابا هايدى قدامه والماذون فالنص وبدأ العقد
محمود
واقف جمب العريس ومامته زهو بيردد وراه الشيخ ..
وجت
حتة فالعقد الى كان بيقولها باباها وهى
: قبلت زواج السيد عمر عبدالشافى الى موكلتى الانسة هايدى كمال
الدين ع سنة الله ورسوله:
ومحمود
كأنه بيسمع رصاص .. الكلمة خنقته جدآ بس مبينش طبعآ
خلاص
فرقت من محمود لعمر !
فعلا
محدش عارف نصيبه فين.. الحمدلله
تم
كتب الكتاب وبعتو الدفتر للعروسة تبصم وتمضى .. وجم صاحبتها صوروها واتصورو معاها
بايدها الى عليها حبر وكانت فرحانة اوووووى وشغاله تعمل حركات كانها طايرة من
الفرحة
قال
يعنى عمر حبها المنتظر
محمود
قال فنفسه.. مدام هى فرحانة
انا
ازعل ليه ..ده فرح اخويا ولازم افرحه
لما
اشتغلت تانى الاغانى .. قوم عمر من الكوشه ورقصه مع هايدى وكان بيضحك وبيسقف وكأنه
فعلا فرحان ..بس جواه كان بيتقطع ..
خلص
الفرح ..
والعروسة
والعريس راحو يقضو بقية السهرة فمكان سوا قبل م العروسة تسافر
كان
محمود محضر شنطه انه هيمشى ع اساس انه مش هيقدر يسيب المذاكرة اكتر من كده!
بس
الحقيقة هو كان عايز يهرب وخلاص لانه اتخنق عالاخررر..
مامته
كانت محضراله الاكل الى هياخده .. وحلويات وحجات لاصحابه ..
محمود
رجع للسكن ..
ولقى
عبده ويوسف كان برة ... ولما رجع يوسف رحبو بيه وحاولو ينسوه
الضغط
النفسى الى كان عايشه هناك
يوسف
عمله اراجوز واشتغل تريقه ع هشام ..عشان بس يضحكو محمود وينسوه همه
=======================
بعدها
بيومين ..
كانت
ريهام قاعده بتذاكر فاوضتها هى وجهاد
ورقية
بردو بتذاكر
وخلود
.. ف اوضتها وحيدة وبتذاكر... فجأة فونها رن
خلود:
سلام عليكم
حسام:
ايه ياخلود .. نسيتنينا يعنى
خلود:
اهلا يااستاذ حسام .. اصلى بذاكر والامتحانات قربت
حسام:
مبتنزليش الجامعة يعنى
خلود:
ماهو المواد خلصت .. فاضلش غير محاضرات الحذف بس فالسبوع دى وهنبطل عشان
الامتحانات
حسام:
طيب ابقى خليكنا نشوفك
اصلك
وحشتينا اوى
خلود
ارتبكت والكلمة خلت اعصابها تسيب وكالعادة عشان غلبانة وملفتش ولا دارت قفلت فوشه
من غير م تقصد
وقعدت
ترتعش وعيونها تنزل دموع من الفرحة
كان
حسام بيرن تانى
فالوقت
ده .. خبطت جهاد عليها
جهاد:
معلش يابتى هنذاكرو معاكى بدل سنترال العصافرة الى فتح هنكهيتى والابله ريهام
ممبطلاش حكاوى
خلود:
اتفضلى تعالى يا مرحب
جهاد:
مرحبا بك
حسام
بيرن وفتحت خلود
خلود:
ايوة يا استاذ حسام
حسام:
احنا مش قولنا حسام بس
خلود:(ابتسمت)
طيب حسام بس
جهاد
:(قاعده وراها واستغربت وبرطمت) ايا كمانى حسام بس دى
حتى
انتى يا خلود!
ومصمصت
شفايفها زى العواجيز وقعدت تسمع المكالمة ولما خلصت خلود قالتلها جهاد ........
جهاد:
مين حسام ديتى تاخذنيش يعنى ؟
خلود:
هه! ديتى قريبى
جهاد:
فكرتك عتكلمى شباب .. اصلى عيب يعنى المفروض متعطيش حد رقمك
خلود:
ايوا مانا بعمل كده .. فكرتى انى عطياه حد غريب اياك؟
جهاد:
ايوة .. بصراحة استغربت قلت حتى خلود اتعدت من طاعون ريهام
خلود:
لا نحكيش فالتلفونات احنا عيب
جهاد:
جدعة بتى ايوة كديتى .. يلا اقفلى ونذاكرو يلا
خلود:
ماشى
====================
انهاردة
فرح رامز
رقية
طول اليوم بتفكر ومشغولة ..
تروح
ولا لاء ... تروح فرح حبيبها الاولا نى والى لسه بيحبها ولا لاء؟
هى
عايزة تروح تشوفه لاخر مرة يمكن تنساه عشان تعرف تكمل حياتها من غيره زى ماهو
كملها ..
بس
قلبها مش قادر خاااااااااالص ..
مابين
تفكير طويل وهروب منه للمذاكرة ..
كانت
فالوقت ده ريهام مخنوقه من مادة مش عارفه تجمعها من حد لان محدش جايب ورقها
ولا
نزلها كتاب
والدكتور
هيجيب من المحاضرات
ولانها
مادة غلسه والدكتور بتاعها اغلس...
محدش
كان بيحضرله ..غير الدحيحة
الى
هى مش منهم طبعآ
المهم
كانت مخنوقه وبتكلم كل الناس ع المادة دى
وبالصدفه
كلمها يوسف واشتكتله وقالها متضايقيش وتحاول تدور ع ورقها حتى لو من دفعات قديمة
... هى سمعت كلامه هون عليها شوية راحت قفلت الفون ودخلت ريهام علي روكا الاودة
تقعد معاها لانها صدعت من الفونات .
ريهام:(نامت
ع السرير) هاااااااااااااا واخيرآ هاخد الريست عندك ياريكو
رقية:
اوك ياقمرى .. (شكلها حزين)
ريهام:
بت يا روكا مالك
رقية:
مافيش .. انهاردة فرح رامز
ريهام:(اتعدلت
مرة واحدة) اووووووووو يبقى قومى حضرى نفسك عشان نروح
رقية:
لالالالا نروح فين .. انا مش هروح اتجننتى يا ريهام ولا ايه
ريهام:
لا مش اتجننت ولا حاجة بس ده الصح
روحى
وعرفيه انك قوية
وان
مش هيهزك جوازه
وكمان
ده درس لقلبك ، عشان كل م تفكرى تحنى ليه تفتكرى لما كان عريس واحدة غيرك
وتبقى
دى اخر صورة ليه فبالك
رقية:(بتفكر
وعجبها الكلام) بس ...
ريهام:
مافيش بس .. عشان كمان هو يقدر يعيش
انتى
مش انانيه ياريكو
لو
روحتى هيعرف انك مش فارقه معاه وبكده هيعرف يدخل حياته الجديده وهو متأكد انك
نسيتيه لانك قدرتى تيجى فرحه
لكن
لو مروحتيش هيفضل يفتكرك وهيعرف انك مش قادرة تنسيه وهيظلم مراته حرام وانتى كمان
هتظلميه لان هيبقى قلبه معاكى
ويدوب
هو معاها صورة
رقية:
كلامك صح ، بس انا مش مستعده خااااالص
ريهام:
هتبقى مستعدة .. بصى انتى انهاردة بتاعتى
هخليكى
احلى من عروسته
وهخليكى
مش روكا الى يعرفها خااااااااالص
رقية:
هتعملى ايه ؟
ريهام:
هتعرفى .(قعدت تفكر) بس احنا عايزين طقمين ناااار يامعلم ده فرح
رقية:
ايوة يافالحة نعمل ايه ؟
ريهام:
ولا يهمنى .. انا معايا الطقم الماسى الى حضرت بيه حفله تخرج هدى السنة الى فاتت
فاكراها ؟
رقية:
طب انتى اتحلت مشكلتك.. وانا
ريهام:
فستانك الكب اللى لونه بتنجانى ليلا ياحمارة .. فينه ؟
رقية:
انا روحته بلدنا تقريبآ
ريهام:
لالا مودتهوش انا فاكرة انك بتسيبى جزأ من هدومك هنا ع اساس متاخديش شنط
وافتكر
انك سيبتيه معاهم
رقية:
لالالالا يابنتى روحته
ريهام:
لا استنى والله م روحتيه لانك بعد حفله هدى خلتيه هنا وشيلتيه فالدولاب فشنطته
وقولتى ممكن تحضرى بيه اى حاجة اهو موجود
وبعدين
احنا بنتناقش ليه
تعالى
نشوفه
قامو
ريهام ورقية يدورو على الفستان .. وفعلا لاقوه زى م قالت ريهام
رقية
فرحت خالص ... ودته المكوى يتكوى .. كانت هى خدت دوش
وريهام
بعدها وبدأت ريهام تظبط نفسها
كانت
المكوى جت
خدت
الفستان وهتلببسه لرقية ..
ريهام:
خدى نفس ياروكا عشان اقفل الفستان (بتقفل السوسته)
رقية:
اهو ...
ريهام:
ايه ده تخنتى عن السنة الى فاتت كده ليه ؟
رقية:
ليه ده انا حتى 71 كيلو بس والله
ريهام:
بالعافيه السوستة اتقفلت .. لا حاولى تخسى وخدى بالك نظمى نفسك عشان السوسته متطقش
ياختى
رقية:
ههههههههه يا جزمة
ريهام:
بصى بقى .. انتى انهاردة كأنك خارجة من احسن كوافير فالبلد
رقية:
مش بحط ميكاب يا ريمو
ريهام:
لا بتحطى فالمناسبات .. وبعدين متخافيش مش هتقله .
ريهام
حطت ميكاب لرقية خلتها قمر .. وركبتهلها رموش كومان
ريهام:
بصى بقى .. دى لينسز جبتها جديد متغلاش عليكى
رقية:
بس مش لازم يا ريمو
ريهام:
لالالا والله لاخليكى احلى من العروسه
رقية:
ههههههههه يا مجنونة انتى
حطتلها
الينسز وظبطت طرحتها بلفه جديدة وشيك موت .. ودورت ع اعلى كعب عندها ولبسته ليها
لان
طبعآ رقية متعودة عالشوزات الى عالارض
بس
بقت موووووووووزة اخر جمال
خارجين
بقى قابلتهم ع الباب جهاد...
جهاد:
رايحين فين ياصبايا ؟ مين الابله ديتى ؟
ريهام:
هههههههههه دى رقية يا غبية
جهاد:
رقيه مين ؟
رقية
تخينه
وشبة
الدولاب
وقصيرة
.. وعيونها مش زرق
رقية:
ياشيخة ارحمينى من الفاظك دى هههههه والله انا رقيه
جهاد:
امانة! ولسه ياما الامريكان هيعلمونا
ريهام:
طب اوعى يابتاعت الامريكان .. عشان لازم ننزل ناو
جهاد:
متسربعة ع ايه يا لكمة ... رايحة تقبضى جمعيه ؟
رقية:
هههههه باى يا جوجو
جهاد:
مع السلامة يابوى .. خليكى ماشية ورا الفقر دى لحد م هتجيبك فيوم وولدك ع كتفك
اسمعى منى
نزلو
البنات يضحكو ع جهاد ... وكانو زى القمرررررر
ركبو
تاكس ... وطلعو عالقاعة ...
اول
م دخلو
كان
العرايس جوه والفرح ساكت .. لا ف رقص ولا هيصة
اغانى
شغاله
وناس
قاعده بتتفرج ع بعض
رامز
شاف رقيه جت .. قام وقعد تانى جمب العروسه فدقيقه!
رقيه
شافته رجلها اتشلت مكانها ... ريهام خدتها من دراعها ودخلو قعدو ع ترابيزة من
الترابيزات ..
طول
الوقت رامز بيبص عليها
وهى
كل فترة تودى وشها بعيد .. عشان تحافظ حتى عالعروسة الى مالهاش ذنب دى
وهى
قاعدة كده
افتكرت
لما كان بيعدى من قدام مدرستها .. لما كان بيرمى الورد
لما
كان بيستناها عشان بس يشوفها
واول
مرة تسمع منه كلمة فالفون
واول
كلمة بحبك تتقال لها
وناو ...
الحلم
خلص وخلاص .. هى بتحضر فرحه معزومة
ريهام
حاولت تهون عليها عشان متتعبش وتعيد فالكلام الى قالتهولها فالسكن وتقويها
وبعد
شويه ،،،،،
قامو
العرسان لرقصة سلو ، رقصو رقصه سلو وهو يبص ع رقية وفحضنه عروسته
ورقيه
بتبصله وعيونها مدمعة خاااااالص
وفجأة
.. مسك ايد العروسة وبص فعيون رقية وباسها وكأنه بيبعت البوسة ليها هى ..
رقية
مستحملتش وقالت لريهام لازم يمشو بقى ...
فعلا
مشيو وسابو القاعة وطول الطريق رقية مش منزله دمعه .. بس ساكته وجواها حزن كبير
التاكس
نزلهم اول الشارع ، ونزلو هما يتمشو ..
رقية:
خلاص خلصت الحكاية ياريهام ؟ رامز اتجوز انهاردة
انا
مش مصدقه
ريهام:
ايوة خلصت .. وانتى ابتدى حياتك بقى وانسيه
من
هنا ورايح رامز بقاله حياته
ومن
قبل كده انتو مش لبعض
فكك
وكبرى جمجمتك .. ويمكن قدرك مع واحد يسعدك اكتر منه
رقية:
تفتكرى هفرح فيوم ياريهام (بحزن) انا نفسى افرح اوى
وحشنى
احساس الفرحة والله
ريهام:
والله انا حاسة ان ربنا قريب هيبعتلك فرحة كبيييييييييرة تخليكى تمشى تتلفتى من
كتر توهانك بيها
وهما
بيحكو كان محمود ويوسف بيجيبو شيت بتاع محمود من المكتبه وراجعين شافو البنات من
ضهرهم ..
يوسف:
ايه العثلات دوووول (رايح يعاكس)
محمود:ياعم
ملكش دعوة بيهم يمكن تعاكسهم ينادولك اهاليهم ينزلو يطحنونا هنا
يوسف:
ياعم الجرى نص الجدعنة ، ابقى اجرى ساعتها
قرب
من البنات وابتدى يعاكس ...
يوسف:
هو ف كده ... يعنى والله ماشوفتش يخربيت سفينة تيتانك الى محملة جمال بيدلدق
ريهام:(لفتله)
سفينه تيتانك ايه يامتخلف... (اتفجئت) يوسف!!
يوسف:(عمل
نفسه بينادى ع حد من الكسفه) عبدالقوى
جايلك
(بيشاور بايده لبعيد ومافيش حد اصلا ومحمود غرقان ضحك)
ايه
ده ريهام!!
جايه
منين
ريهام:
ايه المعاكسه الوحشة دى ؟ ههههههه(بصت لمحمود) ازيك يامحمود
محمود:
ازيك (مبتسم)
يوسف:
اهلا ياست هانم كنتى فين لحد دلوقت كل ده تأخير (بص ع رقية) مين القمر دى
ريهام:
مش عارفها ؟
يوسف:
لا
كل
ده ومحمود بيبص ليها جامد اوى ..
ريهام:
قول والله
يوسف:
والله م اعرفها
ريهام:
دى رقية يايوسف !!
يوسف:
رقية!
لالالالالا
بتضحكى عليا .. ايه ده
ايه
القمر ده
رقية:
هههههههه ليه هو انا كنت وحشة قبل كده ولا ايه ؟
يوسف:
لا مش كده
بس
بجد تهبلى متزعليش يعنى موزة موزة جامدة اووووووى وعيون زرقه وحركات
والله
العظيم شكلك زى الاجنبيات ايه ده
رقية:
يعنى دلوقت احلى ولا الاول
مرة
واحدة نطق محمود وهو بيتأملها من الصبح ،كأنه بيشوفها لاول مرة ..
محمود:بالعكس
انتى فكل وقت ...انتى زى القمر
رقية
اتكسفت اوى وبصت لمحمود جامد حست ان الكلمة رشقت فقلبها عدل
خدت
ايد ريهام واستأذنو ومشيو دخلو السكن ...
الشباب
ماشيين وراهم وباصين عليهم ويوسف شغال بكلمته المعهودة
والنبى
عثل
اموت
ياناس واكل قلقاس!!
السيكيورتى
بتاع السكن سمع يوسف ووقفه ..
الامن:
رايح فين حضرتك ؟ وبتتعرض للبنات ليه ؟
يوسف:
لا ياعم كنا بس بنشوف معاهم 3 جنيه فكة نجيب عيش فينو
الامن:
طب اتفضل زوق عجلك انت وصاحبك ويلا من هنا
يوسف:
طب يا عم بالراحة بدل م اديهالك (وعمل بايده كأنه هيديله بوكس)
محمود:(بيهدى
الموقف) حاضر خلاص يايوسف.. احنا ماشيين اهو
طلعت
رقية وكانت فرحانة اوى وريهام حست انها فرحت بكلمة محمود رغم انها بسيطة
بس
هو قالها بحنيه وببصة تحففففففه
غيرت
هدومها وفكت شعرها وفتحت كتاب المادة الى بتذاكرها وكتبه ..
11/24
كنت
راجعة مكسورة ... وربنا جبر خاطرى
بحبك
يارب
وقفلت
النور... ونامت وهى مبتسمة وحاضنه مخدتها
=========================
استنونا
بعد بكرة والفانز الى بتعترض ان الحلقات قصيرة الحلقات مش قصيرة ولا حاجة ومليانة
احداث
وبالنسبة
للى قالو لا كده كتير كل يومين فحابة اوجه لهم كلمة بان لو يعرفو الحلقة الى
بيقروها ف 10 دقايق دى بتتعبنى اد ايه كتابه وتحضير برغم تعبى ، كانو عذرونى
#rقصاقيص_ورق
#بقلمى_نوراسماعيل
ربنا يقويكي على اللي انتي فيه ولو هتنزل كل اسبوع هنستناها بجد قصه جامده جدا انا هموت واقراها كامله
ردحذفشكرآ ليك بجد انت بتعمل كومنت هنا وهناك ، واهلا بيك فاى وقت وبسببب حضرتك والفانز المحترمة بحاول ارضيكم والله
ردحذف