¸.•'´¯`*•.¸¸.¸.• قـصـاقـيـص ورقــ .¸.•'´¯`*•.¸¸.¸.•'´ حلقة (13

رواية ..

=======================

ريهام: (بدلع ) ع فكرة انت ممكن تقولى لو زعلان منى فحاجه من غير متزعقلى كده قدام الناس

يوسف: (بيشرب سيجارة وباصص لها) طب ده يعنى ينفع بنطلون زفت والبتاع ده ضيق ، رجاله احنا ولا كاوركات ماشيين معاكى

ريهام: طب وانت يدايقك لبسى ليه ؟؟ احنا اصحاب وعادى

يعنى كل واحد حر

هو انا يعنى مثلا اى حد ممكن ييجى يقولى لبسك ومش لبسك ..لازم يكون حد قريب منى اوى

يوسف: (واقف وبيبص لها اوى وخد نفس سيجارة ): بصى ياريهام..انتى حاليآ فمشوار مع مين ؟

ريهام: معاك

يوسف: حلو (خد نفس جامد وطفى السيجارة) يعنى انا لازم اخد بالى منك ومن منظرك معايا ده لانى راجل ، مش همشى واقول للناس اتفرجو عالموزة الى معايا

ريهام: بس انا لبسى مش فيه حاجه ملفته

يوسف: لا فيه ياريهام.. اولا انتى رايحه قلب الصعيد الجوانى ، واللبس ده مينفعش وهيبقى ده فوشى

انتى ليكى لبس احسن من كده

مش معنى ان ده وحش، بس بيكون واسع عن كده شكله اليق بالمشوار الى رايحينه

عشان كده ياستى انا اتنرفزت

لكن فكرة حد قريب اوى وحد بعيد اوى مش ده الموضوع

ريهام: (هزت راسها بضيق شويه بس مش مبينه) ااااااااااه

ونطيييييييييير لجوه عند محمود وروكا وعبده ..

عبده: محمود هات فونك اسمع فيه

محمود: (طلعه من جيبه) خد اهو

عبده: اصل انا عندى اغانى قديمة ومش حلوة ، وبعدين فونك صوته احلى

محمود: ولا يهمك ياحبيبى

حط عبده الهاند فرى فودنه وبص من الشباك والقطر ماشى وخده السرحان ، كل ده ورقية بتحاول تعمل نفسها عادية ومش تلتفت لمحمود جنبها نهائى

ومحمود قاعد يبص عليها ويبص قدامه شوية

وبعدين كسر الصمت الى هى عملاه..

محمود: شكلك بتحبى الهدوء

رقية: اه ..اوى

محمود: (بصة حلوة) بس السكة طويلة ، كده هتملى

رقية: انا جايبة رواية هقراها فالطريق..اتسلى

محمود: بس سعات بردو الواحد بيزهق من القرايه

رقية: (ابتسمت بخجل وبتحاول تبعد نظرها) ماهو ساعتها هبقى الاقى حاجه تانيه الهى نفسى فيها

محمود: طب وليه ؟؟ والعبدلله قاعد جمبك ومستعد يسليكى طول الطريق ولا كأنك بتأزأزى لب!

رقية: (ضحكت وخبت بوقها بأيدها)

محمود: يظهر ان مشوار يوسف ده هيبقى وشه حلو علينا كلنا، انا مفرحتش بس بيه غير لما عرفت انك جايه معانا :)

رقية: (بتغمزه بعينها ع عبده )

محمود: لالالا سيبك منه ده فملكوت تانى دلوقت

، قوليلى بقى وريحينى

رقية: اقولك ايهبس يامحمود ^_^ (بصت للشباك)

محمود: انتى كمان مبسوطة عشان معايا ؟!

(مميل ناحيتها)

رقية: (وشها احمر) هنرجع تانى للكلام الى بيخلينى اعطل

محمود: لالا خلاص انا هسكت اهو ، بس ارجوكى متسكتيش انتى

اصلك بتوحشينى <3

بتوحشينى وانتى جمبى والله العظيم

رقية : (ودت وشها للشباك وشغاله تلم طرحتها ع وشها وارتبكت اوى )

كان فالوقت ده ريهام ويوسف جايين عليهم ..

ريهام: انا هقعد جمب عبده (قعدت من برة )

عبده: (قام) لالا خليكى جوه عشان محدش يدايقك وانا هقعد ورا وخلى يوسف جمبك

يوسف: يا معلم خليك انا مبحبش اقعد

محمود: بعدين تتعب يابنى

يوسف: لو تعبت هقعد عالكرسى الى ورا .. اشتروا دماغكم بقى

عدى الوقت ساعتين كده ورقية بتقرا فرواية وريهام بتسمع فالفون وعبده بردو ..وشغالين بيبدلو اغانى سوا

ويوسف قاعد ورا فاتح الاب بتاعه ..

وبعدين القطر وقف فمحطة !

يوسف: انا هنزل اجيب بيبسى وعصاير وبسكويتوسجاير عشان خلصت  وحجات كده حد ييجى معايا

ريهام: انا يا جو

محمود: هات معاك كارتين شحن احتياطى ل منلاقيش عندكو

يوسف: ليه ياعم هو انا عايش فالصحرا..فيه كل حاجه عندنا

ريهام: طب شوف عبده يعوز ايه ؟

يوسف: (بيبص ع عبده لقاه سرحان وبيردد مع الاغنية بشفاشفه ) لا ده غرقان فالمريلة الكحلى

:P

رقية: هاتيلى شيكولا معاكى يا ريمو والنبى

ريهام: حاضر

محمود: (بصوت واطى وهدووء) م بلاش الشيكولا يارقية ..يعنى عشان تحافظى ع نفسك

يوسف: ياحنين بالقوى

رقية: طيب خلاص مش تجيبى يا ريمو

نزلو ريهام ويوسف..

محمود: ع فكرة بيعجبنى ستايل لبسك .. ماشاء الله عليكى

رقية: ابتسمت) اه مع ان ماما بتتخانق معايا وبتقولى دايمآ مكبرك عن سنك

بتقولى الطرحه الطويلة دى ابطلها والف الى تليق بسنى

واللبس الواسع

والشوزات الى عالارض :)

بس انا مرتاحه كده

محمود: انتى جميلة كده ^_^

وفوسط الكلمة الحلوة دى قطع هيمانه عبده مرة واحده !

عبده: بقولك يا محمود!!

محمود: ايه ! (اتخض)

انا اسف معلش نعم ياعبده

عبده: ايه ياعم اتخضيت ليه

انا كنت هسألك يوسف راح فين وريهام

محمود: ياعم دا احنا قربنا نوصل.. نام نام ياعبده هبقى اصحيك عالنزول

ده انا ملكوت

رقية وعبده : ههههههههههههه

جابو الحجات ريهام ويوسف والقطر بيتحرك ..راحت جريت ريهام تتشعبط فالباب وشالها يوسف ودخلت والقطر قرب يسرع

ويوسف بيجرى وراه ..ومش لاحقه وبتحاول تمسك ايده ريهام ومخضوضه

ريهام: يلا يا يوسف ..يلااااا

بعد ايه نط مرة واحدة جوة العربية .. بس تعب ومسك قلبه!

ووقع عالارض :o :o

ريهام: يوسف!! يوسف

بصت لجوه

عشان هما اول كراسى بعد الباب..

الحقونى

قام محمود وعبده مخضوضين ..

محمود: فيه ايه ! (بيسند يوسف) قوم يايوسف

عبده: مالك يايوسف

يوسف: مش عارف (بياخد نفسه بالعافيه) قلبى وجعنى مرة واحدة وحسيت انه هيتخلع من جوايا

محمود: طب قوم قوم

عبده: ياعم هو انت لازم تفضل تحت لاخر لحظة لحد م القطر يتحرك

قام يوسف وفتحو الاكل والشرب وبقى احسن

عدى الوقت مابين نوم شويه ، لرغى شويه وهزار وتريقه

للعب كوتشينه جايباها ريهام وهيصة ولا كأنهم فقطر

لحد م وصلو :)

نزلو عالمحطة ووقفو ويوسف بيكلم باباه بالفون ..وقلب صعيدى o.O

يوسف: ايوة يابا ..جينا ايوة

العربية فين ؟

طيب ماشى هنستناه فالمحطة انا واصحابى

الله يسلمك يابوى

شويه وجت عربية مخصوص من بيت بابا يوسف خدت ال5 ومشيو عشان يوسف بيته فنجع جوه قرية يعنى مافيش مواصلات بتروح بسهولة

وهما ماشيين البنات كانو بيتفرجو ع كل حاجه حواليهم كأنهم ففيلم ..وومبسوطين

وقبل م يتحركو من المحافظة اصر محمود وعبده يشترو ا حاجه وميدخلوش كده فجابو شيكولاته !

المهم وصلو وكان الكل مستنى ..باباه ومامته واخته عبير العروسة واخوه الكبير ابو ريتال

وحماده ابن عمه العريس..

البيت عبارة عن بيت كبيييييييير حواليه من كل حتة زرع ماعدا حته عاملة زى شارع وفآخرها الدوار الى قولنا عليه

المنظر تحفففه..ريهام بتتفرج كأنها اجنبية وكلهم مبسوطين ..

الاب: يااهلا وسهلا يا اهلا نورتو حمدلله عالسلامة

يوسف: محمود يابا الى كلمتك عليه المهندس

محمود:(بيسلم عليه وبيضحك) لسه مبقتش ياعم

الاب: ربنا يديك ياولدى

يوسف: عبدالرحمن هيبقى مدرس انجليزى معرفش ازاى بس اهو

عبده: ازيك ياعمى

يوسف: ريهام ورقية زى اخواتنا وبنات ناس رقية دكتورة وريهام صحفية ان شاء الله

الاب: اهلا اهلا يابنياتى نورتو الصعيد

يوسف: عندك محمود وعبده صعايدة ..لكن دول اجانب عاملوهم معاملة السواح

عبيرومامته خرجو وخدو البنات لجوه : حمدلله عالسلامة ، ده انتو عسلات قوى

الام: الله اكبر الله اكبر يحرسكم ربنا يابناتى (بتبوسهم)

رقية: الله يخليكى يا طنط ومبروك لعبير

ريهام: مبروك يابيرو ده انتى قمر مش مخنشرة زى يوسف

عبير: اتلمى ياريهام مش عشان فبيتنا ده انا بولع فيكى فمصر

الاب: بس يا واد عيب

يوسف: عيب ايه يابا اصحابنا عنقولك !

دخلو البنات وسلمو ع مرات اخو يوسف وعالبنوتة وبوس واحضان

الام: انتو تاخدو نفسكم وترتاحو عشان نحطو الغدا

ريهام: لالالا يا طنط غدا ايه احنا عايزين نناام

رقية: (غمزتها) تسلمى يا طنط متتعبوش نفسكم

عبير: حلوين قوى ياما ..مخطوبين يابنات

رقية: لا لسه

ريهام: بعد م نخلص وعليكى بخير

عبير: بردو ده كلام ده انتو قمرات ..تعالو تعالو اقعدو واشربو حاجه ع بال م يجهز الاكل

===========

" طبق فاكهه كبير مشكل بيتحط قدامهم"

محمود: لا غدا مش هينفع احنا اكلنا فالقطر والله

الاب: يا ولدى احنا مش عنعزمكم احنا بنقولكم بس

يوسف: ايوة ده الحج عبدالرحيم تزعلو بالعصاية الى فيده دى ويديك ع نفوخك

الاب: طب روح بدل م اعطيك انا (رفع يهوش يوسف)

عبده: ههههههه بس مكان البيت حلو اوى يايوسف

ده لو بيتنا ممشيش منه

محمود: اه فعلا كل زاوية بالفيو بتاعها حكاية..مبدع الى اشرف ع بناه

يوسف: مش وقت فلسفة يا بشمهندس بلحة انت ! هنا لا اشرف عالبناء لا ادهم البناء هنا ابنو يلا بالسلامة

اخو يوسف: يا واد انت قليل الادب كده ليه مع اصحابك

يوسف: لا احنا كديتى مع بعض تشغلش بالك ،هما بس عاملين مؤدبين قدامكم

عبير جوه بتتكلم مع البنات وابتدو ياخدو ع بعض وخصوصآ اللمضة ريهام ، انما روكا ساكته بتتكلم قليل وبتسمع بس

والاكل اتحط .. طبعآ كرم الصعايدة مقولكمش عليه

اشكال والوان والى يخلص طبقه ..

سابو الشباب سوا.. وكانو هيسيبو البنات لولا ان مسكت ريهام فعبير ومرات اخو يوسف يقعدو ياكلو معاهم عشان ميزعلوش

عبير: وانتى دكتورايه هتبقى يا رقية

رقية: ان شاء الله اطفال

عبير: ربنا يتم عليكى ، والله بنات تشرح القلب

انا ع فكرة متعلمة

اخدت الدبلوم ..اصلى ماليش فموال الكليات وكدى

بحب شغل البيت اكتر

ريهام:(بتاكل) عين العقل احنا مجاش لينا من التعليم غير المصايب

مرات اخو يوسف:وانتى قدامك كتير وتخلصى زى رقية

ريهام: لا انا السنة الجاية

مرات اخوه: ايوة شدى حيلك كده وربنا يكرمك بولد الحلال

ريهام: والله انا مش مستعجلة ..اصل عايزة اشتغل واثبت نفسى فمجال الصحافه

والجواز هيعطلنى

عبير: طب ولو لاقيتى حد كويس وعيحبك وشاريكى ..ترضيش بردك

ريهام: والله ع حسب ساعتها بقى

عبير: ايوة اصل بينى وبينكم اهم حاجه الاستقرار لوواحدة مهما بلغت من العلام

رقية: كده مافيش غير يوسف الى مش اتجوز فيكم صح

عبير: اه .. (بصت ع ريهام) ربنا يبعتله بت الحلال يارب)

ريهام: وهى مين دى العبيطة الى ترضى بواحد قتال قتله زى يوسف هههههههه

عبير ومرات اخوها بصو لبعض بزعل وسكتو ..

رقية: ريمو حبيبتى خفى لغ لحسن تضربى يا حبيبتى

ريهام: لااااااا الاكل فظيييع تسلم ايديكم بصراحه

=============

محمود: حد يقولى كفايه (بيرجع براسه لورا ومش قادر يبطل اكل)

عبده: ياعم اهل بيتك دول ناس جبابرة .. الاكل اكتر من رائع

يوسف: اهو اكلهم ده الحاجه الوحيدة الى بتخلينى انزل هنا هههههههه

عبده: بس طلعت ابن ناس ياض يا يوسف

يوسف: ايوة ياض اومال ايه ..مش اى اى

محمود: هو المفروض بعد م ناكل هنعمل ايه ؟

يوسف: هتطلعو اوضكم تغيرو وتستريحو وبعدين اخدكم افرجكم عالارض بتاعتنا احنا والبنات وتشوفو قرايبنا

وبعدها هنلعب ماتش انما ع كيف كيوفكم !

عبده: لا ماتش ايه احنا تعبانين من السفر

محمود: ايوة صح ياايوسف مش هينفع كله ورا بعضه كده

يوسف: ده بليل يابغل منك ليه ..نامو وصحصحو براحتكم وبليل نلتقى =D

اتغدوا وشربو الشاى والبنات طلعت لاوضتهم مع عبير..والشباب كمان

عبير: دى بقى اوضتكم والحمام من برة اهو واى حاجه تعزوها انا تحت امركم

رقية: طب وانتى رايحه فين دلوقتى ؟

عبير: نسيبكم ع راحتكم ،غيروا هدومكم ونامو شوية

وانا كل شويه هبص عليكم لو عوزتو حاجه

ريهام: طلعت شنطة هدايا ملفوف جواها هدية )

بصى احنا ملحقناش نجيب حاجه تليق بيكى لان يوسف صربعنا وخدنا ع ملا وشنا

دى هدية جبنهالك انا ورقية لفرحك

ياحبيبتى

عبير: هدية عشان ! طيب ليه التعب بس

رقية: لا ازاى..والله انتى عسولة اوى

وربنا يتملك ع خير

باستهم وشكرتهم وسابتهم ونزلت عشان ياخدو راحتهم.

ريهام: يااااااااااه شوفتى بيت يوسف كبير ازاى ،ده طلع غنى بجد ابن اللذين

مش حركات ولا حاجه

عبير: انتى يا غبية شغالة تهرتلى بالكلام قدام اخته ومرات اخوه مش تحاسبى

ريهام: اييييييييه بتكلم عادى الله!

فون رقية رن ..

ريهام: ايه ده مين ؟؟

رقية: دى جهاد !!! استنى افتح عليها ونشوف الصدمة لما نقولها احنا فين هتبقى عاملة ازاى

;)

رقية: الو جوجو

جهاد: اهلا اهلا بعالم سمسم ..ازيك يا دكتورة عاملة كيف

رقية: الحمدلله ياحبيبتى والله ع بالى

جهاد: القلوب عند بعضها ياحبيبتى .. ده انا قولت اشوفك عاملة ايه فالسكن اكيد قاعده لوحدك ياعقلى عشان بتحضرى من اول الترم قولت نتصل ونونسك

رقية: فيكى الخير يا جوجتى .. بس انا مش فالسكن (بتغمز لريهام)

جهاد: اومال لسه مجتيتش من بيتكم ياك؟

رقية: ولا فالبيت..استنى خدى فيه حد عايز يكلمك

جهاد: ولا فالبيت! هربتى ولا ايه يامطعونة !

ريهام: الوووووووووووو جوجو قلبى :*

جهاد: واه واه عقرب!! بتعملى ايه مع رقية

يعنى انتى الى عندها ولا هى الى عندك يا جطرانه

ريهام: ههههههه لا هى عندى ولا عندها ..

جهاد: اومال فيه ايه شالله تحزنو ع عمركم بدرى ، ايا مكالمة الفوازير دى ياربى

عملتى ايه فالبت يا قاطعه!

فضلتى وراها لحد م خلتيها تهرب من بيتهم شالله هرب دمك يابعيدة

ريهام: هههههههه تهرب ايه يابقرة انتى ،انا وهى فمكان مش هتتخيليه

جهاد: ايوة عارفاه

ريهام: عارفه ايه

جهاد: عارفه انتو فين

ريهام: طب فييين ؟؟

جهاد: فالقسم ! الشرطة قبضت عليكم متلبسين وقلبى قالى اكلم رقية سبحان الله عشان اجيبلها محامى

ريهام: ايه يا عبط الى بتقوليه ده ههههههههههههههه متخلفه اقسم بالله

انا ورقية عند يوسف

جهاد:(خبطت ع صدرها) يوسف مين الى انتو عنده ياحنش الفقر

ريهام: يوسف الى فالسكن الى قصادنا ..عنده فبيته وقاعدين فاوضه من اوض بيتهم كمان دلوقت

جهاد: ليه يا مرار؟! ليه يا حزون (بتلطم)

ريهام: بنحضر فرح اخته

جهاد: يا مووووووورك الطافح ياجهاد..يا ايامك الودا ياجهااااااد

ياريتنى اصيبت بطرش قبل سماع هذه الجملة

رقية: هههههههههههههه ايه رأيك فالمفجأة دى ياجوجو

جهاد: جوجو ايه وجطران ايه ..مشيتى وراها

مشيتى وراها ياعاقله يالى بنقول هتطلعى مقرئة من كتر التقوى والايمان الى فيكى

ياترى هتعمل فيكى ايه ريهام تانى

فاضلك تشربك بانجو وتبقى كملت

ياحزن الحزن ومرالمر

رقية: (فاصلين ضحك هى وريهام مش قادرين يتكلمو) يابنتى مكبرة الموضوع ليه مش لوحدنا واصحابه معانا وواخدين اذن اهالينا ياجهاد

جهاد: كمان!! العيلين الصفر اصحابه معاكم

كملت

كـــــمـــــلت! كل واحدة ع واحد وواحد يوقف سينجل

ياريتها كانت نامت فوقيكم يوم م خلفتكم ..يقطع البنات وخلوفتها

يارب اصحى الصبح الاقى وأد البنات بتاع الجاهلية وابولهب رجع

يحرق ابو الى جابكم جاتكم المصايب

غورو حدش يكلمنى تانى

ده انتو غلبتو زوزو دريرفرى

ومافيش سلام شالله ماتسلمو ابدآ

قفلت السكة فوشهم ورقية وريهام بيميلو ع بعض من الضحك ومش قادرين =D =D

================

الضيوف نامو وخدو قسط كافى من الراحه .. وصحوهم عالعشا

اكلو وانبسطو ويوسف اخد محمود وعبده يلاعبهم كوره مع اولا اعمامة والبنات مع عبير بتوريهم صور خطوبتها

وبتحكيلهم قصتها

وانتو عارفين رغى البنات :)

ابن عم يوسف: يامرحب يامرحب ..تعرف الاشكال النضيفه دى منين يا يوسف

يوسف: طب خف ظرافه ابوك يابارد..بصو هنلعب انا ومحمود وعبده فريق وانتو فريق ماشى

ابن عمه: واه! هتلعب ضد ولاد عمك

يوسف: ايوة ياعم اتحرقو بجاز ..ده محمود ده ليبرو الملعب ، عايزينى اخسر عشان اولاد عمى

غورو فداهية بلا ولاد عمى

محمود:(بيميل عبليه بصوت واطى) متنفخنيش اوى لانى لسه واكل وحاسس بتقل وخايف معرفش العبيبقى شكلنا وحش

:/

يوسف: لالالالالالالا م هتهضم دلوقت

(صفر) يلااااااااااا

====================

عبير: ودى لما كنا فالعيد (بتوريهم صور)

ريهام: ههههه شوفى يوسف شكله متشرد ازاى

عبير: هههههه ايوة ماهو ع طول فاللشارع

رقية: بس شكلك بتحبى خطيبك اوى ياعبير

عبير: من صغرنا والله موعودين لبعض يعنى وكدى

ريهام: يعنى ايه موعودين ؟ (بتسمع بشغف)

عبير: طب بس كلى طبق البسبوسة بتاعك

ريهام: ياجماعه انا اتنفخت من ساعه م جيت كملى كملى الاكل قاعد

عبير: يعنى يقولو عبير لحمادة وحمادة لعبير فاهمة .

رقية: وهو بقى بيحبك اوى زيك كده ؟

عبير: (سرحت وعيونها لمعت) متكسوفنيش يابنات

ريهام: متتكسفيش احنابنات قولى قولى

عبير: ايوة ..ده ع طول يكلمنى ويقولى ياحتة من قلبى

ريهام: هييييييييييييييح

عبير: ولو شغال طول اليوم وتعبان ، ينامش ابدآ غير لما يتطمن عليا

ودايمآ شايلنى فوق راسه والله

رقية: ومرات اخوكى قريبتكم بردو ؟

عبير: لا .. بس من البلد

بصى احنا رجالتنا عتعامل حريمهم فوق روسهم ـ عشان احنا نعرف نعاملهم زين

مهما كان بردك هما الرجالة .. الى عتتعب وتشقى

واحنا علينا نريحوهم ونخليهمش عايزين حاجه ابدآ

رقية: (مبتسمة) الله!! حلو اوى التفاهم ،هو ده الى بيخلى الحب يكبر ويعمر

عبير: لا ويوسف طيب وحنين قوى قوى احن واحد فينا

ديك النهار لما حد يتعب ولا حاجه

طيران يجيب دكتور ودايمآ يسأل ع امه وابوه ، والى يرضى امه وابوه تخافيش منه ابدآ

رقية: قريبة من يوسف انتى صح

عبير: يوسف ده ولدى ! اعتبر مربياه مع امى

ريهام: لا ياشيخه متكبريش نفسك انتى صغيرة بردو

عبير: بس بحسه ولدى صح.. واحس بالى فعنيه من غير م يتكلم

غيرش بس كلام البنات والسجاير لو يبطلهم

ريهام: اه انتى هتقوليلى :/ ده مش بيشيل السماعه من ع ودنه

كازنوفا اوى ياختى

عبير: بس واخده عليه انتى يارهام عن رقية

ريهام: ايوة ده شقى !!

عبير: ايه!؟

رقية: هههه لا يعنى اخوها واكتر بس بطريقة كلام ريهام مش هتفهمى

عبير: اااااااااه .. طب بصو احنا طولنا قوى وانتو لازم تنامو تعبانين من السفر

رقية: لا والله بالعكس احنا نمنا وصاحيين مرتاحيين خليكى قاعده معانا

ريهام: اه نكمل حكاوى ..وانا كمان عندى حكايا احكيها ..والبت رقية بردو

رقية: ريهام!!!

عبير: ايه مش بقينا اخوات خلاص..هتخبى ليه يا رقية

مانا قولتلكم

ولا انتو لسه معتبرنى غريبة

رقية: لا مش كده بس

ريهام: هنقول ونحكى .. ونصبح للصبح :)

خدهم الكلام وفتحو فسيرة الحب ومن دى لدى لده لحد الفجر!! صلو ونامو

ومن الساعه 8 كانت صحيت عبير زى م متعودة .. لكن الاساتذة فسابع نومة

اذا كانو الولاد ولا البنات !

الضهر ادن وجه يوسف صحى الشباب .. ورن ع ريهام صحاها ..

جاتلهم عبير بالفطار وفطروا ..

ونزلو يتمشو بقى فارض يوسف واهله  :) وجو الريف الجميل

ريهام: كل دى ارضكم ياض يا يوسف !

يوسف: 5 فعينك قولى الله اكبر ..عشان بس تعرفى انى شيخ عرب (ضربها فكتفها بكتفه)

ريهام: ياشيخ اتلهى

رقية: بتتمشى بالراحل خايفه توقع ) استنى ياريهام متسبقيش

خدهم يوسف ووراهم الزريبة ..

عبده: ماشاء الله .. والله مش حسد

كل المواشى دى بتاعتكم

يوسف: لا دى بتاعه البيت كله ..يعنى احنا واعمامى

ريهام: وبتعرفوهم ازاى من بعض ؟

يوسف: ورينى كده (بص فوشها) لما بيبقو فيهم علامة مميزة كده زيك بنعرفهم من بعض

ريهام: (ضربته فكتفه) ياغلس

طب خد صورنى مع البقرة النونو دى والنبى يايوسف

يوسف: حاضر هاتى ياختى

ريهام استعدت تتصور جمب البقرة .. ومحمود بيبص عليهم راح ضحك

محمود: عاملة للبقرة قرون !! ماهى عندها اعملى لروحك عشان يفرقوكى عنها لما يتفرجو عالصور

ريهام: يخربيت اللطافه الى انتو فيها يا غلسين :P

خلصو فرجه فالزريبة وطالعين .. وكان محمود ورقية اخر 2 فيها وطالعين .

محمود: رقية !!

رقية : (كانت طالعه) ها..نعم

محمود: (بصة طويلة بحب) مافيش بحب انطق اسمك اوى

رقية: (ابتسمت بخجل) طب مش يلا بينا

محمود: (عمل بايده اتفضلى )

طلعو وكملو تمشية والاكل اتبعتلهم ع هنام فالزرع واتغدو كلهم سوا ..

خلص الغدا وطلعو عالبيت كلهم يساعدو بقية الحجات الى هتروح بيت عبير من جهازها ..

البنات بيساعدو عبير فوق

والشباب قرايب يوسف ومحمود وعبده بيساعدو عالعربيات تحت ..

خدو الحجات وطلعو عالعربيات ، وجت الست الى بتزوق من كوافير فالبلد لعبير عشان انهاردة لحنة ^_^

وع بليل

الهيصة بدأت فالبيت كله ، اغانى وزيطة وزمبليطة .. واتملى البيت من جوه ستات وبنات قرايب وجيران ومعارف واصحاب عبير J

وعبير بتتزوق وبتلبس الفستان الى جابهولها اخوها الكبير للحنة هدية وبتتزوق بالشبكة.. وتحت بيتفرش صوااااان كبير قدام البيت وحاجة عاملة زى الكنب الخشب كده كتير وابتدت الرجالة تيجى

وعبير بتلبس الشبكة !! كان فيه ذهووووووول من رقية وريهام

هنعرف ليه ;)

ريهام: ايه كل ده ياعبير ، 5 غوايش وكف و3 سلاسل

وايه الى ع وسطك ده ؟ , و2 خاتم ودبلة ومحبس

عبير: دى حزام دهب

رقية: انتى بتهرجى اكيد!! كل ده دهب بجد

عبير: ايوة شبكتى ، هههه فيه ايه يابنات

ريهام: لا انا قولت دول اكيد

 زينة ،هو حمادة بيشتغل صايغ ولا حاجة :/

مامت يوسف: ههههههههه يابناتى ، احنا فالعيلة لازم الشبكة متبقاش اقل من نص كيلو دهب,دى عوايدنا

هنيتى

ومافيش بنت تقل عن نص كيلو

والى تزيد هى ونصيبها

يعنى عبير عشان ولد عمها جابلها كيلو الحزام نص كيلو وحده

ريهام: يانهار اسود !! قصدى يعنى مبرو بس ده قطمة وسط

رقية: اصل احنا بتبقى الشبكة دى حاجة رمزية يعنى مش بالمبالغ دى خالص

عبير: كل مكان وعوايده بقى J

رقية: (بتميل ع ودن ريهام) يعنى يوسف هيجيب كده لعروسته يانهار ابيض

ريهام: وده حد يتجوزه ده ..والنبى سيبينا نفرح

طلعت العروسة ونزلت تحت قعدت وسط البنات والستات ..والدى جى والسماعات الى حاططها يوسف

والزغاريد

والحاجة الساقعه طالعه داخله

والبيت كله هايص.. وبعدين بتبص كده ريهام من برة الباب، لاقت الشباب قاعدين ويوسف بيقدم التحية للناس الى حضرت من الرجاله

ريهام: بقولك ياريكو .. تعالى نشوفهم من فوق بيعملو ايه

رقية: (بتسقف) يابت ماتخلينا هنا

ريهام: لا والنبى تعالى نتفرج عليهم وننزل

بعد الحاح من ريهام ، طلعو وبصو عليهم

جه مزمار بلدى وطبلة

راح يوسف مسك عصايه يرقص بيها ..

يوسف: حد يرقص قدامى فيكم (لكل الشباب)

محمود: تعالى انا ارقص بالعصاية قدامك

يوسف: واه يا محمود!! بتعرف

محمود: طبعآ يابنى مش صعيدى زيك ..

حد ناوله عصايه ورقصو قدام بعض عالمزمار وكان شكلهم حلو اوى وريهام بتغمز رقية وبتزغردلهم من فوق ، راح واحد من الشباب ضرب نار لفوق فالسما

ورقية اتخضت وصوتت!!

محمود اخد باله وبص لفوق وابتسم لرقية ورقص احسن من الاول لما لقاها بتبص عليه ، وبعدين جت اغنية فال دى جى بتحبها ريهام اوى

ريهام: الله!! روكا تعالى تعالى ننزل عايزة ارقص عالاغنية دى والنبى

رقية: حرام عليكى حيرتنى معاكى

ريهام: يلا يلا بس .. قبل م تخلص

خدتها ونزلت جرى عالسلم ..واول م دخلت حلقه البنات وسعتهم وربطت ايشارب ع وسطها راحو هيصو البنات كلهم وعبير طبعآ

البنت المصراوية هترقص ! ;)

رقية وقفت تسقفلها وفتحت فالرقص ريهام وبصراحه رقصها جميل وكانو بيبصو عليها ومبسوطين .. فالوقت ده كان داخل يوسف يقول لمامته ع حاجة عايزينها الرجالة

فوجئ بريهام فوشه بترقص وسط البنات ، راح دخل واقتحم الدايرة الى حواليها ورقص معاها والبنات كلهم استغربو وعليت الزغاريد

فيه الى اتغمز

وفيه الى قعد يضحك

وده كله وريهام ولا مكسوفه ولا حاجه ، هاتك يارقص وتميل عليه ويميل عليها ويمسك ايدها ويلف حواليها وعبير مبسوطة اوى ورقية بتضحك ..

طبعآ تناقلت الاخبار من قبل المحررين الصغيرين الاطفال الى فالفرح وكله ع جملة واحدة !!

" البت المصراوية بترقص مع يوسف ..البت المصراوية بترقص مع يوسف "

لحد م وصلت عند الشباب برة !!

محمود: مين فيهم ! (بخضه)

عبده: اكيد مش رقية يا محمود .. تعالى نبص نشوف بيهبب ايه ده

هيفضحنا مع البنات

بص محمود وعبده عليهم من فتحه الباب وبدل م يزعلو من يوسف وقفو يسقفو زى الهبل وشافتهم رقية راحت ضحكت راح محمود شاور عليها وعليه وقالها عقبالى ..مع الى فبالى  <3

اتكسفت روكا ورجعت تسقفلهم ، وفجأة حد شد يوسف من هدومه من وسط الرقص لبرة خااااااالص

دى مامته !! وعنيها بتطق شرار 3J

الام: بردك ده كلام يايوسف !! ايه الى عتعملو دى

يوسف: ايه ياماى عملت ايا؟

الام: كيف تعمل كديتى مع البنية قصاد الناس

يوسف: هو انا ضربتها بطلقه قدام الناس !! ده انا كنت عنرقص معاها نفرح عبير اختى

الام: بس بلاش كلام قلة ادب ومسخرة ، والله ابوك م يعرف ليسوى شغله معاك ياقليل الحيا انت

يوسف: ايه ياامى هو انا كنت عملت ايه (بنرفزة)

الام: اسكت تعليش صوتك .. روح اقعد عند الرجالة وخليك راجل بدل م بترقص مع البنتة

بلا مسخرة

وبعدين ايه الى مدخلك عند الحريم

؟

يوسف: داخل نقولك خالى جه وعايز شاى مش ساقع .. خلاص

الام: طب غور يلا هتفضحنا ..جاك وجع بطنك

يوسف: (ماشى بيبرطم) هفضحكو ..كنت مسكتها وطلعنا عالمقطم

ايه الناس دى يارب

خرج يوسف وطلع للشباب ..والليلة عدت جمييييييلة وكلهم اتهدو فيها شغل وطبل ورقص

لحد م خلصت وكل حد طلع ع مكانه ينام !

وتانى يوم

الفرح

من بدرى الستات موجودة والطبيخ عشان عشا الناس الى هتحضر، وفستان عبير الى اشترهولها حمادة

مكوى ومتعلق فاوضتها ..

دخلو البنات وصبحو عليها ده لانهم صاحيين الضهر طبعآ كالعادة ،وقعدو يفطرو جمبها

ريهام: يااااااه خلاص هتسيبينا انهاردة يابيرو

عبير: والله خدت عليكو خالص يابنات ..عقبالكم يارب

رقية: ربنا يتملك ع خير ويرزقك الذرية الصالحه يارب ، وبصى بقى متنسيش الصلاة اول م تدخلى شقتك والدعاء

عبير: لا حاضر مش نسياهم

ريهام: خلصت الايام الحلوة وهنرجع بقى للجامعه والشقى والعذاب عااااااا

رقية: ههههه وراكى وراكى لا مفر

عبير: ربنا ينجح خطاكم ويثبتها يارب

شوية ودخل يوسف ولاول مرة يشوفوه لابس جلابية صعيدى ولافف عمه بس شكله زى القمر ومعاه اخوه الكبير

راحو البنات استأذنو وطلعو برة

رقية: احنا يدوب نجهز ..

ريهام: نجهز ايه م لسه بدرى

رقية: ياحبيبتى هنا ع حسب م فهمت مافيش فرح فالدخلة يدوب كام طبلة وزمارة وياخدها ويروح .. بيبقى العشا لسه مش ادنت كمان

انتى مسمعتيش عبير وهى بتقول ان الفرح يوم الحنة مش الزفاف

ريهام:ممممممم لا عندك حق اخد شاور واجهز

رقية: اه عشان انتى بتاخدى سنة فلبسك ولفة طرحتك

لبست البنات وجهزو .. ولبست عبير الفستان والست بتزوقها

وبتلبسها الطرحه

والبنات حواليها بتزغرد وترش ملح ، ونزلت قعدت شوية تحت وزى م قالت رقية قعد حمادة شوية وسط الرجالة وبعدين دخل قعد جمب عروسته وهيصولهم شوية وبعدين اخدها ومشى !

سلمت ع كل الناس وخلاص خلص الفرح

والفرح انفض وبدأت الناس الى جايبهم ابو يوسف عشان ينضفو المكان وكده يشتغلو ويساعدو ام يوسف

طلعو البنات فوق ..

رقية: (بتغير) ياااااااه خلصت خلاص الايام الحلوة

بتعدى بسرعه اوى

ريهام: طب واحنا هنعمل من دلوقتى ايه فالاوض !! طب الاول كانت عبير بتقعد معانا وبنحكى ونتسلى

هنعمل ايه دلوقت

هحط وشى فوشك زى البومة !!

رقية: ههههه اهمدى شوية .. هنا مش مكانك ولا بيتك

وعندك تلفزيون اهو شغليه واتفرجى

ريهام : مممممم :/

شغلت ريهام التى فى ..ورقية جمبها قعدو شوية .. والساعات جرت بعضها لحد م جت 11 بليل

ريهام: اوف بقى .. انا زهقت

رقية: زهقتى نامى .. (بتتغطى) انا عن نفسى هعمل كده

ريهام: ياروقانك يا حجة روكا .. بقولك زهقانة ومش هيجيلى نوم من الزهق

رقية: (اتدورتلها) طب نعملك ايه يا كونتيسة ريمو  1!

ريهام: هووووووف معرفش

رقية: نامى نامى ..ولا اقولك انا معايا رواية حلوة اوى

خدى اقريها

وهتندمجى فيها وتنسى الملل

ريهام: ماليش انا فجو الروايات وبتاع بقولك ملانة تقوليلى اقرى

جات لريهام مسج !!

ريهام: اوباااا ده يوسف

رقية: عايز ايه ؟

ريهام: بيقولى لولسه صاحية و تعرفى تطلعى عالسطوح ..تعالى

انا زهقان والعيال نامو

رقية: لا طبعآ متطلعيش

ريهام: ليه لا طبعآ انا زهقانه وهو زهقان ، ومحمود وعبده نامو زيك يا كتكوتة

فيها ايه لما نقعد ندردش شوية لحد م ننام

رقية: انتى اتجننتى اكيد، ازاى تطلعيلو لوحدك فالوقت ده

مينفعش ياريهام

ريهام: يووووه يا روكا ..مش هياكلنى

احنا فبيتهم

وانا مخنوقه بصراحه

وانتى هتنامى

شوية وانزل اوك

رقية: يعنى بردو هتمشى الى فدماغك وتطلعى

ريهام: (حطت طرحه ع راسها وباست رقية فخدها) شوية وانزل ياست ماما

طلعت ريهام جرى وقفلت الباب ع رقية الى متدايقة من تصرفاتها دى

.

'طلعت ريهام لاقته قاعد ع كنبة خشب كده وقدامه كام ازازة شكلهم غريب وبيشرب سجاير

يوسف: اهلا اهلا اهلا حبيب هارتى

ريهام: بتعمل ايه لوحدك !

يوسف: والنبى ياريهام ياختشى زهقان ، والناس كلهم فالبيت نامو

والحج محمود هو وعبده م صدقو لقو السراير

ولسه بدرى يعنى

فقولت اقعد هنا شوية ادردش معاكى ..فيها حاكى تى ؟!

ريهام: لا مث فيها (بصت عالازايز الى قدامه) ايه فيها ايه الازايز دول

شكلهم مش مطمنى

يوسف: فيهم بيرة !!

ريهام: بيرة ! الله يخربيتك..فبيتكم

مش خايف من باباك واخوك

يوسف: ياستى .. انا جبتهم فالاستخبس وطلعت بيه لاوضتى ومن اوضتى لهنا

ولا مين شاف ولا مين درى

الابقى لو انتى عايزة تسيحى

ريهام: لا واسيح ليه ؟؟ بس اول مرة اعرف انك بتشرب

يوسف: لا دى تفاريح بس.. يعنى فالافراح مش ع طول

ريهام: وشربت كام ازازة لدلوقت بقى

يوسف: 2 مش حاجه عادى

ريهام: لا وانا قاعده مع واحد شارب ولوحدى .. شكلك ميطمنش نهائى

يوسف: يابنتى دى مش بتسكر.. وادوخ واقول انا جدع وحوارات افلام احمد مظهر دى

عادى مانا بكلمك عادى اهو

ريهام: ماشى بس متقوليش انك فايق 100% يعنى

يوسف: وضيفى لمعلوماتك ان السيجارة دى محشية هاهاهاها

ريهام: حشيش !

يوسف: اومال برقوق !

ريهام: يايوسف ومطلعنى اقعد معاك وانت متدهول كده

يوسف: م قولنا متنيل ع عين اهلى فايق ، انا بس كنت محتاج اقعد مع حد واحكى

خلاص انزلى ياريهام

ريهام: يابنى مش بقولك كده عشان تزعل .. اصلى اول مرة اقعد مع حد شارب

يوسف: هيهيهيهيهييهى

ريهام: بتضحك كده ليه

يوسف: لا مافيش

شويه ونجمة كانت ماشيه فالسما بسرعه ولونها احمر ..

يوسف: ايه ده شوفتى ده

ريهام: ايوة ، ماما زمان كانت تقولى لما نشوف كده نستعيذ بالله عشان دى نجمه حرقت الشيطان

يوسف: طب بذمتك شايفه النجمة دى حلوة اوى

ريهام: (بتشاور للسما) اه الى هى لامعه اوى دى

فعلا شكلها حلو

وفيه واحدة كمان اهيه

يوسف: (مسك ايدها وهى بتشاور) ايدك حلوة ع فكرة

ريهام: سيب ايدى يايوسف ..متمسكهاش

يوسف: (ماسك ايدها اوى وضاغط عليها) ليه يعنى انا عايز امسكها شويه

(قرب ريهام ناحيته)

ريهام: ايه ده ف ايه ..اوعى سيبنى كده (بتزوقه)

يوسف: يا ام الفصلان .. ف ايه بتزعقى ليه

فيها ايه لما مسكت ايدك

ريهام: هو عادى يعنى تمسك ايدى وتقربنى عليك ..مالك يايوسف سكرت ولا ايه

يوسف: جرى ايه ياريهام انتى هتعمليهم عليا ؟!

ده انا شوفتك بعينى متشاله ع كتاف الشباب فالجامعه

وبتهزرى مع ده وبتجرى ورا ده

والى عايز حاجه بيعملها معاكى

واديكى اهو قاعدة معايا ولوحدك وانا شارب

والنبى دور خضرا الشريفه مش ماشى معاكى

ريهام: (عيونها دمعت) خضرا الشريفه! انا يايوسف

يوسف: (متعصب) اصل يعنى مجاتش من مسكه ايد وحضن ياريهام !!

(بيقول بتريقه)

دى انتى بتاعة الكل

ريهام: (اول م سمعت اخر كلمتين عيونها اتملو دموع ومقدرتش تحوشهم) بتاعة الكل !!

شكرآ يايوسف

وصل كرم ضيافتك L

نزلت جرى عالسلم وهى بتعيط وهو خبط فالى قدامه وكسر ازازة من الازايز ...

===================

استنونا بعد بكرة

ع فكرة دول حلقتين فبعض بس قولت اعوضكم الفترة الى فاتت J

تفاعل كل مرة الله يخليكم عشان يساعدنى اتخطى مرحلة الى انا فيها وعايزة اراء وكومنتات جامدة منكم كلكم انا حفظااااكم :*

#بقلمى_نوراسماعيل

#قصاقيص_ورق