نزلت ريهام جرى عالسلم وهى بتعيط لحد م وصلت الاوضه ودخلت وانفجرت بعياط بصوت عالى جدآ لدرجه ان رقية صحيت من نومها مفزوعه !! :o
رقية: ايه ده !! ريهام ف ايه ؟
حصل ايه
بتعيطى ليه انطقى
ريهام: (بتعيط جامد ) مش قادرة اتكلم ولا واقول يا رقية
رقية: يالهوى ! يالهوى
عمللك ايه يوسف فوق
ردى عليا هنا
انطقى
ريهام: (بتهز راسها بالنفى ) متخافيش محصلش حاجة بتفكرى فيها
بس..
بس هو
رقية: (اتنفست بهدوء وارتاحت) طب خدى خدى اشربى وواحدة واحدة احكيلى الى حصل
ريهام شربت المية وبعدين اترمت فحضن رقية وكملت عياط ولما هديت حكتلها ع كل الى حصل !!
فالوقت ده يوسف كمل شرب ، وبعدين النوم غلب عليه برغم الجو البارد والشتا ومافيش غا فوق والمكان مكشوف
فاتسطح مكانه
ونام
ولانه شارب وكده محسش...
بس كان ف حجات تانية قلبت الدنيا حصلت بسببه..
============
فون محمود بيرن وتخلص الرنة بيعيد رن تانى ، ومحمود وعبده فسابع نومه
لغاية م صحى محمود بعد ايه !!
محمود: (ماسك الفون ومش مركز) ايه ده ؟ رقية
دلوقت
الو...
رقية: الو يامحمود، انا اسفة انى صحيتك من النوم (بعصبية)
محمود: لا ولايهمك ..فيه حاجة ولا ايه صوتك ميطمنش(بيبتدى يفوق )
رقية: انا اسفة بس عايزاك تصحى وتفوق معايا كده عشان فيه حاجة مهمة عايزة اقولهالك
محمود: اتفضلى انا فوقت خلاص
رقية: هو القطر معاده امتى الى هنمشى فيه ؟
محمود: (مستغرب) هى الساعه كام دلوقتى ؟؟
رقية: الساعه 4 الفجر
محمود: خلاص مدام بدانا يوم جديد، هو انهاردة الساعه 9 ونص بليل
ليه ؟؟
رقية: طيب انا عايزة نمشى انا وريهام اول م يطلع النهار ..ممكن
مش هنستنى القطر
محمود: ليه ! فيه ايه يارقية
اتكلمى ع طول
رقية: هقولك يامحمود ..
محمود اتعدل فقعدته وسمع منها ووشه اتغير خالص وقلب لدرجه ان عبده كان بيتقلب فالسرير الى جنبه خد باله راح اتعدل وشاور " فيه ايه "
بس محمود كان مركز ومتدايق اوى ورد ع كل كلام رقية بكلمة واحدة
" اجهزى انتى وهى وهنمشى دلوقتى "
قفل محمود وهو بينفخ ..
عبده: فيه ايه ياعم ؟ ومين الى هيمشو دلوقت
محمود: قوم يا عبده اجهز عشان هنرجع مصر دلوقت
عبده: ليه ياعم لسه معاد القطر بليل ..الى حاجزه يوسف
محمود: ولا يوسف ولا زفت !! هتيجى معانا ولا تستنى سى زفت
عبده: (قام من مكانه) طب اهدى اهدى فيه ايه
====================
يوسف النهار بدأ يشقشق والدبان بيخبط فوشه والجو سقع اوى ، فسقع راح لم حاجته ونزل يكمل نومه تحت ..
اول م فتح لقى عبده ومحمود بيلمو حاجتهم فالشنط ولابسين ومكشرين .. :(
يوسف: صباح الخير
محدش رد عليه
يوسف: بقول صباح الخير يا شوية معيز مالكم ... بتحضروا من دلوقت !
لسه هنمشى بليل
نامو نامو
عبده: احنا ماشيين دلوقت ياايوسف
يوسف: (كان هينام عالسرير) ليه ؟ طقت فدماغكم يعنى
بكلمك يا محمود
محمود: (بص بصة وحشة ليه) معلش كده احسن (كمل لبسه)
يوسف: كده احسن ليه ؟؟ ماتفهمونى الحكاية منك ليه
الله!
محمود: (جاى ناحيته بغيظ) كنت عايز ايه من ريهام فوق يا يوسف؟!
يوسف: ايه .. ريهام (ارتبك) وعرفتو ازاى الحوار ده
وبعدين عايز ايه يعنى
ايه الى بتقوله ده يامحمود
محمود: اخلص ورد ع امى
يوسف: ياعم فيه ايه هى كانت تخصك
عبده: بس دول بنات وثقو فينا وجم زى اخواتنا لازم نحافظ عليهم ياايوسف، ده احنا فبيتك ياراجل
يوسف: وانا معملتش حاجه ..وبعدين كلنا مرتاحين ان ريهام بت شمال اصلا بس بتحاول تمثل الفضيلة جرى ايه يعنى
محمود: وانت مال اهلك شمال ولا مش مش شمال ..كانت اختك!
م كل واحد حر
يوسف: بقولك ايه انا مضربتهاش ع ايدها تطلعلى
عبده: ماهى غلطانة بردو يا محمود ازاى تطلعله وهو لوحده (بيهدى بينهم)
محمود: يقوم الافندى يبوسها !!
يوسف: ابوسها!! والمصحف الشريف م حصل
البت دى كدابة
محمود: اومال كنت عايز ايه يا يوسف..اتكلم كده راجل لراجل
يوسف: ياعم وانا هخاف منك ليه
عادى يعنى هو الى كنت عاوزه منها ماانت عملته وهو عمله وكلنا مش ملايكه يعنى
ومقضيينها مع البنات
ولا انا بس الى ابن البطة السودا
عبده: لا انا عمرى م عملت حاجه مع بنت عشان عندى اخوات وبارعى ربنا
محمود:(فهم انه بيلقح عليه) ماشى يا يوسف (بيبص فالارض) عملنا محدش ينكر
(قرب وشه ليه)
بس مش فبيتى
وهى مستأمنانى
وع خوانه
وانت فاهم قصدى كويس
يوسف: اصلا مافيش حاجه حصلت .. دى بت كدابة وعايزة تلمكو حواليها
محمود: خلص الكلام يايوسف..عشان اكتر من كده هنخسر بعض
عبده: خلاص صلو عالنبى
يوسف: والله انت شايف كده ؟
محمود: احنا هننزل دلوقتى نروح مع البنات ، ولو سألوك اهلك ليه ممشيناش بليل قولهم اى حجة
رن محمود ع رقية.. ونزلو تحت كانت ماما محمود صحيت زى العادى بتاعها
الام: واه واه! رايحين فين يا ولادى ؟؟
ريهام: (معيطة وعنيها منفوخه) معلش يا طنط بابا تعبان اوى ولازم اروح وهما مش هيقدرو يسيبونى ارجع وحدى
الام: يابتى الف سلامة عليه ، طب استنى تفطرى ولا نجيبولكم عربية توصلكم للمحافظة
مش هتعرفو تطلعو من الطريق بتاعنا وحدكم
(بصت ليوسف) رايح معاهم ياايوسف؟
يوسف: لا ياماى انا هرجع بليل (بحزن)
محمود: احنا هنعرف نطلع عادى يا طنط ، متشليش هم
نشوفكم ع خير
الام: طب استنو خدو واجبكم ، ده انا محضراه ليكم (داخلة تجيبو)
رقية: مافيش وقت يا طنط..وبعدين انتو قمتو بالواجب وزيادة
الام: لا والله استنو بس
عبده: معلش يا طنط يبقى يجيبهم يوسف لو مصره ..بس عشان نلحق قطر
الام: ماشى يا ولادى .. مع السلامة :(
ابقى طمنينا ع ابوكى ياريهام يابتى
ريهام: حاضر يا طنط
كل ده ويوسف واقف زى خيال المآته ! مخزى ومكسوف ومش عارف يحط عنيه فعنيهم.
مشيو وسلمو ع ماما يوسف وطلعو ع برة ومحمود وعبده تولو مهمة معرفة الوصول للمحطة ..
سألو عالمحطة عرفو ان اول قطر هيطلع عالقاهرة هيكون الساعه 10 وتلت
استنوه كلهم من غير م اى حد يتكلم كلمة وكلهم متدايقين،جه القطر وركبو وقالو هيدفعو جوه القر التذاكر
سكوووووووووووت عام فالجو .. ريهام كل م تفتكر تعيط ورقية تهديها
ومحمود يشوفهم ينفخ ويبص للشباك
وعبده متدايق وساكت بردو ..
عدت فترة طوييييييييلة ، طلب محمود وعبده من البوفية اكل للبنات
بس هما مش كانو راضيين الابعد الحاح شديد
زعلانين ومتدايقين ومافيش نفس لحاجة :/
عدى الوقت ابطئ من سنين، حاول عبده يتكلم معاهم بس مكانش فيه ليه نفس يقول حاجه
لحد م رقية سألت محمود سؤال..
رقية: انتو فتحتو معاه الموضوع ؟
عبده: اه ..اتخانق هو ومحمود
ريهام: مكانش لازم تتخانق معاه عشانى يا محمود .. انتو اصحاب
محمود: ياريهام ..مش عشانك بس
هو كده لاحترمك
ولا احترم اهله
ولا احترمنا احنا الى جايين معاه وخلى شكلنا زفت
انتى متعرفيش من اول م رقية اتصلت بيا ركبنى العصبى ، كان هاين عليا لما اشوفه اموته
رقية: عالعموم حصل خير.. ده درس ليها ولينا كلنا
وعالله تكونى استفادتى ياريهام
ريهام: (بصتلها بضيق) والنبى يارقية انا مش مستحملة ولا كلمة ...
وصلو بليل .
واخدو تاكس وطلعو عالشارع بتاعهم ، طلعت البنات فوق فالسكن والشباب
اول م طلعت البنات فوجئو ب جهاد!! :)
اول م شافوها جاية تهزر زى عادتها ، بس لاحظت ان ريهام وشها معيط وتعبان
لسه بتقولها " مالك "
والعيا كانت الاجابة !
==================
"اهلا اهلا انتو شرفتو ، م لسه بدرى "
اول م فتح محمود الباب لقى هشام فوشه وهو الى قالهم الجملة دى كترحاب اول م وصلو ..
عبده: وانت مالك نيجى بدرى ولا متأخر
هشام: اه صحيح انا مالى ..انتو مش كنتو هنا قبل م تمشو اخر ناس
مين فيكم يااساتذة ساب الحنفية بتاعة الحمام مفتوحه ؟ وغرقت الشقة وجه عم خلف وبهدل الدنيا وعرفنا ان انتو جيتو ف اول الترم انتو ال 3
ههه اومال فين الخط بتاعكم مجاش ليه
محمود: (زقه فصدره عشان واقف قدام اوضتهم) اوعى ياعم احنا ناقصينك
هشام: لا اسمع ، شغل الكلام الزبالة ده مش هسمح بيه تانى
لان من هنا ورايح
لو هتقعدو فيها ياحلوين
مع انى معتقدش
هاهاها
هيبقى فيه وضع تانى هتمشو عليه ، عالم زبالة صحيح
محمود: (رجع له) ع مين ياض عالم زبالة ؟؟
هشام: عليكم ..انتوهو والى عامل فيها سبع رجالة
ده عم خلف مستحلف لكم وحالف لتنطردو من هنا بفضيحه هههههههههه
عبده: م تحترم نفسك ياض انت ياض
هشام: ولو ماحترمتش ياحمارهم انت .. بتفكرنى بالخنفسا الى بتبقى تابعه للعقرب الى بيمشيها
اهو انت بالنسبة لهم كده
محمود: (مسكه من هدومه) غلك كتر واقسم بالله مش عايز امد ايدى عليك
انت متاخدش فايدى قلمين اصلا
ابعد احسن وغور ع اوضتك وخلى ليلتك تعدى
هشام: هو انت هتخوفنى زى صاحبك التانى، هتعمل ايه يعنى
كلكم بق ومتسووش حاجه
محمود: بق !! (رفع حواجبه)
عبده: بقولك ايه انت اصلا عيل مش محترم وخسارة فيك الضرب وانت عامل زى البرص كده
هشام: ياعم اجرى اجرى شوفهم كاسرين عينك بايه هههههههههه
محمود: لا انت عايز تتربى (اداله بالبوكس )..
================
جهاد: يا مرارى ..يا مرارى (بجد مش هزار المرة دى ) ماقولنالك مليون و 100 الف مرة
ولاد لا
ولاد لا
وانتى فارده دراعاتك ولا كأنك بت الحج عاشور فزمانه .. ومش خايفة
اهو قالك بالعربى انك متربتيش وبت قليلة الادب
فبيته ابن الجزمة
ريهام: (بتعيط) لا انا مش غلط
رقية: لسه بردو مش بتغلطى نفسك ياريهام ؟ بعدكل الى حصل
ريهام: (بزعيق)لا انا صح !!
مش لازم اكون زى زوزو عشان انفع
اتدارى وامثل الفضيلة فعلا زى ماهو قال، ومحدش يعرف عنى حاجه
وابقى كده البت التمام
الى لازم تحترم وتتحب وتحط اسمك بين ايديها
والبنت الى ماشية قدام الناس فالنور وكل حاجه بتعملها فالنور تبقى غلط وقليلى الادب
وشمال
ومقضياها
وبتاعة الكل
رقية: طيب اهدى (بتطبطب عليها)
ريهام: لا مش حهدى !! مش حهدى
لو كنت مثلت ع يوسف وغيره وعملت كل حاجة نفسى فيها فالدرى والى يعرفو عنى انى بنت ملتزمة ومش بكلم حد وطول الوقت مقضياها كدب فكدب كنت هنفع !!
لكن لما ابقى معرفه اهلى بكلم مين وخارجه مع مين واثق فاللى قدامى واعاملة زى مانا شايفهه يشوفنى ع انى صايعه وبت زبالة ومش بتقول لاع حاجة
هى هتعمل فيها خضرا الشريفه؟!
جهاد: (اتدايقت عشانها) ياريهام .. لا انتى ولا زوزو نافعين
ادى رقية ماشية بما يرضى الله
وانا اهو
وعندك ناس كتير ..عيشتك تنفعش يابت الحلال
تكلمى دى ودى ودى
واى حاجة تعمليها
وتروحى ماتش وتروحى فرح وتروحى ورا الشمس حتى عشان شايفاه اخوكى
فيشى اخوات دلوك
كلهم كلاب سعرانه
والمؤدب الى فيهم هيعوزك بالحلال يابت النس..يجيكى لبيتك
لكن تلفونات والو وقرف
ميعجبش حد الكلام ديتى
ريهام: دى حياتى يا جهاد .. انا فكلية لازم نتعامل كلنا مع بعض
جهاد: ماشى قولناش حاجه ..نتعامل فحدود الدروس والمحاضرات
وبرة الجامعه يغورو هما فداهية وخليكى فحالك
ريهام: بس انا مش متعودة اكدب ع نفسى ..دى مش طريقتى
انتو عارفين ان ماليش اخوات ولاد
لما بتعامل معاهم بحس بعزوة حواليا (بتعيط تانى) مش عايزة غير ان احس ان ليا ضهر فكل مكان
مش بتعايق بصحوبيتهم
ولا بقول للناس انا البنت الى مافيش منى
انا بس بحب احس بالامان معاهم ..وبتعامل باحترام وعمرى م طمعت حد فيا
ماانتو عارفين كل حاجه
رقية: ريمو انتى غلطتى .. احنا مش عايشين فالدنيا لوحدنا
بالذات فالايام الى احنا فيها دى
بقو بيفهمو كل حاجة غلط..لازم تاخدى بالك من تصرفاتك
طيب تصرفك لما تطلعيله وحدك رغم انى حذرتك ولاقتيه شارب منزلتيش ليه
ريهام: (ارتبكت) عشان وثقت فيه اوى ووو
جهاد: وثقت ايه كلهم ذئاب بشريه جاتهم المصايب
رقية: م تتكلمى يا ريهام و ايه ؟
ريهام: متوقعتش ان يوسف بالذات يفكر فيا كده
جهاد: ليه يعنى مش راجل زى الرجالة ، ولاهو ابن عمرو خالد من الورع :/
ريهام: عشان يوسف... يوسف اكتر حد انا ممكن أمنه ع اى حاجه من غير م اخاف منه
رقية: بس يوسف راجل وشرقى وصعيدى متوقعه منه ايه
ريهام: متوقعه منه يفهمنى صح ! يفهمنى زى ما انا
جهاد: ليه يعنى موضياه بمية وملح ؟!
ريهام: لا مش كده ياجهاد فيه حجات جوه الواحدة ...
جهاد: والبنى فهمالكيش حاجه انا
ريهام: عشان بحبه يا جهاد !! ارتاحتى (بزعيق)
جهاد: بتحبى مين ؟؟ نهارك اسود وليلتك طين ومطلعلهاش شمس بأذن واحد احد
=========================
هشام متبهدل وهدومه متقطعه وبوقه بيجيب دم ، ومحمود كمان قميصة اتقطع وقاعد مخنوق
الخناقه كانت حامية اوى بينهم والضرب كان جامد ومعرفش عبده يحجز من بعض
بس ياريت هشام اخد الطريحه وساكت ، شغال يلقح بالكلام من برة
هشام: ايوة كملت كل ده هيتقال لعم خلف الصبح
اه يا شوية كلاب جايين من الشوارع
انا هعرف اربيك ازاى عالى انت عملته ده
عبده: يااخى اسكت م صدقت سكت انت عايز يقوم يخلص عليك المرة الجاية
محمود: والله العظيم لو مسكتش انا مستبيع انهاردة
عبده: محمود ! البس قميص تانى وتعالى ننزل نتمشى شوية يكون هو اتخمد واخزى الشر
محمود: لا والله م نازل ، واما نشوف هعمل ايه بسلامته
عشان نهايته انهاردة
هشام: لا ياما خوفت!! الحقنى دوخت
هنشوف ياسبع البورمبا..هاااااااااااااانت
محمود: (قايم) اه يابن ...
عبده: اسكت يا محمود بالله عليك.. كان هيموت فايدك
خلاص سيبه يهوهو زى الكلاب
هشام : (داخل اوضته) الحقو نامو شوية قبل طردة الصبح يا حلوين هاهاها
محمود وعبده بصو لبعض وسكتو ...
وعدت الساعات ومن 7 الصبح خبط هشام عليهم من برة ..
هشام: اصحى منك ليه ولمو حاجتكم قبل م تترمى فالشارع
عبده: (بيفوق ) الله يخربيتك يااخى عالصبح
محمود: طب غور بدل م تترمى فالشارع انت قبل الحجات واصطبح
هشام: طب لو كنت راجل اعملها
محمود: (فتح محمود) ياض مكفتكش علقه امبارح كنت هتموت فايدى
شغال تلب لب زى الحريم استرجل شوية
هشام: هاها سيبنا الرجولة ليك ياصعيدى ، ههههه مش قادر امسك نفسى من الضحك
كلها شويه وييجى عم خلف يطردكم من هنا
عبده: وييجى عم خلف يطردنا ليه عايز افهم
هشام: مش عارف اقولك ، اولا كلمتو وصاحبتو البنات الى فالسكن الى قصادنا وهو منبه
ثانيآ شربتو حشيش وانا قولتله هاهاها اوعو تكونو فاكرين انى نسيت ده انا مدكن لكم كل حاجه
ثالثآ سيبتو اشقة تغرق وكانت العمارة كلها هتغرق بسببكم وده اهمال
كان يوسف جه من السفر ودخل بهدوء ع صوت هشام وهو بيتوعدلهم قدام الاوضه ومدى ضهره بس شافوه عبده ومحمود راح شاور يسكتو وميبينوش انه وراه
هشام: لا ولسه .. ده انتو هتتزفو
يوسف: والله انت قولتله ع كل ده !
هشام: ايه ده ! انت جيت
والله الفرجة مكانتش هتحلو من غير ياجدع
اهى كده بقى كملت
يوسف: بقى انت قولتله ان احنا مصاحبين البنات وغرقنا الشقه
هشام: وشرب الحشيش..ده انتو ايامكم سودا
يوسف: (هز راسه) بس نسيت حاجه يا اتش
هشام: ايه
يوسف: انك تقوله ع انى هضربك (وفجأة نط فوق واشتغل ضرب فيه من غير رحمة ورا بعض وبدل م كان محمود مخنوق منه بدآ يخلصة من ايد يوسف لان يوسف غبى فضربه وهو لسه مضروب من محمود بليل)
ووسط الخناقة جه عم خلف !!
عم خلف: بس .. ايه ده ايه ده
يوسف، هشام
هشام: والله لاقطعك يابن الكلب
يوسف: ياض روح البس طرحه جاتك داهية فمنظرك
عم خلف: احترمو نفسكم انا واقف بلا قلة ادب، جرى ايه يا يوسف مكفاش الى انتو عاملينه كمان فتونه وضرب
لاااااااااااااا ده ميتسكتش عليه الكلام ده
محمود: ياعم خلف الواد ده كداب محصلش حاجه من الى بيقولها دى
هشام: لا والله (بيمسح الدم) حصل ياعم خلف
عم خلف: خلاص خلاص .خلصالموضوع
شرب حشيش
وخناقات
وقلة ادب
يلا لمو حاجتكم وامشو مش عايز اشوفكم فشقتى
عبده: بس ياعم خلف هنروح فين ..مافيش سكنات دلوقتى احنا فنص السنة
عم خلف: مش شوغلى كنتو احترمتو نفسكم من الاول
يوسف: خلاص ياعم خلف مش هناخد درس فالاخلاق احنا متربيين من بيوتنا ثوانى يلمو حاجتهم وماشيين
هشام: (بيطلع لسانه ليوسف)
يوسف: (بيعض ع شفته الحركة بتاعته) حلفت انى هضربك قبل م امشى ودى الحاجة الى مفرحانى يابن الجزمة
عم خلف: يلا يلا بلا طوله لسان
يوسف: طب ياعم خلف عايزين التأمين بتاعنا (ببجاحه)
عم خلف: ابقو عدو عليا بكرة مش معاايا دلوقت
محمود: خلا ص احنا مش عايزين حاجه
يوسف: لا ازاى ده حقنا
هشام: تأمين ايه ؟ مش هما كانو هيغرقو الشقة ، وقبل كده كانت هتولع بسببهم برضو
مش من حقهم حاجة ياعم خلف
يوسف: يخربيتك بتفكرنى بالست اللتاتة فالافلام الا بيض واسود الوحشةّ!
عقبال م اشوفك حاطط زبدة كاكاو قريب يا هشام يارب
عم خلف: يلا مش لميتو حاجتكم..بلا كتر كلام
محمود: ماشى ادينا ماشيين (بضيق)
نزلو ال3 ومعاهم شنطهم وحجاتهم ، كانت جهاد طالعه من سكنها تحضر محاضرات الصبح بتاعتها وشافتهم وهما ماشيين ومعاهم شنط وشاوره لتاكس ومشيو
وقفت !
وبعدين كملت ..بس قررت تبقى تقول للبنات
وال3 شباب فالتاكس..
محمود: هنروح فين ؟
يوسف: هنروح لسكن وليد..الواد ده انا خيرى عليه وجه الوقت يرده
لحد م نلاقى سكن ولا شقه
متقلقوش
عبده: الله يخربيتك ياهشام ، احنا مدعى علينا ولا ايه
ايه الايام السودا الى بنشوفها دى
يوسف: مافيش حاجه كلو هيعدى (بيبص لمحمود ) مش كده
محمود:( بصله ورجع بص من الشباك)
========================
اما خلود..
فهى جت بردو انهاردة ، بس اول م جت حطت شنطتها فالمدخل وطلعت بتعب السفر عالجامعه عشان محاضراتها ..
اخدت كام محاضرة ، وبعدها خرجت للكافتيريا تشترى حاجة تاكلها
بس وهى بتاكل كانت بتدور بعنيها ع حاجه ، عيونها رايحة جاية
بس عشان هى خجولة
رجلها مشجعتهاش تتمشى فالجامعه وتشوف الى بتدور عليه ..الى هو طبعآ حسام!!
معقولة تكون اتعلقت بيه للدرجه دى، بس طبعآ ده العميد :/ ايه الى هيجيبه من اول اسابيع فالترم كده
وبعدين من غير م تقصد وبسذاجه طلعت فونها
واتصلت بيه ..
حسام: (صاحى من النوم) الو
خلود: الو ازيك ياحسام :)
حسام: خوخة .. ده ايه الصباح الحلو ده
اول حاجه اسمعها فيومى صوتك
خلود : (ضحكت بخجل) صباح ايه ده احنا قربنا عالعصر
حسام: وياترى ايه سبب الاتصال الجميل الى على غير العادة ده
خلود: ها ! اصل يعنى ، انا فالجامعه وشوفتكش
فقلت نمن ليكون فيك حاجة كفالنا الشر
حسام: ياااااااااه الست خوخة بنفسها قلقانة عليا وبتطمن كمان ..لالالالا انا عايز مجين نسكافيه عشان اعدل الكلام
ده بجد ولالا
خلود: هههههه المهم انت كويس يعنى
حسام: كويس عشان انتى كويسة بس
خلود: طب الحمدلله دايمآ يارب..انا هقفل عشان المحاضرة
سلام
حسام: (قفلت من غير م تستناه يوقل سلام) ممممممم
قفله اوى
بس بدأت تلين
(ابتسم ابتسامة انتصار) ايوة بقى
==============================
وعالمحطة بليل كانت هايدى قاعده مستنية القطر ومعاها اخوها وعمر خطيبها
هايدى: خلاص يا مورو يا حبيبى روح انت شوف عيادتك انت اتاخرت عليها اوى
انا معايا اخويا خلاص هيركبنى
عمر: لا لازم اطمن عليكى وبعدين امشى ، هو انا عندى كام هايدى
هايدى : (ابتسمت ابتسامة صفرا) مممممم حبيبى
بقولك يا ميرو بتكلم محمود؟
عمر: يعنى كل كام يوم تقريبآ..ليه ؟
هايدى: لا اصل انا فالفترة الاخيرة ..لاحظت عليه حاجة كده
عمر: حاجة ايه ؟
هايدى: حاسة انه مشغول ..سرحان
كده يعنى
عمر: قصدك بيحب
هايدى: مممممم ممكن
عمر: تعرفى ، انا كنت داخل اوضته اخد حاجه معينة وهو تقريبآ كان فالبلكونة بيتكلم فالفون
مفسرتش الكلام اوى
بس تقريبآ كان بيكلم واحدة
هايدى : واحدة ! (وشها اتغير) طب كويس كويس
يلا عشان يحصلنا
مسمعتش كانو بيقولو ايه ؟
عمر: مانا قولتلك مسمعتش عشان كان بيتكلم بصوت واطى وانا متعودتش اتنصت عليه
بس انتى ايه المهم عندك تعرفى كان بيكلم بيقول ايه ؟
هايدى: (خافت وارتبكت) بردو يا حبى بتسأل ، عايزة اشوف هو اشطر ولا انت فالحب :)
عمر: ههههههههه لا ياستى مالكيش دعوة غير بيا ماشى
ولا انا كلامى ليكى مش بيعجبك
هايدى: ايه ده ازاى تقول كده ده انت حياتى (انكشته اوى)
عمر: ابتسم وجه القطر )
ركبت واتطمن عليها لحد م القطر اتحرك ومشى .. سندت راسها عالشباك هايدى ويدور الف حوار
هتموت وتعرف بجد محمود ارتبط من بعدها ولالا
والتفكير مش بيجيب غير الصداع ..خصوصآ لو كان كتير وفنفس الحوار من غير جدوى
ربنا يستر منك ياهايدى :/
========================
بعدها بيومين ... كانت رقية ف اوضتها
وريهام مع جهاد نايمة فالاوضه
بس جهاد صاحية ، وخلود ف اوضتها ... كانت عايزة جهاد حاجة من رقية وراحت لها الاوضه !
جهاد: اقولك يا رقية ..كنت عايزة منك طلب ياخيتى
رقية: قولى يا جوجو
جهاد: كنت عايزة تشتريلى البتاع الى عتحطيه ديتى بعد م تغسلى شعرك يمكن يطرى السلك دى شوية
رقية : ههههههه حمام الكريم !! حاضر
جهاد: يحضرلك الخير يا اميرة ..اقولك صح
مش اول امبارح شوفتلك المقاطيع دول طالعين من سكنهم ومعاهم شنط شكلهم معزلين
رقية: مقاطيع مين ؟؟
جهاد: عزت ابو عوف والليبرو وصاحبهم التالت
كانو طالعين عالصبح
شكلهم مشيو بسبب خناقه البت ريهام باين
رقية: (حطت القلم فبوقها) تفتكرى ؟!
جهاد: انا اعرف.. اهم حاجه انهم غارو فداهية من هنيتى
حتى عشان متشوفش الفقرى يوسف دى وتنساه
ونرتاح منهم
مشيت جهاد ورقية بتفكر فكلامها وحست ان من الواجب تسألأ عليهم ، احم او بالاخص ع محمود
بعد المواقف الكتير الحلوة الى وقفوها معاهم
طلعت الفون واتصلت ..
رقية: ازيك يا محمود ^_^
محمود: ازيك يا رقية ..عاملة ايه
رقية: الحمدلله..اخباركم ايه
محمود: (اتنهد ) اهو ماشى الحال
رقية: خير ، جهاد بتقولى انكم مشتو من السكن! فعلا؟
محمود: اه مشينا خالص
رقية: (زعلت) ليه
عشان ريهام ويوسف؟
محمود: لا الموضوع مالوش دعوة بيهم ..ده حوار مع صاحب السكن
رقية: ودلوقتى انتو فين ؟؟
محمود: يهمك تعرفى ☺
رقية: (اتكسفت) احم .. عادى يعنى اكيد مافيش سكن بسهولة دلوقت
محمود: ياستى احنا لاجئين عند واحد صاحب يوسف لحد م نلاقى مكان نروحه
مش عايز اقولك الشقه ضيقه
وهما كتير وخنقه
وحاجة زفت يعنى
والمصيبة عندى الترم ده مواد م يعلم بيها الاربنا والحالة النفسية غير مهيأة اظلاقآ
رقية: معلش دلوقتى تلاقو شقة وتستقروا..متدايقش نفسك
محمود: قولى متدايقش نفسك تانى كده ؟
رقية: (ابتسمت) ليه يعنى
محمود: عشان خاطرى يا رقية
رقية: متدايقش نفسك (ضحكت بصوت واطى بكسوف وهو سمعها)
محمود: (اتنهد جامد) يانهااااااااااااااار ابيض..حتى لو مجرد كلام
بحس بحنيتك فيه
لو كنت 100 موجوع بصفى لما بسمع منك كلمة ..انتى ساحرتى <3
رقية : (اتلخبطت) طيب..انا اطمنت عليك ..عليكم وربنا معاكم
هستأذنك عشان اقفل
محمود: هو ليه انتى بتحبى تهربى ؟
رقية: اهرب من ايه يا محمود بس
محمود: لو انتى مش عايزة تكلمينى مش كنتى اتكلمتى ، ومع ذلك انتى عارفه انى هقولك الكلام ده يا رقية
خلاص بقى
مينفعش ندارى
رقية: ندارى ايه ؟ ا انا معنديش حاجة اداريها يا محمود
محمود: يعنى انتى مش مشدودوة ليا ولا بتفكرى فيا ولا اى حاجة من دى
رقية: ع فكرة انا هقفل وانت ..مش بتراعى
ومش بتخلينى
و
محمود: اه لو تعرفى ..
رقية: (بترجع شعرها ورا ودنها بارتباك) اعرف ايه ؟؟
محمود: بحبك وبمووووووت فيكى اد ايه <3 <3 <3
رقية: (داخت اوى راحت وقع منها الفون عالمكتب من غير م تقصد واتلقت ع وشها عالمكتب)
كانت داخلة جهاد
جهاد: اقولك يا رقية شامبو الى عتستعمليه !! يا حزن الحزن رقية !!
بت يا رقية
محمود: (عالناحية التانية كان بيتكلم وسكت واشتغلت عنيه تروح كده وكده استغراب وسامع جهاد ..واضح كده ان رقية راحت فخبر كان بسبب كلمته)
جهاد: يابت ردى على .. (بتخبط ع وشها) مين التلفون مفتوح ولا مقفول
(قرت الاسم محمود)
ايا دى .. الو
محمود: (بكسوف عارف انه مش صوت رقية ) الو
جهاد: البت ماتت وقطعت النفس يا فقرى شالله قطر لما يحش رقبتك قولتلها ايه
محمود: أ..أ انا مقولتش حاجة ..
جهاد: غورو فستين غوارة مجالناش من وراكم غير المصايب الله يبتليكم بالسرطان
(قفلت فوشه)
محمود مسك الفون .. مزعلش من كلام جهاد..ع اد م فرح ان رقية حاسة بيه وبتحبه
وللدرجه دى احساسها مرهف
من كلمة اغمى عليها :)
ابتسم وباس الفون وقال .." يابركة دعاكى ياامى "
===================
استنونا بعد بكرة
#قصاقيص_ورق
#بقلمى_نوراسماعيل
تحفه بس قصيره اوووي طولي الحلقه شويه علشان نعرف نستمتع بيها samah
ردحذفعيونى
حذفقصصك تحفة بجد .. ربنا يحفظك انا قريت ال 14 حلقة كلهم النهاردة من كُـتر ما شدتنى .. مستنية الحلقة الجديدة ✌✌
ردحذفتسلمى ياقمر
حذفهي امتي اللي بعديها :D
ردحذف