¸.•'´¯`*•.¸¸.¸.• قـصـاقـيـص ورقــ .¸.•'´¯`*•.¸¸.¸.•'´ حلقة(16

رواية ..

=======================

يوسف: (عض ع شفته واتهز كتير لانه متوتر وبعدين بدآ كلامه) بصى بقى

انا لا هقعد احلى الكلام ولا بتاع

انا عارف انى غلطان وزفت ونيلة وبهدلت الدنيا عالاخر معاكى

وانك بنت كويسة جدآ ومحترمة جدآ.. وانا الى فهمت غلط

بس انتى عارفه انى كنت شارب وبهرتل

ريهام سمعته ورفعت حاجب واستهزئت بكلامه بحركة من راسها وخدت بعضها ومشيت وهو واقف

يوسف: ع فكرة يابت انتى ..انا عمرى م اتأسفت لحد

لان ببساطة محدش بيهمنى

بس امبارح بس

حسيت ان ممكن حجات كتير تحصل الواحد مش عامل حسابها عشانها

عشان الدنيا مش مضمونة لحد

وانا اكتر واحد مش ضامن هيعيش الساعة الى جاية ولالا!

ريهام وقفت وسمعت كل كلامه وهى مدياه ضهرها ، واخر كلمة نزلت دمعه من عيونها من غير قصد ولفت له .. اصله كان واحشها اوى

واول مرة تلاحظ فعيونه نظرة انكسار :(

ريهام: مالك ياايوسف بتقول ليه كده ؟

يوسف: (يكابر كالعادة) مش بقول حاجة .. ها هتقبلى صلحى ليكى ومجيتى لحد عندك

ولا هتعملى زى البنات الخنقه الى تقعد تتمنع ولما توافق يكون الواحد زهق :/

ريهام: هو انت مبتعرفش تعمل حاجة للاخر كويسة ابدآ

يوسف: افهم من كده صافى يالبن ولا اشوف واحدة تانية متبقاش نكدية وتخرج معايا انهاردة

ريهام: تؤ !

شوف واحدة ساهلة وبتاعة الكل وساعتها مش هتخرج بس

دى هتعمل كل حاجة انت عاوزها

يوسف: ريهام ! انا مش جاى عشان تدينى مواعظ

خلاص قولت مكنتش فوعيي وهرتلت بالكلام، كلنا بنغلط

والشاطر الى يتعلم من غلطه ..وانا جيت واتأسفتلك مع انى عمرى م عملتها

واقسم بالله وحياة امى الى مش بحلف بيها باطل

اى بت بسقطها من حسباتى مش بتيجى ع بالى تانى

يعنى انى عندك انهاردة وعاوز تسامحينى ده يبقى انجاز وتبوسى ايدك وش وضهر وتزغردى وتوزعى فانتا كنتالوب!

ريهام: واقدر اعرف ايه الى خلى يوسف يتكرم ويتواضع وييجى يصالحنى بعد المدة دى كلها ؟؟

يوسف: عادى ..

ريهام: لا مش عادى ، انت لسه قايل انك عمرك م اتاسفت لحد بسهولة

ومن شوية قولت كلام غريب انك مش ضامن عمرك

يوسف: هو انتى هتعملى صحفية عليا يابت انتى ولا ايه ؟؟! هتفتحى معايا حوار صحفى وس وج

بقولك عادى

عشان بصراحة غلطت فحقك

وانتى بنت جدعة ومينفعش الواحد يسقطها من حساباته بسهولة

ريهام: بس عشان كده ؟!

يوسف: لا اه صح بس كده

يمكن بحبك ولا حاجة (بتريقه)

ريهام: (ضربته فكتفه بخفه) هو انا هستناك انت تحبنى يا جربوع ! ده انت سفاح

ده انا اخاف ع نفسى منك

يوسف: طب الحمدلله طلعت المصلحة واحد .. لا انا بحبك ولا انتى بتحبينى

يعنى نعرف بعض بس صحوبية وجدعنه

والصاحب لما بيروح يصلح غلطه مع صاحبه مبيقعدش يعمل مفيد فوزى فيها وليه وعشان ايه

صح الكلام !

ريهام: (ابتسمت) صح

يوسف: طب هتيجى تخرجى معايا ؟ اصل وحشنى اوى خروجك معايا

والمصاريف الى بتخلينى اكع فكل مرة نخرج فيها سوا يا مفتريه !

ريهام: ههههههههههه للاسف مش عارفه اقولك ايه

حاضر ياستى هتكرم واتواضع واخرج معاك عشان تكع دم قلبك ياايوسف

يوسف: طب يلا مستنيكى ..

ريهام: ثوانى اودى الترويسة دى للاستاذ واجيب شنطتى

يوسف: تودى ايه ؟؟

ريهام: ملكش دعوة حاجة بالشغل ..استنانى 10 دقايق

يوسف: اخلصى يابت 10 دقايق لو مجتيش هولعلك فجريدة ميكى الى انتى شغالة فيها دى

ريهام: ههههههههههه

=====================

" وصفولى الصبر ..لاقيته خيال

وكلام فالحب

كلام فالحب يدوب يتقال

اهرب من قلبي اروح ع فين ؟ ليالينا الحلوة فكل مكان ..ماليناها حب احنا الاتنين

ومالينا الدنيا امل ...امل "

ام كلثوم وهى بتدندن الاغنية دى فالراديو .. كانت رقية بتذاكر وبعدين اخدتها الاغنية لبعيييييد اوى وسرحت فمحمود ورقته وكلامه

وحست ان قلبها بيدق

نفسها تسمع صوته ويقولو اى كلام

بس هى عمرها م هتبدء ولا تدى لقلبها فرصة .. ووسط الهيام ده كله

كانت جهااد جوه بتفرد المصليه تصلى وراحت لفت طرحتها ورجعت تصلى ..فجأة

جهاد: عااااااااااااااااااااااااااا ..هش

هش اوعى يا نيلة من عالمصليه

فوجئت بسلحفة من سحلفات رقية واقفه عالمصليه واتخضت

جهاد: (بتهشه برجلها يابوى غور من عالمصليه !! طب كده !

طب ماشى

مسكته بين فردتين شبشب ودخلت مندفعه عند رقية وعنيها بتطق شرار !

جهاد: انتى ياست الدكتورة !

رقية : ايه !! (اتخضت)

جهاد: شوفى لو محوشتيش الكائنات المعفنه دى بعيد عن اوضتى والله لاسمهملك

واقطع رووسهم

واعلقهم عالباب عبرة لمن يعتبر

رقية : (قامت بلهفة ام ) ايه ده يا جوجو حرام عليكى ماسكاه كده ليه ؟؟

جهاد: ياسلاام هو دكر كمان مش نتايه !

رقية: ايوا ده بقدونس (خدته منها) من الصبح غايب عن رارا وهتموت من القلق عليه

جهاد: ياصلاة النبى !! بقى شبت كان غايب عن البيت ورجع بالسلامة للست السنيورة زمارة هانم

طب حمدلله ع سلامته

تحبى نقومو بالواجب معاهم

الراجل راجع من سفر يعنى

نعملو غدوه تروم عضمه ولا نجيب فرقة حسب الله ترحب بقدومه !

(صرخت مرة واحدة فوش رقية) وانااااااااااااااا ماااااااااااااالى !!

زفت كان غايب ولا زفت لزق فقفا شبشب

انا مالى

ادينى حذرتك والله لو شوفت حد فيهم فالاوضه عندى لاقطعهم حتت واحشيهم قنابل عشان تتفرتك جتتهم م نعرف نلمها

رقية: (ماسكاه وبتبوسه) حرام عليكى متوحشة والله

جهاد: (خرجت وهى بتبرطم) قال كان غايب ومن الصبح زمارة هتجنن عليه

حتى ياربى السلاحف قليلة ادب وبيحبو فبعض

ارفع غضبك ومقتك عنا يارب

(فتحت الباب تانى ) اقولك يارقية ..المرة الجاية غيرى

بقالك 3 سنين جايبه الفقارة دول

المرة الجاية هاتى حوض صراصير عشان نطير بالبيرسول والشباشب وراهم طول النهار

رقية: (ضحكت) امشى ياجزمة

جهاد: ده مش شقة دى بيت زواحف!

رقية: (بتحطة فالطشط بتاعه هو ورارا وبتحطلهم اكل ) معلش يا بقدونس

جهاد دى وحشة

سلم ع رارا اكيد وحشتك ^_^

وانتى يارارا وحشك اوى مش كده (سرحت لبعيد)

ونفسك تسمعى صوته

اصلك بتحبيه اوى

بس هتعملى ايه يارارا ماهو مينفعش

وهى بتتكلم فونها رن !

رقية : (بتبص فالفون ) محمود ☺ يالهوى

طب هعمل ايه

ارد اشوف ف ايه ؟؟

الو ..

محمود: وحشتييييييييييييييييييييييييييييينى <3

================

ريهام: والنبى والنبى نركب دى يا يوسف

لعبة فالملاهى ومكتوب تحذير عدم ركوب الاطفال اقل من 12 سنة والمسنين ومرضى القلب !

يوسف: (بيقرا وعقد جواجبه وبيعض ع شفايفه) طب تعالى نركب الى هناك دى

ريهام: لااااااااااااااااااااا انا بحب الالعاب الخطيرة .. وعايزة اعيش المغامرة

والنبى ياجو

وحياتى وحياتى

يوسف: خلاص خلاص انتى هتزنى .. تعالى نركب

اشهد ان لا اله الا الله  وان محمد رسول الله

ريهام: ههههههههههه انت طالع تموت فوق يابنى !

يوسف: اركبى ياقدرى الاسود

ريهام: هييييييييييييه يلا تعالى تعالى

ركبو والعدد كمل بدأت ازرار اللعبة فالتشغيل ..

يوسف: (بيتكلم بصوت عالى ) توكلنا عالله !

صلو ع رسول الله

ريهام: هاهاهاهاهاها هيييييييييييييييييه

=================

فالوقت ده كانت خلود جاية من محاضراتها تعبانة اوى وباين عليها الاجهاد ..

دخلت اوضتها وغيرت هدومها ..وفتحت التلاجه تدور ع اكل !

وملاقتش عندها غير طبق جبنة بيضة وحتة حلاوة !!

:/

اتدايقت لانها كانت جعانة اوى ..والاكل ده مش هيكفيها

والفلوس الى معاها قربت تخلص ومتعرفش هيبعتولها امتى تانى

اتصلت بمامتها ..والحوار كان كلاتى :.

خلود: ياماى بقولك الفلوس مقصرة معايا ، حتى الوكل مش عارفه ناكل زى الناس

قوليلى كده اتصرف ازاى؟

الام: يابتى ابوكى دفع الشهر دى مصاريف اخواتك فالمدرسة كلهم والايجار المتأخر

معلش ياخلود

يخلص مأموريته ونبعتلك فلوس حاضر يابتى

خلود: طب يامى هو فين فمصر وانا اكلمه يمكن اقابله ويكون اخد فلوس من المأمورية دى

الام: قولتلك معرفش ياخلود فين فمصر..هو سافر امبارح تبع الشغل ومعرفش امتى هيرجع

من عندك

بصى ياخلود يابتى ..انتى الكبيرة العاقلة

استحملى يابتى عشان خاطر ابوكى وامك ومشى حالك بأى حاجة

خلود: (اتنهدت بحزن) ماشى يامى هنستحمل

قفلت خلود مع مامتها ..وهى حزينة راح جالها فون من حسام ;)

خلود: سلامو عليكم (بحزن)

حسام: ازيك ياخوخة

خلود: الحمدلله

حسام: مال صوتك شكلك زعلان

خلود: لا فيش..تاخدش فبالك

فيه حاجة يعنى ؟

حسام: (اتكسف من طريقتها) احم!

بصى ف 10 دقايق تلبسى عشان عايزك فحاجة مهمة جدآآ

خلود:ليه ؟

حسام: لا مش هينفع كده هتحرقى المفجأة ..

خلود: مفجأة ! (افتكرت حاجة فدماغها من غير م تقصد) انت ابويا معاك ولا ايه :)

حسام: باباكى !! اه

يوووووه كده تبوظى المفجأة

خلود: والله العظيم..

حسام: اه يلا بقى اجهزى وقوليلى ع عنوانكم ..وهاجى اخدك عشان اوديكى لباباكى

خلود: حاضر حاضر (بفرحه)

قفل حسام مع خلود واتصل بصاحبه !

حسام: ايوووووووه يا برنس

تمام

!

اشطا عليك

===================

 محمود: يااااااااه كل السكوت ده عشان قولتلك وحشتينى ؟!

رقية: (بصوت اشبه بالهمس من الكسوف) اصل معرفش ارد عليك بايه بعد كده

انت مش بتبطل

محمود: ابطل ليه احب فيكى ؟ اذا كنت بحبك واوى كمان

ومش عايز حاجة من الدنيا غيرك

خلينى مع نفسى انهاردة وسيبيلى براح شوية

رقية: بتحبنى ازاى يامحمود ؟؟ امتى

وليه؟

محمود: الحب مافيهوش ليه ؟ ماهو انا لو اعرف ليه يبقى مش بحبك

اولا انا مرة واحدة من كام شهر حسيت بضربات قلبى كلها بتقول اسمك

معرفش ليه وتقريبآ وضحت الكلام ده ليكى من اول مرة

وبعدين احنا لو هنفهم كل حاجة بتحصلنا ، يبقى عمرنا م هنحس بحلاوتها

وانا بحبك

ومش عايز اكتر من كده

رقية : (مبسوطة اوووووى) طب وبعد م تحبنى

محمود: هتخلص السنة دى واتقدملك

رقية: تتقدملى ! كده ع طول

انت لسه قدامك سنة ..وانا قدامى 4

محمود: ايوة كده ع طول ..اولا لانى مش هقدر استنى اكتر من كده وانتى بعيدة عنى

ثانيآ الى بيحب حد بيتمنى يعيش العمر كله معاه

ثالثآ حياتى لما انتى هتدخليها بصفتك خطيبتى ..وحبيبتى

ومراتى

هتتشرف بيكى ..لانك بنت كويسة اوى

وحلوة اوى

ومؤدبة اوى

وانا بعشقك اوى ..اوى اوى

رقية: (بتاخد نفسها بصعوبة ) حرام عليك يامحمود

مش قادرة..مش قادرة اتنفس ولا اتكلم

والنبى تبطل الكلام ده بقى

محمود: (ابتسم اوى ) طيب ياستى انا هبطل الكلام ده .. تعالى نغير الموضوع

انتى عارفه ريهام فين دلوقت ؟

رقية: اه .. فالتدريب فالجريدة

محمود: متأكدة !

رقية: اه ..ليه

محمود: طب احب اقولك ان هى ويوسف اتصالحو

ومع بعض دلوقت

وبيتفسحو كمان

رقية: (عقدت حواجبها واستغربت بابتسامة ) انت بتتكلم جد!

محمود: ايوة طبعآ ، ع فكرة هما كانو ناويين يخبو

بس انا بتصل من شوية بيوسف

عشان الاستاذ مأخدش الدوا انهاردة تقريبآ خالص..وبدور ع علبة الدوا بتاعته مش لاقيها

اتصلت اسأله اذا كان واخدها معاه ولالا

وسمعت صوت ريهام معاه

وهو الى قالى :)

رقية: طيب الحمدلله انهم اتصالحو ..اصل نفسيتها كانت تعبانة اوى وهما متخاصمين

هو انتو قالكم ايه دكتور سليم ع حالة يوسف ؟

محمود: (اتدايق) هقولك ..

=============================

يوسف وريهام نازلين من اللعبة ..

يوسف: (دايخ وماسك قلبه) منك لله يابعيدة

ياخراااااااااااااابى ياختى

ريهام: ايه يا واد الى بتعمله ده ؟! ههههههههه ايش حال م كنت صعيدى وصعيدى جدع كمان

لااااااا انا كده هغير رائي

يوسف: (بياخد نفسه بالعافيه) هقطع الخلف يابعيدة وانتى السبب ، الهى اشوف فيكى يوم

ريهام: الله ! ده انا البنت نازلة بضحك ومبسوطة

وانت نازل تعبان كده

انت اول مرة تركبها ولا ايه ؟

يوسف: (طلع من جيبه علبة دوا) روحى ياريهام اشترى ازازة ميه

ريهام: (سكتت وانتبهت للعبلة ) دوا ايه ده ياايوسف ؟

يوسف: ياست دوا مقويات وفيتامين

روحى هاتى مية متصدعنيش

ريهام: (اخدت منه العلبة وقرت الى عليها) دى دوا لمرضى القلب

بتاخدها ليه

يوسف: اقعدى افتحى مع امى التحقيق بتاعك لحد م اخلص منك هنا

ريهام: طيب طيب هجبلك المية حالا

مشيت ريهام وفهمت دلوقتى كلمته بتاعت من شوية .. دموعها غلبتها وهى بتشترى المية

بس مسحتهم وحاولت تبان عادى

واول مرة تحس انها خايفة يروح منها اوى كده ..لما عرفت الحقيقة

========================

خلود نازلة واستنت ع اول الشارع

لقت حسام مستنيها بعربيته ..

خلود: اومال فين ابويا ؟

حسام: ياستى اركبى بس وفالطريق اقولك

خلود: يعنى هو معاك ولالا؟

حسام: ايوا معايا ومستنيكى ..يلا بقى

ركبت خلود العربية ..

خلود: يعنى هو مستنينى فشقتكم ؟

حسام: هو وبابا وماما الى عايزين يتعرفو عليكى من زمان

وبصراحه بابا ما صدق باباكى ييجى عشان يفاتحه فموضوعنا

خلود: موضوع ايه ؟؟! (فرحانة )

حسام: متسبقيش الاحداث .. دلوقتى تعرفى

نزلت خلود ووقفت فمدخل العمارة

حسام: يلا عشان نطلع ..هما مستنين فوق

خلود: (قلبها انقبض) طيب بص انا هكلم ابويا واقوله انك جيت وخدتنى وانى طالعاله دلوكتى

حسام: وايه لزمة ده كله وانتى كلها دقايق وتبقى فوشه

خلود: مممم (متوترة)

حسام: انتى خايفة من ايه ؟ هو الى قالى انى اجيبك

واهلى كلهم فوق

يلا بقى يا خلود

طلعت خلود ومتعرفش الى مستنيها ، يمكن بغبائها او طيبتها ادتله المفتاح انه يستدرجها لشقته

بعد م كان مش عارف يجيبها ازاى

دخلت الشقة ودخل وراها وقفل الباب بالمفتاح !

خلود: ايه انت قفلت ليه ؟

حسام: ادخلى بس عشان تتعرفى ع اهلى

خلود : (دخلت وهى خايفه اوضه الصالون) ايه ده ؟ مافيش حد هنا خالص ؟

حسام: ايه ده بجد ! يبقى نزلو

خلاص نقعد نستناهم

خلود: نستنى ايا  (بتجرى ناحية الباب) انا همشى واستنى تحت لحد م ييجو

حسام: (وقف عالباب وضحك ضحكة وحشة كده ) تنزلى ايه بس

هى الى بتدخل عرين الاسد

بتطلع بالساهل

خلود: ايا دى فيه ايه

حسام: هقولك انا فيه ايه

===========================

رقية: ربنا يشفيه يارب ، خليكو معاه

لان نفسيه المريض لما بتتحسن

بيبقى 25% من الشفا موجود

محمود: اه طبعآ مش دكتورة ! حاااااااضر علم وينفذ اى اوامر تانية

رقية: ههههههه لا الكشف الجاى بقى

محمود: بس انتى هتتخصصى اطفال ، هنيجى نكشف ازاى بقى ؟

رقية: ابقو ارجعو عيال تانى اكشف عليكم واتدرب فيكم واكبرو بعدها

محمود: ههههههههههههه عيوننا ليكى ياستى هو احنا عندنا كام روكا

رقية: (ابتسمت بخجل وضحكت ضحكة خفيفة)

محمود: ضحكتك حلوة وكسوفك حلو ، وكلك ع بعضك حلو

اقولك حاجة ..

رقية: لا متقولش لانك بجد بتخلى اعصابى فالارض بسبب كلامك

محمود: بجد يارقية ! انتى غريبة اوى

يعنى معقول فيه لسه بنات بتتكسف واعصابها بتبوظ بسبب كلام !

رقية: اه والله ..انت مش عارف كلامك ده بيخلينى عاملة ازاى

محمود: افهم من كده ان محدش قالك قبلى انه معجب بيكى وبيحبك ؟

رقية : (سكتت مدة مش طويلة )

محمود: (اتعدل فقعدته واتغيرت نبرة صوته لغيرة ) ولا فى يارقية ؟؟!

ياريت تقوليلى

====================

خلود: حرام عليك انت عايز منى ايه ؟؟

حسام: ولا حاجه .. انتى ايه البراءة الى انتى فيها دى

عشان كده انتى عجبتينى

غلبانة و ع نياتك

خلود: (بتعيط) طيب نزلنى بالله عليك ، هو انا عملتلك حاجة تأذيك

حسام: يابنتى انا هخليكى بدل العيا ده تزغرطى ..واعرفك الدنيا الى انتى محرومة منها

يلا بقى قوليلى

انتى من جوه برضو عاملة زى وشك كده

ولا امورة (بيمد ايده عليها)

خلود: اوعى ابعد عنى (بتجرى) قسمآ بالله لو م فتحت الباب ه..ها

حسام: هتعملى ايه ؟ ها قوليلى

خلود: (بتعيط بحرقه) حرام عليك ده انا مصدقت حد حن عليا وحبنى وكويس معايا بعد وحدتى

تقوم تطلع دى غايتك منى

حسام: اومال كنتى فاكرة ايه يا لوزة ! م تبصى فخلقتك فالمرايه

انتى لو طلعتيلى فالضلمة هتخضينى

اصحى كده وفوقى للكلام

انا هدلعك وهعملك الى نفسك فيه واكلك واجيبلك هدايا وانتى بقى ... ها!

خلود: (بتعيط وبتلطم ) هو انت مالقيتش غيرى

م حواليك بنات الجامعة كلهم حرام عليك

حسبى الله ونعم الوكيل فيك

حسام: بنات الجامعه ! انتى هتساوى نفسك بيهم

ياماما دول ع مستوى قمرات بقى وشايفين نفسهم وطلباتهم كتيرة

لكن انتى ب 35 جنية الواحد بيمنجهك وبتشوفيها الدنيا ومافيها

اومال انا عملت ده كله معاكى ليه

 انا دفعت تحت الحساب كتير .. وجه الوقت الى تردى فيه المعروف

خلود: يعنى انت مش قريبى ولا تعرف اهلى ولا ..

حسام: اهلك مين ياام اهل ، هو انتى حد يعرفك

ده صاحبى بيخاف منك

دى حدوتة وانتى بصراحة كتر خيرك سهلتيلى المدخل عالاخر

هههههههه اصل بصراحة انا مشوفتش فحياتى سذاجة بالشكل ده

خلود: طب سيبنى بالله عليك ..وليك عليا كل الفلوس الى انت دفعتهالى

اول م ابويا يبعتلى

حسام: خلص اللكلام..دلوقتى هتدفعى

وبالطريقه الى انا عاوزها

جرى وراها وهى تجرى وقعت عالارض وجه عليها وشد بلوزتها اتقطعت وهى بتعيط وبتقاوم

وبتبعده عنها وبعدين لما وقعت ف فازة وقعت عالارض وهى بتجرى زحفت واتناولتها وضربته بيها ع دماغه

حسام: ااااااااااااااااه (نزل دم)

خلود قامت تجرى وجابت مصحف من شطتها بسرعه وحطته فوشه

خلود: بحق لا اله الا الله تطلعنى من هنا !!

حسام: (قدام دموعها وانكسارها ولما علت المصحف فوشه حس انه عاجز وفجأة كل قوة فيه اتشلت ..ومن غير م يحس استجاب لرغبتها وفتح وسابها تمشى ! )

===========================

ريهام ويوسف خلصت فوسحتهم من الملاهى وخارجين خلاص ..

ريهام: انت ازاى متقوليش ؟

يوسف : (بيستعبط) مقولكيش ع ايه

ريهام: انك تعبان بقلبك ..وبتتعالج

يوسف: اولا الموضوع عادى جدآ ، كل الناس عيانة

مخربتش الدنيا

متكبريش الموضوع وحياة ابوكى ..وخلينا ففسحتنا

جوعتى صح ؟!

ريهام: (بصت حواليها وقالت بدلع) بصراحه اه

يوسف: وانا مش هأكلك بصراحه ..امشى انجرى قدامى

هو انا فاضيلك

ريهام: ههههههههههههههههههههههههه

======================

رقية: (اتنحنحت) لا مافيش يا محمود

وع فكرة بقى انت عطلتنى عن مذاكرة كتير اوى .. وبقالنا مدة طويلة بنتكلم

محمود: (اتنهد بارتياح ان مافيش حد قبله) طيب ياستى

بصراحة من اجمل مكلماتى معاكى

خدى بالك من نفسك ومن مذاكرتك يا حبيبتى

وع فكرة

انا هبقى اتصل بيكى كل يوم اتطمن عليكى ..

رقية: كل يوم ! محمود ..مش هينفع

محمود: خلااااااااااص انا بقولك بس مش باخد رائيك

مات الكلام ع رأى يوسف

رقية: (ابتسمت) اوك بس من غير م نعطل بعض

انت كمان خد بالك من مذاكرتك

تصبح ع خير

محمود: وانتى من اهله حبيبتى

قفلو محمود ورقية وهما فمنتهى السعادة ، لكن كان فيه شخص تانى فاكتر لحظات فحياته فمنتهى التعاسة

خلود L

نزلت تدور ع تاكس وشاورت لواحد ووصتله المكان الى فيه السكن ..وهى هدومها شبه متبهدلة وبتعيط جامد وضمه ايدها ع صدرها من الخوف

ركبت وبعد م وصلت مكانش معاها من حق التاكسى كففاية ..بس السواق حن عليها ورضى باللى دفعته لانها صعبت عليه

رغم انه ميعرفش ظروفها

بس منظر خلود كان يصعب ع اى حد

طلعت فوق والتعب بينهش فيها ، لدرجه انها طلعت عالسلم فوقت طويل وبتتسند

يدوب دخلت الشقه ومنها ع اوضتها ، واترمت عالسرير

تعيط بحرقه

المجهود الى عملته عشان تتخلص من حسام زائد التعب الى هى فيه من الصبح

فالمحاضرات من غير اكل ولا حتى فطار ! :/

ده غير حرقة قلبها عالى حصلها خلاها تعيط جامد من غير وعى ..غابت عن الوعى وهى مرمية ع سريرها بهدومها !!

فالوقت ده ريهام كان وصلها يوسف للسكن ومعاها علب بيتزا كبيرة ودبدوب كبير وكيس مليان شيكولاته

وبتخبط عالشقه وهى بتدندن وفتحتلها جهاد ..

جهاد: خير يارب ..ايا ده كله

سرقتى مين

ريهام: (باستها) ازيك ياجوجو ..امسكى منى عشان تقال اوى

جهاد: (بتبص عالدبدوب الكبير) ايا الكائن ده

ريهام: تعالى بس ونادى ع روكا

يا روكااااااااا روكاااااااااااا

طلعت رقية من اوضتها ..

رقية: الله الله ايه الروقان ده كله .. وبيتزا وشيكولا

وكمان دبدوب احمر

احنا فالفالانتين ولا ايه ؟؟

ريهام: (حضنت رقية ورقصت معاها) انا

انهاردة

اسعد بنت فالعالم

جهاد: ليه قرو فاتحتك ياك يا مشتوتة

ريهام: نووووووو ..تعالو تعالو نتعشى

انا مرضتش أكل برة لحد م اكل معاكم والله العظيم

جهاد: ياسلااااام اصيلة يا طاعون والله ..فيها ايه العلب دى

ريهام: دى بيتزا لينا كلنا وبكل الانواع عشان الى مش بياكل حاجه يلاقى غيرها

يلا يلا

رقية: طب مش ننادى خلود تاكل معانا يا جماعه ؟

جهاد: استنى انا هخبط عليها

ريهام: اوووف لو خلود اكلت انا هقرف اكل ..انا بقولكم اهو

جهاد: لمى روحك لا الى فيها يصبح فيكى الصبح

بتخبط جهاد ع اوضة خلود مردتش ..

جهاد: تلاقيها نامت ..نشيل نصيبها ونديهولها الصبح

رقية: احكى بقى مين جابلك الحجات دى ؟؟

ريهام: هيييييييييييح يوسف حبيبى ^_^

جهاد: (بتاكل) واه! يوسف الى قالك انك مش مربايه وطردك اشر طردة

بقى حبيبك

ولسه ياما هنشوف ..ارفع مقتك عنا يارب

ريهام: جه واعتذرلى يا رخمه ياجهاد ..وفسحنى وروحت الملاهى

وكلنا ايس كريم

وجابلى الحجات دى ووصلنى لحد هنا

جهاد: ياسلاام وجه واعتذر قوم انتى سامحتيه ع طول .. اومال البكا والقرف الى كنتى قرفانى بيه كان ايه يابت

صح صدق الى قال

قلوب البنات قلوب كلبة !!

رقية: اهم حاجة انك مبسوطة (حضنتها)

ريهام: اوى اوى ياريكو .. بحبه اوى والله

(بصت ع رقية) بس انتى كمان شكلك مبسوط

اكيد مش رد فعل البيتزا ده

رقية : (غمزتها عشان جهاد) لا طبعآ عشان معاكى شيكولا كتيييييير من النوع الى بحبه وهاكلها كلها منك

جهاد: مش عارفه ايه حبكو فالشيكولاته ديتى

ريهام: البنات المرهفه المشاعر القمامير بس الى بيحبوها

لكن الغفر الى زى حضرتك آخرهم ملبن بتاع حلاوة المولد :P

جهاد: ياشيخه (بصلها بقرف) الهى يارب ياريهام اصحى الصبح الاقى مناخيرك 6 اخرام عشان لا يوسف ولا غيره يبصو فوشك تانى

رقية: هههههههه هموت واعرف بتجيب المصطلحات دى منين ياجوجو

قضو الليلة ضحك وكلام ورغى ورقية حكت لريهام ع الى حصل وريهام برضو .. وخلصت الليلة ونامو

بس الفجر بقى صحيت جهاد تصلى زى م اتعودت بعد الى حصلها ..

لاقت رقية صاحية وبتتوضى

بس ملاقتش خلود صحيت تصلى زى كل يوم ؟!

دخلت جابت حتة البيتزا الى مخلينها ليها وخبطت اوضتها ولاقيتها مردتش !!

جهاد: اومال كل ده نوم يا خلود ؟! فتحت الباب

لاقتها نايمة ع وشها بهدومها !

جهاد: (بتهزها) واه انتى من امبارح بلبسك يا خلود؟

خلود !

خلود اصحى يابت افطرى طيب تلاقيكى اتعشتيش ياعقلى

خلود

بتهزها ومافيش رد فعل

جهاد: (بخضة) واه ! خلود ..خلود !!

بتبص عليها لاقتها مش حاطة منطق !!

يابوووووووووووووووووووى الحقوووووووووونى يابنات

خلود ماتت !!

خلود ماااااااااااااااااااااااااااااااااتت :'(

:'(

===============

استنونا بعد بكرة يافانز

ضميت حلقتين برضو عشان نلحق نخلصها قبل امتحاناتكم ..ربنا معاكم J

#بقلمى_نوراسماعيل

#قصاقيص_ورق