¸.•'´¯`*•.¸¸.¸.• قـصـاقـيـص ورقــ .¸.•'´¯`*•.¸¸.¸.•'´ حلقة(18

رواية ..

لينك ح 18 عالمدونة 

=======================

محمود: هايدى !!

هايدى قامت هى وصاحبتها واتخضت لما لاقت محمود ..

هايدى: (بخوف ) فيه حاجة يامحمود

محمود: مالك مرتبكة ليه ؟

هايدى: لا عادى ..اصل يعنى من سنين انت مجتليش هنا

محمود: (اتصنع ابتسامة) وفيها ايه لما اجيلك

هايدى: (مستغربة)

محمود: ع فكرة ..انا مش زعلان عاللى عملتيه مع رقية ، وجاى بنفسى اشكرك

هايدى: (بصت لصاحبتها) تشكرنى ؟ تشكرنى ع ايه

محمود: ع انك وفرتى عليا كلام كتير 

بينى وبينك انا كنت عايز اخلع

هايدى: (بفرحه) بجد!!

محمود: اه (بص تحت رجله وهو متوتر ) ودى بقى كلمة الشكر الى احب اعبرلك بيها

وطرااااااااااااخ :o :o :o

القلم نزل ع وشها !!

من شدته طوح راسها ، واتألمت منه جامد واتخضت صاحبتها الى معاها.

وخرجت برة وهى بتجرى ومذعورة

هايدى: ايه ده ! انت اتجننت

محمود: اوعى تلعبى معايا اللعبة الوسخة دى تانى ! (بنرفزة وبصوت عالى ) انتى فاهمة !!

هايدى: لعبة ايه م تفوق يا محمود ، دى واحدة تليق بيك

محمود: وانتى مالك ..انتى داخلك اييييييييييييييييه !!

دى واحدة بنت ناس

بس بنت ناس ع حق

مش زيك

كنتى عاملالى فيها بنت ناس وانتى اصلا بنت كلب !

هايدى : (دموع) محمود انا مسمحلكش

محمود: تسمحى ولا متسمحيش

مانتى سمحتى ياهانم

تحبى اقول كنتى بتسمحى بأيه معايا؟

تحبى اقول انتى بنت ناس لحد فين ؟؟ ولا تحبى اخليكى متعرفيش تورى وشك لحد هنا لما افضحك واقول ع حقيقتك

زى م هززقتيها هناك ياحتة زبالة متسويش

هايدى: انا !! بتشتمنى انا يامحمود؟

فيه طلبة اتلمت وواقفين..

محمود: انا بحذرك ..ولاخر مرة، مالكيش دعوة بأى حاجة تخصنى

والا والله

هتكونى انتى الجانية ع روحك

وانتى فاهمة كويس اوى كلامى

سلام ..يابنت الناس المحترمين

جت صاحبتها ومعاها الامن ..

صاحبتها: اهو هو ده مش من الجامعه ودخل ضربها 

الامن جاى عليه ومحمود ارتبك

هايدى: لالالالا ده ..ده  

خطيبى

ومضربنيش ولا حاجة

صاحبتها: انتى بتدافعى عنه ياهايدى ..لا ضربها حضرتك اهو

وشوف الكارنية بتاعه

مش تبع الجامعه بتاعتنا

الامن: لو سمحت ورينى الكارنية 

شافو الكارنية وطلع كلام البنت صح

الامن: طب اتفضل معايا حضرتك مينفعش تكون فالجامعه هنا الا لامر ضرورى..

محمود ماشى وهو بيبص لهايدى وبيتوعد لها وهى قعدت ومقدرتش  تعيط

الجباروت الى جواها كان اقوى من الهزيمة

بس ياعالم الدنيا هتتصلح تانى ازاى مع رقية ؟

====================

الوقت عدى سنين ع  رقية ، انجرحت بجد

عشان بتحبه اوى

مش قادرة تركز فاى حاجة ..حزينة وبتعيط فاوضتها

ومأكلتش من ساعة م جت من الكلية ..نايمة فسريرها

وبتعيط ومغطية وشها بالمخدة

...حتى ريهام كانت فالتدريب بتاعها مش مركزة ومتدايقة عشان رقية ونفسها تاخد بحقها

بس هى عندها احساس ان محمود مظلوم بس مش عارفه تعمل ايه .

لكن جهاد بقى كانت قاعده فأوضتها مع خلود بيتككلمو شوية ويذاكرو شوية وجه لجهاد فون .

جهاد: (بتبص للرقم) خير اللهم اجعله خير يارب

خلود: مين يا جهاد ؟

جدى فاطمة ..فاكراها

سبحان الله من يوم جوازتها مكلمتنيش

خلود: طب شوفيها عايزة ايه ؟

جهاد: (لاوت بوقها) سلامو عليكم

فاطمة: وعليكم السلام ازيك ياجهاد عاملة ايه وحشااااااانى قوى قوى 

جهاد: امانة صح يافاطمة وحشاكى !! غريبة يعنى؟!

ده انتى من يوم فرحك ومسحتى جهاد من حياتك باستيكة

مكانش عيش وبامية الى واكلينهم سوا

فاطمة: حقك على والله لو تعرفى ظروفى لتزعلى عشانى

جهاد: ليه ازعل مش جوزك حبيبك وطيرتى عالجوازة كأنه اخر راجل فالدنيا وبقية الرجاله كلاب عالارض

وفرحتى (بتتريق)

فاطمة: والله عرفت انى كنت غلطانة ومعرفعقلى كان فين ..ده ع طول يضربنى ياجهاد وامه تزعقلى وسلايفى يعملولى مشاكل من تحت لتحت

وساحب من التلفون

وع طول شغل فالبيت من اول م اصحى لحد م انام مدراش بروحى

جهاد: ربنا يعينك يابتى ، هقولك ايه انتى الى اختارتى

قعدنا نقولك بلاش جواز دلوك

قولتيلى شبه عزت العلايلى وهاخده يا جهاد حصل ولا حصلشى

فاطمة: ده كمانى عايزش اكمل كليه

جهاد: اللهم صل عالنبى !! لا انتى لو قعد يقولك لا عالكليه هاتى يابت اكبر سكينه فمطبخك وافتحى كرشه 5 كيلو لقدام بلا بلاش كليه

رجاله داخل عليها دم صح

جاه تمساح

فاطمة: تدعيش عليه يا جهاااااااد امانة

جهاد: لا حول ولا قوة الا بيك يارب ! مامطفحك الربراب وبردصعبان عليكى

آمنت بيك يارب

فاطمة: م اصل لازم ازعل عليه مش جوزى ..وابو ولدى 

جهاد: والله !! حامل يابت يافاطمة ؟

فاطمة: ايوا عقبالك ياجهاد

جهاد: انا لا هتجوز ولا عايزاه انا زى الفل كديتى..اهم حاجة خدى بالك من صحتك

والى يقولك بم

قوليله بمين

وتخافيش من حد

ماشى ..وخفى نوم وكسل لتنسى انك حامل تصحى تلاقى نفسك حامل ف 18 شهر :/

فاطمة: هههههههههه والله اتوحشتك ياجهاد .. اقولك انا هقفل عشان جه

ونبقى نكلمك تانى ماشى

جهاد: ماشى يا بتى ..مع السلامة 

قفلت وقعدت تمصمص بشفايفها ..

جهاد: النبى صعبت على ! يلا كل واحد بياخد نصيبه 

====================

" انتى ايه ؟ حريقة !! لاقيتى الجو مولع نهدى ولا نشعلل يا بوتوجاز

ريهام: والله يايوسف لو جيت وشوفت حالة رقية كانت عاملة ازاى كنت هتعذرنى

يوسف: محمود مظلوم ..والحرباية دى كدابة

ريهام: يعنى انت عارف الحكاية ؟

يوسف: ايوا عارف ياقدرى .. اقول ايه بس حسابك معايا بعدين ياريهام

ريهام: وانا ايش عرفنى انه مظلوم !! 

يوسف: بصى تحكيلى بالظبط الى قالته البت دى لرقية عشان الصورة توضح ليوسف خلينا نشوف هنعمل ايه ؟؟

ريهام: حاضر ..بص ياسيدى اتصلت بيها وقالت لها عايزة اشوفك .

========================

محمود: ارجوكى اسمعينى (عيونه حزينه) والله العظيم مظلوم

رقية: (من تحت المخدة ) بص انا فتحت بس ع اتصالك بعد م رنيت اكتر من 70 مرة وانا بصراحة مش عايزة اشوف رقمك ده عندى ماشى

وانسى اى حاجة فيوم كانت بينا

عشان ميشرفنيش

محمود: (كشر ومسح عنيه) رقية انا بحبك ..ادينى فرصة

فرصة واحدة

والله انا معرفش هى قالتلك ايه

بس عارف انها عايزة توقع بينى وبينك عشان بحبك

رقية: اه عشان حبيبتك فخافت اخد منها الجو ..اسمع

انا مش عايزة اسمع صوتك نهائى

ولو اتصلت تانى هتصل بحمزة اخويا واديله رقمك واقوله انك بتعاكسنى .. عشان تقطع الامل نهائى

محمود: رقية .. رقية (قفلت السكة)

بيحاول يرن تانى لاقاها قفلت الفون ! 

عبده دخل الاوضه لقاه بحالته دى ..

عبده: طب اتكلم !! هو انا مش صاحبك زى يوسف؟

محمود: اتكلم اقول ايه بس .. (فيه دموع فعينه بس مش ععايز يبكى ) انا الغلطان من الاول

عبده: فيه حاجة حصلت معاك فاجامعه ؟

محمود: (بص له لانه ميعرفش باللى بينه وبين رقية ) الموضوع كبير يا عبده ، ياريتها تيجى عالجامعة

مكنتش تعبت

انا انهاردة حلمى اتدمر

حلمى الوحيد فالدنيا

عبده: (كشر هو كمان وبص فالارض ) ومين سمعك !! كلنا فالهوا سوا

جه يوسف من برة ..

يوسف: ايه ده !! ايه الوشوش دى ؟ لااااااا فوقو معايا كده 

محمود: (اول م شاف يوسف جرى عليه) لو راحت منى هقتل هايدى

اقسم بالله هقتلها

يوسف: اصبر اصبر ..انا هحكيلك الى قالته انا عرفت من ريهام ماشى ، وفالطريق جاتلى فكرة انا وريهام عشان تتصالحو

محمود: (عمل حركة بعدم الامل) مش راضية تسمعنى

ولا طايقة تشوفنى

وهدددتنى هتقول لحمزة اخوها 

عبده: هو الموضوع ع مين يا جماعه ؟

يوسف: (بص لعبدالرحمن) دايمآ تيجى فأخر الفيلم انت

هحكيلك وبعدها تسمعو الى هقوله بالحرف ماشى ؟

================

ريهام بتخبط ع باب اوضه رقية لما رجعت من برة ..

ريهام: روكااااا ..حبيبى (شالت المخدة من ع نيها)

ايه بس كل العياط ده

رقية: سيبينى يا ريهام معلش لوحدى

ريهام: طب بس قومى انا عاوزاكى ..بصى جبتلك ايه

شيكولا جلاكسى الى بتحبيها وجبت لبان ومصاصة  كمان يلا هيصى

رقية: مش عايزة حاجة ، معلش اطفى النور وسيبينى

ريهام: لا مش هسيبك ..وشيلى المخدة دى من ع نيك وبصيلى

(مسكت وشها وبصتلها)

للدرجة دى بتحبيه ؟! (بحنيه)

رقية: (انهارت) اوى ... اوى ياريهام (بتعيط فحضنها)

ريهام: وهو كمان بيحبك اوى ..وع فكرة انتى ممكن تكونى فاهمة غلط

يوسف قالى ..

رقية: (قاطعتها) ويوسف بقى الى قالك تقولليلى نفس الفيلم انه مظلوم وانها كدابة

فعلا انا خلاص فهمت كل حاجة .. عندها حق

هى امورة جدآ وشيك

وستايل

وانا تحفه

ريهام: انتى زى القمر بردو وبنت ناس..هو يطول عيلة سلمان فالاسماعيليه بحالها

وبعدين لبسك مش وحش ولا حاجة

انتى متدينة وليكى ستايلك الخاص الى بيميزك ولبسك كله غالى وشيك

هى واحدة حيوانة وقليلة الادب

رقية: وتخينه ووحشة مش كده !

ريهام: لا مش تخينه ! احم

او عايزة تخسى شوية ..بس بصى مش دى المشكلة 

محمود بيحبك كده

وفضلك عليها ياعبيطة

رقية: ليه يحطنى فالموقف ده ؟! ليه يخلى واحدة زى دى تستهزق بيا

ليه ادالها رقمى

ريهام: بصى يوسف بيقولى انه بيحلف انه مش ادى لحد رقمك غير مامته وانه مش عارف الزفته دى عرفته منين

رقية ..

انتى عاقلة

لازم تكون عادلة فقراراتك

هو كان بيحب

وانتى كمان كنتى بتحبى 

رقية: (بصتلها وفاهمة عايزة تقول ايه)

ريهام: انا مش بقولك طبعآ انك تروحى تقوليله ع رامز .. لان يمكن ده الغلط الى بنوقع فيه كلنا

يمكن من هبلى حكيت ليوسف فمرة من المرات ع معتز والى قبله

ويمكن ده الى مخليه فاكرنى مش محترمه

بس عايزة زى م اديتى لنفسك الحق تحبى وهو كمان كان بيحب

رقية: ماشى..بس ازاى خطيبة اخوه

انا هتجنن

ايه مقدرش يخطبها خلى اخوه يخطبها عشان تبقى معاه ، ولا اخوه حبها الاول وهو بيحبها واخوه خاطبها

فاهمينى ياريهام عشان هتجنن

ريهام: والله م اعف..بس انا رائي انك تسمعى منه

رقية:( قامت من عالسرير وخارجه للحمام) انا مش هسمع حد ولا عايزة اعرفه تانى

خلاص

هى كده جابت الاخر

ريهام: راسك ناشفه يارقية.. روكا اسمعينى 

===============

محمود: وانت عايز نعمل الموضوع ده امتى ؟

يوسف: بص ، ريهام قالتلى ان السيكيورتى بيمشى الساعه 12 والست بتقفل الباب بعدها

بعد كده بقى احنا نبتدى اللعب

عبده: بس ممكن نعملهم مشكلة يايوسف ، انا مش مطمن

يوسف: ياعم امشو ورايا وكل حاجة هتظبط، ولا انت عاجبك شكله

ده قرب يموت

محمود: (اتنهد) انا شكلى موتت فعلا

عبده: ايوا والله ..اكبر وجع لما الى بتحبه تحس انه هيروح منك

يوسف: انتو هتقعدو تعددو قصاد بعض!

ها تمام الفكرة ندوس يامعلم 

=======================

الوقت عدى .. وجه وقت تنفيذ الخطة !

يوسف اتصل بريهام وهى بتنفذ باقالخطة معاهم .

ريهام:ريكو .. تعالى نقعد فاوضه جهاد ..اهو نشم هوا بدل حبستك دى

رقية: معلش ياريمو مش عايزة اقعد مع حد

ريهام: يووووووه قومى بقى متبقيش عندية

تعالى يمكن تقول كلمة من كلامها الدبش تضحكك وتفك عنك

رقية: متبقيش زنانة ياريهااااااام (بتشدها بالعافيه )

ريهام: يلا يلا

اخدتها وقعدو جوه وحاولت ريهام تشغلها ، لحد م وصلو ال 3 تحت السكن 

ريهام: انا هقوم افتح الشباك لحسن اتخنقت

جهاد: ياملكومة عندى نازلة برد الله يجيكى ضربة !

ريهام: م تحلى بقى يا جهاد  ..الى زيك بيفضل زى ماهو كده

(وقفت تبص فالشباك ولاقتهم واقفين غمزت ليوسف وراحت نادت ع رقية )

ريكو ريكو تعالى اوريكى حاجة 

رقية: مش عايزة اقوم يا ريهام ..فيه ايه عندك

ريهام: يابت تعالى هوريكى الواد الى بيعاكسنى كل يوم 

جهاد: قومى توريكى لحسن تموت دلوك (متغطيه ومش هتقوم )

رقة: (قامت تبص ولاقتهم واقفين وريهام حطت فونها ع ودن رقية ع طول)

محمود: (ماسك ورد احمر وواقف مكسور وهما وراه)

انا لو قعدت لحد بكرة وانتى زعلانة منى يبقى مش هعيش

او هبقى عايش ميت

رقية: (اتخطفت اول م شافتهم ولصوت محمود ففون ريهام) انتو بتعملو ايه هنا

محمود: جيت اصالحك ، اعمل ايه

قالولى اغلى حاجة عندك هتضيع .. وانا مقدرش انها تضيع واقف ساكت

رقية: _____________

محمود: ارجوكى اسمعينى ، والله العظيم مظلوم

انا هقولك كل حاجه ..هى بتعمل كده عشان موضوع كبير انا خوفت احكيهولك تبعدى عنى

بس من هنا ورايح هقولك كل حاجة والى يحصل يحصل

انتى هتبقى مراتى يارقية .. ولازم تعرفى كل حاجة عنى (عيونه فيها حنيه وباصصلها)

رقية: (دموعها نزلت ومسحتها) بس انتو لازم تمشو 

محمود: مش همشى غير لما تسامحينى ..وتقوليلى بجد انك مش زعلانة

يوسف: (بيبص حواليه) طب نخلص عشان الناس 

رقية: مش هقدر ..

محمود: يارقية ..انتى عمرك م كنتى وحشة او قاسية

انا حبيبك يارقية

والله م هعمل حاجة تانى تدايقك

انا خدتلك حقك وبهدلتها قدام كل الناس فالجامعه بتاعتها

كل الدنيا تهون قدام دمعه من عيونك يا رقية 

ريهام: (بتكلمها بهمس ) خلاص بقى ياريكو

محمود: لو راضيكى ذللى ليكى فالوقت ده بترجى تسامحينى ، يبقى براحتك

(قعد عالارض)

وانا مش همشى والى يحصل يحصل

يوسف: ههأو رميو قعد علارض، قوم ياخويا

كفاية سياح لحد كده (بيشاور لفوق بايده لرقية) لمى الدور يا دكتورة 

كده شكلنا بقى وحش وهنبات فالقسم اقسم بالله

رقية: (ابتسمت ع يوسف) خلاص يا محمود قوم ، مسمحاك ^_^

محمود: بجد ! قولى مسامحاك من قلبى 

رقية: مسمحاك وخلاص 

ريهام: ياست ريحيه ..اخلصى منظرهم وحش

محمود: هاااه

رقية: مسمحاك من قلبى 

محمود: ( قام ونفض هدومه وابتسم وبعتلها بوسه فالهوا ) انا بموت فيكى ، افتحى فونك بقى

رقية: يلا امشو قبل م حد يطلع ويعمل ليكو ولينا مشكلة 

ريهام : (خدت منها الفون ) هاتى هاتى .. محمود ادينى يوسف

يوسف: طب والورد ده هتاخدوه ازاى ؟ ولا نحطه هنا ع جنب :P

ريهام: لالالالا هاتهولى معاك بكرة ياجو ^_^

يوسف: بردو انا اجيبليا جميل ورد بتاع ناس تانيين بيقعدو عالارض زى الشحاتين !

انت ليك مخصوص

ريهام: هههههههههههه تسلملى يا كبييير

مشيو بسرعه ويوسف بيقولهم البوكس ع وصول وبيضحكو..

اتدورو البنات لقو جهاد قاعدة حاطة ايدها ع خدها ولاوية خلقتها ..

جهاد: خلص فيلم شحات الغرام !! اقعدى يا حلويات منك ليها

وتفهمونى ايه الحكاية كـــلها !!

رقية بصت لريهام ..

ريهام: طب بصى سيبى روكا ناو ..وانا هقولك كل حاجة يا جوجو

جهاد: تعالى ياعقرب قلبى ..احكيلى 

======================

,وتانى يوم زى اى بنوتة بتحب حبيبها لازم دور وكيل النيابة يطلع ، ولاول مرة يقلوحدهم فحتة ويتكلمو

ويحكيلها كل حاجة عن علاقتو بهايدى لحد م بقت خطيبة اخوه !!

وكان ده تعليقها ع كل الى اتقال ..

" لازم تقول لاخوك ، دى بنت مش محترمة وهتشيل ذنب اخوك طول عمرك"

محمود: نهايتها قربت هايدى متقلقيش..بس ربنا يجيبها سليمة مع عمر لانى بجد ماليش غيره 

-----------------------------------------------------------------------------------------------------------

وتعدى الايام وتفوت ..

والترم قرب عالامتحانات .. علاقة روكا ومحمود بقت احسن وهايدى عماله تأجل فالجواز

يوسف وريهام قربو لبعض اكتر ..بس مافيش جديد :/

وخلود بقت صاحبتهم اكتر..بس لسه بتروح الجامعه وهى خايفة لتشوف حسام

اما جهاد فهى طناااااش يا دنيا عمار يا دماغى اهم حاجة مذاكرتها وبس

بس عبده فالفترة دى عرف ان سهيلة رفضت العريس وده الى شجعه انه يتحمس ويجيب تقدير عشانها وعشان قدرت حبه

وعشان يروحلها فمعاده ..

وفيوم يوسف وريهام كانو سوا بيتمشو ..

يوسف: بقالىكتير منزلتش البلد ، وخايف انزل انسى نفسى وانا عندى عملى تربوى اليومين دول

ريهام: ممكن تسقط يعنى 

يوسف: اه

ريهام: وانت عايز تنزل عشان اهلك واحشينك..ولا ايه

متقوليش ريست

انت حياتك كلها ريست هههههه

يوسف: ياشيخه بطنى وجعتنى من اكل الشوارع ، ويلا سلاام انا اخرى كوبايه نسكافيه

وعمك محمود كذلك

لكن لما عبده بيحب يتفلسف ويطبخ

الله تاكلى ويجيلك تلبك معوى ع طول

ريهام: ههههههههه ايه ده ..طب واحنا روحنا فين ؟؟

يوسف: ازاى

ريهام: بص سيبها عليا ، احنا هنتكرم ونعزمكم ع احلى غدا تاكلوه فحياتكم

يوسف: اه صحيح انا ناسى !

ايوا اعزمونا

ردو الجمايل يا كلاب

ريهام: يخربيت لسانك الطويل ، قولنا هنعزمك

وكل واحدة هتطبخ ..الله

ده هيبقى يووووم 

يوسف: طب هنحدد ع امتى ؟

ريهام: اشوف البنات واكلمك

=================

جهاد: كالعادة وبكل سعادة ..تدبس هى وتدبسنا معاها

رقية: هههههه مجاتش من عزومة عادية يا جوجو

جهاد: ايوا ماانتى جاى ع مرامك ..مش حبيب القلب هياكل بردك

كلهم سم كلهم

ريهام: حرام علييييييييكى

خلود: طب ايه رأيكم كل واحدة فينا تعمل اكلة بتاعة بلدها ..يعنى بقية البلاد محدش يعرفها

فاهمينى

ريهام: اه طبعآ

خلود: انا هعمل فتة ملوخية بالشطة واللحمة ..متعرفوهاش صح

جهاد: لاه.. طب وانا نعمل ايه 

ريهام: انتى مش مامتك لسه باقى من اللحمة الى بعتتهالك ؟

جهاد: ايوا

ريهام: خلاص اعملى البتاع ده الى عملتيه السنة الى فاتت

الى مامتك بتعمله

اسمه مرباين

مرؤؤس

جهاد: ااااااه مراجيس يا متخلفه 

ماشى

رقية: وانا هعمل رز معمر 

ريهام: ممممممم وانا بقى بما ان معندنش حاجة نشتهر بيها يعنى زيكم ..هعمل بطاطس بالفراخ

زى م عملتهلكم قبل كده

رقية: اااه بس اوعى تنسيها فالفرن وتحرقيها ، دى رايحة لجو ههه

ريهام: لا ازاى هاخد بالى طبعآ

اتحدد اليوم !

وكله البنات شادة الهمة ، من الصبح وريحة الصوانى والاكل مية مية طالعه من الشقه

خلص الاكل وكل واحدة بقت ع سنجه 10 واتفقو كلهم يلبسو لون موحد عشان يبقو طقم واحد

واتفقو يتقابلو فجنينة عامة ، واستقبلوهم الشباب ال3 

يوسف: الله الله .. شكل الاكل كده هيغلب اكل ام يوسف

محمود: (بيسلم عالبنات) ايه ده انتو مطقمين نفس اللون

ريهام: (ضربت يوسف فكتفه) شوفت اخد باله مش زى ناس طفسه وخلاص !

عبدالرحمن: طب يلا عشان احنا من بدرى مش عايزين ناكل عشان نعرف ناكل معاكم ، بس من قبل م ناكل تسلم ايديكم انكم تعبتو لينا اصلا

رقية: بالف هنا 

ريهام: دى مراجيس عملاها جهاد ..

محمود: ايه ؟!

جهاد: ايوة اعملو فيها الاجانب ! مانتو صعايدة زيينا زيكم

دى طاجن كوسة باللحمة الضانى بالفرن وبيتقطع عليها عيش من فوق منه فبعضه يعنى

يوسف: اسمه ملذوذ يا غباء

جهاد: بس بلا ملذوذ بلا مهموز اسمه مراجيس..هتعرف اكتر منى 

محمود: خلاااااااااااااااااص صلينا عالنبى اسمه الاتنين، بس بلاش تاكل منه يايوسف عشان قلبك

ده بلحمة ضانى

يوسف: ياعم خليها عالله (شمر وابتدى ياكل)

ريهام: انا عاملة البطاطس يا جماعه 

عبده: حلوة اوى الفتة دى ..وغريبة انا مكاتش زيها ف حياتى 

خلود: (بكسوف عشان مبتتعاملش كتير معاهم) دى فتة بالملوخية احنا ع طول نعملها فاسوان

محمود: بصراحة الاكل كله هايل ..وانتو قمرات (بيغمز لرقية)

رقية: (بتضحك بكسوف) 

يوسف: انا خايف اكتر من اكل جهاد لا تكون حطالى سم فيه :P

جهاد: طب نقوم نقلب الوكل فوق دماغه ولا ايه عشان نخلصو 

ريهام: ههههههههههه متستفزهاش يا جو بقى 

خلص الاكل وغسلو ايديهم .. وكان الشباب جايبين عصاير وكانزات بيبسى وقعدو كلهم يشربو 

يوسف: ياااااااااه الواحد كان بقاله كتير بطنه ناشفه ، ايوة كده 

محمود: لا وانا اطمنت ع مستقبلى فالبيت ، انى مش هاكل برة (بيبص لرقية)

رقية: ههههههههه عادى يعنى فيه احلى من كده مش تشكرو عشان منتغرش

محمود: (بيبص ع خلود) خلود انا اسف فسؤالى ، انتى مروحتيش لدكتور عشان يشوف موضوع وشك ده

انا اسف والله

بس بسأل زى اخوكى

خلود: لاعادى انا مش زعلانة ..لا عمرى م روحت

يوسف: ايه ده ازاى كده ! لازم اهلك يهتمو من يوم ولادتك يعالجوكى

ريهام: (غمزته وقال بصوت واطى فودنه) خلود حالها ع اده ومش هيقدرو اهلها يعالجوها

يوسف: اااااااااه ..بس عمر اخو محمود دكتور جلدية كبير

عبده: ايوة صحيح يا محمود

محمود: مانا بسألأ عشان كده .. معاكى صورة ليكى ياخلود اوريها لعمر عشان اشوف فيه علاج لحالتك ولالا

خلود: بس.. بس بصراحة ابويا يعنى موظف ومعايا كذا اخ وكذا اخت ومصاريف علاج مش هيقدر عليها

كويسة كده

محموداتأثر لكلامها واتحمس اكتر يساعدها)

بصى مالكيش دعوة بالامور المادية .. اهم حاجة نعرف فيه علاج ولالا

جهاد: ياسلااااااااام ولاد الاصول بيبانو ..و(بصت ليوسف) والغربان بتبان بردك

يوسف: (رماها بكانز فاضى) غراب لما ينقرك فدماغك يابعيدة!

عبده: هى ليه حاطة نقرها من نقر يوسف هههههههه

ريهام: لاهما ع طول كده ..لسه بقول لروكا قاعدة انهاردة هنفصل ضحك ع جهاد ويوسف

اصل لما بيجتمعو فمكان بيخربوها

خلود:( طلعت صورة ليها وادتها لمحمود) كويسة دى

محمود: اه كويسة اوى .. (بص فوشها) ع فكرة بسم الله ماشاء الله عليكى انتى جميلة جدآ بس التعب ده مش مبينك

رقية: (غارت وبصتله)

محمود:( بصوت واطى لروكا) مقصدش والله بس هى فعلا جميلة عشان متحسش نفسها قلليلة

ريهام: ايوة صح .خوخة امورة عيونها واسعه ومناخيرها صغنتته ووشها بيبى فيس

جهاد: بيبى فيس بوك ههههههه

يوسف: طب احنا مضطرين نقلبكم عشان متتأخروش وشكرآ عالاكلة الحلوة دى

  محمود: اه والله تسلم ايديكم ..يلا نوقفلكم تاكسى

مشيو البنات .. واتمشو الشباب شوية وكانو بيحكو وبيهزرو سوا

اول مروحو ريهام والبنات ..

ريهام: روكا هاتى اللاب بتاعك نسهر عليه انا وخوخة 

جهاد: انا هغسل يابنات ماشى .. حد عايز يغسل حاجة

رقية: لا ياجوجو شكرآ

ريهام: استنى خودى الطرحة الى لابساها عشان خارجه بيها بكرة

جهاد: هاتى من الكماريرا بتاعتك يا ابلة

رقية: معنديش حاجة جديدة خالص يا ريمو 

ريهام: مش عندك افريكانو ؟ هاتيه انا بحبه

جابت اللاب وشغلت الفيلم وسهرت تتفرج هى وخلود

ريهام: عارفه يا خوخة بعشق الفيلم ده .. مش بزهق منه

بعشق حاجة اسمها السقا

خلود: ماهو يوسف فيه شبه منه ^_^

ريهام: ههههه يابنت اللذين بتنبطى زى جوجو ماشى ماشى 

خلود: لا والله هههههه بس هو ليه ع طول سايب دقنه

ريهام: معرفش ستايل باين .. من يوم م شوفته وده شكله

حتى ففرح اخته كان مهذبها محلقهاش

خلود: بس انتى شكلك بتحبيه 

ريهام: ده جزمة بموت فيه .. بس طبعآ مش ببين ليه كده

خلود: ايوا جدعة لما يكلم اهله عليكى زى رقية ومحمود

ريهام: لا وكمان هو ملمحش انه بيحبنى للاسف :/ بيتعامل كصحوبيه

بس انتى بقيتى خبرة يا بت يا خوخة (غمزتها فجنبها)

خلود: هههههههههه لا مش كده من تجربة الزفت حسام وقعادى معاكم اتعلمت

ريهام: ماشوفتيهوش من ساعتها صح

خلود: لا .. خالص بس خايفة اشوفه

ريهام: طب خليه يقربلك وانتى رنيلى رنة واحدة وانا الم اعلام كلها تزف امه زفة مش شافها فحياته

 جهاد: (معدية بطبق غسيل) هو ان شاء الله تلاقوه مات عشان ذنب الغلبانة 

ده شوفى الموضوع من ميتى وماشفتوش فالكلية 

يوسف رن ع ريهام ..

ريهام: الو يا جو 

يوسف: كنت معدى انا والعيال عند بتاع العصير وافتكرت انك بتحبى المانجا ..قولت اشوفك تعوزى كوبايه ابعتهالك 

ريهام: هههههههههه لا ياسيدى شكرآ ، انتو لسه مروحتوش ؟

يوسف: لا بنلفلف ..وماشيين

وانتى بتعملى ايه

ريهام: بتفرج ع افريكانو ..لسه بقول لخلود حتة السقا لما يقول لمنى ذكى بحبك من فوق الشلال

بتموتنى 

جااااااااااامدة فحت

كان نفسى من زمان حد يعمللى كده ^_^

يوسف: والله .. طب خلى السقا ينفعك ( قفل السكة )

ريهام: ايه ده الو .. الو 

قفل ليه ده :/

خلود: فيه حاجة ؟ 

ريهام: معرفش بقوله ع حتة السقا راح قفل ولا الشبكة فصلت مش عارفه

خلود: طب تعالى نكمل الفيلم .

نص ساعة ...

ويوسف رن لريهام 

ريهام: الو .. انت قفلت السكة ليه يا جو 

يوسف: اطلعى من الشباك يابت 

ريهام: طلعت ..نعم

جاى ليه م تروح يابنى 

يوسف: السقا مش احسن منى .بس هنا مافيش شلال 

ريهام: (فرحت ) ايه تقصد ايه 

يوسف: (شال الفون من ع ودنه وحطه فجيبه) وقال بصوت عااااااااااالى 

انااااااااااااااااااااا بحــــــــــــــبـــــــــــــــــــــك ياريــــــــــهــــــــــــام <3 <3

طلعت جرى خلود عالصوت ووقفت جمبها 

وريهام مخضوضة ع فرحانه من المفجأة انه قالها اخيرآ بحبك وكمان زى م كانت عاوزة 

يوسف: اتانى ؟! بحببببببببببببببببببببك ياريهاااااااااااااااااااام

ريهام: خلاص خلاص طنط صحيت يخربيتك امشى بسرعه 

فجأة انوار السكن نورت وكله طلع فالبلكونات ويوسف خدها جرى وهرب ورا الحيطة يضحك وريهام عملت نفسها نايمة ..

ريهام: لو جت سألت قلولها ريهام نامت .

صاحبة السكن بتخبط : ريهام فين ؟؟

خلود: نايمة يا حجة

جهاد: فيه حاجة ياحجه ام عادل

ام عادل: فيه حد كان بيقول ياريهام دلوقت ..بحبك ومعرفش ايه والبنات قالو ان لريهام الى هنا

هى فين

جهاد: ده ياعينى صلت العشا ونامت يا حجة ده قربت تصحى ، تلاقى ع ريهام الىفالعمارة الى جنبنا

ام عادل: والنبى ايه ؟

جهاد: ورحمة مرات عمى  زى مبقولك 

ام عادل: ماشى ماشى (موقفلو الباب)

جهاد: قومى خلتينا نكدبو ع اخر العمر شالله ياكلك قطر انتى وهو 

ريهام: قامت وهى بتضحك وجهاد كمان ضحكت وخلود وحضنو بعض ونطو عليها من فرحتهم بيها عشان هى مبسوطة  

===========

بس تانى يوم .. الضهر 

عبده كان مش وراه محاضرات وبيصحى يوسف يتغدى معاه

بس يوسف مصحيش..

!

حاول مرة و2 واتصل بمحمود

جه محمود ع احر من الجمر مخضوض وكان معاه تاكسى شالوه قدام بعض وودوه للمستشفى .. 

الدكتور: هو عمل اى مجهود ؟

محمود: هو مريض بالقلب يا دكتور ..بس بياخد الدوا 

عبده: لا انت ناسى يامحمود 

اكل بليل لحمة ضانى 

الدكتور: طيب احنا حجزناه فالعناية .. بسادعو انه يقوم منها ع خير لان عنده شبه جلطة فالقلب..

محمود: جلطة !!

عبده: طيب لو اتحجز هنا هيبقى كويس (بشغف)

الدكتور: مكدبش عليكم لو عدى منها يبقى ربنا بيحبه ، ربنا معاه

اتدور وبص ع يوسف وهو نايم والاجهزة حواليه وجهاز التنفس وخبط عالازاز 

وقال"

قوم ياايوسف .. انت ادها عشان خاطرى  

احنا اتفقنا نكمل حياتنا سوا كلنا  :(  قوم ياقناوى 

ريهام لما مردش عليها يوسف مرة و 2 اتصلت بمحمود لان اول يوم مش يكلمها خصوصآ بعد اعترافه بحبها امبارح

قلقت

وبعد الحاح شديد عرفو

خطوات كعب الشوز بتاعها كانت اسرع من اى حاجة لدرجه انها وقعت وهى بتجرى وقومتها رقية وكانت بتعيط .. 

استعطفت الدكتور تشوفه ضرورى ، ولان حالة يوسف صعبة ويمكن تكون آخر سعات فحياته

وافق الدكتور انها تدخله بس شوبة وتطلع من غير م تجهده

ريهام اول م دخلت ركزت ع ركبها قدام وهى شايفاه كده ، ومسكت ايده وباستها كتير ودموعها نزلت ع كفه راح فاق بس كان تعباااااااان اوى

شال جهاز الاكجين من ع بوقه ببطئ واتكلم بالعافيه ..

يوسف: ب..بتعي..طى ليه ؟!

ريهام: يوسف !! يوسف انت هتقوم

انا مش هنحرم منك صح ..عشان خاطرى انا ماليش غيرك يا حبيبى 

محمود ورقية وعبده بيبصو من الازاز ومتدايقين اوى 

يوسف: (طبطب ع دماغها بحنان وقال بابتسامة معروفة عنه) مت..خاف.يش

عمر الشقى بقى 

هقوم منها

لان محدش هيرضى يتجوزك ..غيرى

يا.

ق..قدرى الاسود 

ريهام: (ضحكت وميلت تبوس كفه ) خرجوها الممرضات ووقفو برة وهو رجع تانى يرتاح

..............

=============

انهاردة حلقتين مش حلقة شغالة ادلع فيكم اهو :*

تابعو الحلقات الاخيرة عندنا هنا وبس ;)

#قصاقيص_ورق

#بقلمى_نوراسماعيل

.