رواية .. ¸.•'´¯`*•.¸¸.¸.• قـصـاقـيـص ورقــ .¸.•'´¯`*•.¸¸.¸.•'´ حلقة (12

=======================


رقية: بصى اتكلمنا كتير فالتاكس وكده وبعد كده اخد المذكرة بتاعت التشريح الامتحان بتاعى انهاردة وقرا فيها شوية ورجعهالى

ريهام: هااا .. الخلاصة
عشان انتى ومحمود ع بال م يحصل بينكم حاجة هتكون مصر كسبت كاس العالم!! :/

رقية: حصل ياختى يام لسان عاوز قطعه ... سابلى ورقه جوه المذكرة يا ريمو
يالهووووووووى لو تقرى الى كاتبه

ريهام: ورقه !! لا استنى الكلام احلو
ايوة ياهندسة بقى هو ده الشغل ..كاتب ايه الولهان

(عملت نفسها بتتنهد وحضرت نفسها تسمع) انا قهدت وربعت عالارض اهو

هيييييييييييييح ..ابتدى يا دكتور

رقية: اسمعى ياستى (فتحت الورقه وهتبتدى تقرا ) :)

"انا مش عارف امتى ..وازاى
وليه انتى بالذات
بس فوقت من الاوقات حسيت بانى عايز اعرفك..اقربلك
بالعربى نكون سوا  ^_^
انا معرفش ازاى قررت اعمل حاجة زى دى واكتبلك الكلام ده ،بس الى اعرفه كويس
ان فونى هينوله شرف وجود رقمك فيه
لو اتصلتى ع رقمى
............01
وكسرتى الحاجز الى بينا ...هستناكى
محمود.."


ريهام: اه ياقلبى .. محمود هيشلنى والمصحف

رقية: ليه بس يابنتى ؟!

ريهام: بقى هو ده الى تقوليلى اتحرك ..ده انا اول يوم شوفت فيها وش يوسف خد رقمى وانا حتى معرفوش
وده بقالنا كتير نعرفه اخيرآ عايزكم تتكلمو
صبرنى يارب

رقية: اولا يا فاقدة انتى .. يوسف غير محمود
انتى ويوسف صحاب..ودى علاقتكم مش بتطور عن كده وانتو الاتنين مرتاحين فبعض بالشكل ده

اما بقى محمود لو خدتى بالك من الكلام يا ذكيه .. بيقول انه عايز نكون سوا :)
فهمتى نكون سوا

ريهام: بصى انا فاهمة حاجة واحدة فالليلة دى .. انك تتصلى بيه فورآ وفعلا تكسرى الحاجز زى ماهو قال

رقية: اتصل !! ريمو :o

ريهام: مش وقت ريمو واستغراب دلوقت ، الفرصة جت لحد عندك
لازم تستغليها عشان بعد كده متندميش
واحب افكرك بالحلم يااستاذة
انا متأكده ان حكايتك انتى ومحمود مش هتنتهى بالشكل المعتاد بتاع اى علاقه .. وهو الفركشه
مش ده الى انتى خايفه منه ؟

رقية: ريهام ..بعد الى حصل معايا انا ورامز ..بقيت

ريهام: (قاطعتها) اولا علاقتك برامز فاشله فشل ذريع
ده واحد مؤهلاته ع ادها وانتى بنت ناس ومستواكى اعلى من مستواه
والبنت لما بتتجوز
بتعلى متنزلش
عشان كده اخواتك رفضوه
مش بس عشان انتى بكليه طب وهو ببكالريوس تجارة

رقية: طب يعنى انتى شايفه ان ..

ريهام: انا شايفه انك تقفلى الرغى معايا انا مش هطير وتتصلى بمحمود حالا لانه اكيد مستنيكى ، اسألينى انا عالشباب اول خطوة بياخدوها ناحية البنت الى بيبقو معجبين بيها
بيبقو خايفين من نتيجتها ولا الثانوية العامة
سيبى نفسك واطلعى برة التقييد وجو لا واصل
واتصلى
سيبى قلبك مرة يتحكم فيكى مش عقلك

رقية: قلبى <3

ريهام: انتى عايزة تكلميه ياروكا .. وانا متأكده
واكيد هتموتى وتسمعى صوته ، بس خايفه
ع فكرة بقى انا مطمنة جدآآ
(نادو عليها قرايبها)

ريكو هكلمك تانى ..عشان سلمى طالعه وماشيين
يلا باى
ابقى طمنينى واتصلى ها

قفلت ريهام ورقية فاتحه الورقه وشغاله تفكر ومش عارفه تقرر تعمل ايه ..

ولو قولت ان النوم طار من عنيها وعنيه اليوم ده ..محمود خايف يكون بالتصرف ده ضيعها للابد وزعلها منه وممكن تاخد موقف لانها ماتصلتش
برغم صد هايدى ليه
بس كان حاسس انها هتميل
لكن رقية .. معندوش امل اطلاقآ :/

لكن رقية كانت صاحية طول الليل تفكر..هتعمل ايه
نفسها تسمع كلام قلبها مرة ومتندمش.. وفنفس الوقت خايفه تكون فرصة وضيعتها زى م ريهام قالت

المهم
تانى يوم جه .. وراحت رقية تسلم البحث ورجعت عشان تحضر شنطها عشان خلاص تسافربلدها الاسماعيليه

اينعم الاجازة مش فاضل فيها غير 10 ايام ويبدء الترم التانى ..بس اهى تاخد نفسها من الى هى مطحونه فيه طول الترم

بتحاول تشيل الفكرة من دماغها ..انها تسيطر عليها وتتصل بيه ، حتى اوضه جهاد مدخلتهاش انهاردة
خايفه يكون واقف فالبلكونة وتشوفه !

فتحت راديو اذاعه ال
FM
وبتسمع وهى بتحضر ..وفجأة جت اغنية حركت مشاعرها اووووى
وسابت كل حاجه فايدها وافتكرت كل حاجه بسيطة محمود عملهالها ولمست قلبها بجد

من اول مرة قال انتى زى القمر فكل وقت ^_^
ل لما وقعت وسندها من عالارض وعيونه فعنيها :)

لمشاورتهم لبعض فالشباك وهو فالاول كان سرحان فيها وغرقاااااان ومش واخد باله

للورقة ..بس مقدرتش تنسى السبب الاول الى لفت نظرها لمحمود
وهو الحلم ^_^

سابت كل حاجه فايدها .. ومسكت الورقه من عالمكتب
واتشجعت
وخدت نفس عميق ..وصوت دقات قلبها مسموعه لهنا
☺

واتصلت !!
رنة طويييييييييييلة وبعدها الو !!

رقية: احم (مكسوووووووووفه هتموت وصوتها مش طالع ) الو

محمود: ايوة ..
رقية: ايوة يا محمود ازيك

محمود: الصوت مش سامعه والله ..الو

رقية:انا رقية يامحمود (اتنحنحت تانى عشان صوتها يبان )

محمود: رقية !! طب اقفلى اقفلى وانا اكلمك

رقية: لا خلاص ..انا بس

محمود: لحظة بس ..بعد اذنك
مع السلامة مع السلامة

قفل وهى مستغربه واتصل هو

محمود: الو

رقية: الو ..انت ليه قفلت

محمود: ميهمكيش.. ازيك انتى عاملة ايه
رقية: انا تمام بفضل الله

محمود: متتصوريش وحياة ربنا مبسوط اد ايه عشان اخيرآ اتصلتى

رقية: (ابتسمت ولعبت فشعرها ) يا سلام ! ليه يعنى

محمود: لالالا انا مكانش عندى امل خالص ..وافتكرت انك ممكن تحسبى انى بعاكسك او بدايقك
بس والله ده مش قصدى

رقية: اومال ايه قصدك بقى ^_^

محمود: رقية .. انا مش هقدر اخبى اكتر من كده
انا كتبتلك انى هينولنى الشرف لو كلمتينى ..عارفه يعنى ايه
اكيد لما الولد يتشرف بسماع صوت بنت معينه
شايفها نجمه فالسما
والنجمة دى تقبل وتتواضع وتنزله عالارض عشان تسمعه

اكيد هيكون قصدى انها متروحش من ايدى ثانية بعد كده !

الرصة الى قالها دى طبعآ خلت رقية مش ع بعضها ومش عارفه ترد بايه لدرجه انها حطت الفون من ع ودنها عالمكتب وقعدت وتلم وتفك فشعرها وتعض فشفايفها ومتلخبطة خالص

محمود: الوووو .انتى سمعانى

رقية: انا آسفه ..الشبكة قطعت

محمود: رقية انا نفسى ..

رقية: محمود، انا كلمتك بس عشان كنت عايزة اعرف عايز منى ايه
ولانك قولت كلام كتير مش قادرة بصراحه ارد عليه .. هكتفى بالشوية الى اتكلمناهم دول
وهقفل :(

محمود: لالالالالا متقفليش..عشان خاطرى

رقية: محمود مش هينفع

محمود: طب بصى مش هتكلم فالكلام الى بيلخبطك..تعالى نتكلم كلام عام
مش انتى خلاص خلصتى امتحانات ..انا فاكر من لما قولتيلى

رقية : (بتضحك عالتلاكيك) ايوة

محمود: طيب طمنينى عليكى عملتى ايه وهتعملى ايه

رقية: (ف دموع فرحه فعيونها ومبتسمة وبتتكلم ) انا تمام فالامتحانات الحمدلله وادينى اهو بحضر شنطى عشان مسافرة خلاص

محمود: طب بلاش تسافرى بليل ..عشان الطريق

رقية: لا ماهو اخويا بيبعتلى عربية تاخدنى

محمود: ربنا يخليهولك..طب كويس كده اطمن عليكى

رقية: ميرسى ^_^

محمود : (سكت مش عارف يقول ايه بس برضو مش هيسيبها) اه صحيح انتى فسنه كام؟

رقية: 3..وانت

محمود: بلغه هندسة 3 عشان فيه اعدادى دى اول سنة مش بنحسبها
لكن بلغتكم انتو 4 يعنى السنة الجاية البكالريوس
فشعبة اسمها مدنى

رقية: ربنا معاك ويوفقك

محمود: وانتى اتخصصتى ولا لسه ؟

رقية: لا لسه التخصص فسنة 5 مش دلوقت

محمود: طب ونفسك تتخصصى ايه .استنى متقوليش انا هخمن

رقية: اوك قول

محمود: ممممم جراحه زى خالو سليم صح ؟

رقية: (ابتسمت وضحكت ضحكة خفيفه ) لا انا فعلا اكتر دكتور بحبه وبحسه بابايا هو دكتور سليم ومثلى الاعلى كمان
بس قسم الجارحه متعب وانا مش هقدر عليه

محمود: اومال ؟

رقية: ان شاء الله اطفال :)

محمود: ماشى عليكى..عشان انتى اصلا كيوت ورقيقة لازم تعالجى ملايكة زيك

رقية : (كل كلمة منه قلبها بيدق اوى بس هى ماسكه نفسها وراسية وحاولت تتهرب لانها مش هتقدر اكتر من كده )
طيب انا هقفل يامحمود ماما عالويت

محمود: اوك ..بس توعدينى متكونش اخر مكالمة بينا :(

رقية: سيبها لربنا ..سلام

محمود: سلام

قفلت رقية ونامت عالمكتب وهى هيماااااااااانة ومافيش حد ويت ولاحاجة
هى بس مقدرتش تجاريه اكتر من كده
خصوصآ ان دى اول مرة

كانت موطية صوت الراديو راحت علت تشوف بيقول ايه

لاقت اغنية انغام الحروف ..

راحت فتحت اول كشكول فوشها لانها بتحتفظ بكتبها طول سنين الدراسة .. وكتبت الكامات الى بتسمعها دلوقتى حالا

^الحروف من بين شفايفك احلى غنوة
كنت بحلم طول حياتى بكلمة حلوة
كلمة فيها المعنى والاحساس سوا ^

2/3

================

الايام عدت ..وكل حد رجع لمقاعده الاولى.
ومحمود فالبيت ورقية فالبيت بيقضو الاجازة

بس يوسف كانت معاه مكالمة مهمة مع عبدالرحمن ..

يوسف: ياض بتكلم عربى انا ، بقول اول يوم فالترم تروح القاهرة عشان عايزكم

عبدالرحمن: والله سمعت الكلام انا مش اطرش..وانا رديت قولت مش هروح ع طول الكليه انا مش بروح من اول الترم ياعم

يوسف: ياض انت حجش ولا حاجة! هو فيه حد قالك غور ع كليتك
انا عايز نتجمع انا وانت ومحمود عشان ف مفجأة محضرها لكم

عبده: ياعم انا عندى ظروف..مينفعش تأجل المفجأة دى لعدين

يوسف: تصدق وتأمن بالله / محمود الى مش بقاله يومين فالبيت متعبش ام الى جابتنى زيك كده
ظروف ايه ياض الى عندك ؟

عبده: فيه ناس واحشنى وملحقتش اشوفهم يابغل فهمت كده

يوسف: اااااااه ياعندليب الدقى قول كده
طب خلاص تعالى نروح مشوارنا احنا ال 3 الى انا عايزكم فيه ده وهما يومين ومترجعش عالقاهرة ارجع ع المنيا وابقى تعالى براحتك الكليه
امين يابا ؟!

عبده: طب قولى وفهمنى انت مودينا فييييين

يوسف: اكيد مش هخطفك انت ومحمود واكتب عليكم عرفى 3:)

عبده: (ضحك بصوت عالى ) ههههههههههههههه لا ياسى يوسف حد يشوفنا

يوسف: بقيتى سافله يا نوال ههع هع

عبده: من يوم م عرفتك ياخويا

يوسف: نهايته اوك ولا

عبده: خلاص ماشى اما نشوف آخرتها معاك

يوسف: ماشى يالوز العنب طير انت بقى عشان انا ورايا حجات تانيه بعملها ..
سلام

عبده: سلام

======================


محمود قاعد فالصالون لوحده كل شويه يطلع فونه يبص فيه ويحطه تانى وهو متدايق، اصلى هقولكم عالسر بتاعه
هو رن ع رقية مرتين لان من ساعه المكالمة اياها مش اتكلمو

وقال بقى كفايه فقرر يتصل .بس هى مردتش

وقاعد متدايق وخايف لا حتى ميسمعش الميسد بتاعها من جيب الترنج بتاعه .لدرجه دى يا حودة ;)

وقاعد الراجل لا بيه ولا عليه والباب خبط ..وقام فتح

محمود: استنى ياماما هفتح انا

فتح لقى هايدى وعمر فوشه :/

عمر: ابو حنفى ..

محمود: (عمل نفسه مش شايف هايدى اصلا وبيكلم اخوه) ايه خلصت مشوارك كده بسرعه

عمر: لا م هو كان مجهزلى كل حاجه من بدرى ،انا الى اتأخرت انى اروح اجيبهم

محمود: ممممم (سايبهم وداخل اوضته)

عمر: ايه يامحمود مسلمتش ع هايدى ؟

محمود: (اتغصب بس عشان اخوه) ازيك ياهايدى اسف بس مركز فحاجه

هايدى: طب مش هتيجى تتفرج معانا وتختار

عمر: اه صحيح ياحودة..انت عارف انى بحب ذوقك اوى

محمود: معلش دايخ وهدخل انام

الام:(جايه من جوه) متكسفش اخوك بقى يا محمود واقعد وشوف معاه

دخل قعدو كلهم يبصو فالكتالوجات وهو قاعد مجاملة لعمر ولمامته :/ بس بردو الفون مجننه

طلعه مرتين وبص فيه ودخله تانى

بس هايدى خدت بالها من تحت لتحت ..

الام: انا هقوم اشوف الكنافه الى فالفرن لحسن تتحرق

عمر: ها يا هدهد فيه حاجه عجبتك؟

هايدى: (بتهز رجلها متوترة ) ادينى بشوف اهو

محمود: حددت الفرح ياعمر

عمر: ياسيدى هايدى فجأة مش عجبتها اوضه الاطفال فقررت تغيرها بعد م اشتريتها
واختارت واحدة لسه قدامها شهر واستلمها
وطبعآ لان لازم اسمع الكلام

هايدى: هههههههههههه

عمر: طاوعتها.. فهيتأجل شويه

هايدى: ليه مسعجل عالفرح يامحمود ..مش عايز عمر اوى كده فالبيت (خبث)

محمود: لا طبعآ مستعجل افرح بيه ..ده اخويا الوحيد

مامتهم جت من جوه ..

الام: عمر .موبايلك فاصل ولا ايه ؟

عمر: (طلعه من جيبه) اوبااااا اه ياماما ليه

الام: البنت الممرضه الى فعيادتك طلباك عالارضى وبتقول الموبايل مقفول وعايزاك ضرورى

عمر: ليه فيه ايه لسه معاد العيادة .. هقوم اشوفها

قام عمر وساب هايدى تقلب فالكتالوج ..ومحمود قاعد حاطط ايده ع خده ودراع وراه راسه وساند عالكنبه وكل شويه يطلع الفون ويدخله .

هايدى: اومال مستنى مكالمة مهمة ولا ايه  (بغيره)

محمود: (بص ناحيتها باستياء ) اه

هايدى: مممم حب جديد ولا ايه

محمود: اعتقد ميخصكيش  مش كده

هايدى: والله (بصة وحشه ومركز ع عنيه )

محمود: انتى شايفه غير كده ولا ايه ؟

هايدى :(بصوت واطى ) والله لو ناسى افكرك

محمود: طب خفى بجاحه بطل م انا ساكت كرامه لاخويا ابعتر بكرامتك الارض وكله يبقى عالمكشوف

هايدى: والله لو قولت حرف انا كمان هقول ونشوف مين هيطلع وحش قدام التانى

محمود:( قرب ناحيتها وباصص بصة تخوف ليها) اتكلمى ع قدك

هايدى: (ضحكت بسخريه) خايف ليه يا محمود انا بس هقول لاخوك انت عملت ايه مع خطيبته او مراته وكل حاااااااااجه خليه يعرف انك اد ايه زبالة

محمود: ده عشان انتى بنى ادمه وسخه ! المفروض تتكسفى ع دمك ومتنطقيش ب ولا حرف معايا ، وكفاية انه طيب وبيحبك
لولا كده كنت قلبت الدنيا فوق دماغك

هايدى: متقدرش لانى هكون قلبت عليك التربيزة قبلها 3:)

محمود: متستفزنيش قولتلك بدل م اديكى كف اعدلك !

هايدى: تتحدانى !!

دخل عمر ع آخر كلمه بينهم وع بصتهم لبعض الى فيها تحدى !

عمر: تتحديه ع ايه ياهايدى ؟!

=======================


"صحيت من النوم لاقيته رانن عليه مرتين ..مش عارفه اعمل ايه ياريهام "

ريهام: عادى اتصلى وقوليله انت كنت رنيت عليا ..فيه حاجه
وبعدين مش كل حاجه تضربى لخمه كده م يكلمك وتكلميه عادى يابنتى هو هياكلك

رقية: مش الفكرة .. بس انا مستغربة اوى عليا وخايفه

ريهام: يوووه ع خايفه الى قرفتينى بيها ،هو سفاح
ده بيحبك

يلا روحى كلميه عشان يوسف معايا عالويت اشوف عايز ايه ده كمان

رقية : ماشى باى

---------عالناحية التانية

ريهام: الو جو

يوسف: ازيك يابت

ريهام: بته لما تبتك عايز ايه

يوسف:كنتى ويت مع مين

ريهام: مع رقية

يوسف: طب تمام..بصى عايزك فموضووووووع انما ايه
طقطقيلى ودان حضرتك واسمعى الاتى

ريهام: قول ياخويا قول

======================


هايدى ارتبكت اوى هى ومحمود لما عمر دخل وسألهم !

هايدى: لا ابدآ كنت بقوله انه مش هيجيب اكتر منى تقديرات السنة دى ..اصل هو (مرتبكة وبتلقلق) بيقول انى اتخطبتلك ومش ذاكرت كويس
عادى بيغلس

فقولتله تتحدانى

عمر اقتنع بس عشان عايز يقتنع بس القاعده الى كانو قاعدينها فوش بعض والبصة الى بينهم متطمنش

محمود: اهى زى م قالتلك بالظبط الانسة يوسف السباعى

هايدى : ايه ! يعنى ايه

محمود: لا ابدآ دى مصطلحات واخدها من يوسف اى حد بيعمل حاجه ببراعه بيلقبه..يعنى
كل حد وبراعته
جرى
كورة
تأليف قصة فقيقتين

(فونه رن ..رقية !)

محمود: (قام اتنفض من مكانه) طب انا هاروح ارد ماشى

عمر: ماشى ياحبيبى

دخل محمود اوضته وقفل ع نفسه ونام عالسرير ..

محمود: رقية ..انتى بتتقلى عليا ولا ايه ؟

رقية : لا عادى انا كنت نايمة وصحيت لاقيت 2 ميسد منك
فقولت اشوفك ف ايه
بس

محمود: بس كده ..يعنى انا لو مرنتش  مش هنتكلم خالص بقى ؟

رقية : (بتعطل فالحجات دى ) محمود انت بتقعد تقول كلام
ووو

محمود: محمود والله مش عايز غير انه يقربلك ويسمعك وتحسى بيه ^_^

رقية: طب ارد اقول ايه انا (احمرت)

محمود:متقوليش حاجه ..حتى لو سكتتى انا مبسوط

رقية : (ابتسمت) ع فكرة انت المفروض متدخلش كليه الهندسة ، انت كان الافضل انك
تدخل معهد سينما عشان انت بتقول كلام زيهم

محمود: لا والله مش تسميع كلام ده من قلبى

رقية: اوك .. انا هقفل بقى عشان اخواتى بينادونى

محمود: :/ :/  اوك سلام

قفل محمود وطبع بوسه حلوة عالفون وضمه لصدره ،كانت رقية كمان بتعمل نفس الحركة ودخلت عليها مامتها

الام: رقية ..تعالى خالتك جت وعايزة تسلم عليكى

رقية : حاضر ياماما

==============

الايام الى فاضله عالاجازة خلصت ..وابتدى الترم التانى :)

ولان كلية رقية ومحمود عمليه هما جم السكن .. وريهام جت كمان مع روكا !

غريبة مع ان ريهام بتيجى الاسبوع التانى او التالت للدراسة ..لالالالا متفهموهاش غلط

هى جاية لمهمة تانيه خالص هنعرفها دلوقت

رقية: مانا استغربت انك جاية وقولت ايه النشاط ده ..اتريكى مدكنه حجات من ورايا

ريهام: والله م تدكين ولا حاجه ..انا ويوسف اتفقنا وكان لازم اجى عشان الخطة تمشى

رقية: اتجننتى ياريهام ! الله يخربيتك
عايزة تحضرى فرح اخته فبلدهم ازاى ؟؟ هو احنا نعرفهم ولا من بلدهم اساسآ وبعدين قولتلك مليون مرة متجننيش وتطق فدماغك افكار وتنفذيها بتبقى عواقبها وحشه فالاخر

ريهام:وفين الجنان فكده ؟ انا هروح واهخد اذن بابا
وجيت عشان انتى تقنعيه معايا انى اروح لانك هتروحى معايا

رقية: ايه!! لا طبعآ

ريهام: وان قولتلك عشان خاطرى

رقية: عشان خاطرك ايه انتى بتستهبلى

ريهام: طب ولو قولت ان عبدالرحمن ..ومحمود رايحين ؟!
برضو هتقولى لا

رقية :(سكتت وتنحت ورجعت اتكلمت ) لا متفتكريش انك كده هتمسكينى من ايدى الى بتوجعينى

عايزين تروحو روحو .هما شباب واصحابه لكن احنا نروح ليه ؟؟

================

محمود: لا ياشيخ ؟؟ طب مقولتش ليه من الفون بدل مخطط السرى الى انت عامله ده

يوسف: ع اساس انك كنت هترفض يا كلح !

عبده: يايوسف جبتنا وملحقناش نريح فبيوتنا ، وبعدين انا عمرى م سافرت اكتر من لدى وهنا

يوسف: انت بت ياض !! وبعدين انت شوفت فرح قناوى قبل كده

عبدالرحمن: لا

يوسف: وانت يا بتاع الطوب ؟

محمود: انا ياض بتاع طوب ؟
يوسف: ايوة مش دى كلية بتدرسو طوب وزلط واسمنت يبقى انت بتاع طوب

محمود: طيب يابتاع نط الحبل والجرى فالحوش .. حلو كده ؟

يوسف: عادى مانا عارف ..المهم هنطلع انهاردة الفجر التذاكر خلاص محجوزة! ابويا الحج عبدالرحيم القناوى مشدد
ان مجيش غير وفايدى انتم الاربعه !

محمود: 4!!

====================

رقية: يووووووووووه عليكى ياريهام انا مش عارفه انتى عايزة تعمليلى غسيل مخ وخلاص

ريهام: بصى انا نفسى اروح وهتكسف اوى لو روحت وسط 3 شباب، لكن انتى معايا هتجمد وعادى

رقية: وانا ذنبى ايه تدبسينى فحاجه زى كده

ريهام: عشان احنا صحاب واخوات..والصاحب ليه عند صاحبة ايه
غير كدبة
وشهادة زور
وخروجة مع يوسف :)

رقية: وهتعملى ايه دلوقت

ريهام: هكلم بابا واخد اذنه وانتى هتتحايلى عليه معايا

رقية: اقول ايه بس دايمآ تدبسى نفسك وتدبسينى معاكى

===============

محمود: وهما اهاليهم هيوافقو يابنى

يوسف: ايوة انا رسيت ريهام عالدور كله والبت هتقنعهم

محمود: لا انا اقصد ع رقية ..

يوسف: (بيتريق) ااااااااااااه رقية .. شامم ريحه حمام زاجل فقلب الكلام بس هعديه
اه هتقنعهم اهلها
وكله تمام

ها ..مافيش قدامنا كتير

القطر الساعه 2 ونص بليل هيتحرك

=================

الاب: يعنى ايه تسافرى لمكان منعرفوش عشان تحضرى فرح صاحبتك .. لا طبعآ مش موافق

ريهام: والنبى يابابا..وحياة ماما عندك (مكشرة بدلع)

الاب: قولت لا يعنى لا يا ريهام

ريهام: يابابا ده انا حبيبتك .. عايزة اغير جو

الاب: مكفكيش تغيير جو هنا افراح قرايبك
الموضوع خلص

ريهام: (ميلت ع ودن رقية معصلج اوى) طب خد رقية صاحبتى معاك

رقية: الو ..ازى حضرتك ياعمو

الاب: ازيك يابنتى .. وازاى ماما واخواتك

رقية: الحمدلله ياعمو ..انا بس كنت بستأذنك عشان انا كمان رايحه ودى صاحبتنا اوى وكل البنات رايحين
وهنبقى جروب كلنا

الاب: يابنتى تعرفو ايه فقنا انتو .. يحصلكو حاجه هناك لا قدر الله وانتو بنات

رقية: لا ياعمو متخافش احنا هنروح ونيجى بالقطر ، وبعدين هما يومين بس ..ونرجع
بس عشان هى معانا من زمان
وعايزين نفرحها

الاب: والله يابنتى مش عارف اقول ايه

رقية: بليز وافق ياعمو

ريهام: خدت السماعه: جرى ايه ياصبرى ده انا ريمو حبيبتك ..كده تشحتفنى عشان سفرية
اعتبرها رحلة تبع الجامعه

الاب: رحلة تبع الجامعه حاجه ..وتروحى فرح فبيت ناس اغراب حاجه

ريهام: يوووووه يا صبورى شكلك عايزنى اقعد ابوس فيك عشان ترضى

الاب: يابت بطلى امور المصلحجية دى ..ههههههه

ريهام: يعنى وافقت ؟
هيييييييييييييييييييه

الاب: هههههههههه هما يومين وتكلمينى كل يوم انتى سامعه

ريهام : ياسلاام اومال مين الى حسهر احب فيه طول الليل غيرك ياحبيبى

الاب: يلا يابت تسافرى وترجعى بالسلامة

ريهام: باى يا حبيبى

رقية : خلاص ياختى ضمنتى البيت عندك وخلتينى كدبت ! الدور عليكى بقى

ريهام: بس كده .. شوفى انا هقولهم ايه
اتصلى بحضرة الظابط

رقية: ياسين مش قاعد ..ده حمزة الى فالبيت خدى كلميه واستلقى وعدك !

===================

تمت الموافقه ..

والبنات بيتحضرو بيلبسو ، متنكرش رقية انها مبسوووطة اوى عشان محمود معاها ^_^ بس بتدارى

اما ريمو شغاله تجرب كل الاطقم وتشوف هتاخد ايه معاها .. رن يوسف ونزلو بعد م اخدو اذن صاحبة السكن تفتح البوابة عشان مسافرين بلبل

نزلو ومعاهم الشنط وقابلوهم محمود وعبده وخدو منهم الحجات

محمود كان طاير من الفرحه اوى .. ووزعو نفسهم ع 2 تاكس

وطلعو عالمحطة ..

قاعدين ومستنين القطر..

عبدالرحمن: نشترى حجات عصاير يعنى واكل وشرب وكده ولا ايه

يوسف: لالالا مبحبش الشنط.،احنا نجيب لما يوقف محطات او نشترى جوه القطر

ريهام : (ملاحظة بصات محمود الحنونة لرقية من تحت لتحت ) مممممم ومكناش عايزين نيجى

رقية: بتتكلمى ع ايه ؟ (بتستعبط)

ريهام: لا ابدآ ع خيالى

القطر جه وقفو عشان يستعدو يركبو

واول م وقف وهدى دخلو البنات الاول من باب مش مزحوم ..دخلت رقية ووراها ريهام
راح جرى ولد شكله صايع لزق ورا ريهام وهى طالعه ودايقها

قام يوسف طلع وراهم ومسك فيه ..

يوسف: (ماسكه من ياقته) يابن الحولة يابن الحولة .. يعنى مش شايف معاها 3 حيطان ولا احنا مش ماليين عين اهلك

الواد: (شكله شامم) اييييييه الباب ده مكانش مزحوم وعايز اركب ..وبعدين انت اشتريت القطر !

يوسف: اشتريت القطر !! طب والله لارميك تحيته (ماسكه ومميله )

محمود: يوسف خلاص (بيخلصه من ايده )

عبده: عشان البنات يايوسف الناس بتتفرج علينا

جه واد تانى من برة شاده ..

صاحبه: يلا ياض القطر هيطلع

نزل الواد الى عاكس ريهام

يوسف: (مستغرب) شوف ابن الانبوبة طالع يتزنق فالبنات !!

ريهام: انت كويس

يوسف: (متعصب) ادخلى ادخلى !

ريهام: ايه ده بيزعق ليه ده

دخلو ولاقو مقاعدهم كانت ورا بعض راحو خلوها وش لوش

عبده: مين هيقعد ورا

يوسف: مش مهم مبحبش اقعد فالقطر

ريهام: ايه يوسف بتزعق ليه

يوسف: ماهو مش لبس سفر ده ولا زفت

ريهام: هو انا الى قولتله يعاكسنى

محمود: ياجدعان الناس بتبص .. تعالى يايوسف

يوسف: ياعم م رقية لابسه عدل مغلسش غير عليها هى (قال وهو ماشى مع محمود بيشده ناحية الباب)

ريهام: ايه ده مالو ده

رقية : يمكن بيغير ☺

ريهام: لا طبعآ يغير ايه ؟؟ احنا اصحاب (انبسطط ان يوسف غار عليها بس سكتت )

جه محمو قعد جمب رقية هى جوه وهو برة وريهام طلعت تتكلم مع يوسف عالباب بيشرب سيجارة

ريهام: (بدلع ) ع فكرة انت ممكن تقولى لو زعلان منى فحاجه من غير متزعقلى كده قدام الناس

يوسف: (بيشرب سيجارة وباصص لها) طب ده يعنى ينفع بنطلون زفت والبتاع ده ضيق ، رجاله احنا ولا كاوركات ماشيين معاكى

ريهام: طب وانت يدايقك لبسى ليه ؟؟ احنا اصحاب وعادى
يعنى كل واحد حر

هو انا يعنى مثلا اى حد ممكن ييجى يقولى لبسك ومش لبسك ..لازم يكون حد قريب منى اوى

يوسف: (واقف وبيبص لها اوى وخد نفس سيجارة )...............


====================

استنونا بعد بكرة

وشكرآ ع قلة التفاعل الحلقة الى فاتت والناس الى معتاد تعمل كومنتات بطلت بس بترجعو تزعلو لما مش انزلها

#قصاقيص_ورق
#بقلمى_نوراسماعيل