♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
شريف: ليه مستنتنيش انهاردة نروح سوا
امنية: شريف .. انا جايلى عريس
طريقة امنية ف انها تقول كأنها م صدقت تلاقيه قصادها
شريف: عريس!! وبعدين ف ام اليوم الى مش عايز يعدى ده
امنية: ووادالى مهلة افكر ..
شريف: وانا الست نهال بتستحلف لى وهتنتقم منى
امنية: بس انا شكلى هوافق
شريف: انتى شكلك هتوافقى ...وانا شكلى هتنفخ !
امنية : معلش مش مركزة معاك يا
شريف ..مالها نهال
شريف: مالهاش.. فكك انا عايز اعرف
هتتجوزى ازاى يعنى
امنية: ايه يا شريف مش من حقى
شريف: محدش قال كده بس مين يعنى
سعيد الحظ
امنية: انت شايف انه سعيد الحظ؟
شريف: (بصلها بحب بصة من زمان مش
بصهالها) ايوة طبعآ، كفاية انه هيتجوز امنية
امنية: الاستاذ عمران صاحب شركة
...
شريف: ممممم متكمليش ..فاكرة وحافظ
اسم اهله ، يعنى فالاخر يا امنية هتتجوزى واحد اد جدك
امنية: هو مش كبير اوى عليا يا
شريف
شريف: طب وانا كان ايه العيب فيا
يا امنية ؟؟ كام مرة طلبت منك نرجع
ومدثر متخافيش عليه لانه بيحبنى
جدآ
وعمرى م هكون له جوز ام
حصل ولا محصلش
امنية: عارف ايه العيب الى فيك يا
شريف ؟ انك مش بتعرف ابدآ قيمة الحاجة الى فايدك
ابدآ
غير لما تضيع وتتأكد انها مش هتبقى
معاك
كنت بتعاملنى من مناخيرك ومن غير
نفس وانا وياك وبصيت لشرين الى لعبت عليك دور الحب
ولما انا سيبتك وكنت هتجوز كنت
هتموت علشانى وعايزنا نرجع
ودلوقتى عرضت مرة او مرتين الجواز
بعد انفصالى
ولما رفضت نبقى اصحاب احسن وكده
تمام اوى
روحت تخطب
ومع ذلك عايزنى افضل محلك سر
وانت تمشى حياتك عادى وتعيشها كمان
مش كده
شريف: (اتنهد وبص ودور وشه عنها
ورجع بصلها بضيق) عارفة يا امنية
فيه اغنية بتقول حد غريب ..
سمعتيها قبل كده
امنية: لا
شريف: الاغنية دى من يوم م سمعتها
وانا بحس انها علينا
فيها كلمة بتقول
ياعالم امتى هقدر يوم واقوم من
النوم واكون ناسى
يمكن بقعد اهزر وألش طول الوقت
وتفتكرو ان مافيش حاجه بتهزنى وانى دماااااااغ
بس اصلا مش دى حقيقتى
زى ما بيقول الواد وسام
جوه كل وحش كائن ضعيييييييف
انا اضعف من الضعف ده ..لما
سيبتينى
حسيت فعلا بقيمتك
اتجوزتى وصممتى عالبعد
تعبت اكتر
اتطلقتى
فرحت وحسيت ممكن اصلح غلطتى
طلبتك مرضتيش
رجعت تانى لدائى الوسخ
عجبتنى نهال
قربتلها صدتنى
حلفت لاجيب مناخيرها الارض
بهدلت حياتها وافتكرت انى الدنجوان
الى متوقفش عليه حاجه
واتخطبنا وانا فاكر نفسى الواد الى
مافيش منه
وعشت اسود فترة خطوبة فحياتى
ومن شوية فاجئتنى انها عارفة كل
حاجه ..ورمتلى الدبلة وهى لسه بتتوعد بان هناك المزيد من انتقامها فيا
عارفة ...
قسمآ بالله قولت يلا مش مشكلة
لكن انتى لما قولتى هتجوز!
دى بقى كانت الطامة الكبرى ع رأى
وسام.
فاهمة.؟!
امنية من زمااااان اول مرة كل حتة
فاحساسها تتقشعر وتحس ان يمكن سلك كهربا لمسها لما شريف قال كده.
الكلام حسته
طلع من قلبه لقلبها من غير سابق
انذار
كان نفسها اوى تحس انها غالية عنده
وان ضياعها للمرة التالتة منه حيفرق معاه
لكن لما قالها ان فسخ خطوبته مش
همه اد جوازها
كانت نفسها تقوم تحضنه من الفرحة
... بس منعت نفسها ف اخر لحظة
شريف: ليه ساكته .. م تتكلمى
هتوافقى خلاص
ونعيد كره ابن خالك تانى
والمرة دى مش مطلقة ..لا ارملة
بس انا اخر كلامى بقى معاكى
اتجوزى
وهفضل مستنيكى يا امنية
وبراحتك فالنهاية ..
سابها وقام ومشى .. امنية فضلت
متنحه ناحيته وهو ماشى
ومسحت دمعه بسرعة نزلت من عيونها
قبل ما يشوف ضعفها
هى اد ايه بتحبه !!
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"حبيبى وقلبى ورووووووووووحى
وحشتنى وحشتنى وحشتنى "
وسام: (مبتسم) انتى الى روح قلبى
والله
وحشانى يا مشمش اوى اوى اوى وربنا
مى: ويسو ارجع بئى اهئ اهئ بقى
وسام: يا حبيبى انا لو رايح جمصا
هطول عن كده ! ارجع ايه
مى: البيت بايخ وكل حاجة بايخه اوى
..امبارح جربت اعمل البيض بالبسطرمة لبيتى زى م انت بتعمله طلع حاجه مش عايزة
اقولك
القطط برة بتدعيلنا
بتول قعدت تقولى ايه يا مامى ده
وحش اوى فينك يابابى هههههههههه
وسام: يارب م اتحرم منكم ابدآ يا
كل حاجة فحياتى ..يا اغلى جواهر عندى
مى: قولى القرشانة فانيليا معاك
ناو ؟
وسام: لا انا فالبيت الى احنا
مأجرينه انا واصحابى هنا ..صحيح مقولتلكيش
مش انا حكتلك اننا كنا شلة كبيرة
فالجامعه
جمال وطارق وانا وفادى ومصطفى
..فاكراهم
مى: ايوة يا حب
وسام: جيت لاقيتهم هنا ..وبيشتغلو
معايا برضو
من امبارح واحنا مقضينها رغى زى
زمان بقى وكل حد بيحكى ايه الى اتغير معاه لحد م قابلنا بعض
مى: (بوزت بدلع) مممم طويب ياخويا
وسام: الجميل بوز ليه ؟ حبيب حياتى
بوز ليه بوز البطة
مش وقت سيلفى خالص دلوقت
مى: انا سحلانة منك بقى ومخمصاك
وسام: ليه يا مشمشتى بس
مى: عشان خلاص لاقيت صحابك وسهرتو
سوا ونسيت ميوشه حبيبتك ..وكلام ميوشه
وحضن ميوشه
وو..
وسام: بس متكمليش لاخد اول طيارة
وارجعلك...علمتينى الجنان واعملها
مى: ليه ياعم م انت فرحان بصحابك
وبفانيليا ونسيتنا
وسام: والله ابدآ يا روحى ..طب ده
انا صدعتهم بحكايتى انا وانتى والمقالب
والسحليه
الا هى فين صحيح
مى: هههههههه كوكى ! رجعتها تانى
المحل بعد م رمتها فوشى
هعمل بيها ايه
وسام: انتى عارفة كانو منسجمين اوى
معايا كأنى بحكى قصة الف ليلة وليلة
مى: تبعآ تبعآ هو احنا فيه
زيينا...بوقلك ايه م تجيب أطة عالسريع كدهون
وسام: كدهون ..(بص حواليه)
اموووووووووووووه
مى: بتتلفت ليه حواليك ؟ هى كامنجا
عندك ولا ايه (قالت بغيره)
وسام: ايه الى هيجيبها عندى ..انا
خايف حد من العيال يدخل ع فجأة
مى: وفيها ايه واحد وبيدلع مراته
..بتحرق اى حد
وسام: عندك حق يا قطتى المجنونة
مى: ويسو هتنزل امتى شغل
وسام: اول الاسبوع ياروحى بيمضو
اوراق تعيينى وكده شوية اجراءات بسيطة
مى: وطبعآ هتقعد ال 4 ايام دول
تهيص مع اصحابك ودبى وشوبينج وحركات
وسام: هههههههه يعنى هما مش عندهم
شغل..هما مشغولين زيي برضو
بنقعد بليل بس لما بيرجعو
مى: ومش بتشوف كامنجا ؟؟
وسام: لا كامنجا بعزف عليها بس
(طلع لها لسانه)
مى: ويسو !! اتلم عزف عليها قطر
وسام: هههههههه اموت فغيرته
ياناس...احبه ياناس احبه
مى: (ابتسمت وبصت قدامها كشرت
ونفخت) اووووووووف بقى
وسام: فيه ايه
مى: جت عملاء للاتيليه هقفل معاك
ناو ونكمل بعدين يا وسومى اموووووه
وسام: اوك يا مشمشتى السلام عليكم
ورحمة الله وبركاته
مى: سلام يا قلب مشمشتك♥ (اتنهدت)
هيييييييييح
ايوة اى خدمة...
قفل وسام مع مى .. ولسه هيقوم يصلى
حسب توقيت دبى
فونه رن نمبر غريب
وخار جى
وسام: الو السلام عليكم ورحمة الله
وبركاته
ليلى : وساااااااااام ازيك يا
ويسووووو
وسام: عنوان الندالة .. اهلا اهلا
هما قالولك انهم قتلو الكلب الى
قدام فونى ولا ايه
ليلى: ههههه وربنا عارفة انى غلسة
ووحشة وندلة بس والله انت عاارف
5 سنين بتعتع فالدكتوراه واخيرآ
ناقشتها وحصلت عليها بدرجه جيد جدآ
وسام: ماشاء الله مبارك يا دكتورة
ليلى
ليلى: استنى بقى لان عندى ماهو
احلى !
وسام: كلى اذان صاغية يا لولا
ليلى : انا اتجوزت !
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اليوم ف اخره ..
وسام اتفاجئ من مفاجأه ليلى ..
واستنى وقت مناسب وفجرها لمى
ومى ماستنتش عالخبر لحد تانى يوم
بفارغ الصبر
وفتجمع انثوى بحت لمنة وغادة وامنية ومى سوا ، فجرت
القنبلة!
ده طبعآ بعد م منة حكت كل اخبارها
وامنية قالت الجديد عندها
اما بقى غادة فهى كانت نجمة
المقابلة
لكن مى محبتش تحكى كتير ..وعملت
بنصيحه امنية دارى ع شمعتك تقيد
وممكن تتحسدى وتقلب بغم زى كل مرة
!
منة الخبر خلاها طايرة من الفرحه
..وكأن كان عندها احساس ان سامح لسه متعلق بليلى
واستنته بعد م رجع من برة
وقالتله...
سامح: (بعدم اعتناء) وفيها ايه
..ربنا يسعدها
منة: يعنى انت مش زعلان ؟
سامح: وايه الى هيزعلنى ، واحدة
واتجوزت
خلاص ربنا يسهلها
منة: بس دى مش اى واحدة (بتقول
بغيره وباين عليها)
سامح: كانت مش اى واحدة .. وبعدين
خلاص غيرى الموضوع
اصل مش ليلى هى محور حياتنا يعنى
منة: اومال ايه محور حياتنا
ياسامح؟
سامح: البيت وابننا وانا وانتى ،
والشغل
جبنا ايه
هنعمل ايه ؟
مالنا باللى اتجوز والى طلق
منة: بتتكلم كده ولا كأنها كانت
حبيبتك
سامح:يا منة يا حبيبتى ..كانت
كانت
وحياة ابنى مش بييجى طرافها فخيالى
مالى انا اتجوزت دكتور زميلها
فالبحث ومش مصرى
انا مالى
هروح ازفهم يعنى
منة: يعنى انت بجد مش بتحبها لسه
؟؟
سامح : (سابها وخرج من الاوضة وهو
متنرفز) يووووه
حلفتلك بحياة كريم لا
عايزة ايه تانى
ولا انتى وحشك الخناق يا منة
منة: وحشنى الخناق عشان بغير عليك
؟(بتقول وهى صعبان عليها نفسها)
سامح: (خد نفس عميق) لا حول ولا
قوة الا بالله .. لا طبعآ من حقك تغيرى عليا يا ستى
بس انا حلفتلك بالله وثم وحياة
ابنى انى مش فاكرها اصلا
خلاص مستريحه كده
نقفل بقى عالموضوع
منة: خلاص اوك
سامح: طيب هنتعشى ولا هنام جعان ؟؟
منة: لا دقيقة والاكل يجهز حاضر
سامح فضل واقف وراها وهى داخله
المطبخ وتمتم فنفسه
" ربنا يهديكى يا منة يارب
"
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
غادة كل يوم تفكر فمقلب جديد
لنتالى وممدوح عشان تطفشهم
وحنت لايام الشقاوة بينها وبين مى
فالجامعة
طبعآ بعد الاستعانة ببعض خبرات مى
يوميآ فون تعمل ايه .. كان ده الى بيحصل
وجارى التطفيش
انتهزت فرصة انهم برة البيت
وجريت لاقتها كانت غاسلة الهدوم
ونشراهم .. فكتهم من المشابك ورمتهم فالشارع
ودخلت اوضة النوم بتاعتهم
وحطت عالسرير زيت ومية وغرقته عالاخر
والارض
وجابت بيض وكسرته فكل حته فالاوضة
بتاعتهم وخلت ريحتها وحشة اوى
وشكلها وحش وميتقعدش فيها
وفتحت دولابها مسكت عبايات نتالى
وبالمقص قصتهم كلهم وهى بتضحك
وبعدين ادت مهمتها ع اكمل وجه
..ودخلت اوضة الاطفال هى وابنها ونامت
ولا كأنها عملت اى حاااااااااااجه!
اما بقى عند وسام واصحابة
الكلام
كان جمييييل عن الذكريات ...
فادى: انا اول مرة اشرب فيها سجاير
فالبيت ..دخل عليا ابويا
لاقاها فايدى انا خوفت ورمتها
عالستاير
ورايا
وهو ياض يابن التييييت انت بتشرب
سجاير
وانا اقوله والمسيح الحى يابابا
ابدآ
المهم هو يشتم وانا شامم ريحه
حريقة
وسام والشباب:
هههههههههههههههههههههه
فادى: فجأة فعلا بنبص كده لاقينا
الستاير بتولع
قالى يابن الجزمة حرقت ستاير امك
طارق: يخربيتك وبعدين
فادى: انا بردو مصمم انى ماليش
دعوة وعامل من بنها
دخلت امى عالكلام .. قالتله جرى
ايه يا موريس
بتشتمنى ليه
المهم كلمة منه ع كلمة منها مسكو
فبعض
ومبقتش الستاير بس الى بتولع ..بقت
الاوضة
وانا نزلت وسيبتهم شبطانين فبعض
بس الحمدلله اتغرمت تمن ستاير
جديدة ودهان الاوضة
ابويا ده صعب اوى
طارق: هههههههههههههه بمناسبة من
بنها وبتاع فمرة كنت فايام الجامعة مش فاكر
بس تقريبا ايام الجامعة
وواخد الحتة بتاعتى بقى ومظبطها
وسارق كل الفلوس الى فالدرج جمب سرير امى
وعامل نفسى الواد ابن الوزير
وواخدها ورايحين حته مطعم ابن كلب
لو شربت مية بس تدفع الشئ الفلانى
وصاحبكم عامل الفييس
المهم دخلنا انا وهى وهى قدمت عنى
خطوتين ، الصدفه بنت اللذين كان ف مطعم كشرى جمبه
جيمى: شوف حكمة ربنا يا مؤمن
ههههههههه
طارق: ولاقيتلكم مين طالع منه ؟
ابويا
وشافنى
قالى ايه الى مدخلك المطعم ده
بقوله كنت هتغدى
قالى تالى انا جبت كشرى وعامل
حسابك يلا نروح
فادى: ههههههه وسيبت الموزة ؟!
طارق: سيبتها فضلت واقفة متنحه
عالباب شاورتلها بقى مش بايدى
ابويا ايده تقيله يا جدعان وبعدين
م اتفضحت والى كان كان
مدخلها مطعم هاى كلاس وابويا جايب
كشرى
وسام: ههههههههههه لا انا فاكر
موقف ندل من جمال كنا انا وهو فالمترو
وعجبته بنت وانا شغال اقوله ياعم
ابعد عنها
ياعم بس البت مش مدياك وش اصلا
جيمى: هههههههه ايوة ايوة افتكرته
وسام: وبعدين البت نزلت وكان ف حد
مستنيها كده شكله خطيبها
شاورتلها ع جمال جه ناحيته ومعاه 2
كده شكلهم شمامين ومش مظبوط
جيمى: يوميها الواد وسام كان عامل
زى الحمام الور ور وجسمه رفيع
فادى: اه ايم الجامعة مكانش مليان
زى دلوقتى
جيمى: وبصيت ناحيته ولاقيت دول
جايين قولتله ياعم من الصبح بقولك ملكش دعوة بيها
وبصتلهم وقولتلهم خلاص يا رجاله
عندى دى مكانش واخد باله كان فاكرها بنت خالته
هههههههه والواد وسام وقف كأن
مدلوق عليه جردل تلج وتنح وخاف لحد يسكعه قلم يروح فيها بس عدت ع خير
وسام: انا اصلا واقف عارف انى
هتضرب ماهو الاستاذ لزقها فيا خلاص بقى مش هينفع اجرى
طارق: لا بس انت النضارة وتسريحة
شعرك زمان متديش ع واد صايع
هما تلاقيهم صدقو انه جمال بس
لاقوه خاف قالو كفاية عليه كده ههههههههههه
وسام: (بيضحك جامد) ههههههههه ياه
اياااااااام
فادى: لكن قول يا وظوظ ..ايه الى
لمك ع كاميليا بعد ده كله
تظبيط ولا ايه
وسام: لا ياشيخ تظبيط ايه ..
كاميليا زى اختى والله
جيمى: ايوة مانا مصدق ..مش انت
مصدق يا طارق؟
طارق: انا ابصم بالعشرة ان الواد
ده كداب
ياعم دى فجأة جابتلك عقد وفوظيفة
فالشركة اعلى مننا الى بقالنا سنين
وكانت فاضل ترقص هندى للكفيل عشانك
وتقولى اختى
ع بابا يلا!
وسام: طب والله انا شوفتها صدفه،
هى تبقى مامت زميل بنتى بتول فالحضانة وفوجئت انها كاميليا بس
لكن يا جماعة انا بحب مراتى فعلا
طارق: ماهو احنا مصدقين انك بتحبها
هو حد قال حاجه .. بعد قصة القط والفار الى بينكم دى
جيمى: بس ميمنعش ان ف شوية عط من
الحب القديم
وكمان هى فاضية دلوقتى
وسام: يا جماعة مينفعش نتكلم عنها
كده دى زى اختنا برضو
وبعدين انتو بتستعبطو اصلا وعيال
ولا هتكبروا
فادى: انا ياعم زى مانا تنكر
وسام: انتو متجوزتوش ليه ياض منك
ليه
جيمى: انا متجوز ياعم بس مش بحب
اقول
وسام: ليه خايف من الحسد
طارق: لا اصلها منكدة عليه عيشته
وبيعقد هنا بالسنة والاتنين ويادوب بيبعت مصاريف وشكر الله سعيك
وسام: بس هما ليهم حق عليك برضو
جيمى: ياعم هى مش عايزة غير فلوس
..وانا بلاقى راحتى وانا بعيد عنها
وسام: وكان ايه غصبك تتجوزها؟
جيمى: هو انت لما بتبقى ماشى فحالك
وفجأة توقع فبلاعة مجارى بتقول ايه خلاك وقعت مرة واحدة ولا قدرك الى زى وشك وقعك
وسام: ليه بس كده يا اخى ده رسولنا
الكريم بيوقل رفقآ بالقوارير
جيمى: هو كده بقى وخلاص..بس
عالعموم متزعلش نفسك
المقدس فادى هيدخل القفص الاجازة
دى
وسام: هتتجوز؟
فادى: اه صليلى يا وسام كل اجازة
نبقى مرتبين وتفشل معرفش ليه
جيمى: مستعجل اوى ياخى
فادى: بحبها ياعم
وسام: هدعيلك ربنا ييسر امورك يارب
ومتبقاش زى عمنا ده (شاور ع جمال) ولا ده (شاور ع طارق)
طارق: انا مستكنيص ولا جوااز ولا
غلب
ع رأى احمد مكى اتجوز واصرف ع
واحدة مش قريبتى اساسآ!
كلهم ضحكو سوا ووسام بصلهم وهو
بيضحك ..ياااااااه عدت سنين
ومش كان عامل فحسابة التجمع ده
فيوم
وحشته مى وبتول مسافه يومين
ياترى هيقدر عالغربة !
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
شريف فالشغل ..
وراجع من البريك كان بيتغدى برة ..
لمح بشرى فالكوريدور واقفه قدام اعلان برنامج الحلم وبتنقل الرقم ومبسوطة اوى
شريف: بس.. انتى يا انثى
العنكبووووت
بشرى: (بصتله) يووه! عايز ايه يا
جدع انت
شريف: مالك واقفه قدام الاعلان كأن
المذيع كاتب كتابك ولا حاجه
بشرى: (ابتسمت انه بيسأل عنها) ده
برنامج الحلم
بيكشبو الناش بحق وحقيق
انا بقى مرتبى كله رايح عالبرامج
دى
يمكن تشيب مرة ويبقى معايا فلوش
كتير
شريف: فلوش !! طب م مرتبك بيضيع يا
هبل ..روحى هاتيلك لبس اكل
اتجوزى وغورى من وشنا
بشرى: (ضربته فكتفه جامد) وهو انا
لاقيت جواز ومتجوزتش يالى تنشك فقلبك!
شريف: انشك ! روحى الهى تنشكى
فبؤبؤ عينك ماتعرفى تشوفى قدامك
انا ايه الى وقفنى معاكى
غورى ابعتى الرسايل
بشرى: طب اوعى من وشى كده وشع
شريف: وشع! جاتك نيلة وانتى شبه اخر
الشهر
جاله حد من زمايله بسرعة..
زميله: شريف ..الديركتور مانجر
عايزك حالا
شريف: فمكتبه ؟
زميله: اه و ع وجه السرعة مش عارف
فيه ايه
شريف: استر يارب مش شوفنا بشرى
وزفت
خبط شريف ودخل المكتب لقى مديره
واقف وع وشه غضب رببنا وماسك ورق وف بنت غريبة قاعده قدام المكتب
شريف:( بلع ريقه بصعوبة) فيه حاجه
يا فندم!!
المدير : بص ياشريف ..انا حذرتك
مرة و2 من انك تستخدم الشغل وعملاء الشغل فحياتك الشخصية حصل
شريف: يا فندم ده موضوع وحصل من
سنين وعلقت واحدة !
المدير: افندم!
شريف: قصدى عرفت واحدة يعنى وخلاص
خدت جيزه ومكررتهاش
المدير: مممم كنت عارف انك هتنكر
الورق الى قدامى ده ميخلنيش اعمل
حاجه ف امرك غير حاجة واحدة
شريف: ايه هى يا فندم!
المدير: انى ارفدك..انت مرفود يا
شريف!
شريف: احم..حضرتك بتقول الف مبروك
يا شريف!!
المدير: بقولك انت
مرفود يا شريف
اتفضل اطلع برة الشركة وسلم كل
حاجه ومش عايز اشوف خلقتك هنا تانى !
مفهوم
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل
بكرة
استنوها
يوميآ
#ويسو_وميوش_وتوتا_وخلصت_الحدوتة
#لنورإسماعيل
