❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
شريف واقف رابط راسه بشاش ، وجمبه بشرى
ووسام طبعآ موجود بما انه بقى السوبر فايزر وشاف الى حصل
كل ده قدام الديركتور مانجر
الاستاذ فرحات: من اول كام يوم ليكى يا بشرى وعملتيلى مشاكل مع الموظفين
ودلوقتى بتضربى الاستاذ شريف اثناء الشغل
بشرى: ياشعادة البيه الباشا المدير ، الاستاذ وشام كان واقف وحضر الموقف
هو شاف ان هو الى بدء وقل حياه واستفزنى
شريف:قل حياه !! بذمتك يا استاذ فرحات دى واحدة تشتغل هنا بوفيه
دى تشتغل بياعه بسكويت ويفر معفن عالمحطة ومحدش هيشترى من خلقه القرود دى
الاستاذ فرحات: شريف! متغلطش فيها انت كمان
اومال يعنى نجيبلك مين يشتغل هنا بوفيه ع مزاج حضرتك
هيفاء وهبى
شريف: (بنبرة تضحك) ياريييييييييت
الاستاذ فرحاتك (خبط عالمكتب بعصبيه) احنا هنهزر!
وسام: بعد اذن حضرتك يااستاذ فرحات ، هو شريف غلطان وبشرى غلطانين
المفروض دى مش طريقه تعامل الموظفين لبعض اطلاقآ بصراحه
شريف: 2 موظفين ايه يا وسام م توحد الله ، هتساوىينى بآكلة البعوض دى !
بشرى: انت هتتلم يا جدع انت ولا ادب صوابعى فحباب عنيك
شريف:طب شايف انت يا وسامززعشان تقول غلطان
دى هطلع من هنا عالتاهيل المهنى بسببها
فرحات: انا الاول كنت هجازى شريف بس ..بس لانك انتى كمان يا بشرى مش محترمة انك قدامى
انتو الاتنين عندكم خصم
شريفك خصم !! آدى اولها الى شوفناه من سيادة فرقع لوز الجديد
خارج متأفف شريف من الى اتحكم عليه من الديركتورززوبشرى اول انطباع لشريف
العمى يكون اهون عليها منه
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
عدى شهرين...
ويبقى الوضع ع ماهو عليه عند غادة .. مافيش حس ولا خبر عن ممدوح
ولا سأل
ولا بعت نفقة للولد ..ومرجعاش لعصمته ولا لبيتها
اخوها اتصل بيه اكتر من مرة وهو نفض.. بصراحة بعد م رجعت غادة لاهلها وشافو طريقتها فالتعامل زائد انها مش بتاكل زى الناس
وجديرة تخرب بيت اى حد فأى وقت
عرفو ان ممدوح هو الى كان مظلوم معاها من الاول.. وان لازم ييجو ع نفسهم ويحاولو
يرجعو المية لمجاريها
بس ممدوح ..........لا حياة لمن تنادى
منة بقى الى حد ما امورها استقرت مع سامح ، ويمكن المشكلة الكبيرة الى حصلتلها دى
هى السبب فانها تعقلها وتخليها ترضى بعيشتها
والى فيها كتير من المميزات الى مش موجودة فعيشة بنات كتير فسنها ومتجوزين
اما امنية ومى
فهما الى حد ما مستقرين فحياتهم... وقاعدين بيدردشو فالاتيليه
مى: اناالاول مكنتش حاطة فدماغى ،بس بعد م حطيت الفكرة
بقت تووووووون وتززززززززن ومينفعش بقى عايزة بيبى
امنية: يابنتى اصبرى ، هو عشان قررتى فجأة انك تجيبى بيبى جديد
هتروحى جايبة ع طول
مى: انا عارفة ان كله بارادة ربنا ،بس انا بقالى شهرين وشوية ومانا مسستمة كل حاجة ع مجى البيبى ده
ومافيش اى حاجة بتحصل
امنية: هتفضلى طول عمرك طقه يا مى ههههههههه
دخل وهما بيتكلمو الاستاذ عمران الى جه هو وبنته قبل كده وخدوا فساتين
ودردش مع امنية ..
عمران: السلام عليكم ...
امنية:(بابتسامة عريضة) اهلا اهلا استاذ عمران ...نورت حضرتك اهلا بيك
عمران: المكان منور باللى فيه يا مدام امنية
مى بتتفرج زى الهبلة وعايزة تعرف مين ده
امنية ميوش الاستاذ عمران الى جه قبل كده وخد كذا فستان مننا لبنته الى قولتلك عليه
مى اااااااااه اهلا يااستاذ عمران اتفضل
عمران: انا كنت معدى ع الاتيليه وبالصدفه افتكرت ان عندنا حفلة قريب هنعملها فالبيت لبنت اخويا
امنية: الف مبروك ربنا يتم ع خير
عمران: فقلت اتصل بيها اذا كانت تيجى تختار من هنا
مى: اه طبعآ المحل كله بتاعها ...انا طلبت لحضرتك لاتيه زيينا بقى هههه
عمران: مافيش مشكلة
فعلا البنت جت ومعاها اصحابها .. واختارو فساتين واكسسوريز كتير
وفوسط ده كله الاستاذ عمران مشالش عنيه من ع امنية خالص
مى كانت بتفرجهم بس عنيها عليه وحست بحاجة غريبة
قالت تنفرد بأمنية بعد م العملاء يمشو ...وهى هتقر بكل حاااااااجة
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
"يعنى ايه يا مامى مث هتقدرى تيكى الحفلة بتاعتى "
مى: معلش بقى يا بيتى ...بابى يبقى يحضرلك انا عندى شغل كتير
بتول: (مكشرة ومدة شفتها التحاتنيه ) بث انتى وعدتينى انتى وبابى تحضروا
واثلا اثلا بابى مث جاب فستان الى انا عايساه ولا حاكه خالص لحد دلوقتى
وسام كان بيفتح الباب وهما بيتكلمو سوا فالليفنج روم
وسام: السلام عليكم ورحمة الله وبركاته ، حبيب بابى مكشر ليه (ميل يبوسها ويحضنها)
بتول: مامى تقولك (جريت وسابتهم)
وسام:(بيبوس دماغ مى ) ازيك يا روحى ...خدى الاكياس دى حجات للتلاجه
مى خدتهم ودخلت وهو دخل وراها المطبخ
مى قال ياسيدى زعلانة لانى مش هقدر احضر حفل تخرجها ولا انت جبتلها فستان والحجات الى هى عايزاها
وسام: (سرح وسكت) ربنا عالم الشهر ده ضارب معايا فلس ازاى
مى: جرى ايه يا وسام..انت مش اترقيت ومرتبك زاد
وبعدين دى بنتنا اذا مش كنت تعمل كده لبتول نعمل لمين
وسام: ياستى انتى عارفة ان عمرى م أتأخر عنها .بس انتو قدرو الظروف وبطلو طلبات شوية
مى: (خرجت لاوضة الليفنج) طلبات!! وهى فين الطلبات
وسام: هى عايزة اشتركلها فنادى ..وانتى كل يوم عايزة وعايزة وهات وهات وهات
انتى مش واخدة بالك ان العربية بقالى فوق ال 7 سنين مغيرتهاش
وموديلها قدم
وبقت تمشى مكسحه
مى: ياسلاام! اى بيت بيصرف يااخى
وسام: بيصرف حاجة وطلباتكم انتو حاجه
مصاريف حضانة بتول، واشتراك الباص
وجزء من الضرايب الى بتتفرض عليكى بسبب المحل والى بتخلينى احط من المرتب ليها حاجة فالحسبان
ومصاريف البيت
والعربية والبنزين
مرتب ايه الى هيكفى ده كله
وتيجى بعد ده كله بنتك تشاور ع فستان 1230 جنية! ليه شايفينى بسرق
مى: ايه ايه ! فيه ايه لكل ده
فاتح لنا نشرة طويلة عريضة عشان حتة فستان!!
وسام: حتة فستان! وحضرتك الى طالع عليكى عايزة بيبى عايزة بيبى
مش لما نشوف طلبات دى الاول
مى: خلاص اتبرى مننا يا وسام!! ولا اقولك
سربنا زى القطط فالشارع وكأن محصلش حاجه
وسام: اسربكم!! طب اوعى الله يخليكى من وشى
مى: مشيت خالص يااستاذ وسام..اسفه انا وبينتى اننا ازعجنا حضرتك
وسام: (باصص ومتنح لمدة كام ثانيه) روحى الله يهديكى
(بيغير هدومه وبيبرطم بعصبيه) معرفش اجيب فساتين ولا ادفع ضرايب
ولا بنزين
ولا نوادى ولا اجيب اكل وشرب
وكله من المرتب كأنه بيولد دولارات ...رحمتك يارب
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
شريف مع نهال فكافيه بيشربو حاجه سوا بعد شغلهم هما الاتنين
شريف: انتى عارفة كام مرة امبارح ..واول امبارح اتصل بيكى والاقيكى ويت
نهال: مخدتش بالى
شريف: انتى ليه بتتكلمى ببرود كده ؟! وبعدين بتكلمى بليل مين فوقت زى ده بقى عايز اعرف
نهال: بكلم اى حد فالدنيا..حاجة متخصش حد
شريف: نعم يا روح طنط!! لا تخصنى طبعآ
انتى مش خطيبتى ..مش من حقى اعرف بتكلمى مين فوقت زى ده
نهال: لا مش من حقك... لما نتجوز ممكن يكون من حقك
وبعدين م انت ممكن تبقى ويت فأى وقت
بسالك بتكلم مين ؟
شريف: ماهو ده الى غايظنى بتتصلى كتير تلاقينى ويت ، وبتشوفينى اون لاين عالفيس ومش بتتكلمى
كل الى فيكى برووووود برووووود متناهى
غيرك كان قلبها حريقه
نهال: غيرى زى مين !
شريف: اى ان كان ..كل البنات بتغير ع الى حبايبها
وانا خطيبك
نهال: تمام!! بتقول ع حبايبها
وانت خطيبى ..
لسه مبقناش حبايب
شريف: ايه ده ! مين دى
لسه مبقناش حبايب
اومال واخدبين بعض تخليص حق
ايه الكلام الغريب ده.. م تتكلمى عدل
نهال: (ضحكت بسخرية) هو انا كلامى معووج ! انت شايفه معووج
احنا شوفنا بعض صدفة من كام شهر
فجأة لاحقتنى
قررت تخطبنى
انا وافقت
وخلاص كده !!
شريف: ممممممم ع فكرة مش هتعرفى تستفزينى
شكلك شخصية مستفزة وبتحب تطلع الى قدامها عن شعورها
وانا بقى مروقلك بااااااااالى عالاخر وشوفى عايزة تبدأى منين وانا معاكى يا اشطة
نهال: (ضحكت بصوت عالى مش انبساط استفزاز) ههههههههههههههه اشطة عليك يا اشطا انت
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
فحفلة بتول !!
كل اولياء الامور متجمعين فالمسرح المدرسى ، ومستنين تبدء الحفلة
وسام بعد كل الهوليلة الى عملها ، خضع لرغبة بتول وجاب الفستان الى كانت عايزاه
ماهى بنته ونور عينه
هيطلع يطلع وينزل ع مافيش
وفضى نفسه مخصوص ساعتين عشان يحضر الحفلة ويبقى جمبها تعويض عن وجود مى
كاميليا كمان حضرت ... وكانت موجودة فالكرسى الى جمبه
اتبادله التحية وشوية دردشة وبدأت الحفلة ، تصوير وتسقيف وفرحه
وبتول كانت منورة وكانت اجمل بنوتة فكل البنات
وغنت وفرحت
وكمان صهيب غنى وقال اناشيد
وفاخر الحفلة انتهو بمسرحية جميلة .. وكانو بتول وصهيب فيها
وعملوها حلو اوى ...خلصت الحفلة والمدرسين قامو بتتويج الاطفال الطلاب
بكاب التخرج
وكانو زى القمر وصورهم وجريت بتول ع باباها وكانت فرحانة انه موجود وحضنته وصهيب وكاميليا
خرجو الاربعة سوا وعزمهم وسام يتغدوا فمطعم واتفتح موضوع الشغل بتاع وسام وانه مبقاش المرتب يجيب همه
كاميليا: طب انا عندى ليك حل ممتاز
وسام: انى اسافر مش كده
كاميليا: وفأقل من سنة كل المشاكل دى هتتحل...وممكنكمان تبعت تجيب مى وبتول وتعيشو هناك
وسام الفكرة مسيطرة عليا من فترة بس مش عارف مش كل حاجة بننجح فيها يعنى
كاميليا متخافش انا فالاول كنت زيك وبعدين انا وفادى معاك والاول ربنا طبعآ ومش هتحس انك لوحدك
ها
اشوفلك عقد وامشى فالاجراءات
وسام مى لو عرفت انى هسافر واسيبهم وكمان معاكى ..هتبقى ليلة زى الفل!!
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
سامح: اقعدى كويس بالواد يا منة الدنيا زحمة لحسن توقعى من عالموتو سيكل
منة: لا متخافش يا سامح انا قاعدة كويسة وماسكة فيك اهو
سامح مش عارف ايه الزحمة دى انهاردة
منة بيقولو ان ف حد مهم معدى بموكب بتاعه
سامح وانتى حبكت تروحى لمامتك يوم الموكب ده بالذات
منة ههههههههههههه
الزحمة بتفضى بشويش وسامح بيقدم بموتوسيكله
منة ياخويا مين الى بيعمل فرحه فيوم زى ده
سامح يعنى هما لما اتفقو كانو عارفين انه يوم موكب
منة قدم خطوة ياسامح والنبى عايزة اشوف العروسة الى فالعربية دى
سامح يابت هتشوفى ايه يعنى م انتى اتجوزتى وخلصتى
منة والنبى والنبى اتفرج ع فستانها
ساااامح حاااااضر ياستى
مشى خطوتين لقدام وكانت جمبه العربية بتاعت الرسان ومنة بتحاول تشوف العروسة وفجأة
منة ايه ده !! يانهار اسود!
❄❄❄❄❄❄❄❄❄❄❄❄❄ ❄❄❄❄❄❄❄❄❄❄❄❄❄
استنونا
ويسو وميوش وتوتا وخلصت الحدوتة
#نوراسماعيل
القفلة كانت حتخليني أتشل بصراحة ههههههههه ... الحلقة قصيرة و مافيهاش أحداث كثير بس تحفة كالعادة ... دمتي متميزة .. عندي احساس ان شريف حيقع في شر أعماله و حيتجوز بشرى في الآخر ههههههه
ردحذف