♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
"دخلت البيت ..حسيت انه فاضى ، الروح الى فيه مش موجودة
مع ان فالوقت ده كل يوم بيبقى فالشغل
بس بيبقى عندى كل يوم تأكيد انه هيرجع ع بيتنا ع طول اول م يخلص شغله
انهاردة بقى كنت عارفة انه مش راجع غير بعد سنة ! "
امنية بتسمع مى وهما قاعدين فالاتيليه سوا وبتحاول تخفف عنها ..
امنية: افتكرى انه برضو يعنى عامل كده عشانكم ، وبعدين دلوقتى كل حاجه قربت بسبب التكنولوجى الحديثة ومش هتحسى ابدا لحظة انه بعيد عنك
مى: (اتنهدت ) ربنا يعديلى المدة دى ع خير وبسرعة بقى
امنية مرة واحدة قامت واقفه ..لما فوجئت بوجود استاذ " عمران"
قصادها "
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
تخبيط ..تخبيط كتير عالباب ورا بعض
من ممدوح
لان المفتاح الى معاه مش راضى يفتح !
ممدوح: عارفة ياغادة لو كنتى عملتى الى فبالى
نتالى : شو بتغير قفل الباب من رأيك
ممدوح: عملتها بنت ال...
نتالى: بيكفى هيك الجيران عم تطلع فينا ، بنرجع البيت هلأ وبعدين بنعرف شو بنعمل
ممدوح: لا والله م همشى من قدام البيت ..غير لما تفتح
ويا انا يا هى ..حتى لو طولت اكسرلها الباب حتت ع دماغها
غادة بقى كانت جوه ... واقفه وسامعة الحوار كله
وبتضحك
ومرة واحدة قالت بصوت عالى
غادة: يا حبيبى خد العرسة الى معاك دى ويلا انكشحو ، ده بيتى وبيت ابنى
ممدوح: ههيهيئ سلامات يابيتك ..ماااااااشى ياغادة ماااااشى
نتالى : والله عيب هيك..عم يتطلعو فينا العالم
ممدوح: انا هعرفها العيب واصوله دلوقتى
نزل ممدوح وجاب البواب وجاب ادوات شاكوش وحجات وابتدى ضرب فالكالون
والباب
بكل عزمه
غادة: بتعمل ايه انت !
ممدوح: قولتلك هكسره ع دماغك..وانت متكسرش هطلعلك من اى حتة يا غادة ولا يهمنى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عمران : طبعآ انتى مستغربة مجياتى الكتير الفترة دى ..ومن غير سابق معاد
انا والله مش عايز اعمل زى الشباب المراهقين
بس المرة دى جاى بقى واقولك كل حاجه
امنية: اتفضل
عمران: انا عايز اطلبك للجواز يا امنية
امنية كانت حاسة ومتفاجئتش ..الى اتفاجئت بقى ..هى مى !
مى: حضرتك جاى عايز تتجوز امنية ؟
عمران: ايوة ، فيه حاجه فطلبى غريبة
مى: اه طبعآ..اولا لا السن ولا فيه تكافؤ اجتماعى مثلا
ولا فيه قصة حب
ولا كنتو تعرفو بعض
هو اى حد يشوف اى حد فأى وقت كده يتجوز ! ده حتى باين عليك حد بتفهم يعنى
عمران:(اتحرج جدآ من دخله مى فيه ) حضرتك انا بقالى فترة بتردد عالمحل هنا واتكلمت مع امنية قبل كده كذا مرة ويعنى فيه تعارف
مى: التعارف ده من وجهه نظرك يعنى كافى للارتباط وجواز وبتاع ، انا عايزة افهم حضرتك انى انا شخصيآ
اخدت سنتين مقالب وحركات وهبل وطهقان فواحد لا يعرفنى ولا اعرفه
وسنة خطوبة وحب ونحنحة وبعدين اتجوزنا
وكمان مكناش هنتجوز
لان حصلت مشاكل كتير قبل فرحنا ..تحس انه من عين الناس
ماعلينا
عايزة افهمك ان لازم وقت وقبول وحب وخد وهات
مش كام مرة جيت
ع كام فستان انت اشتريتهم
خلصت بقى وتتجوزو وبعد الجواز كل واحد يكتشف طبع التانى الزفت
ويحس انه كره اليوم الى شافه فيه
ونضرب اخماس فاسداس
وخلع ومحاكم وقضايا نفقه
وع ايه
خدها من قصيره واشرب قهوتك والحمدلله بقى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الباب اتفتح !!
ممدوح: ادخلى يا حبيبتى (بيدخل مراته السوريه)
غادة: كده طيييييب ..طالما جيتو برجليكو عش الدبابير
يبقو استحملو القرص
نتالى : بالله شو ! (بصتلها من فوق لتحت) هيدى مرتك الى كانت ..
ممدوح: وطلقتها (حاضن مراته قدامها) معادتش مراتى
نتالى : وع شو عم تتحكمى ومو رضيانه تدخليه بيته ..متل مابتقولو بالمتل المصرى
البيت بيت البابا والعالم الغريبة عم يطردونا "
غادة: (بتقلدها بسر بتريقه) البيت بيت البابا ..(خبطتها فدراعها) طب يلا يا حبيبتى شوفيلى اى مكان تتهببى فيه وتختفى من وشى
نتالى : شو انتى مو سمعانه يا حرام .. هو طلقك وماعاد هيدا بيتك
هيدا بيتى وبيت ممدوح
وانتى هون دخيله علينا
غادة: (متغاظة ) انا دخيله يا معصعصة يا معفنة يالى جاية من بلادكو هربانة عشان تاخدى شبابنا
جاتك نيلة وانتى بتبيعى نفسك قصاد الاكل والشرب
نتالى : شايف عم تحكى كيف يا ممدوح (مثلت العياط ودخلت الاوضة)
ممدوح: مالك متغاظة ليه ..عشان هى زى القمر وسمبتيك وانتى فشر البرميل (بصلها بسخرية وضحك مشى )
غادة: انا برميل يابو عيون ملتهبة ! مااااااشى ماشى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عمران: ياااااااااه حضرتك دخلتينا فقصص احنا فى غنى عنها
كل الحكاية انا لا سنى ولا وقتى
ينفع لمقالب و حب وخروج وقصة من الى بتقوليها دى ..انا راجل سنى عدى الاربعين
ومينفعنيش كل ده
مى: يا سلام! وهى مش من حقها تعيش كده ..يا حضرت الاستاذ المحترم
امنية خدت اقلام لما استوت من واحد حبته واتخطبت له قبل كده
امنية: (بتشدها من هدومها) مى !
مى: استنى بس..وبعدين اتجوزت جوازه كل ايشى ان كان زى الى حضرتك بتعرضها دى
لا وكمان ده كان ابن خالها وصغير فالسن
مش زى حضرتك سورى يعنى
سنتين وباى باى
امنية: مى اسكتى ..ما تظبطى كلامك
عمران: ماهو عشان انا خلاص مش فاضل كتير فعمرى اد الى راح
كنت عايز اعيشهم فى سلام مع واحدة ..
مى: تحضرلك العشا وتشوفلكم فيلم وتنامو صح!!منطق فمنتهى الغرابة الحقيقة
عمران: مدام امنية خلاصة الكلام تقبلى ولا لا؟
امنية سكتت خااااالص بعد م كانت مستمتعه بالمباراه الكلامية الى بينه وبين مى
جه الدور عليها بقى
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وسام وصل
اجمل واحلى منطقة فالامارات ..دبى !
الى فيها الشغل والسكن وكل حاجه ظبطتهاله كاميليا ، استقبال حافل من كاميليا وفادى فالمطار
ووصولا بالسكن
فوجئ بوشوش مشفهاااااااش من سنين !
" ايه ده ! طارق وجيمى لالالا بجد دى احلى مفجأة فحياتى "
طارق: وظ وظ ..تعالى ياااااااااااااض واحشنى (حضنو بعض جامد)
يخربيتك ياض ايه الطقطقة دى وصابغ شعرك زى الموضة خطوط بيضا
وسام: ههههههههه يخربيت عقلك زى م انت يا طارق
يا واد صبغه ايه ده شعرى
جيمى: لا متقولش انك عجزت يا شاعر
وسام: (بيحضنه ويبوسه) ياااااااه الكلمة دى مسمعتهاش من حد بعدك يا جيمى
كاميليا: محبتش اقولك ان معظم شلتنا فالجامعة بنشتغل كلنا سوا هنا فالشركة دى
مقولتش بس غير ع فادى
طارق: ايوة طبعآ مفاجئات بقى من الحب القديم (بيخيط وسام فصدره)
وسام: يا واد اتلم انا اتجوزت وخلفت ..كاميليا اختى والله
طارق: زى م كانت اختك ايام الجامعة فاكر..فاكر
جيمى: خلاص بقى يا طارق متستلموش لما ياخد نفسه من السفر
فادى: يا جماعة بلاش منها الذكريات دى الراجل بيقولكم متجوز ومخلف
هو صايع زيكم
هتخربو بيته الله يهدكم
طارق: لا ياعم نخرب ايه ده احنا هنولعهاااااااااااااا
كاميليا: طب يلا بينا اكيد وسام مأكلش فالطيارة..تعالو نتغدى
جيمى: يا حنينة !
كاميليا: اتلم يا جمال والااااااااا؟؟
فادى: اه تروح للراجل الى مشغلنا ونترفد رفد جماعى
طارق: لا بس ماعدا الحب الاول (بيغمزله ع وسام)
وسام: لا يا يا زفت انت هتسكت ولا ارجع فالرحلة الجاية
جيمى: لا هو هيسكت ياشاعر ..بس يلا ناكل لانى هموت من الجوع
وتحكيلنا كل حاجه حصلت معاك من يوم م اتخرجت
لحد م كوكى جابتك ع هنا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
شريف ونهال ...سوا فالمكان الى بتسجل فيه نهال اغانيها
نهال: انا مش عارفة يا شريف انت ايه الى مدايقك ، دول صحابى زى م انت ليك صحاب
ولا هو لازم ع الشباب يعملو كل حاجه والبنت متعملش ولا حاجه عشان هى بنت
وميصحش ومينفعش
ايه التفرقة العنصريه دى
شريف: تفرقة عنصريه ايه ..هو احنا فالجيش
بقولك واقفه بتضحكى وتهزرى مع ده وده وانا ولا فالدماغ
مش عارف انا خطيبك ولا مين
فاضل اكتب يافطة ع صدرى اقولك ان انا خطيييييبك
نهال: طب مانا عارفة يا شيرو انت خطيبى شريف وهنتجوز خلاص بقى متكبرش الموضوع
فونها جاتله مسج وهى واقفه معاه فتحتها وضحكت
شريف: ممكن لو سمحتى (عايز فونها)
نهال: لو سمحت ايه
شريف: ممكن اشوف المسج الى جاتلك دى
نهال: مش من حقك
شريف: بقولك هاتى (خده من ايدها بعنف ) وقرا المسج
لقاها من نادر مكتوب فيها
" حبيتك وبحبك وهحبك ع طوووول "
شريف: ايه ده ! (ماسكها من دراعها) ايه ده انطقى
ماشية مع رجلين
بتحبى رجلين
ليه مخلوقة بشفطتين!
نهال: اووووعى دراعى ..ايه مالك
ما انت كنت بتعمل كده
بتعمل كده مع كل بنت بتعشمها بالحب والارتباط وفنفس الوقت بتقول الاسطوانة لغيرها
وعملت كده مع خطيبتك حبيبة عمرك
فيه ايه
ايه المفجأة دى
هو انت تعمل وغيرك ميعملش
شريف: اعمل ومعملش ايه ؟ انتى اكيد اتجننتى
انا راجل انتى متحسبنيش
وبعدين ده فات وانتهى من حياتى
نهال: اوك صح المفروض محاسبكش عاللى فات
طب وانا
انت فاكر انى اقتنعت بانك بتحبنى بقى ومش بتنام الليل
والاغنية البايخه الى دخلت عليا بيها دى
ههههههه
انا عارفة كل حاجه ..من اول المكالمات السخيفة والزونب الى كنت بتضربها بينى وبين نادر
وبعدها زومبة الشحات الى شوفته بعد كده وقالى انك اديته فلوس عشان يقول كده وان محصلش ده من نادر
وتالتها البنت المزيفة الى عملت نفسها خطيبة نادر وقالت لبابا كلام وحش خلاه يرفض خطوبتنا
وبعدها انت جيت زى الاهبل تطلبنى وفاكرنى دوبت فسحر عنيك
وموافقه زى كل واحدة هبلة عرفتها قبلى
لا يابابا فوق
جه الوقت الى تعرف ف حقيقة نفسك
انت واحد ضايع وبتضيع اى حد جنبك او نعمة فايدك
انت عارف !
حب امنية خسارة فيك
وعشان غبائك ضيعته ودورت ع واحدة زيك برضو مقضياها
كل الحجات دى انا عرفتها قبل الخطوبة ..ومع ذلك وافقت
شريف: وافقتى عشان تنتقمى مش كده؟
نهال: ضحكت بسخرية ) ههه لسه الانتقام مجاش
انا بس فالاول حبيت تعرف حقيقة نفسك
(قلعت الدبلة وادتهاله) دى احتفظ بيها للذكرى
والى جاى متزعلش منه
سابته ومشيت وشريف منطقش ب ولا حرف
لقى نفسه رجليه رايحه ناحية النادى معاد التدريب الاسبوعى لمدثر عالكاراتيه
دخل لقى امنية قاعدة ومتابعه ابنها بس سرحانه
شريف: ليه مستنتنيش انهاردة نروح سوا
امنية: شريف .. انا جايلى عريس
طريقة امنية ف انها تقول كأنها م صدقت تلاقيه قصادها
شريف: عريس!! وبعدين ف ام اليوم الى مش عايز يعدى ده
امنية: ووادانى مهلة افكر ..
شريف: وانا مستعد لقنبلة هتجيى فوشى من الست نهال
امنية:وشكلى هوافق!!
شريف: شكلك هتوافقى ...وانا كده اتنفخت !
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ونكمل بكرة
استنوها يوميآ
#ويسو_وميوش_وتوتا_وخلصت_الحدوتة
#لنورإسماعيل
هي نهال أه مستفزة بس شريف يستاهل الحرق ... و أما غادة إلاهي تتحرقي بجاز وسخ ده ايييييه ده الاهي يهدك يت بعيدة ، هو لسى فاضل كثير في الحلقات بليييييييييييز طويليها شوية و خلي نهايتها حلوة
ردحذف