روايةツ
نوتيلآ ❥❥
الفصل (28
， `·，`·，`·，`·，`·，`·，`·，`·，`·，`·，`·
"مراد !!"
سليم: مالك مستغربة كده ليه
مريم: اصله اتقدم مرتين لوجدان ،ازاى جاى يتقدملى انا
سليم: لا والدته وضحت سوء التفاهم وقالوا انه قصدك انتى لكن هى
فهمت انه بيقصد وجدان
واتكلمت عليها وبتقول ان وجدان رفضت كمان
مريم : اه رفضت
سليم: المهم ...انتى إيه رأيك ؟
مريم ( سرحت ) معرفش ياسليم ،انا اساسا معرفوش
اوعى عليه واحنا صغيرين لكن اكيد دلوقتي شخصيته اختلفت
سليم: ده غير دراسته بره وعيشته هناك اكيد غيرت منه كتير
مريم: تشور عليا ب ايه ياسليم ؟
سليم ( سرح وسكت لثوان طويله وهى بتراقب رد فعله) صلى استخاره
مريم ( بخضوع) حاضر
سليم( رفع بايده وشها من دقنها) مالك يا كلمش ،لو مش موافقه نقولهم عادى
خالتك شايفه انك لسه صغيرة وانس بيقول ان ممكن يجيلك الاحسن
مريم: مش فكرة الاحسن ولا الاوحش ،عارف الفكرة فين ياسليم
فالنهاية هتجوز جواز عادى
من غير حب
من غير حاجه خالص
حد عجبته بنت من غير م يعرف تفاصيلها
بتحب ايه بتكره ايه
عايز يتجوزها وخلاص
طب حكم عليها منين تنفع شريكة حياته
انت فاهم قصدى؟
سليم: فاهمك ،بس يا حبيبتى هو ده واقعنا الحالى
انتى جربتى اهو انك تحبي وتتعرفى من قبل وكانت ايه النتيجه؟!
استنزف مشاعرك وتعبك نفسيا وفالاخر طلع ميصلحش يكونلك اصلا
مريم: سواء مراد او غيره فكل حد هييجى ويتقدم هيتساوى بالتانى
كلهم غرباء عنى...كلهم شافونى جميله وانفع وبس
يعنى حتى لو رفضت مراد ...فهييجى يوم واقبل واحد تانى ميقلش ولا يزيد
سليم: بالعكس ويمكن كمان مراد يكون عنده مميزات كويسة عن غيره
مريم : زى ايه
سليم : زى انه يعرفنا من زمان ،حوار باباكى ده مش عامله قلق زى غيره
يعرف تربيتك ازاى
احنا نعرف اهله كويس
شغله ممتاز ومكانته كويسه
هتعيشى معاه مستريحه
دماغه متفتحه بحكم عيشته فالخارج
يعنى ...
كان ممكن يتجوز بنت من برة او حتى من الكويت ماهو عاش هناك سنين
لكن لف واختارك
وقال انه من قبل م يمشى وانتى فباله من وانتو صغيرين ..
مريم: يعنى انت شايف انه كويس ؟
سليم: صلى استخارة الاول وفكرى بالراحه وع مهلك ،لسه السنه قدامك
كده كده لو فى قبول انا مش موافق ع اى حاجه تحصل لحد م تخلصى وتتخرجى
مريم: انت فعلا مكان ابويا ، ف اكتر وقت اى بنت بتحتاج مامتها وباباها
بلاقيك انت وخالتو سادين ( حضنته) ربنا ميحرمنيش منكم يارب
سليم( حاضنها) انا ابوكى مش مكانه ، ربنا يكتبلك الى فيه الخير والصالح يارب.
نوتيلآ ❥❥
， `·，`·，`·，`·，`·，`·，`·，`·，`·，`·，`·
ماسكة منديل بتمسح دموع عيونها وهى بتتكلم فون وقافله ع
نفسها باب اوضتها ..
تبارك: طيب انا ذنبي ايه ؟
عمرو( بزعيق) ذنبك انك روحتى ! منبه انا ولا مش منبه
تبارك: طيب ماما مكانتش هتقدر تروح كانت مشغوله
عمرو: تروح مرات عمى بكرة بعده بعد شهر ،محبكتش يعنى مش هنفرش
الشقة بكرة خلاص
كنت اتلككتى يا تبارك اتحججتى
انتى غاوية تحرقى دمى يابنت الناس
تبارك( بتعيط) طب مانا عملت زى م انت قولت اهو
عمرو: بعد ايه ! يعنى شيخ وملتزم ويقول الكلام ده لواحدة المفروض انها
ع ذمة واحد
ينفع ده
عايز ايه هو من الاخر
قسما بالله اقطع شغلى وانزل اشوفه عايز ايه عشان نخلص منها الحكاية
الزفت دى
تبارك: والله حبيت احكيلك كل حاجه عشان مخبيش عنك ،كان ممكن متعرفش
ومتحصلش حاجه من خناقتنا دى كلها
بس انا معاهدة الله قبل م اعاهدك انى اقولك الكبيرة والصغيرة
لانك جوزى ومفيش حاجه غلط بعملها اخبيها
عمرو: ماهو اصل مش كل عريس اتزفت واتنيل راح خطب واحدة مرضيتش
عاش فالدور زى بسلامته كده
وايه ادعيلى اكرهك دى! هاه
ايه ادعيلى دى
يعنى الباشا لسه بيحبك ،يعنى تبقى فبيتى وفحضنى وواحد تانى بيتمناكى
انزل افتح دماغه عشان لايبقى فيه حيل يحبك ولا يكرهك
تبارك صوتها على فالعياط والانين ، ثوانى عدت وهى لسه بتعيط وهو متنرفز
سكوتها وقت عصبيته هداه شوية
وكمان طريقتها فالعياط حننت قلبه ،زائد انه محترم فيها صارحتها حتى لو الموضوع
يضايق
قرر يهدى الوضع شوية ..
عمرو : طيب خلاص كفاية عياط ، انا مش عايزك تعيطى انا بس عايز تقدرى
كمية حرقة الدم الى انا فيها
تبارك:________
عمرو: خلاص ...انا اسف انى زعقت وصوتى علي عليكى معلش
تبارك ( بتمسح دموعها) خلاص حصل خير
عمرو ؛ افهمى ! انا بحبك
مش متخيل ازاى تشغلى بال حد غيرى
ولا تشغلى مساحه فقلبه حتى
هتقولى عليا انانى فحبي ليكى؟ اه انانى وحقى
يعنى ربنا جمع بين الجمال والاخلاق والرقة فبنت وكمان لحمى ودمى
وجعلها مراتى ومن نصيبي
وييجى واحد يتشتحف ويعيط وحافظ كلمتين شعر يقعد يلخبط فكيانها
وكيانى كل شوية
مش ناقصة مش كفاية القرف الى الواحد شايفه فالغربة
تبارك ساكته
عمرو: تبارك
تبارك: نعم
عمرو: بطلتى عياط
تبارك: اه
عمرو: اومال ساكته ليه
تبارك: بسمعك
عمرو: انا خلاص خلصت كلامى
تبارك: طيب هقول ايه
عمرو: قولي اى حاجه متسكتيش كده ،قولى وانا كمان ياعمرو بحبك
اى حاجه تبل ريق الواحد وتهون عليه الغلب
تبارك ضحكت وسمع صوت ضحكتها
عمرو: يعنى يرضى ربنا مخطوبين وكاتب كتابي عليكى ومسمعتش لحد
دلوقتي انا بحبك حتى عالهوا كده
تبارك: يعنى ايه عالهوا
عمرو: فالفون يعنى مش قدامى
تبارك: ههههههههه
عمرو : عشان خاطرى حافظى ع نفسك اكتر من كده لحد م اكون وياكى
ممكن ؟
تبارك: حاضر
عمرو: يحضرلك دايما الخير ...زعلانه منى ؟
تبارك: لأ
عمرو: طب هاتى بوسة يلا
تبارك: ( اتخضت) ايه قلة الادب دى ياعمرو !!!!
عمرو: ايه حصل ايه ! واحد طالب من مراته بوسة فاللاسلكى
حصل ايه
قومتيها حريقه اوام
وايه قلة الادب دى عشان بوسة!
اومال ليلة دخلتنا هتطلبيلى البوليس بقى ...تقوليلهم الحقوونى معايا مجنون
عايز يبوسنى
مش كده
تبارك: هههههههه حد قالك انى عبيطة ولا حاجه،لا مش هعمل كده
وبعدين ساعتها هنبقى فشقتنا بعد فرح وكده يعنى فهيكون حقك
عمرو: ودلوقتي مش حقى يعنى ( بصوت حنون)
تبارك: لا ( بتضحك)
عمرو: ايه القساوة دى ...مبتسمعيش نانسي وهى بتقول بالهداوة الهداوة ياحبيبي
تبارك( بخضه) عمرو انت بتسمع اغانى !!!
عمرو: مالها البت دى كل شوية تطلع فيا عمرو ايه قلة الأدب دى
عمرو انت بتسمع اغانى
عمرو انت تبقى مين ياعمرو
تبارك ضحكت اوى ع اسلوبة وهو بيناغشها ، وهو ابتسم لضحكتها
والامور هديت وعدت ع خير المرة دى وربنا يسترها كده دايما.
نوتيلآ ❥❥
#لنورإسماعيل
， `·，`·，`·，`·，`·，`·，`·，`·，`·，`·，`·
فالكافتيريا كانت بتتغدى يارا لوحدها..
من وقت موت خالد هى عازله نفسها تماما ،حتى عن ياسين!
هو بيحاول يقرب لها تانى بس هى نفسيا متدمرة
يارا بسبب نفسيتها صحتها بدأت تكون فالنازل برضو ومبقاش عندها دفعه
تكمل علاج
بعد م وصلت لمرحله كويسة فيه ..
ياسين: انا جبت اكلى وقولت اكل معاكى رخامه وغصب عنك
يارا( بفتور ) اقعد
ياسين بصلها شوية وبعدين بدأ ياكل وهو مركز معاها بتاكل حته حته بهدوء شديد
وحزن ...
خلصت اكل وقامت راحت الحمام اتوضت
وخرجت لبست اسدالها وراحت لمصلى البنات تصلى ،كل ده وياسين
متابعها بالنظر
خلصت صلاه وخرجت اخدت المصحف وقعدت برة فجنينة المستشفى .
خرج وراها ياسين وقعد جمبها ساكت بيسمعها وهى بتتلو القرآن
خلصت قراية وقفلت المصحف وحضنته وبصت قدامها عالشجر وهى سرحانه
يارا: انا هسيب المستشفى
ياسين( باستغراب) ليه؟
يارا: هقعد هنا ليه
ياسين: عشان بتتعالجى
يارا( بلامبالاه) وايه لزمة العلاج طالما هموت فالاخر
ياسين: يارا ...ايه الكلام الى بتقوليه ده
يارا: مش دى الحقيقه؟ خالد اتعالج كام سنه ؟!
وفالاخر مات
مات ...ياريته م استحمل كيماوى ولا اشعاع
ولابعد وغياب عن اهله
ياريته فضل هناك فبيتهم مات وسط اهله بدل م يموت هنا متعذب !
دموعها نزلت وخبتهم بايديها ، ياسين اخدها فحضنه وساند راسه ع راسها
ياسين: اومال صلاه ايه الى بتصليها وقرآن ايه الى بتقريه
وانتى مش مؤمنه بأن كل ده قدر ومكتوب
بص لوشها وعيونها قصاد عيونها ع طول ،قصد يركز فيهم
عشان تحس كلامه وتفهمه
ياسين: عارفه انتى فكرتينى
احكيلك قصة انا بحبها اوى
زمان ...كان سيدنا سليمان قاعد وبحضرته اتنين من ضيوفه
وفجأة دخل عليهم ملك الموت ...زمان ع ايام الانبياء والرسل كان ملك
الموت بيظهر للناس
الضيوف خافوا واتخضوا لان طبعا هو له هيبه كبيرة ،هيبة الموت!
رحب بيه سيدنا سليمان فالمجلس وقعد وياهم،طول الجلسه كان ملك الموت
بيبص لواحد من الضيوف اوى
الضيف ده خاف من بصة ملك الموت ، فطلب من سيدنا سليمان انه يؤمر
الرياح تاخده فثوان لابعد بلد عنهم وهى الهند
سيدنا سليمان وافق لطلبه وأمر الرياح تاخده توديه للهند
ملك الموت ترك المجلس لثوانى ورجع
لما رجع سيدنا سليمان سأله ،ليه كنت بتبص للراجل كده
ملك الموت رد عليه وقاله لانى لاقيته فحضرتك هنا ...وانا بعد دقايق
هقبض روحه فالهند !!!
فهمتى ايه من القصة دى ؟ فهمتى انه مكتوب للراجل ده يموت لو راح فين
محدش ابدا بيهرب من قدره
كلنا ادوات بإيد الخالق العظيم
ربنا كان مقدر لخالد مشوار علاجه وموته هنا مش فبيته ،عشان فالجنه
يسكن السما الرابعه مع سيدنا ابراهيم مع الاطفال الشهداء والمتوفيين عن مرض
زيه
عشان يبقى سبب لدخول باباه ومامته الجنه
الى احنا بنفتكره شر ،بيبقى خير ورحمه من ربنا
لو سيبتى المستشفى مش هتغيرى من واقعك حاجه ،ولو ربنا كاتبلك حاجه
هتشوفيها سواء هنا او بره المستشفى
يارا مسكت دراعاته اوى واتشبست بيهم وهى بتعيط وهو حاضنهاق
يارا ( معيطه) ياسين ! انا خايفه
ممكن تاخدنى فحضنك اوى ..والضلع الى ميرضاش اكسره
ياسين: بعيد الشر عنك ...تعالى ،تعالى اوى كمان
ممكن انتى بقى متخافيش تانى
مبحبش البنت الخوافه الجبانه ،وبعدين انتى وسط الخوف
والتعب وريحة الموت قوية ...خليكى قوية حتى عشانى قبل م يكون عشانك!
نوتيلآ ❥❥
， `·，`·，`·，`·，`·，`·，`·，`·，`·，`·，`·
من اسبوع ..
والبيت عند نشوى مش زى معتاده ، باباها جه بس مش اجازة المرة دى
استقرار ومش هيسافر تانى .
بالنسبة لمامتها واخواتها فكانت دى فرحة مش عادية ان خلاص باباهم هيبقى وسطهم
بعد سنين غربه
لكن بالنسبة لنشوى ، فهى مكانتش مبسوطة زيهم
مكانتش مبسوطة اصلا
هى بتحب باباها ،بس متعودتش ع وجوده مابينهم ع طول
بالنسبة لها باباها طول الوقت راجل غريب عنها
ميعرفش حاجه عنها ،حتى فعمرها كانت بيتلخبط
وفجاة ومن غير مقدمات
الراجل الغريب ده هيبقى جزء كبير من حياتها وحياتهم ومبقاش الضيف
الى بيخافوا ع زعله وضغطه طول الاجازة فيبقوا كويسين ومحترمين
عشان بابا هنا
خلاص واحد منهم وجه ولازم يشوف تعاملتهم كلها وتصرفاتهم برؤى العين
مش بمكالمة تليفون كل فين وفين ..
حسام : هاه لميتى حاجتك ؟
نشوى: اه
حسام : طب ايه رأيك متروحيش البيت ع طول ،تعالى نتمشى شوية
ونروح ناكل ايس كريم
فجليم
نشوى: وايشمعنا جليم ؟
حسام: واحد صاحبى بيشكر فمحل فطاطرى هناك عايزين نجرب
نشوى: ههههههه انت عايز تاكل ايس كريم ولا فطير
حسام: ياستى تعالى بس وربنا يسهلها
نشوى: مممم مش هينفع ياحسام
حسام: ليه طيب
نشوى: بابا هنا وبقى يدقق اوى فمواعيد رجوعى وكنت لازم اقول لماما الاول
حسام: خلاص قوليلهم فالبيت هنتأخر شوية فالشغل
نشوى: مش هينفع برضو اكدب،افرض حد شافنى
حسام: يوووه يا نشوى ماهو مش هينفع يعنى
نقضيها شغل وفون بس
نفسي اخرج معاكى مرة من نفسي
نشوى ابتسمت : طب اعمل ايه
حسام: لااااا الصعوبة دى هتخلينى اقدم شوية فكرة الخطوبة واجى اخطبك
ماهو مش هينفع كده
نشوى : مش لازم الاستعجال يا حسام ع مهلك طالما لسه مش جاهز
انا هنزل بقى
حسام:طيب استنى هركبك مواصله
حسام ركبها ميكروباص وسلم عليها ومشى ،كانت بتفكر فكلام حسام
ومبسوطة انه بيحبها اوى كده
لكن الخوف كان جزأ من فرحتها
قطع خيالها صوت السواق وهو بيقول عالمنطقه الى هتنزل فيها
نزلت وااتمشت شوية ،رن فونها كان حسام بيتطمن وصلت ولا لسه زى كل يوم
فضل معاها لحد تحت العمارة وقفل
نشوى: اوك خلص الى وراك وكلمنى ،مع السلامه
سعدية: يا انسة نشوى صحيح
نشوى: نعم
سعدية: عايزة يعنى اعرفك ع اعجابي بلبسك وشياكتك بصراحه
انسانة ذوق يعنى اينعم فالاول كنتى بتلبسي زى مرات المرحوم
لكن دلوقت زى العسل الله اكبر
نشوى( ضحكت ع كلامها) ربنا يخليكى ياسعدية
سعدية: بتفهمى فالحجات الى بتتحط عالوش تخلي الواحدة حلوة دى
نشوى: ماسكات يعنى ! اه اعرف بس المتمكنه بقى
هى لمى اسأليها تعرف عنى
طالعه وقفتها تانى
سعدية: الا اسم الله ع مقام اختى ...الجزمة بتاعتك دى شارياها منين
نشوى: من محل سيليناز ...عاجباكى؟
سعدية( بقرف) لا مش اد كده
نشوى طلعت وهى بتضحك ، خبطت وفتح اخوها الصغير
اخوها: ششش فى ضيوف جوه
نشوى( بحيره) مين؟
اخوها: معرفش قاعدين مع بابا
نشوى بخطوات هادية بتبص باباها نده عليها تيجى
الاب: تعالى يانشوى
دخلت
الاب: سلمى دول مش غرب
نشوى بتسلم وهى اول مرة تشوفهم اصلا
الاب: رايحه فين
نشوى: هدخل اغير هدومى
الاب: لا خليكى قاعدة معانا،بقولك انهم مش اغراب
حد من الضيوف : خلاص سيبها ع راحتها
الاب: لا ازاى ماهى مش مفجاة ...دول يانشوى يابنتى اهل خطيبك
انا قريت فاتحتك !!
نشوى واقفه مبلمة لباباها الى باصص لها بتحدى ونزل عليها سهم الله!!!!
نوتيلآ ❥❥
#لنورإسماعيل
， `·，`·，`·，`·，`·，`·，`·，`·，`·，`·，`·
لمى ..
بقالها فترة كبيرة مش عارفه تشوف احمد ، بسبب شغله
وبسبب الميد تيرم عندها هى وانشغالها
وانهاردة بعد م خلصت ميدتيرم قررت تعمله مفجأة من مفاجآتها
وتعمل يوم جميل ليها وليه وتستناه
فالعوامه ..
بعد م عمل لها احمد نسخه مفتاح وبقت تقوله قبل م تروح ويعرف هو اذا كان
صاحبه رايح ولا لا ويقولها
لمى: احمد متتأخرش خلاص ،انا خلاص ربع ساعة واكون هناك
احمد: لا حاضر يا حبيبتى
لمى وصلت العوامه ، كانت جايبه معاها خضار وفواكه
دخلت غيرت هدومها وكأنه بيتها
دخلت المطبخ وبدأت تعمل له اكل ،كانت اول مرة تدخل المطبخ
جابت وصفه اكل من عالنت وبدأت تحضر فيها
والغريب انها كانت اول مرة تطبخ بس نجحت!
يمكن علشان بتعملها بحب
خلصت الاكل ،قطعت الفواكه اشكال وعملت فروت سلاد
غيرت هدومها تانى وحطت ميكاب واستعدت ...شغلت اغانى هادية
عدت نص ساعة
اتصلت بيه
لمى : احمد فينك ؟
احمد: حبيبتى معلش بس فى مشكله هنا عندى فالبيت
لمى : مشكله ايه انت مقولتش ان فى حاجه لما كلمتك
احمد: مشكلة مع ابنى والمدرس بتاعه معلش يالمى مش هتأخر والله
لمى( نفخت) طيب يا احمد مستنياك
قفلت وقعدت تتفرج عالتليفزيون ،طبعا متابعتش حاجه لانها مشغولة ع احمد
ومستنياه
عين عالساعه وعين ع برة العوامه
عدت ساعة كمان ،مسكت فونها قالت تتشات مع اصحابها شوية
وتعدى الوقت
برضو بتتصفح وبتحكى ودماغها معاه
وعدت الساعة التانية ...اتخنقت !!
اتصلت تانى
احمد: والله جاى
لمى( بعصبيه) امتى يعنى
احمد: نص ساعة واكون عندك
لمى : انجز يا احمد اتأخرت
احمد: مسافة السكه
قفلت ...قامت تبص فشكلها فالمرايه
ظبطت الميكاب تانى
...راحت تقلب فقنوات التليفزيون
باباها اتصل
الاب: انتى فين؟
لمى: فالكورس يابابا
الاب: كل ده فالكورس ،
لمى: مانا خرجت اتمشى انا وصحباتى
الاب: لا مفيش تمشيه ،يلا عالبيت
لمى: يابابا استنى شوية بس انا فمطعم باكل معاهم مش هينفع
الاب: لمى كلمة واحدة يلا عالبيت
لمى: يابابا كده هتحرجنى مع اصحابي،هخلص اكل واجى
قفل باباها وهو متعصب منها ،وهى اتعصبت اكتر من تأخير احمد
اتصلت بيه تانى
يرن جرس مرتين وميردش ...وفالتالته كنسل
قالت يمكن فالطريق ،استنت ١٠دقايق واتصلت
"الهاتف الذى طلبته ربما يكون مغلقآ"
لمى( بغيظ) ياشيخ يلعن ابو كده
قامت لمت الاكل وفضته فباسكت الزبالة ،قفلت الاغانى
طفت الشموع
ومشيت وهى زعلانه وبتلعن جدوده وجدود جدوده ومستحلفاله !!!
·，`·，`·，`·，`·，`·，`·，`·，`·，`·，
حبيبي ياعاشق ياحر زى الطير
شاور هقول حاضر للحب قلبي اسير ..
الرنة رنت مرة واتنين وفالتالته انتبهت آسيا من نومها ع
صوت الرنة المخصصة ل إياد !!
آسيا بتبص فالساعة لاقتها ١١بليل
آسيا( بصوت نيمان) الو
إياد ( بصوت متضايق) صحيتك من النوم ؟
آسيا: ولايهمك ،انت مالك فيك حاجه ولا ايه ؟
إياد: آسيا ...هتعرفى تقابلينى دلوقتى ؟
آسيا( اتعدلت عالسرير) دلوقتى !! فيه ايه يا اياد ؟
إياد: اترجى عمى اشوفك دلوقتى ...انا مستنيكى ( ابتدا يبكى)
آسيا:فيه ايه يا إياد انت قلقتنى ...
إياد: هتيجى؟
آسيا: حاضر بس فين
آسيا: فالمطار !!
آسيا قامت من مكانها مفزوعه ،إياد مقالش غير الكلمتين دول
وقفل
راحت حكت لباباها المكالمة وقلقوا ، وافق انها تروحله وزى م يكون
قلبه حاسس
راحت هى واختها لمى وقالت لمريم واستأذنتهم وقالت السبب
وافقوا تروح معاها وسليم يوديهم ويجيبهم بعربيته
عشان ميكونوش لوحدهم ..
طول الطريق آسيا متوترة مش فاهمة حاجه
وصلوا التلاته
لاقوا اياد مستنيهم فقاعة الانتظار ووشه حزين
بلهفه راح ل اسيا وهى وقفت وياه والبنات جمبها
آسيا: فيه ايه ؟ وبتعمل ايه انت دلوقتى فالمطار ؟
إياد: انا مسافر
آسيا: مسافر ليه ؟
إياد: عشان من بكرة اسمى هينزل ف اسماء الممنوعين من السفر
آسيا( عيونها فيها دمعه منزلتش) ليه !!!
إياد: البنك رفع عليا قضية ،عشان مش بسدد
اقساط القروض اخدتها ودفعت مقدم الشقة بتاعتنا
علشان افرحك واخلى باباكى يرضى عنى ...وقولت هنحت نفسي ليل ونهار
عشان اسدد اقساطها واقساط القروض
بس معرفتش
البلد سابت الحرامية الى واخدة قروض بمليارات ومسكت فيا انا الغلبان
الى عايز يعيش
يعيش وبس
يتجوز بنت بيحبها ويعيش فمستوى كويس
يكسب لقمة عيش
آسيا( دموعها نزلت) هتسيبنى !!!!
إياد: البنك هيحجز عالمحل والسنتر ،انا كتبت عقد شقتنا باسمك
عشان ميحجزوش عليها
واتفقت مع اخويا انى هبعت اقساطها من برة يسددها لحد م تبقى بتاعتك
آسيا( معيطه) مش عايزة شقه انا عايزاك انت !!
مريم ابتدت تعيط ومشيت توقف بعيد عنهم ولمى واقفه حاطه ايدها ع بوقها
من المفجأة
إياد: اسمعى الكلام ، دى اقل حاجه اعملهالك
كان نفسي اسعدك
كان نفسي تكونى فبيتى
اوعى تفتكرينى فيوم وتكرهينى ...وحياتى عندك
وحياة حبنا
لومينى لكن متكرهنيش
وسامحينى ( رفع ايدها لشفايفه يبوسهم
صباع صباع من صوابعها بلهفه ودموعه نازله ع كف ايدها
)
آسيا: لا يا اياد مش هتسيبنى ...هستناك
سافر وهستناك
إياد: هتستنى ٢٠سنه لما يسقط الحكم من عليا
آسيا: حتهرب ٢سنه!! هتتغرب عنى ٢٠سنه
إياد: طب ارجع واتسجن
آسيا: لا ....لا اكيد مش دى اخرة حكايتى معاك
انت كل حاجه حلوة يا اياد
انت كل ناسى يا اياد
انا بموت ...لو سيبتنى هموت
عايزنى اموت
إياد: حبيبتى عايزانى اتطمن عليكى ،عيشى حياتك من بعدى
افرحى وعيشى عشان روحى هتحس بروحك وتفرح
انا ساكنك يا اسيا ومش هبعد عنك
جه حد من بعيد شاورله
شاب: يلا عشان تختم جوازاتك الطيارة هتطلع
آسيا سمعت انه خلاص ماشى والعياط بقى انهيار ، وفمنظر قشعر
له لمى ومريم اووى وخلاهم يعيطوا
حضنوا بعض ورفعها عن الارض بحضن قوى تكاد تكون ضلوعها اتكسرت
من شدته
فضلت متعلقه فرقبته وهو كمان لحد م جه صاحبه اخده من دراعه
ومشى من قدامها ....وخلاص!
برة كان سليم مستنى بعربيته
لما اتأخروا
دخلهم جوه كانت واقفه اسيا لسه مودعه من ثوانى اياد
وبعدين وقفت بحركة مجنونة تجرى ناحية م مشى وتناديه ،البنات جريوا
وراها يلحقوها
سليم شايفهم سرع خطوته
فضلت تنادى تنادى لحد م وقعت من طولها وسط البنات ...ع دراع سليم !!!
·，`·，`·，`·，`·，`·，`·，`·，`·，`·，
استنونا الاحد الجاى
#نوتيلا
#نورإسماعيل
نوتيلآ ❥❥
الفصل (28
， `·，`·，`·，`·，`·，`·，`·，`·，`·，`·，`·
"مراد !!"
سليم: مالك مستغربة كده ليه
مريم: اصله اتقدم مرتين لوجدان ،ازاى جاى يتقدملى انا
سليم: لا والدته وضحت سوء التفاهم وقالوا انه قصدك انتى لكن هى
فهمت انه بيقصد وجدان
واتكلمت عليها وبتقول ان وجدان رفضت كمان
مريم : اه رفضت
سليم: المهم ...انتى إيه رأيك ؟
مريم ( سرحت ) معرفش ياسليم ،انا اساسا معرفوش
اوعى عليه واحنا صغيرين لكن اكيد دلوقتي شخصيته اختلفت
سليم: ده غير دراسته بره وعيشته هناك اكيد غيرت منه كتير
مريم: تشور عليا ب ايه ياسليم ؟
سليم ( سرح وسكت لثوان طويله وهى بتراقب رد فعله) صلى استخاره
مريم ( بخضوع) حاضر
سليم( رفع بايده وشها من دقنها) مالك يا كلمش ،لو مش موافقه نقولهم عادى
خالتك شايفه انك لسه صغيرة وانس بيقول ان ممكن يجيلك الاحسن
مريم: مش فكرة الاحسن ولا الاوحش ،عارف الفكرة فين ياسليم
فالنهاية هتجوز جواز عادى
من غير حب
من غير حاجه خالص
حد عجبته بنت من غير م يعرف تفاصيلها
بتحب ايه بتكره ايه
عايز يتجوزها وخلاص
طب حكم عليها منين تنفع شريكة حياته
انت فاهم قصدى؟
سليم: فاهمك ،بس يا حبيبتى هو ده واقعنا الحالى
انتى جربتى اهو انك تحبي وتتعرفى من قبل وكانت ايه النتيجه؟!
استنزف مشاعرك وتعبك نفسيا وفالاخر طلع ميصلحش يكونلك اصلا
مريم: سواء مراد او غيره فكل حد هييجى ويتقدم هيتساوى بالتانى
كلهم غرباء عنى...كلهم شافونى جميله وانفع وبس
يعنى حتى لو رفضت مراد ...فهييجى يوم واقبل واحد تانى ميقلش ولا يزيد
سليم: بالعكس ويمكن كمان مراد يكون عنده مميزات كويسة عن غيره
مريم : زى ايه
سليم : زى انه يعرفنا من زمان ،حوار باباكى ده مش عامله قلق زى غيره
يعرف تربيتك ازاى
احنا نعرف اهله كويس
شغله ممتاز ومكانته كويسه
هتعيشى معاه مستريحه
دماغه متفتحه بحكم عيشته فالخارج
يعنى ...
كان ممكن يتجوز بنت من برة او حتى من الكويت ماهو عاش هناك سنين
لكن لف واختارك
وقال انه من قبل م يمشى وانتى فباله من وانتو صغيرين ..
مريم: يعنى انت شايف انه كويس ؟
سليم: صلى استخارة الاول وفكرى بالراحه وع مهلك ،لسه السنه قدامك
كده كده لو فى قبول انا مش موافق ع اى حاجه تحصل لحد م تخلصى وتتخرجى
مريم: انت فعلا مكان ابويا ، ف اكتر وقت اى بنت بتحتاج مامتها وباباها
بلاقيك انت وخالتو سادين ( حضنته) ربنا ميحرمنيش منكم يارب
سليم( حاضنها) انا ابوكى مش مكانه ، ربنا يكتبلك الى فيه الخير والصالح يارب.
نوتيلآ ❥❥
， `·，`·，`·，`·，`·，`·，`·，`·，`·，`·，`·
ماسكة منديل بتمسح دموع عيونها وهى بتتكلم فون وقافله ع
نفسها باب اوضتها ..
تبارك: طيب انا ذنبي ايه ؟
عمرو( بزعيق) ذنبك انك روحتى ! منبه انا ولا مش منبه
تبارك: طيب ماما مكانتش هتقدر تروح كانت مشغوله
عمرو: تروح مرات عمى بكرة بعده بعد شهر ،محبكتش يعنى مش هنفرش
الشقة بكرة خلاص
كنت اتلككتى يا تبارك اتحججتى
انتى غاوية تحرقى دمى يابنت الناس
تبارك( بتعيط) طب مانا عملت زى م انت قولت اهو
عمرو: بعد ايه ! يعنى شيخ وملتزم ويقول الكلام ده لواحدة المفروض انها
ع ذمة واحد
ينفع ده
عايز ايه هو من الاخر
قسما بالله اقطع شغلى وانزل اشوفه عايز ايه عشان نخلص منها الحكاية
الزفت دى
تبارك: والله حبيت احكيلك كل حاجه عشان مخبيش عنك ،كان ممكن متعرفش
ومتحصلش حاجه من خناقتنا دى كلها
بس انا معاهدة الله قبل م اعاهدك انى اقولك الكبيرة والصغيرة
لانك جوزى ومفيش حاجه غلط بعملها اخبيها
عمرو: ماهو اصل مش كل عريس اتزفت واتنيل راح خطب واحدة مرضيتش
عاش فالدور زى بسلامته كده
وايه ادعيلى اكرهك دى! هاه
ايه ادعيلى دى
يعنى الباشا لسه بيحبك ،يعنى تبقى فبيتى وفحضنى وواحد تانى بيتمناكى
انزل افتح دماغه عشان لايبقى فيه حيل يحبك ولا يكرهك
تبارك صوتها على فالعياط والانين ، ثوانى عدت وهى لسه بتعيط وهو متنرفز
سكوتها وقت عصبيته هداه شوية
وكمان طريقتها فالعياط حننت قلبه ،زائد انه محترم فيها صارحتها حتى لو الموضوع
يضايق
قرر يهدى الوضع شوية ..
عمرو : طيب خلاص كفاية عياط ، انا مش عايزك تعيطى انا بس عايز تقدرى
كمية حرقة الدم الى انا فيها
تبارك:________
عمرو: خلاص ...انا اسف انى زعقت وصوتى علي عليكى معلش
تبارك ( بتمسح دموعها) خلاص حصل خير
عمرو ؛ افهمى ! انا بحبك
مش متخيل ازاى تشغلى بال حد غيرى
ولا تشغلى مساحه فقلبه حتى
هتقولى عليا انانى فحبي ليكى؟ اه انانى وحقى
يعنى ربنا جمع بين الجمال والاخلاق والرقة فبنت وكمان لحمى ودمى
وجعلها مراتى ومن نصيبي
وييجى واحد يتشتحف ويعيط وحافظ كلمتين شعر يقعد يلخبط فكيانها
وكيانى كل شوية
مش ناقصة مش كفاية القرف الى الواحد شايفه فالغربة
تبارك ساكته
عمرو: تبارك
تبارك: نعم
عمرو: بطلتى عياط
تبارك: اه
عمرو: اومال ساكته ليه
تبارك: بسمعك
عمرو: انا خلاص خلصت كلامى
تبارك: طيب هقول ايه
عمرو: قولي اى حاجه متسكتيش كده ،قولى وانا كمان ياعمرو بحبك
اى حاجه تبل ريق الواحد وتهون عليه الغلب
تبارك ضحكت وسمع صوت ضحكتها
عمرو: يعنى يرضى ربنا مخطوبين وكاتب كتابي عليكى ومسمعتش لحد
دلوقتي انا بحبك حتى عالهوا كده
تبارك: يعنى ايه عالهوا
عمرو: فالفون يعنى مش قدامى
تبارك: ههههههههه
عمرو : عشان خاطرى حافظى ع نفسك اكتر من كده لحد م اكون وياكى
ممكن ؟
تبارك: حاضر
عمرو: يحضرلك دايما الخير ...زعلانه منى ؟
تبارك: لأ
عمرو: طب هاتى بوسة يلا
تبارك: ( اتخضت) ايه قلة الادب دى ياعمرو !!!!
عمرو: ايه حصل ايه ! واحد طالب من مراته بوسة فاللاسلكى
حصل ايه
قومتيها حريقه اوام
وايه قلة الادب دى عشان بوسة!
اومال ليلة دخلتنا هتطلبيلى البوليس بقى ...تقوليلهم الحقوونى معايا مجنون
عايز يبوسنى
مش كده
تبارك: هههههههه حد قالك انى عبيطة ولا حاجه،لا مش هعمل كده
وبعدين ساعتها هنبقى فشقتنا بعد فرح وكده يعنى فهيكون حقك
عمرو: ودلوقتي مش حقى يعنى ( بصوت حنون)
تبارك: لا ( بتضحك)
عمرو: ايه القساوة دى ...مبتسمعيش نانسي وهى بتقول بالهداوة الهداوة ياحبيبي
تبارك( بخضه) عمرو انت بتسمع اغانى !!!
عمرو: مالها البت دى كل شوية تطلع فيا عمرو ايه قلة الأدب دى
عمرو انت بتسمع اغانى
عمرو انت تبقى مين ياعمرو
تبارك ضحكت اوى ع اسلوبة وهو بيناغشها ، وهو ابتسم لضحكتها
والامور هديت وعدت ع خير المرة دى وربنا يسترها كده دايما.
نوتيلآ ❥❥
#لنورإسماعيل
， `·，`·，`·，`·，`·，`·，`·，`·，`·，`·，`·
فالكافتيريا كانت بتتغدى يارا لوحدها..
من وقت موت خالد هى عازله نفسها تماما ،حتى عن ياسين!
هو بيحاول يقرب لها تانى بس هى نفسيا متدمرة
يارا بسبب نفسيتها صحتها بدأت تكون فالنازل برضو ومبقاش عندها دفعه
تكمل علاج
بعد م وصلت لمرحله كويسة فيه ..
ياسين: انا جبت اكلى وقولت اكل معاكى رخامه وغصب عنك
يارا( بفتور ) اقعد
ياسين بصلها شوية وبعدين بدأ ياكل وهو مركز معاها بتاكل حته حته بهدوء شديد
وحزن ...
خلصت اكل وقامت راحت الحمام اتوضت
وخرجت لبست اسدالها وراحت لمصلى البنات تصلى ،كل ده وياسين
متابعها بالنظر
خلصت صلاه وخرجت اخدت المصحف وقعدت برة فجنينة المستشفى .
خرج وراها ياسين وقعد جمبها ساكت بيسمعها وهى بتتلو القرآن
خلصت قراية وقفلت المصحف وحضنته وبصت قدامها عالشجر وهى سرحانه
يارا: انا هسيب المستشفى
ياسين( باستغراب) ليه؟
يارا: هقعد هنا ليه
ياسين: عشان بتتعالجى
يارا( بلامبالاه) وايه لزمة العلاج طالما هموت فالاخر
ياسين: يارا ...ايه الكلام الى بتقوليه ده
يارا: مش دى الحقيقه؟ خالد اتعالج كام سنه ؟!
وفالاخر مات
مات ...ياريته م استحمل كيماوى ولا اشعاع
ولابعد وغياب عن اهله
ياريته فضل هناك فبيتهم مات وسط اهله بدل م يموت هنا متعذب !
دموعها نزلت وخبتهم بايديها ، ياسين اخدها فحضنه وساند راسه ع راسها
ياسين: اومال صلاه ايه الى بتصليها وقرآن ايه الى بتقريه
وانتى مش مؤمنه بأن كل ده قدر ومكتوب
بص لوشها وعيونها قصاد عيونها ع طول ،قصد يركز فيهم
عشان تحس كلامه وتفهمه
ياسين: عارفه انتى فكرتينى
احكيلك قصة انا بحبها اوى
زمان ...كان سيدنا سليمان قاعد وبحضرته اتنين من ضيوفه
وفجأة دخل عليهم ملك الموت ...زمان ع ايام الانبياء والرسل كان ملك
الموت بيظهر للناس
الضيوف خافوا واتخضوا لان طبعا هو له هيبه كبيرة ،هيبة الموت!
رحب بيه سيدنا سليمان فالمجلس وقعد وياهم،طول الجلسه كان ملك الموت
بيبص لواحد من الضيوف اوى
الضيف ده خاف من بصة ملك الموت ، فطلب من سيدنا سليمان انه يؤمر
الرياح تاخده فثوان لابعد بلد عنهم وهى الهند
سيدنا سليمان وافق لطلبه وأمر الرياح تاخده توديه للهند
ملك الموت ترك المجلس لثوانى ورجع
لما رجع سيدنا سليمان سأله ،ليه كنت بتبص للراجل كده
ملك الموت رد عليه وقاله لانى لاقيته فحضرتك هنا ...وانا بعد دقايق
هقبض روحه فالهند !!!
فهمتى ايه من القصة دى ؟ فهمتى انه مكتوب للراجل ده يموت لو راح فين
محدش ابدا بيهرب من قدره
كلنا ادوات بإيد الخالق العظيم
ربنا كان مقدر لخالد مشوار علاجه وموته هنا مش فبيته ،عشان فالجنه
يسكن السما الرابعه مع سيدنا ابراهيم مع الاطفال الشهداء والمتوفيين عن مرض
زيه
عشان يبقى سبب لدخول باباه ومامته الجنه
الى احنا بنفتكره شر ،بيبقى خير ورحمه من ربنا
لو سيبتى المستشفى مش هتغيرى من واقعك حاجه ،ولو ربنا كاتبلك حاجه
هتشوفيها سواء هنا او بره المستشفى
يارا مسكت دراعاته اوى واتشبست بيهم وهى بتعيط وهو حاضنهاق
يارا ( معيطه) ياسين ! انا خايفه
ممكن تاخدنى فحضنك اوى ..والضلع الى ميرضاش اكسره
ياسين: بعيد الشر عنك ...تعالى ،تعالى اوى كمان
ممكن انتى بقى متخافيش تانى
مبحبش البنت الخوافه الجبانه ،وبعدين انتى وسط الخوف
والتعب وريحة الموت قوية ...خليكى قوية حتى عشانى قبل م يكون عشانك!
نوتيلآ ❥❥
， `·，`·，`·，`·，`·，`·，`·，`·，`·，`·，`·
من اسبوع ..
والبيت عند نشوى مش زى معتاده ، باباها جه بس مش اجازة المرة دى
استقرار ومش هيسافر تانى .
بالنسبة لمامتها واخواتها فكانت دى فرحة مش عادية ان خلاص باباهم هيبقى وسطهم
بعد سنين غربه
لكن بالنسبة لنشوى ، فهى مكانتش مبسوطة زيهم
مكانتش مبسوطة اصلا
هى بتحب باباها ،بس متعودتش ع وجوده مابينهم ع طول
بالنسبة لها باباها طول الوقت راجل غريب عنها
ميعرفش حاجه عنها ،حتى فعمرها كانت بيتلخبط
وفجاة ومن غير مقدمات
الراجل الغريب ده هيبقى جزء كبير من حياتها وحياتهم ومبقاش الضيف
الى بيخافوا ع زعله وضغطه طول الاجازة فيبقوا كويسين ومحترمين
عشان بابا هنا
خلاص واحد منهم وجه ولازم يشوف تعاملتهم كلها وتصرفاتهم برؤى العين
مش بمكالمة تليفون كل فين وفين ..
حسام : هاه لميتى حاجتك ؟
نشوى: اه
حسام : طب ايه رأيك متروحيش البيت ع طول ،تعالى نتمشى شوية
ونروح ناكل ايس كريم
فجليم
نشوى: وايشمعنا جليم ؟
حسام: واحد صاحبى بيشكر فمحل فطاطرى هناك عايزين نجرب
نشوى: ههههههه انت عايز تاكل ايس كريم ولا فطير
حسام: ياستى تعالى بس وربنا يسهلها
نشوى: مممم مش هينفع ياحسام
حسام: ليه طيب
نشوى: بابا هنا وبقى يدقق اوى فمواعيد رجوعى وكنت لازم اقول لماما الاول
حسام: خلاص قوليلهم فالبيت هنتأخر شوية فالشغل
نشوى: مش هينفع برضو اكدب،افرض حد شافنى
حسام: يوووه يا نشوى ماهو مش هينفع يعنى
نقضيها شغل وفون بس
نفسي اخرج معاكى مرة من نفسي
نشوى ابتسمت : طب اعمل ايه
حسام: لااااا الصعوبة دى هتخلينى اقدم شوية فكرة الخطوبة واجى اخطبك
ماهو مش هينفع كده
نشوى : مش لازم الاستعجال يا حسام ع مهلك طالما لسه مش جاهز
انا هنزل بقى
حسام:طيب استنى هركبك مواصله
حسام ركبها ميكروباص وسلم عليها ومشى ،كانت بتفكر فكلام حسام
ومبسوطة انه بيحبها اوى كده
لكن الخوف كان جزأ من فرحتها
قطع خيالها صوت السواق وهو بيقول عالمنطقه الى هتنزل فيها
نزلت وااتمشت شوية ،رن فونها كان حسام بيتطمن وصلت ولا لسه زى كل يوم
فضل معاها لحد تحت العمارة وقفل
نشوى: اوك خلص الى وراك وكلمنى ،مع السلامه
سعدية: يا انسة نشوى صحيح
نشوى: نعم
سعدية: عايزة يعنى اعرفك ع اعجابي بلبسك وشياكتك بصراحه
انسانة ذوق يعنى اينعم فالاول كنتى بتلبسي زى مرات المرحوم
لكن دلوقت زى العسل الله اكبر
نشوى( ضحكت ع كلامها) ربنا يخليكى ياسعدية
سعدية: بتفهمى فالحجات الى بتتحط عالوش تخلي الواحدة حلوة دى
نشوى: ماسكات يعنى ! اه اعرف بس المتمكنه بقى
هى لمى اسأليها تعرف عنى
طالعه وقفتها تانى
سعدية: الا اسم الله ع مقام اختى ...الجزمة بتاعتك دى شارياها منين
نشوى: من محل سيليناز ...عاجباكى؟
سعدية( بقرف) لا مش اد كده
نشوى طلعت وهى بتضحك ، خبطت وفتح اخوها الصغير
اخوها: ششش فى ضيوف جوه
نشوى( بحيره) مين؟
اخوها: معرفش قاعدين مع بابا
نشوى بخطوات هادية بتبص باباها نده عليها تيجى
الاب: تعالى يانشوى
دخلت
الاب: سلمى دول مش غرب
نشوى بتسلم وهى اول مرة تشوفهم اصلا
الاب: رايحه فين
نشوى: هدخل اغير هدومى
الاب: لا خليكى قاعدة معانا،بقولك انهم مش اغراب
حد من الضيوف : خلاص سيبها ع راحتها
الاب: لا ازاى ماهى مش مفجاة ...دول يانشوى يابنتى اهل خطيبك
انا قريت فاتحتك !!
نشوى واقفه مبلمة لباباها الى باصص لها بتحدى ونزل عليها سهم الله!!!!
نوتيلآ ❥❥
#لنورإسماعيل
， `·，`·，`·，`·，`·，`·，`·，`·，`·，`·，`·
لمى ..
بقالها فترة كبيرة مش عارفه تشوف احمد ، بسبب شغله
وبسبب الميد تيرم عندها هى وانشغالها
وانهاردة بعد م خلصت ميدتيرم قررت تعمله مفجأة من مفاجآتها
وتعمل يوم جميل ليها وليه وتستناه
فالعوامه ..
بعد م عمل لها احمد نسخه مفتاح وبقت تقوله قبل م تروح ويعرف هو اذا كان
صاحبه رايح ولا لا ويقولها
لمى: احمد متتأخرش خلاص ،انا خلاص ربع ساعة واكون هناك
احمد: لا حاضر يا حبيبتى
لمى وصلت العوامه ، كانت جايبه معاها خضار وفواكه
دخلت غيرت هدومها وكأنه بيتها
دخلت المطبخ وبدأت تعمل له اكل ،كانت اول مرة تدخل المطبخ
جابت وصفه اكل من عالنت وبدأت تحضر فيها
والغريب انها كانت اول مرة تطبخ بس نجحت!
يمكن علشان بتعملها بحب
خلصت الاكل ،قطعت الفواكه اشكال وعملت فروت سلاد
غيرت هدومها تانى وحطت ميكاب واستعدت ...شغلت اغانى هادية
عدت نص ساعة
اتصلت بيه
لمى : احمد فينك ؟
احمد: حبيبتى معلش بس فى مشكله هنا عندى فالبيت
لمى : مشكله ايه انت مقولتش ان فى حاجه لما كلمتك
احمد: مشكلة مع ابنى والمدرس بتاعه معلش يالمى مش هتأخر والله
لمى( نفخت) طيب يا احمد مستنياك
قفلت وقعدت تتفرج عالتليفزيون ،طبعا متابعتش حاجه لانها مشغولة ع احمد
ومستنياه
عين عالساعه وعين ع برة العوامه
عدت ساعة كمان ،مسكت فونها قالت تتشات مع اصحابها شوية
وتعدى الوقت
برضو بتتصفح وبتحكى ودماغها معاه
وعدت الساعة التانية ...اتخنقت !!
اتصلت تانى
احمد: والله جاى
لمى( بعصبيه) امتى يعنى
احمد: نص ساعة واكون عندك
لمى : انجز يا احمد اتأخرت
احمد: مسافة السكه
قفلت ...قامت تبص فشكلها فالمرايه
ظبطت الميكاب تانى
...راحت تقلب فقنوات التليفزيون
باباها اتصل
الاب: انتى فين؟
لمى: فالكورس يابابا
الاب: كل ده فالكورس ،
لمى: مانا خرجت اتمشى انا وصحباتى
الاب: لا مفيش تمشيه ،يلا عالبيت
لمى: يابابا استنى شوية بس انا فمطعم باكل معاهم مش هينفع
الاب: لمى كلمة واحدة يلا عالبيت
لمى: يابابا كده هتحرجنى مع اصحابي،هخلص اكل واجى
قفل باباها وهو متعصب منها ،وهى اتعصبت اكتر من تأخير احمد
اتصلت بيه تانى
يرن جرس مرتين وميردش ...وفالتالته كنسل
قالت يمكن فالطريق ،استنت ١٠دقايق واتصلت
"الهاتف الذى طلبته ربما يكون مغلقآ"
لمى( بغيظ) ياشيخ يلعن ابو كده
قامت لمت الاكل وفضته فباسكت الزبالة ،قفلت الاغانى
طفت الشموع
ومشيت وهى زعلانه وبتلعن جدوده وجدود جدوده ومستحلفاله !!!
·，`·，`·，`·，`·，`·，`·，`·，`·，`·，
حبيبي ياعاشق ياحر زى الطير
شاور هقول حاضر للحب قلبي اسير ..
الرنة رنت مرة واتنين وفالتالته انتبهت آسيا من نومها ع
صوت الرنة المخصصة ل إياد !!
آسيا بتبص فالساعة لاقتها ١١بليل
آسيا( بصوت نيمان) الو
إياد ( بصوت متضايق) صحيتك من النوم ؟
آسيا: ولايهمك ،انت مالك فيك حاجه ولا ايه ؟
إياد: آسيا ...هتعرفى تقابلينى دلوقتى ؟
آسيا( اتعدلت عالسرير) دلوقتى !! فيه ايه يا اياد ؟
إياد: اترجى عمى اشوفك دلوقتى ...انا مستنيكى ( ابتدا يبكى)
آسيا:فيه ايه يا إياد انت قلقتنى ...
إياد: هتيجى؟
آسيا: حاضر بس فين
آسيا: فالمطار !!
آسيا قامت من مكانها مفزوعه ،إياد مقالش غير الكلمتين دول
وقفل
راحت حكت لباباها المكالمة وقلقوا ، وافق انها تروحله وزى م يكون
قلبه حاسس
راحت هى واختها لمى وقالت لمريم واستأذنتهم وقالت السبب
وافقوا تروح معاها وسليم يوديهم ويجيبهم بعربيته
عشان ميكونوش لوحدهم ..
طول الطريق آسيا متوترة مش فاهمة حاجه
وصلوا التلاته
لاقوا اياد مستنيهم فقاعة الانتظار ووشه حزين
بلهفه راح ل اسيا وهى وقفت وياه والبنات جمبها
آسيا: فيه ايه ؟ وبتعمل ايه انت دلوقتى فالمطار ؟
إياد: انا مسافر
آسيا: مسافر ليه ؟
إياد: عشان من بكرة اسمى هينزل ف اسماء الممنوعين من السفر
آسيا( عيونها فيها دمعه منزلتش) ليه !!!
إياد: البنك رفع عليا قضية ،عشان مش بسدد
اقساط القروض اخدتها ودفعت مقدم الشقة بتاعتنا
علشان افرحك واخلى باباكى يرضى عنى ...وقولت هنحت نفسي ليل ونهار
عشان اسدد اقساطها واقساط القروض
بس معرفتش
البلد سابت الحرامية الى واخدة قروض بمليارات ومسكت فيا انا الغلبان
الى عايز يعيش
يعيش وبس
يتجوز بنت بيحبها ويعيش فمستوى كويس
يكسب لقمة عيش
آسيا( دموعها نزلت) هتسيبنى !!!!
إياد: البنك هيحجز عالمحل والسنتر ،انا كتبت عقد شقتنا باسمك
عشان ميحجزوش عليها
واتفقت مع اخويا انى هبعت اقساطها من برة يسددها لحد م تبقى بتاعتك
آسيا( معيطه) مش عايزة شقه انا عايزاك انت !!
مريم ابتدت تعيط ومشيت توقف بعيد عنهم ولمى واقفه حاطه ايدها ع بوقها
من المفجأة
إياد: اسمعى الكلام ، دى اقل حاجه اعملهالك
كان نفسي اسعدك
كان نفسي تكونى فبيتى
اوعى تفتكرينى فيوم وتكرهينى ...وحياتى عندك
وحياة حبنا
لومينى لكن متكرهنيش
وسامحينى ( رفع ايدها لشفايفه يبوسهم
صباع صباع من صوابعها بلهفه ودموعه نازله ع كف ايدها
)
آسيا: لا يا اياد مش هتسيبنى ...هستناك
سافر وهستناك
إياد: هتستنى ٢٠سنه لما يسقط الحكم من عليا
آسيا: حتهرب ٢سنه!! هتتغرب عنى ٢٠سنه
إياد: طب ارجع واتسجن
آسيا: لا ....لا اكيد مش دى اخرة حكايتى معاك
انت كل حاجه حلوة يا اياد
انت كل ناسى يا اياد
انا بموت ...لو سيبتنى هموت
عايزنى اموت
إياد: حبيبتى عايزانى اتطمن عليكى ،عيشى حياتك من بعدى
افرحى وعيشى عشان روحى هتحس بروحك وتفرح
انا ساكنك يا اسيا ومش هبعد عنك
جه حد من بعيد شاورله
شاب: يلا عشان تختم جوازاتك الطيارة هتطلع
آسيا سمعت انه خلاص ماشى والعياط بقى انهيار ، وفمنظر قشعر
له لمى ومريم اووى وخلاهم يعيطوا
حضنوا بعض ورفعها عن الارض بحضن قوى تكاد تكون ضلوعها اتكسرت
من شدته
فضلت متعلقه فرقبته وهو كمان لحد م جه صاحبه اخده من دراعه
ومشى من قدامها ....وخلاص!
برة كان سليم مستنى بعربيته
لما اتأخروا
دخلهم جوه كانت واقفه اسيا لسه مودعه من ثوانى اياد
وبعدين وقفت بحركة مجنونة تجرى ناحية م مشى وتناديه ،البنات جريوا
وراها يلحقوها
سليم شايفهم سرع خطوته
فضلت تنادى تنادى لحد م وقعت من طولها وسط البنات ...ع دراع سليم !!!
·，`·，`·，`·，`·，`·，`·，`·，`·，`·，
استنونا الاحد الجاى
#نوتيلا
#نورإسماعيل
ليست هناك تعليقات:
إرسال تعليق