روايةツ
نوتيلآ ❥❥
الفصل (32
， `·，`·，`·，`·，`·，`·，`·，`·，`·，`·，`·
عالمدرجات او السلالم الاسبانيه المشهورة فى روما
كانت مريم بتجرى زى الطفلة وبتقف فحته معينه ومراد يصورها ، وبعدين
يوقف جمبها ويخلوا اى حد موجود يصورهم سوا ..
وبعدها يروحوا ع نافورة " تريفى " عشان يعملوا العادة المشهورة
ويرموا عملة معدنية فيها بعد م يتمنوا امنية ..
والصورة بقت ١٠ و٢٠
بكذا منظر مختلف ولكذا مكان سوا او لمريم وحدها .
وبعد الغدا
بجناحاتهم طارو ع " الكولوسيوم" عشان تشوف اكبر سلم فالامبراطورية
الرومانيه كانوا بيستخدموه فساحات القتال..
مراد عارف الاماكن دى وحافظها بس كان فرحان لفرحتها وزققططتها
والضحكة مش مفارقاه زيها بالظبط.
فالوقت اللى كان سليم معدى ع اوضة مريم بيبص فيها وهى فاضية!
وطفى النور وخرج..
لقى مامته بتحضر تحط لبس فالغسالة وع وش الغسيل بادى كانت لابساه
مريم قبل م تمشى
مسكه وضمه ليه بحزن وحطه مكانه تانى ..
وبص لمامته
سليم: اتسرعنا ياماما ؟
الام: على ايه يا حبيبي
سليم: ان مريم تتجوز بالسرعة دى
الام: ( ضحكت) بالعكس ،انت شايف كل بنات العمارة ادها ومخطوبين
اهو
هو بس حظها ان عريسها جاهز ومستعجل
انت بس متعلق بيها ومش واخد ع فكرة انها متكونش فالبيت
سليم ساكت وباصص ناحية اوضة مريم..
الام: ربنا يهنيها ويسعدها يارب ويحافظ عليها فالغربة ، ويكرمك انت كمان ياحبيبي
ببنت الحلال قريب وافرح بيك
سليم( بتمتمه فسره) ربنا يسعدك يا كلمش يارب
سليم فمصر بيدعيلها ،وهى بتتمشى ع امتداد نهر "التيبر" ماسكة ايد مراد
بتفكر فالناس الى وحشوها مسافة ايام وبس!
فحضن خالتها
وهزار وسخافه انس عليها
فحنية سليم
ف لمة البنات معاها كلهم سوا فخروجة ولا سهرة ولا فبيت واحدة منهم !
تريقة وجدان
غلاسة لمى
عقل آسيا
حكمة تبارك
استشارة نشوى
هدوء يارا
سرحانه وبتفكر فيهم اوى ،مسكت فونها تقلب فكل الصور
وبعتتهم كلهم عالواتس ع جروبهم " شلة الشر" وكتبت ..
مريم: حتى لو بعيش احلى ايام حياتى ،فالسعادة ناقصة من غيركم
وحشتونى يا اغلى اخوات فالدنيا
ربنا م يحرم مريم منكم ...ولا يحرم مريم منكم ❤
`·，`·，`·，`·，`·，`·，`·，`·，`·，`·，`·
زعيقه كان مسمع كل الى فالكافيه !
مش من عادة انس انه يخرج ع شعوره الا لو موقف بجد ،والموقف المرة دى استفزه
لدرجه صعب انه يتحملها ..
انس: انا مش فاهم اصلا انت جبت رقمى منين وايشمعنا دلوقتى بتكلمنى ؟
ايه!!
لا مش بنتك
اسمعنى انت بس واشترى كلامى للآخر
بقالك ٢٢سنة متعرفش حاجه عنها ،بتاكل ايه بتشرب ايه
عايشة ازاى
لما تتجوز تفتكر انها بنتك
( سكت شوية)
لا معلش ...اومال انت عايزنى اكلمك ازاى !
لو سمحت بعد اذنك متتكلمش عالرقم ده تانى وانسى ان ليك ولاد
وملكش دعوة لا بالى بيتجوز ولا الى بيتهبب
سلامو عليكو..!!
انس قاعد متضايق من مكالمة باباه الى فجأة بعد م عرف بجواز مريم
ان له بنت وازاى تتجوز من غير مشورته واذنه !!
مش واخد باله انه طول عمرها ٢٢سنه مكانش ليها اب ف اى حاجه
عشان يكون لها اب فوقت جوازها وبس.
انس عارف انه كان بيتدخل من فكرة الامتلاك وانهم ولاده فالاخر واسمهم ع اسمه
ومكانش حابب ابدا يتكلم معاه كده
لانه فالنهايه ابوه
لكن هو معملش اى حاجه تزرع حنيه من جواهم ليه عشان يبقى فيه عالاقل حب وتقدير
فكلامهم له .
وسط سرحانه بعد المكالمه ،فاق ع صوت عالى وخناقه !!
زبون: انا طالبها زياده جايبها سادة يابنى ادم
سفيان: وانا قولتلك يافندم حاضر هغيرهالك
زبون:يعنى انت تحرق دمى وتخلينى اشربها سم هارى وفالاخر تقولى معلش
وحغيرها !!
سفيان: انا مش عارف ليه كل العصبيه الى حضرتك فيها دى
قولت لك انى اسف وهغيرها
زبون: مش عارف ليه كل الزعيق ...اتفضل اشربها وقولى رأيك
انس جاى من بعيد عليهم
انس: ايه ده فيه ايه ؟
سفيان: يا استاذ انت مش اول مرة تيجى وفكل مرة بتبقى عايز تجر بيها
شكلى وانا واخد بالى ومع ذلك محترم شغلى واصحاب الشغل
زبون: تقصد انى بتلكك لك يعنى !! انت هتعمل راسك ب راسي انت حته جرسون
انس: فيه ايه يا استاذ فيه ايه ؟ لو القهوة غلط يغيرها مش لازم كل ده يعنى
سفيان: ماهو ده الى انا بفهمهوله من الصبح ...دى مجرد قهوة وجت غلط
زبون: مجرد قهوة !! طيب دوقها وانت تعرف انها مجرد سم ع دماغك ( دلق القهوة
ف وسه قدام الكل )
انس: ايه ده !! لو سمحت الى يقعد هنا يفعد باحترامه
وانت واحد مش محترم
اتفضل بدل م يبقالى انا تصرف معاك
زبون: يعنى خارج من الجنه ،كافيه زباله بالى شغالين فيه
مشى ووقف سفيان يمسح وشه من القهوة مكسوف
انس: انا اسف حقك عليا
سفيان: انس ..انا همشى
انس: هتمشى !! عايز تاخد باقى اليوم يعنى ؟
سفيان: لا ...همشى خالص
هسيب الشغل
انس: سفيان الحوار بيحصل معانا كلنا وكلنا اتمرمطنا
وانت عارف يعنى ايه شغل
وانا قولتلك من الاول اننا هنصادف الكويس والوحش
سفيان: بس بعد الاهانة دى مش هقدر اقعد...اعذرنى
راح يقلع اليونيفورم الخاص بالكافيه
وواقف انس لا حول له ولا قوة !!
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
الدنيا ساعات بتكون اصغر من قرية صغيرة بتجمع مابين عيلتين
وكام بيت !
والقدر هو كل الى مكتوب لنا سواء هنرضى بيه ولا لأ
فهو هيحصل هيحصل ..
انهاردة لمى كانت معزومة ع عيد ميلاد
مش لحد تعرفه
ولا يخصها مناسبة العيد ميلاد اصلا
بس الفريق الى هيحيي العيد ميلاد ..هو الى جايلها
الدعوة منه
بنوتين من صحابها فالجامعه عندهم موهبة الغنا وصوتهم حلو،وعاملين
فريق صغير مع بعض الآت بيعرفوا يعزفوا عليها.
بسعر بسيط بيروحوا يحييو الحفلات لو لاطفال صغيرة يبقى كلها اغانى
اطفال
ولا حفلة شباب بتبقى اغانى شبابيه
.
لمى راحت بناء ع دعوة صاحبتها تشوفها وهى بتغنى ،والعيد ميلاد مقام
فحديقة المنتزه
لبست واتهيأت وراحت
كان فى زيطة اطفال وزمبليطة ولعب واغانى ولمى كانت واقفه تسقف وتحىى
صاحبتها..
ومن وسط المدعووين ..لمحت ست شبهت عليها
هى متأكده انها شافتها قبل كده
الذاكرة الحديدية بتشتغل ، وعجلة الفلاش باك بتدور
افتكرت بس لما سمعت اسم البنوتة الى تبعها العيد ميلاد
..رودينا!!
ومامتها ،قرايب مرات احمد حبيبها
يااااااه ...
وقفت لمى تبص لمامت رودينا والى كده صاحبة الحفلة مش مدعوة
وفضلت معاها بالنظر بس من بعيد لبعيد ،لكن المفجأة
لما جم يطفوا الشمع ويدوا البنوتة الصغيرة الهدايا
وقالتلها مامتها بالحرف " الله ...حلوة اوى هدية خالتو نسمة
قوليلها ثانكس ياخالتو "
لمى فاكرة ان اسم مرات احمد نسمة !!
بصت عالست وعرفتها ...اه هى
ست بسيطه ولبسها بسيط اوى للى فسنها ،محترم وشيك
مش حاطه ميكاب بس جمالها ربانى
فشكلها وملامحها ليها طبع هادى كده ...يدخل قلبك مرة واحدة .
قربت ناحيتها لمى وعملت نفسها بتزود فطبقها من الموجود جمب التورتة،
مامت رودينا مخدتش بالها منها وده لحسن حظ لمى ..
لمى بشكل غير مباشر كانت ملازمه ل نسمة مرات احمد ،حبت توقف تسمعها
بتتكلم ازاى بتتعامل ازاى
من زمان كان نفسها تتعرف عليها بعيد عن احمد
واحدة من المدعويين: بس كويس انك عرفتى تيجى انهاردة يا نسمة
احنا عارفين الولاد والبيت والدروس واخدين كل وقتك
نسمة: اعمل ايه ..لو مجاتش كانت رودينا ومامتها زعلوا منى
اعمل ايه
واحدة تانية: طيب واحمد مجاش ليه معاكى
نسمة: احمد الله يكون فعونه بيرجع من الشغل مهدود بينام شوية
ويصحى يذاكر للواد ويساعدنى لو البيت فيه حاجه وانا مش فاضية
بصراحه مش بيقصر معايا خالص
لمى واقفه سامعه كل كلمة وهتاكلها نار الغيرة
مدعووة تانيه: ربنا يخليكم لبعض يارب
نسمة: يارب ...
ست ٣:اكتر واحدة شوفتها بتحب جوزها بعد الجواز اوى كده هى نسمة
ههههههههه
نسمة : ليه يعنى ؟ دى عشرة ١٨سنه
١٨سنه قام وسند عليا وسندت عليه
وعمرى م شوفت منه حاجه وحشه
هكرهه ليه
ولا هو اتوصف ..ان الست بعد الجواز تكره الجواز والعيشه يعنى
ست٤:عارفه يانسمة عندك حق ، طالما كويس معايا وحياتى هادية
معاه
يبقى ليه اكرهه
كل علاقة بين الراجل والست بتبقى مبنيه فالاول والاخر عالست قبل الراجل
والله شاطرة يانسمة ومحافظه ع بيتك
لمى سمعت كلام نسمة عن احمد والغزل والحب الى بتتكلم بيه
عنه
حست بجد انها بتحبه ومتقدرش تستغنى عنه
لكن برضو لمى هتسيب الصدفه دى تعدى ع خير ؟!
قبل م يخلص العيد ميلاد والغنى والحجات والمحتاجات ، كانت سلمت
نسمة عالكل واخدت اصغر بنت فولادها جيباها معاها
ومشيت
لحقتها لمى بسرعه ...
لمى: لو سمحتى ...
نسمة: ايوة
لمى: انا اسفه لو كنت سمعت كلامك جوه بس بجد عجبنى اوى فكرة محبتك
لجوزك وحفاظك عالبيت رغم عشرة السنين
ف انا اسفه
كنت بعمل ندوة لستات مصريات قايمين بدورهم صح
لستات ناجحه فالمجتمع فشغلها وبيتها .ومن كلامك حابه استضيفك
ممكن!
نسمة ( اتكسفت) انا اسفه اصل ماليش فالندوات دى ..
لمى: مينفعش حد بقوتك دى ميبلغش حكايته الجميلة دى لستات
تانيه
كتير تقلدك وتبقى قدوتهم
ارجوكى دول هما ساعتين بس
نسمة: مممم مش عارفه اقولك ايه ،انا بس كنت بتكلم عادى ميستاهلش ندوة يعنى
لمى: ازاى ده انتى قولتى كلام قشعرلى جسمى وحياة ربنا
نسمة: مش للدرجة دى بس ...حاضر هفكر
لمى: طيب ممكن رقم تليفونك ؟!
نسمة ( ارتبكت)
لمى: ياخلاسي بنوتك دى ؟ انتى اسمك ايه
نسمة: دى حنين اخر العنقود عندها ٨سنين
لمى( نزلت ع ركبها) ياقمر !!! نسخه من باباها
نسمة( باسنغراب) باباها!!
لمى: احم ...اصلها مش شبهك فقولت اكيد شبه باباها ههههه( بتدارى الكسوف)
نسمة: اه
لمى: هاه ...ممكن الرقم
نسمة : خلاص ماشى
ادتها الرقم وبتسجله لمى ورنت لها
لمى: سجلينى لمى رأفت ..هشوفك تانى
باى يا حنونة
باست حنين ومشيت وفعقلها ايه بيدور ...الله اعلم ؟!
`·，`·，`·，`·，`·，`·，`·，`·，`·，`·，`·
مريم خارجه من الحمام بتنشف شعرها ومراد قاعد عالسرير
بيتكلم مع حد فشغله
بالايطالى وطبعا هى مش فاهمة .
ابتسملها وبعتلها بوسة فالهوا وهى ضحكت له وقعدت قدام المراية تظبط شعرها
خلص مكالمته وجه من ورا حضنها من كتفها
مريم: كنت بتكلم مييين
مراد: فالشغل يا حبيبتى
مريم: لا ماهو انا لازم اتعلم الايطالى ، مش هقعد كده مش فاهمة حاجه
هتعامل ازا ى مع الناس هنا
مراد: انتى الانجلش كويسه فيه ،امشى بيه لحد م انا اعلمك
وشوية بشويه بالاحتكاك هتتعلمى لوحدك
مريم: مممم ماشى
مراد ( قومها ولفها ليه) بس ايه رأيك ؟
مبسوطة ؟
مريم: اوى اوى يا مراد
مراد: طب ايه نكنسل سهرة انهاردة ونأجلها لبكرة ونسهر هنا انهاردة( بيبوسها فشعرها)
مريم( بتحاول تهرب منه) لالالا انا خلاص مستعدة للخروج انهاردةودلوقتى
مراد: اييه مشبعتيش خروج لحد دلوقتي ( بيبوسها فخدها) معلش تعالى ناخد انهاردة
اجازة
مريم: لالا كده ازعل( سابته مرة واحدة وقع عالسرير)
مراد: كده توقعينى !! طب انا هوريكى قام يجرى وراها فالشقه وهى بتضحك
وبعدين فونها رن رنة الايمو
مريم: ايه ده استنى استنى حد بيكلمنى من مصر
مراد: تعالى هنا
مريم: لا استنى ( فتحت تشوف) السووووووس حبيبي
مراد: افكسيلهم يا مريم بقى
مريم: ثوانى بس يا مراد عشان خاطرى
فتحت
لاقتهم كلهم متجمعين عن آسيا ،وكلهم بصوت واحد مع بعض
يا مريووووووووووم !!
مريم: وحشتووووووونى اوووى يا جزم وحشتووونى
وجدان: لاحظة بس ؛ هى لابسة بورنوس،!!
ياجدعان حد يقولها ان لسه كده بلمتنا محدش فينا دخل دنيا
مش تتحشمى كده يابت
لمى: استنى استنى يا ويچا ،اخبار الجواز ايه يا روماا
كله هييييييح مش كده
يارا: استنوا اسلم عليها انا كمان اوعوا كده ،صورك قمر قمر قمر تجننى يا روما
ربنا يحميكى ويحفظك يارب ويهنيكى
آسيا: عاملة ايه ياقلبي انتى وحشتينا اوى
مريم: وحشتونى اكتر والله كلكم كلكم مش بتسيبوا بالى
اومال فين تبارك ونشوى
وجدان: تبارك خلاص شهر ع فرحها ياختى مشغولة
ونشوى متخانقه معاهم فالبيت كالعادة وضاربة بوزها عليهم وقافله ع نفسها
مبتكلمش حد
مريم: يااااه توتا هتتجوز هى كمان ! قولولها ان الجواز حلو اوى ( بصت ناحية مراد)
لمى: ااااه ماهو باين عليكى يا مريومه ، منور وشك يابنت اللذين
وجدان: لا وانتى الصادقه النضافه باينه عليها فى بلاد الفرنجه
اتشخلعى ف ايطاليا يا مريم
بس متنسيش ياختى اصلك
ايس كريم عزة
وحودة جندل
وكشرى توم اند بصل ،متعمليش فيها الاحنبيه ورحمة ابوكى
مريم: قوليلى يا ويچا انس كلم عمو عنك
وجدان: كلمه فون وقاله هيظبط حجات فشغله وييجى يكلمه رسمى هنا
وابقى زيكم عروسة هيييه
مريم: عقبال لمى والسووووس يارب
آسيا: اهم حاجه تاخدى بالك من نفسك وتفرحى ،تفرحى من قلبك
تفرحى وبس انتى فاهمة
مريم: حاضر ( دمعت) وحشتنى لمتكم يابنات
مراد بيناديها
وجدان: ههههه روخى للعريس يابت لحسن يطلع من الشاشه ياكلنا
يلا باى هنكلمك تانى
قفلوا وباسوا الصور الى هى فيها ...وبصوا لبعض انها وحشتهم اوى
والايام ناقصها حاجه من غيرها .
`·，`·，`·，`·，`·，`·，`·，`·，`·，`·，`·
بعد اسبوع ...
كان فى مشكله مع اسيا فشغلها ،وحلها ف ايد شخص واحد.
جرس شقتهم بيرن وبتفتح مامت سليم ..
الام: اسيا !! اهلا يا حبيبتى اتفضلى
آسيا: ازيك يا طنط عامله ايه
الام: انتو من ساعة جواز مريم وانتو محدش بيسأل عن طنط
كان مفيش ليكم حد هنا غير مريم
مش كده
آسيا: لا والله يا طنط مش كده ،حقك علينا احنا مقصرين
بس الشغل والله واخد كل وقتى
الام: ربنا يساعدك يابنتى يارب ...انتى عارفه طول النهار انس وسليم
فشغلهم وانا ببقى قاعدة وحدى
آسيا: لا حاضر من عنينا ،من هنا ورايح مش هنبطل نجيلك
بس يارب متزهقيش مننا
طنط سليم جه مش كده ؟
الام: اه لسه داخل ، بس فالحمام بياخد دوش
اسيا: اه انا سمعته وهو بيركن
الام: استنيه ،انا هعملك حاجه تشربيها
دخلت مامت سليم وخمس دقايق وطلع سليم من جوه
ببنطلون التريننج بس !!
عدى فالصاله لقى اسيا ف وشه اتخضت ودارت وشها
وهو رجع جرى عالحمام من خضته
طلعت ام سليم جايبه مشروب
ام سليم: سليم خلصت ،اسيا هنا مستنياك
سليم( بيناديها من جوه) تعالى يا امى
ام سليم: ايه يابنى
سليم: مش تقولى ف حد برة خرجت كده ،لو سمحتى هاتيلى الجاكيت
راحت جابتله الجاكيت وخرج ل اسيا
سليم: ازيك يا اسيا ...انا اسف والله
اسيا: ولايهمك انت مكنتش عارف
سليم: عاملة ايه
اسيا: الحمدلله ...بقيت ازعجك بمجياتى الكتير
مش كده
سليم: برضو ده كلام ،عيب لما تقولى كده
عاملة ايه فشغلك
اسيا: هو انا جايالك بخصوصه
هو انا كنت ماشية تمام يعنى وفى حالة من حالات المساجين الخطر
كانت اختصاصى
بس يعنى بقاله جلستين بيحاول....بيحاول يتحرش بيا!!
سليم( استغرب) ايه!!
اسيا: هو انا هربت من قدامه فالمرتين ،منكرش انى خايفه
بس عايزة اكمل
سليم: لا طبعا تكملى ازاى وفيه خطر عليكى
اسيا: بس انا حابة اكمل،انا قطعت شوط كويس اوى لحد دلوقتي
سليم: بس كده ده قلق يا اسيا
اسيا: ماهو انا جيتلك عشان كده ...كنت عايزة فجلساتى
يكون حد من طرفك معايا كحماية وامان ليا
وكمان اقدر اكمل
سليم بيفكر فكلامها وساكت ...وهى مستنيه رده
سليم: هى جلساتك مع الحالة دى كام مرة فالاسبوع؟
اسيا: مرتين
سليم: مممم ...
اسيا: لو م امكنش هفكر فحل تانى
سليم: لا مفيش حل تانى ...انا الى هكون معاكى اثناء الجلسات
اسيا( بخضه ) انت بنفسك!!
لا مينفعش وشغلك
سليم: متقلقيش هعرف اوازن مابين الاتنين
اسيا: بجد ! يعنى ده مش هييجى ع حساب شغلك
سليم: ان شاءاللهلا
خلاص من المرة الجاية انا معاكى
اسيا: انا متشكرة ليك ياسليم بجد
سليم: على ايه ،انتى بنت ذكية وناجحه وطموحه
لازم اى حد يوقف جمبك
خلاص كلمينى قبل الجلسات بيوم واعدى عليك ونروح فكل مرة سوا
تمام؟
اسيا( مبتسمه) اوك
`·，`·，`·，`·，`·，`·，`·，`·，`·，`·，`
على شط البحر كان واقف باصص لها ،بينها وبينه
البحر بعرضه
وهى واقفه مش باصه ناحيته
ومرة واحدة ندهها ...
صلاح: تبارك
تبارك : صلاح ...
صلاح: وحشتينى ...وهتوحشينى ع طول
تبارك: صلاح بلاش منه الكلام ده ربنا يكرمك
بالخير قريب يارب
صلاح: انا مش عاوز من بنات الارض غيرك
ولو فالدنيا مالناش نصيب
نتقابل فالجنه ان شاءالله♡"
قامت تبارك من نومها مستغربة للحلم الى شافته اوى
ياترى ايشمعنا انهاردة بتحلم بصلاح
يمكن عشان انهاردة يوم فرحها وعقلها الباطن ليفكر هو عامل ايه دلوقت !
احبال نور من اول الشارع لاخره ..
فراشة كبيييييرة قدام العمارة
معازيم كتييير فبيت تبارك .
تبارك جاتلها بنوتة كوافيرة فالبيت واتمكيجت فيه
ولانها ملتزمه محبتش تعمل فرح فنادى او قاعة
قالت انها عايزاه فالبيت وييجوا اخوات يغنولها بالدفوف ومش عايزة اغانى
خالص.
ده خنق صحابها بس يعملوا ايه فرحوها برضو وبقوا جنبها .
مريم كلمتهم نت وزغردتلها وكان نفسها تكون معاهم اوى بس مش هتقدر .
لبست الفستان والطرحه والتاج ..
خرجت فصالة الشقة والاخوات بيغنولها ماسكين الدفوف والبنات بتسقف
ورقصوها فالنص.
ورقصوا معاها
رقصت وياها مامتها وحضنتها وعيطت من فرحتها ،وميلت وجدان باست
ايد باباها القعيد.
عدت الساعات فالانشاد الدينى بالفرح من صوت البنات وكانت طريقة جديدة
للاحتفال بالفرح عالطريقة الملتزمه حلوة اوى
سفيان دخل ينبه العريس جاى ياخدها
دخلت سعدية قبل م ياخدها تحلف انها مش هتمشى غير لما ترقصلها
عشان فرحنالها
شغلت اغنية ع فونها ورقصت والبنات الخمسة رقصوا معاها وهما بيضحكوا
حطت النقاب الابيض الستان المطرز الى عاملاه بايدها تبارك
ع وشها
طلعت وانكشها ومشى وبيزفوهم بالدفوف والزغاريد ووقفوا قدام العمارة شوية
البنات واهل عمرو والمهنيين من الشباب خلاص هيركبوا العربية يلفوا بيها شوية
وبعدين هيطلعوا ع عش الزوجية سوا ..
اخو عمرو الكبير: استنوا ده انا حالف لاضرب ففرحك نار
عمرو: مش لازم ياعم نمشيها سلمى
المدعوين: هههههههههه
سفيان: خلص يا سيدى خلينا نزفهم
اخو عمرو: انا حاالف ولازم امشى يمينى
سعدية: ع فكرة فيه ظابط فوق لو صربت هيلمنا كلنا فالبوكس والمصحف
اخو عمرو: ياستى احنا بنضرب فالهوا ( بيطلع الرصاصه يحطها فالمسدس)
لمى فودن تبارك: هما كل اهل جوزك حلوين كده
تبارك: يابت اتلمى
اخو عمرو عمر المسدس وبيضرب لفوق فالسما ..ومضربش!
نزله يبص فيه وظبطه تانى ورفعه وبرضو مضربش
بيرج فيه يشوفه الرصاصه طلعت من الماسورة غلط
اتردت لورا
جت فحد من الواقفين حواليهم ..وبصوت عالى
.طااخ!!!!!
الدم فجأة طرطش ع فستان تبارك الابيض ،والزغرودة قلبت لصويت !!
`·，`·，`·，`·，`·，`·，`·，`·，`·，`·，`
استنونا الاحد ان شاء الله
#نوتيلا
#لنورإسماعيل
نوتيلآ ❥❥
الفصل (32
， `·，`·，`·，`·，`·，`·，`·，`·，`·，`·，`·
عالمدرجات او السلالم الاسبانيه المشهورة فى روما
كانت مريم بتجرى زى الطفلة وبتقف فحته معينه ومراد يصورها ، وبعدين
يوقف جمبها ويخلوا اى حد موجود يصورهم سوا ..
وبعدها يروحوا ع نافورة " تريفى " عشان يعملوا العادة المشهورة
ويرموا عملة معدنية فيها بعد م يتمنوا امنية ..
والصورة بقت ١٠ و٢٠
بكذا منظر مختلف ولكذا مكان سوا او لمريم وحدها .
وبعد الغدا
بجناحاتهم طارو ع " الكولوسيوم" عشان تشوف اكبر سلم فالامبراطورية
الرومانيه كانوا بيستخدموه فساحات القتال..
مراد عارف الاماكن دى وحافظها بس كان فرحان لفرحتها وزققططتها
والضحكة مش مفارقاه زيها بالظبط.
فالوقت اللى كان سليم معدى ع اوضة مريم بيبص فيها وهى فاضية!
وطفى النور وخرج..
لقى مامته بتحضر تحط لبس فالغسالة وع وش الغسيل بادى كانت لابساه
مريم قبل م تمشى
مسكه وضمه ليه بحزن وحطه مكانه تانى ..
وبص لمامته
سليم: اتسرعنا ياماما ؟
الام: على ايه يا حبيبي
سليم: ان مريم تتجوز بالسرعة دى
الام: ( ضحكت) بالعكس ،انت شايف كل بنات العمارة ادها ومخطوبين
اهو
هو بس حظها ان عريسها جاهز ومستعجل
انت بس متعلق بيها ومش واخد ع فكرة انها متكونش فالبيت
سليم ساكت وباصص ناحية اوضة مريم..
الام: ربنا يهنيها ويسعدها يارب ويحافظ عليها فالغربة ، ويكرمك انت كمان ياحبيبي
ببنت الحلال قريب وافرح بيك
سليم( بتمتمه فسره) ربنا يسعدك يا كلمش يارب
سليم فمصر بيدعيلها ،وهى بتتمشى ع امتداد نهر "التيبر" ماسكة ايد مراد
بتفكر فالناس الى وحشوها مسافة ايام وبس!
فحضن خالتها
وهزار وسخافه انس عليها
فحنية سليم
ف لمة البنات معاها كلهم سوا فخروجة ولا سهرة ولا فبيت واحدة منهم !
تريقة وجدان
غلاسة لمى
عقل آسيا
حكمة تبارك
استشارة نشوى
هدوء يارا
سرحانه وبتفكر فيهم اوى ،مسكت فونها تقلب فكل الصور
وبعتتهم كلهم عالواتس ع جروبهم " شلة الشر" وكتبت ..
مريم: حتى لو بعيش احلى ايام حياتى ،فالسعادة ناقصة من غيركم
وحشتونى يا اغلى اخوات فالدنيا
ربنا م يحرم مريم منكم ...ولا يحرم مريم منكم ❤
`·，`·，`·，`·，`·，`·，`·，`·，`·，`·，`·
زعيقه كان مسمع كل الى فالكافيه !
مش من عادة انس انه يخرج ع شعوره الا لو موقف بجد ،والموقف المرة دى استفزه
لدرجه صعب انه يتحملها ..
انس: انا مش فاهم اصلا انت جبت رقمى منين وايشمعنا دلوقتى بتكلمنى ؟
ايه!!
لا مش بنتك
اسمعنى انت بس واشترى كلامى للآخر
بقالك ٢٢سنة متعرفش حاجه عنها ،بتاكل ايه بتشرب ايه
عايشة ازاى
لما تتجوز تفتكر انها بنتك
( سكت شوية)
لا معلش ...اومال انت عايزنى اكلمك ازاى !
لو سمحت بعد اذنك متتكلمش عالرقم ده تانى وانسى ان ليك ولاد
وملكش دعوة لا بالى بيتجوز ولا الى بيتهبب
سلامو عليكو..!!
انس قاعد متضايق من مكالمة باباه الى فجأة بعد م عرف بجواز مريم
ان له بنت وازاى تتجوز من غير مشورته واذنه !!
مش واخد باله انه طول عمرها ٢٢سنه مكانش ليها اب ف اى حاجه
عشان يكون لها اب فوقت جوازها وبس.
انس عارف انه كان بيتدخل من فكرة الامتلاك وانهم ولاده فالاخر واسمهم ع اسمه
ومكانش حابب ابدا يتكلم معاه كده
لانه فالنهايه ابوه
لكن هو معملش اى حاجه تزرع حنيه من جواهم ليه عشان يبقى فيه عالاقل حب وتقدير
فكلامهم له .
وسط سرحانه بعد المكالمه ،فاق ع صوت عالى وخناقه !!
زبون: انا طالبها زياده جايبها سادة يابنى ادم
سفيان: وانا قولتلك يافندم حاضر هغيرهالك
زبون:يعنى انت تحرق دمى وتخلينى اشربها سم هارى وفالاخر تقولى معلش
وحغيرها !!
سفيان: انا مش عارف ليه كل العصبيه الى حضرتك فيها دى
قولت لك انى اسف وهغيرها
زبون: مش عارف ليه كل الزعيق ...اتفضل اشربها وقولى رأيك
انس جاى من بعيد عليهم
انس: ايه ده فيه ايه ؟
سفيان: يا استاذ انت مش اول مرة تيجى وفكل مرة بتبقى عايز تجر بيها
شكلى وانا واخد بالى ومع ذلك محترم شغلى واصحاب الشغل
زبون: تقصد انى بتلكك لك يعنى !! انت هتعمل راسك ب راسي انت حته جرسون
انس: فيه ايه يا استاذ فيه ايه ؟ لو القهوة غلط يغيرها مش لازم كل ده يعنى
سفيان: ماهو ده الى انا بفهمهوله من الصبح ...دى مجرد قهوة وجت غلط
زبون: مجرد قهوة !! طيب دوقها وانت تعرف انها مجرد سم ع دماغك ( دلق القهوة
ف وسه قدام الكل )
انس: ايه ده !! لو سمحت الى يقعد هنا يفعد باحترامه
وانت واحد مش محترم
اتفضل بدل م يبقالى انا تصرف معاك
زبون: يعنى خارج من الجنه ،كافيه زباله بالى شغالين فيه
مشى ووقف سفيان يمسح وشه من القهوة مكسوف
انس: انا اسف حقك عليا
سفيان: انس ..انا همشى
انس: هتمشى !! عايز تاخد باقى اليوم يعنى ؟
سفيان: لا ...همشى خالص
هسيب الشغل
انس: سفيان الحوار بيحصل معانا كلنا وكلنا اتمرمطنا
وانت عارف يعنى ايه شغل
وانا قولتلك من الاول اننا هنصادف الكويس والوحش
سفيان: بس بعد الاهانة دى مش هقدر اقعد...اعذرنى
راح يقلع اليونيفورم الخاص بالكافيه
وواقف انس لا حول له ولا قوة !!
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
الدنيا ساعات بتكون اصغر من قرية صغيرة بتجمع مابين عيلتين
وكام بيت !
والقدر هو كل الى مكتوب لنا سواء هنرضى بيه ولا لأ
فهو هيحصل هيحصل ..
انهاردة لمى كانت معزومة ع عيد ميلاد
مش لحد تعرفه
ولا يخصها مناسبة العيد ميلاد اصلا
بس الفريق الى هيحيي العيد ميلاد ..هو الى جايلها
الدعوة منه
بنوتين من صحابها فالجامعه عندهم موهبة الغنا وصوتهم حلو،وعاملين
فريق صغير مع بعض الآت بيعرفوا يعزفوا عليها.
بسعر بسيط بيروحوا يحييو الحفلات لو لاطفال صغيرة يبقى كلها اغانى
اطفال
ولا حفلة شباب بتبقى اغانى شبابيه
.
لمى راحت بناء ع دعوة صاحبتها تشوفها وهى بتغنى ،والعيد ميلاد مقام
فحديقة المنتزه
لبست واتهيأت وراحت
كان فى زيطة اطفال وزمبليطة ولعب واغانى ولمى كانت واقفه تسقف وتحىى
صاحبتها..
ومن وسط المدعووين ..لمحت ست شبهت عليها
هى متأكده انها شافتها قبل كده
الذاكرة الحديدية بتشتغل ، وعجلة الفلاش باك بتدور
افتكرت بس لما سمعت اسم البنوتة الى تبعها العيد ميلاد
..رودينا!!
ومامتها ،قرايب مرات احمد حبيبها
يااااااه ...
وقفت لمى تبص لمامت رودينا والى كده صاحبة الحفلة مش مدعوة
وفضلت معاها بالنظر بس من بعيد لبعيد ،لكن المفجأة
لما جم يطفوا الشمع ويدوا البنوتة الصغيرة الهدايا
وقالتلها مامتها بالحرف " الله ...حلوة اوى هدية خالتو نسمة
قوليلها ثانكس ياخالتو "
لمى فاكرة ان اسم مرات احمد نسمة !!
بصت عالست وعرفتها ...اه هى
ست بسيطه ولبسها بسيط اوى للى فسنها ،محترم وشيك
مش حاطه ميكاب بس جمالها ربانى
فشكلها وملامحها ليها طبع هادى كده ...يدخل قلبك مرة واحدة .
قربت ناحيتها لمى وعملت نفسها بتزود فطبقها من الموجود جمب التورتة،
مامت رودينا مخدتش بالها منها وده لحسن حظ لمى ..
لمى بشكل غير مباشر كانت ملازمه ل نسمة مرات احمد ،حبت توقف تسمعها
بتتكلم ازاى بتتعامل ازاى
من زمان كان نفسها تتعرف عليها بعيد عن احمد
واحدة من المدعويين: بس كويس انك عرفتى تيجى انهاردة يا نسمة
احنا عارفين الولاد والبيت والدروس واخدين كل وقتك
نسمة: اعمل ايه ..لو مجاتش كانت رودينا ومامتها زعلوا منى
اعمل ايه
واحدة تانية: طيب واحمد مجاش ليه معاكى
نسمة: احمد الله يكون فعونه بيرجع من الشغل مهدود بينام شوية
ويصحى يذاكر للواد ويساعدنى لو البيت فيه حاجه وانا مش فاضية
بصراحه مش بيقصر معايا خالص
لمى واقفه سامعه كل كلمة وهتاكلها نار الغيرة
مدعووة تانيه: ربنا يخليكم لبعض يارب
نسمة: يارب ...
ست ٣:اكتر واحدة شوفتها بتحب جوزها بعد الجواز اوى كده هى نسمة
ههههههههه
نسمة : ليه يعنى ؟ دى عشرة ١٨سنه
١٨سنه قام وسند عليا وسندت عليه
وعمرى م شوفت منه حاجه وحشه
هكرهه ليه
ولا هو اتوصف ..ان الست بعد الجواز تكره الجواز والعيشه يعنى
ست٤:عارفه يانسمة عندك حق ، طالما كويس معايا وحياتى هادية
معاه
يبقى ليه اكرهه
كل علاقة بين الراجل والست بتبقى مبنيه فالاول والاخر عالست قبل الراجل
والله شاطرة يانسمة ومحافظه ع بيتك
لمى سمعت كلام نسمة عن احمد والغزل والحب الى بتتكلم بيه
عنه
حست بجد انها بتحبه ومتقدرش تستغنى عنه
لكن برضو لمى هتسيب الصدفه دى تعدى ع خير ؟!
قبل م يخلص العيد ميلاد والغنى والحجات والمحتاجات ، كانت سلمت
نسمة عالكل واخدت اصغر بنت فولادها جيباها معاها
ومشيت
لحقتها لمى بسرعه ...
لمى: لو سمحتى ...
نسمة: ايوة
لمى: انا اسفه لو كنت سمعت كلامك جوه بس بجد عجبنى اوى فكرة محبتك
لجوزك وحفاظك عالبيت رغم عشرة السنين
ف انا اسفه
كنت بعمل ندوة لستات مصريات قايمين بدورهم صح
لستات ناجحه فالمجتمع فشغلها وبيتها .ومن كلامك حابه استضيفك
ممكن!
نسمة ( اتكسفت) انا اسفه اصل ماليش فالندوات دى ..
لمى: مينفعش حد بقوتك دى ميبلغش حكايته الجميلة دى لستات
تانيه
كتير تقلدك وتبقى قدوتهم
ارجوكى دول هما ساعتين بس
نسمة: مممم مش عارفه اقولك ايه ،انا بس كنت بتكلم عادى ميستاهلش ندوة يعنى
لمى: ازاى ده انتى قولتى كلام قشعرلى جسمى وحياة ربنا
نسمة: مش للدرجة دى بس ...حاضر هفكر
لمى: طيب ممكن رقم تليفونك ؟!
نسمة ( ارتبكت)
لمى: ياخلاسي بنوتك دى ؟ انتى اسمك ايه
نسمة: دى حنين اخر العنقود عندها ٨سنين
لمى( نزلت ع ركبها) ياقمر !!! نسخه من باباها
نسمة( باسنغراب) باباها!!
لمى: احم ...اصلها مش شبهك فقولت اكيد شبه باباها ههههه( بتدارى الكسوف)
نسمة: اه
لمى: هاه ...ممكن الرقم
نسمة : خلاص ماشى
ادتها الرقم وبتسجله لمى ورنت لها
لمى: سجلينى لمى رأفت ..هشوفك تانى
باى يا حنونة
باست حنين ومشيت وفعقلها ايه بيدور ...الله اعلم ؟!
`·，`·，`·，`·，`·，`·，`·，`·，`·，`·，`·
مريم خارجه من الحمام بتنشف شعرها ومراد قاعد عالسرير
بيتكلم مع حد فشغله
بالايطالى وطبعا هى مش فاهمة .
ابتسملها وبعتلها بوسة فالهوا وهى ضحكت له وقعدت قدام المراية تظبط شعرها
خلص مكالمته وجه من ورا حضنها من كتفها
مريم: كنت بتكلم مييين
مراد: فالشغل يا حبيبتى
مريم: لا ماهو انا لازم اتعلم الايطالى ، مش هقعد كده مش فاهمة حاجه
هتعامل ازا ى مع الناس هنا
مراد: انتى الانجلش كويسه فيه ،امشى بيه لحد م انا اعلمك
وشوية بشويه بالاحتكاك هتتعلمى لوحدك
مريم: مممم ماشى
مراد ( قومها ولفها ليه) بس ايه رأيك ؟
مبسوطة ؟
مريم: اوى اوى يا مراد
مراد: طب ايه نكنسل سهرة انهاردة ونأجلها لبكرة ونسهر هنا انهاردة( بيبوسها فشعرها)
مريم( بتحاول تهرب منه) لالالا انا خلاص مستعدة للخروج انهاردةودلوقتى
مراد: اييه مشبعتيش خروج لحد دلوقتي ( بيبوسها فخدها) معلش تعالى ناخد انهاردة
اجازة
مريم: لالا كده ازعل( سابته مرة واحدة وقع عالسرير)
مراد: كده توقعينى !! طب انا هوريكى قام يجرى وراها فالشقه وهى بتضحك
وبعدين فونها رن رنة الايمو
مريم: ايه ده استنى استنى حد بيكلمنى من مصر
مراد: تعالى هنا
مريم: لا استنى ( فتحت تشوف) السووووووس حبيبي
مراد: افكسيلهم يا مريم بقى
مريم: ثوانى بس يا مراد عشان خاطرى
فتحت
لاقتهم كلهم متجمعين عن آسيا ،وكلهم بصوت واحد مع بعض
يا مريووووووووووم !!
مريم: وحشتووووووونى اوووى يا جزم وحشتووونى
وجدان: لاحظة بس ؛ هى لابسة بورنوس،!!
ياجدعان حد يقولها ان لسه كده بلمتنا محدش فينا دخل دنيا
مش تتحشمى كده يابت
لمى: استنى استنى يا ويچا ،اخبار الجواز ايه يا روماا
كله هييييييح مش كده
يارا: استنوا اسلم عليها انا كمان اوعوا كده ،صورك قمر قمر قمر تجننى يا روما
ربنا يحميكى ويحفظك يارب ويهنيكى
آسيا: عاملة ايه ياقلبي انتى وحشتينا اوى
مريم: وحشتونى اكتر والله كلكم كلكم مش بتسيبوا بالى
اومال فين تبارك ونشوى
وجدان: تبارك خلاص شهر ع فرحها ياختى مشغولة
ونشوى متخانقه معاهم فالبيت كالعادة وضاربة بوزها عليهم وقافله ع نفسها
مبتكلمش حد
مريم: يااااه توتا هتتجوز هى كمان ! قولولها ان الجواز حلو اوى ( بصت ناحية مراد)
لمى: ااااه ماهو باين عليكى يا مريومه ، منور وشك يابنت اللذين
وجدان: لا وانتى الصادقه النضافه باينه عليها فى بلاد الفرنجه
اتشخلعى ف ايطاليا يا مريم
بس متنسيش ياختى اصلك
ايس كريم عزة
وحودة جندل
وكشرى توم اند بصل ،متعمليش فيها الاحنبيه ورحمة ابوكى
مريم: قوليلى يا ويچا انس كلم عمو عنك
وجدان: كلمه فون وقاله هيظبط حجات فشغله وييجى يكلمه رسمى هنا
وابقى زيكم عروسة هيييه
مريم: عقبال لمى والسووووس يارب
آسيا: اهم حاجه تاخدى بالك من نفسك وتفرحى ،تفرحى من قلبك
تفرحى وبس انتى فاهمة
مريم: حاضر ( دمعت) وحشتنى لمتكم يابنات
مراد بيناديها
وجدان: ههههه روخى للعريس يابت لحسن يطلع من الشاشه ياكلنا
يلا باى هنكلمك تانى
قفلوا وباسوا الصور الى هى فيها ...وبصوا لبعض انها وحشتهم اوى
والايام ناقصها حاجه من غيرها .
`·，`·，`·，`·，`·，`·，`·，`·，`·，`·，`·
بعد اسبوع ...
كان فى مشكله مع اسيا فشغلها ،وحلها ف ايد شخص واحد.
جرس شقتهم بيرن وبتفتح مامت سليم ..
الام: اسيا !! اهلا يا حبيبتى اتفضلى
آسيا: ازيك يا طنط عامله ايه
الام: انتو من ساعة جواز مريم وانتو محدش بيسأل عن طنط
كان مفيش ليكم حد هنا غير مريم
مش كده
آسيا: لا والله يا طنط مش كده ،حقك علينا احنا مقصرين
بس الشغل والله واخد كل وقتى
الام: ربنا يساعدك يابنتى يارب ...انتى عارفه طول النهار انس وسليم
فشغلهم وانا ببقى قاعدة وحدى
آسيا: لا حاضر من عنينا ،من هنا ورايح مش هنبطل نجيلك
بس يارب متزهقيش مننا
طنط سليم جه مش كده ؟
الام: اه لسه داخل ، بس فالحمام بياخد دوش
اسيا: اه انا سمعته وهو بيركن
الام: استنيه ،انا هعملك حاجه تشربيها
دخلت مامت سليم وخمس دقايق وطلع سليم من جوه
ببنطلون التريننج بس !!
عدى فالصاله لقى اسيا ف وشه اتخضت ودارت وشها
وهو رجع جرى عالحمام من خضته
طلعت ام سليم جايبه مشروب
ام سليم: سليم خلصت ،اسيا هنا مستنياك
سليم( بيناديها من جوه) تعالى يا امى
ام سليم: ايه يابنى
سليم: مش تقولى ف حد برة خرجت كده ،لو سمحتى هاتيلى الجاكيت
راحت جابتله الجاكيت وخرج ل اسيا
سليم: ازيك يا اسيا ...انا اسف والله
اسيا: ولايهمك انت مكنتش عارف
سليم: عاملة ايه
اسيا: الحمدلله ...بقيت ازعجك بمجياتى الكتير
مش كده
سليم: برضو ده كلام ،عيب لما تقولى كده
عاملة ايه فشغلك
اسيا: هو انا جايالك بخصوصه
هو انا كنت ماشية تمام يعنى وفى حالة من حالات المساجين الخطر
كانت اختصاصى
بس يعنى بقاله جلستين بيحاول....بيحاول يتحرش بيا!!
سليم( استغرب) ايه!!
اسيا: هو انا هربت من قدامه فالمرتين ،منكرش انى خايفه
بس عايزة اكمل
سليم: لا طبعا تكملى ازاى وفيه خطر عليكى
اسيا: بس انا حابة اكمل،انا قطعت شوط كويس اوى لحد دلوقتي
سليم: بس كده ده قلق يا اسيا
اسيا: ماهو انا جيتلك عشان كده ...كنت عايزة فجلساتى
يكون حد من طرفك معايا كحماية وامان ليا
وكمان اقدر اكمل
سليم بيفكر فكلامها وساكت ...وهى مستنيه رده
سليم: هى جلساتك مع الحالة دى كام مرة فالاسبوع؟
اسيا: مرتين
سليم: مممم ...
اسيا: لو م امكنش هفكر فحل تانى
سليم: لا مفيش حل تانى ...انا الى هكون معاكى اثناء الجلسات
اسيا( بخضه ) انت بنفسك!!
لا مينفعش وشغلك
سليم: متقلقيش هعرف اوازن مابين الاتنين
اسيا: بجد ! يعنى ده مش هييجى ع حساب شغلك
سليم: ان شاءاللهلا
خلاص من المرة الجاية انا معاكى
اسيا: انا متشكرة ليك ياسليم بجد
سليم: على ايه ،انتى بنت ذكية وناجحه وطموحه
لازم اى حد يوقف جمبك
خلاص كلمينى قبل الجلسات بيوم واعدى عليك ونروح فكل مرة سوا
تمام؟
اسيا( مبتسمه) اوك
`·，`·，`·，`·，`·，`·，`·，`·，`·，`·，`
على شط البحر كان واقف باصص لها ،بينها وبينه
البحر بعرضه
وهى واقفه مش باصه ناحيته
ومرة واحدة ندهها ...
صلاح: تبارك
تبارك : صلاح ...
صلاح: وحشتينى ...وهتوحشينى ع طول
تبارك: صلاح بلاش منه الكلام ده ربنا يكرمك
بالخير قريب يارب
صلاح: انا مش عاوز من بنات الارض غيرك
ولو فالدنيا مالناش نصيب
نتقابل فالجنه ان شاءالله♡"
قامت تبارك من نومها مستغربة للحلم الى شافته اوى
ياترى ايشمعنا انهاردة بتحلم بصلاح
يمكن عشان انهاردة يوم فرحها وعقلها الباطن ليفكر هو عامل ايه دلوقت !
احبال نور من اول الشارع لاخره ..
فراشة كبيييييرة قدام العمارة
معازيم كتييير فبيت تبارك .
تبارك جاتلها بنوتة كوافيرة فالبيت واتمكيجت فيه
ولانها ملتزمه محبتش تعمل فرح فنادى او قاعة
قالت انها عايزاه فالبيت وييجوا اخوات يغنولها بالدفوف ومش عايزة اغانى
خالص.
ده خنق صحابها بس يعملوا ايه فرحوها برضو وبقوا جنبها .
مريم كلمتهم نت وزغردتلها وكان نفسها تكون معاهم اوى بس مش هتقدر .
لبست الفستان والطرحه والتاج ..
خرجت فصالة الشقة والاخوات بيغنولها ماسكين الدفوف والبنات بتسقف
ورقصوها فالنص.
ورقصوا معاها
رقصت وياها مامتها وحضنتها وعيطت من فرحتها ،وميلت وجدان باست
ايد باباها القعيد.
عدت الساعات فالانشاد الدينى بالفرح من صوت البنات وكانت طريقة جديدة
للاحتفال بالفرح عالطريقة الملتزمه حلوة اوى
سفيان دخل ينبه العريس جاى ياخدها
دخلت سعدية قبل م ياخدها تحلف انها مش هتمشى غير لما ترقصلها
عشان فرحنالها
شغلت اغنية ع فونها ورقصت والبنات الخمسة رقصوا معاها وهما بيضحكوا
حطت النقاب الابيض الستان المطرز الى عاملاه بايدها تبارك
ع وشها
طلعت وانكشها ومشى وبيزفوهم بالدفوف والزغاريد ووقفوا قدام العمارة شوية
البنات واهل عمرو والمهنيين من الشباب خلاص هيركبوا العربية يلفوا بيها شوية
وبعدين هيطلعوا ع عش الزوجية سوا ..
اخو عمرو الكبير: استنوا ده انا حالف لاضرب ففرحك نار
عمرو: مش لازم ياعم نمشيها سلمى
المدعوين: هههههههههه
سفيان: خلص يا سيدى خلينا نزفهم
اخو عمرو: انا حاالف ولازم امشى يمينى
سعدية: ع فكرة فيه ظابط فوق لو صربت هيلمنا كلنا فالبوكس والمصحف
اخو عمرو: ياستى احنا بنضرب فالهوا ( بيطلع الرصاصه يحطها فالمسدس)
لمى فودن تبارك: هما كل اهل جوزك حلوين كده
تبارك: يابت اتلمى
اخو عمرو عمر المسدس وبيضرب لفوق فالسما ..ومضربش!
نزله يبص فيه وظبطه تانى ورفعه وبرضو مضربش
بيرج فيه يشوفه الرصاصه طلعت من الماسورة غلط
اتردت لورا
جت فحد من الواقفين حواليهم ..وبصوت عالى
.طااخ!!!!!
الدم فجأة طرطش ع فستان تبارك الابيض ،والزغرودة قلبت لصويت !!
`·，`·，`·，`·，`·，`·，`·，`·，`·，`·，`
استنونا الاحد ان شاء الله
#نوتيلا
#لنورإسماعيل
ليست هناك تعليقات:
إرسال تعليق