روايةツ
نوتيلآ ❥❥
الفصل (29
， `·，`·，`·，`·，`·，`·，`·，`·，`·，`·，`·
على باب شقة مريم كانت وجدان واقفه بتخبط وبترن الجرس
كانت خالة مريم راحت تزور واحدة من معارفها عاملة عمليه
وانس وسليم فشغلهم...ومفيش غير مريم الا فالبيت !
مريم: ايووووة ثوانى
( فتحت لاقت وجدان واقفه وجايبه ملايه بيضا وعليها سكينه
وبتقدمها لمريم)
ايه ده ! ( ضحكت)
وجدان: مش اخوانا الصعايدة لما يبقى فيه تار بيقدموا
كفنهم وعليه سكينه وماسكين خروف
انا ملاقتش كفن قولت ملايه بيضا تأدى الغرض
ومعندناش خروف ...كنت هجيب البت لمى اربطهالك
وادخلك بيها بس اكيد صايعه دلوقتى ومش قاعدة
مريم : على اساس ان ده فاصل كوميدى بخفه دم اهلك
وهسامحك كده
وجدان: طب هنفرش ع عتبة الشقة ولا ايه النظام
دخلت مريم وسابتها واقفه قدام الباب، رمت الملاية والسكينه
بعصبيه تضحك ع تربيزة السفرا
وجدان: ماهو اسمعى ،انا سيلتك يومها تقولى الى تقوليه
وتتزعببى براحتك
ومن يومها وانا بصالحك وببعتلك فمسجات ومن يومها وانت مسقعالى
وبقول حقها
بس للعلم يا ست مريم احنا راسين فطاقيه
مهما عملتى لا هتبعدى عنى ولا هبعد عنك
مريم : ولما انتى عارفه كل ده عملتى فيا كده ليه
وجدان: عملت ايه
مريم: خبيتى عنى قصتك مع انس، اخويا !!
وجدان: مكنتش اعرف اقول يا مريم
اقولك ايه
بحبه من يوم م وعيت عالدنيا
من يوم م قلبي بدا يدق ويعرف يعنى ايه حب
لما بس بلمحه كنت بحس ان النهار نور
اقولك انى كل يوم كنت بتوجع وهو اصلا مش شايفنى
وهو بيغلس عليا كأنى راجل قدامه مش بنت
وهو بيعاكس البنات وكل يوم مع واحدة
طب هحكيلك ايه ؟
مريم: وليه متقوليش زى م كلنا بنقول فيها ايه يعنى
وجدان: انتو تعرفوا تقولوا عشان احنا منعرفش الشباب
الى انتوا مرتبطين بيهم
لكن ده اخوكى
انتى عارفه لو بس كنت قولتلك ع كسرتى كل يوم ونومتى
بدمعه ع خدى عشان مش حاسس بيا
واصحى تانى يوم اضحك وانكت واتريق عليكم كأنى مفيش
حاجه مزعلانى
انتى لو عرفتى يا مريم عشان بتحبينى وهو اخوكى كنتى هتقوليله
عشان يحس بيا ومتشوفنيش موجوعه
وساعتها اه كان هياخد باله منى
بس شفقه ع حبي له
مش هيجيلى زى م حس لوحده دلوقتى بوجودى وحبنى بجد!
مريم: لا طبعا مكنتش هقوله لانى مش هبله
وجدان: مش هبل بس طيبة وحب منك ليا
عايزة تفرحينى زى م انتوا كلكم فرحانين
مريم: طيب ولما قال انه بيحبك مقولتيش ليه ؟
معندكيش حجه يا وجدان
وجدان: مينفعش!
انس قالى انه بيحبنى فوقت انتى بتعيشي مرحلة بين البينين
لا بتحبي ولا حاسة بحد ولا زعلانه ولا مبسوطة
واسيا فى مشاكل مع اياد
ولمى متكحرته فحكايتها الزرقا الى مالهاش اخر
وتبارك كل يوم بمشكلة مع عمرو بسبب صلاح
ويارا وتعبها وحزنها عالواد صاحبها الصغنن الى مات
ونشوى اصلا لوحدها كوكب من الغموض
هقول ازاى وسط كل البؤس الى انتوا فيه انى بتحب واحب
ازااااى معنديش دم
مريم ساكته وبصاله بطفولة
وجدان: انتوا كلكم اخواتى ،صحيح ماما معندهاش انتاج
غيرى الله يرحمها
لكن ربنا اكرمنى ب خمس بنات اخواتى وجت نشوى كمان
وكلهم كوم وانتى لوحدك كوم يا مريم
وحياة بابا مش عشان انس
لكن عشانك
الكام يوم الى انتى بعدتى عنى فيهم دول وزعلانه منى انا
كنت بتقطع والله
رغم ان انس كان كويس معايا ومهتم بيا
لكن عقلى وبالى معاكى انتى
وهما بيتكلموا فون مريم عمل صوت مسج
راحت مريم تبص فيه
مريم: اخيرا فتحتى فونك
وجدان: مين ؟
مريم: آسيا
وجدان: وقافله فونها ليه انسة اوروبا
مريم( بترن وحاطه الفون ع ودانها) هو انتى عايشة معانا اصلا
مش بقولك امك مقصرة مش مصدقه
اسيا حاصل عندها مصيبه
وجدان: يانهار مطين! فيه ايه ؟
مريم (نزلت الفون) اووووف مبتردش
وجدان: قولى مالها وقعتى قلبي
مريم: اياد سافر
وجدان: ماشى صحبته السلامة
مريم: سافر خالص يابجم ،سافر هربان
مش راجع مصر تانى
عليه قضايا ولو خطى بوابة مصر هيتسجن
وجدان( بتلطم) يادى النيلة يادى الهباب يااااااادى الايام
السودا الى بتشيل وتحط ع دماغتنا كلنا
مريم: من ساعتها لا فاتحه فونها ولابتكلم حد
ولا اون لاين فاى حاجه
وجدان: المتخلف ابن الحماره ،كان لازم يزنق نفسه
اكيد حوارات القروض الى واخدها وايشى شقق تمليك
وايشى محلات شاورما سورى وبناطيل چينز
شغال يسحب من البنوك زى البقرة وفالاخر حجزوا عليه
والى بيعمل ده عشانها خسرها ....غبى!
مريم : لا مش غبي ، ده شخص يحترم لحد م نموت
كافح وتعب وعرض روحه للسجن عشان يتجوز حبيبته
عشان يرضى اهلها
ده ميتقالش عنه غير انه راجل
حتى وهو فعز محنته فكر فيها وكتب الشقه باسمها
وبرضو هيشتغل ويبعت فلوس قسطها وتبقى بتاعتها
وجدان ( سرحانه) طب والله عيل جدع
زعلتينى ياشيخه عاللى حصلهم ..امتى الكلام ده
كانت بتكلمنى اول امبارح كويسة ومنزله بوست هييييح
ويوما ما هكون باحضان منزله
مريم: امبارح بليل ،روحنا انا وسليم ولمى وهى المطار لاياد
لان خلاص كان اخر فرصة ليه يهرب برة مصر
وجدان: ساهلة تسافرله ويتجوزوا هناك
مريم: مش بقولك بجم ،اولا احنا منعرفش هو راح انهى بلد
ثانيا عمو رأفت الى قوم الدنيا ومقعدهاش
ع حتة شقة ايجار
هيودى بنته اخر البلاد تتشحطط ورا واحد هربان وكمان
طالع وميعرفش الى جاى فحياته ايه
وجدان قعدت عالسرير وسرحت ...
وجدان: ياحبيبتى يا سووووس ...زمانها مكسورة كسرة وحشة اوى
فالاواخر بقت بتموت فريحته
مريم: انا هموووت واتطمن عليها ...بقولك ايه
تعالى ننزلها
وجدان: يلا البسي اسدالك
， `·，`·，`·，`·，`·，`·，`·，`·，`·，`·，`·
" مش هتجوز بالطريقة دى يعنى مش هتجوز !!"
الاب: انتى اتجننتى تعلى صوتك عليا
نشوى: يابابا مش قصدى بس ازاى اتخطب عميانى كده
ليه يابابا هو انا معزة بتجروها ع اى زريبة
الاب( باصص لمامت نشوى) البنت دى شكلك معرفتيش تربيها
الفترة الى انا غيبتها عن البيت دى بوظت حجات كتير
الام: يابو نشوى بالراااحه الكلام اخد وعطا
الاب: دى بترد عليا الكلمة بكلمتها
نشوى: يابابا حضرتك من يوم م اتولدت لحد دلوقتي مشوفتنيش
غير ٩مرات !!
٩مرات تخليك تعمل فيا كده
الاب: مشوفتكيش غير ٩مرات عشان بجيب لكم فلوس تعيشوا
وتاكلوا وتشربوا
عشان حضرتك تلبسي وتتشيكى
وتمسكى احسن تليفون
واخواتك يدخلوا مدارس كويسة
واشتريلكم شقة
ولا كل ده مش محسوب ياست نشوى !
نشوى: احنا مقدرين انك تعبت علشانا كتير وحرمت نفسك من وجودك
معانا عشان تكون توفرلنا الى عايزينه
لكن فنفس الوقت متجيش يابابا وتاخد قرار مصيرى يخص حد
فينا زى الجواز مثلا
انا اعرفه منين الى انت قريت فاتحتى له ده
الاب: انتى مش مديانا فرصة نخليكى تتعرفى ع حد
لا ده ولا غيره
كله رفض رفض يا اما ييجى لحد البيت ويطفش وميرجعش
تانى
ومش عارفين مالك
نشوى: بابا لو سمحت ارجع فالخطوبة دى ،انا مش عايزة اتجوز ياناس
هو انتوا خلاص مش قادرين على اكلى وشربي وعايزين تخلصوا منى
الام( بزعل) اخص عليكى يا نشوى !
الاب( ضربها بالقلم ) انتى شكل بعدى عنكم خلى عيارك فلت
والخطوبة هتمشى وهتقعدى مع الراجل يا نشوى وهتتعرفى عليه
واعلى م فخيلك اركبيه
نشوى بعصبيه وصوت عالى
نشوى: يبقى هموتلكم نفسي
جريت عالمطبخ وجابت ازازة فيها مادة تشبة البنزين
الى مامتها بتستخدمها فالتنضيف
ودلقت ع نفسها بعصبيه
الام واخواتها دخلوا وراها
الام: بت يانشوى !!! الله يخربيتك بتعملى ايه
مامتها اخدت منها الازازة بالعافيه كانت هى ولعت كبريته
ورمتها ع هدومها!!
الام: يالااااهوى ! الحقنا يابو نشوى
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
فمقابلة ل الدكتور المتابع لحالة يارا فالمستشفى مع باباها
ومامتها
قال بكل صراحه ووضوح ان حالتها فتدهور شديد وجسمها مبقاش
يتقبل
الجلسات والادوية لذلك هما وقفوها شوية لحد م تتحسن لانه خطر عليها
متابعه العلاج وجسمها ضعيف كده ...
طلب منهم اى عامل محفز قوى ليها يخليها احسن ولازم
هما الى يبدأوا بيه..
بابا يارا: ينفع فالفترة الى انتوا قطعتوا علاجها فيها دى ترجع البيت
تغير جو جايز تتحسن
تعيش طبيعى يعنى
الدكتور : احنا قاطعين العلاج فعلا لكنها تحت ملاحظتنا برضو
الام: ماهو احنا هناخد بالنا منها دى بنتنا
الدكتور : انا مقصدتش،، بس فالبيت مفيش اجهزة قياس ضغط
دم وسكر
مفيش المعدات اللازمة فاى وقت لتدهور الحالة
وبتأسف مرة تانيه لكن للايضاح
الغرفة بالفرش باللبس والاكل ،كله معقم وكله منظف بعناية
لانه ده هام لصحه كل مريض
وده اكيد مش متوفر فالبيت
الام: حضرتك طلبت عامل محفز يساعدها تتخطى المرحلة دى
واحنا عاجزين !
الاب: ان شاءالله ربنا يلهمنا نساعدها ازاى ونقدر ...شكرا يا دكتور
قاموا من اوضة مكتب الدكتور وراحوا ل يارا اوضتها
حاولوا يهزروا ويفرفشوها يتكلموا ف اى حاجه تطلعها من الى هى فيه.
كل ده حاصل وزى مايكون ياسين بيراقب كل الاجواء حوالين يارا
بهد م طلعوا من عند الدكتور باباها ومامتها استئذن ودخل
يستفهم الدكتور كان عايزهم ليه
كان خايف عليها لا يكون فيها حاجه وحشه،لكن عرف طلب
الدكتور ايه بالظبط ..
ياسين بقاله فترة بيفكر فموضوع معين ومش عارف لو قدم خطوة فيه
ده صح ولاغلط.
كان عايز يعمل اى حاجه تسعدها وفنفس الوقت تقربه منها،لكن التوقيت
زائد ظروفهم الصحيه !! تمنع ده ولا ايه؟
خبط خبطتين ع باب اوضة يارا يستأذن يدخل
وباباها ومامتها جوه ..
الاب: ادخل
ياسين: السلام عليكم
الام: تعالى يا ياسين اتفضل
ياسين: ازيك يا طنط مش بخير
الام: الحمدلله يابنى ،انت عامل ايه
شدوا حيلكم كده ربنا معاكم
ياسين: عالله كله يا طنط ،ازيك يا يارا
يارا: الحمدلله ياياسين
الاب: اخبار علاجك ياياسين ايه
ياسين: الحمدلله التحاليل بتقول ان فى تحسن نسبي
الاب: ربنا ياخد بايديكم ويشفى كل مريض يارب
الام: ان شاءالله المستشفى دى كلها ميبقاش فيها ولا حد
كلكم ترجعوا لبيوتكم زى الفل يارب
ياسين: اللهم امين ،عمى كنت بستأذن حضرتك اتكلم معاك فحاجه
الاب: خير يابنى
ياسين: على انفراد لو تكرمت حضرتك
الام( بابتسامه) هو سر ولا ايه
ياسين( مبتسم) مش سر بس يعنى ....
الاب: اتفضل يا ياسين انا سامعك
ياسين وشه احمر ع غير العادة وباصص فالارض ،وبيفرك
ايده فبعض من التوتر
احلى حاجه ف ياسين رغم الكيماوى ورغم العلاج وسقوط شعره
ويرجع ينبت تانى
الا ان ياسبحان الله رموشة الطويله الجذابه مبتقعش ابدا
وكانت اكتر علامه بتميزه ف وشه
لما بيفكر فحاجه او يتوتر بيربش كتير بيهم ،حتى يارا عرفت
فيه الحركة دى لوحدهامن كتر م بتشوفه بيعملها ..
الاب: ايه نسيت كنت هتقول ايه ؟
مامت يارا ويار ضحكوا بهدوء
ياسين: لا منستش بس مش عارف ابتدى منين يعنى
حضرتك انا عارف ان لا الوقت ولا المكان
بس احنا فالنهاية بشر
ومينفعش نفصل نفسنا عن اى حاجه عادية بيعيشها غيرنا
لا المرض ولا غيره هيخلينا ضعاف
انا عارف انى مريض ،وربنا العالم هقوم من مرضى ولا لا
بس بتمنى ان يكون لطلبي قبول عند حضرتك
يمكن يعحل بشفائى ..وشفاء يارا !!!
الاب والام بصوا لبعض وبصوا ليارا سوا،يارا اتكسفت وبصت
فالارض
ياسين: عمى انا بطلب منك ....ايد يارا ع سنة الله ورسوله
ايه رأى حضرتك ؟
يارا بصت لياسين بحب اوى وباين فعيونها ، بابا ياسين
ساكت وحيران ووطى دماغه للارض شوية ورفعها وبصلهم
هما الاتنين وفعيونه ابتسامة غريبة كانت اول مرة يارا تشوفها
فحياتها منه !!
， `·，`·，`·，`·，`·，`·，`·，`·，`·，`·，`·
عمرو : تصدقى ان الاسكايب مخبي نص جمالك
بس منوراه برضو
تبارك اتكسفت وبصت بعيد
عمرو: كويس اللاب نوعه مريحك
تبارك: اه الحمدلله تسلم ايدك ياعمرو تعيش وتجيبلى
اللاب والفون كويسين خالص
ده كتير بجد
عمرو : كتير ايه اسكتى ! عايز اجيبلك الدنيا كلها والله
تبارك: ربنا يباركلى فعمرك يارب
عمرو : الله ...ايوة كده كترى فدعواتك ليا بالله عليكى
لحسن جوزك مطحون هنا
تبارك( مبتسمه) مش لسه بدرى ع كلمة جوزى دى
عمرو: بس انا جوزك
تبارك: عالورق،حاليا خطيبي وبس
مبحبش اسبق الاحداث
عمرو: خلاص ياستى زى م تحبي ،دعواتك لخطيبك
لحسن مطحون
تبارك: ليه مالك
عمرو: مفيش ،مرات الكفيل متقله العيار معايا حبتين
تبارك: ازاى ؟ وبعدين هى بتدخل فشغلكم ؟
عمرو: جوزها ياستى مخلى كل حاجه تحت رجليها
هو والشغل والشغالين فيه
تبارك: طيب هى مالها بيكم
عمرو: متعرفيش سخافه ولا رخامه ولا بتكره المصريين
انا بتعامل معاها فالحدود لكن الهانم مش عاجبها
عايزة اقعد ادلع فيها كانى شغال عندها
تبارك( وشها اتغير) تدلع فيها ازاى ؟
عمرو : عادى بنى ادمه زبالة( اخد باله وشها متغير ) الله!
الله
استنى استنى كده
تبارك: ايه فيه ايه ؟
عمرو: وشك اتغير كده ليه
تبارك فضلت تمسح ع وشها بايدعا وتعدل فالطرحه المعدولة
اصلا وهو بيضحك عليها
عمرو: انا بقولك متغير كده ليه مش ايه الى ع وشك
تبارك: متغيرش ولا حاجه
عمرو : لا لما قولت عايزة ادلعها انتى قلبتى وشك كده
قوليلى هى دى غيرة ؟!
تبارك اتوترت اوى واتنحنحنت كتير وهو مبتسم قصادها
تبارك: لا عادى هو بس المصطلح ضايقنى
عمرو : اااااه المصطلح طيب !
تبارك: بس برضو يعنى متخليهاش تاخد عليك
انت رايح لشغل مع جوزها وبس
عمرو: احم ...خاضر يافندم اى اوامر تانيه
تبارك: ( ابتسمت) لا مفيش
عمرو : بحبك ♡
تبارك ساكته ومميلة للارض
عمرو: لا عشان خاطرى ارفعى وشك خلينى اشوفك
تبارك: شكل بابا بينده عليا انا هقفل بقى
عمرو: لا محدش بينده يا تبارك
تبارك( بتهرب) لا بجد حد بينده نتكلم بعدين ياعمرو بقى
عمرو: حرام عليكى انا بستنى ارجع من دوامى اتكلم معاكى حبه
عايزة انتى تخلصيهم اوام
والله بنسي كل تعبي وشغلى وقرفى لما بشوفك
وبكلمك واسمع صوتك
واحس انك قدامى كأننا فبيتنا وقاعد قدامك وبحكيلك
وانتى بتسمعينى
تبارك احمرت خاااالص وبجد مكسوفه اوى لدرجة ان الاحمرار
خلى وشها شبه الطماطم .
عمرو: قمر ...والله قمر وانتى مكسوفه وشبه حباية القوطة كده
تبارك: قوطة !!
عمرو: انا بعد كده هناديلك واقولك ياقوطة مش ياتبارك
تبارك: هههههههههه
عمرو: معسلة يا قوووطة ،مسكرة ياقوووطه
مجنونة يا قووووطة
تبارك اتغاظت بس بهزار من كلمته واتناولت من جمبها مج
قال هتضربه بيه وهو عمل نفسه بياخد ساتر.
يمكن العلاقه بتتوطد مابينهم وبتبقى احسن
والى كانت خايفه منه مجاش احسن منه 😉.
， `·，`·，`·，`·，`·，`·，`·，`·，`·，`·，`·
صوتها كان عالى اوى وهى بتتكلم معاه،كل الى قاعدين حواليهم
اخدوا بالهم
وهو قاعد قدامها خجلان من عصبيتها دى فمكان عام وفرجة الناس عليهم.
احمد: ممكن توطى صوتك ؟
لمى: اوطى صوتى يعنى ايه ! هو انت تعصبنى وتنرفزنى وتقولى
اوطى صوتى
ايه الطريقة الى اتعاملت معايا بيها اخر مرة دى
احمد: طب اشربي اللمون يالمى ونتكلم بالراحه
لمى: مش هشرب زفت ! تطلعنى من شعورى وتقولى اشربي لمون
اوعى تكون فاكر انى مجرد حاجه انت حاططها عالرف
ووقت م تمسح من عليها التراب وتستعملها اهى قاعدة ...
لافوووق انا لمى !
احمد: ايه الاسلوب الى بتتكلمى معايا بيه ده انا عاوز افهم
انتى مبتسمعيش غير نفسك
اصبرى وخدى كلامى للاخر
لمى : كل الى انت قولته انا مش مقتنعه بيه يا احمد
احمد: يعنى انا بكدب يا لمى ؟ بألف عليكى صح
لمى: احمد !!! متقعدش تعيد وتزيد فكلام مالوش لازمه
احمد: ياستى انا قولتلك انى اسف والى حصل يومها
كان غصب عنى
ومش هيحصل تانى
مقعدانى قدامك زى التلميذ الى خايف من المدرس بتاعه
لمى اتنهدت وبصت جمبها للمنظر الى باصص عليه الكافيه
احمد: يالمى انا استأذنت من الشغل وطلعتلك وبقالى ساعتين
براضيكى وانتى مفيش فايدة
كان جاية تشنى عليا حرب
لمى : خلاص يااحمد خلاص
احمد: لا مش خلاص
لمى: انا اصلا اعصابي زى الزفت وبقالنا كام يوم البيت
متكهرب
احمد: فيه ايه ؟
لمى: حوار كده مع آسيا اختى ، فسخت خطوبتها
وحالتها وحشة وكلنا فالبيت مش طايقين كلمة لحد
احمد: لاحول ولاقوة الا بالله ...ربنا يكرمها بالاحسن منه
وهما بيتكلموا جت ست فالتلاتينات ومعاها بنوتة سن ابتائى
الست: احمد !! مصدقتش رودينا لما قالتلى عمو احمد اهو ياماما
احمد اتخض وقام يسلم
احمد: اهلا ...ازيكم اخباركم ايه
الست: الحمدلله ( بصت ل لمى بصة وحشه) اومال فين نسمة
والاولاد
احمد: فالبيت والله ( لاحظ بصتها ل لمى) الانسة لمى
اا...اا كان ليها طلب عندنا فالشغل
هى قريبة زميل ليا يعنى
ام رودينا بنت خالة مراتى
لمى سلمت عليها من غير نفس زيها بالظبط
الست: طيب ابقى خلينا نشوفك انت ونسمة وحشتونا ،فرصة
سعيدة ( ابتسامه صفرا)
مشيت ولمى بتزغرلها بزغرة وحشة اوى
احمد: يانهار زى الزفت ...هتروح تقولها
لمى: فيه ايه انت خايف كده ليه
احمد: قولتلك من الاول مش هينفع نتقابل انهاردة
كنتى خلتيها فالعوامه وخلاص يالمى
لمى: ايه ده انت محملنى ذنب ان قريبة مراتك شافتنا
احمد: ربنا يستر انا مش ناقص نكد
لمى: ايه السلبيه الى انت فيها دى ...للدرجة دى خايف منها
( مسكت شنطتها) انا ماشية!!
سابته ومشيت والعفاريت بتتنطط ف وشها ،اما هو فربنا يستر
لما يروح ويلاقى الاخبارية سبقاه فالبيت السعيد ..
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
سليم: ممكن ادخل !
مريم: تعالى
سليم: بتعملى ايه ؟
مريم: ولا حاجه بتشات مع اصحابي وببص شوية فالكتاب
سليم: لا ركزى دى اخر سنة مش عايزين لعب
مريم: ان شاءالله
سليم شكله عايز يفتح موضوع ومش عارف
مريم: انت فى حاجه عايز تقولها
سليم: اتطمنتى ع آسيا
مريم: ااااااه دى غلبتنى ،نزلت لها قالولى سافرت لعمتها ف اسوان
تقعد عندها بعيد شوية يمكن يفك الضغط عنها
رنيت لما اتفلقت مش بترد فيييين ردت وكلمتين انا كويسة متقلقوش
وبس!
سليم: هى كانت بتحب خطيبها اوى كده
مريم: يااااه الراجل الغامض بسلامته ! اياد واسيا ممكن تقول
عليهم كليوباترا وانطونيو
روميو وچولييت
حاجه كده هييييح وهييييح
سليم( بيقرصها من خدها بهزار) يابت !! للدرجة دى
مريم: واكتر كمان ...وللاسف
فركشت زينا كلنا
واصح ان شلتنا مكتوب عليها نبقى كلنا مفاسيخ كده
محدش فرحان ابدا
سرح وهى بصاله
مريم: انما انت بتسأل ليه؟
سليم: ( ارتبك) عادى ... منظرها لما وقعت عالارض وعياطها
طول الطريق يعنى يزعل بصراحه
مريم( اتنهدت ) الله يكون فعونها ويقويها يارب
سليم: طيب انا اسيبك تكملى مذاكرة واروح انام
عايزة حاجة
مريم: لا سلامتك ..تصبح ع خير
سليم: وانتى من اهله
， `·，`·，`·，`·，`·，`·，`·，`·，`·，`·，`·
{حب وذكرة ...امبارح بكرة
كل ده صفر
هتلاقى نفسك تايه ...زى القشه فريح 💔}
كتبت آسيا الاستيتيو بتاعتها عالواتس ودموعها نازلة ع خدها
بعد تعديل الحالة بثوانى رن فونها وكانت لمى
لمى : انتى كويسة ؟
آسيا: اه الحمدلله
لمى: بجد ؟
آسيا: بجد
لمى : جاية امتى ؟
آسيا: مش عارفه ...بس مش دلوقتى خالص
لمى: براحتك ...لما تلاقى نفسك بقيتى كويسة تعالى
كلنا هنا مستنينك
وبنحبك اوى
آسيا( بتمسح دموعها ) وانا كمان ...هقفل بقى
لمى: ماشى حبيبتى .باى
دخلت عمتها جايبة سندوتشات وعصير
عمتها: انتى متغدتيش كويس ...وكل م اسألك تقولى مش جعانه
قولت مينفعش كده
اعملك العشا وادبسك تاكلى غصب عنك
آسيا اتعدلت من نومتها وابتسمت
عمتها: مالك سايبه شعرك كده ليه منكوش ومنفوش
طب ده انتى احلى حاجه فيكى شعرك طالعه لامك
عارفه لما كانت حامل فيكى وجت قضت معايا هنا فترة حملها
لحد م ولدت
قولتلها يارب يا زينب بنتك تيجى شعرها حلو ليكى
تقولى يابت كانت ساعة استجابة
آسيا( باستغراب) هى ماما اخدت فترة الحمل عندك ليه
عمتها: دى قصة طويلة ، ابوكى رأفت لما قال لاهل امك انه هيتجوزها
مكانوش يعرفوا انها حامل
وهى خبت عليهم عشان القصة الى انتى عارفاها
اخدها وقال هيكتب كتابه ويسافروا ياخدوا شهر العسل عندى
ف اسوان هنا
لكن مكتبش كتابه
آسيا( مستغربه) ليه
عمتها: مينفعش يكتب كتابه وهى حامل ، لسه فعدتها من ابوكى الحقيقي
راح خلاها عندى هنا لحد م تولد وتنتهى العدة ويعقد عليها
رسمى ويرجع بيها لاسكندرية
وساعتها رجع بيكى لشقتكم الى انتوا فيها دى ، كانت امى الله يرحمها
محوشاله مبلغ حلو كده اشترى بيه الشقه
وقال ده وش البت الصغيرة
اسعار زمان كانت تراب يابنتى
اومال ايه
آسيا: ومين سمانى آسيا ؟
عمتها: ابوكى رأفت ...( بتضحك وخدتها ع رجلها نيمتها
وادتها سندوتش) يومها كانت امك فالتاسع
وامك بقى بتحب اوى تتفرج ع قصص الانبياء
اتصل يتطمن عليها قالتلوا بتعمل ايه ومن وسط الكلام
قالتله بتفرج ع قصص الانبياء
قالها انهى قصة
قالتلوا قصة سيدنا موسي وفرعون مصر
قالها كانت مراته اسمها ايه زوجه فرعون اسم حلو كده
ومش معروف اوى
قالتله آسيا ...قالها طب ايه رأيك نسمى البنت الى جايه
دى اسيا
عشان تطلع فقلبها رحمة وحنينه زى امراة الفرعون
ومن ساعتها جيتى انتى وسموكى آسيا
آسيا: ساعات بحس ان نصيبي من اسمى الأسى الى شوفته
هشوفه فالدنيا
عمتها: لالالا ازعل منك لما تقولى كده ، وبعدين المؤمن مبتلى
وربنا بيختبرنا كل وقت والتانى عشان نشوف صبرنا
آسيا: عارفه ياعمتو ،ساعات بحس ان بابا كان السبب ان اياد يبعد عنى
لما رجعت من المطار
منهارة وحكت لمى الى حصل
قالها انه كان قلبه حاسس وان من الاول هو مكانش موافق عليه
بس وافق علشانى
عشان كده طول فترة الخطوبة ومرضيش باى حاجه رسمى
عمتها: ابوكى كان عايز مصلحتك،عايزك تعيشى مرتاحه مع واحد يصونك
آسيا: هو يعنى اياد مكانش هيصونى ،فحياتى محدش هيحبنى اد م هو حبنى
عمتها: لكن ابوكى له نظرة لقدام،عنده حق
تتجوزيه والبنوك تحجز عليه ويتسجن ومتتهنيش بشبابك وياه
وافرض كان فيه عيل
هو لقاكى ماسكة فيه مرضيش يزعلك
طب والله ساعات بحس انه بيحبك اكتر من لمى الى من صلبه
يابنتى الاب مش الى يخلف وبس
الاب الى يربي ويحب ويكبر
وهو عمره فيوم م حس انك مش بنته
طول عمره بيعاير لمى بعقلك ورزانتك ويقولها خليكى زى اختك
آسيا: عارفه ياعمتو ...عارفه
بس برضو
كان نفسي يديله فرصة وميحملهوش فوق طاقته والى وصلنا للخسارة والهروب
عمتها: كله مكتوب يا حبيبتى ،نصيبك الحلو لسه مجاش
آسيا ( بسرحان) مكنتش اعرف انى بحبه للدرجة دى
اياد بجد كل روحى
وانا حاسة ان روحى وجعانى اوى ياعمتو
اترمت فحضن عمتها وهى بتعيط ،حضنتها اوى وقالت
العمة: الحزن بيتولد كبير ويصغر مع الوقت ،واكبر نعمة ربنا انعم علينا بيها
هى النسيان يابنتى
بكرة تنسي ...ويبقى ذكرى حلوة ليكى وبس !!
， `·，`·，`·，`·，`·，`·，`·，`·，`·，`·，`·
استنونا بكرة ان شاءالله
#نوتيلا
#نورإسماعيل
نوتيلآ ❥❥
الفصل (29
， `·，`·，`·，`·，`·，`·，`·，`·，`·，`·，`·
على باب شقة مريم كانت وجدان واقفه بتخبط وبترن الجرس
كانت خالة مريم راحت تزور واحدة من معارفها عاملة عمليه
وانس وسليم فشغلهم...ومفيش غير مريم الا فالبيت !
مريم: ايووووة ثوانى
( فتحت لاقت وجدان واقفه وجايبه ملايه بيضا وعليها سكينه
وبتقدمها لمريم)
ايه ده ! ( ضحكت)
وجدان: مش اخوانا الصعايدة لما يبقى فيه تار بيقدموا
كفنهم وعليه سكينه وماسكين خروف
انا ملاقتش كفن قولت ملايه بيضا تأدى الغرض
ومعندناش خروف ...كنت هجيب البت لمى اربطهالك
وادخلك بيها بس اكيد صايعه دلوقتى ومش قاعدة
مريم : على اساس ان ده فاصل كوميدى بخفه دم اهلك
وهسامحك كده
وجدان: طب هنفرش ع عتبة الشقة ولا ايه النظام
دخلت مريم وسابتها واقفه قدام الباب، رمت الملاية والسكينه
بعصبيه تضحك ع تربيزة السفرا
وجدان: ماهو اسمعى ،انا سيلتك يومها تقولى الى تقوليه
وتتزعببى براحتك
ومن يومها وانا بصالحك وببعتلك فمسجات ومن يومها وانت مسقعالى
وبقول حقها
بس للعلم يا ست مريم احنا راسين فطاقيه
مهما عملتى لا هتبعدى عنى ولا هبعد عنك
مريم : ولما انتى عارفه كل ده عملتى فيا كده ليه
وجدان: عملت ايه
مريم: خبيتى عنى قصتك مع انس، اخويا !!
وجدان: مكنتش اعرف اقول يا مريم
اقولك ايه
بحبه من يوم م وعيت عالدنيا
من يوم م قلبي بدا يدق ويعرف يعنى ايه حب
لما بس بلمحه كنت بحس ان النهار نور
اقولك انى كل يوم كنت بتوجع وهو اصلا مش شايفنى
وهو بيغلس عليا كأنى راجل قدامه مش بنت
وهو بيعاكس البنات وكل يوم مع واحدة
طب هحكيلك ايه ؟
مريم: وليه متقوليش زى م كلنا بنقول فيها ايه يعنى
وجدان: انتو تعرفوا تقولوا عشان احنا منعرفش الشباب
الى انتوا مرتبطين بيهم
لكن ده اخوكى
انتى عارفه لو بس كنت قولتلك ع كسرتى كل يوم ونومتى
بدمعه ع خدى عشان مش حاسس بيا
واصحى تانى يوم اضحك وانكت واتريق عليكم كأنى مفيش
حاجه مزعلانى
انتى لو عرفتى يا مريم عشان بتحبينى وهو اخوكى كنتى هتقوليله
عشان يحس بيا ومتشوفنيش موجوعه
وساعتها اه كان هياخد باله منى
بس شفقه ع حبي له
مش هيجيلى زى م حس لوحده دلوقتى بوجودى وحبنى بجد!
مريم: لا طبعا مكنتش هقوله لانى مش هبله
وجدان: مش هبل بس طيبة وحب منك ليا
عايزة تفرحينى زى م انتوا كلكم فرحانين
مريم: طيب ولما قال انه بيحبك مقولتيش ليه ؟
معندكيش حجه يا وجدان
وجدان: مينفعش!
انس قالى انه بيحبنى فوقت انتى بتعيشي مرحلة بين البينين
لا بتحبي ولا حاسة بحد ولا زعلانه ولا مبسوطة
واسيا فى مشاكل مع اياد
ولمى متكحرته فحكايتها الزرقا الى مالهاش اخر
وتبارك كل يوم بمشكلة مع عمرو بسبب صلاح
ويارا وتعبها وحزنها عالواد صاحبها الصغنن الى مات
ونشوى اصلا لوحدها كوكب من الغموض
هقول ازاى وسط كل البؤس الى انتوا فيه انى بتحب واحب
ازااااى معنديش دم
مريم ساكته وبصاله بطفولة
وجدان: انتوا كلكم اخواتى ،صحيح ماما معندهاش انتاج
غيرى الله يرحمها
لكن ربنا اكرمنى ب خمس بنات اخواتى وجت نشوى كمان
وكلهم كوم وانتى لوحدك كوم يا مريم
وحياة بابا مش عشان انس
لكن عشانك
الكام يوم الى انتى بعدتى عنى فيهم دول وزعلانه منى انا
كنت بتقطع والله
رغم ان انس كان كويس معايا ومهتم بيا
لكن عقلى وبالى معاكى انتى
وهما بيتكلموا فون مريم عمل صوت مسج
راحت مريم تبص فيه
مريم: اخيرا فتحتى فونك
وجدان: مين ؟
مريم: آسيا
وجدان: وقافله فونها ليه انسة اوروبا
مريم( بترن وحاطه الفون ع ودانها) هو انتى عايشة معانا اصلا
مش بقولك امك مقصرة مش مصدقه
اسيا حاصل عندها مصيبه
وجدان: يانهار مطين! فيه ايه ؟
مريم (نزلت الفون) اووووف مبتردش
وجدان: قولى مالها وقعتى قلبي
مريم: اياد سافر
وجدان: ماشى صحبته السلامة
مريم: سافر خالص يابجم ،سافر هربان
مش راجع مصر تانى
عليه قضايا ولو خطى بوابة مصر هيتسجن
وجدان( بتلطم) يادى النيلة يادى الهباب يااااااادى الايام
السودا الى بتشيل وتحط ع دماغتنا كلنا
مريم: من ساعتها لا فاتحه فونها ولابتكلم حد
ولا اون لاين فاى حاجه
وجدان: المتخلف ابن الحماره ،كان لازم يزنق نفسه
اكيد حوارات القروض الى واخدها وايشى شقق تمليك
وايشى محلات شاورما سورى وبناطيل چينز
شغال يسحب من البنوك زى البقرة وفالاخر حجزوا عليه
والى بيعمل ده عشانها خسرها ....غبى!
مريم : لا مش غبي ، ده شخص يحترم لحد م نموت
كافح وتعب وعرض روحه للسجن عشان يتجوز حبيبته
عشان يرضى اهلها
ده ميتقالش عنه غير انه راجل
حتى وهو فعز محنته فكر فيها وكتب الشقه باسمها
وبرضو هيشتغل ويبعت فلوس قسطها وتبقى بتاعتها
وجدان ( سرحانه) طب والله عيل جدع
زعلتينى ياشيخه عاللى حصلهم ..امتى الكلام ده
كانت بتكلمنى اول امبارح كويسة ومنزله بوست هييييح
ويوما ما هكون باحضان منزله
مريم: امبارح بليل ،روحنا انا وسليم ولمى وهى المطار لاياد
لان خلاص كان اخر فرصة ليه يهرب برة مصر
وجدان: ساهلة تسافرله ويتجوزوا هناك
مريم: مش بقولك بجم ،اولا احنا منعرفش هو راح انهى بلد
ثانيا عمو رأفت الى قوم الدنيا ومقعدهاش
ع حتة شقة ايجار
هيودى بنته اخر البلاد تتشحطط ورا واحد هربان وكمان
طالع وميعرفش الى جاى فحياته ايه
وجدان قعدت عالسرير وسرحت ...
وجدان: ياحبيبتى يا سووووس ...زمانها مكسورة كسرة وحشة اوى
فالاواخر بقت بتموت فريحته
مريم: انا هموووت واتطمن عليها ...بقولك ايه
تعالى ننزلها
وجدان: يلا البسي اسدالك
， `·，`·，`·，`·，`·，`·，`·，`·，`·，`·，`·
" مش هتجوز بالطريقة دى يعنى مش هتجوز !!"
الاب: انتى اتجننتى تعلى صوتك عليا
نشوى: يابابا مش قصدى بس ازاى اتخطب عميانى كده
ليه يابابا هو انا معزة بتجروها ع اى زريبة
الاب( باصص لمامت نشوى) البنت دى شكلك معرفتيش تربيها
الفترة الى انا غيبتها عن البيت دى بوظت حجات كتير
الام: يابو نشوى بالراااحه الكلام اخد وعطا
الاب: دى بترد عليا الكلمة بكلمتها
نشوى: يابابا حضرتك من يوم م اتولدت لحد دلوقتي مشوفتنيش
غير ٩مرات !!
٩مرات تخليك تعمل فيا كده
الاب: مشوفتكيش غير ٩مرات عشان بجيب لكم فلوس تعيشوا
وتاكلوا وتشربوا
عشان حضرتك تلبسي وتتشيكى
وتمسكى احسن تليفون
واخواتك يدخلوا مدارس كويسة
واشتريلكم شقة
ولا كل ده مش محسوب ياست نشوى !
نشوى: احنا مقدرين انك تعبت علشانا كتير وحرمت نفسك من وجودك
معانا عشان تكون توفرلنا الى عايزينه
لكن فنفس الوقت متجيش يابابا وتاخد قرار مصيرى يخص حد
فينا زى الجواز مثلا
انا اعرفه منين الى انت قريت فاتحتى له ده
الاب: انتى مش مديانا فرصة نخليكى تتعرفى ع حد
لا ده ولا غيره
كله رفض رفض يا اما ييجى لحد البيت ويطفش وميرجعش
تانى
ومش عارفين مالك
نشوى: بابا لو سمحت ارجع فالخطوبة دى ،انا مش عايزة اتجوز ياناس
هو انتوا خلاص مش قادرين على اكلى وشربي وعايزين تخلصوا منى
الام( بزعل) اخص عليكى يا نشوى !
الاب( ضربها بالقلم ) انتى شكل بعدى عنكم خلى عيارك فلت
والخطوبة هتمشى وهتقعدى مع الراجل يا نشوى وهتتعرفى عليه
واعلى م فخيلك اركبيه
نشوى بعصبيه وصوت عالى
نشوى: يبقى هموتلكم نفسي
جريت عالمطبخ وجابت ازازة فيها مادة تشبة البنزين
الى مامتها بتستخدمها فالتنضيف
ودلقت ع نفسها بعصبيه
الام واخواتها دخلوا وراها
الام: بت يانشوى !!! الله يخربيتك بتعملى ايه
مامتها اخدت منها الازازة بالعافيه كانت هى ولعت كبريته
ورمتها ع هدومها!!
الام: يالااااهوى ! الحقنا يابو نشوى
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
فمقابلة ل الدكتور المتابع لحالة يارا فالمستشفى مع باباها
ومامتها
قال بكل صراحه ووضوح ان حالتها فتدهور شديد وجسمها مبقاش
يتقبل
الجلسات والادوية لذلك هما وقفوها شوية لحد م تتحسن لانه خطر عليها
متابعه العلاج وجسمها ضعيف كده ...
طلب منهم اى عامل محفز قوى ليها يخليها احسن ولازم
هما الى يبدأوا بيه..
بابا يارا: ينفع فالفترة الى انتوا قطعتوا علاجها فيها دى ترجع البيت
تغير جو جايز تتحسن
تعيش طبيعى يعنى
الدكتور : احنا قاطعين العلاج فعلا لكنها تحت ملاحظتنا برضو
الام: ماهو احنا هناخد بالنا منها دى بنتنا
الدكتور : انا مقصدتش،، بس فالبيت مفيش اجهزة قياس ضغط
دم وسكر
مفيش المعدات اللازمة فاى وقت لتدهور الحالة
وبتأسف مرة تانيه لكن للايضاح
الغرفة بالفرش باللبس والاكل ،كله معقم وكله منظف بعناية
لانه ده هام لصحه كل مريض
وده اكيد مش متوفر فالبيت
الام: حضرتك طلبت عامل محفز يساعدها تتخطى المرحلة دى
واحنا عاجزين !
الاب: ان شاءالله ربنا يلهمنا نساعدها ازاى ونقدر ...شكرا يا دكتور
قاموا من اوضة مكتب الدكتور وراحوا ل يارا اوضتها
حاولوا يهزروا ويفرفشوها يتكلموا ف اى حاجه تطلعها من الى هى فيه.
كل ده حاصل وزى مايكون ياسين بيراقب كل الاجواء حوالين يارا
بهد م طلعوا من عند الدكتور باباها ومامتها استئذن ودخل
يستفهم الدكتور كان عايزهم ليه
كان خايف عليها لا يكون فيها حاجه وحشه،لكن عرف طلب
الدكتور ايه بالظبط ..
ياسين بقاله فترة بيفكر فموضوع معين ومش عارف لو قدم خطوة فيه
ده صح ولاغلط.
كان عايز يعمل اى حاجه تسعدها وفنفس الوقت تقربه منها،لكن التوقيت
زائد ظروفهم الصحيه !! تمنع ده ولا ايه؟
خبط خبطتين ع باب اوضة يارا يستأذن يدخل
وباباها ومامتها جوه ..
الاب: ادخل
ياسين: السلام عليكم
الام: تعالى يا ياسين اتفضل
ياسين: ازيك يا طنط مش بخير
الام: الحمدلله يابنى ،انت عامل ايه
شدوا حيلكم كده ربنا معاكم
ياسين: عالله كله يا طنط ،ازيك يا يارا
يارا: الحمدلله ياياسين
الاب: اخبار علاجك ياياسين ايه
ياسين: الحمدلله التحاليل بتقول ان فى تحسن نسبي
الاب: ربنا ياخد بايديكم ويشفى كل مريض يارب
الام: ان شاءالله المستشفى دى كلها ميبقاش فيها ولا حد
كلكم ترجعوا لبيوتكم زى الفل يارب
ياسين: اللهم امين ،عمى كنت بستأذن حضرتك اتكلم معاك فحاجه
الاب: خير يابنى
ياسين: على انفراد لو تكرمت حضرتك
الام( بابتسامه) هو سر ولا ايه
ياسين( مبتسم) مش سر بس يعنى ....
الاب: اتفضل يا ياسين انا سامعك
ياسين وشه احمر ع غير العادة وباصص فالارض ،وبيفرك
ايده فبعض من التوتر
احلى حاجه ف ياسين رغم الكيماوى ورغم العلاج وسقوط شعره
ويرجع ينبت تانى
الا ان ياسبحان الله رموشة الطويله الجذابه مبتقعش ابدا
وكانت اكتر علامه بتميزه ف وشه
لما بيفكر فحاجه او يتوتر بيربش كتير بيهم ،حتى يارا عرفت
فيه الحركة دى لوحدهامن كتر م بتشوفه بيعملها ..
الاب: ايه نسيت كنت هتقول ايه ؟
مامت يارا ويار ضحكوا بهدوء
ياسين: لا منستش بس مش عارف ابتدى منين يعنى
حضرتك انا عارف ان لا الوقت ولا المكان
بس احنا فالنهاية بشر
ومينفعش نفصل نفسنا عن اى حاجه عادية بيعيشها غيرنا
لا المرض ولا غيره هيخلينا ضعاف
انا عارف انى مريض ،وربنا العالم هقوم من مرضى ولا لا
بس بتمنى ان يكون لطلبي قبول عند حضرتك
يمكن يعحل بشفائى ..وشفاء يارا !!!
الاب والام بصوا لبعض وبصوا ليارا سوا،يارا اتكسفت وبصت
فالارض
ياسين: عمى انا بطلب منك ....ايد يارا ع سنة الله ورسوله
ايه رأى حضرتك ؟
يارا بصت لياسين بحب اوى وباين فعيونها ، بابا ياسين
ساكت وحيران ووطى دماغه للارض شوية ورفعها وبصلهم
هما الاتنين وفعيونه ابتسامة غريبة كانت اول مرة يارا تشوفها
فحياتها منه !!
， `·，`·，`·，`·，`·，`·，`·，`·，`·，`·，`·
عمرو : تصدقى ان الاسكايب مخبي نص جمالك
بس منوراه برضو
تبارك اتكسفت وبصت بعيد
عمرو: كويس اللاب نوعه مريحك
تبارك: اه الحمدلله تسلم ايدك ياعمرو تعيش وتجيبلى
اللاب والفون كويسين خالص
ده كتير بجد
عمرو : كتير ايه اسكتى ! عايز اجيبلك الدنيا كلها والله
تبارك: ربنا يباركلى فعمرك يارب
عمرو : الله ...ايوة كده كترى فدعواتك ليا بالله عليكى
لحسن جوزك مطحون هنا
تبارك( مبتسمه) مش لسه بدرى ع كلمة جوزى دى
عمرو: بس انا جوزك
تبارك: عالورق،حاليا خطيبي وبس
مبحبش اسبق الاحداث
عمرو: خلاص ياستى زى م تحبي ،دعواتك لخطيبك
لحسن مطحون
تبارك: ليه مالك
عمرو: مفيش ،مرات الكفيل متقله العيار معايا حبتين
تبارك: ازاى ؟ وبعدين هى بتدخل فشغلكم ؟
عمرو: جوزها ياستى مخلى كل حاجه تحت رجليها
هو والشغل والشغالين فيه
تبارك: طيب هى مالها بيكم
عمرو: متعرفيش سخافه ولا رخامه ولا بتكره المصريين
انا بتعامل معاها فالحدود لكن الهانم مش عاجبها
عايزة اقعد ادلع فيها كانى شغال عندها
تبارك( وشها اتغير) تدلع فيها ازاى ؟
عمرو : عادى بنى ادمه زبالة( اخد باله وشها متغير ) الله!
الله
استنى استنى كده
تبارك: ايه فيه ايه ؟
عمرو: وشك اتغير كده ليه
تبارك فضلت تمسح ع وشها بايدعا وتعدل فالطرحه المعدولة
اصلا وهو بيضحك عليها
عمرو: انا بقولك متغير كده ليه مش ايه الى ع وشك
تبارك: متغيرش ولا حاجه
عمرو : لا لما قولت عايزة ادلعها انتى قلبتى وشك كده
قوليلى هى دى غيرة ؟!
تبارك اتوترت اوى واتنحنحنت كتير وهو مبتسم قصادها
تبارك: لا عادى هو بس المصطلح ضايقنى
عمرو : اااااه المصطلح طيب !
تبارك: بس برضو يعنى متخليهاش تاخد عليك
انت رايح لشغل مع جوزها وبس
عمرو: احم ...خاضر يافندم اى اوامر تانيه
تبارك: ( ابتسمت) لا مفيش
عمرو : بحبك ♡
تبارك ساكته ومميلة للارض
عمرو: لا عشان خاطرى ارفعى وشك خلينى اشوفك
تبارك: شكل بابا بينده عليا انا هقفل بقى
عمرو: لا محدش بينده يا تبارك
تبارك( بتهرب) لا بجد حد بينده نتكلم بعدين ياعمرو بقى
عمرو: حرام عليكى انا بستنى ارجع من دوامى اتكلم معاكى حبه
عايزة انتى تخلصيهم اوام
والله بنسي كل تعبي وشغلى وقرفى لما بشوفك
وبكلمك واسمع صوتك
واحس انك قدامى كأننا فبيتنا وقاعد قدامك وبحكيلك
وانتى بتسمعينى
تبارك احمرت خاااالص وبجد مكسوفه اوى لدرجة ان الاحمرار
خلى وشها شبه الطماطم .
عمرو: قمر ...والله قمر وانتى مكسوفه وشبه حباية القوطة كده
تبارك: قوطة !!
عمرو: انا بعد كده هناديلك واقولك ياقوطة مش ياتبارك
تبارك: هههههههههه
عمرو: معسلة يا قوووطة ،مسكرة ياقوووطه
مجنونة يا قووووطة
تبارك اتغاظت بس بهزار من كلمته واتناولت من جمبها مج
قال هتضربه بيه وهو عمل نفسه بياخد ساتر.
يمكن العلاقه بتتوطد مابينهم وبتبقى احسن
والى كانت خايفه منه مجاش احسن منه 😉.
， `·，`·，`·，`·，`·，`·，`·，`·，`·，`·，`·
صوتها كان عالى اوى وهى بتتكلم معاه،كل الى قاعدين حواليهم
اخدوا بالهم
وهو قاعد قدامها خجلان من عصبيتها دى فمكان عام وفرجة الناس عليهم.
احمد: ممكن توطى صوتك ؟
لمى: اوطى صوتى يعنى ايه ! هو انت تعصبنى وتنرفزنى وتقولى
اوطى صوتى
ايه الطريقة الى اتعاملت معايا بيها اخر مرة دى
احمد: طب اشربي اللمون يالمى ونتكلم بالراحه
لمى: مش هشرب زفت ! تطلعنى من شعورى وتقولى اشربي لمون
اوعى تكون فاكر انى مجرد حاجه انت حاططها عالرف
ووقت م تمسح من عليها التراب وتستعملها اهى قاعدة ...
لافوووق انا لمى !
احمد: ايه الاسلوب الى بتتكلمى معايا بيه ده انا عاوز افهم
انتى مبتسمعيش غير نفسك
اصبرى وخدى كلامى للاخر
لمى : كل الى انت قولته انا مش مقتنعه بيه يا احمد
احمد: يعنى انا بكدب يا لمى ؟ بألف عليكى صح
لمى: احمد !!! متقعدش تعيد وتزيد فكلام مالوش لازمه
احمد: ياستى انا قولتلك انى اسف والى حصل يومها
كان غصب عنى
ومش هيحصل تانى
مقعدانى قدامك زى التلميذ الى خايف من المدرس بتاعه
لمى اتنهدت وبصت جمبها للمنظر الى باصص عليه الكافيه
احمد: يالمى انا استأذنت من الشغل وطلعتلك وبقالى ساعتين
براضيكى وانتى مفيش فايدة
كان جاية تشنى عليا حرب
لمى : خلاص يااحمد خلاص
احمد: لا مش خلاص
لمى: انا اصلا اعصابي زى الزفت وبقالنا كام يوم البيت
متكهرب
احمد: فيه ايه ؟
لمى: حوار كده مع آسيا اختى ، فسخت خطوبتها
وحالتها وحشة وكلنا فالبيت مش طايقين كلمة لحد
احمد: لاحول ولاقوة الا بالله ...ربنا يكرمها بالاحسن منه
وهما بيتكلموا جت ست فالتلاتينات ومعاها بنوتة سن ابتائى
الست: احمد !! مصدقتش رودينا لما قالتلى عمو احمد اهو ياماما
احمد اتخض وقام يسلم
احمد: اهلا ...ازيكم اخباركم ايه
الست: الحمدلله ( بصت ل لمى بصة وحشه) اومال فين نسمة
والاولاد
احمد: فالبيت والله ( لاحظ بصتها ل لمى) الانسة لمى
اا...اا كان ليها طلب عندنا فالشغل
هى قريبة زميل ليا يعنى
ام رودينا بنت خالة مراتى
لمى سلمت عليها من غير نفس زيها بالظبط
الست: طيب ابقى خلينا نشوفك انت ونسمة وحشتونا ،فرصة
سعيدة ( ابتسامه صفرا)
مشيت ولمى بتزغرلها بزغرة وحشة اوى
احمد: يانهار زى الزفت ...هتروح تقولها
لمى: فيه ايه انت خايف كده ليه
احمد: قولتلك من الاول مش هينفع نتقابل انهاردة
كنتى خلتيها فالعوامه وخلاص يالمى
لمى: ايه ده انت محملنى ذنب ان قريبة مراتك شافتنا
احمد: ربنا يستر انا مش ناقص نكد
لمى: ايه السلبيه الى انت فيها دى ...للدرجة دى خايف منها
( مسكت شنطتها) انا ماشية!!
سابته ومشيت والعفاريت بتتنطط ف وشها ،اما هو فربنا يستر
لما يروح ويلاقى الاخبارية سبقاه فالبيت السعيد ..
#نوتيلا
#لنورإسماعيل
， `·，`·，`·，`·，`·，`·，`·，`·，`·，`·，`·
سليم: ممكن ادخل !
مريم: تعالى
سليم: بتعملى ايه ؟
مريم: ولا حاجه بتشات مع اصحابي وببص شوية فالكتاب
سليم: لا ركزى دى اخر سنة مش عايزين لعب
مريم: ان شاءالله
سليم شكله عايز يفتح موضوع ومش عارف
مريم: انت فى حاجه عايز تقولها
سليم: اتطمنتى ع آسيا
مريم: ااااااه دى غلبتنى ،نزلت لها قالولى سافرت لعمتها ف اسوان
تقعد عندها بعيد شوية يمكن يفك الضغط عنها
رنيت لما اتفلقت مش بترد فيييين ردت وكلمتين انا كويسة متقلقوش
وبس!
سليم: هى كانت بتحب خطيبها اوى كده
مريم: يااااه الراجل الغامض بسلامته ! اياد واسيا ممكن تقول
عليهم كليوباترا وانطونيو
روميو وچولييت
حاجه كده هييييح وهييييح
سليم( بيقرصها من خدها بهزار) يابت !! للدرجة دى
مريم: واكتر كمان ...وللاسف
فركشت زينا كلنا
واصح ان شلتنا مكتوب عليها نبقى كلنا مفاسيخ كده
محدش فرحان ابدا
سرح وهى بصاله
مريم: انما انت بتسأل ليه؟
سليم: ( ارتبك) عادى ... منظرها لما وقعت عالارض وعياطها
طول الطريق يعنى يزعل بصراحه
مريم( اتنهدت ) الله يكون فعونها ويقويها يارب
سليم: طيب انا اسيبك تكملى مذاكرة واروح انام
عايزة حاجة
مريم: لا سلامتك ..تصبح ع خير
سليم: وانتى من اهله
， `·，`·，`·，`·，`·，`·，`·，`·，`·，`·，`·
{حب وذكرة ...امبارح بكرة
كل ده صفر
هتلاقى نفسك تايه ...زى القشه فريح 💔}
كتبت آسيا الاستيتيو بتاعتها عالواتس ودموعها نازلة ع خدها
بعد تعديل الحالة بثوانى رن فونها وكانت لمى
لمى : انتى كويسة ؟
آسيا: اه الحمدلله
لمى: بجد ؟
آسيا: بجد
لمى : جاية امتى ؟
آسيا: مش عارفه ...بس مش دلوقتى خالص
لمى: براحتك ...لما تلاقى نفسك بقيتى كويسة تعالى
كلنا هنا مستنينك
وبنحبك اوى
آسيا( بتمسح دموعها ) وانا كمان ...هقفل بقى
لمى: ماشى حبيبتى .باى
دخلت عمتها جايبة سندوتشات وعصير
عمتها: انتى متغدتيش كويس ...وكل م اسألك تقولى مش جعانه
قولت مينفعش كده
اعملك العشا وادبسك تاكلى غصب عنك
آسيا اتعدلت من نومتها وابتسمت
عمتها: مالك سايبه شعرك كده ليه منكوش ومنفوش
طب ده انتى احلى حاجه فيكى شعرك طالعه لامك
عارفه لما كانت حامل فيكى وجت قضت معايا هنا فترة حملها
لحد م ولدت
قولتلها يارب يا زينب بنتك تيجى شعرها حلو ليكى
تقولى يابت كانت ساعة استجابة
آسيا( باستغراب) هى ماما اخدت فترة الحمل عندك ليه
عمتها: دى قصة طويلة ، ابوكى رأفت لما قال لاهل امك انه هيتجوزها
مكانوش يعرفوا انها حامل
وهى خبت عليهم عشان القصة الى انتى عارفاها
اخدها وقال هيكتب كتابه ويسافروا ياخدوا شهر العسل عندى
ف اسوان هنا
لكن مكتبش كتابه
آسيا( مستغربه) ليه
عمتها: مينفعش يكتب كتابه وهى حامل ، لسه فعدتها من ابوكى الحقيقي
راح خلاها عندى هنا لحد م تولد وتنتهى العدة ويعقد عليها
رسمى ويرجع بيها لاسكندرية
وساعتها رجع بيكى لشقتكم الى انتوا فيها دى ، كانت امى الله يرحمها
محوشاله مبلغ حلو كده اشترى بيه الشقه
وقال ده وش البت الصغيرة
اسعار زمان كانت تراب يابنتى
اومال ايه
آسيا: ومين سمانى آسيا ؟
عمتها: ابوكى رأفت ...( بتضحك وخدتها ع رجلها نيمتها
وادتها سندوتش) يومها كانت امك فالتاسع
وامك بقى بتحب اوى تتفرج ع قصص الانبياء
اتصل يتطمن عليها قالتلوا بتعمل ايه ومن وسط الكلام
قالتله بتفرج ع قصص الانبياء
قالها انهى قصة
قالتلوا قصة سيدنا موسي وفرعون مصر
قالها كانت مراته اسمها ايه زوجه فرعون اسم حلو كده
ومش معروف اوى
قالتله آسيا ...قالها طب ايه رأيك نسمى البنت الى جايه
دى اسيا
عشان تطلع فقلبها رحمة وحنينه زى امراة الفرعون
ومن ساعتها جيتى انتى وسموكى آسيا
آسيا: ساعات بحس ان نصيبي من اسمى الأسى الى شوفته
هشوفه فالدنيا
عمتها: لالالا ازعل منك لما تقولى كده ، وبعدين المؤمن مبتلى
وربنا بيختبرنا كل وقت والتانى عشان نشوف صبرنا
آسيا: عارفه ياعمتو ،ساعات بحس ان بابا كان السبب ان اياد يبعد عنى
لما رجعت من المطار
منهارة وحكت لمى الى حصل
قالها انه كان قلبه حاسس وان من الاول هو مكانش موافق عليه
بس وافق علشانى
عشان كده طول فترة الخطوبة ومرضيش باى حاجه رسمى
عمتها: ابوكى كان عايز مصلحتك،عايزك تعيشى مرتاحه مع واحد يصونك
آسيا: هو يعنى اياد مكانش هيصونى ،فحياتى محدش هيحبنى اد م هو حبنى
عمتها: لكن ابوكى له نظرة لقدام،عنده حق
تتجوزيه والبنوك تحجز عليه ويتسجن ومتتهنيش بشبابك وياه
وافرض كان فيه عيل
هو لقاكى ماسكة فيه مرضيش يزعلك
طب والله ساعات بحس انه بيحبك اكتر من لمى الى من صلبه
يابنتى الاب مش الى يخلف وبس
الاب الى يربي ويحب ويكبر
وهو عمره فيوم م حس انك مش بنته
طول عمره بيعاير لمى بعقلك ورزانتك ويقولها خليكى زى اختك
آسيا: عارفه ياعمتو ...عارفه
بس برضو
كان نفسي يديله فرصة وميحملهوش فوق طاقته والى وصلنا للخسارة والهروب
عمتها: كله مكتوب يا حبيبتى ،نصيبك الحلو لسه مجاش
آسيا ( بسرحان) مكنتش اعرف انى بحبه للدرجة دى
اياد بجد كل روحى
وانا حاسة ان روحى وجعانى اوى ياعمتو
اترمت فحضن عمتها وهى بتعيط ،حضنتها اوى وقالت
العمة: الحزن بيتولد كبير ويصغر مع الوقت ،واكبر نعمة ربنا انعم علينا بيها
هى النسيان يابنتى
بكرة تنسي ...ويبقى ذكرى حلوة ليكى وبس !!
， `·，`·，`·，`·，`·，`·，`·，`·，`·，`·，`·
استنونا بكرة ان شاءالله
#نوتيلا
#نورإسماعيل
ليست هناك تعليقات:
إرسال تعليق