روايةツ
نوتيلآ ❥❥
الفصل (37
， `·，`·，`·，`·，`·，`·，`·，`·，`·，`·，`·
والساعة ٢
رن موبايله رنات كتير ورا بعض كان ناسى يقفله !!
اتخض هو وهى ،شال الغطا وفتح النور
وبص لاقاها مامته
سليم( مخضوض) الو!!
الام: انا اسفه ياسليم عارفه انك عريس بس انا مش عارفه اتصرف
لا انا ولا مراد
اسيا بتقوم وبتسحب الغطا لفوق وهى بترجع شعرها ل ورا
اسيا: فيه ايه
سليم: خير يا امى
الام: مريم بتولد دلوقتى وهى فالسابع وبتتألم خايفه عليها
سليم ( بخضه وقام من السرير ) ايه بتولد ،امى بالله عليكى
خليكى جنبها!! انا جاى حالا
قام سليم وهو مخضوض واسيا متابعاه بالنظر
سليم: هتيجى معايا ؟
اسيا: هى مريم فعلا بتولد ؟
سليم: ايوة يا اسيا مسمعتيش فالتليفون يعنى ،اما هاخد حمام بسرعه
ورايح
اسيا مستغربه لهفته وهما مبقالهمش ساعتين فبداية حياتهم
اسيا: طيب م طنط لبنى جمبها ومراد وانس ...هما اتصلوا بيك ليه؟
سليم( بيطلع هدوم له) مراد مترباش هنا عشان يعرف دكاترة
وواضح ان انس كمل سهرته بره بعد الفرح
وماما ده اول موقف يعدى عليها واكيد اتصلت عشان مش عارفه تتصرف
اخد هدومه وراح الحمام وهى قاعده عالسرير ساكته ...
خرج وكان باين عليه لهفته وهو بيلبس
اسيا: انا هاجى معاك يا سليم
`·，`·，`·，`·，`·，`·，`·，`·，`·，`·，`·
يدوب ام سليم سمعت العربيه بتركن تحت ، وطلعت تفتح الباب
كان لسه انس مسابقه مبقاش له ١٠ دقايق فالشقه
ومريم بتتألم وع اخرها بجد
مريم : اااااااه لا مش قادرة بقى
مراد ماسك ايدها وحاطط ايده التانيه تحت دماغها
وانس بيتكلم فالفون
انس: هى مش دكتورة البت اخت صاحبتك دى
طب ادينى رقمها !
فمصيف،!! الله يلعن معرفتكم ياشيخ
اجرى ياض يحرق ابو كده
بيتصل بحد تانى وهو متعصب ودخل سليم واسيا من الباب
سليم جرى ملهوف عالاوصة ولا سلام ولا كلام لحد خالص
من غير احساس ان جوزها جمبها
ومراته كمان
اخدها ع صدره وعيونه نزلت دموع
مريم: سليم ليه جيتت( بتتكلم بتعب شديد) لييه
سليم: ازاى مجيش بس
مريم: انت عريس ...ازاى خالتو تكلمك
سليم: بس يابابا بس متتكلميش عشان بتتعبي
( بعصبيه وصوت عالى) يا جماعه بتعملوا ايه من الصبح
انس: انابتصل باى دكتور ولا دكتورة تجيلها ياسليم اهو
سليم: دكاترة ايه فيه زفت اسعاف ( بعلو صوت)
انس: يعنى شايفنى سبق لى ولاده قبل كده ،انا هتصل بيهم
اهو
سليم: انا اتصلت يا سيدى ،سايبينها كده تتألم حرام عليكم
مراد فاض بيه
مراد( بزعيق) فيه ايه ياسليم ! ع فكرة مراتى دى وابنى برضو
يعنى محدش فالدنيا هيعرف يهتم بيهم ادى
سليم ( باصص له بغيظ) والله ! فتحناها تحدى ومسابقات دلوقت
ومين بيهتم اكتر من الاول
مراد: انت بتزعق ليه الموضوع مش ناقص توتر
سليم: والله قول حضرتك لنفسك
لاول مرة اسيا تستغرب افعال سليم مع مريم وتشوف عصبيته دى
اسيا: خلاص خلاص ،تسمحوا تطلعوا انتوا الاتنين برة هدومها باظت
هغيرلها ع بال م الاسعاف تيجى
ياطنط لبنى تعالى لو سمحتى
خرجوا سليم ومراد مع انس برة واسيا بدلت هدوم مريم بمساعدة
خالتها
جت الاسعاف وهينزلوها ، المفروض ان جوزها يشيلها
لكن سليم نسى نفسه وراح هو يشيلها ،ف اسيا رجعته لورا ومراد شالها
ونزلوا كلهم ملهوفين عالسلم
ركبت عربية الاسعاف وركب مراد معاها ، وحصلهم سليم ومعاه اسيا وانس ومامته
وصلوا المستشفى
نزلوها ع نقال بالراحه ،نزل سليم جرى يلحقوها هو والباقى
لكن مريم وهى عالنقال مسكت ايد خالتها وسليم !
ومهتمتش بجوزها
مريم( بتعيط) تعبانه اوى يا خالتو
خالتها: اهدى يا حبيبتى متخافيش
سليم: كلمش ...اقرى قران يابابا متفكريش فحاجه
مريم: انا خايفه اوى
اخدوها الممرضات ع الكشف وقفلوا الاوضة
وقف سليم ضهره للحيط وباصص للسقف واسيا جمبه باصه فالارض.
مراد مكشر ومخنوق وع اخره
خالتها زعلانه وبتقرا قران ، وانس واقف متوتر
طلع الدكتور وجريو عليه
الدكتور: هى فالشهر السابع مش كده
مراد: اه يا دكتور
الدكتور: الجنين وضعه مقلوب والغريب ان فى طلق للولادة
وكمان الميه حوالين الجنين قلت
مراد: ايوة يعنى ايه الحل
الدكتور: هنديها حقنه تهديها ونستنى يوم كمان لو وضع البيبي اتعدل هنولدها
انس مسك فرقبه الدكتور بعصبيه
انس: يعنى هنستنى الجنين يعمل شقلباظ فبطنها واختى تموت
انجز وولدها بدل م اقفلكم المستشفى
الدكتور: ايه ده فيه ايه !! نزل ايدك ايه الهمجية دى
سليم( متوتر) يا دكتور ...لو سمحت احنا اسفين ع الى حصل
بس اعمل اى حاجه
ارجوك
مش هينفع بعد الى قولته ده نستنى كمان يوم ممكن يحصلها حاجه
الدكتور: مفيش حل غير القيصرى
انس( مسك فرقبته) يا جزارين يا ولاد الكلب قول كده من الاول عايز تقطع فالبت
الدكتور: ( بعصبيه) اتفضلوا خدوا المدام من هنا انا مش مسؤل عن اى حالة
طالما التعامل بقى بالهمجيه دى
سليم( بيزعق) يا انس بسس !!!! يا دكتور
الدكتور: انا اسف خدوها لو سمحتم
انس: انت عارف يا بتاع الكوتش انت ان ده ظابط الى بتشخط فيه ده
ممكن يقفلهالك الى انت فرحان بيها دى
مراد: يووووه يا جماعه انتوا موترين الموضوع اكتر من اللازم يلا بينا من هنا
اسيا: انا عندى رقم دكتورة نسا شاطرة هكلمها ونشوف ممكن تنزل تولدها دلوقتي
ولا ايه
اسيا كلمت الدكتورة الى هيروحوا لها هى ونشوى وطلعت موجودة وبتعمل عمليات
ولادة كمان
ودوها للدكتورة وقالت نفس كلام الدكتور وانها هتفتح قيصرى
مضى مراد عالاقرار وده العادى طالما فيها فتح بطن ، وجهزوها للولادة
ودخلت ..
سليم : انتى عرفتى الدكتورة دى منين يا اسيا ؟
اسيا( اتلخبطت) فى واحدة من قرايبي بتتابع عندها حملها وبتشكر فيها
سليم،: اه
بعد مرور نص ساعه سمعوا صوت البيبي
طلعته الممرضة
الممرضة: مبروك
مراد بيتناوله وبص له بضحك ،انس بص ف وشه
انس: يا خلاسى ...واخد مناخيرى ههههه
خالتها: سمى يا مراد ( شالته ) الله اكبر الله اكبر
سليم: لو سمحتى هى عاملة ايه وهتخرج امتى ؟
الممرضة: هى كويسة ١٠ دقايق وتخرج
خرجت مريم متخدرة ومش حاسه بحاجه وهما تابعوها
اسيا: مريومه ...حمدلله عالسلامه حبيبتى
مريوم انتى سمعانى
سليم ( بيمسح ع وشها بحنيه ) هى لسه فالبنج مش سمعاكى
ام سليم : بص الواد زى القمر ازاى يا سليم
بيشيله سليم وكبر فودانه الاتنين وهو مبتسم وباصص له
اسيا: ع فكرة ...البيبي فى ملامح كتير منك
سليم: لا يا شيخه !
اسيا: والله ركز كده
انس: شيليه يا اسيا عشان تحصليها فجمعتها
اسيا( بتضحك) جمعه ايه يا اهبل انت ،انا فرحى كان امبارح هههههه
مراد طلع يكلم مامته وباباه يبلغهم ، وسليم قعد جمب مريم
وهى بتفوق
واسيا شايلة البيبي وبيغلس عليها انس وخالتها بتبص عليهم وبتصحك
سليم بهمس جمب ودن مريم
سليم: كلمش ...كلموش
اصحى شوفى البيبي بتاعك
شوفى العامله الى عملتيها ياهانم ( ضحك ضحكه خفيفه) بقيتى ام يا مريم
مريم بتبتدى تفوق بالراحه ع صوت سليم
سليم: كلمش ،يا كلبوب يا صغنن
خلاص مبقتش صغنن
بقيتى ام اهو
قومى بئى
فتحت عيونها وابتسمت
مريم: ( بصوت تعبان) سليم ....فين ابنى
سليم( مسك كف ايدها وباسهم) حمدلله ع سلامتك يا مريوم ، اهو مع اسيا
مريم( بتعب) عايزة...اشوفه
سليم: اسيا ...!! حبيبتى هاتى البيبي مريم فاقت
اسيا جريت عليها
اسيا: حمدلله عالسلامه ياقلبي ...ابنك زى القمر
حتة من سليم
مريم ( مبتسمه) بجد !
عدلها سليم بالراحه عالسرير عشان تعرف تقعد وتشوفه
اخدت البيبي فحضنها وضمته ليها وباسته ،دخل مراد جمبها
مراد: انتى فوقتى يا حبيبتى ! ماما وبابا بيسلموا عليكى
واتفاجئوا انك ولدتى
هيروحولنا ع هناك لما نروح بقى
مريم بصت له بضيق ورجعت بصت للبيبي
مراد: ايه يا مريم م انتى عارفه انهم كبار ومش اد انهم ييجوا دلوقتى احنا فالفجر
مريم: مفيش مشكله يا مراد
انس: هاه ...هتسموه ايه
مريم من غير تفكير : سليم
سليم اتفاجئ ومراد كمان وانس كمل تغليس
انس: طب سميه ع اسم اخوكى الوحيد ،ده انا كنت هفتح بطن الدكتور هناك
عشانك
خالتهم: هههههههه انت يا واد يا انس مكنتش اعرف انك بتاع مشاكل كده
سليم: لا ويقوله ده ظابط وممكن يقفلك المستشفى ،داخل بصدره
وناسي ان مريم تعبانه جوه وعايزين نلحقها
مراد مش معاهم فالهزار ،اتخنق مرة واحدة ومش عارف ليه لما قالت سليم
مراد: بس انا حابب اسمى ابنى مروان ( بص ل سليم برخامه) ده لو حضرة العقيد
ميكونش اتضايق
مريم: ايه مروان ده ! اسم سخيف ده انا حابة نسمى ابننا سليم
يا مراد
مراد: الله ! انا مش عاوز سليم ياناس انا ابوه
مريم: وانا مامته ومحدش تعب فيه زيي
انس: صلوا عالنبي !!! سموه فالشهادة مروان ونادوه فالبيت ب زعزوع القصب
مش حتة اسم الى هتقطعوا بعض بسببه ده
اسيا: انا عندى فكرة لو هتريحك انتى ومراد يا مريم ،اعملوا قرعه
والاسم الى يطلع يبقى هو
مريم: لا من غير قرعة سليم يعنى سليم
مراد قام من جنبها وهو مخنوق
مراد: يووووه !
اسيا قعدت جمبها ووشوشتها فودنها
اسيا: خلاص يا مريم بقى مروان مش وحش
متكبريش الموضوع انتى لسه والده وتعبانه
مريم: مراد بيعاند وخلاص يا اسيا انا عارفاه
اسيا: طب اهدى ونشوف حوار الاسم بعدين
انس: طب احنا مش هنمشى ولا هنبات هنا
سليم : مش عارف هندفع الرسوم وتقريبا البيانات ووو
مراد: هندفع الرسوم !!! قصدك هدفع انا الرسوم
ده ابنى والله
سليم: مقصدتش يا مراد فيه ايه
مراد: اصل عايز افهمك ان والله مريم بقت مراتى وليا طفل منها
خلاص فعصمتى مش عصمتكم زى زمان
سليم: وماله يا سيدى ربنا يباركلكم فبعض
انس: اومال يا جماعه فيه حاجه مرشوشه فالجو كلنا مش طايقين
بعض ولا طايقين نفسنا ليه
يلا شوفولنا الدكتورة دى يا جدعان خلينا نمشى
جو الفراخ والبيض ده بيخنقنى!
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
شنط متقفله ، وحجات بتتجهز
عشان عمرو مسافر خلاص ع شغله .بيلبس خلاص وطالع عالمطار..
بعد م خلص ترتيبات اخد ايد تبارك وقعد جنبها..
عمرو : هتوحشينى يا تبارك
تبارك: توصل بالسلامه ان شاءالله
عمرو: تعرفى يا تبارك بقالى اد ايه هنا فمصر
تبارك: تقريبا ...سنه!
عمرو : سنه سايب شغلى وكل حاجه ورايا عشان خاطرك
سنه من قبل فرحنا مرورا بفرحنا والى حصل فيه والى حصل بعده
وحتى الآن
سنه ...وانتى لسه بتعاملينى كأنى غريب عنك
عملت معاكى كل حاجه عشان تخرجى من حالتك الى انتى فيها
وبرضو زى م انتى
كام شهر وانا وانتى مقفول علينا باب واحد واحنا اخوات !!
عملت كل الى الدكتورة قالت عليه ، خرجها
فسحها
نسيها
متغصبهاش ع حاجه
حاولت كتير ارجعك معايا زى تبارك زمان قبل فرحنا
وانتى كل م اقرب جمبك ...مش عايزانى
وبتبعدى
انا عارف ان الى حصل مش قليل
وانك كنتى فصدمه
بس تعرفى انى انا ف اضعاف الى انتى فيه !
تبارك بترفع وشها له باستغراب
عمرو : ايوة متستغربيش ...شايفك بتتعذبي
عشان فى واحد مات ففرحنا كان بيحبك
كارهه قربي منك لمجرد ان اخويا كان السبب
بتكرهى قربي ع حساب ان فدماغك شخص تانى مات !!
طب استحمل اكتر من كده ليه يا تبارك ؟
انا تعبت
ومش قادر استحمل خلاص
انا مسافر ...وليكى القرار يابنت الناس
لو عايزة تطلقى ( وشه اتغير بعد الكلمه واخد نفسه بالعافيه) بلغينى
وانا عمرى م هغصبك ع حاجه
هبعتلك ورقتك ...
قام واخد شنطه ومن غير سلام ولا كلام
ساب البيت وسافر
وسابلها القرار لوحدها ،، تكون هى صاحبة الكلمه الاولى والاخيرة فيه
`·，`·，`·，`·，`·，`·，`·，`·，`·，`·，`·
"عثمان عبدالبارى وكيل نيابة سيدى بشر "
بابا نشوى : يا اهلا يابنى ..المنطقه كلها نورت
الشاى يا ام نشوى
عثمان: انا كلمت حضرتك بعد م عرفت
الرقم من العقيد سليم وجيه
عشان اخد ميعاد واقابلك
بابا نشوى: وماله يا حضرة وكيل النيابه
تحت امرك ف اى وقت
دخلت ام نشوى شاى وكيك
بابا نشوى : اتفضل
اخد بق من فنجان الشاى وحطه تانى مكانه
عثمان: انا حابب ادخل فالموضوع ع طول عشان مقلقش
حضراتكم
انا شوفت كريمتكم الانسه نشوى فحفل زفاف
العقيد سليم
وبصراحه وبوضوح اكتر ...جاى اطلب ايدها !
باباها ومامتها بصوا لبعض بفرحه جامده اوى وقامت مامتها
بعد م استأذنت ع طول ع اوضة نشوى ..
كانت هى بتلبس عشان تروح لسبوع ابن مريم
معمول تحت فشقه اهل مراد ..
نشوى: ادخلى يا ماما
الام( بتبوسها من خدودها) صبرتى ونولتى يابنتى
نشوى: فيه ايه ياماما
الام: عارفه مين جوه
نشوى: اه ضيف جاى لبابا
الام: ده ضيف عشانك انتى يا حبيبتى ، وكيل نيابه
ع سن ورمح
جاى طالب ايدك للجواز !!
ابتسمت ورجعت تانى فابتسامتها وفرحت فرحه متوترة
الام: شافك ففرح سليم واسيا وسال عليكى سليم
واضح كده يابت ان دايما مناسبات سليم وشها
حلو عليكى
المرة الى فاتت رائد
والمرة دى وكيل نيابه ..
خبط باباها ودهل
الاب: نشوى ...امك قالتلك طبعا
نشوى: اه يابابا
الاب: طيب انا خلاص اخدت عهد ع نفسي من ساعة الى حصل
انى مغصبكيش ع حاجه والى عايزة تعمليه اعمليه
ايه رأيك؟
نشوى سكتت
الام: وغلاوة امك عندك ...لاتفرحى قلبي يابنتى وتوافقى
البنات اصغر منك اتجوزوا وخلفوا
عشان خاطرى يابنتى
كان صوت هيصة سبوع مروان ابن مريم مسموعه .
الام: سامعه يابنتى ! دخلى الفرح بيتنا احنا كمان
نشوى: حاضر يا ماما ...حاضر يابابا
اروحلهم بس السبوع وارجع والى فيه الخير ربنا يقدمه
الاب: يعنى هتفكرى فالموضوع ؟ هو قالى ناخد رايك ونرد عليه
ولو وافقتى هيجيب اهله ونقرا فاتحه ونلبس دبل بالمرة
نشوى ( سكتت شوية وبعدها قالت)
استخارة وارد عليكم ...
`·，`·，`·，`·，`·，`·，`·，`·，`·，`·，`·
فالسبوع كانوا كلهم حاضرين ، البنات السته
ومريم طبعا مامت العريس الصغنن
واهل مراد
وسليم ومامته
وانس
وسمارى جدة وجدان
ومامت اسيا ولمى
وباقى عيلتين مريم ومراد
سمارى : يابنات امتى هتدوقوا له الهون وتقولوله
اسمع كلام امك ومتسمعش كلام ابوك
وجدان : ياستى خلاص ..دلوقتى والله لو دقوا الهون فدماغه
محدش بقى يسمع كلام حد
البنات : هههههههههه
سمارى: ليه هو هيطلع صايع زيك ولسانه متبرى منه
وجدان: خلاص الحمدلله معودتش صايعه لاقيت الى يلمنى ( بتبص ل انس)
انس: يلا يا مريوم
حلقاتك برجلاتك يوم ورا يوم يبقى بشنبات
البنات بقول يرددوا ورا انس وهما بيضحكوا
لمى : استنى والنبي لاعملها السبع دقات فالارض يلا يابت
اسيا: ايه يا معتوهه الى هتعمليه ده
لمى : ملكمش دعوة ، يلا يا مريوم
لمى قعدت عالارض تدق الهون وحطوا مروان فالمنخول المبطن بالتل
وبقت تخطى عليه مريم
والبنات يضحكوا ويارا بتصور فيديو
اسيا: عقبالك يا يورا ...بس الجواز الاول هههه
يارا: خلاص هانت يا سوووس ان شاءالله قرب يطلع زيي
وهنتجوز ع طول ان شاءالله
هو متفق مع بابا ع كده
خلصت لمى دق الهون والرقوة وقاموا يتصوروا مع مروان
لمى: صورنى ياض يا انس مع ميرو هنزلها عالانستا واقول ابن اختى عقبالى يارب
وجدان: عقبالك فالخطيه ! مفيش حاجه اسمها جواز الاول
دلق كده خلفه ع طول
حتى م عارفينلك عريس من ونيس من جليس
لمى: خلاص اكتمى عقبال تبارك واسيا خلاص ارتاحتى كده
وجدان: تبارك ازاى وجوزها سافر يا ام التخلف ، يارب موتها بقى
خدها عندك بئى
سليم جه جمب اسيا وميل ع ودنها بحب
سليم: عقبالك كده لما تجيبيلنا نونو حلو شبهك زى ده
اسيا( بصاله بابتسامه ) بس مروان شبهك انت
يبقى انا اجيب شبهك بقى ولا شبهى
سليم: هاتيه شبه عمو رأفت اى حاجه المهم نجيبه
اسيا( بتضحك بصوت عالى وسابها سليم وهو مبتسم ومسك
مروان يتصور معاه )
جت لمى جمب اختها
لمى: كان بيقولك ايه يضحكك كده هاه ! حاجه قلة ادب صح
اسيا: يلالاااهوى اتلمى يابت
وهما متجمعين ياخدوا صور ويضحكوا ويفرقوا السبوع ، انس جاله فون
طلع للبلكونه وهو بيرد وهو ضامم ايده عالمايك
وجدان اخدت بالها ...
راحت وراه من غير م يحس ولا ياخد باله
انس: ايوة ! شغاله تن تن تن عايزة ايه
وجدان واقفه وعرفت من الكلام انها بنت
انس: وحشتك ده ايه ؟
يابنتى م خلصنا بقى ايه الجنان الى جه عليكى فجاة بعد م خطبت
قولتلك انك زى اختى والمصحف
وجدان سامعه وساكته
انس: مممم هنفضل صحاب ماشى هتقدى تلتى وتعجنى فكلام غبي
يبقى متتصليش تانى
وانتى من اهله ياختى
قبل م يطلع لهم كان بيمسح الاسم والمكالمه
وجدان كانت دخلت ومسكت الفون من ايده وابتسمت له
وجدان : متمسحش المكالمه ، انا سمعتك ع فكرة
انس: ع فكرة دى واحدة يعمى بتستهبل وكده
وجدان( مبتسمه) وبتمسح المكالمه ليه
انس: خوفت لا تشوفيها ويحصل بسببها مشكله
وجدان: ( بصاله بحب ومبتسمه) بعد كده متمسحش حاجه ومتداريش
حاجه
انا بحبك
وواثقه فيك
وواثقه فحبك ليا
قولى ع كل حاجه ومتخافش ...احنا اصحاب قبل م نكون مخطوبين ومرتبطين ببعض
انس( بيبصلها بتسبيل) طب قولى انا بحبك تانى كده
وجدان( اتكسفت وضحكت) ايوة بحبك ايه ( ضربته فكتفه)
انس: بتحبينى بس ؟
وجدان(ضربته فصدره) وبموت فيك ( ضربته فراسه) وبعشقك
انس: سمعنى سلام انت حبي الوحيد
من الليلة قلبي سعيد
وجدان : هههههههه بس يالا
انس: شكلها امى دعت قبل م تفيص ،قالت روح يا واد يا انس
يوقعك فبت تجننك وتهبلك وتموت فيها وتهريها بوس ( رايح يبوسها)
وجدان( بتبعده ) بس يامجنون يلا بينا ندخل
دخلت سمارى
سمارى: انتى هنا يا مسدوحه وانا بدور عليكى
انس: هى ستك ظابطه نفسها علينا ،انا بدأت اتخنق منها
وشكلى هقلبها من البلكونة الى احنا واقفين فيها دى
وجدان( كاتمه الضحكة) حاضر ياستى جايين وراكى اهو
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
`·，`·，`·，`·，`·，`·，`·，`·，`·，`·，`·
زى م يارا ربنا شفاها تماما من المرض وبقت تروح تعمل تشيك اب كل اسبوع
ك اطمئنان
ياسين كمان ربنا عافاه والمرض مبقاش له اثر فجسمه
وخرج..
يارا كانت فالسنة الاخيرة فالدراسة وفى ايام الامتحانات ، اتفق ياسين
مع والد يارا انها بمجرد م تنتهى الدراسة وتتخرج يتجوزوا.
باباها وافق طبعا لانه حاسس بيهم ونفسه يعيشوا فترة حلوة فحياتهم
بعد كل الى شافوه ..
فتجهيزات شقتهم كان ياسين مشغول لوحده ،ياسين من عيلة ميسورة
الحال فكل حاجه كانت بتيجى بسرعه ..
وفيوم اتفاجئوا برقم غريب بيتصل بيهم هما الاتنين .
مذيعه من قناه معروفه حابة تلتقى بيهم بعد م عرفت القصة
فجواب بعتته زهراء الممرضة عالبرنامج
كان نفسها تعمل اى حاجه تفرحهم ، كلمتهم ووافقوا عالفكرة
وانهاردة
فيوم اللقاء التليفزيون ،البنات كانوا مع يارا عشان يسندوها تطلع
عالتليفزيون وهى مش خايفه
ظبطوها وهيأوها وخلوها زى القمر
وبعد م بدأ تسجيل البرنامج ،كله هوس اسكت
ومفيش غير صوت المذيعه ..
المذيعه : انهاردة ،قصة جديدة
قصة حب
بدات فمستشفى لعلاج الاورام
انا مش عارفه ابتدى ازاى ،الحقيقه انا منبهرة بقوة ارادة الاتنين دول
ازاى حبوا بعض فالظروف الى كانوا فيها
ازاى اتحدوا المرض
ازاى واجهوه
واخيرا انتصروا عليه ...وحاليا بيجهزوا لفرحهم
معانا ومعاكم
يارا وياسين ...اهلا وسهلا
ياسين: اهلا بيكى
يارا ساكته ومكسوفه
المذيعه : هتبتدى انت يا ياسين تعرفنا الحكاية ولا نسيب يارا تحكى
يارا ( بصوت مكسوف) لا انا مش قادرة انطق( بتضحك وبتدارى وشها)
المذيعه: واضح ان يارا مكسوفه ...طب نبتدى بيك ياياسين
ياسين: الحكاية ابتدت انى كنت بتعالج من كانسر فالقاولون
من قبلها فالمستشفى بسنه ونص
وفيوم كان اول يوم اشوفها فيه ...كانت قاعدة فاتحه المصحف
وشها جميل اوى وهادى
لفتتنى وقعدت جنبها
يارا بصوت هادى
يارا: كنت بقرأ سورة ياسين صدفه
المذيعه : ياه سورة ياسين ...المبشرات باينه من الاول ههههههه
الجمهور فالاستديو والبنات ضحكوا
ياسين: بعدها اتكلمنا كتير ،وبقينا نحكى سوا
وفجلسات بعض بتاعت الكيماوى والاشعاع بنسند بعض
المذيعه: ياااه ،حلو اوى انكم من الاول كنتوا ساندين بعض
يمكن ده الى ساعدكم تخطوا مراحل صعبه سوا
ياسين: طبعا ،كل حد فينا قوة ارادته كانت كبيرة عشان التانى
روحنا كانت مرتبطه ببعض اوى لدرجه لو حالتنا اتاخرت
بتتاخر سوا ولو اتحسنت بتتحسن سوا
المذيعه : قوليلى يا يارا ، ايه الحاجه بعيدا عن علاقتك بياسين
ايه الحاجه الى قوتك تتغلبي عالمرض ؟
يارا: الايمان ...
قوة ايمانك بان ربنا مش هيسيبك ،واختبرك انت وبس بالاختبار
ده عشان حبك
انا بسبب ابتلائى بمرض السرطان ، عيشت حياة كانت اجمل بكتير
من حياتى برة المستشفى
بيبقى فعلا الاختبار بيبان قوى وجواه رحمه
المذيعه : الله ! الله يا يارا
عندك حق
مش كل حاجه ربنا بيديهالنا بنعرف الهدف منها ايه غير بعدين
هنطلع فاصل ونرجع تانى لاجمل قصة حب
عرفت معنى الصبر والامل
جوة مستشفى الاورام ...راجعين تانى متمشوش
الجمهور سقف وطلعوا فاصل ....
`·，`·，`·，`·，`·，`·，`·，`·，`·，`·，`·
وبعد فترة ..
كانت لمى ع ميعاد مع احمد هياخدوا قرار نهائى فعلاقتهم سوا ، كالعادة
قالها تستناه فالعوامه عشان يعرفوا يتكلموا براحتهم و ع رواق لانه خلاص وصل
لحل وهيتشاوروا فيه .
راحت والفرحه مش سيعاها ،حبها الاعمى بيهيأ لها ان دى احسن علاقه فالدنيا
وانها معاه اكتر واحدة سعيدة وعمرها م هتنبسط مع غيره
ومش عايزة ترتبط بحد تانى خلاص ...
مش طفولة ولا براءة ،بس العمى بيخليها تعمل كل مرة نفس الحجات
الى بتوقعها وتغرقها اكتر وهى مش حاسه
راحت هناك وجابت اكل ديليفرى احتمال يتأخر وتاكل ، كعادته
من يوم م عرفها اتأخر عليها
عدت ٤ساعات وهى مستنياه!!
فضلت تلف تلف حوالين نفسها لاهى عارفه تروح
ولا تقعد ...واتخنقت
اكلت الاكل وجاعت ، راحت تشوف فالتلاجه الصغيرة الموجودة
اذا كانوا اصحاب العوامه جايبين فيها اكل ولا لا
فتحت لاقت معلبات
وازازة غريبة كده مكتوب عليها بالانجلش
شدتها واخدتها وخرجت قعدت برة قدام التليفزيون
كلمها احمد
احمد: انا عارف انى اتاخرت خلاص انا جاى اهو
لمى( عوجت بوقها) عادى يا احمد م انت عودتنى
قفلت معاه وهى بتقلب ففونها والتليفزيون ، زهقت
مسكت الازازة وقالت تدوق فيها ايه
داقت لاقت طعمها غريب وصعب كده ميتحملش ،بس جرائتها شدتها تشرب تانى
وتالت
لحد م اتعودت ع طعمها وبقت تشرب فيها عادى
نص ساعة واحمد جه !
احمد: معلش يا لمى مكنش قصدى التاخير
وقفت وهى مش ع بعضها وهى بتضحك ضحك هيستيرى
لمى: هههههه عادى
ده العادى بتاعك معايا اصلا
دايما تتاخر وتركنى كده ع جنب
وهترجع تلاقينى برضو
احمد( استغرب لها) فيه ايه يالمى مالك
لمى: مالى ...انا كويسة اهو
عارف ( بتطوح وماسكه الازازة) انا لاقيت الازازة دى
وشربت منها وطلعت ازازة روشه طحن
احمد( اخد منها الازازة بعنف) ايه ده ؟ انتى شربتى من دى
ده ويسكى
لمى( بتضحك ضحك عبط هيستيرى) ههههه بجد ! يعنى انا كده سكرانه؟
طب والله حلو اوى ده
فضلت تسقف زى الهبله وتضحك
احمد ( شدها) تعالى افوقك بالميه
لمى: تفوقنى ليه مانا حلوة اهو
احمد: حلوة ايه ،انا مش عايز اشوفك كده
لمى : ( بعيون مدمعه) انت مش عايز تشوفنى اصلا
احمد: محبش اشوفك كده يالمى تعالى افوقك
لمى( دموعها نزلت) انت مبتحبنيش اصلا
احمد : فيه ايه يا لمى م تفوقى بقى
لمى: مكانش قصدى اشرب من البتاعه دى
بس ( بتطوح) الناس الى بتقول ان الشرب بينسي
غلطانين
انا شربت اهو وافتكرت كل حاجه
عارف افتكرت ايه ؟
افتكرت انى بقالى سنين متعلقه معاك لا طايله سما ولا ارض عشان بحبك
افتكرت انى كل اصحابي اتخطبوا واتجوزوا وفرحوا وانا الوحيدة الى
مش عارفه ابدء حياه مع حد ولا اسيبك
وافتكرت انك محبتنيش حبيت بس شقاوتى الى عيشتك سنك
بس انت بتحب مراتك
وولادك
افتكرت انى غبيه عارفه انك بتتسلى بيا ومع ذلك مكمله
روح امشى ( وقعت وهى سكرانه )
احمد: قومى يا لمى قومى افوقك وتروحى
لمى( زقته) ملكش دعوة بيا اوعى ! هما بيفعدوا ينصحونى اسيبك
وشايفين دايما انى مغفله وحمارة عشان مكمله معاك
بس ميعرفوش يعنى ايه قلب لما يحب
لو عرفوا ده مكانوش حذرونى منك ( بتعيط)
اوعى
ابعد عنى ملكش دعوة بيا
انا بكرهك
احمد: خلاص يالمى مينفعش تفضلى بالمنظر ده
لمى: وانت من امتى بيهمك منظرى ! اوعى ابعد عنى
انا بكرهك ومش عايزة اشوفك تانى
بتضربه فصدره وهو ساندها لاتقع
احمد: انتى بتكرهينى وانا بحبك
لمى: كداب انت عمرك م حبتنى
احمد: والله بحبك
لمى: اوعى سيبنى سيبنى اقع عالارض ونفوخى يتفتح
وانساك بقى يااخى
احمد: لا مش هسيبك ...لمى
انا بجد بحبك وانهاردة كنت جاى اقولك ع حل لينا
لمى: اوعى انت كداب ( بتزقه)
احمد( بيبوسها فخدها ) عشان خاطرى صدقينى المرة دى
صدقينى
بعد خدها نسى نفسه وبدأ يبوسها فعلا ،وبعد م لمى كانت منهارة
سكتت واستسلمت
وهى بتتهاوى عالارض نزل قصادها وهو ماسكها ، واستسلام لمى المرة دى
مكانش العادى
لكن كان استسلام الندم !!
，`·，`·，`·，`·，`·，`·，`·，`·，`·，`
استنونا بكرة ان شاء الله
#نوتيلا
#نورإسماعيل
，`·，`·，`·，`·，`·，`·，`·，`·，`·，`
نوتيلآ ❥❥
الفصل (37
， `·，`·，`·，`·，`·，`·，`·，`·，`·，`·，`·
والساعة ٢
رن موبايله رنات كتير ورا بعض كان ناسى يقفله !!
اتخض هو وهى ،شال الغطا وفتح النور
وبص لاقاها مامته
سليم( مخضوض) الو!!
الام: انا اسفه ياسليم عارفه انك عريس بس انا مش عارفه اتصرف
لا انا ولا مراد
اسيا بتقوم وبتسحب الغطا لفوق وهى بترجع شعرها ل ورا
اسيا: فيه ايه
سليم: خير يا امى
الام: مريم بتولد دلوقتى وهى فالسابع وبتتألم خايفه عليها
سليم ( بخضه وقام من السرير ) ايه بتولد ،امى بالله عليكى
خليكى جنبها!! انا جاى حالا
قام سليم وهو مخضوض واسيا متابعاه بالنظر
سليم: هتيجى معايا ؟
اسيا: هى مريم فعلا بتولد ؟
سليم: ايوة يا اسيا مسمعتيش فالتليفون يعنى ،اما هاخد حمام بسرعه
ورايح
اسيا مستغربه لهفته وهما مبقالهمش ساعتين فبداية حياتهم
اسيا: طيب م طنط لبنى جمبها ومراد وانس ...هما اتصلوا بيك ليه؟
سليم( بيطلع هدوم له) مراد مترباش هنا عشان يعرف دكاترة
وواضح ان انس كمل سهرته بره بعد الفرح
وماما ده اول موقف يعدى عليها واكيد اتصلت عشان مش عارفه تتصرف
اخد هدومه وراح الحمام وهى قاعده عالسرير ساكته ...
خرج وكان باين عليه لهفته وهو بيلبس
اسيا: انا هاجى معاك يا سليم
`·，`·，`·，`·，`·，`·，`·，`·，`·，`·，`·
يدوب ام سليم سمعت العربيه بتركن تحت ، وطلعت تفتح الباب
كان لسه انس مسابقه مبقاش له ١٠ دقايق فالشقه
ومريم بتتألم وع اخرها بجد
مريم : اااااااه لا مش قادرة بقى
مراد ماسك ايدها وحاطط ايده التانيه تحت دماغها
وانس بيتكلم فالفون
انس: هى مش دكتورة البت اخت صاحبتك دى
طب ادينى رقمها !
فمصيف،!! الله يلعن معرفتكم ياشيخ
اجرى ياض يحرق ابو كده
بيتصل بحد تانى وهو متعصب ودخل سليم واسيا من الباب
سليم جرى ملهوف عالاوصة ولا سلام ولا كلام لحد خالص
من غير احساس ان جوزها جمبها
ومراته كمان
اخدها ع صدره وعيونه نزلت دموع
مريم: سليم ليه جيتت( بتتكلم بتعب شديد) لييه
سليم: ازاى مجيش بس
مريم: انت عريس ...ازاى خالتو تكلمك
سليم: بس يابابا بس متتكلميش عشان بتتعبي
( بعصبيه وصوت عالى) يا جماعه بتعملوا ايه من الصبح
انس: انابتصل باى دكتور ولا دكتورة تجيلها ياسليم اهو
سليم: دكاترة ايه فيه زفت اسعاف ( بعلو صوت)
انس: يعنى شايفنى سبق لى ولاده قبل كده ،انا هتصل بيهم
اهو
سليم: انا اتصلت يا سيدى ،سايبينها كده تتألم حرام عليكم
مراد فاض بيه
مراد( بزعيق) فيه ايه ياسليم ! ع فكرة مراتى دى وابنى برضو
يعنى محدش فالدنيا هيعرف يهتم بيهم ادى
سليم ( باصص له بغيظ) والله ! فتحناها تحدى ومسابقات دلوقت
ومين بيهتم اكتر من الاول
مراد: انت بتزعق ليه الموضوع مش ناقص توتر
سليم: والله قول حضرتك لنفسك
لاول مرة اسيا تستغرب افعال سليم مع مريم وتشوف عصبيته دى
اسيا: خلاص خلاص ،تسمحوا تطلعوا انتوا الاتنين برة هدومها باظت
هغيرلها ع بال م الاسعاف تيجى
ياطنط لبنى تعالى لو سمحتى
خرجوا سليم ومراد مع انس برة واسيا بدلت هدوم مريم بمساعدة
خالتها
جت الاسعاف وهينزلوها ، المفروض ان جوزها يشيلها
لكن سليم نسى نفسه وراح هو يشيلها ،ف اسيا رجعته لورا ومراد شالها
ونزلوا كلهم ملهوفين عالسلم
ركبت عربية الاسعاف وركب مراد معاها ، وحصلهم سليم ومعاه اسيا وانس ومامته
وصلوا المستشفى
نزلوها ع نقال بالراحه ،نزل سليم جرى يلحقوها هو والباقى
لكن مريم وهى عالنقال مسكت ايد خالتها وسليم !
ومهتمتش بجوزها
مريم( بتعيط) تعبانه اوى يا خالتو
خالتها: اهدى يا حبيبتى متخافيش
سليم: كلمش ...اقرى قران يابابا متفكريش فحاجه
مريم: انا خايفه اوى
اخدوها الممرضات ع الكشف وقفلوا الاوضة
وقف سليم ضهره للحيط وباصص للسقف واسيا جمبه باصه فالارض.
مراد مكشر ومخنوق وع اخره
خالتها زعلانه وبتقرا قران ، وانس واقف متوتر
طلع الدكتور وجريو عليه
الدكتور: هى فالشهر السابع مش كده
مراد: اه يا دكتور
الدكتور: الجنين وضعه مقلوب والغريب ان فى طلق للولادة
وكمان الميه حوالين الجنين قلت
مراد: ايوة يعنى ايه الحل
الدكتور: هنديها حقنه تهديها ونستنى يوم كمان لو وضع البيبي اتعدل هنولدها
انس مسك فرقبه الدكتور بعصبيه
انس: يعنى هنستنى الجنين يعمل شقلباظ فبطنها واختى تموت
انجز وولدها بدل م اقفلكم المستشفى
الدكتور: ايه ده فيه ايه !! نزل ايدك ايه الهمجية دى
سليم( متوتر) يا دكتور ...لو سمحت احنا اسفين ع الى حصل
بس اعمل اى حاجه
ارجوك
مش هينفع بعد الى قولته ده نستنى كمان يوم ممكن يحصلها حاجه
الدكتور: مفيش حل غير القيصرى
انس( مسك فرقبته) يا جزارين يا ولاد الكلب قول كده من الاول عايز تقطع فالبت
الدكتور: ( بعصبيه) اتفضلوا خدوا المدام من هنا انا مش مسؤل عن اى حالة
طالما التعامل بقى بالهمجيه دى
سليم( بيزعق) يا انس بسس !!!! يا دكتور
الدكتور: انا اسف خدوها لو سمحتم
انس: انت عارف يا بتاع الكوتش انت ان ده ظابط الى بتشخط فيه ده
ممكن يقفلهالك الى انت فرحان بيها دى
مراد: يووووه يا جماعه انتوا موترين الموضوع اكتر من اللازم يلا بينا من هنا
اسيا: انا عندى رقم دكتورة نسا شاطرة هكلمها ونشوف ممكن تنزل تولدها دلوقتي
ولا ايه
اسيا كلمت الدكتورة الى هيروحوا لها هى ونشوى وطلعت موجودة وبتعمل عمليات
ولادة كمان
ودوها للدكتورة وقالت نفس كلام الدكتور وانها هتفتح قيصرى
مضى مراد عالاقرار وده العادى طالما فيها فتح بطن ، وجهزوها للولادة
ودخلت ..
سليم : انتى عرفتى الدكتورة دى منين يا اسيا ؟
اسيا( اتلخبطت) فى واحدة من قرايبي بتتابع عندها حملها وبتشكر فيها
سليم،: اه
بعد مرور نص ساعه سمعوا صوت البيبي
طلعته الممرضة
الممرضة: مبروك
مراد بيتناوله وبص له بضحك ،انس بص ف وشه
انس: يا خلاسى ...واخد مناخيرى ههههه
خالتها: سمى يا مراد ( شالته ) الله اكبر الله اكبر
سليم: لو سمحتى هى عاملة ايه وهتخرج امتى ؟
الممرضة: هى كويسة ١٠ دقايق وتخرج
خرجت مريم متخدرة ومش حاسه بحاجه وهما تابعوها
اسيا: مريومه ...حمدلله عالسلامه حبيبتى
مريوم انتى سمعانى
سليم ( بيمسح ع وشها بحنيه ) هى لسه فالبنج مش سمعاكى
ام سليم : بص الواد زى القمر ازاى يا سليم
بيشيله سليم وكبر فودانه الاتنين وهو مبتسم وباصص له
اسيا: ع فكرة ...البيبي فى ملامح كتير منك
سليم: لا يا شيخه !
اسيا: والله ركز كده
انس: شيليه يا اسيا عشان تحصليها فجمعتها
اسيا( بتضحك) جمعه ايه يا اهبل انت ،انا فرحى كان امبارح هههههه
مراد طلع يكلم مامته وباباه يبلغهم ، وسليم قعد جمب مريم
وهى بتفوق
واسيا شايلة البيبي وبيغلس عليها انس وخالتها بتبص عليهم وبتصحك
سليم بهمس جمب ودن مريم
سليم: كلمش ...كلموش
اصحى شوفى البيبي بتاعك
شوفى العامله الى عملتيها ياهانم ( ضحك ضحكه خفيفه) بقيتى ام يا مريم
مريم بتبتدى تفوق بالراحه ع صوت سليم
سليم: كلمش ،يا كلبوب يا صغنن
خلاص مبقتش صغنن
بقيتى ام اهو
قومى بئى
فتحت عيونها وابتسمت
مريم: ( بصوت تعبان) سليم ....فين ابنى
سليم( مسك كف ايدها وباسهم) حمدلله ع سلامتك يا مريوم ، اهو مع اسيا
مريم( بتعب) عايزة...اشوفه
سليم: اسيا ...!! حبيبتى هاتى البيبي مريم فاقت
اسيا جريت عليها
اسيا: حمدلله عالسلامه ياقلبي ...ابنك زى القمر
حتة من سليم
مريم ( مبتسمه) بجد !
عدلها سليم بالراحه عالسرير عشان تعرف تقعد وتشوفه
اخدت البيبي فحضنها وضمته ليها وباسته ،دخل مراد جمبها
مراد: انتى فوقتى يا حبيبتى ! ماما وبابا بيسلموا عليكى
واتفاجئوا انك ولدتى
هيروحولنا ع هناك لما نروح بقى
مريم بصت له بضيق ورجعت بصت للبيبي
مراد: ايه يا مريم م انتى عارفه انهم كبار ومش اد انهم ييجوا دلوقتى احنا فالفجر
مريم: مفيش مشكله يا مراد
انس: هاه ...هتسموه ايه
مريم من غير تفكير : سليم
سليم اتفاجئ ومراد كمان وانس كمل تغليس
انس: طب سميه ع اسم اخوكى الوحيد ،ده انا كنت هفتح بطن الدكتور هناك
عشانك
خالتهم: هههههههه انت يا واد يا انس مكنتش اعرف انك بتاع مشاكل كده
سليم: لا ويقوله ده ظابط وممكن يقفلك المستشفى ،داخل بصدره
وناسي ان مريم تعبانه جوه وعايزين نلحقها
مراد مش معاهم فالهزار ،اتخنق مرة واحدة ومش عارف ليه لما قالت سليم
مراد: بس انا حابب اسمى ابنى مروان ( بص ل سليم برخامه) ده لو حضرة العقيد
ميكونش اتضايق
مريم: ايه مروان ده ! اسم سخيف ده انا حابة نسمى ابننا سليم
يا مراد
مراد: الله ! انا مش عاوز سليم ياناس انا ابوه
مريم: وانا مامته ومحدش تعب فيه زيي
انس: صلوا عالنبي !!! سموه فالشهادة مروان ونادوه فالبيت ب زعزوع القصب
مش حتة اسم الى هتقطعوا بعض بسببه ده
اسيا: انا عندى فكرة لو هتريحك انتى ومراد يا مريم ،اعملوا قرعه
والاسم الى يطلع يبقى هو
مريم: لا من غير قرعة سليم يعنى سليم
مراد قام من جنبها وهو مخنوق
مراد: يووووه !
اسيا قعدت جمبها ووشوشتها فودنها
اسيا: خلاص يا مريم بقى مروان مش وحش
متكبريش الموضوع انتى لسه والده وتعبانه
مريم: مراد بيعاند وخلاص يا اسيا انا عارفاه
اسيا: طب اهدى ونشوف حوار الاسم بعدين
انس: طب احنا مش هنمشى ولا هنبات هنا
سليم : مش عارف هندفع الرسوم وتقريبا البيانات ووو
مراد: هندفع الرسوم !!! قصدك هدفع انا الرسوم
ده ابنى والله
سليم: مقصدتش يا مراد فيه ايه
مراد: اصل عايز افهمك ان والله مريم بقت مراتى وليا طفل منها
خلاص فعصمتى مش عصمتكم زى زمان
سليم: وماله يا سيدى ربنا يباركلكم فبعض
انس: اومال يا جماعه فيه حاجه مرشوشه فالجو كلنا مش طايقين
بعض ولا طايقين نفسنا ليه
يلا شوفولنا الدكتورة دى يا جدعان خلينا نمشى
جو الفراخ والبيض ده بيخنقنى!
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
شنط متقفله ، وحجات بتتجهز
عشان عمرو مسافر خلاص ع شغله .بيلبس خلاص وطالع عالمطار..
بعد م خلص ترتيبات اخد ايد تبارك وقعد جنبها..
عمرو : هتوحشينى يا تبارك
تبارك: توصل بالسلامه ان شاءالله
عمرو: تعرفى يا تبارك بقالى اد ايه هنا فمصر
تبارك: تقريبا ...سنه!
عمرو : سنه سايب شغلى وكل حاجه ورايا عشان خاطرك
سنه من قبل فرحنا مرورا بفرحنا والى حصل فيه والى حصل بعده
وحتى الآن
سنه ...وانتى لسه بتعاملينى كأنى غريب عنك
عملت معاكى كل حاجه عشان تخرجى من حالتك الى انتى فيها
وبرضو زى م انتى
كام شهر وانا وانتى مقفول علينا باب واحد واحنا اخوات !!
عملت كل الى الدكتورة قالت عليه ، خرجها
فسحها
نسيها
متغصبهاش ع حاجه
حاولت كتير ارجعك معايا زى تبارك زمان قبل فرحنا
وانتى كل م اقرب جمبك ...مش عايزانى
وبتبعدى
انا عارف ان الى حصل مش قليل
وانك كنتى فصدمه
بس تعرفى انى انا ف اضعاف الى انتى فيه !
تبارك بترفع وشها له باستغراب
عمرو : ايوة متستغربيش ...شايفك بتتعذبي
عشان فى واحد مات ففرحنا كان بيحبك
كارهه قربي منك لمجرد ان اخويا كان السبب
بتكرهى قربي ع حساب ان فدماغك شخص تانى مات !!
طب استحمل اكتر من كده ليه يا تبارك ؟
انا تعبت
ومش قادر استحمل خلاص
انا مسافر ...وليكى القرار يابنت الناس
لو عايزة تطلقى ( وشه اتغير بعد الكلمه واخد نفسه بالعافيه) بلغينى
وانا عمرى م هغصبك ع حاجه
هبعتلك ورقتك ...
قام واخد شنطه ومن غير سلام ولا كلام
ساب البيت وسافر
وسابلها القرار لوحدها ،، تكون هى صاحبة الكلمه الاولى والاخيرة فيه
`·，`·，`·，`·，`·，`·，`·，`·，`·，`·，`·
"عثمان عبدالبارى وكيل نيابة سيدى بشر "
بابا نشوى : يا اهلا يابنى ..المنطقه كلها نورت
الشاى يا ام نشوى
عثمان: انا كلمت حضرتك بعد م عرفت
الرقم من العقيد سليم وجيه
عشان اخد ميعاد واقابلك
بابا نشوى: وماله يا حضرة وكيل النيابه
تحت امرك ف اى وقت
دخلت ام نشوى شاى وكيك
بابا نشوى : اتفضل
اخد بق من فنجان الشاى وحطه تانى مكانه
عثمان: انا حابب ادخل فالموضوع ع طول عشان مقلقش
حضراتكم
انا شوفت كريمتكم الانسه نشوى فحفل زفاف
العقيد سليم
وبصراحه وبوضوح اكتر ...جاى اطلب ايدها !
باباها ومامتها بصوا لبعض بفرحه جامده اوى وقامت مامتها
بعد م استأذنت ع طول ع اوضة نشوى ..
كانت هى بتلبس عشان تروح لسبوع ابن مريم
معمول تحت فشقه اهل مراد ..
نشوى: ادخلى يا ماما
الام( بتبوسها من خدودها) صبرتى ونولتى يابنتى
نشوى: فيه ايه ياماما
الام: عارفه مين جوه
نشوى: اه ضيف جاى لبابا
الام: ده ضيف عشانك انتى يا حبيبتى ، وكيل نيابه
ع سن ورمح
جاى طالب ايدك للجواز !!
ابتسمت ورجعت تانى فابتسامتها وفرحت فرحه متوترة
الام: شافك ففرح سليم واسيا وسال عليكى سليم
واضح كده يابت ان دايما مناسبات سليم وشها
حلو عليكى
المرة الى فاتت رائد
والمرة دى وكيل نيابه ..
خبط باباها ودهل
الاب: نشوى ...امك قالتلك طبعا
نشوى: اه يابابا
الاب: طيب انا خلاص اخدت عهد ع نفسي من ساعة الى حصل
انى مغصبكيش ع حاجه والى عايزة تعمليه اعمليه
ايه رأيك؟
نشوى سكتت
الام: وغلاوة امك عندك ...لاتفرحى قلبي يابنتى وتوافقى
البنات اصغر منك اتجوزوا وخلفوا
عشان خاطرى يابنتى
كان صوت هيصة سبوع مروان ابن مريم مسموعه .
الام: سامعه يابنتى ! دخلى الفرح بيتنا احنا كمان
نشوى: حاضر يا ماما ...حاضر يابابا
اروحلهم بس السبوع وارجع والى فيه الخير ربنا يقدمه
الاب: يعنى هتفكرى فالموضوع ؟ هو قالى ناخد رايك ونرد عليه
ولو وافقتى هيجيب اهله ونقرا فاتحه ونلبس دبل بالمرة
نشوى ( سكتت شوية وبعدها قالت)
استخارة وارد عليكم ...
`·，`·，`·，`·，`·，`·，`·，`·，`·，`·，`·
فالسبوع كانوا كلهم حاضرين ، البنات السته
ومريم طبعا مامت العريس الصغنن
واهل مراد
وسليم ومامته
وانس
وسمارى جدة وجدان
ومامت اسيا ولمى
وباقى عيلتين مريم ومراد
سمارى : يابنات امتى هتدوقوا له الهون وتقولوله
اسمع كلام امك ومتسمعش كلام ابوك
وجدان : ياستى خلاص ..دلوقتى والله لو دقوا الهون فدماغه
محدش بقى يسمع كلام حد
البنات : هههههههههه
سمارى: ليه هو هيطلع صايع زيك ولسانه متبرى منه
وجدان: خلاص الحمدلله معودتش صايعه لاقيت الى يلمنى ( بتبص ل انس)
انس: يلا يا مريوم
حلقاتك برجلاتك يوم ورا يوم يبقى بشنبات
البنات بقول يرددوا ورا انس وهما بيضحكوا
لمى : استنى والنبي لاعملها السبع دقات فالارض يلا يابت
اسيا: ايه يا معتوهه الى هتعمليه ده
لمى : ملكمش دعوة ، يلا يا مريوم
لمى قعدت عالارض تدق الهون وحطوا مروان فالمنخول المبطن بالتل
وبقت تخطى عليه مريم
والبنات يضحكوا ويارا بتصور فيديو
اسيا: عقبالك يا يورا ...بس الجواز الاول هههه
يارا: خلاص هانت يا سوووس ان شاءالله قرب يطلع زيي
وهنتجوز ع طول ان شاءالله
هو متفق مع بابا ع كده
خلصت لمى دق الهون والرقوة وقاموا يتصوروا مع مروان
لمى: صورنى ياض يا انس مع ميرو هنزلها عالانستا واقول ابن اختى عقبالى يارب
وجدان: عقبالك فالخطيه ! مفيش حاجه اسمها جواز الاول
دلق كده خلفه ع طول
حتى م عارفينلك عريس من ونيس من جليس
لمى: خلاص اكتمى عقبال تبارك واسيا خلاص ارتاحتى كده
وجدان: تبارك ازاى وجوزها سافر يا ام التخلف ، يارب موتها بقى
خدها عندك بئى
سليم جه جمب اسيا وميل ع ودنها بحب
سليم: عقبالك كده لما تجيبيلنا نونو حلو شبهك زى ده
اسيا( بصاله بابتسامه ) بس مروان شبهك انت
يبقى انا اجيب شبهك بقى ولا شبهى
سليم: هاتيه شبه عمو رأفت اى حاجه المهم نجيبه
اسيا( بتضحك بصوت عالى وسابها سليم وهو مبتسم ومسك
مروان يتصور معاه )
جت لمى جمب اختها
لمى: كان بيقولك ايه يضحكك كده هاه ! حاجه قلة ادب صح
اسيا: يلالاااهوى اتلمى يابت
وهما متجمعين ياخدوا صور ويضحكوا ويفرقوا السبوع ، انس جاله فون
طلع للبلكونه وهو بيرد وهو ضامم ايده عالمايك
وجدان اخدت بالها ...
راحت وراه من غير م يحس ولا ياخد باله
انس: ايوة ! شغاله تن تن تن عايزة ايه
وجدان واقفه وعرفت من الكلام انها بنت
انس: وحشتك ده ايه ؟
يابنتى م خلصنا بقى ايه الجنان الى جه عليكى فجاة بعد م خطبت
قولتلك انك زى اختى والمصحف
وجدان سامعه وساكته
انس: مممم هنفضل صحاب ماشى هتقدى تلتى وتعجنى فكلام غبي
يبقى متتصليش تانى
وانتى من اهله ياختى
قبل م يطلع لهم كان بيمسح الاسم والمكالمه
وجدان كانت دخلت ومسكت الفون من ايده وابتسمت له
وجدان : متمسحش المكالمه ، انا سمعتك ع فكرة
انس: ع فكرة دى واحدة يعمى بتستهبل وكده
وجدان( مبتسمه) وبتمسح المكالمه ليه
انس: خوفت لا تشوفيها ويحصل بسببها مشكله
وجدان: ( بصاله بحب ومبتسمه) بعد كده متمسحش حاجه ومتداريش
حاجه
انا بحبك
وواثقه فيك
وواثقه فحبك ليا
قولى ع كل حاجه ومتخافش ...احنا اصحاب قبل م نكون مخطوبين ومرتبطين ببعض
انس( بيبصلها بتسبيل) طب قولى انا بحبك تانى كده
وجدان( اتكسفت وضحكت) ايوة بحبك ايه ( ضربته فكتفه)
انس: بتحبينى بس ؟
وجدان(ضربته فصدره) وبموت فيك ( ضربته فراسه) وبعشقك
انس: سمعنى سلام انت حبي الوحيد
من الليلة قلبي سعيد
وجدان : هههههههه بس يالا
انس: شكلها امى دعت قبل م تفيص ،قالت روح يا واد يا انس
يوقعك فبت تجننك وتهبلك وتموت فيها وتهريها بوس ( رايح يبوسها)
وجدان( بتبعده ) بس يامجنون يلا بينا ندخل
دخلت سمارى
سمارى: انتى هنا يا مسدوحه وانا بدور عليكى
انس: هى ستك ظابطه نفسها علينا ،انا بدأت اتخنق منها
وشكلى هقلبها من البلكونة الى احنا واقفين فيها دى
وجدان( كاتمه الضحكة) حاضر ياستى جايين وراكى اهو
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
`·，`·，`·，`·，`·，`·，`·，`·，`·，`·，`·
زى م يارا ربنا شفاها تماما من المرض وبقت تروح تعمل تشيك اب كل اسبوع
ك اطمئنان
ياسين كمان ربنا عافاه والمرض مبقاش له اثر فجسمه
وخرج..
يارا كانت فالسنة الاخيرة فالدراسة وفى ايام الامتحانات ، اتفق ياسين
مع والد يارا انها بمجرد م تنتهى الدراسة وتتخرج يتجوزوا.
باباها وافق طبعا لانه حاسس بيهم ونفسه يعيشوا فترة حلوة فحياتهم
بعد كل الى شافوه ..
فتجهيزات شقتهم كان ياسين مشغول لوحده ،ياسين من عيلة ميسورة
الحال فكل حاجه كانت بتيجى بسرعه ..
وفيوم اتفاجئوا برقم غريب بيتصل بيهم هما الاتنين .
مذيعه من قناه معروفه حابة تلتقى بيهم بعد م عرفت القصة
فجواب بعتته زهراء الممرضة عالبرنامج
كان نفسها تعمل اى حاجه تفرحهم ، كلمتهم ووافقوا عالفكرة
وانهاردة
فيوم اللقاء التليفزيون ،البنات كانوا مع يارا عشان يسندوها تطلع
عالتليفزيون وهى مش خايفه
ظبطوها وهيأوها وخلوها زى القمر
وبعد م بدأ تسجيل البرنامج ،كله هوس اسكت
ومفيش غير صوت المذيعه ..
المذيعه : انهاردة ،قصة جديدة
قصة حب
بدات فمستشفى لعلاج الاورام
انا مش عارفه ابتدى ازاى ،الحقيقه انا منبهرة بقوة ارادة الاتنين دول
ازاى حبوا بعض فالظروف الى كانوا فيها
ازاى اتحدوا المرض
ازاى واجهوه
واخيرا انتصروا عليه ...وحاليا بيجهزوا لفرحهم
معانا ومعاكم
يارا وياسين ...اهلا وسهلا
ياسين: اهلا بيكى
يارا ساكته ومكسوفه
المذيعه : هتبتدى انت يا ياسين تعرفنا الحكاية ولا نسيب يارا تحكى
يارا ( بصوت مكسوف) لا انا مش قادرة انطق( بتضحك وبتدارى وشها)
المذيعه: واضح ان يارا مكسوفه ...طب نبتدى بيك ياياسين
ياسين: الحكاية ابتدت انى كنت بتعالج من كانسر فالقاولون
من قبلها فالمستشفى بسنه ونص
وفيوم كان اول يوم اشوفها فيه ...كانت قاعدة فاتحه المصحف
وشها جميل اوى وهادى
لفتتنى وقعدت جنبها
يارا بصوت هادى
يارا: كنت بقرأ سورة ياسين صدفه
المذيعه : ياه سورة ياسين ...المبشرات باينه من الاول ههههههه
الجمهور فالاستديو والبنات ضحكوا
ياسين: بعدها اتكلمنا كتير ،وبقينا نحكى سوا
وفجلسات بعض بتاعت الكيماوى والاشعاع بنسند بعض
المذيعه: ياااه ،حلو اوى انكم من الاول كنتوا ساندين بعض
يمكن ده الى ساعدكم تخطوا مراحل صعبه سوا
ياسين: طبعا ،كل حد فينا قوة ارادته كانت كبيرة عشان التانى
روحنا كانت مرتبطه ببعض اوى لدرجه لو حالتنا اتاخرت
بتتاخر سوا ولو اتحسنت بتتحسن سوا
المذيعه : قوليلى يا يارا ، ايه الحاجه بعيدا عن علاقتك بياسين
ايه الحاجه الى قوتك تتغلبي عالمرض ؟
يارا: الايمان ...
قوة ايمانك بان ربنا مش هيسيبك ،واختبرك انت وبس بالاختبار
ده عشان حبك
انا بسبب ابتلائى بمرض السرطان ، عيشت حياة كانت اجمل بكتير
من حياتى برة المستشفى
بيبقى فعلا الاختبار بيبان قوى وجواه رحمه
المذيعه : الله ! الله يا يارا
عندك حق
مش كل حاجه ربنا بيديهالنا بنعرف الهدف منها ايه غير بعدين
هنطلع فاصل ونرجع تانى لاجمل قصة حب
عرفت معنى الصبر والامل
جوة مستشفى الاورام ...راجعين تانى متمشوش
الجمهور سقف وطلعوا فاصل ....
`·，`·，`·，`·，`·，`·，`·，`·，`·，`·，`·
وبعد فترة ..
كانت لمى ع ميعاد مع احمد هياخدوا قرار نهائى فعلاقتهم سوا ، كالعادة
قالها تستناه فالعوامه عشان يعرفوا يتكلموا براحتهم و ع رواق لانه خلاص وصل
لحل وهيتشاوروا فيه .
راحت والفرحه مش سيعاها ،حبها الاعمى بيهيأ لها ان دى احسن علاقه فالدنيا
وانها معاه اكتر واحدة سعيدة وعمرها م هتنبسط مع غيره
ومش عايزة ترتبط بحد تانى خلاص ...
مش طفولة ولا براءة ،بس العمى بيخليها تعمل كل مرة نفس الحجات
الى بتوقعها وتغرقها اكتر وهى مش حاسه
راحت هناك وجابت اكل ديليفرى احتمال يتأخر وتاكل ، كعادته
من يوم م عرفها اتأخر عليها
عدت ٤ساعات وهى مستنياه!!
فضلت تلف تلف حوالين نفسها لاهى عارفه تروح
ولا تقعد ...واتخنقت
اكلت الاكل وجاعت ، راحت تشوف فالتلاجه الصغيرة الموجودة
اذا كانوا اصحاب العوامه جايبين فيها اكل ولا لا
فتحت لاقت معلبات
وازازة غريبة كده مكتوب عليها بالانجلش
شدتها واخدتها وخرجت قعدت برة قدام التليفزيون
كلمها احمد
احمد: انا عارف انى اتاخرت خلاص انا جاى اهو
لمى( عوجت بوقها) عادى يا احمد م انت عودتنى
قفلت معاه وهى بتقلب ففونها والتليفزيون ، زهقت
مسكت الازازة وقالت تدوق فيها ايه
داقت لاقت طعمها غريب وصعب كده ميتحملش ،بس جرائتها شدتها تشرب تانى
وتالت
لحد م اتعودت ع طعمها وبقت تشرب فيها عادى
نص ساعة واحمد جه !
احمد: معلش يا لمى مكنش قصدى التاخير
وقفت وهى مش ع بعضها وهى بتضحك ضحك هيستيرى
لمى: هههههه عادى
ده العادى بتاعك معايا اصلا
دايما تتاخر وتركنى كده ع جنب
وهترجع تلاقينى برضو
احمد( استغرب لها) فيه ايه يالمى مالك
لمى: مالى ...انا كويسة اهو
عارف ( بتطوح وماسكه الازازة) انا لاقيت الازازة دى
وشربت منها وطلعت ازازة روشه طحن
احمد( اخد منها الازازة بعنف) ايه ده ؟ انتى شربتى من دى
ده ويسكى
لمى( بتضحك ضحك عبط هيستيرى) ههههه بجد ! يعنى انا كده سكرانه؟
طب والله حلو اوى ده
فضلت تسقف زى الهبله وتضحك
احمد ( شدها) تعالى افوقك بالميه
لمى: تفوقنى ليه مانا حلوة اهو
احمد: حلوة ايه ،انا مش عايز اشوفك كده
لمى : ( بعيون مدمعه) انت مش عايز تشوفنى اصلا
احمد: محبش اشوفك كده يالمى تعالى افوقك
لمى( دموعها نزلت) انت مبتحبنيش اصلا
احمد : فيه ايه يا لمى م تفوقى بقى
لمى: مكانش قصدى اشرب من البتاعه دى
بس ( بتطوح) الناس الى بتقول ان الشرب بينسي
غلطانين
انا شربت اهو وافتكرت كل حاجه
عارف افتكرت ايه ؟
افتكرت انى بقالى سنين متعلقه معاك لا طايله سما ولا ارض عشان بحبك
افتكرت انى كل اصحابي اتخطبوا واتجوزوا وفرحوا وانا الوحيدة الى
مش عارفه ابدء حياه مع حد ولا اسيبك
وافتكرت انك محبتنيش حبيت بس شقاوتى الى عيشتك سنك
بس انت بتحب مراتك
وولادك
افتكرت انى غبيه عارفه انك بتتسلى بيا ومع ذلك مكمله
روح امشى ( وقعت وهى سكرانه )
احمد: قومى يا لمى قومى افوقك وتروحى
لمى( زقته) ملكش دعوة بيا اوعى ! هما بيفعدوا ينصحونى اسيبك
وشايفين دايما انى مغفله وحمارة عشان مكمله معاك
بس ميعرفوش يعنى ايه قلب لما يحب
لو عرفوا ده مكانوش حذرونى منك ( بتعيط)
اوعى
ابعد عنى ملكش دعوة بيا
انا بكرهك
احمد: خلاص يالمى مينفعش تفضلى بالمنظر ده
لمى: وانت من امتى بيهمك منظرى ! اوعى ابعد عنى
انا بكرهك ومش عايزة اشوفك تانى
بتضربه فصدره وهو ساندها لاتقع
احمد: انتى بتكرهينى وانا بحبك
لمى: كداب انت عمرك م حبتنى
احمد: والله بحبك
لمى: اوعى سيبنى سيبنى اقع عالارض ونفوخى يتفتح
وانساك بقى يااخى
احمد: لا مش هسيبك ...لمى
انا بجد بحبك وانهاردة كنت جاى اقولك ع حل لينا
لمى: اوعى انت كداب ( بتزقه)
احمد( بيبوسها فخدها ) عشان خاطرى صدقينى المرة دى
صدقينى
بعد خدها نسى نفسه وبدأ يبوسها فعلا ،وبعد م لمى كانت منهارة
سكتت واستسلمت
وهى بتتهاوى عالارض نزل قصادها وهو ماسكها ، واستسلام لمى المرة دى
مكانش العادى
لكن كان استسلام الندم !!
，`·，`·，`·，`·，`·，`·，`·，`·，`·，`
استنونا بكرة ان شاء الله
#نوتيلا
#نورإسماعيل
，`·，`·，`·，`·，`·，`·，`·，`·，`·，`
ليست هناك تعليقات:
إرسال تعليق