روايةツ
نوتيلآ ❥❥
الفصل (39
， `·，`·，`·，`·，`·，`·，`·，`·，`·，`·，`·
فى بلاد الدهب والماس ..
زى م بيتقال عنها ، بلاد النوبة
اصحاب البشرة السمرا والقلوب البيضا ...اختاروا عصافيرنا الحلوين
يقضوا الهونى مون بتاعهم فيها ..وكان ده طلب العروسه 😉
وصلوا لهناك ...واخدوا مركب شراعية لحد الفندق الى نازلين فيه
ياسين كان مرتب كل حاجه
وعامل كل ده مفجأة ليارا ، نزلوا ولاقوا فيه فرقة نوبيه شباب وبنات بلبسهم
المميزين بيه وطريقه غناهم الحلوة
بيزفوهم لحد الفندق ،رقصت يارا بفرحه ماسكه ايد ياسين
ومهيصة عالاخر
وياسين كان فرحان اوى لفرحتها ...وصلوا الفندق وحطوا الشنط
وقالوا يستريحوا
لكن يارا كانت داخله عالحامى من الاول ،فتحت الباب الازاز للبلكونه
ووقفت تتفرج ع منظر النيل والمراكب الشراعيه
يارا: الله يا ياسين بص
جه ياسين وشاف ووقف حاضنها من ورا وهما باصين
يارا: ياسين ...اقرصنى حاسه انى بحلم
ياسين: متهونيش عليا اقرصك ... بس اثبتلك ازاى ان الى احنا فيه
مش حلم
يارا: معرفش ،بس حاسه انى عايزة اطير واطير
عايزة اتنطط كده وارقص
احنا خلاص اتجوزنا يا ياسين ...اتجوزنا وبقالنا بيت يجمعنا
بعيد عن المستشفى
وبعيد عن بيت بابايا
ياسين: وان شاءالله ربنا يمد فعمرى عشان بس اسعدك
انا عرفت ناس كتير
لكن معشتش السعادة غير ع ايدك
يارا: بحبك اوى يا ياسين ...اوى
حضنوا بعض
ياسين: طيب هطلب الغدا ، ونرتاح من السفر
وبعد كده نشوف ورانا ايه
يارا سكتت وبصت للنيل، ميل ع خدها وباسها بهدوء
ياسين : عايزانا حبيبتى ننزل دلوقتى ...انا عن نفسي جاهز
يارا: بجد مش تعبان ؟
ياسين: لالا خالص ، ده انا عامل علشانك بروجرام وهمى
يارا( طبقت ايدها بايده بحب ) شوقتنى
ياسين: طب يلا بينا
"قرية غرب سهيل "
كانت اول مكان يروحوه ، مكان ساحر وجميل قرب مبنى خزان اسوان القديم
المكان بطابعه النوبي بالرسومات والنقوشات الى عالبيوت
زائد العادة الغريبه عند سكان المنطقه دى وهى اكتر حاجه بتجذب الناس
تروحلها هى تربية التماسيح فبيوتهم عادى .
انبهرت يارا بالى شيفاه ، ولسه مخدتش نفسها ووداها ياسين
على جزيرة هيسا
استغربت اوى لما شافت يارا بعيونها ان اهل القرية دى لسه بيعيشوا عيشة بدائية
جدا وبسيطه اوى
واحلى حاجه فاهل القرية دى انهم طول الوقت بيعملوا حفلات بيغلب عليها الطابع الفلكلور
النوبي
ورقصهم واغانيهم الجميله الى بتميزهم ،بتجبر اى حد يغنى ويرقص
ويحس بالفرحه .
تعبت يارا من اللف ،رجعت عالفندق استريحت هى وياسين شوية
وقاموا بليل
لبسوا واتشيكوا
وعلى متحف النوبة ...علامات الانبهار ع وش يارا وهى بتتفرج ع الاثار الفرعونية النوبيه
القديمه وطريقة الكلام واللهجه النوبيه
وكمان كان فى شرح لعادات وتقاليد اهل النوبة ،كانت بتسمع يارا وهى فرحانه وبتبص لياسين
ولمعان عيونها عرف ياسين ان لحد دلوقتي بروجرام رحلته فشهر العسل ليارا
نجح عن جدارة
فى "جزيرة اجيليكا " بقى كانوا مستمتعين وهما بيشوفوا آثار
فيلة القديمه بعد م غرقها النيل ، وطبعا يارا كانت بتسمع المعلومات من المرشدين بعناية
عشان تعرف معلومه عن جمال البلاد دى
وفالسهرة
كان معادهم مع عرض الصوت والضوء المستمر اصلا فالجزيرة دى ...حاضرين
العرض
ايديهم مشبوكه فايدين بعض مبسوطين ومرتاحين وبيعيشوا اجمل ايام حياتهم سوا .
， `·，`·，`·，`·，`·，`·，`·，`·，`·，`·，`·
بعد م اسيا خلصت محاضراتها ، خارجه مع بعض زميلاتها
لاقت سليم قدام الجامعه واقف بعربيته ليها عاملها ليها مفجأة ..
اسيا: ايه ده سليم
زميلتها: جوزك !
اسيا: اه ...بس مقالش انه جاى
عن ادنكم يابنات
زميلة ٢: اه طبعا من حقك ،لازم تنفضى
كفاية هيبته يابنتى
زميلة١:بطلى قرر
اسيا راحت لسليم مبتسمه ..
اسيا: انت مقولتش انك جاى
سليم(مبتسم) حبيت اعملهالك مفجاة ، يعنى نغير انهاردة
ونتغدى برة سوا
اسيا: وايشمعنا انهاردة
سليم: اصلك ..وحشتينى ( مبتسم)
اسيا(ابتسمت مبسوطه) اوك ...يلا بينا
سمك مشوى ،ورز صيادية وسلطات بانواعها
وشوربة سى فود
واتنين عصير
سليم( للجرسون) ميرسى ...
انا ميت من الجوع ( بيمسك الشوكه والسكينه)
اسيا: وانا كمان ...انت جيت فالوقت المناسب
سليم( بياكل) كنتى هتتغدى فين
اسيا: مع البنات زميلاتى مش عارفه كنا لسه هنقرر
سليم : طيب حبيبتى كلى بالهنا
بياكلوا وساكتين ،جه ل اسيا فون
كان من مامتها
الام: متعرفيش تعدى هنا شوية تشوفى اختك لانى خلاص غلبت معاها
اسيا( بصوت واطى) حاضر يا ماما هحاول
الام: انا تعبت من لمى خلاص يا اسيا
سليم ملاحظ توترها وهى بتتكلم بس بياكل وهو ساكت ،قفلت وحطت فونها
قدامها ورجعت تاكل
سليم: فيه حاجه عندهم ولا ايه
اسيا: لا عادى ...
سليم اتضايق انها مش بتحاول تتكلم معاه او تشاركه حاجه ..
سليم : عايز اقولك ع حاجه مش عارف هتبسطك ولا لا
اسيا: ايه هى
سليم: هحاول اخد كام يوم اجازة من الشغل ونطلع نسافر اى حته
اسيا( مستغربة ) ليه؟
سليم: احنا معملناش شهر عسل ،واهو تغيير
اسيا: ممم ...
سليم: عجبتنى فكرة يارا صاحبتكم وجوزها انهم راحو لاسوان والنوبة
بلد جميلة وهيتفسحوا بجد وجوه مصر
اسيا: وانت عرفت منين ان يارا فالنوبة ؟
سليم: مريم قالتلى ...ماهو انتى مبتحكيش يا اسيا !
الكلمة الاخيرة الى قالها كان عنده حق فيها ، وحست اسيا فعلا
انها مش بتحكى معاه ف اى حاجه بعيده ولا قريبه .
اسيا: عادى اصل بقول انك ملكش علاقه يعنى بالحكايات دى
سليم: ازاى بقى ، البنات فالعمارة يبقوا اصحابك واخواتك
وانتى مراتى والى بيهمك يهمنى
احكيلى عنك بتعملى ايه فيومك فشغلك وفالدراسه
موضوع قالقك تعالى نفكر فيه
اسيا: الفكرة اننا بنتقابل بس وقت صغير بليل يدوب
هحكى واصدعك مش كفاية شغل والتعب الى فيه .
سليم: بالعكس ، كده احنابنقرب لبعض اكتر يا اسيا
وفيها لما تحكيلى يومك والحجات الى تهمك حتى لو شايفه انها متعنيش ليا
حاجه
بس مهمين ليكى
انا شريكك حبيبتى فكل حاجه
اسيا: عندك حق ،يمكن مخدتش بالى
هى بس مريم ليها فالرغى وده حصل وده قال وده عاد وانا مبعرفش
( بتضحك بكسوف)
سليم: لو مضايقك انى بحكى مع مريم كتير ....
اسيا: بالعكس انت بتهرج ! دى اختى ولا ناسى
سليم: لا طبعا مش ناسى
اسيا: وبعدين انا عارفه انتوا مرتبطين ببعض ازاى
وعشان كمان هى مش هنا
فغربة
الله يكون فعونها
سليم: يارب
رجعوا للسكوت وخلاص خلصوا اكل
سليم: اطلبلك حاجه للحلو
اسيا: لا ...ممكن نسكافيه بس مصدعه
سليم: ليه سلامتك ...
اسيا: مش عارفه عادى الصداع رفيق يعنى
ابتسم سليم وطلب ليها وله نسكافيه
شربوه وقايمين
وفالعربية
اسيا: ودينى بيت بابا يا سليم ،وهروح شوية كده
سليم: حاضر
وصلوا للعمارة وقبل م تنزل اسيا
اسيا: ع فكرة ...مش لازم تاخد اجازة عشان الهونى مون
انا الفترة دى عندى محاضرات مهمة
زائد ان انت كمان شغلك محتاجلك
سليم فضل باصثلها بخيبه امل ...ورد
سليم: زى م تحبي ..
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
لابسة عباية بيضا ، وحجاب ابيض
وماشية وسط زرع وخضرة وورد
ومبتسمه ريحة الورد فالحلم
كانت مخلياتبارك مبسوطه اوى
من بعيد عمرو جاى وماسك شنطه معموله من الخيش
القديم
قرب منها وطلع رغيف عيش شكله طازة وسخن
عمرو مد العيش ليها ، وتبارك اخدته وبتقطم منه
تبارك: مش بيتاكل ( بترجع الرغيف لعمرو )
عمرو زق ايدها بالعيش تانى لبوقها ، تبارك بتحاول تقطم
مش عارفه
بتحاول تانى وتالت،اخد منها عمرو الرغيف واكل منه عادى
قطم قطمه واتنين وتلاته
وادهولها تانى ، اكلت من وراه كويس !
واتقطم معاها عادى
ابتسم عمرو وطلع من جيبه عمله فضيه شكلها
حلو وبتلمع
كانوا اتنين ،جاب دوبارة من الكيس الخيش وشبك العملتين
فيهم ولبسهم فرقبة تبارك وحضن بايده ايدها
وكملوا الطريق الى كانت ماشية فيه تبارك لوحدها
سوا ...
الام: تبارك ....قومى ياتبارك
تبارك بتفوق من الحلم الجميل ، مبتسمه ولسه
بتستوعب انه كان مجرد حلم
تبارك: صباح الخير ياماما
الام: صباح الخير ايه ،الضهر اذن
وراحت عليكى صلاة الفجر والضحى
تبارك( اتعدلت ) ياخبر ! هو انا نمت كل ده
الام: انا قلقت لما لاقيتك نمتى كل ده
يلا فوقى وصلى وافطرى وتعالى ساعدينى
تبارك حاضر ياماما جاية وراكى اهو
قعدت تبارك ع حرف سريرها بتسترجع حلم الاستخارة بتاعها
دى مش اول استخارة
تبارك صلت تلت ليالى بتلت استخارات ...وعملت فاصل وصلت تانى
تلات ليالى وعملت فاصل
فترة ورجعت صلت تانى وحلمت الحلم ده ...جابت فونها
وجابت اسم عمرو
وهى بتبص ع رقمه جت عنيها ع الصورة الى حطاها لما يتصل
صورتهم فكتب الكتاب وهى مميلة فالارض وماسكه بوكية الورد
وهو بيبوس جبينهابحب .
فضلت سرحانه مع الصورة وهى بتتأمل وش عمرو
ولاول مرة من يوم فرحهم يغلبها الشوق والحب لعمرو وتقول
تبارك: انت وحشتنى ...اوى
， `·，`·，`·，`·，`·，`·，`·，`·，`·，`·，`·
"هات واحدة كابوتشى موڤ وواحدة خضرا "
البياع: الاتنين ب ٣٠
وجدان: ٣٠ليه ! ٣٠عفريت لما يتنططوا
قدامك هنا اهو قدام الفرشة الى انت فارشها
هما ٢٠جنيه ومفيش جنيه طالع برة البورتفلى بتاعى
البياع: لا معلش يا مزمزيل
وجدان: مزمزيل ! احسن عنك م بعت
فونها رن وكان انس
وجدان ( بتبرطم قبل م تفتح ) جاتك نيله الهى تولع بالكرنب الى
فقفاك ( ردت ع انس)
وجدان: الحب الحب
انس( متعصب) وجدان ! ايه البوست الى انتى منزلاه ده
وجدان: بوست ايه ياخويا فين انا بشترى كابوتشى
هعمل كول سلو
انس: وجدااان !(بزعيق) مبهزرش
وجدان: وانا وحياة بابا بتكلم جد
انس: انتى منزله بوست من ٣ساعات وكاتبه فيه يوما ما سنرقص
سويا
وواحد رادد عليكى بيستخف بروح امه وكاتبلك او نطبخ سويا
وواحدة من صاحبك عاملة كومنت
وواحد ظريف وراها كاتبلك سنرقص ايه ده انتى مسلوعه
وحضرتك عاملة ريبلاى عليهم وهاتك يا ضحك وكركر ومرمر
ونهارك طين ان شاء الله
وجدان: استنى استنى ...ده عماد ابن عمتى الى كاتب الكومنت الاخير
والاولانى ده واحد زميلى فالجامعه
انس: بلا زميلى بلا عمتى مين دول
وجدان:ابن عمتى فوزية
انس: يلعن فوزية ع ابنها فساعة واحدة ،وزميل ايه يا بت !
ثوانى
والاكونت ميبقاش عليه صنف دكر
والا والله
وجدان: استنى متحلفش ، هولع فيهم كلهم بس متزعلش
حاضر
عندى استعداد اقطع علاقتى بمارك ذوكر برج شخصيا
بس انت متزعلش
انس هدى شوية
وجدان: ياختى كمالو غيرانه البطبوطه
انس: غيرانه؛! انا الدم غلى فنفوخك
وقال انتى مسلوعه ومش مسلوعه هما مال اهاليهم
والله يا وجدان م تقرفينى كتير لاكلك علقه اعرفك ان الله حق
وجدان: طب خلى العلقه لما نتجوز ياسى السيد عشان
لما تاكلنى دلوقت منظرى هيبقى عروسة مشووهه
انس: اصبرى عليا بس
وجدان فرحانه انه بيغير وشغاله تتنطط اوى فمكانها
انس: واخلصى يابت اشترى حاجتك وطيران عالبيت
وجدان: عنيا حاضر
انس: انجزى( بزعيق يضحك)
وجدان: انا مشيت اهو ،انا هناك اصلا
انس ضحك وهى ضحكت
وجدان: ايوة اضحك يا زميلى
بلا عمتى بلا خالتى
انا ماليش غيرك اساسا جدا يعنى
انس( مبتسم وعامل نفسه زعلان ) عارفه ، رؤوف والست الطاهرة
الله يرحمها ملحقوش يربوكى
وانا بقى الى هربيكى
وجدان: وماله ....انا فداك
بحبك يا حتتى
انس: وانا بموت فيكى يا موزتى ( افتكر انه زعلان) ايه ده
انتى هتضحكى عليا ؟
يلا يابت عالبيت
وجدان: اوامرك ياباشا !! اهو بالخطوة السريعه
انس قفل معاها وهو بيضحك وهى كمان كانت مروحه وهى
كمان كانت مبسوطه بغيرته
وانها عرفت تعالج الموقف لانه كان ع اخره
وطول عمرها كانت بتحلم بكل ده ، وكل يوم بيعدى عليهم
بيزود حبهم فقلب بعض اكتر واكتر .
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
" يا دبلة الخطوبة عقبالنا كلنا ...ونبنى طوبة طوبه فعش حبنا
نتهنى بالخطوبة ونقول من قلبنا
يا دبلة الخطوبة عقبالنا كلنا "
الدبلة بتتحط فصوباع نشوى ، وهى مكسوفه وبتبص
حواليها عالبنات
واسيا بتطبطب عليها وفرحانه
وعثمان بيتناول بقية الشبكه بيلبسها ، ولبسته هى دبلته وهى ميته من الكسوف
وجدان راعى الرسمى الصور شغاله تصوير فيها هى وعثمان عريسها
والدور عليها تشتغل منازل
قامت وللاسف المرة دى مكانوش الست بنات كلهم خواليها
زى م اتعودوا سوا
يارا لسه فالهونى مون بقالها شهر ونص سابت النوبة وطلعت عالغردقه
مريم طبعا فروما ومقدرتش تنزل
وفضل وياها وجدان واسيا وتبارك ولمى !
بس لمى مكانتش زى عادتها ،مش مفرفشة
مش مبسوطه
لكن كانت وياهم وبتحاول ترسم انها فرحانه
شبكوا ايديهم سوا ولفوا حوالين نشوى وهى بترقص عليها ،وفوجئ
عثمان وعيلته ان نشوى رقصها حلو
وان كل الهدوء ده بيخبي وراه انثى بجد !
مامت نشوى دموع الفرحه مبطلتش من ع خدودها
وباباها كان فى اسعد لحظاته واخيرا ارتاح باله ..
رقصوها واول ب اول وجدان بتبعت الصور ل مريم ويارا
وجدان: بت يا نشوى ...قمر خطيبك
تبتى فيه بايدك وسنانك
اينعم اسمه اسم بواب مش وكيل نيابه ابدا
بس هو موز الحياه بصراحه
اسيا:هههههههه لسانك بقى اطول منك يا ويچا
وجدان: لاهو من زمان طولى زاد شوية ولا ايه
تبارك: هههههههه اسكتى يابت ، اهو دلوقتى
نوشابقت قريبتكم يابنات
وجدان: ازاى ؟
تبارك: عريسها صاحب سليم
وسليم جوز اسيا وابن خالةانس
وانس خطيبك يا ويچا
يعنى كده كلكم معارف اكتر من الاول ب ازواجكم
وجدان: عارفه تبان كهينه وسهنه بس بتفهم
نشوى: يابنات انا بجد حلوة ؟
اسيا( بتحضنها بحب) وحياة ربنا قمر
وجدان: اسكتوا قبل الخطوبة مريم بتقولى اوصيفيلى
عريس نشوى
قولتلها يعنى انتى مخدتيش بالك منه ففرح اسيا وسليم
قالتلى لا
قولتلها ابيضانى وشعره ناعم ومسبسب ياختى وتقاطيعه نونو
نونو
قالتلى والله صابت نشوى
نشوى: ههههههههههههه
تبارك : طب بطلوا رغى وسيبوها تقعد مع عريسها ...
مشيت نشوى وقعدت مع عثمان ، واسيا لاحظت ان لمى واقفه
بعيد بتبص بحزن ومش مشتركه معاهم فالكلام
اسيا: ايه يالم لم فين شقاوتك ، مش متعودة عليكى هادية كده
لمى: عادى يا اسيا ...يمكن عشان ( وشوشتها) هى لما بتبقى عندى
ببقى مخنوقه م انتى عارفانى ومبعرفش اتحرك كتير
اسيا: طيب ياحبيبتى ...انا بس شيفاكى متغيرة بقالك فترة
ومعرفش مالك
لمى : متاخديش فبالك ...فترة وتعدى ( فونها رن) هخرج ارد
خرجت واسيا بتبصلها وجت تبارك قعدت وياها
اسيا: البت دى فيها حاجه ومش راضبة تحكى
ببقى قاعدة بفكر فموضوعك وانك عايزة تتطلقى
وفلمى
وفغربة مريم برة وشكوتها من معاملة مراد الوحشة
وخوفى ع يارا لا يحصل حاجه تانى وفرحتهااتنكسر
وم صدقت اتطمن ع نشوى
كل ده يقعد يدور فدماغى بليل ، وللاسف سليم بيلاحظ سكوتى
وسرحانى
مبعرفش لا اسرحله ايه السبب ولا احكى معاه
فبسكت .
تبارك: لا يا آسيا ، احنا بنقول انك اعقل مافينا
واكتر حد بيتصرف بمنطق زائد حنيتك
سليم مالوش ذنب فكل ده ، مالوش ذنب اننا ناخدك منه
حتى فالساعتين الى بتاخدوهم سوا
احنا وربنا هيخلق فقضاه رحمه لينا
وشيلانك همنا مش هيغير من حالنا حاجه
لكن جوزك له حق عليكى ...
اسيا سكتت وردت
آسيا: عندك حق ...حاسة بجد انى مقصره وياه .
， `·，`·，`·，`·，`·，`·，`·，`·，`·，`·，`·
مريم بقت بتعانى من تغير فمعاملة سليم ، لما حكت مع البنات وخالتها
قالولها انه ممكن بيغير من علاقتها بيهم كلهم وبسليم عالاخص لانه راجل
وهى مرتبطه بيه اوى .
نصحوها كلهم نفس النصيحه بس بطرق مختلفه
انها تحتوية اكتر
وان فوجوده يكون كل الوقت له هو وبس .
مريم بقت تعمل ده فعلا ، لكن انهاردة
كانت مقررة تغير المود شوية ..كانت بتتكلم هى ويارا سكايب
وبتطمن عليها ..
وسالتها انها حابه تغير المود تعمل ايه ؟
ولان يارا لسه عروسة جديدة وفى احلى لحظاتها الرومانسية
فكان عندها الفكرة ..!
خرجت من بدرى بعد م نزل ، راحت لبيوتى سنتر
بقت تعرف شوية ايطالى زائد الانجلش
عرفت تتعامل معاهم ، غيرت لون شعرها
وجابت دريس جديد ، روحت نضفت البيت كله
اكلت مروان ونيمته
اخدت دوش ولبست الدريس ،عملت ميكاب وتسريحه شعر رهيبه !
ولعت شموع فكل حته
حضرت الاكل عالتربيزة السفرة
وشغلت اغانى رومانسى ...واستنت مراد
فاليوم ده اتاخر مراد عن مواعيد رجوعه ، سخنت الاكل كذا مرة
وصحى مروان كتير وعذبها لحد م نام تانى وبهدلها شويه
رجعت ظبطت نفسها من تانى واستنت ...
وجه مراد !
مراد : ايه ده ! الكهربا شغاله
اومال ليه الشموع دى
مريم ( مبتسمه وحضناه) لا انا عاملة جو كده رومانسي
مراد : ( هز راسه) ممممم ،لا افتحى النور واطفى الشموع
كده مروان ممكن يتخنق
دخل ومخدش باله من لون شعرها واللبس ،دخلت وراه
مريم: مقولتش يعنى حاجه
مراد ( بيغير) على ايه
مريم( لفت حوالين نفسها) عليا
مراد : لون شعرك يعنى
مريم: والفستان ...ايه مش عاجبك ؟
مراد : لا لون شعرك الاصلى احلى ، الاجانب حوالينا اهو
الاصفر مش حلو فيكى
مريم لمت ابتسامتها بحزن
مراد: والفستان متخنك اوى بصراحه ، اصلا يا مريم
اتخنتى بشكل بشع بعد م خلفتى
انا هبقى اشوفلك چيم تروح تلعبي رياضه
كده مش هينفع
مريم كشرت واتكسفت وفرحتها راحت ، لاحظته انه غير ودخل الحمام وخرج
راح عالسرير
مريم: طيب مش هتاكل ...انا عامله اكل انت بتحبه هيعجبك
مراد: لا انا اتاخرت برة فكلت ،كلى انتى لو عايزة
تصبحى ع خير
سابها ودخل فالسرير نام ...راحت شالت الاطباق
وهى بتتنهد بحزن
فكت شعرها وغيرت الفستان
وطفت الشمع وهى بتمسح دموعها من ع خدها ..
ودخلت تنام جمبه فسكوت وجواها بيتهشم من الحزن !
， `·，`·，`·，`·，`·，`·，`·，`·，`·，`
اتنين قهوة ع مكتب سليم
كان بيشربها هو ووكيل النيابه عثمان وهما بيتكلموا ..
سليم : الف مبروك يا عثمان ،نشوى بنت ممتازة ومحترمه
جدا واخلاقها عاليه
عثمان: هى فعلا بنت قمه فالذوق ،وقلبي انفتحلها
فرحك وشه حلو عليا وليك الحلاوة
سليم: لا ياعم خلى الحلاوة نيجى ناخدها فسبوع النونو ان شاء الله
اهم حاجه ربنا يتم ع خير
عثمان: ان شاءالله تسبقونا انتم وربنا يقر عينك بذرية
صالحه قريب
ابتسم سليم وخبط العسكرى حط ورقه ع مكتبه وعمل تعظيم سلام
ومشى
بيقرا سليم وهو مادد شفايفه
عثمان: خير يا باشا
سليم: الاداب والقرف ، اخبارية
ياسيدى
عثمان: هتطلعها يعنى
سليم : اه طبعا
قام لبس كابه واخد قوته وراح بالبوكس
وقف البوكس قصاد العوامه الى جاية عليها الاخبارية
انها سيئة السمعه واصحابها بيعملوا فيها ليالى مشبوهه.
نزل واخد قوته ، بكتف المخبر اتكسرت بوابة ال عوامه
دخلوا بهدوووووء ، محدش موجود تقريبا
امر سليم رجالته بالتفتيش برضو وبهدوء ،وهو كمان وياهم
لحد م فتح واحد من قوته اوضة من اوض العوامه
وسمع صرخه انثى
سليم جه من اوضة تانيه جرى وكل القوة راحت وراه
عالصوت
وكانت الصاعقه والمفجأة !!
لمى بتستر نفسها بالغطا واحمد جمبها !!
سليم واقف مذهول وقلع كابه بهدوء وهو مش مصدق الى شايفه
سليم: لمى !!! ( مسكها من ايدها بعنف) ايه ده !!
ايه ده ؟!
انا مش مصدق انا شايف ايه
لمى ( بتوسل): سليم ...لأ ( بتعيط)
احمد: يافندم احنا متجوزين والله
سليم ( بطريقه فيها خذلان وذل ) خدوهم عالبوكس
خرج قدامهم موطى راسه واخدوا لمى واحمد ملفوفين فالملايات عالبوكس
بمنظر فاضح محدش فالاطراف التلاته عمل حسابه عليه ..!
， `·，`·，`·，`·，`·，`·，`·，`·，`·，`
استنونا بكرة ان شاءالله
#نوتيلا
#نورإسماعيل
نوتيلآ ❥❥
الفصل (39
， `·，`·，`·，`·，`·，`·，`·，`·，`·，`·，`·
فى بلاد الدهب والماس ..
زى م بيتقال عنها ، بلاد النوبة
اصحاب البشرة السمرا والقلوب البيضا ...اختاروا عصافيرنا الحلوين
يقضوا الهونى مون بتاعهم فيها ..وكان ده طلب العروسه 😉
وصلوا لهناك ...واخدوا مركب شراعية لحد الفندق الى نازلين فيه
ياسين كان مرتب كل حاجه
وعامل كل ده مفجأة ليارا ، نزلوا ولاقوا فيه فرقة نوبيه شباب وبنات بلبسهم
المميزين بيه وطريقه غناهم الحلوة
بيزفوهم لحد الفندق ،رقصت يارا بفرحه ماسكه ايد ياسين
ومهيصة عالاخر
وياسين كان فرحان اوى لفرحتها ...وصلوا الفندق وحطوا الشنط
وقالوا يستريحوا
لكن يارا كانت داخله عالحامى من الاول ،فتحت الباب الازاز للبلكونه
ووقفت تتفرج ع منظر النيل والمراكب الشراعيه
يارا: الله يا ياسين بص
جه ياسين وشاف ووقف حاضنها من ورا وهما باصين
يارا: ياسين ...اقرصنى حاسه انى بحلم
ياسين: متهونيش عليا اقرصك ... بس اثبتلك ازاى ان الى احنا فيه
مش حلم
يارا: معرفش ،بس حاسه انى عايزة اطير واطير
عايزة اتنطط كده وارقص
احنا خلاص اتجوزنا يا ياسين ...اتجوزنا وبقالنا بيت يجمعنا
بعيد عن المستشفى
وبعيد عن بيت بابايا
ياسين: وان شاءالله ربنا يمد فعمرى عشان بس اسعدك
انا عرفت ناس كتير
لكن معشتش السعادة غير ع ايدك
يارا: بحبك اوى يا ياسين ...اوى
حضنوا بعض
ياسين: طيب هطلب الغدا ، ونرتاح من السفر
وبعد كده نشوف ورانا ايه
يارا سكتت وبصت للنيل، ميل ع خدها وباسها بهدوء
ياسين : عايزانا حبيبتى ننزل دلوقتى ...انا عن نفسي جاهز
يارا: بجد مش تعبان ؟
ياسين: لالا خالص ، ده انا عامل علشانك بروجرام وهمى
يارا( طبقت ايدها بايده بحب ) شوقتنى
ياسين: طب يلا بينا
"قرية غرب سهيل "
كانت اول مكان يروحوه ، مكان ساحر وجميل قرب مبنى خزان اسوان القديم
المكان بطابعه النوبي بالرسومات والنقوشات الى عالبيوت
زائد العادة الغريبه عند سكان المنطقه دى وهى اكتر حاجه بتجذب الناس
تروحلها هى تربية التماسيح فبيوتهم عادى .
انبهرت يارا بالى شيفاه ، ولسه مخدتش نفسها ووداها ياسين
على جزيرة هيسا
استغربت اوى لما شافت يارا بعيونها ان اهل القرية دى لسه بيعيشوا عيشة بدائية
جدا وبسيطه اوى
واحلى حاجه فاهل القرية دى انهم طول الوقت بيعملوا حفلات بيغلب عليها الطابع الفلكلور
النوبي
ورقصهم واغانيهم الجميله الى بتميزهم ،بتجبر اى حد يغنى ويرقص
ويحس بالفرحه .
تعبت يارا من اللف ،رجعت عالفندق استريحت هى وياسين شوية
وقاموا بليل
لبسوا واتشيكوا
وعلى متحف النوبة ...علامات الانبهار ع وش يارا وهى بتتفرج ع الاثار الفرعونية النوبيه
القديمه وطريقة الكلام واللهجه النوبيه
وكمان كان فى شرح لعادات وتقاليد اهل النوبة ،كانت بتسمع يارا وهى فرحانه وبتبص لياسين
ولمعان عيونها عرف ياسين ان لحد دلوقتي بروجرام رحلته فشهر العسل ليارا
نجح عن جدارة
فى "جزيرة اجيليكا " بقى كانوا مستمتعين وهما بيشوفوا آثار
فيلة القديمه بعد م غرقها النيل ، وطبعا يارا كانت بتسمع المعلومات من المرشدين بعناية
عشان تعرف معلومه عن جمال البلاد دى
وفالسهرة
كان معادهم مع عرض الصوت والضوء المستمر اصلا فالجزيرة دى ...حاضرين
العرض
ايديهم مشبوكه فايدين بعض مبسوطين ومرتاحين وبيعيشوا اجمل ايام حياتهم سوا .
， `·，`·，`·，`·，`·，`·，`·，`·，`·，`·，`·
بعد م اسيا خلصت محاضراتها ، خارجه مع بعض زميلاتها
لاقت سليم قدام الجامعه واقف بعربيته ليها عاملها ليها مفجأة ..
اسيا: ايه ده سليم
زميلتها: جوزك !
اسيا: اه ...بس مقالش انه جاى
عن ادنكم يابنات
زميلة ٢: اه طبعا من حقك ،لازم تنفضى
كفاية هيبته يابنتى
زميلة١:بطلى قرر
اسيا راحت لسليم مبتسمه ..
اسيا: انت مقولتش انك جاى
سليم(مبتسم) حبيت اعملهالك مفجاة ، يعنى نغير انهاردة
ونتغدى برة سوا
اسيا: وايشمعنا انهاردة
سليم: اصلك ..وحشتينى ( مبتسم)
اسيا(ابتسمت مبسوطه) اوك ...يلا بينا
سمك مشوى ،ورز صيادية وسلطات بانواعها
وشوربة سى فود
واتنين عصير
سليم( للجرسون) ميرسى ...
انا ميت من الجوع ( بيمسك الشوكه والسكينه)
اسيا: وانا كمان ...انت جيت فالوقت المناسب
سليم( بياكل) كنتى هتتغدى فين
اسيا: مع البنات زميلاتى مش عارفه كنا لسه هنقرر
سليم : طيب حبيبتى كلى بالهنا
بياكلوا وساكتين ،جه ل اسيا فون
كان من مامتها
الام: متعرفيش تعدى هنا شوية تشوفى اختك لانى خلاص غلبت معاها
اسيا( بصوت واطى) حاضر يا ماما هحاول
الام: انا تعبت من لمى خلاص يا اسيا
سليم ملاحظ توترها وهى بتتكلم بس بياكل وهو ساكت ،قفلت وحطت فونها
قدامها ورجعت تاكل
سليم: فيه حاجه عندهم ولا ايه
اسيا: لا عادى ...
سليم اتضايق انها مش بتحاول تتكلم معاه او تشاركه حاجه ..
سليم : عايز اقولك ع حاجه مش عارف هتبسطك ولا لا
اسيا: ايه هى
سليم: هحاول اخد كام يوم اجازة من الشغل ونطلع نسافر اى حته
اسيا( مستغربة ) ليه؟
سليم: احنا معملناش شهر عسل ،واهو تغيير
اسيا: ممم ...
سليم: عجبتنى فكرة يارا صاحبتكم وجوزها انهم راحو لاسوان والنوبة
بلد جميلة وهيتفسحوا بجد وجوه مصر
اسيا: وانت عرفت منين ان يارا فالنوبة ؟
سليم: مريم قالتلى ...ماهو انتى مبتحكيش يا اسيا !
الكلمة الاخيرة الى قالها كان عنده حق فيها ، وحست اسيا فعلا
انها مش بتحكى معاه ف اى حاجه بعيده ولا قريبه .
اسيا: عادى اصل بقول انك ملكش علاقه يعنى بالحكايات دى
سليم: ازاى بقى ، البنات فالعمارة يبقوا اصحابك واخواتك
وانتى مراتى والى بيهمك يهمنى
احكيلى عنك بتعملى ايه فيومك فشغلك وفالدراسه
موضوع قالقك تعالى نفكر فيه
اسيا: الفكرة اننا بنتقابل بس وقت صغير بليل يدوب
هحكى واصدعك مش كفاية شغل والتعب الى فيه .
سليم: بالعكس ، كده احنابنقرب لبعض اكتر يا اسيا
وفيها لما تحكيلى يومك والحجات الى تهمك حتى لو شايفه انها متعنيش ليا
حاجه
بس مهمين ليكى
انا شريكك حبيبتى فكل حاجه
اسيا: عندك حق ،يمكن مخدتش بالى
هى بس مريم ليها فالرغى وده حصل وده قال وده عاد وانا مبعرفش
( بتضحك بكسوف)
سليم: لو مضايقك انى بحكى مع مريم كتير ....
اسيا: بالعكس انت بتهرج ! دى اختى ولا ناسى
سليم: لا طبعا مش ناسى
اسيا: وبعدين انا عارفه انتوا مرتبطين ببعض ازاى
وعشان كمان هى مش هنا
فغربة
الله يكون فعونها
سليم: يارب
رجعوا للسكوت وخلاص خلصوا اكل
سليم: اطلبلك حاجه للحلو
اسيا: لا ...ممكن نسكافيه بس مصدعه
سليم: ليه سلامتك ...
اسيا: مش عارفه عادى الصداع رفيق يعنى
ابتسم سليم وطلب ليها وله نسكافيه
شربوه وقايمين
وفالعربية
اسيا: ودينى بيت بابا يا سليم ،وهروح شوية كده
سليم: حاضر
وصلوا للعمارة وقبل م تنزل اسيا
اسيا: ع فكرة ...مش لازم تاخد اجازة عشان الهونى مون
انا الفترة دى عندى محاضرات مهمة
زائد ان انت كمان شغلك محتاجلك
سليم فضل باصثلها بخيبه امل ...ورد
سليم: زى م تحبي ..
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
لابسة عباية بيضا ، وحجاب ابيض
وماشية وسط زرع وخضرة وورد
ومبتسمه ريحة الورد فالحلم
كانت مخلياتبارك مبسوطه اوى
من بعيد عمرو جاى وماسك شنطه معموله من الخيش
القديم
قرب منها وطلع رغيف عيش شكله طازة وسخن
عمرو مد العيش ليها ، وتبارك اخدته وبتقطم منه
تبارك: مش بيتاكل ( بترجع الرغيف لعمرو )
عمرو زق ايدها بالعيش تانى لبوقها ، تبارك بتحاول تقطم
مش عارفه
بتحاول تانى وتالت،اخد منها عمرو الرغيف واكل منه عادى
قطم قطمه واتنين وتلاته
وادهولها تانى ، اكلت من وراه كويس !
واتقطم معاها عادى
ابتسم عمرو وطلع من جيبه عمله فضيه شكلها
حلو وبتلمع
كانوا اتنين ،جاب دوبارة من الكيس الخيش وشبك العملتين
فيهم ولبسهم فرقبة تبارك وحضن بايده ايدها
وكملوا الطريق الى كانت ماشية فيه تبارك لوحدها
سوا ...
الام: تبارك ....قومى ياتبارك
تبارك بتفوق من الحلم الجميل ، مبتسمه ولسه
بتستوعب انه كان مجرد حلم
تبارك: صباح الخير ياماما
الام: صباح الخير ايه ،الضهر اذن
وراحت عليكى صلاة الفجر والضحى
تبارك( اتعدلت ) ياخبر ! هو انا نمت كل ده
الام: انا قلقت لما لاقيتك نمتى كل ده
يلا فوقى وصلى وافطرى وتعالى ساعدينى
تبارك حاضر ياماما جاية وراكى اهو
قعدت تبارك ع حرف سريرها بتسترجع حلم الاستخارة بتاعها
دى مش اول استخارة
تبارك صلت تلت ليالى بتلت استخارات ...وعملت فاصل وصلت تانى
تلات ليالى وعملت فاصل
فترة ورجعت صلت تانى وحلمت الحلم ده ...جابت فونها
وجابت اسم عمرو
وهى بتبص ع رقمه جت عنيها ع الصورة الى حطاها لما يتصل
صورتهم فكتب الكتاب وهى مميلة فالارض وماسكه بوكية الورد
وهو بيبوس جبينهابحب .
فضلت سرحانه مع الصورة وهى بتتأمل وش عمرو
ولاول مرة من يوم فرحهم يغلبها الشوق والحب لعمرو وتقول
تبارك: انت وحشتنى ...اوى
， `·，`·，`·，`·，`·，`·，`·，`·，`·，`·，`·
"هات واحدة كابوتشى موڤ وواحدة خضرا "
البياع: الاتنين ب ٣٠
وجدان: ٣٠ليه ! ٣٠عفريت لما يتنططوا
قدامك هنا اهو قدام الفرشة الى انت فارشها
هما ٢٠جنيه ومفيش جنيه طالع برة البورتفلى بتاعى
البياع: لا معلش يا مزمزيل
وجدان: مزمزيل ! احسن عنك م بعت
فونها رن وكان انس
وجدان ( بتبرطم قبل م تفتح ) جاتك نيله الهى تولع بالكرنب الى
فقفاك ( ردت ع انس)
وجدان: الحب الحب
انس( متعصب) وجدان ! ايه البوست الى انتى منزلاه ده
وجدان: بوست ايه ياخويا فين انا بشترى كابوتشى
هعمل كول سلو
انس: وجدااان !(بزعيق) مبهزرش
وجدان: وانا وحياة بابا بتكلم جد
انس: انتى منزله بوست من ٣ساعات وكاتبه فيه يوما ما سنرقص
سويا
وواحد رادد عليكى بيستخف بروح امه وكاتبلك او نطبخ سويا
وواحدة من صاحبك عاملة كومنت
وواحد ظريف وراها كاتبلك سنرقص ايه ده انتى مسلوعه
وحضرتك عاملة ريبلاى عليهم وهاتك يا ضحك وكركر ومرمر
ونهارك طين ان شاء الله
وجدان: استنى استنى ...ده عماد ابن عمتى الى كاتب الكومنت الاخير
والاولانى ده واحد زميلى فالجامعه
انس: بلا زميلى بلا عمتى مين دول
وجدان:ابن عمتى فوزية
انس: يلعن فوزية ع ابنها فساعة واحدة ،وزميل ايه يا بت !
ثوانى
والاكونت ميبقاش عليه صنف دكر
والا والله
وجدان: استنى متحلفش ، هولع فيهم كلهم بس متزعلش
حاضر
عندى استعداد اقطع علاقتى بمارك ذوكر برج شخصيا
بس انت متزعلش
انس هدى شوية
وجدان: ياختى كمالو غيرانه البطبوطه
انس: غيرانه؛! انا الدم غلى فنفوخك
وقال انتى مسلوعه ومش مسلوعه هما مال اهاليهم
والله يا وجدان م تقرفينى كتير لاكلك علقه اعرفك ان الله حق
وجدان: طب خلى العلقه لما نتجوز ياسى السيد عشان
لما تاكلنى دلوقت منظرى هيبقى عروسة مشووهه
انس: اصبرى عليا بس
وجدان فرحانه انه بيغير وشغاله تتنطط اوى فمكانها
انس: واخلصى يابت اشترى حاجتك وطيران عالبيت
وجدان: عنيا حاضر
انس: انجزى( بزعيق يضحك)
وجدان: انا مشيت اهو ،انا هناك اصلا
انس ضحك وهى ضحكت
وجدان: ايوة اضحك يا زميلى
بلا عمتى بلا خالتى
انا ماليش غيرك اساسا جدا يعنى
انس( مبتسم وعامل نفسه زعلان ) عارفه ، رؤوف والست الطاهرة
الله يرحمها ملحقوش يربوكى
وانا بقى الى هربيكى
وجدان: وماله ....انا فداك
بحبك يا حتتى
انس: وانا بموت فيكى يا موزتى ( افتكر انه زعلان) ايه ده
انتى هتضحكى عليا ؟
يلا يابت عالبيت
وجدان: اوامرك ياباشا !! اهو بالخطوة السريعه
انس قفل معاها وهو بيضحك وهى كمان كانت مروحه وهى
كمان كانت مبسوطه بغيرته
وانها عرفت تعالج الموقف لانه كان ع اخره
وطول عمرها كانت بتحلم بكل ده ، وكل يوم بيعدى عليهم
بيزود حبهم فقلب بعض اكتر واكتر .
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
" يا دبلة الخطوبة عقبالنا كلنا ...ونبنى طوبة طوبه فعش حبنا
نتهنى بالخطوبة ونقول من قلبنا
يا دبلة الخطوبة عقبالنا كلنا "
الدبلة بتتحط فصوباع نشوى ، وهى مكسوفه وبتبص
حواليها عالبنات
واسيا بتطبطب عليها وفرحانه
وعثمان بيتناول بقية الشبكه بيلبسها ، ولبسته هى دبلته وهى ميته من الكسوف
وجدان راعى الرسمى الصور شغاله تصوير فيها هى وعثمان عريسها
والدور عليها تشتغل منازل
قامت وللاسف المرة دى مكانوش الست بنات كلهم خواليها
زى م اتعودوا سوا
يارا لسه فالهونى مون بقالها شهر ونص سابت النوبة وطلعت عالغردقه
مريم طبعا فروما ومقدرتش تنزل
وفضل وياها وجدان واسيا وتبارك ولمى !
بس لمى مكانتش زى عادتها ،مش مفرفشة
مش مبسوطه
لكن كانت وياهم وبتحاول ترسم انها فرحانه
شبكوا ايديهم سوا ولفوا حوالين نشوى وهى بترقص عليها ،وفوجئ
عثمان وعيلته ان نشوى رقصها حلو
وان كل الهدوء ده بيخبي وراه انثى بجد !
مامت نشوى دموع الفرحه مبطلتش من ع خدودها
وباباها كان فى اسعد لحظاته واخيرا ارتاح باله ..
رقصوها واول ب اول وجدان بتبعت الصور ل مريم ويارا
وجدان: بت يا نشوى ...قمر خطيبك
تبتى فيه بايدك وسنانك
اينعم اسمه اسم بواب مش وكيل نيابه ابدا
بس هو موز الحياه بصراحه
اسيا:هههههههه لسانك بقى اطول منك يا ويچا
وجدان: لاهو من زمان طولى زاد شوية ولا ايه
تبارك: هههههههه اسكتى يابت ، اهو دلوقتى
نوشابقت قريبتكم يابنات
وجدان: ازاى ؟
تبارك: عريسها صاحب سليم
وسليم جوز اسيا وابن خالةانس
وانس خطيبك يا ويچا
يعنى كده كلكم معارف اكتر من الاول ب ازواجكم
وجدان: عارفه تبان كهينه وسهنه بس بتفهم
نشوى: يابنات انا بجد حلوة ؟
اسيا( بتحضنها بحب) وحياة ربنا قمر
وجدان: اسكتوا قبل الخطوبة مريم بتقولى اوصيفيلى
عريس نشوى
قولتلها يعنى انتى مخدتيش بالك منه ففرح اسيا وسليم
قالتلى لا
قولتلها ابيضانى وشعره ناعم ومسبسب ياختى وتقاطيعه نونو
نونو
قالتلى والله صابت نشوى
نشوى: ههههههههههههه
تبارك : طب بطلوا رغى وسيبوها تقعد مع عريسها ...
مشيت نشوى وقعدت مع عثمان ، واسيا لاحظت ان لمى واقفه
بعيد بتبص بحزن ومش مشتركه معاهم فالكلام
اسيا: ايه يالم لم فين شقاوتك ، مش متعودة عليكى هادية كده
لمى: عادى يا اسيا ...يمكن عشان ( وشوشتها) هى لما بتبقى عندى
ببقى مخنوقه م انتى عارفانى ومبعرفش اتحرك كتير
اسيا: طيب ياحبيبتى ...انا بس شيفاكى متغيرة بقالك فترة
ومعرفش مالك
لمى : متاخديش فبالك ...فترة وتعدى ( فونها رن) هخرج ارد
خرجت واسيا بتبصلها وجت تبارك قعدت وياها
اسيا: البت دى فيها حاجه ومش راضبة تحكى
ببقى قاعدة بفكر فموضوعك وانك عايزة تتطلقى
وفلمى
وفغربة مريم برة وشكوتها من معاملة مراد الوحشة
وخوفى ع يارا لا يحصل حاجه تانى وفرحتهااتنكسر
وم صدقت اتطمن ع نشوى
كل ده يقعد يدور فدماغى بليل ، وللاسف سليم بيلاحظ سكوتى
وسرحانى
مبعرفش لا اسرحله ايه السبب ولا احكى معاه
فبسكت .
تبارك: لا يا آسيا ، احنا بنقول انك اعقل مافينا
واكتر حد بيتصرف بمنطق زائد حنيتك
سليم مالوش ذنب فكل ده ، مالوش ذنب اننا ناخدك منه
حتى فالساعتين الى بتاخدوهم سوا
احنا وربنا هيخلق فقضاه رحمه لينا
وشيلانك همنا مش هيغير من حالنا حاجه
لكن جوزك له حق عليكى ...
اسيا سكتت وردت
آسيا: عندك حق ...حاسة بجد انى مقصره وياه .
， `·，`·，`·，`·，`·，`·，`·，`·，`·，`·，`·
مريم بقت بتعانى من تغير فمعاملة سليم ، لما حكت مع البنات وخالتها
قالولها انه ممكن بيغير من علاقتها بيهم كلهم وبسليم عالاخص لانه راجل
وهى مرتبطه بيه اوى .
نصحوها كلهم نفس النصيحه بس بطرق مختلفه
انها تحتوية اكتر
وان فوجوده يكون كل الوقت له هو وبس .
مريم بقت تعمل ده فعلا ، لكن انهاردة
كانت مقررة تغير المود شوية ..كانت بتتكلم هى ويارا سكايب
وبتطمن عليها ..
وسالتها انها حابه تغير المود تعمل ايه ؟
ولان يارا لسه عروسة جديدة وفى احلى لحظاتها الرومانسية
فكان عندها الفكرة ..!
خرجت من بدرى بعد م نزل ، راحت لبيوتى سنتر
بقت تعرف شوية ايطالى زائد الانجلش
عرفت تتعامل معاهم ، غيرت لون شعرها
وجابت دريس جديد ، روحت نضفت البيت كله
اكلت مروان ونيمته
اخدت دوش ولبست الدريس ،عملت ميكاب وتسريحه شعر رهيبه !
ولعت شموع فكل حته
حضرت الاكل عالتربيزة السفرة
وشغلت اغانى رومانسى ...واستنت مراد
فاليوم ده اتاخر مراد عن مواعيد رجوعه ، سخنت الاكل كذا مرة
وصحى مروان كتير وعذبها لحد م نام تانى وبهدلها شويه
رجعت ظبطت نفسها من تانى واستنت ...
وجه مراد !
مراد : ايه ده ! الكهربا شغاله
اومال ليه الشموع دى
مريم ( مبتسمه وحضناه) لا انا عاملة جو كده رومانسي
مراد : ( هز راسه) ممممم ،لا افتحى النور واطفى الشموع
كده مروان ممكن يتخنق
دخل ومخدش باله من لون شعرها واللبس ،دخلت وراه
مريم: مقولتش يعنى حاجه
مراد ( بيغير) على ايه
مريم( لفت حوالين نفسها) عليا
مراد : لون شعرك يعنى
مريم: والفستان ...ايه مش عاجبك ؟
مراد : لا لون شعرك الاصلى احلى ، الاجانب حوالينا اهو
الاصفر مش حلو فيكى
مريم لمت ابتسامتها بحزن
مراد: والفستان متخنك اوى بصراحه ، اصلا يا مريم
اتخنتى بشكل بشع بعد م خلفتى
انا هبقى اشوفلك چيم تروح تلعبي رياضه
كده مش هينفع
مريم كشرت واتكسفت وفرحتها راحت ، لاحظته انه غير ودخل الحمام وخرج
راح عالسرير
مريم: طيب مش هتاكل ...انا عامله اكل انت بتحبه هيعجبك
مراد: لا انا اتاخرت برة فكلت ،كلى انتى لو عايزة
تصبحى ع خير
سابها ودخل فالسرير نام ...راحت شالت الاطباق
وهى بتتنهد بحزن
فكت شعرها وغيرت الفستان
وطفت الشمع وهى بتمسح دموعها من ع خدها ..
ودخلت تنام جمبه فسكوت وجواها بيتهشم من الحزن !
， `·，`·，`·，`·，`·，`·，`·，`·，`·，`
اتنين قهوة ع مكتب سليم
كان بيشربها هو ووكيل النيابه عثمان وهما بيتكلموا ..
سليم : الف مبروك يا عثمان ،نشوى بنت ممتازة ومحترمه
جدا واخلاقها عاليه
عثمان: هى فعلا بنت قمه فالذوق ،وقلبي انفتحلها
فرحك وشه حلو عليا وليك الحلاوة
سليم: لا ياعم خلى الحلاوة نيجى ناخدها فسبوع النونو ان شاء الله
اهم حاجه ربنا يتم ع خير
عثمان: ان شاءالله تسبقونا انتم وربنا يقر عينك بذرية
صالحه قريب
ابتسم سليم وخبط العسكرى حط ورقه ع مكتبه وعمل تعظيم سلام
ومشى
بيقرا سليم وهو مادد شفايفه
عثمان: خير يا باشا
سليم: الاداب والقرف ، اخبارية
ياسيدى
عثمان: هتطلعها يعنى
سليم : اه طبعا
قام لبس كابه واخد قوته وراح بالبوكس
وقف البوكس قصاد العوامه الى جاية عليها الاخبارية
انها سيئة السمعه واصحابها بيعملوا فيها ليالى مشبوهه.
نزل واخد قوته ، بكتف المخبر اتكسرت بوابة ال عوامه
دخلوا بهدوووووء ، محدش موجود تقريبا
امر سليم رجالته بالتفتيش برضو وبهدوء ،وهو كمان وياهم
لحد م فتح واحد من قوته اوضة من اوض العوامه
وسمع صرخه انثى
سليم جه من اوضة تانيه جرى وكل القوة راحت وراه
عالصوت
وكانت الصاعقه والمفجأة !!
لمى بتستر نفسها بالغطا واحمد جمبها !!
سليم واقف مذهول وقلع كابه بهدوء وهو مش مصدق الى شايفه
سليم: لمى !!! ( مسكها من ايدها بعنف) ايه ده !!
ايه ده ؟!
انا مش مصدق انا شايف ايه
لمى ( بتوسل): سليم ...لأ ( بتعيط)
احمد: يافندم احنا متجوزين والله
سليم ( بطريقه فيها خذلان وذل ) خدوهم عالبوكس
خرج قدامهم موطى راسه واخدوا لمى واحمد ملفوفين فالملايات عالبوكس
بمنظر فاضح محدش فالاطراف التلاته عمل حسابه عليه ..!
， `·，`·，`·，`·，`·，`·，`·，`·，`·，`
استنونا بكرة ان شاءالله
#نوتيلا
#نورإسماعيل
ليست هناك تعليقات:
إرسال تعليق