روايةツ
نوتيلآ ❥❥
الفصل (38
， `·，`·，`·，`·，`·，`·，`·，`·，`·，`·，`·
بعد الكشف ..
بتقلع الجونتى الدكتورة وبترميه فالباسكت
الدكتورة : قومى يا نشوى تعالى
بتعدل هدومها نشوى واسيا مستنياها عالكرسي
الدكتورة : احكيلى كده حصل ايه بالظبط وقت اغتصابك ؟
نشوى اتوترت واسيا مسكت ايدها تهديها
الدكتورة : قولى متخافيش ،عايزاكى تجمعى كده
وتقوليلى حصل ايه بالظبط
نشوى : هو .... شال من عليا هدومى
وهو كمان كان مش لابس حاجه وكده
الدكتورة : كده ايه ؟
نشوى بصت لاسيا
اسيا: قولى يا نوشا متخافيش
نشوى: هو ...هو عمل كل حاجه فيا
الدكتورة : نزل منك دم ؟
نشوى : اه
الدكتورة ( باصه لاسيا) انتى متزوجه يا مدام اسيا
اسيا: ايوة يا دكتورة
الدكتورة : عارفه يعنى ايه علاقه كامله طبعا
اسيا: اه
الدكتورة : حكتلك نشوى حصل معاها ايه بالظبط
اسيا: لا هى مش قادرة تتكلم فالموضوع او تشرحه
الدكتورة: وانتى يا نشوى ، بعد م عمل معاكى كل حاجه
انتى نزلتى دم فكده انتى حكمتى انك فقدتى عذريتك
مش صح
نشوى: اه هو انا عيطت وكنت بزوقه ونزل منى دم بسيط
فهو بعد شوية محاولات سابنى
الدكتورة : نشوى احب اقولك انك مازلتى عذراء!
نشوى عيونها برئت وبصت لاسيا
اسيا: حضرتك بتقولك انه كان فى دم
الدكتورة: الدم نتيجه المحاولة مش اكتر لانها كانت تعتبر
طفلة والموضوع اكبر من جسمها وسنها ، انا كشفت عليها
دلوقتى قبل م نحكم ان فى عمليه ولا لا
هو فى خدوش مش بطبيعته ١٠٠٪ لكن
هو موجود وهى لسه عذراء كانها متلمستش
اسيا فرحت وقامت حضنت نشوى بفرحه ،ونشوى
عيونها كان فيهم دموع الفرحه
مش مصدقه الى سامعاه
الدكتورة: ( مبتسمه) اخرجى وعيشي واتخطبي
واتجوزى عادى
انتى بنت سليمه مفيش حاجه تعيبك
نشوى من فرحتها باست الدكتورة فخدها
نشوى: متشكرة اوى حضرتك ...متشكرة بجد
خرجوا وهما فرحانين جدا وكانهم طايرين فالسما
اسيا: مبرووووك يا نوشتى ،مبروووك يا قمرى
يلا خلاص وهندخل العش مع سى الاستاذ عثمان
نشوى: اسيا ...هو احنا سمعنا بجد
انا زيكم
ومش هعمل عملية زى اى بنت مشيت فالحرام
انا اقدر اتجوز وانا رافعه راسى
وراس بابا
اسيا: الحمدلله يا قلبي ... الحمدلله
فرحتى بيكى انهاردة متتوصفش
نشوى: يعنى حسام لو عرف ...
اسيا( قطعتها) حسام كويس ان ربنا ورهولك انه محبكيش
بجد ،انتى مجرد واحدة غموضها ومعاملتها الحادة استفزه
فقرب منك
لكن محبكيش
انا قولتلك لو حبك هيفضل ويكمل وياكى لانك مش مخطئة
ولابنت وحشه
بس هو سابك ، ربنا عمل كده عشان يبعد عنك
ويبدلك الاحسن منه
نشوى ابتسمت
اسيا: هاه ...هتردى ع موضوع عثمان
حضرة وكيل النيابه !!
نشوى مبتسمه بكسوف
اسيا: سليم بيشكر فيه وقالى لو نشوى وافقت
تبقى مامتها داعيالها
يلا بقى خلينا نفرح كلنا ورا بعض
نشوى : ان شاءالله يا سوووسا ...ع فكره
انتى احسن واجدع واوفى صاحبه فالدنيا
اسيا: وانتى بنت جميلة وتستاهلى كل خير
حضنوا بعض
اسيا: بالمناسبه الخلوة دى هعزمك ع الغدا يلا
نشوى: وسيادة العقيد هيتغدا لوحده؟
اسيا: لا سليم بياكل فالمكتب ،كده كده
انا مابين الجامعه عشان
الدبلومه والشغل بنتقابل بس وقت الليل
بنتعشى بس سوا
يلا شاورى عالمكان الى عاوزاه واحنا نروحله
نشوى : انا عايزة قبل اى حاجه اروح مسجد
واصلى ركعتين شكر
اسيا : فعلا عندك حق ،يلابينا
نشكر ربنا عالفرحه الى متتقدرش دى
， `·，`·，`·，`·，`·，`·，`·，`·，`·，`·，`·
النور مقفول
الموبايل مقفول ..نايمه ومغطيه وشها
رغم انهم فالصيف ..
تخبيط ع باب اوضتها ،،
الام: يالمى ...يابنتى افتحى
لمى: ماما عايزة اناااام مش عايزة حد
الام: يابنتى اصحى بقى بقينا العصر
وانتى لا فطرتى ولا اتغديتى
قومى بلاش وخم
لمى: يووووه مش عايزة اطفح مش عايزة اتنيل
سيبونى بقى
الام: انتى قرفتينى معاكى ،لما ييجى باباكى
يبقى له حل معاكى
مشيت مامت لمى ،ولمى جوه بتعيط
ع الى ضاع
والى خسرته
هتعمل ايه بعدين ،بتفكر كده انها هى الى بقت تحت
ضرس احمد
يعنى هو الى متحكم فعلاقتهم مش هى
ولو حب يسيبها هيسيبها!
مش عارفه تعمل ايه ...دماغها واقفه عن التفكير
وبعدين باب اوضتها خبط
لمى: ياناس اموتلكم نفسي!!
الام: يارا جاية تشوف قافله موبايلك ليه ،افتحى بقى
لمى : معلش يا يارا مزاجى مش رايق دلوقتي
يارا: متبقيش رخمه عايزاكى فموضوع
لمى قامت من سريرها وهى بتنفخ ،فتحت ورجعت تانى
عالسرير
يارا: ايييه بقينا المغرب ،وايه التقفيله دى
افتحى ياشيخه
لمى : مشغله التكييف متفتحيش حاجه
يارا: طب افتحى النور ايه الضلمه دى
لمى : اخلصى يا يارا بجد مخنوقه
يارا: ايه فيه ايه بس مالك
لمى: ماليش
يارا: لا بجد مالك، عندك حالة من ال يلا فستين
داهية مسيطرة عليكى برضو ؟( ضحكت)
لمى: لا وانتى الصادقه اليلا فستين داهية انا فيها اصلا
يارا: قصدك ايه ؟
لمى: مش مهم ...انتى كنتى عايزانى ف ايه
يارا: مفيش ،كنت هخرج اشترى الميكاب عشان يعنى
الجهاز وانا مبفهمش فيه
تعالى معايا
لمى: ميكاب! ( عوجت بوقها) انتى محتاجه تروحى من اول
وجديد عند حداد يحدد ملامحك يا يارا
ميكاب ايه
يارا بصت لها وهى زعلانه
لمى: يوووه ...معلش مقصدش
انا بجد مخنوقه وانتى مصممه تكلمينى دلوقتى
يارا: مخنوقه ليه؟ هو انتى واحمد اتخانقتوا
لمى: احمد! ( ضحكت ضحكة استهزاء) ياريتها جت
ع خناقه
يارا: اومال ايه م تتكلمى ع طول ايه الالغاز دى
لمى: مش عايزة اتكلم يا يارا ...ممكن تسيبينى لوحدى
يارا سكتت وبصت للارض بحزن
لمى: اوعدك هفضى نفسي واجى معاكى بس انهاردة
عندى اووف بجد
يارا: اوك ...براحتك
مشيت يارا ورجعت تانى لمى لوحدتها ، كانت عايزة تفتح
فونها تتكلم معاه يشوف حل للمصيبه الى هى فيها
بس كبريائها انها تحسسه ان فى مصيبه بسببه
دى اكبر
فسكتت ورجعت لمكانها زى الاول .
， `·，`·，`·，`·，`·，`·，`·，`·，`·，`·，`·
سفيان: لو سمحت !
قهوة تانى سكر مظبوط
القهوجى : من عنيا وعندك واحد مظبوووط
صاحب سفيان : زى م بقولك كده ، الشغل هنا
مش هينفع
مرة تتهزق ومرة يستغنوا عنك وكتير مفيش شغل
والشهادات بقينا نبلها ونشرب ميتها
هنا محدش عارف ياكل عيش
سفيان: بس انا مش هينفع اسافر
اسيب امى وابويا لمين
صاحبه: ياعم مش اختك قاعدة وياهم
وبعدين م كلنا ماشيين وسايبينهم
بكرة لما نبعت الى يكفيهم
هيلاقوا الى يسندوا عليه بدالنا
سفيان : طب وهنطلع فين
صاحبه : احنا نشوف اقرب مركب طالعه ع امتى
وفين ونتوكل عالله
سفيان سرح
صاحبه: اصل مش هتيجى غير كده
احنا لا معانا فلوس لفيزا وتأشيرة عشان ندخل البلاد دى
الى معانا يدوب يسفرنا عن طريق البحر
هربانين
ندخل ونقلب عيشنا بقى
بيقولك الشغل برة زى الرز وفلوسهم حلوة وكتير
سفيان: معرفش ...قلقان
صاحبه: ليه قلقان ؟ هو احنا اول ناس
تطلع كده وتسافر كده
ولو خايف عشان الدخول ففى الى هيتصرف
سفيان جاتله القهوة وبيشربها
صاحبه: سيبها عالله ...المهم
موافق تطلع معانا
سفيان : والفلوس
صاحبه: ٥٠٠٠جنيه مش مشكله
هنعرف نجيبهم
عارف لو الفرصة راحت من ايدك
هتندم ...صدقنى
سفيان: طيب ...انا معاكم
صاحبه: تمام هظبط الامور واكلمك
ماشى
سفيان: ماشى
#نوتيلا
#نوراسماعيل
， `·，`·，`·，`·，`·，`·，`·，`·，`·，`·，`·
مريم حياتها اتغيرت بعد مجى مروان ابنها
يمكن بقت مسؤله
فهمت انها بقت زوجه وام
وبعد قعادها فترة فمصر لحد م مروان يشد حيله
وهى كمان ...ونصايح خالتها ليها
عن البيوت والعيشه
وانها لازم تكون طاقه احتمالها كبيرة
وتعيش لجوزها وابنها وبيتها
مريم تقبلت ده ...ودلوقتى رجعت ايطاليا
تانى بمروان
لحياتها من تانى .
خارج مراد وبيلبس وهى بتتكلم فالفون
مريم: يابنتى نبيتى فكرنبي ايه يا متخلفه
وحش جدا طبعا
وجدان: وحش ليه عاجبنى ياحجه ذوقى كدخ
مريم: لا طبعا ده ذوق زى الزفت
اختارى لون تانى مع انوس
وجدان: هو قالى اختارى انتى دهانات اوضة الاطفال
دى شغلتك
مريم: وهتعملوا انهى اوضة اوضة الاطفال يابت؟
اوعى تقولى بتاعتى
وجدان: كركركركخ ،طبعا بتاعتك
اساسا خلقتك طابعه فحيطان الاوضة العنكبوت النونو
بتاعنا
مريم ( بتضحك ) عنكبوت فعينك حيوانه
مراد : البالطو الاسود فين ؟
مريم بتشاورله هتجيب له وقامت
مراد ( بعصبيه) خلصى !
مريم بصتله باستغراب بيزعق ليه، جابتهوله
وهى مكمله كلام مع وجدان
مريم: ممممم طب بصى احلى حاجه للارضية الباركيه
اسمعى كلامى
وجدان: انس برضو شايف كده ،ماشاء الله اخوات
مريم: اه طبعا غصب عنك ده انا حماتك يابت
وجدان: مانا حاسس يا اونكل شيبسي
مراد: مريم مروان بيعيط
قامت مريم من الفراندا دخلت شالت مروان وهى برضو بتتكلم
مريم: اوعوا تحددوا فرحكم قريب ، انا لسه كنت
عندكم خلوه ع سنه كده عشان اعرف انزل
وجدان: بقولك ايه اولعى ،انا هموت وانا واخوكى
نتجمع فعش العصافير ونزق نزق
فودان بعض
مريم: اه ياجزمه يا موزبلحه !! هتموتى وتتجوزى
مش ساهلة ابدا
مراد: مريم ...فين اللاب توب بتاعى
مريم مسمعتوش وكملت ضحك مع وجدان
جه من بعيد ،خطف الفون من ع ودنها ورماه
ع الكنبه جمبه
مريم( مخضوضه) ايه ده !!!
مراد : ايه فيه ايه ، شغال بناديكى
وانتى هاتك يارغى وضحك
قرفتينى
مريم: مالك يا مراد انت بتخترع مشكله
مراد: لو سمحتى طول مانا هنا تاخدى بالك الاول
انا عاوز ايه
وبعدها ابقى ارغى براحتك واتنيلى
مريم: اتنيل !! كل ده عشان مسمعتكش
وانت بتنادى
م انت شغال يا مريم يا مريم وانا حاضر
فيه ايه
مراد: اه طبعا الزعيق فيا انا ، والضحك والكركره
مع خالتك واصحابك وحضرة الظابط سليم افندى
مريم: مراد انت شارب حاجه ؟
مراد: شارب ! عشان بقولك انك مقصرة ابقى شارب
مريم: انا مش مقصرة يا مراد
هدومك وحاجتك والاكل جاهزين ،والبيت نضيف
ومروان اكل وكان نايم وصحى يعيط ده عادى
فيه ايه ...اتكلمت كلمتين مع وجدان الدنيا خربت
مراد: هى وجدان بس ،وجدان واسيا ويارا
وتبارك وخالتك وكلهم كوم ولما بتفتحى عالرابع
مع الامور الحليوه سليم محدش بيوقفك
مريم: مراد اتكلم باحترام عن كده
مراد: انتى هتعلمينى الاحترام ( زقها زقه خفيفه
بايدة ك استهزاء وقعها على ركنه الكنبه)
لبس البالطو واخد حاجته وماشى ومريم بصاله
مراد: عيشتك بقت تقرف
خرج وخبط الباب وراه جامد خض ابنه بعد م نام صحى
مفزوع ,,حضنته مريم وطبطبت عليه
وهى الى محتاجه الى يطبطب عليها ..
， `·，`·，`·，`·，`·，`·，`·，`·，`·，`·，`·
على سفرة العشا ..
كانوا اسيا وسليم بيتعشوا سوا ،بس من غير كلام
الهدوء خنقهم
فقرر يكسر الملل سليم ويبدا الاول
سليم: ساكته ليه ؟
اسيا( كانت سرحانه) لا عادى
سليم: شكلك مرهق شوية انهاردة
اسيا: مرهق كتير ...كان فى مشاوير والشغل
مفضتش
سليم : ربنا يعينك يارب
رجعوا تانى للسكوت ،وسليم لتانى مرة
يفتح حوار
سليم: تعرفى انهاردة جاتلى اخبارية غريبة جدا
اسيا سرحانه
سليم: اسيا ...انا بكلمك!
اسيا: هاه ! معاك
سليم: معايا فين انا كانى جبتك من اخر الدنيا
سرحانه ف ايه ؟
اسيا: لا عادى بفكر فشوية حجات ، ع فكرة
نشوى احتمال توافق ع عثمان
سليم: كويس اوى
ربنا يتم ع خير
خلصوا اكل ...بيشيل الاطباق سليم
سليم: تسلم ايدك
اسيا: استنى انا هشيل
سليم: ايد ع ايد تساعد
شالو الاطباق واسيا حطتهم فالديش ووشر
ودخلت قعدت فسريرها ف اوضة النوم
خرج من الحمام وقعد جمبها
كانت هى بتتفرج ع فيلم وهو بيشوف وياها
سليم: الممثلة دى فيها شبه منك
اسيا: يسرا اللوزى ! اه المعظم قالى كده
اتفرجوا ع جزء كبير من الفيلم سوا ،وبعدها
نزلت اسيا عالمخدة هتنام
سليم( مستغرب) ايه هتنامى ولا ايه ؟
اسيا: اه مرهقه جدا
سليم باصص لها وسكت وبص للتليفزيون
اسيا: مش هتنام ولا ايه
سليم: لا قاعد شوية ...نامى انتى تصبحى ع خير
سليم حاسس انه مش جاى له نوم ،ومخنوق
عاوز يحكى عاوز يضحك
اى حاجه تنسيه يومه
وقرف الشغل،مسك فونه وطلب انس
سليم: انا قولت اكيد صاحى
انس: عيب ياباشا احنا بتوع الليل واخره
سليم: كويس قولت احكى معاك تفرفشنى وتضحكنى
شوية
انس: اضحكك ! اومال انت متصل باراجوز ولا ايه
سليم( بيضحك) هههه مش قصدى ياحمار
بس خفة دمك مطلوبه يعنى بعد خنقه يوم كامل
انس: خفة دمى ده ايه
الى مطلوبه ، وموزتك فين
الوقت الى انت فيه ده انا لو مكانك اتبرى من البشرية كلها
سليم : لا هى نامت تعبانه طول اليوم
انس: ولو ! روح اسكعها قلم وقولها قومى يابنت الرفضى
احكى معايا واضحكى وارقصى واتشخلعى واقلبي
غازية ف ٣دقايق
سليم: هههههههه يخربيتك
انس: طب ورحمة امى لو وجدان عملت فيا الحركه دى
لاعلقها قدام باب الشقة وابيع منها بالكيلو
سليم: لا وجدان مش هتعمل كده،انتو الجوز اراجوزات
نمركم فالسيرك مبتخلصش
انس: بتتريق! احلى حاجه الجنان يا صاحبي
عشان تعيش
وبصراحه انا عاذرك
انت جد وخشن وشبه الليفه السلك
والمدام عاملة زى ابله الناظرة مثاليه اوى
وهادية اوى
وانا لو معاكم هتنزل عليا نقطه من العلاقه دى
سليم ميت من الضحك مش قادر
انس: اهو انت كنت عاوز شوية الضحك دول،سلملى
ع شنبك
ليلتك بتضحك
سليم: تسلملى حبيبي وانت من اهله
قفل سليم وهو بيضحك وبيخبط كف ع كف
من انس وافيهاته الى نسته شوية
مرار يوم مع مجرمات وستات مشبوهه.
， `·，`·，`·，`·，`·，`·，`·，`·，`·，`·，`·
"جواز عرفى !"
احمد: هو ده الحل
لمى : طبعا م انت شايفنى رخيصة دلوقتى ،هتتحكم
زى م انت عايز
احمد: لمى وحياتك انتى انا مش قاصد انى اضغط
عليكى بس هو ده الحل اصلا
الى كنت جاى لك بيه العوامه يومها
لمى : وانا مكنتش هقبل ،لكن مضطرة دلوقتى
اقبل عشان الفضيحه مش كده ( بتعيط وبتمسح عيونها)
احمد: وطى صوتك الناس بتبص
لمى: وان موافقتش يا احمد
احمد: معنديش حل تانى يا لمى ، انا دماغى وقفت
من التفكير وهو ده الحل الى وصلتله فالاخر
لمى : لكن مينفعش شرعى مش كده
احمد: شرعى يعنى مراتى هتعرف والولاد
يعنى البيت هيتخرب
زائد ان انا مش متاكد من ان باباكى يوافق اصلا
عليا لو اتقدمتلك وانا متجوز ومخلف
لمى ( بعصبيه) اه !! قول كده
انت كنت عارف انك لا عمرك هتيجى ولا هتتقدملى
بس بتمطوح فيا يمين وشمال ع كيفك
احمد: لمى فكرى شوية وبطلى عصبيتك دى
ده الحل الى هينفع
لمى: وهفضل فالضلمة كتير يا بشمهندس؟!
احمد سكت وبيبص حواليه مخنوق
لمى : مش هلبس فستان فرح ! مش هتزف عليك
مش هخلف عيال فالنور ؟
احمد: واحدة واحدة كل حاجه هتتحل ،احنا دلوقتى
بننقذ المصيبه الى انتى فيها
لمى ( بتتكلم بتحدى) الى انا وانت فيها يا احمد
مش انا لوحدى
احمد: ماشى الى انا وانتى فيها يالمى
سكتت ومسحت دموعها الى بتنزل ورا بعض
ورجعت بصت له بصة قرف وخنقه
ولسه مقالتش رد ...
， `·，`·，`·，`·，`·，`·，`·，`·，`·，`·，`·
تبارك بتحط ابريق ميه وكوباية جمب باباها
وخارجه من اوضته
تبارك: ماما عايزة حاجه منى ؟
الام: انتى هتنامى دلوقتى ،مش تستنى اخوكى عشان
نتعشى
تبارك: لا مش عايزة اكل ياماما
الام: براحتك يابنتى
تبارك: انا بس هصلى صلاة استخارة
فلو عايزة حاجه منى قوليهالى دلوقتي
عشان هدخل اوضتى واقفل ع نفسي للصبح
الام: ( استغربت) استخارة ! استخارة على ايه؟
تبارك: موضوع كده يا امى
الام : تبارك بقولك ايه ...م تيجى نروح بكرة لدكتورة
نسا تكشف عليكى
تبارك: ليه
الام: يعنى ...جوزك كان هنا ومحصلش حمل
نشوف لو عندك حاجه
نعالجها قبل م ينزل اجازته الجايه
تبارك اتنهدت بحزن
تبارك: اتطمنى ياماما مفيش حاجه
الام: وانتى عرفتى منين ،هو انتوا روحتوا للدكتورة؟
تبارك مش حابه تكدب ومش عارفه ترد ب ايه
الام: فيه ايه يا تبارك م تفهمينى
تبارك : مفيش ياماما متقلقيش ،انا هدخل اوضتى بقى
عن اذنك
دخلت وقفلت الباب
لبست اسدالها ، فتحت المصحف وقرت ماتيسر لها
من الايات القرآنيه
قامت تنوى لصلاة ركعتين استخارة
صلت الركعتين كاملين وجت فسجدة دعاء
الاستخارة وقالت
"اللهم انى استخيرك بعلمك واستقدرك بقدرتك
واسالك من فضلك العظيم
فانك تقدر ولا اقدر
وتعلم ولا اعلم....انك علام الغيوب
ان كان فى امرى ...
سكتت مش قادرة تنطق حاسة ان الكلام صعب عليها
بس خدت نفسها وكملت الدعاء
تبارك: ان كان فى امرى ...طلاقى من زوجى عمرو
خيرا لى ولدنياى وعاحل امرى وآجله
( الكلام فعلا صعب ومش عارفه تكمل)
فيسره لى
وان كان فى امر ( سكتت كتير)
طلاقى من زوجى عمرو شرا لى فى دينى ودنياى
وعاجل امرى وآجله
فاصرفه عنى واصرفنى عنه وقدر لى الخير حيث كان
خلصت دعائها قامت وقالت التحيات وسلمت
وقعدت عالسجادة قلبها بيتقطع ومش فاهمه ليه
بتمسح دمعه من عيونها
وبتقوم تنام ....لحد الصبح
， `·，`·，`·，`·，`·，`·，`·，`·，`·，`·，`·
استنونا الاربعاء ان شاء الله
#نوتيلا
#نورإسماعيل
نوتيلآ ❥❥
الفصل (38
， `·，`·，`·，`·，`·，`·，`·，`·，`·，`·，`·
بعد الكشف ..
بتقلع الجونتى الدكتورة وبترميه فالباسكت
الدكتورة : قومى يا نشوى تعالى
بتعدل هدومها نشوى واسيا مستنياها عالكرسي
الدكتورة : احكيلى كده حصل ايه بالظبط وقت اغتصابك ؟
نشوى اتوترت واسيا مسكت ايدها تهديها
الدكتورة : قولى متخافيش ،عايزاكى تجمعى كده
وتقوليلى حصل ايه بالظبط
نشوى : هو .... شال من عليا هدومى
وهو كمان كان مش لابس حاجه وكده
الدكتورة : كده ايه ؟
نشوى بصت لاسيا
اسيا: قولى يا نوشا متخافيش
نشوى: هو ...هو عمل كل حاجه فيا
الدكتورة : نزل منك دم ؟
نشوى : اه
الدكتورة ( باصه لاسيا) انتى متزوجه يا مدام اسيا
اسيا: ايوة يا دكتورة
الدكتورة : عارفه يعنى ايه علاقه كامله طبعا
اسيا: اه
الدكتورة : حكتلك نشوى حصل معاها ايه بالظبط
اسيا: لا هى مش قادرة تتكلم فالموضوع او تشرحه
الدكتورة: وانتى يا نشوى ، بعد م عمل معاكى كل حاجه
انتى نزلتى دم فكده انتى حكمتى انك فقدتى عذريتك
مش صح
نشوى: اه هو انا عيطت وكنت بزوقه ونزل منى دم بسيط
فهو بعد شوية محاولات سابنى
الدكتورة : نشوى احب اقولك انك مازلتى عذراء!
نشوى عيونها برئت وبصت لاسيا
اسيا: حضرتك بتقولك انه كان فى دم
الدكتورة: الدم نتيجه المحاولة مش اكتر لانها كانت تعتبر
طفلة والموضوع اكبر من جسمها وسنها ، انا كشفت عليها
دلوقتى قبل م نحكم ان فى عمليه ولا لا
هو فى خدوش مش بطبيعته ١٠٠٪ لكن
هو موجود وهى لسه عذراء كانها متلمستش
اسيا فرحت وقامت حضنت نشوى بفرحه ،ونشوى
عيونها كان فيهم دموع الفرحه
مش مصدقه الى سامعاه
الدكتورة: ( مبتسمه) اخرجى وعيشي واتخطبي
واتجوزى عادى
انتى بنت سليمه مفيش حاجه تعيبك
نشوى من فرحتها باست الدكتورة فخدها
نشوى: متشكرة اوى حضرتك ...متشكرة بجد
خرجوا وهما فرحانين جدا وكانهم طايرين فالسما
اسيا: مبرووووك يا نوشتى ،مبروووك يا قمرى
يلا خلاص وهندخل العش مع سى الاستاذ عثمان
نشوى: اسيا ...هو احنا سمعنا بجد
انا زيكم
ومش هعمل عملية زى اى بنت مشيت فالحرام
انا اقدر اتجوز وانا رافعه راسى
وراس بابا
اسيا: الحمدلله يا قلبي ... الحمدلله
فرحتى بيكى انهاردة متتوصفش
نشوى: يعنى حسام لو عرف ...
اسيا( قطعتها) حسام كويس ان ربنا ورهولك انه محبكيش
بجد ،انتى مجرد واحدة غموضها ومعاملتها الحادة استفزه
فقرب منك
لكن محبكيش
انا قولتلك لو حبك هيفضل ويكمل وياكى لانك مش مخطئة
ولابنت وحشه
بس هو سابك ، ربنا عمل كده عشان يبعد عنك
ويبدلك الاحسن منه
نشوى ابتسمت
اسيا: هاه ...هتردى ع موضوع عثمان
حضرة وكيل النيابه !!
نشوى مبتسمه بكسوف
اسيا: سليم بيشكر فيه وقالى لو نشوى وافقت
تبقى مامتها داعيالها
يلا بقى خلينا نفرح كلنا ورا بعض
نشوى : ان شاءالله يا سوووسا ...ع فكره
انتى احسن واجدع واوفى صاحبه فالدنيا
اسيا: وانتى بنت جميلة وتستاهلى كل خير
حضنوا بعض
اسيا: بالمناسبه الخلوة دى هعزمك ع الغدا يلا
نشوى: وسيادة العقيد هيتغدا لوحده؟
اسيا: لا سليم بياكل فالمكتب ،كده كده
انا مابين الجامعه عشان
الدبلومه والشغل بنتقابل بس وقت الليل
بنتعشى بس سوا
يلا شاورى عالمكان الى عاوزاه واحنا نروحله
نشوى : انا عايزة قبل اى حاجه اروح مسجد
واصلى ركعتين شكر
اسيا : فعلا عندك حق ،يلابينا
نشكر ربنا عالفرحه الى متتقدرش دى
， `·，`·，`·，`·，`·，`·，`·，`·，`·，`·，`·
النور مقفول
الموبايل مقفول ..نايمه ومغطيه وشها
رغم انهم فالصيف ..
تخبيط ع باب اوضتها ،،
الام: يالمى ...يابنتى افتحى
لمى: ماما عايزة اناااام مش عايزة حد
الام: يابنتى اصحى بقى بقينا العصر
وانتى لا فطرتى ولا اتغديتى
قومى بلاش وخم
لمى: يووووه مش عايزة اطفح مش عايزة اتنيل
سيبونى بقى
الام: انتى قرفتينى معاكى ،لما ييجى باباكى
يبقى له حل معاكى
مشيت مامت لمى ،ولمى جوه بتعيط
ع الى ضاع
والى خسرته
هتعمل ايه بعدين ،بتفكر كده انها هى الى بقت تحت
ضرس احمد
يعنى هو الى متحكم فعلاقتهم مش هى
ولو حب يسيبها هيسيبها!
مش عارفه تعمل ايه ...دماغها واقفه عن التفكير
وبعدين باب اوضتها خبط
لمى: ياناس اموتلكم نفسي!!
الام: يارا جاية تشوف قافله موبايلك ليه ،افتحى بقى
لمى : معلش يا يارا مزاجى مش رايق دلوقتي
يارا: متبقيش رخمه عايزاكى فموضوع
لمى قامت من سريرها وهى بتنفخ ،فتحت ورجعت تانى
عالسرير
يارا: ايييه بقينا المغرب ،وايه التقفيله دى
افتحى ياشيخه
لمى : مشغله التكييف متفتحيش حاجه
يارا: طب افتحى النور ايه الضلمه دى
لمى : اخلصى يا يارا بجد مخنوقه
يارا: ايه فيه ايه بس مالك
لمى: ماليش
يارا: لا بجد مالك، عندك حالة من ال يلا فستين
داهية مسيطرة عليكى برضو ؟( ضحكت)
لمى: لا وانتى الصادقه اليلا فستين داهية انا فيها اصلا
يارا: قصدك ايه ؟
لمى: مش مهم ...انتى كنتى عايزانى ف ايه
يارا: مفيش ،كنت هخرج اشترى الميكاب عشان يعنى
الجهاز وانا مبفهمش فيه
تعالى معايا
لمى: ميكاب! ( عوجت بوقها) انتى محتاجه تروحى من اول
وجديد عند حداد يحدد ملامحك يا يارا
ميكاب ايه
يارا بصت لها وهى زعلانه
لمى: يوووه ...معلش مقصدش
انا بجد مخنوقه وانتى مصممه تكلمينى دلوقتى
يارا: مخنوقه ليه؟ هو انتى واحمد اتخانقتوا
لمى: احمد! ( ضحكت ضحكة استهزاء) ياريتها جت
ع خناقه
يارا: اومال ايه م تتكلمى ع طول ايه الالغاز دى
لمى: مش عايزة اتكلم يا يارا ...ممكن تسيبينى لوحدى
يارا سكتت وبصت للارض بحزن
لمى: اوعدك هفضى نفسي واجى معاكى بس انهاردة
عندى اووف بجد
يارا: اوك ...براحتك
مشيت يارا ورجعت تانى لمى لوحدتها ، كانت عايزة تفتح
فونها تتكلم معاه يشوف حل للمصيبه الى هى فيها
بس كبريائها انها تحسسه ان فى مصيبه بسببه
دى اكبر
فسكتت ورجعت لمكانها زى الاول .
， `·，`·，`·，`·，`·，`·，`·，`·，`·，`·，`·
سفيان: لو سمحت !
قهوة تانى سكر مظبوط
القهوجى : من عنيا وعندك واحد مظبوووط
صاحب سفيان : زى م بقولك كده ، الشغل هنا
مش هينفع
مرة تتهزق ومرة يستغنوا عنك وكتير مفيش شغل
والشهادات بقينا نبلها ونشرب ميتها
هنا محدش عارف ياكل عيش
سفيان: بس انا مش هينفع اسافر
اسيب امى وابويا لمين
صاحبه: ياعم مش اختك قاعدة وياهم
وبعدين م كلنا ماشيين وسايبينهم
بكرة لما نبعت الى يكفيهم
هيلاقوا الى يسندوا عليه بدالنا
سفيان : طب وهنطلع فين
صاحبه : احنا نشوف اقرب مركب طالعه ع امتى
وفين ونتوكل عالله
سفيان سرح
صاحبه: اصل مش هتيجى غير كده
احنا لا معانا فلوس لفيزا وتأشيرة عشان ندخل البلاد دى
الى معانا يدوب يسفرنا عن طريق البحر
هربانين
ندخل ونقلب عيشنا بقى
بيقولك الشغل برة زى الرز وفلوسهم حلوة وكتير
سفيان: معرفش ...قلقان
صاحبه: ليه قلقان ؟ هو احنا اول ناس
تطلع كده وتسافر كده
ولو خايف عشان الدخول ففى الى هيتصرف
سفيان جاتله القهوة وبيشربها
صاحبه: سيبها عالله ...المهم
موافق تطلع معانا
سفيان : والفلوس
صاحبه: ٥٠٠٠جنيه مش مشكله
هنعرف نجيبهم
عارف لو الفرصة راحت من ايدك
هتندم ...صدقنى
سفيان: طيب ...انا معاكم
صاحبه: تمام هظبط الامور واكلمك
ماشى
سفيان: ماشى
#نوتيلا
#نوراسماعيل
， `·，`·，`·，`·，`·，`·，`·，`·，`·，`·，`·
مريم حياتها اتغيرت بعد مجى مروان ابنها
يمكن بقت مسؤله
فهمت انها بقت زوجه وام
وبعد قعادها فترة فمصر لحد م مروان يشد حيله
وهى كمان ...ونصايح خالتها ليها
عن البيوت والعيشه
وانها لازم تكون طاقه احتمالها كبيرة
وتعيش لجوزها وابنها وبيتها
مريم تقبلت ده ...ودلوقتى رجعت ايطاليا
تانى بمروان
لحياتها من تانى .
خارج مراد وبيلبس وهى بتتكلم فالفون
مريم: يابنتى نبيتى فكرنبي ايه يا متخلفه
وحش جدا طبعا
وجدان: وحش ليه عاجبنى ياحجه ذوقى كدخ
مريم: لا طبعا ده ذوق زى الزفت
اختارى لون تانى مع انوس
وجدان: هو قالى اختارى انتى دهانات اوضة الاطفال
دى شغلتك
مريم: وهتعملوا انهى اوضة اوضة الاطفال يابت؟
اوعى تقولى بتاعتى
وجدان: كركركركخ ،طبعا بتاعتك
اساسا خلقتك طابعه فحيطان الاوضة العنكبوت النونو
بتاعنا
مريم ( بتضحك ) عنكبوت فعينك حيوانه
مراد : البالطو الاسود فين ؟
مريم بتشاورله هتجيب له وقامت
مراد ( بعصبيه) خلصى !
مريم بصتله باستغراب بيزعق ليه، جابتهوله
وهى مكمله كلام مع وجدان
مريم: ممممم طب بصى احلى حاجه للارضية الباركيه
اسمعى كلامى
وجدان: انس برضو شايف كده ،ماشاء الله اخوات
مريم: اه طبعا غصب عنك ده انا حماتك يابت
وجدان: مانا حاسس يا اونكل شيبسي
مراد: مريم مروان بيعيط
قامت مريم من الفراندا دخلت شالت مروان وهى برضو بتتكلم
مريم: اوعوا تحددوا فرحكم قريب ، انا لسه كنت
عندكم خلوه ع سنه كده عشان اعرف انزل
وجدان: بقولك ايه اولعى ،انا هموت وانا واخوكى
نتجمع فعش العصافير ونزق نزق
فودان بعض
مريم: اه ياجزمه يا موزبلحه !! هتموتى وتتجوزى
مش ساهلة ابدا
مراد: مريم ...فين اللاب توب بتاعى
مريم مسمعتوش وكملت ضحك مع وجدان
جه من بعيد ،خطف الفون من ع ودنها ورماه
ع الكنبه جمبه
مريم( مخضوضه) ايه ده !!!
مراد : ايه فيه ايه ، شغال بناديكى
وانتى هاتك يارغى وضحك
قرفتينى
مريم: مالك يا مراد انت بتخترع مشكله
مراد: لو سمحتى طول مانا هنا تاخدى بالك الاول
انا عاوز ايه
وبعدها ابقى ارغى براحتك واتنيلى
مريم: اتنيل !! كل ده عشان مسمعتكش
وانت بتنادى
م انت شغال يا مريم يا مريم وانا حاضر
فيه ايه
مراد: اه طبعا الزعيق فيا انا ، والضحك والكركره
مع خالتك واصحابك وحضرة الظابط سليم افندى
مريم: مراد انت شارب حاجه ؟
مراد: شارب ! عشان بقولك انك مقصرة ابقى شارب
مريم: انا مش مقصرة يا مراد
هدومك وحاجتك والاكل جاهزين ،والبيت نضيف
ومروان اكل وكان نايم وصحى يعيط ده عادى
فيه ايه ...اتكلمت كلمتين مع وجدان الدنيا خربت
مراد: هى وجدان بس ،وجدان واسيا ويارا
وتبارك وخالتك وكلهم كوم ولما بتفتحى عالرابع
مع الامور الحليوه سليم محدش بيوقفك
مريم: مراد اتكلم باحترام عن كده
مراد: انتى هتعلمينى الاحترام ( زقها زقه خفيفه
بايدة ك استهزاء وقعها على ركنه الكنبه)
لبس البالطو واخد حاجته وماشى ومريم بصاله
مراد: عيشتك بقت تقرف
خرج وخبط الباب وراه جامد خض ابنه بعد م نام صحى
مفزوع ,,حضنته مريم وطبطبت عليه
وهى الى محتاجه الى يطبطب عليها ..
， `·，`·，`·，`·，`·，`·，`·，`·，`·，`·，`·
على سفرة العشا ..
كانوا اسيا وسليم بيتعشوا سوا ،بس من غير كلام
الهدوء خنقهم
فقرر يكسر الملل سليم ويبدا الاول
سليم: ساكته ليه ؟
اسيا( كانت سرحانه) لا عادى
سليم: شكلك مرهق شوية انهاردة
اسيا: مرهق كتير ...كان فى مشاوير والشغل
مفضتش
سليم : ربنا يعينك يارب
رجعوا تانى للسكوت ،وسليم لتانى مرة
يفتح حوار
سليم: تعرفى انهاردة جاتلى اخبارية غريبة جدا
اسيا سرحانه
سليم: اسيا ...انا بكلمك!
اسيا: هاه ! معاك
سليم: معايا فين انا كانى جبتك من اخر الدنيا
سرحانه ف ايه ؟
اسيا: لا عادى بفكر فشوية حجات ، ع فكرة
نشوى احتمال توافق ع عثمان
سليم: كويس اوى
ربنا يتم ع خير
خلصوا اكل ...بيشيل الاطباق سليم
سليم: تسلم ايدك
اسيا: استنى انا هشيل
سليم: ايد ع ايد تساعد
شالو الاطباق واسيا حطتهم فالديش ووشر
ودخلت قعدت فسريرها ف اوضة النوم
خرج من الحمام وقعد جمبها
كانت هى بتتفرج ع فيلم وهو بيشوف وياها
سليم: الممثلة دى فيها شبه منك
اسيا: يسرا اللوزى ! اه المعظم قالى كده
اتفرجوا ع جزء كبير من الفيلم سوا ،وبعدها
نزلت اسيا عالمخدة هتنام
سليم( مستغرب) ايه هتنامى ولا ايه ؟
اسيا: اه مرهقه جدا
سليم باصص لها وسكت وبص للتليفزيون
اسيا: مش هتنام ولا ايه
سليم: لا قاعد شوية ...نامى انتى تصبحى ع خير
سليم حاسس انه مش جاى له نوم ،ومخنوق
عاوز يحكى عاوز يضحك
اى حاجه تنسيه يومه
وقرف الشغل،مسك فونه وطلب انس
سليم: انا قولت اكيد صاحى
انس: عيب ياباشا احنا بتوع الليل واخره
سليم: كويس قولت احكى معاك تفرفشنى وتضحكنى
شوية
انس: اضحكك ! اومال انت متصل باراجوز ولا ايه
سليم( بيضحك) هههه مش قصدى ياحمار
بس خفة دمك مطلوبه يعنى بعد خنقه يوم كامل
انس: خفة دمى ده ايه
الى مطلوبه ، وموزتك فين
الوقت الى انت فيه ده انا لو مكانك اتبرى من البشرية كلها
سليم : لا هى نامت تعبانه طول اليوم
انس: ولو ! روح اسكعها قلم وقولها قومى يابنت الرفضى
احكى معايا واضحكى وارقصى واتشخلعى واقلبي
غازية ف ٣دقايق
سليم: هههههههه يخربيتك
انس: طب ورحمة امى لو وجدان عملت فيا الحركه دى
لاعلقها قدام باب الشقة وابيع منها بالكيلو
سليم: لا وجدان مش هتعمل كده،انتو الجوز اراجوزات
نمركم فالسيرك مبتخلصش
انس: بتتريق! احلى حاجه الجنان يا صاحبي
عشان تعيش
وبصراحه انا عاذرك
انت جد وخشن وشبه الليفه السلك
والمدام عاملة زى ابله الناظرة مثاليه اوى
وهادية اوى
وانا لو معاكم هتنزل عليا نقطه من العلاقه دى
سليم ميت من الضحك مش قادر
انس: اهو انت كنت عاوز شوية الضحك دول،سلملى
ع شنبك
ليلتك بتضحك
سليم: تسلملى حبيبي وانت من اهله
قفل سليم وهو بيضحك وبيخبط كف ع كف
من انس وافيهاته الى نسته شوية
مرار يوم مع مجرمات وستات مشبوهه.
， `·，`·，`·，`·，`·，`·，`·，`·，`·，`·，`·
"جواز عرفى !"
احمد: هو ده الحل
لمى : طبعا م انت شايفنى رخيصة دلوقتى ،هتتحكم
زى م انت عايز
احمد: لمى وحياتك انتى انا مش قاصد انى اضغط
عليكى بس هو ده الحل اصلا
الى كنت جاى لك بيه العوامه يومها
لمى : وانا مكنتش هقبل ،لكن مضطرة دلوقتى
اقبل عشان الفضيحه مش كده ( بتعيط وبتمسح عيونها)
احمد: وطى صوتك الناس بتبص
لمى: وان موافقتش يا احمد
احمد: معنديش حل تانى يا لمى ، انا دماغى وقفت
من التفكير وهو ده الحل الى وصلتله فالاخر
لمى : لكن مينفعش شرعى مش كده
احمد: شرعى يعنى مراتى هتعرف والولاد
يعنى البيت هيتخرب
زائد ان انا مش متاكد من ان باباكى يوافق اصلا
عليا لو اتقدمتلك وانا متجوز ومخلف
لمى ( بعصبيه) اه !! قول كده
انت كنت عارف انك لا عمرك هتيجى ولا هتتقدملى
بس بتمطوح فيا يمين وشمال ع كيفك
احمد: لمى فكرى شوية وبطلى عصبيتك دى
ده الحل الى هينفع
لمى: وهفضل فالضلمة كتير يا بشمهندس؟!
احمد سكت وبيبص حواليه مخنوق
لمى : مش هلبس فستان فرح ! مش هتزف عليك
مش هخلف عيال فالنور ؟
احمد: واحدة واحدة كل حاجه هتتحل ،احنا دلوقتى
بننقذ المصيبه الى انتى فيها
لمى ( بتتكلم بتحدى) الى انا وانت فيها يا احمد
مش انا لوحدى
احمد: ماشى الى انا وانتى فيها يالمى
سكتت ومسحت دموعها الى بتنزل ورا بعض
ورجعت بصت له بصة قرف وخنقه
ولسه مقالتش رد ...
， `·，`·，`·，`·，`·，`·，`·，`·，`·，`·，`·
تبارك بتحط ابريق ميه وكوباية جمب باباها
وخارجه من اوضته
تبارك: ماما عايزة حاجه منى ؟
الام: انتى هتنامى دلوقتى ،مش تستنى اخوكى عشان
نتعشى
تبارك: لا مش عايزة اكل ياماما
الام: براحتك يابنتى
تبارك: انا بس هصلى صلاة استخارة
فلو عايزة حاجه منى قوليهالى دلوقتي
عشان هدخل اوضتى واقفل ع نفسي للصبح
الام: ( استغربت) استخارة ! استخارة على ايه؟
تبارك: موضوع كده يا امى
الام : تبارك بقولك ايه ...م تيجى نروح بكرة لدكتورة
نسا تكشف عليكى
تبارك: ليه
الام: يعنى ...جوزك كان هنا ومحصلش حمل
نشوف لو عندك حاجه
نعالجها قبل م ينزل اجازته الجايه
تبارك اتنهدت بحزن
تبارك: اتطمنى ياماما مفيش حاجه
الام: وانتى عرفتى منين ،هو انتوا روحتوا للدكتورة؟
تبارك مش حابه تكدب ومش عارفه ترد ب ايه
الام: فيه ايه يا تبارك م تفهمينى
تبارك : مفيش ياماما متقلقيش ،انا هدخل اوضتى بقى
عن اذنك
دخلت وقفلت الباب
لبست اسدالها ، فتحت المصحف وقرت ماتيسر لها
من الايات القرآنيه
قامت تنوى لصلاة ركعتين استخارة
صلت الركعتين كاملين وجت فسجدة دعاء
الاستخارة وقالت
"اللهم انى استخيرك بعلمك واستقدرك بقدرتك
واسالك من فضلك العظيم
فانك تقدر ولا اقدر
وتعلم ولا اعلم....انك علام الغيوب
ان كان فى امرى ...
سكتت مش قادرة تنطق حاسة ان الكلام صعب عليها
بس خدت نفسها وكملت الدعاء
تبارك: ان كان فى امرى ...طلاقى من زوجى عمرو
خيرا لى ولدنياى وعاحل امرى وآجله
( الكلام فعلا صعب ومش عارفه تكمل)
فيسره لى
وان كان فى امر ( سكتت كتير)
طلاقى من زوجى عمرو شرا لى فى دينى ودنياى
وعاجل امرى وآجله
فاصرفه عنى واصرفنى عنه وقدر لى الخير حيث كان
خلصت دعائها قامت وقالت التحيات وسلمت
وقعدت عالسجادة قلبها بيتقطع ومش فاهمه ليه
بتمسح دمعه من عيونها
وبتقوم تنام ....لحد الصبح
， `·，`·，`·，`·，`·，`·，`·，`·，`·，`·，`·
استنونا الاربعاء ان شاء الله
#نوتيلا
#نورإسماعيل
ليست هناك تعليقات:
إرسال تعليق