روايةツ
نوتيلآ ❥❥
الفصل (٤٩
( الجزء الثانى)
التابع ل قبل الاخير}}
， `·，`·，`·，`·，`·，`·，`·，`·，`·，`·，`·
عدى كام شهر .
وجه ميعاد كشف وجدان عند دكتورة مشهورة فالقاهرة !
عملوا حساب يوم السفر انس ووجدان للقاهرة عشان
الكشف وقالوا يقضوا اليوم ف اوتيل ويرحوا تانى يوم..
وفالعيادة الكبيرة الى معمولة ع صيحه عالية من
الشياكة واحدث معدات طبيه موجودة فيها ،كانت
المرضى امم
والمكان مش مكفى ...
انس ( بيبص عالناس الكتير) دول بايتين هنا
دول
ايه كل البشر دى
وجدان: ياعينى كل دول معندهمش اطافيل
انس: اطافيل!! اه كل دول معندهمش
اطافيل وعايزين يجيبوا فوق عددهم تانى
اطافيل
...ولكى الله يامصر
وجدان: انا فرحت انى مش لوحدى فالموضوع ده
انس: لا حبيبو مش انتى بس ، عشان كده
بقولك متخافيش بقت فيه حلول
خلاص
دقايق الانتظار مفيش اصعب منها ، طولت قعدتهم
فالعيادة لحد م جه دور وجدان وندهوا ع اسمها
دخلت وبعد السلام عالدكتورة وشرح الحالة ، وقدمت
تقارير الكشف السابق ليها والتحاليل والاشعات
تم الاطلاع عليهم وكشفت عليها، وبعد الكشف..
الدكتورة: بصى يا مدام وجدان ، حالتك صعبة
لكن مش اوى
وجدان متوترة وماسك ايدها انس
الدكتورة: ع فكرة كلام الدكتور الى روحتيله
ده مظبوط جدا
فى عندك عيب خلقى يمنع الخلفه
( لاحظت توترها وبداية خنقه وجدان،فحبت تهدى
الجو )
بس مفيش عند الله مستحيل ...ولا ايه
انس: طبعا ..ونعم بالله
وجدان( عيونها فيها دموع) يعنى كده خلاص مفيش
امل؟
الدكتورة: انا قولت مفيش عند الله مستحيل
بصوا
فى عملية لموضوع وجدان ، نسبة نجاحها لحد
الان متعديش ال ٦٥٪ ودى حاجه كويسة
هى مجازفه
وفيه احتمال للفشل
بس لو نجحت ...الخطوة الجاية هتبقى افضل
ونتائجها اعلى، ايه رأيكم؟
وجدان: انا مستعدة لاى حاجه ، ان شاء الله
اموت بس يكونلى اولاد
انس: ولما تموتى مين هيخلف ، الدبدوب الى عالسرير!
بس ياحبيبتى
كملى يا دكتورة
الدكتورة: لا ان شاء الله مفيش موت ولا حاجه
لو وافقتوا ، هنبدا فالاجراءات
ونشوف وقت العملية بالظبط جسمك امتى مستعد
له
انس: احنا موافقين يا دكتورة ..
الدكتورة: ع خير ( بتكتب روشته) استاذ انس
هتجيب الحقن دى
واول م تخلص هتجيلى ع طول
خلص الكشف والتعليمات ، سلموا عليها
ومشيوا
انس حب يخرج وجدان من توترها وقلقها،ووشها
الى مبقاش يضحك من وقت الموضوع ده
اتمشوا وجايلها شيكولاتات ، وراحو اتعشوا فمكان
هادى
ورجعوا عالاوتيل
انس: ان شاء الله ، هتاخدى الحقن
وتيجى نشوف امتى العملية ، وتعمليها
وبعدها نشوف الدكتورة عايزة ايه
وربنا هيكتبلى منك كتاكيت حلوة كتير
ولو منفعش ومخلفتيش حاجه خالص
والعمليات باظت ...
وجدان( قاطعته وقالت بحزن) هتتجوز ؟!
انس: لا مش هعمل كده يا طقه انتى ( خبطها
فدماغها) هحبك اكتر واكتر واكتر
وجدان: اومال لما الموضوع ميهمكش
بتمشى معايا فيه ليه؟
انس: علشان انا شايف انك انتى هتموتى عليه
الحوار ده
لكن وعهد الله انا وجودك فحياتى مكفينى
بولاد من غير مكتفى والله
وجدان حضنته ب امان فظيع ، وهو باسها
بحب زى الاطفال الصغيرة
فعز خوفها بيطمنها ، لان الاكبر من اى حاجه
ممكن تحصل لاى اتنين تهدد علاقتهم ببعض
هو الامان
وجود الامان ...بيكفى ✋.
， `·，`·，`·，`·，`·，`·，`·，`·，`·，`·，`·
تخبيط ع باب شقة مريم ...
محدش يتلخبط ، الشقة دى اخدتها بحكم
من المحكمة لانها حاضنه .
كان يملكها مراد وكانوا عاملينها للزيارات لمصر
وبس
لكن المحكمة حكمت انها من حق مريم وابنها،
ومريم حاليا فيها لان حست
انها هتبقى رخمه لو اخدت شهور عدتها
والكام شهر الى وراهم
لحد م تتجوز سليم عند انس وخالتها.
مريم : ايوة ميين ؟
( بتفتح ) سليم!
سليم: ايه ده انتى لسه ملبستيش؟
مريم: ( بتتكلم بدلع زى الاطفال) ماهو انت
مقولتش انك جاى دلوقت !
سليم( بيقلدها بهزار) مقولتش جاى دلوقت!
انا مش مكلمك من ساعة وقولت هعدى عليكى
عشان ننزل ننقى العفش!
( قرصها من ودنها) حصل ولا لا
واستنى ...بتفتحى الباب بشعرك
مريم( بخوف يضحك) استنى استنى ..مانا قولت
حد منكم يعنى جايلى ففتحت ع طول
سليم: حد مننا ...البواب
تعلب بيخبط عالباب تتلبس الطرحه ولاخدتى
ع قعادك برة ف روما!
مريم( بتضحك) تعلب!! طب ادخل لحد م البس
والبس مارو
سليم: لا هستناكى تحت فالعربية مش هينفع
ادخل
انتى بس انجزى عشان هنعدى مارو ع ماما
مريم( بدلع) ليه ...م يخرج معانا
سليم: هى رحلة مدرسية يابابا ، يلا بقى
عشان وحشانى وعاوز اقضى اليوم معاكى
مريم : طويب ...١٠ دقايق ونازله
سليم : طب بقولك ايه ( قرب عليها
وهو واقف ع عتبه الباب) البسى حاجه
واسعه
مريم( بتقرب عليه بدلع) حاضر
سليم( قرب زيادة وعينه فعنيها) واسعه
اوى ..هاه
مريم( بصاله ومركزه) حاضر ..الله!
سليم( قرب زيادة) متبصليش بعنيكى
الحلوة دى عشان مستناش هنا
ع عتبه الباب
مريم( بتضحك اوى) ههههه
سليم( بص حواليه عالسلم) ايه ده! ادخلى
بصوت ضحكتك دى
يلا وخلصى ( دخلها جوه وبيقفل الباب)
بقولك
مريم: نعم
سليم: بموت فيكى ( ابتسم)
مريم عملت قلب بايدها وشاورت عليه وقفلت
الباب.
نزلت ومعاها مروان ، ودوه لمامت سليم
وطلعوا هما بجولتهم
انهاردة سليم كان متحرر ، كان منطلق
مبسوط
بيضحك طول الوقت
ومريم كمان ،الفرحة فقلب كل واحد مش سيعاهم
ابدا
فمحلات الموبليا فى ناس كتير تعرفوا
وكانوا بينبسطوا ان عقيد برتبته وهيبته
بيشترى من عندهم فكانوا بيقدموا افخم
حاجه واحسن حاجه.
مريم: حلوة اوى اوى اوى اوضه النوم دى
وهم بجد
سليم: يعنى دى عاجباكى اكتر من الى فاتت
مريم: اه اوى يا سولى
سليم: طيب خلاص هدفع عربونها دلوقت
( بيبص عالدولاب) بس الدولاب للسقف
حبيبي
هتطوليه ازاى وانتى قصيرة ؟
مريم( ضربته فصدره) قصيرة فعينك بص
كده ( جايت مرسى ووقفت ومطالتش اخره
برضو)
كلضمت زى الاطفال ونزلت من عليه
سليم قرب وبيمشى ايده ع وشها وهى مكلضمه
زى البيبي ومده شفايفها لقدام
سليم: ايه يا كلموش روحى سحلان ليه
مريم: عشان مطولتهوش !! يبقى مش هناخدها
انت عندك حق انا قصير وصغنون
سليم: انت كلبوب مش صغنون بس ، تعالى
كده ( شالها لانه طويل) طايله كده
مريم بتمد ايدها طالت فعلا وفرحت زى
العيال الصغيرة
مريم: ايوة ايوة طولت فعلا هيييه هيييه
نزلها بالراحه اوى وهى نازله كانوا شبه لازقين
فبعض ووشها جه ع وشه
سليم: شوفتى بقى اننا بنكمل بعض
مريم: شوفت بقى انى بحبك
عيونهم فعيون بعض ومركزين اوى ، ووشهم
مش بعيد عن بعض سنتيمترات
سليم: اهو انهاردة حاجه من الحجات الى حلمت بيها
نزلها وسندت ضهرها لباب الدولاب ، وركن دراعه
ع باب الدولاب وراها وشبه لازق فيها ومميل
بدماغه على وشها
مريم( بنعومه ) حلمت ايه
سليم: انى اجيب حجات شقتنا مع بعض
ونخرج سوا ونتدلع سوا
وانى محسش كل الاحساسيس الحلوة دى الا
معاكى
مريم ( ماسكه زرار القميص بتاعه وبتلعب فيه
وهى بتتكلم) ومين قالك انى انا كمان
مكنتش بحلم باليوم ده واكتر منك كمان
انا كنت بموت من الغيرة وانت مع ندى
او حتى اسيا
وببقى نفسي محدش يقاسمك اى حاجه غيرى
سليم( بحنيه وميل اكتر عليها) طب م الحلم
اتحقق اهو ولا ايه
مريم( بدلع) ولا اه
سليم: ولا لا
مريم بتبص حواليها وفاقت لواقعها
مريم: يانهار ابيض احنا فالمحل يا حضرة
العقيد !!
سليم بعد عنها واتنحنح
سليم: احم ...زى م انتى ولا كان فى حاجه
ضحكوا الاتنين بصوت عالى
سليم: يلا نتفرج عالباقى يالى مجننانى انتى
مريم: يلا بس افتكر خشونتك يا سعادة الظابط المحترم
سليم: لا انتى متخرجيش معايا فحته
لانى بنسى شخصيتى وانا ايه مع الناس
وبقلب من ظابط فالمباحث لظابط
ايقاع !!
مريم( بصوت عالى) ههههههههه
سليم: نلم الضحكة طيب عشان الفضايح
واتظبطى كده
مريم( حطت ايدها ع بوقها وهى لسه بتضحك) اهو
تمام ياباشا ..
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
حاضنه يارا الصغيرة وبترضعها ،وماسكه
كفوف ايدها وصوابعها وبتبوسهم
وبتفتكر حاجه عمرها م كانت هتنساها مهما
عدى عليها الزمن ...
فلاش باااااك
ياسين : فاكرة لما قولتلك ان كله بسبب
وكله ب اوان!
فاكرة واحنا فالمستشفى وانتى مستسلمه لفكرة
الموت بعد موت خالد
وكنتى عايزة تمشى!
فاكرة انى ساعتها حكتلك قصة ملك الموت
مع ضيف سيدنا سليمان،، قولتلك مهما لو حصلنا
ايه او
كنا فين المكتوب لنا هنشوفه.
عندى ايمان قوى يا يارا انك هتقومى ،وهتفوقى
وهنربي ابننا سوا
وهتنورى حياتى من تانى ، بعد م ضلمت بسبب
غيابك
انا صاحب القلب الى متعلق بربنا وخرجه من اقصى المحن
ومن دايرة الموت وخرجك انتى كمان
مستحيل يخذلنى ويحرمنى انا وابنك منك !!
مستحيل يا يارا
الكلام بيوصل عقل يارا ، بتبدى تحس انها
فدوامه ودماغها بتلف وبتدور وكأنها تحت
الميه
لكن سامعه صوت ياسين وكلامه كويس..
بتفتح عيونها !
ياسين اخد باله
ياسين( بلهفه وفرحه غير عادية) يارا!!
يارااا حبيبتى
غمضت عيونها تانى وتاهت فضل جمبها
فتحت تانى بعد دقيقتين
يارا: ياس...ياسين
ياسين
ياسين بلهفه بيحضنها ودموعه غرقت وشها
ياسين: ياقلب ياسين ...ياروح ياسين
حمدلله ع سلامتك
ياطنط !
ياعمى
يارا فاقت
يارا فاقت
ع صوته دخلوا ورا بعض الاوضه ، فعلا ابتدت
تفوق من الغيبوبة
وبدات تركز وتستوعب
ياسين مش سايبها من حضنه ، ونزل باباها سجد
عالارض شكر
ويسرا اختها ممسكتش نفسها وابتدت تزغرد مع
الدموع من الفرحه !!
الام: حمدلله ع سلامتك يابنتى ، اسم الله
عليكى ربنا يحميكى يارب وم يحرمنا منك
يارا بتبصلهم كلهم وبتحضن ياسين بالراحه
الى مش سايبها من حضنه
الاب: هكلم الدكتور حالا ، يامنت كريم يارب
يارا: ياسين ( بصوت متقطع)
ياسين: نعم يا حياة ياسين ، يااااه يا يارا
وحشنى اسمع اسمى من شفايفك
.........
رجعت من الذكرى الحلوة وهى ماسكه صورة ياسين
وهى فالنوبة ايام شهر العسل عالكومودينو
جمب السرير
يارا: ربنا ميحرمنيش منك يارب ، يااغلى
هدية ربنا بعتهالى ( بتبوس الصورة)
يارا الصغننه عملت صوت رغم انها نامت وهى بترضع
وبتتقلب!
اخدت بالها يارا وحطت الصورة ، وشالت يارا
بالراحه
وحطتها عالسرير وغطتها وباست كف ايدها
وقامت من جنبها ،فتحت القرآن
وخرجت تعمل الى عليها فالبيت قبل رجوع ياسين
وتساعد الخدامه الى جابها ليها
من بعد رجوعها من الولادة.
， `·，`·，`·，`·，`·，`·，`·，`·，`·，`·，`·
اما عن قصة الحب الى برغم كل الى حصل فيها
والمطاردات والاعتراف والحب والفراق
والرجوع
وعدم الامل ...للنهاية السعيدة الى قربت
اسيا واياد ❤
اتنين شافوا من حبهم الصعب الكتييير الى يصبرهم
ع الى جاى مهما كان ، المهم يفضلوا سوا للنهاية.
قاعدين فكافية انس بالصدفه من غير ترتيب،
بتشرب هى ليمون بالنعناع وهو شاى
وبيتصفحوا اماكن عالانترنت وفنادق ...علشان
الهونى مون 😉
اسيا: طب وليه برة مصر يا حبيبي
اياد: الله! انا عاوز كده يا سوسى ايه الى فيها
اسيا: طيب م نوفر كل المصاريف دى لفرح كبير
وحجات كده
اياد: م احنا هنعمل برضو فرح كبير وحجات كده
اسيا: برضو!
اياد: اه برضو ( مسك ايديها) انتى مستهونه
باتنين اتشحتفوا ع بعض حرفيا
وم صدقوا بقوا سوا زينا
عشان نتجوز بفرح عادى ونروح اى مكان هونى
مون
اسيا: انا فرحتى انك معايا دى بالدنيا اصلا، غير
ان فكرة الفرح انا مش مقتنعه بيها
اياد: عشان يعنى انتى عملتى فرحك قبل كده!
الفرح لو مكانش بفرحه بتتزفى بيها ع حبيبك
ميبقاش فرح
بيبقى تمثيليه اجتماعيه عشان الدنيا
تمشى !
وانا مبعترفش ب ده نوع من الافراح
وبعدين تعالى هنا ،انتى اول فرحتى
لازم افرح وابين فرحتى لكل الناس
لازم ارقص واتنطط وارقصك معايا وفحضنى
اذا كان ده اول فرح ليا ...فهو برضو اول
فرح ليكى
لانه فرحك ع حبيبك ( بيبتسم بحب)
اسيا: هموت واعرف فيا ايه عشان تحبنى الحب
ده كله
اياد( بيعد ع صوابعها) فيكى ايه؟
بصى ياستى
هنسيب الجمال ع جنب
جدعة
وحنينه
ووفيه ...حتى برغم الى حصل فقلبك مازال
بتاعى لوحدى ( باس كف ايدها)
بنت بلد
طيبة اوى
هعوز ايه تانى
وبعدين انا حبيتك فخيالى من قبل م اشوفك
ولا نسيتى ؟!
اسيا: كل م اسمع حاجه منك ، بعرف انى اختارت
صح
اياد: انى الاقيكى يا اسيا ..ده احلى صدفه فحياتى
عشان انا كل حياتى انتى
وانتى الوحيدة الى مليتى حياتى فرح!
اسيا: لو كانوا ماما وبابا بيدعولى طول السنين دى
براحه البال وهداية احوالى
فربنا بيحبنى انه استجاب دعواتهم فصورتك
ابتسم وركزوا فبعض ثوان
اياد: طب ايه ؟ يلا اختارى
نروح فين ونحجز ف انهى فندق
اسيا: مممم ..طب نبص عالتكاليف الاول
اياد: بقولك ابويا ورث ، ورث!
انسى بقى نحسبها ونشوف
ان مخلصتش عالورث بتاعه مبقاش
انا
اسيا: ههههههه مش كفاية الى دفعوه ليه
فالقروض ياضلالى
اياد: الله ! مانا هتجوز حبيبة قلبي الى هموت
عليها بقالى سنين
وعايز اعملها احلى فرح واحلى شقه واجمد
شهر عسل
يبقى لازم يكيش
ده انا طلع عينى فليبيا
نفسي ارتاح
اسيا: يا حبيبي ...طيب زى م انت عاوز
( بتبص عالنتايج الى طلعوها عالانترنت)
بصراحه هموت واشوف تركيا
اياد: تخيلى انى فبالى كنت مختارها بس كنت
مستنى
اختيارك
اسيا: يبقى اتفقنا ( بتشرب اللمون )
اياد: امتى بقى امتى ، لازم يعنى باباكى
زى كل مرة يعقدها نكتب كتابنا مع لمى
اسيا: لا انا الى قولت يا ويدو مش بابا
اياد: ليه يا مفترية ليه ، مش شايفه انى هموت
ونتجوز و مصدقت عدوا شهور العدة بالضالين
اسيا: عايزة نفرح سوا والله ده كان قصدى
اياد: يلا مش مهم فات الكتير
مش باقى الا القليل ياجميل
ده انا هشهيصك شهيصة !!
اسيا اتكسفت وبصت بعيد وهى بتشرب اللمون
اياد: اه اعملى نفسك مش سامعه، بكرة
تسمعى غصب عنك يا سوووسى
， `·，`·，`·，`·，`·，`·，`·，`·，`·，`·，`·
بتتقلب نشوى من نومها بصعوبة بسبب بطنها الكبيرة
وتقل الحمل بتفوق
لاقت عثمان بيلبس قدام المراية .
نشوى: حبيبي صباح الخير
عثمان: صباح النور يا نوشا
نشوى: مصحتنيش ليه احضرلك الفطار
عثمان جه وقعد جنبها عالسرير ، وباس
دماغها بحنيه
عثمان: انا صحيت بدرى وفطرت وحضرت
لك اكلك
وحطيت غسيل فالغسالة
نشوى( بخضة) حطيت الغسيل! وانت مالك ومال
الغسيل بس
عثمان: يعنى هو مش لازم اساعدك ! انا شايفك
عاملة ازاى بالعافيه بتتحركى
وبعدين منقصش منى حته لما حطتهم يعنى
نشوى فرحت وطبطبت ع ايده
عثمان ( حط ودنه ع بطن نشوى) واد ياهشام
انت يا ولا!
قول صباح الفل لبابا يا وحش
ولا لسه نايم وكسلان
لا ...لازم تتعود الصحيان بدرى عشان تطلع
وكيل نيابه لبابا
ولا تطلع ظابط
ولا طيار
نشوى ( بتقوم من مكانها) ده منيمنيش
طول الليل بيتحرك فبطنى وشغال شلاليت
عثمان: حسيت بيكى والله ، ربنا يهون
عليكى يارب
) ميل ناحية بطنها تانى يكلم النونو) واد يا اتش
متتعبش ماما
نشوى( قامت وخارجه من الاوضة) لسه برضو
عايز تسميه هشام
عثمان: مش عارف حاسس انه يليق ع
عثمان
هشام عثمان المحامى
او حضرة الظابط هشام عثمان
نشوى ( بتفتح التلاجه تشرب ومبتسمه)
انا بقى نفسي يطلع واد امور وعسول كده
وبيخاف ربنا وبيتق الله
ويطلع زى ماهو عاوز بقى
بس اسم هشام انا مش بلعاه
عثمان: طيب جاى فبالك اسم ايه؟
نشوى: مممم نفسي اسمى حمزة
عثمان: حمزة عثمان !
تصدقى جميل برضو
وينفع محامى او ظابط
نشوى( مبتسمه) تاااانى!
عثمان بيضحك وسابها تفطر عالسفرة
عثمان: انا نازل عايزة حاجه؟
نشوى: لا ..خد بالك من نفسك
عثمان( باس دماغها) حاضر
سلام يا واد يا هشام
نشوى: برضو ! ههههه
عثمان: خلاص حمزة ...سلام يا حموزه
خد بالك من ماما
لا اله الا الله يا حبيبتى
نشوى : محمد رسول الله ، برعاية الله يارب
， `·，`·，`·，`·，`·，`·，`·，`·，`·，`·，`·
"عاملين ايه حبايب بابا"
تبارك: الحمدلله نحمد ربنا ونشكره
عمرو: بالله عليكى خدى بالك من نفسك
ومن اكلك ونومك ماشى
تبارك: ياعمرو مالك قلقان كده ليه ، والله
واخدة بالى من كل حاجه زى م كنت
عندك واكتر
عمرو : مش عاوزة تشاورى عقلك وتيجى
تبارك: اجى ازاى وكتب كتاب سفيان قرب
انت بقى الى تعالى
عمرو: مش هقدر م انتى عارفه الى فيها، ان شاء
الله عالفرح ننزل احنا الاتنين
عشان حضرتك تحضرى كتب الكتاب وتجيلى
بسرعة لانى مش عارف اقعد من غيرك والله
العظيم
تبارك: وحياة ربنا وانا كمان ، بس هسافرلك
بعد كتب الكتاب وارجع بعد كام شهر
انزل عشان الفرح والولادة تصادف عندك ولوحدى
مش كل ده تعب عليا
عمرو: اه يا حبيبتى نسيت موضوع الولادة ده
طيب يا ست تبارك لنا الله
خليكى عندك احضرى كتب كتاب وفرح واولدى
وسبوع ابن سفيان بالمرة
تبارك: هههههه ومين يقدر ياعموره بس ، ان شاء الله
يخلص الفرح اكون شديت حيلى وولدت
واجيلك انا وحبايبك
عمرو: ليه وهو انا هستناكى تولدى وانا مش جمبك
ولا ايه
لا طبعا هنزلك ع فرح سفيان وهستنى وياكى
للولادة
لازم اول من يشيل ولادى هو انا
تبارك: تعيش ويكبروا فحضنك يارب وتفرح
بيهم وتجوزهم
عمرو: بتتكلمى كده كان مش هنخلف غيرهم
، ههههه بقولك ايه طالما
ماشاء الله ربنا كرمنا بفضله من وسع بالجوز
يبقى يدوب تولدى والى وراهم والى وراهم
عايزين نعمل امبراطورية
تبارك: هههههه انت كده هتخلص عليا وانا مش حمل
كل ده
عمرو: بعد الشر عنك ، ربنا يباركلى فيكى وفصحتك
يارب
لمى بتناديها
لمى: يا توت اخلصى بقى البنات مستنين
تبارك: حاضر ( بتكلم عمرو) طب ياعمرو
هكلمك تانى عشان نازلين ننقى فستان
لمى بتاع كتب الكتاب
عمرو: ماشى يا حبيبتى ، مع السلامه
قفلت تبارك وخرجت بصحبه لمى العروسة
واسيا برضو الى صمم اياد تشترى فستان
زيها زي اختها
ووجدان
ومريم
ونشوى ...حتى يارا وبنوتتها الصغيرة
لبست الشياله واخدتها مع ان ياسين بيخاف
عليها من هوا الشارع وتراب الجو بس ربنا
الحافظ.
تبارك ونشوى ماشين سوا ولمى واسيا ومريم
ووجدان
لمى: بصوا ع توتا ونوشا ...جوز كور واخدينهم
معانا
نشوى: اتلمى يا ام لسان انتى
وجدان: ( بتوشوش مريم) استنى اسخنهملك ع بعض
بتتريقى ع اخت جوزك يا لمى ، دى فمقام حماتك
حتى هههههه
تبارك: سيبيها دى جزمه
لمى: اسكتوا بلا حماتى ده انا اديها بالشوز ومتنطقش
نشوى: ياجماعه الخروجه دى كانت محتاجه سفيان
العريس عشان لمى بتتحول قدامه لحمل وديع
لمى : حتى انت يا برودس !! خسئت
مريم: هنروح محل ايه الاول عشان نركب
تاكسى
اسيا: هنروح سيدى جابر فيها محلات وااو ، يلا بينا
وصلوا المنطقه الى رايحينها ونزلوا ع كذا محل
وتنقى لمى واسيا
فيه الى حلو والى يعنى لحد م وصلوا للى هما عايزينه
مريم: حلو ده ياسوس
اسيا: بجد ! ايه رايكم يابنات
تبارك: لا النبيتى سخيف ، شوفى الى ع اسود ده
وجدان: اسود هى رايحه عزا؟ ده كتب كتابها
يامعيز
انتو
اقولك خدى البمبى المسخسخ ده
نشوى ويارا: هههههههه
لمى : طب انا ايه رايكم
يارا: تحففففه ده
اياد بيتصل ب اسيا
اسيا: هرد ع ويدو ثوانى يابنات ( ردت) الو !
انت فين ؟
بجد
احنا فيها برضو
محل ايه
هتيجى ولا ايه ؟
طيب محل .... ماشى مستنياك
يارا: اياد جاى ؟
اسيا( مبتسمه) اه
نشوى: مش فال وحش يشوفها بالفستان
وجدان: التانى فستان الفرح يا شوية بهايم ،يارب
مخلقتش ف ام الشلة دى واحدة بتفهم
ليه
مريم: سيبنالك انتى الفهم ياختى
شوية فعلا وجه اياد ...استنته اسيا
واختار معاها الفستان
احلى بكتير من الى نقوه معاها البنات ، لبسته
وطلع تحفه عليها
وهى داخله تغيره السوسته شبكت فطرحتها!
اسيا: حد ييجى يساعدنى
اياد: فيه ايه
اسيا: السوسته شبكت
لمى: استنى انا جايالك
اياد( رجع لمى بايده) اومال انا بعمل ايه
سيبينا ناخد فرصتنا بقى
البنات فصلوا عليه ضحك ، وتبارك اتكسفت
ودارت وشها
وجدان: انتوا هتسيبوه جوه فالبروفا معاها واحنا
هنا نعدل الايريال؟!
لمى: الله مش هيتجوزوا
يارا: هههههه تموتى فالهلس وقلة الادب يا يارا
نشوى: طب لو جت البنت البياعه ولاقته جوه
معاها
تقول ايه
مريم: نقول جوزها زى م بتقول المقروضة ام
نص لسان دى هنعمل ايه
جوه بقى عند اسيا...
اسيا: ايه ده ؟! انت الى دخلت بجد
اياد: اه انا هاتى اساعدك
اسيا: اطلع يا اياد ونادى ع واحدة من البنات
اياد: ولا واحدة من الينات ولا ام نيازى
انا الى هفك السوسته
اسيا( بتضحك) يخرب عقلك اطلع
اياد: اقسم بربي م هطلع ، انا قتيل السوسته
فصلت ضحك وهو فعلا حاول يفك السوسته
من شبكه الطرحه وفكها !
اسيا: يلا شكرا ع خدماتك ، اطلع بقى
اياد: اطلع ليه
اسيا: هغير يا اياد ..الله!!
اياد سكت وهو مبحلق لها ، ومسك ايديها
الاتنين رجعهم ورا ضهرها
وزقها عالحيطه وع فجاة ولتانى مرة يعملها
فيها
باسها فشفايفها بس المرة دى طول اوى
وبعد م باسها ، بعد وهو بيبصلها بهيام وهى فدنيا تانيه
اسيا: ايه الى عملته ده يامجنون
مش صابر لما نكتب كتابنا
اياد: طب م احنا هنتجوز ( بصلها اوى )
هييييح
زقته فصدره وطلعته برة البروفا
عند البنات...
وجدان: دول بيتغدوا جوة وهيئيلوا شوية
العصرية وبعدها يطلعوا
حد يخبط عليهم الجوز دول هنتقفش اداب
طلع اياد
مريم: هههههه كفارة
اياد: السوسته كانت معصلجه معلش( بيدارى
وشه منهم وخارج ع طول حصلته لمى)
لمى: خد امسح طيب يابتاع السوسته فضحتنا
( ادتله منديل)
بيمسح اياد مكان الروچ وبص بكسوف ل لمى
وفصلوا ضحك عليه 😂..
， `·，`·，`·，`·，`·，`·，`·，`·，`·，`·，`·
تحف وانتيكات ...لعب وعرايس قطن
ابليكات
كل ده لشقة سليم ومريم ، كانوا بيتفننوا فى شرا
كل حاجاتهم بالتفصيل الممل وباختيارهم سوا
كأنهم كانوا عطشانين بعض وبيتلككوا ع اى
حاجه واى دقيقه يكونوا بيها مع بعض
ويعوضوا الى فات .
مريم مأنكشاه وماشيين مبسوطين من غير العربية
مريم: بجد دى اجمل ايام حياتى ، لو اعرف
بعد كل القرف الى شوفته ده هفرح وياك كده
مكنتش زعلت ابدا
ولاعيطت يوم
سليم( رفع كف ايدها وباسه) سلامتك من العياط
والدموع ياقلبي انا من جوه
ان شاء الله مفيش دموع ولا عياط تانى
مريم: طبعا ، م دمت معاك ( ضمت ع كف ايده اوى)
( بتبص ع اعلان بيوتى سنتر) ع فكرة شكله
كويس وعندهم حجات للموضه حلوة
سليم( بيبص ) اه فعلا الاعلان بيقول كده
مريم: اتفقت انا وويچا قبل جوازنا هروح بيوتى
سنتر واظبط بقى لوك جديد محصلش
سليم: روح حبيبك انتى قمر فاى شكل والله
مريم: يوووه ياسولى ، انا عاوز كتا
سليم: انت عاوز كتا يا واد !! ماسى حبيبي اعمل الى عاوزه
مريم( بتضحك بطفوله) ههههه بحب اوى لما تتكلم معايا
كده كانى بيبي
سليم: طب م انتى بيبي بتاعى طبعا
مريم: وانت بقى تحلق الشنب عشان خاطرى
سليم: يااااادى الشنب
مريم: والله لاحلقهولك ياسليم
وهما بيحكوا ومبسوطين عدوا بنتين فعمر ثانوى
وقفوهم
بنوتة: انت حضرة الظابط سليم وجيه مش كده!
سليم( بيضحك) اه ...هو انا اتشهرت ولا ايه
بنوتة ٢:احنا متابعين كل انجازاتك والله وكل القضايا
الى بتمسكها وبتنجح فيها
انت فخر لينا حضرتك
بنوتة( بتتكلم بعفوية ) بص حضرتك انا معجبه اوى بيك
و بجد يعنى صورك عالفيس
تهبل اوى موت وبكراش عليك من زمان لو بعتلك ادد هتقبلنى
سليم: يعنى ايه ب كراش دى
مريم غارت وداست ع كف رجله وجعته
سليم: اه ! والله م اعرف
بنوتة ١: يعنى متابعينك بصمت وكده من غير م تعرف
هتقبل الاادد حضرتك ؟
مريم ( بغلاسه) لا مش هيقبله خلاص
يلا نروح ياسليم
مشيت قدامه وابتسم اوى انها غارت ،اعتذر من البنات
ومشى وراها وهما هيطقوا من مريم
وصلوا لمكان العربية وهو تقريبا بيجرى وراها
مسك كف ايدها
سليم: فيه ايه مالك؟
مريم: مفيش عايزة اروح
سليم( فرحان) طب بس اعرف مبوزه ليه
مريم: ليه وانت مالك ، روح للقمامير الى بيحسسوك
انك فشر عمرو دياب ومشهور بقى وناقص
ياخدوا معاك سيلفى
سليم: طب انا كلمتهم ازاى زبعدين والله م كنت فاهم ايه الى
بيقولوه ده ومهتمتش اصلا
مريم: عاوزه اروح يا سليم ممكن
سليم: طب نعدى ع لبنى عشان تعبانه هوديلها دوا
قبل م اروح ع شقتى
وخدى مروان واروحك ...ماشى
ركبت العربية ومردتش عليه
وصلوا لشقة انس ، جابو لمامت سليم دوا عندها نزلة برد
وواضح ان انس بيفسح وجدان برة وهى قاعدة لوحدها
بعد م نيمت مروان
دخلت مريم تعمل لها ليمون سخن ودخل وراها سليم
واقفه بضهرها وقف وراها ومسكها من كتافها
سليم: هتفضلى كتير زعلانه منى وانا معملتش حاجه؟
مريم: لا عملت واوعى كده
بتصب الليمون وبتحط معلقه عسل
سليم: طب عملت ايه والله م عملت حاجه
مريم ( بعفوية اطفال ) اصلا بتهزر مع البنات ليه وبتاخد
وتدى ليه كنت سيبتهم ومشيت
سليم( فرحان بغيرتها) طب حقك عليا ، والله اتصرفت عادى
مريم مكشرة
رفع كفها وباسه
سليم: طب اسف...والله اسف
مريم ابتدت تبقى فيها نظرة ابتسامه
سليم: بعد كده اى حد يكلمنى هكشر ف وشه كده اهو ( كشر
تكشيرة تضحك)
مريم ضحكت ، ضم راسها له ورفع وشها ليه
سليم: محدش فالدنيا له حق يحرمنى من ضحكة عيونك
ابدا ( باس دماغها)
مش كده ولا ايه
مريم متوهه فيه ، كان جه انس ووجدان من برة وعرفوا انهم
هنا
دخلت وجدان المطبخ
وجدان: يارب ياساتر !! ده بيتنا ده ولا حديقة الاندلس؟
سليم: لا حديقة المنتزه ياخفه ( خرج من المطبخ)
وجدان: يعنى سايبين الولية بتطلع فالروح ومقضينها
بوس هنا
مريم عملت لها تسكت وهاتك يا ضحك الاتنين سوا
， `·，`·，`·，`·，`·，`·，`·，`·，`·，`·，`·
ب مسجد عمرو ابن العاص ...تحديدا بعد صلاة
العصر
كان عقد قران لمى وسفيان
واسيا واياد
اما عن سليم ومريم ف سليم هياخد اجازة
شهر وهيكتب كتابه عليها فحفلة صغننه
ويبدأو شهر العسل من غير فرح وهما متفقين
ع كده .
الفرحه كانت فالمسجد كله ، كله حاضر ومحدش ناقص
غير عمرو لانه برة ولسه مجاش
اما عن سليم مكانش هيحضر لان اولا ده كتب كتاب طليقته
زائد شغله
لكن سفيان شد عليه فالعزومه اكتر من مرة
واياد صمم انه ييجى بكل روح رياضية ،لان اياد
غير انه زوج مراته السابق
فهو بيعبره شخصية محترمه والعلاقات يخليها ع جنب
اتكتب كتاب لمى وسفيان ، وعليت الزغرودة
وفكتب كتاب اياد واسيا
المأذون : قول يابنى ورايا قبلت زواج ابنتك موكلتك
اياد( بيبص لاسيا بفرحه ومبتسم وايده فايد
باباها واسيا بصاله والبنات
بيطبطبوا ع كتفها) قبلت زواج ابنتك وموكلتك
المأذون: السيدة اسيا رأفت ع سنة الله ورسولة
وع مذهب الامام ابو حنيفه النعمان
اياد: السيدة اسيا رأفت ع سنه الله ورسول وع مذهب
الامام ايو حنيفه النعمان
المأذون( شال المنديل) وصلى وسلم وبارك ع آل محمد
مبروك!
زغردوا البنات ورا بعض وقامت اسيا حضنتهم، وخصوصا
مريم الى كانت بجد فرحانه ليها
خلص كتب الكتاب وخارجين ع حفلة سفيان الى ع نمط
دينى الاول وبعدها حفلة اسيا واياد الى اكيد هيخربوها هههه.
نازلين ع سلالم المسجد العرايس ماسكين البوكيهات
وبفساتينهم ومبسوطين والبنات وراهم بيرشوا
الورد ويزغردوا
عدت عربية چيب سوا بسرعة وطلع واحد منها
ملثم بمسدس ومنشن ع حد منهم وهما مش واخدين بالهم
وضرب طلقه
وطلعت العربية بسرعة من غير م حد ياخد
باله .!!
， `·，`·，`·，`·，`·，`·，`·，`·，`·，`·，`·
，استنونا فالفصل الاخير لرواية
#نوتيلا
رواية بنكهة البنات
#نورإسماعيل
نوتيلآ ❥❥
الفصل (٤٩
( الجزء الثانى)
التابع ل قبل الاخير}}
， `·，`·，`·，`·，`·，`·，`·，`·，`·，`·，`·
عدى كام شهر .
وجه ميعاد كشف وجدان عند دكتورة مشهورة فالقاهرة !
عملوا حساب يوم السفر انس ووجدان للقاهرة عشان
الكشف وقالوا يقضوا اليوم ف اوتيل ويرحوا تانى يوم..
وفالعيادة الكبيرة الى معمولة ع صيحه عالية من
الشياكة واحدث معدات طبيه موجودة فيها ،كانت
المرضى امم
والمكان مش مكفى ...
انس ( بيبص عالناس الكتير) دول بايتين هنا
دول
ايه كل البشر دى
وجدان: ياعينى كل دول معندهمش اطافيل
انس: اطافيل!! اه كل دول معندهمش
اطافيل وعايزين يجيبوا فوق عددهم تانى
اطافيل
...ولكى الله يامصر
وجدان: انا فرحت انى مش لوحدى فالموضوع ده
انس: لا حبيبو مش انتى بس ، عشان كده
بقولك متخافيش بقت فيه حلول
خلاص
دقايق الانتظار مفيش اصعب منها ، طولت قعدتهم
فالعيادة لحد م جه دور وجدان وندهوا ع اسمها
دخلت وبعد السلام عالدكتورة وشرح الحالة ، وقدمت
تقارير الكشف السابق ليها والتحاليل والاشعات
تم الاطلاع عليهم وكشفت عليها، وبعد الكشف..
الدكتورة: بصى يا مدام وجدان ، حالتك صعبة
لكن مش اوى
وجدان متوترة وماسك ايدها انس
الدكتورة: ع فكرة كلام الدكتور الى روحتيله
ده مظبوط جدا
فى عندك عيب خلقى يمنع الخلفه
( لاحظت توترها وبداية خنقه وجدان،فحبت تهدى
الجو )
بس مفيش عند الله مستحيل ...ولا ايه
انس: طبعا ..ونعم بالله
وجدان( عيونها فيها دموع) يعنى كده خلاص مفيش
امل؟
الدكتورة: انا قولت مفيش عند الله مستحيل
بصوا
فى عملية لموضوع وجدان ، نسبة نجاحها لحد
الان متعديش ال ٦٥٪ ودى حاجه كويسة
هى مجازفه
وفيه احتمال للفشل
بس لو نجحت ...الخطوة الجاية هتبقى افضل
ونتائجها اعلى، ايه رأيكم؟
وجدان: انا مستعدة لاى حاجه ، ان شاء الله
اموت بس يكونلى اولاد
انس: ولما تموتى مين هيخلف ، الدبدوب الى عالسرير!
بس ياحبيبتى
كملى يا دكتورة
الدكتورة: لا ان شاء الله مفيش موت ولا حاجه
لو وافقتوا ، هنبدا فالاجراءات
ونشوف وقت العملية بالظبط جسمك امتى مستعد
له
انس: احنا موافقين يا دكتورة ..
الدكتورة: ع خير ( بتكتب روشته) استاذ انس
هتجيب الحقن دى
واول م تخلص هتجيلى ع طول
خلص الكشف والتعليمات ، سلموا عليها
ومشيوا
انس حب يخرج وجدان من توترها وقلقها،ووشها
الى مبقاش يضحك من وقت الموضوع ده
اتمشوا وجايلها شيكولاتات ، وراحو اتعشوا فمكان
هادى
ورجعوا عالاوتيل
انس: ان شاء الله ، هتاخدى الحقن
وتيجى نشوف امتى العملية ، وتعمليها
وبعدها نشوف الدكتورة عايزة ايه
وربنا هيكتبلى منك كتاكيت حلوة كتير
ولو منفعش ومخلفتيش حاجه خالص
والعمليات باظت ...
وجدان( قاطعته وقالت بحزن) هتتجوز ؟!
انس: لا مش هعمل كده يا طقه انتى ( خبطها
فدماغها) هحبك اكتر واكتر واكتر
وجدان: اومال لما الموضوع ميهمكش
بتمشى معايا فيه ليه؟
انس: علشان انا شايف انك انتى هتموتى عليه
الحوار ده
لكن وعهد الله انا وجودك فحياتى مكفينى
بولاد من غير مكتفى والله
وجدان حضنته ب امان فظيع ، وهو باسها
بحب زى الاطفال الصغيرة
فعز خوفها بيطمنها ، لان الاكبر من اى حاجه
ممكن تحصل لاى اتنين تهدد علاقتهم ببعض
هو الامان
وجود الامان ...بيكفى ✋.
， `·，`·，`·，`·，`·，`·，`·，`·，`·，`·，`·
تخبيط ع باب شقة مريم ...
محدش يتلخبط ، الشقة دى اخدتها بحكم
من المحكمة لانها حاضنه .
كان يملكها مراد وكانوا عاملينها للزيارات لمصر
وبس
لكن المحكمة حكمت انها من حق مريم وابنها،
ومريم حاليا فيها لان حست
انها هتبقى رخمه لو اخدت شهور عدتها
والكام شهر الى وراهم
لحد م تتجوز سليم عند انس وخالتها.
مريم : ايوة ميين ؟
( بتفتح ) سليم!
سليم: ايه ده انتى لسه ملبستيش؟
مريم: ( بتتكلم بدلع زى الاطفال) ماهو انت
مقولتش انك جاى دلوقت !
سليم( بيقلدها بهزار) مقولتش جاى دلوقت!
انا مش مكلمك من ساعة وقولت هعدى عليكى
عشان ننزل ننقى العفش!
( قرصها من ودنها) حصل ولا لا
واستنى ...بتفتحى الباب بشعرك
مريم( بخوف يضحك) استنى استنى ..مانا قولت
حد منكم يعنى جايلى ففتحت ع طول
سليم: حد مننا ...البواب
تعلب بيخبط عالباب تتلبس الطرحه ولاخدتى
ع قعادك برة ف روما!
مريم( بتضحك) تعلب!! طب ادخل لحد م البس
والبس مارو
سليم: لا هستناكى تحت فالعربية مش هينفع
ادخل
انتى بس انجزى عشان هنعدى مارو ع ماما
مريم( بدلع) ليه ...م يخرج معانا
سليم: هى رحلة مدرسية يابابا ، يلا بقى
عشان وحشانى وعاوز اقضى اليوم معاكى
مريم : طويب ...١٠ دقايق ونازله
سليم : طب بقولك ايه ( قرب عليها
وهو واقف ع عتبه الباب) البسى حاجه
واسعه
مريم( بتقرب عليه بدلع) حاضر
سليم( قرب زيادة وعينه فعنيها) واسعه
اوى ..هاه
مريم( بصاله ومركزه) حاضر ..الله!
سليم( قرب زيادة) متبصليش بعنيكى
الحلوة دى عشان مستناش هنا
ع عتبه الباب
مريم( بتضحك اوى) ههههه
سليم( بص حواليه عالسلم) ايه ده! ادخلى
بصوت ضحكتك دى
يلا وخلصى ( دخلها جوه وبيقفل الباب)
بقولك
مريم: نعم
سليم: بموت فيكى ( ابتسم)
مريم عملت قلب بايدها وشاورت عليه وقفلت
الباب.
نزلت ومعاها مروان ، ودوه لمامت سليم
وطلعوا هما بجولتهم
انهاردة سليم كان متحرر ، كان منطلق
مبسوط
بيضحك طول الوقت
ومريم كمان ،الفرحة فقلب كل واحد مش سيعاهم
ابدا
فمحلات الموبليا فى ناس كتير تعرفوا
وكانوا بينبسطوا ان عقيد برتبته وهيبته
بيشترى من عندهم فكانوا بيقدموا افخم
حاجه واحسن حاجه.
مريم: حلوة اوى اوى اوى اوضه النوم دى
وهم بجد
سليم: يعنى دى عاجباكى اكتر من الى فاتت
مريم: اه اوى يا سولى
سليم: طيب خلاص هدفع عربونها دلوقت
( بيبص عالدولاب) بس الدولاب للسقف
حبيبي
هتطوليه ازاى وانتى قصيرة ؟
مريم( ضربته فصدره) قصيرة فعينك بص
كده ( جايت مرسى ووقفت ومطالتش اخره
برضو)
كلضمت زى الاطفال ونزلت من عليه
سليم قرب وبيمشى ايده ع وشها وهى مكلضمه
زى البيبي ومده شفايفها لقدام
سليم: ايه يا كلموش روحى سحلان ليه
مريم: عشان مطولتهوش !! يبقى مش هناخدها
انت عندك حق انا قصير وصغنون
سليم: انت كلبوب مش صغنون بس ، تعالى
كده ( شالها لانه طويل) طايله كده
مريم بتمد ايدها طالت فعلا وفرحت زى
العيال الصغيرة
مريم: ايوة ايوة طولت فعلا هيييه هيييه
نزلها بالراحه اوى وهى نازله كانوا شبه لازقين
فبعض ووشها جه ع وشه
سليم: شوفتى بقى اننا بنكمل بعض
مريم: شوفت بقى انى بحبك
عيونهم فعيون بعض ومركزين اوى ، ووشهم
مش بعيد عن بعض سنتيمترات
سليم: اهو انهاردة حاجه من الحجات الى حلمت بيها
نزلها وسندت ضهرها لباب الدولاب ، وركن دراعه
ع باب الدولاب وراها وشبه لازق فيها ومميل
بدماغه على وشها
مريم( بنعومه ) حلمت ايه
سليم: انى اجيب حجات شقتنا مع بعض
ونخرج سوا ونتدلع سوا
وانى محسش كل الاحساسيس الحلوة دى الا
معاكى
مريم ( ماسكه زرار القميص بتاعه وبتلعب فيه
وهى بتتكلم) ومين قالك انى انا كمان
مكنتش بحلم باليوم ده واكتر منك كمان
انا كنت بموت من الغيرة وانت مع ندى
او حتى اسيا
وببقى نفسي محدش يقاسمك اى حاجه غيرى
سليم( بحنيه وميل اكتر عليها) طب م الحلم
اتحقق اهو ولا ايه
مريم( بدلع) ولا اه
سليم: ولا لا
مريم بتبص حواليها وفاقت لواقعها
مريم: يانهار ابيض احنا فالمحل يا حضرة
العقيد !!
سليم بعد عنها واتنحنح
سليم: احم ...زى م انتى ولا كان فى حاجه
ضحكوا الاتنين بصوت عالى
سليم: يلا نتفرج عالباقى يالى مجننانى انتى
مريم: يلا بس افتكر خشونتك يا سعادة الظابط المحترم
سليم: لا انتى متخرجيش معايا فحته
لانى بنسى شخصيتى وانا ايه مع الناس
وبقلب من ظابط فالمباحث لظابط
ايقاع !!
مريم( بصوت عالى) ههههههههه
سليم: نلم الضحكة طيب عشان الفضايح
واتظبطى كده
مريم( حطت ايدها ع بوقها وهى لسه بتضحك) اهو
تمام ياباشا ..
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
حاضنه يارا الصغيرة وبترضعها ،وماسكه
كفوف ايدها وصوابعها وبتبوسهم
وبتفتكر حاجه عمرها م كانت هتنساها مهما
عدى عليها الزمن ...
فلاش باااااك
ياسين : فاكرة لما قولتلك ان كله بسبب
وكله ب اوان!
فاكرة واحنا فالمستشفى وانتى مستسلمه لفكرة
الموت بعد موت خالد
وكنتى عايزة تمشى!
فاكرة انى ساعتها حكتلك قصة ملك الموت
مع ضيف سيدنا سليمان،، قولتلك مهما لو حصلنا
ايه او
كنا فين المكتوب لنا هنشوفه.
عندى ايمان قوى يا يارا انك هتقومى ،وهتفوقى
وهنربي ابننا سوا
وهتنورى حياتى من تانى ، بعد م ضلمت بسبب
غيابك
انا صاحب القلب الى متعلق بربنا وخرجه من اقصى المحن
ومن دايرة الموت وخرجك انتى كمان
مستحيل يخذلنى ويحرمنى انا وابنك منك !!
مستحيل يا يارا
الكلام بيوصل عقل يارا ، بتبدى تحس انها
فدوامه ودماغها بتلف وبتدور وكأنها تحت
الميه
لكن سامعه صوت ياسين وكلامه كويس..
بتفتح عيونها !
ياسين اخد باله
ياسين( بلهفه وفرحه غير عادية) يارا!!
يارااا حبيبتى
غمضت عيونها تانى وتاهت فضل جمبها
فتحت تانى بعد دقيقتين
يارا: ياس...ياسين
ياسين
ياسين بلهفه بيحضنها ودموعه غرقت وشها
ياسين: ياقلب ياسين ...ياروح ياسين
حمدلله ع سلامتك
ياطنط !
ياعمى
يارا فاقت
يارا فاقت
ع صوته دخلوا ورا بعض الاوضه ، فعلا ابتدت
تفوق من الغيبوبة
وبدات تركز وتستوعب
ياسين مش سايبها من حضنه ، ونزل باباها سجد
عالارض شكر
ويسرا اختها ممسكتش نفسها وابتدت تزغرد مع
الدموع من الفرحه !!
الام: حمدلله ع سلامتك يابنتى ، اسم الله
عليكى ربنا يحميكى يارب وم يحرمنا منك
يارا بتبصلهم كلهم وبتحضن ياسين بالراحه
الى مش سايبها من حضنه
الاب: هكلم الدكتور حالا ، يامنت كريم يارب
يارا: ياسين ( بصوت متقطع)
ياسين: نعم يا حياة ياسين ، يااااه يا يارا
وحشنى اسمع اسمى من شفايفك
.........
رجعت من الذكرى الحلوة وهى ماسكه صورة ياسين
وهى فالنوبة ايام شهر العسل عالكومودينو
جمب السرير
يارا: ربنا ميحرمنيش منك يارب ، يااغلى
هدية ربنا بعتهالى ( بتبوس الصورة)
يارا الصغننه عملت صوت رغم انها نامت وهى بترضع
وبتتقلب!
اخدت بالها يارا وحطت الصورة ، وشالت يارا
بالراحه
وحطتها عالسرير وغطتها وباست كف ايدها
وقامت من جنبها ،فتحت القرآن
وخرجت تعمل الى عليها فالبيت قبل رجوع ياسين
وتساعد الخدامه الى جابها ليها
من بعد رجوعها من الولادة.
， `·，`·，`·，`·，`·，`·，`·，`·，`·，`·，`·
اما عن قصة الحب الى برغم كل الى حصل فيها
والمطاردات والاعتراف والحب والفراق
والرجوع
وعدم الامل ...للنهاية السعيدة الى قربت
اسيا واياد ❤
اتنين شافوا من حبهم الصعب الكتييير الى يصبرهم
ع الى جاى مهما كان ، المهم يفضلوا سوا للنهاية.
قاعدين فكافية انس بالصدفه من غير ترتيب،
بتشرب هى ليمون بالنعناع وهو شاى
وبيتصفحوا اماكن عالانترنت وفنادق ...علشان
الهونى مون 😉
اسيا: طب وليه برة مصر يا حبيبي
اياد: الله! انا عاوز كده يا سوسى ايه الى فيها
اسيا: طيب م نوفر كل المصاريف دى لفرح كبير
وحجات كده
اياد: م احنا هنعمل برضو فرح كبير وحجات كده
اسيا: برضو!
اياد: اه برضو ( مسك ايديها) انتى مستهونه
باتنين اتشحتفوا ع بعض حرفيا
وم صدقوا بقوا سوا زينا
عشان نتجوز بفرح عادى ونروح اى مكان هونى
مون
اسيا: انا فرحتى انك معايا دى بالدنيا اصلا، غير
ان فكرة الفرح انا مش مقتنعه بيها
اياد: عشان يعنى انتى عملتى فرحك قبل كده!
الفرح لو مكانش بفرحه بتتزفى بيها ع حبيبك
ميبقاش فرح
بيبقى تمثيليه اجتماعيه عشان الدنيا
تمشى !
وانا مبعترفش ب ده نوع من الافراح
وبعدين تعالى هنا ،انتى اول فرحتى
لازم افرح وابين فرحتى لكل الناس
لازم ارقص واتنطط وارقصك معايا وفحضنى
اذا كان ده اول فرح ليا ...فهو برضو اول
فرح ليكى
لانه فرحك ع حبيبك ( بيبتسم بحب)
اسيا: هموت واعرف فيا ايه عشان تحبنى الحب
ده كله
اياد( بيعد ع صوابعها) فيكى ايه؟
بصى ياستى
هنسيب الجمال ع جنب
جدعة
وحنينه
ووفيه ...حتى برغم الى حصل فقلبك مازال
بتاعى لوحدى ( باس كف ايدها)
بنت بلد
طيبة اوى
هعوز ايه تانى
وبعدين انا حبيتك فخيالى من قبل م اشوفك
ولا نسيتى ؟!
اسيا: كل م اسمع حاجه منك ، بعرف انى اختارت
صح
اياد: انى الاقيكى يا اسيا ..ده احلى صدفه فحياتى
عشان انا كل حياتى انتى
وانتى الوحيدة الى مليتى حياتى فرح!
اسيا: لو كانوا ماما وبابا بيدعولى طول السنين دى
براحه البال وهداية احوالى
فربنا بيحبنى انه استجاب دعواتهم فصورتك
ابتسم وركزوا فبعض ثوان
اياد: طب ايه ؟ يلا اختارى
نروح فين ونحجز ف انهى فندق
اسيا: مممم ..طب نبص عالتكاليف الاول
اياد: بقولك ابويا ورث ، ورث!
انسى بقى نحسبها ونشوف
ان مخلصتش عالورث بتاعه مبقاش
انا
اسيا: ههههههه مش كفاية الى دفعوه ليه
فالقروض ياضلالى
اياد: الله ! مانا هتجوز حبيبة قلبي الى هموت
عليها بقالى سنين
وعايز اعملها احلى فرح واحلى شقه واجمد
شهر عسل
يبقى لازم يكيش
ده انا طلع عينى فليبيا
نفسي ارتاح
اسيا: يا حبيبي ...طيب زى م انت عاوز
( بتبص عالنتايج الى طلعوها عالانترنت)
بصراحه هموت واشوف تركيا
اياد: تخيلى انى فبالى كنت مختارها بس كنت
مستنى
اختيارك
اسيا: يبقى اتفقنا ( بتشرب اللمون )
اياد: امتى بقى امتى ، لازم يعنى باباكى
زى كل مرة يعقدها نكتب كتابنا مع لمى
اسيا: لا انا الى قولت يا ويدو مش بابا
اياد: ليه يا مفترية ليه ، مش شايفه انى هموت
ونتجوز و مصدقت عدوا شهور العدة بالضالين
اسيا: عايزة نفرح سوا والله ده كان قصدى
اياد: يلا مش مهم فات الكتير
مش باقى الا القليل ياجميل
ده انا هشهيصك شهيصة !!
اسيا اتكسفت وبصت بعيد وهى بتشرب اللمون
اياد: اه اعملى نفسك مش سامعه، بكرة
تسمعى غصب عنك يا سوووسى
， `·，`·，`·，`·，`·，`·，`·，`·，`·，`·，`·
بتتقلب نشوى من نومها بصعوبة بسبب بطنها الكبيرة
وتقل الحمل بتفوق
لاقت عثمان بيلبس قدام المراية .
نشوى: حبيبي صباح الخير
عثمان: صباح النور يا نوشا
نشوى: مصحتنيش ليه احضرلك الفطار
عثمان جه وقعد جنبها عالسرير ، وباس
دماغها بحنيه
عثمان: انا صحيت بدرى وفطرت وحضرت
لك اكلك
وحطيت غسيل فالغسالة
نشوى( بخضة) حطيت الغسيل! وانت مالك ومال
الغسيل بس
عثمان: يعنى هو مش لازم اساعدك ! انا شايفك
عاملة ازاى بالعافيه بتتحركى
وبعدين منقصش منى حته لما حطتهم يعنى
نشوى فرحت وطبطبت ع ايده
عثمان ( حط ودنه ع بطن نشوى) واد ياهشام
انت يا ولا!
قول صباح الفل لبابا يا وحش
ولا لسه نايم وكسلان
لا ...لازم تتعود الصحيان بدرى عشان تطلع
وكيل نيابه لبابا
ولا تطلع ظابط
ولا طيار
نشوى ( بتقوم من مكانها) ده منيمنيش
طول الليل بيتحرك فبطنى وشغال شلاليت
عثمان: حسيت بيكى والله ، ربنا يهون
عليكى يارب
) ميل ناحية بطنها تانى يكلم النونو) واد يا اتش
متتعبش ماما
نشوى( قامت وخارجه من الاوضة) لسه برضو
عايز تسميه هشام
عثمان: مش عارف حاسس انه يليق ع
عثمان
هشام عثمان المحامى
او حضرة الظابط هشام عثمان
نشوى ( بتفتح التلاجه تشرب ومبتسمه)
انا بقى نفسي يطلع واد امور وعسول كده
وبيخاف ربنا وبيتق الله
ويطلع زى ماهو عاوز بقى
بس اسم هشام انا مش بلعاه
عثمان: طيب جاى فبالك اسم ايه؟
نشوى: مممم نفسي اسمى حمزة
عثمان: حمزة عثمان !
تصدقى جميل برضو
وينفع محامى او ظابط
نشوى( مبتسمه) تاااانى!
عثمان بيضحك وسابها تفطر عالسفرة
عثمان: انا نازل عايزة حاجه؟
نشوى: لا ..خد بالك من نفسك
عثمان( باس دماغها) حاضر
سلام يا واد يا هشام
نشوى: برضو ! ههههه
عثمان: خلاص حمزة ...سلام يا حموزه
خد بالك من ماما
لا اله الا الله يا حبيبتى
نشوى : محمد رسول الله ، برعاية الله يارب
， `·，`·，`·，`·，`·，`·，`·，`·，`·，`·，`·
"عاملين ايه حبايب بابا"
تبارك: الحمدلله نحمد ربنا ونشكره
عمرو: بالله عليكى خدى بالك من نفسك
ومن اكلك ونومك ماشى
تبارك: ياعمرو مالك قلقان كده ليه ، والله
واخدة بالى من كل حاجه زى م كنت
عندك واكتر
عمرو : مش عاوزة تشاورى عقلك وتيجى
تبارك: اجى ازاى وكتب كتاب سفيان قرب
انت بقى الى تعالى
عمرو: مش هقدر م انتى عارفه الى فيها، ان شاء
الله عالفرح ننزل احنا الاتنين
عشان حضرتك تحضرى كتب الكتاب وتجيلى
بسرعة لانى مش عارف اقعد من غيرك والله
العظيم
تبارك: وحياة ربنا وانا كمان ، بس هسافرلك
بعد كتب الكتاب وارجع بعد كام شهر
انزل عشان الفرح والولادة تصادف عندك ولوحدى
مش كل ده تعب عليا
عمرو: اه يا حبيبتى نسيت موضوع الولادة ده
طيب يا ست تبارك لنا الله
خليكى عندك احضرى كتب كتاب وفرح واولدى
وسبوع ابن سفيان بالمرة
تبارك: هههههه ومين يقدر ياعموره بس ، ان شاء الله
يخلص الفرح اكون شديت حيلى وولدت
واجيلك انا وحبايبك
عمرو: ليه وهو انا هستناكى تولدى وانا مش جمبك
ولا ايه
لا طبعا هنزلك ع فرح سفيان وهستنى وياكى
للولادة
لازم اول من يشيل ولادى هو انا
تبارك: تعيش ويكبروا فحضنك يارب وتفرح
بيهم وتجوزهم
عمرو: بتتكلمى كده كان مش هنخلف غيرهم
، ههههه بقولك ايه طالما
ماشاء الله ربنا كرمنا بفضله من وسع بالجوز
يبقى يدوب تولدى والى وراهم والى وراهم
عايزين نعمل امبراطورية
تبارك: هههههه انت كده هتخلص عليا وانا مش حمل
كل ده
عمرو: بعد الشر عنك ، ربنا يباركلى فيكى وفصحتك
يارب
لمى بتناديها
لمى: يا توت اخلصى بقى البنات مستنين
تبارك: حاضر ( بتكلم عمرو) طب ياعمرو
هكلمك تانى عشان نازلين ننقى فستان
لمى بتاع كتب الكتاب
عمرو: ماشى يا حبيبتى ، مع السلامه
قفلت تبارك وخرجت بصحبه لمى العروسة
واسيا برضو الى صمم اياد تشترى فستان
زيها زي اختها
ووجدان
ومريم
ونشوى ...حتى يارا وبنوتتها الصغيرة
لبست الشياله واخدتها مع ان ياسين بيخاف
عليها من هوا الشارع وتراب الجو بس ربنا
الحافظ.
تبارك ونشوى ماشين سوا ولمى واسيا ومريم
ووجدان
لمى: بصوا ع توتا ونوشا ...جوز كور واخدينهم
معانا
نشوى: اتلمى يا ام لسان انتى
وجدان: ( بتوشوش مريم) استنى اسخنهملك ع بعض
بتتريقى ع اخت جوزك يا لمى ، دى فمقام حماتك
حتى هههههه
تبارك: سيبيها دى جزمه
لمى: اسكتوا بلا حماتى ده انا اديها بالشوز ومتنطقش
نشوى: ياجماعه الخروجه دى كانت محتاجه سفيان
العريس عشان لمى بتتحول قدامه لحمل وديع
لمى : حتى انت يا برودس !! خسئت
مريم: هنروح محل ايه الاول عشان نركب
تاكسى
اسيا: هنروح سيدى جابر فيها محلات وااو ، يلا بينا
وصلوا المنطقه الى رايحينها ونزلوا ع كذا محل
وتنقى لمى واسيا
فيه الى حلو والى يعنى لحد م وصلوا للى هما عايزينه
مريم: حلو ده ياسوس
اسيا: بجد ! ايه رايكم يابنات
تبارك: لا النبيتى سخيف ، شوفى الى ع اسود ده
وجدان: اسود هى رايحه عزا؟ ده كتب كتابها
يامعيز
انتو
اقولك خدى البمبى المسخسخ ده
نشوى ويارا: هههههههه
لمى : طب انا ايه رايكم
يارا: تحففففه ده
اياد بيتصل ب اسيا
اسيا: هرد ع ويدو ثوانى يابنات ( ردت) الو !
انت فين ؟
بجد
احنا فيها برضو
محل ايه
هتيجى ولا ايه ؟
طيب محل .... ماشى مستنياك
يارا: اياد جاى ؟
اسيا( مبتسمه) اه
نشوى: مش فال وحش يشوفها بالفستان
وجدان: التانى فستان الفرح يا شوية بهايم ،يارب
مخلقتش ف ام الشلة دى واحدة بتفهم
ليه
مريم: سيبنالك انتى الفهم ياختى
شوية فعلا وجه اياد ...استنته اسيا
واختار معاها الفستان
احلى بكتير من الى نقوه معاها البنات ، لبسته
وطلع تحفه عليها
وهى داخله تغيره السوسته شبكت فطرحتها!
اسيا: حد ييجى يساعدنى
اياد: فيه ايه
اسيا: السوسته شبكت
لمى: استنى انا جايالك
اياد( رجع لمى بايده) اومال انا بعمل ايه
سيبينا ناخد فرصتنا بقى
البنات فصلوا عليه ضحك ، وتبارك اتكسفت
ودارت وشها
وجدان: انتوا هتسيبوه جوه فالبروفا معاها واحنا
هنا نعدل الايريال؟!
لمى: الله مش هيتجوزوا
يارا: هههههه تموتى فالهلس وقلة الادب يا يارا
نشوى: طب لو جت البنت البياعه ولاقته جوه
معاها
تقول ايه
مريم: نقول جوزها زى م بتقول المقروضة ام
نص لسان دى هنعمل ايه
جوه بقى عند اسيا...
اسيا: ايه ده ؟! انت الى دخلت بجد
اياد: اه انا هاتى اساعدك
اسيا: اطلع يا اياد ونادى ع واحدة من البنات
اياد: ولا واحدة من الينات ولا ام نيازى
انا الى هفك السوسته
اسيا( بتضحك) يخرب عقلك اطلع
اياد: اقسم بربي م هطلع ، انا قتيل السوسته
فصلت ضحك وهو فعلا حاول يفك السوسته
من شبكه الطرحه وفكها !
اسيا: يلا شكرا ع خدماتك ، اطلع بقى
اياد: اطلع ليه
اسيا: هغير يا اياد ..الله!!
اياد سكت وهو مبحلق لها ، ومسك ايديها
الاتنين رجعهم ورا ضهرها
وزقها عالحيطه وع فجاة ولتانى مرة يعملها
فيها
باسها فشفايفها بس المرة دى طول اوى
وبعد م باسها ، بعد وهو بيبصلها بهيام وهى فدنيا تانيه
اسيا: ايه الى عملته ده يامجنون
مش صابر لما نكتب كتابنا
اياد: طب م احنا هنتجوز ( بصلها اوى )
هييييح
زقته فصدره وطلعته برة البروفا
عند البنات...
وجدان: دول بيتغدوا جوة وهيئيلوا شوية
العصرية وبعدها يطلعوا
حد يخبط عليهم الجوز دول هنتقفش اداب
طلع اياد
مريم: هههههه كفارة
اياد: السوسته كانت معصلجه معلش( بيدارى
وشه منهم وخارج ع طول حصلته لمى)
لمى: خد امسح طيب يابتاع السوسته فضحتنا
( ادتله منديل)
بيمسح اياد مكان الروچ وبص بكسوف ل لمى
وفصلوا ضحك عليه 😂..
， `·，`·，`·，`·，`·，`·，`·，`·，`·，`·，`·
تحف وانتيكات ...لعب وعرايس قطن
ابليكات
كل ده لشقة سليم ومريم ، كانوا بيتفننوا فى شرا
كل حاجاتهم بالتفصيل الممل وباختيارهم سوا
كأنهم كانوا عطشانين بعض وبيتلككوا ع اى
حاجه واى دقيقه يكونوا بيها مع بعض
ويعوضوا الى فات .
مريم مأنكشاه وماشيين مبسوطين من غير العربية
مريم: بجد دى اجمل ايام حياتى ، لو اعرف
بعد كل القرف الى شوفته ده هفرح وياك كده
مكنتش زعلت ابدا
ولاعيطت يوم
سليم( رفع كف ايدها وباسه) سلامتك من العياط
والدموع ياقلبي انا من جوه
ان شاء الله مفيش دموع ولا عياط تانى
مريم: طبعا ، م دمت معاك ( ضمت ع كف ايده اوى)
( بتبص ع اعلان بيوتى سنتر) ع فكرة شكله
كويس وعندهم حجات للموضه حلوة
سليم( بيبص ) اه فعلا الاعلان بيقول كده
مريم: اتفقت انا وويچا قبل جوازنا هروح بيوتى
سنتر واظبط بقى لوك جديد محصلش
سليم: روح حبيبك انتى قمر فاى شكل والله
مريم: يوووه ياسولى ، انا عاوز كتا
سليم: انت عاوز كتا يا واد !! ماسى حبيبي اعمل الى عاوزه
مريم( بتضحك بطفوله) ههههه بحب اوى لما تتكلم معايا
كده كانى بيبي
سليم: طب م انتى بيبي بتاعى طبعا
مريم: وانت بقى تحلق الشنب عشان خاطرى
سليم: يااااادى الشنب
مريم: والله لاحلقهولك ياسليم
وهما بيحكوا ومبسوطين عدوا بنتين فعمر ثانوى
وقفوهم
بنوتة: انت حضرة الظابط سليم وجيه مش كده!
سليم( بيضحك) اه ...هو انا اتشهرت ولا ايه
بنوتة ٢:احنا متابعين كل انجازاتك والله وكل القضايا
الى بتمسكها وبتنجح فيها
انت فخر لينا حضرتك
بنوتة( بتتكلم بعفوية ) بص حضرتك انا معجبه اوى بيك
و بجد يعنى صورك عالفيس
تهبل اوى موت وبكراش عليك من زمان لو بعتلك ادد هتقبلنى
سليم: يعنى ايه ب كراش دى
مريم غارت وداست ع كف رجله وجعته
سليم: اه ! والله م اعرف
بنوتة ١: يعنى متابعينك بصمت وكده من غير م تعرف
هتقبل الاادد حضرتك ؟
مريم ( بغلاسه) لا مش هيقبله خلاص
يلا نروح ياسليم
مشيت قدامه وابتسم اوى انها غارت ،اعتذر من البنات
ومشى وراها وهما هيطقوا من مريم
وصلوا لمكان العربية وهو تقريبا بيجرى وراها
مسك كف ايدها
سليم: فيه ايه مالك؟
مريم: مفيش عايزة اروح
سليم( فرحان) طب بس اعرف مبوزه ليه
مريم: ليه وانت مالك ، روح للقمامير الى بيحسسوك
انك فشر عمرو دياب ومشهور بقى وناقص
ياخدوا معاك سيلفى
سليم: طب انا كلمتهم ازاى زبعدين والله م كنت فاهم ايه الى
بيقولوه ده ومهتمتش اصلا
مريم: عاوزه اروح يا سليم ممكن
سليم: طب نعدى ع لبنى عشان تعبانه هوديلها دوا
قبل م اروح ع شقتى
وخدى مروان واروحك ...ماشى
ركبت العربية ومردتش عليه
وصلوا لشقة انس ، جابو لمامت سليم دوا عندها نزلة برد
وواضح ان انس بيفسح وجدان برة وهى قاعدة لوحدها
بعد م نيمت مروان
دخلت مريم تعمل لها ليمون سخن ودخل وراها سليم
واقفه بضهرها وقف وراها ومسكها من كتافها
سليم: هتفضلى كتير زعلانه منى وانا معملتش حاجه؟
مريم: لا عملت واوعى كده
بتصب الليمون وبتحط معلقه عسل
سليم: طب عملت ايه والله م عملت حاجه
مريم ( بعفوية اطفال ) اصلا بتهزر مع البنات ليه وبتاخد
وتدى ليه كنت سيبتهم ومشيت
سليم( فرحان بغيرتها) طب حقك عليا ، والله اتصرفت عادى
مريم مكشرة
رفع كفها وباسه
سليم: طب اسف...والله اسف
مريم ابتدت تبقى فيها نظرة ابتسامه
سليم: بعد كده اى حد يكلمنى هكشر ف وشه كده اهو ( كشر
تكشيرة تضحك)
مريم ضحكت ، ضم راسها له ورفع وشها ليه
سليم: محدش فالدنيا له حق يحرمنى من ضحكة عيونك
ابدا ( باس دماغها)
مش كده ولا ايه
مريم متوهه فيه ، كان جه انس ووجدان من برة وعرفوا انهم
هنا
دخلت وجدان المطبخ
وجدان: يارب ياساتر !! ده بيتنا ده ولا حديقة الاندلس؟
سليم: لا حديقة المنتزه ياخفه ( خرج من المطبخ)
وجدان: يعنى سايبين الولية بتطلع فالروح ومقضينها
بوس هنا
مريم عملت لها تسكت وهاتك يا ضحك الاتنين سوا
， `·，`·，`·，`·，`·，`·，`·，`·，`·，`·，`·
ب مسجد عمرو ابن العاص ...تحديدا بعد صلاة
العصر
كان عقد قران لمى وسفيان
واسيا واياد
اما عن سليم ومريم ف سليم هياخد اجازة
شهر وهيكتب كتابه عليها فحفلة صغننه
ويبدأو شهر العسل من غير فرح وهما متفقين
ع كده .
الفرحه كانت فالمسجد كله ، كله حاضر ومحدش ناقص
غير عمرو لانه برة ولسه مجاش
اما عن سليم مكانش هيحضر لان اولا ده كتب كتاب طليقته
زائد شغله
لكن سفيان شد عليه فالعزومه اكتر من مرة
واياد صمم انه ييجى بكل روح رياضية ،لان اياد
غير انه زوج مراته السابق
فهو بيعبره شخصية محترمه والعلاقات يخليها ع جنب
اتكتب كتاب لمى وسفيان ، وعليت الزغرودة
وفكتب كتاب اياد واسيا
المأذون : قول يابنى ورايا قبلت زواج ابنتك موكلتك
اياد( بيبص لاسيا بفرحه ومبتسم وايده فايد
باباها واسيا بصاله والبنات
بيطبطبوا ع كتفها) قبلت زواج ابنتك وموكلتك
المأذون: السيدة اسيا رأفت ع سنة الله ورسولة
وع مذهب الامام ابو حنيفه النعمان
اياد: السيدة اسيا رأفت ع سنه الله ورسول وع مذهب
الامام ايو حنيفه النعمان
المأذون( شال المنديل) وصلى وسلم وبارك ع آل محمد
مبروك!
زغردوا البنات ورا بعض وقامت اسيا حضنتهم، وخصوصا
مريم الى كانت بجد فرحانه ليها
خلص كتب الكتاب وخارجين ع حفلة سفيان الى ع نمط
دينى الاول وبعدها حفلة اسيا واياد الى اكيد هيخربوها هههه.
نازلين ع سلالم المسجد العرايس ماسكين البوكيهات
وبفساتينهم ومبسوطين والبنات وراهم بيرشوا
الورد ويزغردوا
عدت عربية چيب سوا بسرعة وطلع واحد منها
ملثم بمسدس ومنشن ع حد منهم وهما مش واخدين بالهم
وضرب طلقه
وطلعت العربية بسرعة من غير م حد ياخد
باله .!!
， `·，`·，`·，`·，`·，`·，`·，`·，`·，`·，`·
，استنونا فالفصل الاخير لرواية
#نوتيلا
رواية بنكهة البنات
#نورإسماعيل
ليست هناك تعليقات:
إرسال تعليق