روايةツ
نوتيلآ ❥❥
الفصل (36
， `·，`·，`·，`·，`·，`·，`·，`·，`·，`·，`·
سليم ومامته جايين مع انس
لشقة وجدان
عشان هو انهاردة عريس ...وجاى يتكلم رسمى !
سمارى: يا مرحب يا مرحب يا ام سليم
ام سليم: تسلمى يا حجه سمارى تعيشى
رؤوف: مبروك الترقية ياسيادة العقيد ،عارف جاية متأخر
بس الشغل طول الوقت واخدنى
سليم: ولا يهمك الله يبارك فحضرتك
انس: اومال مش شايف الدبله منورة ف ايده ولا ايه ياعم روؤف
رؤوف( بيضحك) هههه وجدان قالتلى ومعرفتش يومها اجى
حتى رأفت ابو آسيا زعل
بس تتعوض فالليلة الكبيرة بقى
انس :وبالنسبة ل ليلتى انا ياعمى ؟! ايه الكلام
ايه الاخبار
فين الاهرام ( سليم غمزه )
سليم: ( بصوت واطى ف ودنه) اهدى شوية خليك تقيل
انس: طب مانا هادى اهو شايفنى متعلق فالنجف
دخلت وجدان بالمشروب ...كانت من اجمل طلاتها
لابسة فستان وحاطه ميكاب خفيف
ونسى نفسه انس وقام وقف ع حيله باصص عليها
انس: الصلاة عالنبي ..احنا نبعت نجيب المأذون دلوقتي
سليم (شده من هدومه قعده) خليك مظبوط بقى ..اقعد!!
انس: حاضر ( باصص لوجدان بابتسامه ) هااااح
رؤوف بابا وجدان ضحك ع حركات انس اوى ،قعدت وجدان
جمب باباها اخد ايدها وحضنها بكف ايده
رؤوف: عارف وجدان دى يا انس ،روحى الى عايش بيها
وعيونى الى بشوف بيها
احلى حاجه سابتهالى المرحومه امها
انت انهاردة بتطلب تاخد روحى منى
انس: معلش ياعمى ماهى دى سنه الحياه ،اكيد مش هتخللها جمبك
ام سليم( بصت لانس يسكت) وهى مش هتبعد عنك يا بشمهندس
طالما سليم هيتجوز فشقته الى اشتراها زمان دى
اتفق معايا انس انه هيتجوز فشقتنا ،هيوضبها توضيب جديد
حتى كمان عشان مبقاش لوحدى بعد م يتجوزوا كلهم ويسيبونى
سمارى: وماله يا ام سليم ، حتى عشان متبعدش عننا المقروضة دى
وجدان: اهو ده قرار زباله انت خدته يا انس
رؤوف: بنت!!!
سليم: هههههههه ....ماشاء الله تنفعوا مع بعض خالص
انس: طب هاه ياعمى نقرا الفاتحه ؟
رؤوف بص لوجدان الى اتكسفت وبصت فالارض
انس: متقلقش الشقة اهى عليا والتوضيب والعفش واللذى منه
والشبكة الى تنقيها
انتو بس هاتولها كيتشن ماشين وحشايه كرنب عشان انا بحب
المحشى اوى
كلهم: هههههههههههه
سمارى: عارف يا واد يا انس ،هتاخد ست بيت شاطرة
واسطى بريمو فالحلويات (ضربته بالعكاز)
انس: عارف والله من غير ضرب
سليم: طيب نقرا الفاتحه ،والشبكة اخر الاسبوع ان شاءالله
يابشمهندس
رؤوف: ايه رأيك يا عروسه
وجدان ضحكت وبصت بعيد
رؤوف: خلاص ع خيرة الله ،الفاتحه
قروا الفاتحه كلهم ...
ام سليم: هتعمل الخطوبه فين يا انس؟
انس: لاااااا سيبوا دى ليها ترتيب تانى خالص ( غمز لوجدان )
`·，`·，`·，`·，`·，`·，`·，`·，`·，`·，`
زغاريد زغاريد كتييييير كتييير ...
انس بيلبس وجدان الدبل
وباس ايدها وهو بيلبسها الانسيال الانفنتى ، والخواتم
وفالسلسله بيلبسها وباس خدها وضربته ..
قامت ترقص مع البنات واول مرة يشوفوها فرحانه كده
والدور جه ع وجدان فتشغيل ليها اغنية منازل
قلعت شوزتها وطلعت فوق تربيزة وهاتك يارقص
البنات كانوا حاسين ان دى مش وجدان
من فرحتها اتبدلت خالص وكأنها واحدة تانيه ...
وقام انس وقطع الاغانى ،،
انس: هوووووب كله معايا هنا الله يكرمكم
لبسنا الدبل
زغردنا
هيصنا
عملنا كل الحركات
عم رؤوف تمام كده؟!
رؤوف بيضحك عليه
انس: خلاص زقططنا ستى سمارى وخالتى لبنى والعالم
كلهم والقرايب والحبايب
دى الخطوبة بتاعتكم بقى
خطوبتنا لسه هتبدا
قومى
وجدان: ع فين؟
انس: ع خطوبتنا بجد ...يلا يابنات
يلايا سليم
نزلوا تحت ولاقوا عربية كوبيه مكشوفه مستنياهم
وفوق ال ٢٠موتوسيكل
عليهم صحاب انس راكبين
انس: يلا اشقيا اسكندريه !!
الشباب: يلا يا عم العالم
ركبوا ال كوبيه مكشوفه وجدان وانس
بس مش راكبين عادى
لا راكبين فوق الكنبه الورانيه
وبيسوق بيها حد من صحابه ،
وشغال صاحبه يطوح بيهم شمال ويمين ويعمل حركات بيهم
وهما اصلا بيرقصوا عالاغانى الشغاله فالعربية
وراهم ع طول عربية سليم عليها ورد من قدام وراكبه جمبها
آسيا ووراهم لمى ونشوى
و ال ٢٠موتوسيكل بيزفوهم وكل دول ماشين فشوارع
اسكندرية وكل الناس اتفرجت عليهم وهما معديين
وجم عند الكافيه شاور انس انهم ينزلوا
ونزلوا البنات وسليم ونزل انس ووجدان وفالشارع
رقص قصاد بعض
ساعات بهبل وساعات بجد
والبنات والشباب عاملين دايرة حواليهم وبيسقفوا ويزغردولهم
وبعدها انس واصحابه رقصوا مع بعض وعملوا نمرة كلهم
بيرقصوا رقص واحد
وهو القائد كانهم متدربين عليها
والبنات بيسقفوا وفرحانين ليهم اوى ...
المرة دى المسؤل عن الصور هى لمى
صور كتير كتير كتييير
كان يوم حلو وكانت خطوبة مجنونة وكله كان بيحكى عليها
نامت وجدان وهى بتبص للدبلة مش مصدقه نفسها
كتبت ع صفحتها الشخصية
"شكلها كده جت رجلى فالسكه ...استر يا لطيف 😉"
`·，`·，`·，`·，`·，`·，`·，`·，`·，`·，`
وبعدها ب كام يوم
كانت نشوى عندها معاد مهم ...برفقة اسيا !
نشوى :سعدية ، خدى القطة دى
سعدية : ليه ؟
نشوى : عادى ربيها
سعدية : طب م ترموها فالشارع
آسيا: نرميها ايه دى شيرازى يا بنتى ، ربيها
اكليها شربيها
حميها
دى قطة لطيفه خالص
سعدية: سيبك من القطة والكلبه ،عاملة ايه انتى مع حضرة الظابط
آسيا،( ابتسمت) الحمدلله تمام
سعدية: والنبي انتى الى فيهم ...كسبتى البريمو والله
نشوى: المهم خلصينا يا سعدية عشان ورانا مشوار مهم
حميها بشاور چل
واكليها جبنه نستو
لانشون
حطيلها لبن ..هى بتحب اللبن اوى
سعدية: وانا مالى انا بتحب اللبن ولا مبتحبوش
اذا كنت انا نفسي مباكلش الحجات دى
وقال احميها ايه ...احميها بشامبو دى كمان
انا ابويا بيجيبلى صابونه ب نص جنيه
بستحمى بيها فوق ال ٥مرات وبطلع فلة بعدها
ياعم خدوها انتو مش ناقصة انتى قطط ولا ذوات
نشوى: معلش يا سعدية ...طيب اكليها اى حاجه
آسيا: حرام يا نشوى ممكن الكلاب تاكلها
سعدية: عشان مرات حضرة الظابط بس ،اصل سليم باشا
ده حته من كلوتى والله
متزعليش يعنى
آسيا: هههههه لا عادى
سعدية: خلاص هاتوها وهاكلها من الى باكله ( ماسكة سندوتش)
خدى كلى طعميه
هى اسمها ايه؟
نشوى: حس حس
سعدية: ايه ده يعنى ايه
آسيا: سميها الى تسميه انتى يا سعدية ...يلا بينا احنا
مشيوا وركبوا تاكسى سوا ..
نشوى: وانا باخد باقى مرتبي ...كان باصص لى
كنت حاسة انه عايز يقولى حاجه ،مشيت من غير م ابص ناحيته
اصلا
وسلمت عليهم كلهم م عدا هو
آسيا( بتطبطب عليها) متزعليش يا نشوى ،بكرة ربنا يعوضك
نشوى: ( اتنهدت) الحمدلله
آسيا: مش هتدورى ع شغل غيره طيب ؟
نشوى: لا ..انا تعبت
هقعد فالبيت
وصلوا للمكان الى رايحينه ، عيادة الدكتورة النفسيه
الى كانت بتتعالج عندها تبارك
سألتها اسيا وقالتلها لكن لا تبارك سالت ليه
ولا اسيا قالت عشان مين
سر نشوى ،بعد حسام معرفتش حد بيه
غير اسيا
واسيا كانت ونعم من يؤتمن ، محدش من باقى البنات عرف
واشتغلت ع ان ازاى تقدر تنقذ بواقى نفسيه نشوى المتدمرة
فكرت فعلاج نفسي الاول وبشوفوا ممكن تكون ايه الخطوة الى وراها
الدكتورة: انا شايفه بعد كل الى حكيتوه ده
ان نشوى معندهاش اى مشكله نفسيه مع اى راجل
بدليل انها حبت واتحبت
ولو هو كان وقف جمبها كانوا اتجوزوا وشاركتوا حياته
بطبيعيه
آسيا: يعنى هى كويسة يا دكتورة ؟
الدكتورة : جدااا
اسيا: طيب ووو
الدكتورة: قصدك المشكلة انها مش بنت ، وانها لازم تمارس حياتها
زى اى بنت تتخطب وتتجوز مش كده
نشوى: حضرتك شوفتى ،لما قولت الصراحه اتخلى عنى
الدكتورة : فحالتك انتى يا نشوى لازم العملية
اسيا ونشوى بصوا لبعض
الدكتورة: انتى مش بنت سيئة او كنتى ع علاقه عشان تخافى
من العملية
انتى بتنقذى نفسك
وللاسف فمجتمعنا مش هتلاقى الراجل الى يعرف سرك
ويتحمله ويكمل معاكى
لذلك ...لازم عمليه
نشوى ابتدت تدمع واسيا بتطبطب ع رجلها
الدكتورة: فى زميلة فالطب البشرى بتعمل العمليات دى للخير
للبنات المحترمه
يعنى الى بتبقى نتيجه حادثة او واقعه ،او اغتصاب زى نشوى
ممكن اقولكم عليها تروحولها
اسيا ونشوى بصوا لبعض
اسيا: ياريت رقم تليفونها واسمها حضرتك ...
`·，`·，`·，`·，`·，`·，`·，`·，`·，`·，`
العتاب ساعات بيزود المشكله
بس دايما الشخص الى بيعاتب بيبقى مستنى حاجه من الطرف التانى
مستنى منه خطوة
مستنى حاجه جديدة تحصل تطوى عالمشكله وتهدى خاطره
وخلاص .
فعتاب ل احمد من لمى ، كان واضح عليها اوى
انها مقدرتش ع بعده طول الفترة الى فاتت
شهرين وشوية من وقت مكالمتها الاخيره له ، وهو مفيش رد
ولا مقابله
ولاهى ...لكن هى كانت بتواصل مراته عادى
وضحكت عليها فى حوار الندوة لحد م نسمة اساسا نسيته
.
ويمكن هى ولمى اتصاحبوا اوى ،حتى مبقاش ع لسان نسمة
غير سيرتها
وولاده حبوها اوى .
لمى: ياااااه ... كويس انك رديت
احمد: ومردش ليه يعنى
لمى: من وقت م كلمتك اخر مرة لا كلمتنى ولا عملت جديد فموضوعنا
احمد: اصل لاقيتك عصبيه وقتها فقولت لما تهدى
لمى: يا اخى ايه البرود ده ! وتفتكر بتسيبنى شهرين اهدى
احمد: عاوزه ايه يا لمى ؟ انتى مش بقيتى انتيمه مراتى
خلاص والولاد معندهمش غير سيرتك
لمى : وانت ؟
احمد: انا ...انا ايه بقى م خلاص
الى انتى عاوزاه بتعمليه وكأن مفيش حد بتشوفيه غير نفسك
لمى: احمد انت بتشك انى بحبك !
احمد: ولما بتحبينى بتعملى كده ليه؟
لمى: عشان عايزة نتجوز ،عايزة اكون فالنور معاك
نخرج سوا
نتفسح نتصور
اكلمك ف اى وقت
انا بقرب من مراتك وبيتك عشان يعرفونى اكتر
عشان لما نتجوز ونبقى كلنا سوا ميحسوش انى غريبة
وانى خدتك منهم
احمد: يالمى طريقتك غلط ،انا قولتلك انى هحل كل حاجه
بس بالهداوة
لمى : انت واقف مكانك ومبتعملش حاجه يا احمد
السنين بتفوت وبتتحسب عليا
وانا بالنسبة لك مجرد نزوة
احمد: مين قالك انك نزوة ،انا فعلا بحبك
وبحب ولادى
ومراتى
لازم افكر ازاى هوازن بينكم
وانتى بتحسبينى طول الوقت انى شايف دورى كويس
مع اهل بيتى
وانى مش بقصر فشغلى
وبتتهمينى بانى مقصر معاكى
ولما اشرحلك تهددينى ...وتقوليلى عليا و ع اعدائى !!
لمى : انا راضية بان يكون كل وقتك لبيتك وولادك ومراتك
وراضية بالى فاضل يكون لاصحابك وشغلك ومعارفك
مش عايزة منك غير دقيقه ان شالله تشحتهالى!
عندى رعب انى اصحى فيوم ومتكونش فحياتى
بدأت تعيط وهو سمع صوتها ...
احمد: طيب اهدى ...كل حاجه هتتحل وقريب اوى
لمى( معيطه) ازاى
احمد: قريب ...بس سيبنى افكر هعمل ايه ؟
اتفقنا
لمى( بتمسح دموعها) اتفقنا !
`·，`·，`·，`·，`·，`·，`·，`·，`·，`·，`
مريم طايرة من الفرحه وهى بتجهز شنطها بحركتها
البطيئة بسبب الحمل
مريم: هحطلك دول كمان يا مراد
مراد ( بيحلق دقنه طلع يبص) ماشى
مريم : الله مش قادرة اصدق ،كلها ساعات واروح المطار
وساعات كمان وابقى فمصر
فرحااااانه
مراد: طيب بالراحه لحسن البامبينو ينزل قبل معاده
مريم : ع فكرة البيبي فرحان ومزقطط زيي بالظبط
انا حاسه بخبطته
مراد: انا مش عارف سليم مكانش اخر فرحه لبعد م تنزلى وتولدى عندهم
مريم: لا كده احسن ...عشان اخد اخر شهرين دول عند خالتو بقى
يااااه
وسليم واسيا فشقتهم هبقى عندهم ليل ونهار
واشوف انوس التوضيبات الجديدة الى عملها فالبيت
مراد( مسكها من دراعها ولفها لحضنه) ومش مهم انا اكون معاكى
مريم: لا طبعا مهم ،هو انت مش هتحضر الفرح وتمشى
وتيجى عالولادة
مراد: اه ...بس مجبتيش سيرتى فالشهرين الى هتقعديهم فمصر
دوول انى هوحشك
كل الى هامك خالتك وسليم وانس بس
مريم ( ارتبكت) احم ! ماهو انت هتوحشنى يا مراد طبعا
وبعدين اوعى كده عشان متعطلنيش
مراد: للدرجه دى مبسوطه ؟!
مريم بطلت تحط الهدوم وسكتت وبعدها قالت
" حاسه ان من فرحتى روحى سبقتنى ع هناك "
，`·，`·，`·，`·，`·，`·，`·，`·，`·，`
فرش بيتفرش ، فضيات بتترص فالدولاب
وحجات بتطلع من الكراتين
وبنات كتير بتشتغل عالاغانى بصوت عالى ...
عشان فرش شقة سليم واسيا ❣
بنت خالة اسيا: احط الفاز دى فين يا خالتو
وجدان: هاتيها ارقص بيها شويه !! اكيد هتتحط هنا
يا ناس عالدلسوار
روحى بس انتى ساعدى خالتك وام العريس فحاجة المطبخ
نشوى: ايدك معايا يا لمى يلا نخلص اوضة الاطفال
لمى: لاااااا انا مشغولة فتظبيط دولا الفضيات والنيش محدش يكلمنى
آسيا: انا جاية معاكى يا نشوى
طلعت مامتها من المطبخ
ام اسيا: لا تروحى فين ،انتى تطلعى عالموافير تاخدى جلسة شعرك
ووشك زى كل يوم
مالكيش دعوة بالى بيحصل هنالازم تستريحى
لمى: هروح انا معاها
تبارك ( جرت لمى ) ههههه لاااا ارجعى للنيش ،يارا هتروح معاها
عشان متتعبش فالتوضيب هنا
لمى : وانتى هتعملى ايه يا ستنا الشيخه
تبارك : انا الى هوضب اوضة النوم وافرشها ( شاورت لواحدة من قريبات اسيا)
تعالى معايا حبيبتى
وجدان : يعنى انا وقع فقرعتى اوضة المكتب بتاعت سيادة العقيد!
يلا مفيش مشاكل
ام سليم : خدى يا وجدان انتى طويلة ،علقى صورة
سليم هنا
وجدان: موقع متميز يا طنط لبنى والله ،كلكو عيله نشنجيه كده
علقت صورة سليم وهو بالكاب والبدلة ومامته شافتها وعيونها دمعت
نشوى: مالك يا طنط فيه ايه
ام سليم: فرحانه والله ...ابنى خلاص هيتجوز
كان نفسي ابوه يعيش لليوم ده
كان هيفرح اوى
ام اسيا: الله يرحمه ( بتطبطب عليها) بقولك ايه ياست لبنى
انا هتكسف ارقص للعيال دول فالفرح
بس بصراحه مش عارفه امسك نفسي
دى اول فرحتى
وجدان: اشطااااا عليكى با زينبوووو شغلوا مهرجان يابنات
رقصت مامت اسيا ف وسط البنات وهى فرحانه واخدت ايد ام سليم
عملت حركتين ع ادها وفضلت تضرب فالبنات الى بيرقصوها
بالعافيه
وفالحنه !!
كانت مريم وصلت طبعا والجمع كمل ، شقة اسيا مزحومه بنات
معارف وجيران واصحاب
ده غير البنات السته
رقص وغنى وفرحانين ....اما عند العريس
فاصحابه الظباط كانوا بيحتفلوا بيه بطريقه خاصه ..
صاحبه : امسك يا سليم باشا
سليم( مسك السيجارة منه ) ايه دى معاليك
صاحبه ٢:دى ياسيادة العقيد سيجارة حشيش متلغمه
بس ايه الفرش اصلى
من ابو رغوة ههههههه
سليم: حشيش ايه الله يخربيوتكم ،اثبت يا حضرة الظابط
!!
صحابه بيضحكوا وهو بيضحك
صاحبه: ياسيدى بقالنا اد ايه فى ادارة مكافحة المخدرات ،طباخ السم
بيدوقوا برضو
صاحبه٢:معنى كده ان سليم فالآداب يبعت يجيب نسوان ونقضى الليلة
كلهم : هههههههههههه
سليم: والله انتوا عيال فاقدة
صاحبه: بقولك ايه انت هتخبط الچوب ده ،وهتبقى هوبا هاى
سليم: يخربيت الهوبا الى انتوا ماسكين فيها
الصبح انس ابن خالتى يقولى بكرة يومك فالهوبالالا
وانت دلوقتى تقولى هوبا هاى
صاحبه٣:اسمع بس بكرة دخلتك،وانت اسد الداخليه
عايزينك تشرفنا يا وحش
سليم: اسكت يا شيطان المبادئ مبتتجزأش
صاحبه: يا باشا الچوب ده هيظبطك ظبطة السنين
سليم،: ولا سنين ولا غيره انا كده تمام، وواثق فنفس كمان
كلهم وقعوا عليه كنوع من الغلاسه وهما بيهزروا
صحابه: اوعى الوحش...ربنا يستر عالعروسه !!!
وبعد الحنه بليل رجع وقعد مع مريم وانس ومراد
الام: بص بقى ابوك كان وصيته انك ففرحك تجيب رقاصه
سليم( اتخض) رقاصه!!! لا طبعا يا امى
الام: يابنى دى وصية ابوك
سليم: مع احترامى لوالدى الله يرحمه بس انا مش هعمل كده
لا طبعا
سكتت مامته وزعلت
انس: م خلاص يا استاذ بركات انت ...ده فرح
ومش اى فرح
سليم باشا سيادة العقيد
يعنى لازم يكون فيه صهلله وشخلله ولطلطه
سليم: ياحماعة كل دفعتى الظباط هيحضروا
ورؤسائى وزوجاتهم
ومدير الامن شخصيا
بتهزروا اكيد
الام: خلاص براحتك يا سليم
مريم( قامت وقعدت جمبه وباسته فخده) خلاص بقى
متزعلش خالتو
مشيها رقاصه ونقول انس الى جابها( بتضحك)
مراد شاف قعدتها والبوسة ووشه اتغير لكن متكلمش
سليم: رقاصه ايه دى بقى الى تيجى وبكرة الفرح لا اتفقنا معاها
ولا حاجه
انس: بالتليفون ..كله موجود
ده انت معاك انس اسماعيل ياباشا ...ده كلام!!
，`·，`·，`·，`·，`·，`·，`·，`·，`·，`
المكان ...فندق راديسون بلو بالاسكندرية
الحدث ...فرح اسيا وسليم
كتيب التهنئة والامنيات كان برة لاصحاب العروسين يتكتب فيه
التهنئة
وكله كان منتظر ع احر من الجمر وقت نزول العروسة من فوق
لان جاتلها ميكب ارتست مخصوص واتحجز لها غرفة فالفندق هى والعريس
رأفت بابا اسيا ومامتها ومامت سليم وبابا وجدان
واهل مراد
كلهم فى استقبال المدعويين الى كان معظمهم ظباط ووكلاء نيابه
انس واصحابه واقفين برضو مستنين
وفغرفه اسيا
كانوا البنات برضو عملوا ميكاب وخلصوا ،ماعدا لمى عملت ميكاب وشعر
ملبستش الحجاب ففرح اختها مع ان اختها كانت محجبه عادى وهى العروسة !
جه سليم خبط عالباب
وطلعت العروسة والبنات وراها يرشوا الملح ويزغردوا
والفيديو مان متابعهم
وعالشاشات الناس متابعه
نازلين عالسلالم
والفرقة تحت مستعدة والرقاصة
وهما داخلين القاعة زغرودة عاليه من البنات
ووقفوا العريس والعروسة
ودخل انس يرقص بالسكاكين مع الرقاصة رقصة الاسكندرانيه
المشهورة
جت وجظان اخدته من دراعه وشدته
ولمى قلعت الشال من ع كتفها ورقصت قصاد الرقاصة وكان باين عليها
الفرحه اوى
مامت اسيا دموعها نزلت من الفرحه وهى شيفاها عروسة وميلت ع ودن جوزها وقالت
"انا من زمان كان نفسي سليم الى يكون من نصيبها،الحمدلله يارب"
البنات شدوا اسيا من ايدها وعملوا دايره حواليها ورقصوها
تبارك كانت لابسه نقاب وعبايه سوارية نبيتى وكانت قمر وعمرو كان وقف ع جنب
جنبها وسايبها تفرح مع اصحابها
ويارا وياسين كانوا بيسقفوا وفرحانين اوى
ودخلت مريم ببطنها الكبيرة زائد حمل الشهر السابع
وده ممنعهاش ترقص قدامهم
بس الى كان غريب وشافته وجدان بس دموعها الى نزلت وهى بترقص
جرى سليم الى نسى نفسه عريس وميل عليها مترقصش
ووداها ل مراد وكان بيتحايل عليها مترقصش تانى وباس ايدها
وبعدين الزفه دخلته للقاعه وقعدوا عالكوشه
عملوا اشهار لكتب الكتاب
ع مسامع الناس الحاضرة كلها
وبعدها جم شوية ظباط قمرات من سن سليم اخدوه يرقص وياهم
ورغم انه مش بيعرف وبيخجل جدا لكن الفرحه سيطرت عليه ورقص معاهم
وخصوصا لما اتدخل انس ورقص قدامه
البنات كلهم لازقين عالكوشة جمب اسيا بيتصوروا
وجدان: ماشاءالله الداخليه كلها مشرفه
الى معاها قلم كحل قلم روچ تخبيهم
لب ابيض لب سورى انا مش مسؤوله
اسيا( فودن مريم قعدت جمبها مكان سليم) اتجننتى يا مريم ترقصى وانت حامل
مريم: معنديش اغلى منكم ..ثم ان البيبي مش هيجراله حاجه
اسيا حضنتها وحضنوا بعض اوى
مريم: زى القمر ربنا يسعدكم يارب
يارا وقفت جمب اسيا وميلت عليها
يارا: انتم السابقون ونحن اللاحقون
اسيا: بجد !! فرحتينى يا يورا الف مبروك ياقلبي
يارا: عقبال لمى ونشوى عشان يكمل العدد
نشوى واقفه بعيد جمب الكوشة بتسقف وجه حد وقف جمبها
شاب: من قرايب العروسة
نشوى( ابتسمت) لا جيرانى هى والعريس بس زى اخواتى
شاب: عقبالك ( ابتسم)
نشوى( ابتسمت) متشكرة
جت فقرة التورتة ، قطعوها وجه وقت كل حد ياكل التانى حته فبوقه
وكل م ياخدوها الويتر يعاكسهم ويشيل الشوكه
ف من غير قصد سليم يبوس اسيا
مريم متابعه زيها زى كل البنات
ودموعها نازله ع وشها رغم الابتسامه ومن غير سبب ،بس المرة دى جوزها
الى اخد باله !
الفرح شطب
وكل حد روح ،والعريس والعروسة
فاولى خطواتهم لشقة الزوجية
دخلت اسيا وهى مكسوفه ودخل سليم
قعدت ع فوتيه فالريسيبشان
وهو واقف
بيفك الببيونه
سليم( فكها وقعد جمبها) يعنى كان يحصل ايه لو الناس تتجوز من غير بدل !
اسيا ابتسمت
سليم: خنيقه مش متعود عليها
اسيا: مع انك بتلبس بدلة الشرطه ع طول
سليم: لا التانيه تختلف ( بيبصلها اوى) بسم الله ماشاءالله عليكى يا اسيا
زى القمر
اتكسفت وبصت فالارض
براحه شال التاج من ع راسها ،وشال الطرحه
وبدأ يفك الحجاب
اسيا: متتعبش نفسك انا هشيلهم
ابتسم لها وهى صحكت بكسوف
سليم: مبسوطه؟ كان حلو الفرح
اسيا: اه
سليم : تعرفى انك بجد جميله اوى
و قرب عليها وهى غمصت عيونها وباس شفايفها لاول مرة !!
وبعدها شالها بفستانها بالشوز بكل حاجه ودخل بيها الاوضة
والساعة ٢
رن موبايله رنات كتير ورا بعض كان ناسى يقفله !!
اتخض هو وهى ،شال الغطا وفتح النور
وبص لاقاها مامته
سليم( مخضوض) الو!!
الام: انا اسفه ياسليم عارفه انك عريس بس انا مش عارفه اتصرف
لا انا ولا مراد
اسيا بتقوم وبتسحب الغطا لفوق وهى بترجع شعرها ل ورا
اسيا: فيه ايه
سليم: خير يا امى
الام: مريم بتولد دلوقتى وهى فالسابع وبتتألم خايفه عليها
سليم ( بخضه وقام من السرير ) ايه بتولد ،امى بالله عليكى
خليكى جنبها!! انا جاى حالا
，`·，`·，`·，`·，`·，`·，`·，`·，`·，`
استنونا الاحد ان شاء الله
#نوتيلا
#نورإسماعيل
，`·，`·，`·，`·，`·，`·，`·，`·，`·，`
نوتيلآ ❥❥
الفصل (36
， `·，`·，`·，`·，`·，`·，`·，`·，`·，`·，`·
سليم ومامته جايين مع انس
لشقة وجدان
عشان هو انهاردة عريس ...وجاى يتكلم رسمى !
سمارى: يا مرحب يا مرحب يا ام سليم
ام سليم: تسلمى يا حجه سمارى تعيشى
رؤوف: مبروك الترقية ياسيادة العقيد ،عارف جاية متأخر
بس الشغل طول الوقت واخدنى
سليم: ولا يهمك الله يبارك فحضرتك
انس: اومال مش شايف الدبله منورة ف ايده ولا ايه ياعم روؤف
رؤوف( بيضحك) هههه وجدان قالتلى ومعرفتش يومها اجى
حتى رأفت ابو آسيا زعل
بس تتعوض فالليلة الكبيرة بقى
انس :وبالنسبة ل ليلتى انا ياعمى ؟! ايه الكلام
ايه الاخبار
فين الاهرام ( سليم غمزه )
سليم: ( بصوت واطى ف ودنه) اهدى شوية خليك تقيل
انس: طب مانا هادى اهو شايفنى متعلق فالنجف
دخلت وجدان بالمشروب ...كانت من اجمل طلاتها
لابسة فستان وحاطه ميكاب خفيف
ونسى نفسه انس وقام وقف ع حيله باصص عليها
انس: الصلاة عالنبي ..احنا نبعت نجيب المأذون دلوقتي
سليم (شده من هدومه قعده) خليك مظبوط بقى ..اقعد!!
انس: حاضر ( باصص لوجدان بابتسامه ) هااااح
رؤوف بابا وجدان ضحك ع حركات انس اوى ،قعدت وجدان
جمب باباها اخد ايدها وحضنها بكف ايده
رؤوف: عارف وجدان دى يا انس ،روحى الى عايش بيها
وعيونى الى بشوف بيها
احلى حاجه سابتهالى المرحومه امها
انت انهاردة بتطلب تاخد روحى منى
انس: معلش ياعمى ماهى دى سنه الحياه ،اكيد مش هتخللها جمبك
ام سليم( بصت لانس يسكت) وهى مش هتبعد عنك يا بشمهندس
طالما سليم هيتجوز فشقته الى اشتراها زمان دى
اتفق معايا انس انه هيتجوز فشقتنا ،هيوضبها توضيب جديد
حتى كمان عشان مبقاش لوحدى بعد م يتجوزوا كلهم ويسيبونى
سمارى: وماله يا ام سليم ، حتى عشان متبعدش عننا المقروضة دى
وجدان: اهو ده قرار زباله انت خدته يا انس
رؤوف: بنت!!!
سليم: هههههههه ....ماشاء الله تنفعوا مع بعض خالص
انس: طب هاه ياعمى نقرا الفاتحه ؟
رؤوف بص لوجدان الى اتكسفت وبصت فالارض
انس: متقلقش الشقة اهى عليا والتوضيب والعفش واللذى منه
والشبكة الى تنقيها
انتو بس هاتولها كيتشن ماشين وحشايه كرنب عشان انا بحب
المحشى اوى
كلهم: هههههههههههه
سمارى: عارف يا واد يا انس ،هتاخد ست بيت شاطرة
واسطى بريمو فالحلويات (ضربته بالعكاز)
انس: عارف والله من غير ضرب
سليم: طيب نقرا الفاتحه ،والشبكة اخر الاسبوع ان شاءالله
يابشمهندس
رؤوف: ايه رأيك يا عروسه
وجدان ضحكت وبصت بعيد
رؤوف: خلاص ع خيرة الله ،الفاتحه
قروا الفاتحه كلهم ...
ام سليم: هتعمل الخطوبه فين يا انس؟
انس: لاااااا سيبوا دى ليها ترتيب تانى خالص ( غمز لوجدان )
`·，`·，`·，`·，`·，`·，`·，`·，`·，`·，`
زغاريد زغاريد كتييييير كتييير ...
انس بيلبس وجدان الدبل
وباس ايدها وهو بيلبسها الانسيال الانفنتى ، والخواتم
وفالسلسله بيلبسها وباس خدها وضربته ..
قامت ترقص مع البنات واول مرة يشوفوها فرحانه كده
والدور جه ع وجدان فتشغيل ليها اغنية منازل
قلعت شوزتها وطلعت فوق تربيزة وهاتك يارقص
البنات كانوا حاسين ان دى مش وجدان
من فرحتها اتبدلت خالص وكأنها واحدة تانيه ...
وقام انس وقطع الاغانى ،،
انس: هوووووب كله معايا هنا الله يكرمكم
لبسنا الدبل
زغردنا
هيصنا
عملنا كل الحركات
عم رؤوف تمام كده؟!
رؤوف بيضحك عليه
انس: خلاص زقططنا ستى سمارى وخالتى لبنى والعالم
كلهم والقرايب والحبايب
دى الخطوبة بتاعتكم بقى
خطوبتنا لسه هتبدا
قومى
وجدان: ع فين؟
انس: ع خطوبتنا بجد ...يلا يابنات
يلايا سليم
نزلوا تحت ولاقوا عربية كوبيه مكشوفه مستنياهم
وفوق ال ٢٠موتوسيكل
عليهم صحاب انس راكبين
انس: يلا اشقيا اسكندريه !!
الشباب: يلا يا عم العالم
ركبوا ال كوبيه مكشوفه وجدان وانس
بس مش راكبين عادى
لا راكبين فوق الكنبه الورانيه
وبيسوق بيها حد من صحابه ،
وشغال صاحبه يطوح بيهم شمال ويمين ويعمل حركات بيهم
وهما اصلا بيرقصوا عالاغانى الشغاله فالعربية
وراهم ع طول عربية سليم عليها ورد من قدام وراكبه جمبها
آسيا ووراهم لمى ونشوى
و ال ٢٠موتوسيكل بيزفوهم وكل دول ماشين فشوارع
اسكندرية وكل الناس اتفرجت عليهم وهما معديين
وجم عند الكافيه شاور انس انهم ينزلوا
ونزلوا البنات وسليم ونزل انس ووجدان وفالشارع
رقص قصاد بعض
ساعات بهبل وساعات بجد
والبنات والشباب عاملين دايرة حواليهم وبيسقفوا ويزغردولهم
وبعدها انس واصحابه رقصوا مع بعض وعملوا نمرة كلهم
بيرقصوا رقص واحد
وهو القائد كانهم متدربين عليها
والبنات بيسقفوا وفرحانين ليهم اوى ...
المرة دى المسؤل عن الصور هى لمى
صور كتير كتير كتييير
كان يوم حلو وكانت خطوبة مجنونة وكله كان بيحكى عليها
نامت وجدان وهى بتبص للدبلة مش مصدقه نفسها
كتبت ع صفحتها الشخصية
"شكلها كده جت رجلى فالسكه ...استر يا لطيف 😉"
`·，`·，`·，`·，`·，`·，`·，`·，`·，`·，`
وبعدها ب كام يوم
كانت نشوى عندها معاد مهم ...برفقة اسيا !
نشوى :سعدية ، خدى القطة دى
سعدية : ليه ؟
نشوى : عادى ربيها
سعدية : طب م ترموها فالشارع
آسيا: نرميها ايه دى شيرازى يا بنتى ، ربيها
اكليها شربيها
حميها
دى قطة لطيفه خالص
سعدية: سيبك من القطة والكلبه ،عاملة ايه انتى مع حضرة الظابط
آسيا،( ابتسمت) الحمدلله تمام
سعدية: والنبي انتى الى فيهم ...كسبتى البريمو والله
نشوى: المهم خلصينا يا سعدية عشان ورانا مشوار مهم
حميها بشاور چل
واكليها جبنه نستو
لانشون
حطيلها لبن ..هى بتحب اللبن اوى
سعدية: وانا مالى انا بتحب اللبن ولا مبتحبوش
اذا كنت انا نفسي مباكلش الحجات دى
وقال احميها ايه ...احميها بشامبو دى كمان
انا ابويا بيجيبلى صابونه ب نص جنيه
بستحمى بيها فوق ال ٥مرات وبطلع فلة بعدها
ياعم خدوها انتو مش ناقصة انتى قطط ولا ذوات
نشوى: معلش يا سعدية ...طيب اكليها اى حاجه
آسيا: حرام يا نشوى ممكن الكلاب تاكلها
سعدية: عشان مرات حضرة الظابط بس ،اصل سليم باشا
ده حته من كلوتى والله
متزعليش يعنى
آسيا: هههههه لا عادى
سعدية: خلاص هاتوها وهاكلها من الى باكله ( ماسكة سندوتش)
خدى كلى طعميه
هى اسمها ايه؟
نشوى: حس حس
سعدية: ايه ده يعنى ايه
آسيا: سميها الى تسميه انتى يا سعدية ...يلا بينا احنا
مشيوا وركبوا تاكسى سوا ..
نشوى: وانا باخد باقى مرتبي ...كان باصص لى
كنت حاسة انه عايز يقولى حاجه ،مشيت من غير م ابص ناحيته
اصلا
وسلمت عليهم كلهم م عدا هو
آسيا( بتطبطب عليها) متزعليش يا نشوى ،بكرة ربنا يعوضك
نشوى: ( اتنهدت) الحمدلله
آسيا: مش هتدورى ع شغل غيره طيب ؟
نشوى: لا ..انا تعبت
هقعد فالبيت
وصلوا للمكان الى رايحينه ، عيادة الدكتورة النفسيه
الى كانت بتتعالج عندها تبارك
سألتها اسيا وقالتلها لكن لا تبارك سالت ليه
ولا اسيا قالت عشان مين
سر نشوى ،بعد حسام معرفتش حد بيه
غير اسيا
واسيا كانت ونعم من يؤتمن ، محدش من باقى البنات عرف
واشتغلت ع ان ازاى تقدر تنقذ بواقى نفسيه نشوى المتدمرة
فكرت فعلاج نفسي الاول وبشوفوا ممكن تكون ايه الخطوة الى وراها
الدكتورة: انا شايفه بعد كل الى حكيتوه ده
ان نشوى معندهاش اى مشكله نفسيه مع اى راجل
بدليل انها حبت واتحبت
ولو هو كان وقف جمبها كانوا اتجوزوا وشاركتوا حياته
بطبيعيه
آسيا: يعنى هى كويسة يا دكتورة ؟
الدكتورة : جدااا
اسيا: طيب ووو
الدكتورة: قصدك المشكلة انها مش بنت ، وانها لازم تمارس حياتها
زى اى بنت تتخطب وتتجوز مش كده
نشوى: حضرتك شوفتى ،لما قولت الصراحه اتخلى عنى
الدكتورة : فحالتك انتى يا نشوى لازم العملية
اسيا ونشوى بصوا لبعض
الدكتورة: انتى مش بنت سيئة او كنتى ع علاقه عشان تخافى
من العملية
انتى بتنقذى نفسك
وللاسف فمجتمعنا مش هتلاقى الراجل الى يعرف سرك
ويتحمله ويكمل معاكى
لذلك ...لازم عمليه
نشوى ابتدت تدمع واسيا بتطبطب ع رجلها
الدكتورة: فى زميلة فالطب البشرى بتعمل العمليات دى للخير
للبنات المحترمه
يعنى الى بتبقى نتيجه حادثة او واقعه ،او اغتصاب زى نشوى
ممكن اقولكم عليها تروحولها
اسيا ونشوى بصوا لبعض
اسيا: ياريت رقم تليفونها واسمها حضرتك ...
`·，`·，`·，`·，`·，`·，`·，`·，`·，`·，`
العتاب ساعات بيزود المشكله
بس دايما الشخص الى بيعاتب بيبقى مستنى حاجه من الطرف التانى
مستنى منه خطوة
مستنى حاجه جديدة تحصل تطوى عالمشكله وتهدى خاطره
وخلاص .
فعتاب ل احمد من لمى ، كان واضح عليها اوى
انها مقدرتش ع بعده طول الفترة الى فاتت
شهرين وشوية من وقت مكالمتها الاخيره له ، وهو مفيش رد
ولا مقابله
ولاهى ...لكن هى كانت بتواصل مراته عادى
وضحكت عليها فى حوار الندوة لحد م نسمة اساسا نسيته
.
ويمكن هى ولمى اتصاحبوا اوى ،حتى مبقاش ع لسان نسمة
غير سيرتها
وولاده حبوها اوى .
لمى: ياااااه ... كويس انك رديت
احمد: ومردش ليه يعنى
لمى: من وقت م كلمتك اخر مرة لا كلمتنى ولا عملت جديد فموضوعنا
احمد: اصل لاقيتك عصبيه وقتها فقولت لما تهدى
لمى: يا اخى ايه البرود ده ! وتفتكر بتسيبنى شهرين اهدى
احمد: عاوزه ايه يا لمى ؟ انتى مش بقيتى انتيمه مراتى
خلاص والولاد معندهمش غير سيرتك
لمى : وانت ؟
احمد: انا ...انا ايه بقى م خلاص
الى انتى عاوزاه بتعمليه وكأن مفيش حد بتشوفيه غير نفسك
لمى: احمد انت بتشك انى بحبك !
احمد: ولما بتحبينى بتعملى كده ليه؟
لمى: عشان عايزة نتجوز ،عايزة اكون فالنور معاك
نخرج سوا
نتفسح نتصور
اكلمك ف اى وقت
انا بقرب من مراتك وبيتك عشان يعرفونى اكتر
عشان لما نتجوز ونبقى كلنا سوا ميحسوش انى غريبة
وانى خدتك منهم
احمد: يالمى طريقتك غلط ،انا قولتلك انى هحل كل حاجه
بس بالهداوة
لمى : انت واقف مكانك ومبتعملش حاجه يا احمد
السنين بتفوت وبتتحسب عليا
وانا بالنسبة لك مجرد نزوة
احمد: مين قالك انك نزوة ،انا فعلا بحبك
وبحب ولادى
ومراتى
لازم افكر ازاى هوازن بينكم
وانتى بتحسبينى طول الوقت انى شايف دورى كويس
مع اهل بيتى
وانى مش بقصر فشغلى
وبتتهمينى بانى مقصر معاكى
ولما اشرحلك تهددينى ...وتقوليلى عليا و ع اعدائى !!
لمى : انا راضية بان يكون كل وقتك لبيتك وولادك ومراتك
وراضية بالى فاضل يكون لاصحابك وشغلك ومعارفك
مش عايزة منك غير دقيقه ان شالله تشحتهالى!
عندى رعب انى اصحى فيوم ومتكونش فحياتى
بدأت تعيط وهو سمع صوتها ...
احمد: طيب اهدى ...كل حاجه هتتحل وقريب اوى
لمى( معيطه) ازاى
احمد: قريب ...بس سيبنى افكر هعمل ايه ؟
اتفقنا
لمى( بتمسح دموعها) اتفقنا !
`·，`·，`·，`·，`·，`·，`·，`·，`·，`·，`
مريم طايرة من الفرحه وهى بتجهز شنطها بحركتها
البطيئة بسبب الحمل
مريم: هحطلك دول كمان يا مراد
مراد ( بيحلق دقنه طلع يبص) ماشى
مريم : الله مش قادرة اصدق ،كلها ساعات واروح المطار
وساعات كمان وابقى فمصر
فرحااااانه
مراد: طيب بالراحه لحسن البامبينو ينزل قبل معاده
مريم : ع فكرة البيبي فرحان ومزقطط زيي بالظبط
انا حاسه بخبطته
مراد: انا مش عارف سليم مكانش اخر فرحه لبعد م تنزلى وتولدى عندهم
مريم: لا كده احسن ...عشان اخد اخر شهرين دول عند خالتو بقى
يااااه
وسليم واسيا فشقتهم هبقى عندهم ليل ونهار
واشوف انوس التوضيبات الجديدة الى عملها فالبيت
مراد( مسكها من دراعها ولفها لحضنه) ومش مهم انا اكون معاكى
مريم: لا طبعا مهم ،هو انت مش هتحضر الفرح وتمشى
وتيجى عالولادة
مراد: اه ...بس مجبتيش سيرتى فالشهرين الى هتقعديهم فمصر
دوول انى هوحشك
كل الى هامك خالتك وسليم وانس بس
مريم ( ارتبكت) احم ! ماهو انت هتوحشنى يا مراد طبعا
وبعدين اوعى كده عشان متعطلنيش
مراد: للدرجه دى مبسوطه ؟!
مريم بطلت تحط الهدوم وسكتت وبعدها قالت
" حاسه ان من فرحتى روحى سبقتنى ع هناك "
，`·，`·，`·，`·，`·，`·，`·，`·，`·，`
فرش بيتفرش ، فضيات بتترص فالدولاب
وحجات بتطلع من الكراتين
وبنات كتير بتشتغل عالاغانى بصوت عالى ...
عشان فرش شقة سليم واسيا ❣
بنت خالة اسيا: احط الفاز دى فين يا خالتو
وجدان: هاتيها ارقص بيها شويه !! اكيد هتتحط هنا
يا ناس عالدلسوار
روحى بس انتى ساعدى خالتك وام العريس فحاجة المطبخ
نشوى: ايدك معايا يا لمى يلا نخلص اوضة الاطفال
لمى: لاااااا انا مشغولة فتظبيط دولا الفضيات والنيش محدش يكلمنى
آسيا: انا جاية معاكى يا نشوى
طلعت مامتها من المطبخ
ام اسيا: لا تروحى فين ،انتى تطلعى عالموافير تاخدى جلسة شعرك
ووشك زى كل يوم
مالكيش دعوة بالى بيحصل هنالازم تستريحى
لمى: هروح انا معاها
تبارك ( جرت لمى ) ههههه لاااا ارجعى للنيش ،يارا هتروح معاها
عشان متتعبش فالتوضيب هنا
لمى : وانتى هتعملى ايه يا ستنا الشيخه
تبارك : انا الى هوضب اوضة النوم وافرشها ( شاورت لواحدة من قريبات اسيا)
تعالى معايا حبيبتى
وجدان : يعنى انا وقع فقرعتى اوضة المكتب بتاعت سيادة العقيد!
يلا مفيش مشاكل
ام سليم : خدى يا وجدان انتى طويلة ،علقى صورة
سليم هنا
وجدان: موقع متميز يا طنط لبنى والله ،كلكو عيله نشنجيه كده
علقت صورة سليم وهو بالكاب والبدلة ومامته شافتها وعيونها دمعت
نشوى: مالك يا طنط فيه ايه
ام سليم: فرحانه والله ...ابنى خلاص هيتجوز
كان نفسي ابوه يعيش لليوم ده
كان هيفرح اوى
ام اسيا: الله يرحمه ( بتطبطب عليها) بقولك ايه ياست لبنى
انا هتكسف ارقص للعيال دول فالفرح
بس بصراحه مش عارفه امسك نفسي
دى اول فرحتى
وجدان: اشطااااا عليكى با زينبوووو شغلوا مهرجان يابنات
رقصت مامت اسيا ف وسط البنات وهى فرحانه واخدت ايد ام سليم
عملت حركتين ع ادها وفضلت تضرب فالبنات الى بيرقصوها
بالعافيه
وفالحنه !!
كانت مريم وصلت طبعا والجمع كمل ، شقة اسيا مزحومه بنات
معارف وجيران واصحاب
ده غير البنات السته
رقص وغنى وفرحانين ....اما عند العريس
فاصحابه الظباط كانوا بيحتفلوا بيه بطريقه خاصه ..
صاحبه : امسك يا سليم باشا
سليم( مسك السيجارة منه ) ايه دى معاليك
صاحبه ٢:دى ياسيادة العقيد سيجارة حشيش متلغمه
بس ايه الفرش اصلى
من ابو رغوة ههههههه
سليم: حشيش ايه الله يخربيوتكم ،اثبت يا حضرة الظابط
!!
صحابه بيضحكوا وهو بيضحك
صاحبه: ياسيدى بقالنا اد ايه فى ادارة مكافحة المخدرات ،طباخ السم
بيدوقوا برضو
صاحبه٢:معنى كده ان سليم فالآداب يبعت يجيب نسوان ونقضى الليلة
كلهم : هههههههههههه
سليم: والله انتوا عيال فاقدة
صاحبه: بقولك ايه انت هتخبط الچوب ده ،وهتبقى هوبا هاى
سليم: يخربيت الهوبا الى انتوا ماسكين فيها
الصبح انس ابن خالتى يقولى بكرة يومك فالهوبالالا
وانت دلوقتى تقولى هوبا هاى
صاحبه٣:اسمع بس بكرة دخلتك،وانت اسد الداخليه
عايزينك تشرفنا يا وحش
سليم: اسكت يا شيطان المبادئ مبتتجزأش
صاحبه: يا باشا الچوب ده هيظبطك ظبطة السنين
سليم،: ولا سنين ولا غيره انا كده تمام، وواثق فنفس كمان
كلهم وقعوا عليه كنوع من الغلاسه وهما بيهزروا
صحابه: اوعى الوحش...ربنا يستر عالعروسه !!!
وبعد الحنه بليل رجع وقعد مع مريم وانس ومراد
الام: بص بقى ابوك كان وصيته انك ففرحك تجيب رقاصه
سليم( اتخض) رقاصه!!! لا طبعا يا امى
الام: يابنى دى وصية ابوك
سليم: مع احترامى لوالدى الله يرحمه بس انا مش هعمل كده
لا طبعا
سكتت مامته وزعلت
انس: م خلاص يا استاذ بركات انت ...ده فرح
ومش اى فرح
سليم باشا سيادة العقيد
يعنى لازم يكون فيه صهلله وشخلله ولطلطه
سليم: ياحماعة كل دفعتى الظباط هيحضروا
ورؤسائى وزوجاتهم
ومدير الامن شخصيا
بتهزروا اكيد
الام: خلاص براحتك يا سليم
مريم( قامت وقعدت جمبه وباسته فخده) خلاص بقى
متزعلش خالتو
مشيها رقاصه ونقول انس الى جابها( بتضحك)
مراد شاف قعدتها والبوسة ووشه اتغير لكن متكلمش
سليم: رقاصه ايه دى بقى الى تيجى وبكرة الفرح لا اتفقنا معاها
ولا حاجه
انس: بالتليفون ..كله موجود
ده انت معاك انس اسماعيل ياباشا ...ده كلام!!
，`·，`·，`·，`·，`·，`·，`·，`·，`·，`
المكان ...فندق راديسون بلو بالاسكندرية
الحدث ...فرح اسيا وسليم
كتيب التهنئة والامنيات كان برة لاصحاب العروسين يتكتب فيه
التهنئة
وكله كان منتظر ع احر من الجمر وقت نزول العروسة من فوق
لان جاتلها ميكب ارتست مخصوص واتحجز لها غرفة فالفندق هى والعريس
رأفت بابا اسيا ومامتها ومامت سليم وبابا وجدان
واهل مراد
كلهم فى استقبال المدعويين الى كان معظمهم ظباط ووكلاء نيابه
انس واصحابه واقفين برضو مستنين
وفغرفه اسيا
كانوا البنات برضو عملوا ميكاب وخلصوا ،ماعدا لمى عملت ميكاب وشعر
ملبستش الحجاب ففرح اختها مع ان اختها كانت محجبه عادى وهى العروسة !
جه سليم خبط عالباب
وطلعت العروسة والبنات وراها يرشوا الملح ويزغردوا
والفيديو مان متابعهم
وعالشاشات الناس متابعه
نازلين عالسلالم
والفرقة تحت مستعدة والرقاصة
وهما داخلين القاعة زغرودة عاليه من البنات
ووقفوا العريس والعروسة
ودخل انس يرقص بالسكاكين مع الرقاصة رقصة الاسكندرانيه
المشهورة
جت وجظان اخدته من دراعه وشدته
ولمى قلعت الشال من ع كتفها ورقصت قصاد الرقاصة وكان باين عليها
الفرحه اوى
مامت اسيا دموعها نزلت من الفرحه وهى شيفاها عروسة وميلت ع ودن جوزها وقالت
"انا من زمان كان نفسي سليم الى يكون من نصيبها،الحمدلله يارب"
البنات شدوا اسيا من ايدها وعملوا دايره حواليها ورقصوها
تبارك كانت لابسه نقاب وعبايه سوارية نبيتى وكانت قمر وعمرو كان وقف ع جنب
جنبها وسايبها تفرح مع اصحابها
ويارا وياسين كانوا بيسقفوا وفرحانين اوى
ودخلت مريم ببطنها الكبيرة زائد حمل الشهر السابع
وده ممنعهاش ترقص قدامهم
بس الى كان غريب وشافته وجدان بس دموعها الى نزلت وهى بترقص
جرى سليم الى نسى نفسه عريس وميل عليها مترقصش
ووداها ل مراد وكان بيتحايل عليها مترقصش تانى وباس ايدها
وبعدين الزفه دخلته للقاعه وقعدوا عالكوشه
عملوا اشهار لكتب الكتاب
ع مسامع الناس الحاضرة كلها
وبعدها جم شوية ظباط قمرات من سن سليم اخدوه يرقص وياهم
ورغم انه مش بيعرف وبيخجل جدا لكن الفرحه سيطرت عليه ورقص معاهم
وخصوصا لما اتدخل انس ورقص قدامه
البنات كلهم لازقين عالكوشة جمب اسيا بيتصوروا
وجدان: ماشاءالله الداخليه كلها مشرفه
الى معاها قلم كحل قلم روچ تخبيهم
لب ابيض لب سورى انا مش مسؤوله
اسيا( فودن مريم قعدت جمبها مكان سليم) اتجننتى يا مريم ترقصى وانت حامل
مريم: معنديش اغلى منكم ..ثم ان البيبي مش هيجراله حاجه
اسيا حضنتها وحضنوا بعض اوى
مريم: زى القمر ربنا يسعدكم يارب
يارا وقفت جمب اسيا وميلت عليها
يارا: انتم السابقون ونحن اللاحقون
اسيا: بجد !! فرحتينى يا يورا الف مبروك ياقلبي
يارا: عقبال لمى ونشوى عشان يكمل العدد
نشوى واقفه بعيد جمب الكوشة بتسقف وجه حد وقف جمبها
شاب: من قرايب العروسة
نشوى( ابتسمت) لا جيرانى هى والعريس بس زى اخواتى
شاب: عقبالك ( ابتسم)
نشوى( ابتسمت) متشكرة
جت فقرة التورتة ، قطعوها وجه وقت كل حد ياكل التانى حته فبوقه
وكل م ياخدوها الويتر يعاكسهم ويشيل الشوكه
ف من غير قصد سليم يبوس اسيا
مريم متابعه زيها زى كل البنات
ودموعها نازله ع وشها رغم الابتسامه ومن غير سبب ،بس المرة دى جوزها
الى اخد باله !
الفرح شطب
وكل حد روح ،والعريس والعروسة
فاولى خطواتهم لشقة الزوجية
دخلت اسيا وهى مكسوفه ودخل سليم
قعدت ع فوتيه فالريسيبشان
وهو واقف
بيفك الببيونه
سليم( فكها وقعد جمبها) يعنى كان يحصل ايه لو الناس تتجوز من غير بدل !
اسيا ابتسمت
سليم: خنيقه مش متعود عليها
اسيا: مع انك بتلبس بدلة الشرطه ع طول
سليم: لا التانيه تختلف ( بيبصلها اوى) بسم الله ماشاءالله عليكى يا اسيا
زى القمر
اتكسفت وبصت فالارض
براحه شال التاج من ع راسها ،وشال الطرحه
وبدأ يفك الحجاب
اسيا: متتعبش نفسك انا هشيلهم
ابتسم لها وهى صحكت بكسوف
سليم: مبسوطه؟ كان حلو الفرح
اسيا: اه
سليم : تعرفى انك بجد جميله اوى
و قرب عليها وهى غمصت عيونها وباس شفايفها لاول مرة !!
وبعدها شالها بفستانها بالشوز بكل حاجه ودخل بيها الاوضة
والساعة ٢
رن موبايله رنات كتير ورا بعض كان ناسى يقفله !!
اتخض هو وهى ،شال الغطا وفتح النور
وبص لاقاها مامته
سليم( مخضوض) الو!!
الام: انا اسفه ياسليم عارفه انك عريس بس انا مش عارفه اتصرف
لا انا ولا مراد
اسيا بتقوم وبتسحب الغطا لفوق وهى بترجع شعرها ل ورا
اسيا: فيه ايه
سليم: خير يا امى
الام: مريم بتولد دلوقتى وهى فالسابع وبتتألم خايفه عليها
سليم ( بخضه وقام من السرير ) ايه بتولد ،امى بالله عليكى
خليكى جنبها!! انا جاى حالا
，`·，`·，`·，`·，`·，`·，`·，`·，`·，`
استنونا الاحد ان شاء الله
#نوتيلا
#نورإسماعيل
，`·，`·，`·，`·，`·，`·，`·，`·，`·，`
ليست هناك تعليقات:
إرسال تعليق